لوحة القادة

من اللحظة الأولى وأنا أقول أن الجيش غير محايد ... قيادات الجيش ولائها للنظام ... كل الموضوع أنها تخشى حدوث عصيان إن أعطت أوامرها للجيش بالتصدي للمتظاهرين لأن الرتب الصغيرة متعاطفة مع الشعب

من فرط فرحتي اليوم حبيت أفكركم .. إوعوا تنسوا ... محدش يدفع رشوة تاني حقنا ناخده من غير ماندفع رشوة تحيا مصر

السلام عليكم ،،، عائد من أمام القصر الجمهوري بالعروبة ،، من أمام البوابة الرئيسية لنادي هليوبليس صليت الجمعة و ذهبت إلي هناك في البداية كان العدد قليل ،، و معظمه من أعضاء النادي و سكان المناطق المحيطة و أعتقد القليل من نشطاء حركة الشباب من ميدان التحرير الهتافات كانت واحدة مش هنمشي هوا يمشي هوا مبارك عايز أيه الشعب المصري يبوس رجليه لا يا مبارك مش هنبوس ،،، بكره عليك بالجزمة ندوس ارحل ،،، أرحل ،،، أرحل يالي عملت أزمة هنديك بالجزمة بااااااااااااااااااااطل مع وضع اسماء و رموز الفساد الشعب يريد إسقاط النظام الشعب يريد محكمة السفاح يا مبارك يا سفاح كفاية جبن كفاية خسة حسني مبارك يا طبار جبت منين سبعين مليار و المزيد و المزيد من الهتافات و الأبيات الشعرية الجميلة دا و المعبرة جدا و خلال ذلك كان العدد يتزايد بكثرة وافد من التحرير و غيره و أهم شئ صور الشهداء و بعض اقاربهم و بعض الجرحي اساسا كانت روح جميلة من يوزع مأكولات و مشروبات ،،، و شباب الثورة ينضفون الشوارع بايديهم تزايد العدد كثيرا جدا و استمر الحماس و الهتافات و تزايدت الهتافات في موقفين ،،، مشاهدة طائرتين هليكوتيبر ترحلان من داخل قصر الرئاسة و عندما قام جندي مصري من خلف الأسلاك الشائكة بالتقاط علم مصر من المتظاهرين و قام بتعليقه علي دبابته العد كان زاد جدا و ملأ المنطقة من بوابة نادي هليوبوليس حتي منشية البكري ،، و يصل في صورة أفواج من ميدان التحرير و يااااااااااااااااااااااه علي لحظة إعلان التنحي ،،، لحظة تاريخية فعلا هتف الجميع في صوت واحد الله أكبر الله أكبر و دم الشهدا مارحشي هدر و انطلقت مظاهرات و مسيرات الفرح عاد البعض لميدان التحرير بينما بقينا و بقي سكان المناطق المحيطة و زاد العدد أضعاف مضاعفة ،،، شباب و بنات و عائلات ،، ملتحيين و اقباط و متبرجات و متنقبات و كله يشير بيده بعلامة النصر ،،، و الناس تهتف من الشرفات و انطلقت هتافات نصر جديدة لحظية : _ الشعب ،،، خلاص أسقط النظام أحنا صح ،،، احنا صح حسني بره ،،،،،،، مصر حره حرية ،،، حرية ،،، حرية ،،، حرية الجيش و الشعب ،،، ايد واحدة دلعو يا دلعو ،،،،، مبارك شعبه خلعو حلو يا حلو ،،،،،،، مبارك شعبه ذله و استمرت الاحتفالات في جميع مناطق مصر الجديدة و الضواحي المحيطة بها هنزل الصور في اقرب فرصة ،،، اصلي تعبان أووي و صوتي منبوح ،،، بس سعيد ،،، حاسس إني روحت يوم للقصر الجمهوري ،،، خلصت الموضوع و جيت ههههههههههه

يا رب ما أكونش أنا يا سمبا على الهامش: احنا ممكن نوجه نداء للقوات المسلحة باعتبار شهداء الثورة ... شهداء عسكريون وصرف معاش شهيد لأسرة كل واحد منهم

الله اكبر الله اكبر الله اكبر لا اله الا الله... تحيا مصر تحيا الثورة عاش شعب مصر الحر عاش شعب مصر الشجاع افرحى يا أم الشهيد أفرحى يا أم البطل خلعناه خلعنا الشيطان النهاردة احنا اللى صنعنا التاريخ النهاردة اسعد يوم فى حياتى انا حاسس ان فرحى النهاردة لأ...مافيش عريس فى الدنيا هايكون فرحان وسعيد قدى انا مصرى حر انا مصرى حر انا مصرى حر

ايدي في ايدك يا مصري مع بعض هنبنيها و الله لنبنيها و الله لمضحي بالغالي و الرخيص و نعليها و الله هنكفيها كل شر يحيط بيها و الله نوعدك يا بلدنا نعليكي و نعيش ليكي نوعدك يا بلدنا نحميكي و نفديكي مكاوي ع السريع كدة

عصابة حمادة وتوتو اخر يوم لهم في مصر اليوم ماذا ينتظر وماذا يراهن عليه هذا المتعجرف المغرور الشعب خلاص مش طايقك الشعب لن يتنازل عن رحيلك انت وعصابتك يامن نهبتم مقدراتنا يا من تعاليتم علينا وتكبرتم علينا يامن ظننتم ان الدنيا ستكون لكم علي الدوام وصور لكم خيالكم انكم تملكوننا اليوم يوم الملحمة ملحمة النضال والجائزة الكبري التي تنتظر الثائرين اليوم رحيل العصابة

مع كامل احترامي لك يا باشمهندس اعترض بشدة على هذا التصنيف والتقسيم هل أصبحت المخابرات العامة هي حزب الشيطان ؟ أخي الفاضل... لا اعتراض مطلقا على الإصرار على تنحي مبارك.. وهذا لقناعة مطلقة مني أن مصر لا تتوقف على أي كائن كان ولقناعة أخرى مني أن الثورة لكي تنجح لابد أن تحقق مطالبها كاملة أما أن نصنف الهيئات العامة والمؤسسات إلى حزبين ... أحدهما شيطان والآخر أحرار .. فما هو المقصود ؟ هل نريد إشعال الحرب بين قوات الجيش وقوات الحرس الجمهوري ؟ عذرا أركيتيكت لستُ جبانا ولست مترددا.. لكنني إطلاقا لا أوافق على هذا التقسيم ( على الهامش: قلت سابقا أن بقاء مبارك في الرئاسة سوف يحرق عمر سليمان - وهو ما حدث بالفعل )

فعلا يا أستاذ أركتيكت الأخبار شبه المؤكدة أن مبارك قبل هروبه الى الإمارات سجّل خطابين أحدهما خطاب تنحّي والآخر خطاب تفويض. وكانت النية أن يبث خطاب التنحي لكن الجيش في آخر لحظة قرّر إذاعة بيان التفويض ... ربما بضغط من بعض قادته الذين مازالوا على ولائهم لمبارك ... لإعطاء فرصة أخيرة للنظام ولمعرفة ردّ فعل الشارع ... فإذا قبل واستكان كان بها ... وإن رفض وزاد ضغطه فالخطاب الثاني موجود. دورنا الآن أن نثبت للعالم أننا نرفض هذه الخدعة الحقيرة ... وحينها سنرفع الحرج عن الجيش الوطني من إعلان موقفه النهائي لأنه في النهاية لا يريد أن يظهر ما يحدث على أنه انقلاب عسكري ولا يريد مواجهة مخاطر الانقسام أو الدخول في مواجهة مع الحرس الجمهوري.

بعد خطاب الرئيس ا فبراير خاف الناس من حدوث مجزرة و عادوا إلى بيوتهم و التزموا بيوتهم خوفا من الفتنة و حقنا للدماء واقنعوا أنفسهم أن ما حصلوا عليه من مكاسب يكفي فماذا حدث؟؟ مجزرة في التحرير على ايدي بلطجية النظام يوم 2 فبراير هل خوف الناس حقن الدماء؟؟ هل يقتنع الخائفون فعلا أنهم بالتراجع يحقنون الدماء؟؟؟!!! الدماء سالت بالفعل و بضراوة فليتولى من الزحف من يتولى و ليُقنع نفسه و يعطيها تبريرات كما يحب و يعمل من نفسه بطلا حاقنا للدماء و لكنها للأسف دمائه هو فقط و لكل خائف أذكركم {أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ }النساء78 {ثُمَّ أَنزَلَ عَلَيْكُم مِّن بَعْدِ الْغَمِّ أَمَنَةً نُّعَاساً يَغْشَى طَآئِفَةً مِّنكُمْ وَطَآئِفَةٌ قَدْ أَهَمَّتْهُمْ أَنفُسُهُمْ يَظُنُّونَ بِاللّهِ غَيْرَ الْحَقِّ ظَنَّ الْجَاهِلِيَّةِ يَقُولُونَ هَل لَّنَا مِنَ الأَمْرِ مِن شَيْءٍ قُلْ إِنَّ الأَمْرَ كُلَّهُ لِلَّهِ يُخْفُونَ فِي أَنفُسِهِم مَّا لاَ يُبْدُونَ لَكَ يَقُولُونَ لَوْ كَانَ لَنَا مِنَ الأَمْرِ شَيْءٌ مَّا قُتِلْنَا هَاهُنَا قُل لَّوْ كُنتُمْ فِي بُيُوتِكُمْ لَبَرَزَ الَّذِينَ كُتِبَ عَلَيْهِمُ الْقَتْلُ إِلَى مَضَاجِعِهِمْ وَلِيَبْتَلِيَ اللّهُ مَا فِي صُدُورِكُمْ وَلِيُمَحَّصَ مَا فِي قُلُوبِكُمْ وَاللّهُ عَلِيمٌ بِذَاتِ الصُّدُورِ }آل عمران154 يتحدث الخائفون و كأن ما يحدث بعيد عن إرادة الله وقدرته و كأن خوفهم هو الذي سيحميهم من قدر الله كل قطرة دم تسيل بقدر الله و لن يحقن الدماء التزام البيوت من كُتب له الموت سيموت و من لم يُكتب عليه لم يمت ما أصابك لم يكن ليخطئك و ما أخطأك لم يكن ليصيبك سبق السيف العذل و الملايين في الميدان بالفعل لا نامت أعين الجبناء لا نامت أعين الجبناء لا نامت أعين الجبناء

أمريكا مش حتكرر تجربتها الحمقاء في العراق و افغانستان و تهاجمنا و لو فعلت احنا قادرين نصد اي عدوان عن بلادنا

وتستمر انجازات الثورة.... وتتوالى انتصارات شباب الفيس بوك دي فرصة كويسة لكل اللي مش قادر يشارك في الثورة همّا بيجيبوا لنا حقوقنا ... واحنا نقدر نبدأ العهد الجديد بإذن الله وإن شاء الله نساهم كلنا ... في اصلاح ونهضة مصر العظيمة بشبابها أعظم جيل ... لمستقبل رائع إن شاء الله رابط الخبر

نريد الدكتور احمد زويل مشرفاً على منهاجية التعليم في مصر http://www.facebook.com/event.php?eid=152246228164267

الفاضل ارشيتيكت ... اسمح لي بملاحظة أرجو الا تضايقك ... تولد لي شعور من خلال جميع مداخلاتك بانك تريد ان تضفي جانب شخصي لما حدث علي الساحة المصرية ... فحتي في هذا الموضوع لا تترك اي مداخلة من اي زميل يخاطب فيها الجميع تمر بدون ان ترد عليها بصفة شخصية ... احنا واخدين بالنا منهم احنا حنحطلهم الرومانة احنا وراهم ما تخافوش احنا عندنا برنامجنا احنا ... احنا ... احنا عفوآ ... احنا هذه تعود الي جماعة 6 ابريل التي كنت متحدثها الرسمي في المحاورات الفترة السابقة .. ام احنا المصريين جميعآ ... لماذا تولد لدي الشعور انك تريد ان تنسب لنفسك دورآ أكبر قليلآ من اي فرد فينا هنا لا يقل حماسة أو وطنية عن حضرتك و ان كان أكتفي فقط بعرض رأيه و مخاوفه بدون النيل ممن يعارضه ... بينما حماستك المحمودة خرجت بك احيانآ عن هذا الطريق فقمت بتوجيه أحيانآ اتهامات تصل الي حد الأهانة و لم يتم الرد عليها لأن الوضع نفسه كان يسمح بتلك المساحة مؤقتآ ... بينما في الجانب الآخر الفاضلة فتفوتة قد قامت بدورآ لا يقل عنك و لكنني لا أشعر في مداخلاتها ابدآ بأنها تريد ان تضفي هالة بطولة علي نفسها ... سيدي الفاضل ... لا ينكر أحدآ دورك في اضافة بيانات مجموعة 6 ابريل الحماسية اثناء تلك الفترة .. و لكن هذا لا يعني انك أصبحت الأب الروحي للثورة هنا في المحاورات .... فكل ما كتبناه هنا لم يكن أكثر من توثيقآ للأحداث ... فمن كان في التحرير يقوم بواجبه لم يكن يقرأ ما نكتبه و لم يؤثر فيه تجاوبنا او رفضنا أحيانآ لما يحدث ... أعتذر بالفعل علي كلماتي تلك ... و بالأخص في توقيتها لأنها اللحظة التي يجب ان نكون جميعآ سعداء .. لكنها مشاعر طغت علي فلم استطع الا ان أسمح لنفسي بذكرها ... فنحن علي ابواب مرحلة جديدة شارك الجميع فيها بنفس القدر . تحياتي

باختصار يا ام زياد لان اللى كنا فيه وبنام فيه وبنصحى فيه - هو ما اتغيرش سنين طويلة فعلا لو قلبنا فى ارشيف المنتدى هنلاقى موضوعات كتير جدا ممكن نرفعها من جديد لان باختصار الرئيس مبارك وشلة الحرامية اللى حواليه عيشو البلد فى ظلم وفقر وتاخر شديد اتفننو ازاى يطفشو الكوادر والعلماء بره مصر اتفننو فى انهم يرفعو شان كرة القدم وبس علشان يتلاهي بيها الشعب المصرى كرة القدم فى كل الدول رفاهية اما فى مصر فاصبحت اساسية لتنفيس الشعب فيها عن غضبه وفقره وغربته احيانا تفنن النظام الفاسد فى تكميم افواه الحرية والديمقراطية تفننو فى الفساد لفترات طويلة من حياه الشعب المصري ولنفس هذه الاسباب اعلاه رفض الشعب مبارك الابن - فليس لنا طاقة ان نتحمل من جديد فترات اخرى من الفساد والتزوير والرشوة والقمع والكبت والفقر والغربة شكرا

اتمنى تغير العلم وتغير السلام الوطنى اتمنى ان تتوالى الجمعات بعد ذلك لتصبح جمعة النظافه (لنظافه جميع شوارع مصر ) جمعة الدم (للتبرع بالدم لجميع مستشفيات مصر ) جمعة الزكاة ( لدفع الزكاة مبكرا لدفع اقتصادى لمصر )

لازم نثبت للناس دي العكس لازم نرجع نبنيها ............. لازم نرجع لها استقرارها ........ ونبني الامن والامان فيها من النهاردة ياامي لازم ترفعي راسك فووووووووووووق ........... انتي وطنا وامنا ومصرنا العزيزة ....... عيون ولادك المخلصين سهرانة لحمايتك وايد ولادك الجادين شغالة لبنايتك اصوات ولادك المحترمين هترفع رايتك عيشي يامصرنا غالية عزيزة قوية ابية وشعبك دايماً قوي بيكي وليكي

كلام كله إحترام لمصر وما يقدرش يقول غير كده على فكرة .. لازم نطالب بضرورة تنظيم الحصول على الجرين كارد المصرية والفيش والفايل والميديكال وكدهوت

أنا من بكره هاشيل مطوة .. واي حد هايكلمني أو يقول لي فين بطاقتك هاغزه .. وأقول له أنا مصري يالا المصري ما بيشيلش بطاقة المصري إن خس جسمه .. كفايه إسمه إحنا لا عملنا ثورات . ولا عرفناها .. لكن أسامينا مكتوبه جواها

الحمدلله انه مامشيش يوم 25 يناير عشان يبقي في يومين اجازه 25 يناير عيد الشرطه و11 فبراير عيد الثوره

الحمد لله مبروك عليكي يا مصر ياحبيبتي ...حريتك وفرحة ولادك بيكي يا أهل شهداء الثورة البواسل.... مبروك عليكم يا تيمور ... ياشعلة الحماس واليقين.... مبروك عليك يا كل المصريين... بحبكم والله العظيم اللي أعرفه واللي ماأعرفوش حاسس إني لما أنزل مصر ....هأخد كل المصريين بالحضن وهأنزل وأبوس أرضها وأول فسحة لولادي هأوديهم.... ميدان التحرير "ساحة الشهداء" أطهر بقعة على أرض مصر أنا حسيت بالفرج النهاردة ... لأن ابني عمار لسه ما كملش 6 سنين وشايفني وأنا بأتابع أخبار الثورة وقلقان... وشايف أمه شوية تبكي وشوية تدعي وسألني:قلت له مصر في خطر ... فيها حاكم ظالم وشباب مصر عايزين يطردوه قعد يكلم ربنا....ويدعي بمنتهى البراءة وجه قال لي: خلاص يا بابا مصر هاتبقى بخير ...أنا كلمت ربنا وقلت له: يارب احمي مصر من الأشرار وانصر المصريين على الحكام الظالمين الحمد لله اللي استجاب دعوات الملايين الحمد لله الحمد لله

لأول مرة فى التاريخ .. تسقط عبارة سيدنا عمرو بن العاص وأهلها لمن غلب الان ... أهلها هم من غلب

RT @ksouka: LOL "@Raafatology: الثوره المصريه ماكنت لتنجح غير بفضل توجيهات السيد الرئيس : من عناوين الاهرام بكره #egypt #jan25"

ياريت يا جماعه مننساش شهداء الثوره وياريت نحاول نقدم ليهم حاجه كمغتربين فين اقتراحتكم

شفتوا ؟؟ كل اللى حصل ف سبعتاشر يوم ؟؟؟ مفيش ارهاب ... مفيش فتنة ... مفيش كل الكذب اللى خدعونا بيه تلاتين سنة .. زمان كانوا بيقولوا ف المثل ...مفيش فقر فيه عدم رأى . والكلام ده طلع صح ... مكانش لنا رأى .. كان الرأى لهم بسسسسسس........وباقى الشعب له الفقر . دلوقت خلاص .. خلاص... قدامنا عشر سنين....لالالالا....بلكتير عشرين. وحانبقى اجدع من العالم الأول ...حانبقى بس...........مصر. مصر رجعت... مصر رجعت.... حمدلله على السلامة .. حمدلله على السلامة ياأمنا يامصر ....ياارضنا...ياكل حاجة لنا . واتحررنا بدم ولادنا.. بدم ولادنا الطااااااااهر .. دم ولادنا الطاهر رسم لنا الطريق.. وف كل شارع وف كل بيت ............صوركم واساميكم مش حاتضيع . انهاردة ممكن نقول ... حاناخد العزا ..قبلنا العزا . انهاردة قلبنا برد ... دمكم مراحش هدر . دمكم الطاهر مراحش هدر . النهاردة البكاء فرحة ...فرحة اد الكووووووووون كله ...فرحة مش سايعانا.. تعيشى يامصر ..

مبروووووووووووووووووووووووووووووووووووووووك لمصر وتحيا مصر ويلا بسرعة نبني مصر جديدة

ياااااااااااه يا ربنا يااااااااااه مش ممكن يا عالم 18 يوم الشعب المصري ضمن مكان في موسوعة جينيس خلاص لأ لأ الشعب المصري هينشأ موسوعة جديدة اسمها موسوعة الحرية الخواجة جينيس نفسه هو اللي هيتمنى يتكتب اسمه عندنا

مبرووووووووك مبروك لمصر آمل أن نعمل الفكر والعقل خلال الفترة القادمة أتمنى من المصريين أن يقوموا بدورهم في العمل لمصر أتمنى من المصريين المشاركة في الإنتخابات القادمة أتمنى ألا نسمح بما حدث أن يتكرر مرة أخرى أتمنى أن نستمر بأن نتمسك بكرامتنا وعزتنا وألا نفرط في حقوقنا مرة أخرى عاش شباب مصر العظيم عاش شعب مصر العظيم عاشت مصر حرة كريمة تملأها العزة والفخر تحيا مصر تحيا مصر تحيا مصر تحيا مصر تحيا مصر تحيا مصر

هل سيكون اليوم يوم الصدام بين الجيش و المتظاهرين ؟؟؟ في رأيي الشخصي هذا اليوم هو الأهم علي الأطلاق من بعد يوم 25 يناير .. فسوف تظهر ملامح المرحلة القادمة بكل وضوح ... أتمني فقط من كل قلبي ان لا يتم تلطيخ الصورة الحضارية التي ظهر عليها الشعب المصري و جيشه في كل تلك الفترة التي مرت ... تلك الصورة التي ستجعل من تلك الثورة مثالآ لكل شعوب العالم ...

كل من خرج فى المظاهرات و كل المطالب التى اعلنت و كل التاييد هو لدوله مدنيه الشباب المتحضر الفاهم الى قام بالثوره العظيمه دى يستحيل انه يسيب حد يسرقها او يحاول يطلع على كتافها لتحقق اغراض معينه بلاش اللعب بكارت الدين دلوقتى لانه بجد هيحرق كل حاجه فى سكته الشيخ محمد حسان مع احترامى الكامل ليه بالطبع لكن مطلوب الاول منه انه يحدد موقفه الى اتغير على مدار الثوره اكتر من ثلاث مرات مصر دوله مدنيه و لن تكون ابدا افغانستان او باكستان

عاوز اشتغل رئيس واوعدكم مش حكون حرامي هما 20 مليار بس

اللهى يارب وهو راكب الطياره يخبط فى اتوبيس سياحى فاخر انا عارفه ويخليه يقع من الطياره وهو نازل يكون فيه قطر معدى يخبطه يطيره قدامه ينزل عن المزلقان يكون فيه جرار زراعى معدى يدوس عليه ميمتش يفضل يزحق يزحف يزحف لحد لما يبعد عن قضبان الحديد ولسه هيقف تيجى عربي نقل تخبطه يقع فى الترعه وهو فى الترعه يطلع عليه فئران تعضه يجيله الطاعون يموت به بس خلاص

ربنا يكرمك يا أختي الغالية كلماتي استمدها من نور القرآن الكريم كلام الله تعالى يقطُر أملا و سلاما و تفاؤلا {قُل لَّوْ كَانَ الْبَحْرُ مِدَاداً لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَداً } الكهف109

و الله ما النصر الا صبر ساعة كنت ممن من الله عليهم بالتوجه الي التحرير يوم الثلاثاء و بت الليلة و جاء الاربعاء و ابتدات المعركة فوالذي رفع السماء بلا عمد كانت جهادا حقيقيا وانتصرنا علي الاوغاد من البلطجية حتي بدأ القناصة في اطلاق الرصاص الحي من اعلي رمسيس هيلتون و بعد سقوط بعضنا و كان احدهم رحمهم الله يقف علي مسافة متر مني بدأ الجيش ف اطلاق الرصاص من الرابعة لفجر الخميس حتي السادسة صباحا و كان لنا النصر بفضل الله رغم ان القاصد اقوي ايها الناس اطمئنوا انه النصر ورب البيت فما رأيت ف ساحة الحرية الا حمزة و خالد

بيان رقم 2 متوازن جدا من الجيش ,, يا شعب مصر ,, لن يعطيكم الجيش او كائنا من كان حريتكم وانتم هاهنا قاعدون دونكم مصركم دونكم حريتكم ,, الجيش اعطاكم الضوء الاخضر وقال بالحرف : .. تلتزم القوات المسلحه برعاية مطالب الشعب المشروعه وقال كمان تؤكد القوات المسلحة على عدم الملاحقة الامنية للشرفاء الذين رفضوا الفساد وطالبوا بالاصلاح وتحذر من المساس بامنهم !!!! فيه ايه اكتر من كده ؟؟ هو لازم غيرنا يجيبلنا حقنا ؟؟ الثوره زي ماهي العصيان المدني زي ماهو الجيش المصري مش ضدنا !!

كلنا كان عندنا أمل اننا نخلص امبارح ( علي الرغم اننا كنا عارفين السيناريو ومتوقعينه ) بس برده فضل الامل جوانا جه البيه بسلامته وخنق فينا كل امالنا .......... وأكد لنا اننا زهقنا منه خلاص بسلامته عارف انه لو تنحى مافيش بلد هتقبل تستقبله غير الحرمين الشريفين .......... وعارف انه لو ساب السلطة هيتحاكم وامواله هو وعيلته هتتجمد .......... علشان كدة نفس السيناريو اللي كان مسيطر علي دماغي هو بالظبط اللي اتحقق بس الغريب بقي ......... اني اتخنقت لما اتحقق ........ مع اني كنت واثقة منه ......... بس يمكن كان عندي امل ........ كذبت احساسي ودماغي علشانه .......... وللاسف الامل ضاع مرت علينا كلنا ليلة اصعب بكتير من الليالي اللي عشنا في رعب فيها .......... والله كانت اصعب من صوت الرصاص اصعب من اني لما نزلت شوارع بلدي يوم السبت بعد جمعة الغضب ............ وشوفت الدمار في كل حتة من امي القاهرة ............ شوفت بعيوني الدمار في كل مكان كنت بعتبره بتاعي ............ شوفت فئة من المصريين معرفهمش ومااعتقدش انهم مصريين واللي فارسني من يومها وبيقتلني لما شوفت كمية الدبابات اللي كانت في الجولف .............. كل الدبابات دي بتحمي الجولف ؟؟؟؟؟؟؟؟؟؟ وعلي فكرة سكانه مش كتير وعندهم الامن الخاص بتاعهم وعندهم اماكن تانية بعيد عن القاهرة او عن مصر يهربوا ليها من الشغب وسايب شبرا وامبابة اللي كانوا بيصوتوا ؟؟؟؟؟؟؟؟ بلاش سايب المعادي اللي كانت بتتنهب عيني عينك ؟؟؟؟؟؟؟؟ علي فكرة اللي عايشين في التجمعات الفاخرة ماشافوش اي حاجة ........... حتى ولو كانوا سمعوا صوت رصاصتين ولا حاجة ........ بس ولا شافوا شغب ولا دوشة أنا من سكانها ........... وعلي الرغم من اني ماكنتش هناك ساعتها بس اتحدي اي حد يقولي ان فيه فيلا اتسرقت من البلطجية ؟؟؟؟؟؟؟ اللي كان عايز يشوف بلطجة وشغب كان نزل اي حي من الاحياء الشعبية كان شاف بعينه او كان راح الهرم ............... وبلاش اقول شوفت ايه في الهرم عايزين بعد دة كله نسمع البؤين دول ونسكت ؟؟؟؟؟؟؟؟؟ عايزين بعد القرف اللي كشف لينا حقايق وفساد ماكناش نتخيله .......... نطلب من الشباب انه يرجع بيته بقي ويرتاح ؟؟؟؟؟؟؟؟؟ عايزين نهدي بقي ونرجع امان مصر ؟؟؟؟ كلنا نفسنا نرجع نعيش حياه طبيعية ............ بس فين المقابل ؟؟؟؟؟ اخدنا ايه غير شوية كلام ساذج مش قادرين حتى نصدقه ؟؟؟؟؟ بمناسبة امان صر اول حاجة واول كلمة كانت بتتقالي في مناقشاتي مع معارضي الثورة ومؤيدي بسلامته ( كفاية اننا كنا عايشين في اماااااااااان ) ياربناااااااااااااااا ............. هو فين الامان يابشر ؟؟؟؟؟؟؟؟ ومين السبب في الخوف اللي شوفناه ؟؟؟؟؟؟؟؟ الثوار ؟؟؟؟؟؟؟؟ لا كان بسلامته ؟؟ فين الامان لما كنت اتصل بالشرطة وماحدش يعبرني غير بعد سنة ؟؟ ودة في الايام العادية ؟؟ فين الامان لما حصلت مذبحة الناصرية ؟؟؟؟؟؟؟ اقسم بالله صاحبتي وريتني تصوير موبايل لناس بيذبحوا بعض والناس كلها بتتفرج وماتقدرش تتكلم ؟؟؟؟ والشرطة جت بعد لما خلصوا علي بعض ؟؟؟؟؟ اوووووووووووووف زهقنا بقي ماحدش يطلب من الثوار الرجوع .......... لو مش قادرين ننزل معاهم يبقي لازم نساعدهم ......... ماتطلبوش منهم بعد لما يتحرق دمهم يجي يطلعلهم لسانه ويقول هيه هيه ضحكت عليكوا هو دلوقتي يجي سمير رضوان يقول هنرفع الاجور ونثبت العمالة المؤقتة ...... ودة طبعاً علشان يمنع الناس دي من الانضمام لصفوف المتظاهرين ويحول الرأي العام ضددهم .......... ويرجعوا يقولوا اييييييييييييييييه ؟؟؟؟؟ نستني لما نشوف الحكومة الجديدة هتعمل ايه واهه ميدان التحرير مفتوح ابقوا ارجعوا تاني ؟؟؟؟؟؟ كل اللي بيعملوه النهاردة انهم يقلبوا الرأي العام ضد الثوار علي فكرة انا نفسي الموضوع دة يخلص النهاردة ونرجع نعيش حياتنا مش مبسوطة يعني باللي بيحصل ..... بس في نفس الوقت مااخدش غير كلااااااااااااااااااام نفسي اصدقه ..... بس لو كان بسلامته قال البؤين دول في الخطاب اللي فات كانت خلصت ......... انما دة بجد عامل زي اللي يتشك بدبوس وبعد سنة يقول اي

يسعد مساك ونهارك، أنا حملت هل program عبر ال-Utorrent شغال ممكن تتمرن عل سماع والكلام + grammaire et vocabulaire أية مساعدة فالتحمل أو في التشغيل just contact me :) http://isohunt.com/t...nch?tab=summary serial number is: L5AAP-00124-BKB-HZ This link is for 4 cds you can download the first one (1-4) which is for installation the other 3 cds(2-3,3-4,4-4) is level 1,2 and 3 if your level is moderate skip the beginner level (2-3) hope this will help while things settle in Egypt.

نكته للتخفيف سيتم إنتقال السلطة بشكل سلمي وجدول زمني محددو هو : الرئيس يحكم أحد وثلاثاء وخميس .. عمر سليمان سبت وإثنين وأربعاء ويوم الجمعة مرة شفيق ومرة الجيش إلي يصحى الأول

إنها معركة بين الحق والباطل! معركة أثبتت على مر التاريخ أن نهايتها دائما وأبدا محسومة لصالح الحق ظهر الحق و زهق الباطل إن الباطل كان زهوقا الحق اسم من أسماء الله الحسنى الله الفرد الصمد الذي لم يلد و لم يولد و لم يكن له كفوا أحد

حساب كل من يفعل ذلك على الله كل مؤمن حقيقي بالله مسلم كان أو مسيحي لابد أن يكون واثقا من قدرة ربنا عز وجل و أنه لا غالب له أهيب بكل مصري شريف يحب بلده بصدق أن يكف عن إثارة الفتنة و نشر الترهيب بين الناس و أن يتقي الله تعالى فكل شيء إلى زوال إلا وجهه جل وعلا اللهم من أراد بنا فتنة فاشغله بنفسه و رد كيده إلى نحره نحن بفضل الله تعالى الغالبون

حلوة جداااا http://www.youtube.com/watch?v=nhdonIO85Pg&feature=player_embedded#at=32

بلاغ جديد يتهم هلال ونظيف بالاستيلاء على 2 مليار جنيه رابط الخبر وصلنا كام مليار يا س س؟!!

خدي دول عندك: بلطجي لقناة العربية : العيال بيرموا علينا قنابل بلوتوث ************************************ عاجل|| أصحاب المؤامرة الإيرانية الأمريكية الحماسية الإسرائيلية القطرية الإخوانية لتدمير مصر يدفعون مئات الدولارات للمتظاهرين فى التحرير، ويبعثون لهم رسائل مشفرة بالأطباق الطائرة، ويتواصلون معهم بالتخاطر الذهنى وتحضير الأرواح، وكل متظاهر يأخذ وجبة «هابى ميل» باللعبة، وشقة فى مدينتى. لا تنخدع وتأخذ الوجبة بلا لعبة! إيّاك والانضمام إلى القلَّة المُندَسَّة! *************************************** واحد بيسئلوه يعني ايه كوك زيرو … راح قالهم يعنى تبقى واقف فى اللجنه الشعبيه بتحشش و يجى البوكس تقوم مفتشه *************************************** واحد بيقول في المظاهرة : حرام عليكم ، أخرتووونا يجي ألف سنة رد عليه واحد تاني قال له : ايوه صح انا رجعت البيت امبارح لقيت اخواتى لبسين جلد معيز وبيتنا بقى من البوص ************************************************ ** ***** زهقان بيقول : يا جدعان بقى ، اللب اللي في البلد قرب يخلص ، عاوزين نفض المظاهرات دي ******************************************** ** ****** نداء من تلميذ الى الثوار فى ميدان التحرير والحكومة: لا تنسوا أن تلك الأحداث ستدخل فى مادة التاريخ واحنا اللى هنتعب فى مذاكرتها اختصروا من فضلكم .. حددووا مطالبكم من بعض وخلصونا.. كده المادة هتبقى صعبة اوى ******************************************** ** ************ شاهد عيان : قوات من الفضاء من اليوفو جراندايزر نزلت التحرير ومعاها شحنة أجندات أجنبية لكي ينافسوا أجندات الشمرلي المصرية الوطنية، ناس تانية في التحرير مكتوب على هدومهم “إسرائيل يا عمري يا حتة من قلبي” مع أخبار عن مسك العديد من جوازات سفر لناس من كوكب زحل وعطارد كانوا بيصوروا اللي بيحصل في السويس والإسكندرية، فوقوا يا ش‎…‎عب مصر إنتوا كده بتنفذوا مخطط المجموعة الشمسية كلها مش شايفين الشمس طالعة بتبص عليكم من فوق إزاي !! *********************************************** أفلام جيل الثورة: أبي فوق الدبابة – عودة النت – المندس والأجندة – الرصاصة المطاطية لاتزال في جيبي – في بيتنا بلطجية – كيف تصرف العفريت ****************************************** اكتشاف خطير : الراجل بتاع كنتاكي أبو دقن بيضا ، طلع إخوان ، فاحذروا المؤامرة التي يخطط لها من زمان يا شباب ، دي صوره في كل مكان وتم اختراق الإعلام بيها منذ فترة ، ياااه ، شايفين ولاد الايه بيخططوا من إمتى ؟ ******************************************* ** ** واحد من الشعب قابل نائب الرئيس السيد عمر سليمان ، قال له : يا سيادة النائب ، الشعب يطالب بالرحيل رد السيد عمر سليمان : اللي عاوز يرحل يرحل ؟ حد مسكه ؟ ******************************************** ** ************ عاجل : قرر الرئيس المصري إلغاء شهر أبريل من قائمة شهور السنة كي يقضي على حركة شباب ستة إبريل ، على مواليد هذا الشهر سرعة تغير شهادات ميلادهم قبل أن يختفوا من الوجود وشكرا ********************************************** ** *** عاجل وخطير : الأمن المصري يعتقل عناصر إخوانية مسيحية الديانة وهم يهتفون : الإرهاب لا دين له !!! ! ********************************************** * تابع لأفلام جيل الثورة : جائنا الرئيس التالي – نحن لا نرمي المولوتوف – مهمة في تل حرير – الريس عمر سليمان – حرامية في لندن – البحث عن الدستور – ليلة القبض على عز – الأجندة لا تزال في جيبي والفيلم الوثائقي الذي شاهده الملايين : ستيتس هزت شعب مصر ****************************************** كيف تعرف العملاء : أي أشقر عميل أمريكي ، أي واحد لافف حطة يبقى عميل لحماس ، أي واحد اسمه “علي” أكيد عميل لإيران ، مش ممكن كم الاندساس في المكان - ********************************************* ** ****** الشعب المصري يرفع شعارات يطالب بمحاكمة السفاح الرئيس يعلن في بيان: وفاء مني لمصر ورغبة في تلبية طلبات الشعب لن ارحل حتى احقق مطلب الشعب في القبض على السفاح ومحكامته ******************************************* أمنية واحد مصري : يا ريت مبارك كان ضربنا إحنا الضربة الجوية ، وراح حكم إسرائيل 30 سنة ، كان زمانهم بيشحتوا دلوقتي *********************************************** ** ******** من أهم فوائد المظاهرات : أن العيلة كلها بقت بتتفرج على الأخبار وبطلوا يتخانقوا يبجبوا أنهى قناة ********************************************** * عاجل من التلفزيون المصرى : تم كشف فرقة سرية من سلاحف النينجا فى ميدان التحرير مع فرقة اخرى من البوكيمون وانباء تتردد عن مجىء الكابتن ماجد للاستيلاء على الحكم ******** من مسلسلات الثورة : لن أعيش في ميدان التحرير – من أطلق الرصاص على المتظاهرين – ليالي التحرير – حرمت يا ريس – يوميات مندس – ثائر وست متظاهرات -ومن البرامج من قلب مظاهرة – الميدان ميدانك – التحرير انهاردة ************************** رويترز : شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى معللة هذا بأن النظام سقط وعاوز وقت عشان يلحق يذاكر ************************************** جيل جديد من أفلام الثورة : فيلم ثرثرة جوه التحرير – أبي فوق الدبابة – سلام يا حُسني – ليلة سقوط النظام – هي ثورة – إعزلني شُكراً – التحرير رايح جاي – إحنا بتوع التحرير – مُذكرات ثائرة – أخويا ثائر وأنا مندس – جوازة في التحرير – احترس الفيسبوك فيه سم قاتل ************************************* عاجل : من ميدان التحرير ، تجمع اكثر من مليون أجندة للاطاحه بحسني مبارك و أجند و أجندة يعقدان قرانهما وسط تهليل جموع الأجندات - ***************************** مبارك بعد ما مات قابل السادات و عبد الناصر ، سألوه : هاه ؟ سم ولا منصة ؟ رد عليهم بحرقة وقال : فيس بوك ***************************************** عاجل من إيران : احتجاجات غاضبة على الإعلام المصري الكاذب : نحن نوزع وجبات مؤمن وليس كنتاكي يا كفرة ***************************************** يعني إيه كوك زيرو : يعني إحنا نعمل ثورة ، والمساجين هما اللي يتحرروا - ********************************* مذيعة تسأل صعيدي لو نجحت مصر في المظاهرات النهارده حيحصل ايه؟ قال الصعيدي: اظن هنقابل تونس في النهائي

أهم خطوة في محاربة الرشوة في رأيي، هي أن نسمي الأشياء بمسمياتها الحقيقية . يعني اللي يلمحلك إنه عايز "الشاي" أو "الدخان" او "بس عايزينك بس تقدرنا يا باشا" أو "بس كل سنة و إنت طيب يا باشا" و يكون ده مقابل القيام بــــــــعـــــــــمـــــــــــلـــــــــــه اللي هو المفروض يعمله أصلاَ .. قوله بصراحة كدة "يعني إيه ؟ عايز رشوة ؟" و اما يقولك لا يا باشا بس قدرنا برضه يعني .. قوله يعني إيه هو ده مش شغلك ؟ و دي إسمها رشوة .. و انا مبدفعش رشاوي بصراحة .. و إطلب مقابلة المدير .. و هدد بتبليغ إدارة التفتيش و متمشيش غير و كل حاجتك فلة . صحيح ممكن يغلسوا عليك و الموضوع يطول و تحتاج فعلاَ تبلغ إدارة التفتيش و يطلعوا مرتشين هما كمان .. بس متتنازلش عن حقك لأن التغيير مش هييجي بسهولة .. لازم كلنا ندفع ثمن التغيير زي ما بندفع ثمن الفساد حالياَ . لا تيأس و كل ما تلاقي موقع فاسد روح للأعلي منه و متتنازلش عن حقك مهما كان و متقولش "مش مهم" .