لوحة القادة

ارجو ان يتسع صدر اخواني المصريين لتعليقي عن هذا الموضوع رغم انه شأن داخلي مصري بحت تعليقي سيكون على كلام الفاضلة جويرية اختي جويرية تغيير اي نظام حكم في العالم لا يخرج عن خمسة انواع فقط 1- الانتخاب 2- الانقلاب 3- الحراب 4- الاغراب 5- الاضراب ================== 1- بالنسبة للانتخاب : فدي مش موجودة بالشرق خالص ... يعني في حالة مصر او اي بلد عربي اخر لا ينفع هذا الحل 2- بالنسبة للانقلاب : فدي ممكن بالعالم العربي عن طريق العسكر بالضبط .. مثل حركة ولد محمد فال بموريتانيا .. او حركة الضباط الاحرار في مصر .. مشكلتها انها لن تخلف الا فكر عسكري آخر 3- بالنسبة للحراب : او السنج والسيوف والسكاكين .. او مظاهرات شعبية بما يتكنفها من سرقات ونهب وتدمير .. مثل ثورة التونسيين .. فدي بتكون مرهونة كتير بطريقة الشعب نفسه في التعامل مع ثورة زي دي .. يعني شفنا الترويع والنهب في حالة تونس وتدمير بعض الممتلكات العامة .. لم نشاهد مثل هذا الامر في اوكرانيا ايام الثورة البرتقالية .. شاهدناها في ثورة ايران والتي حصدت ضحايا بالالاف .. ولم نشاهد مثل هذا الامر في جورجيا ايام الثورة الوردية .. في حالتي اوكرانيا وجورجيا كانت الثورات بيضاء بدون اراقة قطرة دم واحدة ... في شعوبنا قد يبدو الامر مستحيلا .. 4- بالنسبة للاغراب : اي في حالة حدوث احتلال خارجي مثل حالة العراق .. فهو اكثر الحلول دموية وبطئا ولن يخلف اي سلام .. كيف ينظر الشعب لمخلصيه الا انهم من الخونة او اصحاب السفارات ؟ .. حمى الله بلادنا من هكذا تغيير 5- بالنسبة للاضراب : ارى انا ان جاز لي ان افتي في هذه المسألة انه قد يكون انجع الحلول .. اضراب سلمي لا يكلف المرأ اكثر من ان يلزم المرأ داره .. وسط اسرته واهله .. وان يعين المغتربين اخوتهم في الداخل ويقوموا بتعويضهم من اي خسائر قد تلحق بهم نتيجة هذا الاضراب وبالتالي فدورهم لن يكون منعدما.. لا يكون هذا الاضراب مخصوصا بفئة مثل اضراب عمال غزل المحلة حتى لا تكون فائدة النتائج محصورة بهم .. بل يكون اضرابا شاملا تساهم فيه اكثر القطاعات .. وتكون هناك جبهة موحدة تقود هذا الاضراب .. لها مطالب واضحة ومحددة .. حل كهذا سيحقق في رأيي عدة مكتسبات .. * يحفظ الاسر بإذن الله من مغبة التورط مع القوات .. فكل اسرة ستكون ببيتها .. * يمنع تكسير المحلات واتلاف الممتلكات العامة .. فالامن لن ينعدم .. ولكنه سيكون عاجزا امام اسلوب التغيير الجديد * انه اسلوب سبق ان تمت تجربته ومشاهدة نتائجه في مصر .. في اضراب عمال غزل المحلة * انه ينفع للتكرار .. عند اي وضع يستدعي الاضراب .. وبآلية منظمة .. سيستمر الضغط .. * انه لن يكون تغييرا مفاجئاً وسريعا و شاملا يجعل هناك من المستفيدين من النظام من يستميت دون نجاحهااو يجعل البلد في حالة ارتباك .. بل سيكون تغييرا تدريجيا .. وشعبيا من الدرجة الاولى ==================================== هي هذه اساليب التغيير الوحيدة .. لا يوجد غيرها حلول .. وان وجدت فهي فاشلة اخي ارشتيكت ... ادعوك للتفكير خارج الصندوق كما علمتنا كثيرا .. لا داعي لان تحصر نفسك في التجربة التونسية .. فلكل بلد ولكل شعب ولكل صيرورة تاريخية ملابساتها وظروفها ولن تستنسخ تونس في مصر .. ومما لا شك فيه ان النظام في مصر قد اعد عدته حتما لدراسة اسباب فشل بن علي امنيا في كبح المظاهرات .. المدرب القدير لا يستخدم نفس الخطة ونفس التشكيلة في كل مباراة .. والا اكتشف الجميع نقاط ضعفه .. بل هو يفاجئ خصمه في كل مرة بخطة مختلفة بعناصر مختلفة .. تتفق في الهدف وتختلف في التنفيذ

بص ياريمون هم مش 30 واحد بس دول أكتر من عشرين ألف مصري مش ماتوا دول بيموتوا كل سنة على الطرق و كلهم بإذن الله دمهم في رقبة مبارك و كل مسئول عن هذه الطرق حتى لو عامل تحويلة كان نايم في ورديته ... بس فعلا انا ماستغرب إنك بتقول هيقتلوا كام واحد يعني 30 ... طب لا قدر الله ترضى يكون واحد منهم من حبايبك اللي إنت خايف عليهم .. أو من حبايب المهندس تيمور ... لأ طبعا طب ليه ترضى يكون من حبايبي أنا ؟؟؟؟ ياجماعة ياللي عاوزين ثورة ... ماشي احنا معاكم بس تقفلوا الكومبيوترات يوم 24 و تعالوا يوم 25 نربط بعضنا بسلاسل ... والعرض يكون لايف ... مش تصوير بكاميرا موبايل .. مين موافق يحط اسمه في قائمة الـ 30 قتيل اللي قال عليهم ريمون توكلنا على الله .. وعلينا و على اعدائنا .. بس حد يفهمنا هم مين أعدائنا .. العسكري الغلبان .. و لا الظابط الفاسد .. و لا الدكتور الفاسد ... و لا المدرس الفاسد .. و المهندس الفاسد .. و لا الموظف الفاسد .. و لا الطالب الفاسد .. و لا احنا ... آه احنا بتعاملاتنا اليومية مع هؤلاء الفاسدين .. تعلمنا في إسلامنا ان رسول الله صلى الله عليه و سلم ظل ثلاثة عشر سنة يدعو للتوحيد في حجر الكعبة و حول الكعبة أكثر من ثلاثمائة صنم يعبدون من دون الله .. لكن تكسير الأصنام التي في النفوس أهم و أعلى من تكسير الأصنام التي على الأرض .. احنا محتاجين نصلح نفسنا .. و ده مش تخازل ... لكن يجب أن نعترف أن الفساد قد سرى في عروقنا مهما ادعينا البراءة .. فالمطلوب مصارحة مع انفسنا .. فالثورة التي يطالب بها البعض ليست الحل لمرضنا ... يجب أولا ان نحترم انفسنا فيما بيننا ... نراعي ربنا في تعاملاتنا .. لبعض الذين لا يعرفون حجم البلطجة في الشارع المصري .. و تحديدا في المحلة .. التي يرى فيها بعضنا نموذج إيجابي لهذا الشكل من الثورة ... البلطجة في المحلة أكثر مما يتوهم أي فرد ... من شهر واحد صاحبي كان في المحلة .. شاف بنت سرقت فلوس من شنطة ست كبيرة في ميكرباص .. كلم البنت و لمح لها بالفلوس اللي اخدتها .. البنت طلعتله مطواة و مانجدوش منها بفضل الله غير سواق الميكروباص .. ده موقف باختصار اللي ميعرفش تاريخ المحلة و يعرف كم عدد وزراء الداخلية الذين زاروا المحلة لضبط الأمن ... و عشان يعرف ليه الناس في المحلة تغلبوا على الشرطة ... و أيضا تغلبوا على الشعب ... فعدد المحال و السيارت و المرافق التي تكسرت و سرقت ربما يزيد عن قيمة المكافاة التي حصل عليه عمال شركة المحلة .... أرجوكم ... ممكن نفكر ... بهدوووووووووووووووووووووء

احيانا يعجز الانسان وتتبعثر كلماته وتضيع مفرداته امام احد الصور ولا يجد اي تعليق

بس للاسف معرفتش اكسر الرقم القياسي .. كنت لعبتها زمان وعلى مااذكر كان السكور في الثلاثينات ..

ان تحاول ان تسدد ولو جزء قليل جدا من ديونك ولن توفيها حقها

بدأت منذ اكثر من سنه دعوة البعض بالغاء خانة الديانه من بطاقة الاحوال الشخصيه وكان اخرها السيدة ليلى علوى والتى دعت الى الاكتفاء بكلمة مصرى فى البطاقه وليس ضرورى خانة الديانه. مع ان بطاقه الاحوال الشخصيه موجوده فى المحفظه وانا اذا ركبت المترو وفى جانبى شخص يجلس بجوارى لن اعرف من بطاقته انه مسلم او مسيحى. ولكن الصليب موجود على اليد وفى مكان واضح. فمن يدعو الى المواطنه عليه ان يدعو الى اخفاء الواضح وليس اخفاء من فى فى الاصل مختفى. نفس الاشخاص الذين ينادون بالغاء الديانه من بطاقه الاحوال الشخصيه نتخيلهم لو ان المسلمين هم من يضعون الصليب. كان نفس الاشخاص هيقولوا ديه حريه شخصيه وهيطلع علينا الحقوقويين والعلمانيين ومن يدعون الى دوله مدنيه ويطالبون برفع الصليب من يد المسلمين لانه ضد المواطنه. السيد المفتى سوف يقول انها عاده قديمه. مشايخ النظام سوف يقولوا انها عاده قديمه. ومنهم من يقول انها فضل ولكن حرصا على شعور اخواننا فى الوطن يجب علينا ازالتها. سوف يتم استبعاد اى مسلم يحمل الصليب من دخول الجامعه لانه ضد المواطنه....موضوعى لا اقصد به المساس باى مسيحى او عقيدتهم او حريتهم ولكنى اكتبه لنعلم مصداقيه ه}لاء الافاقين المنافقين الذين يسيرون سيرا اعمى خلف الاخر...والى الذين يريدون ان يطمسوا هويتنا الاسلاميه...هذه الاقنعه سوف تزول وسوف تظهر وجوهكم القبيحه

بدون مقدمات طويله إذا صمدت لمدة 18 ثانيه فأنت مدهش وعبقري حرك المربع الأحمر دون أن يلامس المربعات الزرقاء أو حواف الإطار الأسود إذا صمدت لمدة 18 ثانية فأنت سريع البديهة وتتميز بالقدرة على التركيز ويقال أيضا أن الطيارين الأمريكان يطلب منهم الصمود لمدة دقيقتين جااااااااااااااااااااااااااهزين للتحدي ؟؟؟ هذه لعبة تعتمد على التركيز وسرعة التصرف من هنا

سيترأس الإمام الأكبر الدكتور أحمد الطيب شيخ الأزهر صباح غد الخميس جلسة طارئة لمجمع البحوث الإسلامية بكامل هيئته لتوضيح الحكم الشرعى للانتحار، وسيصدر بعدها بيان رسمى للمجمع بالحكم الشرعى للانتحار. وكانت قد شهدت مصر فى اليومين الماضيين حالات عديدة من إقبال لبعض المواطنين على الانتحار بحجة الضغوط الحياتية. خطوة جيدة لتصحيح مفاهيم مغلوطة لدى الكثير من الشباب والعامة الذين يخلطون بين الانتحار والشهادة الاهم ترسيخ هذه المفاهيم من الصغر والاهتمام بتدريس العقيدة بصورتها الصحيحة لانه ان لم يتم ذلك من البداية فماسيصدر سيكون بمثابة حبة دواء لا اكثر تأخذ حسب الرغبة العلاج يبدا من الجذوز بعلاج القصور والخلل فى كيفية فهم صحيح الدين وذلك بجعل التربية الدينية مادة اساسية تضاف للمجموع فتحظى باهتمام الطلاب كما فى السابق

على قدر سعادتي برؤية هذا الخبر ولكنى اتمنى ان يتزايد عدد هؤلاء الشباب فى اقرب وقت على فكرة انا ليا صديقة من اول ما كنا فى المدرسة وهى معاها دايما الكيس ده او لها مكان جراب مخصص فى شنطتها ترمي فيه اى ورقة او كيس او منديل وهى اول واحدة عودتنا وعلمتنا كلنا فى الكلية التصرف ده صحيح فيه ناس كانت بتعلق وتاخد الموضوع بهزار لكنهم ظلوا طول الوقت مايقدروش يرموا حاجة فى الارض وهى واقفة لانه حتى لو حصل كانت بتوطي تاخدها من الارض وتحطها فى الكيس ده تحية لهم ولها وفى انتظار شباب اكتر يشارك ومبادرات أجمل ده رابط الخبر الرباط الخاص بي

أَلاَآياتٌ بِْعِيدَكِ اصْبَحِيْنَـا وَلاَ تُبْقِي تُوْرتَةِ الأَنْدَرِيْنَـا مُشَعْشَعَةً كَأَنَّ الشًّوكُولاَ فِيْهَـا إِذَا مَا الاِسْبرِيْسوْ خَالَطَهَا سَخِيْنَـا تَجُوْرُ بِذِي الكِرْيمَّة عَنْ هَـوَاهُ إِذَا مَا ذَاقَهَـا حَتَّـى يَلِيْنَـا تَرَى اللَّحِزَ الشَّحِيْحَ إِذَا أُمِرَّتْ عَلَيْـهِ لِمَـالِهِ فِيْهَـا مُهِيْنَـا و اللي يحبنا ما يضربش نار

موضوع جميل ومداخلات ولا اروع والله يامصرية ربنا يبارك لك يارب هو بس هاوضح الاول انه الناس اللى قالت ان اللى فى الغربة ايدهم فى المية مش قصدهم اننا مش حاسين لكن ده كان متعلق بالكلام عن الثورة وتوجيه اتهام للى فى البلد انهم ازاى ساكتين فكان رد فعل مش مقصود بيه التقليل من وطنيتنا لكن زي ماهند قالت للاسف فيه ناس جوه مصر وبرة مصر شعارهم انفد بجلدي ومش عاوز البلد دي تاني :( بكل اااااااسف انا عارفة ان موضوعك مش متعلق بالاحدا دي تحديدا لكن قلت اشيل اى زعل جواكي م التعليقات دي نرجع لموضوعك الجميل هاقول اقتراح الاول بالنسبة لدورنا وان كان مادي مش معنوي يعنى وكاننا عايشين فى البلد فعلا ممكن الشباب يساعدونا كل اسرة هنا تتبنى اسرة فقيرة فى مصر وتبعت لها مبلغ ولو بسيط ولكن بشكل ثابت وشهرى انا عن نفسي ماعنديش تجربة مع السفارة هنا غير تخليص ورق عادي والحمد لله مافيش مشاكل يمكن فيه بعض مواقف السفارة ماقدرتش تاخد موقف لبعض الناس ولكن ده كان تبعا لقرارات قانونية واعتقد انه الطبيعي طالما بنعيش فى أى بلد اننا نحترم سيادتها القانونية غير كده الحمد لله قانون العمل هنا منصف جدا طالما لك حق بشكل عام صحيح انا مسافرة بقالي 3 سنوات او اكتر لكن ماعنديش أى مشكلة لو ربنا أراد اننا نرجع لأنى زي ماقلتي حوالت لما جيت اعيش اللحظة ابعد شوية احساسي بالحنين اللى ممكن يكدر الغربة طول الوقت وفى نفس الوقت ماقلقش من الرجوع فى اى وقت لان كل اللى ربنا يختاره خير دايما بالنسبة لمعارفنا هنا انا بكل اسف علاقاتى محدودة جدا لكن اول ماجيت البلد جيراني فى نفس الدور سورية واردنيه الاول ماكنش فيه اى معرفة وكان عندي برضه اعتقاد ان السوريين مش محبوبين زي حالاتنا برضه وماكنتش فاهمة ليه وكنت شايفة انه حاجة غريبة ان ناس تكره جنسية بلد من بابها وانه كل مجتمع فى الدنيا فيه نماذج من كل نوع الحقيقة مع الوقت اتعرفت بجارتي السورية وولادها بولادي وبقت حبيبتى جداا ولقيت هي انسانة قد ايه مهذبة وخلوقة ولقيت ان السوريات من اقرب السيدات فى الطباع لنا كمصريات حتى ان هم كعيلة بيحبوا كل حاجة مصرية من اول اللب المصري لحد حتى فرق الكورة المصرية وكانوا بيشجعوا معانا فى ماتشات مصر :closedeyes: انا كمان كان عندي قناعة زيك يامصرية انه مافيش انسان كله وحش وانه يهمنى تعاملاته معايا وانه اسهل كتير اننا نلاقى للناس اعذار من اننا نتهمهم او نلومهم بيننا وبين نفسنا وحتى مع الوقت بحاول اتقبل فكرة انى اشوف الناس اللى بيكرهوا كل ماهو مصري من غير ما ابقا كارهاهم بالتبعية حتى نفس المرحلة اللى حكيتي عليها انى اشوف أغلب السلبيات فى بلدي واقل الايجابيات كانت عندي والحمد لله جيت فى لحظة قررت انى ماخدش بتجارب االاخرين وانى اشوف بنفسي وأحاول ماديش دماغي لحد يغسلهالى بدعاوى هجوم او تشاؤم او يأس من حال البلد و لقيت مع الوقت ميت منفذ ومنفذ للتغيير غير الاعتراض لقيت انى مش محتاجة اقول لنفسي شوف المصريين اللى مسوئين سمعة البلد بقيت افكر انا عملت ايه عشان احسن سمعتها وسمعه اهلها بدات بنفسي ولا لأ ؟ حاولت اكون مثال جيد لاهل مصر وماذكرهاش بسوء زي مابوسي قالت وأراعي ربنا فى تعاملاتي مع الناس ولا لأ ؟ باحاول يامصرية وربنا يقدرنا تسلمي على موضوعك الجميل ولنا عودة نفكر كمان ازاى ممكن نفيد بلدنا اكتر كمغتربين بيعشقوا ترابها

http://www.youtube.com/watch?v=lWz66ejMEu8&NR=1 ادينى غلطت وعقابى هاعيش فى جراح .... ده غلطى ولازم اتحمل وده الاصعب وموش معقول عليه هاصعب ماكنتش سيبته من الاول مادام هاتعب ..... قرارى اخدته وانا عارف ...مافيش رجوع ...هاعيش موجوع ....

ثالثاً:هجر الحفظ:- قد يحفظ أحدنا اشعارا كثيرة لشعراء,وقد يحفظ نصوصاً كبيرة لأدباء وبلغاء,اما أن نحفظ القرآن فهذا مايندر وجوده هذه الايام حتى في أوساط المؤمنين الدارسين.......ولهذا فإنك اذا سمعت أحدهم يستشهد بآية مباركة يرتبك يتلعثم , بينما ينطلق لسانه مغرداً في القصائد الشعرية , وهذه ظاهرة مرضية. لقد كان رسول الله (صلى الله عليه وسلم ) حريصاً على حفظ القرآن حتى انه كان يسبق جبرائيل - هكذا قيل- قبل ان يكمل المقطع القرآني النازل عليه , فجاء القرآن ليطمئنه على حفظه , وهذا نفهمه من ظاهر قوله ( لاتحرك به لسانك لتعجل به.إن علينا جمعه وقرآنه فإذا قرأناه فاتبع قرآنه ثم إن علينا بيانه)! (القيامة / 16-19 ). إن لحافظ القرآن الكريم منزلة عظيمة , ومكانة مرموقة لايرقى اليها أحد , فهذا الرسول الكريم يطمئن حفظة القرآن بقوله : " من اعطاه الله حفظ كتابه فظن أن أحداً أعطي افضل مما أعطي فقد غمط أفضل النعمة " !! وعنه (صلى الله عليه وسلم) : " إن الذي ليس في جوفه شيء من القرآن , كالبيت الخراب " أنا سورة كذا وكذا,ولو لم تنسني لرفعتك الى هذا المكان"!!

هي الفكرة مش جديدة ومن زمان اوي وان اختلفت المسميات بس كلها علشان خاطر نظافة البلد من زمان كانت فكرة حافظ علي نظافة مدينتك وتجميل بلدنا وحاجات زي كده عن نفسي مش برمي اي حاجة علي الارض وناس كتير جدا جدا جدا بتعمل كده مش عددهم قليل ولا حاجة لكن رغم ان اغلب الشعب مش بيرمي في الشارع الا ان الشوارع مكدسة بالزبالة ومنظرها بقي للاسف وبحس باسف شديد من طريق المطار لمدينتي بحس ان كل حاجة باهتة ومش نضيفة ومن شكل العربيات والتوك توك تحس ان مصر لسه في سنة 80 مفيش اي منظر جمالي مفيش حاجة تفتح النفس الموضوع مش موضوع حماسة شباب .. الحملة دي هتستمر قد ايه سنة ... سنين لحد ما اصحاب الحملة يتجوزو ويخلفوا ويجروا ورا عيالهم علي الارصفة ولحد ماكل واحد زوجته تشتكي له انها اصلا مش لاقية مكان للزبالة في البلد اللي ساكنة فيها وتبقي مشكلة الزبالة مشكلة المشاكل الحل لازم يكون من الجذور ليه مسالة النظافة مش من اهم اولويات اي مسئول ليه مفيش صناديق قمامة في كل مكان ويكون فيه اللي بيتابعها ويبدل التالف منها في المصالح الحكومية كمان والمستشفيات مشكلة المشاكل ان عامل النظافة موظف حكومي الناس بتتبدل عليه وتتغير وهو ثابت لحد ما بستاسد في مكانه وعارف كل الخبايا دي بتخلص ازاي ودي بتتعمل ازاي وهو بيكون عامل النظافة وعامل البوفيه كمان مش بيفرق معاه حاجة ساعة اي مشكلة بالنسبة له ايه 3 ايام جزا ولا حاجة وهو كده كده شغال بره نقاش ولا سواق ولا اي حرفة تانية والوظيفة بالنسبة له مجرد دخل ثابت ومعاش ليه دول الخليج ومؤسستها انضف من مصر هما يعني متحضرين اكثر مننا

السلام عليكم ورحمة الله وبركاته اخواني الاعزاء .......... رفقاً بداية انا لست من انصار النظام الحالي ...... ولا فرحانة يعني بالفساد المنتشر في البر والبحر بس انا بنت مصرية ........ مواطنة بتعيش علي ارض هذا الوطن ......... بعشق كل نسمة هوا بتنفسها في بلدي نفسي اقوم بايدي وامحي الفساد المنتشر فيها ........... ونفسي اقوم واهدم مملكة الفساد واقتل الفاسدين بحلم قبل مااموت اني اشوف بلدي وفيها النور .......... ومافيهاش فساد ولا مجاعات ولا فقر ولا قهر بحلم زي كل مصري ومصرية ............. وعشقي لبلدي لايمكن للكلمات وصفه لكن معلش ...... ثورة ايه بقي اللي بنتكلم عنها ؟ طيب مين هيقوم بيها ؟ خلاص اوك وأتمنى اكون اول شهيدة بس ممكن نفكر مع بعض بصوت عالي ................. احنا عددنا في مصر كام مليون ؟؟؟ مين الفاسد فينا ومكانه فين ؟؟ هنحارب النظام واعوانه وبس ؟؟؟ يعني احنا كدة كمصريين هنروح وعارفين هدفنا وعارفين عدونا ومتفقين علي كل حاجة ؟؟؟؟ طيب احنا هنا في مصر نقدر نستحمل الهمجية وعدم الاستقرار الناتج عن الثورة ......... يعني بعد الثورة يعني ؟؟؟ حد فينا فكر في قوة الحرس الجمهوري عندنا في مصر ؟؟؟ اخواني بهدوء لو سمحتم ............. معاكم ان النظام لازم يتغير ........... بس التغيير لازم يكون محسوب ومنظم واهدافه واضحة وصريحة المسألة مش بالسهولة دي .............. دة لو حصل في بلد عدد سكانها زي مصر هتبقي كارثة .......... بلد صعب السيطرة عليها في الظروف دي ......... هيحصل سطو علي الممتلكات العامة والخاصة وهتبقي مصيبة ......... كل مظاهر العنف والاجرام والشغب والفوضى والهمج والغوغاء هتظهر ........ وفي الفترة دي قانون الغاب بيحكمنا ثورة زي دي لما تحصل تقوم صح ........ وعلي اسس ثورة زي دي محتاجة تكاتف عناصر الشعب والشرطة والجيش .......... اسفة جداً ماينفعش الشعب لوحده ...... عايزين ثورة متكاملة نقوم بيها صح ويكون فيها ضبط وحزم ونظام والا مصيرنا هيكون زي العراق لازم ايد حديدة صالحة تقف في وش الفساد مش معنى كدة اني راضية بالوضع ومش عايزة تغيير .......... لأ انا نفسي التغيير يحصل بس يحصل صح وبأقل الاضرار الممكنة ............. الاضرار مش هتكون في الارواح بس ..... كلنا فدا الوطن ..... لا الاضرار هتكون في الوطن نفسه ......... وهتدي فرصة كبيرة لجهات خارجية بالتدخل ........ كل دة مش عايزينه يحصل في بلدنا ووطنا تحياتي

هو انا نفسي ماتوقعتش ردود :blush2: مش عدم اهتمام ولا حاجة والله لكن انا بس حطيت الموضوع كنوع من نشر الفكرة واللى فعلا زي ماتوتة قالت اتكلمنا عنها مرة قبل كده فقلت انها فرصة لتعميمها اللى عجبني اكتر فى الحملة انه فيه شباب بتفكر بشكل ايجابي واللى كان بيعجبنى اكتر لماكان زمااااااااان كده يبقا فيه شباب بتشارك فى نضافة الحي او الشارع اللى بتسكن فيه بالنسبة لموضوع الكيس فكتير مننا كان بيعمل الفكرة دي وانا عملت التوبيك تحية للشباب اللى حاولوا يعمموا الفكرة لأنهم فعلا يستحقوا التقدير مهما كانت حملتهم تظهر انها بسيطة لكن يكفي انهم كانوا ايجابيين والحقيقة الفكرة مش فى الكيس ولكن فكرة النظافة نفسها وانها تكون نابعة من كل شخص حتى لو المكان مش نضيف محمد وفتفوتة شكرا على مشاركتكم الجميلة

السلام عليكم ورحمة الله وبركاته حبيبتي مغتربة ...... موضوع هايل وبجد مشاركات متميزة جدا الزواج الناجح هو .......... تلك العلاقة التي يلتزم فيها الطرفان بتقوى الله الزواج الناجح هو .......... ادوار ومهام يلتزم بها الطرفين الزواج الناجح هو ........... حياه رُسمت من قبل ...... وتم التخطيط لها وها هي تنفذ بنجاح الزواج الناجح هو .......... مشـــــــــــــــــــــــــــــــــــــــــاركة الزوجان بعضهما في جميع نواحي الحياه الزواج الناجح هو ................. قارب في النهر له مجدفان ....... يتطلب رغبة من كلا الزوجان في العبور الي بر الامان

انا بره مصر ربنا معاكوووووووووووا وقلوب كل المغتربين معاكم

بصي يافتفوته لو عاوزه تدخلي من الفايرفوكس غيري الاعدادات دي فيه :

فاضل ثانية وربع :happy:

امن الدوله شايف شغله صح :happy:

أكرمنا ياااارب

بصراحه انا مش فاهم ازاي سويسرا تعمل كده -بغض النظر عن مشروعيه الفلوس- بس البنوك هناك ليها قوانين خاصه بتحمي الفلوس من اي حاجه عشان كده الناس بتحط فلوسها في سويسرا معني كده ان مفيش اي امان او اي مكان ممكن الواحد يشيل الفلوس بتاعته فيه دون مخاطر وعلي الله اشوف واحد منكم في الشارع يوم 25

ردا على السؤال هل هيروح السعودية ؟ اجيب بنعم ,, ولكن مش حيقعد مع صاحبه التونسي في جده ,, لأ ,, حيكون في العقبه عند رمي الجمرات عقد عمل مدى الحياة ابسط يا عم ,,

لماذ نعتبرها تمييز والناس لاتدخل المساجد او الكنائس بالبطاقة ولكن ذكر الديانة ضرورى خاصة الان مع جهل الكثيرين بصحيح الدين وذلك لمنع خلط فى اى زواج بين فردين من ديانتين مختلفتين ( لان ساعتها المأذون لن يستطيع التفرقة بين مسلم ومسيحى ويهودى الا من البطاقة ) والان اصبحت هناك اسماء كثيرة مشتركة بين الديانات وربما تزيد الخلافات اذا استغل ذلك من البعض وتم زواج مسلم من مسيحية او مسيحى من مسلمة لانتفاء خانة الديانة

اليوم طالعت القائمة المبدئية للقواعد العشر لهذه المبادرة الطيبة، وفي مجملها صراحة يمكن أعتبارها ميثاق شرفي وأدبي لابد أن يلتزم به المسلم في حواره ، ويمكن للمنتديات الفكرية أن تتبناه كميثاق ضمن قواعد المشاركة بها. وهذه هي القوعد :

حضرتك اتكلمت في حاجات كتيرة أوي ... منها في التاريخ ... و منها في تحليل آراء المشاركين و قسمتهم رجال ونساء ... وقمت بتحليل السيكولوجية المصرية و التونسية .. وحللت فكر امبراطورية الإخوان في جملة .. و انتقدت الداعين للاحتجاجات أنهم يتجاهلون الحقائق و ربما لا يدركونها لأنهم يطالبون بمطالب المصريين ( حقوقهم كما ذكرت ) و أخذتنا إلى أحلام تحقيق المطالب حتى تخيلنا المحاكم قد عقدت لمحاكمة الفاسدين ... و إذ بك تعود بنا إلى نقطة الصفر .. فقلت أن الاستجابة لهذه المطالب في حكم المستحيل ... ثم علقت منتقدا على من يطالبون بالهدوء ... حضرتك لم توضح وجهة نظرك الشخصية ...حضرتك رأيك إيه ؟؟؟؟ من حق حضرتك الاختلاف مع جميع الآراء لكن من حق جميع أصحاب تلك الآراء أن يتعرفوا على فكرك و رأيك أيضا لأن الانتقاد لمجرد الانتقاد أصبح آفتنا نحن المصريين.. أصبحنا لا نجيد سوى جلد الذات .... فأصبح ليس في الإمكان أحسن مما كان مع كل الاحترام لحضرتك ... أرجوك فكر معانا بشكل إيجابي ... نريد فكرة نجتمع عليها ... تقبل تحياتي إصلاح الشعب لنفسه

رحم الله السيدة صفية زغلول آخر من قام بالثورات في مصر في سنة 1919 مطالبة بعودة زوجها سعد زغلول من المنفى ، أما عن إنقلاب 1952 فهو مجرد إنقلاب عسكري لم يشترك فيه الشعب بل كان من حفنة ضباط جيش الملاحظ في هذا الموضوع الساخن الأكثر من رائع أننا و عددنا هنا ليس بالكثير لم نستطع الإتفاق على آلية للحصول على مبدأ و هذه عادة المصريين فمنا من يدعو للإحتجاج ( معظمهم رجال ) دون أن يفصح بإدراكه اليقيني من تحول هذا الإحتجاج لأعمال عنف ، و ربما عدم الإفصاح هذا يمثل براجماتية إجتماعية للتماهي مع أفكار الفريق الآخر الرافض لفكرة الإحتجاج ( معظمهم نساء ) و هن هنا يبدين تخوفهن المحموم من فكرة الإحتجاج بينما لا يقدمن حل آخر للوصول إلى الهدف المنشود و هو التغيير بدأ الموضوع كناتج عما وصلت إليه دولة تونس الشقيقة و الباسلة و اللتي وصلت ( بالصدفة ) لهدف ( لم تكن تريده ) مما حرك مختلف شعوب المنطقة و اللذي يحكمهم حكام غالبيتهم مستبدين أولاً هناك فرق كبير بين المواطن المصري و المواطن التونسي من حيثيات كثيرة ، منها الدخل و منها الثقافة و منها الميول و أهمها المجتمع ، فاللذي يحرك المواطن التونسي لن يحرك بالضرورة المواطن المصري بدليل أن إنتحار شاب تونسي حرقاً أجبر رئيسها على الهرب بعد إندلاع الإحتجاجات الشعبية بينما إنتحار 4 شباب حرقاً في مصر لم تجبر أحد على شيء و لن تجبر السيكولوجية المصرية مختلفة بالكلية عن السيكولوجية التونسية و قد أدركت جماعة الإخوان المسلمين هذا من قبل فأسست إمبراطوريتها الشعبوية لإستقطاب أكبر عدد ممكن من الشعب تحت مظلة الدين أو بالأحرى الإسلام السياسي ثانياً يتجاهل السادة الداعين للإحتجاجات حقائق كثيرة و ربما لا يدركونها ، فمثلاً هم يطالبون بعدة مطالب يروها من صميم حقوقهم و بالطبع حقوقنا كشعب و هي رفع الطواريء و حل مجلس الشعب و تعديل الدستور بحيث يسمح للمستقلين بالترشح لرئاسة الجمهورية و أخيراً إجراء إنتخابات نزيهة نتائج تحقق هذه المطالب يا سادة تتساوى تماماً مع نتائج الثورة التونسية ، فتحقق هذه المطالب سيؤدي حتماً لتغيير رئاسي في مصر بناءاً على رغبة الشعب و ستمتد رغبة الشعب تلك لمحاسبة الفاسدين من الحزب الحاكم فيما بعد هذا التغيير و بالتالي ........ أترك لخيال القاريء العزيز تقدير ما يتبع ( بالتالي ) إذن فالإستجابة لهذه المطالب في حكم المستحيل أما الإخوة الأفاضل اللذي يطالبون بالهدوء و يرون أن الأفضل هو البدء بإصلاح أنفسنا فأرجوهم ذكر مثال واحد فقط عبر التاريخ لتغيير سياسي جذري نتج عن إصلاح الشعب لنفسه

اسمحوا لي أتقمص شخصية كاتبنا المبدع المشرف الزميل se_Elsyd صباح الخير يا مصر بصوا بقى، بصراحة كده وعلى بلاطة ومن غير لف ولا دوران لا المسلم فارقة معاه أوي حكاية الديانة ولا المسيحي كذلك فارقة معاه وبناء عليه فطالما هي موجودة فمفيش مشكلة المشكلة في إن ناس طيبين شافوا إن فيه ناس متعصبين لا أخلاق ولا دين لهم يميزون بين الناس ويسيئون معاملة المختلف معهم في العقيدة، فبدلا من حل المشكلة من الجذور قالوا طب ايه، تعالوا يا ولاد نشيل خانة الديانة، وده طبعا من رابع المستحيلات خصوصا في ظل وجود دولة إسرائيل على حدودنا الشرقية طيب ايه الحل يا ولاد؟ الحل هو أن تسود قيم العدل والمساواة، ويشعر الإنسان - أي إنسان- أيا كان لونه أو جنسه بأنه حر متساوي الحقوق وله الحق في العلاج والكساء والمسكن، وحينئذ -حينئذ فقط- لن تكون الدولة أصلا بحاجة لبطاقة أحوال شخصية، فالكل سيكون على قلب رجل واحد، وسيلفظ المجتمع نفسه ، وقبل حتى تدخل الأمن، سيلفظ المجتمع نفسه كل قوى الشر والمخربين والمجرمين. وأول الطريق هو أن يعود الناس (أو المسلمون على الأقل) إلى تعاليم النبي الكريم محمد صلى الـله عليه وسلم وإلى الكتاب العظيم القرآن، فنحن أصبحنا في زمن يمكن أن يصيبك الاكتئاب ليس من قراءة صفحة الحوادث والقضايا، ولكن من مشاهدة برنامج إسلامي يسمع المشاهد فيها اتصالات عن مآسي تحصل داخل البيوت بين أزواج وأرحام وآباء وأمهات وكفكفوا دموعكم وأنتم تسمعون صيحة هذه الأم على الهواء مباشرة: http://www.youtube.com/watch?v=vVy_TNyoR1M

الحياة ايمان... ثقة باالله...عدم الاستسلام

أصلا إحنا مش محتاجين فوضى أكتر من اللي احنا فيه ... يعني شوية فوضى زي الي في تونس كله هيقعد في البيت ولاحد هيستجرى يخرج من بيته .. إذا كان فيه حرامية من فجورها بتسرق عفش من شقة في عز الضهر أدام سكان المنطقة .. إذا كان البلطجة و رمي مية النار على وشوش الناس في الشارع بقى شيء عادي .. إذا كان فيه ناس اكتفوا بشيل المطواة بديل عن بطاقة الرقم القومي ... يبقى الحل مش عن طريق الفوضى آاه هاغيره بإذن الله .. هاخلص في عملي و هاتقنه و أعلم غيري ... هاربي أولادي على الإحسان في القول و العمل .. هتعامل مع أخواني بالإيثار ... هتعامل مع جاري بحقه .. هتعامل مع غير المسلم بحقه علي ..... فجميعنا لآدم .. و يقول الله عز و جل و لقد كرمنا بني آدم هتعامل مع المصريين كأن مصيبتهم اكبر من مصيبتي .. فأستعين بالله و أصبر قليلا على من جهل علي هتعامل مع الحزب الوطني .. بعدم المشاركة في الفساد أو السكوت عليه هتعامل مع المعارضة .. اللي عايزة مصلحة البلد .. مش اللي بتعارض عمال على بطال بدون تقديم بديل يصلح لتوفير قدر من الاستقرار لـحماية 80 مليون نفس من الفوضى

خلليني أوضح هدفي من الموضوع أكتر ناس كتير بتسافر منهم ناس بتسافر بهدف محدد و لما تحققه بترجع و في ناس كل ما تحقق هدف تسعى لتحقيق هدف آخر و تستمر الغربة و في ناس سفرها هروب من اي حاجة شخصية اجتماعية او حتى سياسية مش حنناقش انت اتغربت ليه لأني باعتبر ان مش من حق حد يسأل حد سؤال زي ده احنا بنناقش انت هنا دلوقت يا ترى عايش ازاي؟ و ايه مدى تكيفك مع الغربة و يا ترى بتعمل حاجة لمصر اللي بتحبها أثناء وجودك هنا؟؟ طيب حابتدي بنفسي انا هنا بقى لي 8 سنوات كنت لغاية فترة قريبة من زمرة الناس السلبيين اللي كل حياتهم شكوى و تحسر و مصمصمة شفايف ع الماضي الجميل و تنهيدة على حالنا اللي مبيتعدلش و استعلاء باننا المصريين اللي علمنا الدنيا معنى الحضارة و انتقاد للمصريين اللي جايبننا ورا بتصرفاتهم و انتقاد لعنصرية سياسات الدولة اللي انا مقيمة فيها و لوم النظام الأسود اللي اضطرنا نسافر و مقارنة حالنا مع الدول الأخرى اللي بتتقدم و احنا بنتأخر ده كان حالي زي ما هو حال كتير من المغتربين اللي نفسي من كل قلبي يطالهم التغيير الداخلي اللي ربنا أكرمني بيه و خلاني اقدر أبص على الدنيا من شباك جديد و أشوفها بعيون مختلفة تماما عن السابق علاقتي بالمكان اللي انا عايشة فيه كنت مش عايشة الحاضرو خايفة من المستقبل واجهت و لازلت بأواجه التحديات و قدرت بفضل الله أتصالح مع نفسي و أعدّل علاقتي بربي و بالمكان اللي يضمني أنا و أسرتي انا طبعا اتربيت في الغربة بس طبعا تجربة انك تكون ابن او ابنة مغتربة مختلفة تماما ان تغترب و انت مسؤول عن أسرة بدأت الاحظ ان احنا بس اللي مش بنعيش هنا على اعتبار انها فترة نستحملها بالطول و العرض لحد ما نحقق هدفنا و نرجع دي الفكرة اللي اتبرمجت عليها و انا صغيرة من أمي الله يرحمها الفساتين الحلوة خليها نشيلها لما نروح مصر الخلاط ده بكرتونته لما نروح مصر ... الخ كل حاجة حلوة عندنا كل حاجة مؤجلة لما نروح مصر لومها الدائم لبابا لما يشتريلنا حاجات و يقول البسوها و الا لما يجيب حاجة في البيت اللي هنا البرمجة دي خلت كل حاجة في حياتي مؤجلة و هي دي المعاناة الحقيقية في الغربة لحد حتى ما أصبحت السعادة مؤجلة لما نروح مصر و لأن الأحوال مش و لابد أصبحت السعادة مؤجلة إلى أجل غير مسمى لحد ما ينصلح الحال في مصر و انا هنا بأفكر في الهجرة عشان المستقبل المجهول و برضه مكنتش عايشة الحاضر و مؤجلة كل حاجة لما نبقى نهاجر التأجيل و التسويف من أخطر الأشياء التي تبعدنا عن الحاضر الذي نعيشه الآن الآن ما هو عشان يبقى لنا دور ايجابي لازم نصل للايجابية و عشان نصل للايجابية لازم نتغير من الداخل و عشان نتغير من الداخل لازم نشعر بضرورة التغيير و عشان نشعر بضرورة التغيير لازم نحس ان في مشكلة لازم تتحل و ان حلها يتطلب التغيير و عشان نقدر نحس ان في مشكلة فعلا لازم نعيش الحاضر الآن السر في الاحساس باللحظة اللحظة دي بالتحديد مش اللي فاتت و لا اللي لسه حتيجي يا ترى مستعدين تيجوا تعيشوا معايا اللحظة دي يا ترى مستعدين تطالبوا بحقكم في السعادة الآن

اكتشفت أشياء مهمة اليومين دول هو إن الاستبداد والطغيان والتجويع والقتل وإلجاء الناس لليأس والقنوط من رحمة الله كل هذا ليس بحرام ولكن الحرام هو التظاهر والاعتراض على كل ذلك واكتشفت أيضا صحوة وهبة الكثير من رجال الدين الغير رسميين لبيان حكم التظاهر وحكم المنتحرين الكفرة المنكوبين ولبيان عدم مشروعية ثورة التونسيين والتحذير من امتدادها فأين يقف هؤلاء ؟ الفرج من عند الله

ليه نبصلها علي انها تفاهة حكومة .. ليه نبصلها علي انها هشتكة و بشتكة من الريس ... ليه ما نحاولش نفكر في الوجه التاني من العملة ما دمنا بنتكلم عن عملة ... ملك و لا كتابة ؟؟ ملك : حتبقي تقيلة .. و ما بقاش فيها بركة ... و حنمشي نشخلل كتابة : موضوع البركة ده مش حيتغير .. يعني القيمة الشرائية مش حتتغير ما بين ورقية او معدنية .. الأتنين راكبهم نفس العفريت ... عمر العملة المعدنية الأفتراضي 15 سنة قدام الستة شهور لمثيلتها الورقية عمرك ما حتلاقي واحد يقول لك غيرلي العملة دي يا عم علشان مقطعة .. قديمة .. متهربدة .. ملزوقة مش حتكون معمل تفريخ ميكروبات زي اللي المتواجدة في العملة الورقية القديمة فيها توفير مش قليل للحكومة لأنها حتي بعد ما عمرها الأفتراضي يخلص .. تخش الفرن تنصهر و يتصنع بيها عملات جديدة .. مش حتلاقي واحد كاتب قصة حياته علي العملة المعدنية ... مش حتلاقي واحد بينقط رقاصة بفلوس فوق دماغها او عاملها عقد جنيهات .. الخلاصة .. هو التغيير اللي بيزعج البني آدم مننا .. و بالأخص لو كانت حاجة متعود عليها من زمان ... و دي مش حاجة مرتبطة بالمصريين بس ... في الدنيا كلها و بالأخص للكبار ... الشباب عادة التغيير بيتقبله اكتر ... نفس الموضوع حصل هنا و صور اليورو اللي اضافها العزيز اسد دليل علي كده .. لما ابتدا الموضوع ده هنا اتقابل برفض أكتر من ايجاب و مع الوقت بقي شيء عادي ... نفس اللي حيحصل معانا .. حنرفضه علشان مختلف ... و شوية شوية حيبقي شيء عادي .. لحد الجيل اللي جاي حيبقي هو الطبيعي بالنسبة ليه و العملات الورقية حيبقي مكانها المتاحف ... و بعدين المعدنية كمان حتتلغي و حيطلع نظام نقدي جديد .. و هلم جرجر من غير هشتكة و لا بشتكة

سيدي الكريم se_Elsyed تحية طيبة ولي تعليقات بسيطة ومختصرة شاكرا ومقدرا وقتكم الكريم، طبعا بعد حمدا لـله على السلامة: 1-أنا أعمل في شركة في امتداد مكرم عبيد ولم أجرب انقطاع المياه إلا مرة واحدة خلال سنة وكان لبضعة ساعات. كون المكان اللي حضرتك كنت فيه لديهم مشكلة في السباكة أو أن الموظف الإداري مثلا أحب أن يتنصل من المسؤولية ورماها على شركة المياه، أو أنه لغرض ما أحب أن يبدي لك شخصيا تذمرا من البلد والأحوال، فهذا أمر آخر، ولكن لا أعتقد أن يمكن تعميمه، علما بأنني أسكن في مدينة نصر أيضا. 2-الطين هو نتاج للتراب والغبار واختلاطهما بالماء، مش شايف مشكلة في كده، نحن دولة لدينا إمكانيات محددة والأرخص والأوفق لإمكانياتنا هو أن تحريك الاجهزة والمعدات للكسح بدلا من تجهيز الشوارع والأسفلت بتقنيات معينة قد تمنع مثل المنظر اللي حضرتك رأيته. أعتقد الوضع لدينا أفضل من دول مجاورة كانت تسبح في المياه:) 3-الطوابير: لماذا يا سيدي لوم الحكومة بنسبة مائة في المائة، تعمل ايه يعني الحكومة إذا كان فيه ناس لا دين ولا خلاق لهم يتاجرون في الدقيق المدعم، وآخرون يعذبون الناس ويظلمونهم في توزيع الحصص اليومية، وعاملون في المخبز يتعاملون لحسابهم ومصالحهم، وبالتالي فاللوم لا ينطبق فقط على الأجهزة الحكومية. لا أدافع عن خطأ أو ظلم، ولكن فقط أريدأن أوضح أن العمل للوطن مسؤولية متكاملة للجميع، بل والـله لا أعفي نفسي من كوني شابا ربما لدي وقت أن أقف في ذلك الطابور بدلا من سيدة عجوز أو رجل مريض، وإن كنت ولا بد شانقا أحدا فابدأ بي. ملحوظة على الهامش: تقابلت منذ بضعة سنوات أثناء الحج مع مأمور جمرك بميناء السويس أو رئيس وردية، مما قاله الرجل (وكنا بالإحرام يعني احتمال الكذب أو المبالغة ضعيف جدا) أن هنالك تعليمات شفوية عليا تصدر إليهم من الوزارة بعدم جمركة الحجاج القادمين على تلفزيوناتهم أو أجهزتهم الكهربائية حــتــى وإن تـجـاوزت حــد الـسـمـاح، وكان الرجل يحكي أنه أحيانا بعض الحجاج بيكونوا جايين ومجهزين نفسهم إنهم ح يدفعوا جمرك وبيقول في الصالة للمأمور أنا معايا مثلا أربع تلفزيونات وكذا كذا (اللي هو قانونا لازم يتجمرك)، فكانوا في الجمرك يطبطبوا عليه وحمدا لـله على السلامة يا حاج وخلاص يعدوهم.

عشان ما حدش يفهمني غلط فليس كل ما يشاهده الإنسان بيكون سيئاً لهذه الدرجة .. فبصراحة على السريع لأن ما كانش في وقت شاهدت أشياء جيده أيضاًُ .. ومنه : 1- بقى في أتوبيسات نقل عام جديدة منتشرة ونظيفة مكتوب عليها CTA ... بصراحة حسيت إنها أدمية غير الأتوبيسات الحمرا والزرقا بتاعت زمان اللي كانت كُهنة ... لكن يارب يحافظوا على صيانتها الدورية .. لأن الفرق بيننا وبين الدول الأخرى مش في إنشاء حاجه .. لا لأ . لكن في المحافظة عليها وصيانتها . 2- التليفونات الأرضية دلوقت بقى تأسيسها ببلاش وفي الحال والمصرية للاتصالات ناقص تعمل إعلانات وتقول فيها " اللي حيب ربنا ييجي يتصل من عندنا " ............ أنا مش كبير قوي ولا صغير قوي ... لكن لسه فاكر في السبعينات والثمانينات كان التليفون الأرضي بيقعد ما بين 10 - 20 عام لحد ما يجيلك ... ومش بيجيلك إنت لإن اللي بيقدم بيكون إنتقل الى الرفيق الأعلى لكنه أمن مستقبل أولاده بعدة تليفون سودا زي تيليفون العمدة كده - ملحوظة ده كان بيحصل في القاهرة خلوا بالكم 3- حدثت حالة وفاة في البلد عندنا لكن ما قدرتش أروح أدي الواجب عشان قصر الفترة الزمنية المتواجد فيها هناك ... فجزء من العيلة راحوا بالعربيات الخاصة بتاعتهم ... والباقي سطحوا بألسوبر جيت .. لما رجعوا مدحوا في مستوى الأتوبيس بصراحة وحاجه أخر شياكة .. والأتوبيس بيطلع من موقف عبود بشبرا إلى الزقازيق بلدنا .. تخيلوا تذكرة الفرد بـ 3 ج فقط ؟ 4- كمان تذكرة المترو ... تاخد القاهرة من أولها لأخرها وتخرم لحد محافظة لحوان كمان كل ده بـ 1 ج فقط حتى الأن ... 5- الكوبري اللي على طريق مصر الإسماعيلية واللي حل مشكلة من الازمة المرورية أمام الطريق الداشري وكانت بتحصل بلاوي مرورية هناك من الزحام .... المرة دي لقيتهم إنتهوا من إنشاءه وأفتتحوه .. وبصراحة شركة النيل للطرق والكباري أنهته في وقت قياسي وبقى الطريق شكله أفضل بكثير ..

خلي بالك ياباشمهندس عشان الـ ( نا ) دي هي الي خلت الثلاثه الي حرقوا نفسهم يحرقوها .. كل واحد ولع في نفسه النهرده كان فاكر انه بيعمل حاجه تخليه (ينتمي ) للكيان العظيم الي هيتكون يوم 26 ويكون ( مشارك ) في صياغه اللحظه التاريخيه الي متصورينها .. ياسيدي الفاضل اقولها لك بثقة .. ( انتم ) مضحوك عليكم .. مفيش كيان تنتموا اليه تقدر تتكلم عنه بصيغه الجمع .. مفيش حاجه كويسه هتحصل تقدروا تنسبوا لانفسكم الفضل في حدوثها .. مفيش اصلا شيء بتقتوموا بيه دلوقت غير شحن زائف للنفس انكم بتعملوا شيء مفيد .. بتقول مش ( حنمشي ) غير لما تتحقق مطالبنا .. ومين قالك ان حد هيسأل ( فيكم )اصلا ؟ انت متخيل ان الناس الي في ايديها القرار مش عارفه الناس الي بيتطبق عليها القرار حاسه بايه ؟ متخيل انهم مش عارفين مطالب الشعب ايه ؟ هم شايفين ان ليس في الامكان ابدع مما كان وعلى المتضرر ان يخبط راسه في الحيط .. متخيل ان عشره ولا عشرين مليون لو قالوا عاوزين نزود الحد الادنى للاجور حد هيسمع لهم ولا يقول لهم انتم فين .. ايه يجبر الحكومه اصلا انها تستجيب ؟ امتى ده حصل عشان يحصل دلوقت ؟؟ متخيل ان الوقفة الي حضرتك عمال تروج لها دلوقت هتكون وقفة سلميه ؟ هيهات .. شوف كلامك انت شخصيا .. خلاص الشرطه الي بيفترض بيها انها بتحمينا بقت اعدائنا وبقى اكبر همنا اننا نقرفها ونقطع نفسها ؟ يعني دعوة للاحتجاج ودعوة للصدام ودعوة لفقد الثقة في الكل حكومه وشرطه وقضاء .. طيب بقي ايه من البلد؟؟؟ ؟ ياسيدي الفاضل حركتكم دي بتفكرني بالدبور الي بيزن على خراب عشه .. هو الخراب جاي جاي .. فاضعف الايمان متخلوهوش يجي عن طريقكم .. متحملوش ذنب في رقبتكم تتحاسبوا عليه وترجعوا تندموا .. مش عشان اقنع نفسي اني بطل واعيش لحظة حماسه زائفة اضيع بلد بالي فيها .. خليكم كده تشحنوا في الناس وفي النهايه مفيش خير هيحصل ومش هينوب الناس الي صدقتكم غير مزيد من الاحباط .. بتقنعوهم ان مفيش حل غير ده وده مش هيجيب نتيجه يبقى معاهم حق ساعتها لو بصموا بالعشرة ان خلاص مفيش فايده .. اخر حاجه هقولها لك ياباشمهندس .. كل واحد فينا بيقول كلمه هي امانة في عنقه هيتحاسب عليها يوم القيامه .. كل واحد قالك الي بتعمله ده غلط هو مسؤول عن كلمته في عنقه .. وكل كلمه انت بتقولها وبيسمعها ولو واحد بس ويصدقها ويحس انه مطالب ينضم لكم فانضمامه في عنقك هتحاسب عليه قدام ربنا .. الفتنة نائمه لعن الله من ايقظها وانت حر بعد كده اختار الفريق الي تنضم اليه ..

و الممنوعين دول يا آرش مين اللي حيمنعهم ؟؟

الأخ الفاضل.. المهندس تيمور أولا أقدر حبك لبلدك و محاولتك الاسهام في تغييرها ممكن سؤال؟ مشاركات حضرتك في موضوع حوار حول الأحداث الأخيرة في تونس كانت تشي بالخوف على البلد في حال حصول نفس السيناريو في مصر ممكن تقولنا ايه غير رأيك؟ ممكن ده يساعد ناس كانت زيك خايفة على البلد من البلطجة تغير رأيها جزاكم الله خيرا

أكيد لازم يكون لكل مغترب دور فى التغيير لاننا ولادها مهما كان وعم ما الظفر بيطلع من اللحم والوطن حاجه مهمه جدا واول التغيير ان لا نتلفظ اسمها الا بالخير فقط ولا داعى لاظهار السلبيات فى كل وقت وفى كل مكان مصر هى امى وابى واخواتى واهلى واخواتى مسلمين ومسيحين بحبك يامصر وبعشق ترابك وربنا يصلح حال شعبك يارب اللهم امين معاكى يا قمر اكيد معاكى وبكتب باللون الاخضر لانه لون الخير والنماء ويارب دايما يكون بمصر الخير والنماء

هو الموضوع كله خفيف .. يعني نكتة لطيفة .. لاذعة .. بوستر شككله حلو .. كلمتين سخنين .. والشارع .. ؟؟؟ الشارع لمن ؟؟؟؟ الصور من أحداث 6 أبريل .. عام 2009 في المحلة الكبرى دعوة شباب 6 أبريل نفس الناس اللي بيدعوا الناس النهارده عملوا الدعوة على الانترنت .. وبعدين الشارع حصل فيه كده .. زي ما شفتم ..

استاذه بركه اكيد مافيش شعب عايش فى نعيم فى كل حاجه ...لكن ماتنكريش ابدا انهم حاسين بأدميتهم فى حاجلت كتييييييييييير اوى ....ولا طوابير عيش و لا طوابير غاز ولا رئيس مطلع عين شعبه و لا سرقه و نهب و الشعب مش لاقى رغيف عيش ....على الاقل هنا ال بيسرق بيسيب شويه للشعب برضه مش كله فى جيبه.. هو حضرتك ما شوفتيش الفيديو ...هو احنا عمر رئيسنا قالنا "انا بخير طول مانتوا بخير" ماهو كان عيان فى المانيا و عمل خطاب زى ده برضه ...بس هو كان طالع علشان ينفى اشاعه موته لانه عارف ان ده ال الشعب بيتمناه لكن ده طالع يطمنهم عليه علشان برضه عارف ان ده ال شعبه بيتمناه...عمر رئيسنا اعتذرلنا على اى شىء زى ما ده عمل......اكيد فى فرق ...ولو مش لامسين الفرق ده ..بصوا فى وشوش الناس الكادحه فى مصر هتلاقوا الظلم فى ملامحهم.. لو مافيش ظلم وغياب فرص عمل و قرف فى مصر ..كان ايه ال جابنا هنا ...كان ايه ال خلى مصر بقت من اكتر الدول فى عدد طلبات الهجره عمرك شوفتى سعودى بيشتغل بره و لا مقدم على هجره ....انا مش بخص الشعب السعودى فقط او بعينه لاء المثل ده فى دول كتير مواردها اقل من مصر لكن ضمير حكومتها صاحى شويه عننا ...عايزين يدفعوا بلدهم للافضل ..ولنا فى الصين اسوه ...بعد دمار قدرت فى عشرات السنين تكون اكبر قوه فى العالم لدرجه انها بقت تشكل خطر على الدول العظمى...

نكتة سخيفة

جزاك الله كل خير

رغم انى عارف ان التقييم سيكون سلبى .لكنى اثق فى نفسى وفى الكثير ممن يكون العقل والعدل هو معيار حكمهم نحن ابناء الداخل نحمل هكوم وطن وما أدراكم بوطن تتفشى بة كل انواع الفساد تقوم الصبح تلاقى على الريق فساد اما انتم احبائى ابناء وطنى المغتربين همومكم هى غربتكم فى اوطان ليست اوطانكم اما نحن ابناء مصر فأغترابنا يبدآ من داخل تراب مصر والفارث عظيم لو تعلمون التضحية لاتأتى اثناء اكل وجبة ليس فيها شك بأنها مسرطنة او شراء شيء فاسد ممكن يؤدى الى كارثة لو طالة الفساد كالدواء وخلافة التضحية هنا ماهو ثمنها وما هو الفارق ؟؟؟ احبائى ليس كرهآ او تقليل من شأنكم بل هو العقل الذى نطالب بة ان أمرت ان تطاع بأطلب ماهو مستطاع .. ان قيام شعب مصر وجماهيرها بعمل هبة شعبية تتطلب الكثير من الوعى اننا لسنا فى تونس او اى بلد عربى هناك ميزان يتم بة وزن الحدث مصر التى تريدون او تستعطفون او بالاحرى يتم تسخين شعبها ليس منكم بل من كل اعلام العرب والغرب اهلها 60%منهم تحت خط الفقر تونس دخل الفرد السنوى 3600دولار مصر لا يتعدى ال1000دولار ودة المتوسط للدخل من الفقراء هناك شريحة كبرى تأكل من الاعانات والفساد مستشرى لدرجة تذكم الانوف عندها لايسعنى الا ادعى لكم بأن يهبكم الله نظرآ وفطنة اكثر مما تحملون حتى يكون الكلام فى مستوى الحدث احبائى الكلام ممكن يكون قوى او بة ما يجرح لكن لابد من الانصاف

تسلميلي يا مصراوية يا رب مدام فولانة يادي النور يادي الهنا منورة و الله خلاص مدام الطريقة سهلة اتوكلي على الله و جربي و على فكرة احلى حاجه في الدنيا لما تعملي حاجة و تبوظ و ترميها و ما تيأسيش و تجربي تعمليها تاني لحد ما تنجح انا يااااااااااااااااااااما بوظت كيك الزبادي مع انها سهلة جدا بس مش عارفه كانت معصلجة معايا بشكل رهيب بس على مين فضلت وراها لحد ما ظبطتها الحمدلله بس نصيحة لما تعملي الحاجة و مش متأكدة انها هاتنجح اعمليها و سي الافندي في الشغل عشان لو باظت تخفي اثار الجريمة قبل ما يرجع عشان الكلام اللي بالك فيه رورو حبيبتي انا ممكن افتح محل هنا في المحاورات لكن في الحقيقة لسا شوية لان في حاجات لسا ما جربتش اعملها زي الفوندان مثلا بس وعد اول ما اعمل دا و اظبطه هافكر في الموضوع بجدية بس قوليلي مش لو سمينا المحل ريمو البريمو ممكن الناس تفتكره مسابقة يانصيب و كده؟؟؟؟؟ تسلمي دودو هانم يالا ادخلي برجلك اليمين في الحلويات بجانب الطبيخ السريع دي كمان سهلة و سريعة حاولي تضيفيها للجدول يا ريتني عملت التورتاية دي من زمااااان عشان تظهري و تباني فينك يا بنتي انتي بتظهري بسرعة و تختفي بسرعة يالا يا ستي انزلي بالترايفل و انتي طبعا مش محتاجة اذن انتي صاحبة محل قصدي صاحبة بيت يا سوسو احنا اللي مستنين الطريقة اهووووووووووووووو

....انا شايفة الصورة من جهة نظر تانية خالص ..... ليه بنسمي تبادل الخبرات تشهير ... المحاورات موش مؤسسة قضائية ولا هى جهة منوط بيها للبحث فى شكاوى المستهلكين .... ليه اللى يقع فى مشكلة مع شركة ...ما يحذرش الاخرين ويتبادل الخبرات معاهم ....بحيادية وموضوعية .... بلاش نضحك على بعض ..ونقول ان فى جهة فى مصر اى كانت سلطتها بترجع حقوق المستهلكين ..... وبلاش نتعرض للنقطة دى من اساسها ....لانك قبل ما تتقدم لاى جهة بشكوى رسمية عارف كويس اوى ان فيه الف زيك ...البلاغات فى الاقسام مافيش اسهل منها .... ولكن يقع على عاتقك ان لا تترك الساحة للنصابين لينصبوا شباكهم حول ضحاية اخرين .... نحن فقط لم نتعلم ثقافة الحيادية والموضوعية فى الشكوى ...وده موش لعيب فينا ...لا ... احنا اتعلمنا نصرخ ...بشكوانا علشان متأكدين ان مافيش حد هايسمعنا ... بس دعونى اناقشكم مثلا فى تجربة شخصية ...فلقد اشتريت سيارة واكتشفت فى الايام الاولى لشرائها انى اخدت مقلب وللاسف تطرقت لكل السبل المحترمة والمعقولة مع الشركة (وهى احدى كبريات مصنعين السيارات فى مصر)...ولكن لا جدوى ...بكيت على اموالى ..وراسلت االشكرة الام فى الخارج ...ولكنى لو كنت استمعت لتجارب الاخرين المنشورة على الانترنت ...لكنت ترويت قليلا قبل اتخاذ قرارى ...ولكنى رايت انى من دورى ان احذر الاخرين فى الوقوع فى نفس الفخ الذى وقعت فيه ... تبادل الخبرات موش تشهير ...ده دور مجتمع مدنى علشان نكافح ولو بسرد تجربة ...

مبدأيا برفض حكايه اللى ايده فى الميه مش زلى اللى ايده فى النار دى فعن نفسى كمغترب, و الدى ووالدتى و اخواتى كلهم و جوازهم و عيالهم فى مصر و خايف عليهم(ده غير باقى العيله و الاصدقاء طبعا). و لو الموضوع مش فارق مع المغتربين اصلا ليه يوجعوا دماغهم و يضيعوا وقتهم فى المنتدى اصلا الاجابه هى حب الوطن بالنسبه لحتمال ان تحول المظاهرات لأعمال شعب فبتمنى من كل قلبى ان الكلام ده ما يحصلش بس حتى فى حاله هجوم الشرطه او الجيش على المتظاهرين هيقتلوا كام يعنى 30 طب ما فى 30 واحد ماتوا فى الشرقيه اول امبارح فى حادثه عربيه و كلنا عارفين ان الحوادث دى ممكن تفاديها لو فيه حكومه عدله فى البلد(اكتر من 8 الاف مصرى بيموتوا فى حوادث السيارات كل سنه) طب ما فى ثوره 1919 ناس ماتت و حصل تخريب كتير بس كانت النتيجه استقلال مصر و تشكيل حكومه وطنيه عموما انا شايف ان الشعب بدأ يفوق و ميستناش ان الحزب يمن عليه بحقوقه او مستنى المثقفين يقومولوا بثوره يا رب اهدينا للصالح لبلدنا مصر

لحد فترة فاتت عمر ما حد فينا مسيحيين علي مسلمين ما فكروا في الحكاية دي ... طول عمرها موجودة من ايام جدودي و عمر ما حد حس بالحساسية لدرجة الهرش اللي مسكتنا بقالنا فترة .. لكن لو فكرنا حنلاقي ان الحساسية دي ما كانتش موجودة زمان علشان التمييز ما بين ده و ده علي اساس دينه ما كانتش موجودة من اساسه ... ما كانش ليها مكان في الوجدان المصري ... لكن لما ابتدا يظهر في حاجات كتيرة فمن الطبيعي جدآ انه يبتدي قدامه رد فعل مضاد يطالب بالغاء اي رمز من رموز التمييز الديني ده .. و طبعآ خانة الديانة منهم ... المشكلة في رأيي مش حكاية الجواز دي .. ما هي لو علي جواز ... اللي عايز يلف حوالين موضوع البطاقة ده عارف ان ضرب بطاقة في مصر بقت زي ما بتشتري ورقة بوسطة .. المشكلة كانت في البطاقات الأليكترونية لما غيروا قاعدة البيانات ... و ناس كتيرة ( و ده عن تجربة شخصية ) لقوا نفسهم مسلمين و هما مسيحيين .. و مش عارف بصراحة لو العكس حصل كمان ... لكن كل التجارب اللي عاصرتها كانت في الأتجاه ده .. مش معمولة بالقصد .. لكن عادي لما الغالبية العظمي من المصريين مسلمين و من كتر ما في خانة الديانة بيتضاف كلمة مسلم .. بقت حاجة اوتوماتيكية بتتعمل من غير ما ياخد باله اللي بيضيف البيانات ... و خد عندك بقي المشاكل البيروقراطية و المستندات المطلوبة علشان الغلطة دي تتصلح .. و اللي في النهاية اتصلح ... اما غير كده .. بمعني التعرف علي ديانة المصريين ... فدي و الحمد لله ما بقتش محتاجة بطايق ... كلنا بقينا متدينين ما شاء الله ... و كل واحد شايل او لا بس رمز قد كده يدل علي التدين ده ...

لماذ نعتبرها تمييز والناس لاتدخل المساجد او الكنائس بالبطاقة ولكن ذكر الديانة ضرورى خاصة الان مع جهل الكثيرين بصحيح الدين وذلك لمنع خلط فى اى زواج بين فردين من ديانتين مختلفتين ( لان ساعتها المأذون لن يستطيع التفرقة بين مسلم ومسيحى ويهودى الا من البطاقة ) والان اصبحت هناك اسماء كثيرة مشتركة بين الديانات وربما تزيد الخلافات اذا استغل ذلك من البعض وتم زواج مسلم من مسيحية او مسيحى من مسلمة لانتفاء خانة الديانة أولا يامدام هند الناس مش بتتجوز بعض من الشوارع دى اسر وانساب والناس بتتزاور وبتتكلم فى تفاصيل كثيرة ، فمش معقول يعنى الناس حتتفاجء ان نسايبهم من دين آخر. وحتى لو كانوا من ديانات مختلفة فالحكومة دخلها ايه ؟ اللى عايز يتجوز واللى عايزة تتجوز أحرار فى إختياراتهم. ولو على موضوع الجواز ، أنا أرى انه شأن شخصى صرف ويجب أن يتم بشكل مدنى من الألف للياء ويقتصر الشكل الدينى فيه على من يرغب فى ذلك والا يكون للشكل الدينى فيه أى دور غير المباركة.