لوحة القادة

من موقع السي ان ان http://arabic.cnn.com/2011/egypt.2011/1/29/arab.egypt_rex/ العاهل السعودي يدعم مبارك ويدين "المندسين" السبت، 29 كانون الثاني/يناير 2011، آخر تحديث 18:32 (GMT+0400) -- في أول رد فعل عربي رسمي على التطورات الجارية في مصر، أجرى العاهل السعودي، الملك عبدالله بن عبدالعزيز، اتصالاً هاتفياً مع الرئيس المصري، حسني مبارك، وأبلغه تضامنه وتأييده للحكومة المصرية، واطمأن خلالها على الأوضاع بمصر. وجاء في بيان صادر عن وكالة الأنباء السعودية، أن العاهل السعودي قال لمبارك في مكالمة هاتفية السبت، إنه يدين "الناس الذين حاولوا زعزعة أمن واستقرار مصر." وقال العاهل السعودي: "إن مصر العروبة والإسلام لا يتحمل الإنسان العربي والمسلم أن يعبث بأمنها واستقرارها بعض المندسين باسم حرية التعبير بين جماهير مصر الشقيقة واستغلالهم لنفث أحقادهم تخريباً وترويعاً وحرقاً ونهباً ومحاولة إشعال الفتنة الخبيثة." وأضاف "أن السعودية شعباً وحكومة إذ تشجب ذلك وتدينه بقوة، فإنها في نفس الوقت تقف بكل إمكاناتها مع حكومة مصر وشعبها الشقيق." واضافت الوكالة السعودية أن مبارك طمأن الملك عبدالله، موضحاً أن "الأوضاع مستقرة وما شاهده العالم لا يخرج عن كونه محاولات لفئات لا تريد الاستقرار والأمن لشعب مصر، بل تسعى لتحقيق أهداف غريبة ومشبوهة. وقال مبارك "لكن مصر وشعبها عازمون على ردع كل من تحاول أن تسول له نفسه استغلال مساحات الحرية لأبنائها وبناتها وأنها لن تسمح لأي كان أن يغرر بهم أو أن يستخدمهم لتحقيق أجندات مشبوهة وغريبة الطعم والرائحة." وكان مبارك قد تلقى اتصالات هاتفية من زعماء عرب قبل أحداث "جمعة الغضب والحرية"، فقد أكد مصدر رسمي مصري أنه تلقى اتصالاً من الزعيم الليبي معمر القذافي، وآخر من العاهل البحريني. وفي اتصاله، أعرب القذافي عن ثقته باستقرار المجتمع المصري وحفاظه على مكتسباته، متمنياً أن تستكمل مصر مسيرتها نحو المزيد من الخير والتقدم لأبناء شعبها، ومواصلة دورها الرئيسي في الدفاع عن قضايا أمتها"، كما نقلت وكالة "تونس برس." أما العاهل البحريني، حمد بن عيسى آل خليفة، فقد اقترح في اتصاله على مبارك عقد اجتماع عربي حول مستقبل المنطقة التي تشهد تحركات احتجاجية مستوحاة من الانتفاضة الشعبية التونسية. =============================================== ليس هذا راينا كشعب ... ليس هذا كلامنا ولا رأينا الشعب السعودي مع الشعب المصري في تظاهرته التي ستعلم الاجيال معنى الانتفاض والكرامة هذه دبلوماسيات حمقاء .. ومراهنة على جواد خاسر قلوبنا معكم ... كلام الشعوب للشعوب ... نحن معكم قلباً وقالبا .. والى ان تنزاح هذه الغمة .. وتأتي بشائر الانتصار بإذن الله .. سيندم كل من راهن على المفسدين

اقرأي تلك الآيات الكريمة من سورة ( الأحزاب) و ستجدي ما يسرك يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءتْكُمْ جُنُودٌ فَأَرْسَلْنَا عَلَيْهِمْ رِيحاً وَجُنُوداً لَّمْ تَرَوْهَا وَكَانَ اللَّهُ بِمَا تَعْمَلُونَ بَصِيراً{9} إِذْ جَاؤُوكُم مِّن فَوْقِكُمْ وَمِنْ أَسْفَلَ مِنكُمْ وَإِذْ زَاغَتْ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا{10} هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالاً شَدِيداً{11} وَإِذْ يَقُولُ الْمُنَافِقُونَ وَالَّذِينَ فِي قُلُوبِهِم مَّرَضٌ مَّا وَعَدَنَا اللَّهُ وَرَسُولُهُ إِلَّا غُرُوراً{12} وَإِذْ قَالَت طَّائِفَةٌ مِّنْهُمْ يَا أَهْلَ يَثْرِبَ لَا مُقَامَ لَكُمْ فَارْجِعُوا وَيَسْتَأْذِنُ فَرِيقٌ مِّنْهُمُ النَّبِيَّ يَقُولُونَ إِنَّ بُيُوتَنَا عَوْرَةٌ وَمَا هِيَ بِعَوْرَةٍ إِن يُرِيدُونَ إِلَّا فِرَاراً{13} وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيراً{14} وَلَقَدْ كَانُوا عَاهَدُوا اللَّهَ مِن قَبْلُ لَا يُوَلُّونَ الْأَدْبَارَ وَكَانَ عَهْدُ اللَّهِ مَسْؤُولاً{15} قُل لَّن يَنفَعَكُمُ الْفِرَارُ إِن فَرَرْتُم مِّنَ الْمَوْتِ أَوِ الْقَتْلِ وَإِذاً لَّا تُمَتَّعُونَ إِلَّا قَلِيلاً{16} قُلْ مَن ذَا الَّذِي يَعْصِمُكُم مِّنَ اللَّهِ إِنْ أَرَادَ بِكُمْ سُوءاً أَوْ أَرَادَ بِكُمْ رَحْمَةً وَلَا يَجِدُونَ لَهُم مِّن دُونِ اللَّهِ وَلِيّاً وَلَا نَصِيراً{17} قَدْ يَعْلَمُ اللَّهُ الْمُعَوِّقِينَ مِنكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا وَلَا يَأْتُونَ الْبَأْسَ إِلَّا قَلِيلاً{18} أَشِحَّةً عَلَيْكُمْ فَإِذَا جَاء الْخَوْفُ رَأَيْتَهُمْ يَنظُرُونَ إِلَيْكَ تَدُورُ أَعْيُنُهُمْ كَالَّذِي يُغْشَى عَلَيْهِ مِنَ الْمَوْتِ فَإِذَا ذَهَبَ الْخَوْفُ سَلَقُوكُم بِأَلْسِنَةٍ حِدَادٍ أَشِحَّةً عَلَى الْخَيْرِ أُوْلَئِكَ لَمْ يُؤْمِنُوا فَأَحْبَطَ اللَّهُ أَعْمَالَهُمْ وَكَانَ ذَلِكَ عَلَى اللَّهِ يَسِيراً{19} يَحْسَبُونَ الْأَحْزَابَ لَمْ يَذْهَبُوا وَإِن يَأْتِ الْأَحْزَابُ يَوَدُّوا لَوْ أَنَّهُم بَادُونَ فِي الْأَعْرَابِ يَسْأَلُونَ عَنْ أَنبَائِكُمْ وَلَوْ كَانُوا فِيكُم مَّا قَاتَلُوا إِلَّا قَلِيلاً{20} لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً{21} وَلَمَّا رَأَى الْمُؤْمِنُونَ الْأَحْزَابَ قَالُوا هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلَّا إِيمَاناً وَتَسْلِيماً{22} مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً{23} لِيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِن شَاء أَوْ يَتُوبَ عَلَيْهِمْ إِنَّ اللَّهَ كَانَ غَفُوراً رَّحِيماً{24} وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْراً وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيّاً عَزِيزاً{25} وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقاً تَقْتُلُونَ وَتَأْسِرُونَ فَرِيقاً{26} وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضاً لَّمْ تَطَؤُوهَا وَكَانَ اللَّهُ عَلَى كُلِّ شَيْءٍ قَدِيراً{27}

يا جماعة الموضوع واضح وضوح الشمس الشرطة انسحبت امس من الساعة 6 عشان ينفذوا الخطة القذرة ده الشرطة مع البلطجية هما اللى راكبين موتوسيكلات و ماسكين رشاشات عشان يخوفوا الناس و مطلعين اشاعات ان فى 60 حالة اغتصاب و عمالين يعملوا سلب ونهب و حرق فى الاماكن التى الناس هتتحسر عليها زى مستشفى سرطان الاطفال و المتحف المصرى يعنى انهى حرامى اللى هيروح يسرق كارفور و بعدين يحرقه الحرامى بيسرق و يمشى مش هيهتم يحرق كمان كل الحرامية فى كل احياء مصر منتشرين بشكل منظم و راكبين موتوسيكلات و معاهم اسلحة و رشاشات هما بيعملوا كده عشان الناس كلها تسيب المظاهرات و تروح تحمى بيوتها و نسائها و عشان الناس تخاف من حالة الانفلات الامنى و يقولوا الحقونا يا جيش الحقونا يا حكومة الحقنا يا مبارك و يقولوا برده مبارك احسن من السرقة بيوتنا و اغتصاب نسائنا يا ناس افهموها بقى عاوزين تعرفوا و تتأكدوا ان هما عاوزين يرعبوا الناس اتفرجوا على القنوات المصرية هتلاقوا كل الناس مرعوبة و بتنادى على الحكومة الحقونا بس هما اللى عاملين السلب و النهب عشان زمام الامور ترجعلهم تانى ربنا ينتقم منهم ربنا ينتقم منهم ربنا بنتقم منهم يا رب انصر عبادك و اهلك الطغاة

كلنا لينا مصالح وفلوس فى البنوك بس بلدنا بس انا شخصيا مفكرتش حتى انى اسحب قرش من البنك فى الفتره دى كل تفكرينا دلوقتى رايح على البلد واللى بيحصل فيها مينفعش نساعد احنا كمان فى خراب البلد اكتر من كده ونسحب فلوسنا من البنوك وندمر الاقتصاد احنا لو كنا هناك دلوقتى كان زمانا بنضحى بروحنا مش بفلوسنا بس علشان البلد الناس اللى بتموت كل دقيقه هناك دى مش احسن مننا وبعدين كده كده فلوس الناس محفوظه فى امانه البنك المركزى ومفيش حد فلوسه هتضيع بس الصبر لحد ما الوضع يستقر بس اهم حاجه ان الناس تكمل للاخر ودم الشهداء ميروحش هدر النظام دلوقتى بيلعب على وتر ان الناس يجلها احباط وتسكت وترضى بالامر الواقع دلوقتى مفيش فى ادينا غير اننا نقول ياااااااااارب يااااااااااااارب ياااااااااااااارب

والله لو أبليس نفسه كان فكر في حل يخرج بيه مبارك من ورطته ما كانش هيعرف يوصل للسيناريو الخبيث اللي تم بالأمس. مبارك بعد أن أدرك أن زبانية الأمن المركزي أصبحوا غير قادرين على التصدي للشعب وأن مصيره أصبح في مهب الريح قام ساحبهم من الشوارع و ريّحهم من المواجهات المستمرة في الوقت اللي أرهق فيه المتظاهرين في التصدي للبلطجية والمخربين الذين أطلقهم ... ثم أنه بإنزال الجيش الى الشوارع امتصّ غضب الجماهير وأوهمهم بأن الأمور قد استقرت والنظام قد سقط الأمر الذي أكسبه ساعات إضافية اتضح فيها الموقف الأمريكي وعقد صفقة مع الجيش يضمن بها ولاؤه أو على الأقل حياده ... ثم ظهر في خطاب أفعواني بعد منتصف الليل بعد أن تعب الجميع من أحداث اليوم الدامية مانحا الشعب بعض التنازلات التي لا ترقى للحد الأدنى من المطالب ومكررا كلامه المعسول عن الإصلاح. واثقا أنه سيكون من الصعوبة أن يهب الناس مرة أخرى بنفس الزخم نظرا لانقطاع الاتصالات وانتهاء يوم الإجازة وسيطرة الجيش على المحاور الرئيسية للمدن. مخطط خبيث لا شك ... ولكن يمكرون ويمكر الله ... الأمر لايزال بيد الشعب الذي ينبغي أن يقدم المزيد من التضحيات لينال حريته الكامة ويضرب النظام في لحظه ضعفه قبل أن يستعيد توازنه.

السلام عليكم و رحمة الله و بركاته عشان الله يكرمه...زي ما كرم السادات و اتنش عيار....قطع النت عن مصر كلها و لسه مستمر ف التصرف الغير مبرر دوت من فضلكم...عايزين نطمن علي اخواتنا و اخواننا المحاورين في مصر لو حد معاه رقم موبايل يتصل و يخش يطمنا لو سمحتم اتصلت بضحي.. و ب...Dreamwith me بحاول اوصل ل...shiko ذهبية بس لسه مافيش رد مش معايا ارقام رضوي و لا طنط هند علي من الاسكندرية خلونا نتطمن عليهم....نسمع صوتهم و نقولهم ان احنا بندعيلهم و معاهم حتي لو من بعيد يا رب يعدي الايام دي علي خير و لا تتوقفوا عن الدعاء

أتمنى .. أتمنى من الله .. وليس كثير على الله أن يحقق لي أمنيتي وأمنية الكثيرون ... أتمنى أن يكون هذا الرجل قد عاد له صوابه .. وأن يكون قد وجد من ينصحه نصيحة مخلصة .. وأن يشكل حكومة تضم مصريين .. مصريين بحق .. يريدون أن يعملوا من أجل مصر .. ليس لهم شركات ولا أموال يريدون زيادتها .. مصريين شرفاء وطنيين .. وما أكثرهم في مصر أتمنى أن يخفي تلك الوجوه القبيحة التي طالما نكدت علينا .. وغمت نفسنا .. أتمنى أن نتخلص من الفساد .. والفاسدين .. أتمنى أن تنهمر تلك الروح الوطنية الرائعة هادرة تغسل أحزاننا .. وتظهر البلد من اللصوص الكبار .. وحتى الصغار الذين رأيناهم بالأمس يسلبون وينهبون .. أتمنى أن يفهم .. ويكون قد فهم .. قد فهمنا .. أتمنى ألا يأتي علينا أكتوبر القادم ومبارك يحكمنا .. وأن تكون تلك الفترة هي مرحلة لأن تختار مصر رئيسها الجديد .. أتمنى أن تكون الشهور القادمة هي الطريق .. والبداية .. والإنطلاق لإصلاح مصر .. مع تلك الأزمة الرهيبة .. شعرت بالفخر والإعزاز .. عندما تسمع وترى كل محطات العالم تراقب مايحدث في مصر .. شعرت بالفخر .. لأهمية مصر للعالم كله .. نحن لسنا هينين .. بل نحن مهمين جداً .. ولنظل .. ولنستمر ... هالني منظر السرقات والنهب والسرقة .. هالني مشهد شباب ضائع .. لا مبدأ له .. محسوب علينا .. من زرع حصد .. هذا ما تمت زراعته خلال السنوات الثلاثين الماضية .. زرع شيطاني .. فاسد .. يضر بالحقل .. إجتذوه من أراضينا .. قلموه .. أو إقلعوه ..

رئيس الحكومة الجديد هو رشيد محمد رشيد........وبكرة تقولوا فتفوتة قالت وممكن كمان يخلى نظيف يمسك الشورى عشان مايزعلوش وهيخلى العادلى فى مكانه ذى ماهو وفتحى سرور طبعا ذى ماهو وشريف مش عارفة هيوديه فى انهى داهية المهم يعنى كلاب امريكا هيفضلوا ومش هيمشوا العملية فيها طبخة كبيرة جدااااااا اتطبخت امبارح وحسيتها من ساعة ما أستدعوا رئيس الاركان من امريكا وانا مش عارفة هو ايه اللى يوديه امريكا دلوقتى اوباما طلع قال اتصلت من يومين بالرئيس حسنى مبارك بعد ما البيت الابيض نفى انه اتكلم معاه خلال الايام الثلاثة الماضية فيه كذب ومؤامرررررررررة عالشعب وفى النهاية امريكا واسرائيل مش عاوزين غير عميلهم حوووووسنى عشان هو اللى بيراعى مصالحهم فى مصر عرفتوا بقى ان بلدكم مش سهلة ولو وقعت هتقع كل الدول العربية حواليها والشرق الاوسط هيتهز؟؟؟؟؟ فين اللى كانوا بيقولوا لو لم اكن مصريا لا ارتحت نفسياااا.....تعالوا اعرفوا قيمة بلدكم دلوقتى العملاء عرفوا ان مصر ليها قيمة ومرعوبين من عدم استقرارها.....كلاب فعلا كلاب أما الشعب بقى فبيضرب بقنابل مسيلة للدموع مكتوب عليها...........صنع فى امريكا لك الله يا مصر.....أنصرنا يااااااارب

الله أكبر عمليات إستجابة واسعة وإنقاذ فوري لأي حد بيحس بالخطر ما شاء الله على مصر والمصريين أرقام أخرى للأستغاثة أرجو نشرها رقم أخر للجيش في القاهرة فقط 0224184531 ‘تحاد الأطباء العربي 02526233 25286237 0104400045 اللجنة الشعبية بالطالبية 0100935400

معاك إن شاء الله ------------------------------------------------------------------------ يا ترى حسني مبارك عرف ما هي وظيفة الأمن ؟ الأمن لحماية البلد و حماية الشعب الأمن ليس لحماية سيادته .. و سيادته فقط الأمن ليس لضرب وحدة المصريين الأمن ليس للفرقة بين المسلمين و المسيحيين الأمن ليس لقتل بلال و خالد الأمن لحمايتنا و حماية ممتلكاتنا الأمن لخدمة الشعب و الوطن

لابد من النظر الي الجانب الايجابي من ما يجري من الاحياء السكنيه .. نظام مبارك استطاع ان يعزل الشعب عن بعضة حتي اصبحوا جزر منفصله و منعزله .. ثم جاء موقف الاهالي اليوم ليتراصوا و يتحدوا و يقفون جنبا الي جنب دون النظر الي دين او عمر او طبقه اجتماعيه يتناوبون علي الحراسه و يتبادلون الاخبار و الاحداث و يتفقوان جميعا علي شئ واحد .. الاتحاد قوه

عندي حل فوري للقضاء على أمور البلطجة والنهب دي وهو إن اللي تمسكه الجان الشعبية او الجيش يتسلم للجيش ويقوموا بإعدامه رمياً بالرصاص فوراً أمام كاميرات التليفزيون فوارً بعد ان يقبضوا عليه متلبساً ويذاع ذلك على كل القنوات غير كده هايبقى تهريج

الحمد لله وهما دول ولادك يا مصر الحمد لله والله أكبر

ان شاء الله ازمة و هاتعدي منه لله المجرم اللي ساب البلد تولع و قاعد يتفرج عليها عشان نترحم على ايامه السودا الله ينتقم منك يا مجرم هو دا يا مجرم القسم اللي اقسمته انك هاتحفظ الوطن و سلامة اراضيه هو دا يا مجرم شرف القوات المسلحة اللي انت لطخت سمعتها يا مجرم الله ينتقم منك و يحرقك و يحرقك قلبك زي ما انت حارق قلبنا على البلد الله ينتقم منك دا انت لو كافر مش هاتعمل فيها و فينا كده ربنا ينتقم منك انتقام عزيز مقتدر ربي اني مغلوب فانتصر ربي اني مغلوب فانتصر ربي اني مغلوب فانتصر و الله يا كلب لاهادعي عليك في كل صلاة كل سجدة لله هادعي عليك ان ربنا ينتقم منك و اتحمل بقى دعوة المظلوم شيلها لغاية ما تقابل رب كريم كل واحد في مصر بيدعي عليك عيش بالدعوات دي ان شاء الله هاتحصل الكلب المجرم قريبك اللي جسمه بيتساقط و هو بين الحيا و الموت عشان يعرف ان عقاب الله شديد اخوك شارون عارفه يا كلب عارفه لكن مصر ان شاء الله ربنا حافظها لانها اكبر و اطهر من انك تخربها ربك من فوق سبع سموات هايحفظها يا مجرم

بس بقى حرااااااااااااااااااااااااااااااام عليكم احنا قاعدين و مش شايفين حاجة اهدوا شوية احنا كده حنموت كلنا بالضغط ارجوكم شوية هدوء لحد ما نعرف ايه اللي بيحصل بلاش نخاف هو ايه مفيش رب يحمينا ليه لاغيين ربنا يا نااااااااااااااااااااااس ربنا موجود ربنا موجود ربنا موجود يارب انت قلت انك على ظن عبدك يارب لا نظن بك إلا الخير يارب لا نظن بك إلا الخير يارب لا نظن بك إلا الخير

أحمد شفيق (طيار) من ويكيبيديا، الموسوعة الحرة اذهب إلى: تصفح, البحث الفريق أحمد محمد شفيق وزير الطيران المدني المصري تخرج في الكلية الجوية عام 1961 عمل طيارا بالقوات الجوية المصرية. حاصل على زمالة كلية الحرب العليا من أكاديمية ناصر العسكرية العليا وزمالة كلية الحرب‏ العليا للأسلحة المشتركة بباريس ودكتوراه الفلسفة في الإستراتيجية القومية للفضاء الخارجي. عمل ملحقا حربيا بإيطاليا من عام 1984 إلى عام 1986 ثم تولى رئاسة أركان القوات الجوية عام 1991 إلى أن عين قائدا للقوات الجوية في أبريل 1996. يعمل حاليا وزيراً للطيران المدني المصري تولى قيادة وزارة الطيران يوم أن أنهى عمله كقائد للقوات الجوية والتي استمرت ست سنوات وهي الفترة الأطول لأى قائد للقوات الجوية. رشحته صحيفة وول ستريت جورنال ليكون خلفاً للرئيس مبارك في حكم مصر.[1]

الحمدالله عمر سليمان محترم وما بيختلفش عليه اتنين واستلم فى ظروف صعبة والبلد فى حالة يرثى لها حتى لو ما اثبتش انه عند حسن الشعب المصري - هنعمل ثورة واعتقد انه فهم كدا كويس زى تمام ما اعرف عنه انه راجل نزيه جدا وتاريخه مشرف كمان لازم احنا الشعب نساهم بنهضة مصر حتى لو بالمحافظة على بلدنا ونضافتها ومنشاتها احنا كشعب لينا دور مهم انشالله مصر تبقى احسن بلد

الصاغه اتنهبت بالكامل

طيب لمصلحة مين الخراب ده..مستحيل يكون لمصلحة النظام يعني مستحيل يكون بيعمل كده عشان عاوز الناس تهدي..و هو يكمل دي حركات واحد خلاص ماشي ماشي...بس بيخربها و بيصفي شوية حسابات الأول الداخلية بتعمل ليه كدة في الشعب يطلعوا البلطجية من الاقسام والسجون ويضربوا المعتقلين السياسيين بالنار حسبي الله ونعم الوكيل أبوس إيديكم نصلي وندعي لبلدنا وأهلنا محدش هينجينا غير الله عز وجل

اللهم انا نعجلك فى نحورهم ونعوذ بك من شرورهم اللهم امكر لنا ولا تمكر علينا اللهم ولى علينا من يصلح به شائن الدين والدنيا

اعتقد مش هينفع نتراجع خلاص هيضيع كل التعب بالاضافة اننا هنرجع مستعبدين ومزلولين اكتر من الاول ما هو احنا خوفنا على فلوس البنوك وتغيب الامن وداه كله لوى دراع من مبارك وفرض الديكتاتورية من جديد ومش هينفع نتراجع صدقونى كلنا فلوسنا فى بنوك مصر وممتلكاتنا لكن هنعمل ايه مبارك بخطاب امس رمى الكورة فى ملعبنا - احنا الشعب وخيرنا بين امرين اما ننتظر معاه ونتحمل قرفه وفى اللحظة دى هتتغير الحكومة وحتى فى انتخابات الرئيس البديل له هو برضوه اللى هيفرضوه علينا وهنا احتمال هتكون ثورات قادمة دموية فعلا اكثر بكثير مما حدث لان داه ضغط من جديد على الشعب المصري واما اننا نتحمل الفترة الصعبة دى وحتى لو السلب والنهب وعدم الانضباط الامنى فى الشارع المصري ونصر على تكملة الثورة والمسيرة وحقنا فى التغيير واختيار البديله له وفقا لمطالب الشعب

احنا دلوقتي بين نارين : نكمل ثورة و معاها كل المشاكل اللي حاصلة و اللي لسه حتحصل أم نسكت و نكتفي بتغيير الحكومة؟ عايزة نكمل بس خايفة على البلد من التأثر و فلوس و شقا الناس بس أرجع اقول ايه اللي ربنا حيكون راضي عنه نزلت أول امس لشراء ضروريات للبيت و كنت احس بمنتهى الفخر و عايزة اقول لكل الناس انا مصرية شوفتوا المصريين بيعملوا ايه ؟ غصب عني الاحساس ده الواحد نفسه مكسورة من سنين. من ساعة ما وعي على حال البلد يبقى نكمل أم نصمت؟ انا زي كل المصريين عندي ممتلكات بمصر و ممكن تتأثر لو حصل انهيار اقتصادي لكن هل ابكي على فلوس و في عائلات بتبكي على شهداءها؟ يعني في ناس ضحت بارواحها و أنا مش مستعدة اضحي بفلوس؟ انا بفكر معاكم و دلوقتي حقول اخترت الاستمرار في قول لأ و الشعب يريد اسقاط النظام

يعنى ايه ذنبهم الامن يا استاذ س س سواء ظباط او مجندين ما هما اهلنا ومصريين زينا بس حظهم المهبب هو اللى حطهم فى المامورية الصعبة دى وتنفيذ الاوامر وبيدافعو عن نفسهم لان عددهم اقل من الناس ربنا يحمى شعب مصر اللى بتتكلمى عليهم دول قله يا اغابى يعنى معظم عناصر الشرطه كانوا اعوذ بالله ولا الكفرة ولا حتى راعوا ربنا فى الناس ده لو كانوا يهود مكانوش عملوا فيهم كده حسبى الله ونعم الوكيل

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد و هى اسرائيل اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه هما مستعدين يضغطوا عليه فى اى حاجه الا انه يمشى و دا السقف الى عمر الاداره الامريكيه ما هتوصل ليه مع مبارك

حسبى الله ونعم الوكيل ربنا يرحمهم برحمته وكل واحد سبب المجزرة دى يتحاسب ويتعاقب وياخد فوق دماغه وبعد كدة يتعدم فى ميدان عام (بابشع طرق الاعدام) عشان اللى زيهم فى كل مكان يتعظوا

هيهات هيهات يا مبارك فأنت مازلت كما أنت .. ديكتاتور متغطرس تدعي أنك بتفهم في كل حاجه .. وأنت لا تفهم أي حاجه شوفت اللي قولت عليهم خليوهم يتسلوا ؟ اهم بيتسلوا على دمك الان .. ولتعلم أنك فقدت هيبتك وصورتك أمام الجميع أثناء المظاهرات .. وبعد خطابك الأجوف الهزيل ... العجلة قد دارت ولن يوقفها أحد ... وأنت ولصوصك الذين تخلوا عنك بالامس بل وشتموك أمام الجميع وعلى الهواء حتى يبرأوا أنفسهم قد أنكشفتم جميعكم ----------------- بتقول إيه يا عم أسد الله يرضى عليك ؟ فاق إيه وحكومة مصريين شرفاء إيه ؟ مش برضوا هايجيب ناس حزب وطني ؟ مش برضوا هايجيب أهل ثقة وليس أهل خبرة ؟ مش برضوا جمال موجود وعز موجود وفتحي سرور موجود وزكريا عزمي موجود والدستور موجود ومجلس العهر لسه موجود ؟ حتى لو جاب حكومة شرفاء تحت رئاسته تفتكر يلزمهم كام سنة عشان يصلحوا ما أفسده هو خلال 30 سنة ؟ وتفتكر عُمره هو في كام سنة تاني عشان يصلح بعد 30 سنة ظلم وديكتاتورية ؟ هذا ضحك على الدقون وكسب للوقت حتى ينتقموا و يُنكلوا بهذا الشعب الذي خرج ليقول لأ للظلم ..... مش الإنتخابات الرئاسية بعد شهور قليلة ؟ تفتكر هو يتصور نفسه إنه عايش لكنه خارج دائرة الضوء وقاعد على قهوة المعاشات ؟ كلا يا عزيزي ... مبارك لم يفق ... لكن مبارك خبيث وسيتشبث بالكرسي لأخر لحظة ... مبارك هو رأس الفساد التي يجب قطعها .. غير كده يبقى كما قلت " ضحك عالدقون "

أستاذ محمد لا يخفى على أحد أن نظام مبارك حليف للسياسة الأمريكية و اوباما قال عنه: ( انه حليف لنا) و كلينتون كمان قالت ان الحكومة مستقرة في مصر و هو اللي بينفذ السياسات الأمريكية في المنطقة و خصوصا المتعلقة بدلوعة مامتها اسرائيل الموقف عامل زي ما تكون السياسة الأمريكية بتشد ودنه و بتقوله مش تعمل كده تاني يا سونسون و انت يا شعب كفاية بقى بالراحة عليه شوية و احنا حنخليه يجيبلوكم شوكولاتة يللا يا ولاد العبوا سوا أمريكا أساسا بتتدخل ليه؟؟؟ عشان المعونة؟؟ تقطعها لو المغتربين اللي برة كلهم رجعوا من كل دول العالم مصر مش بس حتبقى أغنى دولة عربية زي ما كانت في السابق لا دي حتبقى أغنى دولة في العالم المغتربين بعلمهم و أموالهم و مهاراتهم و بأعدادهم ما شاء الله الكبيرة يستطيعون أن يجعلون مصر غير محتاجة لأي معونة من أي دولة و تعود الأمور إلى نصابها الطبيعي

احم احم مش تقولوا ان احنا ع الهوا السادة الاعضاء حنضطر للأسف ندي كل بياناتكم و ايميلاتكم اللي عندنا بس مش عارفة لمين الحقيقة ماهم كلهم فلسعوا أنا و لا أعرفكوا مع أول قفا حأقر و اعترف إني لا يمكن حأفقد الأمل في التغيير

أخي الكريم .. شكراً لكلماتك الرقيقة التي لا أستحقها لكن دعنا نكون أكثر تعقلاً وواقعية ... فنحن موجودين في بلد شقيق له قوانينه وعاداته وبالتالي يجب ان نحترمها تماماً اعلم أن الجميع غير مخربين او مثيري شغب ويريدوا أن يتضامنوا مع إخوتهم داخل مصر .. لكن السلطات السعودية تُحذر من أي تجمعات تحت أي إسم أو بأي شكل .. وبالتالي خروجنا سيزيد الأمور تعقدياً وسيحرج السلطات عندها ستكون لهم ردود أفعال لن تُرضينا وغير مضطرين إليها نحن .. لكن دورنا الأن هو الدعاء لإخوتنا الاحرار في مصر ... وأيضاً مؤازرة بعضنا البعض هنا على صحفات المنتديات المحترمة التي أستهتر الاغبياء بدورها الهام .. لكن الأن عرفوا قمية كلمتنا لكن بعد فوات الأوان .. والحمد لله الذي اعمى قلوبهم وابصارهم عشان تكون دي هي نهايتهم .. فصبر جميل اخي الفاضل وبإذن الله نكون كلنا في بلدنا قريب ونستنشق هواء الحرية

البلد مافيهاش عاقل البلد تولع علشان الاخوان يدخلوا مجلس الشعب او علشان السيد ابرادعى مش لاقى شغل بعد الوكاله وعايزله سبوبه مايتحرق الاخوان على البرادعى وتفضل مصر سليمه فين الاخوان الان لتهدئة الناس فين البرادعى اللى بيتكلم انجليزى وهو فى مصر لتهدئه الناس كله عايز مصلحته وتولع البلد