لوحة القادة

شعرب بنفس الاهانة و المهانة التي شعر بها العزيز محمد من هذه الرسالة السياسية "الفجة" من أبويا و أبو عيالي أبونا عبد المسيح... نعم أفهم ما يقوله العزيز سكوب من أن الكنيسة تتحدث بلغة الأم التي تخاف علي أولادها، و أن أولادها لهم عقل يفكرون به و يزنون الأمور... و لكن متي تحدثت الكنيسة في السياسة، مجبرة أو مخيرة، فهي تهين عقلي و عقيدتي و تلوث سمعتي و عليها أن تتكلم بضمير المفرد المذكر أو تسكت بدلا من ال"عك" اللي بتقوله... ما أقبله علي غيري ألتزم به قبله... مادمنا اتفقنا علي ان المجتمع العلماني الذي يفصل في الدين عن السياسة هو المخرج الوحيد لبلادنا، فما لنا نسمح لأنفسنا بغير ذلك؟ قابلت أقباط أرثوذكسيين أكثر من أن أحصيهم في حياتي تركوا الكنيسة و التحقوا بطوائف أخري بعد أن "نصحهم" الكاهن بالتصويت لذلك الحزب أو ذاك!!! متي نتعلم؟؟ و أختلف مع العزيزة أغابي (مع احترامي لرأيها) في نتيجة هذه المظاهرات أو فعالية البرادعي و حركته للتغيير... يا عزيزتي استنشقي رائحة الحرية القادمة من تونس، لماذا نخاف من بعض التخريب أو قلة الأدب أكثر مما نخاف من السرقة و الفساد و بطء التقاضي طوال أربعين عاما... يعني هتكون اد ايه الخساير، اكتر من خسايرنا في القروض المنهوبة، أكتر من خسايرنا في أرباح حديد عز، اكتر من خسايرنا في الدروس الخصوصية بعد ما تم تدمير التعليم العام... و بعدين لو حضرتك شاركتينا في الجروب بتاع "كلنا خالد سعيد"، كنت حسيتي بكم التحذيرات و التوجيهات اللي اتبعتت للشباب انه يبعد و "يوقف" أي تخريب يحصل... احنا مش شعب جاهل و لا كلنا رعاع زي ما بيحاولو يصورونا... كفايانا بقي حسابات سياسية و مين أفيد لي و مين أسوأ لي... لو كان البلا هو نصيبي فخليه يجي، حصول البلا و لا انتظاره شكرا لأبونا علي محبته و خوفه علي، بس قرايبي كلهم في مصر طلعوا المظاهره، شباب من اروع و اكثر شباب مصر ادبا و تعليما، ما حدش عرف يضحك عليهم، و يعلمهم ينمطوا ال"آخر" بفرشه واحدة ... و لا يقنعهم ان خير البلد مش خيرهم... يا عزيزتي، البرادعي ليس الاخوان، و حتي الاخوان ما يخوفوش قوي كده، احنا مش في العصور الوسطي... احنا في عالم مفتوح، و كل فعل له رد فعل، وزنك السياسي مش في الحاكم، وزنك السياسي في تعليمك و قدراتك الانتاجيه، و ده ما حدش يقدر ياخده منك اللي جاي أحسن... مهما كان تحية احترام و تبجيل للشعب المصري "كله" علي وقفته العظيمة... يارب نكمل و ما ننامش بعد اول تغيير وزاري و زيادة الدعم لرغيف العيش... احسن احنا شعب طيب زيادة

الاخوان اصلا كانوا رافضين المظهارات دلوقت احلوت فى عنيهم و عايزين ينسبوا الفضل لنفسهم لا معلهش ديه حركه شعبيه لا البرادعى و لا الاخوان و لا وفد ولا حد له فضل

اللواء نبيل لوقا باباوي عضو مجلس الشورى .. يقضي حاجته .. قصدي بيتكلم على البي بي سي ... بصراحة مخلوق بشع لا يُمكن أن نصفه بإنه إنسان والنبي يا جماعة حد يجيب لنا عنوانه عشان ده أول واحد عاوز أسحله لما اللي في بالنا يحصل

العفو تحت امرك

ميدان رمسيس R.N.N | شبكة رصد الصحف عبدالمنعم محمود على تويتر : آلاف نشطاء يتجهون في مسرة من دار القضاء العالي الي ميدان التحرير عبر شارع الجلاء

معك حق يا حسام أنت وسمبا الآن أطلعت على القانون الكويتي في هذا الشأن "يحظر على كافة الوافدين القيام بأي شكل من الاشكال بالمظاهرات او التجمعات او القيام بأية ممارسات سياسية من شأنها الاضرار بعلاقات دولة الكويت مع الدول الاخرى" المادة (12) من المرسوم بقانون (65/1979) بشأن الاجتماعات العامة والتجمعات.

بما أن المغسل ليس ضامنا للجنة فليس مستبعدا أن يتمخض الخروج اليوم عن التغيير أوحتى الضغط لتحسين أوضاع الدولة والناس أو تحقيق أي مكاسب للشعب من قبل الحكومة مادية أو معنوية والمطالب كثيرة جدا وغير محصورة في تيار بعينه ويمكن أيضا أن تنفض دون مكاسب شعبية وتكسب الحكومة أمام العالم بأن هناك مظاهرات وهناك حرية الأهم هو أنها ستكون فعلا البداية للتغيير والوعي وتخليص الضمير والبراءة أمام الله أما الانتصار فيها فليس بفعل الناس ولكن من الله والتغيير بإرادة الله وهذا معلوم فلا يمكن تحميل الشباب مسئولية النجاح أو الفشل ولكن يحسب لهم أنهم قاموا وهبوا رغم محاولات التيئيس والتحبيط والتعويق والتثبيط

قصة جميلة ... وحكمة أجمل قد تقرأون القصة وتشعرون أنها تحتوي حكمة واحدة ولكنني أشعر أنها تحوي الكثير من القيّم والأخلاقيات التي نفتقدها في حياتنا وتعاملاتنا اليومية أتمنى نقرأ القصة ... لأنها فعلا تستحق وأنتظركم بعد قراءتها .... لأعرف رأيكم مقتطفات من بريدي الالكتروني

السلام عليكم ورحمة الله وبركاته تحيه طيبه وبعد بتجول فى المواقع اللى مشترك فيها واللى اغلب المشتركين فيها من المغتربين ولقيت الاغلبيه بتدعوا الى ثوره زى اللى حصلت فى تونس والكل بيسخن الناس لكى تقوم بالثوره ولقيت ايضاً كلام ان مصر مفيهاش رجاله وان الرجاله بس فى تونس وان مصر فيها وفيها وفيها ....................الخ واللى بجد خلانى اشد فى شعرى ده ايام ما كان عندى شعر يعنى ان الناس دى كلها بره مصر اساسا وفيه منهم اللى اخد قرار بعدم الرجوع الى مصر الا اذا تحسنت الظروف يعنى خلاص شاف له حل تانى او حل انانى لمشاكل البلد انا طبعا مش بشكك فى وظنيتهم ولا اقدر انى اشكك فى وظنية اى انسان ولكن يا جماعه ليه عاوزين كل حاجه تيجى بالساهل ليه غيرنا اللى يضحوا علشان احنا نعيش انا شخصياً مقدرش اؤيد قيام اى ثوره فى مصر الا لما اكون فى مصر وبين الشعب غير كده مقدرش اقول كلمه غير انى انتقد تصرفات الحكومه واوعى الناس بيها لكن ادعوا الى ثوره وانقلاب وانا فى الخليج او فى اوربا او فى امريكا او ..........الخ يبقى منتهى الانانيه وخصوصا ان اى انقلاب او ثوره لابد له من ضحايا ليه اطلب من غيرى انه يضحى بحياته علشان خاطرى وانا بعيد قاعد فى التكيف وحياتى تمام اخر حاجه الى كل من يدعوا الى انقلاب اتفضل حضرتك انزل مصر وشارك فى الانقلاب غير كده يبقى ياريت حضرتك تسمعنا سكوتك تحياتى عنبو

يا جماعة.... ما تيجوا كلنا نصلي دلوقتي ندعي من قلوبنا اوي الليلة دي بس يصمدوا يا رب

اللهم أعمي أبصارهم أسامه سرايا صفرا على الحياة اليوم : اللي طلعوا كلهم 10 الاف في القاهرة .. وباقي المحاظفات كللللللللللللها 10 الاف والحزب الوطني نفسه ممكن يطلع 10 مليون من المؤيدين له وينزلوا الشارع واللي بيحصل ده إبتزاز سياسي من بعض الجماعات هي الناس دي عندها أولاد كبار وممكن الواد يقول له : إنت عبيط قوي يا بابا وأنا هاتبرا منك ؟ باتكلم جد والله

ده بث مباشر من ميدان التحرير اسمعوا صوت الناس.....ياااااااالله ياااااااااااالله ربنا يسددهم و يثبتهم http://www.ustream.tv/channel/egypt-15jan

السلام عليكم و رحمة الله و بركاته مش معااااااكي يا رضوي نجحوا...... و حتي لو خلصت علي يوم واحد برضه نجحوا نجحوا.... انهم اثبتوالنا ان ممكن بجد نتجمع.....علي راي اللي قال من غير ما يكون ماتش كورة اثبتولنا.....ان التغيير جاي.....مسالة وقت اثبتولنا.....ان احنا لازم نعيد قراءة.....الفيس بوك....بقت ثورة الفيس بوك اثبتولنا....ان فيه حاجة اتغيرت....جوانا يمكن لغاية اللحظة دي...مافيش اي رد فعل من الحكومة...لان اصلا محدش متوقع منها انها تستجيب لاي مطلب....لكن كفاية الخروج من حالة الصمت يمكن تبقي بداية الغيث قطرة يمكن خلينا نصدق انه بقي فيه امل....و لو حتي بصيص

عاجل: الى كل مصر سليم مش عاجز ولا مريض... بكلمات عجز عقلى عن صياغتها عندما رايت هذا الشاب العاجز الذى كان يشارك فى ثورة مصر اليوم 25 يناير بعجلته هذه لا يهمه شئ سوى تغيير مصر ورفع الظلم عن مصر center]

عن ابن عباس ، عن النبي صلى الله عليه وسلم ، قال : « كلمات الفرج : لا إله إلا الله الحليم الكريم ، لا إله إلا الله العلي العظيم ، لا إله إلا الله رب السماوات السبع ورب العرش الكريم »

عاجل وغير مؤكد : الجيش يرفع حالة التأهب ، و استدعاء الرتب في الأجازات

شبكة رصد اسكندريه | مؤكد : أوامر للقيادات الأمنيه بفض التجمعات ولو بالرصاص الحي الوضع الآن فى الاسكندريه : تفريق 20 الف متظاهر واصبحت المظاهرات صغيره فى جميع المناطق بالاسكندريه وربات البيوت يلقين بالاوانى الفخاريه والاكواب الزجاجيه والجزم على رؤووس الامن المركزى عساكر الأمن المركزي بعد الضغط الكبير من القيادات عليهم بضرب المواطنين خلع بعضهم الزي الزي العسكري وانضمو لصفوف المواطنين

عااااااااااجل: عشرات الالاف يتوافدون الان من المصريين على ميدان التحرير بعد الاعلان عن مبيت المتظاهرين هناك مما يؤدى الى مزيد من اضطراب الامن واصرار المتظاهرين على اقالة مبارك واذنابه

افتحوا الجزيرة مباشر يا جماعة المظاهرات لايف

في الاسكندريةالان اعداد المتظاهرين تعدت قوات الامن بمراحل كبيره جدا حيث قام اكثر من عشرين الف مواطن سكندري بكسر الكردون الامني بين المنشية ومحطة مصر والامن يبداء في التراجع امام الحشود المصدر : http://100fm6.com/vb/showthread.php?t=246197 - 100fm6.com

طنشوا اعملوا نفسكم كانكم مش شايفين هاتوا اخبار لبنان و اخبار تونس و اخبار بلاد الواء واء و غطوا و خبوا على اخبار مصر زى ما انتوا عايزيين مش هتقدروا تخبوا شمس الحقيقه بصوابعكم الحقيقه هتوصل للناس هتوصلها بس انتوا الى سقطوا فى نظر الناس و مصداقيتكم بقت على المحك رساله لكل القنوات الاخباريه و مواقع النت و البرامج المصريه النتيجه لم ينجح احد

http://www.youtube.com/watch?v=artnDy4CKWY&feature=player_embedded

الله اكبر ولله الحمد الله اكبر الله اكبر رغم اني كنت اول المنادين بالتعقل والهدوء وعدم الانجراف ورا الاحداث لكن مااشاهده الان بالفعل تقشعر له الابدان وتبكي العيون ماشاء الله ولا حول ولا قوة الا بالله العلي العظيم المظاهرات امتدت وتوسعت بشكل اكثر من رائع مظاهرات موجودة الان في الزقازيق عاصمة الشرقية .......... الامن واقف يتفرج ومابيتعداش علي المتظاهرين مظاهرات في كل حتة في العاصمة الام ......... سكان بنت المعز القاهرة امي كلهم في الشوارع بعد ان اثبتت الحركة جديتها الناس اتشجعوا ونزلوا الشوارع الامن بدأ ينضم للمتظاهرين علي استحياء هتافات في كل شوراع القاهرة .............. ومطالب حاسمة المطالب اللي اتكلمت عنها امبارح وقولت انها فرديه ............. اتغيرت المطلب العام دلوقتي لكل المتظاهرين رحيل الحاكم مابقيتش مطالب فردية ........... المطالب كلها حماس وثقة

الله أكبر مع انى كنت متخوف من المظاهرات فى الاول بس طالما طلعت يبقى لازم نقولهم كملوا ونقف معاهم ربنا معاهم وينصرهم الناس دى اتعرضت للخطر وطلعت عشانا وواجبنا دلوقتى الدعاء لهم مش هنعرف نعمل حاجة غير الدعاء ممكن حاجة كمان اى حد يعرف حد مشترك فى المظاهرة يكلمه ويناصره ويقوله كان نفسى ابقى معاكوا حسسوا الناس بالانجاز وربنا يسترها

هيعملوا ايه يعني .. هيعتقلوا الشعب كله .. خليهم يحاولوا .. هو الشعب شوية .. ده مفيش أماكن الشعب ينام فيها هيكون في اماكن الشعب يتحبس فيها؟!!! و بعدين العساكر الغلابي بدأت تفهم و فلم أحمد زكي و ممدوح عبدالعليم مش هيتكرر تاني خلاص .. الناس بتشوف و البني آدم بيحس لو كان بني آدم

شبكة رصد مؤكد : الأمن يجلب "بوكسات" متكسرة بالقاهرة ، المتظاهرين يبدأوون بكسر الكردون الأمني حولهم أمام القضاء العالي والمظاهرة في إضطراد عددي ، انضمام جورج اسحاق للمظاهرة R.N.N | شبكة رصد الصحفي عبدالمنعم محمود على تويتر : آلاف نشطاء يتجهون في مسرة من دار القضاء العالي الي ميدان التحرير عبر شارع الجلاء مؤكد: المتظاهرين بالقضاء العالي يكسرون الطوق الأمني ويتجهون ركضا بإتجاه التحرير

استاذى الفاضل الترجمان طب ما الاخوان حذرت من المشاركة ولا هو حلو للاخوان و الكنيسة والمسيحين لاء اشمعنا دايما حاطين الكنيسة فى خانة الاستجوابات و تحقيق وسين وجيم عاوزة اعرف السر الغريب فى المنتدى وخارج المنتدى ما هو ممكن التحذير يكون من اى جهة تانية ليه مفيش تعليق غير على فئة المسيحين والكنيسة هل داه نوع من التشكيك فى وطنية المسيحين ؟؟ استاذتي الفاضله اغابي مداخلتي كانت بغرض حرصي على توجيه مداخلتك إلى الطرح الأساسي للمواضوع ... ولم يكن أبدا بغرض التحقيق معك ولا محاولة للتشكيك في وطنيتك ... أما عن اتهامك لسياسة المنتدى تجاه ما يخص الشأن المسيحي " من وجة نظرك".., فأعتقد أنهم الأقدر على الرد على هذا الإتهام ... بالنسبة لموقفي الشخصي فأنا ارفض ان يتدخل رجال الدين بصفة عامة في معالجة القضايا السياسية التي تخص "المواطنين " بصفة عامة وإصدار توجيهات لهم على أساس طائفي ... ولقد أدنت بشدة تصرف احد رجال الدين على الجانب الإسلامي في قضية إهدار دم الدكتور البرادعي بسبب دعوته للتظاهر وبالتالي أثبت موقفي الواضح والمباشر في القضية الأساسية والتي هي موضوع التوبيك .. تحياتي

مالجديد والمفاجئ ؟!! الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟ الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر ثروة واصبحت موجودة باكثر مما كانوا يتمنون وحكومة حسني مبارك اعلنت بكل فخر اكثر من مرة ان المسيحيين يملكون 40% واكثر من ثروة مصر الذي يتظاهر هو من يعاني البطالة والفقر اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة في عصر حسني مبارك فستنتهي ايضاً بانتهاؤة في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر هم مع الدولة المدنية لمصلحتهم فقط اما لو تعارضت مع مصالحهم فدولة الكنيسة اهم

تخيلوا لو كانت الكنيسة في مطلع القرن العشرين عملت كده ولم تشترك في كل الحركات والمظاهرات الوطنية التي حدثت وابرزها ثورة 1919 ... كان غيه بقى حالنا ؟ الكنيسة عاوزه تبقى في الأمان .... ومن إمتى بقى أي حد يتكلم في أي حاجه ومجرد كاهن في كنسية بمسطرد ولا في أي مكان بقى يتحدث بإسم الكنيسة ويصدر أوامره للمسيحين ؟ لكن دعونا نتحدث بصراحة ... الكنيسة وعلى رأسها البابا شنوده تأخذ جانب الحكومة تماماً على اساسا إن اللي نعرفه أحسن من اللي ما نعرفوش .. وهذا شاهدناه في إنتخابات الرئاسة وفي أي إنتخابات من إنحياز واضح وصريح للحزب الوطني ... لأ يا أغابي العملية نسبة وتناسب .. يعني لو كان التخريب ده حدث بنسبة 1 % ... فمش هانعتبرها ثورة حراميه .. والدليل إن الثورة الشعبية نجحت في خلع ديكتاور لم يتصور احد قبل الثورة بيوم إنه ممكن يتشال ... ويا ستي إعتبري اللي حصل وكان لا يُذكر من ضمن التضحيات ... ولاحظي حصل إيه في رومانيا وأوكرانيا وغيرها من الثورات الشعبية واللي راح ضحيتها الالاف من المؤمنين بالحرية والديمقراطية ... فهل تُعتبر ثورات فاشلة عشان فيها ضحايا ؟ NO GAIN WITHOUT PAIN

بداية فأنا قد قرأت كتاب حجاب المرأة المسلمة للشيخ الألبانى منذ حوالى عشر سنوات ومنذ ذلك الوقت لم أجد من يرد على أدلته دليلاً دليلاً ولكن دائماً ما يكون الرد بتضعيف الشيخ نفسه ثم بإيراد أدلة وجوب تغطية الوجه. بالمناسبة أنا من المقتنعين بالرأى القائل بجواز كشف الوجه وزوجتى ترتدى النقاب. وأحببت أن أورد مقتطفات من أقوال الفاضل أبو خليل والتعليق عليها (التعليق باللون الأزرق)

إليكم تخيل بردود الأفعال على حرق المواطنين المصريين أنفسهم :) أحمد عز: حل مشكلة حرق الناس لأنفسهم زيادة...... أسعار البنزين بطرس غالي: فرض ضرائب جديدة على أسرة كل شخص يحرق نفسه بالبنزين وزير البيئة: حرق المواطنين لأنفسهم هو سبب السحابة السوداء... وزيرة العمل: حرق المواطنين لأنفسهم يوفر فرصة عمل جديدة للشباب ليعملوا كرجال إطفاء. أحمد نظيف : الشعب لا يعرف مصلحته والدليل سوء استخدامه للمنتجات البترولية رشيد محمد رشيد: استيراد المزيد من البترول بعد إرتفاع استهلاكه في حرق الناس لأنفسهم. صفوت الشريف: مصر أكبر من كل عمليات الابتزاز السياسي ، ومشعلوا النيران عديمو المسئولية تامر أمين: حرق المصريين لأنفسهم بسبب التقليد الأعمى شيخ الأزهر: من يحرق نفسه آثم شرعا ، ولا يجوز إطفائه على سبيل التأديب حبيب العادلي : لا يجوز لأكثر من ثلاثة مواطنين حرق أنفسهم في الأماكن العامة. فتحي سرور : على الموافقين على إصدار قانون لتجريم حرق المواطنين لأنفسهم رفع يده>>>>موافقة جريدة الأهرام : إضراب رجال المطافيء و مطالبتهم بزيادة أجورهم ويشتكون من كثرة الحرائق المطلوب منهم إطفائها. عبد الله كمال : المواطنون الذين يحرقون أنفسهم ليسوا مصريين ولكنهم عناصر مندسة من حزب الله وإيران هي التي تقوم بتمويلهم. جريدة الأخبار : مصر تستورد كميات كبيرة من أجهزة الإطفاء. هيلاري كلينتون : الولايات المتحدة الأمريكية تطالب بحماية المواطنين من إحراق أنفسهم وتدعو النظام المصري لإتخاذ إجراءات تقلل من الغضب الشعبي. أحمد أبو الغيط : إحراق المواطنين لأنفسهم شأن داخلي ، وكل مواطن مصري حر في إشعال النيران بنفسه باراك أوباما : أمريكا ترغب في وضع قواتها العسكرية في مصر لحماية الأجانب والأقليات من دخان الحرائق التي يشعلها المصريون في أنفسهم. حركة حماس : ما يحدث للمصريين من إحراق أنفسهم بسبب شعورهم بالذنب لمشاركتهم في حصار غزة. بنيامين نتانياهو : لن نعود لمائدة المفاوضات قبل أن يتوقف المصريون عن حرق أنفسهم. إيهود باراك : حرق المصريين لأنفسهم يهدد سلام و أمن الشرق الأوسط. جريدة الشروق الجزائرية : ومازال الخضر هم الأفضل ، الجزائر تتفوق على مصر في عدد الذين أشعلوا النيران في أنفسهمةمشاهدة المزيد

بداية التسريبات التى فى رأيي تدين القناة نفسها واسرار توجهاتها اكتر ماتدين اى جهة اخرى لانها تفضح اسلوب عدم الحيادية و لي الكلمات لكي تهدف مصالحها فمن ينظر الى العنوان يجد انه اسلوب معروف لدس فكرة معينة تبني بعدها اسلوب الحوار فى الاطار الذى تريد ايصاله للقارئ وهو ماتؤكده كلمة ( وشددت الجزيرة في عرضها للوثائق على التنازلات .....الخ ) مازالت لعبة السياسة الفجة المشينة بقذارتها مستمرة رابط الخبر من هنا

عفريت يا عفريت يا أبن الجنى نفسى تحقق لى تلات أمنيات و أنت وشطارتك بقه أولا : تقف مكانى فى طابور العيش البلدى وتجيب بجنيه واحد ، بس تستحمل الزحمة وكتمة النفس وكام زغد وكام قلم على القفا وتلقف العيش وهو سخن ملهلب بين أيديك وماتصوتش وخليك عفريت راجل . ثانيا : تروح أول الشهر تصرف لى علاجى الشهرى من التأمين الصحى ولو قالولك الطبيب لسه بدرى عليه أترزع تلات أربع ساعات وأنتظره و أنت ساكت ، ولو جه ماتقولش حاجة خالص اللى يكتبه فى الروشته خده و أنت ساكت ، وبعد كده روح أصرفه من الصيدلية وما يهمش لما تقف ساعة كمان فى الطابور ولو قالولك الدواء مش موجود أطلع وعيط للمدير علشان يوافق على انه يديلك بديل من بره وما تتأخرش . ثالثا : تحاول تقنع سكان العمارة الافاضل بأن يشتركوا فى أعمال صيانة ونظافة العمارة وتحاول تلم منهم اللى تقدر عليه ومش عايزك تزهق لو حد رزع الباب فى وشك ، أو لو حد قالك أنا ماليش دعوة ده ان ماعنديش غير سبع عيال و أمهم خفاف خفاف لابنوسخ ولابنستهلك حاجة فى العمارة حتى السلم بننزله جرى علشان ما نبوظهوش ، خليك تبت وتنح وصدغ قفاك . تفتكروا العفريت أبن الجنى ممكن يورينى وشه بعد كده ، و ألا حيأخد تأشيرة جزر القمر ويفلسع على هناك !!

فعلا كل رد فى موضوعى انا استفادت منه جدااا واتعلمت منه حاجة أشكركم كلكلم لانى فعلا كل يوم بتعلم منكم واخص بالشكر رابطة نون النسوة اللى قلن كلام فعلا جميل بس عاوزة اقول حاجة ضرورى....الحمد لله انا ابنى معندوش حرمان عاطفى وده من وجهة نظرى وموضوع المعايرة ده او الجهر باى موضوع بينى وبينه مش بيحصل....انا واحدة من الناس زمان كنت لما اقول حاجة لامى كانت تحكيها ادام اخواتى او تعايرنى بيها واتعلمت من ده جدااا انى كل واحد فى ولادى ليه خصوصياته معايا وماتطلعش حتى ادام اخواته والحمد لله الف شكر ليكم فعلا بتعلم منكم كل يوم :clappingrose:

الجد..وتدرج اعمار الأحفاد...مسئولية حب ؟....ام توارث حنان؟..ام هو حكم الطبيعة البشرية ؟ من سنين كثيرة ... قالت له .. سوف اغيب اسبوعين ... وعندما سأل ...لماذا .؟؟؟ اجابت.... انه ميعاد الرحلة السنوية ...مع جدى. تعودت ان تسافر سنويا ف نفس الميعاد مع كل اولاد الاعمام والعمات...يسافرون فقط ...مع الجد. هو قانون...وضعه الجد منذ ان رزقه الله بأول حفيد.. قال لأبنائه.. استقطع من وقتكم لأولادكم ...اسبوعين ف السنة ...اسبوعين فقط ف السنة .. طيلة الباقى من حياتى اريد ان اقضى سنويا اسبوعين مع احفادى فقط ..........بدونكم....بدون اولادى .. كانوا حفيدين ...كانوا صغارا ...كبروا معا...كبروا ..زادوا . اصبحوا ...اتنين وعشرين حفيد .. كبر الجد...عمره يقترب من الثمانين .. و.. بعد ان كانت الرحلات بالطائرة ...ثم..اصبحت بالقطار ...ثم...اصبحت بالسيارات يقودها الأحفاد الشباب . ثم... اصبح الشباب هم من يذكرون الجد بالرحلة السنوية .. واصبح الأحفاد ..هم من ..يحضرون الطعام على مائدة الجد ويناولونه ما يعجبه . هل انعكست الصورة ؟؟؟ ام تشعبت؟؟ ام تمددت واتسعت ؟؟ كان منظر السيدة صاحبة المطعم جميلا ..,وقد تحجرت الدموع فى مقلتيها عندما علمت ان كل هؤلاء ...احفاد هذا الرجل العظيم....ثم..أنهارت باكية ... كم هو جميل ...كم هو رائع ..كم مقعد تحتاجون؟؟؟ كم هو جميل ..انه اجمل منظر اراه منذ وعيت عيناى الرؤية ..انه شئ راق جدااا .كم هو رائع الحنان والحب الذى يجمعكم. الجد... رجل مثقف واع....لم تؤثر فيه ذهنيا سنوات عمره . كان لازال صاحب ابتسامة رائعة .. وعندما سألته السيدة على استحياء ...أكل هؤلاء حقا احفادك؟؟ اجاب ..نعم. هم لى وحدى بلا اى منافس...اسبوعين ف السنة . ينتظرون كل عام بكل الشوق هذه الرحلة ..اعلم ذلك لأنى انا ايضا انتظرها.. من حقى ان استمتع بكل ما زرعته ...هؤلاء ..هم اجمل محاصيلى . هم ثروتى . كنت اعلم انه لاعودة لأى ايام ماضية ولكن؟؟ بامكانى ان ازرع شئ لاافقده لأيام مقبلة . كنت اعمل ولم يكن لدى أى وقت اقضيه مع ابنائى ...كنت اجرى واجرى واحاول الحصول على كل ما يسعدهم... كنت اظن انى بابتعادى ...و(( افنى حياتى فى عملى فقط )) اسعد ابنائى ... لاأتذكر انى كنت متابع جيد لكل نشاطهم... تركت مسئوليتهم لأمهم.. كان شئ طبيعى ... انا اكافح خارج المنزل وهى داخله. كنت انتهز فرصة نهاية الاسبوع ...واحاول الخروج معهم..........يوم....يومين على الأكثر. كبر اولادى .. لديهم كل شئ... ظننت ان لديهم خبرتى وتجربتى و..اشياء كثيرة كنت اود لهم ان يعرفوها ... اكتشفت انى اضعت الكثير. و.. عندما أتـى اول حفيد .. قررت ان احاول من جديد ...اللحاق بقطار يتبع قطارى الأول . عملى يأخذ كل وقتى ... كنت ف اوج شبابى ...(( هذا حكمى على نفسى )) ...عندما رزقت بأول حفيد .. اعيش اجمل اسبوعين فى كل عام ...يتعلمون منى الكثير والكثير واتعلم منهم واستمتع بحبهم واهتماماتهم .. الآن؟؟؟ يفكر هذا الولد الطويل فى الزواج ويستشيرنى ...يستشيرنى انا يحدثنى وكأنى ...اعيش مشاعره . هذا هو خير الحصاد . حقا... حنان الجد لم يكن اقل ابدااااااا من حنان الجدة .. :clappingrose: :clappingrose:

متشكر قصدي متشكرة يااغابي أنا بنوتة ... بنت ..... فيميل ...... وان شاء الله التوبيك واغابي يكون وشها حلو عليا واخلص اخر مادة علي خير ادعووووووووووولي واول واحد يمسك المصباح يكون اول طلب ليه اني انجح واتخرج بقي وابقي مهندسة قد الدنيا او دكتورة مافيش مانع يعني :closedeyes:

كيف حالكم اخوتى ؟؟ يارب تكونوا جميعا بخير . لاشكر على واجب ياجماعة وحصل خير.. وعلى فكرة .. انا دخلت دلوقت مخصوص اقول لأى من الأخوة الأفاضل (( اللى احيانا بيكتب وهو متعصب شوية ويغلط بدون قصد )) .ان ساعات بندخل بستان ويكون ف نيتنا نقدم وردة منه لحبايبنا بس للأسف بنديها له من ناحية الشوك اللى فيها . يعنى بنجرحه . ولما بنقول مكانش قصدنا ....بيكون خلاص فات الوقت. ممكن اللى أتأذى يسكت وميبينش ...بس على فكرة . حايخللى باله بعد كدة لو حاولت تديه وردة .. ممكن يكون كل اللى عملناه ...اننا شلنا شوية شوك من شوية ورد موجودين ..........بس. ياريت تكون الاقامة هنا سعيدة للجميع . ده مكان جميل وكلنا هنا بنتنفس فيه هواء نقى . يعنى الشوية اللى احنا قاعدين فيهم مع بعض مش لازم يكونوا فيهم شد وجذب. صح والا ايه؟؟ ربنا يوفق الجميع . وانا ايضا احبكم وأحب جو الاسرة عندكم .. :give_rose:

http://www.youtube.com/watch?v=_iGLXEU3vow&feature=player_embedded#!

خايف أحلم وأتخيل يطلع لي في الأخر مصباح " علاء الدين مبارك " وبدل ما يقول لي شبيك لُبيك ...يقولي : نفض لنفسك ياض وأعلى باللي في جيبك

احد الوثائق المسربة فى ويكيليكس هى اللى وضعت قطر فى الصورة لما قالت انه قناة الجزيرة بعكس ماتدعيه من حيادية الا انها كانت ادة فى يد قطر للضغط على بعض الدول العربية فى تسوية امورها بالطبع لا أتوقع الحيادية ولا حسن النوايا فى انه مجرد كشف للحقائق كل مايتم اختياره للتسريب يكون لخدمة اغراض خاصة بمن يسربون الاوراق ومن يختارون مايعلنون عنه الامر لا يعدوا كون لعبة سياسية تبدو جديدة وان كانت الأقدم تسريب اخبار تخدم امور محددة واخفاء غيرها كنت اتمنى اسأل مسئول موقع ويكيليكس قبل القبض عليه ""هو ليه مافيش اي اخبار تضر اسرائيل او مصالحها؟؟؟"" لعبة السياسة كل ماتوقع انها مش هتكون اقذر من كده للاسف دايما تفاجئني بمستوى جديد

ياربي - بيبو كندا بنفسه هنا - طيب بما انى كائن ليلي وهانام بعد شويتين حبيت احكيلكم على حكاية حلوة خالص وعجيبة وغريبة قبل النوم ومش هاخد من وقتكم كتير لانها مليانة عبر ومفاجات - كان ياما كان فى واحد بيساعدنى كتير انا واختى ليه كتيررر اوى على المنتدى داه غير الايميلات والاتصالات بينا - والانسان داه محترم جدا وزوووق اوى خالص - وكان واقف معانا ولو طلبناه على الموبايل عمره ما يتاخر عننا وبصراحة كنت عاوزة الاقى اى فرصة اردله الجمايل دى كلها وهو كان اسمه (ص . ع ) - نركن بقى على جنب الراجل الطيب داه - اللى خدمنى كتير وتعالو نحكى عن بيبو كندا - مرة فى التوبيك هنا حصل سوء تفاهم مع بيبو كندا وبصراحة جايز اكون اتعصبت خالص وفشيت غلبي فيه وانتم عارفين فترة انتظار الفايل نمبر دى فترة عصيبة ومريبة علينا كلنا وتمر الايام وفى يوم دخلت بشويش ملف بيبو كندا وفتحت الباب - ششششششششش بدون اى صوت علشان بفتش وانبش من غير ما اى مخلوق يشوفنى وانا جو ملفه الخاص لبيبو كندا الا هووووووووب bsh:) وش اى حرامى اتزنق ووقع فى ايد الشويش عطية وهو وماسكه من قفاه حصلت الصدمة - الاقى انه هو اسمه ص . ع هو نفسه الانسان اللى كان بيساعدنى كتير وكان متنكر فى بيبو كندا وانا ما اعرفش - لكن من وقت قريب غير اليوزر بتاعه على المحاورات لو مكانى تعملوه ايه - اولا انا ما اعرفش ان بيبو كندا هو الشخص اللى ساعدنى وغير اليوزر بتاعه حقيقي يا بيبو انا مش عارفة اقولك ايه - فعلا اعتقد لخبطت الدنيا معاك خالص ولان مبدأى عمره ما هيكون - خلصت حاجتى من عند جارتى - ومش ممكن انسي الناس اللى ساعدونى ابدا -انا اسفة بجد يا بيبو كندا على فكرة سوء التفاهم داه انت المسؤال عنه - ليه - انا بيكلمنى واحد بعشم كانه يعرفنى من زمان وهو فعلا كدا لكن اللى قدامه اسمه بيبو كندا وانا ما اعرفهوش - عمر ما جه فى بالك يا بيبو كندا - ولو لحظة او برسالة من كلمتين على الخاص انك تقولى يا اغابي عارفة انا مين انا فلان او تقولى انا غيرت اليوزر بتاعى خدى بالك يعنى انا بكره لو نزلت باسم بيبوهايا كندايا هتعرفونى ازاى انى اغابي ينفع كدا طب اودى وشى منك فين - يا كززززززززوفى خد شم الوردة مسمومة خلينا نخلص من الزحمة انا سممت كل الورد اللى على المنتدى خلى الزحمة تخف

مساء الخير على احلى صحبة ياجماعة باركولى لسة واصلنى الفايل نمبر حالا mil: mil: وشكو حلو عليا وشك حلو عليا يا اغابى انتى واجو ههههههههههه

الحاج محمود ده رجل طيب وبدائي ولا يعرف من اين تؤكل الكتف اخينا اللي في الفيديوا امهر منه واحدق منه بكتير الحاج محمود بيقنع الناس بخبرته وبتجاربه مع الناس لكن اخينا هذا بيقول انه بيعالج بما قاله الله والرسول صلي الله عليه وسلم يبقي كسبان كسبان وربحان ربحان يا اخي انا قعدت استمع لهذا الفيديو اكثر من مرة اني الاقي مرض لا يعالجه مالقيتش يبقي نكتفي باعشابه ونقفل كليات الطب المخادعين الكذابين لاحظ ان المحل لا يوجد به موضع لقدم وليس له فروع اخري وده من اجل الدعاية له ومساعدته في ترويج بضاعته اكثر وتحقيق ارباح اكثر الغريب في الامر ان هذا اعلان مرئي مذاع علي شاشات التليفزيون ويشاهده وزير الصحة ووزير البحث العلمي ووزير الاعلام والدنيا كلها ورغم ذلك لم يلفت نظرهم جميعا تحياتي

اسمحي لي أحييكي أولا على الأفكار الحلوة واسمحي لي اني أضيف بعض الأفكار الايجابية اللي أفادتني بشكل كبير قبل أن تتلفظ بأي شيء غير لطيف ، فكّر بالذين لا يستطيعون الكلام ..!!! وقبل أن تنتقد الطعام الذي تتذوقه ، فكر بمن ليس لديهم شيء يأكلونه ..!!! وقبل أن تنتقد زوجتك أو زوجك ، فكر بمن يتضرع إلى الله للحصول على زوج أو زوجة ..!!! وقبل أن تعترض على الحياة فكر بمن سبقك مبكراً إلى السماء ..!!! وقبل أن تشكو من طول المسافة التي تقودها بسيارتك ، فكر بمن يقطعون نفس المسافة على أقدامهم .!!! وعندما تتعب وتشكو من عملك ، فكر بمن ليس لديه وظيفة مثل وظيفتك وعاطل عن العمل ..!!! وعندما تبدأ أفكارك بإحباطك ، أرسم إبتسامة على وجهك وفكر بأنك ما زلت حياً وأشكر الله على نعمه كلها .!!!

على فكره الي بيحصل ده غلط وممكن يدخل البلد في متاهة مظلمه الله اعلم هتطلع منها ولا لاه .. بقولها للمرة المليون التغيير لا يأتي من القمه وانما من القاع .. اننا تغير كلنا هتتغير معانا بلدنا لكن يبقى الموضوع مظاهرات واحتجاجات واعتصامات وكل هدفنا بس نشيل الي في السلطه فابسط مافيها هيسيبهالكم في اول مروحيه زي ماغيره عمل ( واشربوها ) .. هنتحول لعراق تانيه والي معاه سنجه ولا سيف هو الي هيبقى له الغلبه .. الناس هتاكل بعضها في الشوارع وهتبقى حمامات دم الله وحده اعلم هتتوقف امتى .. الموضوع مش لعبه والترويج له من وجهة نظري جريمه .. لو حاولتم تطبيق التجربة التونسيه في مصر في التوقيت ده بالذات هتجروا مصر جر لطريق تحويلها دويلات اكبر من فيها اصغر من حجم تونس .. شوية تعقل .. هو احنا كنا شفنا نتيجه تجربة تونس وصلت لأيه ولا جابت نتائج ايه عشان نجري بلا تفكير نروج لتعميمها على مصر ؟؟!! انا عارفه ناس كتير هتزعل من كلامي لكن الفتنة نائمه ولعن الله من ايقظها والي بيحصل ده تهريج مش هيفيد بشيء ان مكانش هيضيع البلد بالي فيها .. ربنا يستر على مصر والمصريين ..

السبوع ّ في الليلة السادسة من الولادة .. تلك التي تسبق اليوم السابع ... يوضع في الغرفة التي تقيم فيها الأم و الطفل سلتان كبيرتان .. تحتوي كلا منهما علي الملح و القمح و البرسيم و الفول و الحلبة و العدس و الذرة ... و في بعض الأحيان تملأ احد السلتين بالخبز .. و يوضع علي إحدي السلتين غربال كبير ينام فيه الطفل طوال الليل ... و عندما تأتي القابلة في اليوم التالي و يتم غسل الطفل و الأم مثلما ذكرنا سابقآ ... توضع بعض الحبوب المأخوذة من السلتين في الغربال الذي يكون الطفل بداخله ... و بعد ذلك تبدأ القابلة في هز الغربال بتحريكه الي اليمين و الي الشمال .. ثم الي أعلي و أسفل ...و في الوقت الذي تدق فيه الأم بكوز علي حافة طشت ... بعد ذلك تعاد الحبوب الي السلة .. ثم تأخذ القابلة الطفل بين ذراعيها و تغطيه بقماش أبيض من القطن عليه بعض الحبوب المأخوذة من السلتين ... و بعد ان تطوف بالطفل كل غرف الدور الأرضي .. تخرج من المنزل و هي تنثر بعض الحبوب في كل مكان تمشي فيه مرددة عبارة "الصلاة علي النبي " مرات و مرات طوال سيرها .. و بعد ذلك يعاد الطفل الي حجرة الأم .. و تقوم القابلة بوضع الكحل في عينيه من قارورة أحضرتها معها .. مستخدمة ريشة صغيرة .. بعد ذلك تربط حول رقبة الطفل كيسآ يحتوي علي قطعة من الحبل السري و سبع حبات فول و كميات صغيرة من الحبوب الأخري الموجودة في السلتين ... و غالبآ ما يقوم الأب بنثر تلك الحبوب في الحقول حيث كانت تعد تعويذة للخصوبة و من خلالها يضمن محصولآ وفيرآ ... و تعتبر تسمية الطفل جزءآ من مراسم السبوع .. و لأختيار الأسم الذي يضمن السعادة و الحياة الطويلة للطفل كان الأبوين يفعلان ما يلي : تحضر شموع متساوية الأطوال ... و هي في العادة أربعة .. و يكتب علي كل شمعة اسم مختلف .. و تشعل الشموع كلها في وقت واحد .. و الشمعة التي تظل مشتعلة بعد انطفاء الثلاث الأخري .. يطلق الأسم الذي تحمله علي الطفل. ..و للحماية من العين الشريرة .. و بالأخص اذا كان المولود ذكرآ .. كان يتم اخفاء جنسه تمامآ و اشاعة انه انثي .. و يصل الأمر الي رشوة القابلة نفسها حتي تشيع هذا بين أهل القرية .. و للمزيد من تلك الحماية غالبآ ما يرتدي ملابس بنت لمدة عامين .. بالنسبة للأقباط .. يحصل الطفل علي مباركة اسمه عند ممارسة طقس التعميد عندما يأخذه والداه إلي الكنيسة .. و الغمر التام في الماء ثلاث مرات هو الشكل المعترف به عند الأقباط لأكمال هذا الطقس ( و مازال ) ... و هذا الطقس مسموح به في مواسم معينة من السنة .. فلا ينبغي مثلآ تعميد الطفل في فترة الصوم الكبير او اسبوع الألام ... كما ان الولد لابد ان يبلغ عمره 40 يومآ و البنت ثمانين يومآ قبل إجراء طقوس التعميد ... تلك العادة المصرية القديمة تعتبر من العادات القليلة التي مازال جميع المصريين يحرصون علي القيام بها حتي الآن مع بعض التغيرات .. فبدلآ من الكوز الصفيح و الطشت أصبحنا نستخد "الهون" النحاسي .. و الحبوب و البرسيم في الغربال .. حل محلهم الحلوي و المكسرات ... و كل أسرة تشتري للمولود إذا كان ولدا " إبريقا " و "قلة" إذا كانت بنت ... وقيام أم الطفل بالمرور فوق هذا الغربال... ّ يبقي لدي فقط فضول معرفة معني كلمة "حلاقاتك برجالاتك" تلك .. فلم أجد لها اي معني و لا أعلم متي ظهرت لأول مرة ...

في سطر واحد؟ ممكن في كلمتين وبس مودة ورحمة بكل ما تحمله الكلمتنين من معاني ﴿ و َمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ َ﴾ المودة أحس انها تحمل معاني أكبر وأكثر استقرارا من الحب الجارف اللي ممكن يتبدل أو يتغير بس أي متغيرات, لكن المودة احساس دافيء مستقر يزداد مع العشرة ويقوى بمرور الزمان الرحمة أن يشعر كل منهما بمواجع الآخر ومتاعبه ولا يبخل عليه بالكلمة الحلوة والتعاون والصادق والايثار على النفس ويكفينا قدوتنا :pbuh: في تعامله مع زوجاته "وده لوحده محتاج سطور وسطور"

هذا الموضوع أكبر و أهم من أن يوضع تحت الموضوعات الخفيفة. عند كتابتى أمارس حقى و واجبى كمواطن أشعر أننى مقصر لو تأخرت فى الكتابة أكتب و أخاطب مجموعة من خيرة مثقفى مصر أعضاء محاورات المصريين و زوار محاورات المصريين. أشعر أنى مسكون بنشر ثقافة النزاهة بنشر ثقافة النجاح و أشعر أن تفعيل ثقافة النزاهة هى الهم الأكبر للوطن و المواطن ، و أشعر أن هناك تقصيرا كبيرا فى نشر ثقافة النجاح. و أؤمن أن الكتابة هى جزء من ممارسة المواطنة ... و أكاد أجزم أن كل من قال أنه يكتب لنفسه إنما يكتب من أجل الوطن. فى مناسبات عدة شعرت أن كتابتنا هنا ليست مجرد صرخات فى وادى و لكنها تصل بصورة أو أخرى لمن يهمه الأمر ...أحيانا. فى نفس الوقت لا أشعر أنى فى خصام مع النظام و لكنى و النظام و كل المصريين فى مواجهة شرسة مع ثقافة عدم النزاهة .... لا أرى نفسى حالما و لكننى أرانى أحمل عبء المواطنة حيثما أسير ... و أرى أن ما يربطنى بالوطن شيء أكبر بكثير من العشق.