لوحة القادة

انا مستغرب و مش عارف ليه محدش لاقي حاجة يكتبها .. مع ان ما شاء الله كلنا لقينا حاجات كتير نكتبها في كل المواضيع اللي على الساحة ولا عشان سيد غلبان؟!! الحقيقة اصبت برعشة شديدة لما حطيت نفسي مكان سيد بلال أصل انا من الناس اللي بيقولوا عليهم متشددين متطرفين وحشين .. و عندي لحية و بأروح المسجد و بأحضر دروس و حاجات من اللي كان بيعملها سيد اترعبت لما رسمت زي ما قلتلكم قبل كدة في موضوع البحر .. رسمت فلاش باك مستقبلي لنفسي لو أنا مكان سيد اترعبت لما شفت حزن أمي و أبويا على شبابي و على تعذيبي ... حتى الموتة ما عرفتش أموتها في هدوء اترعبت لما فكرت في بنتي اللي عمرها مقارب لعمر ابن سيد .. سنة و نص .. و اللي هتتربى بدون أب اترعبت على زوجتي اللي مش بس اترملت و هتعيش من غير زوج .. لأ دي كمان ممكن تعيش مطاردة من الأمن و قد يطلعوها شريكتي .. في ايه أنا مش عارف؟!! اترعبت على كل الشباب الملتزم اللي هيخاف و يترعب من اللي حصلي و من اللي مش هيخاف و ممكن يحصله زي ما حصلي اترعبت على مصر .. مصر اللي خلاص بتقتل في ولادها بدون تمييز .. اسف يا مصر .. بحبك و الله .. نظام مصر اللي بيقتل فينا بدون تمييز امبارح كان في لقاء محاوراتي صغنتوت كدة .. قلت للشباب و الله قلبي واكلني على مصر و واجعني .. و أنا في مصر كنت عايش و السلام أنا في دنيا و مصر في دنيا .. شغلي و حياتي و سفرياتي و أهي ماشية .. لما جيت هنا و شفت مصر و اللي بيحصل في مصر .. لما بصيت عليها من برة .. اااااه يا بلدي و الله العظيم عرفت قد ايه هي غالية و قد ايه صعبانة عليا و قد ايه قلوبنا واجعانا عشانها و الله بنحبك يا بلدنا .. بس بنحبك حضن دافي يضم ولاده و الله بنحبك يا بلدنا .. بس بنحبك أمان و ملجأ لولادك و الله بنحبك يا بلدنا .. بس بنحبك تلمينا مش تفرقينا و تقطعينا و الله بنحبك يا بلدنا .. بس بنحبك نضيفة خالصة لينا مش لناس يدبحوا فينا ربنا يرحمك يا سيد و يرحمنا معاك و يرحم سيد زيك كتييييييير ما عرفناش ولا هنعرف عنهم حاجة!! مكاوى .. سيبها على الله

السلام عليكم و رحمة الله و بركاته م الآخر كدهون انا هحط كل اللي في نفسي ممكن يا جماعة لمدة أسبوع واحد بس نحاول نتغلب علي موجة الحزن و اليأس و الانسحاب اللي فعلا حاساها اتمكنت من روحنا انا مصدقة ان المنتدي هنا ده الوطن اللي بحاول اعوض بيه الغياب عن الحضن الحقيقي حقيقي ان احنا بنمر بظروف صعبة لكن انتو مش واخدين بالكم من حاجة احنا مع بعض بنطبطب علي بعض طب ليه كل طاقتنا دي منحولهاش طاقة بناء خلينا نتبت في حاجات جوانا حلوة هطلب منكم....الله يكرمكم لمدة اسبوع.. طب بلاش خلوه 3 ايام.... طب بلاش خلوه يوم و نص..... عايزين نتكلم في حاجات ترفع معنوياتنا تبني إيماننا بالخير لسه موجود تقوينا....و تعلينا حتي لو فيه خبر منيل و مزفت من مصر...معلشي في اللفظ.....حاولوا حاولوا من فضلكم نعيد قراءته بزاوية تانية و مش معني كده اني بقلل من اي مصيبة حصلت....لكن منسبشي الحزن يجرنا لدوامة نشوف بيها كل حاجة باللون الغامق ممكن من فضلكم و احنا بنطرح مواضيعنا....منتخانقشي....و لا نتحمق...و لا نتعصب ممكن احسن انا خلاص قربت اقول جاااااااي فيه واحد رافع ايده و بيقولي يا بنتي مش عاجبك الحال عادي يعني متخشيش المنتدي و طبعا ده الطالب المحروم من اعمال السنة للعام الدراسي 2011- 2012(وش البت ايمي غانم و هي طالعة في فيلم عسل اسود و بتزعق و بتقول مين طلعني من الكيلاس) معاكو حق.....بس بقيتوا حتة مني....و الحتة دي يعز عليا اسيبها يشدها الحزن لتحت و ده مش معناه ابدا ان محدش فينا موجوع من الي حصل و لا اللي بيحصل بس خلونا نشد بعض لطاقة نور مافيش حاجة تغلب الوجع و تجيبه تثبيت اكتاف ع الارض غير لما نشمر و نقف علي رجلينا تاني الغربة مش اني اسافر في مكان تاني الغربة اني و انا في المكان التاني يفضل مشيول جويا الوجع اللي فكرت اسافر عشان انساه الغربة اني افتح بيبان قلبي ع الوجع و اسيبه يستعمرني...و يموت روحي ببطء تعالوا نقوي بعض تعالوا....نعاند الحزن و هنغلبه بس مش هقدر اعملها لوحدي عايزة اطمن ان احنا بخير بس خلاص ع جنب بقي سامحوني...و اعتبروها يعني حبة فضفضة...و بحبكم كلكم و كونوا دايما معاندين للحزن

السلام عليكم و رحمة الله و بركاته حين طالعني عنوان هذا المقال "قل لي ماذا تحمل أقل لك من أنت" تبادر إلي ذهني أنه ربما يكون احد اختبارات الشخصية التي تستنبط بعض من ثنايا ملامحك الانسانية بمجرد أن تتعرف علي ما تحتويه حقيبتك و لكني وجدت في المقال منحني آخر و راقني كثيرا أتمني لكم قراءة ممتعة المقال للاستاذة الدكتورة هبة رءوف عزت أستحضر يوما عبارة قرأتها بأحد كتابات لماما سلوي...."من أراد أن يحيا سعيدا فعليه أن يعيش خفيفا" يبقي التساؤل ماذا نحمل....أيدل حقيقة علي هويتنا و امتدادنا في الحياة؟؟؟ أيكون ما نحمل....حملا يدنو بنا من طريق السعادة أم هو ثقل يزداد وطأة و نصنعه قيدا يثقلنا يوما عن آخر؟؟؟ ماذا نحمل؟؟؟ تحياتي

خطابى بصيغة الجمع .. موجه إلى المخربين المتدثرين بعباءة الدين (مسلمين ومسيحيين) .. وإلى الذين يسلمون عقولهم لهم طائعين مختارين .. وإلى القائمين على ملف الاحتقان الطائفى فى بلدى .. القادة من رجال الدين ، القادة من رجال السياسة ، القادة من رجال الأمن ، القادة من رجال الإعلام بابا الفاتيكان يفتتح اللحن المزعج : وعلى نفس الوتر يعزف وزير خارجية إيطاليا فرانكو فراتينى : ويرد الكومبارس اللبنانى : وآخر المنشدين (حتى الآن ففقرات الحفل لم تنته بعد) هو نيكولاى ساركوزى : هذا هو اللحن المزعج الذى يجرى عزفه على خلفية حادث الإسكندرية .. آآآآآآآه يا اسكندرية .. فليتذكر فاقدوا الذاكرة ، وليتعلم الجهلاء .. أن الاسطول البريطانى الذى كان ينتظر الفرصة أمام شواطئ الإسكندرية .. ويترقب الذريعة ليضع القدم البريطانى على أرض الوطن ، قد وجدها بعد حادثة المالطى والمكارى (العربجى) فى الاسكندرية وهى الحادثة التى تطورت من اختلاف على الأجرة إلى اشتباكات بين المصريين والأجانب لتهدى الذريعة (ذريعة حماية الأقليات) على طبق من فضة إلى الاسطول المتربص ، ليضع القدم البريطانى على أرض الاسكندرية ومصر "المحروسة" ولا يرفعها إلا بعد سبعين عام. اسمعوا .. واعوا أنتم الآن تعيدون التاريخ .. أطراف ثلاثة يتعاملون بغباء شديد مع موضوع حساس .. وباقى الأطراف تتعامل – بالتبعية - بنفس الغباء .. وأنا أكتب قفزت إلى ذهنى ذكريات الصبا وأفلام "المغفلين الثلاثة" أو The Tree Stooges .. يا لسخرية الزمن .. أتذكر أفلاما مضحكة وأنا أشاهد فيلما مأساويا لو نظرنا إلى الأسباب – الظاهرية – لتأجيج الاحتقان الطائفى الذى كان موجودا لسنوات وينفخ فيه النافخون بكل غباء لندخل فى نفق الأزمة التى نمر بها حاليا .. لو نظرنا إلى ذلك نجد طرفا غبيا ادعى أن امرأة راهب قد ذهبت لتشهر إسلامها فسلمها الأزهر للكنيسة .. ثم تختفى المرأة يقال إن تسليمها مخالف لنص سورة الممتحنة .. فيقال ولكنها لم تؤمن .. فيقال فأين هى ؟ .. فيقال فى مكان أمين خوفا عليها من القتل بدعوى الردة .. ويقال إن المكان الأمين الأمين تعرفه الداخلية ... فيقال .. ثم يقال .. ثم يقال .. ثم تنفجر الدماء .. والفاعل مجهول معلوم هل رأيتم غباءً مثل هذا ؟ لماذا لم تنقل الكنيسة والداخلية تلك المرأة إلى مكان أمين آخر (وياما اكتر الأماكن الأمينة التى تعرفها الكنيسة والداخلية) .. ثم يجرى معها أحد برامج التوك شو حوارا تعلن فيه عقيدتها .. ثم تعود مرة أخرى إلى مخبئها الأمين أو إلى أى مخبأ أمين آخر أو تخرج لتعيش بين الناس إنها نفس القصة .. الأمس : المالطى .. المكارى .. الأجرة اليوم : إسلاميون .. كنيسة .. امرأة غدا : ابقوا اقعدوا على تلها .. ده لو لاقيتوا تل تقعدوا عليه ملحوظة : أتوقع الاتهام بتسطيح أسباب الأزمة .. وأتوقع إعادة قصة "الجمل سفينة الصحراء" .. فرصة أخرى لتضييع الوقت .. والتغافل عن ما تردد على ألسنة بندكتوس ، و فرانكو فراتيني ، وأمين الجميل ، وساركوزى يالله .. كملوا .. اخربوها

الإختلاف كبير بين الإرهاب الذي تعرضت له كنيسة القديسيين وراح ضحاياه 22 مواطن مصري كان يحتفلون بأعيادهم. وإرهاب آخر ضحيته مواطن مصري أسمه سيد بلال ربما يكون العدد في الحالة الأولى غير متوازن بالمرة مع الحالة الثانية ، ولكن ما أعنيه هنا هو الإرهاب المتوافر على الجريمتين، وإليكم المقارنة : -إرهاب كنيسة القديسيين إرهاب متخفي ، ولكن إرهاب سيد بلال إرهاب رسمي. -إرهاب كنيسة القديسيين إرهاب يقتل نفسه مع الواقعة ، ولكن إرهاب سيد بلال إرهاب (عينه قوية) ومتكبر وجبار. -إرهاب كنيسة القديسيين سيقف الكل في وجهه وبأعلى صوت ، ولكن إرهاب سيد بلال لن يقف أمامه أحد لأنه سيواجه مصير سيد بلال. -إرهاب كنيسة القديسيين خلف ضحايا تم تشييع جنائزهم على الملء والكل مكلوم ، ولكن إرهاب سيد بلال خلف ضحية تم تشييعها في سواد الليل بالأمر المباشر. -إرهاب كنيسة القديسيين لا يرضى به أحد ولو علم به مصري لصد صاحبه وربما قطع يده ، ولكن إرهاب سيد بلال لو علم به أحد ما أستطاع فعل شئ لأنه سيكون معه في نفس الصف. وفي النهاية .. لدي قناعة .. ربما علم البعض بما سيحدث ، وبالرغم من أنه سيلام عليه ، ولكنه، ينحني قليلا ليتلقى صفعة كنيسة القديسيين ليستطيع من بعدها توجيه الركل والضرب والرفس في أمثال سيد بلال. تحياتي ...

للاسف ياسيدي الفاضل فالي حضرتك بتوجه لهم خطابك مش هيقروه.. كل الي بيقرأ لك النهرده هم الي هيحسوا ويشوفوا ويعيشوا نتائج مايدبر لكن الي دبر والي خطط صدقني مش معانا هنا ولا هيفرق معاه بنكتب ايه .. الخطه واضحه وصريحه ضرب مسلمي مصر بمسيحييها .. مش هينفع لردع الضربه التمسك بالوطنية ولا شعاراتها .. المسيحيين بيعتدى عليهم ده خلاص واقع منقدرش ننكره ولا هيبرد دمهم الي راح اننا نقولهم معليش حقكم علينا مش احنا الي عملناها .. المسلمين بقوا في قفص الاتهام مهما حاولوا ينفوا التهمه واقصى مايمكننا الحصول عليه هو تبرءة الطرف الآخر لنا كل واحد على حده . . ايوه انا عارف انك يافلان كويس بس الي عملوها من بقية المسلمين مش كويسين .. ايوه في فئة عاقلة من المسلمين ومعتدلين بس البقية عاوزه تخفيينا من على وش الارض . . المتدينين من المسيحيين الي راحوا يصلوا القداس انصابوا وماتوا هناك .. والمتدينين برضه من المسلمين هم الي هيدفعوا الثمن وبلال رحمه الله عليه مجرد بدايه .. ولا عزاء للطرفين بكل اسف .. وباسف اشد لا اتوقع ان الي حصل ده هيكون نهايه .. هنقدم تنازلات كتير جدا عشان نثبت اننا ابرياء وبرضه مش هيعجب .. ببساطه لان الي خطط مخططش للاكتفاء بشويه تنازلات ولما كان تحقيق الامان للمسيحيين في مصر مش هو الهدف فبكل اسف حتى لو تنازلنا فالامان ده مشكوك في حصوله .. مين المحرك الحقيقي للاحداث ؟ الله اعلم .. الحقيقة الوحيده في كل الي بيحصل ان الضعف الي حصل لنا كمسلمين هو السبب.. في عقود سابقة كان من المستحيل التفكير مجرد تفكير ان دولة اجنبية تفرض وصايتها على ارض اسلامية لاضطهاد اقليات فيها .. كنا اقويه حاميين نفسنا وحاميين الي عايش معانا .. لما ضعفنا فرضت تيارات منحرفة رايها على الفكر الشعبي وكل واحد بقى بيدور على الدين بطريقته .وطغى التدين المظهري على الدين الحقيقي كانت دي النتيجه .. اصبح من السهل فرض مخططات خارجية واصبح من السهل تهديد امن من يفيد تهديد امنه في تحقيق الغرض .. مزيد من التنازلات مزيد من الضعف مزيد من الخسائر للطرفين .. اقولها بصدق . مسيحيي مصر في خطر حقيقي فبكل اسف النية مبيته لقتلنا بيهم ..

أختي الكبيرة و بلدياتي و بنت حتتي .. أم مروان .. ازي مروان عامل ايه :) و الله يا أم مروان أنا مش معتبر حد الحد التاني أبداً .. بس بجد أنا عشات الاحساس اللي كتبته .. مش احساس الفرقة .. لا .. احساس لما حطيت نفسي مكان سيد .. أصل أنا رحت زي ما راح سيد قبل كدة .. بس رجعت بيتنا عادي .. متخيل اني لو كنت في مصر و خدوني ممكن ما أرجعش لسلمى؟؟!!! حسيتي بيا؟ حسيتي بسيد؟ معلش حاولي .. ممكن الاحساس ما يوصلش أوي لحضرتك .. مش قصور في حضرتك لا سمح الله لأ .. إنما لعدم اكتمال الظروف .. يعني حضرتك مش أب و رب أسرة مسؤل .. و حضرتك مش شاب ملتزم (ملتحي أو غير) و حضرتك ما رحتيش أمن الدولة (على ما أعتقد) المهم .. أنا بس و الله حسيت اني ممكن و في أي لحظة أكون مكان سيد و ما أرجعش لسلمي .. ولا أشوفها ولا تشوفني تاني عارفة يا أم مروان .. سلمى في مصر بقالها 20 يوم بعيد عني .. تعرفي ان البنت ما بتاكلش و مريضة من يوم ما بعدنا ع بعض؟!!! العيل بيحس بالحب و الحنان و لو فقدهم بتكون كارثة بكل المقاييس .. و لا يمكن حد يعوضه عنهم .. بالذات لو كان حنان الأب و حضنه ..... و أمانه :( اسف و الله يا أم مروان و يا أي حد ممكن يكون ضايقه كلامي بس و الله عشان بجد قلبي وجعني على نفسي و بنتي قبل ما يوجعني على سيد ثم على مصر مكاوى

السلام عليكم أنظر الى قائمه اغنى اغنياء العالم تجد فيهم اربعه من مصر و كلهم من عائله ساويرس فهل لو هناك اضطهاد او تمييز كانوا وصلوا لما هم فيه و نظره الى حال الاعمال فى مصر للمتخصص يا محمد سيكتشف ذلك بسهوله المسيحيين فى مصر يعيشون و يمارسون التجاره مثلهم مثل غيرهم و هناك انواع معينه من التجاره متخصصون فيها منها ..لو ..تدرى تجاره الذهب مثلا . فاى تمييز تدعيه او يدعيه غيرك ؟؟ فى الدول التى تمارس التمييز و الاضطهاد الحقيقى الحصول على مجموع فى الثانويه ليس هو الكافى لدخول الجامعه او التعليم من بابه لكن لأنه ليس هناك تمييز و اضطهاد فى مصر فالكل متساوى فى نيل حقه و نهذا ما قلته انت بقصه النجاح و الحصول على المجموع ... و لو انك ركزت اكثر فى كلامى للاحظت انى لم اقارن المسيحيه بالاخوان لتخرج بتلك النتيجه الغريبه انا قارنت بالاستاذ سيكولوجى المسيحى و أخر إخوانجى عند التقدم لوظيفه ما من منهما سيتعرض للاضطهاد اكثر؟ المنصف سيعرف النتيجه بحياديه . منذ يومين قال مثل ذلك الشيوعى السابق رفعت السعيد فى مجلس الشورى فرد عليه صفوت الشريف الليبرالى إن عدد الكنائس المبنيه فى عهد مبارك تساوى مثيلاتها منذ عهد الخديوى سعيد !!!! و احب افكرك انه عندما مكن الله المسلمين اعادوا بنيامين الهارب الى كرسيه و امنوه و رمموا له كنيسته و عاش المسيحيين ازهى عصورهم فى كنف المسلمين حتى تحولت مصر كلها الى الاسلام باستثناء 5% ما زالت على ديانتها مقبوله و متعايشه دون مشاكل عكس اى اقليه فى العالم كله و لو عندك دليل او مثال اخر عليك به فى الوقت الذى كانوا فى اوروبا يتقاتلون كالوحوش و لا ادرى هل تعرف بالمذابح التى ارتكبها الكاثوليك مع البروتوستانت و الاورثوزوكس مذابح و استئصال بمعنى الكلمه و الاندلس يا محمد سمعت عنها ؟؟ هو ده عين العقل و ما كان يجب قوله من البدايه العمل إرهابى ..متفقين و على العين و الرأس من فعله هو ارهابى خسيس يمثل نفسه و لا يمثل اليهوديه او المسيحيه او الاسلام و ليس حجه على اي منهم ..لكن نقطه نظام لو الفاعل مسلم يتجه الاتهام قطعا للاسلام و هذا كان اول ثمار 11سبتمبر و هل امريكا استطاعت ان تشن الحرب الا من خلال تلك الفريه الم تكن تلك اول خطوات صراع الحضارات و نهايه التاريخ و لا انت ما قرأتش فوكوياما و هنتنجتون هذا كلام الاعلام يا محمد و هدفه و هذا ما حدث فى الاعلام المصرى عقب الحادث مباشره و لا ادرى هل انت معذور لعدم متابعتك له ..ربما لكن يا محمد الكل ركب الموجه للهجوم على الدين من خلال الفاعل المفترض انه ارهابى ..اى مسلم حتى وصل الامر ان ممثلين تافهين ..تخيل ..ممثل تافه ذهب عصره يهاجم الدين ..و يستغل الفرصه للظهور امام الاضواء التى انحسرت عنه منذ زمن و لكنها مولد و مالوش صاحب للاسف فضلا عن مرتزقه الصحافه الصفراء و السوداء و كل الالوان التى تجلب الاخضر و الاصفر و لو تريد نماذج ارسلك لتعرف من هم .

ذنبه ان أبوه لبسه جلابيه وده يعتبر مشروع إرهابي وبكرا يبقي وصي عليهم ويقولهم أعملوا ومتعملوش وهما عاوزين الحرررررررررررررررررية يعني الواد ده مثلا هي هيزور في الانتخابات لا طبعا طب هيقبل رشاوي لا برده طب هيبقي مشروع لعيب كورة ولا مغني فاشل وسياسي منافق ولا " أمبوسيبل " بصي عليه عينه كلها تحدي وتصميم واحنا عاوزينه باصص في الأرض خلاص يبقي من بدري بدري نجفف منابع الإرهاب ونقتل له ابوه وامه واللي يتشدد يعني لا منه ولا كفاية خيره :closedeyes: :closedeyes:

السلام عليكم الاخوه الكرام جزاكم الله خيرا . يا اخ عبد المطلب امرك غريب و كلامك أغرب هكذا بكل بساطه إزهاق ارواح البشر ..تجاوز .. و كيف حكمت بادانته بسبب تكرار اعتقاله الا تعلم ان هناك قانون طوارئ و الاعتقال للاشتباه من ابجدياته ثم انه لو مدان ما خرج من الاعتقال يا عبد المطلب نعم ؟؟ حوادث فرديه ؟؟!!! :blink: سمعت عن خالد سعيد يا عبد المطلب سمعت عن احمد شعبان اللى مات فى قسم ثان سيدى جابر كل دول و غيرهم الكثير ..حوادث فرديه برضه يا... عبد المطلب ... :angry:

السلام عليكم الاخوه الكرام جزاكم الله خيرا .هذا اول بند فى الفاتوره جراء حادثه الاسكندريه التى يجب و حتما و لابد و لازما ان يكون المسلمين و السلفيين تحديدا هم الفعله هكذا بدون مواربه يجب ان يلبسوها و عندها لدى النظام المبرر لتبرير التنكيل الذى يفيده لاسباب عديده الفتره القادمه ..اهمها تمهيد الجو تماما لانتقال السلطه القادم لا محاله سواء قبل الانتخابات او بعدها .. .فضلا عن رؤيه اطراف اخرى انها فرصه سانحه لاستغلال تلك الحادثه لتحقيق بعض المأرب و رد الاعتبار و فى الاسكندريه تحديدا دون غيرها خلال كل هذا يتجاهل الكثيرين حقائق دامغه حتى الان لم يتحدد الجناه و الذين تتوجه التحقيقات و الحقائق اليهم يوما بعد يوم و يتأكد بشكل لا يتطرق اليه الشك انهم غير مسلمين نعم غير مسلمين و مسلمى مصر على وجه التحديد و ليتحمل كل من ساهم و لو بحرف جزاءه فى تحميل المسلمين جريمه كهذه هم منها براء قبل القول الفصل فيها مخالفا ابسط قواعد العدل و ان المتهم برئ حتى ثبوت إدانته بكل المقاييس و التحليلات مسلمى مصر اخر المستفيدين من هذه التفجيرات تماما و هذا ما سيتأكد فى الايام القادمه بإذن الله المصيبه هل سيستطيع النظام إعلان ذلك . رحم الله سيد بلال و جعل موته بهذا الشكل فى ميزان حسناته و ان يثيبه الله جزاء الشهداء و نسأل الله الستر و التثبيت لباقى المسلمين الذين سيؤخذوا بهذه الجريمه بلا ذنب . حسبنا الله و نعم الوكيل

مساء الخير ،، بالحقيقة احترت اين اضع هذا العمل .. اين اضع قصة شهرزاد .. التي استمتعت بروايتها على لسان ابطال مختلفين هم : اغابي - مغتربة - اركتيكت - لماضة مصرية جدا - مصرية مغتربة - نايت مار - سمبا وآخرون لهذا قررت ان يكون مكانه هنا .. في باب الشعر والادب والقراءات لتكون تدوينة لجهد ادبي مميز .. لابد ان يحصل على حقه ( احكي يا شهرزاد ) موضوع من طراز آخر .. بنكهة أخرى .. حاولت ان اجاري ابطاله .. فقط لاكتشف ان موهبة الادب لا تولد مع المرء .. بل هي موهبة يهبها الوهاب لمن شاء من خلقه لمن لم يتمتع بحروف ذلك الموضوع بعد ... هنا رابطه احكـــــى يا شــهــــرزاد ولا يفوتني ان اشكر المهندس اركتيكت الذي اوحى لي بفكرة هذا العمل .. بعد ان قدمت عملا مشابه في موضوع شيكو المميز مذكرات بنوتة مفروسة وارجو من المشرفين بعد ايام من عرض هذا الموضوع ان يدمجوه مع التوبيك الرئيسي .. احكي يا شهرزاد فأنا لو حاولت ان - اجاريهم - في الكتابة الابداعية لن استطيع ولوبعد مئة عام لكن قد استطيع ان .... ما تيجوا نشوف http://www.youtube.com/watch?v=l6tEa51jt8M وقتا طيباً ارجوه لكم

bsh:) بداية هذا التشابه أن هذا الكأس قوى ويتحمل ظروف كثيرة لكن بلحظة قد يكون قابل للكسر السريع .. وهذه المرأة تجدها قويه مربيه ولكنها في لحظة من اللحظات تصيبها حالة من الضعف الشديد المؤدي للكسر . من جهة أخرى إن هذا الكأس إن وضعت فيه عسل فأنت ستشرب العسل . وان وضعت فيه شراب مر أو ماء عكر فأنت ستشرب المر والعكر لامحاله :sad: . وان وضعت فيه مشروب حار فستجني الحرارة :wub: . ومن جهة المرأة فهي ليست ببعيد عن هذا الكأس فان أعطيتها الحلو ستجني الحلو . وان عاملتها بالمر العكر ستجني المر العكر . وان علمتها على الحرارة فستجني حرا قاسيا وان لا فستجني بردا . لذلك اللبيب من يضع في هذا الكأس الحلو ليشرب الحلو . والغبي المغفل من يضع في هذا الكأس المر العكر وينتظر أن يشرب شرابا حلو smk: . ايضا المرأه إذا اصابها خدش من الصعب ان تصلحه ..المرأة مخلوق رقيق art:) . ولكنها تقف شامخه امام الصعاب !!! المرأه هادئه . وتنقلب الى بركان عند غضبه ا . اذا اردت ان تسعد حياتك ايها الرجل . اسعد من تعيش معك . في تلك اللحظه ستكون انت الامير المدلل bnd5:: . وهي من تفني عمرها في خدمتك . من الممكن ان تشعل المرأه اصابعها العشره لك شموع . في حاله واحده فقط ؟ اذا احست انك تستاهل ان تحرق اصابعها من اجلك ولا يكفيها احراق الاصابع . بل من الممكن ان تحرق عمرها من اجلك ..

المقال بالذات الجزء الأخير فيه يثير شجون وتفكير عميق أنا شخصيا مؤمنة أن كل ما أحمل شئ سيثقلني ويشدني للأرض أكثر وأنا بأحلم أني أصل للسماء فعلا جملة ماما سلوي "من أراد أن يحيا سعيدا فعليه أن يعيش خفيفا" حقيقية مائة بالمائة كل ما الانسان كان خفيف يقدر يعيش سبيل ودائما من زمان كل ما أقرأ مقولة (كن في الدنيا كعابر سبيل) أنا مش متأكدة هو حديث أم مقولة لكن الجملة كانت ولازالت تثير في داخلي التفكير ......عابر السبيل لايحمل من المتاع الكثير وإذا أخذ القرار بالرحيل ففي ثواني يتحرك بدون الحاجة لجمع الكثير من الأشياء فماذا عني؟ وأنا أدرك يقينا أني عابرة سبيل وأيامي معدودة فما هي أحمالي؟ وأثقالي؟! يقينا نحن مانحمل.....أي ما نحمله يعبر عن مابداخلنا وليس المقصود الأشياء في حقائبنا لكن ماهو في قلوبنا لهذا قررت ألا أحمل شئ إلا الحب فهو الشئ الوحيد المضاد للجاذبية فلن يثقلني وسيأخذني في حلمي للوصول للسماء مساكي بلا أحمال يا لماضة

اختبار تحليل شخصية عن طريق لعبة أو قصة أنت بتختار من اختيارات متعددة اختبار لطيف ولما جربته لقيته جميل ونتيجته إلي حد ما صادقة ومعبرة المفروض أنه مبني علي دراسات لعلم النفس ياريت تجربوه ويعجبكم وكل واحد يقول نتيجته رابط الاختبار الاختبار نتيجتي طلعت بالشكل ده

ايوة ممكن يشترى الفيزا بس لازم تكون من شخص ثقة و مضمون ولو ان الموضوع كله حظوظ فى الاخر . عموما الاخوة هنا ممكن يفيدوك اكتر . وبالتوفيق ان شاء الله

مصطلحات \ تعريفات غسيل الدماغ \ Brainwashing \ التفكيك النفسي ,, هو استخدام طريقة ما (او عدة طرق معا) للتحكم في فكر شخص معين (او مجموعة اشخاص ) واتجاهاته دون رغبته أو إرادته

العجة الخضراء المقادير: * 7 بيضة * 1/2 ك بروكلي مقطع قطع صغيرة * 1/3 كوب شوفان سريع التحضير * 1 م ك كاتشاب * 3-4 م ك حليب منزوع لدسم * 1/2 ك بقدونس مفروم * 1/3 كوب بصل أخضر مفروم * 1/3 ك جبن موزاريلا مبشور * ملح و فلفل الوصفة: فقط قومي بمزج جميع المكونات ثم ضعيها في طاسة كبيرة تيفال مدهونة بالزيت وسابقة التسخين.

فوووووووول المقادير: ( الكمية حسب الرغبة و عمر الطفل و هى تصلح لجميع الأعمار إبتداء من عمر سنة ) فول مدمس / فليل من : الملح و زيت نباتى و كمون و عصير ليمون / زبادى / خيار / خبز فينو الوصفة: ----------- يضرب الفول فى الخلاط و يصفى ويتبل بالملح و الزيت و الكمون و عصير الليمون و يقدم مع الزبادى و الخيار و الخبز و يجمل الطبق حسب الرغبة طبعا الطبق دا معروف و قديم قدم الزمن لكن عجبني شكل الطبق نفسه و ان كان هايبقى احسن لو بدلت الزبادي باللبنة

تعجيز ايه بس يا باشا ... يا سيدي لو انتا لسه بالقرون الوسطى احنا تعديناهم خلاص :closedeyes: ولو جات على الاختراعات .. بص على البلاي ستيشن السعودي دا http://www.youtube.com/watch?v=LjBO127hS5w وما تنساش اخر مباراة لنا مع اليابان غلبناهم 3 - 2 .. يعني مافيش حد احسن من حد :closedeyes:

تمخض الجبل فولد فأر مسلوخ مالوش أي لازمه

ابو الاسيان ادام الله ظله الوارف موضوعك ذو عدة ابعاد 1- التفرقة العنصرية 2 - رأي بعض الناس من العامة في كارثة ستحل قريبا ببلادهم لا قدر الله 3 - موضوع الانفصال السوداني ================================= ابدأ بالحديث عن التفرقة العنصرية .. هذه التفرقة العنصرية - شأنا ام ابينا - موجودة عند كل البشر .. الامم المتقدمة وغير المتقدمة .. السود والبيض .. تفرقة عنصرية في اللون او العرق او الدين .. واعتقد ان كل مغترب هنا لمس الوانا من التفرقة العنصرية ... تقل او تزيد ... على حسب الدولة التي هاجر اليها ثمة قوانين تجرم العنصرية في اوروبا وامريكا ... وهي قوانين صارمة .. وتظهر بشكلها الاكثر صرامة عندما يتعلق الامر باليهود .. في انجلترا مثلا .. لا يمكن ان تلمح مظهرا عنصريا يتعلق بالبيع او الشراء او الحقوق والواجبات .. لكنك ستجدها في اي مجال لا يجرمه القانون ... هم ينظرون لذوي الالوان المختلفة من شرق وجنوب بنظرة اقل دونية - في داخلهم - ولا يجرؤوا عن التعبير عنها الا فيما بين بعضهم البعض ... في دول العالم الثالث نجد هذا الامر .. ايضا .. في حالة السودان .. لو كان زملاؤك من اقليم الجنوب ستسمع الكثير والكثير مما يضحكك - ويغيظك - عن اهل الشمال .. اذهب الى اي يمني شمالي ... بعد ان توثق صداقتك معه جيدا ... واسئله عن رايه الصريح في اهل الجنوب اليمني ... ستسمع العجب العجاب ... والجنوبي سيتهم الشمالي بكل شي ء .. هذه نظرة العامة .. والتي تقف الدبلوماسية السياسية لتعبر عن موقف الدول المجامل والهادي ء غالبا يا سيدي الفاضل .. اذهب الى اليوتيوب ... وشاهد تعليقات اي مقاطع تتعرض لبعض فئات المجتمع في اي دولة عربية .. سترى كل ما يثير الاشمئزاز من الكراهية في نفوسهم ... صدقني .. ارى ان زملاؤك السودانيين هؤلاء هم في قمة الادب .. اذ عبروا عن رايهم بشركاؤهم بهذه الصورة المؤدبة ... نعم ... اراها صورة مؤدبة ... مقياسا بما يمكن ان يقوله غيرهم .. عن شريك وطن لم يرى منه الا اهوال الحروب وانواع المشاكل .. وفشل تام في العيش المشترك شخص تربي منذ صغره على كراهية الاخر .. واعتباره عدو لدود يخبأ سلاحه في جوف بيته تأهبا ليوم النزال ,, .. سأضرب لك مثلا .. باختصار .. رايك انت كمصري في اسرائيلي صهيوني .. رايك فيه وقد تربيت منذ صغرك على كراهيته .. هم يرونه نفس الشيء .. ان لم يكن قد كان هناك قتيلا في جهة ما وثار لم يخمد بالصدور يتجدد كل حين .. لا اعتقد انها عنصرية بقدر ما هي كراهية تراكمت منذ عقود ... في مشكلة الجزائر ومصر ايام المباراة اياها .. سمعنا انواع التعليقات من الطرفين .. لا اريد ان انكأ جراحا اندملت .. لكن اعتقد الكثير قد كون صورة للاوصاف التي ممكن ان يطلقها العامة في حالة الكراهية .. ان هناك من قد تصل فيه الكراهية لحد اطلاق نعوت تكفيرية .. واتهامات بالعرض .. لمجرد مباراة .. فما رأيك بحروب لسنوات وسنوات ... ما انا متأكد منه .. ان زملائك السودانيين .. قد قالوا شيئا مخففا للغاية عما يجيش بصدورهم ولو اطلعت على دواخلهم لاكتشفت ما هو اكثر ... ليس هذا حصرا عليهم .. بل بكل البشر هل التفرقة العرقية اكبر .. ام التكفير .. الذي نكتوي بناره ليل نهار في مجتمعاتنا هل التفرقة العنصرية اكبر .. ام سب الدين والعرض والامور المقدسة لطرف اخر لا لشيء الا لان التاريخ حكم عليه بمعاداته لامور سياسية او قبلية او رعوية او مباراة رياضية .. بالنسبة للانفصال من يدري .. قد يكون الانفصال حلا .. في بعض العمليات الجراحية لا حل الا البتر .. ان فشلت السياسات والحروب على مدة عقود في لم شمل شعب واحد .. فصدقني .. لا حل سوى البتر رغم كل ما يثيره بالنفس من الم وغضاضة ,, لست متشائما بطبعي .. لكني لا ارى الامور في ضوء اخر

السلام عليكم ورحمة الله وبركاته انا كتبت الموضوع دة في باب موضوعات شخصية ........ علشان بتمنى اننا ندعمه بتجاربنا الشخصية ونقدر نفيد ونستفيد من بعض الموضوع جالي علي الايميل عظَمة عقلك تخلق لك الحساد .. وعظَمة قلبك تخلق لك الأصدقاء في الحقيقة هذه من أجمل الرسائل التي وصلتني أتمنى قراءتها ببصائركم لا بأبصاركم المحطة الأولى:- لكي تدرك قيمة العشر سنوات .... إسأل زوجين انـفـصلا حديـثاً لكي تدرك قيمة الأربع سنوات .... إسأل شخص مـتخـرج من الجامعة حديثاً لكي تدرك قيمة السنة .... إسأل طالب فـشـل في الاختبار النهائي لكي تدرك قيمة الشهر .... إسأل أم وضعت مولدوها قبل موعده لكي تدرك قيمة الأسبوع .... إسأل محرر في جريدة أسبوعية لكي تدرك قيمة الساعة .... إسأل عـشاق ينتظرون اللقاء لكي تدرك قيمة الدقيقة .... إسأل شخص فاته القطار .. الحافلة .. أو الطائرة لكي تدرك قيمة الثانية ولكي تدرك قيمة الجزء من الثانية .... إسأل شخص فاز بميدالية فضية في الأولمبياد وفي الأغلب يكون الفرق بين الذهب والفضة أجزاء قليلة من الثانية لكي تدرك قيمة الصديق .... إخسر واحد لكي تدرك قيمة الأخت .... إسأل شخص ليس لديه أخوات لكي تدرك قيمة العشرة ....... إسأل خطيبين علي وشك الانفصال لكي تدرك قيمة الحياة .... إسأل عن إحساس من على فراش الموت لكي تدرك قيمة ذكر الله ..... مت وأنظر ماذا فقدت من عمرك وأنت غافل *الوقت لا ينتظر أحد وكل لحظة تمتلكها هي ثروة وستستغلها أكثر إذا شاركت بها شخص غير عادي* المحطة الثانية :- تخيل .... أنك واقف يوم القيامة وتحاسب ولست بضامن دخول الجنة وفجأة ..... تأتيك جبال من الحسنات , لا تدري من أين !!..... من الاستمرار بقول :- ' ســبـحـان الله وبحمده ســبــحـان الله العظيم'

فصمت قليلا..... ثم قال....... - وريني حبيبتي كده !! ( رشف من الكوب رشفه ) - ( مجاملا ) كده حفضل اجري وراكي طول العمر :happy: تنظر له بنصف ابتسامه فيرتبك ,, تخطر بباله فكرة ما !! - طيب يا حياتي انا حالا حجيب لك شوكولا بدالها - اطمني حتأكد انها ناااار :happy: تشيح بوجهها ناحية النافذه ,, وتغيب بنظرها بعيدا ,, يقوم من مكانه متوترا ,, عائدا الى حيث تركها فيجدها تستند بيديها على حافة البار بينما الهواء يداعب شعرها الفاحم ,, ينظر في عينيها مباشرة ويقول ,,,,,,

أنا مؤمنة جداً إن الانسان = وقت أكتر عامل في الحياه يأثر في البني آدم بجد هو الوقت ........ وهنا عظمة الخالق سبحانه وتعالي مرة كنت قاعدة مع اطفال من اقاربي .... وكنت بحكيلهم شوية من قصص الأنبياء ....... فبنت سألتني ........ هو لما ربنا هو اللي خلقنا ..... وخلق كل الناس العواجيز دي .... يبقي ربنا كان موجود قبلينا ؟؟ طيب مين كان موجود قبل ربنا ( سبحانك ربي لا اله الا انت ) طبعاً المنطقي اني اقولها ان ربنا ماحدش قبله وهندخل في حوار انا عارفاه كويس لأنه كان بيدور في دماغي وانا في سنها حبيت اوصلها المعني .......... مسكت صندوق هدايا صغير ...... وقلتلها بصي تعالي نتخيل الوقت ...... الزمن ....... هقول ان جوة الصندوق دة فيه ساعة وفيه وقت بيمر ........ فيه زمن ...... واحنا مع بعض برة الصندوق دة ...... يعني برة الزمن ....... تفتكري ايه اللي هيحصل بصيتلي في ذكاء ...... وقالت مش هنتغير ....... مش هنكبر ......قلتلها بالظبط مش هنتغير يعني ماحدش هييجي بعدينا وطبيعي ان ماحدش قبلينا ..... لان مافيش زمن ربنا خلق الزمن ...... خلق الوقت ......... وخلقنا فيه ....... لكن سبحانه وتعالي خارج الزمن ....... ماحدش قبله ولا حد بعده ....... ولا بيتغير ولا بيكبر ولاكان صغير ( سبحانك ربي لا اله الا انت ) طبعاً انا يمكن اكون مقصرة شوية في الشرح ..... بس لأنها طفلة والحمد لله انها قدرت تستوعب حاجة زي دي وتفهمها علشان كدة انا كلي ايمان ان اكثر عامل مؤثر في الانسان هو الوقت بنعيش بالوقت ...... بنتغير بالوقت ........ بنكبر بالوقت سبحان الله وبحمده سبحان الله العظيم

وفتحه ليجد ورقه قد خط فيها عروستي ليست بعشيقته !!!!! ولايدري من تكون ؟؟؟ تلك الرسالة التي ارسلت اليه حتى الآن من مجهول ؟؟ عليه ان يبصر فنجاناً ... أو يقرأ كفه ... ليبشر بالمعقول عليه ان يضرب ودعاً او يذهب الي عرافاً ليعرف المجهول ولكنه شخصاً بالخيال .... تحركهُ اهوائنا قبل اقلامنا تحركه قلوبنا ... بحثاً منا عما نفتقده في حياتننا كل منا يبحث فيه عن ضالته يبحث عن حبه عن حياته عن امله ==================================== ندى هي حياته وامله وحبه ......... أم اولاده وزوجته وسره وعلنه ولكن تلك الرسائل من مجهول ....... علامات استفهام تتضارب في كل مكان دهشة ...... عجب .......... تُري من تكون ؟؟؟ نظرات حوله يبعثرها في كل مكان .......... ومن بعيد لمحها تلك السيارة السوداء ........ انطلق جرياً نحوها ...... سيدة بريعان شبابها ترتدي معطفاً اسود يعلوه وشاحاً احمر اللون ومن فوقه نظاره سوداء كبيرة غطت وجهها وما ان رأته مسرعاً نحوها حتى انطلقت بسيارتها مسرعة الي بعيد ؟؟ - انتظري ... من تكوني ... وماذا تريدين ... علي صوت كريم بتلك الكلمات ولما انتبه من حوله ........ رجع بسكون الي سيارته ....... فقد تأخر الوقت علي اللحاق بها انطلق كريم الي زوجته ........ وجدها نبفس الغرفة ...... قبلها علي جبينها وارتمي علي تلك الاريكة المريحة انطلق بذاكرته الي ايامه ......... حياته قبل زواجه بندي حبه الاول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل ينُسى الحب الأول ؟؟؟؟؟؟ هل تنُسى كل تلك الذكريات ؟؟؟؟؟؟؟؟ هي تُنسى اول امرأة احبها ؟؟؟ هل تنسي أول كلمة حب تنطلق من فاه ؟؟؟؟ هل تنسي أول همسة يقولها " أُحبك " ............... وهل وهل وهل جاءت الاجابة مؤكدة نفسها ............. كلا البتة لا الحب ينسى ولا القلب يغفر ولا الروح تسكن ولا العقل يصمت ........ فكيف تكون بكل تلك البساطة نهاية لأول حب ..... فأنظر إلي زهر البنفسج لترى مافعلته الليالي اسمع موسيقانا المفضلة واشعر بالحنين تذكر عيناي التي هربت من سحر عيناك تذكر يداي عندما ارتعشت من دفيء يداك اذكر ضحاكاتنا وسعادتنا وتذكر كلماتنا التي قتلت صمت الليالي ولا تنسي يوماً حبيبي وعوداً قطعناها وبيتاً بالحب اشتركنا في بنيانه فمن باع بكل غضب ماضيه بلا ثمن ...... لا تتركه الليالي لينعم بعنوانه وهنا وأثناء غفوة كريم بكل تلك الكلمات وتذكره لحبه الاول الذي لم يكن ينساه .......... علي صوت هاتفه النقال ثانية ....... ارتعد كريم عندما سمع صوت ...........

يا سيدي الله يخليك ... وبإذن الله ترجع اغابي .. وتعود مغتربة ------------------------------- يا شهرزاد غني الهوى غني الليالي فالشوق عاد ... يا شهرزاد و للنوى قصر ببالي رغم البعاد يا ساري قد قال الحكيم : مخمور يطرق باب الحان يخرج يهذي بالالحان يسرق حلي زوجته ليهديها لعشيقته ويسرق حلي عشيقته ليهديها لزوجته من تكون زوجته ! ومن تكون عشيقته !!! قالت الخادم الوقحة بابتسامة صفراء اغرب عني لا امل دعني امسح الرخام ,, عملة صفراء من ذهب ذهبت وعلى الرخام الاحمر تدحرجت وفي ثقب اختفت ,, تكدرت الخادم ثم جعلت تطلي بالاحمر شفتيها !!! قال العبد الاسود آنفا انظري انظري في جوف الكأس تعرفي فنظرتي في الاعماق ترنوا لاهفه ,, انها عينكي انتي تنظر اليكي !!!! ماذا رأيتي يا شهرزاد ؟؟ - رأيت الكون يخلق من جديد هذا النقيع في القاع له قناع يهيم طلقا في فضاء مديد ادرت فيه اصبعا من مرمر فاذا بدوامة السرمدي تدور وتدور وتجمعت الغيوم من بعيد فبدا في الافق يحبو النجم الوليد !!!!

يعنى 94 من 88 مش فارقة كتير يا عم دياب فركة كعب ومعلهش العتب على الزهايمر لكن باقى المعلومة صح والله أعلم ..تحياتى

طيب اول قطره من الغيث ,, الشهيد سيد بلال رحمت الله عليه ان شاء الله انه في عالم البرزخ الآن عايش وحي ,, لان الشهداء يقينا احياء ,, عند ربهم يرزقون وفرحين بما اتاهم الله من فضله عن نفسي حستبدل الحزن بالفرحه ,, لانه الان في راحة ونعيم ما بعده نعيم ان شاء الله ,,,

سيدي انا من مريديك ومن مفتونيك ,, تغيب كالدهر وتعود كالسحر لاتخش الجيش ولا العرف ولا المجتمع ولا التقاليد ,, انت انت نفسك لك عقلك ,, نسيج وحدك لاشيئ غيرك كانما خلقت لتوك ,, :happy:

السلام عليكم هو المقارنه بين الدول دي تعتمد علي الهدف من الحياه برة مصر ده بافتراض إن المهاجر هيعمل في وظيفه جيده امريكا: المميزات: أحسن جامعات في العالم البلد كبيره جدا وكل ولايه تقدر تقول عليها بلد الاكل والشرب والملابس والعربيات وتكاليف المعيشه ارخص من كندا واستراليا وحتى نيوزلندا سوق الشغل مش بطال الحق يتقال البلد ماعدتش زي السابق الله يخرب بيته بوش الابن دين البلد بـ12 تريليون دولار العيوب: الأمن هوا الأسوأ بلا منازع بين دول الهجره اليومين دول العنصريه اللي حد ما التأمين الصحي للي لسه مستقرش في شغلانه كويسه.النقطه دي مهمه كندا: افضل من امريكا في كل حاجه ماعدا الجو والضرائب اعلي وكمان اغلي بصوره ملحوظه .اللي عنده عيله هتفرق معاه استراليا بصراحه أنا شايف إنها زي كندا بالظبط ويمكن تتميز عن كندا إن جوها أحسن التعليم وجودة الحياه زي كندا بالظبط ولكن البلد مرميه في دنيا لوحدها وناسها عندهم سنس العزله عن العالم والشهادات من استراليا لازلت لا تتمتع بالرونق بتاع شهادات امريكا ثم كندا رغم إنها لا تقل عنهم في الحقيقه نيوزلندا: دي بقه بلد الدماغ والمزاج تعيش هناك وتنسي إنك تحوش البلد بقت غاليه نار الاكل والشرب والهدوم والسكن ضعف السعر في امريكا كمان المرتبات اقل والدولار بتاعهم يعمله 4 جنيه إلا شويه التعليم الأساسي اعلي من امريكا لكن التعليم الجامعي والدراسات العليا أقل من امريكا-كندا=استراليا

قال الحكيم ,, شهرزاد ,, من تكون شهرزاد ؟؟ هي السجينة في خدرها طول عمرها وتعلم كل ما في الارض كانها الارض !! هي التي ماغادرت خميلتها قد ,, تعرف ما بارض مصر والهند والسند !! هي البكر ,, لكنها عليمة بالرجال كامرأة عاشت الف عام بين الرجال وتدرك طبائع الانسان من سامية وسافله هي الصغيره ,, لكن لم يكفها علم الارض ,, فصعدت الى السماء تتحدث عن تدبيرها و غيبها كانها ربيبة الملائكة وهبطت الى اعماق الارض تحكي عن مردتها وشياطينها وممالكهم السفلى كانها ربيبة الجان من تكون ؟؟ اعمرها عشرون ؟؟؟ ام لا عمر لها اكانت في مكان ام وجدت في كل مكان اهي امرأة تعلم الطبيعه ام هي الطبيعه عقلي يرتجف ,, فهل للعارف ان يعرف رد السؤال !!

السلام عليكم و رحمة الله و بركاته ايه ده...مش دي صورة انجيلينا جولي و هي بتعمل فيلم شيء من الخوف قبل ما تفتح الهويس و تعاند عتريس....(فيلم شيء من الخوف....آن آن آآآآآآآآآآآآآن تش) طب تدفعوا كام....(وش اي سواق ميكروباص مستغل اوي يعني) بجد بقي هو انا غبت فترة كدهون و رجعت لقيت مغتربة مختفية السؤال......يا تري يا هل تري حد زعلهافي حاجة!!! طيب سيبوني امخمخ و اشمشم وارجع بالخبر اليقين باذن الله و يبقالي الحلاوة....(وش اي صبي مكوجي) كان معكم لماضة كرومبو....(بس البالطو بدل ما هو اصفر لو يبقي منقط فوشيا في موف ) فوتكم بعافية

السلام عليكم و رحمة الله و بركاته جزاكي الله كل خير يا مصرية متغربة عايزين بجد نصحي الروح الحلوة اللي في الناس انتي خبطتي علي توبيكات كل واحد فينا....مجهود رائع عارفة يا مصرية يا ايجابية...محتاجين الروح نفسها تكون موجودة محتاجين عودة الروح..... و عندي امل مساااااكي شباك مفتوح و دعاء للسما و يقين بالاجابة.... كل هذا سيمر كل هذا سيمر كل هذا سيمر نقطة و من اول الصفحة و خلوا الروح تتولد من جديد

ليس اضطهادا انه تجبر وجهل تجبر فى طريقة التعامل مع المواطن وجهل فى إعتبار أن كل ملتزم أو ملتزمة هم أعضاء فى جماعات إرهابية. هناك الكثيرين من المسلمين الملتزمين لايتعرض لهم أحدا ولكن أفراد أمن الدولة لايريدون أن يفهموا الفرق بين المتشدد او الملتزم دينيا وبين الإرهابى الذى يتخذ العنف وسيلة لتحقيق مايؤمن به

استغفر الله العلي العظيم من كل ذنب عظيم بصراحة انا بقرأ الموضوع من اوله ومش عايزة اعلق ............... مش عارفة انطق اساسا استغفر الله العظيم يارب وهو دة اسمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالله عليكم نسميه ايه ؟؟؟ مش اضطهاد ؟؟؟؟؟؟ اضطهاد للمسلمين الملتزمين ولا لأ ؟؟؟؟؟؟ احنا بكدة حققنا العدالة ؟؟؟ ياتري بجد المسلمين الملتزمين هما السبب في كل اللي بيحصل في البلد دة ؟؟؟ ولا هما بس مجرد كبش فداء علشان نحفف الاحتقان شوية يعني دة اضطهاد رسمي ضد الملتزمين ( وماجيبتش سيرة المتطرفين )

بسم الله الرحمن الرحيم الفاضلة مصرية ربنا يكرمك و يعزك و عشان نكون منهجيين خليني أقول الصراحة انا عندي اقتراح ابعد من مجرد فكرة .. إحنا ياما قلنا أفكار و ياما سمعنا أفكار لكن القضية في التنفيذ عازوين نقول فكرة سهلة و بسيطة و ممكنة التنفيذ و نضيف لها واجب عملي في اخر الفكرة .. يعني نقول الفكرة و طرق التنفيذ و الواجب العملي اللي المفروض نقوم بيه و ان شاء الله كل واحد يكون معانا في الفكرة يقول انه موجود و معانا في الفكرة و ييجي يدي تمام للفكرة و يحكيلنا عمل ايه و حصل معاه ايه و تعليقه ايه و لو عنده تطوير للفكرة دي تحديداً يا ريت كمان الافكار تكون مجتمعية .. يعني أفكار و أعمال تخدم المجتمع و تخدم أفراده و تخدم المسلمين كأمة و المصريين كشعب يعني ايه تخدمهم .. يعني تنقل الصورة الحسنة الطبيعية سواء للمسلمين في العالم كله أو للمصريين داخل مصر و خاصة خارجها .. المغتربين يعني نقول على بركة الله .. هل من مشمر؟ مكاوى

السلام عليكم الاخوه الكرام جزاكم الله خيرا . الزميل استاذ سيكولوجى هناك فرق كبير بين التهديد و التنبيه او قل التحذير يا استاذ عندما اجدك تقف امام القطار و اقول لك لو اصررت على وقوفك امامه سيقتلك فهذا تحذير .. يكون تهديدا يا استاذ لو قلت لك ....هاخلى الدم للركب من اسوان الى الاسكندريه او ان اشير الى ما معناه القتل و الشهاده امام من يريد فرض النظام العام .. هذا هو التهديد الحقيقى يا استاذ . بالعكس يا استاذ السؤال له معنى واضح و محدد و لكنك تتهرب من الاجابه عليه من اول دقيقه بعد الحادث و الدنيا فى مصر بدء من الاعلام و القياده السياسيه مرورا بصفوه المثقفين ..الادعياء .. تخطوا كل اصول العقل و المنطقيه فى التعامل مع الحوادث و القوا بالتهمه بل و اصدروا حكم الادانه للمسلمين تحديدا و السلفيين خصوصا و لم يتبقى سوى اسمائهم !!! و لكل طرف منهم مصلحته الخاصه فى هذا و دخل الجميع حفل تطبير على الطريقه الشيعيه و شجوا الرؤوس أمعانا فى إظهار الحزن الذى و بالمناسبه لا علاقه له بالضحايا الحقيقيين الذى قضوا امام الكنيسه حيث لم يسمع عنهم احد الا قليلا و انصبت الكاميرات و الاحاديث على شخص واحد تتوجه اليه الكاميرات و التعازى و اختزلت الحادثه كلها فيه و حوله . تدور الايام يا استاذ و يشاء الله ان تظهر الحقيقه و بوادرها نراها رغما عن الجميع فالفيديو الذى اذاعته الكنيسه بنفسها لحظه الانفجار يشاء الله ان يكون اداه لتحويل مجرى التحقيقات الى اتجاه اخر ..ربما ..اكرر ..ربما يغير الصوره تماما لو وضعناه بجانب دلائل اخرى تظهر تباعا ..خلو ساحه المسلمين من تبعه ارتكاب تلك الجريمه و هذا ما كان يجب من البدايه على الاخوه الاحباء التوخى له المتهم برئ حتى تثبت إدانته لا اقول ان المتهم ينتمى لهذا الفصيل او ذاك و لكن من العدل ..العدل ..الوقوف حتى ثبوت الحقيقه لا الاندفاع الغير محمود فى رمى المسلمين بتلك التهمه حتى و لو تحت ستار التطرف و الارهاب ففى ظروف الفتن و تحت ضغوط الاعلام و الرأى العام الداخليه لا ترى و لا تسمع بل تبطش و هذا ما حذرنا منه و اول الغيث كان سيد بلال المواطن الذى كانت جريرته انه ملتحى ..قتلوه فى ليله و دفنوه تحت تهديد السلاح و البقيه تأتى .. .استاذى الفاضل الاخوه الاحباء فى المنتدى الحب و الوطنيه إدعاء يثبت بالفعل نحن نحب مصر ..ماذا قدمنا لها ..انا و انت ؟ هذا هو السؤال و المحك

لوجو عيد الميلاد المجيد

لسنا بحاجه لهلال بجوار صليب للتعبير عن مشاعرنا نحن فى امس الحاجه الى علم يجمعنا جميعا نحتاج علم مصر فقط ولا نحتاج أى شعارات أخرى

دعاء الكروان ( 2 ) ( عرجت في طريقي إلى هذا البيت الأبيض الصغير القابع بين الأشجار ، أخذت أتحسس هذه الرسومات الطباشيرية التي رسمتها و أنا صغير ، مازالت كما هي لم تمحوها الأيام و السنين ، سمعت أصوات ضحكات براءة الطفولة التي كانت تنطلق منا فتملأ الفضاء ، تختلط بأصوات الطيور و العصافير فوق الأشجار ، داعبت أنفي رائحة أشجار الليمون و الجوافة ، حاولت التلذذ بأكثر قدر منها ، أخذت منتشيا المزيد من الأنفاس العميقة محاولا اختزانها بصدري ، وقفت للحظات أمام الباب الخشبي العتيق ، ترددت طويلا في طرق الباب ، هل هي هنا ؟ أم تراها ذهبت إلى بيت أبي في آخر القرية هناك ؟ طرقت الباب على استحياء ، جاءني صوتها الواهن تسأل ) ـ مين ؟ ( هل أرد عليها ؟ أم أجعلها مفاجأة ؟ أقترب صوتها من وراء الباب تكرر ) ـ مين ؟ ـ أنا .... ( فتحت الباب ، تسللت رائحة الفرن و الخبز من داخل الدار ، و إذا بها تقف أمامي بجلبابها الأسود تناثرت عليه بعض ذرات الدقيق ، كما هي لم تتغير ، صبغ الحزن عينيها بالبياض ، مالت برأسها جانبا و كأنها تتحسس النظر بأذنيها ، لمعت أسنانها البيضاء خجلى من وراء شفتيها ، مسحت وجه كفيها و ظهريهما بجلبابها ، سألت مترددة ) ـ محمد ؟ ( حاولت استبيان الحقيقة فمدت أصابعها تلامس وجهي ، اقتربت مني تشمني ) ـ أنت لسه عيل زي ما أنت ؟ ـ الحاج عبد الموجود موجود ؟ ( أخذتنا حالة من الضحك ، فتحت ذراعيها فارتميت في حضنها ) ـ كده برضه يا محمد ؟ و لا كأن ليك أهل تسأل عنهم و تطمنهم عليك ؟ ( أخذت تبكي ، حن قلبي لبكائها فشاركتها البكاء ) ـ هي دي برضه صلة الرحم ؟ ـ أرجوك تسامحيني يا ( نبوية) ، الشغل واخد كل وقتي و الله ..... ـ طب على الأقل اتصل اطمن علينا ( انتبهت لبرودة جسدي ، فأبعدتني تسأل ) إنت مبلول كده ليه ؟ ـ أصلي ازحلقت و وقعت في الطين و أنا جاي .... ( فلتت ضحكاتها من بين الدموع ) ـ هاهاها ، ما فيش فايدة فيك أبدا ؟ حتى و أنت كبير برضه بتزحلق ؟ طب على الأقل زمان لما كنت باشوف كنت بامسك إيدك ، فاكر يا وله لما ازحلقت و شدتني معاك وقعتني في الترعة ؟ ها ها ها ... ـ أخبار أبويا إيه ؟ ـ و الله مش و لا بد ، مش عارفة أقولك إيه يا محمد ؟ أديك ها تشوف بنفسك . ـ أمال مين اللي قاعد معاه ؟ ـ أديني هنا شوية و هنا شوية . ـ طب ليه الشحططة دي ؟ ـ ما أنت عارف دماغه ، مش راضي يجي يقعد معايا ، بيقول ما أخرجش من بيتي إلا ع القرافة ، ده أنا و أبو يوسف غلبنا فيه . ـ معلش ، خليه براحته ، طب ها تيجي معايا ؟ ـ آجي معاك فين ؟ مش الأول لما تدخل تستحمى و تغير هدومك المبلولة دي ؟ و تاكل لك لقمة ؟ تعالى ادخل ادخل .... ( أمسكت بيدها أدخلها ، سحبت يدها بسرعة ) ـ إنت فاكرني ما باشوفش و إلا إيه ؟ تعالى ادخل يا نور عيني تعالى ، خلي بالك من الطشت لتتعتر فيه ، تعالى اقعد هنا على الكنبة ، ثواني و راجعة لك . ( تحسست طريقها إلى داخل الدار ، ما هي إلا لحظات حتى أتت ) ـ تعالى يلا خش الحمام ، أنا ولعت لك ( الباجور ) على بستلة المية أهي ، و ( الكوز ) هتلاقيه عندك على كرسي الحمام ، و خد يا عم آدي صابونة جديدة بورقتها ، هدومك و الفوطة متعلقين على المسمار اللي ورا الباب ، و ابقى حط لي بقى المبلول ده كله في ( القروانة ) عشان أغسلهم لك ، إن شاء الله تطلع تلاقيني سخنت لك الأكل ، يلا هم . ـ الله يبارك فيك يا نبوية ، مش عارف من غيرك كنا عملنا إيه ؟ ( انحنيت على يدها أقبلها ، سحبت يدها بسرعة ) ـ استغفر الله العظيم ، عيب يا وله ، أزعل منك و الله ، ده أنت ابني الكبير .... ( دخلت و أغلقت الباب ، أخذني صوت ( وابور الجاز ) و رائحة رطوبة الجدران على جناحيها هناك ، وجدتني أجلس عاريا بين يدي أمي التي تجلس على كرسي الحمام الخشبي الصغير ، تصب الماء الدافئ على جسدي ، أبكي من حرقة الصابون الذي دخل عيني ) ـ مش قايلة لك تقفل عينك يا نور عيني ؟ وريني ... ( أخذت تصب الماء على رأسي و تفرك عيني ) ـ هيه ؟ راح ؟ ـ أيوة خلاص ، كفاية بقى ..... ( لقتني داخل المنشفة و أخذت تجفف جسدي ) ـ كفاية بقى .... ـ استنى لحسن تاخد برد ، هات إيدك .... ( ألبستني جلبابي الجديد و أخذت تصفف شعري بمشطها الأبيض الصغير ) ـ أيوة كده ، قمر اربعتاشر يا ناس ؟ الجلابية ها تاكل منك حتة ..... ( جاءني صوت نبوية تنادي ) ـ يلا يا محمد الأكل ها يبرد .... ( خرجت فوجدتها و قد وضعت أطباق الطعام فوق الطبلية الخشبية ) ـ تعالى دوق أكل أختك نبوية ، تلاقيك يا حبة عيني ما بتتهناش على لقمة هناك ... ـ لأ ، مين ده ؟ و هو احنا ورانا هناك غير الأكل ؟ ـ و هو أكل المطاعم ده برضه بتسميه أكل ؟ خد خد ، بالهنا و الشفا ... ( أخذت أتناول الطعام ) ـ بسم الله ما شاء الله ، تعرفي إن أنتي الوحيدة اللي طبيخك زي أمي الله يرحمها ؟ ـ الله يجبر بخاطرك ، إش جاب لجاب ؟ اسكت أما اضحكك ، مش كنا بندور لأبوك على عروسة ؟ ـ معقولة ؟ ـ إيوة و المصحف ، الشيخ مبروك الله يكرمه قال لنا الراجل ده ما ينفعش قعدته كده من غير ست تاخد بالها منه و تراعيه ... ـ و هو وافق ؟ ـ الصراحة قلنا ما نقولوش إلا لما نشوف له واحدة مناسبة الأول ، و ساعتها بقى نبقى نقول له و ناخد رأيه .... ـ مش ها يوافق ، أنا عارف .... ـ المهم يا سيدي قعدنا ندور لغاية لما لقيت له واحدة مية مية ... ـ و دي مين دي إن شاء الله ؟ ـ خالتك هانم أم البشلاوي .... ـ هي لسه عايشة ؟ ـ عايشة يا خويا و زي الفل ، و صحتها بمب و عال العال ، قلت أكلمها و آخد رأيها ، أهي تخدمه و تراعيه و تاخد بالها منه ... ـ و قالت لك إيه ؟ ـ الست يا خويا باقول لها إيه رأيك أنا جايبة لك عريس ، لقيتها رحبت بيا و طرطقت وادنها و لا بنت أربعتاشر .... ـ طب كويس ، المهم ؟ ـ الست باقول لها يعني إن العريس راجل كبير و نايم تعبان و عاوز يعني واحدة ست كده جنبه تخدمه بس و تسليه ، لقيتها قامت و حطت كيس العنب اللي جايباه في حجري و قالت لي : ما عندناش بنات للجواز يا أم يوسف ، و ابقي يا أختي عدي على المقلة خدي له معاك نص كيلو لب يتسلى بيه أحسن هاهاهاهاها ... ( انفجرنا في الضحك ) ـ شوف يا أخويا الست ها ها ها .... ـ لا مش ممكن ، هاهاها ، ما هو أنت برضه اللي غلطانة ، رايحة لواحدة بتعلب في الناشئين تحت سبعين سنة و عاوزة تضيعي الثواني اللي فاضلة ف عمرها ؟ ها ها ها ، أمال أبو يوسف فين ؟ ـ تلاقيه قاعد ع القهوة بيشرب له حجرين معسل ، ها يروح فين يعني ؟ ـ على رأيك ، صحيح ، ما فيش أخبار عن يوسف ؟ ( شردت المسكينة و وجدت الدموع و قد بدأت تترقرق في عينيها ، حاولت المسكينة إخفائها ، ففشلت ) ـ الواد حسن ابن خالتك ( سنية ) لما رجع م العراق حلف لي ع المصحف إنه شافه مرة هناك بيبيع سجاير في الشارع ، كان ساعتها راكب الأتوبيس ، و قعد ينادي له م الشباك ، بس ما ردش عليه ، و لما نزل في أول محطة و رجع نفس المكان عشان يقابله لقاه فص ملح و داب ... ـ لا حول و لا قوة إلا بالله ، الواد ده طالع براوي كده لمين ؟ ( ضحكت المسكينة رغم ألمها و بادرتني ) ـ هيه ، ها يكون طالع لمين يعني ؟هم مش بيقولوا في المثل : الواد لخاله ؟ ( أحسست بطعنة في صدري ) ـ كده برضه يا نبوية ؟ الله يسامحك .... ( حاولت التخفيف من حدة ردها فبادرتني ) ـ أنا باضحك معاك يا وله ، أهو أنت أهو على الأقل جاي تسأل علينا ، الرك بقى على اللي خد في وشه و راح ما جاش ، كل كل .... ـ الحمد لله شبعت ... ( وقفت متأهبا للذهاب ) ـ استنى لما أعمل لك الشاي ... ـ لأ معلش ، ها اشربه هناك ، إيه ؟ مش ها تيجي معايا و إلا إيه ؟ ـ لأ روح أنت و أنا ها احصلك ، عشان بس أغسل الهدوم المبلولة دي بدل ما تعفن . ـ طيب سلام عليكم . ـ و عليكم السلام و رحمة الله و بركاته ، ( خرجت راحلا في اتجاه بيت أبي ، بينما جاءني صوتها يحذرني ) ـ خلي بالك بقى و أنت ماشي لتزحلق و تقع تاني ......... ( يتبع )

ده في حالة ان المشخر من اقاربك او اصدقاءك انما وضع الزوجه بيكون حرج و ده سيناريو لزوجه لمشخر من عشرين عاما: بعد عشرون عاما من الزواج الأم المكلومه تجتمع بأبناءها الثلاثة على طاولة العشاء بجوار المدفأه و تحت اضاءة هادئة و قد غزا الشيب مفرقيها و احتلت التجاعيد وجهها بشده و بصوت هادئ متعب تخاطبهم و تقول : انا تعبت يا ولاد و ما بقتش قادره انا انسانه و عندي قدره :sad: مش ممكن اقدر اعيش عشرين سنه من غير نوم :protest: اعصابي باظت و وداني باظت و طبلة ودني اتخرمت و بقيت بترعش بالليل و تجيلي بروده في الأطراف مع عرق غزير انا خلعت ابوكوا خلاص و اتحررت من السجن الأبدي يا ولاد bsh:) قالت جملتها الأخيره في سعاده غامره و اتجهت الى غرفة نومها لتنام لأول مره وحيده في هدوء و بعمق شديد شديد و فجأه يتناهى الى اسماع الأولاد في الخارج و المجتمعين في صالة المنزل صوت شخير هادر جبار من غرفة النوم شخير امهم النائمه تمت

والله يا سين سين الدكاتره قالولي حتعيش و المشكله الوحيده اللي ممكن تخلينا نتدخل جراحيا هي مشكلة انقطاع النفس اثناء النوم و دي مش عندي الحمد لله يبقى فاضل المشاكل الإجتماعيه زي اللي حصلت معايا في مطار فرانكفورت اللي ححكيهالكم و بالتالي انت لازم توزن بين العمليه الجراحيه و مشاكلها و بين المشاكل الاجتماعيه نستكمل لاحقا

الزميل العزيز psychologyteacher قرأت ردك بعناية , وأنت تتفق مع فى الكثير وأضفت نقطة جديدة وهى حذف الدين من اللغة العربية التى يدرسها المسيحى والمسلم وغيرهم ,, وأريد التعليق على نقطتين : لا أطالب بلاغلاق القنوات السلفية لانها تثير الفتين ولكنها تدافع عن الفكر السلفى سواء كان على حق أو على باطل وسيقول لك السلفى شاهد هذه القنوات وهى لا تكفر أحد وسيقول لك الشيعى شاهد القنوات الشيعية وهى لا تكفر أحد .... الخ ما قصده ان القنوات صاحبة التوجه الدينى ستدافع عن فكرها ومن يعتنقونه حتى ولو كانوا على باطل ... شاهدت برنامج تقريبا أسمه " العائلة المقدسة " على قناة الفراعين وهو برنامج مسيحى ,,هذا أوافق عليه ولكن وجود قناة دينية مسيحية , أعترض على ذلك لانها ستدافع عن المسيحيين فى الباطل قبل الحق ونفس الامر لباقى القنوات الدينية . ملحوظة : لم أسمع فى حياتى أحد قال يتم أطفالهم ولا جمد الدم فى عروقهم على مسيحى ,, فهذا الدعاء على الصهاينة فقط هذا ما قصدته, للصلاة وللوحدة فقط لا غير .

وبدون مجاولة ايضا انا ضد استغلال الموقف من بعض الاقباط او حتى من الكنيسة فى محاولة كسب بعض الحقوق المهدورة للاقباط فى مصر ولكننى ايضا ضد وصف مطالب الاقباط بانها على حساب المسلمين ودعنا نراجع ما انت ضده ونحلله النقطة الاولى انا معك تماما فى النقطة الاولى وهى وجوب وجود قانون موحد لدور العبادة بشرط الا يتدخل البابا فى السياسة ( مع تحفظى على المعنى ) واضيف عليها ابضا ان يأخذ الاقباط حقوقهم فى التمثيل البرلمانى والوظائف والالتحاق بالكليات العسكرية وغيرها وغيرها من الحقوق المهدورة النقطة الثانية لو جلست 24 ساعة تشاهد قناتى ctv و أغابى القبطيتين لما وجدت جملة واحدة تهاجم حتى البوذيين او برنامج واحد يحض على كراهية المسلمين والطعن فى كتابهم ، فلا تربطها يا اخى باغلاق بعض القنوات السلفية التى تكفر( طوب الارض ) ، فهى تكفر المسلمين انفسهم لو خالفوها فما بالك بالاقباط ، والادعية وما ادراك ما الادعية ، معظمها على شاكلة اللهم جمد الدم فى عروقهم .. اللهم يتم اطفالهم .. وغيرها الكثير النقطة الثالثة اما بالنسبة لدروس القساوسة فى الكنائس فانا ادعوك لحضورها مع اى من اصدقاءك المسيحيين لكى ترى بنفسك فبكل امانة هى تخلو تماما من اى ذكر للاسلام او المسلمين ، هى فقط وعظ بحت من الانجيل او من تاريخ الكنيسة فلا تربطها ايضا بمطلب مراجعة المناهج الدراسية الاسلامية التى توجد بها نصوص لو فهمت بشكل خاطئ لدمرت الدنيا. (يا اخى زمان كانوا يجبرونا على دراسة نصوص قرانية فى اللغة العربية وصدقنى كانوا عند القراءة يجبرونا حتى على اننا نقول ف الاول اعوذ بالله من الشيطان الرجيم بسم الله الرحمن الرحيم وف الاخر صدق الله العظيم ) ... وقبل ما ترد حط ابنك مكان طفل مسيحى وبيجبروه على حفظ الانجيل النقطة الرابعة انا اتفق معك تماما فى الا تتعرض الكنيسة لمن يريد ترك المسيحية حتى لو كان كاهن بشرط الا يتعرض ( امن الدولة ) لمن يريد ترك الاسلام والا يخرج شيخ متطرف على احدى الفضائيات ليهدر دمه النقطة الخامسة انت تعتبر المتشددين متطرفين وهذا لايختلف عليه اثنان عقلاء ولو قلت ان المتشدد ليس متطرفا لخالفت ضميرك اما ان تعلن الكنيسة ان اقباط المهجر (خونة) فهذا ليس لها ، ولو ارادت الدولة ان تعتبرهم كذلك فلتعتبرهم وصدقنى انا لن اعترض على ذلك النقطة السادسة وانا اريد من كل قلبى ان يعامل البابا مثل شيخ الازهر ، اما موضع الاعتكاف فليس لى انا ولا انت ان نمنع البابا من الاعتكاف للصلاة او للوحدة , فهو راهب بالاساس قبل ان يصبح بابا الاقباط واخيرا يرضينى جدا الشعار الاول لو تم تطبيق محتواه على ارض الواقع واعشق الشعار الثانى بجنون وتحياتى

اتفق مع ما كتبته تماما وكأنك تقرأ أفكارى وتكمل ما كنت أرويه المصيبه عندما أتابع وسائل الإعلام العالمية أصل إلى قمة غضبى من الاستفزاز .. نحن بحاجة إلى التهدئة لا الاستفزاز ليس المهم عدد الكنائس أو الجوامع .. الأهم عدد المصلين انها ليست مباراه او تنافس .. نحن لسنا أعداء أناكمسلمه لا يهمنى ابدا إن تحول مسلم عن دين الإسلام .. الاسلام ليس بحاجه إلا للموقنين فالمزعزعه أفكاره أو الغير مقتنع بدينه .. ليس لنا فيه حاجه لإنه عاجز عن خدمة هذا الدين العظيم .. فليذهب كما يحلو له .. وقد قال الرسول عليه الصلاة والسلام .. لكم دينكم ولى دين .. ولا اكراه فى الدين هذا ديننا وهذه عقيدتنا التى نرضاها والله والله ان المسلمين هم من فى حاجه إلى المساواة بالمسيحيين

http://www.youtube.com/watch?v=uDp5kRuLFgA&feature=related

الراتب مناسب جدا لكن بدل السكن لازم يكون 3 شهور وتذكره سنويه مع اجازه وطبعا التامين الصحي

قرأت هذا المقال الذي اعتبره رائعاً من وجهة نظري وبه فكرة تستحق المناقشة في كيفية تطبيقها , مقال أ.خالد صلاح في جريدة اليوم السابع بعنوان ( هانشوفكم كل مليم أنفقتموه في الإنتخابات سيكون سيفاً عليكم أمام الله وأمام الناس ) هل ممكن تطبيق تلك الفكرة وهل من الممكن ان يظهر المشروع للنور , مطروح لمناقشتكم وأرائكم الثرية. مع تحياتي

السلام عليكم و رحمة الله و بركاته اولا اهلا بيكي يا ندي في اي استفسار...و اي حاجة و ان شاء الله تلاقي بينا اللي يقدر يفكر معاكي ممكن ازق كتف و ااقولك اني كنت بفكر زيك بالظبط كده من قيمة سنتين فاتوا باختلاف الوظيفة و الظروف....و الحقيقة انا مسعتشي خالص لموضوع الخليج....لاني بكرهه جدا....لكن الموضوع حسيت ان فيه ترتيب رباني يمكن مرة احكيلك ازاي اني في يوم كنت بخطط اني اسافر اكمل دراسة في مكان ما و اليوم التاني لقيت نفسي في الامارات اهم ما في الموضوع و الله يا ندي....عليكي بصلاة الاستخارة في كل وقت...و هتلاقي ربنا بيفتح لك سكك و كلها بالخير نيجي بقي لموضوع وجعني اوي يا ندي انتي قولتي عايزة تقعدي عشان "امل التثبيت".....و الله كلمة وجعتني اوي يا ندي....لان ده مبقاش ينفع في مصر مش هحبطك....بس انا كرهت حالة انتظار بسميها "وقوع البلا" ع فكرة يا ندي انا جتلي وظيفتين حكوميتين في بلدي الكريم....لكن انا عارفة نفسي مش هصمد...و عشان كده اخترت اني اعيش متنقلة في وظايف كل 3 سنين بصي يا ندي اولا انتي حطي لنفسك هدف....يعني انا عايزة...خبرة في مجال تخصصي انا عايزة فلوس.. عشان اساعد نفسي انا عايزة..اكمل دراسات عليا انا عايزة اتجوز انا عايزة اسافر و اعيش تجارب جديدة انا عايزة انام... ;) لما تحطي الهدف ده سواء بقيتي في مصر او طلعتي منها اختيارتك هتبقي اوضح نيجي بقي لموضوع الراتب انا مش عارفة المعيشة في عمان شكلها ازاي بس اهم حاجة بتفرق في الراتب السكن و تذاكر الطيران...و اعتقد ان العرض الموجود معاكي مغطي النقطة دي و نصيحة ليكي يا ندي....السكن لازم يكون تابع للجامعة او المدرسة....يعني زي المدينة الجامعية في مصر الميزة في العرض انه سنة....و انا شايفة ان دي حاجة كويسة و الله السنة كانت كويسة تمام مكنتشي يبقي مافيش خساير و اوعي تقوليلي هكون سبت مصر..."احنا مش بنسيبها هي اللي بتسيبنا" حاجة تانية يا ندي سؤال شخصي ليكي انتي كشخص قادر ع الاغتراب التجربة مش سهلة بالمرة مش بخوفك.....لكن محتاجة منك كتير....اسالي نفسك بصراحة....انا هقدر....هيبقي عليكي مسئوليات و التزامت قدام ربنا و نفسك قبل اي حد تاني هتتحطي في مواقف عمرك ما شفتيها بس قريتي عنها و برضه هتكتشفي في نفسك حاجات حلوة كتير ....بس صلي استخارة كتير... يا تري راي البيت كمان عندك ايه...؟؟؟ و ربنا يصلح ليكي الحال و طمنينا دايما عليكي في امان الله