لوحة القادة

الكلام ده موجه لمن لم يساعد فى الثورة او يحاور اثباطها على لسان احد الشباب خرجت عشان مش عايز ضابط الشرطه يكلمنى ببلطجه مع انى معملتش حاجه! مش عايز أحس انى خايف وأنا داخل قسم الشرطه وأنا مش عارف أنا خايف ليه! خرجت عشان مش عايز أدفع رشوه فى المرور والشهر العقارى والجمارك والضرايب والبلديه ... خرجت عشان مش عايز الغاز بتاعنا يروح لاسرائيل بأرخص من التمن اللى بندفعه احنا خرجت عشان مش عايز نحاصر أهلنا المساكين فى غزه واسرائيل بتضربهم بكل انواع القنابل خرجت عشان عايز فلوسى اللى خدها أحمد عز وملياراتى اللى راحت مع نواب القروض خرجت وخرج معايا شيوخ ازهر وسلفيين واخوان وعمرو خالد ويساريين وممثلين وأدباء ومسيحين كلنا على كلمه واحد: يسقط مبارك الطاغيه نسيتم العباره والكام الف اللى ماتوا وحسنى وحكومته سابوا الكلب يهرب نسيتم خالد سعيد ومحمد السيد بلال وكل اللى موتهم نظام مبارك لمجرد الاشتباه نسيتم الدكتور المصرى اللى اتجلد فى السعوديه وكرامتنا اللى اتهانت جوه وبره نسيتم العساكر والشباب اللى اتضرب برصاص اسرائيل على الحدود واعمل نفسك ميت اصدقه ليه وهو كل خماسيه بيقول الخماسيه الجايه كل حاجه هتحصل احترمه ليه وهو خلانى مهان فى بلدى وفى بره بلدى وفى كل بلد احترمه ليه ومدير مكتبه السابق قال مبارك لم يكن يهتم بتقرير الشعب اليوميه عارفين القذافى اللى بعضنا بيتريق عليه!؟ بقاله فى الحكم أكتر من مبارك بس على الأقل هو مدلع شعبه.مفيش جمارك.العربيات رخيصه.مستوى الدخل مرتفع بياكل بعقل وسايب حته كبيره للشعب.لكن مبارك حكومته سفاحيييين. ------------ قناة السويس والسياحه والاثار والزراعه والصناعه والثروه السمكيه والغاز والبترول فين كل ده يا حراميه..سرقتونى..وكمان خوفتونى بالداخليه! محدش يقولى المظاهرات مدسوسه وأمريكا والمعارضه والاخوان وكفايه هيحرقوا البلد أنا محدش حركنى غير احساسى بالظلم والمهانه والسرقه والنهب والقهر ولا فى أى حزب معارضه ولا قوى سياسيه ولا قوى خارجيه تقدر تحرك 4مليون انسان فى نفس الوقت وتانى يوم الضهر يطلع بلطجية الداخليه ورجال الأعمال المستفيدين من النظام بخيول وأسلحه بيضاء وقنابل غاز وغيره يهجمون على العائلات والستات والبنات والأطفال العزل اللى هيقول غير كده هحط صباعى فى عينيه.انا وصحابى كنا هناك وشوفنا بنفسنا دانا وصحابى قلنا نروح بعد خطاب الريس ونحكم صوت العقل.مجرد وصولنا رمسيس طلعوا علينا الف بلطجى بيهتفوا لمبارك بأسلحه ونجينا منهم بأعجوبه عارفين.لولا لطف ربنا كنتم سمعتوا عن 6 شباب ماتوا فى عربيه فى رمسيس وهم مروحين اوعى تقولى المتظاهرين السلميين روحوا ليلة الخطاب واللى موجودين الان اخوان ومعارضه على اساس انهم كلموا بلطجية الحكومه على الموبايل وقالولهم نتقابل فى الميدان بكره الضهر ظبطوا المواعيد بعد ماحنا مشينا ونزلوا فارس لفارس فى الميدان واللى يكسب يطلع على قصر العروبه وحلال عليه! .فيلم هندى اخر حاجه والله وبالله وتالله اللى بينضربوا وبيموتوا وبيتقطعوا فى الميدان هم المتظاهرين السلميين بتوعنا والله وبالله وتالله فيهم ستات وبنات وأطفال ومش عارفين يروحوا ده حتى مصطفى الفقى وكلكم عارفين انه كان مستشار مبارك زمان قال اللى عمل الفتنه والبلبله والضرب ده هو وزير الداخليه الجديد وده فكره وبطايقهم اتمسكت وكارنيهات مباحث أمن الدوله والمباحث الجنائيه وكل الناس شافتهم ده غير ان بعضهم بالفعل اعترف انه داخليه او مرتزقه وواخد 100 جنيه طبعا حبيب العادلى ونواب الشعب اللى هيتزحلقوا مش ممكن يمشوا بهدوء بس السؤال مين اللى جابهم وحكمهم فينا!؟ أنا لم ولن أدعو الى القتال أو محاربة أى مسلم مهما كان السبب.ولن أشارك فى نزاع على الحكم أنا اسف جدا لما وصلت اليه الأمور ولما يحدث فى الميدان الان ولكنى لست أحمق .ولم ولن أنسى أن السبب فى كل هذه الفتنه هو مبارك ونظامه ليست المظاهرات السلميه هى السبب.ولكن غرور مبارك ونظامه هم السبب بطش وظلم وقهر وطغيان وجبروت 30 عاما هو السبب وبعد انقشاع الفتنه.سأخرج مره أخرى فى مظاهره سلميه أطالب بتنحى الدكتاتور الظالم متقليش البنت بتاعة المحور واسرائيل وأنا خنت بابا حسنى وندمانه والله هشتم شتايم وسخه! احنا مش فى سينما الأطفال هنا ومتقليش الجزيره وقطر بيكرهونا وبياخدوا فلوس من اسرائيل عشان يشوهوا صورتنا اسرائيل أكثر دوله فى العالم خسرانه من سقوط مبارك وتدعو كل يوم الى مساندته مظبطهم طبعا اخر حاجه.غاز وحديد وتطبيع ومحاصرة فلسطين وتهنئه بعيد تأسيس دولتهم طب ماشى الجزيره كخه.والعربيه برده كخه!؟والبى بى سى كخه!؟ والفرنسيه كخه!؟ لما أنا المرفه نسبيا أخرج عشان حضرتك يا أستاذ وحضرتك يا أستاذه وأسيب مرتبتى الماستر بيد أم 1400 جنيه وأنام على الأرض عشان خاطركم وتيجى تقولى فى الاخر بلاش خراب فى البلد كفايه كده عايزين نشوف مصالحنا وأكل عيشنا عارف هقوللك اييييييه؟؟؟؟؟ هقولك يكفيك كام كيلو استفندى وتتفرج على القناه الأولى وتقعد ساكت؟

طبعا الساده فى المحاورات يلبسوا ثوب الثوره وكل من يخالفهم الراى يلقوه بالسالب وهذا واضح من كم السالب الذى يوضع عندى اخوانى المحاوريان اخواتى المحاورات الديمقراطيه تعنى الاختلاف بدون اخلتلاف لايوجد ديمقراطيه مادام الاختلاف فى حدود ادب الحوار

أفلام جيل ثورة 25 يناير... :) ابي فوق الدبابة عودة النت المندس والأجندة الرصاصة المطاطية لاتزال في جيبي في بيتنا بلطجية لا اختنق ولكني استغيث ستاتس هزت عرش مصر ليلة القبض على عز عض بلدي ولا تعض نتي جاءنا الرئيس التالي نحن لا نرمى المولوتوف مهمه في ميدان التحرير الريس عمر سليمان حرامية في شبرا البحث عن دستور

خايف...اسكت شايفها فتنه...احفظ نفسك لا تدعم طرف من الاطراف ولا تتهم احدا بالعماله او الخيانه انزل شغلك واعمل واجباتك وبس سيب اللي بينضرب علشانك ينضرب ...لو مش قادر تبقي جنبيه ماتضربوش انت كمان لو مش عارف فين الصح وفين الغلط...اسكت ماتحبطش اللي بيغير بجد ماتقفش جنب اللي ظلمك علشان تعيش و السلام انزل الشارع وماتخافش روح شغلك افتح محلك واعمل كل اللي نفسك فيه سيب النظام يحتضر وسيب اللي في التحرير يجيبولك التحرير

الرجاله اللى بحق وحقيقى قاعدين هناك فى الشارع مش خايفين من الموت ومستحملين كل دى علشان خاطر يجبولنا حقنا المغتصب التنازلات بتتوالى علِشان الناس دى رجاله بجد وقادره تجيب راس الطاغيه على الارض لكن للاسف فى ناس كتير لسه بتطعنهم فى ظهرهم وبتتهمهم انهم عملاء وانهم مبيعبروش عن الشعب وهما مرابطين هناك والموت حواليهم كل دى علشان خاطر واحد مش عارف يروح شغله اليومين دول او واحد نزل جاب ازازة زيت غاليه او واحد خسر جزء من فلوسه فى البورصه انما بعد الثوره ما تحقق كل اهدافها يطلع يقولك انا كنت اول واحد طلعت فى الثوره دى وانا اول واحد عملت وسويت والله بحسد كل اللى فى ميدان التحرير وكل شهيد وكل مصائب نزلت منه نقطه دم فى سبيل بلده واحنا هنا فى الغربه مش قادرين نعمل حاجه

تخيلوا كده لو الثوّار اللي في مصر سمعوا الكلام ورجعوا بيوتهم وقعدوا يتفرجوا على التليفزيون المصري... ومن كتر مصداقيته :sad: الناس اتأثرت وعرفت غلطها وراحوا جري على أبوهم الحاج حسني يحبوا على ايده ويقولوا له سامحنا احنا أبناء عاقين وولاد ستين في سبعين كمان!!! لو الناس فعلا عملت كده .... وبصينا لقينا زي النهاردة كده مظاهرات عاملينها المغربيين وشايلين علم مصر وبيهتفوا بحرية مصر وبيحيوا الثورة وبعظمة شهداءها.... ولاّ الأنقح بقى.... زي ما أنا لسه شايف من شوية.... مظاهرات علشاننا في القدس .... آه والله وغزة كمان يالهوي بالي همّا مش ساكتين واحنا بنقول كفاية بقى كفاية؟؟ الناس جاعت واتبهدلت .... وناس تانية مش عارفة تتفسح في الويك إند كل اللي دلوقتي مش عاجباه الثورة وبيقول كفاية اللي حققوه ...يبقى مش من حقه يتمتع بأي حق من حقوقنا اللي الثورة رجعتهولنا بعد 30 سنة اللي بيقول كفاية خلوهم يرجعوا بيوتهم عشان نعيش في هدوء.... يبقى مش من حقه إن يفتخر في يوم من الأيام بإن مصر فيها رجالة خرجوا مش خايفين من أمن دولة ولا شرطة شابفين نفسهم من طبقة تانية غير بقية البشر ومن حقهم يهينوا أي انسان بسبب أو بدون سبب مش من حقهم يفتخروا قدام العالم كله اللي غير نظرته للمصريين وكل اللي وقف قدام السفارات المصرية في كل دول العالم سواءا مصري أو غير مصري .... ورجعوا لنا هيبتنا تاني واحترام العالم كله للمصريين احنا مش بنتفرج على فيلم أكشن ولما نملّ منه نقول كفاية كده ونقلب على قناة يكون فيها فيلم كوميدي الناس اللي خرجت ورحعت لنا الحقوق دي كلها ... همّا اللي يقولوا كفاية كده أو مش كفاية مش حد تاني أبدا

سلام من الله ورحمة بما لا يدعو للشك لقد افاقت الامة المصرية بنسيجها الكامل على ان ما حدث سابقآ من اعتداءات على مسيحى مصر كان من تدبير نظام فاشى كدر ماءنا الصفو وعمل على تعكير مزاجنا وتغريبنا فى وطننا وهنا لابد من وقفة لنا جميعآ بعد انكشاف الامر الا نعطى فرصة اخرى لهذة الحفنة القذرة على ان تقوم بهذا ثانيآ بالعمل على التواصل الدائم ونبذ التعصب والعمل على اذابة اى خلاف بالعقل والمنطق السليم اخوتى فى الوطن الرجاء التوحد فى صف واحد والا نرى مواضيع من شأنها تأييد مفاهيم حاولو السفلة ترسيخها فى عقول اخوتنا المسيحيين بان المسلمين ايآ كانو سلفيين او جماعات يريدون قتلهم وأبنائهم فظهر الحق من خلال ازمة مصر وعدم وجود امن بكل مناطقها مما كشف عن روح الاخوة بين عنصرى الامة بأن وقف المسلم يحمى الكنيسة من العصابات والبلطجية المنظمة وكذلك المسيحى بالمثل كان يقف حاميآ لبيوت المسلم ومساجدة فى اماكن تكثر فيها اتباع المسيحية وبها مساجد ولم نسمع عن تحرش جنسى او هدم لأى قيم الاخلاق بين الجانبين حمى الله مصر من يد العابثين

فكرة اقامة القداس بكره للاقباط في ميدان التحرير وسط حراسة المصريين المسلمين حيكون وقعها يا جماعه رااااائع ان شاء الله ايه الجمال ده يارب ايه اجمال ده يا مصر تخيلوا لو مليون مصري قبطي بكره اقاموا اكبر قداس في تاريخ مصر !! والمصريين المسلمين عاملين حواليهم كردون كبير اوي عشان يحموهم باجسادهم من اي خطر محتمل !!!!

الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل * فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم*انما ذالكم الشيطان يخوف أولياءه فلا تخافوهم وخافوني ان كنتم مؤمنين* ان شاء الله يتحقق فيهم قوله تعالى

الف تحية لكلام حضرتك الجميل والله انا اختى حكيت لو موقف فى المظاهرات امبارح ساعة صلاة المغرب وقف واحد مسيحى وقعد ينظم فى الاخوة المسيحيين عشان يحموا ظهر المسلمين وهما بيصلوا وقالهم صلوا انتوا واحنا هنحميكم وساعة صلاة الجمعة الصبح حصل كده برضو وفى كل صلاة بتحصل احنا طول عمرنا متربيين مع بعض وفى بيوت واحدة وفى بلد واحدة بس للاسف النظام الغبى اللى شاء ربك ان تقوم الثورة وتفضحهم هو اللى كان بيفرق بيننا وحمى الله مصر والمصريين لا هقول مسلمين ولا مسيحيين اتفضل :clappingrose:

أين المشككين ***** الذين كانوا بينتقدوا الثوار بالأمس وعايزينهم يرجعوا بيوتهم آهو صمودهم بيحقق لنا التنازل تلو الآخر وقريبا تحقّق الثورة جميع أهدافها وينزاح النظام مبروك للثوار ومن يدعمهم ولو من خلف الكيبورد ولا عزاء للموالسين والجبناء

قصيدة الميدان *** للشاعر عبد الرحمن الأبنودى أيادى مصرية سمرا ليها فى التمييز ممدودة وسط الزئير بتكسر البراويز سطوع لصوت الجموع شوف مصر تحت الشمس آن الأوان ترحلى يادولة العواجيز عواجيز شداد مسعورين أكلوا بلادنا أكل ويشبهوا بعضهم نهم وخسة وشكل طلع الشباب البديع قلبوا الخريطة ربيع وحققوا المعجزة صحوا القتيل من القتل أقتلنى .. قتلى ما حايعيد دولتك تانى بأكتب بدمى حياة تانية لأوطاتى دمى ده ولا الربيع..الأتنين بلون أخضر وبأبتسم من سعادتى ولا أحزانى تحاولوا ما تحاولوا .. ما تشوفوا وطن غيره سلبتوا دم الوطن وبشمتوا من خيره أحلامنا .. بكرانا.. أصغر ضحكة على شفة شفتوش صياد يا خلق بيقتله طيره السوس بينخر وسارح تحت إشرافك فرحان بهم كنت وشايلهم على كتافك وأما أهالينا من زرعوا وبنوا وصنعوا كانوا مداس ليك ولولادك وأحلافك ويا مصر .. يا مصر قام العليل رجعت له أنفاسه وباس جبين الوطن.. مال الوطن باسه من قبل موته بيوم صحوه أولاده.. من كان سبب علته محبته لناسه الثورة فيضان قديم محبوس ما شقوش دول الثورة لوجت ما تبانش فى كلام أو قول تقلب وتعدل فى سرية .. تفور فى القلب وتتغزل فتلة فتلة فى ضمير النول ما تخافش على مصر يابا.. مصر محروسة حتى من الطغمة دية اللى فينا مدسوسة ولو إنت أبوها بصحيح وخايف عليها قوى تركتها ليه بدن بتنخره السوسة وبيسرقوك يا الوطن قدامنا عينى عينك ينده بقوة الوطن ويقول لى قوم فينك؟ ضحكت علينا الكتب بعدت بنا عنك لولا ولادنا اللى قاموا يسددوا دينك لكن خلاص يا وطن صحيت جموع الخلق قبضوا على الشمس بإسدسهم وقالوا لأ من المستحيل يفرطوا عقد الوطن تانى والكدب تانى .. محال يلبس قناع الحق بكل حب الحياة خوّض فى دم أخوك قول : إنت مين للى باعوا حلمنا وبا عوك وأهانوك وذلوك ولعبوا قمار بأحلامك نيران هتافك تحرر صحبك الممسوك يرجع لها صوتها مصر .. تعود ملامحها تاخد مكانها القديم والكون يصالحها عشرات سنين تسكونوا بالكدب فى عروقنا والدنيا متقدمة .. ومصر مطرحها كتبتوا أول سطور فى صفحة الثورة وهما علما وخبرا مداورة و مناورة وقعتوا فرعوت هرب من قلب تمثاله لكن جيوشه ما زالوا يحلموا ببكرة صباح حقيقى ودرس جديد قوى فى الرفض أتارى للشمس صوت .. وأتارى للأرض نبض تانى معاكم .. رجعنا نحب كلمة مصر تانى معاكم.. رجعنا نحب ضحكة بعض مين كان يقول إبننا يطلع بنا من النفق؟ دى صرخة ولا غنا .. ده دم ولا شفق ؟ أتاريها حاجة بسيطة الثورة يا إخوانا .. مين شافها كده .. مين أول اللى بدأ موش دول شبابنا اللى قالوا كرهوا أوطانهم؟ ولبسنا توب الحداد وبعدنا قوى عنهم هم اللى قامواالنهاردة يشعلوا الثورة ويصنفوا الخلق .. مين عانهم ومين خانهم يادى الميدان اللى حضن الفكرة وسهرها يادى الميدان اللى فتن الخلق وسحرها يادى الميدان اللى غاب إسمه كتير عنه وصبرها ما بين عباد عاشقة وعباد كارهة شباب كأن الميدان أهله وعنوانه ولا فى الميدان نس كافيه ولا كابتشينو خدوده عرفوا جمال النوم ع الأسفلت والموت عارفهم قوى وهم عارفينه لا الظلم هين يا ناس ولا الشباب قاصر مهما حاصرتوا الميدان عمره ما يتحاصر فكرتنى يا الميدان بزمان وسحر زمان فكرتنى بأغلى أيام ..فى زمن ناصر شايل حياتك على كفك صغير السن ليه بعد يوم المعاناة وإنت موش بتأن؟ جمل المحامل وإنت غض ..بتعجب إمتى عرفت النضال .. إسمح لى .. حاجة تجن أتاريك جميل يا وطن .. مازلت وحا تبقى زال الضباب وإنفجرت بأعلى صوت ..لأه حرضتنا نبتسم ودفعت إنت الحساب .. وبنبتسم بس بسمة طالعة بمشقة فينك يا صبح الكرامة اللى البشر هانوا وأهل مصر الأصيلة إتهانوا وإتخانوا .. بنشترى العزة تانى والثمن غالى .. فتح الوطن للجميع قلبه وأحضانه الثورة فيض الأمل وغنوة الثوار .. والليل إذا خانوا لونه يتقلب لنهار ضج الضجيج بالندا إصحى يا فجر الناس فينك ياصوت الغلابة وضحكت الأنفار وإحنا وراهم أساتذة خايبة .. تتعلم إزاى نحب الوطن وإمتى نتكلم لما طال الصدا قلبنا ويأسنا من فتحه قلب الوطن قبلكم كان خاوى ومضلم أولنا فى الجولة .. جولة ورا جولة ده سوس بينخر يابويا فى جسد دولة أيوه صحيح الملك صار كتابة إنما أبدا لو غفلت عينا لحظة حايقلبوا العملة لكن خوفى مازال جوه الفؤاد يكبش خوفى اللى ساكن شقوق القلب ومعشش يقولى موش راح يسيبوا ولسه حايقبوا حايلاقولهم سكك وبيبان ماتتردش وحاسبوا اوي من الديابة اللي في وسطيكم.. والا تبقي الخيانة منك وفيكم.. الضحك علي البق بس الرك علي النيات.. فيهم عدوين اشد من اللي حواليكم

خمستاشر وهم: ليه مبارك مش لازم يتنحى الآن

السلام عليكم و رحمة الله و بركاته يا جماعة انا من اسبوع متكلمتش خالص على الى بيحصل فى مصر مع اى حد و ده اول كلام ليا فى الموضوع ده و ارجو انى مطولش عليكو انا بس عايز اقول راى انا مغترب زى معظم ال مصريين الى موجودين هنا و عايز اقول انى من ساعة الاحداث الى بتحصل و الواحد بيتابعها محستش بكمية الضيق الى انا حاسس بيها ديه على اد محاستها امبارح على الاخص من وجهة نظرى الناس الى بتقول ان لو مبارك مشى الدنيا هتتهد و مصر هتموت و الكلام ده "معلش يعنى ممكن حد يفكرنى فى خلال ال 15 سنة الاخيرة حالة البلد كانت عاملة ازاى"؟ الناس الى بتقول لاخونا الى فى التحرير انهم لازم يمشو تفتكرو بالعقل كده كل الى حصل ده عشان شخص واحد يمشى احسن و لا 2 مليون يمشو و يرجعو بيوتهم محملين باعباء نفسية على البهدلة و المناظر الى شافوها فى سبيل بس ان احنا ناخد ابسط الحقوق الى اى مواطن فى اى دولة فى العالم بيحصل عليها ببساطة جدا لو الناس ديه رجعت و احنا كمصريين فشلنا فى اول نفس نتنفسوا هنعيش مخنوقين و انا بتكلم عن بره و جوه مصر مش احنا بس كمصريين الى بنتابع الاحداث ديه كل الدول بردو بتابعها و انا اسف اتى اقول ان بردو فى السعودية زى ما فى اخوة كتير متعاطفين معانا كمصريين هيبقى فيه استغلال سىء جامد جدا للموقف فى مصر ضد معظم المغتربين المصريين من قبل كفلائهم النظام فى مصر بيحاول يكتم اصوات الناس بطريقة اكتر تنظيما دلوقتى متبع عملية التهدئة لللامور تماما لو تلاحظو ان معظم القنوات مكنش فى اى بث حى يوم الخميس و اعتقد ان كان فيه حملات اعتقالات خفية كتيرة لناس كانت فعلن مؤثرة حصلت الخميس و الجمعة راى الشخصى ان الثورة متنامش خالص قبل تحقيق مطالب الشعب الفعلية بالتغيير فعلا و واقعيا مش خلال 200 يوم سيناريو يمكن يكون خيالى و صعب تحقيقه بس انا اعتقد لو افتراضيا كنت مسئول عن التغيير فى مصر كنت هعمل الاتى و فى ظرف 4 5 ايام فقط مش اكتر 1- فتحى سرور و شلة الحزب الوطنى ديه كلها يتوقف ارصدتهم فى البنوك و يتم توقيفهم كلهم لحد ما نشوف كل واحد على حدة قصته ايه 2-اعلان يوم استقلال من الحزب الوطنى و الغاء الدستور المصرى و تعيين مثلا 40 50 اخصائيين فى القانون و التعديلات الدستورية لعمل دستور حر يكون 100 % لمصلحة الناس بس مش لاى مصلحة شخصية 3- الاستعانة بطقم م ن الخبراء الالمان و اليابانيين خصوصا خبراء اقتصاديين لتعديل حالة الاقتصاد المصرى الداخلى 4- الاهتمام بالدرجة القصوى بالتعديل الداخلى لموارد مصر الداخلية و اعتقد ان مشكلة مصر الكبرى اقتصادية بشكل كبير 5- وزيرة القوى العاملة ديه تتحول على سجن المرج على طول و ياريت من غير محاكمة كمان مش عارف ايه السبب بالاحتفاظ بيها يعنى 6- الاهتمام بتوعية الحياة السياسية السليمة فى مصر و انه مش من مهام السياسة التخليد فى الحكم و جمع الثروات لا الى عايز يشتغل فى السياسة بجد يفكر ازاى فى تطوير البلد 7- الاهتمام باهمية المواطن المصرى " داخل مصر و خارجها انا بحط 900 الف خط تحت خارجها نص مصر دلوقتى بره مصر المصريين الى فى الخارج لازم يتم الاهتمام بيهم و يتعملهم الف حساب فى اى دولة هما فيها 8- مفيش رئيس يستمر فى الحكم اكتر من 4 سنين 9- لو كان فيه اى شبها جنائية او اختلاس او سرقة او او او حتى لو رئيس الجمهورية يمكن مقاضاته من اى فرد و تكون الصلاحيات اقوى لمجلس الشعب و ليس لرئيس الجمهورية اعتقد ان فيه حاجات كتيرة جدا انا ناسيها بس ارجو انى اكون كتيت معظم الحاجات المهمة انا مع الشباب الى هيرجعولنا حقنا المسروق مننا لمدة 30 سنة ربنا معاكو و شكرا

ميدان التحرير - منقول

صباح الخير تعليق مضحك قراته الصباح رئيس الوزراء اعتذر امبارح عن الاعتداء على المعتصمين في ميدان التحرير وقال انه سيفتح تحقيق فوري في الموضوع وبعديها نائب الرئيس اعلن انه هيحاسب المسئولين عن المجزرة وفي اخر اليوم الرئيس اكد ان الاخوان هم من ارتكبوا المجزرة استاذى احمد سيف ماتتعبش نفسك مع ابو هنا لانك مش هتصل الى نتيجة فيه ناس مش عايزة الموضوع يكمل بهذه الطريقة لذا اتمنى الا يضيفوا تعليقات فالموضوع مفتوح لمن يتمنى ان تستمر الثورة الى النهاية اما من اكتفى بما حققته الى الان فاقترح ان يقوموا باتشاء موضوع منفصل للتحدث عن الانجازات واكيد يمكنهم متابعة اخبار الثورة من الفضائية المصرية ايضا لانها تقدم حقيقة ما يريدون

بسم الله الرحمن الرحيم أعتقد الأن ان النظام أستعاد بعض من توازنه ورتب أفكاره حيث سيعتمد الأن على نقطتين أساسيتين 1- النفس الطويل مع المتظاهرين سيتركهم هكذا ويماطل مع تركهم لضغط لا مرتبات - لا غذاء لا دواء 2- أعتقال رؤوس الناشطين بالتدريج 3- بالنسبة للضغوط الخارجية ستخف حدتها بالتدريج نظرا لعدم تعرض مصالحهم للضرر بشكل مباشر

الحقيقة أنا لسه مش مقتنع بأن أسلوب الثورة الاستاتيكية القائم حاليا سيؤدي الى أي نتيجة في وقت قريب أو حتى على الإطلاق ... الثورة بطبيعتها ديناميكية ومتحركة لذلك نسمع تعبير (زحف الثوار) ولا نسمع (نوم الثوار) ... الثورة إن لم تتطور تموت وتخمد لأنها حالة استثنائية والناس تملّ من هذه الحالات بسرعة هناك تخوّف من أن يتشتت الناس إذا خرجوا من ميدان التحرير ... ولذلك فإن بقاء عدد كبير منهم في الميدان أمر ضروري ... ولكن ذلك لا يمنع أن يبدؤا بتشكيل مراكز تجمع أخرى لتحقيق مزيد من الضغط على النظام ... مثلا يوم أمس تجمّع ما يقرب من مليوني شخص في ميدان التحرير ... ولو توزعوا بالتساوي بينه وبين ميدان العباسية مثلا لكان التأثير أكبر ولارتعدت فرائص النظام ميدان العباسية يبدو مكانا جيدا للتجمع لقربه من كثير من التجمعات السكنية والطلابية ولسهولة الوصول اليه من داخل وخارج القاهرة ولاحتوائه على عدد كبير من المراكز الهامة للنظام وأخيرا لقربه النسبي من قصر العروبة فكرة أخرى ... لو أن المليوني شخص الذين تجمعوا أمس ضربوا الأرض بأقدامهم في ايقاع منتظم لاهتزت القاهرة ... ضرب الأرض بالاقدام يفهمه جيدا العسكريون كأسلوب لإظهار التفوق العددي والإصرار ... وسيصلهم معناه بشكل أوضح من الهتافات المتفرقة

دلوقت بس عرفت ليه الحزب الوطني كان بيصرّ على اختيار الجمل كرمز لمرشحيه في الانتخابات ... أتاري الجمل هو نفسه عضو قيادي في الحزب وكان طالع يؤيد مبارك مع باقي الدواب http://www.youtube.com/watch?v=l9I-3pA6IME&feature=player_embedded

أنا هاتكلم دلوقتي عن الخواطر اللي في بالي أول حاجة شفتم اعتقال حبيب العادلي... عارفين آخر مرة تم اعتقال وزير داخلية فيها كان امتى كان سنة 71 شهر مايو في ثورة التصحيح.. بعد 30 سنة في يناير 2011 تم اعتقال وزير الداخلية أظن ده يرضح ويؤكد إن الوثائق اللي شفناها على النت كانت صحيحة وليست مفبركة وأظن ده يوضح كويس لينا عقلية الأشخاص اللي كانت بتحكمنا تاني حاجة في ناس في مصر زعلانة من الشباب وإنهم موقفين حياتهم ومش عارفين يتحركوا دي ردها حاجة واحدة - إن قلت متخافش وإن خفت متقولش يعني اللي ميستحملش دلوقت ميرجعش يشتكي بكرة تالت حاجة شايفين الإعلام المصري لسه بيتعامل بنظرية الستينات بيتعامل بنظرية وقعنا 30 طيارة رابع حاجة خروج المتظاهرين من ميدان التحرير للي بيتكلموا عن الخروج من ميدان التحرير هيبقى غلطة كبيرة جدا... ليه عدد الشباب اللي في ميدان التحرير كبير جدا والميدان مفتوح والشباب حاكمين السيطرة على مداخله ومخارجه لو فرضنا إن الشباب دول خرجوا من الميدان واتجهوا للقصر الرئاسي هيضطروا يخرجوا من مكان واسع هما متوحدين فيه لشوارع ممكن بسهولة يتفرقوا فيها هما سيطرتهم على ميدان التحرير عاملة ليهم حماية كبيرة لكن خارج الميدان سهل تفريقهم خامس حاجة أوافق كل الناس اللي بتحذر من اختطاف الثورة ( وخصوصا من قبل الإخوان ) عشان كده أنا قلت إن كل ساعة عناد من الرئيس مبارك بتزيد من احتمالات الخطر واحتمالات ركوب الموجة سادس حاجة شفتم عدم السكوت على القهر بيعمل ايه في خلال 10 أيام فقط من التظاهر تم عمل إنجازات هايلة تم تفصيلها قبل كده شفتوا لو احنا كنا خرجنا من زمان على كل حاجة مش عاجبانا - يمكن مكناش احتجنا نخرج في 25 يناير أصلا سابع حاجة الموقف دلوقت هيخلص ازاي الله أعلم... الموقف دلوقت بالظبط عامل زي عربيتين ميكروباص واقفين ضد بعض في شارع ضيق ومينفعش الاتنين يعدوا ... لازم عربية ترجع عشان التانية تعدي العربية الأولى فيها أغلب الشعب المصري وقوادها هما الشباب الثائر العربية التانية فيها النظام واجنحته ممثلة في الجيش وباقي الداخلية والإعلام وباقي رجال الأعمال المنتفعين وفيه 5 مراكز قوى كبار جدا لسه موجودين وهم بترتيب القوة ( زكريا عزمي - صفوت الشريف - فتحي سرور - مفيد شهاب - علي الدين هلال ) بالإضافة طبعا لكبار الإعلاميين المنتفعين وعلى رأسهم رؤساء التحرير الكبار ورؤساء القنوات الفضائية وغيرهم. بالإضافة طبعا لوجود جمال مبارك ( وإن كان السيد: سليمان - قد صرح إنه لن يرشح نفسه - لكن بصراحة أنا مش واثق من ده طالما ظل مبارك موجود ) طب الحل ايه: إما أن يحصل تطور نوعي ويخرج الشعب المصري كله أو على الأقل الرافضين لمبارك للشوارع عشان الضغط يزيد وده ممكن يجيب نتيجة وإما أن يحدث تغير غير متوقع في قواعد اللعبة وينقلب أحد أهم ركاب سيارة النظام على قائد السيارة كيف سينتهي الأمر... الله أعلم لكن اللي أنا متأكد منه إنه إذا لم تنجح الثورة في إخراج مبارك من سدة الحكم إخراجا فعليا ( بمعنى إفراغ السلطات من ايديه حتى ولو بقى في مصر )... مصر هتشوف أيام أسود من قرن الخروب طب حد ممكن يقولي لأ -كلام غير سليم ده النظام وعد بالإصلاح ووعد ووعد. هقولهم وبغض النظر عن الوعود السابقة على مدى 30 عاما والتي كانت حبرا على ورق هقولهم تخيلوا شخص عنيد زي القائد المبارك ... تخيلوا شخص تحت كل الضغط ده داخليا وخارجيا ومع ذلك لا يتراجع عن رأيه أبدا تفتكروا هل نظام زي ده يمكن أن يتراجع عن رأيه في أي حوار عادي بدون ضغط ؟ فكروا كده وقولولي ... طب فكروا لو شخص عنده كل الكم الهائل ده من العند تخيلوا الشخص ده لما يكون في مود الانتقام .. هيعمل ايه والتهمة جاهزة... محاولة قلب نظام الحكم وأظن انتم عارفين تهمة زي دي عقوبتها ايه ومحدش يقول إنهم ممكن يتحاوروا ... الحكومة اللي تبعت الجمال والحمير لميدان التحرير دي حكومة لا يمكن تتحاور الحكومة اللي العالم كله عارف دلوقت إن مؤيديها هما مجموعة من البلطجية دي حكومة لا يمكن تتحاور وحاليا: ( على قناة الحرة الآن: تم اعتقال عدد من المحتجين المتواجدين في ميدان التحرير ) ثامن حاجة: مهما كانت نتيجة الثورة فالمؤكد إن كل الشباب دول قد حازوا إعجاب العالم كله ومؤكد إنهم رجعوا لينا إحساس الكرامة وإحساس الفخر ومهما حصل بنقول عليهم دولا مين ودولا مين * دولا فخر المصريين

وبعد ٣٠ سنة من القهر والظلم ما زالت الأولية عند المثقفين هي الحفاظ على "كرامة الرئيس" بدلا من كرامة الشعب والشهداء #jan25 #tahrir #oldhabits RT @mtwfeeq: كوكا زيرو : يعني الداخلية تاخد اجازة نص السنة والطلبة واولياء الامور ينزلوا يحرسوا الشوارع #Egypt #jan25 RT @kwanousa: المصريين الشرفاء القادمين إلى التحرير صباحا:المستشفى الميدانى يحتاج إلى الأدوية التالية: برادورال أقراص استحلاب وأدوية كحة وكونجستال #jan25 RT @Eman_A_Halim: الاسم :ايمان \\ السن : 21 الا شويه \\ الجنسية : مصريه سابقا وقلة مندسة حاليا \\ المهنة :عميله للموساد وللامريكان وبياعه أجندات #jan25 RT @omarkordia: حسام حسن:ما يحدث فى ميدان التحريرهو مؤامرة إجرامية من قيادات فى النادى الاهلى هدفها الغاء الدورى العام و إفساد مئوية الزمالك #Jan25 #Tahrir RT @LobnaAkrab: المواطن المصري الوحيد الملتزم بقرار حظر التجول حتي الان هو السيد الرئيس محمد حسني مبارك #jan25 #SherifRafik RT @Kalimakhus: مين حمار قال إننا نعمل ثورة تقهر دولة بوليسية شرسة و تقدم دماء مئات الشهداء ثم نجلس إنتظارا لضيوف برامج التوك شو حتى يقرروا مصائرنا؟ #Jan25

كلمة عمار الشريعى ربنا يشفيه للتليفزيون المصرى واسمعوا هبل المذيع وكذبه....إتكسفواااا بقى http://www.youtube.com/watch?v=q6Ayi2AmhEI&feature=player_embedded

الأسئلة الهامة الان لنعرف لماذا الوضع معقد هي - لو انت مكان الرئيس ورأيت ما حدث في تونس وما حدث للرئيس زين العابدين فهل كنت ستتصرف مثله؟ - طبعا الاجابة معروفة ...لا بمكن ابدا ان اقع في نفس الفخ ...اوافق على الرحيل ثم اكون عرضة لمصادرة الاموال ويمكن التحقيق او حتى مشكلة من هي الدولة التي ستقبلني... - في نفس الوقت السؤال الثاني او المشكلة الثانية التي تتطرح نفسها هي انه لا يمكن ان اظل على موقفي الى ما لا نهاية امام شعب ئاثر وامام رايي عالمي دولي لم يعد يستطيع الوقوف بجانبي .... - لكن هناك نقطة قوة للنظام هي انني ما زلت الرئيس الشرعي ومازالت السلطة في يدي ومازال حولي القيادات الكبرى والمستفيدين... - أذن باختصار لكي نفكر جمبعا ونعرف ما يدور هو ان هناك طرفين كل طرف يملك نقاط قوة وايضا عنده نقاط ضعف - الرئيس لابد له ان يفكر في عملية مقايضة...وهذا ما حدث ومازال يحدث ...انا اعطيكم تنازلات ولكن يجب ان تضمنوا لي خروج آمن من السلطة وليس من البلد - اذن غالب الظن ان الرئيس لن يخرج من مصر...ولكنه يحاول الخروج من السلطة دون اي مسالة او محاسبة او إهانة...لذلك طلب الاستمرار حتى نهاية المدة حتى يكون هناك وقت لعملية المقايضة - طبعا الطرف الاخر وهو الشباب الثائر فلابدان هناك ايضا من التيارات والقوى التي تقوده ...اي انه لابد ان يكون هناك جهات داخلية موجوه تنظمه فد يكون بعض الاشخاص او بعض الاحزاب او كلاهما معا.. - النظام الان يقوم بالتفاوض مع تلك القوى ( سواء كانت شخصيات معروفة او قيادات معروفة او أحزاب ) ويالتالي سيقوم بالاتفاق معهم على ان يمنحوا نصيبا او جزءا من السلطة في النظام الجديد بشرط عدم التعرض للنظام السابق بعد رحيله ، كيف يكون هذا اتوقع انا هذا ما يدور الان...ويتم الاتفاق عليه واتوقع انه لذلك لم يتنحى الرئيس فورا في الايام الماضية ولكن بالطبع انه لن يستمر فعلا كما ذكر لانه من الصعب الان ان يقوم بالخداع بعد ما حدث في 25 يناير وخاصة ان معظم رجال الاعمال ورجال الحزب الوطني وكبار قيادات الشرطة لم ولن تعود الى اماكنها مرة اخرى... لذلك مسألة الرحيل الفوري قد يكون من الصعب تحقيقها لما ذكرته ولكن اتوقع ان يتم الرحيل عن السلطة حالما يتم الانتهاء على الاتفاق وقد يحدث هذا سريعا قبل نهاية الفترة الرسمية بفترة طويلة...وايضا لا يجب ان ننسى ان استمرار صمود هؤلاء الشباب سيكون عامل مساعد لتحقيق هذا السيناريو

كلام سليم 100% ... أنا كنت أحد من شكّوا في تورّط جماعات جهادية في تفجير كنيسة الاسكندرية واتضح إني شكي لم يكن في محلّه. ولكن أتمنى أيضا أن يتوقف التراشق الكلامي ولغة التهديد والتسخين الذي يمارس على الناس من الطرفين حتى لا نمنح فرصة لمن يريد شقّ الصف وإشاعة الفتنة أن ينفذّ مخططاته.

صفحة مقاطعة التليفزيون دي مسخرة بجد

كل شوية في تنازل الحمد لله ربنا استجاب دعائنا حتى الآن بتثبيت الثوار يا رب وفقهم و يكون فيهم قوله تعالى: "أم حسبتم أن تدخلوا الجنة و لما يأتكم مثل الذين خلوا من قبلكم مستهم البأساء و الضراء و زلزلوا حتى يقول الرسول و الذين ءامنوا معه متى نصر الله ألا إن نصر الله قريب"

bonjour, j'ai fait une demande d'immigration ilya 6 mois,mais en Egypte ,la situation est devenue tres dangereuse a cause des manifestations qui ont augmenté de ma crise car je suis devenu prisonnier dans ma maison,je ne peux ni sortir ni travailler ni meme apprendre le francais,vraiment je suis triste de cette situation,s'il vous plait ,pourriez-vous accelerer les demarches d'immigration ou faciliter les demarches pour me sauver ? veuillez d'accepter mes sentiments les plus distingés merci en avance --------- دي نسخة كمثال لتسهيل الاجراءات _ شوفوها وقولولي اية رايكم

محتاجين بعد شوية كده ثورة لعلاج التلفزيون المصري من العته تحت شعار ممكن ناكل البلوظة بس يا واش يا واش

قداس الاحد سيقام في ميدان التحرير مش لاقية كلام اعبر بيه....غير الآية القرآنية "و يمكرون و يمكر الله والله خير الماكرين" يا رب ثبتنا.....يا رب اللي عايز يولع فينا احرقه بناره في ضلوعه

معنى ان تكون طبيبا فى ميدان التحرير http://shayunbiqalbi.blogspot.com/2011/02/blog-post_05.html?spref=tw

نظرلأزمة تكلف مصر ثلث مليار دولار يوميا تقرير لكريدي أغريكول يؤكد ان السياحة أكثر قطاعات الاقتصاد المصري تضررا من الاضطرابات. ميدل ايست أونلاين الاقتصاد في قلب المشاكل المصرية القاهرة - قال تقرير أصدره كريدي أغريكول سي.اي.بي ان الازمة المصرية الراهنة تكلف البلاد ما لا يقل عن 310 ملايين دولار يوميا وان قطاع السياحة سيكون أكثر قطاعات الاقتصاد تضررا جراء الازمة. ولا يزال محتجون ينادون عبر تظاهرات حاشدة لليوم الثاني عشر على التوالي باسقاط حكم الرئيس المصري حسني مبارك بعد 30 عاما قضاها في منصبه ويطالبون باصلاحات سياسية واقتصادية واسعة النطاق. وقال التقرير "يأتي الاقتصاد في قلب المشاكل المصرية. سقط نظام مبارك للافتقار الى نظام اقتصادي يضمن وصول الثروة الى مختلف طبقات المجتمع ولاتساع فجوة عدم التكافؤ (بين طبقات المجتمع) وارتفاع نسبة الفقر ومعدل البطالة وارتفاع معدل التضخم". وأضاف "الازمة السياسية الحالية في مصر تكلف البلاد خسائر لا تقل عن 310 ملايين دولار يوميا. السياحة أول القطاعات المتضررة. استمرار حالة عدم اليقين السياسية وأعمال العنف سيكون لها أثر مدمر على عائدات السياحة هذا العام".

المشكلة إن الطريق طويل جدا ما بين ميدان التحرير ومصر الجديدة ... والمتظاهرين هيكونوا معرضين طول تحركهم الى هجمات البلطجية وتضييق الجيش... ده طبعا غير التعب والتشتت المتوقع لذلك لو كان هناك نية لمسيرة من هذا النوع فالأفضل أن تبدأ من منطقة قريبة نسبيا يتجمع فيها الناس ويستعدون قبلها بفترة كافية

نفسي أعرف طيب مين فتح البلد مش المفروض فيه حاجة أسمها حرس حدود تابع للجيش ولا سابوا الحدود علشان يأمنوا ماسبيرو وقصر العروبة

حملة اطعام محدودي الدخل المتضررين من الاحداث الجارية تهدف هذه الحملة الى مساعدة محدودي الدخل مثل عمال اليومية , لانه من المعلوم للجميع ان الأغنياء في أزمة سيولة بسبب تعطل العمل بالبنوك فما بالكم بالفقراء!! لذلك فنحن ندعو الشباب الى التبرع لشراء شنط مثل شنط رمضان لمساعدة محدودي الدخل في العبور من هذه الازمة التي شملت الطبقة العريضة من الشعب المصري الشنطة ستتكون من : 1) 2 كيلو ارز 2) 2 كيلو مكرونة 3) 1 لتر زيت و للمشاركة في الحملة برجاء الاتصال باحد الارقام الاتية : . 01514938479 -0197111129 - 0197111130 - 0197111134 - 0197111109 - جمعية صناع النهضة الجمعية مشهرة , ويمكن لاي من المتبرعين زيارة مقر الجمعية و المشاركة فعليا في توزيع الشنط بنفسه حساب البنك: بنك مصر 208-01-95696 دي جتني علي الفيس بوك النهاردة انا بحطها زي ما هي....بس انا معرفشي الجميعة دي بالظبط بس ممكن نعمل حلقة وصل ما بينا كمغتربين و بين اي جمعية ذات ثقة في مصر و تكونوا عارفينها كويس و ربنا يعدي الايام عل خير...فرجه قريب

انا مؤيدة تماما للراي ان النظام بيحاول يستدر تعاطف اسرائيل...آدي اول انتهاك لاتفاقية تصدير الغاز زي ما حاول انه يستخدم فزاعة الاخوان المسلمين كمحرك للثورة....و هنا كان بيخاطب برضه امريكا طب نظام بالشكل ده بيحاول يستمد اي سبب لبقاؤه.....اكيد يبقي خلاص بيتهاوي بس هو السؤال الاعتصام في ميدان التحرير....هيفضل كده....في الوقت اللي النظام بيقوم بيه بكل الحركات دي الثورة قامت علي المبادرة.....المفروض تستمد برضه روح المبادرة و الا تتوقف علي مجرد الاعتصام ايه الخطوة التالية؟؟؟

انا والله تعبان ومش قادر اتكلم من زورى بقالى اربع ايام حضرتك بتقرأ الكلام اللى الناس بتكتبه هنا ؟ اصل كل اللى حضرتك تكلمت فيه هنا اتكلمنا فيه وفيه الف مخرج حتى فيه مخارج كتير قوى ويبقى الرئيس فى مكانه كمان تخيل دى يعنى الناس هنا قدمت حلول كتيره قوى ترضى كلاً من النظام والمعارضه فى ان واحد والناس هنا برده قالت ان لازم النظام يثبت حسن نيه بانه يعمل واحد اتنين تلاته غير كده نبقى عاملين زى اللى مبيشفش من الغربال وبنضحى بالناس اللى قالوا كل اللى كان نفسنا نقوله بس مقدرناش نقوله ياريت تنظر الى الامور بشكل تانى تحياتى عنبو

لا طبعا مش ممكن أنا بس عايز أسأل الناس اللي بتطلب من المتظاهرين العودة الى بيوتهم سؤال واحد هل فيكم واحد يقدر يضمن إن الناس دي لما ترجع بيوتها مش هيتقبض عليهم ثاني يوم ويقضوا بقية أعمارهم في أقبية سجون النظام القمعي؟ لو فيكم واحد يقدر يضمن الكلام ده بحياته وشرفه أنا سأنضمّ اليكم في دعوتهم للرجوع

للاسف شخصية الرئيس محيرانى جداااا ازاى هو كثير العند فى الداخل و لا احد يملى علية رغبة فى الخارج لا يرفض اى طلب لامريكا و لاسرائيل هى الشخصية بتتغير من برة لجوة

السلطه تتبع النفس الطويل واعتقد ان المتظاهرين هما اللى هايكسبوا فى الاخر لان الناس التعبانه كتير جدا ومش هايخلصوا ولو راحوا وزهقوا الف هايرجع مكانهم الفين ومش مشكله الخساير اللى كل يوم بتزيد بالملايين ويمكن بالمليارات (على اساس اننا شوفنا اى مكاسب من 30 سنه) مش فارقه كتير بس انا زعلان كتير على المحلات اللى قافله دى والحاجات بتغلى كل يوم والدنيا واقفه يعنى فى كل منطقه وفى كل شارع تلاقى راجل عجوز او ست عجوزة عايشين لوحدهم ومعتمدين على المعاش ولحد دلوقتى محدش صرفلهم حاجه اللى لفت نظرى لكده واحد زميلى فى الشغل بيقول انه خايف على اهله عشان بيصرفوا المعاش كل شهر وفلوسهم خلصت وعاوز يبعت ومش عارف لكن جيرانهم قاموا بالواجب بس برضو عاوزيين يجيبوا العلاج من الصيدليه والصيدليات كلها قافله خايفه من بلطجيه الادويه المخدرة بجد موقف يوجع القلب ياريت ياجماعه لو حد عنده حد كبير ساكن جمبه ومعتمد على المعاش او بيجيب علاج يروح حد من الجيران او من شباب المنطقه يسألوا عليهم ويشوفوهم لو محتاجين حاجه او لا وهل الادويه مكفياهم ولا محتاجين حد يروح يلف يجبلهم العلاج مش عاوزين ننسى حد وفجأه منلاقيهوش معانا دى دعوة لكل الناس اللى معانا ابعتوا اخواتكم واهلكم للسؤال عن اى مسنين مقيمين فى الشارع بتاعكم محدش يعرف ظروف الناس دى ايه

من شويه كان هناك معارض مصري بيتكلم في البي بي سي عربي وقال كلام مهم جدا النظام كيّف نفسه كما يبدو على بقاء المتظاهرين في ميدان التحرير محاصرين من الجيش والبلطجيه ... وتفرّغ لاستعادة سيطرته على باقي أرجاء البلاد وشفيق بيقول خليهم قاعدين في ميدان التحرير وهنبعث لهم أكل وبومبوني ... والناس هترجع تزهق ويخفت حماسها وتتشتت قريبا إذا لم يروا نتيجة ملموسه وظلوا تحت ضغط البلطجية من جانب وإعلام الدولة من جانب آخر لذلك من الضروري أن يتم الانتقال الى مرحلة جديدة تتضمن دفع جزء من الحشود خارج ميدان التحرير تجاه نقاط استراتيجية وجسّ نبض الجيش والنظام ... البقاء في الميدان وترديد الشعارات كويس لكنه لن يجبر النظام على الاستسلام كان هناك اليوم في الميدان ما يقرب من مليوني متظاهر ... يكفي عشرهم للحفاظ على الميدان ضدّ أي هجوم من البلطجية ... ويمكن أن يتحرك الباقون لتنفيذ أهداف أخرى يمكن كبداية التوجه الى مبنى التلفزيون القريب لحصاره ولو من مسافة بعيدة ... ذلك ممكن أن يضع النظام تحت ضغط رهيب لأن أي نظام ديكتاتوري يعتمد على ثلاثة قوى أساسية: الأمن والجيش والإعلام ... الأمن فقد ثلثي قوته تقريبا يوم جمعة الغضب والجيش واقف على الحياد فلم يتبقّ له سوى الإعلام يستخدمه لتشتيت الناس وبثّ الأكاذيب بينهم لتثبيط هممهم لا أحد يطالب بالاقتحام والتدمير ولكن مجرد حصار المبنى يرسل إنذارا واضحا للنظام وفي نفس الوقت يخرج الجيش من حالة الحياد السلبي لأن من يحرس مبنى التلفزيون هم من الحرس الجمهوري ولو ضربوا نار على المتظاهرين سيضع ذلك الجيش في موقف حرج لأنه تعهّد بالدفاع عن الشعب ولو نجح هذا التحرك يمكن أن يتطور بعد ذلك الى مسيرة طويلة تجاه القصر الجمهوري واقتراب تدريجي منه ... وحتى لو كان مبارك لا يقيم به كما نعلم فإن مجرد تهديد رمز السلطة في البلد بهذا الشكل يعطي رسالة رمزية هائلة التأثير أن الهدف أصبح وشيكا ... وقد يجبر الجيش على القيام بالحركة الأخيرة وإجبار مبارك على المغادرة. النقطة الثانية هي تجنّب تحول الثورة الشعبية الى ثورة لفئة أو فصيل معين وأقصد به هنا الإخوان المسلمين ... لأن ذلك كفيل بأن يرفع عنها تعاطف جزء كبير من الشعب والغطاء الدولي ويمنح النظام الضوء الأخضر لاستخدام ابشع أنواع القمع ضدّها ... يجب أن يظل المتظاهرين حذرين جدا من استخدام شعارات دينية أو حزبية لئلا يحدث الشرخ الذي يتمناه النظام ويروّج له من البداية. ثالثا كان يمكن استخدام التفوق العددي الهائل في الميدان اليوم لتوجيه ضربة موجعة لقطعان البلطجية القريبة من الميدان تجعل تجنيدهم وعملهم أكثر صعوبة في المستقبل ... صحيح أن الثورة سلمية في جوهرها ولكن بعض العنف الاستباقي ضروري حتى تحافظ على سلامة المشاركين فيها وتيسّر سبل وصول الناس اليها. رابعا ... مركز التأثير الحقيقي للثورة هو القاهرة ... بقية المدن لو حدثت بها مظاهرات مليونية لن يكترث النظام كثيرا لأنها بعيدة عن مراكز السلطة الحساسة ... لذلك ربما يكون من الأجدى تركيز الجهود في القاهرة وانتقال المتظاهرين اليها من الأقاليم ... مع بقاء جزء منهم لحماية مدنهم وقراهم من البلطجية. وأخيرا ضرورة حرص قيادات الثورة على تجنب الوقوع في الأسر كما حدث اليوم مع بعضهم لأن غياب القيادة سيسهل عمل النظام في تصفيتها. مش عايز أبان هنا زي جنرالات المقاهي وطبعا من هم في الميدان أكثر دراية بالظروف والأوضاع منّي ... لكنها بعض الأفكار التي رأيت أن أشاطركم اياها. وربنا معاكم يا أبطال.

بالنسبة" لكنا فين " فعن نفسي بصراحه كنت نايمه .. سهرانة طول الليل وقلت ارتاح شويه عشان يبقى في طاقة اقدر اكمل متابعه الماتش لغايه الصبح باذن الله.. من ثلاث ساعات تقريبا وانا بقرأ الي انكتب في التوبيك هنا في فترة الكام ساعه الي فاتوا للامانة لسه مخلصتش بس مفيش مانع اتوقف دقيقة لالتقاط الانفاس قبل متابعه القراءة واعلق على الماشي على بعض الردود .. من ناحية ان *** زعلانين عشان الثورة نجحت فعن نفسي "كمرجفة" مش زعلانه ببساطه لاني لسه مش قادره اعتبرها زي ماحضرتك بتعتبرها نجحت .. لسه شويه استنى ..الثقيل ورا .. لا ياسيدي الفاضل هو لم يتوقع ولا شيء .. الموضوع منشور من زمان ان عام 2011 هو عام الفتن والقلاقل وعام 2013 عام الحرب الاهلية في مصر وعام 2015 هو عام الانفصال .. مهواش سر ومهواش تخمين .. الي بيتكلم عنه خالد شحاته وفقا للقائه الي سمعته في العربية يوم الثلاثاء في بدايه المظاهرات كان هجمة سكان العشوائيات لتدمير طبقات اخرى من المصريين .. مش ده الي احنا فيه دلوقت ياسيدي الفاضل ده الي مفروض لسه هيحصل قدام .. ملاحظة جانبية .. بنفس طريقة الخيانة الي حصلت باطلاق الهجانة على المتظاهرين في التحرير ليبدوا الامر وكأنه تأييد لطرف ليؤدي في النهايه لحشد الجماهير مع طرف آخر .. تحدث خيانة اكبر لشعب مصر كله بالسياسة الاعلامية للتلفزيون الحكومي المصري او مايسمى بالـ ( وطني ) .. كم غير عادي من الاكاذيب والتضليل بشكل يبدوا التعمد فيه ان يكون ( مفضوحا ) ..الكارثة ان وسط الاف الاكاذيب في حقائق بتقال وفي كلام مهم جدا لازم يسمتع اليه لكن بكل اسف مفيش عاقل ممكن يصدق اعلام بيفبرك الاكاذيب بسذاجة منقطعه النظير وعليه بيروح كل الحق ولا يبقى امامنا الا الاستماع للجزيرة او حتى العربية والبي بي سي والله وحده العالم الحقيقة عندهم ولا فين .. عموما لكل القلقين من ان الحكايه طولت اقول .. رقم واحد متقلقوش من رحيل حسني أو بقاؤه .. زي ماقلت لكم قبل كده الي حضر العفريت هو بس الي يعرف يصرفه وطالما حلفاء الغرب اجتمعوا على رأي واحد فالرأي ده هيتنفذ ايا كان .. في حشود في الميدان ولا مفيش .. هي فقط مسألة وقت .. ده عن حسني اما عن القلق الي احنا فيه والدنيا المضطربه فلو عاوزين جدول زمني محدد فقدامكم باذن الله ليوليو المقبل وعلينا وعليكم خير قبل مايبدأ الانقلاب الحقيقي .. من هنا وحتى ذلك الوقت توقعوا كل شيء ..

يا استاذه مصريه متغربه اهدى ازاى و انا شايفه مستقبل مظلم لمصر انا والله مش ضد الثوره ولا مع مبارك والنظام لانى ذكرت قبل ذلك ان نظامه الفاسد هو ال خلانى اسافر انا و جوزى لتحقيق عيشه كريمه لم يقدر نظامه الفاسد على تحقيقها ...انا مش ضد الثوره لكن ضد الثورات الغير محسوب عواقبها و ال دفع تمنها الشعب الغلبان والعمال ال اتقطع عيشهم فى الايام دى ...لو كان مبارك كان نظامه موفر للعمال دى فتات من النقود لتوفير لقمه العيش... ها قد جاءت الثوره ال غير محسوب عواقبها و قطعت سبل الرزق كله و حرمته حتى من هذه الفتات... يا اختى ال بيشعلل النار مش من الناس بس ال فى مصر بعد رجوع النت و لكن الحوار بأشعال النار بيننا البعض كان من اول يوم عن طريق اعضاء مغتربين ...وينقلون كل الاخبار من القنوات الفضائيه وممن يدعون صلتهم بناس فى ميدان التحرير نفسه ...و بتزيد اكثر مشاعر الحماس لقلب الترابيزه وخلاص ادعوا الله لمصر ...ادعوا الله ان لا نرى مصر و قد اطلق عليها القضيه المصريه مثل القضيه الفلسطينيه و العراقيه ادعوا الله ان بعد هذه الاحداث لا نكون مثل لبنان فى الفتنه الطائفيه و الحروب الاهليه ادعوا الله الا تستغل الدول المعاديه حاله الفوضى و تصرح بدخول قواتها مصر لحفظ السلام و الامن ادعوا الله الا تستغل الدول المعاديه انشغال الجيش بالآوضاع الداخليه و ترك بعضهم مواقعهم المهمه للدفاع عن حدود البلد. ادعوا الله ان نرى مصر ثانيه و هى ام الدنيا ... تفتكروا امتى هنشوف ميدان التحرير تانى نضيف و واسع تفتكروا امتى تانى هنشوف مصر صاحيه للصبح فى امان تنزل فى اى وقت و انت فى امان بعد سرقه الزى العسكرى ال هنشوف عواقب هذه السرقه بعد شويه...مره واحده هتلاقى و انت ماشى فى الشارع واحد لابس زى عسكرى بيوقفك وانت مش مدى خوانه و فجأه تكتشف انه مجرم؟؟؟!!! اااااه من الايام الجايه اااااه من الثورات الغير محسوب عواقبها اااااه على بلدى ...امتى هشوفها ام الدنيا تانى

الأخوان المسلمين لا يعادوا الأقباط ، الأقباط يعيشون مع المسلمين منذ قرون ، لكن هذا النظام هوه السبب الأول في هذه الفتنة

فعلت خيرا ..

دي مش من أخلاقي يا أغابي ، وده مصدر الخبر الذي لم أره أصلا على التلفزيون ولكني وجدته في مصادر موثقة موقع أخبار الجزيرة أخبار ياهو مكتوب أرجعي للموقعين وقولي هل زودت حرف أو أنقصت حرف ولا لأ ؟؟ انك تطلع المسيحين كانهم كذا وكذا (...) وهل المسيحيين البابا شنودة أو غيره ، وهل المسلمين شيخ الأزهر أما الغرض اللي جوايا الـ(مش كويس) على حد تعبيرك فتشهد عليه مشاركاتي بالمحاورات أنا نقلت خبر موثوق ولم أعقب عليه بأي شئ، ولكني نقلته لأنه أستفز مشاعري للغاية. ولكنك صوبتي وجهة نظرك بطريقة مباشرة وياليتك أستفسرتي هل هناك أصلا غرض (مش كويس) من هذا النقل أم لا.. شكرا اعتقد يا اغابى ان ده مش وقت مسيحيين ومسلمين تانى بقه كفايه ال بيحصل لنا دلوقت فى مصر اخونا الغريب او غيره انا و انتى و كلنا مش بنغلط لما ننقل خبر كما هو من مصدره و بلاش الحساسيات ال مش وقتها دلوقت الله يخليكى كفايه ال احنا فيه...اهالينا فى مصر فى رعب و منهم المحاصر و القلق مش سايبنا و لا بينيمنا الليل

يا جماعة احبو اعدائكم حرام جدا ندعى على حد بالموت لان ربنا هو اللى خلق الانسان وهو اللى بيأخدة حسب ارادتة وربنا مش بيخلق حاجة وحشة كلنا بشر متساويين امام اللة وربنا هو الوحيد اللى بيحاسب الناس على اعمالهم مش احنا فمينفعش احكم على حد لا تودينو كى لا تودانو على فكرة انا مش بدافع عنة لكن ارجع واقول اكيد ربنا لة حكمة فى بقاء شخص على قيد الحياة من الممكن يكون ربنا بيدية فرصة للتغيير وكمان انتو تعرفو منين ان اللى هييجى بعدة احسن منة ممكن اوى يكون ابشع بكتير وكمان فى ناس معانا فى الحياة ابشع بكتير لية مش بندعى عليها زى اللى بيقتل وبيسرق وبيزنى وبيغتصب الاطفال واللى بيروج مخضرات واللى بيهرب سلاح واللى بيخون الامانة واللى بيتفق مع الصهاينة بيخون بلدة اكيد اكيد فى ناس حوالينا كتير ويمكن عايشين فى وسطينا ويمكن قريبين لينا ضميرهم ميت واحنا مش عارفين وفى النهاية بقول ارادة ربنا فوق كل شيء مينفعش اتدخل فى ارادتة واحكم على اى شخص بالموت ولا حتى ادينة لان كل منا لة اخطائة