لوحة القادة

دول إخواتك اللي قوات الامن في ملابس مدنية تتوجه إليهم لحرقهم او كما قالت الفنانة سماح أنور على الهواء .. يستاهلوا الحرق بصراحة خلينا نخلص ؟ أتقي الله أتقي الله لو كنت مسلم .. هل أنت مُسلم ؟ الحمد لله على نعمة الاسلام وكفى بها نعمه لتفهمنى يا س س اولا: الغرض من المظاهره تم ولن يتولى الرئيس مره اخرى الرئاسه واحييى هؤلاء السبابا على ماقاموا به ولكن مايحدث الان ليس له مبرر هل ترضى ان يصاب اخيك بجرح سطحى الان ولن اقول لاقدر الله يقتل كل هذا من اجل السيد البرادعى او الاخوان او حمدين صباحى كله ركب الموجه طبعا نظام مبارك فاسد ويجب ان يرحل ولكن حقنا للدماء يجب ان يرجع كل الى بيته ونتحمل الطاغيه 6 شهور اخرى لانه لوذهب الان وترك الامر لمايسمى احزاب المعارضه ولاخوان (اخوان بعضهم فقط) فسوف يتقاتلون ولن تشكل حكومه الابعد10 سنوات فى حرب 1973 كنت أنا ووالدى رحمه الله فى منطقة القتال ، انا كنت متقدم عنه حبتين ، انا كنت فى الخط الأول ( الفردان ) وكان رحمه الله فى الخط الثانى ( ابوصوير ) لو كنا سمعنا وقرأنا ماتكتبونه هنا ، كان زمان مصيركم نفس مصير اللاجئين الفلسطينيين. أنها حرب بين الخير والشر ، حرب أهل مصر وفرعون وأعوانه ، انه ليس حسنى مبارك وحده ، بل شلة المنتفعين الذين سرقوا ونهبوا مصر ، سرقونى ونهبونى كما سرقوك ونهبوك ، منهم من هبر وهرب ومنهم من لم يستطع ان يهبر ويهرب فقرروا ان يحاربوا مصر والمصريين. لكم الخيار ان تكونوا مع مصر والمصريين او أن تكونوا مع جحافل الشيطان. ثانيا يا اخ ابو هنا الثورة دى لم تقم من اجل البرادعى ولا صباحى ولا الإخوان الثورة دى قامت من أجل مصر ولم تقم الثورة علشان حسنى مبارك يترشح تانى والا لا ، الثورة قامت علشان الناس نامت عن المطالبة بحقها سنين طويلة وفضلوا يقولوا الحمد لله وهم مش لاقين المش يأكلوه ، الثورة قامت علشان عايزين نظام تعليم يتباهوا بيه امام العالم لما يسأله انت مؤهلك من اين ، يرد بكل فخر من مصر ميروحش يجيب شهادة مضروبة من معاهد اوروبا الشرقية او من على النت ويتباهى بيها. الثورة قامت علشان تلاقى دكتور اتعلم صح ومهندس اتعلم صح الثورة قامت علشان نقضى على الرشوة والمحسوبية والفساد الثورة قامت علشان لما تحب تشترى ارض تشتريه بنفس السعر اللى اشترى بيه احمد بهجت وهشام طلعت مصطفى وباقى المحاسيب أقول لك ايه والا ايه عن اسباب الثورة

ناس كثير زيك .. بالذات اللي مسئولين عن ناس تانية و عمل خاص زوجي بيرجع من نوبة الحراسة بيقول زيك بس كل ما افكر .. أقول .. هما اللي في ميدان التحرير مسئولين عن المعاناة دي؟؟ ولّا اللي خفى الامن من شوارعنا و ساب علينا البلطجية؟؟ حياتنا كلنا واقفة .. يعلم الله مدى الضرر الذي قد يصيبنا لكن .. هل رجوع الشباب من الميدان هو الحل؟؟.. هل ستنصلح الامور بعودتهم؟؟ أقل ما نستطيعه ان نحمي ظهورهم لعل الله يمن علينا بنصر من عنده

هناك البعض ممن اقتنع بخطاب مبارك بالأمس وصدّق وعوده ... وهذا من حقّهم بالطبع ... لكن هل هذا يسمح لهم بأن يغضّوا الطرف عن بل ويؤيدوا الوحشية والهمجية التي تمارس ضد من لم يقتنع وأصّر على ممارسة حقه السلمي في الاعتصام ... مجرّد سؤال.

انا بجد هبقى مكسوف انزل مصر هو انا عملت ايه لمصر لما انزل مصر همشى وشى فى الارض اكرامالهؤلاء الابطال انا بجد مكسوف قوووووى من نفسى يارب انصرهم ياااااااارب تحياتى عنبو

وصلت القاهرة صباح اليوم ،، الحمد لله ،، بعد رحلة طويلة من باريس لمدة عشر ساعات ليست هيا المهم الآن ،، في ساعات الانتظار بمطار شارل ديجول ،، شاهدنا علي كمبيوتر أحد المنتظرين المصريين بيان الرئيس مبارك في الواقع استقبله جميع المصريين المنتظرين في المطار بسعادة بل صفقنا بعد نهاية الخطاب فقد أعلن عدم ترشيحه مرة آخري ، أعلن تحديد فترة رئاسة محددة ،، أعلن تعديل مواد الدستور المعيوبة و أمتلأ وجهنا بالسعادة فقد انتهت الأزمة و نجحت الثورة وصلت القاهرة و في ساعات الانتظار الطويلة لم أجد ما أفعله سوي الجلوس مع بعض الأصدقاء علي مقهي بمدينة نصر عرض أحد الأصدقاء إن نذهب لميدان التحرير ،، حيث كان هناك بالأمس في وقت المظاهرة المليونية ، و كان الجو العام ظريف شباب و رجال و نساء و عجزة و أطفال و أسر و مشايخ و فرافير و محجبات و منتقبات و متبرجات كلهم في مكان واحد علي حسب وصفه و لما شاهدنا في التليفزيون صور الخيالة و الجمال المقتحمة للميدان ،، قلنا لا مشاكل فلنزيد عددهم و نؤازرهم و صراحة ،،،، اهو تسلية بدل فراغ الانتظار و ليتني ما ذهبت !!!! لم نستطع الوصول إلي ميدان التحرير حيث فوجؤنا ببلطجية أشكالهم و العياذ بالله بالضبط كده زي اللي بتشوفوهم بيقولوا عليهم مجرمين هاربين في التليفزيون المصري مع ناس شفتهم بعيني دوول ماسكين لاسلكي و و طبنجات في جنوبهم و للأمانة شفتهم في مظاهرات التأييد في شارع 26 يوليو حسبي الله و نعم الوكيل ،،، في المناظر اللي شفتها عربيات نص نقل شايلة شوية عربجية ،، و ستات أشكالهم و العياذ بالله قنابل مولوتوف ،، زجاجات مكسرة ،، سنج ، مطاوي ، سيوف ،، عاملين نلف من كل ناحية مش عارفين نوصل للمحتجين مش للمؤيدين البلطجية البلطجية عمالين يقولوا كلام جامد أووي البرادعي الخاين ،، عايز نرجع شغلنا ،، هوا ميدان أهاليهم ،، مش هيمشي ،ن دوول تبع إيران ،، دول عملاء ،، مين اللي بيأكلهم و بيشربهم الغريب ،،، إن البلطجية ما كانوش قادرين علي المتظاهرين و كانوا بيجروا منهم و ده لحد ما مشيت مش عارف أيه اللي حصل بعد كده ،، حسبي الله و نعم الوكيل خيرة شباب مصر و زهرتها و أجمل ما فيها يقتل علي ايد شوية عربجية و مسجلين خطر للأمانة شفت بعض مظاهرات تأييد للرئيس فعلا ،، تحس إنها مش مفتعلة و ناس محترمة و لكن أعداد قليلة جدا بالأمس كنت باقول نجحت الثورة و تحققت أهدافها و نحتفل ببيان الريس اليوم أقول و لا يوم واحد زيادة

شوية هدوء يا جماعة بلاش خوف و بلاش يأس حرق المتحف المصري ليس أول جريمة في التاريخ التتار حرقوا كل الكتب و رموا بها في الأنهار التي أصبحت سوداء من حبر الكتب الأفغان حرقوا الآثار بإيديهم على اعتبار أنها أصنام و غيرها من الجرائم الشنعاء و الدمار المهم الآن هو شعبنا الذي تراق دمائه و دماء نسائه وأطفاله الحاضر أبقى من التاريخ الحي أبقى من الميت ما قيمة تمثال أو مومياء أم طفل أو طفلة بريئة يراق دمهم ما قيمة المتحف أمام شعب يباد نحن تتم إبادتنا كما أُبيد الهنود الحمر الموجودون في ميدان التحريرهم صفوة شعب مصر فيهم الأحرار و المفكرين و الشباب النقي الباقون بعد من هجرها من المغتربين و المهاجرين هؤلاء تتم إبادتهم الآن مع رمز الثقافة المتمثل في المتحف المصري حتى لا يبقى على المداود غير شر البقر المهللين و المنتفعين من النظام أقل ما يجب أن نكف قليلا عن الهلع و الاضطراب و ندعو بصدق أن يحميهم الله تعالى هذا أقل ما يستحقون أرى طاقة الخوف تعلو و طاقة الرجاء تخبو أرجوكم قليلا من التضرع إلى الله فإن لم يكن الآن وقته فمتى إذن؟

لكل من راهن على تغير سلوك نظام مبارك البلطجي ... هاهي الإجابة تأتيكم بلا إبطاء ... ولكن ********** ... بئس ما أخترتم لأنفسكم ... يا شعب مصر الأبيّ الصامد ... هذه ساعة الحسم ... لننزل جميعا الى الشوارع لنساند إخواننا وندافع عن الثورة ضد نظام الإجرام والبلطجه والإرهاب ... هذا النظام المجرم يخوض معركته الأخيرة ضد الشعب فلننتصر فيها

بسم الله الرحمن الرحيم بيان من المهندس الاستشاري / تيمور المراغي - architect اخواني واخواتي الثوار الاحرار ,, الان والآن فقط تأكدت والله من هم اهل الحق ومن هم اهل الباطل اهل الحق تجمعوا اياما في ميدان التحرير لم تحدث منهم حالة خروج واحده على النظام بل كانوا متحضرين ايما تحضر وقاموا على صيانة المكان ونظافته وتامينه ,, واهل الباطل من يقوم الآن بحرق مصر لكي يبقى الكلب جالسا على الكرسي الجبان الخائن الذي اوقع الفتنه بين اهل مصر فلتموت ولتقتل المئات لا يهم في سبيل بقائه في منصبه الحمد لله لقد استقام المنسم لكل ذي بصيره قال الاقدمون قل لي من معك اقل لك من انت ,, انظر للكلب مجدي الدقاق الكافر مع اي طرف وانت تعرف من هم اهل الباطل ,, انظر لعمرو خالد و عمرو موسى واحمد زويل والدكتور البرادعي و شرفاء 6 ابريل وادمن خالد سعيد مع من تعلم من هم اهل الحق ,, فهل في ذلك قسم لذي حجر ,, ايا شعب مصر الثائر ,, قد آمنا بك وصدقناك ، وشهدنا أنك على الحق ، وأعطيناك على ذلك عهودنا ومواثيقنا ، على السمع والطاعة ، فامض في ثورتك لما أردت فنحن معك ، فوالذي اقسم بعزته وجلاله ان ينصر المظلوم ولو بعد حين ، لو استعرضت بنا هذا البحر فخضته لخضناه معك ، ما تخلف منا رجل واحد ، وما نكره أن تلقى بنا عدونا غدا ، إنا لصبر في الحرب ، صدق في اللقاء . لعل الله يريك منا ما تقر به عينك ، فسر بنا على بركة الله . فسر رسول الله صلى الله عليه وسلم بقول سعد ، ونشطه ذلك . ثم قال : سيروا وأبشروا ، فإن الله تعالى قد وعدني إحدى الطائفتين ، والله لكأني الآن أنظر إلى مصارع القوم وموعدنا مع المفسدين يوم الجمعه بعد الصلاة ان شاء الله ,, بسم الله الرحمن الرحيم ﴿ وَأَعِدُّواْ لَهُم مَّا اسْتَطَعْتُم مِّن قُوَّةٍ ﴾ صدق الله العظيم موعدنا بعد الغد ان شاء الله ,,

لا يا استاذ / rar أنا مش معاك فى الكلام ده قرار الجيش ليس بيد الأمريكان ، والجيش موجود لحماية الممتلكات العامة والخاصة والمنشئات الحيوية ولتخويف الخارجين عن القانون الذين استعان بهم البوليس وحبيب العادلى ورئيسه. الجيش مازال على الحياد وساعد كثيرا فى القبض على بلطجية النظام ومنعهم من التمادى فى ترويع الآمنين. لانريد ان يقوم الجيش بأى عمل ضد مؤسسة الرئاسة لانه بذلك سيدخل فى مواجهة مسلحة مع سلاح الحرس الحمهورى ، فو قام الجيش بأى عمل ضد مؤسسة الرئاسة سيتحول من حامى للمتلكات والمنشئات الحيوية ومن باعث للطمأنينة فى نفوس الشعب ، إلى إنقلاب عسكرى وهذا مالا نريده. علشان كده عايزين الجيش يفضل مع الشعب وليس ضد طرف لحساب طرف ، وليكتفى اصحاب الثورة البيضاء بحماية الجيش لهم.

كنا نراهن على ضغط الجيش المصري على مبارك كي يتنحى ولكن الجيش حتى الان واقف على الحياد ,, مطلبنا الاساسي الان هو حل مجلس الشعب المزور واجراء الانتخابات تحت الاشراف الدولي والقبض على المسئولين المقصرين في الايام الماضيه وتقديمهم الى المحاكمه العاجله ,, اما موضوع التنحي فواضح اوي وقوف امريكا والجيش في صف مبارك و ده يخلينا نفكر تاني ونعيد حساباتنا اكتر من مره ,, ماذا لو اعلن مبارك تسليم السلطه الى عمر سليمان ,, فلنعتبره قد فعلها ونبدأ في التواصل مع اللواء والاستجابه الى دعوته للحوار ,, وفي اثناء حوارنا معه نطرح كافة وجهات النظر مع بقاء المتظاهرين مرابطين في اماكنهم ماقلتش انهم يفضوا المظاهره لكن لازم نتحرك على جميع الجبهات والحصول على اكبر قدر ممكن من المكاسب ,,

بعض نقاط مما حصل حتى الآن: - مبارك حتى 25 يناير لم يعطي اي بادرة عن جعل هذه الفترة آخر فترات رئاسته او عدم توريث الحكم او اختيار نائب له فما الذي جبره على اتخاذ تلك القرارات هل هي الفئة المندسة او الكام الف اللي اتظاهروا و لا يمثلوا الشعب؟ - اكاذيب الاعلام المصري الرسمي عما يحدث و غلق قناة الجزيرة. ما الذي كانوا يخشونه منها ان لم يكونوا ينوون الضحك علينا. هذا بخلاف قطع النت و الاتصالات - ضرب الشرطة للمتظاهرين مع وجود البلطجية هل كان من وراء ظهره؟ و ان كان كذلك فلماذا لم يقول و هو يعرف بأن هذا سيهدئ من غضب الناس انه سيحاكم وزير الداخلية السابق صراحة و لو أني اشك كثيرا ان يكون الوزير فعل ذلك بدون العودة اليه - سحب كل صور الأمن من الشارع المصري في وقت واحد هل كان صدفة او كما قيل الشرطة تعبت فسابوا اماكنهم لوحدهم. كانت تبقى صورة الانسحاب عشوائية. - ظهور البلطجية في الشارع الذي ثبت ضلوع فئات من الشرطة بملابس مدنية في اعمال السلب و النهب و الحرائق في نفس توقيت اختفاء الامن. فكيف تم ذلك بهذا التنسيق؟ ده حتى مفيش وسائل اتصالات كانت شغالة غير مع افراد الأمن - اختفاء البلطجية امس و اليوم تقريبا حتى خطاب مبارك ثم ظهورهم مباشرة بعد الخطاب - خروج اعداد كبيرة من السجناء فجأة و في توقيتات تكاد تكون متناسقة و بدون اي مقاومة من امن السجون و هل نصدق بأن المسجون سيهرب ثم ينطلق ليعيث في الأرض فسادا مباشرة اليس من المنطقي ان يختبأ حتى لا يقبض عليه - بطء اتخاذ القرارات لجس نبض الناس في التظاهرات و ايضا الضغط عليهم من قبل المتضررين من الأزمة الاقتصادية هل يدل على مراعاة للشعب و مصالحه؟ - خطابه الأخير (اللهم اجعله خيرا) اريد به شق صفوف الثورة لإضعافهاو بدليل ان كل ما جاء به مجرد وعود مثل اي وعود انتخابية و بدليل القاءه بمسألة دراسة دستور الترشح للرئاسة على مجلس الشعب الذي هو نفسه قال انه توجد احكام قضائية تطعن في شرعية انتخاب افراد منه. فما هذا التناقض في الكلام؟ ما لم يفعله في 30 سنة هل اصبح فجأة قادرا على فعله في 9 أشهر؟ مع الاحتفاظ بمجلس الشعب المزور و حكومة لم يكد يغير منها احد و مع وجوده هو شخصيا برغم مناداة الملايين بتنحيه الفوري إذا كان لم يستجب لمطلب الناس رقم واحد و هو رحيله فهل نتوقع منه استجابة باقي المطالب هل نثق في انه خلال تلك الأشهر التسعة لن يغير كلامه مرة ثانية؟ هل لو وضعنا انفسنا مكان المتظاهرين الذين واجهوا الموت على ايدي نظامه او مكان اسر الشهداء فهل كنا نقبل استمرارية وجوده اكثر من الآن؟ ماذا تتوقعون سيكون رد فعله تجاه المتظاهرين بعد تمكنه من السيطرة على الحكم مرة اخرى؟ هل لو كنت احد المعتصمين بميدان التحرير منذ أيام فهل كنت اعتبرت ما قاله بخطابه ردا كافيا لثورة الناس؟ ما الذي يضمن له صدقه في وعوده و هي وعود جبر عليها؟

بعد الاراء العجيبه دي اطالب السيد الرئيس راعي الثقافه في مصر انه يغلق الانترنت تاني في مصر

يعني مطلوب منهم يعملوا ايه ؟ يضربوا نار ؟؟ متخيلة لو قذيفة واحده طلعت من دبابه من دول ممكن تموت في طريقها كام واحد ولا تهدم كام مبنى ؟ لو الجيش ضرب رصاصه واحده في المظاهرات دي فخلاص على دولتنا السلام ياريم .. المأزق جد خطير وتم توريط الجيش فيه زيه بالظبط زي المتظاهرين .. الحكايه مبقتش حسني او نظام الحكايه بلد وبتنهد على دماغ الي فيها .. يارب سلم ..

فعلت خيرا ..

بما اني من البدايه وحتى الآن من غير المؤيدين لما تسمونه ثورة . . فيمكن بعد كلام حضرتك وجب بعض التوضيح كونه قد يشملني ضمنا كون الي مش معانا على مايبدوا هو ضدنا.. لازم نفرق مابين الشباب الي خرجت للتظاهر ومشروعية مطالبهم ومابين عملية الخروج نفسها والطريقة الي دفعوا بيها للخروج .. عن الشباب الي خرجت في ذاتهم فاكيد انا معاهم قلبا وقالبا وبدعي لهم من يومها يرجعوا بيوتهم سالمين وان انتصروا في مسعاهم فحلال عليهم عمري ماهدعي في يوم من الايام اني شاركت في ماانجزوه ايا كان .. اما عن عملية الخروج نفسها وعن الدعوة ليها فاكيد انا ضدها الف في المية ولا عمري هشترك فيها فضلا عن اني اشجع حد على المشاركه .. يجوز مقلتش رايي اليومين الي فاتوا لانقطاع النت بس الحمد لله الفاضلة لماضه موجوده تكلمكم انا قلت لها ايه بالحرف لما كلمتني في التليفون امبارح وقبل خطاب الرئيس الاخير في عز انتصار المتظاهرين وهل اختلف رايي وقتها عن ماقلته قبل الازمه او مااقوله الآن ولا كان هو نفسه .. موقفي هو ذاته الي اعلنته من قبل يوم الثلاثاء لم يتغير ولا لدقيقة واحده . . انا مش معاكم واي كان ماسيتترتب على ماتطالبون به فليس من حقي ادعاء ان لي فيه نصيب .. خير .. او .. شر ..

عفوا يا أبوهنا ... ما تطرحه هنا به قدر من السذاجة السياسية هل تتصور أن مبارك لو استطاع السيطرة على الأوضاع مرة أخرى سيفي بأيّ من تعهداته أو سيتسامح مع كل من وقفوا ضده جميعنا رأى ما حدث والوحشية التي يتعامل بها أتباعه مع المتظاهرين المسالمين الذين مارسوا حقهم في الاعتصام السلمي فهاجمهم بلطجية النظام هذا يدل بوضوح أن لا تغيير قد حدث في سلوك النظام وبالتالي فإن كافة الوعود التي قطعها الرئيس في خطابه - على قلتها ومحدوديتها - لن يتحقق منها شيء ... وإن تحقق فسيكون في الاتجاه المعاكس جريا على عادة الرئيس في عناد شعبه مش هو ده الرئيس اللي تعهّد في بداية حكمه أن يحكم فترة واحدة فقط فإذا به يحكم خمسة فترات ولم يحسم أمره في السادسة إلا تحت الضغط ... أليس هو من عدّل المادتين 76 و 77 فتحولتا الى خطيئتين دستوريتين حسب وصف الدكتور يحيى الجمل ... أليس هو من زوّرت في عهده عشرات الانتخابات من رئاسية ومجالس شعب وشورى ومحليات ... فما الذي يجعلنا نثق أن الانتخابات القادمة ستكون استثناء الأهم أن قبضة الأمن لو عادت فإن التنكيل سيبدأ بكل من شارك في هذه الانتفاضة وسيبدأ عهد جديد من القهر والبلطجة بدأت تظهر ملامحه اليوم يا أبوهنا ما نريده ليس فقط إسقاط الرئيس ولكن تغيير النظام بأكمله ... هذا النظام الذي يكون فيه منح أو منع حقوق الشعب بيد الرئيس ووفق هواه ومزاجه ... واستبداله بنظام يكون فيه الرئيس موظفا لدى الشعب وخادما لهم وليس سيدهم وهم عبيد عنده ... لذلك فإنه حتى لو تنحى مبارك عن السلطة بعد شهور فإن من سيخلفه سيسير على نفس المنهج ونظل محكومين بالكرباج كما نحن اليوم. ثم هل تتصور أن الشباب الذي قدّم أروع الأمثلة في التنظيم والتحضّر خلال أسبوع من التظاهرات سيعجز عن تشكيل نظام حكم مستقر يكون بديلا عن هذه البلطجة والهرج الذي نعيش فيه تحت المسمى الزائف الاستقرار. رجاء فكر في ما قلته قليلا لأن هذه اللحظات الحاسمة لا تتحمل التردّد والنكوص والمهادنة. وتحياتي

يا اخت ضحي اي تغرير الذي يجعل شخص يواجه الالاف ويعرض نفسه للموت انها خطة محكمة وكل من طلع من المجرمين او الموالين يعرف انه ذاهب لضرب المتظاهرين المسالمين ، وحتى لو افترضنا ان من قام باعطاء الامر لهؤلاء بالخروج والانطلاق لمهاجمة المرابطين في ميدان التحرير حتى لو كان من اعطي هذا الامر قام بهذا تطوعا منه وليس باوامر وتخطيط مسبق فالسؤال العجيب الذي يطرح نفسه ألم يرى هذا الرئيس ألم يراه نائبه ألم يراه وزير الداخلية الجديد لكي يأمر بمنع هذا الاشتباك فورا.والمنع هنا لن يكون بالمواجهة مع احد الفريقين بل هو فقط بعمل حاجز يمنع التحام الطرفين ام ان حماية مبنى التلفزيون بكل دقة ومهارة من المتظاهرين أهم من حماية الشعب... المسألة لو بها تغرير او تصرف مفاجيء من احد المقربين من الرئيس لكان على الفور يسهل منعه ووقفه...بمنتهى البساطة..خاصة ان الامر استمر 5 ساعات ومازال مستمر دون اي حماية للطرفين...فهل مازالت الحكومة والنظام الحكام لم يفطنوا الى ما يحدث..حتى يأمروا بمنعه ام ان يروقهم ما يحدث الان..؟؟؟؟؟؟؟؟

لو حضرتك فهمت من كلامي اني بهزأ من نواره نجم فيشهد الله اني لم اقصد ذلك ابدا .. بالعكس هي بنت شجاعه ولو كتب للمتظاهرين النجاح كانت هتستحق هي وآخرون غيرها من الي ظهروا بوضوح في الصورة ان يقطفوا وعن جداره ثمار النصر .. لكن .. هي قالتها بصدق لو تراجعتهم دلوقت ( احنا ) الي هندفع الثمن وفعلا ده الي كان هيحصل لو الناس الي خرجت الجمعه مخرجتش .. هي لعبة رهان اما تطلع بصاحبها فوق او تهوي بيه لسابع ارض وفي الاول والآخر كل واحد بيدافع عن قناعاته فلو هو صاحب مبدأ فحتى لو مات دفاعا عن مبدئه مش هيكون مات خساره .. النهرده حضرتك مع نزول الناس الشارع يوم الجمعه .. طيب لو تم في اليوم ده مش بس قطع الاتصالات والانترنت وانما قطع ارسال القنوات الفضائية كلها زي ماحصل مع الجزيرة .. هتعمل حضرتك ايه ساعتها ؟ هتضمن سلامه الناس الي نزلت دي ازاي ؟ هتستنجدوا بمين تاني بعد الجيش ؟ هتطلبوا عون وتدخل جهات اجنبية ؟؟؟؟؟؟ لحظة تعقل وصدق مع النفس . البعض دعى لنزول الشباب للشارع والنهرده الناس دي لو منزلتش البعض ده هيدفع الثمن .. معليش ياجماعه ادفعوه وتحملوا فدمكم مش اغلى من دم الي راحوا النهرده في ميدان الشهداء .. النظرة الدنيوية للأمور هنا غير مقبولة تماما وعمرى ما وزنت الأمور بهذا الشكل أنا مؤمن بإن سيدنا إبراهيم انتصر لما ألقي في النار لأنه وقف وحده أما جحافل الكفر وكسر أصنامهم ولم يبالي ولم يكن يفكر كما تفكرين أو يزن الأمور كما تزنين مطلبنا مش مكاسب وقتيه في الدنيا الزائلة إننا نتعامل مع الله سبحانه وتعالى في أفعالنا سيدنا الحسين خرج بأهل بيته فقتلوا جميعا إلا واحد أو اثنين فكيف تحكمين عليه أنا لا أحكم بعقلي القاصر أبدا أنا انفجر بكلمة الحق بحسب فهمي القاصر ولا أبالي النصر عظيم والشهادة ليست هزيمة ولم يقل الله أنها هزيمة فكيف تعتبرينها كذلك ادع لهؤلاء بالنصر والثبات وهزيمة الظالمين وما عند الله خير وأبقى والشهداء في أعلى عليين ويا فرحتى بكل من جاهد وفرحتى بهؤلاء الشباب كبيرة نصرهم الله

هى ليست فتنة بل هى حرب من نظام بلطجى ضد ابناء مصر لايمكن ان نسمى ذلك فتنة ، النظام والبلطجية ليسوا من ابناء مصر ، دول ولاد حرام

دعوتك مرفوضه ,, موعدهم الجمعة وموعدهم السيف ,,

RT @monasosh: لو متنا في ميدان التحرير, مش عايزة حد من اللي قالوا ندي مبارك فرصة ييجي يعزي أهلي فيا ! #Jan25

متهيألي دلوقتي تنطبق المقولة : "النصر صبر ساعة " هي دي الساعة الصعبة ربنا يصبرنا ويصبر أخوانا المرابطين ، حتى يردهم إلى أهلهم فرحين مطمئنين

بسم الله الرحمن الرحيم صديقي العزيز / المهندس تيمور مش عايزين العاطفة تاخدنا احنا شعب عاطفي للأسف وبقولها فعلا للأسف صحيح ان العاطفة دي تراحم لكنها في احيان كتيرة بتعمينا عن الحقيقة والعاطفة دي هي اللي خلتنا نخرج نهتف لعبد الناصر بعد كارثة 67 ومش هنسى جملة شهيرة في فيلم الكرنك تعليقا على الهتافات اللي كانت قايمة لعبد الناصر بعد الهزيمة ( والله احنا شعب طيب ) احنا يا تيمور شعب طيب جدا . بس مع الناس الطيبين ومبارك كان من الناس الطيبين لحد 98 لحد اليوم اللي شال فيه كمال الجنزوري وجاب عاطف عبيد وسبحان الله ده كان في نفس السنة تقريبا اللي رجع فيها جمال مبارك من امريكا وابتدى يظهر في الصورة وسبحان الله مرة تانية: في نفس السنة برضه سقطت طيارة مصر في المحيط الاطلنطي. مبارك ممكن زمان يكون عمل حاجات كتير عشان مصر كان قائد حربي جيد كان في بداية حكمه حاكم جيد وانا مش هنسى صورة له كانت على جهاز الكمبيوتر وهو بيعدي ترعة صغيرة في سينا عندنا في الفلاحين يا باشمهندس كنا لما نحب نعمل معدية على الترعة كنا نجيب فرع شجرة ونوضبه ونفرده بالعرض على الترعة عشان يكون معدية فرع الشجرة ده كان بيعدي عليه مبارك في سينا. الكلام ده تقريبا كان سنة 84. لكن يا باشمهندس افترض معايا شخص كويس جدا وكان طول حياته مثالي وبعدين الشخص ده في آخر حياته قتل واحد تفتكر القاضي هينفذ عليه حكم القانون ولا لأ ولا القاضي هيقول يا جماعة ده كان راجل كويس ولازم نفتكر له حاجة حلوة. ومبارك يا باشمهندس مقتلش واحد بس ده قتل كتير شوف هجيب لك قطعة من مقال عن البنت الرائعة ( فخر بنها بلدي ) إسراء عبد الفتاح شفت السرعة اللي تم اعتقال اسراء بيها لمجرد انها دعت لاضراب وفاكر اللي حصل مع ممدوح اسماعيل اللي سابوه يطلع من مطار القاهرة بمنتهى السهولة ويفك على لندن بعد ما قتل 1300 بني أدم من فقراء مصر فاكر احمد عز يا باشمهندس اللي في عز أزمة الحديد اللي سعره زاد اضعاف مضاعفة بسبب احتكاره طلع يقولك وبكل بجاحة ( أنا شركاتي حققت الشهر ده 870 مليون جنيه أرباح ) بلاش فاكر يا باشمهندس الغاز الطبيعي الثروة اللي ربنا اداها لمصر ازاي مبارك باعها للشعب الصهيوني بسعر أرخص من اللي كان بيبيعه بيه للشعب المصري ( أصل احنا شوية رعاع ما نشبهش ) اقولك فاكر ايه كمان: بلاش حادثة القطار عشان هنقول دي اهمال وهو ماله. ومش ذنبه لكن يا ترى يا باشمهندس فاكر حصاره لغزة ومنع دخول المساعدات ليها في عز ازمتها لدرجة خلتنا احنا المصريين كلنا بقينا مكسوفين من مصريتنا ووشنا في الأرض في الوقت اللي الغاز بتاعنا طالع على اسرائيل افتكر يا باشمهندس كام اسرة باتت حزينة عشان ابن من ابناءها اعتقل وقضى ليلة واحدة حبس ظلم يااااااااه: ده الجبروت ده وحش قوي تفتكر يا تيمور انت ممكن يجيلك يوم وانت حابس بني آدم واحد بس ظلم شوف ده حبس كام بنى آدم ظلم وحولهم لمحاكمات عسكرية لمجرد انهم معارضين. فاكر يا باشمهندس انتخابات مجلس الشعب سنة 2005 في الانتخابات دي في 3 ماتوا بالرصاص على ايدين الأمن المركزي اللي كان في خدمة النظام ودلوقتي مش عارف هيكون في خدمة مين عارف كل ذنب التلاتة دول كان ايه انهم كانوا رايحين ينتخبوا بلاش يا باشمهندس فاكر مظاهرات المحلة في المظاهرات دي في طفل - طفل عمره حوالي 3 سنين وحيد ابوه وأمه مات بطلق في الراس على ايدين الأمن المركزي. تفتكر لو كنت انت أبو الطفل ده كنت هتسامح فاكر في مظاهرات كفاية فاكر التحرش بالصحفيات في صحفية يا باشمهندس بلطجية الداخلية قلعوها البنطلون تحت سمع وبصر الأمن المركزي تفتكر دي لو كانت اختك أو زوجتك أو بنتك كنت هتسامح وآخر حاجة يا باشمهندس تفتكر لو والدتك هي أم خالد سعيد أو سيد بلال تفتكر كنت هتسامح. وآخر حاجة يا باشمهندس تفتكر لو كنت في مكان أبو الشهيد حسام الشهيد اللي مات في اسكندرية في المظاهرات واللي ابوه خرج وقال انا عندي اتنين كمان هنزلهم عشان يموتوا تفتكر كنت هتسامح لو كنت ابو او اخو واحد من ال 300 اللي ماتوا في المظاهرات دي تفتكر كنت هتسامح لو سامحنا وسكتنا يا باشمهندس هنقول ايه للشهداء اللي دمهم سال 300 شهيد يا باشمهندس كان ممكن نصفهم على الأقل يتفادى المصير ده لو كان ما عاندش واستمسك بالكرسي على حساب أبناء الشعب انا عن نفسي مش مسامح مش مسامح أبدا ومهما حصل أوفياء أوفياء * لدماء الشهداء.

ياجماعه ارجوكم الي بيعرف يتعامل كويس مع الشبكات الاجتماعية ينشر نداء لاهالي المعتصمين في التحرير يقنعوا ابنائهم.. ارجوكم ارجعوا .. الشباب دول ممكن جدا يبادوا عن اخرهم .. هيتم تقديمهم ككبش فداء وذريعه لاختراق مصر من جميع النواحي .. موتهم اوتعرضهم لكارثة قصوى هو المبرر الوحيد الي ممكن يقلب كل الموازين .. الشباب دول هيدفعوا ثمن العناد .. رحمتك بيهم يارب ..

عمى ozoozo والله العظيم انت راجل سكرة

الصورة قد تظهر التعاطف لكنها تظهر باكثر من ذلك ضعف ورقة ( المقاتل المصري ) وهو نفس ماحرصت الفضائيات على ابرازه سواء البي بي سي او العربية خاصه مع اصرارهم على اعاده اللقطه التي يظهر فيها الجندي وهو على وشك ( التعثر ) من فوق الدبابه قبل ان تمتد له يد زميله لمساندته .. اقل مانقوم به حفظا لكرامتنا وهيبة دولتنا والاهم لسلامه وطننا هو عدم المشاركه في نشر مثل هذه الصور .. قد يكون جيشنا مصنف كعاشر اقوى جيش في العالم لكن بعد الي شفته من اللجان الشعبيه ومن الشباب المصري فجيشنا بشعبنا هو الاقوى على مستوى العالم .. وبلا منازع

نقل لاهميته :

الأخ ابو محمد هو فيه ايه ؟ انت داخل وكان الناس هنا هى السبب كأن مبارك ونظامه ملايكه واحنا اللى عالم ولاد ستين كلب وظلمناه واين كان رئيس دولتنا عندما اذل الناس وهل كرامة الرئيس تقابل اذلال الشعب كله واين كانوا عندما دخل من اسميتهم بمخابرات الدول واين كانوا عندما هربوا من يومين فى عز حاجه الناس لهم ام انهم شجعان فقط امام الناس العزل ومن تسبب فى هروب الاف النمساجين ومن تسبب فى مقتل كل اخواننا اليوم ومن دمر اقتصاديا وسياسيا وفى كل المجالات

مش بشكك في الصورة ولا اقدر اجزم ان كان الكارنيه مسروق ولا فعلا محمول مع صاحبه .. بس سؤال يطرح نفسه بقوه .. مش كانت تبقى الصورة اكثر مصداقية لو اتاخذت جنبا الى جنب مع وجه المجند الموجود في الكارنيه وهو مقيد بعد الامساك بيه ؟؟

لا يا اسلام اوعى تُحبَط هو ده اللي الكلاب عايزينه خلاص النور اللي في اخر الممر المظلم ظهر كلها خطوات والله والغُمَه تزول ربنا يثبتكم يا رب كلنا بندعيلكم يا رب انصر عبادك المخلصين يسقط يسقط حسني غير المبارك

شكلك كده من المنتفعين من النظام الفاسد الي في ميدان التحرير دول يابو هنا ولادنا لا هم عملاء ولا هم خونة هم بس قليلي حيلة وكانوا فاكرين ان لو هم قرروا يتغيروا ويعبروا عن رايهم فبالضرورة الآخرين هيقرروا معاهم يتغيروا ويسمعوا له .. للاسف لو حصل واستعان الناس دي بالاستعمار زي مابتقول لانقاذهم فاللوم مش عليهم في الحالة دي وانما على الي اضطرهم لكده .. يارب .. قلبي هينخلع على الناس الي هناك دي وبتموت وملهاش ذنب .. ياااارب نجيهم يارب اعتقد ان الاخ ابو هنا عارف كل حاجة كويسة .. بس هو بيكتب فقط للاستهزاء باخونا المتظاهرين اللى ماتو علشانك وعلشانى شكلك زعلت من السالب الي اديتهولك لما اتهمت زميلك المعارض لك بالانتفاع لمجرد انه خالفك في الراي وعليه قررت تديني سالب على مداخلتي اعلاه .. على فكره مش زعلانه من السالب بتاعك ببساطه لان قلبي مليء بالمراره و ( الزعل ) على الي بيحصل لدرجه اني بيتهيء لي مش ممكن هزعل على حاجه تاني النهرده .. ربنا يعدي الايام دي على خير ولايحملنا مالاطاقة لنا به .. يارب نطلع منها زي مادخلناها من غير مانشيل فيها ذنب ..

معليش سيد ارتيتكت .. بتقصد مين بمرجعيتي ؟ محمد حسان ؟؟؟؟ امتى قلت اني باخذ بكلامه او اني بسمع له اصلا ؟؟؟ اما لو قصدك شي في كلامه فياريت تنقله لي نصا لان الصوت في جهازي معطل ملاحظة اخيره .. في كلام نواره نجم من عده ايام لما كانت بتحشد لمظاهرة الجمعه كانت بتقول انزلوا ياجماعه لان لو منزلتوش كلكم ( هنتشنير ) كل واحد دعى للفتنه دي وكان ( ظاهر اوي في الصورة ) بالتاكيد هيكون النهرده وبعد الي حصل اكثر اصرارا على المضي فيها لان خلاص .. لو الناس دي كلها تراجعت ( هيتشنير ) .. مش مهم الابرياء الي بتموت في الميدان دلوقت ومش مهم ابدا قلوب اهاليهم المحروقة عليهم ومش مهم ابدا الاجندات الخارجيه الي بدأت تتنفذ فعلا المهم ان كل واحد قال اطلعوا ميحصلوش حاجه .. ان كانوا بيعتبروا الي حصل في ميدان التحرير ثمن قليل للحرية الي اوهموا البعض انهم هيحصلوا عليها فياريت يضيفوا للفاتورة ثمن .. الشنيرة .. في نظري إن نوارة نجم ابنة هذا الرجل البسيط أفضل من كثير من الرجال الذين لا قيمة لهم في هذه الحياة سوى تنظير الجبن والتثبيط والتعويق مع أن علماء الأزهر الأفاضل أمثال جبهة علماء الأزهر والشيخ يوسف القرضاوي قد قالوا كلمتهم وأفتوا بالخروج فأرجو من الجميع ألا يهزأ بالشهداء وألا يكون ظهيرا للمجرمين ومعاونا لهم وأن يقف مع المطالب المشروعة لهؤلاء الشباب وكفانا دفاعا عن الطغيان والشماتة بهؤلاء الشباب ولا يحملهم المسئولية فالمسئولية كلها على الفساد والظلم والبغي للرئيس المخلوع وعصابته نفوض الأمر لله الذي لا يصلح عمل المفسدين

بالطوب بالحجارة احنا حنبقي زي اطفال الحجارة اين الخطة المحددة لأسترداد حقنا في بلادنا ؟ اين الخطوات المتبعة لتنفيذ هذه الخطة ؟ اين القائد الذي يتولي الأعداد المهندس الذي يدعو بكل حماس الي قتل ابنائنا هل يستطيع ان ينفذ مشروع صغير بدون اعداد ام ان هذه العشوائية فقط في ارواح البشر

اخرجوا وانصروا إخوانكم ترضوا ربكم \إخوانكم يقتلون وهم يدافعون عن حقكم وغلى الأخ كاتب الموضوع أنت تجهل معنى كلمة فتنة اتق الله فيما تقول

من مات دون أرضه فهو شهيد، ومن مات دون عرضه فهو شهيد، ومن مات دون ماله فهو شهيد

ربنا يباركلك يا مصريه يارب

يا جماعه اللي بيحصل دا حرام احنا بره مصر ما بنامش و جواها ما بيناموش -الواحد ماشي بيكلم نفسه - الراجل مش ناوي يمشي و المتظاهرين بردو مش نويين يوقفو و دا حقهم و حقناو حق الشهداء اللي دمهم ما بردش لكن المعادله صعبه و عشان تتحل لازم نعرف فين الغلط -- من ناحيه النظام طبعا عرفين مشكلته (او مشكلاته)ايه و متمسك بالسلطه ليه لكن بالنسبه للمتظاهرين او الثوار حماهم الله لازم يتداركو اخطائهم اليوم و ليس غدا لان فعلا بدأو اليوم ينشقو في صفوفهم و يدخل عليهم الدسائس مفي حد يتكلم باسمهم و ما بيتفقوش علي حد هما مجهولين بالنسبه للناس و الاشاعات كتير لازم يخرج منهم اليوم حد علي اي قناه تليفزيونيه يتكلم باسمهم (مش البرادعي ولا اي شخصيه عامه ) بيان منظم في نقاط محدده يقولو فيها عيزينه يمشي ليه الغرض من البيان مش اقناع النظام بالتنحي و لكن اقناع الناس كلها ليه هما طلبين التنحي يظهرو فيه اولا اللي بذله النظام عشان استقرار مصر(حتي و لو من باب النفاق و الكذب )فالحرب خدعه و برضو في نقاط محدده ثانيا و بعد كده يستعرضو مساوئ النظام من اول رصيد الرئيس و اولاده و حاشيته في البنوك الاجنبيه و مشاركاتهم في المشاريع الحيويه و المصايب اللي حلت علينا من اسمده مسرطنه و اكياس دم مغشوشه و حادث العباره و الدويقه و القطار المحترق واهدار اموال الدوله من الغاز اللي بيصدروه لاسرائيل بثلث السعر اللي بيدوه للشعب الخصخصه و فلوسها اللي مشفناهاش وووووغيره كتير لا يعد و لا يحصي و لكن اعتقد المجهود دا ممكن الشباب بالتعاون بينهم يحصروه بسرعه و كأنه كشف حساب سنوي يستعرضوه علي شاشه التلفزيون الخطه دي كأنها مرافعه بيقنعو فيها الشعب المتعاطف معاه و فضحه امام العالم الحرالمستثني منه امريكا و اسرائيل بموقفهم و اسباب طلباتهم وصدقوني الانقسام دا هينتهي لان مفي واحد الا و اكتوي بتلك الاخطاء يارب يكون حد بيتابع معانا من الشباب اوالله يكرمكو اللي ممكن ينشر هنا الموضوع و يعرضه يعمل كدا بسرعه جدا لان النهارده الراجل يا قاتل يا مقتول --

المسألة الآن أصبحت إشكالية كبرى أعتقد أننا سنحتاج لوقت طويل جداً .. لاستعادة مصر أطول مما نتوقع

قريت في شريط الاخبار ان النت رجعت .. كان عندي كلام كتير جدا عاوزه اكتبه عن الايام الماضية .. لكن بكل اسف الي بيحصل قدامي دلوقت على شاشات التلفزيون .. مذبحه القلعه الي من اول امبارح حاطه ايدي على قلبي تخوفا من حدوثها واهي حصلت .. تخوفي من الي لسه هيحصل بكرا ويوم الجمعه الي فترض يكون حاسم .. تفكيري في الناس الي ماتت او اصيبت وملهاش ذنب غير انها صدقت الي قيل لها .. بكل اسف كل ده مش مخليني قادره اكتب او حتى افكر ياترى لسه فيه ايه تاني .. حسبنا الله ونعم الوكيل ..

الآراء المعادية للثورة يصدرها طبقة المنتفعين الذين أثروا ثراء فاحشا في عهد النظام الفاسد و هم بالطبع يخافون على أنفسهم و ثرواتهم و هناك معهم ناس لا تفهم ما يحدث و لا يفهمون معنى الحرية من أصله هم ناس راضون بحياتهم كما هي و تضرروا من الفوضى التي حدثت من الانفلات الأمني و بالطبع كما رأينا على الجزيرة معهم ناس مأجورين ب 100 جنيه في اليوم!!! ايه رأي الناس اللي بتقول كفاية احنا حققنا مكاسب معقولة؟؟؟ ده احنا ورانا حاجات كتييييييييييييييير عايزة تتكنس بعد سقوط النظام و تنوير كتييييييييييير للناس اللي اتبرمجت أن السكوت على الظلم هو صبر سيكافئهم الله تعالى عليه يارب النصر بيدك وحدك اللهم لا تؤاخذنا بما فعل السفهاء منا آمين

كلهم عملا كلهم كلاب كلهم سفاحيين خاينين مش عايزنكم لو كنتم كدة كلاب خاينين مش عايزنكوا قتلة الشرفاء حسبى الله ونعم الوكيل مفكيش راجل يا حكومة مفيش راجل يعرف يفتح بقه كلهم بايعين شرفهم وذمتهم مش عايزينه يرحل ولا يمشى عايزينه يتحاكم محاكمة عسكرية الغبى الجبان مش هيرحل هيتحاكم

معلش يا جماعة انا كل يوم بيجيلي صداع من كتر الفرجة و السماع للأخبار حتى النوم ملخبط و الأكل كمان حيرح أعصابي شوية بعيد عن كل ده و اكتفي بالدعاء و الصلاة لانتصار الثورة ربنا كبير قوي و إذا كانوا ناسيين ده او كفروا بيه فإحنا لسه مؤمنين بقدرة الله هو عالم الغيب و الشهادة القادر يا رب يا ذا الجلال و الإكرام ادعوك بأسمائك الحسنى كلها و أدعوك بإسمك الأعظم انصر الحق و ارفع الظلم و احمي الضعفاء و ورينا فيهم آية يا كريم

ايوة الأوراق الرسمة بتقول أنه قائد وهوه اللي ادي الأوامر للشرطة انهم يقتلوا الشعب ، عشان يحموه وهما لو خالفوا الأوامر ، ومضربوش اخواتهم و ابنائهم حيلاقي الظابط نفسه بعد المظاهرات قاعد في بيته من غير شغل حد حينفعه من اللي ضحي عشانهم بشغله زي ما قلت الموضوع من الأول كان عايز نظام مش شئ عشوائي كدة و خلاص كان ممكن يبقي فيه اتفاق بين المتظاهرين و الشرطة الغريبة يا أخت جويرية إنك حاطة في توقيعك شعار نبي الرحمة هي الرحمة دي فين ولا هما ضباط الشرطة دول مفيش عندهم رحمة انتي بتقولي دي أوامر ولازم الضابط ينفذها وإلا هيلاقي نفسه في البيت من غير شغل ومحدش هينفعه طب ومعلش بقى أنا هلجأ للأسلوب الصادم لو الضابط ده خد أوامر إنه يضرب ابنك بالرصاص من غير ذنب يكون ابنك جناه هتقولي ايه ساعتها هتقولي الضابط معذور ولازم ينفذ الأوامر لأنه ضابط وأنا مش هنفعه لو امتنع ولا هتفضلي تدعي عليه ليل نهار ولو طلتي إنه تاكليه بسنانك هتاكليه يا أخت يا رافعة شعار نبي الرحمة عن نبي الرحمة أنه قال: ( سيكون في آخر الزمان شرطة يغدون في غضب الله ويروحون في سخط الله فإياك أن تكون من بطانتهم ) وقال الحق تبارك وتعالى: ( إن فرعون وهامان وجنودهما كانوا خاطئين ) أما بخصوص مسألة التنسيق بين المتظاهرين والشرطة عارفة دي بالظبط تشبه مسألة التنسيق بين القط والفأر عمرك شفتي قط بيتفاوض مع فار !!! ولسه في سؤالي الرئيسي هل تضمني مبارك ؟ وهل تذهب دماء الشهداء هدرا ؟

http://www.livestation.com/channels/34-bbc-arabic-arabic موقع يضم بعض القنوات الاخبارية عشان اللى عايز يتابع الاخبار

المفروض هنا يظهر دور قوى المعارضة المحترمة التي لا تسعى إلى السُلطة أو الكراسي هنا يجب أن يخرجوا على الشعب من خلال قنوات يعرفونها وتصل إليهم وتقدم لهم حلول للأزمة التي نحن فيها الان ويخاطبوهم بلغة يفهمونها بعيداً عن التقعر .. ومن ضمن هذه اللغات " لغة أكل العيش " ... ويجب أن يوضحوا لهم المؤامرة التي يدبرها هذا الخبيث في حالة بقاءة ولو ليوم واحد في الحكم .... الأبواق الإعلامية الخاصة به بدأت بالفعل في ذلك .... ورأينا بكاء مرير من معتز الدمرداش ومنى الشاذلي ومكرم محمد احمد .. تأثراً بخطاب هذا الرجل النبيل الذي يُذكرنا بنبلاء القرون الوسطى وعشرات الإتصالات من ناس تبكي بحرارة على إجرامنا في حقه .. أو مثلما قالت إحدى المتصلات " إخص عليكم يا شباب مصر .. حد يعمل في ابوه كده ؟ أبوه اللي رباه لمدة 30 سنة يروح طاعنه في ضهره زي ما طعنه الفاسدين المحيطين به واللي اختارهم عشان يخدموا الشعب لكن خانوه وبقوا مفسدين ؟ " وهكذا أيها السادة ... أصبح الشعب هو المجرم ... وأصبح المحيطين بالرئيس هم المجرمون الفاسدون ... أما الرئيس .. فهو أبونا اللي ربانا وتعب على تربيتنا 30 سنة وفي الأخر أهانناه وبهدلناه

سبحان الله نفس اللي حصل في غزوة حنين عدد مظاهرات كبير الناس قالت لن نغلب اليوم عن قلة وأكيد هيتنحي اتحاصروا وزلزولوا وفروا ومحدش فضل مع الرسول عليه الصلاة والسلاة إلا نفر قليل يقال 11 او 13 ولكن الناس لما فاقت رجعت وحاربت وانتصرت يارب النصر انما النصر صبر ساعة اللهم يامن استجاب ليونس في بطن الحوت واستجاب لزكريا من بعد ابيضاض الشعر واستجاب لابراهيم في وسط النار ياسميع الدعاء فرج هم مصر

أحمد شفيق اللى قال حماية المتظاهرين فى رقبتوا وبعد خطاب الزفت الناس انضربت فى كل حته فى اسكندرية والمحلة وبور سعيد والتحرير طلعوا عليهم بلطجية باسلحة بيضاء وضربوهم وكان مبارك بيقولهم هو انتوا مش هتتلموا بقى وتروحوا ومافيش فايدة فيكم يبقى رئيس وزراء كذاااااب من اولها كده تابعت لقاءاته فى التلات قنوات المحور والحياة اليوم ودريم وكان فى منتهى الغيااااء مع منى الشاذلى وكان ناقص عليه يضربها والله بيقولها انتى تستنى وتسمعينى وماتستغليش شطارتك كاعلامية فى انك تمنعينى اتكلم ردت عليه وقلت له وحضرتك بتستغل انك قائد عسكرى وبتدين اوامر عمل نفسه بيضحك بس كان عالاخر منها بنى ادم شكله مغرور ومتغطرس كالعادة دايما مثله مثل اى قائد بيختاره مبارك يكون جمبه ويثق فيهم

R.N.N | شبكة رصد رجال الثورة التونسية استمروا وصمدوا قرابة 27 يوما حتى أسقطوا طاغيتهم وهم يرددون حتى الآن أوفياء ... أوفياء ...لدماء الشهداء

كرامة ايه اللي انتوا بتتكلموا عليها و عاوزينا نستحمله عشان كرامته واجعاه الله و احنا كرامتنا فين من 30 سنة هوووووو ما عملش كرامة لينا ليه المصري اللي متهان في كل بلد يروحها افتكروا قتيل كترمايا كان فين كرامته داااااااااااااااااااا شهداء العبارة كان فين كرامتهم و كرامة اهلهم لما كانوا بيصوتوا في الغردقة ان كلب يروح يبعت انقاذ ليهم و لا حياة لمن تنادي كرامة ايه اللي عاوزينا نعملهاله كرامة ايه حرام عليكم عاوز يموت في ارض مصر هو دا سبب يخلينا نسيب حقنا بقى و حق الشهداء اللي ماتوا من كلابه هو و العادلي باقولكم ايه نظام يا عيني صعب عليا دا انسووووووووووووووووووووووووووه بقى كفاية عاطفية كفاية طيبة كفاية هبل قال كرامته قال و كرامتنا احنا مين يعمل حسااااااااااااااااابنا مييييييييييييييييييييييييييييين عاوزين كلابه يطلعوا ينهشوا بقى في اهلنا مش كفاية اللي حصل