لوحة القادة

ليه نبصلها علي انها تفاهة حكومة .. ليه نبصلها علي انها هشتكة و بشتكة من الريس ... ليه ما نحاولش نفكر في الوجه التاني من العملة ما دمنا بنتكلم عن عملة ... ملك و لا كتابة ؟؟ ملك : حتبقي تقيلة .. و ما بقاش فيها بركة ... و حنمشي نشخلل كتابة : موضوع البركة ده مش حيتغير .. يعني القيمة الشرائية مش حتتغير ما بين ورقية او معدنية .. الأتنين راكبهم نفس العفريت ... عمر العملة المعدنية الأفتراضي 15 سنة قدام الستة شهور لمثيلتها الورقية عمرك ما حتلاقي واحد يقول لك غيرلي العملة دي يا عم علشان مقطعة .. قديمة .. متهربدة .. ملزوقة مش حتكون معمل تفريخ ميكروبات زي اللي المتواجدة في العملة الورقية القديمة فيها توفير مش قليل للحكومة لأنها حتي بعد ما عمرها الأفتراضي يخلص .. تخش الفرن تنصهر و يتصنع بيها عملات جديدة .. مش حتلاقي واحد كاتب قصة حياته علي العملة المعدنية ... مش حتلاقي واحد بينقط رقاصة بفلوس فوق دماغها او عاملها عقد جنيهات .. الخلاصة .. هو التغيير اللي بيزعج البني آدم مننا .. و بالأخص لو كانت حاجة متعود عليها من زمان ... و دي مش حاجة مرتبطة بالمصريين بس ... في الدنيا كلها و بالأخص للكبار ... الشباب عادة التغيير بيتقبله اكتر ... نفس الموضوع حصل هنا و صور اليورو اللي اضافها العزيز اسد دليل علي كده .. لما ابتدا الموضوع ده هنا اتقابل برفض أكتر من ايجاب و مع الوقت بقي شيء عادي ... نفس اللي حيحصل معانا .. حنرفضه علشان مختلف ... و شوية شوية حيبقي شيء عادي .. لحد الجيل اللي جاي حيبقي هو الطبيعي بالنسبة ليه و العملات الورقية حيبقي مكانها المتاحف ... و بعدين المعدنية كمان حتتلغي و حيطلع نظام نقدي جديد .. و هلم جرجر من غير هشتكة و لا بشتكة

بص ياريمون هم مش 30 واحد بس دول أكتر من عشرين ألف مصري مش ماتوا دول بيموتوا كل سنة على الطرق و كلهم بإذن الله دمهم في رقبة مبارك و كل مسئول عن هذه الطرق حتى لو عامل تحويلة كان نايم في ورديته ... بس فعلا انا ماستغرب إنك بتقول هيقتلوا كام واحد يعني 30 ... طب لا قدر الله ترضى يكون واحد منهم من حبايبك اللي إنت خايف عليهم .. أو من حبايب المهندس تيمور ... لأ طبعا طب ليه ترضى يكون من حبايبي أنا ؟؟؟؟ ياجماعة ياللي عاوزين ثورة ... ماشي احنا معاكم بس تقفلوا الكومبيوترات يوم 24 و تعالوا يوم 25 نربط بعضنا بسلاسل ... والعرض يكون لايف ... مش تصوير بكاميرا موبايل .. مين موافق يحط اسمه في قائمة الـ 30 قتيل اللي قال عليهم ريمون توكلنا على الله .. وعلينا و على اعدائنا .. بس حد يفهمنا هم مين أعدائنا .. العسكري الغلبان .. و لا الظابط الفاسد .. و لا الدكتور الفاسد ... و لا المدرس الفاسد .. و المهندس الفاسد .. و لا الموظف الفاسد .. و لا الطالب الفاسد .. و لا احنا ... آه احنا بتعاملاتنا اليومية مع هؤلاء الفاسدين .. تعلمنا في إسلامنا ان رسول الله صلى الله عليه و سلم ظل ثلاثة عشر سنة يدعو للتوحيد في حجر الكعبة و حول الكعبة أكثر من ثلاثمائة صنم يعبدون من دون الله .. لكن تكسير الأصنام التي في النفوس أهم و أعلى من تكسير الأصنام التي على الأرض .. احنا محتاجين نصلح نفسنا .. و ده مش تخازل ... لكن يجب أن نعترف أن الفساد قد سرى في عروقنا مهما ادعينا البراءة .. فالمطلوب مصارحة مع انفسنا .. فالثورة التي يطالب بها البعض ليست الحل لمرضنا ... يجب أولا ان نحترم انفسنا فيما بيننا ... نراعي ربنا في تعاملاتنا .. لبعض الذين لا يعرفون حجم البلطجة في الشارع المصري .. و تحديدا في المحلة .. التي يرى فيها بعضنا نموذج إيجابي لهذا الشكل من الثورة ... البلطجة في المحلة أكثر مما يتوهم أي فرد ... من شهر واحد صاحبي كان في المحلة .. شاف بنت سرقت فلوس من شنطة ست كبيرة في ميكرباص .. كلم البنت و لمح لها بالفلوس اللي اخدتها .. البنت طلعتله مطواة و مانجدوش منها بفضل الله غير سواق الميكروباص .. ده موقف باختصار اللي ميعرفش تاريخ المحلة و يعرف كم عدد وزراء الداخلية الذين زاروا المحلة لضبط الأمن ... و عشان يعرف ليه الناس في المحلة تغلبوا على الشرطة ... و أيضا تغلبوا على الشعب ... فعدد المحال و السيارت و المرافق التي تكسرت و سرقت ربما يزيد عن قيمة المكافاة التي حصل عليه عمال شركة المحلة .... أرجوكم ... ممكن نفكر ... بهدوووووووووووووووووووووء

اكتشفت أشياء مهمة اليومين دول هو إن الاستبداد والطغيان والتجويع والقتل وإلجاء الناس لليأس والقنوط من رحمة الله كل هذا ليس بحرام ولكن الحرام هو التظاهر والاعتراض على كل ذلك واكتشفت أيضا صحوة وهبة الكثير من رجال الدين الغير رسميين لبيان حكم التظاهر وحكم المنتحرين الكفرة المنكوبين ولبيان عدم مشروعية ثورة التونسيين والتحذير من امتدادها فأين يقف هؤلاء ؟ الفرج من عند الله

قصة جميلة ... وحكمة أجمل قد تقرأون القصة وتشعرون أنها تحتوي حكمة واحدة ولكنني أشعر أنها تحوي الكثير من القيّم والأخلاقيات التي نفتقدها في حياتنا وتعاملاتنا اليومية أتمنى نقرأ القصة ... لأنها فعلا تستحق وأنتظركم بعد قراءتها .... لأعرف رأيكم مقتطفات من بريدي الالكتروني

رغم صعوبة الحياة...... فلابد من كفاح .......ودائما هناك امل

تخيل انها اختك او امك او زوجتك http://www.youtube.com/watch?v=KRMpm4ejJS8

كل سنة واحنا كلنا "طيبين" .. المرة الأولى والأخيرة اللى أكلت فيها قلقاس بالصلصة الحمرا كانت فى عيد الغطاس سنة 72 .. كنا فى الجيش .. قبل عيد الغطاس بيومين كان التعيين قلقاس .. طلعنا فاصوليا ناشفة من المخزن .. وحوشنا القلقاس ليوم الغطاس .. طبعا مفيش سلق اخضر علشان نعمل حلة قلقاس على قدنا فى ميس الضباط .. كان كل ضابط بيدفع مبلغ أول الشهر .. المبلغ ده إسمه "تحسين" .. بس برضه وبرغم الأستاذ "تحسين" مقدرناش نجيب سلق لأننا فى الوقت ده كنا فى مرسى مطروح وعسكرى الميس ما لقاش سلق اخضر وأكلت القلقاس ابو صلصة حمرا .. ما عجبنيش .. ما بقتش عارف باكل قلقاس ولا بطاطس .. بس كنت عارف اننا فى عيد الغطاس ومعانا الملازم أول شاكر والملازم أول وجيه والنقيب ميلاد ...و....... بنحتفل بعيد الغطاس والكل قال للكل .. كل سنة وانتم طيبين

كل سنة وكل المصريين طيبين . وكل عيد غطاس وانتم بخير. وانا صغيرة قوى قوى كنت فاكرة ان لازم ف عيد الغطاس نروح على البحر . وكنت اقابل اصحابى ونلبس احلى ما عندنا و (( نطير نروح البحر )) بلهجتنا يعنى .. من كتر ما كنا ف اى مناسبة بنروح على البحر ارتبط ف ذهنى برضه عيد الغطاس بالبحر .. ليه بقى ؟؟؟ زمان يعنى ... ف اى عيد...سواء كان عيد للمسلمين او المسيحيين ...لابد تلاقوا اطفال اسكندرية كلهم لابسين بقى ملابس جديدة ...,ماشيين على البحر . يناير فبراير مارس ابريل مش مشكلة ..والمهم؟؟؟ الناس تنطلق وتفرح . القلقاس ؟؟؟ والقصب... اظن ان كل البيوت كانت ف عيد الغطاس بتطبخ قلقاس... اظن ايه؟؟؟ لالالالا ما اظنش .........هو مش ظن... اقصد اقول ده شئ مؤكد .....والقصب؟؟؟ القصب بقى عندنا زمان...كانوا (( بيشيكوه )) ...آه والله. كان فيه عندنا بقى كام (( عم محمد وعم فانوس ...وكام عم ف المنطقة ))....يبيعوا القصب زى ما قال اخونا اوزوزو....لبشة قصب ...بس بقى كانوا ((( اذكياء قوى ...بجدددد))) .يربطوا اللبشة بشريط .. كأنه زى الزعف لما كان بيتباع .. الصراحة كان فيه جو تانى خاالص . هى مرة واحدة اللى سألت فيها أمى الله يرحمها لما شفت الناس بتعوم ف اليوم ده..قلت لها .. ماما الدنيا سقعة هو احنا كمان لازم نغطس ؟؟؟ وطبعاااا امى ضحكت . كل عام واحنا كلنا بخير ... :clappingrose:

و هو ايه دخل النظام بموضة الحرايق البشرية اللي شغالة دلوقتي ... ما هما هما اللي كانوا مخنوقين من حياتهم لحد 3 ايام فاتوا ... و هما هما اللي ممكن ينضموا الي ابناء مصر الراغبين في التغيير بصورة حضارية ... بصراحة بصراحة .. انا ما اقدرش اصنف الأفعال دي الا بالغباء الفعلي ... هما شافوا ازاي الناس اعتبرت اللي حصل في تونس شجاعة ... و الأسطورة اللي اتكونت حوالين اللي عملها في تونس ...بالرغم ان اللي ولع نفسه هناك ما افتكرش انه كان عايز يوصل نفس المعني ده للتوانسة .. هو مجرد وصل لقمة الأحباط و عملها ... زي اللي طول عمرها بتعاني من جوزها ... و لما طهقت خالص منه .. جابت بابور الجاز وولعت في نفسها .. ممكن اتفهم تمامآ الأحباط اللي وصلها لنقطة اللاعودة دي .. لكن مش ممكن حعتبرها ابدآ شهيدة الزوجات اللي في حالتها او انها كانت عايز تعبر عن احتجاج باسمهم كلهم ... هنا بقي شافوا السكة دي و مسكتهم الفرة .. نفسي مرة نقلد التانيين في حاجة مفيدة ... كل الكلام ده و لا جايب همه .. و ما حدش حيعتبرهم ابطال و شهداء .... و اللي حينوبهم في الآخر يا يموتوا و الناس مش عارفة تترحم عليهم و لا لأ .. لا يعيشوا طول عمرهم مشوهين جسديآ و بالتالي نفسيآ هما و كل اللي حواليهم ... و مثالي علي كده .. سؤال الي الجميع هنا ... هل فعلآ ممكن نعتبر اللي بيولع نفسه قدام مجلس الشعب اليومين دول ابطال ؟؟؟ هل ده ممكن يكون عامل ايجابي في رغبة التغيير اللي عايزينه كلنا ؟؟؟ انا ممكن اعتبره بطل و شهيد اللي يموت و هو بيناضل علشان حياة افضل ليه و لولاده من غير ما يسلك سلوك همجي ..من غير ما يأذي نفسه أو تانيين زيه ... ده اللي يبقي فعلآ رمز يهز النظام الظالم ... لكن اللي يحرق نفسه .... لأ

الله ينور عليك ياعنبو وده كان قصد استاذ محمود مصطفى فى موضوع اخبار تونس لكن للاسف تقيم سالب لانه ذكر المغتربين مع احترامى الشديد لكل الاخوة المغتربين لكنهم ابعد مايكون عن اللى حيحصل للبلد من خراب ودمار متناسين ان اقاربهم واهاليهم مازالوا موجودين بمصر بممتلكاتهم واولادهم فهل سيرضون باى مساس لهم من قريب او بعيد سواء تدمير سيارتهم اومحلاتهم او لاقدر الله سقوط قتلى منهم كما حدث فى تونس ولن نغفل جميعا مدى تدهور الحالة الاخلاقية بمصر وكثرة المدمنين والمجرمين وسوء الاستغلال لاى موضوع لاثارة الفوضى والخاسر الوحيد مواطن طفح الدم عشان يشترى عربية او يعمل مشروع يامن مستقبل اولاده فهل الاخوة المغتربون على استعداد ان يضحوا باموالهم اللى كدوا وتعبوا وتغربوا عشانها فى تعويض المتضررين من جراء الاحداث التى ستنتج من عشوائية ثورة غير مدروسة ستقضى على الاخضر واليابس وحتى ان قبلوا هل يستطيعون تعويضهم عن خسارتهم عن اولادهم او ازواجهم فى حالة لاقدر الله موتهم فى الاحداث الدامية اللى حتحصل عن نفسى ان مش مستعدة اقدم ابنى وزوجى قربان لارضاء شعارات جوفاء من اناس ابعد مايكون عن نار ستشتعل فينا وحدنا لان للاسف المقيمين بس هم اللى حيدفعوا الضريبة والكلام ده قلته على اقباط المهجر اللى بينفخوا فى نار الفرقة وقلت انهم بمنأى عن ماسيحدث من فتنة فى البلد والمسيحى المقيم سيكون الخاسر لان الاخرين امنين بعيد بانفسهم واموالهم وكذلك قلته قبل ذلك لاستاذ فاضل كان قصده سيبوا البلد بتخلفها والناس اللى فيها واطلعوا بولادكم برة ولما تصلح نبقى نرجع لها انا عارفة ان ناس كتير حتزعل من كلامى لكن حطوا نفسكم مكانا عندكم استعداد تضحوا بفلوسكم واولادكم كنت باشتم ابنى انه مش وطنى ولا يهمه اللى بيحصل فى البلد لكن لما شفت سيد بلال واللى حصله قلبى وجعنى واكتئبت وامتنعت عن المحاورات لفترة من حزنى وقلت حرتاح لما ابنى يكون كده ؟! وعلى راى ابنى مجنون وعبيط اللى يضحى بنفسه عشان ناس ماتستهلش فى بلد زى دى وده بعد اللى شافه فى الابراهمية من سحل احد مؤيدى البرادعى من المخبرين والدم خفى ملامح وشه والولد بيصرخ يستجير بعشرات الناس اللى وقفت تتفرج كانه مجرم يستحق اللى بيحصله مع ان عددهم اكتر من اتنين مخبرين كان ممكن يتغلبوا عليهم وينجدوا الولد من اديهم ايد لوحدها متصقفش كم واحد عنده استعداد يسيب اللى وراه ويسيب حلمه ويرجع يشارك فى حاجة زى دى كم واحد فى البلد عنده استعداد يضحى زى غيره ومايقفلش بابه على نفسه ويقول احنا مالنا

الصورة خير برهان و لا تعليق

الاخوة الافاضل مرفق كراسه الشروط للقرعه الجديدة 2011 هذة اول مشاركه لي بالمنتدي تحياتي للجميع http://www.4shared.c...m/__online.html Full page fax print.pdf

كلما ازداد اقتراب الإنسان من الأشياء وانضمامه اليها ، كلما فقد القدرة على رؤيتها بوضوح، حتى إذا ما التصق بها عجز عن رؤيتها لأن اتحاده بها يفقده شروط الرؤيه الصحيحه من موضوعية وتجرد وصفاء ذهن..تماما كما يعجز الانسان عن رؤية وجهه حينما يقترب من المرآة حتى يلتصق بها..أ و عن رؤية عيوب من يحب لذا فالرحيل ضروري باستمرار. - أحلام-

الحياة ايمان... ثقة باالله...عدم الاستسلام

نفسى أعرف ايه المشكلة فى أن الجنيه او المائة جنيه تكون معدن أو ورق بنكنوت؟ تعرفوا إن أجدادنا رفضوا ورق البنكنوت فى بداياته لانهم تعودوا على العملات الفضية والذهبية؟ أحنا دلوقت عاملين زى أجدادنا بس بالعكس ، هم كان عندهم حق لانه حايفرط فى الذهب ويأخذ بدلا منه وصل أو سند أو شهادة من محافظ البنك بأن الورقة دى بتساوى جنيه ، لكن أحنا ياترى عندنا حق؟ أنا عن نفسى مش حاتلاقى فى جيبى عشرة دولار على بعض ، كلها فلوس بلاستيك ، ايشى بألف وايشى بعشرة وايشى زى ماأنت عاوز ، والناس بتخاف تشيل فلوس فى جيوبها علشان ماتتسرقش. خذوا الموضوع ببساطة ، المهم العملة تشترى ايه مش شكلها ايه.

هي دي الحياااة....ضحكتين و.....آاااة ضحكتينك عيشهم.....دمعتينك حوشهم :closedeyes:

السلام عليكم ورحمة الله... طب وحياة رحمة الخواجة ينى...ما اعرف ايه موضوع القلقاس والقصب... لكن على الجانب الاخر..اعرف طبعا قلقاس افندى..وقصب بك السكر وهل يخفى القمر... حتى بالامارة دواك قصب ..وداهواك قلقاس... شفت بقى انى خبرانة وفاهمة...:) القلقاس باطبخه عادى جدا..بس بالسلق والقصب..ايييييه...كانت ايام بقى...لما كان فيه أسنان ممكن تقشر ..بأتناوله محاليل دوئتى... بس ما اعرفش بجد ليه مرتبطين بعيد الغطاس...تقاليد يعنى ولا له اساس دينى... كان هذا هو السؤال ويومك أخضر بلون السلق والكزبرة الخضرا ..ومسكر زى القصب المقشر والمعصور بحيث ماتبذلش اى جهد يعنى...

هل تعرف ماهي الغنيمة الباردة قال رسول الله صلى الله عليه وسلم : « الصوم في الشتاء الغنيمة الباردة » رواه أحمد وحسنه الألباني قال الخطابي: " الغنيمة الباردة أي السهلة ولأنّ حرارة العطش لا تنال الصائم فيه ". قال ابن رجب: " معنى أنّها غنيمة باردة أنّها حصلت بغير قتال ولا تعب ولا مشقة، فصاحبها يحوز هذه الغنيمة بغير كلفة ". فحري بك اقتناص هذه الغنيمة لاسيما في الأيام الفاضلة مثل الاثنين والخميس أو الأيام البيض ونحو ذلك. غنيمة العابدين وربيع المؤمنين عن عمر رضي الله عنه قال : " الشتاء غنيمة العابدين ". رواه أبو نعيم بإسناد صحيح قال ابن رجب: " إنّما كان الشتاء ربيع المؤمن لأنّه يرتع في بساتين الطاعات ويسرح في ميادين العبادات وينزه قلبه في رياض الأعمال الميسرة فيه ". ومن كلام يحيى بن معاذ: " الليل طويل فلا تقصره بمنامك، والإسلام نقي فلا تدنسه بآثامك ". و عن ابن مسعود رضي الله عنه أنّه قال : " مرحبًا بالشتاء، تنزل فيه البركة ويطول فيه الليل للقيام ويقصر فيه النهار للصيام ". ومن درر كلام الحسن البصري قال : "نعم زمان المؤمن الشتاء ليله طويل يقومه، ونهاره قصير يصومه ". وعن عبيد بن عمير رحمه الله أنّه كان إذا جاء الشتاء قال: "يا أهل القرآن! طال ليلكم لقراءتكم فاقرؤوا، وقصر النهار لصيامكم فصوموا تذكره بسيطه ارجو ان نستفاد منها جميعا تحياتى

اعتقد انه هذه عملة تذكارية وليست عملة حقيقية للتداول

سيدي الكريم se_Elsyed تحية طيبة ولي تعليقات بسيطة ومختصرة شاكرا ومقدرا وقتكم الكريم، طبعا بعد حمدا لـله على السلامة: 1-أنا أعمل في شركة في امتداد مكرم عبيد ولم أجرب انقطاع المياه إلا مرة واحدة خلال سنة وكان لبضعة ساعات. كون المكان اللي حضرتك كنت فيه لديهم مشكلة في السباكة أو أن الموظف الإداري مثلا أحب أن يتنصل من المسؤولية ورماها على شركة المياه، أو أنه لغرض ما أحب أن يبدي لك شخصيا تذمرا من البلد والأحوال، فهذا أمر آخر، ولكن لا أعتقد أن يمكن تعميمه، علما بأنني أسكن في مدينة نصر أيضا. 2-الطين هو نتاج للتراب والغبار واختلاطهما بالماء، مش شايف مشكلة في كده، نحن دولة لدينا إمكانيات محددة والأرخص والأوفق لإمكانياتنا هو أن تحريك الاجهزة والمعدات للكسح بدلا من تجهيز الشوارع والأسفلت بتقنيات معينة قد تمنع مثل المنظر اللي حضرتك رأيته. أعتقد الوضع لدينا أفضل من دول مجاورة كانت تسبح في المياه:) 3-الطوابير: لماذا يا سيدي لوم الحكومة بنسبة مائة في المائة، تعمل ايه يعني الحكومة إذا كان فيه ناس لا دين ولا خلاق لهم يتاجرون في الدقيق المدعم، وآخرون يعذبون الناس ويظلمونهم في توزيع الحصص اليومية، وعاملون في المخبز يتعاملون لحسابهم ومصالحهم، وبالتالي فاللوم لا ينطبق فقط على الأجهزة الحكومية. لا أدافع عن خطأ أو ظلم، ولكن فقط أريدأن أوضح أن العمل للوطن مسؤولية متكاملة للجميع، بل والـله لا أعفي نفسي من كوني شابا ربما لدي وقت أن أقف في ذلك الطابور بدلا من سيدة عجوز أو رجل مريض، وإن كنت ولا بد شانقا أحدا فابدأ بي. ملحوظة على الهامش: تقابلت منذ بضعة سنوات أثناء الحج مع مأمور جمرك بميناء السويس أو رئيس وردية، مما قاله الرجل (وكنا بالإحرام يعني احتمال الكذب أو المبالغة ضعيف جدا) أن هنالك تعليمات شفوية عليا تصدر إليهم من الوزارة بعدم جمركة الحجاج القادمين على تلفزيوناتهم أو أجهزتهم الكهربائية حــتــى وإن تـجـاوزت حــد الـسـمـاح، وكان الرجل يحكي أنه أحيانا بعض الحجاج بيكونوا جايين ومجهزين نفسهم إنهم ح يدفعوا جمرك وبيقول في الصالة للمأمور أنا معايا مثلا أربع تلفزيونات وكذا كذا (اللي هو قانونا لازم يتجمرك)، فكانوا في الجمرك يطبطبوا عليه وحمدا لـله على السلامة يا حاج وخلاص يعدوهم.

الحتة بخمسة جنيه والحسّّابة بتحسب خايف بعدين الواحد يروح يأخد مرتبة في صرة زي صرة الدنانير :P

عشان ما حدش يفهمني غلط فليس كل ما يشاهده الإنسان بيكون سيئاً لهذه الدرجة .. فبصراحة على السريع لأن ما كانش في وقت شاهدت أشياء جيده أيضاًُ .. ومنه : 1- بقى في أتوبيسات نقل عام جديدة منتشرة ونظيفة مكتوب عليها CTA ... بصراحة حسيت إنها أدمية غير الأتوبيسات الحمرا والزرقا بتاعت زمان اللي كانت كُهنة ... لكن يارب يحافظوا على صيانتها الدورية .. لأن الفرق بيننا وبين الدول الأخرى مش في إنشاء حاجه .. لا لأ . لكن في المحافظة عليها وصيانتها . 2- التليفونات الأرضية دلوقت بقى تأسيسها ببلاش وفي الحال والمصرية للاتصالات ناقص تعمل إعلانات وتقول فيها " اللي حيب ربنا ييجي يتصل من عندنا " ............ أنا مش كبير قوي ولا صغير قوي ... لكن لسه فاكر في السبعينات والثمانينات كان التليفون الأرضي بيقعد ما بين 10 - 20 عام لحد ما يجيلك ... ومش بيجيلك إنت لإن اللي بيقدم بيكون إنتقل الى الرفيق الأعلى لكنه أمن مستقبل أولاده بعدة تليفون سودا زي تيليفون العمدة كده - ملحوظة ده كان بيحصل في القاهرة خلوا بالكم 3- حدثت حالة وفاة في البلد عندنا لكن ما قدرتش أروح أدي الواجب عشان قصر الفترة الزمنية المتواجد فيها هناك ... فجزء من العيلة راحوا بالعربيات الخاصة بتاعتهم ... والباقي سطحوا بألسوبر جيت .. لما رجعوا مدحوا في مستوى الأتوبيس بصراحة وحاجه أخر شياكة .. والأتوبيس بيطلع من موقف عبود بشبرا إلى الزقازيق بلدنا .. تخيلوا تذكرة الفرد بـ 3 ج فقط ؟ 4- كمان تذكرة المترو ... تاخد القاهرة من أولها لأخرها وتخرم لحد محافظة لحوان كمان كل ده بـ 1 ج فقط حتى الأن ... 5- الكوبري اللي على طريق مصر الإسماعيلية واللي حل مشكلة من الازمة المرورية أمام الطريق الداشري وكانت بتحصل بلاوي مرورية هناك من الزحام .... المرة دي لقيتهم إنتهوا من إنشاءه وأفتتحوه .. وبصراحة شركة النيل للطرق والكباري أنهته في وقت قياسي وبقى الطريق شكله أفضل بكثير ..

الحياة رزق ممكن يكون اولاد ممكن يكون فلوس ممكن يكون صحة ممكن يكون راحة بال المهم كل واحد واخد رزقه بصورة مختلفة الاهم انك تقول الحمد لله

كل سنة و و احنا طيبين و في القلقاس و القصب غطسانين انا برضه زي حضرتك يا ماما سلوى كنت فكرة ان في عيد الغطاس بنغطس :blush2:

أنواع صعوبات التعلم هناك نوعين من صعوبات التعلم، هما: 1ــ صعوبات التعلم النمائية: Developmental Learning Disabilities وهي الصعوبات التي تتعلق بالوظائف الدماغية، وبالعمليات العقلية والمعرفية التي يحتاجها الطفل في تحصيله الأكاديمي ويرى بعض العلماء أنها ترجع إلى اضطرابات وظيفية تخص الجهاز العصبي المركزي وأن هذه الصعوبات يمكن أن تقسم إلى نوعين فرعيين، هما: أ ـ صعوبات أولية: مثل الانتباه، والإدراك، والذاكرة. ب ـ صعوبات ثانوية: مثل التفكير، والكلام، والفهم واللغة الشفوية. وتوجد صعوبات التعلم النمائية في ثلاث مجالات أساسية هي: 1- النمو اللغوي. 2- النمو المعرفي. 3- نمو المهارات البصرية الحركية. 2ــ صعوبات التعلم الأكاديمية: Academic Learning Disabilities وهي تتعلق بموضوعات الدراسة الأساسية مثل العجز عن القراءة (عسر القراءة) أو الديسليكسيا Dyslexia والعجزعن الكتابة (عسر الكتابة) أو الديسجرافيا Dysgraphia، وصعوبة أو عسر إجراء العمليات الحسابية Dyscalculia بالإضافة إلى صعوبات التهجئة Dysorthography ومثل هذه الصعوبات وغيرها إنما تنتج عن الصعوبات النمائية.

الموضوع داه خطر جدا يا بشمهندس تيمور - انا معترضة جدا على فكرته بصراحة انا خايفة على مصر - وخايفة ان المظاهرة او الاحتجاج ما يبقاش سلمى وداه فعلا هيكون بنسبة 90% دى توقعاتى انه يقلب عنف خايفة ان الشارع يفقد الامان والامن خايفة على اهلى و اخواتى خايف على البلد - خايفة ان تكون هناك ناس بتضحك على عقول شباب صغير ويفهموهم ان كسر كابين الميناتيل فى الشوارع وتخريب المال العام وحرق السيارات هو داه اللى هيجيب نتيجة وبيضحكو عليهم زى ما مفهمينهم اللى بيحرق نفسه هو داه هيصلح حال بلده - وهيبقى بطل قومى ولا هيبقي فى يوم وليلة جيفارا خايفة ان تضيع فى الرجلين الناس الغلبانة والفقرا واللى ما لهمش ذنب غير انهم نزلو من بيوتهم فى مشاركة سلمية وقلب ثورة وقتل وحرق خايفة الجيش والشرطة يضربوا على الناس رصاص حى وبعدها يلاقو الف عذر وعذر يقدموه للجان العالمية وحقوق الانسان - وكلها اعذار اقبح من الذنب خايفة لدرجة انى مش قادرة اشارك فى التوبيك من وقت كبير لانى مش عاوزة اقول كلام يزعل منى اى حد فعلا الموضوع داه غلط - والدعوة دى مش فى وقتها لان حاليا الوضع فى مصر سيء جدا اتمنى ان الامور تمر بخير فى مصر الفترة اللى جايا مش علشان الرئيس ولا حكومته واعوانه لكن علشان الفقرا والغلبانين والشقيانين اللى مالهمش ذنب انهم فى لحظة يخسرو اولادهم الشباب الصغيرين برصاص الشرطة ولا الجيش ومن حزنهم يموتوا فى اليوم ميت مرة علشان خسرو ولادهم - بسبب توبيك اتفتح فى منتدى يدعوهم لمشاركة فى تظاهرات ظاهرى سلمي والباطن ربنا وحده يعلم هتكون ايه نتيجيتها على فكرة انا لو قريت عن اى مصري مات من التعذيب او اتضرب من الشرطة بابقى تعبانة فترة كبيرة جوايا وصورته مش بتفارق خيالى - وايا ان كان سبب اعتقاله او تعذيبه المشهد مش بيفارقنى - ما بالك لو نتيجة المظاهرات دى ناس كتير ماتو او اتعذبو فى السجون ايه بقى النتيجة مين يرحمهم ومين ياخد ذنبهم داه رايي وحبيت اشارك بيه ربنا يستر

والله انا ما كنت لاقى تعليق فعلا اكتبه .... بس حضرتك وفيت وكفيت بالرد ده العاده المصريه المحببه ,, مسكنا في النكته وسبنا جوهر الرساله ,, يا الف خساره ,, على العموم مقاعد المتفرجين عددها يتسع لفرد اخر ,, يبقي من فضلك كرسي ليا انا كمان هنا يا باشمهندس .... لأني في غربتي ما عنديش غير اني اكتبلي كلمتين .. و أصلي ان ربنا يعديها علي خير ... و حتي لو كنت في مصر ,,, الكدب خيبة .. و في حالة زي دي .. حعمل كده برضه ... بكل الرغبات الجيدة ... و بكل الأمنيات ... السيناريو مش حيبقي وردي كده ... الرعاع و الصباة الموجهون صوتهم يكون دائمآ اعلي في حركات مماثلة مهما كانت المحاولات جادة ... و الأمر لن يتوقف قط علي بعض ضحايا قلوا او كثروا ثمنآطبيعيآ للثورات و الأنتفاضات ... و ساعتها افضل ان اكون متفرج علي ان اكون عامل من عوامل تدمير بلدي و تسليمها علي طبق من ذهب للجيش من جديد لنبدأ الرواية من أولها ... افضل ان أكون متفرجآ و هذا لا يعني انني جبانآ او خانعآ أو أقل وطنية ممن يؤمنون ان تحرك مماثل به الحل ...

u should help others to make the others help you to take , u have to pay ; and u have not even completed ur details in the data base until this moment أولا أنا لم أكن أتوقع ردا بهذه الطريقة و خصوصا من حضرتك ثانيا : أنا قمت بأرسال المعلومات دى من قبل لحضرتك و أنامش عارف أضيقها أزاى ثالثا أنا وقتى ضيق جدا و الأزمة المالية عندنا فى الشركة عماة لينا خالة هلع رابعا : انا حاولت اتواصل معاكم أكتر من مرة و لكن أحلامى بأن يكون المنتدى مختلفا عن حال مصر ذهب ثدى حيث تتعامل ادراة المنتدى بشكل ديكتاتورى و ليس ديمقراطى فى حل المشاكل هنا و لن أتكلم عن التكتلات و الصحوبيات و المقربين يعنى المنتدى مش مثالى زى ما كنت بحلم كل ماجى أقول حاجة علشان نرفع من مستوى المنتدى الافى أتشطب أسمى من حتة . اتدلتت كتاباتى فى حتة . اتحرمت من خاصية التقييم فة مكان تانى و هكذا لحد مازهقت و نجح المنتدى بطريقة غير مباشرة فى تطفيشى فى برضه معلومات برايقت بالنسبة لى و باحب يكون فيه جزء خصوصية شThanks for nothing all of us have problems in his life, ur opinion in egyptiantalks is not related to any one here or any where, what u wrote proved that u just seeks ur benefits only, which is totally unacceptable at least for me to take , u should give ur details are incomplete and u have not sent it to be added it is clear that we enter with Nick Names, so your privacy is safe Mr. bongeorgeo; so what privacy are u talking about ???

اخواني الاعزاء بارك الله فيكم جميعا والله انا ودي اعرف ايه رايكم في موضوع الاسعار لكي يستفيد الجميع بالاخص الناس الموجودة خارج البلد وايضا اشكر كل من قام بالرد علي الموضع تحياتي للجميع

الأسعار ما عنديش فكرة لكنها متفاوته من حي لأخر ومن موقع لأخر وحسب حالة العمارة وكده والميزة إن ما بقاش فيه لازمه للسماسرة لإن الإعلانات كتيرة جداً طول ما أنتي ماشيه على العماير ... العبور مميزة لإنها متخططة صح ... لكن الشروق كل اللي يروح يتوه فيها لإنها سايحه علي بعضها والواحد ممكن يشوف فيلتين تلاته فخمين جنب بعض وفجأة يلاقي في وسطهم مساكن وبلوكات شعبية العبور أقرب للطريق الدائري ولوسط البلد بشكل عام وخصوصاً مصر الجديدة ومدينة نصر العبور خدماتها متكاملة سواء التجارية أو الطبية أو التعليمية من مدارس بانواعها العبور فيها سين سين هو العُمده ... لكن الشروق ما لهاش كبير يحكمها ههههههههههههه ----------- وبعدين هاتشتري ولا هاتفعصي في البضاعة وتاخدي بعضك وتمشي ؟

لأ طبعاً .. مايصحش .. مفيش حد أرجل مننا والفاسد لازم يمشي .. دي مافيهاش كلام إنتم مين ؟؟ يعني مين دول ؟؟ مين اللي طلبوا .. أو مين اللي بيخطط .. أو بيدعوا لهذا ؟؟؟ إخوان ؟؟ يساريين ؟؟ يمين ؟؟؟ وفد ؟؟؟ مين يعني ؟؟؟ لما الناس تطلع يوم 25 يناير .. حيقولوا ايه ...؟؟ مين اللي حيقولهم خلاص كفاية كده .. مفيش أمل ؟؟ أو مين اللي حيقولهم خلاص .. كل واحد يروح .. تحقق الهدف ؟؟؟ مين اللي حينصحهم يروحوا علشان الخسائر كبيرة .. أو قليلة ..؟؟؟ مين اللي حيمنع أي فوضى إنها تحصل ؟؟؟ بما أنه فات عصر الخنوع والخضوع والضعف ولااستسلام ...... أيضاً فات حضرتك إنك تفهمنا إيه الموضوع بالضبط ..

هى دى الفكرة اللى كنت بتكلم عليها ياارش الصبح بصراحه الاخ محمود جاب جمله فى الصميم انا كان رايى بس ان لو فى مظاهرات سلميه وليها هدف انها تحدد وتنظم من خلال النقابات مثلا وتكون المطالب واضحه ومحدده وبعد كده ياسيدى تتسع الدايرة لكل النقابات ان شاالله توصل للمدارس بس تكون عمليه منظمه من الاساس وفى نطاق سلمى واضح

السلام عليكم رغم اتفاقى عن عدم الحديث عن السلبيات فى موضوع سابق ولكن احب اقول رايى فى موضوع 25 يناير اولا اكيد الحكومة عرفت بالموضوع وبتجهز ليه المهم الموضوع له احتمالان وهما الاحتمال الاول - عدم مواكبة الشعب للخروج فى 25 يناير وده هيكون القشة التى قسمت ظهر البعير لان اعتقد بعد انتفاضة البرادعى والحراك اللى عمله وبعد ثورة شعب تونس فاذا كانت هذه الاحداث لم تحرك الشعب فنستطيع القول ان الشعب قد انتهى تماما ولن يقوم له قائمة وبالتالى يعتبر الحديث عن موضوع التغيير والثورة والكلام ده موضوع منتهى ويعتبر اضاعة للوقت الاحتمال الثانى : الشعب يتحرك بقوة وده هيادى ان النظام عامل حسابه وهتكون مواجهة عنيفة جدا بها الكثير من الضحايا لان المعركة هتكون معركة حياة او موت بالنسبة للنظام فهيقاوم بكل قسوة مستخدم الامن المركزى والبلطجية والجيش اذا استدعى الامر ولا مانع من قيام اتباعه ببعض اعمال الشغب لاظهار الانتفاضة بمنظر المدمر الذى يريد حراق البلد بدلا من انقاذها والاحتمالين كلاهما اسوء لمصر وهيقضى عليها يعنى من الاخير لاما قتل اى امل فى التغيير او حرب تقترب من الحرب الاهلية بين نظام لا يهمه الا الحفاظ على الكرسى والشعب ملحوظة : كما اتفقنا سابقا النظام عندنا وشه مكشوف يعنى مش هتفرق معاه ولا حقوق انسان ولا دعاء ابواما بالتهدئة وتوقع شخصى ان يحدث اى عملية بعلم النظام يوم 20-24 يناير لضرب التحرك مبكرا وقد تكون هذه العملية تفجير او قتل او اغتيال او حتى اعتقال بعض الرموز او قرارات مثل اقالة وزير او حاجة من هذا القبيل طبعا رايى انا مع اى تحرك ولكن يجب ان يكون منظم ويجب ان يكون له قائد متجهز ويقود هذا التحرك مثل ثورة يوليو لم تكن لتنجح لولا وجود قائد وشعار مثل اللواء محمد نجيب رحمه الله

أنا مع كل الأقلام العاقلة اللي بتطالب بضبط النفس تجربتنا فعلا مختلفة تماما عن تونس احنا شعبنا أكبر و شرائحه و انتماءاته الفكرية متعددة و متباينة مين اللي حيقوم بالحملة دي؟؟ و فين التنظيم اللي فيها؟ الناس تخرج و خلاص بدون ما تبقى عارفة حيعملوا ايه؟ طب لو القيادة عملت زي بن على ايه اللي حيحصل؟؟ مين اللي حيمسك البلد؟؟ و الا الجيش برضه ؟؟؟ يبقى ما عملناش حاجة الشعب للأسف دبت فيه الفرقة في كل شرايحه و كل تياراته حتى أصحاب التيار الواحد متناحرين مش من مصلحتنا كمصريين أن تتكرر تجربة تونس عندنا و فينا ناس كتير بتقول و انا مالي و ياكش تولع يا ترى الناس دي اللي انسحل قدامهم خالد سعيد و اللي اتاخد من وسطهم سيد بلال و اللي اغتُصبت قدامهم النساء و البنات في حركة كفاية يا ترى الناس دي حيبقى موقفها ايه؟؟؟ و الا هو الهدف نفقد المزيد من شبابنا بلا هدف؟؟؟ الواحد لو بيموت عشان هدف نبيل بيبقى شهيد انما اللي يخرج بلا هدف و عارف انه حيتقتل يبقى بيلقي بنفسه إلى التهلكة و خطاب ربنا سبحانه و تعالى واضح تماما {وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ }البقرة195 على هامش الحوار ساءني جدا كلام البعض بإن المغتربين مش مستعدين لأي تضحية و اننا ايدينا في المية الباردة تعرفوا حسيت بإيه ان مصر لو انصلح حالها حتمنعونا من الدخول و تقولوا لنا انتو ملكوش حق تعيشوا بيننا

معلهش سؤال اخوكم مذنوق فية استحملونى لو حضرات المغتربين بعضآ منهم موجود بالداخل هل كانت مهاجمتة للنظام الحاكم كانت هتختلف ولا هتفضل زى ماهيى المطلوب اثباتة لماذا يشعر المغترب انة اعلى ممن فى الداخل وانة يضحى بتركة وطنة قصرآ رغم انة يعلم يقينآ ما يقاسية من بالداخل هل هناك فارق بين من يقوم بصنع شيء ومن يشترية او ينتفع بة بعد صناعتة هل من يصنع الشيء بيدة يتمتع بما صنعة دائمآ ام هناك من ينتفع بة غيرة

وهو احنا بنقول بلاش فوضى عشان متموتوش ولا لان هتموتوا وبرضه مفيش حاجه هتتصلح والوضع هيبقى اصعب واشد سوءا من الحالي ؟ في وضع زي وضع مصر وفي ظروف شديده السوء زي ظروفنا مينفعش ابدا نزيد الطين بله ونحاول نعالج الغلط بغلط اكبر منه .. لو المظاهرات هتجيب حل كان زمانها حلت من زمان .. لو الفوضى عمرها بتيجي بنتيجه مكانش حد غلب .. كل الي حضرتك قلت عليه امور صعبه يفترض اننا نحاول نغيرها بكل وسيله .. لكن العصيان والفوضى ابدا مش هي وسيلة التغيير ده وعمر العنف والهمجيه مايجيبوا لحد حقه الضايع ..

الأخوه الزملاء: استلمت أمس نتيجة التيف من المعهد الفرنسى بالايميل و قمت باعادة ارسالها للسفاره الكنديه ولكن يوجد خطأفى النتيجه حيث أن السكرتيره ارسلت لى نتيجة الEXPRESION ORAL مرتين و بالتالى حصلت على درجتين بدلا من درجه واحده هل أنتظر رد السفارة أم أرسل اليهم الالنتيجه الصح ؟؟

المصريين بيرخصوا نفسهم باستهتارهم ورعونتهم وفوضويتهم لو حطيت عسكري كل مسافة 500 متر حتلاقي الناس بتستهبل وتخالف في المسافة اللي بينهم مش هم دول سواقين النقل اللي كانوا عاملين إضرابات واعتصامات الاسابيع اللي فاتت علشان تطبيق القانون عليهم ويخرج علينا الناس تقول العربيات عليها اقساط .. والبعد الاجتماعي .. وتأجيل تطبيق القانون إللي بيحصل ده إجرام حاجة تانية .. عايزين نغير لهجتنا شوية .. مرة نتكلم عن سلبياتنا إحنا .. وفوضويتنا إحنا .. مش كل حاجة نقول الرئيس الرئيس .. الرئيس مش دريان بالدنيا .. أنا مش بادافع عنه .. لكن محتاجين نتكلم بواقعية شوية .. الناس في مصر أدمنت الفوضى .. بل واحترفتها بشكل غريب .. الناس في مصر استهانت بأرواحها بشكل عجيب .. ورخصت نفسها بهذا الاستهتار الذي لا يوجد له مثيل أبداً ..

بص يا شادى انا سمعت و الله اعلم انك ممكن تروح التأمينات و تشترى مدة زى المدة المتأمن عليك فيها باُثر رجعى يعنى لو متأمن عليك من 6 شهور ممكن تخليهم سنة و وقت المقابلة اللى بتيجى بعد سنة تقريبا يبقوا سنتين كمان فى حاجة تانية ممكن تأمن نفسك بيها و هى انك تخلى صاحب الشركة او مندوب الشركة يوثقلك شهادة الخبرة من الشهر العقارى و بعدين انت تاخد الشهادة و توثقها من الخارجية و متقلقش ممكن المستشار بتاع الهجرة يحسبهملك لو فى تأمين سنتين مثلا مع شهادة خبرة 4 سنين و ممكن يغلس فالاحسن انك تأمن نفسك و ربنا يوفقك

أنا أمك التي إنتظرتك في ليلة العيد بلهفة.. وإفتقدتك في صباح العيد بألم !! وبحثت عنك في وجوه المعيدين بصمت. وخبأت لك حلوى العيد بجيب ثوبي وصررت لك عيديتك بطرف غطاء رأسي .... وقلت غدا حين يأتي الشوق به سأحدثه عن الكثير ...وأُعاتبه على الكثير!! أنا أمك التي .كنت أشعر بألمك قبل قبل إصابتك به ..وبهمك قبل استقراره بك.!! وبمرضك قبل وصوله إليك,,وكان الحب كالمشيمة يربط بين قلبي وقلبك. متحديا مسافات الزمن॥ وظلمةالوقت..ومساحات البعد!! أنا امك التي ..ان مت يوما ..سيقتلك اليتم بعدي.. وسيقتلك البرد بعدي.. وستبحث عني بين نساء الارضِ .... وستبكي على أسرة بنات الليل طهري ... وستدرك بعد الاوان اني إنثى ..حين أحببتك...انجبتك !!ا حين احببتك...انجبتك !! حين أحببتك ....انجبتك - شهرزاد الخليج-

تعريف الصهيوينة انه الخطر الحقيقى الذى يهدد العالم الاسلامى الان .. خطر ظهر شره فى فلسطين والعراق والشيشان والكثير من البلدان التى وقعت تحت سطوت السلاح بينما وقع الاخر اقتصاديا او اخلاقيا .. اننا بامس الحاجه الى معرفة العدو الذى يستتر خلف كل شئ ضار حولنا ويبث سمه فى العديد من نواحى حياتنا انها الصهوينية تلك الكلمة التى تتردد فى فلسطين ويظن البعض ان الامر يخص فلسطين فقط او القدس فقط انما الامر اكبر من ذلك بكثير لذلك وجب التعريف بمخططات وافكار الصهوينية حتى نعلم كيف يسير العدو الامور علينا , ومن بين الكثير من المؤلفات العربية التى تناولت موضوع الصهيونية اضع بين ايديكم احد افضل هذه الكتب - والذى ساقوم بنشر معظم اجزائه باذن الله- كتاب الصهيونية بايجاز للاستاذ / محمد بن علي باخريبه حيث قام المؤلف بتوضيح الهدف من الكتاب بهذه الكلمات "محاولة الغوص في أعماق أولئك الشراذم من اليهود الذين طغت عليهم الأنانية فنسوا إنسانيتهم، ليسلموها إلى أحقادهم، فكشفت طبيعة الصهيونية التي قلت فيهم كل ما يمت إلى الإنسانية من خلال الجري وراء أطماع غير عقلانية، وعندما تعمد إلى ترقيع اليهودية البالية، للسيادة على العالم بأساليب يتقزز منها العقل ويتبرأ منها الطبع السليم". أولاً: تعريف الصيهونية: عرف المؤلف حفظه الله كلمة صهيون كما فسرها اليهود بمعان ثلاثة:- 1- مدينة الملك الأعظم. 2- اسم حصة سماه نبي الله داود. 3- اسم جبل يقع في شرق القدس. أما المفهوم السياسي فهي الفلسفة القومية لليهود التي أخذ اليهود تعاليمها من التوراة والتلمود الذي سيطر هو والبروتوكولات على الصهاينة سيطرة كاملة فيسيرون على مخططاتهما، جاعلين مبدأ استهجان الغير مبدأهم الأول. ثانياً: نشأة الحركة الصهيونية: يرجع المؤلف نشأة الصهيونية على تهجير اليهود عن فلسطين على يد البابليين في القرن السادس وعلى يد الرومان تيطس 70 ب.م ثم إصرار النصارى على عدم رجوعهم إلى بيت المقدس إبان الفتح الإسلامي إلا أن ظهور منظمة تهتم بهذه الفكرة كان في أغسطس 1897م في مدينة بازل السويسرية حين اجتمع 204 من قادة اليهود وانتخبوا هرتزل رئيسا للمنظمة وقاموا بصياغة البروتوكولات السرية التي افتضح أمرها بعد ذلك. ويعرف المؤلف اليهود أنهم كتلة بشرية ضئيلة من أول أمرها في الوجود، وعلى هذا أجمع المؤرخون حتى في زمن أنبياء اليهود كانوا حفنة قابلة لأن تذروها الرياح بين إمبراطوريات الشرق، وإن كان هناك جذور لبدء الحركة الصهيونية من سقوط الدولة اليهودية إلى اضطهاد الروس ودخول اليهود إلى الغرب واستعبادهم فإن بوادرها تأسيس حركة تحرير لليهود من نير استعباد الأوربيين وهي التي عرفت باسم الماسونية وكانت تحاول مساعدة اليهود وإخراجهم من محنتهم وخيرتهم بين ست خيارات:- 1- فمن من رأى أن خلاصهم عن طريق المسيح المنتظر فلجأوا إلى التدين. 2- ومنهم من رأى أنهم يجب عليهم الذوبان في مجتمع غير اليهود ونسيان الذاتية اليهودية للتخلص من هذه المعاناة. 3- ومنهم من رأى أن الهجرة من البلاد التي يعانون فيها إلى غيرها من البلدان التي لا تعامل اليهود بعنصرية هي الأجدى . 4- وبحثوا في فكرة الاستيطان ودعمها من قبل رجالات المال الأثرياء وإنشاء الجمعية اليهودية للاستعمار ولم تكن فلسطين هي المكان الوحيد المقترح بل هناك أمريكا والبرازيل والأرجنتين وغيرهم. 5- ومنهم من رأى البقاء في أوربا الشرقية لذلك رأوا أن من مصلحتهم الانضمام للحركات الشعبية والسياسية والاقتصادية ثم التملص منها وتحقيق أغراضهم من خلال الحكومات التي نصروها ووضوعوا دساتيرها. 6- ورفض بعضهم كل الحلول السابقة ورأوا العودة إلى التعاليم التوارتية مهما كلفهم ذلك من مال وجهد ونفس. ويرى المؤلف أن الشخصية اليهودية متباينة تباينا شديد وما ذاك إلا لما مرت به عبر التاريخ من تجارب، ولذا فإن السمة اللازمة لهم هي الحقد والكراهية والبغض الذي قد يتعدى غير اليهودي إلى اليهود أنفسهم. ويوضح المؤلف أن الصهيونية هي طريق عودة اليهود إلى فلسطين الذي يسبقه عودتهم إلى اليهودية وأنها لا يمكن أن تحدد لأنها (مبدأ متغير حسب مصلحة معتنقيه)، وكل تعاريفها تدور حول شخصية اليهود الفريدة المتميزة عن باقي شخصيات الشعوب. ويرى المؤلف أن اليهود لا يشكلون شعباً لأن ديانتهم لا تعطيهم تلك المفاهيم التي يقوم عليها الشعب ، ويرى أنهم جماعات منها السفارديم وهم يهود الشرق الأصليون ، ومنها الأشكناز وهم يهود أوربا ، ورأت الصهيونية أن بإمكانها أن تخلق بينهم تجانساً وتوحيداً بين عقائدهم وهذا كان المسيطر على أفكار القادة من الصهاينة آنذاك.

استغفر الله العظيم من كل ذنب عظيم كنت فى مصر ولسه راجعه الجنيه بقي زى 10 ساغ والخمسين قرش بقت زى الشلن مبجبش حاجه مع انه زمان كنت بجيب بيه لبان او مصاصه بجد حرام اللى بيعملوه هم عندهم معدن زيااده وبيتخلصوا منه ولا ايه الحكمه فى تغير نوعيه العمله ؟؟؟؟؟؟ لك يوم يا ظالم

هو ده الى هما فالحين فيه بيدورو على اى تفاهه يشغلو بيها الشعب المطحون بيعاملو الشعب كانه طفل صغير بيلهوه بلعبة صغيرة علشان عنيهم على اللعبة الكبيرة وياريتها لعبة بجد ايه مصلحة الناس لما الخمسة جنيه تبقى ورق ولا معدن حسبى الله ونعم الوكيل

بدأت منذ اكثر من سنه دعوة البعض بالغاء خانة الديانه من بطاقة الاحوال الشخصيه وكان اخرها السيدة ليلى علوى والتى دعت الى الاكتفاء بكلمة مصرى فى البطاقه وليس ضرورى خانة الديانه. مع ان بطاقه الاحوال الشخصيه موجوده فى المحفظه وانا اذا ركبت المترو وفى جانبى شخص يجلس بجوارى لن اعرف من بطاقته انه مسلم او مسيحى. ولكن الصليب موجود على اليد وفى مكان واضح. فمن يدعو الى المواطنه عليه ان يدعو الى اخفاء الواضح وليس اخفاء من فى فى الاصل مختفى. نفس الاشخاص الذين ينادون بالغاء الديانه من بطاقه الاحوال الشخصيه نتخيلهم لو ان المسلمين هم من يضعون الصليب. كان نفس الاشخاص هيقولوا ديه حريه شخصيه وهيطلع علينا الحقوقويين والعلمانيين ومن يدعون الى دوله مدنيه ويطالبون برفع الصليب من يد المسلمين لانه ضد المواطنه. السيد المفتى سوف يقول انها عاده قديمه. مشايخ النظام سوف يقولوا انها عاده قديمه. ومنهم من يقول انها فضل ولكن حرصا على شعور اخواننا فى الوطن يجب علينا ازالتها. سوف يتم استبعاد اى مسلم يحمل الصليب من دخول الجامعه لانه ضد المواطنه....موضوعى لا اقصد به المساس باى مسيحى او عقيدتهم او حريتهم ولكنى اكتبه لنعلم مصداقيه ه}لاء الافاقين المنافقين الذين يسيرون سيرا اعمى خلف الاخر...والى الذين يريدون ان يطمسوا هويتنا الاسلاميه...هذه الاقنعه سوف تزول وسوف تظهر وجوهكم القبيحه