لوحة القادة

السلام عليكم ورحمة الله وبركاته تحيه طيبه وبعد بتجول فى المواقع اللى مشترك فيها واللى اغلب المشتركين فيها من المغتربين ولقيت الاغلبيه بتدعوا الى ثوره زى اللى حصلت فى تونس والكل بيسخن الناس لكى تقوم بالثوره ولقيت ايضاً كلام ان مصر مفيهاش رجاله وان الرجاله بس فى تونس وان مصر فيها وفيها وفيها ....................الخ واللى بجد خلانى اشد فى شعرى ده ايام ما كان عندى شعر يعنى ان الناس دى كلها بره مصر اساسا وفيه منهم اللى اخد قرار بعدم الرجوع الى مصر الا اذا تحسنت الظروف يعنى خلاص شاف له حل تانى او حل انانى لمشاكل البلد انا طبعا مش بشكك فى وظنيتهم ولا اقدر انى اشكك فى وظنية اى انسان ولكن يا جماعه ليه عاوزين كل حاجه تيجى بالساهل ليه غيرنا اللى يضحوا علشان احنا نعيش انا شخصياً مقدرش اؤيد قيام اى ثوره فى مصر الا لما اكون فى مصر وبين الشعب غير كده مقدرش اقول كلمه غير انى انتقد تصرفات الحكومه واوعى الناس بيها لكن ادعوا الى ثوره وانقلاب وانا فى الخليج او فى اوربا او فى امريكا او ..........الخ يبقى منتهى الانانيه وخصوصا ان اى انقلاب او ثوره لابد له من ضحايا ليه اطلب من غيرى انه يضحى بحياته علشان خاطرى وانا بعيد قاعد فى التكيف وحياتى تمام اخر حاجه الى كل من يدعوا الى انقلاب اتفضل حضرتك انزل مصر وشارك فى الانقلاب غير كده يبقى ياريت حضرتك تسمعنا سكوتك تحياتى عنبو

بادئ الامر... صعوبات التعلم من خلال تجربة وتحليل شخصي ثانيا من الناحية العلمية... نفتتح بسم الله .. نبتدي الحكاية.... من حوالي سنتين ونصف حدث انني لاحظت ان ابني لا يستطيع حفظ القران او الاناشيد وهو اول الخيط الذي تيقنت من خلاله انه ممن لا يستطيعون تذكر التسلسل الكلامي او سرد شئ سمعه بدقه ثم ظهرت من سنة مشكلة الاملاء وبالاكثر في اللغة العربية ولم اكن اسمع قبل ذلك عن كلمة صعوبات التعلم كنت استوعب الامر على انها مسألة قدرات ..ليس إلا ثم جاء يوم فاتحتني فيه معلمة من المدرسة كانت لتوها منقولة من مدرسة اخرى وبها قسم للبنات الاتي لديهن هذه المشكلة وتفهمت جدا كلامها لولا انها كانت تتكلم بحذر شديد مخافة ان لا اتفهم واهاجم رأيها دخلت الانترنت ووصلت لحقائق عن الحالات التي تعاني من انواع صعوبات التعلم وهنا تيقنت انطباق معاناتي مع معانات امهات كثير وبحثت عن مكان يساعدني في تشخيص الحالة وتصنيفها ووجدت بالفعل مكان سمعته ممتازة الا وهو مركز المهارات بجدة توجهنا الى هناك ..شخصت الحالة بأنها تشتت انتباه مع ضعف في الذاكرة البصرية والسمعية قصيرة المدى والتفسير : عدم القدرة على تذكر المعلومات التي سمعت لتوها او الصور ذات التفاصيل المتعددة والتي شوهدت لتوها بالاضافة الى سهولة تشتت الذهن بأي مؤثر خارجي .. يتبع....

على فكره الي بيحصل ده غلط وممكن يدخل البلد في متاهة مظلمه الله اعلم هتطلع منها ولا لاه .. بقولها للمرة المليون التغيير لا يأتي من القمه وانما من القاع .. اننا تغير كلنا هتتغير معانا بلدنا لكن يبقى الموضوع مظاهرات واحتجاجات واعتصامات وكل هدفنا بس نشيل الي في السلطه فابسط مافيها هيسيبهالكم في اول مروحيه زي ماغيره عمل ( واشربوها ) .. هنتحول لعراق تانيه والي معاه سنجه ولا سيف هو الي هيبقى له الغلبه .. الناس هتاكل بعضها في الشوارع وهتبقى حمامات دم الله وحده اعلم هتتوقف امتى .. الموضوع مش لعبه والترويج له من وجهة نظري جريمه .. لو حاولتم تطبيق التجربة التونسيه في مصر في التوقيت ده بالذات هتجروا مصر جر لطريق تحويلها دويلات اكبر من فيها اصغر من حجم تونس .. شوية تعقل .. هو احنا كنا شفنا نتيجه تجربة تونس وصلت لأيه ولا جابت نتائج ايه عشان نجري بلا تفكير نروج لتعميمها على مصر ؟؟!! انا عارفه ناس كتير هتزعل من كلامي لكن الفتنة نائمه ولعن الله من ايقظها والي بيحصل ده تهريج مش هيفيد بشيء ان مكانش هيضيع البلد بالي فيها .. ربنا يستر على مصر والمصريين ..

أمره ومصيره بين يدى المولى عز وجل ..وعلى فكره هو لم يمت مباشرة بعد اشعاله للنار بنفسه .. بل بقى حيا لفتره.. ولعله قد استغفر ربه فى تلك الفتره .. ولعل الله برحمته الواسعه قد أمد فى عمره ليحفه برحمته ومغفرته التى وسعت كل شئ .. والله اعلم

لأ طبعاً .. مايصحش .. مفيش حد أرجل مننا والفاسد لازم يمشي .. دي مافيهاش كلام إنتم مين ؟؟ يعني مين دول ؟؟ مين اللي طلبوا .. أو مين اللي بيخطط .. أو بيدعوا لهذا ؟؟؟ إخوان ؟؟ يساريين ؟؟ يمين ؟؟؟ وفد ؟؟؟ مين يعني ؟؟؟ لما الناس تطلع يوم 25 يناير .. حيقولوا ايه ...؟؟ مين اللي حيقولهم خلاص كفاية كده .. مفيش أمل ؟؟ أو مين اللي حيقولهم خلاص .. كل واحد يروح .. تحقق الهدف ؟؟؟ مين اللي حينصحهم يروحوا علشان الخسائر كبيرة .. أو قليلة ..؟؟؟ مين اللي حيمنع أي فوضى إنها تحصل ؟؟؟ بما أنه فات عصر الخنوع والخضوع والضعف ولااستسلام ...... أيضاً فات حضرتك إنك تفهمنا إيه الموضوع بالضبط ..

خضوع أيه يا بشمهندس شوية هدوء وتروي الله يكرمك ، دي بلد مش شركة مصر فيها فرضيات كثيرة للغاية لا أحد يختلف على التغيير ولكن الأسلوب لازم يكون بعقل شوية

عايزين تلعبوا شوية؟ أو تخلوا ولادكم يكتبوا أسماءهم بطريقة ظريفة؟ الموقع ده فيه حوالي 27 طريقة تكتب اسمك بطريقة جميلة الطريقة سهلة: 1_ اختار الشكل اللي يعجبك 2- في مربع Enter your text اكتب اسمك أو النص اللي المطلوب 3- ثم اضغط على المربع Generate Code! ا الرابط هنا

احنا عايشين في أطلال دولة زي ما قلتِ يا أغابي دولة رخوة بلا شفافية المواطن أولوية في التصريحات و ليس على أرض الواقع ايه المانع ان الناس تنزل و تحدد مطالب و تتمسك بتحقيقها؟ مش ده اعتراض سلمي؟ المفروض نسكت لحد امتى؟ لما يطلع حد يعمل انقلاب و مات الملك .. عاش الملك!؟ إذا الشعب يوماً أراد الحياة.. فلابد أن يستجيب القدر.. وفى الأحرف الثلاثة التى تتكون منها كلمة «إذا» تكمن مأساتنا.

لو حللنا الاحداث الى حصلت فى تونس من يوم 17 ديسمبر حتى اليوم هنلاقى ملاحظات مهمه جدا لازم نحطها فى اعتبارنا 1- لما الشاب التونسى حرق نفسه كان حادث فردى تماما نابع من احساس شديد بالياس من تغير الاوضاع و من رد اعتبار لكرامه اهدرت 2- الحادث خلق موجه تضامن افرزت مظاهرات عفويه لا تخطيط مسبق ليها 3- اتساع رقعه التاييد للاحتجاجات بمرور الوقت هو الى ساهم فى بلوره اهداف الاحتجاجات و تصاعدها بتصاعد الاحداث 4- الاحتجاجات كان المحرك الوحيد لها نبض الشعب فلا تبنت جهه معينه تنظيمها و توجيها و لا هبط من عزيمه المشاركيين فيها هذا الغياب فالكل كان مشارك و الكل كان مخطط فى نفس الوقت مع ملاحظه مهمه و هى توحد الصفوف الشديد بين الكل 5- لم تثنى تزايد اعداد الشهداء بتزايد حده المواجهات الشعب عن اكمال المسيره و لم تنشق الاراء بدعاوى التعقل او حقن الدماء لانهم بالتاكيد كانوا على علم تام بان الرصاصه ما دام خرجت من البندقيه فيجب ان تصيب الهدف و الا اصبح التضحيه بها نوع من العبث 6- لم تنطلى ايضا مناورات الرئيس السابق عليهم بل ساهمت بشكل اكبر فى تزايد سقف المطالب فلم يستجيبوا للاجراءات المسكنه التى اعلن عنها من خطط شبع الناس سماع عنها دون الارتواء و لو لمره واحده بها و حتى تصريحه المضحك الذى يحاكى نكته جحا الشهيره الخاصه بتعليم الحمار عن انه لن يترشح بعد 2014 فقد ادركوا ان بعض المعارك تصل فى لحظه الى نقطه ان لم تحسم فيها فانها لن تحسم ابدا 7- بل بالعكس فما بين حديثه الاخير الذى اعلن فيه هذا و بين تنحيه او هروبه كانت اعنف المواجهات و سقط اكبر عدد من الشهداء فى يوم واحد 8- من العوامل المهمه للحسم و التى سيكون من العبث التغافل عنها وقوف الجيش فى صف المدنيين و بالتاكيد هذا كان عليه عامل مباشر فى سرحه الحسم و كذلك فى تقليل الفوضوى سواء التى كانت قبل التنحى او بعدها 9- كل اعمال الفوضوى التى تمت بعد اعلان التنحى هى اما من اعمال قوات الامن المواليه للرئيس او من اعمال المجرمين الذين فروا من السجون لذلك من الضير ان نحملها كنتيجه للثوره من افراد للذين شاركوا فيها و لكنها بالتاكيد كانت من الفئه التى لم تعجبها النتيجه لانها تؤثر بشكل مباشر على مكاسبها السابقه او من مجرمين استغلوا الفرصه لكنى لم اسمع عن اى شخص من المواطنين الشرفاء الذين شاركوا فى الثوره انهم شاركوا فى الفوضى التاليه لها 10 - بالتاكيد طبيعه البلاد تختلف عن بعضها و بالتاكيد ان ما نجح مع غيرى ليس بالضروره ان ينجح معى و لكن من الظلم ان روج ان البديل عن الاحتذاء هو الارتكان لما لا نبحث عن الصيغه التى تتناسب مع طبيعتنا و بيئتنا بدلا من الاكتفاء بالتحذير من التقليد دون التفكير فى البديل لما لا نستخلص من التجربه اهم الدروس المستفاده من وجهه نظرنا التى تستطيع ان تساعدنا و التى ارى من وجهه نظرى الشخصيه جدا فى التلاحم بين الشعب التنسى كله منذ ان انطلقت الشراره الاولى الجميع تكاتف معا من اجل الانجاح و لما نرى تونسى واحد خرج يعيب على المتظاهريين تظاهرهم او يحملهم زورا بدم الشهداء المعروف سلفا من هو المجرم الحقيقى الذى انغمست يديه الاثنين فى قتلهم لم يخرج احد يخلط الاوراق او يشق الصف او يبحث لنفسه عن نجوميه ذائفه او يثبط الهمم بدعوى التعقل حتى من لم يشارك التزم الصمت و لم يتفرغ لمهاجمه الاخرين هذا هو الدرس ايا كانت الوسيله المستعمله انا لا ادعو لتبنى مبادره بعينها او فكره فى حد ذاتها و لكنى ادعو الى ما هو ابعد من ذلك الى تحديد الهدف الاساسى و من بعد ذلك فلتطرح الافكار و لتناقش و ليشارك الجميع مع الاخذ فى الاعتبار ان كل شيىء فى الحياه له ثمن لا شيىء يقدم مجانا و من يزهد فى تقديم الثمن فلا يلوم احد غير نفسه ان ضاقت به تحيه مره اخرى الى اهل تونس الشجعان الذين برهنوا عمليا على انه دوما هناك امل و لكن لمن يقبل اولا ان يمشى الطريق

حقيقة أنا أيضا والجميع في حاجة لنعلم ما هي دوافع الكموني للقتل، هذا من باب الشفافية فقط لا غير هل الدوافع طائفية ، حينها نعالج جميعا ما الذي وصل بشخص في تكوينة الكموني الاجتماعية لهذا الفعل أم دوافع ثأر ، حينها سنقبل جميعا أن الأمر شأن صعيدي بحت لا داعي للزج فيه بكلمة طائفية وتكبير الموضوع من الأصل. أم دوافع أخرى ونحن منتظرين جميعا لعل الأيام القليلة القادمة تكشف لنا عن الأسباب والدوافع

الفاضل ComingSoon لا يوجد حكم جيد و حكم سيء ... همناك حكم عادل و آخر غير عادل ... و كونه تاريخيآ نعلم جميعآ السبب ... فجميع الأحكام التي سبقته في هذا الشأن "لم تكن عادلة" و لم تقتص من الجاني ... تاريخي لأن لأول مرة في مصر يتم الحكم باعدام مواطن مسلم لقتله مواطن آخر مسيحي لأسباب طائفية بحتة ... الدوافع يستطيع اي طرف ان يسرد ما يريد ... يستطيع ان يؤلف ما يستطيع .. و لكن النهاية واحدة .. هناك قاتل .. و هناك قتيل لم تكن له حتي علاقة به ... اذن "العادي" كما ذكرت حضرتك ان يكون الحكم بالأعدام .... و هو ما لم يكن يحدث ابدآ حتي صباح اليوم ... اما عن مسألة زج الفاضل محمود مصطفي لقضية الأغتصاب "المزعومة" في سياق "اشمعني" ... فالأمر ببساطة لم يثبت بعد ... هي اتهامات متبادلة واحدة بالأغتصاب و الرد بالكذب ... فهي قضية بلا شهود و قامت فقط علي اقوال ... بينما كان حلها في منتهي البساطة باختبار الحمض النووي ... و اذا تم التأكد من الأتهام فلا يوجد اي مصري سيعترض علي الحكم عليه بأقصي العقوبات .. فتهمة الأغتصاب تعلم جيدآ انها من أقذر التهم التي يكره مقترفها اي مصري و لا تأخذه اي شفقة عليه... بوجه عام في المجتمع المصري اتفهم بالطبع الضيق الذي ممكن يضيفه حكم مماثل علي بعض المتشديين في مصر ... و لكننا يجب أن نبدأ التعود منذ الآن اننا وصلنا أخيرآ الي مرحلة مختلفة عما تعودوا عليه و علي ما يريدونا ان نبقي فيه ... يبقي فقط ان المصريون سيقبلون أخيرآ العزاء في ضحايا نجع حمادي ليلة تنفيذ هذا الحكم بالفعل ...

انا اسف ياجماعه القاهره الجديده 2200 للمتر ال10% بتبدأ من 57200 الشروق 1200 ال10% بتبدأ من 31200 بدر ال 10% بتبدا من 15900

هو ليه لازم ان احنا نبقى اهلى و زمالك و خلاص ليه لازم التصنيف و الى فى اغلب الاحوال بيكون بغرض المزايده تمهيدا لشن الهجوم المضاد ليه مينفعش نكون ايد واحده او على الاقل على قلب رجل واحد خصوصا فى ما يمس قضايا جوهريه ليه الى بيحاول يعمل حاجه لازم نتفلسف عليه و خلاص اثبات تفوق فكرى و لا تغطيه على عجز شخصى فى تقليده اينعم الى ايده فى المايه مش زى الى ايده فى النار لكن ممكن الى ايده فى المايه دا يتصرف بلامبالاه للى بيتعرض ليه الى ايده فى النار و بالعكس يكون لسان حاله بيقول ايكش يولع زياده ما هو والع او انه يحاول يساعده بالى يقدر عليه عماله اسمع اتهامات غريبه بنبرات اغرب و هجوم مش لقياله مبرر على المغتربين لمجرد انهم تجراوا و اتكلموا محدش ناقش الكلام صح و لا غلط و لا حد قدم بديل و لا حد حتى شكر ليه اى مبادره جديده بدل ما نتناقش فيها نهاجمها طيب المغتربين اتكلموا معملوش كلام صح غلط اهو على الاقل حاولوا لكن ما فيه ناس قاعده فى مصر لا عملت و لا حتى اتكلمت المغتربين لولا انهم قلبهم على بلدهم و انتمئهم فعلا بيوجعهم ايه الى هيخليهم يتكلموا او يحاولوا يساعدوا و لو بشكل بسيط بالعكس على راى كتير من الناس الى بتحسبها بالورقه و القلم هم اقل الفئات تضررا مما يحدث فى مصر يعنى مش صايبهم حاجه لو ولعت على الى فيها محدش بيدعوا للفوضى و لا حد يرضيه الفوضى لكن كمان مش كل فكره لمحاوله تغيير الحال نقعد نرمى عليها كل مخاوفنا و ضعفنا و نقعد نحلل فيها اصلها جايه من مغترب اصلها جايه من مسيحى اصلحها جايه من شاب صغير الافكار بتكون مواد خام المفروض ان احنا كل واحد يضع بصمته عليها بالشكل الى يطورها مش يخنقنها و اكيد بالشكل دا بتطور للافضل بحيث انها تكون اكثر ايجابيه و اقل من حيث الاثار الجانبيه ليها بعتذر من الجميع لو اسلوبى ضايقه و باكد انى مبقصدش اى حد معين بالكلام دا و لا انت طبعا استاذ عنبو بالعكس لكن ان ابتكلم بشكل عام عن ظاهره شفتها كتير على النت و فى الحوارات مع الاخريين احنا محتاجيين كل انسان عايز يساعد ولو بالقليل لان بلدنا غاليه علينا قوى خلينا نوحد صفوفنا ليها

لا لا لا يا ارش فى وجهة نظرى غلط اللى انت بتعمله ده شوف كام واحد دخل انهارده على المنتدى وشاف اللى انت بتقوله واتنقل لكام واحد كلامك الموضوع صدقنى مش هزار يعنى اللى بتكتبه انت مسئول عنه امام الله انا مش شايف اى حمله لان الحمله فى اعتقادى بتكون متنظمه اكتر من كده بكتير مش بس كلام وانزلوا الشارع يوم 25 يناير وخلاص يعنى الحمله اللى بتقول عليها المفروض انا لو راجل مقتنع بكلامك وعاوز انضم ليكم(زى ماانت قولت) انزل اقف ادام باب العمارة ولا اعمل ايه حتى انا مش شايف ترويج لفكرة منظمه ابدا طب على الاقل قولوا(انتوا كحمله يعنى) طالبين ايه من الناس تروح على فين وامتى بالظبط وحتى مش شايف ان فى حملتكم اى تنويهات لعدم التخريب او ان الموضوع يكون سلمى انا بس للاسف شايف ترويج لحمله انزلوا فى الشارع وخلاص او انزلوا فى الشارع ولو لقيتوا اى عسكرى اضربوه او انزلوا فى الشارع وخلاص والباقى على ربنا كده ماينفعش ياارش الموضوع مش نزول وخلاص الموضوع تنظيم وبرنامج لحمله ليها مطالب وليها نظام

اييه ياارتشيتكت .. كلامك فكرني بشبابي الذي مضى .. ايام لما حاربت في 67 واستشهدت في 73 .. يااه .. كانت ايام ياسيدي الفاضل الموضوع مش لعبه .. انك تدعوا لانقلاب شعبي فهيسمع دعوتك المثقف والجاهل .. المسالم والبلطجي .. الي نيته خير والي عاوز يخربها .. ومن المنطقي ان مش كل دول هيتصرفوا صح ومش كلهم هيكون نيتهم صلاح حال البلد .. ان مكنتش عارف بالظبط انت بتعمل ايه وقدامك خطه واضحه ومؤكده لمين هيتولى زمام الامور لما يحصل التغيير يبقى انت كده ماسك سكينة وبتذبح البلد بالي فيها .. متفقة معاك تماما ياعنبو في ان مش من حق المغتربين يدعوا لمثل هذه الثورة في هذا التوقيت بالذات .. بل وازيد عليه مش من حق الي في مصر كمان انهم يدعوا او يشاركوا فيها .. نطالب بحقوقنا ايوه .. منسكتش عن الظلم ده اكيد .. لكن متوصلش اننا ندعوا للتمرد والفوضى واحنا اصلا معندناش بديل ولا مجهزين هنعمل ايه فيما لو نجح مسعانا فمابالكم اذا فشل .. هتتطربق على الي فيها .. حرام عليكم بجد الي بيحصل ده وبيتهيء لي اي شخص عنده وطنيه وخايف على بلده المفروض ميشاركش في الدعوى دي .. الموضوع مش جيمز على النت هنلعبه ونفوز فيه ولو خسرنا مش مشكلة .. مهواش شعارات هنقولها من ورا الكيبورد واحنا قاعدين في التكييف .. الدعوة للعصيان بالشكل ده وفي التوقيت ده تماما كفتاوى التكفير واهدار الدم .. بيطلقها واحد وينساها لكن في مئات عندهم استعداد ينفذوها وبدون تفكير .. والاثنين في النهايه هيكونوا شركاء في الاثم .. دم ضحية هيتعلق في رقبه الي كان السبب في اراقة دمها .. ارجع واقول .. ربنا يسترها على مصر والمصريين ..

السلام عليكم و رحمة الله و بركاته أنا نفسي اعرف يعني ايه..."الي ايده في المية " عشان الميه باردة....عشان ملمسها ناعم مثلا ليه مش مقتنعة بكل ده......لان تجربة الغربة خلتني اعرف ان ما فيهاش "ميه خااااااااااالص" فيها وجع.....و فيها حنين و فيها افتقاد بيكبر معاك...و فيها ايام بتطول و بتفضل تسال نفسك انت ماشي بتوقيت لوحدك و لا هي الدنيا اتغيرت امبارح يا محمد و احنا بنتابع اخبار تونس علي التلفزيون...سالت نفسي لو اللي حصل في تونس ده حصل في مصر يا تري انا هرجع؟ صدقني مترددش لحظة اني ارد علي نفسي حتي لو كانت يعني اجابة جوايا.....اه هرجع و هلم شنطتي و هدور علي اي طريقة اني ارجع يمكن هبقي زعلانة جدا اني مكنتش من الشهداء اللي راحوا و كتبوا بدمهم تاريخ وطن.....يمكن لما بتيجي سيرة "بوعزيزي" بتفرتك من جوايا ان شاب....اعترض...و علا صوته....و لما زاره رئيس الدولة رفض الكلام معه...و مات بعد ما اشعل جسده و اشعل الثورة في جسد وطن بحاله مش بس تونس و سالت نفسي برضه ساعتها...هتنزلي تعملي ايه.....و لقيت برضه الاجابة.....هنزل لاني ساعتها هحس ان البلد بقيت محتاجاني.....بقي فيه دور اقدر اعمله و انا جواها....حتي لو وصلت متاخرة الاغتراب....و قرار اختيار "حب الوطن" من بعد....ليس قرارا سهلا....و بندفع تبعاته كل يوم....و بفاتورة مضاعفة لكن يوم ما احس ان ليا دور في مصر.....و اني هقدر اعمله....و ان هبقي ترس بيلف وسط تروس تانية معشقة في بعضها....مش بس اني احس اني عزف نشاز وسط منظومة مهترئة......ساعتها.....هرجع يا محمد اللي بيسخن الناس للقيام بثورة..... يمكن مشاعر غيرة.... .يمكن عايز يلعب دور مقدرشي يلعبه في بلده... .يمكن شايف نفسه انه من السمات القيادية انه يقوم بدور تعبئة الجماهير كلنا بنقوم بأدوار.....و محدش يقدر يقلل من اي دور علي حساب دور أخر يعني انت لما بتحارب في الجيش....كل الجنور بتقف....في الصف الاولاني.....طبعا لا بنقف ورا بعض و فيه ناس ممكن بيكون دورها ضروري و حيوي جدا في مكان غير متوقع اصلا..(حد يقدر يقول ان العامل بتاع اللاسكي في الحرب....اصل انت ايدك في المية يا كابتن!!!...اطلع بقي بره الصورة) مقدرشي اقول ان دور المغترب اللي "هو ايده في المية الباردة....هي صحيح باردة...لانها خالية من اي مشاعر....خالية من اي ملامح حياة....و بنحاول ندفيها بصورة رسمناها للوطن و شيلناها في حقائب السفر" مينفعشي يبقي دوره فقط انه يقوم بتعبئة الجماهير......اعتبرها يا محمد فضفضة.....اعتبرها يا سيدي ناس اتلمت في الغربة و قعدت علي قهوة و بتعلق علي ماتش كورة......اعتبرها.....حالة افتقاد لقعدة القهوة في مصر....و انك تتخانق في اي حاجة احسن تطق تموت.. .و لما يبقي الكلام من النوعية دي...يبقي قطعا ما نقدرشي نطبق عليه اي نوع من التعميم و لا القوالب الجاهزة... حالة الفضفضة اللي بنعملها جوه و بره.....مش بس المغتربين......مش ده دورنا الحقيقي دورنا الحقيقي ان احنا نعيد بناء "حلم....وطن"...كل في موقعه...كل بمفرداته هو...كل بنجاحاته الفردية اللي هتكمل الحلم الكبير لو انا مغتربة......يبقي دوري مضاعف.....لاني ببساطة بتعامل بره مش باسمي انا بتعامل بجنسيتي للاسف....يعني لما بنجح الدنيا بتقف و تقول....برافو عليكي...طول عمركم يا مصريين شطار و يوم ما بغلط...بيقولك...المصري بيبيع نفسه بقرش...(و معذرة في اللفظ) دوري كمغترب....اني اقرأ و اعيد قراءة كل المفردات.....لاني ببساطة عندي فرصة اني اشوف الصورة اكبر بعيد عن احتقانات الداخل و في يوم ما يكون المناخ "صحي".....اكيد هرجع.....و الا مستحقش اصلا اني احلم بيها انا مش محتاجة ادافع عن "حلمي....بوطن".....بي هعتبرها مساحة فضفضة يا محمد....و يمكن نبتدي نفهم نفسنا ان بقت تجارتنا...."الكلام".....و افعالنا....بقت مافيش

باقي التوصيات : التعزيز : المكافأة على اي عمل ايجابي التعلم بالنموذج : وضع صورة واضحة للسلوك المرغوب فيه وجذب انتباه الطالب لمتابعة الاداء المرغوب أشعره بالحب : المفتاح السحري أشعره بالأهميه وابتسم له كلفه بأعمال بسيطة في كل مرة لينجح في ادائها وشجعه واثني عليه وامنحه شيئا يحبه تجاهل منه ما يضايقك لا تستخدم التعليمات معه ولكن أشعره بالمسؤلية ابتعد عن أسلوب المناقشات الطويلة. لا توبخ الطفل امام الاخرين او تذكر سلوكياته الغير مرغوب فيها له او لغيره فقط ذكره بلطف ان ها خطأ اشعره بالثقة في قدراته مهما كانت محدودة لاتقارنه بغيره ولكن قارنه بنفسه من وقت لاخر يجب ان يكون هناك بدائل دائما للطفل ان عجز عن اداء شئ خصص له اشياء يمتلكها مهما كانت بسيطة يتبع ......

وتلك هي النتيجة التي اردت ادراجها هنا لكي يستفيد منها الجميع اولا ان المتابعة الاولى والاخيرة على الام وليس للمدرسة دور فعال كدورها ثانيا ان التوصيات عامة الى حد ما بحيث انها ليست كافية اطلاقا لتغطي المعلومات كلها ثالثا نظرا لتشعب موضوع صعوبات التعلم وتعدد حالاته فلابد من التشخيص ووصف التعامل مع كل حالة على حده سأفند الان التوصيات العامة التي وردت في التقرير ثم سأتبعها بإذن الله بتوصيات خاصة بي من خلال التجربة الشخصية مقترحات للتعامل مع طفل تشتت الانتباه : فترات الدراسة : عشرين دقيقة ثم راحة هدوء عام : اثناء المذاكرةدون نقاش او مقاطعة للمحافظة على التركيز : المقاعد الامامية في المدرسة للوصول للهدف : تقسيم المطلوب الى وحدات صغيرة مع تنظيمه وتحديد مراحله للروح المعنوية : تدعيم اي سلوك ايجابي وتجنب الاعتراض على السلوك الغير مرغوب فيه والتوجيه اليه بشكل غير حاد الالعاب : الهادئ منها عموما االنشاط الرياضي والالعاب : يلعب في لعبه مكونة من شخصين الى ثلاثة على الاكثر حتى تتحقق المتعة يتبع....

تورتة السفوايار و دي صورة تانية عشان تشوفوا الطبقات المقادير بسكويت ladyfinger جيللي فراولة موز و فراولة كريم شانتيية الطريقة نحضر الجيللي بالطريقة العادية و نقطع فيه موز و فراولة نحطه في التلاجة لحد الجيللي ما يمسك نفسه نجيب الكريم شانتييه و نحط منه طبقة في الجيللي نجيب البسكويت و نغطسه في حليب لثانية واحدة و نحط منه البسكويت طبقة فوق الكريم شانتييه بعد كده نكرر العملية يعني طبقة كريم شانتيية تانية فوق البسكويت و بعدين طبقة اخيرة من البسكويت المغطس في الحليب ندخلها التلاجة لحد تاني يوم و بعد كده نقلبها في طبق التقديم و نزينها من فوق بالكريم شانتيية و بالهنا و الشفا ممكن لو مش لاقيين الليدي فنجر دا في المحلات تعملوه انتوا بنفسكم مش بياخد اكتر من 15 دقيقة في الفرن و دي مقاديره 4 بيضات مفصول الصفار عن البياض 100 جم سكر بودرة 60 جم دقيق 60 جم نشا ذرة ملح طريقته يضرب الصفار مع نص السكر البودرة يضرب البياض مع نص السكر البودرة نضيف الصفار على البياض و نقلب بخفة على شكل نصف دائرة بمعلقة خشب نضيف الدقيق المنخول مع النشا بالتدريج و نقلب بخفة شديدة و طبعا نضيف ذرة الملح نجيب كيس و نحط فيه الخليط و نقص طرفه عشان نقطع بيه البسكويت في صينية مدهونة سمنة و مرشوشة دقيق يدخل فرن سابق التسخين على درجة حرارة 200 لمدة ربع ساعة و دا شكله

الموضوع مطروح لنناقش الفارق بين مكونات شخصية المواطن التونسي و المواطن المصري بصفتي عشت في البلدين فترات كبيره و في انتظار اراءكم طبعا حتكلم في البدايه عن معلوماتي المؤكده - نسبة الجهل اكبر في الشعب المصري كثيرا - احتكاك التونسيون بالاوربيون كبير جدا و ملايين التوانسه مقيمين في فرنسا و المانيا و ايطاليا بينما معظم احتكاكات المواطن المصري احتكاكات خليجيه و ليبيه في الغالب - الطبع الحامي النرفوزي العصبي للتونسي فهو سريع الغضب و النرفزه بعكس الإنسان المصري - المصريون فيهم المسلم و المسيحي بينما 99% من التوانسه مسلمون الجزء الأخير اللي حبيت اضيفه هو الفارق بين الغرفه السياسيه التي يقيم فيها المواطن التونسي و مثيلتها للمواطن المصري فاكبر تعبير عجبني قرأته هو نافذة التهويه التي وضعها النظام المصري في الغرفه للتهويه و التنفيس عن طريق اطلاق الحريه للصحافه بالنقد لمستويات عاليه جدا (بصرف النظر عن مردود هذا النقد) و لكنها تبقى نافذه للتهويه تمنع انفجار الغرفه و هو الأمر الذي غاب عن بن علي و نظامه و الذي لم يلتفت الى مدى اهمية نافذة التهويه في تخفيف الضغط الداخلي نكمل

ما هو حكم الدين فيمن يضحي بحياته في سبيل الآخرين .... لقي حتفه عن رغبة و اقتناع في سبيل حياتهم هم ... هل مات شهيدآ .. ام مات كافرآ ؟؟؟

أيوه كده! اتحاد شركات مصريه لتنفيذ مشاريع قوميه المقاولين و اوراسكوم عندهم الكفاءه و نفذوا مشروعات ضخمه فى بلاد تانيه و الاصح ان خير البلد يرجع لشركات مصريه بتشغل مصريين و فاتحه بيوت ناس كتير دايما على طول يا رب و يا رب المناقصه ترسى عليهم و ادى الخبر من المصرى اليوم http://www.almasryalyoum.com/news/%D8%B4%D8%B1%D8%A7%D9%83%D8%A9-%D8%A8%D9%8A%D9%86-%C2%AB%D8%A3%D9%88%D8%B1%D8%A7%D8%B3%D9%83%D9%88%D9%85%C2%BB-%D9%88%C2%AB%D8%A7%D9%84%D9%85%D9%82%D8%A7%D9%88%D9%84%D9%88%D9%86%C2%BB-%D9%84%D8%AA%D9%86%D9%81%D9%8A%D8%B0-%D9%85%D8%B4%D8%A7%D8%B1%D9%8A%D8%B9-%D8%A7%D9%84%D8%B7%D8%A7%D9%82%D8%A9-%D8%A7%D9%84%D9%86%D9%88%D9%88%D9%8A%D8%A9

يافندم الموضوع اتقفل لأنه كان بيقدم تحية لشخص اشعل النار في جسده و فيه تشجيع على الانتحار للثأر للكرامة و تحريض لكل من يشعر بالمهانة أن يتخلص من حياته أكرم له من أن يعيش مهانا و إن كنت بالطبع متأكدة إن تلك لم تكن رسالة الأستاذ الفاضل حنظلة إلا أن الرسالة قد تصل هكذا لضعاف النفوس أو لمن يشعرون بالاكتئاب فيتصورون خطأ أن هذا هو الحل اما موضوع طلب الرحمة لشخص مات منتحرا فلا ضرر منه فهو بين يدي الله تعالى و هو سبحانه يتولاه برحمته و من أراد أن يدعو له فليدعو فباب ربنا مفتوح و لا يغلق في وجه أحد من عباده تحياتي

بالتأكيد لا , ولكن توجد قاعدة الغاية تبرر الوسيلة ويوجد أيضا ما يسمى ب " أخذ الحق بالذراع " أخى اسلام لا توجد علاقة بين الخبرين الاول بخصوص الخروج على الحاكم وشروط طاعة ولى الأمر , والثانى بخصوص أعمال العنف والسرقة . أختلف مع تحليلك والربط بين الخبرين , وأعتقدأن "خبر المساء" هام جدا ومحاولة جيدة لتوعية الثائرين .

كمان انا ممكن افكر معاكم بصوت يا خبرر ... معقول نفكر بالشكل داه طب لما مصر فى فوضى فى وجود الشرطة والجيش والحكم وانظمتة واطلال من القانون ما بالكم لو كل داه مش موجود - ثورة ايه دى اللى ممكن نرتبلها على صفحات النت - زى ما اتفضل وقال الاستاذ التونسي الانتفاضة - لا يتم تحديد موعدها .. بل هى تأتى بغتة لكن تضمنوا منين ان البلد ما تتبهدلش وما تتسرقش لما على كدا والضمير فى النازل والبلد منهوبة طب لو بقى فى انتفاضة ولا ثورة اخاف اوى على مصر - لان ممكن فى ليلة نصبح بدون امان ولا جيش والوقت يبقى وقت اللصوص والرعاع والجهلة والخونة الحقيقيين والنفوس الضعيفة تظهر على حقيقتها اللى ولائها الحقيقي مش للبلد وهؤلاء يستولون على نصيب الشرفاء والمثقفين والوطنيين والمتعلمين احنا ممكن نفكر فى بكره ممكن نعمل ايه لو بشكل سلمى افضل من الانقلاب والانفلات وشغل التخريب حتى لو من فئة مواليه لنظام الحكم زى ما حصل فى تونس واكيد - اكيد الحكومة بقى عندها خلفية ان ممكن الشعب ينقلب فى لحظة ما بس فى الاخر كل داه كلام - لان الجيش ولائه لقائد الضربة الجوية فى نصر اكتوبر والشرطة فى رهن اشارة الحكومة - يبقى كله داه كلام فى كلام ممكن مصر تتقسم حسب الاتجهات والتيارات والاحزاب الى دويلات نبص نلاقى مصر متقسنة الى 19 دولة ومش هترسي على جنوب وشمال حتى انا لسة بفكر وبكلم نفسي

ويكرمك يامصراوية وبإذن الله الموضوع هنا هيشمل انواع صعوبات التعلم وتعريفه وازاي نكتشفه عشان كل ما كان التدخل بدري كل ماكان افضل للام وللطفل ..

I will continue until my departure by next MAY /JUNE isa, then someone else will take the flag all i wished is to make something useful for all people and to leave something to help people, but many people do not care, many people are so selfish and abusives taking only with no intensions to give

ممكن أفكر معاكم بصوت عالي؟؟ أكيد كلنا عايزين الخير لبلدنا بس بنعمل ايه عشان نحقق ده؟ هل احنا مش هنقدر لو حصلت هبة زي تونس اننا ننظم نفسنا و ندافع عن أهلنا و ممتلكاتنا؟ مين قال ان الجيش قطعا هيقف في صف النظام؟ ليه لازم نستنى لما القاعدة العريضة تتغير؟ هل ده واقعي اصلا؟ مش ممكن لا قدر الله تحصل كارثة طبيعية؟؟ .. هتنصرف ازاي ساعتها؟ هنستنى الحكومة؟ و يحصل زي الدويقة و اسكندرية لما كانوا بيردموا على الناس بدل ما ينقذوهم؟ ايه المانع ان الناس تحدد مطالب معينة و تعتصم لحد ما تتنفذ؟ هتقوقولي البلطجية و الأمن و الداخلية حاولوا في تونس و فشلوا معقولة مش هنقدر نحمي بلدنا؟

نخطئ كثيرا في التعامل مع الناس من حولنا ومع أنفسنا بسبب تعودنا علي إصدار أحكام سواء علي الآخرين أو حتي أنفسنا وبالتالي يؤدي هذا أننا من الممكن أن نخسر الأشخاص من حولنا وأهم شئ نخسر سلامنا النفسي الداخلي بانشغالنا بأفكار كثيرة لاتؤدي بنا إلي شئ ومن الممكن أن نصل إلي مرحلة حزن أو اكتئاب أيضا عند اصدارنا للأحكام لا نستطيع أن نستفيد استفادة حقيقية بأفكار الآخرين من حولنا لأننا لانناقش وقتها الفكرة ولكن نأخذ حكم تبعا لحكمنا علي صاحب الفكرة. هذا بحث قمت به عن اكتساب عادة عدم اصدار الأحكام من عدة مصادر 1-التدرج كل شيء في هذه الدنيا بالتدريج .. المشاعر تتدرج، التطور يتدرج، أفكارنا تتدرج، عمرنا يتدرج … حياتنا تتدرج … إذن التدرج هو سنة حياة .. إذا أردنـا أن نعود أنفسنا على شي جديد في حياتنا فالتدرج شيء مهم … بالنسبة لعدم اصدار الاحكام لتكن نيتي مثلا إن هذه الساعه من هذا اليوم لن أصدر الأحكام … و في اليوم التالي مثلا تكون نيتك عدم إصدار الأحكام خلال ساعتين … يليها نصف يوم فاليوم بأكمله 2-نظف الأرض اولا أنك يجب أن تنظف الأرض التي تريد أن تبني أو تزرع عليها .. لا يمكن أن أبني على أرض مبنية أصلا ! .. إذا كيف أنظف الأرض ؟؟ كيف أنظف نفسي من الداخل؟؟ … إذا كنت غير متقبل لبعض الاشخاص وغير مسامح على بعض الأمور التي حدثت بالماضي !! فكيف سأتعامل اليوم ولا أصدر الأحكام … يجب أن اسامح أولا يجب أن أتعلم أن اتقبل الجميع وأن اصلح بعض الأمور ليمكني حينها ممارسة عدم الحكم … في أشياء بالماضي عدت وراحت فلماذا أنا محتفظ بها في قلبي إلى اليوم ؟ بعد ما أصفي نفسي من الداخل أبدا بعادات رائعه اريدها .. اتقبل الكل واسامحهم ولا أصدر الأحكام. 3-عدم إصدار الأحكام والعمل هل معني ذلك أن أترك الناس على هواهم ؟؟ لا ينجزون أعمالهم واقول يمكن معذورين !! … وانا اجاوبك واقول لك نعم يمكن بالفعل معذورين واعذرهم لكن هذا لا يمنعك أن تتخذ القرار الصحيح بعملك وتقوم باللازم لكي تسير حياتك وعملك على الوجه المطلوب … أنا لا أصدر الحكم على اي موظف لدي او زميلي … لماذا لم يقوم بالعمل او لماذا تأخر في هذا العمل لكن بإستطاعتي ان اقوم بما هو اصلح لعملي … بأني افوض شخص أخر مثلا للقيام بالعمل بدلا منه … وتبعا للموقف وما يتطلب قد أعاقب المقصر في العمل فليس معني ألا أصدر حكم علي الآخرين ألا أعاقب المقصر..... هنا عدم الاصدار الاحكام ما أخرني عن عمل ولا إنجاز وايضا لم اخسر صديق لي في نفس الوقت ومرتاح بالأمرين. 4-أمر المسلم كله خير الخيــر هو الأصل .. الخيــر هو الاساس … في غياب الخيــر يكون الشر … في غياب الفكرة الايجابية تكون السلبية … وفي غياب حسن الظن يكون سوء الظن … سواء حدث لك امر يعجبك أم لا يعجبك يجب أن تعلم بأن أمر المسلم كله خير وكلها لصالحنا إن اصابتنا مصيبة صبرنا و ما أعظم أجر الصبر وإن اصابتنا مسرة فرحنا .. في الحالتين الله معنا يحبنا ويعطينا … لا تصدر الأحكام على المواقف لأنها جميعها بصالحك حتى لو كان ظاهرها عكس ذلك. إن لم يعاملك شخص بطريقة تعجبك لا تصدر عليه الحكم !! … فأنت لا تعرف ماذا حدث له قبل دقيقة !! أو ماهي افكاره بهذه اللحظة .. أو في أي بيئة تربى ونشأ .. ولكنك تعلم بأنك قادر على أن تستقبل ما تشاء من أفكار و تتجاوز عن ما تشاء … تعلم بأن كل موقف يمر عليك في حياتك هو درس لك أو هدية. 5-القبول عدم إصدار الأحكام يعلمنا على قبول الأخرين بجميع حالاتهم … وكما ذكرت في السابق نحن لا نعلم الغيب ولا ندري عن نفوس الناس وأمورهم … أنا لا اصدر الحكم على انسان لتصرفه على امر معين … انا متقبل هذا الانسان ولست متقبل التصرف استطيع ان يكون لي ردة فعل على امر يخصني ولكن لنتذكر أن لا ننفعل … مثال بسيط جدا اذا استعمل احد اصدقائي غرض من اغراضي الشخصية من غير استئذان مثلا لا اصدر حكم بأنه انسان وقح او غير مهذب او غيرها من هذه الصفات ولكن أفرض حسن الظن. … مثال اخر حدث معي … مع زميلة لا تجيد فن التواصل مع الناس .. تتكلم وتتصرف بطريقة تزعج من يتواصل معها ولكن بنفس الوقت هي تملك علم ومعرفه يمكن ان نستفيد منه .. تعلمت ان اتقبلها كما هي بكل تصرفاتها وانا واثقه بما تملك هي من وعي بأنها تستطيع أن تغير هذا التصرف يوم من الايام. 6-لماذا لا نصدر الأحكام؟ لأننا غير مؤهلين ولن نكون مؤهلين لنصدر الأحكام على الناس … لأن قناعاتنا وأفكارنا وامور حياتنا متغيره باستمرار … فما أراه اليوم صحيح ومقبول ممكن أن اراه غدا او بعد سنه غير مقبول والعكس صحيح … لأن نظرتنا تعتمد على ما نعيشة من أفكار .. لأني سأتعلم اشياء جديدة و أري أشياء جديدة وتتصحح لدي بعض المعلومات … راينا غير ثابت فالأفضل أن لا نطلق الأحكام. 7-اذا لم اصدر حكم هل هذا يعني بأني لا أبدي رايي بشيء أريده ؟ لا طبعا لابد لك من رأي ولكن تعلم أن تنظر له علي أنه رأي مجرد رأي وليس حكم يعني اريد هذا الغرض ولا اريد هذا … هذا ينفعني وهذا لا .. هذا المكان يناسبني وهذا لا… هذه الأمور اختيارات … أواجهها في حياتي … واختار لنفسي الافضل دائما في هذه اللحظه … بهذا الامر اعتمد على مشاعرك .. هنا أنت لا تصنف .. هنا أنت تختار الأنسب لك … وليس معني أنك تختار أمر ما أن لابد أن يكون الآخر غير صحيح ..... مع ممارسة التجربه ستعرف كيف تفرق بين عدم الحكم وبين الاختيار والتوقع … دائما نحن نختار الأفضل لنعيش تجارب أفضل . 8-عدم الحكم راحه للعقل مع عدم إصدار الحكم لا اضطر لتحليل الأمور وتصنيفها … وبهذه الحاله تقل الأفكار وتهدأ النفس … اصبح أكثر وعيا للأمور من حولي وأكثر تقبلا لكل المواقف … تركيزي يزيد لأني صافي من الداخل … أمور صعبه على بعض الناس ستصبح بالنسبة لي سهله بعض الشيء .. ممارسة التأمل مثلا و الخشوع في الصلاة وممارسة الصمت .. جميعها ستصبح اسهل بالنسبه لي لأن حجم الأفكار في رأسي اقل من أي شخص اخر .. غيري يعيش التناقضات والتصنيفات والأحكام ويحجم الامور والمشاكل … وأنا مرتاح من هذا كله عقلي بالتدريج سيصفى من هذه الأمور وستلاحظون تغيير في حياتكم . 9- التغــافل التغافل لغةً : هو تعمد الغفلة ، و أرى من نفسه أنه غافلُ و ليس به غفلة التغافل : وهو تكلف الغفلة مع العلم والإدراك لما يتغافل عنه تكرماً وترفعاً عن سفاسف الأمور لا يخلو شخص من نقص ،ومن المستحيل يجد كل مايريده أحدنا في الطرف الآخر كاملاً.. كما أنه لا يكاد يمر وقت دون أن يشعر أحدنا بالضيق من تصرف عمله الآخر . ولهذا على كل واحد منا تقبل الطرف الآخر والتغاضي عما لا يعجبه فيه من صفات ، أو طبائع ، وكما قال الإمام أحمد بن حنبل "تسعة أعشار حسن الخلق في التغافل".

السلام عليكم رغم اتفاقى عن عدم الحديث عن السلبيات فى موضوع سابق ولكن احب اقول رايى فى موضوع 25 يناير اولا اكيد الحكومة عرفت بالموضوع وبتجهز ليه المهم الموضوع له احتمالان وهما الاحتمال الاول - عدم مواكبة الشعب للخروج فى 25 يناير وده هيكون القشة التى قسمت ظهر البعير لان اعتقد بعد انتفاضة البرادعى والحراك اللى عمله وبعد ثورة شعب تونس فاذا كانت هذه الاحداث لم تحرك الشعب فنستطيع القول ان الشعب قد انتهى تماما ولن يقوم له قائمة وبالتالى يعتبر الحديث عن موضوع التغيير والثورة والكلام ده موضوع منتهى ويعتبر اضاعة للوقت الاحتمال الثانى : الشعب يتحرك بقوة وده هيادى ان النظام عامل حسابه وهتكون مواجهة عنيفة جدا بها الكثير من الضحايا لان المعركة هتكون معركة حياة او موت بالنسبة للنظام فهيقاوم بكل قسوة مستخدم الامن المركزى والبلطجية والجيش اذا استدعى الامر ولا مانع من قيام اتباعه ببعض اعمال الشغب لاظهار الانتفاضة بمنظر المدمر الذى يريد حراق البلد بدلا من انقاذها والاحتمالين كلاهما اسوء لمصر وهيقضى عليها يعنى من الاخير لاما قتل اى امل فى التغيير او حرب تقترب من الحرب الاهلية بين نظام لا يهمه الا الحفاظ على الكرسى والشعب ملحوظة : كما اتفقنا سابقا النظام عندنا وشه مكشوف يعنى مش هتفرق معاه ولا حقوق انسان ولا دعاء ابواما بالتهدئة وتوقع شخصى ان يحدث اى عملية بعلم النظام يوم 20-24 يناير لضرب التحرك مبكرا وقد تكون هذه العملية تفجير او قتل او اغتيال او حتى اعتقال بعض الرموز او قرارات مثل اقالة وزير او حاجة من هذا القبيل طبعا رايى انا مع اى تحرك ولكن يجب ان يكون منظم ويجب ان يكون له قائد متجهز ويقود هذا التحرك مثل ثورة يوليو لم تكن لتنجح لولا وجود قائد وشعار مثل اللواء محمد نجيب رحمه الله

أنا مع كل الأقلام العاقلة اللي بتطالب بضبط النفس تجربتنا فعلا مختلفة تماما عن تونس احنا شعبنا أكبر و شرائحه و انتماءاته الفكرية متعددة و متباينة مين اللي حيقوم بالحملة دي؟؟ و فين التنظيم اللي فيها؟ الناس تخرج و خلاص بدون ما تبقى عارفة حيعملوا ايه؟ طب لو القيادة عملت زي بن على ايه اللي حيحصل؟؟ مين اللي حيمسك البلد؟؟ و الا الجيش برضه ؟؟؟ يبقى ما عملناش حاجة الشعب للأسف دبت فيه الفرقة في كل شرايحه و كل تياراته حتى أصحاب التيار الواحد متناحرين مش من مصلحتنا كمصريين أن تتكرر تجربة تونس عندنا و فينا ناس كتير بتقول و انا مالي و ياكش تولع يا ترى الناس دي اللي انسحل قدامهم خالد سعيد و اللي اتاخد من وسطهم سيد بلال و اللي اغتُصبت قدامهم النساء و البنات في حركة كفاية يا ترى الناس دي حيبقى موقفها ايه؟؟؟ و الا هو الهدف نفقد المزيد من شبابنا بلا هدف؟؟؟ الواحد لو بيموت عشان هدف نبيل بيبقى شهيد انما اللي يخرج بلا هدف و عارف انه حيتقتل يبقى بيلقي بنفسه إلى التهلكة و خطاب ربنا سبحانه و تعالى واضح تماما {وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ }البقرة195 على هامش الحوار ساءني جدا كلام البعض بإن المغتربين مش مستعدين لأي تضحية و اننا ايدينا في المية الباردة تعرفوا حسيت بإيه ان مصر لو انصلح حالها حتمنعونا من الدخول و تقولوا لنا انتو ملكوش حق تعيشوا بيننا

معلهش سؤال اخوكم مذنوق فية استحملونى لو حضرات المغتربين بعضآ منهم موجود بالداخل هل كانت مهاجمتة للنظام الحاكم كانت هتختلف ولا هتفضل زى ماهيى المطلوب اثباتة لماذا يشعر المغترب انة اعلى ممن فى الداخل وانة يضحى بتركة وطنة قصرآ رغم انة يعلم يقينآ ما يقاسية من بالداخل هل هناك فارق بين من يقوم بصنع شيء ومن يشترية او ينتفع بة بعد صناعتة هل من يصنع الشيء بيدة يتمتع بما صنعة دائمآ ام هناك من ينتفع بة غيرة

موضوع في غايه الاهمية .. حاولت احط تقييم ايجابي لكن للاسف الرصيد خلص .. لي عوده باذن الله لما اشحن :happy: استاذه هند .. بالنسبة لابن صديقتك ففي نقطه برضه في غايه الاهمية ممكن تساهم في تقليل معاناتهم مع مشكلته .. كون له اخوه اخرون واخ اصغر منه واكثر تفوقا فمن المحتمل جدا ان اللحظات الوحيده الي بيلاقي فيها اهتمام حقيقي من احد والديه هي لما بيخفق في التعلم بما يجبرهم البقاء جنبه لتوجيهه بما يعني اعطاؤه مزيد من تركيزهم .. نصيحه اطلبي منهم يهتموا بيه بشكل فردي يعني عنايه وتوجيه اهتمام له لوحده من وقت للتاني وتشجيعه على امور ملهاش علاقه بالتعليم عشان يترسخ في ذهنه انه مش محتاج يبقى فاشل ولا محتاج يخفق عشان يلقى منهم اهتمام او يلفت نظرهم .. طبعا مبقولش انه بيتعمد الاخفاق ولكن ممكن جدا ( يسوق فيها ) يعني لو قلنا هو بيغلط عشر مرات في اليوم فممكن جدا يكون ثلاثه او اربع من المرات دي كان عارف الاجابه او التصرف الصحيح لكنه تعمد التظاهر بانه ميعرفش عشان يضمن ان والديه يركزوا معاه لمده اطول ..

ياجماعه مصر مش زى تونس ابدا احنا عندنا احزاب متعدده وكل حزب فيهم نفسه تخرب ويقعد هو لوحده على تلها وبلطجيه تبع الشرطه واخوان وليله كبيره اوى صدقنى ياارش الموضوع ممكن يوصل لدرجه فوق ماتتصور دى ممكن توصل حرب اهليه بجد

سؤال وأحب أسمع إجابتكم عليه إيه الفرق بين إنى أموت فى مظاهرة أو احتجاجات أو نتيجة الفوضى اللى محتمل تحصل وبين الآتى: إنى أموت بالسرطان من الأكل المسرطن أو نتيجة فشل كلوى من مياه الشرب أو نتيجة أمراض نفسية من الوضع اللى احنا عايشينه واللى بترفع الضغط وتجيب السكر وتشيب الشباب أو فى حادثة مرورية نتيجة الفشل الحكومى فى تنظيم المرور وتحقيق الانضباط والإهمال فى صيانة الطرق أو أموت غرقان فى عبارة صاحبها مسنود أو أموت فى قطر محروق نتيجة الإهمال أو أموت فى عمارة مخالفة مبنية تحت سمع وبصر الحى و تم الطرمخة عليها أو أموت فى مستشفى نتيجة الإهمال الطبى وتدهور مستوى التعليم فى كل المجالات أو أموت من التعذيب فى قسم الشرطة وممكن أكون برئ أو أموت كمداً وغيظاً لما ما اقدرش اخد حقى بعد ما تثبت براءتى أو إنى أموت من الانتظار كمان 30 سنة لما نتغير كلنا ونبقى أحسن -ومين يضمنها دى- عشان أتجنب إنى أموت فى مظاهر أو احتجاج أو نتيجة الفوضى اللى محتمل تحصل :)

المعلق الثاني يحتاج الي وقفة صراحة من نفسه ولا اراه الا محب للنقد من اجل النقد والظهور فقط ولم تحمل تعليقاته اي نوايا طيبة من بدايتها وقع المعلق الثاني في خطأ جسيم قال لهشام اراك كالمحامي الذي لا يحسن المرافعة وانتهي بقوله كنت متألقا جدا في الالقاء كيف يتفق هذا مع ذاك !!!!

احنا ممكن نعمل زيك ونسخن الناس وننزل عالمنتديات والفيس بوك ونبعت رسايل ونهيج الناس وبردوا زيك قاعد هنا فى الامان تحت التكييف ولا عندى اى مشكلة لو خربت او ولعت بس ساعتها يعنى هنبقى مبسوطين (وننزل كمغتربين نحتفل بالنصر) البسالة يا بشمهندس مش انك تحارب بايدى الاخرين وانما البسالة تنزل وترفع سلاحك عايز تسخين بقى وتضحية احجز تذكرة وخد اجازة من الشغل يومين تلاتة وانزل حارب هو يعنى كلام وتسخين وخلاص ومفيش حسابات منطق (مين بقى اللى بيقولوا علينا وبيقولوا ايه؟)

الله ينور عليك ياعنبو وده كان قصد استاذ محمود مصطفى فى موضوع اخبار تونس لكن للاسف تقيم سالب لانه ذكر المغتربين مع احترامى الشديد لكل الاخوة المغتربين لكنهم ابعد مايكون عن اللى حيحصل للبلد من خراب ودمار متناسين ان اقاربهم واهاليهم مازالوا موجودين بمصر بممتلكاتهم واولادهم فهل سيرضون باى مساس لهم من قريب او بعيد سواء تدمير سيارتهم اومحلاتهم او لاقدر الله سقوط قتلى منهم كما حدث فى تونس ولن نغفل جميعا مدى تدهور الحالة الاخلاقية بمصر وكثرة المدمنين والمجرمين وسوء الاستغلال لاى موضوع لاثارة الفوضى والخاسر الوحيد مواطن طفح الدم عشان يشترى عربية او يعمل مشروع يامن مستقبل اولاده فهل الاخوة المغتربون على استعداد ان يضحوا باموالهم اللى كدوا وتعبوا وتغربوا عشانها فى تعويض المتضررين من جراء الاحداث التى ستنتج من عشوائية ثورة غير مدروسة ستقضى على الاخضر واليابس وحتى ان قبلوا هل يستطيعون تعويضهم عن خسارتهم عن اولادهم او ازواجهم فى حالة لاقدر الله موتهم فى الاحداث الدامية اللى حتحصل عن نفسى ان مش مستعدة اقدم ابنى وزوجى قربان لارضاء شعارات جوفاء من اناس ابعد مايكون عن نار ستشتعل فينا وحدنا لان للاسف المقيمين بس هم اللى حيدفعوا الضريبة والكلام ده قلته على اقباط المهجر اللى بينفخوا فى نار الفرقة وقلت انهم بمنأى عن ماسيحدث من فتنة فى البلد والمسيحى المقيم سيكون الخاسر لان الاخرين امنين بعيد بانفسهم واموالهم وكذلك قلته قبل ذلك لاستاذ فاضل كان قصده سيبوا البلد بتخلفها والناس اللى فيها واطلعوا بولادكم برة ولما تصلح نبقى نرجع لها انا عارفة ان ناس كتير حتزعل من كلامى لكن حطوا نفسكم مكانا عندكم استعداد تضحوا بفلوسكم واولادكم كنت باشتم ابنى انه مش وطنى ولا يهمه اللى بيحصل فى البلد لكن لما شفت سيد بلال واللى حصله قلبى وجعنى واكتئبت وامتنعت عن المحاورات لفترة من حزنى وقلت حرتاح لما ابنى يكون كده ؟! وعلى راى ابنى مجنون وعبيط اللى يضحى بنفسه عشان ناس ماتستهلش فى بلد زى دى وده بعد اللى شافه فى الابراهمية من سحل احد مؤيدى البرادعى من المخبرين والدم خفى ملامح وشه والولد بيصرخ يستجير بعشرات الناس اللى وقفت تتفرج كانه مجرم يستحق اللى بيحصله مع ان عددهم اكتر من اتنين مخبرين كان ممكن يتغلبوا عليهم وينجدوا الولد من اديهم ايد لوحدها متصقفش كم واحد عنده استعداد يسيب اللى وراه ويسيب حلمه ويرجع يشارك فى حاجة زى دى كم واحد فى البلد عنده استعداد يضحى زى غيره ومايقفلش بابه على نفسه ويقول احنا مالنا

ده كرسي جامد اوي في الكلوب يا عنبي آه يا عيني :happy: اسمحلي اختلف معاك لانك عارف ان المغتربين اكثر انتماءا من اللي في مصر و لا يقلون عنهم تضحيه ورجوله اللي بيكتب حرف فيهم بيهاجم فيه النظام عارف ومتاكد ان كلامه حيوصل لامن الدوله قبل اي حد تاني ورغم كده بيقول رأيه وبيهاجم النظام وامره على لله ياريتنا كنا في مصر دلوقتي عشان نشترك في يوم الثوره 25 يناير زي ما اشتركنا في كل المظاهرات من 1990 ايام غزو الكويت لحد وقفات كفايه وشباب 6 ابريل على سلم نقابة الصحفيين مواجهة الظلم والمنكر تكون على ثلاثة مراتب يا عنبوش ,, الاولى باليد ونحن عاجزون عنها الان لظروف الغربه الثانيه باللسان وده اللي بنقوم بيه ,, الثالثه بالقلب وهي اضعفهم على الاطلاق ,, و هي للاسف الدرجه اللي بتطالبنا دلوقتي اننا نهبط اليها ,,

شكرا جزيلا لكل الناس اللى سالت عنى وتعبتكم معايا الفترة دى والنتيجة بعد اسبوعين - انشالله ربنا يخيب ظنى واحصد النقاط المطلوبة اكمنى متشائمة جدا وشكرا لكل الناس اللى تعبت فى التوبيك هناوساعدت بمعلومات فى غيابي ربنا معاكم كلكم ويفرح قلبكم بالفايل نمبر اغابي

السلام عليكم و رحمة الله و بركاته ليه يا أستاذ محمود السؤال اتفهم كده....هو احنا درسنا في الكلية ان لما نقول الفرق بين حاجة و حاجة معناها ان احنا نطلع اوجه التشابه عشان نقدر نتوقع نقاط الالتقاء و التقارب و كمان نحدد اوجه الاختلاف و ده مش معناه قطعا ان طرف ليه أفضلية علي طرف آخر السؤال المطروح انا فهمته ليه الشعب التونسي اتحرك و احنا متحركناش مع ان نفس المعطيات و يمكن أقوي كمان و بعد اذن حضرتك مش مطلوب من صاحب التوبيك و لا من اي محاور انه يعلنها انه واقف بين الجموع يعني.....لانها امر بديهي....مسلم بيه....و الا هنتحول لمجرد قناة تانية من الاغاني الوطنية اللي بنطفي عليها لما بيذيعوها في الازمات و مش لاقيين لده مبرر....(هو الواحد لازم يحلف انه بيحب مامته....؟؟؟؟؟) مختلفة مع حضرتك جدا جدا في موضوع "المصري المغترب "... هو احنا ايه بقي هنتصنف كل شوية في مجموعة.....يعني الحبة دول مصريين مسلمين....و الحية اللي هناك دول مصريين مسيحيين ....و دولم المصريين المجاهدين اللي عايشين في مصر.....اما اللي هناك دولم هما المصريين المتغربين براها....و احيانا كتير و الله هتلاقي المصري اللي غريب جوه مصر...هي اصلها مش جغرافيا و تذاكر طيران محتجة جدا علي وجهة نظر حضرتك.....و نزلت بعيني للتوقيع اللي حضرتك حاطه بتقولنا فيه....كل ما اوزن ناقص حتة"..... كل ما اوزن ناقص حتة حقيقي......... علي سلامة قال فعلا ناقص حتة ناقص حتة......حتة ان احنا نتنمي لقضية و حلم "وطن مصري".... محدش من حقه في يوم يحرمني منه و لا يزايد عليه تحياتي استاذي

الحقيقة اخشى ان تحمل السعودية ماسي الشعوب العربية واﻻسلامية ......وانها شريكة لكل حاكم دكتاتوري في العالم العربي او اﻻسلامي................ هل الحكومة السعودية بجلالة قدرها محتاجة لوساطة رجل اعمال حتى تقوم بما يمليه عليه واجب النخوة و اغاثة الملهوف وما مجالات البزنس التي سيسيل لعاب السعوديين لذلك هل اقامت الحكومة السعودية علاقات بزنس مع كل اللاجئين عبر تاريخها منذ عهد المؤسس عبدالعزيز ؟؟؟؟؟؟؟؟؟؟؟عندما اعطت اللجوء للوطنين مقاومين الاستعمار البريطاني والفرنسي في سوريا والعراق و مصر...كحافظ وهبه............(وكاد ان يكون الملك فاروق والرئيس محمد نجيب)ﻻجئين للسعودية لقد اعطت اللجوء ل(عيدي امين) فما الفائدة الاقتصادية من ذلك؟؟؟؟؟ وبطلب من حكومة باكستان اعطت حق اللجوء لنواز شريف(الذي كانت له علاقات تجارية سابقة مع رجال اعمال سعوديين) ان ماضي وحاضر (و مستقبل ) الحكومة السعودية بفضل الله حافل بالصفحات البيض بفضل مواقفها اﻻنسانية التي ﻻ تشوبها شائبة....وما موقفها من استقبال الرئيس التونسي المخلوع سوى سلسلة من مواقفها المشرفة واﻻنسانية

اجتماع طارئ لحكومه نظيف لخفض الاسعار وعمل اجراءات احترازيه خوفا من الوقوع فى نفس الخطا مثل الحكومه التونسيه وتهدات الشعب المصرى وامتصاص غضب الشعب

;) :P مساء الخير عليكوا جميعا التوبيك نسائي ما تكملش قرايه لانه مش هايفيدك حبيباتي ال ف المنتدي اكيد فينااو اغلبنا بتشتغل وبترجع طول اليوم مهدوده ومش قادره حتي تجهز الاكل ال غالبا ما اتعملش الحقيقه وانا ف مصر ما كنتش بشيل هم امي حبيبتي كانت بتسندني بس لما جيت هنا السعوديه :sad: لاقيت الدنيا فاتحه لي مصرعيها وضرب ضرب ما فيش شتيمه ابتداء من بيبو ابني ال مجنني بشقاوته الغير معقوله وطلباته ال مش بتخلص مرورا با زوجي الحبيب ومسؤلياته ال عليا من مكوة اللبس لعمل كوباية شاي كل مرور ربع ساعه نهاية بقي بالمطبخ وترتيب البيت الترتيب مش بشيل همه لان اغلب الفوضي بتكون لعب بيبو بلمها ف ثواني وبقية الاعمال المنزليه من نظافه بتعدي بتسهيل ربنا لان ايدي ف الشقه علي طول انضف وابخر هههه اصلي بحب العاده دي من وانا ف بيت بابا كانت احلي ايام مساعدتي الوحيده ل ماما كانت اني ابخر مجهود بصراحه smk: المهم يا جماعه اني ما لقتش حاجه معذباني اد ها ناكل ايه بكره يووووه كل يوم حيره وانا بداوم 8 ساعات وبرجع مهدوده فقررت اعمل جدول ومشيت عليه وشغال معايا زي الفل بعمل اكل الاسبوع كله ف يومين غالبا الخميس والجمعه بدل ما اهد ف نفسي كل يوم هاتستغربوا يعني الاكل بيفضل علي طعمه اسبوع اه والله مع شوية لمسات خفيفه بتتعمل كل يوم زي الرز ابو شعريه لازم يكون سخن وطازه خليني اقولكم علي جدولي وانتو احكموا بداية في حاجات لازم تكون عندك ف الفريز متجهزه يدوب ع الطبخ زي ورق العنب والبتنجان تحشيه وتشوحيه ف زيت ع الفريز والكرنب تكوني سلقاه ومقطعاه خضره المحشي والطماطم اضرب اخزن لي قيمة خمسه كيلو كل كيس فيه نص علي اد الطبخه والملوخيه الخضرا بخرطها واضيف لها كوباية شوربه والباميه واي خضار تقدري تخزنيه اليوم الاول هايكون الخميس بطلع الكرنب المسلوق الجميل واتبل فراخ واطلع الطماطم المتسبكه وخضرة المحشي ونص ساعه ويكون احلي محشي كرنب وفراخ محمره بيتبقي مثلا طبق اشيله ينفع ف يوم زنقه اليوم التاني بجهزه الخميس بردوا بعد ما اتغدي واشرب الشاي اقوم اجهز ل صينية بطاطس ف الفرن بالفراخ واول ما تغلي غلوتين اطلعها ادي يوم خلصنا منه يدوب هاجي من شغلي السبت اعمل رز بشعريه وطبق مخلل بيتي جميل عباره عن خيار ولفت واطلع صنية البطاطس م التلاجه اديها كمان غلوتين وع الشوايه عشان الفراخ تاخد لون نرجع للطبخه التاليه ال هي بتاعت الاحد بكون سلقه لحمه كيلو مثلا و اخد من الطماطم المتسبكه عندي واعمل عليها فاصوليا خضرا واضع اللحمه مع الغليان بتكون عسل دي ليوم الاحد ونفسه هواه الجدول يدوب باجي بعمل الرز تالت طبخه بقية كيلو اللحمه بشربته اعمل ملوخيه ودي بعملها طازه كل حاجه جاهزه يدوب ع التنفيذ وبكده ارتحت م الاثنين نيجي بقي للثلاثاء وده ف البرد ده بكون مجهزه له عدس اصفر مسلوق وارمي ف الفريزر يدوب اجي م الشغل احمر له الشعريه واديله طشة التوم ال بتموتني م الجوع من ريحتها وجنبه بقي جرجير ومخلل وشوية حركات اكل الاربع بعمله الجمعه لان الجمعه بيكون يوم الدليفري اي حاجه اوي اي نواشف وغالبا بناكل فيه رنجه معصور عليها اللمون والزيت والشطه والبصل واشرب الشاي واقوم اواصل لعمل اكل الاربع وها يكون سي فوود بكون مجهزه لوازم الشوربه لان جوزي بيحبها جدا بجيب الجمبري والكاليماري والكابوريا كله كيلو اقسمه علي مرتين ف كيسين واعمل شوربة السي فوود بالكريمه وسر المهنه مكعب مرقة الدجاج bv:- ودوق يا معلم ولاتقولي الشيف شربيني وولا الشيف بندق بهزر طبعا المقامات محفوظه يا اخ بندق هي العين تعلي عن الحاجب ;) :wub: ويومها ال هو الاربع واحنا جايين م الشغل بنجيب سمك مشوي واول ما اوصل ارز الصيادية التحفه والسلطه الخضرا وكده تمام الخميس بقي احنا قلناه هاه رأيكم ايه ف جدولي انتوا بقي بتعملوا ايه مع العلم اني كل اسبوع بنوع ما بين ملوخيه وباميه بانيه وشاورمه شوربة عدس وكشري كده يعني عشان الواحد ما يملش شاركوني باقتراحتكوا

عزيزتنا أغابي .... عزيزي سكوربيون أعزائي الأعضاء المسيحيين والمسلمين منذ وقوع الحادث الأخير الأليم وأنا أراقب كل الأفعال وردود الأفعال بعضها أحزنني .... بعضها أراح قلبي ولكنني في النهاية كان داخلي سلام عجيب وغريب اطمئنان بأن الزوبعة ستمر ويعود الوضع إلى ما كان عليه لأننا أقوى من ذلك بكثير قطّع قلبي الضحايا وأسرهم... ولكنه قدرنا ولا نملك إلا أن نرضى ونحمد الله على السراء والضراء يقول رسولنا الكريم :pbuh: "عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له" كلما سمعت عن تفجيرات ارهابية في أي مكان في العالم شعرت أننا نقف في الصف وأن دورنا قادم لا محالة... لا أدري من أين أتاني هذا الشعور ولكن ذلك الشعور هيأني نفسيا لما حدث وكلما قرأت عن الحلول والحلول البديلة وأنا لا أفكر إلا في شئ واحد أننا أقوى من كل ما حدث وما سيحدث ليس كلام شعارات ولكننا كيان واحد مسلمين ومسيحيين أذكر أول من شاركني مقعد الدراسة في أول يوم في مدرستي الابتدائية .... كان مسيحيا وأذكر جيراني وزملائي في العمل أذكر أمي وهي تتبادل مع جيراننا المسيحيين الأكلات الحلوة في المناسبات والأعياد ونحن نتشارك الأفراح والأحزان كلنا ... كلنا كيان واحد لا يتجزأ ولا يصنّف إلى فريقين متناحرين إذا حدثت مصيبة لأي منا نعزي أنفسنا قبل أن نعزي المصاب إذا كان هناك من يرى أننا في مشكلة وهناك فتنة.... أو أقلية تحتاج لحماية من جهات أجنبية فهو لا يعرف المعدن الحقيقي للمصريين عندي أحاسيس كثيرة ومشاعر لا أجد الوقت للتعبير عنها وأجد الكلمات لا توفيها حقها أدعو الله أن يحفظنا من كل سوء

كتاكيت البطاطس المقادير: 1 كيلو بطاطس مسلوقه جيدا 1 كوب لبن حليب 250 مل 2 قطعه جبن مثلثات 2 بيضه مسلوقه 1 ملعقه صغيره ملح نصف ملعقه صغيره فلفل اسود للتزيين جزر مبشور, خس, حبات فلفل اسود الوصفة: تهرس البطاطس جيدا ثم يضاف اليها اللبن الحليب و الجبن المثلثات وصفار البيض + الملح والفلفل الاسود يخلط الخليط جيدا ثم تشكل البطاطس علي شكل دجاجه وناخذ بياض البيض ونشكل منه الكتاكيت الصغيره نفرش طبق بالجزر المبشور ونضع فوقه الدجاجه وصغارها ونصنع ذيلها واجنحتها من اوراق الخس وعيون الدجاجه من قطع زيتون وعيون الصغار من حبات الفلفل الاسود والمناقير من مثلثات صغيره من الجزر مدة سلق البطاطس ساعه مدة سلق البيض 25 دقيقه ملحوظه : نعلم ان البطاطس البيوريه نضع بها كميه من الزبد والكريمه والبيض ولكن انا شخصيا لا احبذ استعمال الدهون لما لها من اضرار علي الصحه وخصوصا الاطفال ولذلك استخدمت جبن المثلثات وصفار البيض المسلوق بدلا من الزبد والكريمه ايضا نضع البيض الغير ناضج علي البطاطس البيوريه ولكن عندما نكمل نضجها بالفرن لاننا نعلم جيدا خطورة اكل الطعام الذي به البيض غير الناضج وخصوصا علي الاطفال

مووووري باي .. بم إن سواقين و تاكسي و طريق المدينة يبا موووري باي شوف يا صديج .. هذا سواج شوف هذى سيارة سيم سيم معزة .. هو دوس برسيم ما في دوس بنزين .. انا كلام انت شوف هذا تاكسي انت روح بعيد ما في يمشي سوا سوا هذا تاكسي .. هذا تاكسي يروح يمين انت روح يسار .. معلوم صديق؟ الترجمة: موري باشا .. سواقين التاكسي دول بيتعاملوا مع العربية انها معزة .. اول ما هيدوس برسيم هتمشي أو ما هيشيل رجله هتقف .. و انت عارف طبعاً المعيز مفيهاش اشارات لا شمال و لا يمين .. فإنت أحسنلك تمشي بعيد عنهم و أول ما تشوف تاكسي ما تلزقش فيه خاااالص لأن النهاية أكيد مش هتكون سعيدة و عامة في طريق المدينة ما تلزقش في حد خالص لأنه طريق ابن لذينة و بتلاقيه وقف فجأة و أكثر الحوادث اللي عليه تلاقي 3-4 عربيات راشقين في بعض و كان الله يحب المحسنين .. و ديماً شيك على فراملك و التيل بالذات و الزيت عشان بجد الموضوع ده خطر و لازم الفرامل تسعفك لما الطريق يقف فجأة. و ربنا يسترها علينا و عليك يا ريس مكاوى مكاوي صديج انت في واحد نفر كويس bv:- بس هاذا تاكسي مافي معلوم اي شي..هوا في سووف بس زابوون..جرجر كتيير وقت حسااب انا كنت عايش في جدة حوالي سنتين، شفت من سواقين التاكسي العجب، مفروض العربية فيها 3 مرايات، 2 جانبي وواحدة في النص، الي على الشمال مكسورة، غالبا بيكون نتش حد بيها و هوا ماشي في البلد، و اليمين مقفولة، تقريبا ما يعرفش ان فيه حاجة اسمها مراية يمين، او بيكسل يفتحها اول ما يبتدي البونديرة،، والي في النص والوحيدة الي بتبقى سليمة، وبتكون مظبوطة..على الكرسي الي وراا.... احكيلك على موقف حصل معايا في تقاطع فلسطين مع المدينة - المدينة ده شارع رئيسي واخد جدة بالطول - المهم يا معلم انا ماشي في الحارة اليمين و شايف في المراية فلشر شغال من ورايا و عربية جاية بسرعة جدا فطنشته طبعا، انا ماشي في اليمين، عايز يعدي الشمال كله مفتووح، وفعلا لما لقاني مديها طناش، وهوا واخد سرعته راح واخد الحارة الي على شمالي، و عداني بشوية كده، بس حظه ان كان في في نفس الوقت عربية ماشية في الحارة الشمال بتوسع لعربية جايه من وراها، وهووب هما الاتنين لبسو في بعض، بس لستر ربنا العربيات بس الي اتخبطت..وهما الحمد لله كانو سلاام... الغريبة بقى ان العربية الي كانت على الشمال الي كانت بتوسع..كان تاكسي وهوا ماكنش بيوسع ولا حاجة، ده شااف زبوون بيشاورله كان واقف على ناصية التقاطع على اليمين خالص الحارة الي انا كنت ماشي فيها، مالوش دعوة بقى..هوا ماشفش ساعتها غير زبون بيشاروله.. الحكمة من القصة: انا الي خت الزبوون معايا في الأخر وعندي نصيحتين احب اقولهم بخصوص السواقة في مصر: 1. موجهة لبعض السيدات: مراية العربية مش هيا مراية التسريحة..التانية اكبر و ممكن تظبطي فيها الميك اب احسن 2. موجهة للناس الي بتسوق في الحارة الشمال: الله يكرمك، لو في حد عايز يعديك، افتحله سكة ربنا يسترها علينا جمييعا...

الموت على الطريقة المصرية واحد ‏سأل ‏مصرى: عايز ‏تموت ‏إزاي ‏؟ عاوز ‏تموت ‏شهيد يا تركب ‏قطر يا تركب ‏عباره ‏ياتركب طياره عاوز ‏تموت ‏م ‏الجوع ياتشترى ‏شقه ‏بالقسط ياتشترى ‏عربيه ‏بالقسط يا تدخل عيالك مدرسة خاصة عاوز ‏تموت ‏م ‏الحسره ياتتفرج ‏ع ‏الفاترينات ‏فى ‏ستى ‏ستارز ياتروح ‏زياره ‏لمارينا عاوز ‏تموت ‏م ‏الغيظ ياتتفرج ‏ع ‏القنوات ‏المحليه ياتتفرج ‏ع ‏النشره ‏الجويه عاوز ‏تموت ‏م ‏الزهق ياتستنى ‏الإشاره ‏لما ‏تفتح ياتستنى ‏دورك ‏فى ‏التأمين ‏الصحى ياتستنى ‏دورك فى الفرن عاوز ‏تموت ‏م ‏الهبل يا تسمع تصريحات المسئولين بعد كل كارثة يا تتفرج على برامج المسابقات عاوز ‏تموت ‏مخنوق ياتروح ‏مصلحه ‏حكوميه يا تقرا ‏الجريده ‏اليوميه عاوز ‏تموت م الخضة يا تركب ميكروباص يا تعدى الشارع على رجليك عاوز ‏تموت ‏مفروووس ياتقف تستنى ‏تاكسى ياتركب الترام عاوز ‏تموت ‏مرعوووووب ياتستنى ‏نتيجه ‏الثانويه ‏العامه ياتستنى ‏نتيجه ‏التحاليل ‏عند ‏الدكتور عاوز ‏تموت ‏مشهور ياتتجوز ‏رقاصه ياتنصب ‏على ‏بنك عاوز ‏تموت ‏مليونير ياتعمل ‏فيديو ‏كليب ياتلعب ‏كوره عاوز ‏تموت ‏ورا ‏الشمس ياتشغل ‏مخك ياتفتح ‏بؤك عاوز ‏تموت ‏م ‏الحزن ياتحط ‏الحكومه ‏ف ‏بالك يا ‏تشجع ‏الزمالك عاوز ‏تموت ‏م ‏الضحك يا تسمع تصريحات وزارتا الصحة و التعليم يا تروح تتطعم من أنفلوانزا الخنازير عاوز ‏تموت ‏ف ‏حالك أعمل ‏نفسك ‏دايما....‏مش ‏واخد ‏بالك مقتطفات من بريدي الالكتروني

الجديد عاوز تموت من التعذيب يستجوبوك في قضية حتى لو كنت "شاهد ما شافش حاجة"