لوحة القادة

يا جماعة الناس اللى ماتت دى ضحت بنفسها عشان خاطرنا عشان نعيش مستقبل احسن عشان اولادنا عشان شيوخنا ومسنينا وعجائزنا يلاقوا دواء ليهم عشان نعيش بكرمتنا عشان نلاقى وظيقة مناسبة عشان فلوسنا متتنهبش عشان وعشان وعشان............... مش عارفين نعمل ليهم حاجة كمغتربين غير الدعاء لازم نردلهم الجميل (انا مش هعرف ارد الجميل) بس بما انى فى جدة وفيه ناس كتيرة هنا موجودة فى جدة ومكة والطايف لو كل واحد عمل عمرة لشهيد (اقل حاجة ممكن نقدمها لواحد ضخى بحياته عشانك) العمرة مش هتاخد ساعتين ونص من بيتك لحد مترجع بيتك تانى انا هبدا بنفسى باذن الله تعالى بكره الخميس او الجمعة الصبح (انا بردوا محاصر زيهم بمياه السيول والامطار ومش عارف اخرج من البيت بس مية السيول والامطار اهون من القنابل والرصاص الحى) وهدعي لكل واحد يقدريشارك يوم الجمعة (ربنا يحميهم ويوفقهم وينجحهم) هعمل عمرة لمصطفى رجب اول قتيل بالسويس 22 سنة (ربنا يرحمه) اقل حاجة ممكن اقدمها ليك يا مصطفى وربنا يرزقنا الاخلاص ويتقبل منى ________________________ الباقيين عشان اللى عايز يروح 2- سليمان صابر 3- غريب السيد عبد العزيز 44 سنة 4- المجند المتوفى (انا مش عارف اسمه) محتاجين بس 3 متطوعين وبجد يا جماعة دى اقل حاجة ردا لجميلهم علينا. واللى مش هيقدر يعمل يدعى ان ربنا يتقبل لو فيه اسماء تانية وانا مش عارفها ياريت تقولوا عليها بالتوفيق باذن الله

إبان الدعوة لهذا اليوم .. كنت شديد التحفظ .. وشديد الخوف من حدوث أعمال عنف من قبل المشاركين .. وأعمال تخريب من قبل اللصوص والذين ينتهزون مثل تلك الفرص لإحداث عمليات تخريب أتابع عن كثب منذ أمس الأحداث بالرغم من أنني في رحلة عمل بعيد عن مصر .. وعن مقر إقامتي حتى .. أشعر بفخر عظيم .. وأنا أرى هذا الكم الهائل من الشباب الذين يعبرون عن غضبهم وتمردهم نعم .. الشباب المصري .. هذا يزرع الأمل فينا .. لأن الشباب هم الغد .. هم بكره .. هم مستقبل البلد هم مستقبلنا تحية من القلب لأبناءمصر وتهنئة من القلب لمصر بأبنائها

الدنيا بتمطر جامد فى جدة ومكة يعنى وقت استجابة الدعاء وقت كل مغترب فى الاماكن دى انه يدعى ومن قلبه يدعى انه يثبت اخوانه اللى فى التحرير يدعى ان ربنا ينصرهم يدعى ان ربنا يهلك الظالمين دعى ان مصر تظل بلد امن وامان يدعى بالرحمة والمغفرة لكل الموتى امس اللهم أمين

أوجه من كل قلبي و بكل مشاعري الدعاء للمتظاهرين الذين يضحون بأنفسهم من أجلي و من أجل أطفالي دموعي تنهمر و أنا أبيت آمنة وسط أطفالي و هم يُطاردون و يُضربون و يُسحلون من أجل أن نستعيد حقوقنا المسلوبة من أجل أن نسترد آدميتنا المفقودة من أجل أن نحيا حياة آدمية لا أرى أي فرق بين ما يحدث الآن و ما كان يحدث أيام الاحتلال الانجليزي كيف يستطيع الأمن المصري أن يصفع و يضرب مصري مثله ألا يعيش رجال الأمن في مصر؟؟؟ ألا ينالهم كل ما ينال المصريين من ظلم؟؟؟ اللهم ثبتهم اللهم ثبتهم اللهم ثبتهم و لا يسعني أن أقول غير قول الحق سبحانه و تعالى: {يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ }آل عمران200 قلوبنا معكم اللهم فرج كربهم يارب و انصرهم اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك اللهم عليك بالظالمين فإنهم لا يعجزونك آآآآآآآآآآآآآآآآآآآآآآآآآمين

شعرب بنفس الاهانة و المهانة التي شعر بها العزيز محمد من هذه الرسالة السياسية "الفجة" من أبويا و أبو عيالي أبونا عبد المسيح... نعم أفهم ما يقوله العزيز سكوب من أن الكنيسة تتحدث بلغة الأم التي تخاف علي أولادها، و أن أولادها لهم عقل يفكرون به و يزنون الأمور... و لكن متي تحدثت الكنيسة في السياسة، مجبرة أو مخيرة، فهي تهين عقلي و عقيدتي و تلوث سمعتي و عليها أن تتكلم بضمير المفرد المذكر أو تسكت بدلا من ال"عك" اللي بتقوله... ما أقبله علي غيري ألتزم به قبله... مادمنا اتفقنا علي ان المجتمع العلماني الذي يفصل في الدين عن السياسة هو المخرج الوحيد لبلادنا، فما لنا نسمح لأنفسنا بغير ذلك؟ قابلت أقباط أرثوذكسيين أكثر من أن أحصيهم في حياتي تركوا الكنيسة و التحقوا بطوائف أخري بعد أن "نصحهم" الكاهن بالتصويت لذلك الحزب أو ذاك!!! متي نتعلم؟؟ و أختلف مع العزيزة أغابي (مع احترامي لرأيها) في نتيجة هذه المظاهرات أو فعالية البرادعي و حركته للتغيير... يا عزيزتي استنشقي رائحة الحرية القادمة من تونس، لماذا نخاف من بعض التخريب أو قلة الأدب أكثر مما نخاف من السرقة و الفساد و بطء التقاضي طوال أربعين عاما... يعني هتكون اد ايه الخساير، اكتر من خسايرنا في القروض المنهوبة، أكتر من خسايرنا في أرباح حديد عز، اكتر من خسايرنا في الدروس الخصوصية بعد ما تم تدمير التعليم العام... و بعدين لو حضرتك شاركتينا في الجروب بتاع "كلنا خالد سعيد"، كنت حسيتي بكم التحذيرات و التوجيهات اللي اتبعتت للشباب انه يبعد و "يوقف" أي تخريب يحصل... احنا مش شعب جاهل و لا كلنا رعاع زي ما بيحاولو يصورونا... كفايانا بقي حسابات سياسية و مين أفيد لي و مين أسوأ لي... لو كان البلا هو نصيبي فخليه يجي، حصول البلا و لا انتظاره شكرا لأبونا علي محبته و خوفه علي، بس قرايبي كلهم في مصر طلعوا المظاهره، شباب من اروع و اكثر شباب مصر ادبا و تعليما، ما حدش عرف يضحك عليهم، و يعلمهم ينمطوا ال"آخر" بفرشه واحدة ... و لا يقنعهم ان خير البلد مش خيرهم... يا عزيزتي، البرادعي ليس الاخوان، و حتي الاخوان ما يخوفوش قوي كده، احنا مش في العصور الوسطي... احنا في عالم مفتوح، و كل فعل له رد فعل، وزنك السياسي مش في الحاكم، وزنك السياسي في تعليمك و قدراتك الانتاجيه، و ده ما حدش يقدر ياخده منك اللي جاي أحسن... مهما كان تحية احترام و تبجيل للشعب المصري "كله" علي وقفته العظيمة... يارب نكمل و ما ننامش بعد اول تغيير وزاري و زيادة الدعم لرغيف العيش... احسن احنا شعب طيب زيادة

سؤال .. وياريت..جاوبونى عليه طب فاضل إيه .. راح نبكى عليه من كترالظلم .. لطمنا خدود ووصلنا خلاص .. لطريق مسدود ويا إما نعيش .. ويا إما نموت ياللى حرمتونا كمان.. م القوت طب فاضل إيه.. راح نبكى عليه طب فاضل إيه.. راح نبكى عليه دالا فيه إسكان .. ولا فيه وظايف غير بالواسطه .... وضمير تالف والناس .. بالملايين ..مظلومه بتبات.... لياليها .. مهمومه طب فاضل إيه.. راح نبكى عليه طب فاضل إيه.. راح نبكى عليه دالا فيه تريبه..ولا فيه تعليم ولا فيه إعلام .. لاكن تعتيم واللى بيحكمنا لصوص..أوغاد جعلونا عبيد .. واحنا الأسياد طب فاضل إيه.. راح نبكى عليه طب فاضل إيه.. راح نبكى عليه دا رئيس ..واهو سايق ف التخريف دى حكومه .. وعايشه ع التخويف ولإمتى حنمشى جنب الحيييييط لااازم نتحدى ( ولاد التيييت) طب فاضل إيه.. راح نبكى عليه طب فاضل إيه.. راح نبكى عليه حذرنا كتير.. واهو فاض الكيل وبجد.. غضبنا.. ملوهش مثيل راح يتفجر... وكما البركان واحترسوا.. يا رموز الطغيان يمهل .. و((لايهمل)) الرحمن يمهل .. و((لايهمل)) الرحمن طب فاضل إيه.. راح نبكى عليه طب فاضل إيه.. راح نبكى عليه

يا جماعه ارجوكم انا سمعت مداخله الجزيره بنفسى شاهد العيان بيتكلم عن حرب شوارع حقيقه و ضرب بالرصاص الحى فى السويس ما يحدث فى السويس جريمه بكل المقاييس الدوليه ارجوكم عايزيين نوصل صوره الى بيحصل للعالم اجوكم ابعثوا برسائل استغاثه لكل المنظمات الدوليه ارجوكم لازم نوصل للضمير الدولى الحرب الى بيتعرض لها اهلنا فى السويس كثفوا فى ارسال الرسائل باللغه العربيه و الانجليزيه ارسلوا مناشدات عاجله لمواقع هيومان رايت ووتش على موقعهم و على صفحتهم على الفيس بوك لازم لازم نساند اخوانا هناك بكل الوسائل الى نقدر عليها هحاول اجمع لكم روابط المنظمات الدوليه و احطها فى مداخله تانيه

ده اللى متوقع من جرايد الحزب الحاكم....منتهى النفاق وكمان بيكذبوا ..فعلا صحف صفراء اقرأوووو الخبر من جريدة الأهرام

انا بتعجبنى الغنوة دى و كنت دايما افتكرها و انا مسافرة و ابكى فى الطائرة أغنية الحدود - فرقة الأصدقاء وأحنا فايتين علي الحدود مستمرين فى الصعود أختفى النيل الجميل من تحتنا والمدن والريف وأول عمرنا وأبتدى شئ ينجرح جوه الوجود وأبتدينا أسئلة مالهاش ردود ميلنا على الشباك نخبى دمعة فرت مننا بصة من الشباك على البحر البعيد وأحنا رايحين بالآمال عالم جديد كنت فاكرة يا مصر انى تعبت منك واكتشفت انى محال استغنى عنك حتى دوشة صوت جيرانى والزحام وحشونى تانى بسمة حلوة لطفلة لسه صغيرة لما كنت أديها حته سكرة قبل ما نسيبك وحشتينا يا مصر يا أمنا كنت باتذكر .. وأنا فى غاية الأسى لعبنا الكورة فى حوش المدرسة والشقاوة وأحنا لسه صغيرين والبراءة والصحاب الطيبين لما سألتنى اللى جنبى أنت مصرى ؟ دق قلبى أسم زى السحر رفرف علي المكان زى نسمة مهفهفة بصوت الآدان أيوه مصريين لآخر كل نقطة فى دمنا شوقى زاد للعشرة والناس العزاز وابتديت أكتب وأنا فوق السحاب أبتديت يا حبيبي فى أول جواب مصر أنتى حته منى مش مجرد أسم وطنى قالوا فاضل نص ساعة على الوصول قولت أية معنى الساعات والا الفصول إلا فى الارض اللى فيها ذكرياتنا وحبنا وأبتدى شئ ينجرح جوه الوجود وأبتدينا أسئلة مالهاش ردود ميلنا على الشباك نخبى دمعة فرت مننا http://www.youtube.com/watch?v=zOGR-RsG61U

الأنظمة العربية كلها متشابهه ..., لا بوجد منها أمل ... لا تعرف معنى إدارة .. ولا تفهم لغة السياسة ... والحسم الأمني الذي يحدث في الشوارع الآن لن ينهي المشكلة ...بل سيزيدها تعقيدا .. كنت انتظر بياننا حكوميا محترما ينزل لمستوى المتظاهريين ولكن لا حياة لمن تنادي ... البيانات كلها موجهة للإدارة الأمريكية .. والشعب المصري غير موجود على قائمة الحسابات الرسمية ... هيلاري كلينتون تبرأت منكم مسبقا وحان وقت الحصاد ...

لو بإيدي كنت عديت على كل واحد من دول وبوست راسه ... لإن هما دول المصريين الحقيقيين .... هما دول اللي لا بيهمهم أكل العيش والمشي جنب الحيط وخلينا في حالنا وهما دول المجهولين اللي أسامهيم مش معروفة ولا بيسعوا إلى كُرسي او منصب او سبوبة أو حتت أرض يسقعوها هما دول المهمشين اللي بنطلع عليهم إشاعات بإنهم جيل تامر حُسني والشباب الروش اللي بيهتم فقط بالبنطلونات الساقطه والتحرش الجنسي

اللهم انصر الحق على الباطل في مصر امين اللهم احفظ مصر واهلها من كل شر وسوء قلوبنا معكم .. اصبروا

السلام عليكم و رحمة الله و بركاته اسمحلي استاذ حسام اختلف مع حضرتك علشان ده تنظير مش في محله التنظير لما يبقي فيه مظاهرات في السعودية....و نشوف ساعتها الداخلية السعودية هتتعامل معاها ازاي و نقارن مع الامن المصري....(دلوقتي ساري يجي يطب علينا و يقولنا ايه اللي حشرنا في النص) الدفاع المدني عندنا في الكوارث نفتكر خير.....مافيش بعد كده....رجاااااااااالة بس الكارثة في الداخلية طول عمرها.....هما الامن المركزي اللي يا عيني بيضربوا عمياني...و بينفذوا الاوامر عمياني....مع انهم فعلا غلااااابة و دي وجهة نظر تحياتي...لحضرتك....و للسعودية....و ربنا ينجيكم من السيول أمين مش مختلفين عننا....بس هم وصلوا لمرحلة من "غسيل الدماغ" انه خلاااااص...علم و ينفذ

مش باقي مني غير شوية ضي ف عينيا أنا هاديهوملك وامشي بصبري ف الملكوت يمكن ف نورهم تلمحي خطوة تفرق معاكي بين الحياة والموت مش باقي مني غير شوية نبض ف عروقي خُدي.. وعيشي.. وافتحي لي تابوت أفرح بريحة ورد فرعوني وربنا ف عوني إذا دخلت الجنة ولاّ النار هاشتاق إلي ضحكتك وقعدتي ف الدار والقهوة متحوجة من طيبة العطار.. ف كل يوم الصبح باشرب حليب قبطي وف النهار والمسا بامسك ستار الكعبة لو سبتي واثبت إذا هربتي أهديكي عمري وحسي وجوارحي أهديكي جرحي هو اللي باقي ف دنيتي لما خلص فرحي مش باقي مني غير شوية لحم ف كتافي بلاش يتبعتروا ف البحر بلاش يتحرقوا ف قطر الصعيد ف العيد بلاش لكلب الصيد.. تناوليهم خدي اللي باقي من الأمل فيهم وابني لي من عضمهم في كل حارة مقام وزوريني مرة وحيدة لو كل ألفين عام ألم الجراح يتلم مش باقي مني غير شوية دم متلوثين بالهم مُرين وفيهم سم كانوا زمان شربات والنكتة سكرهم شربتهم الخفافيش في قلب أوكارهم مش باقي مني غير شوية دم.. ماأقدرشي أسقيكي.. مواجعهم وبرضه ما أقدرشي أرميكي.. وأبيعهم يمكن ف مرة تعوزي تطلبيني شهيد هاحتاج يوميها الدم يمضي علي شهادتي مش باقي مني غير شوية قوة ف إرادتي علي شوية شِعر من خطي حاسبي عليهم وانتي بتخطي وانتي ف صبح الدلال بتعطري شطي.. مش باقي مني غير شوية ضي ف عينيا أنا مش عايزهم لو كنت يوم هالمحك وانتي بتوطي في معركة مافيهاش ولاطيارات ولاجيش وانتي ف طابور العيش بتبوسي إيد الزمن ينولك لقمة من حقك المشروع مش باقي مني.. غير شهقة ف نفس مقطوع.. بافتح لها سكة ما بين رئة.. وضلوع.. ما بين غبار.. ودموع.. وأنا تحت حجر «المقطم» ف الدويقة باموت أنا.. والعطش.. والجوع.. يئن تحتي التراب وانا صوتي مش مسموع.. ياحلمنا الموجوع.. من المرور ممنوع.. مستني لما يمر موكب سلاطينك.. مش باقي مني غير شوية رحمة من طينك.. علي شوية صبر من دينك.. مش باقي مني غير حبة غُنا تايهين ف الضلمة مش لاقيين حس الفواعلية.. ولا صوت مراكبي عَفي فوق المعدية.. ولا صوت بناتي العذاري في كل صبحية.. والغنوة.. أمنية «ياما نفسي أقابل حبيبي.. وانا ع الزراعية».. صوتك وصوتهم غاب.. وانا تحت حجر المقطم.. باموت لوحديّا.. الليلة راحت عيوني تطل ع البستان.. وجناين الرمان.. رجعت لي توصف عناد الغل والدخان وسحابة سودا تضلل علي الغُنا الغلبان.. رجعت لي توصف هبوب الموت علي الألوان.. رجعت لي توصف.. .. خيال الذل.. ف موائد الرحمن.. مش باقي مني غير شوية كُفر بشروقك وأنا.. منبع الايمان.. مش باقي مني.. غير شوية ضي.. وعينيا مش قادرة تلمحني.. في وحدتي محني.. خايف أموت م الخوف والضعف يفضحني.. ... السجن عشش ف قلبي وماشي ف شوارعك.. نفس اللي باعني وخدعني بالرخيص بايعك.. هاشيل حمولي انا ولا هاشيل حملك ؟! ماعدت أملك شيء.. فيكي.. ولا فيّا ولا قيراط ولا بيت.. ولا نسمة صافية تلاغي النيل بحرية.. مش باقي مني غير شوية حب جارحّني ولا باقي مني غير شوية ضي ف عينيا - جمال بخيت....مش باقي مني- الليلة التانية....محاولة استمرار الاعتصام....ميدان التحرير: 26 يناير 2011

النظام مصر على تخريب البلد زي واحد كان مأجر شقة و العقد قرب يخلص .. او بالاحرى .. خلص و اصحاب الشقة عايزين يخرجوه باع العفش .. باع البلاط و مش هاين عليه يسيبها سليمة.. بيخربها قبل ما يسيبها ربنا يحمي مصر و المصريين

http://www.youtube.com/watch?v=VPBe4d2PvXE

سموه...جنون.... سموه....حب لسه بحبها جدااااااااااااااااااا http://www.youtube.com/watch?v=RHTIKlfZ5-o بلدنا في القلوب متشالة و مهما تضيق عليها الحالة و لادنا آدها و رجالة منعرفشي الهزار قصاد كل الظروف نتحدي و نثبت تاني بعد الشدة و ده بسر الدعا و السجدة و نية الانتصار بلدنا و حبنا باقي لها و جوه عيونا بنشيلها عشانها المايلة نعدلها حلفنا بربنا علي ده سنين عاملين لها خاطر بنبعد عنها و نسافر و نرجع ليها في الاخر و برضه نحبها زيادة ساعات أيامنا تيجي علينا بتخطفنا و تلعب بينا ساعات الصدمة بتقوينا لو قدامنا مين في غمضة عين تعدي المحنة و فجأة نلاقي روحنا نجحنا و نستاهل كده أصل احنا م الاخر طيبين بلدنا و حبنا باقي لها و جوه عيونا بنشيلها عشانها المايلة نعدلها حلفنا لربنا علي ده سنين عاملين لها خاطر بنبعد عنها و نسافر و نرجع ليها في الاخر و برضه نحبها زيادة

R.N.N | شبكة رصد فيديو فى شارع 23 يوليو بوسط القاهره .. وهم متجهون الان الى التحرير http://www.youtube.com/watch?v=mhLmTrn7Nds&feature=player_embedded

بسم الله الرحمن الرحيم أحبائى فى الله والوطن هى ليست ((دعوة)) للفوضى والتدمير والتخريب .. بل هى ((إنتفاضة)) للإصلاح والتغيير والتهذيب .... و..... وقولوا معايا ... فااااااااااااااااااااض الكيل ... بعزم ما فيكم ... فاااااااااااااااااض الكيل .. صرخه قويه .... فاااااااااااااااااض الكيل .. ومدويه ..... فاااااااااااااااض الكيل فاض الكيل.. يا حكومه يا ظالمه.. فاض الكيل فااااااااااااااااااااض الكييييييييييييييييييل يعنى.. بجد.. الصبر عليكو ...معدش جميل فااااااااااااااااااااض الكييييييييييييييييييل يعنى وعودكوا خلاص مبقتش علينا تخيل فااااااااااااااااااااض الكييييييييييييييييييل أيوه زهقنا... من التلفيق ...ومن التكبيل فااااااااااااااااااااض الكييييييييييييييييييل أيوه شبعنا ...من التعذيب ...ومن التنكيل فااااااااااااااااااااض الكييييييييييييييييييل إللى يعارض..دا ف قانونكوا..شخص عميل فااااااااااااااااااااض الكييييييييييييييييييل واللى ينافق..دا ف نظركوا ..وطنى أصيل فااااااااااااااااااااض الكييييييييييييييييييل فاض الكيل... يا حكومه يا ظالمه ...فاض الكيل فااااااااااااااااااااض الكييييييييييييييييييل عيشتونا.. ف غم ..وحزن.. وفقر... وويل فااااااااااااااااااااض الكييييييييييييييييييل شيلتونا... همووووووم الدنيا.. وحمل تقيل فااااااااااااااااااااض الكييييييييييييييييييل شفنا معاكوا ..ف عز الضهر ..نجوم الليل فااااااااااااااااااااض الكييييييييييييييييييل شفنا فساد وكساد ومصايب مالها مثيل فااااااااااااااااااااض الكييييييييييييييييييل جعنا.. عطشنا ..واحنا ف أرضنا نهر النيل فااااااااااااااااااااض الكييييييييييييييييييل فاض الكيل... يا حكومه يا ظالمه ..فاض الكيل فااااااااااااااااااااض الكييييييييييييييييييل أنتو نزعتو... الفرحه ...زرعتوا ..صراخ وعويل فااااااااااااااااااااض الكييييييييييييييييييل انتو جعلتوا.. الشعب الحر... ف بلده ذليل فااااااااااااااااااااض الكييييييييييييييييييل إنتم فى التزوير... والكدب ...تاريخكوا طويل فااااااااااااااااااااض الكييييييييييييييييييل انتم بعتوا ...وطنا الغالى... بسعر قليل فااااااااااااااااااااض الكييييييييييييييييييل مهما تحاولوا..... عن إضرابنا.. مافى بديل مهما نضحى ..... عن إضرابنا.. مافى بديل مهما حيحصل .. عن اضرابنا .. مافى بديل فااااااااااااااااااااض الكييييييييييييييييييل فااااااااااااااااااااض الكييييييييييييييييييل فااااااااااااااااااااض الكييييييييييييييييييل فاض الكيل يا حكومه يا ظالمه فاض الكيل فااااااااااااااااااااض الكييييييييييييييييييل التونسى ((أحد أعضاء الجناح ((الشعرى)) لإضراب 4 مايو وتوابعه ..ومقره الفضاء الالكترونى)) شكر خاص للاستاذ لييدوووو على الصوره المعبره والتى تتصدر القصيده

المصري لما بيقوم مافيش حاجة هاتوقفة شوفوا الشاب ده 1 ضد 20-30 عسكري امن

عاشت مصر حرة مستقلة ايها المصريون الشرفاء ..عليكم ان تسألوا اهلكم ان ينزلوا للشوارع ..المصريين نساء وشباب يتم قتلهم بالرصاص الحي ماذا تنتظرون ؟ لقد اعلنها المجرم مبارك سوف يسكت اصوات الشرفاء بالقتل ؟ اعراض النساء تنتهك في الشوارع الاعلام القذر يكذب علي المصريين شاركوا في استرداد مصر من الخونة واللصوص

إمبارح في برنامج 90 دقيقة كان من ضمن الضيوف الكاتب المحترم " سعد هجرس " الراجل إتكلم عن سبب واحد من مليون سبب لغضب الناس ... بيقول لك إن الحكومة باعت شركة واحده إسمها شركة " المعدات التليفونية " كان صافي ربحها السنوي هو 30 مليون جنيه ... باعتها لمستثمر أردني بملبغ 81 مليون جنيه .. وبعدها بأيام الحكومة وقعت معاه عقد لتوريد معدات تليفونيه وغيرها للشركة المصرية للإتصالات بمبلغ 1.2 مليار جنيه .. أقسم بالله ده لو حاكم كافر ما كان عمل فينا كده .. والتاريخ سيكتب بحبر أسود ما فعله هذا الديكتاتور في مصر طوال 30 سنة من بيع لثروات البلد بأبخس الأثمان عشان كرشه يتملي هو وولاده وياخدوا عمولات ، وكفايه ما فعله في مصانع الأسمنت والحديد والأراضي ... طريق مصر إسكندرية لوحده بالأرقام الدولة خسرت فيه 200 مليار جنيه ... هل هذا يرضي أبو جهل لو كان عايش ؟ ومش عاوزين الشعب يثور ويحرقهم بجاز ؟ اليوم صدر أمر إعتقال دولي للإنتربول في حق الديكتاتور زين العابدين بن علي وعائلته .. وغداً سيلحق به مبارك بإذن الله

أخيرا النت رجع عندي منذ الأمس هناك وعي عظيم في الشعب المصري راهنت علية في هذا الموضوع المصريون في وحدة عظيمة لم يشهد مثلها التاريخ الحديث سعيد وأنا أرى المسلم والمسيحي وهمهم واحد والصحفيون والمحامون والفنانون وكل طوائف الشعب وكان لا خير فينا إن لم نقلها ولا خير فيهم إن لم يسمعوها بعيد عن الفتاوى وبعيدا عن كل رجال الدين ومصالحهم وبعيدا عن كل شيء سيجنى المصريون الثمار عما قريب غير المصريون ما بأنفسهم ويرجون الله أن يغير ما بهم

اسمها ARRAI وترددها 11316 v شوفى قناة الرأى على النايل سات يا مدام ضحى ياريت بعد اذنك اسم القناه بالانجليزي زي ماهو ظاهر عندك على شاشة التلفزيون لما بتقلب بالريموت عشان اعمل عليها سيرش عندي .. اسمها ARRAI وترددها 11316 v

لايهم الاشخاص المهم الدستور والقوانيين والنظام الديمقراطي في الدول الديمقراطية عندما يأتي رئيس ويكون سئ فإن هناك فرصة لاستبداله في غضون 4-5 سنوات بالاضافة انه لاسلطة بدون محاسبة فتكون فرصة افسادة قليله في الدول الديكتاتورية ان جاء رئيس سئ يظل جالس 30-40 سنة حتي يدمر البلد نهائياً وطبعاً لايوجد اي محاسبة مما يعطية الفرصة لنشر شبكة فساده واتباعة في كل اركان الدولة حتي يصبح كالسرطان الذي اما ينجح في اقتلاعة الشعب بخسائر كبيرة واما يظل ينهش في جسم هذه الدولة ويتغلغل فيها حتي تصبح الرشوة هي الطبيعي والنفاق هو المبدأ

مش مقتنع يا لماضة (مع احترامى للادمن بتاع خالد سعيد) الرسالة دى مبعوتة من يوم 20 يناير يعنى قبل يوم الخميس اللى فات كانت فرصة كويسة لاصحاب الاموال دى يحولوها لسويسرا وكانت تبقى بالدولار الامريكى ايه اللى يخليهم يسحبوها بالجنيه المصرى (عشان اكيد مفيش ارصدة دولار كافية بالبنوك) (الجنيه متوقع انه ينزل سعره كتير) وكمان فى مخاطرة عليهم انها تتسرق منهم لو معرفوش يحموها غير كدة لو حبوا يهربوا بيها بره البلد نقلها صعب لو فعلا كانوا ناس تقال زى مبيقول كانوا حولوها لسويسرا (وده اللى انا افهمه فى الحالات دى) والله اعلى واعلم ________ بس بقيت اخاف من الشائعات والقصص من غير مستندات السلام عليكم و رحمة الله و بركاته مع حضرتك استاذ حسام عارف انا قعدت فترة مبخشش علي جروب كلنا خالد سعيد و خصوصا بعد ما ابتدت علامات الاستفهام عن الادمن بتاعه بس خلينا اقولك قناعتي الشخصية اللي بيحصل دلوقتي...هو انك لازم تعرف و تحلل...و تلاقي الحقيقة بنفسك..(اللي تقنع مبادئك و تخاطب عقلك) و لو تاخد بالك انا لما حطيت النقل معلقتش عليه....لان احنا في مرحلة الطرح كما هو...و بنحط علامات حمر و علامات استفهام و ده هيخلينا في تحدي ان احنا نحاول نفلتر و نفكر في كل ما يطرح علينا احنا هنا بنحط ما يرد الينا من مواقع مختلفة.... لا القصد التهويل... و لا القصد التعبئة في اتجاه معين لكن القصد هو ان احنا نقف علي الحقايق.....اللي لسه بنسال نفسنا فين الحقيقة اصلا؟؟؟ بس لازم نعرف ع فكرة....دلوقتي الفيس بوك اتحجب في مصر....!!!!! الخبر...منقول طبعا

حتى في عز الازمة المصري دمه خفيف

وجهة نظر مصرية موجودة بيننا زوجتي عمالة تحمد ربنا من أمبارح إني مش موجود في مصر الأن والحمد لله إن الفرق بين اللي بيحصل وبين تواجدي في مصر كان إسبوع وإلا كنت إتاخدت في الرجلين وكان هايبقى لنا مين ؟ وكان ردي : ودول اللي شايفينهم هايبقى لهم مين ؟ واللي ماتوا عشاننا أمبارح هايبقى لهم مين ؟ واللي أستشهدوا في حرب أكتوبر عشان يحرروا أرضنا .. كان باقي لهم مين ؟ أيوه الفكر ده موجود وناس كتير بتفتكر إن التظاهرات والثورة والحاجات دي لها ناسها ... اما إحنا اللي مش ناسها فلازم نتفرج من بعيد ونشوف هايحصل إيه .. يا عم دي ناس فاضية .... ومش بتحمل هم رغيف العيش ولا حاسه بمشاكلنا ..... عفواً هو ليس إتهاماً لأحد ... لكن ................... مش هاكمل

اللى فى الشغل او مش عارف يشوف تليفزيون يتفرج هنا http://www.bbc.co.uk/arabic/tvandradio/2009/06/090629_tv_livestreaming.shtml

انا كمان ملاحظة كده تابعوا على جرنالجي الفيس بوك

مالجديد والمفاجئ ؟!! الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟ الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر ثروة واصبحت موجودة باكثر مما كانوا يتمنون وحكومة حسني مبارك اعلنت بكل فخر اكثر من مرة ان المسيحيين يملكون 40% واكثر من ثروة مصر الذي يتظاهر هو من يعاني البطالة والفقر اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة في عصر حسني مبارك فستنتهي ايضاً بانتهاؤة في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر هم مع الدولة المدنية لمصلحتهم فقط اما لو تعارضت مع مصالحهم فدولة الكنيسة اهم استاذ قادم قريبا يا ريت حضرتك تفتح موضوع خاص بالموضوع داه وتوضحلنا الخراب والفقر المدقع الذي ينتظر الأقباط بعد زوال نظام مبارك بما انهم لا يستحقون ما حصلوا عليه في عهده كما وضحت جليا في مداخلتك... استاذ الترجمان لم اقل ان الاقباط ينتظرهم فقر او غني فالارزاق بيد الله وليست بيد بشر ماقلتة تحديداً ان المسيحيين يعرفون جيداً انهم حصلوا علي الكثير في عهد مبارك بعضة من حقهم والكثير ليس من حقهم وان نظام مبارك الضعيف والمهلهل هو فرصة سانحة لهم لابتزازه لاقصي درجة ممكنة والحصول منه علي مكاسب طائفية بصراحة المعادلة هي كالتالي مصر قوية = اقليات ضعيفة مصر ضعيفة = اقليات قوية تنازع الدولة في سلطاتها لذلك فبقاء نظام مبارك هو اولوية قصوي لدي كل الكنائس (ارثذوكسية او كاثوليكية او بروتستانتية) http://www.almasryalyoum.com/news/%D8%A7%D9%84%D9%83%D9%86%D8%A7%D8%A6%D8%B3-%D8%A7%D9%84%D9%85%D8%B3%D9%8A%D8%AD%D9%8A%D8%A9-%D8%A7%D9%84%D8%AB%D9%84%D8%A7%D8%AB-%D8%AA%D8%B1%D9%81%D8%B6-%D9%85%D8%B8%D8%A7%D9%87%D8%B1%D8%A7%D8%AA-25-%D9%8A%D9%86%D8%A7%D9%8A%D8%B1-%D9%88%D8%AA%D8%B7%D8%A7%D9%84%D8%A8-%D8%A7%D9%84%D8%A3%D9%82%D8%A8%D8%A7%D8%B7-%D8%A8%D8%B9%D8%AF%D9%85-%D8%A7%D9%84%D9%85%D8%B4%D8%A7%D8%B1%D9%83%D8%A9 لو فى كلامك شبهة صحه مكانش المسيحين نزلوا يوم الغضب سامعنى المسيحين نزلوا عشان بردوه فة عهد مبارك اعلى نسبة ضحايا مسيحين طوابير العيش مابتفرقش بين مسلم ومسيحى

الى كل اخواننا الثوار في لمظاهرات استخدمو الاسبراي الاسود او البويا لتغطية زجاج السيارات المصفحة لتشلو حركتها وسيلة بسيطة وغير صعبة ونتيجتها أن شاء اللة مبهرة الله أكبر عاشت مصر

رب إنا مغلوبون فأنتصر

الحياة...يعني....مصريين معتصمين...دلوقتي في ميدان التحرير...معتصمين....علشانا كلنا إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر ... وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر فَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر إذَا مَا طَمَحْـتُ إلِـى غَـايَةٍ رَكِبْتُ الْمُنَى وَنَسِيتُ الحَذَر وَلَمْ أَتَجَنَّبْ وُعُـورَ الشِّعَـابِ وَلا كُبَّـةَ اللَّهَـبِ المُسْتَعِـر وَمَنْ لا يُحِبّ صُعُودَ الجِبَـالِ يَعِشْ أَبَدَ الدَّهْرِ بَيْنَ الحُفَـر فَعَجَّتْ بِقَلْبِي دِمَاءُ الشَّبَـابِ وَضَجَّتْ بِصَدْرِي رِيَاحٌ أُخَر وَقَالَتْ لِيَ الأَرْضُ - لَمَّا سَأَلْتُ : " أَيَـا أُمُّ هَلْ تَكْرَهِينَ البَشَر؟" "أُبَارِكُ في النَّاسِ أَهْلَ الطُّمُوحِ وَمَنْ يَسْتَلِـذُّ رُكُوبَ الخَطَـر وأَلْعَنُ مَنْ لا يُمَاشِي الزَّمَـانَ وَيَقْنَعُ بِالعَيْـشِ عَيْشِ الحَجَر

حتى لاينحرف الموضوع عن مساره وعن الغرض من فتحه أولا أنا قلت: وقلت: وقلت: وقصدت من ذلك أن أقول أن الموضوع ليس لمناقشة التظاهر من عدمه ، وقصدت أن أقول أن تدخل رجال الدين فى الأمور السياسية وفى توجيه أتباعهم ( دينيا) أمر مرفوض. وبالمناسبة أقول أن الإخوان المسلمين هم مجرد جماعة سياسية تحمل إسم أحد الإديان ( الإسلام ) ولكنها لاتمثل الاسلام ولا المسلمين ، وكذلك شيوخ السلفية والصوفية فهم لايمثلون المسلمين ولايأخذ برأيهم إلا أتباعهم ، حتى رجال الأزهر والمفتى وشيخ الأزهر عندما اعلنوا بشكل علنى تأييدهم للنظام وللرئيس مبارك فقد هاجمناهم لانهم أستغلوا مناصبهم الدينية فى حث الناس سياسيا لتوجه سياسى معين ، وهذا هو ما أرفضه بالنسبة لرجال الكنيسة بالضبط. لانريد أن تستغل الجماهير دينيا لتوجيهها سياسيا. لو كان القمص عبد المسيح بسيط قد قال أنا أرفض أن أشترك فى المظاهرات لقبلنا رأيه لانه رأى قطاع كبير من المصريين وأنا منهم ، ولكن للأسف لم يقل ذلك بل دعا المسيحيين الى الجلوس فى المنازل وعدم مشاركة إخوانهم المسلمون. ليته دعا عموم المصريين لعدم المشاركة فى التظاهر ، كنت أول من سيصفق له ، ولكنه للأسف دعا إلى زيادة إنعزال المسيحيين عن مجتمعهم. تخيلوا لو نجح الثائرون فى اقصاء الحكومة ونجحوا فى تحقيق التغيير الذى ننشده جميعا ، ماذا سيكون موقفه وقتها؟

الحياة كل يوم بداية جديدة

جزاكم الله خيرا نفسي أفهم حاجة المصريين مستعجلين على ايه؟ اسلوب السواقة العصبي و الل عايز يوفر دقايق و يستغل كل فرصة متاحة و في سبيل ده مش مهم اكسر على ناس تانيين او اعطلهم او اخبطهم حتى .. ليه .. الدقايق دي هتفرق معاهم ايه؟ الحاججة التانية هيا حياتهم بقت رخيصة عليهم اوي كده؟؟؟؟؟ المشاة اللي بيعدوا الدايري بالليل في الضلمة وسط الصواريخ اللي معدية .. مش خافين على نفسهم؟؟؟؟ و اللي بيمشي عكس السير و طافي نوره .. مش خايف على نفسه؟؟؟ أنا بأيد موضوع ثورة تصحيح المرور و ادخال التكنولوجيا و عارفين لو حد حاول ينفذ الكلام ده .. هيطلعله مليون واحدبيقول .. و اللي معاهم الرخصة ذنبهم ايه .. دول بيجروا على أيتام و هيطلع اللي يشكك في نوايا القائمين على الموضوع و المستفيدين من الفساد .. طبعا حملة شعواء لازم حزم .. و حسم

كلمتين لبلال فضل عايزة أضيف بس و أين سيذهب الساكتون عن الحق الخانعون المشاركون في الفساد بادعاء العجز ممكن أكون مش متفقة اوي مع مظاهرات 25 يناير ممكن اكون مش موافقة على التوقيت و الإعداد ممكن أكون عايزة أضيف مطالب شايفاها أهم بس نفسي تخرج بشكل محترم .. بيقول عندنا وعي و مش هنخاف و لا نسكت بعد كده تبقى بداية لأن الناس توحد مطالبها بدل الاعتصامات و المظاهرات ذات المطالب الفئوية المحدودة بداية لمجتمع بيضغط من أجل التغيير للأفضل يا رب يا رب يا رب

السلام عليكم ورحمة الله وبركاته تحيه طيبه وبعد بتجول فى المواقع اللى مشترك فيها واللى اغلب المشتركين فيها من المغتربين ولقيت الاغلبيه بتدعوا الى ثوره زى اللى حصلت فى تونس والكل بيسخن الناس لكى تقوم بالثوره ولقيت ايضاً كلام ان مصر مفيهاش رجاله وان الرجاله بس فى تونس وان مصر فيها وفيها وفيها ....................الخ واللى بجد خلانى اشد فى شعرى ده ايام ما كان عندى شعر يعنى ان الناس دى كلها بره مصر اساسا وفيه منهم اللى اخد قرار بعدم الرجوع الى مصر الا اذا تحسنت الظروف يعنى خلاص شاف له حل تانى او حل انانى لمشاكل البلد انا طبعا مش بشكك فى وظنيتهم ولا اقدر انى اشكك فى وظنية اى انسان ولكن يا جماعه ليه عاوزين كل حاجه تيجى بالساهل ليه غيرنا اللى يضحوا علشان احنا نعيش انا شخصياً مقدرش اؤيد قيام اى ثوره فى مصر الا لما اكون فى مصر وبين الشعب غير كده مقدرش اقول كلمه غير انى انتقد تصرفات الحكومه واوعى الناس بيها لكن ادعوا الى ثوره وانقلاب وانا فى الخليج او فى اوربا او فى امريكا او ..........الخ يبقى منتهى الانانيه وخصوصا ان اى انقلاب او ثوره لابد له من ضحايا ليه اطلب من غيرى انه يضحى بحياته علشان خاطرى وانا بعيد قاعد فى التكيف وحياتى تمام اخر حاجه الى كل من يدعوا الى انقلاب اتفضل حضرتك انزل مصر وشارك فى الانقلاب غير كده يبقى ياريت حضرتك تسمعنا سكوتك تحياتى عنبو

السلام عليكم اشكر كل من ساهم بهذا الموضوع الاكثر من رائع ولكم هذه البيانات الخاصة بي تاريخ التقديم 17 من نوفمبر 2006 تاريخ فايل نمبر 9 من مايو 2006 تاريخ المقابلة 30 أكتوبر 2008 في سفارة القاهرة استلام الcsq في 17 من نوفمبير 2008 تقديم فيدرال في 4 من ديسمبر 2008 واستلم رقم الملف في نفس اليوم دخول الملف فى البحث يوم 14 ديسمبر 2008 ومازلنا فى فترة الانظار الي الميدكال والله الموفق للجميع ولنا وبسؤال المكتب باستمرار يقولون على شهر يوليو 2009 ياتى الميديكال والله اعلم وانا معكم حتى الوصول الي اي جديد في الموضوع نسأل الله ان يوفقنا جميعا لما فيه الخير

يا مدام ضحي يشهد الله اني بحترمك جدا جدا وبحب اقرا دايما مشاركاتك بس المرة دي واضح لكنة السخرية اللي تقريبا لا في وقتها ولا محلها اكيد غالبا كلامك بيقول مفيش حاجة بتحصل اومال كل الفيديوهات والصور دي منين والناس اللي لسه بتتوافد علي ميدان التحرير حتي لو محصلش حاجة والناس خرجت وطلعت الغضب اللي في صدرها كفاية اوي ان الرسالة تكون وصلت والفترة اللي جاية مين عارف يمكن ربنا يكرمنا والاوضاع تكون احسن لا ياسيدي الفاضل والله مابسخر انا بقول الحقيقة زي ماشيفاها بالظبط من قلب الحدث .. من ناحية ان العدد كبير ايوه الي شاف قالي العدد كبير وسمعت الصوت صوت ناس كتير بس برضه دي مش اول مرة عندي تصوير لمظاهرة تانيه حضرتها قبل كده وصورتها وكان العدد كبير جدا وسادد الشارع كله والامن حاصرهم وكل حاجه والناس روحت بعدها .. يعني من ناحية العدد فزي كل مرة .. ده بالنسبة لطنطا .. اما بالنسبة للمحلة فزي ماقلت فعلا مشفتش حاجه بس كنت امينة في نقلي وذكرت اني مش ساكنة في الشارع الي قالوا هيبقى فيه التجمع وفي نفس الوقت مخرجتش النهرده .. بس ده الي حصل من ناحية ان في مظاهرات في ميدان التحرير وتجمهر فانا متاكده من ده واكيد الصور مبتكدبش .. لكن بقية المدن المصرية والشوارع ده الي سألت المصريين الي عايشين في مصر عنه .. هل انتم زيي مش حاسين بحاجه غير من التلفزيون ولا عندكم مظاهرات زي الي في ميدان التحرير ؟؟ مش عارفه ليه مش شايفه مشاركه واحده من الصبح بتقول حاجه حية من الشارع .. كله بينقل من مواقع النت والاخبار .. هو المصريين كلهم هاجروا ولا ايه ؟؟ يجوز لسه مرجعوش من المظاهرات وانا لوحدي الي قاعده على النت ( ايوه دلوقت تقدر تعتبرني بتريق ) ..

استاذي الفاضل صدقني انا اكثر منك احباطا ولكن هناك امور اجتماعية داخلية واقعية وغيرها خارجية يجب ان يتداركها او يعقلها كل ذي بصيرة والله اعلم فهل حدث تغير في تونس ؟ !فلو جاز القول بحدوث تغير فما هو هذا التغير الذي تنشده ؟ أهي العلمانية والديمقراطية الامريكية ؟ ! أم هي الإسلامية والشريعة الربانية ؟ ! على هذا الاساس نبدأ باستحضار بعضا من تفسير الواقع ثم التفكر بل والمقارنة بالمرجعية التي وضعها الله عز وجل بحكم إسلامنا هل هذه التظاهرات في سبيل إعلاء كلمة الله أم في سبيل إعلاء دين الديمقراطية او ما شابه وكلا له توجهاته هنا تكمن فعالية هذه المظاهرات وأهدافها بالتأكيد هي ليست إلا في سبيل دين الديمقراطية الذي ما انزل الله به من سلطان مبدئيا هذه التظاهرات لا يتعد مشاركيها بضعة آلاف ولو قلنا في اسوء الظروف هم مليون شخص .. هناك 79 مليون مصري آخر لم يشارك ولن يشارك في هذه الخزعبلات واعذرني على وصفها بالخزعبلات ولكنها وجهة نظري التي كما قلت سلفا لا ولن تسمن او تغني من جوع فقط من باب الفضفضة عن النفس والله اعلم

مداخله للفاضل ابو طالب في موضوع 25 يناير موعد المصريين متفقة مع الفاضل ابو طالب في وجهة نظره وبحييه على طرحه المميز ومستغربة وبقوة من كم التقييمات السلبية الي حصل عليها على المداخله شديده الاهمية دي .. ولسان حالهم يقول بلاش احباط .. وكأن الي مقتنع بالمظاهره فعلا وله مطالب محدده وعارف مابعد المظاهرات هيكون فيه ايه ممكن يتأثر بكلام على النت ويثنيه عن الخروج .. مش هيحبط غير واحد بس خارج عشان يساير الموجه ويبقى مع القطيع . . شويه انصاف وشويه تفكير .. مش مطلب كبير ..

مظاهرات ملهاش اي معنى ولا مغزى ولا هدف ولا هتعمل اي تأثير اولا هذا المدعو ايمن نور من يظن نفسه هذا العلماني المتأمرك ؟ رد السجون الذي يتحدث وكأنه زعيم سياسي وامراءته التي على ما اعتقد قد فقدت عقلها وبعلها فتجدها تمشي في الساحات والباحات والشوارع والميادين تتحدث عن تغير ؟ ! اي تغير هذا الذي تتحدث عنه هذه المرأة، هذه المرأة التي ليس لها بعل يحكم تصرفاتها تريد علمانية على نظام المدعو ايمن تريدها علمانية سفلية دونية لا دينية لا فرق بين مسلم وكافر ولا فرق بين راقصات وعاهرات وعلماء دين هذه هي علمانية المتأمرك ايمن نور يريد تطبيق شريعة ودين العلمانية من وجهة نظري التي لا ولن تسمن أو تغني من جوع هذه المظهرات لن تغير شيئا بكل بساطة هذا النظام هو نظام عسكري بحت وكل رؤساء مصر قد جاءوا وحكموا من الجيش وعليه فإن الجيش هو المتعهد بحفظ استمرارية هذا النظام وكل السيناريوهات موضوعة للحفاظ على هذا النظام سواء جاء عن طريق مبارك او غير مبارك فالأمر برمته لا يعتد به الجيش أو بالأحرى هذا النظام مع التأكيد بأن هناك خطط وسيناريوهات موضوعة سواء لعزل مبارك وتعين غيره من الجيش ايضا أو للحفاظ على الامن وهذا من الصعب حدوثة ولو حدث ونزل الجيش إلى المدن ستكون طامة كبرى ولا حول ولا قوة إلا بالله وسيراق فيها دماء كثيرين ولن يتخلى الجيش عن السلطة مهما حدث وللعلم بالشي أن امريكا ومن وراءها لا تريد إلا الحكم العسكري لمصر مصر ليست تونس وجيش مصر ليس كجيش تونس والله اعلم والسلام ختام

http://3ayezjob.blogspot.com/2011/01/2011.html السؤال الذي يطرح نفسه: لماذا يتجمهر عشرون ألفا في ميدان التحرير للمطالبة بحل البرلمان وسقوط الرئيس مبارك وحكومة جديدة، وليس المطالبة بمثلا بحظر التدخين أو الحد من حوادث الطرق؟ أكتب هذه التدوينة مع بزوغ شمس الأربعاء اليوم التالي للخامس والعشرين من يناير (25يناير) يوم عيد الشرطة في مصر والذي شهد مظاهرات كثيفة في ميدان التحرير وصفحات الفيسبوك. لنعتبر المتظاهرين (عشرون ألفا) وجموع المواطنين (ثمانون مليونا) على أنهم زبائن للشركة أو Clients or Customers ولنعتبر الدولة المصرية هي المؤسسة Organization بينما الموظفون هم رئيس الجمهورية والحكومة بوزاراتها وهيئاتها كمان أنا سأعتبر الصحافة والإعلام والجمعيات الخيرية ضمن Stakeholders إن ما يحصل في ميدان التحرير هو تظاهر عملاء (بمعنى زبائن أو كستمرز وليس بمعنى جواسيس) غير راضين عن أداء موظفي هذه الشركة Unsatisfied Customers السؤال الذي يطرح نفسه: لماذا المطالبات بحل البرلمان وسقوط الرئيس مبارك وحكومة جديدة، وليس المطالبة بمثلا بحظر التدخين أو الحد من حوادث الطرق؟ إذا كنت لا تعلم، فإنه وطبقا للجهاز المركزي للإحصاء في2010م فإن ستة بالمائة من دخل الأسر المصرية يذهب للتدخين وأن خمس الشعب المصري يدخنون ويكلفون الميزانية الصحية والصناعية ثلاثة مليارات جنيه، وهذا المبلغ لا يشمل ثمن السجائر نفسها حيث يدخن المصريون 60مليار سيجارة سنويا (الشرقية للدخان وحدها تبيع بثمانية مليارات جنيه سنويا). لاحظ أن التدخين يتضرر منه كافة أطراف المجتمع (الزوج(ة)، الجيران، زملاء العمل، المدخن نفسه، حرائق المصانع، إلخ)، ورغم ذلك لم يتظاهر أحد ولم يعتصم أحد، ولا حتى وزير الصحة أو الشباب الجميل الذي رأيناه على شاشات التلفزيون رغم اختلافي على الأقل مع وجهة نظرهم. إذا كنت لا تعلم أيضا، فإن حوادث الطرق في مصر تسبب أربعة مليارات من الجنيهات خسائر للاقتصاد القومي ونحو سبعة آلاف قتيل سنويا وأكثر من35ألف جريح سنويا، وقبل أن تسارع إلى اتهام وزارة النقل أو هيئة الطرق فإن السبب الرئيس لهذه الحوادث هو الأخطاء البشرية من سائقي المركبات كالسرعة. لكم أن تتخيلوا أن القيادة الآمنة توفر لخزينة الدولة أربعة مليارات سنويا بينما الامتناع عن التدخين يوفر لخزينة الدولة أحد عشر مليار جنيه سنويا، وتخيلوا فقط ما ينفق على السجائر حين يتم ضخه (ثمانية مليارات سنويا) في عجلة الاقتصاد القومي عبر مشاريع تنموية ومشتريات محلية تساهم في توفير عشرات الآلاف من الفرص الوظيفية التي ستكفي لتوظيف العاملين المسرحين من قطاع توزيع وصناعة السجائر، بل وتكفي كل متظاهري ميدان التحرير وأقاربهم وجيرانهم كمان. مرة أخرى: السؤال الذي يطرح نفسه: لماذا المطالبات بحل البرلمان وسقوط الرئيس مبارك وحكومة جديدة، وليس المطالبة بمثلا بحظر التدخين أو الحد من حوادث الطرق؟ الإجابة هي: فتش عن الإعلام. لقد ساق الإعلام الجماهير في اتجاهين، أحدهما يجري التأسيس له منذ تمويل الإدارة الأمريكية لبعض الحركات الاحتجاجية ومنظمات المجتمع المدني في منطقتنا (ليس طبعا من أجل سواد عيوننا والدليل هنا)، وهو اتجاه يغذي فكرة أنّ حل كل المشكلات هو ببساطة في تغيير الدستور، وتغيير الرئيس، وحل البرلمان وعزل وزير الداخلية. طبعا ليس بالضرورة أن من يتبنى هذا الاتجاه هو ممول أمريكيا وهذا شيء بديهي. الاتجاه الثاني هو تونس، ففي تغطية أحداث تونس، كانت النغمة السائدة عبر وسائل الإعلام هي أن الشعب أراد الحياة وأن الشعب إيجابي، وأن الشعب التونسيّ غير بيده نظام الحكم، وهو قول في رأيي مضلل -قد أكون مخطئا بطبيعة الحال في هذا التحليل- لأن هذه ليست أول حادثة انتحار أو حرق في تونس، ولو تخيلنا شابا في تونس أحرق نفسه، فالسؤال الذي لا يسأله أحد: كيف يصل خبره إلى جماهير الشعب، ثم إذا وصل خبره فكيف يتسنى لهذه الجماهير أن تتوافق هكذا على النزول للشارع في ظل نظام كان يحظر مواقع التواصل الاجتماعي ويفرض رقابة إعلامية وأمنية صارمة؟! لقد نتج عن الاتجاهين حالة نفسية كانت واضحة لدى العديد من مستخدمي الفيسبوك ثم أكثر وضوحا على وجوه متظاهري ميدان التحرير وانفعالاتهم أثناء الهتاف أو حتى الحديث إلى وسائل الإعلام. وهو ما يوضح إلى أي مدى يمكن أن يلعب الإعلام دورا في توجيه ما أسميه الحراك الجَمْعي للجماهير إلى اتجاهات ضيقة عبر تصدر شخصيات ما للمشهد مثلا وتصويرها بأنها المعبرة عن لسان حال جموع المتظاهرين. لا أخفي احترامي لكل من تظاهروا أمس، أو تعاطفي مع مشاعرهم ومشكلاتهم (التي لا ينكر وجودها إلا جاحد)، رغم أنّ أحدا منهم لا أتصور أنه يملك آلية واقعية لما هي الخطوة التالية، لكنني أعتقد أنّهم لو فكروا قليلا فيما كان يمكن حدوثه لولا ستر الـله (بما في ذلك أخبار لبنان) ثم ديناميكية منظومة الأمن في الدولة المصرية، لولا هذا لكنا الآن أمام سيناريو بشع يتمثل في فوضى لا متناهية وخلافات دموية حتى بين المتظاهرين على تسمية "الحكومة الائتلافية" المزعومة. الطامة الكبرى هي أن تتواجد بين هذه الجماهير جهة أو كيان لديه أجندة خاصة وتصور ما للخطوة التالية (أي بعد تنازل الرئيس مبارك، ... إلخ)، ففي هذه الحالة فلنفترض حدوث انتقال سلمي سلس للسلطة، الأدهى والأمرّ هو أن هذا سيعد تكريسا وتقنينا لسياسة اللجوء للشارع في دولة بحجم مصر، وبالتالي سنجد أنفسنا أمام أبشع واقع سياسي على الإطلاق: أحزاب وجهات متعددة تتصارع على جماهير ميدان التحرير، وعلى كاميرات ميدان التحرير، وعلى التواجد في ميدان التحرير، وبالتالي يصبح أسهل وأخطر حل هو أنه كلما حدث خلاف سياسي، أو حتى كلما جدّ طلب لفصيل مهني (نقابة المحامين مثلا) فيكون ميدان التحرير هو الحل، ولا تخفى على عاقل أخطار مثل هذه السيادة للشارع (الذي يظل شارعا في نهاية المطاف). لمزيد من الاطلاع عن دور الإعلام، يمكن البحث عن مصطلح Mediacracy فضلا عن ملاحظة أنّ أسانج صاحب موقع ويكيليكس حين أراد أن يهدد من يحاولون تسليمه للولايات المتحدة، اختار أن يهدد بالإفراج عن وثائق ليست للبيت الأبيض أو الخارجية الأمريكية مثلا، وإنما بالإفراج عن وثائق للميديا الأمريكية وتحديدا وكالة نيوز كورب ومالكها الشهير روبرت مردوخ، بما يدلل على خطورة وحساسية هذه الوثائق أكثر من غيرها، إذ في بريطانيا أو أمريكا، تصنع أجهزة الإعلام صورة المرشحين و تشكل انطباع الجماهير عنهم. السؤال الأخطر: لماذا لا ينتقل المتظاهرون إلى مرحلة المبادرة (هل تتذكرون الدور الإعلامي في الترويج لدعاوى المقاطعة بالمقارنة بدعوات محاربة التدخين الضعيفة إجمالا) ، أي إذا كان مواطن يريد حل مشكلة المواصلات، فلماذا لا يبادر كل مالك سيارة بأن يصطحب معه شخصا في طريقه للعمل مثلا؟ لماذا لا يخصص كل شاب من وقته ساعة أو اثنتين أسبوعيا لمساعدة صديق أو قريب أو طالب على البحث عن وظيفة أو تدريب في الصيفي؟ أو لماذا لا يبادر أصحاب الأعمال بوضع حد أدنى ألف جنيه مثلا لرواتب عمالهم وموظفيهم حتى يعينوهم على السكن في مكان لائق صحيا واجتماعيا (بدلا من تكدس أسرتين في غرفة واحدة مثلا بسبب رواتب ما دون الستمائة جنيه شهريا)؟ لماذا فقط تعليق الشماعة على الحكومة أو الدولة؟ وهذا ينقلني لسؤال: لماذا لا يحضر المواطنون اجتماعات أو انتخابات حتى اتحاد الملاك في العقارات السكنية؟ لماذا تظل جداول الممتنعين عن سداد اشتراكات اتحاد الملاك معلقة بعمارات أرقى الأحياء وأكثرها شعبية على السواء؟ وهذه تدوينة أخرى لاحقة بعد سلسلة يوميات المبيعات. على الهامش: ربما لم أستطع أن أخفي دموعي فرحا أمس وأنا أتجول في شوارع مدينة نصر وأرى شوارع القاهرة مكتظة مزدحمة بحياة اعتيادية، وأملك من الشجاعة أن أقول أنني كنت أحد من كانت قلوبهم ودعواتهم مع الرئيس مبارك، صحيح أنّ مصر ليست في أفضل أحوالها، ولكنني أعتقد أن الرجل قائد ماهر طبقا لإمكانيات السيارة التي يتولى مسؤوليتها، وأتصور أنه يحاول أن يرفع من كفاءة هذه السيارة كي يصل بالجميع إلى مرحلة أفضل. هذه المدونة بشكل عام هي محاولة في رفع كفاءة هذه السيارة عبر جزء بسيط (لكنه هام من وجهة نظري) يتمثل في التركيز على توعية الشباب بأهمية زيادة الإنتاجية ودورها الإيجابي في رفع مستوى أداء الاقتصاد وتحقيق الرفاهية المجتمعية. أخيرا قد يقول قائل: ألم تكف ثلاثون عاما لأن تصل السيارة بالجميع إلى مرحلة أفضل؟ أرد بمثال واحد: منذ بضع سنوات كان الباحث عن عمل أقرب إلى أن يتسول فرصة العمل، والآن أصبحنا نرى شركات تمنح مكافآت لموظفيها إذا رشحوا لها موظفين أكفاء أخيرا، كل عام والشرطة المصرية بخير، وشعب مصر بأمان وسلام، وبنات وشباب مصر منهمكون في أعمال إيجابية منتجة. وَ: الفاتحة لكل شهيد

أنا والله متعجب جدا من الزملاء هنا على فكرة المظاهرات في الفيسبوك دلوقتي الظاهر فين الدخان الأسود اللي الناس بتقول عليه في القاهرة أنا عايز بس أنبه إلى إن العالم الافتراضي الحالي هنا وعلى الفيسبوك غير موجود على الأرض ملاحظة: لماذا لم يطالب المتظاهرون بمنع التدخين أو الحد من حوادث الطرق؟ http://3ayezjob.blogspot.com/2011/01/2011.html