لوحة القادة

السلام عليكم ورحمة الله وبركاته تحيه طيبه وبعد بتجول فى المواقع اللى مشترك فيها واللى اغلب المشتركين فيها من المغتربين ولقيت الاغلبيه بتدعوا الى ثوره زى اللى حصلت فى تونس والكل بيسخن الناس لكى تقوم بالثوره ولقيت ايضاً كلام ان مصر مفيهاش رجاله وان الرجاله بس فى تونس وان مصر فيها وفيها وفيها ....................الخ واللى بجد خلانى اشد فى شعرى ده ايام ما كان عندى شعر يعنى ان الناس دى كلها بره مصر اساسا وفيه منهم اللى اخد قرار بعدم الرجوع الى مصر الا اذا تحسنت الظروف يعنى خلاص شاف له حل تانى او حل انانى لمشاكل البلد انا طبعا مش بشكك فى وظنيتهم ولا اقدر انى اشكك فى وظنية اى انسان ولكن يا جماعه ليه عاوزين كل حاجه تيجى بالساهل ليه غيرنا اللى يضحوا علشان احنا نعيش انا شخصياً مقدرش اؤيد قيام اى ثوره فى مصر الا لما اكون فى مصر وبين الشعب غير كده مقدرش اقول كلمه غير انى انتقد تصرفات الحكومه واوعى الناس بيها لكن ادعوا الى ثوره وانقلاب وانا فى الخليج او فى اوربا او فى امريكا او ..........الخ يبقى منتهى الانانيه وخصوصا ان اى انقلاب او ثوره لابد له من ضحايا ليه اطلب من غيرى انه يضحى بحياته علشان خاطرى وانا بعيد قاعد فى التكيف وحياتى تمام اخر حاجه الى كل من يدعوا الى انقلاب اتفضل حضرتك انزل مصر وشارك فى الانقلاب غير كده يبقى ياريت حضرتك تسمعنا سكوتك تحياتى عنبو

بادئ الامر... صعوبات التعلم من خلال تجربة وتحليل شخصي ثانيا من الناحية العلمية... نفتتح بسم الله .. نبتدي الحكاية.... من حوالي سنتين ونصف حدث انني لاحظت ان ابني لا يستطيع حفظ القران او الاناشيد وهو اول الخيط الذي تيقنت من خلاله انه ممن لا يستطيعون تذكر التسلسل الكلامي او سرد شئ سمعه بدقه ثم ظهرت من سنة مشكلة الاملاء وبالاكثر في اللغة العربية ولم اكن اسمع قبل ذلك عن كلمة صعوبات التعلم كنت استوعب الامر على انها مسألة قدرات ..ليس إلا ثم جاء يوم فاتحتني فيه معلمة من المدرسة كانت لتوها منقولة من مدرسة اخرى وبها قسم للبنات الاتي لديهن هذه المشكلة وتفهمت جدا كلامها لولا انها كانت تتكلم بحذر شديد مخافة ان لا اتفهم واهاجم رأيها دخلت الانترنت ووصلت لحقائق عن الحالات التي تعاني من انواع صعوبات التعلم وهنا تيقنت انطباق معاناتي مع معانات امهات كثير وبحثت عن مكان يساعدني في تشخيص الحالة وتصنيفها ووجدت بالفعل مكان سمعته ممتازة الا وهو مركز المهارات بجدة توجهنا الى هناك ..شخصت الحالة بأنها تشتت انتباه مع ضعف في الذاكرة البصرية والسمعية قصيرة المدى والتفسير : عدم القدرة على تذكر المعلومات التي سمعت لتوها او الصور ذات التفاصيل المتعددة والتي شوهدت لتوها بالاضافة الى سهولة تشتت الذهن بأي مؤثر خارجي .. يتبع....

على فكره الي بيحصل ده غلط وممكن يدخل البلد في متاهة مظلمه الله اعلم هتطلع منها ولا لاه .. بقولها للمرة المليون التغيير لا يأتي من القمه وانما من القاع .. اننا تغير كلنا هتتغير معانا بلدنا لكن يبقى الموضوع مظاهرات واحتجاجات واعتصامات وكل هدفنا بس نشيل الي في السلطه فابسط مافيها هيسيبهالكم في اول مروحيه زي ماغيره عمل ( واشربوها ) .. هنتحول لعراق تانيه والي معاه سنجه ولا سيف هو الي هيبقى له الغلبه .. الناس هتاكل بعضها في الشوارع وهتبقى حمامات دم الله وحده اعلم هتتوقف امتى .. الموضوع مش لعبه والترويج له من وجهة نظري جريمه .. لو حاولتم تطبيق التجربة التونسيه في مصر في التوقيت ده بالذات هتجروا مصر جر لطريق تحويلها دويلات اكبر من فيها اصغر من حجم تونس .. شوية تعقل .. هو احنا كنا شفنا نتيجه تجربة تونس وصلت لأيه ولا جابت نتائج ايه عشان نجري بلا تفكير نروج لتعميمها على مصر ؟؟!! انا عارفه ناس كتير هتزعل من كلامي لكن الفتنة نائمه ولعن الله من ايقظها والي بيحصل ده تهريج مش هيفيد بشيء ان مكانش هيضيع البلد بالي فيها .. ربنا يستر على مصر والمصريين ..

أمره ومصيره بين يدى المولى عز وجل ..وعلى فكره هو لم يمت مباشرة بعد اشعاله للنار بنفسه .. بل بقى حيا لفتره.. ولعله قد استغفر ربه فى تلك الفتره .. ولعل الله برحمته الواسعه قد أمد فى عمره ليحفه برحمته ومغفرته التى وسعت كل شئ .. والله اعلم

لأ طبعاً .. مايصحش .. مفيش حد أرجل مننا والفاسد لازم يمشي .. دي مافيهاش كلام إنتم مين ؟؟ يعني مين دول ؟؟ مين اللي طلبوا .. أو مين اللي بيخطط .. أو بيدعوا لهذا ؟؟؟ إخوان ؟؟ يساريين ؟؟ يمين ؟؟؟ وفد ؟؟؟ مين يعني ؟؟؟ لما الناس تطلع يوم 25 يناير .. حيقولوا ايه ...؟؟ مين اللي حيقولهم خلاص كفاية كده .. مفيش أمل ؟؟ أو مين اللي حيقولهم خلاص .. كل واحد يروح .. تحقق الهدف ؟؟؟ مين اللي حينصحهم يروحوا علشان الخسائر كبيرة .. أو قليلة ..؟؟؟ مين اللي حيمنع أي فوضى إنها تحصل ؟؟؟ بما أنه فات عصر الخنوع والخضوع والضعف ولااستسلام ...... أيضاً فات حضرتك إنك تفهمنا إيه الموضوع بالضبط ..

خضوع أيه يا بشمهندس شوية هدوء وتروي الله يكرمك ، دي بلد مش شركة مصر فيها فرضيات كثيرة للغاية لا أحد يختلف على التغيير ولكن الأسلوب لازم يكون بعقل شوية

عايزين تلعبوا شوية؟ أو تخلوا ولادكم يكتبوا أسماءهم بطريقة ظريفة؟ الموقع ده فيه حوالي 27 طريقة تكتب اسمك بطريقة جميلة الطريقة سهلة: 1_ اختار الشكل اللي يعجبك 2- في مربع Enter your text اكتب اسمك أو النص اللي المطلوب 3- ثم اضغط على المربع Generate Code! ا الرابط هنا

احنا عايشين في أطلال دولة زي ما قلتِ يا أغابي دولة رخوة بلا شفافية المواطن أولوية في التصريحات و ليس على أرض الواقع ايه المانع ان الناس تنزل و تحدد مطالب و تتمسك بتحقيقها؟ مش ده اعتراض سلمي؟ المفروض نسكت لحد امتى؟ لما يطلع حد يعمل انقلاب و مات الملك .. عاش الملك!؟ إذا الشعب يوماً أراد الحياة.. فلابد أن يستجيب القدر.. وفى الأحرف الثلاثة التى تتكون منها كلمة «إذا» تكمن مأساتنا.

لو حللنا الاحداث الى حصلت فى تونس من يوم 17 ديسمبر حتى اليوم هنلاقى ملاحظات مهمه جدا لازم نحطها فى اعتبارنا 1- لما الشاب التونسى حرق نفسه كان حادث فردى تماما نابع من احساس شديد بالياس من تغير الاوضاع و من رد اعتبار لكرامه اهدرت 2- الحادث خلق موجه تضامن افرزت مظاهرات عفويه لا تخطيط مسبق ليها 3- اتساع رقعه التاييد للاحتجاجات بمرور الوقت هو الى ساهم فى بلوره اهداف الاحتجاجات و تصاعدها بتصاعد الاحداث 4- الاحتجاجات كان المحرك الوحيد لها نبض الشعب فلا تبنت جهه معينه تنظيمها و توجيها و لا هبط من عزيمه المشاركيين فيها هذا الغياب فالكل كان مشارك و الكل كان مخطط فى نفس الوقت مع ملاحظه مهمه و هى توحد الصفوف الشديد بين الكل 5- لم تثنى تزايد اعداد الشهداء بتزايد حده المواجهات الشعب عن اكمال المسيره و لم تنشق الاراء بدعاوى التعقل او حقن الدماء لانهم بالتاكيد كانوا على علم تام بان الرصاصه ما دام خرجت من البندقيه فيجب ان تصيب الهدف و الا اصبح التضحيه بها نوع من العبث 6- لم تنطلى ايضا مناورات الرئيس السابق عليهم بل ساهمت بشكل اكبر فى تزايد سقف المطالب فلم يستجيبوا للاجراءات المسكنه التى اعلن عنها من خطط شبع الناس سماع عنها دون الارتواء و لو لمره واحده بها و حتى تصريحه المضحك الذى يحاكى نكته جحا الشهيره الخاصه بتعليم الحمار عن انه لن يترشح بعد 2014 فقد ادركوا ان بعض المعارك تصل فى لحظه الى نقطه ان لم تحسم فيها فانها لن تحسم ابدا 7- بل بالعكس فما بين حديثه الاخير الذى اعلن فيه هذا و بين تنحيه او هروبه كانت اعنف المواجهات و سقط اكبر عدد من الشهداء فى يوم واحد 8- من العوامل المهمه للحسم و التى سيكون من العبث التغافل عنها وقوف الجيش فى صف المدنيين و بالتاكيد هذا كان عليه عامل مباشر فى سرحه الحسم و كذلك فى تقليل الفوضوى سواء التى كانت قبل التنحى او بعدها 9- كل اعمال الفوضوى التى تمت بعد اعلان التنحى هى اما من اعمال قوات الامن المواليه للرئيس او من اعمال المجرمين الذين فروا من السجون لذلك من الضير ان نحملها كنتيجه للثوره من افراد للذين شاركوا فيها و لكنها بالتاكيد كانت من الفئه التى لم تعجبها النتيجه لانها تؤثر بشكل مباشر على مكاسبها السابقه او من مجرمين استغلوا الفرصه لكنى لم اسمع عن اى شخص من المواطنين الشرفاء الذين شاركوا فى الثوره انهم شاركوا فى الفوضى التاليه لها 10 - بالتاكيد طبيعه البلاد تختلف عن بعضها و بالتاكيد ان ما نجح مع غيرى ليس بالضروره ان ينجح معى و لكن من الظلم ان روج ان البديل عن الاحتذاء هو الارتكان لما لا نبحث عن الصيغه التى تتناسب مع طبيعتنا و بيئتنا بدلا من الاكتفاء بالتحذير من التقليد دون التفكير فى البديل لما لا نستخلص من التجربه اهم الدروس المستفاده من وجهه نظرنا التى تستطيع ان تساعدنا و التى ارى من وجهه نظرى الشخصيه جدا فى التلاحم بين الشعب التنسى كله منذ ان انطلقت الشراره الاولى الجميع تكاتف معا من اجل الانجاح و لما نرى تونسى واحد خرج يعيب على المتظاهريين تظاهرهم او يحملهم زورا بدم الشهداء المعروف سلفا من هو المجرم الحقيقى الذى انغمست يديه الاثنين فى قتلهم لم يخرج احد يخلط الاوراق او يشق الصف او يبحث لنفسه عن نجوميه ذائفه او يثبط الهمم بدعوى التعقل حتى من لم يشارك التزم الصمت و لم يتفرغ لمهاجمه الاخرين هذا هو الدرس ايا كانت الوسيله المستعمله انا لا ادعو لتبنى مبادره بعينها او فكره فى حد ذاتها و لكنى ادعو الى ما هو ابعد من ذلك الى تحديد الهدف الاساسى و من بعد ذلك فلتطرح الافكار و لتناقش و ليشارك الجميع مع الاخذ فى الاعتبار ان كل شيىء فى الحياه له ثمن لا شيىء يقدم مجانا و من يزهد فى تقديم الثمن فلا يلوم احد غير نفسه ان ضاقت به تحيه مره اخرى الى اهل تونس الشجعان الذين برهنوا عمليا على انه دوما هناك امل و لكن لمن يقبل اولا ان يمشى الطريق

حقيقة أنا أيضا والجميع في حاجة لنعلم ما هي دوافع الكموني للقتل، هذا من باب الشفافية فقط لا غير هل الدوافع طائفية ، حينها نعالج جميعا ما الذي وصل بشخص في تكوينة الكموني الاجتماعية لهذا الفعل أم دوافع ثأر ، حينها سنقبل جميعا أن الأمر شأن صعيدي بحت لا داعي للزج فيه بكلمة طائفية وتكبير الموضوع من الأصل. أم دوافع أخرى ونحن منتظرين جميعا لعل الأيام القليلة القادمة تكشف لنا عن الأسباب والدوافع

الفاضل ComingSoon لا يوجد حكم جيد و حكم سيء ... همناك حكم عادل و آخر غير عادل ... و كونه تاريخيآ نعلم جميعآ السبب ... فجميع الأحكام التي سبقته في هذا الشأن "لم تكن عادلة" و لم تقتص من الجاني ... تاريخي لأن لأول مرة في مصر يتم الحكم باعدام مواطن مسلم لقتله مواطن آخر مسيحي لأسباب طائفية بحتة ... الدوافع يستطيع اي طرف ان يسرد ما يريد ... يستطيع ان يؤلف ما يستطيع .. و لكن النهاية واحدة .. هناك قاتل .. و هناك قتيل لم تكن له حتي علاقة به ... اذن "العادي" كما ذكرت حضرتك ان يكون الحكم بالأعدام .... و هو ما لم يكن يحدث ابدآ حتي صباح اليوم ... اما عن مسألة زج الفاضل محمود مصطفي لقضية الأغتصاب "المزعومة" في سياق "اشمعني" ... فالأمر ببساطة لم يثبت بعد ... هي اتهامات متبادلة واحدة بالأغتصاب و الرد بالكذب ... فهي قضية بلا شهود و قامت فقط علي اقوال ... بينما كان حلها في منتهي البساطة باختبار الحمض النووي ... و اذا تم التأكد من الأتهام فلا يوجد اي مصري سيعترض علي الحكم عليه بأقصي العقوبات .. فتهمة الأغتصاب تعلم جيدآ انها من أقذر التهم التي يكره مقترفها اي مصري و لا تأخذه اي شفقة عليه... بوجه عام في المجتمع المصري اتفهم بالطبع الضيق الذي ممكن يضيفه حكم مماثل علي بعض المتشديين في مصر ... و لكننا يجب أن نبدأ التعود منذ الآن اننا وصلنا أخيرآ الي مرحلة مختلفة عما تعودوا عليه و علي ما يريدونا ان نبقي فيه ... يبقي فقط ان المصريون سيقبلون أخيرآ العزاء في ضحايا نجع حمادي ليلة تنفيذ هذا الحكم بالفعل ...

انا اسف ياجماعه القاهره الجديده 2200 للمتر ال10% بتبدأ من 57200 الشروق 1200 ال10% بتبدأ من 31200 بدر ال 10% بتبدا من 15900

هو ليه لازم ان احنا نبقى اهلى و زمالك و خلاص ليه لازم التصنيف و الى فى اغلب الاحوال بيكون بغرض المزايده تمهيدا لشن الهجوم المضاد ليه مينفعش نكون ايد واحده او على الاقل على قلب رجل واحد خصوصا فى ما يمس قضايا جوهريه ليه الى بيحاول يعمل حاجه لازم نتفلسف عليه و خلاص اثبات تفوق فكرى و لا تغطيه على عجز شخصى فى تقليده اينعم الى ايده فى المايه مش زى الى ايده فى النار لكن ممكن الى ايده فى المايه دا يتصرف بلامبالاه للى بيتعرض ليه الى ايده فى النار و بالعكس يكون لسان حاله بيقول ايكش يولع زياده ما هو والع او انه يحاول يساعده بالى يقدر عليه عماله اسمع اتهامات غريبه بنبرات اغرب و هجوم مش لقياله مبرر على المغتربين لمجرد انهم تجراوا و اتكلموا محدش ناقش الكلام صح و لا غلط و لا حد قدم بديل و لا حد حتى شكر ليه اى مبادره جديده بدل ما نتناقش فيها نهاجمها طيب المغتربين اتكلموا معملوش كلام صح غلط اهو على الاقل حاولوا لكن ما فيه ناس قاعده فى مصر لا عملت و لا حتى اتكلمت المغتربين لولا انهم قلبهم على بلدهم و انتمئهم فعلا بيوجعهم ايه الى هيخليهم يتكلموا او يحاولوا يساعدوا و لو بشكل بسيط بالعكس على راى كتير من الناس الى بتحسبها بالورقه و القلم هم اقل الفئات تضررا مما يحدث فى مصر يعنى مش صايبهم حاجه لو ولعت على الى فيها محدش بيدعوا للفوضى و لا حد يرضيه الفوضى لكن كمان مش كل فكره لمحاوله تغيير الحال نقعد نرمى عليها كل مخاوفنا و ضعفنا و نقعد نحلل فيها اصلها جايه من مغترب اصلها جايه من مسيحى اصلحها جايه من شاب صغير الافكار بتكون مواد خام المفروض ان احنا كل واحد يضع بصمته عليها بالشكل الى يطورها مش يخنقنها و اكيد بالشكل دا بتطور للافضل بحيث انها تكون اكثر ايجابيه و اقل من حيث الاثار الجانبيه ليها بعتذر من الجميع لو اسلوبى ضايقه و باكد انى مبقصدش اى حد معين بالكلام دا و لا انت طبعا استاذ عنبو بالعكس لكن ان ابتكلم بشكل عام عن ظاهره شفتها كتير على النت و فى الحوارات مع الاخريين احنا محتاجيين كل انسان عايز يساعد ولو بالقليل لان بلدنا غاليه علينا قوى خلينا نوحد صفوفنا ليها

لا لا لا يا ارش فى وجهة نظرى غلط اللى انت بتعمله ده شوف كام واحد دخل انهارده على المنتدى وشاف اللى انت بتقوله واتنقل لكام واحد كلامك الموضوع صدقنى مش هزار يعنى اللى بتكتبه انت مسئول عنه امام الله انا مش شايف اى حمله لان الحمله فى اعتقادى بتكون متنظمه اكتر من كده بكتير مش بس كلام وانزلوا الشارع يوم 25 يناير وخلاص يعنى الحمله اللى بتقول عليها المفروض انا لو راجل مقتنع بكلامك وعاوز انضم ليكم(زى ماانت قولت) انزل اقف ادام باب العمارة ولا اعمل ايه حتى انا مش شايف ترويج لفكرة منظمه ابدا طب على الاقل قولوا(انتوا كحمله يعنى) طالبين ايه من الناس تروح على فين وامتى بالظبط وحتى مش شايف ان فى حملتكم اى تنويهات لعدم التخريب او ان الموضوع يكون سلمى انا بس للاسف شايف ترويج لحمله انزلوا فى الشارع وخلاص او انزلوا فى الشارع ولو لقيتوا اى عسكرى اضربوه او انزلوا فى الشارع وخلاص والباقى على ربنا كده ماينفعش ياارش الموضوع مش نزول وخلاص الموضوع تنظيم وبرنامج لحمله ليها مطالب وليها نظام

اييه ياارتشيتكت .. كلامك فكرني بشبابي الذي مضى .. ايام لما حاربت في 67 واستشهدت في 73 .. يااه .. كانت ايام ياسيدي الفاضل الموضوع مش لعبه .. انك تدعوا لانقلاب شعبي فهيسمع دعوتك المثقف والجاهل .. المسالم والبلطجي .. الي نيته خير والي عاوز يخربها .. ومن المنطقي ان مش كل دول هيتصرفوا صح ومش كلهم هيكون نيتهم صلاح حال البلد .. ان مكنتش عارف بالظبط انت بتعمل ايه وقدامك خطه واضحه ومؤكده لمين هيتولى زمام الامور لما يحصل التغيير يبقى انت كده ماسك سكينة وبتذبح البلد بالي فيها .. متفقة معاك تماما ياعنبو في ان مش من حق المغتربين يدعوا لمثل هذه الثورة في هذا التوقيت بالذات .. بل وازيد عليه مش من حق الي في مصر كمان انهم يدعوا او يشاركوا فيها .. نطالب بحقوقنا ايوه .. منسكتش عن الظلم ده اكيد .. لكن متوصلش اننا ندعوا للتمرد والفوضى واحنا اصلا معندناش بديل ولا مجهزين هنعمل ايه فيما لو نجح مسعانا فمابالكم اذا فشل .. هتتطربق على الي فيها .. حرام عليكم بجد الي بيحصل ده وبيتهيء لي اي شخص عنده وطنيه وخايف على بلده المفروض ميشاركش في الدعوى دي .. الموضوع مش جيمز على النت هنلعبه ونفوز فيه ولو خسرنا مش مشكلة .. مهواش شعارات هنقولها من ورا الكيبورد واحنا قاعدين في التكييف .. الدعوة للعصيان بالشكل ده وفي التوقيت ده تماما كفتاوى التكفير واهدار الدم .. بيطلقها واحد وينساها لكن في مئات عندهم استعداد ينفذوها وبدون تفكير .. والاثنين في النهايه هيكونوا شركاء في الاثم .. دم ضحية هيتعلق في رقبه الي كان السبب في اراقة دمها .. ارجع واقول .. ربنا يسترها على مصر والمصريين ..

السلام عليكم و رحمة الله و بركاته أنا نفسي اعرف يعني ايه..."الي ايده في المية " عشان الميه باردة....عشان ملمسها ناعم مثلا ليه مش مقتنعة بكل ده......لان تجربة الغربة خلتني اعرف ان ما فيهاش "ميه خااااااااااالص" فيها وجع.....و فيها حنين و فيها افتقاد بيكبر معاك...و فيها ايام بتطول و بتفضل تسال نفسك انت ماشي بتوقيت لوحدك و لا هي الدنيا اتغيرت امبارح يا محمد و احنا بنتابع اخبار تونس علي التلفزيون...سالت نفسي لو اللي حصل في تونس ده حصل في مصر يا تري انا هرجع؟ صدقني مترددش لحظة اني ارد علي نفسي حتي لو كانت يعني اجابة جوايا.....اه هرجع و هلم شنطتي و هدور علي اي طريقة اني ارجع يمكن هبقي زعلانة جدا اني مكنتش من الشهداء اللي راحوا و كتبوا بدمهم تاريخ وطن.....يمكن لما بتيجي سيرة "بوعزيزي" بتفرتك من جوايا ان شاب....اعترض...و علا صوته....و لما زاره رئيس الدولة رفض الكلام معه...و مات بعد ما اشعل جسده و اشعل الثورة في جسد وطن بحاله مش بس تونس و سالت نفسي برضه ساعتها...هتنزلي تعملي ايه.....و لقيت برضه الاجابة.....هنزل لاني ساعتها هحس ان البلد بقيت محتاجاني.....بقي فيه دور اقدر اعمله و انا جواها....حتي لو وصلت متاخرة الاغتراب....و قرار اختيار "حب الوطن" من بعد....ليس قرارا سهلا....و بندفع تبعاته كل يوم....و بفاتورة مضاعفة لكن يوم ما احس ان ليا دور في مصر.....و اني هقدر اعمله....و ان هبقي ترس بيلف وسط تروس تانية معشقة في بعضها....مش بس اني احس اني عزف نشاز وسط منظومة مهترئة......ساعتها.....هرجع يا محمد اللي بيسخن الناس للقيام بثورة..... يمكن مشاعر غيرة.... .يمكن عايز يلعب دور مقدرشي يلعبه في بلده... .يمكن شايف نفسه انه من السمات القيادية انه يقوم بدور تعبئة الجماهير كلنا بنقوم بأدوار.....و محدش يقدر يقلل من اي دور علي حساب دور أخر يعني انت لما بتحارب في الجيش....كل الجنور بتقف....في الصف الاولاني.....طبعا لا بنقف ورا بعض و فيه ناس ممكن بيكون دورها ضروري و حيوي جدا في مكان غير متوقع اصلا..(حد يقدر يقول ان العامل بتاع اللاسكي في الحرب....اصل انت ايدك في المية يا كابتن!!!...اطلع بقي بره الصورة) مقدرشي اقول ان دور المغترب اللي "هو ايده في المية الباردة....هي صحيح باردة...لانها خالية من اي مشاعر....خالية من اي ملامح حياة....و بنحاول ندفيها بصورة رسمناها للوطن و شيلناها في حقائب السفر" مينفعشي يبقي دوره فقط انه يقوم بتعبئة الجماهير......اعتبرها يا محمد فضفضة.....اعتبرها يا سيدي ناس اتلمت في الغربة و قعدت علي قهوة و بتعلق علي ماتش كورة......اعتبرها.....حالة افتقاد لقعدة القهوة في مصر....و انك تتخانق في اي حاجة احسن تطق تموت.. .و لما يبقي الكلام من النوعية دي...يبقي قطعا ما نقدرشي نطبق عليه اي نوع من التعميم و لا القوالب الجاهزة... حالة الفضفضة اللي بنعملها جوه و بره.....مش بس المغتربين......مش ده دورنا الحقيقي دورنا الحقيقي ان احنا نعيد بناء "حلم....وطن"...كل في موقعه...كل بمفرداته هو...كل بنجاحاته الفردية اللي هتكمل الحلم الكبير لو انا مغتربة......يبقي دوري مضاعف.....لاني ببساطة بتعامل بره مش باسمي انا بتعامل بجنسيتي للاسف....يعني لما بنجح الدنيا بتقف و تقول....برافو عليكي...طول عمركم يا مصريين شطار و يوم ما بغلط...بيقولك...المصري بيبيع نفسه بقرش...(و معذرة في اللفظ) دوري كمغترب....اني اقرأ و اعيد قراءة كل المفردات.....لاني ببساطة عندي فرصة اني اشوف الصورة اكبر بعيد عن احتقانات الداخل و في يوم ما يكون المناخ "صحي".....اكيد هرجع.....و الا مستحقش اصلا اني احلم بيها انا مش محتاجة ادافع عن "حلمي....بوطن".....بي هعتبرها مساحة فضفضة يا محمد....و يمكن نبتدي نفهم نفسنا ان بقت تجارتنا...."الكلام".....و افعالنا....بقت مافيش

باقي التوصيات : التعزيز : المكافأة على اي عمل ايجابي التعلم بالنموذج : وضع صورة واضحة للسلوك المرغوب فيه وجذب انتباه الطالب لمتابعة الاداء المرغوب أشعره بالحب : المفتاح السحري أشعره بالأهميه وابتسم له كلفه بأعمال بسيطة في كل مرة لينجح في ادائها وشجعه واثني عليه وامنحه شيئا يحبه تجاهل منه ما يضايقك لا تستخدم التعليمات معه ولكن أشعره بالمسؤلية ابتعد عن أسلوب المناقشات الطويلة. لا توبخ الطفل امام الاخرين او تذكر سلوكياته الغير مرغوب فيها له او لغيره فقط ذكره بلطف ان ها خطأ اشعره بالثقة في قدراته مهما كانت محدودة لاتقارنه بغيره ولكن قارنه بنفسه من وقت لاخر يجب ان يكون هناك بدائل دائما للطفل ان عجز عن اداء شئ خصص له اشياء يمتلكها مهما كانت بسيطة يتبع ......

وتلك هي النتيجة التي اردت ادراجها هنا لكي يستفيد منها الجميع اولا ان المتابعة الاولى والاخيرة على الام وليس للمدرسة دور فعال كدورها ثانيا ان التوصيات عامة الى حد ما بحيث انها ليست كافية اطلاقا لتغطي المعلومات كلها ثالثا نظرا لتشعب موضوع صعوبات التعلم وتعدد حالاته فلابد من التشخيص ووصف التعامل مع كل حالة على حده سأفند الان التوصيات العامة التي وردت في التقرير ثم سأتبعها بإذن الله بتوصيات خاصة بي من خلال التجربة الشخصية مقترحات للتعامل مع طفل تشتت الانتباه : فترات الدراسة : عشرين دقيقة ثم راحة هدوء عام : اثناء المذاكرةدون نقاش او مقاطعة للمحافظة على التركيز : المقاعد الامامية في المدرسة للوصول للهدف : تقسيم المطلوب الى وحدات صغيرة مع تنظيمه وتحديد مراحله للروح المعنوية : تدعيم اي سلوك ايجابي وتجنب الاعتراض على السلوك الغير مرغوب فيه والتوجيه اليه بشكل غير حاد الالعاب : الهادئ منها عموما االنشاط الرياضي والالعاب : يلعب في لعبه مكونة من شخصين الى ثلاثة على الاكثر حتى تتحقق المتعة يتبع....

تورتة السفوايار و دي صورة تانية عشان تشوفوا الطبقات المقادير بسكويت ladyfinger جيللي فراولة موز و فراولة كريم شانتيية الطريقة نحضر الجيللي بالطريقة العادية و نقطع فيه موز و فراولة نحطه في التلاجة لحد الجيللي ما يمسك نفسه نجيب الكريم شانتييه و نحط منه طبقة في الجيللي نجيب البسكويت و نغطسه في حليب لثانية واحدة و نحط منه البسكويت طبقة فوق الكريم شانتييه بعد كده نكرر العملية يعني طبقة كريم شانتيية تانية فوق البسكويت و بعدين طبقة اخيرة من البسكويت المغطس في الحليب ندخلها التلاجة لحد تاني يوم و بعد كده نقلبها في طبق التقديم و نزينها من فوق بالكريم شانتيية و بالهنا و الشفا ممكن لو مش لاقيين الليدي فنجر دا في المحلات تعملوه انتوا بنفسكم مش بياخد اكتر من 15 دقيقة في الفرن و دي مقاديره 4 بيضات مفصول الصفار عن البياض 100 جم سكر بودرة 60 جم دقيق 60 جم نشا ذرة ملح طريقته يضرب الصفار مع نص السكر البودرة يضرب البياض مع نص السكر البودرة نضيف الصفار على البياض و نقلب بخفة على شكل نصف دائرة بمعلقة خشب نضيف الدقيق المنخول مع النشا بالتدريج و نقلب بخفة شديدة و طبعا نضيف ذرة الملح نجيب كيس و نحط فيه الخليط و نقص طرفه عشان نقطع بيه البسكويت في صينية مدهونة سمنة و مرشوشة دقيق يدخل فرن سابق التسخين على درجة حرارة 200 لمدة ربع ساعة و دا شكله

أيوه كده! اتحاد شركات مصريه لتنفيذ مشاريع قوميه المقاولين و اوراسكوم عندهم الكفاءه و نفذوا مشروعات ضخمه فى بلاد تانيه و الاصح ان خير البلد يرجع لشركات مصريه بتشغل مصريين و فاتحه بيوت ناس كتير دايما على طول يا رب و يا رب المناقصه ترسى عليهم و ادى الخبر من المصرى اليوم http://www.almasryalyoum.com/news/%D8%B4%D8%B1%D8%A7%D9%83%D8%A9-%D8%A8%D9%8A%D9%86-%C2%AB%D8%A3%D9%88%D8%B1%D8%A7%D8%B3%D9%83%D9%88%D9%85%C2%BB-%D9%88%C2%AB%D8%A7%D9%84%D9%85%D9%82%D8%A7%D9%88%D9%84%D9%88%D9%86%C2%BB-%D9%84%D8%AA%D9%86%D9%81%D9%8A%D8%B0-%D9%85%D8%B4%D8%A7%D8%B1%D9%8A%D8%B9-%D8%A7%D9%84%D8%B7%D8%A7%D9%82%D8%A9-%D8%A7%D9%84%D9%86%D9%88%D9%88%D9%8A%D8%A9

ماذا نريد ؟ هذا هو السؤال الذى يجب أن نوجهه لأنفسنا أولا ... هل نريد تغيير الاوضاع فى مصر والتى طالما سطرت كتاباتنا معاناة وآلام الشعب طوال الثلاثون عاما الماضية أم نريد أن نظل نراوح أماكننا ونتباكى على حظنا التعس وأقدارنا التى ألقت علينا ذلك النظام العفن أذا ما كانت الأجابة بنعم نريد التغيير ..أذن فكل حركة بركة ، والمشوار الصعب بيهون لما نمشيه مع بعض أقدر مخاوف الكثيرين من حدوث الفوضى ولكن وبصراحة مافيش أى ضمانة حقيقية ومؤكدة لمنعها! وكل أنتفاضات الشعوب وثوراتها فيها تجاوزات بما فيها ثورة 1919 لما الفلاحين حرقوا بعض قصور الأعيان فى الريف ، والامثلة كثيرة للغاية .. ولكن هذا يتوقف على من يقود وغالبا تتم ضبط الأمور لان سمعة حركات المعارضة تصبح فى الميزان حينها والأنظمة الديكتاتورية ممكن تدس بعض من عناصرها كما حدث أيام مظاهرات غزو العراق والمخبرين حرقوا عربية المطافى أمام كاميرات التليفزيون المصرى !! صحيح أنه هناك كثير من المظاهرات والأحتجاجات تمت فى الثلاثون عاما الماضية ولكن النظام تعامل معها بتكتيك ذكى وهو حصرها داخل كردونات من الأمن والمباحث أمام سلالم نقابتى المحامين والصحفيين ومنع تواصل رجل الشارع العادى معها ، وهم يعلمون تماما بأن نقطة الضعف عند أمن النظام هى حدوث شئ كبير فى القاهرة عاصمة الحكم ، لان بقية الاقاليم يمكن عزلها وحصارهابعيدا عن الاعلام الغربى الطبقة الوسطى فى مصر وغيرها هى المنوط بها عملية قيادة المجتمع وأحلال التغيير المنشود ، ولكن شرائح تلك الطبقة برغم أتساعها ونموها فى السنوات الماضية ألا أنها وسطى فى كل شئ وسطى فى طموحاتها واهدافها و أيضا وسطى فى ردود أفعالها وحركتها ، نريد تغييرا بشرط ان يكون نظيفا وخالى من العنف ؟!! ... هل يمكننا أن نتصور ان رأس النظام ورجاله والمستفيدون من فساده يمكنهم أن يتركوا الحكم ببساطة للشعب ، ومع تقديرى للاخ / محمد من أمريكا ورسالته المفتوحة الرائعة هل يمكننا أن نتخيل ان الرئيس سيقرأها ثم يأخذ فى البكاء ندما على افعاله ويقرر فى لحظة توبه تاريخية ان يتنحى عن الحكم ؟!! لأ بالطبع دول ما بيفهموش الا لغة القوة زى ما جربوها مع شعبهم نصف قرن من القهر والتعذيب أهم حاجة فى الجيش المصرى - مع وضع ملاحظات كثيرة على دوره - هى انه لايتعاطى السياسة وهذا ليس لحكمة عظيمة من القادة ولكن لخوفهم الكبير من نزوله الشارع و أنقلابه للخلف عليهم والاطاحة بهم وان كان السادات أستعان به فى يناير 77 الا أنهم لم يريقوا دماء احد ، وفى 86 أيام الامن المركزى لم يطلقوا النار على الجنود الا بأوامر مباشرة من الرئيس الأعلى للقوات المسلحة : حسنى مبارك 25 يناير ليس شرطا ان يكون يوما حاسما وليس بالضرورة أن تتحقق فيه أية مكاسب للشعب ولكنه شرطا اساسيا لنا نحن الشعب ..لانه سيكون بداية طريق التغيير ...أن شاء الله

يافندم الموضوع اتقفل لأنه كان بيقدم تحية لشخص اشعل النار في جسده و فيه تشجيع على الانتحار للثأر للكرامة و تحريض لكل من يشعر بالمهانة أن يتخلص من حياته أكرم له من أن يعيش مهانا و إن كنت بالطبع متأكدة إن تلك لم تكن رسالة الأستاذ الفاضل حنظلة إلا أن الرسالة قد تصل هكذا لضعاف النفوس أو لمن يشعرون بالاكتئاب فيتصورون خطأ أن هذا هو الحل اما موضوع طلب الرحمة لشخص مات منتحرا فلا ضرر منه فهو بين يدي الله تعالى و هو سبحانه يتولاه برحمته و من أراد أن يدعو له فليدعو فباب ربنا مفتوح و لا يغلق في وجه أحد من عباده تحياتي

بالتأكيد لا , ولكن توجد قاعدة الغاية تبرر الوسيلة ويوجد أيضا ما يسمى ب " أخذ الحق بالذراع " أخى اسلام لا توجد علاقة بين الخبرين الاول بخصوص الخروج على الحاكم وشروط طاعة ولى الأمر , والثانى بخصوص أعمال العنف والسرقة . أختلف مع تحليلك والربط بين الخبرين , وأعتقدأن "خبر المساء" هام جدا ومحاولة جيدة لتوعية الثائرين .

يبدو اننا لم نتفهم التجربة التونسية بعد .. الثوره او الانتفاضه او الهَبَّة ... او حتى ((الهوجه)) لا يتم تحديد موعدها .. بل هى تأتى بغتة .. وبالطبع لها مقدمات .. ولكن قوة تأثيرها فى موعد انفجارها المفاجئ ((بالبلدى ميكنش حد مستعد لها او مرتب لها يعنى)) ومع ذلك .. ومالو .. مش حيخسر يبقى فيه شئ سلمى يتم يوم 25 يناير .. بس مش هو ده اللى حيكون فى اذهان البعض انا اتوقع ان الانتفاضه المدويه ((التى قد تكون ذات تاثير مخيف)) حتيجى من ال16 مليون مصرى اللى تحت خط الفقر ((سمعت فى التلفزيون ان فيه احصائيه بتقول 20 % من الشعب المصرى تحت خط الفقر)) . امتى بقى ده يحصل .. الله اعلم

ويكرمك يامصراوية وبإذن الله الموضوع هنا هيشمل انواع صعوبات التعلم وتعريفه وازاي نكتشفه عشان كل ما كان التدخل بدري كل ماكان افضل للام وللطفل ..

ممكن أفكر معاكم بصوت عالي؟؟ أكيد كلنا عايزين الخير لبلدنا بس بنعمل ايه عشان نحقق ده؟ هل احنا مش هنقدر لو حصلت هبة زي تونس اننا ننظم نفسنا و ندافع عن أهلنا و ممتلكاتنا؟ مين قال ان الجيش قطعا هيقف في صف النظام؟ ليه لازم نستنى لما القاعدة العريضة تتغير؟ هل ده واقعي اصلا؟ مش ممكن لا قدر الله تحصل كارثة طبيعية؟؟ .. هتنصرف ازاي ساعتها؟ هنستنى الحكومة؟ و يحصل زي الدويقة و اسكندرية لما كانوا بيردموا على الناس بدل ما ينقذوهم؟ ايه المانع ان الناس تحدد مطالب معينة و تعتصم لحد ما تتنفذ؟ هتقوقولي البلطجية و الأمن و الداخلية حاولوا في تونس و فشلوا معقولة مش هنقدر نحمي بلدنا؟

نخطئ كثيرا في التعامل مع الناس من حولنا ومع أنفسنا بسبب تعودنا علي إصدار أحكام سواء علي الآخرين أو حتي أنفسنا وبالتالي يؤدي هذا أننا من الممكن أن نخسر الأشخاص من حولنا وأهم شئ نخسر سلامنا النفسي الداخلي بانشغالنا بأفكار كثيرة لاتؤدي بنا إلي شئ ومن الممكن أن نصل إلي مرحلة حزن أو اكتئاب أيضا عند اصدارنا للأحكام لا نستطيع أن نستفيد استفادة حقيقية بأفكار الآخرين من حولنا لأننا لانناقش وقتها الفكرة ولكن نأخذ حكم تبعا لحكمنا علي صاحب الفكرة. هذا بحث قمت به عن اكتساب عادة عدم اصدار الأحكام من عدة مصادر 1-التدرج كل شيء في هذه الدنيا بالتدريج .. المشاعر تتدرج، التطور يتدرج، أفكارنا تتدرج، عمرنا يتدرج … حياتنا تتدرج … إذن التدرج هو سنة حياة .. إذا أردنـا أن نعود أنفسنا على شي جديد في حياتنا فالتدرج شيء مهم … بالنسبة لعدم اصدار الاحكام لتكن نيتي مثلا إن هذه الساعه من هذا اليوم لن أصدر الأحكام … و في اليوم التالي مثلا تكون نيتك عدم إصدار الأحكام خلال ساعتين … يليها نصف يوم فاليوم بأكمله 2-نظف الأرض اولا أنك يجب أن تنظف الأرض التي تريد أن تبني أو تزرع عليها .. لا يمكن أن أبني على أرض مبنية أصلا ! .. إذا كيف أنظف الأرض ؟؟ كيف أنظف نفسي من الداخل؟؟ … إذا كنت غير متقبل لبعض الاشخاص وغير مسامح على بعض الأمور التي حدثت بالماضي !! فكيف سأتعامل اليوم ولا أصدر الأحكام … يجب أن اسامح أولا يجب أن أتعلم أن اتقبل الجميع وأن اصلح بعض الأمور ليمكني حينها ممارسة عدم الحكم … في أشياء بالماضي عدت وراحت فلماذا أنا محتفظ بها في قلبي إلى اليوم ؟ بعد ما أصفي نفسي من الداخل أبدا بعادات رائعه اريدها .. اتقبل الكل واسامحهم ولا أصدر الأحكام. 3-عدم إصدار الأحكام والعمل هل معني ذلك أن أترك الناس على هواهم ؟؟ لا ينجزون أعمالهم واقول يمكن معذورين !! … وانا اجاوبك واقول لك نعم يمكن بالفعل معذورين واعذرهم لكن هذا لا يمنعك أن تتخذ القرار الصحيح بعملك وتقوم باللازم لكي تسير حياتك وعملك على الوجه المطلوب … أنا لا أصدر الحكم على اي موظف لدي او زميلي … لماذا لم يقوم بالعمل او لماذا تأخر في هذا العمل لكن بإستطاعتي ان اقوم بما هو اصلح لعملي … بأني افوض شخص أخر مثلا للقيام بالعمل بدلا منه … وتبعا للموقف وما يتطلب قد أعاقب المقصر في العمل فليس معني ألا أصدر حكم علي الآخرين ألا أعاقب المقصر..... هنا عدم الاصدار الاحكام ما أخرني عن عمل ولا إنجاز وايضا لم اخسر صديق لي في نفس الوقت ومرتاح بالأمرين. 4-أمر المسلم كله خير الخيــر هو الأصل .. الخيــر هو الاساس … في غياب الخيــر يكون الشر … في غياب الفكرة الايجابية تكون السلبية … وفي غياب حسن الظن يكون سوء الظن … سواء حدث لك امر يعجبك أم لا يعجبك يجب أن تعلم بأن أمر المسلم كله خير وكلها لصالحنا إن اصابتنا مصيبة صبرنا و ما أعظم أجر الصبر وإن اصابتنا مسرة فرحنا .. في الحالتين الله معنا يحبنا ويعطينا … لا تصدر الأحكام على المواقف لأنها جميعها بصالحك حتى لو كان ظاهرها عكس ذلك. إن لم يعاملك شخص بطريقة تعجبك لا تصدر عليه الحكم !! … فأنت لا تعرف ماذا حدث له قبل دقيقة !! أو ماهي افكاره بهذه اللحظة .. أو في أي بيئة تربى ونشأ .. ولكنك تعلم بأنك قادر على أن تستقبل ما تشاء من أفكار و تتجاوز عن ما تشاء … تعلم بأن كل موقف يمر عليك في حياتك هو درس لك أو هدية. 5-القبول عدم إصدار الأحكام يعلمنا على قبول الأخرين بجميع حالاتهم … وكما ذكرت في السابق نحن لا نعلم الغيب ولا ندري عن نفوس الناس وأمورهم … أنا لا اصدر الحكم على انسان لتصرفه على امر معين … انا متقبل هذا الانسان ولست متقبل التصرف استطيع ان يكون لي ردة فعل على امر يخصني ولكن لنتذكر أن لا ننفعل … مثال بسيط جدا اذا استعمل احد اصدقائي غرض من اغراضي الشخصية من غير استئذان مثلا لا اصدر حكم بأنه انسان وقح او غير مهذب او غيرها من هذه الصفات ولكن أفرض حسن الظن. … مثال اخر حدث معي … مع زميلة لا تجيد فن التواصل مع الناس .. تتكلم وتتصرف بطريقة تزعج من يتواصل معها ولكن بنفس الوقت هي تملك علم ومعرفه يمكن ان نستفيد منه .. تعلمت ان اتقبلها كما هي بكل تصرفاتها وانا واثقه بما تملك هي من وعي بأنها تستطيع أن تغير هذا التصرف يوم من الايام. 6-لماذا لا نصدر الأحكام؟ لأننا غير مؤهلين ولن نكون مؤهلين لنصدر الأحكام على الناس … لأن قناعاتنا وأفكارنا وامور حياتنا متغيره باستمرار … فما أراه اليوم صحيح ومقبول ممكن أن اراه غدا او بعد سنه غير مقبول والعكس صحيح … لأن نظرتنا تعتمد على ما نعيشة من أفكار .. لأني سأتعلم اشياء جديدة و أري أشياء جديدة وتتصحح لدي بعض المعلومات … راينا غير ثابت فالأفضل أن لا نطلق الأحكام. 7-اذا لم اصدر حكم هل هذا يعني بأني لا أبدي رايي بشيء أريده ؟ لا طبعا لابد لك من رأي ولكن تعلم أن تنظر له علي أنه رأي مجرد رأي وليس حكم يعني اريد هذا الغرض ولا اريد هذا … هذا ينفعني وهذا لا .. هذا المكان يناسبني وهذا لا… هذه الأمور اختيارات … أواجهها في حياتي … واختار لنفسي الافضل دائما في هذه اللحظه … بهذا الامر اعتمد على مشاعرك .. هنا أنت لا تصنف .. هنا أنت تختار الأنسب لك … وليس معني أنك تختار أمر ما أن لابد أن يكون الآخر غير صحيح ..... مع ممارسة التجربه ستعرف كيف تفرق بين عدم الحكم وبين الاختيار والتوقع … دائما نحن نختار الأفضل لنعيش تجارب أفضل . 8-عدم الحكم راحه للعقل مع عدم إصدار الحكم لا اضطر لتحليل الأمور وتصنيفها … وبهذه الحاله تقل الأفكار وتهدأ النفس … اصبح أكثر وعيا للأمور من حولي وأكثر تقبلا لكل المواقف … تركيزي يزيد لأني صافي من الداخل … أمور صعبه على بعض الناس ستصبح بالنسبة لي سهله بعض الشيء .. ممارسة التأمل مثلا و الخشوع في الصلاة وممارسة الصمت .. جميعها ستصبح اسهل بالنسبه لي لأن حجم الأفكار في رأسي اقل من أي شخص اخر .. غيري يعيش التناقضات والتصنيفات والأحكام ويحجم الامور والمشاكل … وأنا مرتاح من هذا كله عقلي بالتدريج سيصفى من هذه الأمور وستلاحظون تغيير في حياتكم . 9- التغــافل التغافل لغةً : هو تعمد الغفلة ، و أرى من نفسه أنه غافلُ و ليس به غفلة التغافل : وهو تكلف الغفلة مع العلم والإدراك لما يتغافل عنه تكرماً وترفعاً عن سفاسف الأمور لا يخلو شخص من نقص ،ومن المستحيل يجد كل مايريده أحدنا في الطرف الآخر كاملاً.. كما أنه لا يكاد يمر وقت دون أن يشعر أحدنا بالضيق من تصرف عمله الآخر . ولهذا على كل واحد منا تقبل الطرف الآخر والتغاضي عما لا يعجبه فيه من صفات ، أو طبائع ، وكما قال الإمام أحمد بن حنبل "تسعة أعشار حسن الخلق في التغافل".

السلام عليكم رغم اتفاقى عن عدم الحديث عن السلبيات فى موضوع سابق ولكن احب اقول رايى فى موضوع 25 يناير اولا اكيد الحكومة عرفت بالموضوع وبتجهز ليه المهم الموضوع له احتمالان وهما الاحتمال الاول - عدم مواكبة الشعب للخروج فى 25 يناير وده هيكون القشة التى قسمت ظهر البعير لان اعتقد بعد انتفاضة البرادعى والحراك اللى عمله وبعد ثورة شعب تونس فاذا كانت هذه الاحداث لم تحرك الشعب فنستطيع القول ان الشعب قد انتهى تماما ولن يقوم له قائمة وبالتالى يعتبر الحديث عن موضوع التغيير والثورة والكلام ده موضوع منتهى ويعتبر اضاعة للوقت الاحتمال الثانى : الشعب يتحرك بقوة وده هيادى ان النظام عامل حسابه وهتكون مواجهة عنيفة جدا بها الكثير من الضحايا لان المعركة هتكون معركة حياة او موت بالنسبة للنظام فهيقاوم بكل قسوة مستخدم الامن المركزى والبلطجية والجيش اذا استدعى الامر ولا مانع من قيام اتباعه ببعض اعمال الشغب لاظهار الانتفاضة بمنظر المدمر الذى يريد حراق البلد بدلا من انقاذها والاحتمالين كلاهما اسوء لمصر وهيقضى عليها يعنى من الاخير لاما قتل اى امل فى التغيير او حرب تقترب من الحرب الاهلية بين نظام لا يهمه الا الحفاظ على الكرسى والشعب ملحوظة : كما اتفقنا سابقا النظام عندنا وشه مكشوف يعنى مش هتفرق معاه ولا حقوق انسان ولا دعاء ابواما بالتهدئة وتوقع شخصى ان يحدث اى عملية بعلم النظام يوم 20-24 يناير لضرب التحرك مبكرا وقد تكون هذه العملية تفجير او قتل او اغتيال او حتى اعتقال بعض الرموز او قرارات مثل اقالة وزير او حاجة من هذا القبيل طبعا رايى انا مع اى تحرك ولكن يجب ان يكون منظم ويجب ان يكون له قائد متجهز ويقود هذا التحرك مثل ثورة يوليو لم تكن لتنجح لولا وجود قائد وشعار مثل اللواء محمد نجيب رحمه الله

أنا مع كل الأقلام العاقلة اللي بتطالب بضبط النفس تجربتنا فعلا مختلفة تماما عن تونس احنا شعبنا أكبر و شرائحه و انتماءاته الفكرية متعددة و متباينة مين اللي حيقوم بالحملة دي؟؟ و فين التنظيم اللي فيها؟ الناس تخرج و خلاص بدون ما تبقى عارفة حيعملوا ايه؟ طب لو القيادة عملت زي بن على ايه اللي حيحصل؟؟ مين اللي حيمسك البلد؟؟ و الا الجيش برضه ؟؟؟ يبقى ما عملناش حاجة الشعب للأسف دبت فيه الفرقة في كل شرايحه و كل تياراته حتى أصحاب التيار الواحد متناحرين مش من مصلحتنا كمصريين أن تتكرر تجربة تونس عندنا و فينا ناس كتير بتقول و انا مالي و ياكش تولع يا ترى الناس دي اللي انسحل قدامهم خالد سعيد و اللي اتاخد من وسطهم سيد بلال و اللي اغتُصبت قدامهم النساء و البنات في حركة كفاية يا ترى الناس دي حيبقى موقفها ايه؟؟؟ و الا هو الهدف نفقد المزيد من شبابنا بلا هدف؟؟؟ الواحد لو بيموت عشان هدف نبيل بيبقى شهيد انما اللي يخرج بلا هدف و عارف انه حيتقتل يبقى بيلقي بنفسه إلى التهلكة و خطاب ربنا سبحانه و تعالى واضح تماما {وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ }البقرة195 على هامش الحوار ساءني جدا كلام البعض بإن المغتربين مش مستعدين لأي تضحية و اننا ايدينا في المية الباردة تعرفوا حسيت بإيه ان مصر لو انصلح حالها حتمنعونا من الدخول و تقولوا لنا انتو ملكوش حق تعيشوا بيننا

معلهش سؤال اخوكم مذنوق فية استحملونى لو حضرات المغتربين بعضآ منهم موجود بالداخل هل كانت مهاجمتة للنظام الحاكم كانت هتختلف ولا هتفضل زى ماهيى المطلوب اثباتة لماذا يشعر المغترب انة اعلى ممن فى الداخل وانة يضحى بتركة وطنة قصرآ رغم انة يعلم يقينآ ما يقاسية من بالداخل هل هناك فارق بين من يقوم بصنع شيء ومن يشترية او ينتفع بة بعد صناعتة هل من يصنع الشيء بيدة يتمتع بما صنعة دائمآ ام هناك من ينتفع بة غيرة

ليه هو مطلوب من اى قاتل يقدم سبب انه يبقى بيه برئ لقتله 7 واصابه 9 ايه المنطق داه يا استاذ كومنج سون انا اول مرة اسمع ان القاتل له اعذار يمسك رشاش ويقتل فى الناس ليلة العيد فى الشوارع منطق غريب يعنى افهم من كدا ان حضرتك زعلان على الاعدام ؟ المفروض فى رايك ياخد ايه براءة معليش يااغابي بس انا فعلا مش شايفه علاقه مابين الكلام الي انتي مقتبساه وردك عليه .. انتي دخلتي في العضو الفاضل ( شمال ) بدون مبرر وبتحاسبيه على كلام مقالهوش من اساسه .. طيب تعالي اقري معايا الكلام تاني كده .. ماهي دوافع الكموني للقتل ؟ الي فهمته من السؤال المطروح ان صاحبه بيتسائل ايه هي دوافع شخص ما انه يقتل سبعه او ثمانية اشخاص ميعرفهمش ومرة واحده وفي الملابسات الي حصلت دي .. ايه دوافعه يعني مجنون مثلا ؟ طيب ليه مقالوش انه مجنون ؟ هل حد الي استأجره لقتلهم ؟ طيب مين الحد ده ؟ وليه عمل كده ؟ اعتقد انه سؤال منطقي في حادث فظيع زي ده مستحيل يكون مرتكبه عمله صدفه او بدون سبب .. بس تعرفي حاجه .. لما رجعت قرأت الكلام معاكي تاني لقيت انه ممكن يتاخذ على محمل آخر وهو ( هل تسائلنا ماهي دوافع الكموني للقتل يمكن عنده عذر في الي عمله ) .. بس اعتقد المعنى ده بعيد تماما عما قصده الاستاذ سون خاصه وله رد تالي لردك بيستنكر فيه اعتراضك .. اعتقد ان المعنى الاول الي وصلني هو المعنى المقصود فمفيش داعي ابدا للغضب .. حصل خير ياجماعه ..

موضوع في غايه الاهمية .. حاولت احط تقييم ايجابي لكن للاسف الرصيد خلص .. لي عوده باذن الله لما اشحن :happy: استاذه هند .. بالنسبة لابن صديقتك ففي نقطه برضه في غايه الاهمية ممكن تساهم في تقليل معاناتهم مع مشكلته .. كون له اخوه اخرون واخ اصغر منه واكثر تفوقا فمن المحتمل جدا ان اللحظات الوحيده الي بيلاقي فيها اهتمام حقيقي من احد والديه هي لما بيخفق في التعلم بما يجبرهم البقاء جنبه لتوجيهه بما يعني اعطاؤه مزيد من تركيزهم .. نصيحه اطلبي منهم يهتموا بيه بشكل فردي يعني عنايه وتوجيه اهتمام له لوحده من وقت للتاني وتشجيعه على امور ملهاش علاقه بالتعليم عشان يترسخ في ذهنه انه مش محتاج يبقى فاشل ولا محتاج يخفق عشان يلقى منهم اهتمام او يلفت نظرهم .. طبعا مبقولش انه بيتعمد الاخفاق ولكن ممكن جدا ( يسوق فيها ) يعني لو قلنا هو بيغلط عشر مرات في اليوم فممكن جدا يكون ثلاثه او اربع من المرات دي كان عارف الاجابه او التصرف الصحيح لكنه تعمد التظاهر بانه ميعرفش عشان يضمن ان والديه يركزوا معاه لمده اطول ..

رغم إني عايش في مصر بس ارفض وصف المصريين المغتربين بأن أيديهم في المية أخواتي الأتنين مغتربين يعني لو حصلي حاجة أو حصل لأولادي حاجة أخواتي مش هتتأذوا ؟؟؟ مش هيزعلوا عشاني طب أنتم زملائي في المنتدي مش هتتأذوا ؟؟؟ مش هتزعلوا عشاني الواقع إني كتير بجد المغتربين المصريين حاسين و متابعين هموم الوطن يمكن أكتر من اللي عايشين فيه المغتربين المصريين ليهم أهل و ممتلكات في مصر و بعدين أساسا كشعب معندهوش فكرة الهجرة بمعناها الحرفي تقريبا ،،، و ده فرق بينا و بين شعوب كتيرة و ما دام الوضع لا يزيد عن كونه وقفات سلمية فالمغتربين المصريين ممكن يشاركوا في وقفات سلمية أمام السفارات المصرية في البلاد التي تسمح بذلك و ساعتها ممكن يكون دورهم أكبر من المقيمين في مصر لحد ما ياخدوا بقية حقوقهم خاصة حق المشاركة السياسية و الانتخابات

سؤال وأحب أسمع إجابتكم عليه إيه الفرق بين إنى أموت فى مظاهرة أو احتجاجات أو نتيجة الفوضى اللى محتمل تحصل وبين الآتى: إنى أموت بالسرطان من الأكل المسرطن أو نتيجة فشل كلوى من مياه الشرب أو نتيجة أمراض نفسية من الوضع اللى احنا عايشينه واللى بترفع الضغط وتجيب السكر وتشيب الشباب أو فى حادثة مرورية نتيجة الفشل الحكومى فى تنظيم المرور وتحقيق الانضباط والإهمال فى صيانة الطرق أو أموت غرقان فى عبارة صاحبها مسنود أو أموت فى قطر محروق نتيجة الإهمال أو أموت فى عمارة مخالفة مبنية تحت سمع وبصر الحى و تم الطرمخة عليها أو أموت فى مستشفى نتيجة الإهمال الطبى وتدهور مستوى التعليم فى كل المجالات أو أموت من التعذيب فى قسم الشرطة وممكن أكون برئ أو أموت كمداً وغيظاً لما ما اقدرش اخد حقى بعد ما تثبت براءتى أو إنى أموت من الانتظار كمان 30 سنة لما نتغير كلنا ونبقى أحسن -ومين يضمنها دى- عشان أتجنب إنى أموت فى مظاهر أو احتجاج أو نتيجة الفوضى اللى محتمل تحصل :)

احنا ممكن نعمل زيك ونسخن الناس وننزل عالمنتديات والفيس بوك ونبعت رسايل ونهيج الناس وبردوا زيك قاعد هنا فى الامان تحت التكييف ولا عندى اى مشكلة لو خربت او ولعت بس ساعتها يعنى هنبقى مبسوطين (وننزل كمغتربين نحتفل بالنصر) البسالة يا بشمهندس مش انك تحارب بايدى الاخرين وانما البسالة تنزل وترفع سلاحك عايز تسخين بقى وتضحية احجز تذكرة وخد اجازة من الشغل يومين تلاتة وانزل حارب هو يعنى كلام وتسخين وخلاص ومفيش حسابات منطق (مين بقى اللى بيقولوا علينا وبيقولوا ايه؟)

خضوع أيه يا بشمهندس شوية هدوء وتروي الله يكرمك ، دي بلد مش شركة مصر فيها فرضيات كثيرة للغاية لا أحد يختلف على التغيير ولكن الأسلوب لازم يكون بعقل شوية انا مع الغريب وضحى فى الراى ده لو الموضوع متوقف عالمثقفين فسهل التحكم فيه لكن فيه اطراف تانية بتدخل فى الموضوع مش واعية بيه هيبقى تفكير جزء كبير فى السرقة والتكسير ونهب ممتلكات الحكومة والشركات وحتى الافراد افتكروا وقفة 6 ابريل والدمار اللى حصل فى المحلة وغيرها حجات كتيرة استغلها ضعاف النفوس فى سرقة المبانى العامة من مدارس ومجالس محلية وهتحصل حالة فوضى غير عادية فى البلد لازم لو حد اتحرك يكون التحرك حكيم وبوعى مش زيطة وهيصة وخلاص اهو الفتنة الطائفية دى ممكن تحصل لو الانفلات ده حصل خلى بالك هى كحكة وكل فئات المعارضة عايزة تاخدها وهيدخلوا فى حروب مع بعض عشان كل واحد يكسب الكحكة ربنا يسترها يا هندسة :)

الغريبه يا ضحى ان الرغبه في خلع النظام الفاسد اجتمعت عليه كل طوائف الشعب بمختلف تياراتها وانتمائاتها واحزابها ويوم الخلاص من شلة الفساد بات حلم كل الوطنيين في مصر وخارجها ,, وانتي عاوزانا نشوفهم بالسنيين بينهبوا البلد ويقتلوا الشهداء لو كان سيد بلال ده اخوكي يا ضحى كان حيبقى ده كلامك طبعا لأ ,, كنتي حتقولي كلام مختلف 180 درجه للاسف فعلا اللي ايده في الميه مش زي اللي الشهيد اخوه ,,

شكرا جزيلا لكل الناس اللى سالت عنى وتعبتكم معايا الفترة دى والنتيجة بعد اسبوعين - انشالله ربنا يخيب ظنى واحصد النقاط المطلوبة اكمنى متشائمة جدا وشكرا لكل الناس اللى تعبت فى التوبيك هناوساعدت بمعلومات فى غيابي ربنا معاكم كلكم ويفرح قلبكم بالفايل نمبر اغابي

السلام عليكم و رحمة الله و بركاته ليه يا أستاذ محمود السؤال اتفهم كده....هو احنا درسنا في الكلية ان لما نقول الفرق بين حاجة و حاجة معناها ان احنا نطلع اوجه التشابه عشان نقدر نتوقع نقاط الالتقاء و التقارب و كمان نحدد اوجه الاختلاف و ده مش معناه قطعا ان طرف ليه أفضلية علي طرف آخر السؤال المطروح انا فهمته ليه الشعب التونسي اتحرك و احنا متحركناش مع ان نفس المعطيات و يمكن أقوي كمان و بعد اذن حضرتك مش مطلوب من صاحب التوبيك و لا من اي محاور انه يعلنها انه واقف بين الجموع يعني.....لانها امر بديهي....مسلم بيه....و الا هنتحول لمجرد قناة تانية من الاغاني الوطنية اللي بنطفي عليها لما بيذيعوها في الازمات و مش لاقيين لده مبرر....(هو الواحد لازم يحلف انه بيحب مامته....؟؟؟؟؟) مختلفة مع حضرتك جدا جدا في موضوع "المصري المغترب "... هو احنا ايه بقي هنتصنف كل شوية في مجموعة.....يعني الحبة دول مصريين مسلمين....و الحية اللي هناك دول مصريين مسيحيين ....و دولم المصريين المجاهدين اللي عايشين في مصر.....اما اللي هناك دولم هما المصريين المتغربين براها....و احيانا كتير و الله هتلاقي المصري اللي غريب جوه مصر...هي اصلها مش جغرافيا و تذاكر طيران محتجة جدا علي وجهة نظر حضرتك.....و نزلت بعيني للتوقيع اللي حضرتك حاطه بتقولنا فيه....كل ما اوزن ناقص حتة"..... كل ما اوزن ناقص حتة حقيقي......... علي سلامة قال فعلا ناقص حتة ناقص حتة......حتة ان احنا نتنمي لقضية و حلم "وطن مصري".... محدش من حقه في يوم يحرمني منه و لا يزايد عليه تحياتي استاذي

إذا كنت باتفق مع باقي كلام حضرتك في عدم انتقاد او انتقاص الشعب المصري فاسمحلي يافندم اختلف مع حضرتك في الجملة المظللة باللون الأحمر سمعة الشعب المصري للأسف في منتهى السوء و السمعة دي سابقانا كمغتربين و بنعاني منها معاناة شديدة لسه واحد زميل زوجي امبارح بيقول له بمنتهى البساطة و بدون مقدمات: " متزعلش مني المصري ممكن يبيع نفسه بعشرة ريال" و ده على اعتبار انه بيعز زوجي و يقدره و بيفضفض معاه!!! و حضرتك جاي تقول المصري المغترب ليس من حقه النقد؟؟؟!!!! أمال مين يعني اللي خللى الناس تقول علينا كده؟؟؟ الشعب النيوزيلندي؟؟؟!!!

وتوصيتي الخاصة هي عدم اليأس والمحاولة باستمرار والتصرف بتلقائية ودون عصبية والتحمل والقراءة والتثقف المستمر عن الحاله فإن هذا المجال حديث الى حد ما في مجتمعنا العربي ودائما ما يكون هناك الجديد للاطلاع واسقاطا عليا انا شخصيا فانه تبين الاتي انني شخصيا اعاني من تشتت الانتباه فانا لا اتذكر انني فهمت جيدا او انتبهت تماما لمعلمي مدرستي الا في حالات نادرة ودائما كان لدي مدرس خصوصي الى ان تخرجت من الجامعة ...ولكنه زال مع السن والخبرة العملية وان حبي الشديد للتنظيم " والذي افردت له موضوعا في السابق في باب استشارات نفسية " والذي سابقا اعتقدته وسواسا لدي ليس هو الا معاناتي من حالة مزاجية سيئة بسبب عدم قدرتي على التركيز او الاستمتاع باي شئ من تأثير الفوضى او كثرة التفاصيل الخلاصة أنا أم عندها جزء من حالة أبنها ولكن بفضل الله وجدت البيئة المساعدة أتمنى من الله أن أكون أفدت من يقرأ حتى لا نظلم أبناءنا ونتهمهم بالاهمال او الكسل او الغباء فهم هدية الله الينا والتي سنسأل عنها يوم الحساب فكيف أنتم مع هدايا الله ؟ مستعده للاجابةان شاء الله عن أي استفسار في حدود معلوماتي

الحقيقة اخشى ان تحمل السعودية ماسي الشعوب العربية واﻻسلامية ......وانها شريكة لكل حاكم دكتاتوري في العالم العربي او اﻻسلامي................ هل الحكومة السعودية بجلالة قدرها محتاجة لوساطة رجل اعمال حتى تقوم بما يمليه عليه واجب النخوة و اغاثة الملهوف وما مجالات البزنس التي سيسيل لعاب السعوديين لذلك هل اقامت الحكومة السعودية علاقات بزنس مع كل اللاجئين عبر تاريخها منذ عهد المؤسس عبدالعزيز ؟؟؟؟؟؟؟؟؟؟؟عندما اعطت اللجوء للوطنين مقاومين الاستعمار البريطاني والفرنسي في سوريا والعراق و مصر...كحافظ وهبه............(وكاد ان يكون الملك فاروق والرئيس محمد نجيب)ﻻجئين للسعودية لقد اعطت اللجوء ل(عيدي امين) فما الفائدة الاقتصادية من ذلك؟؟؟؟؟ وبطلب من حكومة باكستان اعطت حق اللجوء لنواز شريف(الذي كانت له علاقات تجارية سابقة مع رجال اعمال سعوديين) ان ماضي وحاضر (و مستقبل ) الحكومة السعودية بفضل الله حافل بالصفحات البيض بفضل مواقفها اﻻنسانية التي ﻻ تشوبها شائبة....وما موقفها من استقبال الرئيس التونسي المخلوع سوى سلسلة من مواقفها المشرفة واﻻنسانية

ومن ثم خرجنا من المركز بالتشخيص والتوصيات العامة التي تنشط الذاكرة والتوصيات الخاصة بجذب الانتباة ستلاحظون هنا ان من ضمن التوصيات ..وصية غريبة جدا ..الاوهي انه لابد من تنشيط الولد اجتماعيا وخلق بيئة اجتماعية تقوم على الاختلاط بالاسر ذات نفس الثقافة البيئية والاجتماعية قدر المستطاع وعدم العيش في مجتمع مغلق كبيئة الاسرة الواحدة كباقي حالات المغتربين في الخليج عموما. اشراك الولد في نشاط رياضي التشجيع من الام والمعلمين والاشادة بالانجازات مهما كانت بسيطة ان تشتت الانتباه يحتاج الى تلازم مدرس وجها لوجه مع الطالب الى ان يعتاد المزاكرة بتركيز ويقلل تأثير المشتتات من حوله عليه وقام المركز بالاتصال بالمدرسة لشرح الحالة وكيفية التعامل معها .,................. عاوفة ان كتير مننا الى الان لا يرى مشكلة بالعكس المشكلة بدأت لتوها : تفهمت المديرة والمدرسات طبيعة الامر وحاولوا جميعا التعاون معنا لكن بقي الدافع الشخصي للولد والذي ادى بي الى التوجة الى مركز اخر مع بداية هذا العام الدراسي لبحث الحالة النفسية له والتي اعتقدت انها السبب في ان الولد مستجيب ورائع في البيت معي وغير ذلك في المدرسة تماما وجاءت توصيات اخرى اكثر حرفية وتحديدا ... يتبع........

مفيش فرق بين المواطن المصرى و التونسى المواطن التونسى مش مختلف عننا لانة قبل برئيس لمدة 23 عام و احنا 30 مش فارق كبير الفرق بس غباء الرئيس التونسى لانة معرفش يخلى الشعب يفضفض يخلية يتكلم لان مشكلة العرب كلهم الكلام بسسسس بدون فعل لما الرئيس بن على ضيق عليهم فى النت و الجرايد و ممنوع النقض ولا المعارضة وعدم الكلام الشعب انفجر احنا بنتعامل بمبدا العصا و الجزرة و مبارك بخبرتة بيعرف امتى يدى للشعب الجزرة و امتى يضربهم بالعصيااااا

التوبيك ده حلواني اوي انه انفصل يا ساريفيتش عاوزله فيلم من افلامك اياها انت عارفها دي اللي حتتقفش بيها انا وانت في مباحث امن الدوله ان شاء الله ههههههه سلومه الاقرع مايعرفش اخوووه :happy: اتفضلوا اخر نكته واصلاني من شويه ,, بيقول لك زين الهاربين جاع اوي في جده ,, ياعم تاكل كبسه لا تاكل مندي لا طيب تاكل ضب !!! المهم غلبهم الراجل قام رايح متخفي ودخل محل سي عمر اللي في شارع حراء انت عارفه بتاع مشاوي وطرب وكفته يا سيدي عاوز نفر واحد لحم مفروم الراجل ساعه ساعتين غايب مش راضي يعبره قام زين العابدين كشف عن وجهه وقال له انت عارف انا مين ؟؟ انا رئيس دوله سابق قام المعلم دلق طبق اللحم المفروم على راسه وقال له ده امبارح كان برضوا ثور سابق

الفارق بين تونس ومصر ,,,, الجيش الجيش فى تونس كان محايد وبالتالى استطاع الشعب تنفيذ هدفه أما فى مصر فالجيش تابع لمبارك وبالتالى لو حدث أى شىء سيتدخل فى الوقت المناسب لصالح من يتبعه لن يتغير الوضع فى مصر الا بانقلاب عسكرى أو بحيادية الجيش

الجديد عاوز تموت من التعذيب يستجوبوك في قضية حتى لو كنت "شاهد ما شافش حاجة"

اقولك ولو لو لو - لماضة عندها الحل - تديني هدية - لان لماضة عندها اتيليه تروح هناك تفصل لنفسك واحدة ست مانيكان مفهاش ولا لو لو لو من دووول تفصلك واحدة كدا ساكتة وامورة وجبس اصلى - على شوية الوان - وينفعو جدا معاك يا جسار الحل داه فى اعتقادى الانسب لحالتك شكرا على مرورك الكريم فكرتوني بالعروسة الصيني فاكرينها؟ http://www.youtube.com/watch?v=qB_DkXt6CxI عارفين يا جماعة... الراجل ما بيكرهش ست عشان صفة معينة والعكس صحيح أنا مع المثل اللي بيقول "حبيبك يبلع لك الزلط وعدوك يتمنى لك الغلط" يعني لو الست قدرت تخللي جوزها يحبها ... انسى كل عيوبها ينزل عليها الستار ولا كأنها موجودة ويفضل الستار موجودة ... بالكلمة الحلوة والعشرة الطيبة سمعتوا اللي بيقول "خدوا عيني شوفوا بيها" ولا المثل اللي بيقول "مراية الحب عميا" وممكن تكون طرشا كمان أول بقى ما تبدأ المودة دي تقل... ويبدأ الفتور ويبدأ كل شئ ينكشف ويبان " على رأي عب عال" والاتنين بيكونوا خسرانين ... مش الست لوحدها