لوحة القادة

في رأيي أن أعظم ما يمكننا استخلاصه .. أننا قد إكتشفنا كنزاً من الجواهر النادرة الثمينة .. وكنا نظنها بلا قيمة .. إكتشفنا شباب عندما خرج علينا ونفض الغبار عن نفسه .. أن له بريقاً لا يقاوم .. توارت أمامه كل الجواهر المزيفة التي حاصرتنا والتي كنا نفكر بأنها جواهر إكتشفنا أن جيلنا ... أقصد بالجيل السابق .. هو جيل هزيل .. لا حاربنا في حروب مصر .. ولا نهضنا بالبلد .. واستسلمنا لواقع أليم مخزي حزين .. واستسلمنا لحلو فردية .. اكتفى كل منا بأن يحل مشكلته المالية .. وأن يتزوج ويكون أسرة .. وقبلنا بالوضع القائم .. وأقصى ماكان يمكننا أن نفعله هو أن نحيا بأقل خسارة ممكنة .. وأن نبتعد عن المشاكل .. ومشينا بجوار الحائط .. ومنا من إختار أن يمشي داخل الحائط حتى .. فهكذا يكون أكثر أمانً .. فوجئنا بما فعله هذا الجيل المذهل من الشباب .... لم يكتفي بأن هناك (مساحة) من الحرية .. والتي قد إقتنعنا بها مسبقاً .. وحمدنا ربنا عليها .. وقلنا إحنا كنا فين وبقينا فين .... فأعلن أن الحرية مطلقة .. لا تقاش بالشبر .. ولا هي عطية يعطيها الحاكم لشعبه .. ولكنها حق .. يكتسب .. أعلنوها .. وعلمونا إياها .. أن الحرية لا تمنح .. ولكنها تنتزع .. أعظم إكتشاف .. هو المصريين ... أو لنقل شباب المصريين .. فلطالما إفتخرنا بأن لمصر تاريخ عريق .. ولكن كان حاضرنا مزرياً .. وكنا ننتوي أن نترك لأبنائنا مستقبل مظلم .. وأكثر مرارة .. ولا أمل فيه .. ولكن هؤلاء الشباب .. فجروا في وجهنا مفاجأة كالقنبلة .. بأنهم أكثر شجاعة .. وأكثر فاعلية .. فلطالما إشتكينا منهم .. بأنهم عديموا الفائدة .. إهتماماتهم سطحية .. .. الخ ولكن إتضح أننا ننظر تحت أقدامنا فقط .. أو لنقل .. لا ننظر أصلاً .. ذات مرة سمعت أحمد فؤاد نجم يتغنى بشباب مصر .. ويقول أنه يرى فيهم الأمل .. ومتأكد بأن الحلم سيتحقق على أيديهم .. قلت في نفسي .. الراجل ده كبر وخرف .. ولا يمكن دي رومانسية وأحلام الشعراء .. التي يستلهمون منها كلماتهم وأشعارهم ... ولكن إتضح أنني أنا المخرف .. وأن هؤلاء الشباب .. أجبروني أنا وجيلي .. وقد يكون الجيل الذي سبقني .. بأننا عرفنا نربي .. وأن أبناؤنا لم يقبلوا الميراث الردئ الذي كنا ننتوي أن نتركه لهم .. عاش شباب مصر العظيم

بسم الله الرحمن الرحيم "وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوابِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ* يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِين "َ صدق الله العظيم اول شهيد...استشهد يوم الثلاثاء 25 يناير الشهيد...مصطفى رجب محمود من السويس

باشمهندس تيمور . عندما كتبت .....كتبت بصفتى عضوة فى محاورات المصريين. ده بقى رأى الادارة ...او رأيى . حضرتك شفت توقيعى باسم الادارة ؟؟؟؟..بالطبع لأ....اذن..هذا هو رأيى كعضوة ورأيى الشخصى ...حتى لو اتفق مع رأى الادارة . ممنوع اقول رأيى كعضوة؟؟؟ ولو حضرتك رأيت رقم مداخلة ( حضرتى ) حاتلاقيها رقم 4691.....يعنى قبل ما يتحدث رسميا الاستاذ محمد...باسم الادارة . شوف حضرتك.. لو حنبدأ نقول . انا عضو فى حركة كذا...أو انا منضم لحزب كذا..أو أنا ضحيت واساهم فى نشر فكر مجموعة شباب جروب كذا.. مش حانخلص.. حضرتك زعلان لأنى قلت ....بلاش تسرقوا حق دم الشهداء .. اصلى بصراحة بحثت عن كلمة لاتكون اشد وقعا...ولم اجد. فيه حد ف عائلتك مات شهيد؟؟؟...............................انا بقى فيه فى عائلتى استشهد الكثيرون فى حرب اكتوبر وف حرب الاستنزاف ...,....و...اقرب الناس لى ..( اعتقل ) لأنه بيحب مصر...أعتقل من ( من دافع عنهم )...ماشى ؟؟ حراام... حرااااام. مش معنى ان الناس بتضحى...وتسكت. ان يطلع حد..........ويعلق ميداليات؟؟؟ ياسيدى الفاضل هذا رأيى .............هذا رأيى ياحفيد الشيخ... وان أردت....سوف ادافع عن هذا الرأى وأعلنها هنااااااااا لو أردت... لااريد ان اظل ضمن فريق الاشراف الموقر.................ان كان هذا سوف يقنعك ان هذا رأيى انا. وازيدك من الشعر بيت... انا فعلا احترمك واقدرك ..وزاد قدرى لك بعد معرفتى بنسبك الكريم ...لكنك ( مندفع فى احاسيسك ) سوف تضر الناس بدون ان تدرى . وان كان لك فعلا ان تنشر الحركة ...!!!!!!!!!!!سؤال برئ.. هل حضرتك بهكذا تصرف....نشرت الحركة ؟؟؟اعلاميا؟؟؟ خرج الملايين يطالبون بحقوقهم الضائعة ................ولا أظن أن حضرتك المسئول عن ( هذه الحركة ) اقنعت ربعهم بذلك... قليل من المصداقية مطلوب ... و... قصدت بكلمة ..لاتسرقوا ..... لأن هذا هو حق الشهداء...حقهم الا نبخسهم حقهم ...حقهم ان نعترف بأنهم.. استشهدوا ...لأنهم احبوا مصر... فقط...احبوا مصر . طالبوا بانسانية ....اندثرت. لاتغضب منى . بل على العكس ...مفروض حضرتك تكون قدوة للجميع....حضرتك تحمل وسام المحاورات والجميع يحبك .. ولأنى اقدرك ...واحترمك...كتبت لك وأمام الجميع وعلى العلن....حتى لايظن البعض اننا هنا ( نشاطرك الآمال لحركتكم فقط ) ...ولن اقول نشارككم. خلينا كلنا ايد واحدة .

قلمك عصام بك هو من اروع الاقلام التي اقرأها هنا في المحاورات ,, قلم ,,, لا تنقصه قوة الحجه ,, ولا سعة الافق ,, ولا الفكر الرصين تقبل مني كل تقدير واحترام ولا نزكيكم ,, أخى الفاضل Architect وقلمك كذلك اخى الكريم .. وفى الحقيقة لقد غار المداد من القلم :) اتمنى منكم ايصال الرسالة لمجاهدى التحرير ولى ثلاث من الاشقاء هناك لا يمثلون الا انفسهم وليس بينهم وبين القيادات هناك معرفة مسبقة ان التركيز على مطلب رحيل مبارك فقط ..كتركيز جيش مقاتل على قائد الجيش المعادى .. وبطبيعة الحال فان ذلك اقوى ما يمكن ان يحدث فى معركة وعادة يؤدى للنصر فهل تحكم الثورة قواعد المعركة الحربية؟ ....ان حدث فهذا غريب ..ومن الذى دفعها لتكون كذلك المبدأ السابق مستقى من كتاب فن الحرب لصن تسو.. اقض بسرعة على عدوك والفكرة الدارجة لدى العامة عن قطع رأس الأفعى وقد لاحظت ان قيادات المعارضة قد تورطت الى حد ما فى التركيز على رأس الافعى حتى اذا لم تقطع اعلن النظام فشل الثورة .. وايقن كل من شجعها ان هدفها الاساسى لم يتحقق لقد ادار مبارك ونظامه المعركة من غرفة حرب وبقواعد الحرب وتدريجيا نحن نستدرك الى هذه القواعد والاخطر ان نستدرك الى النتائج كيف يحارب جيشا مسالماً أعزلاً جيشا منظما مسلحاً ويطلب منه تنحيه قائده طواعيةً ذلك مستحيل بداهةً فلننتبه!!!!! والخيار الذى يدفعنا النظام اليه ويحاول تلفيق تهمته للثوارهو اعمال العنف والتخريب للايهام بمسمى التمرد لتحل محل الثورة ولا زالت الكلمة مستخدمة فى وسائل الاعلام الغربية واننا بالفعل فى معركة معه شخصياً وان بقائه يعنى انتصاره ورحيله يعنى الهزيمة وفى هذه الحالة سيتجدد الدعم له من كل مكان وهذا خطأ!!!!!! لأن الثورة تريد تغير النظام فى العادة لما يمثله من معانى الفساد والمحسوبية ولا معنى لعملية استبدال الوجوه اذا لم يتم تغيير منظومة القيم المشكلة للنظام وليس عداءاً شخصياً لمبارك الانسان فلتكن دعوة الثورة الى مبادئ اساسية تنطلق منها عدة مطالب وليكن رحيل مبارك جزء منها ليس أولها وليس آخرها الثورة فى القلوب أولاً ومبادئ الثورة التى انطلقت بها الحناجرهى التغيير والحرية والعدالة الاجتماعية هو الرسالة التى عادة ما تحملها الثورات الشعبية الاشهر فى التاريخ وإليكم هذه المفاجأة ~ان الثورة تحتاج لتنظير وشعراء وأقلااااااااااااااام ووقت طووووويل ونفس أطول فهل نحن قادرون على ترويض نتائج الثورة والصبر على مداها الزمنى الواسع وعدم حصرأعراضها فى التظاهر وعدم حصر مطالبها فى رحيل مبارك ؟ اجابة هذا السؤال هى ما سيقرر كل منا ان يفعله فى هذه اللحظة

والله عندك حق .. الشرطة ضحاياهم فعلا كتير جدا ... وزاد ضحاياهم فى حوادث الدهس المتعمد والقتل المتعمد وترك المسئولية المتعمد .. لغويا نطق لسانك بالحق فى النهاية لماذا لم تسأليه يا م أغابى كيف سمحوا لانفسهم بمواجهة الناس بالقنابل المسيلة للدموع والرصاص المطاطى والحى ومضخات المياه وكيف انسحبوا فجأة واختفوا تماما من مصر وأين كانوا فى ذلك الوقت انا لا ادافع عن الانتقام من رجال الشرطة الذى مارسه البعض ( بعض ضحاياهم ) ..ولكن ما نسبه هذا ضمن مخطط الانسحاب النظامى الذى تم تطبيقه فى جميع المحافظات بأمر واحد لماذا لم يبقى ضباط المرور بالشارع وما علاقتهم بما حدث وهل مفترض انه كل من لابس لبس شرطة يكون مباحث لماذا لم يخرج الضباط الشرفاء على الاعلام ليدلوا بشهادتهم ..؟ لماذا لم يدافعوا عن الشعب ويعلنون ذلك ؟ انا مع الاقتراح الذى قال ان يتم حفظ التحقيق فى هذا الامر حتى تهدأ الاحداث ولكن بدون شك ان يجب ان وزارة الداخلية تراجع مسماها وكذلك مسمى الشرطة وليكن وزارة الامن الشعبى حيث انها هيئة مدنية .. وجهاز الشرطة يعدل لجهاز الأمن وأمن الدولة الى قوى الأمن العام طبعا بلا شك المسميات ليست كافية وندعو الله ان تنسى الناس ممارسات الشرطة السابقة بممارسات جهاز الأمن الجديدة الراقية التى تحترم آدمية الناس حتى لو كانوا متهمين

مقال للكاتب الرائع والكبير الدكتور احمد خالد توفيق ================================================== إنهم يأكلون الكنتاكي الدستور - 5 فبراير 2011 لو كنت أنا ضمن النظام لكافأت الإعلام الحكومي الرسمي والمسئول عن هذا السيرك الإعلامي الذي يدور ليلاً ونهارًا على كل القنوات، فالحقيقة أن هذا الإعلام يخوض حربًا حقيقية ويلعب بكل الأوراق ولا ينام .. كل الألعاب يلعبها مهما كانت سخيفة أو ساذجة أو قذرة؛ فهو يؤمن أنها معركته الأخيرة إن لم يربحها .. والنتيجة بالفعل أنه بدأ يشطر الرأي العام الذي كان موحدًا منذ أسبوع، وقد أجاد اللعب على عواطف ربات البيوت اللاتي كن يقلن منذ أشهر : "ومين تاني ينفع؟.. اللي نعرفه أحسن من اللي ما نعرفوش". بينما الحقيقة كما يقول هيكل إن أي شعب يعجز عن إيجاد بديل لشخص هو شعب يستحق الفناء. هذه السياسة تذكرني بأمينة زوجة أحمد عبد الجواد في ثلاثية نجيب محفوظ، عندما كانت تسمع مناقشة سياسية حادة عن الجلاء والإنجليز بين ابنيها، فتقول: "هي الست ملكة انجلترا دي مش أم برضه؟.. يعني لو كلموها بالراحة كده قلبها حيرق". فيضحك الأخوان لأنها تعتقد أن ملكة بريطانيا مثل أم بلبل وأم مصطفى جارتيها. سياسة أمينة هي التي تحتل الساحة الآن .. الآن لعب الإعلام على عواطف الناس وعلى وهن ذاكرتهم. سوف ينسون أن رصاص القناصة أطلق على رءوس شباب زي الورد، وسوف ينسون أن الشرطة ذابت ليواجه الناس وحدهم عصابات الشبيحة، وسوف ينسون أن خدمات الإنترنت والموبايل والقطارات توقفت، وسوف ينسون أن السجون كلها فتحت في لحظة واحدة ليخرج الخطرون بالآلاف، وسوف ينسون أن عربات الشرطة تدهم المتظاهرين كأنهم صراصير في ستة أفلام على اليوتيوب، وسوف ينسون منظر البلطجية بالسنج والخيول يمزقون الشباب في ميدان التحرير أمام العالم كله ليرى ما وصل له الشعب الذي علّم العالم الحضارة.. سوف ينسون.... بعد ما ملأ الإعلام أذهان الناس بالبلطجية حاملي السيوف (الذين تسببت الحكومة في وجودهم)، ملأ أذهانهم بالأجندات الخاصة وعملاء الموساد وحزب الله والمخابرات المركزية الذين تحالفوا للمرة الأولى في التاريخ لإسقاط النظام. لا أعرف كيف يتحالف الموساد مع حزب الله وحماس لكن الإعلام مصر على أن هذا حدث. صار الشباب في ميدان التحرير عملاء أجانب جميعًا، وصار الميدان يعج بالإيرانيين، ولنفس الأسباب رحب الإعلام لأول مرة بتقديم خطبة الجمعة التي يلقيها خامنئي؛ لأنه بالتأكيد سيتكلم عن أحداث مصر وهذا دليل دامغ .. وكما قالت المناضلة نوارة (قلب الأسد) نجم: "لو كانت كل هذه القوى تعمل داخل مصر، فجهاز المخابرات لا يؤدي عمله على الإطلاق إذن !". تسمع القنوات الحكومية فتشعر بمزيج من القرف والسخرية لكنك كذلك تنبهر بهؤلاء القوم المتحمسين .. هم يعرفون أن الزن على الآذان له مفعول السحر. هناك نقيب من القوات المسلحة جلس مع المتظاهرين في مودة، فراحوا يعيدون اللقطة مرارًا مع تعليق (خبير استراتيجي) يؤكد بخبرته العسكرية أن ثياب النقيب مزورة... مع إهانات لا تنقطع: "الواد ده قاعد على الأرض .. مش ممكن ضابط يقعد على الأرض كده .. الواد ده لازم يتحاكم .. الخ". هناك عشرات الاتصالات من مواطنين يؤكدون في ذكاء أن المتظاهرين يأكلون (الكنتاكي) وهذا دليل على أن لديهم أجندات خارجية!.. هذا اعتراف ضمني بأنه لا يمكن لواحد من الشعب المصري الآن أن يأكل الكنتاكي ما لم يكن عميلاً للخارج !! المعتصمون في ميدان التحرير يبحثون عن دفء.. فأين الكنتاكي؟ سمعت هذه الملاحظة عشرات المرات في الراديو والتلفزيون حتى تأكدت أن هؤلاء المتظاهرين سوف يطفحون ما أكلوه بالسم .. فهي لقمة (منظورة) فعلاً. من قال إن المتظاهرين جياع أصلاً بينما نحن نعرف أنهم في معظمهم من شباب الطبقة الوسطى القادرين على التعامل مع الكمبيوتر، ومعظمهم من شباب (وسط البلد) الذين يعلقون صور جيفارا ويستمعون لبوب مارلي ومارسيل خليفة ؟ .. ثم إنني معجب جدًا بثراء الجهة القادرة على شراء كنتاكي لاثنين مليون متظاهر .. لابد أنها أنفقت مليارات على إطعام هؤلاء خاصة أنهم يأكلون كديدان القز. وصلتني هذه الرسالة من فنان الكاريكاتور الجميل أشرف حمدي، وهو قد شارك في المظاهرات ويحكي ما رآه بعينه ليفسر به لغز الكنتاكي: " ما رأيته بعيني وما اشتركنا به هو عملية جمع نقود من أنفسنا ، يتطوع شخص ما ويدور حاملا كيس بلاستيكي لجمع النقود، وهذا الأمر ليس إلزاميا، وغير محدد بمبلغ معين، يمكنك أن تدفع جنيهًا أو عشرين جنيهًا ويمكنك ألا تدفع أي شيء، بعدها نشتري الطعام والشراب ويتطوع نفس الشخص أو شخص آخر في عملية توزيعه على من يريد وليس بالضرورة على من دفع، باختصار : "بنلم أي فلوس من أي ناس نجيب بيها أي أكل يتوزع على أي حد عاوز ياكل" ، أما المستلزمات الطبية فهي تبرعات من صيادلة مشاركين وكذلك الأطباء من المشاركين في الثورة متطوعون، وسواء كانوا مع الثورة أو ضدها أو على الحياد فإن دور الطبيب لا علاقة له بالسياسة فهو دور إنساني في المقام الأول". ثم يقول في موضع آخر: "أنا بنفسي أكلت فول وطعمية تطوع بهما شاب فقير فعرضت عليه سيجارة على سبيل المشاركة .. نحن يد واحدة ولا فرق بين غني وفقير". لم يتحدث عن عميل ملثم يتكلم العبرية ويحمل وجبات كنتاكي مع رزم من الدولارات يوزعها على المتظاهرين على ما أعتقد. هذه سيمفونية جميلة صنعها الشباب في ميدان التحرير قد غيرت كل شيء.. لا أكثر ولا أقل ومن دون فذلكة أمنية، وإن المرء ليشعر بحسرة لأن هذا كله لم يحدث منذ عشر سنوات .. لو حدث هذا مبكرًا جدًا لتغير الكثير .. ما كانت المليارات لتهرب للخارج، وما كان القطاع العام ليبدد، وما كانت أرض مصر لتباع بملاليم للمستثمرين، وما كان الغاز ليصدر لإسرائيل، وما كنا لنفقد كل هذه الآثار. بل إن الخيال ليجمح أكثر ليتصور أن غرقى العبارة كانوا سيكونون بيننا ومعهم خالد سعيد وسيد بلال وآخرون. اعتبرني مجنونًا لكن لربما كان قتلى الدويقة بيننا لأنهم كانوا سيجدون مساكن أفضل ... كان لابد أن يحدث هذا ليعرفوا أن الشعب المصري ليس مجرد صراصير تطئها سيارات الأمن المركزي، ولكن ... (لو) تفتح بابًا لعمل الشيطان على كل حال.

بسم الله الرحمن الرحيم أكتب اليوم بعد أن زادت صفحات الموضوع بصورة كبيرة جدا لم استطع متابعة كل صفحات الموضوع بسبب انشغالي الشديد في اليومين الماضيين بالإضافة إلى أن الأخبار أصبحت متشابهة فلا ضرورة شديدة لمتابعتها على عكس الأسبوع الماضي هذا الأسبوع الذي لم نكن نستطيع فيه القيام من أمام شاشة التلفاز إلا قليلا سوف أتحدث معكم الآن عن عدة خواطر تدور في ذهني الآن وسوف تكون هذه آخر خواطري حتى يحدث جديد. الخاطرة الأولى: الإخوان المسلمون: أحييكم وأمنحكم الدرجة الكاملة في حسن انتهاز المواقف. وربما أقولها صريحة؛ الدرجة الكاملة في الانتهازية عندما بدأت الدعوة لمظاهرات يوم 25 يناير أعلن الإخوان أنهم لن يشاركوا فيها لأنهم لا يشاركون في أمر ليس منظما بالدرجة الكافية. مثلما أعلنوا سابقا أنهم لن يشاركوا في إضراب 6 أبريل. وبعد أن نجح يوم 25 يناير ولأول مرة في اجتذاب أعداد كبرى من المواطنين ودعا المشاركون لجمعة الغضب.. دخل الإخوان لجمعة الغضب. وبعد أن بدأ المعتصمون في البقاء على أرض الميدان دفع الإخوان بأعداد كبيرة منهم للبقاء في الصورة. واليوم نجح الإخوان في جني الثمار... أجبروا الحكومة المصرية على إذاعة بيان لهم؛ أي أنهم انتزعوا اعترافا جبريا من الحكومة. جنى الإخوان الثمار على حساب دماء 320 شهيد اعتقد أن لا أحد منهم ( أي من الشهداء ) ينتمي إلى الإخوان. واليوم يقول الإخوان أنهم مع الحوار.. ولكنهم لن يتخلوا عن مطالب الشباب. عذرا يا إخوان كنت في السابق أحترمكم كأشخاص وكجماعة. أما الآن فأنا أحترمكم كأشخاص ولكن لا أحترمكم كجماعة ولكن أذكركم يا إخوان قبل الختام: لا تطمئنوا كثيرا للوعود.. فالمفترض أن خبرتكم مع النظام قد علمتكم أن لا وعد له. الخاطرة الثانية: الشعب المصري: واهم واهم من يتصور منكم أن الرئيس المبارك حسني مبارك سوف يغادر كرسي الحكم في سبتمبر واهم من يتصور أن الرجل الذي قضى 30 عاما من عمره آمرا ناهيا يمكن أن يتحمل أن يقضي بقية عمره محكوما من يعرف منكم كيف يتواصل مع الدكتور/ أحمد عكاشة أستاذ الطب النفسي فليسأله. هل طبقا لتحليل الدكتور عكاشة النفسي لشخصية رجل مثل مبارك أن يقول أن رجلا مثل هذا يمكن أن يترك الحكم بعد أن قضى ثلاثين عاما فيه. قد يرد البعض أن إصرار الرئيس مبارك على البقاء في الحكم حتى سبتمبر حتى يضمن لنفسه خروج آمن من الحكم أسألهم قائلا: وكيف سيضمن لنفسه خروج آمن من الحكم إذا كان هو نفسه سيغادر الحكم توجد قاعدة تقول أن السياسة لا ثوابت لها.. ومثلما ظل السادات رحمه الله مخلصا لعبد الناصر ولكنه في نفس الوقت سمح بفتح الملفات المغلقة التي فضحت عهد عبد الناصر... وإذا خرج الرئيس مبارك من سدة الحكم فلن يأمن مطلقا على نفسه أو على نجله من بعده. هل تعرفون أنا أتنبأ شخصيا أن مبارك لو نجى من هذه الأزمة فإن أول ما سيفعله بعد أن يفيق هو أنه سيقوم بتعيين نائبا ثانيا له... وسيكون هذا النائب مدنيا، وليس عسكريا كاللواء سليمان. أما من يقولون بأن الرئيس وعد؛ فأقول لهم عام 99 قام مفيد فوزي بإجراء لقاء حواري مع الرئيس مبارك قبل أن يترشح لفترة رابعة. إذا كنتم تتذكرون فإن الدستور المصري الموضوع عام 71 كان ينص على بقاء الرئيس لفترتين فقط، وقام السادات رحمه الله قبل وفاته بفترة بسيطة بجعلها 3 فترات. وكانت الفترة الثالثة للرئيس مبارك تنتهي عام 99. وحينها تم تعديل الدستور للسماح بفترة رابعة ( عمركم شفتم دستور أحلى من كده ). قام مفيد فوزي بإجراء حوار صحفي ( زي حوار عماد الدين أديب كده ) وفي هذا الحوار قال الرئيس مبارك أن الفترة الرابعة ستكون آخر فترة وأنه قد تعب من الحكم وسئمه. وطبعا بعد أن انتهت الفترة الرابعة تم تعديل الدستور للسماح بفترات لا نهائية وأن يكون الاختيار عن طريق الانتخاب. هل أحد منكم يتذكر المشير أبو غزالة.. عام 86 أنقذ المشير أبو غزالة مبارك من أزمة عاصفة كادت تعصف بحكمه وهي أزمة الأمن المركزي.. وطبعا كلنا يعرف كم كان المشير أبو غزالة محبوبا بين رجال الجيش.. بعدها بعامين فقط تمت الإطاحة بالمشير أبي غزالة من قيادة الجيش بعملية منظمة سبقتها حملة صحفية للتشهير بيه على خلفية فضيحة الله أعلم بها مع من كانت تدعى ( لوسي أرتين ). تمت ترقية المشير إلى منصب مساعد لرئيس الجمهورية ( منصب شرفي ). ثم بعدها اختفى المشير عن الأنظار حتى توفي. واهم من يتصور أن الرئيس مبارك سيغادر الحكم... واهم واهم. الخاطرة الثالثة: الشعب المصري أيضا. فرصتكم الأخيرة قد تكون على أقصى تقدير يوم الجمعة القادم... إذا لم تخرجوا بنفسكم عن بكرة أبيكم لتضعوا مشهد النهاية في فيلم ( شيء من الخوف ). بالكلمة الخالدة ( باطل ) وحينها سيكتب تاريخ عهد جديد لمصر... عهد يكون عرابه هو الشعب المصري نفسه، ويظل الحاكم فيه مدينا للشعب المصري نفسه، وليس لقواته المسلحة. وقد اختفت كل الحجج. فما عاد هناك أمن دولة ولا أمن مركزي ولا بلطجية، والجيش لن يطلق رصاصه عليكم.. فما حجتكم في البقاء في المنازل إذن إلا أن تكونوا بالفعل تريدون بقاء الرئيس مبارك. إن لم تخرجوا يوم الجمعة القادم على أقصى تقدير فلا يعودن أحد منكم ويشتكي من البطالة أو غياب العدالة الاجتماعية... لا يشكون دكتور جامعي أو حتى إمام مسجد يعلم أن قرار تعيينه في وظيفة هو أهل لها أو منصب يستحقه ليس راجعا إلى مؤهلاته أو إمكانياته.. وإنما العامل الحاسم فيه هو التقرير الأمني الذي سيكتبه ربما مخبر أو ضابط على أقصى تقدير. لا تشتكي سيدة عجوز منكم من بقائها ساعات طويلة في أيام البرد أمام مخبز الخبز من أجل عدة أرغفة من عيش مهتريء هو أقرب للآدمية لا يشكون سكان العشوائيات من غيابهم عن المجتمع وعن الحياة الكريمة. لا يقولن أحد منكم بعدها آه. الكلمة الأخيرة لكم. ونحن في الانتظار الخاطرة الرابعة: للأبطال المعتصمين في ميدان التحرير... لا أعرف ماذا أقول لكم فقد نجحتم في إبهار العالم أجمع. ولكن للأسف لم يكتمل العمل بعد... ما زالت دماء الشهداء لم تجف حتى الآن ولا يوجد ما يعوض هذه الدماء إلا الإصرار على المطلب الكبير وهو مغادرة مبارك للحكم بأي صورة ( سواء مغادرة فعلا أو تفويض سلطاته لنائبه ). الحكومة الآن تلعب معكم لعبة كبرى... ألم تلاحظوا التغير في سياسة التلفزيون المصري.. التلفزيون المصري الآن يذيع برامج عنكم ويكتب ( انتفاضة مصر ) والقنوات الخاصة تتحدث مع أسر الشهداء والكل يتسابق لإبراز الوجه الحضاري الجميل وتلاحم الشعب المصري الأصيل الذي تجلى في ميدان التحرير. هل تعلمون ما الهدف من هذا كله... هو إخراجم من الحال الثورية إلى الحال الاحتفالية... إلغاء فكرة الثورة بالتدريج لصالح فكرة الاحتفال بالثورة.. وجمال الثورة.. وشيئا فشيئا سيخمد الحماس ويتحول ميدان التحرير إلى هايد بارك الفعل.. البقاء في ميدان التحرير لما لا نهاية صحيح أنه يسبب ضغطا على النظام إلا أنه لم ينجح في زحزحته.. والحل الوحيد هو التحرك خطوة أو خطوات للأمام. الفارق بين ثورة التوانسة وثورتكم هو أن الجيش التونسي عندما خرج للميدان واجهه التونسيون بصدورهم فوضعوه في خيار ضيق إما الشعب وإما النظام .. فاضطر الجيش إلى اختيار الشعب... أما أنتم فقد استقبلتم الجيش بالورود.. ولا غضاضة في هذا.. ولكن الحقيقة المطلقة هي أن الجيش يبدو حياديا في الظاهر في حين أن الحقيقة أن ولاءه للنظام وهو السبب الرئيسي في بقاء النظام حتى الآن بعد انهيار الأمن ولكنه في نفس الوقت لا يستطيع أن يكون رأس الحربة التي يوجهها النظام لكم ( حتى لا يخسر هيبته واحترامه مثلما خسرت الشرطة هيبتها واحترامها ). والحل الوحيد هو وضع الجيش في المواجهة والتحرك خارج ميدان التحرير نحو خط المواجهة في مصر الجديدة. مع بقاء جزء منكم أيضا في الميدان لو أردتم. وحينها سيضطر الجيش إلى الاختيار إما أنتم وإما النظام.. فإن اختار الجيش النظام وكنتم عازمين حقا على الشهادة مثلما استشهد زملاؤكم .. فلتواجهوا رصاص الجيش بصدوركم مثلما واجه زملاؤكم رصاص الشرطة. أو يختاركم الجيش وحينها سيخرج أحد اللاعبين الكبار في فريق النظام من أرض الملعب. وحينها قد تنطلق صافرة النهاية. أما البقاء في ميدان التحرير لما لا نهاية فمع كامل احترامي لا معنى له. الخاطرة الخامسة: سيادة الرئيس مبارك.. أقولها لك وبكل الصدق. إن استطعت أن تخرج من هذه الأزمة منتصرا وأنت في هذا العمر فأنا أجزم لك بالفعل أنك سوبرمان... بغض النظر عن أن سوبرمانيتك هذه تستخدمها لصالح بقائك في الحكم أكثر مما تستخدمها في صالح مصر. فأنت حتى الآن وبعد كل هذه الضغوط وفي هذا السن ما زلت تمسك بكل الخيوط وتطيح بهذا وتستبدل هذا بهذا. مع بقائك أنت. إن خرجت من هذه الأزمة منتصرا سيدي؛ سوف أبصم لك بالعشرة أنك أقوى شخص حكم مصر منذ عهد الفراعنة.. بل وربما في التاريخ كله

انا بجد اتخنقت من الناس اللي في مصر يا ريت النت ما رجع ياااااااااااا رب يتقطع تاني عشان الواحد اعصابه هاتبدأ تفلت و يغلط بجد فيهم لا حول و لا قوة الا بالله من الحاجات اللي تحرق الدم قال ايه ليس منا من لم يوقر كبيرنا و نسيوا خااااااااااااااااااالص و يرحم صغيرنا عاملين زي اللي بيقولوا و لا تقربوا الصلاة و سابو و انتم سكارى

القوى الدولية لو كان عندها ذرة من عقل وبعد نظر - ومش هقول ضمير لإني عارف إن ما عندهاش - كانت وقفت مع الثورة بكل قوتها لو الثورة دي أجهضت واستمر احتقان الأوضاع ستصبح مصر المركز الرئيسي للإرهاب في العالم بصورة تبدو جوارها افغانستان والصومال كرياض أطفال لإن الشباب سيفقد الأمل في التغيير السلمي وسيتجه الى العنف والتطرّف يا ريت يفهموا الكلام ده علشان مصلحتهم هم قبل مصلحتنا

لا اوعى تحس الأحاسيس دي انا هنا في الغربة بسبب النظام ده أكيد لو كنا لقينا الفرصة في مصر مكناش سافرنا كل واحد له أسبابه وظروفه طبعا كل اللي شارك بالتأييد و الدعاء للثورة دي مشارك فيه كل اللي أيدها بقلمه مشارك فيها كل اللي حتى مؤيد بقلبه و لكنه لا يستطيع المشاركة برضه لأسبابه وظروفه مشارك فيها و بعدين كلنا هنا كمغتربين قاعدين بنشتغل و ملتزمين بعقود لابد الوفاء بها و ليست الاستقالة و ترك العمل للنزول لمصر هي الشجاعة و ليس الالتزام بالعمل والحفاظ على الأمانة جبن وخوف ماذنب أصحاب الأعمال هنا أن نتركهم فجأة لنكون ضمن من هم في التحرير الآن من يريد إنهاء عقده و النزول إلى مصر يجب أن يفعل ذلك بشرف لا يقل عن شرف هؤلاء الثوار و من الشرف أن نستمر في أعمالنا هنا و نلتزم بها على أكمل وجه و من يريد العودة عليه تنبيه صاحب العمل بذلك أعد و أكرر ليس شرفا أن نترك العمل و نعود فقرارنا لا يخصنا وحدنا و لا يرضينا إلحاق أضرار بأصحاب الأعمال في الدول التي نعيش فيها فكما مطالب الحرية و العدالة الاجتماعية أمانة في أيدى الثوار في ميدان التحرير فسمعة مصر وشرف المصريين أمانة أيضا بين أيدينا كمغتربين نحن سفراء مصر في كل مكان

أعتقد من ضمن المطالب لازم يبقى إننا نجيب كل الاحزاب دي على المحارة .. ونبدأ من جديد 23 حزب كلهم أسوء من بعض ويجب أن يحاكموا جميعاً على حاجتين : 1- إنهم ساهموا بشكل مباشر في إفساد الحياة السياسية بتطبيلهم لمبارك وبسلبيتهم المتناهية ومنهم اللي راح إنتخبه في مهزلة الرئاسة الأخيرة . 2- إنهم بيتصرف عليهم ويتعلفوا زي خرفان العيد من اموال دافعي الضرايب الغلابة اللي هما أحنا . --------- سمعت منهم ناس بودني يقول لك " ننزل الشارع إزاي ؟ دي كانت الشرطة تبهدلنا وتعتقلنا .. إحنا متحدد إقامتنا في الشقق اللي إحنا مأجرينها إيجار جديد وعاملينها مقرات أحزاب هزوء .... تخيلوا من 20 سنة لو كان حزبين تلاته خرجوا بصدورهم العارية ومضحين بأنفسهم في الشارع عشان يقولوا لأ للظلم والديكتاتورية .. كان ده بقى حالنا ؟ لكن الحمد لله ... الشباب الصغير بتاع عشرين سنة علمهم يعني إيه رجولة ويعني إيه شرف ويعني إيه أقف أمام مليون و400 ألف عسكري من بتوع الشرطة ... واقف أمام جميع الدبابات وأنا اعل ومافيش حجر في إيدي . ودلوقت بعد ما الثمرة أستوت وحان وقت قطافها كل واحد هازز طوله ورايح يتكلم بإسم الشعب وهو منهم بريء .. فأنا لا أعرف الشهابي ولا رفعت السعيد ولا السيد البدوي - لأ يا ربي ده أعرفه .. من سنتين عديت عليه وجبت حُمص وحلاوه من هناك -

ايه ده هو التوبيك هيتحول من الكلام عن الثوره الى الكلام عن الشرطه لا يا جماعه مينفعش نهيب حضراتكم ( حلوه نهيب دى ) ان التوبيك ده معمول عن الثوره اللى عاوز يتكلم عن الشرطه وحلاوة الشرطه يتفضل يفتح توبيك جديد على هامش المؤتمر بقى اغابى مش معنى ان قريبكم بيعاملك كويس يبقى هو كويس مع الناس التانيه النظام السائد فى المصالح فى مصر عموما سواء شرطه مستشفى اى حاجه لاما تكون تعرف واحد هناك يخلص الموضوع لاما تكون معاك فلوس وتخلص الموضوع برده لاما يكون الموظف محترم وبيعامل ضميره فى شغله وده نادر جداً اغلب المصالح فى مصر بتمشى لاما بالواسطه ونظام شيلنى واشيلك لاما بالفلوس علشان كده مش معنى ان دخلت على موظف اين كان رتبته وعملنى كويس لانه عارفينى انه كويس مع الباقى لا دى نقطه حبيت الفت انتباهك ليها تحياتى عنبو

رسالة من تلميذ مصري : إلى أعزائي المتظاهرين في ميدان التحرير .. بخصوص الثورة اللي شغالة متنسوش أنها هتدخل في مادة التاريخ واحنا اللي بنحفظ !! فاختصروا من فضلكم

كتبتها ايضا من 5 سنوات بقرة عمّ الحاج السيد لسَه بتضحك خيبه وحلِت أول مرة أشوف البقرة بتضحك لمَا اتولِت كان من مده .. احنا ضحكنا عليها.. ضحكنا وهى اتسلِت بعد شويَه .. من قسوتها علينا بكينا وهى عينيها .. عمر عينيها فى يوم ما اتبلِت **** أكل ومرعه وقرون طالعه ليه ما تاكلهاش دايما والعه اللى معاه .. تلهيه بضريبه والآمن .. تخلق له مصيبه وتعادى اللى يخاف من ربُه وتبارك عُهر الحبّيبه لازم كل الشعب يئن والدبابير على راسُه تزِن ماهو علشان الناس تتكَن لازم تفضل حافيه وقالعه **** بقرة عم الحاج السيد فاسده وكلحه غير كل البقرات التانيه فى كفر مصيلحه أصلها لامَه عجول حواليها بتسمَنها وتربيها لاجل ما يوم تحتاجها ف خطبه أو فى استفتا أو فى انتخابات حرَه نزيهه ساعة الجد تزوغ وتناور وامَا تشاور.. تلقى ف وشك الف محاور كلمته واضحه .. وحجته فاضحه لحمته مُره .. وسحنته كالحه *** خمسه وعشرين سنه ع الكرسى خلوها قالت .. حقى وارثى أضرب ست سنين دلوقتى والجايين بقى زى ما ترسى *** كبرت والله بجد .. وشاخت والفُرَيره صابتها .. وداخت لأ .. وكمان قال عايزه تمدد ما التمديد .. بقى نكته وباخت *** بعد ما سفَت والسكاكين حواليها اتلفت بقرة عم الحاج السيد قامت لفَت شاروا عليها مستشاريها تلف كفورها تزور حواريها تاخد صوره مع الصياد تلعب حجله مع الأولاد أو تتنى وترفع رجليها وتحرك ودن وتتلفت خالت والله على المساكين بس كتير م المصريين عارفين انها سَوَ بجد مهما بكل بجاحه ادَارت ولا اتخبَت دى بتحلبنا .. وتأنَبنا.. إن صدورنا من الجوع جفَت *** بقرة عم الحاج السيد خربت بيتنا ومجهزه لولادنا كمان بقرة بقرتنا بتربيها على الدستور على بال لما ييجيها الدور تفتكروا هتبقى حنينه بقرة بقرتنا؟ ***

من تانى يوم للمظاهرات و هما بيعيدوا و يزيدوا علينا اد ايه المظاهرات دى خاربه بيتنا و مدمره اقتصادنا و ان احنا بنخسر بسببها تلت مليار دولا يوميا جميل جدا جدا انا لغايه دلوقتى ملياش مشكله معاهم لكن لو بصينا من ناحيه تانيه هنلاقى ان مش كل القطاعات الاقتصاديه توقفت يعنى قناه السويس لم تتوقف عن العمل يوم واحد و لا الموانىء قفلت اللهم الا ميناء الاسكندريه الى قفل نص يوم بس و لا المعونات وقفت و لا اى حاجه اذن لم تتوقف كل القطاعات الاقتصاديه و غم ذلك كانت الخسائر تلت مليار دولار عظيم جدا يعنى معنى كدا يا حضرات ان مداخل مصر الاقتصاديه يوميا بتزيد جدا عن تلت مليار دولار و لو اعتبارنا مجازنا ان كل الدخل المصرى هو بس التلت مليار دولار دا يبقى دخل مصر الاقتصادى سنويا بالتاكيد بيزيد جدا عن 122 مليار دولار فى السنه الواحده يا ريت حد يصحح لى لو كنت غلطانه طيب محدش بقى سال نفسه الفلوس دى كلها كانت بتروح قبل كدا فين يعنى لما احنا بيدخل لنا فى السنه كل المبالغ دى راحت فين و يا ترى كدا بقى تبقى الخسائر لمصر و لا ليهم الحمد لله ان انا اتاكدت ان بلدنا من اغنى بلدان العالم و الى قال ان مصر هى اغنى بلاد الدنيا لانها بتتسرق من قديم الازل و لسه فيها فلوس مكدبش

اغابى صباح الخير اول حاجة لحد دلوقتى مفيش مسئول طلع قال ان فيه 800 ضابط وعسكرى ماتوا تانى حاجة بالنسبة لجريمة التعذيب اللى شافها الضباط من المتظاهرين (انا هفترض ان الكلام اللى قولتيه كله مظبوط 100%) وهفترض ان كل الظباط اشراف ويقيموا بدورهم بالتمام بس المتظاهرين منسيوش خالد سعيد منسوش سيد بلال منسوش تفجير الكنيسة بالاسكندرية منسيوش اخوانهم الشهداء اللى ماتوا من يوم التلات لحد الجمعة وكمية القمع والضرب اللى اخدوها من عساكر وضباط الامن المركزى منسوش العربيات اللى كانت بتدوس عليهم وتجرى منسوش عساكر الامن المركزى وهما بيرشوا عليهم المية والغاز المسيل للدموع وهما بيصلوا منسوش الـ 200 مليون جنيه مخدرات فى الساحل الشمالى (هو احنا اصلا عندنا ادارة مكافحة مخدرات) منسوش ريحة دخان البانجو اللى مالى الشوارع (لعلمك انا مش مدخن بس اعرف ريحة البانجو كويس لانها امر طبيعى فى الشوارع) منسوش عمال البلدية اللى بيبهدلوا فى الغلابة اللى بيبعوا الخضار فى الشارع وبياخدوا حجاتهم منسوش التعذيب والاعتقالات التى لم يسلم منها شباب كتير فى مصر منسوش الاستهزاء والتريقة باى حد مهما كان رجل مسن او شاب فى قسم الشرطة منسوش ان مفيش حاجة بتخلص فى الشرطة الا بواسطة منسوش الاتاوة اللى بياخدوها رجال المرور من اللى رايح والجاى منسوش اخواتهم البنات اللى بيغتصبوا فى كل شوارع مصر على مراى ومسمع من رجال الشرطة ومحدش بيحميهم اغابى انا فيه حجات كتيرة معرفهاش من جرايم الشرطة وحجات اكتر الحياء بيمنعنى انى اذكرها وكلها على مراى ومسمع من رجال الشرطة انا اسف يا اغابى اين دور رجال الشرطة فى حفظ الامن والامان (المخدرات موجودة - الاغتصاب موجود - رشاوى بالعبيط - السرقة موجودة - القتل موجود ) بالنسبة لى اعتبر ان الشرطة موجودة فى مصر بنسبة 30% مش اكترتحياتى

أهم إنجازات ثورة 25 يناير from مش عارفة....بس نفسي اعرف باب الجامعة العربية يتضامن الفتنة الطائفية والفرقة المجتمعية مش أمي كنتاكي الشعب من عند كشري التحرير يا محترم .. خد بالك من الخمسين دولار اللي مخبينها تحت العلب ماء معدني نضيشف نضيشف نضيشف .. وخد بالك من الأجندة الخارجية اللي مع البه أم منطلون

اتساءل بدوري إلى كل ذي عقل ألم يكن أسهل على هذا التحالف الرهيب - بإستثناء الموساد طبعا - تحرير القدس بدلا من إسقاط مبارك؟؟؟!!! بس هي ودنك منين يا جحا يسقطون نظام مبارك ليحرر الشعب المصري القدس!!!! و لكن برافو أنا كده اطمأنيت على قوة النظام الحاكم الذي تحالف العالم كله ضده بأجندات مختلفة و معهم الموساد شخصيا و لم يفلحوا بطولة جديدة يجب أن نحكيها على الربابة لشهور و خصوصا عندما يقضي النظام على كامل المتظاهرين بكل السبل الممكنة (المشروعة أو غير المشروعة... متفرقش ... العبرة بالنهاية) و يرجع المجرمون إلى السجون (ستاند باي) و تعود الشرطة ل ....خدمة الشعب و يتم تعويض أسر الضحايا الشهيد 100 جنيه و الجريح 50 جنيه مع ترديد نشيد النظام أقوى من تحالف الأجندات 9 مرات يوميا قبل الأكل وبعده فنضمن بكل ثقة أن يطلع الشعب المصري عن بكرة أبيه في سبتمبر القادم في مظاهرة تضم ال 85 مليون رجالا ونساء وأطفالا كبارا و صغارا... أحياء و أمواتا تطالب الرئيس بالترشح لفترة رئاسية سابعة

مع إحترامنا للثورة ،، نكتة علي الثورة يعني ايه كوك زيرو ؟؟ يعني تبقى واقف في لجنة شعبية بتحشش و يعدي بوكس تقوم مفتشه و ساحب رخصه و طالبله الجيش يعني مصر تعمل مظاهرات و الجزائر تلغي قانون الطوارئ ....! يعني العساكر و الظباط تاخد اجازة نص السنة و احنا نوقف خدمة طول الليل ! يعني احنا نعمل ثورة و المساجين هما الي يتحرروا ..! و بره كوكا زيرو بيقولك الراجل بتاع كنتاكي أبو دقن بيضه ده طلع "اخوان"

وعندك واحد فتوى ومقال حسب الطلب عيب عليك عيب وعيب على المفتي اللي كان ناقص يفتي بلطم الخدود ولبس الأسود على موت حفيد الريس ووجه كلمة للولد التاني إبن علاء وقال له: قول لبابا يا عمر - اخو الفقيد الصغير - قول بابا أخويا عند ربنا .. وإن شاءالله بسببه كلنا هاندخل الجنة أنا وإنت وماما وتيته وجدو لووووووووووووووووووووووووووووووووووووووووووووووووووووولي عيب يا عم المفتي إنت وشيخ الازهر ده أنتوا كنتم بتشوفوا الجرايم بعنيكم وماحدش فتح بؤه وقال لهم كخ حتى

عمرو سلامة يكتب: معلومات خطيرة ومؤكدة عن ميدان التحرير

نثق ونحترم حكمة و ذكاء الاخوان ,, لكن نعتب عليهم قبول الجلوس للتفاوض مع الثعلب العجوز وهو المعروف لديهم منذ عديد السنين وقد اثبتت لهم الاحداث صواب رؤيتنا وما حذرناهم منه من قبل ,, لا للتفاوض ,, حتى رحيل الرئيس ,, اخوانى ... تسمحوا لى بكلمة ... ماحنا فعلا لابد كل واحد فينا يمسك بوق ويبدأ ينادى المجموع.. كان مفروض ارسل لحضرتك يااستاذ تيمور ...رسالة خاصة . لكنى فضلت اقول رأيى هنا.....كأحد اعضاء محاورات المصريين .. بمعنى .؟؟؟ المصريين كلهم.. لاننادى هنا بالأنضمام لحركة معينة ...لااخوان..ولا 6 ابريل ..,لا كفاية ..,لا تجمع..ولا حتى تغيير ..,لا اى ميليشيات ..,لا غيره.. ولا حتى ( حركة شهيد غضب الاسكندرية ..خالد سعيد )....اتفقنا؟؟ لو سمحت... ممكن حضرتك تلغى توقيعك؟؟؟ لو سمحت...الغى توقيعك ده عن الحركة ..دى ؟؟ ليه بقى ؟؟؟ لألف سبب ..ابسطهم اننا هنا مش تبع اى حركة ..,الحركة الوحيدة اللى بتجمعنا هى ...مصر..مصر ..ومصر..وبس. .........حضرتك شفت ...موضوع فتفوتة (( عن الشهداء )) شفت الصور ؟؟؟ لقيتهم لهم ( حركات معينة ؟؟ ) سمعت ان حد فيهم كان بيجاهر بأنه ...قائد طابية ؟؟.....مفروض حضرتك خلاص عرفت وأتأكدت..ان كل الشهداء ....مش شرط يكونوا من الحركة اللى حضرتك ( بتقول ) انك احد افرادها ...او..المتخصص بنشرها اعلاميا .. والمكان ده بصراحة ....مش مكان نشر حركات.. صدقنى ياحفيد ...الشيخ المراغى ...اللى كلنا .((.وانا أول واحدة ))...نحترمه ونقدر سيرته . بصراحة ... مش عاجبنى ان اى حد ينسب اى شئ لنفسه...من بعيد او قريب .. حرااااااام. حراااام فعلا ... حرام علشان دم الشهداء دول .... بس. يارب احفظ شباب مصر كلهم ... يارب ارحم الشهداء وصبر اهاليهم.. يارب يكون مثوى الشهداء الجنة والفردوس الأعلى .. ده جزء من كل . بس القلب مليان .. مليان قوى . انتوا اللى كدة بتسرقوا حق دم الولاد دول .. حرام فعلا .. ربنا يرحم الجميع . يرحمهم ويرحمنا.

الاخوان لا يمثلون الشعب المصري ولكنهم يمثلون انفسهم ويعملون لصالحهم مثلهم مثل تلك الاحزاب الضعيفة والبالية وان اي مصداقية سيظهرها النظام معهم ستصب في مصلحتهم بصرف النظر عن قبولها في الشارع المصري او لا الاخوان يبطنون ما لا يودون اظهاره ويتمثل ذلك في اصرارهم علي الظهور في ثوب المستقلين وينحون جانبا دائما من التيارات الحزبية اما عن فضحهم للنظام فهذا شرف لم ينالوه رغم اعتلائهم ثمانية وثمانين كرسي في المجلس السابق شرف فضح النظام تحقق لهؤلاء الشباب الذين قاموا ولم يقعدوا في حركة 25 يناير

ممكن أسأل سؤال لسة عايزين تهاجروا؟؟ طب ليه؟ يا ريت سؤالي ما يزعلكوش :closedeyes:

الثورة يمكن أن تمتدّ لفترة طويلة وتكون لها مراحل متعدده ... لكن دون تحويل المكاسب على الأرض في كل مرحلة الى مكاسب سياسية فإنها تعود دوما الى نقطة الصفر ثورة 25 يناير دفعت ثمنا باهظا من دماء شبابها وتضحياتهم لتحقق هدفا مرحليا واحدا هو إسقاط رأس النظام ... واستطاع النظام بوسائل متعددة أبرزها الإعلام الموالي له وإشاعة الفوضى والضغط على الشعب اقتصاديا من إبطاء زخمها وصولا بها الى نقطة التجمد ... مع بعض التنازلات التكتيكية التي لا ترقى للثمن المدفوع، وهذا أمر خطير ومحبط لأنه يوصل رسالة مفادها أنه لا جدوى من الانتفاضات وأن الطريق الأسلم هو استجداء الحقوق والرضى بالفتات الذي يلقيه النظام للشعب. أملي أن يستطيع الثوار الصمود الى أن يتحقق مطلبهم الأساسي وإلا فإنها ستكون انتكاسة كبيرة لنضال الشعب المصري من أجل نيل حرّيته.

فعلا..مصر كان فيها ما يشبه المافيا في كل المجالات مجرد تنحي الرئيس مش هيحل كل المشاكل لابد من تطهير مصر من كل أشكال الفساد و بعدين الناس خدت علي نظام حياة معين..و نظام شغل معين لازم فعلا كل ده يتغير للأفضل ان شاء الله..و ده مش هييجي في يوم و ليلة عشان كده زي ما أحد الأعضاء الأفاضل كان بيقول.. احنا لسه ورانا شغل كتييير

تحس ان الناس اللي في الميدان في وادي واللي علي طاولة الحوار في وادي تاني طالما الليلة وسعت كده ممكن حد يروح لهم ويكتبوا في اخر لستة الطلبات ان السفارات تخلي بالها شوية من المغتربين ويشيلوا الجمارك من علي السيارات وبلاش شرط سنة الصنع ده الثورة اتخصصت يا رجالة زي كل القطاع الحكومي حد يقفل لنا الموضوع ده بقي اللي كنا عاملين ندخله بكل حماس نشوف اخر المسيرة ايه وحد يفتح لنا كام موضوع كده عن الشرطة وعن المواصلات الخ الخ

محاولة رخيصة لرشوة الشباب الذي قاد الثورة عن طريق الإيحاء أن بعضهم يمكن أن يصبحوا أعضاء في مجلس الشعب القادم كجزء من صفقة لإنهاء الثورة بس آدي دقني لو حد فيهم بقى عضو في أي مكان سوى ليمان طره لو لا قدّر الله الثورة أجهضت

الجيش يا اوزو مش بس جندي واقف على الجبهه ,, القاده في غرفة العمليات من الجيش ,, سلاح الاشاره خلف الخطوط جيش ,, حتى الامداد والتموين جيش ,, كلها عناصر ومنظومه متكامله لو تعطل احدها انهارت المنظومه بالكامل ,, ومن يدري ,, يمكن انت خلف الكيبورد ساهمت في ان ينضم 1000 شخص مكانك الى الثوار لم يكن منهم من يدري عن الثوره اي شيئ ,, من اين علم المصريون بالثوره ؟؟ هل سمعوا عنها من الاعلام المصري مثلا ؟؟ هل قامت اسماء محفوظ بزيارة كل مصري من ال8 مليون اللي نزلوا اول امس تحثهم على الانضمام ؟؟ ابدا ,, ماحدث هو ان الحركه استعانت بكل الاقلام المعروفه والوطنيه المتاحه لكي تنضم اليها وتدعمها من اليوم الاول ,, اذا قد تكون انت بقلمك هذا ولو من خلف الكيبورد اشد تأثيرا وانفع للثوره من اخر طول بعرض يثبط ويكسر من عزم الثائرين ,, الرجوله قلب ميت وموقف ومباديئ ,, وقعها اكبر من مجرد فرد واحد ذائب وسط الملايين ,, لا تبك ولا تيأس يا اوزو ,, وتشرف امام ابنك ان قلب ابوه قلب راجل ,, ولولا كده ماكان الولد اللي عمره 3 سنين اخذ موقف رجولي لم يأخذه الكثيرون وفضلوا السلامه لا يا اركتكت كان عنده حق لما قال اننا حرمنا نفسنا من شرف اننا نكون فى وسط الميدان مع الابطال دول'ozoozo' كان ممكن ننزل ونشارك من اول يوم انما كل واحد فينا خلق لنفسه عذر وبيحاول يقنع نفسه بيه حتى اللى سخن اوى وحاول انه ينزل والظروف منعته بجد ومكنش ينفع ينزل القاهره فى الوقت دى بينه وبين نفسه قال بركه يا جامع جايز بندخل على الفيس بوك والمنتديات وبنكلم الناس اللى مش فاهمه او السلبيه بس مش هو دى برضه المفروض يبقى دورنا انا بكتب الكلام دى وانا حزين جدا والله لانى بكتبه وانا برضه لسه مش ناوى اعمل حاجه بجد

الصدى العالمى للثورة وطموحاتنا المشروعة : ان الاعلام الغربى الذى تعامل فى البداية مع الثورة على انها احتجاجات شعبية وفوضى واعمال شغب قد شهد تطورا كبيرا فى النظر الى هذه الثورة المجيدة لقد تنافس المراسلين فى التقاط المعانى النبيلة للثورة المصرية الشابة وتغير المفهوم الاعلامى من شغب Unrest الى Uprising بمعنى تمرد وتغير المفهوم لدى العامة فى جميع دول العالم الى ثورة Revolution ان التأكيد على المطالب الاساسية للثورة وهى التغيير والحرية والعدالة الاجتماعية كان اهم التحديات التى تواجها الثورة لتثبيت اقدامها ومنذ اليوم الاول ادركت اهمية ايصال هذه المطالب للعالم الغربى حتى نحيده ان لم نستجلب تعاطفه وقد تفرغت تماما لتفنيد اراء الامريكان واليهود على حائط السى ان ان والرد على مخاوفهم منها بالتدريج بدأ التعاطف يزداد وانقلبت بعض الاصوات المعادية للثورة الى اصوات مؤيدة لن انسى حين قال بعضهم بعد خطاب الرئيس الاخير ان نفص الاموال والاغذية سيجعلنا نتوسل لمبارك حتى يبقى فى السلطة فأجبته أن الطعام والغذاء قد يكونا ضرورين لاطعام كلبك .. لكن بنى الانسان يحتاجون الحرية قبل ذلك ان ما الاحظه اليوم ويثير قلقى هو اننا نركز فى الفترة الحالية على حجم التغيير المطلوب ونقاطه الخمس (رحيل مبارك - حل مجلس الشعب - حل الشورى - حكومة انتقالية - تغيير الدستور ) ولا يذكر الحرية كأهم القواسم المشتركة فى الثورات الانسانية والتى تنسمنا عبيرها بدماء شهدائنا الابرار فى مواجهة بطش النظام ان شعله هذه الثورة لكى تظل وقادة مضيئة يجب التأكيد على الحرية والعدالة الاجتماعية ولا نكتفى بهتاف الشعب يريد اسقاط النظام فكأننا قد اكتفينا بأحد المطالب الثلاثة مطلوب الغاء قانون الطوارئ فوراُ واقرار حرية التجمع والتظاهر السلمى ورفع الرقابة عن وسائل الاعلام بكل انواعها وحرية تشكيل الاحزاب هذه اهم مطالب الحرية اما العدالة الاجتماعية فلابد من تعديل الدستور لينظم هذه المسألة ، وتعديل قانون الضرائب ومراجعة مصادر الثروات الهائلة لرجال الاعمال وكذلك توفير حق التعليم والعمل والزواج والسكن لكل المواطنين اتمنى الا يقل سقف طموحاتنا فى هذه الثورة عن هذه المطالب وكل التحية لأولئك الصامدون هناك .. فى العراء .. فى ميدان التحرير تحياتى

يا ريت زي ما الناس كانت شجاعة كفاية لمواجهة النظام عايزين افراد شرطة ينظموا هم ايضا مظاهرة يحملون فيها أكفانهم و يتوجهون لقرب ميدان التحرير و هم يحملون يافتات اعتذار و تعزية لأسر الشهداء و تأكيد ان ليس كل الشرطة مجرمون لا أظن أحد سيتعرض لهم من المتظاهرين و قد تكون بداية فتح صفحة جديدة بينهم و بين الناس

فاكرين موضوع زميلتنا الفاضلة طبيبة بالخارج جمهورية مصر العربية http://www.egyptiantalks.org/invb/index.php?showtopic=114545 دي مداخلتي و بصراحة توقفت عندها لأن كان في آخرها دعاء أحسبه كان صادقا و من القلب تم الارسال 24 December 2010 - 05:54 PM و لو ان رئاسة الجمهورية مسئولية كبيرة اوي اوي اوي لكن حاتخيل معاكي اني رئيسة جمهورية مصر العربية اكيد حأكافح المثلث الشهير الجهل الفقر المرض التعليم و البحث العلمي و البعثات و قروض ميسرة و منح للدراسات العليا فرص عمل و معونات للمعوزين و معاشات لكبار السن و للارامل و المطلقات رعاية صحية مجانية و خصوصا للاطفال و كبار السن و طبعا عشان اقدر اقوم بكل ده حأفرض ضرائب مع مراعاة انها تتدرج تبعا للدخل السنوي للفرد و العملية لازم تكون بالترتيب تخطيط تنفيذ رقابة تقييم و محاسبة للكبير قبل الصغير لازم كل واحد من أصغر موظف لأكبر موظف يبقى متأكد انه ستتم محاسبته من النظام في الدنيا قبل الآخرة حأخلي في كل محافظة دوائر حكومية و فروع للوزارات تغني ابناء المحافظة عن المجيء للقاهرة لأنهاء معاملاته طبعا مع تفعيل الحكومة الالكترونية حأهتم بالمدن و القرى و تطويرها و افعل ادوار المحافظين انهم يشتغلوا بجد من غير توجيهاتي :closedeyes: و افعل دور المجالس المحلية الأمل موجود دايما يارب بأدعي من قلبي و آذان المغرب سامعاه في مكة المكرمة و انا اكتب أن يرزقنا الله تعالى بمن يتقيه فينا تحياتي ع الموضوع الرائع يا غاليتي

هوه لا يختلف عليه اثنان في علمه و كنت اتمني انه يتكلم في العلم بس لأن ده اللي بيفهم فيه بس جميع اللقاءات اللي شفتها ليه علي قناة دريم ، بيتكلم ان كل شعوب الأرض احسن من المصريين اظن هوه ميقصدش ينفذ هدف القنوات المصرية الدائم في اضعاف الروح المعنوية للشعب ، افترض حسن نيته والله كلامك ده اللى بينقص الروح المعنوية للشعب يا اخت جويرية وبعدين بتقولى احمد زويل مبيفهمش غير فى العلم وبيتكلم فى السياسة زينا كلنا يعنى .. المفروض اننا بنفهم فى حاجة واحدة ، لكن برضو بنتكلم فى السياسة ايه المشكلة بقى ؟ ولا احنا مواطنين وهو نص مواطن ؟

التاريخ سجل من طالبوا بإنهاء ثورة لأنها نجحت . ومن طالبوا بإنهاء ثورة لأنها لن تنجح . ومن طالبوا بإنهاء ثورة لأنهم خائفون . ومن طالبوا بإنهاء ثورة لأنهم خائنون . لكن لم يسجل التاريخ من قبل من طالبوا بإنهاء ثورة "علشان عندهم شغل الصبح" !!!! منقول

مش عارفة هما فارق معاهم ال 6شهور دول في ايه و بعدين عايزين يستوطنوا في الشارع و يعملوا فرح ، مش في حاجة اسمها حق الطريق لما هما ابطال قوي كدة ، ما يقاتلوا الجيش اللي قاعد في وسطهم ، مش الجيش ده هوه اللي حامي الرئيس ، ولا هما عايزين يصدقوا تمثيلية ان الجيش محايد ، عشان يكتفوا بالصراخ و العويل و الهتاف انتي لازم وحتما ولا بد يا جوبرية تأسسي حزب معارض ممكن اكون الامين العام للحزب ده يا اختاه

الجزيرة صادقة والتلفزيون المصري كذاب باعتراف العاملين فية منع محمود سعد استقالة المذيعة سها النقاش اعتراضاً علي الكذب الذي يمارسة التلفزيون المصري واليوم ضربة موجعة اخري لنظام الكذب والتزوير استقالة رئيس اتحاد الاذاعة والتلفزيون http://www.dostor.org/art/news-and-variety/11/february/5/35929

قناة الجزيرة ليل نهار شغالة على مصر وعمالة تسخن مش هيهدالهم بال غير لما الدنيا تولع

البرادعي هو الملهم للثورة المصرية 2011

نوارة نجم

من جريدة الوطن السعودية - عدد اليوم

الشهيد..طارق أسامة نور 34 سنه ضابط شرطة برتبة رائد مديرية امن القليخوبية

الشهيد..محمد عماد حسين 23 سنة

حضرتك نسيت تضيف للمتغيرات في المتباينة دي الثابت الذي لا يتغير {إِنَّمَا قَوْلُنَا لِشَيْءٍ إِذَا أَرَدْنَاهُ أَن نَّقُولَ لَهُ كُن فَيَكُونُ } النحل40

يا حبيبى على المهنية ودلوقت عرفتوا الحق اه ذى صفوت الشريف اللى بيقول استقلت عشان ادى فرصة لدم جديد.... صفوت استقال لأن الناس هددته بانها حتمنع عنه صبغه الشعر

شايفينالرجالة اللى بتتقتل على ايد مبارك والشرطة بتاعته ومساجينهم اللى خرجوهم من السجن الراجل قتلوه عمدا بالرصاص الحى تصدقوا انا شوفت الفيديو ده وكنت رايحة انام لكن اقسم بالله ماهقدر انام....... هو فيه جبروت اكبر من كده وحسبى الله ونعم الوكيل http://www.youtube.com/watch?v=EBZtQ5_1NG8&feature=player_embedded ده الفيديو من اوله تقريبا فى ولد صغير ولعت فيه النار بسبب قذيفة http://www.facebook.com/video/video.php?v=162591430457040&oid=158003077576141&comments

احتمال على شهر 7 الجاى ان شاء الله

sorry for supervisor for writing in english but cairo is for recieving and sending papers not more. i think that regarding our fedral files after selection of quebec r found in sydney ,according to my information y can send your file to syrea if quebec or sydney if fedral as we r in emergency situation in egypt .they just closed the office notttttttttt stopping immigration from egypt .i hope this will help. prayyyyyyyyyyyyyyyyyyy for egypt

بنك الطعام المصري 6 ميدان النافورة - المقطم - القاهرة - مصر info@egyptianfoodbank.com تمت حماية عنوان البريد الإلكتروني هذا من المتطفلين و الروبوتات, لذلك تحتاج إلى تفعيل الجافاسكريبت لتتمكن من رؤيته. 25080000 25080501 http://www.egyptianfoodbank.com او الخط الساخن 16060

خايف...اسكت شايفها فتنه...احفظ نفسك لا تدعم طرف من الاطراف ولا تتهم احدا بالعماله او الخيانه انزل شغلك واعمل واجباتك وبس سيب اللي بينضرب علشانك ينضرب ...لو مش قادر تبقي جنبيه ماتضربوش انت كمان لو مش عارف فين الصح وفين الغلط...اسكت ماتحبطش اللي بيغير بجد ماتقفش جنب اللي ظلمك علشان تعيش و السلام انزل الشارع وماتخافش روح شغلك افتح محلك واعمل كل اللي نفسك فيه سيب النظام يحتضر وسيب اللي في التحرير يجيبولك التحرير

لااتفق نهائيا . الكلام ده مش صحيح . او ممكن نقول مش صحيح تماما.....ليه بقى ؟؟ بلاش ف الموقف ده نقول مسيحى ومسلم.ده اول شئ. تانى شئ بقى ..........شفنا بنفسنا تلاحم الناس مسيحيين ومسلمين بس ايه اللى بيحصل ؟؟ لو حضرتك جبتى ورقة بيضاء ولونتيها كلها على بعضها بلون ازرق فاتح ...ولونتى بس عشر الصفحة بلون اخضر مثلا او ازرق غامق .....صعب تشوفى اللون اللى نسبته أقل.. المسيحى مواطن مصرى .. المسلم مواطن مصرى ... برضه مننساش ..أن الأقباط برضه فيه نسبة كبيرة منهم صدقت ان المسلمين ممكن يكونوا عملوا حاجات كتير فعلا . وبعدين؟؟ ده من اهم مؤسسي حركة كفاية ....واحد مسيحى .جورج اسحاق .!!! ويعنى مشوفتهوش حضرتك ؟؟؟ بلاش تبصى للنسبة اللى مراحتش ...أو اللى فضلت تبعد.. فيه ملايين المسلمين فضلوا ف بيوتهم برضه.. فيه واحد..مسلم..طلع اتكلم على البى .بى .سى ..........وقال انا طلعت علشان عايز اعيش ف امان وحرية .. مش عايز اى شئ تانى ... مليش دعوة لا ب ده...ولا ب ده. بس دى كلمة حق حبيت اقولها .. وفعلا الشباب ايد واحدة ...والشارع لمصرى فيه ظاهرة جميلة جدااا.. تعاطف مش معقول بين المصريين كلهم ... خلينا بس نحب بلدنا. خلينا نفكر ف مصر بس. دى بلدنا كلنا ...دى بلدنا وبلدهم ...كلنا اتولدنا فيها واجدادنا عاشوا وماتوا واتدفنوا ف ترابها . يارب احفظ مصر.. :clappingrose: