لوحة القادة

انها تعبر عن حال العمالة الاسيوية شِعر هندى ملحوظة: الرجاء هز الرأس مع القراءة للحصول على أفضل النتائج إسم أنا كومار عتيق **** أخو أنا والله صديق بابا أنا شيبه كبير **** ماما أنا مريض كتير أخو أنا كلو صغير **** مافي فلوس أنا فقير عشره سنه شغل هنا **** مافي شوف أهلي أنا ممكن موت أنا هنا **** فكر مشغول تعبان أنا أتنين سنه مافي فلوس **** كفيل كلام بعدين يشوف والله هرام لازم فلوس**** مسلم أنا مافي هندوس لازم أنا سفر رمضان **** إنسان أنا مافي هيوان لازم أنا روح بلد **** سوي زواج جيبو ولد كفيل كلام هدا بلد **** مافي زواج مافي ولد انت شغل هنا حمار **** مفهوم كلام يا كومار كفيل أنا كرشو كبير **** ممكن ياكل لهم حمير أنا كرشو كتير صغير **** لو نفختو والله يطير جيتو بلد شعر كتير **** شعر أسود سمسم حرير دهين شعر كلو يطير **** مافي صغير مافي كبير سكن أنا غرفه صغير**** مافي مكيف مافي سرير قصيدة حب هندي بعنوان جنجال حب حبيب مال أنا ، ليش هدا عذاب حبيب ..انت في كذّاب انت قول في حب واجد انت قول في حب واحد بعد هدا انت سوّي غير نمونا انت كنسل حب مالي انت خرّب كل حالي انت بنّد كل باب قلب مالي صار خراب خمسة شهر انت سوي هدا حب بعد هدا ، انت بنّد هدا قلب حب هدا راح كنسل حب هدا سوي مشكل حب مال انت ما يجي فايدة حب مال انت ما يسير سيدا حب مال اول في واجد غرام حب مال اول انت يجي في زين كلام حب مال أول هدا زين حب مال اول هدا وين أبداً رفيق ما في زين انا انت واجد غرام انا انت هالحين سوي كبير انتقام قلب مال انا في واجد عذاب قلب مال انا هالحين في سكراب إذا انت يريد يحب زين نفر لازم كلام تاني خبّر لازم قول انت في غلطان لازم قول انت في ندمان هدا نمونا انا ممكن يجي فكر مزبوط وانا يصير واجد مبسوط ======================== معاني بعض المفردات جنجال وتنطق بتعطيش الجيم وهي مأخوذة من اللغة الأوردية وتعني مشاكلة ومجادلة مع شيء من القتال واجد وفي بعض الاحيان تنطق وايد وتعني الكثير الوفير كنسل Cancel وهي مأخوذة عن الإنجليزية وتفيد الإلغاء والإنتهاء للشيء بنّد Banned وهي مأخوذة من الإنجليزية أى تم إغلاقه أو منعه سيدا : وتعني الاتجاه في خط مستقيم وين : فين سكراب خردة ولا نفع فيه =======================

أعتقد أن الموضوع سيعتمد بدرجة كبيرة علي درجة الصداقة بين الأم وابنتها يعني لازم الأم تقوي علاقة الصداقة دي وتتكلم الأول مع البنت وتفتح معاها الموضوع بصراحة وتسمع رأيه بهدوء شديد وتناقشها بعقلانية ومنطقية وتسيب البنت تطلع كل اللي جواها بدون عصبية وبعدين تحتويها وتتدرج معها في الكلام بحيث أنها تقنعها بأن الموضوع لسه بدري الحكم عليه وأن من الأفضل تأجيله الآن بس أهم نقطة أنها تقدر توصل الفكرة للبنت أن ده قرارهم هما الاثنين معا الأم والبنت وتأخد من البنت وعد أنها لاتتكلم مع هذا الولد خارج الأطار المسموح به وأنها تحكي لها علي كل شئ وأن الموضوع يفضل سر بينهم هما الاثنين فقط ولا تتحدث مع أحد من أصدقائها فيه..... واعتقد أن البنت لو لقيت أمها بتسمح لها بالكلام والفضفضة معاها لن تلجأ لأحد آخر...أهم شئ الهدوء نيجي للباشا عنترة بن شداد .....أعتقد أن الأم تقابله وأول حاجة تعلن احترامها الكامل له لأنه انسان واضح وصريح واتكلم معاها وبعدين توضح له بكل هدوء أن الموضوع الآن مغلق لغاية ما يخلص دراسته وبعدين نبقي نتكلم فيه بدون عصبية وبمنتهي الهدوء مع التركيز علي أنها تؤكد علي أنه راجل محترم في نظرها أنه اتكلم معاها فبالتالي هيسمع الكلام وهيتصرف علي أساس أنه راجل ومش عيل وتأخذ وعد منه أنه لا يفتح الموضوع مع البنت وإن الأمور تنتظر إلي أن ينتهي من الدراسة لا أعتقد أن من المناسب الكلام مع أهل الولد إلا إذا كانت تعرفهم كويس وتعرف أنهم ممكن يحتووا الموضوع بنفس الهدوء والعقلانية بس أهم شئ علاقة الصداقة بينها وبين بنتها.

السلام عليكم حول الأسرة البيضاء ده كان برنامج في الراديو بيتكلم عن المرضي بصفتي مريت بفترة مرضية عصيبة و الحمد لله ربنا نجاني منها اتمني في الموضوع ده نتكلم مش عن المرض و ألامه ومتاعبه أنما نتكلم عن الجانب الحلو في المرض طبعا ربنا مايكنبش علي حد المرض و ربنا يمتع الجميع بالصحة و العافية لكن نقول من فوائد الأمراض انها بتغير شخصية المريض بيبقي اكثر طيبة و حب للناس المريض برغم مرضه بيبقي اكثر قدرة علي العطاء ، و بيحاول يسعد اللي حواليه و يشوف سعادتهم من سعادته الناس اللي عندها امراض حتفضل معاهم طول حياتهم و ازاي ان هما حيفضلوا محرومين من أطعمة معينة طول العمر شفت ناس صادقت المرض و بتقول اذا كنت مقدرش اكل أكل معين فأنا الحمد لله بقدر اكل غيره وفي ناس غير متقبلة و بتفضل متذمرة طول حياتها وطبعا المرض فرصة بنشوف فيها تعاطف الأسرة و اهتمامهم و حبهم و محاولتهم يساعدوا المريض في تجاوز الأزمة دي ، و ان كان مفروض يبقي زي زمان الأسرة كلها كيان واحد يجعهم الحب ، اما دلوقتي فبقي الناس مبيجمعهاش غير الأزمات

القانون لا يعرف سـين سين .... يلعن ابو دى سياسة ...اللى تخلى الشاب من دول يعمل كده فى نفسه .... .... عينى عليك يا سين اوس اتنين ..... تفتكروا سين سين دلوقتى وصل لحد فين .....(انا حاسة انه اتشد امـن غذائى ) الولا غايب اديلو ساعتين ونص من ساعة اخر بقين دلدقهم فى التوبيك هنا ..... مين بعدك .......هايكتب مذكرات عزيز بيك المتنقـعر .... طب بس اعرفلك طريقك وانا هاكرمش ايدى بحتة بخمسين جنيه لأمين الشرطة وعابعتلك علبتين كولوباطرا ورغفين كوفتة .... فينك يا ضينايا ..... ======================================================= على جنب بقى انا عاوزة اعترفلك ان اول قلم هاينزل على قفايا ....هاقر واعترف عليكم نفر نفر .... وهاجيب اسمائكم اسم اسم ...وكله عارف نفسه كويس

سمعني سلام .. كوته كوته كوته .. كلنا كده عاوزين كوته

بداية لازم تصاحب بنتها او المفروض من الاول تكون صاحبة لبنتها عشان تقدر تتكلم معاها فى موضوع زى ده دون حساسية ولا يكون كلامها مجرد تحصيل حاصل كذلك التعنيف او حتى الضرب حيكون مردودهم سلبى ويعقد الموضوع اكثر كذلك تجاهله او التطنيش عليه بعد علمها به ممكن يحدث تمادى او تطور بمعنى بدلا من نظرات فقط سيتعدى مقابلات ولولا ان البنت رفضت تقابله لما كتب لوالدتها جواب وكان اكتفى بقبول البنت للوضع وعلى الام اخذالموضوع بتعقل وتحاول فهم مشاعر الاطفال فى السن ده وانهم مازالوا يحتاجون النصيحة والجيل الجديد لا تجدى الشدة معهم بالعكس لابد من احتواءهم بالحسنة والعطف حتى تتوصل لنقطة تفاهم معها وتقدر فى الوقت ده بس تعطيها نصيحتها ومع ثقة البنت فيها حتقدر تبين اى تحفظات لها على الموضوع وتفهمها ان دى مشاعر طبيعية لكن السن غير مناسب خاصة فترة المراهقة المشاعر بتكون متباينة وغير مستقرة للاثنين المهم تكسب بنتها لانها صغيرة وخبرتها فى الحياة قليلة ولان خبرة الولد اكبر وممكن يتلاعب بها لازم تعطيها مساحة لتعبر عن مشاعرها قدامها وتعرف خبايها وعلى الام توضيح مايخفى عن البنت من صواب بدلا من لجوءها لصديقاتها اللاتى غالبا يشجعنها بغض النظر عن مخاطره او اخطاءه لان خبرتهم محدودة زيها وتحاول تتكلم مع الولد تعرف مستوى فكره وهل هو جاد ام مجرد تسلية مراهقين وان شعرت جديته تحاول اخذ وعد منه بعدم اشغال البنت او الهائها عن دروسها كذلك التفاته لدروسه لسرعة تحقيق حلمه ولو كانت على معرفة بوالدته تشركها فى الموضوع تجنبا للمشاكل

اخواني الكرام هو احنا كنا مستنيين تونس علشان ناخد بقالب جاهز وننفذه عندنا ؟؟؟؟ احنا مش زى تونس ......... واللي وصلناله اكبر بكتير من اللي تونس شافته من حيث الظلم والفجوة المتسعة بين الطبقات الاجتماعية والفساد المتشر كالورم الخبيث في كل مكان تونس ماقدرتش تستحمل غير 23 سنة ......... احنا ماشاء الله علينا مستحملين من 30 سنة الفوضى وزعزعة الاستقرار الناتجة عن تجربة زي دي بتهدد البلد بالكامل .......... ودي مش حاجة بسيطة الجهات الامنية في مصر اكيد علي علم ووعى بالترتيبات دي .......... واكيد هتتصدى ليها بطرقها مطلوب ايه من كل مواطن مصري ؟؟؟؟ ينزل الشارع يوم 25 يناير وخلاص ؟؟؟ معلش ........ مش كل اللي هينزلوا علي نفس الدرجة من الوعى بالموضوع ........... مش كل اللي هينزلوا عارفين هما بيعملوا ايه كل واحد نازل له مطلب عايزه فاكرين الاسبوع اللي فات كام مظاهرة قامت ؟؟ مظاهرة امام وزارة التربية والتعليم مظاهرة لخريجي الهندسة قسم التعدين اللي مااتعينوش لحد دلوقتي في قطاع البترول غير المظاهرات اللي عليها تعتيم اعلامي ............... كام واحد حاول الانتحار واتقال عليه مجنون ؟؟؟؟ الناس بتغلي لوحدها .......... وعلى فكرة كل واحد عنده مطلب شخصي ....... للاسف لحد دلوقتي المطلب الجماعي الوحيد اللي شايفاه هو الحد من الفساد اخيراً وليس آخراً ......... عايزين ايه ؟؟؟ وايه الآلية اللي هيطلبوا ان الوضع يتغير بيها ؟؟ عزل الرئيس عن منصبه وتولية آخر بالانتخاب ؟؟؟ ولا عايزين فرص عمل ...... والقضاء علي الفساد ........ الخ وشوية وعود مش هتتحقق احنا خلاص وصلنا لأزمة الثقة ياجماعة في اي حاجة في البلد .......... اي قطاع من قطاعات الدولة بقي فيه فساد .......... ولما بنشوف حاجة كويسة مابنصدقش نفسنا ونقول خير واكيد وراها حاجة اكيد مش عاجبني اللي بيحصل في بلدي ........ بس برده علي فكرة لا أؤيد فكرة 25 يناير اعتقد انها هتبقي مظاهرة ليس الا ........ مش هتوصل للثورة ودة من احتكاكي المباشر بما يدور في العاصمة تقبلوا تحياتي

حكايتي مع الفيران انا انا اللي بينكم هنا مشيت ولا اشتكيت و لا جيت في يوم بكيت و لا قلت يوم انا انا لا عتاب حيشفي جراح ولا حيجيب اللي راح دي حكايتي مع الفيران حكايتي مع الفيران رسملي على السما جنه فيها الهنا و قال حنعيش هنا قلت احلوت سنيني و بنالي في الخيال قصور من الآمال و قال مفيش محال نمت و غمضت عيني دي حكايتي مع الفيران من زمان (بتاع 19 سنه كده) و ايام ما كنت لسه جديد في السعوديه و ماعندناش ولاد و نايمين بالليل و اذ نسمع صوت حاجه بتتحرك تحت السرير :blink: ايه ده؟ لألألألأ دحنا رجاله قوي و مابيهمناش :closedeyes: قولت لمراتي بشجاعه: ابعدي انتي انا حشوف ايه اللي تحت السرير bsh:) شلت المرتبه و اذ افاجأ بفار عتيد روحنا خارجين من الأوضه فورا و قفلنا الباب و نمنا في الصاله :closedeyes: فات كتير على الكلام ده؟ 4 ايام بلياليهم و احنا الاتنين نايمين في الصاله و الفار نايم في اوضة النوم لوحده :sad: نحطله سم نحطله لزق نحطله جبنه نحطله شيشه ....ولا الهوى و مفيش اي فايده قولت ما بدهاش بقى ياض يا Mzohairy رحت لابس الجزمه الكاوتش و رابط راسي بأستك زي بيورن بورج بطل العالم في التنس و واخد عصايه محترمه و داخل و قافل عليا الباب و بقينا انا و هو ولا حد تالتنا انا و هو انا وهو و بس بذلت مجهود خرافي في تتبعه لغاية ما ربنا وفقني و عرفت اخرجه من مكمنه و طاردته لغاية ما لقيته بيتسلق سلك التكييف و طالع متجه لشباك التكييف علشان يستخبى جواه وقفت قصاده و انا ماسك العصايه و تربصت له و بقينا وجها لوجه :blink: و عنينا جت في عنين بعض (كأنه بيبصلي البصه الأخيره) و بكل ما اوتيت من قوه رزعته عصايه على دماغه و دماغ اللي جابوه وقع على الأرض بدون اي حركه جبت منديل و كفنته و رميته في الزباله و انا حاسس بزهو smk: و رجعنا ننام تاني في اوضة النوم بسلام

السلام عليكم و رحمة الله و بركاته هما كلمتين...و رد غطاهم....(و لا بلاش الغطا هاتوه...الدنيا برررررررررد) اضم صوتي لصوت دريمي....و ادوني ودن حد عشان نزعق فيها و نقول كونوا علي طبيعتكم..... بس اضيف كمان حاجة...كونوا علي طبيعتكم ...... كلامي للكل يعني ام العروسة و ام العريس و انا و انت و رقصنا يا جدع ع فكرة بقي يجيلي انطباع ان اللي بيبوظ القعدة مع احترامي و حبي العميق....هما الجماهير اللي قاعدة تشجع في المدرجات يا جدعان.....سيبوه يقعد معاها.....10 دقايق...من غير ما ترموا ودن.....(ما احنا هنتقندل نحكي و ندردب بعد كده)...و من غير ما تتدخلوا في الحوار....اصلا يا طلعنا بزغروطة.... يا الاتنين خلصوا علي بعض...(وش سوكيننة و هي بتكلم عبد العال) اخر حد ....القعدة لطيفة جدا الشاب متحدث لبق الشابة...قاعدة.....مستمخية في شرب الكابتشينو....(ده ع اعتبار انها محرومة منه....و اول مرة تنفرد بالطقم الموفتخر...اللي اخيرا طلع من النيش.....اه يااااااني خليكوا طبيعين يا عالم) و اذ فجأتن آن آآآآآن تش اترزع سؤال "انتي بتعرفي تطبخي" طبعا في اللحظة التاريخية...دي البنوتة حست نفسها انها مثلا ع قناة الحياة مع الشيف شربيني...او الشيف يسري و انطلاقا من مبدا....مشربشي الشاي اشرب ازوزة....و ان البنوتة لازم تقول الحق راحت جاوبت بمنتهي العفوية لا.... و هنا جماهير المدرجات...كلها غلفها الصمت الرهيب.....و كأن الحارس جاب جون في نفسه مثلا ونسمع صوت ملائكي جميل بيحاول يلم الليلة "هو فيه زي.......دي بتطبخ حاجات خطيرة" طبعا البنوتة في سرها...(ايون فعلا من ناحية خطيرة فهي خطيرة علي الصحة و ع الامن العام و علي حماية المستهلك) طبعا البنوتة...اذبهلت اكتر ما هي مذبهلية اصلا.....والجدع استكمل معركة الحلل.....و اعقبها بغطا حلة جو ارض و سال طب بتعرفي تطبخي ايه و تطور الحوار و انتقل من المحشي....الي المكرونة البشاميل....الي ازاي نعيش خفاف احسن....و ان الانسان مش بيعيش عشان ياكل و كده يعني ع فكرة....الشاب كان معجب بالبنوتة.....جدا حتي لما كان ردها ...زي ما قال بعد كده..."رزع غطا حلة في الوش".....بس حس انها عفوية و استريح معاها الحمد لله من موقعي هذا بقي...امام البوتوجاز... يا جدعان كونوا بطبيعتكم..... لا تجهزوا حوار.... و لا تخترعوا حوار.....لو الكلام اتدلدق بشكل طبيعي...كان بها... لو مجاشي.....نووووبرولم اهو الجدع شرب حاجة سائعة بدل ما يشربها من علي كشك عم منصور اللي ع الناصية و البنوتة برضه عبرت عن نفسها و اهو برضه اتعرفت علي طقم الفناجين اللي كانت مركونة في النيش و ربنا يتمم بخير و الف..ألف مبروك....(وش انعام سالوسة في فيلم عايز حقي...و هي قاعدة ع الكنبة مش فاهمة حاجة)

أحيي حضرتك لأسلوبك الجميل في التحاور ... فعلا يستحق الاحترام أتفق تماما مع حضرتك في أننا نفتقد أهم العناصر اللازمة للتغيير و هي وجود قائد أو حتى مجموعة من الشخصيات التي يثق فيها الشعب مجرد رمز يلتف حوله الجميع ليكون الجسر بين حالة الغليان و العبور بأمان لبر التغيير ، لكن كيف سيكون التغيير ونحن نختلف مع بعضنا حتى في محاوراتنا البسيطة في موضوعات ليست بأهمية مستقبل مصر ، و أحزنني كثيرا عدم وجود تأثير من جبهة الدكتور البرادعي يتناسب مع الحدث و خصوصا مع كثرة الاختلاافات بين أفراد تلك الجبهة أنفسهم و اعتراض الكثير منهم علنا على منهج البرادعي في إدارة الحملة ... فعلا وضع غريب أن الصفوة من الشخصيات العامة في هذا البلد رغم اتفاقهم على الهدف إلا أنهم لما يستطيعوا التأثير في ملايين الشعب المصري و يظل التأثير ضعيفا جدا و الحجج غير مقبولة في أن بطش النظام يمنعهم ، فيكفي كل هذا الشغف من عموم المصريين نحو التغيير .. التغيير السلمي نريد قائد ... يحمل لواء التغيير ... و التاريخ لم يشهد تغيير حكامه بواسطة عامة الشعب فلابد من عناصر فاعلة تدير معركة التغيير و تكون واضحة الغاية و الوسيلة لعامة الشعب أخيرا أختلف مع حضرتك في رأيك عن الإخوان المسلمين ... الاخوان كجماعة أو اتجاه سياسي مثله مثل غيره .. و لا يوجد أي منهج سياسي ديني أو شيوعي أو اشتراكي أو رأسمالي أو علماني لم يسلم من النقد .. لكن رأيي أنه من غير المفيد تجاهل أو إزدراء هذا الاتجاه بكل مؤيديه و هم أكثر اتجاه سياسي منظم في مصر يحظى بشعبية حقيقية في الشارع المصري بعد الحزب الوطني ... حقيقة أنا لا أتفق مع نهج الاخوان المسلمين في أسلوب العمل السياسي ... لكن يبقى لهم علي فضل لا أنكره ... فقد جعلهم الله سببا في التأثير في أهم مراحل حياتي وهي المرحلة الثانوية .. و يشهد الله اني لم أرى منهم إلا خيرا ... عشت معهم الجانب الأخلاقي في المسجد و وفي المنزل و في الشارع و في المدرسة ... و يكفيني أنهم من علموني معنى النية ودورها في تحويل العادة إلى عبادة .. وتعلمت منهم كيف يكون الحب في الله ... وتعملت كيف يكون حسن الخلق مع جميع الناس ... ربما لم أستطع تطبيق كل ما تعلمته تقصيرا من جانبي و لكني كلما كبرت في العمر أدركت كم كان فضل الله علي كبيرا أني كنت معهم في مثل تلك المرحلة و التي غالبا ما يتمرد فيها الأبناء على كل شيء ...

الحياة...فرص تتجدد....للتوبة....و للعودة....لطريق النور "من قرأ سورة الكهف ليلة الجمعة أضاء له من النور فيما بينه وبين البيت العتيق" الجمعة....21 يناير...2011

http://www.youtube.com/watch?v=1hNtCgkLKaM قصيدة لهشام الجخ .. تأشـيرة ... اسوقفتنى ...فلقد جاءت على وجيعتى فأدركت حينها ...انى قد اصيب قلبى بوخزة ولا زلت اعانيها ... استوقفتنى تلك الكلمات فى القصيدة ... فدونتها فى مفكرتى ... أسبِّح باسمك اللهُ وليس سواكَ أخشاهُ وكنا في مدارسنا نردد بعضَ الحانِ "بلاد العُرب أوطاني .. وكل العرب أخواني" أيا حكامَ أمتنا سيبقى الطفلُ في صدري يعاديكم يقاضيكم أتجمعنا يدُ الله ؟ وتبعدنا يد (الفيفا) ؟؟ هجرْنا دينَنا عَمْدا فَعُدنا الأَوْسَ والخزرج ونعبدُ نارَ فتنتِنا وننتظرُ الغبا مَخرج

طيب مانا رقم 17 تراجعت برضه ههههههه المهم مايكونش فى 18 ان شاء الله خلى اعصابك هادية عشان 18 مايجيش

الظاهر ان المسؤلين في مصر ما بيتحركوش الا لما الناس تولع في نفسها او ترمي نفسها من الدور التسعتاشر او تخيط افواهها وبعد كده يطلع لنا الخطباء يحذرون الناس من قتل النفس او ايذاءها ياريت التحذير ده يكون مصحوب بتحذير اكثر حدة لهؤلاء المسؤلين بان ترك مصالح العباد هو الفساد في الارض بعينه وانه لا يقل خطورة عن قتل النفس وانتحار عباد الله تقاعسهم عن اداء اعمالهم بما يرضي الله ادت الي ما نراه الان من حرق وانتحار وايذاء للنفس

كل سنة وانتى طيبة وبخير يا آيات . كل سنة وانتى طيبة ياأرق بنوتة اسكندرانية . وفعلا دى مكانتش مفاجأة انك تكونى بنت الاستاذة هند على ..لأن فعلا كان لازم تكونى ابنة لسيدة رائعة زى العزيزة هند . ربنا يخليكم لبعض و...لكل الاسكندرانية . ويارب دايما يسعدك ودايما مع كل حبايبك . عاشت اسكندرية وناس اسكندرية وكل اللى بيحب اسكندرية . :clappingrose: :clappingrose: :clappingrose:

هناك شخص من الناس حاصل على دبلوم وكنت أعرفه جيد ا اشترك في مظاهرات داخل الجامعة وكان أشد الناس حماسا وحينما سأله أخي عن سر تواجده هناك قال أنا مجند بالمخابرات تقريبا ومهمتي هنا هي تحميس الطلاب للخروج من البوابة وعند البوابة أتزاحم وأدفع البعض خارجها ليتم القبض عليه خارج الجامعة ولذلك لابد من وجود العقلاء في المظاهرات السلمية حتى يأمل فيها النفع والتغيير ولا يحدث من ورائها ضرر وكذلك يجب الحذر من الانفلات والوقوف بقوة أمام المنفلتين والمخربين

انا اسف اننى هزرت معاك تقبل تحياتى عنبو ههههه :happy: يا خبر يا عنبي انت سدقت ؟؟ دي طريقة كلامي مع اوزو باعتباركما تمثلان السلطه الغاشمة الظالمه ويد الحكومة الطايله على الغلابه والشقيانين اللي هما احنا انت لماح وتقراها وهيا طايره كمان مش مصدق انك زعلت معقول الكل فاهم طريقتي دي من زمان !!!! حقك عليا يا عنبوش وحبق اصالحك لما اشوفك ,, ولا يهمك يا تيمور خد دى http://www.youtube.com/watch?v=0Yw-oWtHOpA

ماهي كنية الرسول ( صلى الله عليه وسلم ) ؟؟ أين نزل الوحى علي الرسول ( صلى الله عليه وسلم ) ؟

بصراحه كنت عاوز اقول كلام كتير بس بعد الكلام اللى فات وبالذات كلام Dreamwithme و Hend ali بس اللى اقدر اقوله ان الام لازم تحتوى بنتها فى الفتره دى اكتر من اوى وقت فات وتسمع منها كل حاجه كانها صاحبتها الانتيم وبدون اى انفعال او تعصب حتى لو كانت زى البركان من جوه وتكسب ثقتها وتفهم وجهه نظر بنتها الاول وتوصلها انها فاهمه جدا ومقدره مشاعرها وانها كانت بنت فى سنها ومرت بنفس التجربه وتقابل الولد وتفهمه انها بتحترم فيه صراحته و دخوله من الباب وتديله برستيجه واحساسه انه راجل مش عيل صغير وفى وسط الحوار تحطه مكانها وتقوله (لو مثلا جالك واحد وقالك انا بحب اختك وانت متاكد ميه فى الميه انه فعلا بيحبها هيكون ايه ردك عليه) وتفهمه انها مقدره وفاهمه مشاعره ولكن التوقيت هو اللى غير مناسب وتاخد منه تعهد بان الموضوع دى يفضل متاجل دلوقتى تماما مع وعد بانها هتقف فى صفه لما يجى فى الوقت المناسب ويدخل من الباب بعد ما يخلص دراسته ويبقى قادر على الارتباط و فتح بيت وفى نفس الوقت ودى شى مهم جدا لازم الاب يعرف بس بسريه تاااامه و باتفاق مع الام على انه ميعرفش اى حاجه خااااااااالص لانه هو هيبقى صمام الامان الاخير لوقت الجد وعلشان لو الاب عرف من بره وعرف ان الام كانت عارفه هيبقى فى كلام تانى وكوارث على دماغ البنت والام فى نفس الوقت

تكملة اشتغاله قلبت بجد وفى المساء التقى الثلاثى ودار الحديث كالاتى عنبو : ايه العمل يا رجاله انا حاسس انى العيال اللى قلبونا هم اللى قالتوا الراجل يوسفو : اكيد بس ايه العمل سعيدو : انا بقول نروح نبلغ البوليس ونقولهم على اللى حصل لينا عنبو : انت اهبل ياعم دى جريمة قتل يعنى لو بس جبنا سيره اننا كنا على الطريق يوم الحادث هيتحفظوا علينا وهندخل الحجز يا معلم والحجر بقى يا معلم فيه حاجات غريبه يوسفو : زى ايه يا عنبو عنبو : انت شايفنى رد سجون ياعم بس اسمع من العيال يعنى اللى دخلوا ان العيال هناك راسمين تليفزيون على الحيطه "" الجدران يعنى "" وتلاقى عيل ابن تتتتتتتتتتتتتتت يقولوك غيرى القناه سعيدو : ونغيرها ازاى دى يا عنبو عنبو : مش عارف والله بس تقريباً تقوله وصل الكهربا الاول واطلع فوق اظبط الاريل علشان الصوره تبقى حلوه وتلاقى عيل ابن تيتتتتتتتتتتتتتتتت راسم سلم على الحيطه برده ويقولك اطلع عليه وعلشان ماحدش فيكم يسأل ده تروح ماسك ورقه او بطاقه وتطلعها على السلم يعنى وفي بقى حاجات تانيه يوسفو : زى ايه يا عنبو عنبو : لا عادى ممكن عيل من العيال يقولك اقلع ......................................................... الساعه واللى يفرط فى الساعه يبقى من غير ساعه وكل واحد يخلى باله من الساعه بتعته سعيدو : كل الا الساعه دانا ساعتى غاليه عليا قوووووووى يوسفو : اسكت ياعم الحاج انتى مش منك خوف ساعتك اى كلام الدور والباقى عليا يانهار مش فايت طيب والعمل يا عنبو عنبو : والله مش عارف يا رجاله يوسفو : انا جاتلى فكره الواد احمد صاحبنا ابن عمه ضابط نروح له ونحكى له على الحكايه وهو اكيد هيفيدنا عنبو : تمام على خيرة الله يذهب كلاً من عنبو ويوسفو وسعيدو واحمد الى الكابتن ايهاب ويحكى الثلاثه القصه كلها ويتصل الكابتن ايهاب على ضابط المباحث اللى ماسك القضيه ويحكى له على القصه وياخد الكابتن ايهاب الثلاثى ويذهب الى القسم طبعا عند وصولهم الى القسم كان الثلاثى فى حاله غريبه فهم اول مره يدخلوا القسم واول مره يشوفوا ناس غريبه حيث مر عليهم واحد لا تعرف له وش من ضهر يرتدى جاكت زيتى فوق الجلابيه تشعر بحالة اشمئزاز عندما تره وسأل عنبو الكابتن ايهاب مين ده يا كابتن الكابتن : ده يا عنبو بعبول المخبر عنبو : واضخ فعلا انه بعبول تحس انه مبعبل والبعبله واضحه علي كده اللهم بعبله كمان وكمان يقص "" حلوه يقص دى"" كلا من عنبو وسعيدو ويوسفو على ضابط المباحث القصه ويتفق معهم الضابط ان يعطوا بيانات الحاجات المسروقه وعمل بيها محضر وتم ابلاغ جميع محلات الموبيلات باوصافاالعدد المسروقه وفعلا تم العثور على موبيل يوسفو فى احد المحلات وبسؤال صاحب المحل تبين ان اللى باعه له واحد من القريه فعلا وتم القبض عليه ومن اول قلم من بعبول المخبر اعترف وارشد عن باقى زملائه وتم القبض عليهم تمت تحياتى عنبو انتظروا الحلقه القادمه الكيف تيجى نجرب

عين الحسود فيها عــــود علل ما سبق ؟؟ طب ازاى اتنش العين من دول ...عينى انا اللى تتخزء؟؟ موش قلتلكم عوكوســـــــــات اللهى اللى يحسد او ينق على حد يندب فى عينه اوركسترا موسيقية كامل ( موش عود واحد بس )..... ..........تتشك فى قلبك ......وتقطع احبالك الصوتية .....وتمشى من غير احبال يا للى ف بالى ....bsh:) وانت عارف نفسك كويس ....ايوة انت (منفسن وماتحولش تنكر ) يا خراشى ....عينى باظت الهى تبوظ عنيك الاتنين .....bsh:) قعدت تنق على عينى ....لحد ماحوليت ..... اشوفك ماشى على رموش عنيك ...قول ان شاء الله منك لله ده انا ماعداش علية 24 ساعة .......... دخلت الامتحان لقتنى موش شايفة السطور ...والسطور دخلت جوة بعضها ....mfb: وقعدت طول الوقت بدعك فى عنية وحاسة انها اتخزئت ......... ادعى عليك بإيه موش شـــــــــــايفة عنية بتوجعنى يا ماما ....ااااااااااااااااااهههههههههه

من أجمل القصائد لهشام الجخ قصيدة جحا بس بتيجي علي الجرح اوي http://www.youtube.com/watch?v=i_AwdhVoBvM&feature=related

يا ريت بعد كده ما حدش بقى يهاجم التيار السلفي و يقول فتاوى الخروج على الحكام يبقى الكلام على الكل بعد كده لو سمحتم اسفة يا باشمهندس تيمور للخروج على الموضوع بس الجملة دي كان لازم تتبروز بجد

حبيبتي ضحى ثورة تونس كان الانترنت عامل رئيسي فيها .. تويتر و فيسبوك يعني هيعرفوا .. هيعرفوا قارني ده ب"ثورة إيران" بعد آخر انتخابات وسائل الاعلام صورتها انها ثورة من اجل الديموقراطية و ندى التي تناقلت وسائل الاعلام صورتها ثم ماذا حدث؟ هل تغير نظام الحكم في ايران؟ نربط هذا بما ذكر في ويكيليكس ان نجاد نجح فعلا في الانتخابات .. و لم تكن مزورة كما ادعوا ربما لهذا لم تنجح الثورة المصنوعة أجدني متفقة كثيرا مع أم زيد .. ربما حاولوا استغلال سخط الناس في الاتجاه الذي يريدون .. هناك أخبار ان قائد الجيش تحرك بتعليمات امريكية لكن كان اوان الانقلاب قد فات فعلا يمكرون و يمكر الله

ويلكم باك يا مسز أغابي .. أيوة كدة اتحفينا بالحاجات اليخ دي :happy: شوفي يا ست الناس .. هو انا بأكره الفيران كره العمى لكن ما بأخافش منهم .. و خليني أحكيلكم على تجربتي مع هذا الجنس اللطيف .. بس الأول أعلق ع الخبر .. طبعاً الست دي فيرانها عاملين كدة زي القطنة ما بتكدبش .. بيض و حلوين و مش بعيد يتاكلوا عندنا في مصر .. لكن أظن الست دي لو عايشت فار مصري أصيل كدة هتكره الفيران و نفسها و عيشتها السودا .. المهم .. أحكيلكم الحكاية كان عندي فار مسكين صغنتوت عايش في البوتاجاز .. و كل لما أم سلمى تخش تولع الفرن يطلع يسلم عليها و في يوم جاله الشاطر مكاوي بعصاية المقشة .. الفار يجري و الشاطر مكاوي يجري وراه في المطبخ لحد ما استخبي ورا دولاب المطبخ .. و في الاخر رجع للبوتاجاز تاني .. الشاطر مكاوي قعد يفكر قعد يفكر .. و راح هوووووب واخد البوتاجاز على البلكونة و راح مولع كل العيون و الفرن و الشواية عشان يعهمل فار مشوي ع الفحم .. المهم الفار سخن طلع يجري ع البوتاجاز راح طااااااخ الشاطر مكاوي مديله بالشلوت موقعه في الشارع. و توتة توتة خلصت الحدوتة .. حلوة ولا حلوة؟ مكاوى .. حواديت

صباح الخير يا أغابي الجميلة هأقولك يا أغابي موضوع توحفة بس أنا لوسيبت نفسي واتفتحت في الكلام هتطرديني من التوبيك وتقولي لي افصلي دي التلاجة بتفصل أنا بس عايز أضيف شوية نصائح مهمة جدا كوني علي طبيعتك يعني لو أنتي شخصية هادئة خليكي زي ما أنت وماتضغطيش علي نفسك عشان تتكلمي كتير ... الكلام هيجيب بعضه لكن لوضغطي علي نفسك بتباني متوترة وأوفر ولو البنت شعنونة ورتمها عالي وبتتكلم كتير يبقي جميل أن ده يبان من الأول للطرف الآخر عشان يبقي الانطباع عن شخصيتك صادق وطبعا الكلام ده للطرفين ......أنا عن نفسي بأتضايق جدا لما أقعد مع حد وأوافق أني أقعد تاني بناء علي انطباعي الأول واكتشف أن أول مرة كان راسم نفسه وألاقي شخصية تانية في تاني مرة نصيحة تانية مهمة جدا استخدمي ذكائك يابنتي في استشفاف مدي اهتمام الرجل اللي قدامك بك بيبان من أول نظرة عشان لو هو مش مهتم ما تعديش أنتي بقي تتكلمي و توري علي الفاضي وتظهري اهتمامك وتحرجي في الآخر ولو معندكيش ذكاء زي حالاتي لامانع خالص من الاستعانة بصديق من الجمهور أنه يوضح لك أنه يديكي ضوء أخضر بأنك حذتي القبول المبدئ من حيث الشكل فبالتالي اتكلمي واظهري شخصيتك..... ولو الشخص اللي قدامك أنتي مش عجباه يبقي كفاية كلام عام غير شخصي ومتسأليش أسئلة شخصية أو تنم عن اهتمام واعتبريها قاعدة اجتماعية لطيفة ليس لها علاقة بموضوع الزواج اطلاقا......وأدي الواحد بيقضي وقت لطيف اسمحيلي يا أغابي يا أختي أحكي قصة من تجاربي الواقعية علي نقطة الكلام علي الاهتمامات و الأراء في السياسة والدين واسمع ياساري عشان تعرف أنها نقطة مهمة أنك تعرف دماغ اللي قدامك بتفكر علي نفس موجتك ولا كل واحد في دنيا شكل تاني مرة واحدة معرفة جابتلي عريس صاحب أخوها ضابط في الجيش وبيخدم في مكان بعيد عن القاهرة وقالتلي بالحرف الواحد أنا فكرت فيكي عشان أنتي بتشتغلي وبالتالي مش هتزهقي من القاعدة لوحدك طول الشهر وهو في الخدمة... المهم ماطولش عليكم جاء العريس المنتظر وبعد الترحيب والسلامات والتحيات حضرة الضابط فتح المحضر بأول سؤال أيه رأيك في النقاب؟ (أنا محجبة) طبعا أنا بيني وبين نفسي قلت أكيد هذا السؤال اختبار لأني أعلم أن ضباط الجيش بيمنعوا زوجاتهم من النقاب وأن ده بيسبب مشاكل كتير في عملهم فقلت لنفسي ولا يهمك يا بنت :happy: أكيد هتنجحي في السؤال ده فرديت برأيي وهو أن النقاب مش فرض وأن في اختلاف في الأراء وأني مقتنعة برأي أنه ليس فرض بس يا جماعة وعينكم ماتشوف إلا النور لاقيت طوب بيتحدف عليا :blink: ولا كأني أبو جهل و القاعدة كلها تحولت إلي اقناعي بالنقاب وأني أسيب شغلي ودراستي وأقعد في البيت ممنوع عليا أخرج من البيت بدونه أو إلي المقبرة طبعا......طبعا أنا ازبهليت :blink: ونزل عليا الموضوع بضحك ومش قادرة أضحك طبعا بس كان موقف كوميدي جدا جدا وكل ما أحاول أغير الموضوع عشان القاعدة تعدي لغاية مايقرر يمشي بدون خسائر في الأرواح ألاقيه لف لف ورجعنا لنفس الموضوع bsh:) وأنا الحمد لله حافظة القرآن الكريم ففي النص كده كان بيمتحني في حفظي ويسألني أسئلة في القرآن!!! :wub: دي سورة أيه؟ كملي الآية؟ أه والله كانت قاعدة تحفة وأراء متشددة جدا وتقريبا من جماعة التكفير والهجرة لدرجة أن أخويا قاللي أنا عايز أبلغ عنه :P بعد ماخرج من عندنا أيييييييييييه طولت عليكم بس ميموريزي يا أغابي يا أختي

جلسه طائه لبيان حكم الانتحار هو الانتحار محتاج جلسه طارئه علشان الناس تعرف حرمانيته ما كل الناس من اكبرهم لاصغرهم المتعلم و المش متعلم كلهم عارفين حكم الانتحار ايه لكن ليه بقى معملوش الجلسه الطارئه دى لبيان حكم الممارسات الى بيمارسها الحكام و اعوانهم و الى بتدفع الناس للتفكير فى الانتحار رغم علمهم بحرمانيته معقدوش الجلسه الطارئه دى ليه لبيان حكم الشرع فى الظلم و التعذيب و السرقه و النهب ماصدروش ليه قرار ملزم بتوحيد خطبه الجمعه فى كل المساجد للحديث عن حكم الشرع فى تزوير الانتخابات كثلا موقفوش ليه يقولوا كلمه حق فى وجهه سلطان جائر و ينالوا اعظم رتب الجهاد مع احترامى الشديد لكل اعضاء المجمع الموقر لكن انا شايفه ان كل الى بيعملوه و هيعملوه يندرج تحت المقوله القائله كلمه حق اريد بها باطل تحياتى

يا رااااااااجل انت لسه في مصر انا فاكر انك كنت بتسال علي اللاب توب والهامر والحاجات دي افتكرت انك خلاص هنا ومعاك شنطة الجميز وممنتظرنا في الجزيرة في الخضرا .... شوف يا مصطفي تعال انت بس وما عليك لا شكوفات ولا غيره ده حتي الشكوفات يا راجل هنا دمها خفيف وظريف ولطيف ... تعال انت بس بالسلامة وما عليك كل حاجة هتبقي تمام ان شاء الله

مدام قلب ابيض - دايما حضرتك بتجيبلنا موضوعات من واقع معايشتنا اليومية ومسيري هاحاول اجى معاكم مرة فى خروجة من خروجات مغتربى الكويت علشان اتعرف على حضرتك مخصوص انشالله مسيرها تيجي اللحظة دى هو المنتدى اليومين دول قلب هجر وفراق وزواج صالونات وخطوبات - فاكيد ميعاد الموضوع داه مناسب لكن بصراحة انا مش عارفة المراهق الى بعت الجواب يعرف ايه عن بكره والتخطيط لبكره اقولك ردى علي صحبتك اللى جالها الجواب خليها تقوله لما تخلص يا ابنى وتستعد يبقى يحلها الف حلال صدقيني اول ما هيروح الجامعة هينسي بنتها لانه هيلاقى مجال اوسع فى التعارف غير ايام دراسة الثانوي وثبتوه يعنى نظام التثبيييييييت داه بيجيب نتيجة وبيضيع وقت طويل وبيعلق كويس ثبتوووووه

كيف كانت حياه النبي ( صلى الله عليه وسلم ) قبل الدعوة ؟؟

السلام عليكم ورحمة الله وبركاته هجر القرآن الكريم أ- التحذير من هجره:‏ ‏ جاءت النصوص الكريمة من الكتاب والسنة ترشد الأمة إلى تعاهد القرآن بالتلاوة والتدبر، وتحذر كل الحذر من التقصير في حقِّه، أو هجران تلاوته والعمل به.‏ ‎‎ ولقد حكى الله عز وجل شكوى الرسول الله صلى الله عليه وسلم لربه هجران قومه للقرآن فقال سبحانه: {وقال الرسول ياربِّ إن قومي اتخذوا هذا القرآن مهجورا } [الفرقان: 30].‏ ‎‎ وتوعّد الله سبحانه الذين يعرضون عنه فقال: {وقد آتيناك من لدنا ذكراً * من أعرض عنه فإنه يحمل يوم القيامة وزراً * خالدين فيه وساء لهم يوم القيامة حملا } [طه: 99-101] . ثم صوّر حالة ذلك المعرض يوم القيامة فقال: {ومن أعرض عن ذكري فإن له معيشة ضنكا * ونحشره يوم القيامة أعمى } [طه: 123-124].‏ ب- أنواع هجر القرآن :‏ 1.هجر سماعه وتلاوته:‏ ‏ - لا يوجد على وجه البسيطة كتاب يحرم هجره، ويجب تعاهده وتلاوته إلا القرآن الكريم، فإن هذا من خصائصه التي لا يشاركه فيها أي كتاب.‏ ‎‎ - وقد أثنى الله عز وجل على الذين يتعاهدون كتاب ربهم بالتلاوة فقال: {من أهل الكتاب أمة قائمة يتلون آيات الله آناء الليل وهم يسجدون } [آل عمران: 113].‏ ‎‎ - وحتى لا يقع الناس في هجران القرآن، فقد بحث العلماء مسألة: في كم يقرأ القرآن، وقالوا: "يكره للرجل أن يمر عليه أربعون يوماً لا يقرأ فيها القرآن ".‏ ‎2.هجر العمل به والوقوف عند حلاله وحرامه:‏ ‏ - يحرم هجر العمل بالقرآن الكريم، لأن القرآن إنما نزل لتحليل حلاله وتحريم حرامه والوقوف عند حدوده.‏ ‎‎ فلا يجوز ترك العمل بالقرآن، فإن العمل به هو المقصود الأهم والمطلوب الأعظم من إنزاله.‏ ‎3.هجر تحكيمه والتحاكم إليه:‏ ‏ - أنزل الله عز وجل كتابه الكريم حتى يحكم بين الناس فيما اختلفوا فيه، ونهاهم سبحانه عن تحكيم أو تحاكم إلى غير القرآن.‏ ‎‎ - فالقرآن الكريم هو دستور المسلمين، وهو الحكم فيما اختلفوا فيه من أمور دينهم ودنياهم، فلا يجوز هجره لابتغاء الحكم في غيره.‏ 4.هجر تدبره وتفهمه وتعقل معانيه:‏ ‏ - تدبر القرآن الكريم وتعقل معانيه مطلب شرعي، دعا إليه القرآن وحثّت عليه السنة، وعمل به الصحابة والتابعون ومن بعدهم، قال تعالى:{كتاب أنزلناه إليك مبارك ليدبروا آياته } [ص: 29]. وقال أيضاً: {أفلا يتدبرون القرآن أم على قلوب أقفالها } [محمد: 24].‏ ‎‎ وعليه فلا يجوز هجر تدبره وتأمل معانيه وأحكامه.‏ ‎5.هجر الاستشفاء به والتداوي به في أمراض القلوب والأبدان:‏ ‏ وردت نصوص كثيرة في أن القرآن الكريم شفاء، قال تعالى: {وننزل من القرآن ما هو شفاء ورحمة للمؤمنين } [الإسراء: 82]. وقال: {قل هو للذين آمنوا هدى وشفاء } ‏ ‏[فصلت: 44].‏ ‎‎ وفي سنة الرسول صلى الله عليه وسلم صور تطبيقية عديدة للتداوي بالقرآن، سواء كان دواء للأبدان، أو للنفوس .‏ ‎‎ - وهجر الاستشفاء بالقرآن خلاف السنة، فهو مذموم وممقوت. منقول

صوت الرعد يدوي و يملأ المنزل يجري زيد الى حضني ضممته و ربت على شعره يرفع عينين متسائلتين أبتسم و أنا أردد .. سبحان الذي يسبح الرعد بحمده و الملائكة من خيفته آخذه إلى الشرفة .. مطر غزير .. يمد يديه من سور الشرفة و يدير رأسه باسما و عيناه تضحكان ذكرني بانجلترا و كيف كان يصر على ارتداء معطفه و الخروج تحت المطر كرني بي .. طفلة صغيرة دوما تنتظر المطر و تحتفي به تسرع الى السطح .. لا تثنيها محاولات المنع .. كي تستقبل قطرات حديثة عهد بالله و تشم رائحة المطر أفكر في الباسه معطفه و الخروج في الحديقة يمنعني خوفي عليه .. و منه.. ألا أستطيع ادخاله بسهولة أتذكرني و قد عدت مبللة إلى أمي.. الى حمام ساخن .. و قرصة أذن أما زيد .. فلا زال يمد يديه و وجهه .. عله يظفر ببعض قطرات المطر

عارفة يا ضحى .. ممكن جدا تكون دي كانت الخطة المعدة قرينا كثير عن ترتيب ثورات و احتجاجات بهدف تقديم منقذ معد سلفا لا يشك الشعب في انتمائه مما يسهل الدور المطلوب منه لكن رأيي الشخصي .. ان الموضوع خرج من ايدهم اللي واضح انهم كانوا بيجهزوا لانقلاب عسكري يبدو فيه الجيش و قائده المنق للشعب الضيرفض الاستجابة لاوامر الطاغية و انحاز لشعبه لكن هروب بن على و المحاولة الكاريكاتيرية للوزير الأول للقفز على السلطة (أو تسيير الأمور حتى عودة بن علي) أفسدت الأمر ميزة التوانسة الوعي العالي .. حتى الأن لم تنطل عليهم الحيل و المحاولات لسرقة تضحيتهم ربنا يكملها لهم على خير وَيَمْكُرُونَ وَيَمْكُرُ اللَّـهُ ۖ وَاللَّـهُ خَيْرُ الْمَاكِرِينَ

ضحكنى جداا المنبه اللى بعجلتين اللى بيضرب ويجري والتاني اللى بيطير مروحة ونصحا نصطادها ده مالوش حل يعني حتى لو الواحد كسر المنبه اعتقد ان الحل انى انا اللى اسيب القوضة واجرى وان كنت انا كمان زي رضوى باصحا بسرعة على اى صوت لقيتلك منبهين كمان تضميهم للمجموعة الاول لازم تنشين شعاع الليزر فى المنتصف عشان المنبه يتوقف طبعا عشان نعمل كده لازم نفتح عينينا :blink: التاني للناس الل بتحب الجيش :closedeyes: مارش عسكري وبعده القائد يعطي اوامر للنهوض من الفراش التالت تشيل منه السلك و ترميه فى غرفة اللى عاوزه يصحا وتجرى انت تستخبى لانه عشان يوقف المنبه اما هيحدفه ف وشك تاني او ياخد منك السلك عشان يوقفه اللى مش لاقي طلبه عنده الحل الاخير bsh:) منقول

والله بجد انا اتفاجات لما ماما قالتلى على احتفالكم بعيد ميلادى وفرحت جدااا انكم لسه فاكرنى مع ان مشاركاتى قليله جدا وانا شاكره اوى ليكى أ/ ريهام على الهديه الجميله دى انا بجد بحب الاكسسوارات جدا جدا خصوصا الحاجات الجميله اللى انتى جبتيهالى بجد روووووووعه ذوقك جميل اوى اوى ويارب دايما يسعدك زى ما فرحتينى انك لسه فكرانى وعرفانى

لا شكر علي واجب أستاذي

شكرا يا جماعة شكرا يا محمد كيبك دايما سباق للخير وحبوب كدا - ربنا يخليك - اخويا قبلى مقدم لكن انا جانى الفايل نمبر قبله جايز لان بريد مصر يختلف عن بريد الكويت هنافى الكويت اى بريد هيوصلك وانا كنت كاتبة عنوان الشركة اللى بشتغل فيها لكن اخويا فى مصر بريد بسطة عين شمس مش بيوصل جوابات - ربنا يستر شكرا يا malekmalooka انك فكرانى اولا وبتيجي علطول تشوفيني من وقت للتانى والله يبارك فيك وكيبك منورة بيكم شكرا يا eltonamly احنا يا محمود مش عاوزين نتعبك معان فى البلالييييييين اهو منها كمان نخلى نجاتى يسترزق فى المناسبات دى - وربنا يبارك فيك شكرا يا michael pharma الله يبارك فيك - انا عن نفسي مش بحب اشجع مسيو عصام لانه سعره غالي بس هو شاطر جدا شكرا يا amiradel والف مبروووووووووووك ليك كمان واهو تانى واحد جاله الفايل نمبر وانشالله الليسة دى وشها حلو علينا كلنا بالنسبة لتوبيك المرحلة اللى بعد كدا - بيبقى توبيك المنتظرين المقابلة - او الاستعداد للمقابلة وداه تخصص مالوكة او جيجي ودى بتبقى مرحلة انتظار والاستعداد للمقابلات وبما انها فرصة احب اقولكم ان كيبك خطواتها اسرع من فيدرال بكتيرررررررررررررررر للاسف فيدرال بطيئة جدا اجراءاتها ياريتني بدات في كيبك من الاول بدل ما انا ضيعت الوقت داه كله فعلا اسال مجرب ولا تسالشي طبيب وانا جربت الاتنين ربنا معاكم وخالص مودتى

احيانا يعجز الانسان وتتبعثر كلماته وتضيع مفرداته امام احد الصور ولا يجد اي تعليق

من اجمل قصائد هشام الجخ ( ثلاث خرفان ) http://www.youtube.com/watch?v=rFDMXlHohI4

عشان ما حدش يفهمني غلط فليس كل ما يشاهده الإنسان بيكون سيئاً لهذه الدرجة .. فبصراحة على السريع لأن ما كانش في وقت شاهدت أشياء جيده أيضاًُ .. ومنه : 1- بقى في أتوبيسات نقل عام جديدة منتشرة ونظيفة مكتوب عليها CTA ... بصراحة حسيت إنها أدمية غير الأتوبيسات الحمرا والزرقا بتاعت زمان اللي كانت كُهنة ... لكن يارب يحافظوا على صيانتها الدورية .. لأن الفرق بيننا وبين الدول الأخرى مش في إنشاء حاجه .. لا لأ . لكن في المحافظة عليها وصيانتها . 2- التليفونات الأرضية دلوقت بقى تأسيسها ببلاش وفي الحال والمصرية للاتصالات ناقص تعمل إعلانات وتقول فيها " اللي حيب ربنا ييجي يتصل من عندنا " ............ أنا مش كبير قوي ولا صغير قوي ... لكن لسه فاكر في السبعينات والثمانينات كان التليفون الأرضي بيقعد ما بين 10 - 20 عام لحد ما يجيلك ... ومش بيجيلك إنت لإن اللي بيقدم بيكون إنتقل الى الرفيق الأعلى لكنه أمن مستقبل أولاده بعدة تليفون سودا زي تيليفون العمدة كده - ملحوظة ده كان بيحصل في القاهرة خلوا بالكم 3- حدثت حالة وفاة في البلد عندنا لكن ما قدرتش أروح أدي الواجب عشان قصر الفترة الزمنية المتواجد فيها هناك ... فجزء من العيلة راحوا بالعربيات الخاصة بتاعتهم ... والباقي سطحوا بألسوبر جيت .. لما رجعوا مدحوا في مستوى الأتوبيس بصراحة وحاجه أخر شياكة .. والأتوبيس بيطلع من موقف عبود بشبرا إلى الزقازيق بلدنا .. تخيلوا تذكرة الفرد بـ 3 ج فقط ؟ 4- كمان تذكرة المترو ... تاخد القاهرة من أولها لأخرها وتخرم لحد محافظة لحوان كمان كل ده بـ 1 ج فقط حتى الأن ... 5- الكوبري اللي على طريق مصر الإسماعيلية واللي حل مشكلة من الازمة المرورية أمام الطريق الداشري وكانت بتحصل بلاوي مرورية هناك من الزحام .... المرة دي لقيتهم إنتهوا من إنشاءه وأفتتحوه .. وبصراحة شركة النيل للطرق والكباري أنهته في وقت قياسي وبقى الطريق شكله أفضل بكثير ..

المصريون لم يفعلوا شيئا بعد من أجل التغيير مازلنا في مرحلة عدم الاقتناع بأن هناك ضرورة أصلا للتغيير لو الحكومة استرضت الناس الغلابة بأكل و شرب و لبس و حتة يتاوى فيها حيبوس ايده وش و ضهر و يدعي للحكومة من قلبه و الطبقة الأعلى شوية يراضوهم بعلاج و تعليم و فرصة عمل حينبسطوا و يهيصوا الحكومة حالية تسترضي الحرامية و البلطجية و الباقيين مستنيين دورهم في الترضية المشكلة مش في الحكومة الحالية لو اتغيرت 100 مرة برضه الحال حيبقى زي ما هو لأننا احنا اللي لازم نتغير أذكر نفسي و إياكم {لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11 ما زلنا لم نأخذ خطوات إيجابية على مستوى الشعب بعد و الانتحار ليس تضحية و ليس ثورة اللهم عافنا و لا تبتلينا فلنثور على أنفسنا أولا و نغيرها حتى نتمكن من إحداث التغيير كلامك منطقي وأنا لم بالتضحية الانتحار لأنني أؤمن بأن قتل النفس حرام سواء قتل الإنسان غيره أو قتل نفسه وأؤمن أنه لا ينبغي أن ييأس الإنسان من رحمة الله سبحانه وتعالى وأؤمن معك جدا أننا محتاجون للتغيير من داخلنا ولتغيير أسلوبنا فعلا ومعالجتنا ونظرتنا للأمور ونحتاج لإرادة صادقة للتغيير يعني في المحصلة كل كلامك صح بدون أي مجاملة رأيت بعض الناي قد اختلفوا في أحداث تونس - البعض للأسف فوجئت بهم يختزلون ذهاب الطاغية أو التغيير بأنه وليد عملية انتحار وكفر ولا ينتظرون منه الخير هكذا قرأت وصعقت لما قرأت وهالني ما قرأته فكان ردي على أصحاب هذا التفسير ومنه : - والبعض يراها انتفاضة شعبية عفوية لطغيان استمر 23 عاما ولا يختزلونها في هذا الحادث فكل متظاهر كان له سببه أو كانت تدفعه أهدافه العادلة وأنا معهم تحياتي وشكرا

التشابه بين مفاسد نظام بن علي ونظام حسني .... كامل .... حكم الفرد حكم الفرد .... لايوجد مجال سياسي حر يتحرك فيه الناس بحريتهم .... نفس الشيء ..... تزوير الانتخابات ... زيه ..... إحتكار المجال العام لصالح الرئيس .... كيف كيف على رأي التوانسه ....السرقة والهبر والنهب والتربح على حساب الممتلكات العامة زي الأرض وغيره .... مفيش فرق وهنا لا أعتقد أنه في دولة الفساد فيها للركب بهذا الشكل ورئيس الجمهورية يطلع بلوشي .... بإديه فاضية .... لابد أن ينوله من الحب جانب .... وجانب كبير على قد وضعه .... الكبير كبير برده ..... الفرق بين المفاسد في النظامين .... إن هنا فيه حالة الطوارئ رسمي .... هناك مش رسمي .... هنا نصف حرية للكلام .... هناك لاحرية للكلام ..... لكن في الحالتين كلام أو مش كلام ..... لاتوجد أي قدرة في التأثير في القرار أيا كان .... والقرار بإيده وحده وكل المؤسسات مجرد ديكور .... ونصف الكلام هنا مجرد هوهوه تزروها الرياح ...... أما الشعبين فهناك فروق ..... أول فرق أن المثل الأعلى للعقلية التونسية هي فرنسا .... وهو مجتمع عصري ديموقراطي وحرية التعبير فيه مطلقة .... أما عندنا فالمثل الأعلى للعقلية المصرية هو مجتمع راضخ لولي الأمر ... وينتظر الحل منه .... ويلعب في ذلك طريقة تعاطينا للدين والمفاهيم التي نستخلصها من ذلك فحتى الحركات الإسلامية السياسية في تونس لديها درجة أعلى من الاستنارة والتأثر بمفاهيم الغرب في طبيعة العلاقة بين مكونات المجتمع ومؤسساته ونظام الحكم .... أما عندنا إما أن نوكل كل شيء للحاكم .... أو لله .... ونحن خارج الموضوع ... فتجد عبارات مثل ... اللهم إنتقم أو إخفس بحسني الأرض مثلا .... حسبي الله ونعم ( الوكيل ) ..... وهي كلها تواكل وليس توكل .... فالتوكل تكون أنت استعديت ورتبت وخططت وفهمت وحددت هدفك ... ثم تتوكل على الله لتنفذ ..... الفرق الآخر أنه رغم كل ماكان في تونس ..... فالتعليم لم ينهار .... كما انهار عندنا ... والتعليم والمعرفة هو أهم سلاح للإنسان في حياته وينير له الطريق .

السلام عليكم ورحمة الله وبركاته تحيه طيبه وبعد بتجول فى المواقع اللى مشترك فيها واللى اغلب المشتركين فيها من المغتربين ولقيت الاغلبيه بتدعوا الى ثوره زى اللى حصلت فى تونس والكل بيسخن الناس لكى تقوم بالثوره ولقيت ايضاً كلام ان مصر مفيهاش رجاله وان الرجاله بس فى تونس وان مصر فيها وفيها وفيها ....................الخ واللى بجد خلانى اشد فى شعرى ده ايام ما كان عندى شعر يعنى ان الناس دى كلها بره مصر اساسا وفيه منهم اللى اخد قرار بعدم الرجوع الى مصر الا اذا تحسنت الظروف يعنى خلاص شاف له حل تانى او حل انانى لمشاكل البلد انا طبعا مش بشكك فى وظنيتهم ولا اقدر انى اشكك فى وظنية اى انسان ولكن يا جماعه ليه عاوزين كل حاجه تيجى بالساهل ليه غيرنا اللى يضحوا علشان احنا نعيش انا شخصياً مقدرش اؤيد قيام اى ثوره فى مصر الا لما اكون فى مصر وبين الشعب غير كده مقدرش اقول كلمه غير انى انتقد تصرفات الحكومه واوعى الناس بيها لكن ادعوا الى ثوره وانقلاب وانا فى الخليج او فى اوربا او فى امريكا او ..........الخ يبقى منتهى الانانيه وخصوصا ان اى انقلاب او ثوره لابد له من ضحايا ليه اطلب من غيرى انه يضحى بحياته علشان خاطرى وانا بعيد قاعد فى التكيف وحياتى تمام اخر حاجه الى كل من يدعوا الى انقلاب اتفضل حضرتك انزل مصر وشارك فى الانقلاب غير كده يبقى ياريت حضرتك تسمعنا سكوتك تحياتى عنبو

عمدة الصعايده فكر في طريقه انه ينفي بشكل كامل وشامل فكرة ان الصعايده اغبيا فقرر عقد مؤتمر جماهيري دعا اليه كل وسائل الاعلام المرئيه اولمقروئه والمسموعه ووكالات الانباء وقال لهم هما سؤالين اتنين حسألهم لكل الصعايده اللي قدامكم دي لو جاوبوا عليهم ,, تتوقفوا فورا عن اي غلط فينا وتنشروا فكرنا وابداعنا عبر الوجوود السؤال الاول في غزوة بدر ,, تقابل المسلمون والكفار ,, مين اللي فاز منهم قام الصعايده قالوا المسلمين - صح ,, شاطرين يا رداله السؤال التاني في مبارة الامس ,, تقابلت البرازيل والارجنتين ,, مين اللي فاز فيهم - البراااازيل - هايل ,, مبروووك يا ولاد ,, خلاص صفة الغباوه ذهبت عننا الى الابد ,, وقبل ان ينتهي من كلامه سمعهم يسالون - يا كبير ,, يا كبير معنى كده ان النهائي حيكون بين المسلمين والبرازيل !!!!!!!

شوف يا أخي الفاضل .. خطة اصطياد الديك الرومي ده الأسم الكودي لمخطط أمريكي اسرائيلي للاطاحة بنظام عبد الناصر اللي كان عقبة أمام مخططات أمريكا لتقسيم دول الشرق الاوسط .... العراق و الشام تحديدا إلي دويلات صغيرة ذات صبغة دينية أو عرقية ... سنة .. شيعة ... دروز ...اكراد إلخ (الكلام ده مش من عندي ده كلام وثائق الخارجية الأمريكية ) .... عداء أمريكا لعبد الناصر التقي مع اطماع اسرائيل التوسعية و اتفقوا على التنفيذ بضع نقاط مهمة - رغم اعتراضي الدائم علي نظرية المؤامرة انما لا أستطيع الانكار المطلق لوجودها و ما حدث سابقا لمشروع محمد علي أكبر دليل - المخطط لا يعفي عبد الناصر من المسئولية و إن كان يلقي الضوء على أجزاء أكبر من القصة بكاملها .... سذاجة حكم العسكر أمام دهاء أجهزة مخابرات و مؤسسات سياسية تعمل لصالح بلدها كانت نتيجته كارثة ١٩٦٧ عبد الناصر اتصرف زاي ما المخطط توقع بالظبط و ده ما كانش صدفة ... تحليل شخصية عبد الناصر و توقع ردود أفعاله كان مدروس بعناية و الفخ اللي أتنصب وقع فيه بسهولة - اسرائيل نفسها ضحكت على أمريكا و عدت الخطوط الحمراء المرسومة و فرضت الأمر الواقع ...و كانت النتيجة حادث السفينة ليبرتي - هزيمة ١٩٦٧ (نكسة أو هزيمة أو اندحار مش حتفرق) لا يمكن إلقاء اللوم عليها على ما نعانيه الآن بعد أكتر من ٤٠ سنة .... ألمانيا سويت بالارض و اليابان ضربت بالقنابل الذرية عام ١٩٤٥ ...شوف كان حالهم إيه سنة ١٩٨٥ و ما بعدها ما زلت عند رأيي أخذ الدروس المستفادة و العبر من أحداث الماضي هو المهم ... جلد الذات و البكاء علي اللبن المسكوب و القاء التهم و اللوم لا حيقدم و لا حيأخر

طيب و الياريس يا جماعه؟؟؟ اليارس هي الأخت التوأم للإيكو ... برضوا داخل المدينة زي الفل .. إنما للسفر بتبقى خطر جداً

عرفت منين دة لحد دلوقتى وزارة الهجرة فى كيبيك مغيرتش مواعيد واماكن الميشنز على موقعهم الرسمى واسطة يا باشا لينا ناس جوة السفارة ما تقلقش المعلومة أكيدة و أنا عارف أن الجدول لسه ما نزلش بالتوفيق لينا كلنا

ابن الحرامية بياخد 1500 دولار؟ لية يعنى هايكتب فرمان الجنة؟

ابن الحرامية بياخد 1500 دولار؟ لية يعنى هايكتب فرمان الجنة؟ أستاذ هانى أرجوك مفيش داعى لكده !!؟ أشكرك على فهمك وسعة صدرك أخوك مساء الخير يا اجو حضرتك مضايق من اية انا بقول رائى فى الشخص دا كل واحد لة راى انما بلاش كدا ومش عارف اية اظن انى حر فى وجهة نظرى لانة فعلا دا شغل حرامية مش شغل ناس محترمة واكيد فية كتير يوافقونى فى رائى واخيرا شكرا لحضرتك اخوك هانى