لوحة القادة

سنوات و سنوات نحلم ... نتمني ... نصرخ ... و فجأة تجد هذا الحلم علي وشك التحقيق ... فينتابك الأضطراب ... بل الخوف ... ثم تترك نفسك للفرح هنا في المحاورات و من اول يوم ظهرت فيه علي الساحة اراق كثيرآ ... كثيرآ جدآ من زملاء اعزاء سطورآ تهز الوجدان و توسع الأفق ... تدق أجراسآ و تشير بأصابع الأتهام الي رؤوس الفساد ... هنا في المحاورات قبل المدونات .. قبل الفيسبوك .. قبل منتديات أخري علت صرخة نادت بعدم التوريث ... و قامت اول حملة ضد التوريث من هنا ... من محاورات المصريين ... قامت في وقت كان مجرد الهمس ضد النظام تهمة امنية ... توالت الصرخات .. و الأفكار ... و خرجت من عباءة المحاورات منتديات أخري .. و من تلك المنتديات .. منتديات أخري ... و أشخاص يحملون البذرة التي تم غرسها هنا ... أستطيع ان أقولها بكل ثقة .. و بكل فخر ... ان محاورات المصريين هي من اوائل من زرع تلك الثمرة التي نجنيها كلها هنا .... لذا اذا كان علي ان اشكر و ابارك شخصآ ما ... فعلي ان ابارك االجندي المجهول الفاضل عادل ابو زيد .. الذي آمن برسالة و قام بها طوال تلك السنوات بالرغم من اتهامنا له أحيانآ بانه شخص حالم و مثالي زيادة عن اللزوم ... ابارك و اشكر كل من ساهم بكلمة هنا في مجتمعنا الصغير من اول الجيل الأول الذي تعلمنا منه الكثير .. مرورآ بأخوة أعزاء آخرين مروا هنا .. و آخرين بقوا ... الي المجموعة الجميلة المتواجدة الآن و التي شاركت بالرأي او علي أضعف الأيمان قامت بنقل ما يفيد تلك الرسالة من اماكن أخري ... هنيئآ كل اسرة المحاورات بكل ما حدث ... و الذي اتمني ان ينتهي بصورة رائعة مثلما بدأ .... و ها هو المشروع القومي الذي بحثنا عنه طويلآ ... طويلآ جدآ ... ها هو هنا أمامنا ... أخيرآ .. فلنبدأ جميعآ الآن معآ من تلك النقطة .. ناحين شخوصنا .. جماعتنا ... اتجاهاتنا ... و لنجعلها هي فقط محط انظارنا ... هي مصر :egyflag: :wub:

طيب... يااستاذ محمد ....ارد على الجدع ده ازاى ؟؟؟ لو سمحت قوللى ارد عليه ازاى بجد؟؟؟ طيب انا من حوالى سنتين ومش حقول غير كدة ...شفت له كذا حلقة ورا بعض ...وعلى بختى اللى يعلم بيه ربنا .. شفت كمان حلقتين من حلقات ( اخوه) ...مع السيد الرئيس السابق حسنى مبارك ...( ايه النفاق بتاعهم ده؟؟ ) ده الى انا قلته لنفسى ايامها... اما عن برامج عمرو اديب...ربما كنت من القلائل اللى كونت رأى على هذه الشخصية المتلونة بسرعة يعنى .. بيستخدم صريخه وحركات وجهه حتى يظهر وكأنه منفعل ومتأثر بالقضايا ...كأنه حاوى فعلا ... ده واحد عرف نقطة ضعف الناس ...ان كان هو والا زوجته لميس الحديدى (( هى عملت شوية مع ماما سوزان؟؟ وقالت عليها شوية ؟؟ ورد ورياحين وياسمين وياتخين....( لامؤاخذة يعنى )... ولما اتكلمت ( مع ناس واصلة يعنى ) قالولى ...فيه اوامر لكل العاملين ف التلفزيون .. قول اللى انت عايزه....انقد....افضح الفساد ....عريهم كلهم ....لكن؟؟؟ فيه خطوط حمراء اسمها ...ابعد عن الرئيس وحاشيته.... آه والله العظيم... وكلامك وتشنجاتك ياعمرو اديب ..انت واخوك المتسلق... لاتخيل علينا ياذكى افندى...قصدى يامستذكى افندى ..ياناصح. ولا تجعل من نفسك ضحية .. و لعل الوحيد الصادق .فيكم..( ان كان فيكم حد صادق ) .. محمود سعد .................لسبب واحد بسيط .(( محمود سعد انسان فعلا )) كان يساعد الناس من جيبه الخاص .. طيب لما كلكم مظلومين؟؟ امال مين بقى اللى كان ظالم؟؟؟ ولما انتوا اتظلمتوا .....ازاى استمريتوا ؟؟؟ و... لاتأكلوا على كل الموائد... مائدة الشرفاء للشرفاء ولن تتلوث باياديكم الملطخة بدماء الشهداء ...لم يقف منكم رجل واحد ويعترض .. لم تفضحوا ما قاموا به من موبقات...بل باركتم كل شئ .. انت ياعمرو يااديب ..ايضا.............شاركت بالفساد . انت... وكنتم على علم بكل شئ ..كل شئ... ماذا فعلتم فى الحقوق الضائعة ؟؟؟ فقط...صرخت بكام قصة فساد عابرة ؟؟؟علشان تضحك على الناس وتقول عندنا شفافية وبنفضح المخطئ ؟؟؟ ياسيدى الفاضل ....مسكت النملة وتركت الفيل ... لم نعد نصدقكم...ولم نكن نصدقكم...ولم يتغير شئ ...لازالت علاقتنا وثقتنا بكم معدومة .. حتى لو ظهرت فى الف شريط تبكى بدموع التماسيح... كفانا قهرا ..لم نعد نتحمل حتى رؤية وجوهكم بكل الوانها المتنوعة ..

ده موضوع عن القاءات المختلفة اللى بتيجى فى جميع القنوات ومش بنلحق نشوفها هحاول الخص لكم معظلمها واللى يعرف يحط اى ملخص للقاء شافه يبقى مشكور اول حاجة من شوية كان المهندس حسب الله الكفراوى عالحياة اليوم وكان ده ملخص كلامه بيقول مبارك كان يزود السلع 8 اضعاف ونقوله ليه يقولك مانا زودت المرتبات مرة ونص وزير الاسكان السابق اضطر النظام يمشيه بعد ما ريحته قجت بيقول على حسنى انه قليل الادارك لا حيلة له والعنيد يعند على والدته ولا مراته او على اهل بيته انما 80 مليون لا بيقول جاله واحد وهو وزير قاله انا عاوز الف فدان فى 6 اكتوبر رد عليه وقاله....طب بابا عارف يا بنى ولما المذيع سأله هو مين قاله الله يكرمك يابنى انا عندى 81 سنة وبيقول فى 2004 قلتله هات عمر سليمان اعمله نائب قاله ماتخافش انا مش هعمل نائب لان البلد بخير والامن المركزى بخير وبيقول اهو الامن المركزى نفعك دلوقتلا يا ريس وفى 2005 قلتله شيل الزبالة اللى حوايك ونضف البلد زكريا عزمى كلمه بعد يومين وقاله الريس بيقولك البلد بخير واطمن بيقول الدخيلة عملها ناس وطنيين والتاريخ هيذكرهم وكان مشروع قومى كبير واتحط فى عصر مبارك على طبق من فضة واتقدم لهلفوت لما الحديد يبقى تكلفته 1000ج يتباع فى بلدنا بـ 4000ج وبيقول احمد عز كان طبال وانس الفقى كان رقاص فى فرقة رضا ودلوقتى احمد رجدى ولاول مرة على التليفون معاه ولسه ماكملش وكلمه احمد رشدى وزير الداخلية السابق مارضيش يتكلم احمد رشدى على فكرة وقاله انا مابتكلمش يابنى معلش الله يسلمك ويسلم الكفراوى والكفراوى وشه جاب الوان بعد المكالمة وقال انا عاوز اروح

تحياتى .. بحلم بالاتى : مشفش مصرى "بيتف" بيبثق على الأرض. مشفش مصرى بيرمى زباله على الأرض. مشفش مصرى بيرمى زبالة من البلكونات. مشفش مصرى بيسرق دور أخوه فى طابور العيش أو أى طابور. مشفش موظف مصرى بيزوغ من الشغل أو بيروح الشغل متأخر. مشفش موظف مصرى متكاسل فى عمله. مشفش مصرى بيدخن فى المواصلات العامة. مشفش مصرى مش رابط حزام الامان فى السيارة. مشفش مصرى ماشى بعربيته وهى مطلعه دخان مالى الدنيا تلوث. مشفش مصرى ماشى بعربيته وهى غير صالحة للسير (لا اشارات ولا انوار ولا نمر ولا ..... ) . مشفش مصرى بيكسر اشارة المرور. مشفش مصرى بيمشى عكس اتجاه. مشفش مصرى سايق عربية وبيضرب كلاكسات عمال على بطال. مشفش مدرس مصرى بيدى دروس خصوصية. مشفش طالب مصرى بيزوغ من المدرسة وينط من على السور. مشفش طالب مصرى بيغش فى الامتحانات. مشفش طالب مصري بينقل الواجب بتاعه وياخد مجهود زميلة. مشفش شاب مصرى بيدعى المرض عشان يهرب من التجنيد. مشفش شاب مصرى بيجيب واسطة عشان يهرب من التجنيد. مشفش شاب مصرى صاحب مؤهل عالى بيجيب واسطة عشان يتجند عسكرى مش ضابط أحتياط. مشفش شاب مصرى بيتهرب من اداء الخدمة العامة "لمن ليس لهم تجنيد". مشفش مصرى بيزور. مشفش مصرى عامل دى جى فى الشارع عشان طهور ولا سبوع ولا عيد ميلاد ولا حتى فرح. مشفش مصرى عامل سرادق عزاء فى الشارع وقافلة. مشفش مصرى بيسحب كهرباء من قبل العداد. مشفش بتاع انابيب الغاز ماشى فى الشارع الفجر وقاعد يخبط ويرزع على الأنابيب. مشفش بياع خضار ماشى فى الشارع ومعاه مكبر صوت. مشفش باعه متجولين قافلين الشارع ومعطلين حركة المرور. مشفش بياع بيغش فى الميزان. مشفش شباب مصرى واقف على النواصى يعاكس فى اللى رايحه واللى جاية. مشفش اعلانات مكتوبة بالبوية على المبانى العامة والمنشآت الحكومية. مشفش جندى مصرى نايم اثناء الخدمة. مشفش محل بقاله بيرش ميه ادام المحل لما يفتح. مشفش جار معلى صوت الكاسيت ولا التليفزيون على الاخر دون مراعاه للاخرين. مشفش مطعم بيعمل سندوتشات بالعيش المدعم اوبيستخدم انابيب الغاز المدعمة "الانبوبة المقاس الصغير". مشفش مصرى بياخد حاجه مش حقة. ..... ...... .....

إضحك مع الشرطة بعد رحيل مبارك http://www.youtube.com/watch?v=bx8mVZ6gA0o&feature=player_embedded

عاجل: كذب مبارك خبر تنحيه وقال ان عمر سليمان لا يمثل الا راْيه الشخصي

نفسي اننا نعرف اننا انتصرنا ف الجهاد الاصغر و نركز اوي ف الجهاد الاكبر

قبل أن أعرف المحاورات كنت خالية من الروح أعيش كغيري من الناس المبرمجة التي تصحو لتأكل و تشرب و تذهب للعمل و تشتكي و تكتئب و تنام لتبدأ يوما آخر لا يفرق عن سابقه و لا يزيد على أعوام بعده كنت أعيش في الماضي مع ذكرياتي الجميلة عن مصر التي كانت عندما انضممت للمحاورات كان بسبب البحث عن هروب جديد عن مصر الهجرة لكندا جذبتني المحاورات و لأول مرة أحس أن إحساس الوطنية إحساس حلو اوي المحاورات بالنسبة لي كانت هي مصر المفقودة تعلمت الكثير هنا عشر سنوات تزدحم بمقالات تفضح النظام البائد و تكشف فساده و أصوات الحكمة المحبة لمصر و التي ما فتأت تعرّف أجيالنا ماهية مصر مجتمع متكامل صورة مصغرة من الوطن تجعلك لا تشعر بالغربة مطلقا صدقوني لولا المحاورات و الفكر الراقي الذي وجدته هنا ما كنت لأشعر بما أشعر به اليوم من فرحة غامرة بعودة مصر بينما لازال غيري من المبرمجين يشعرون أن اليوم هو النهاية لنظام حياتهم الذي ارتبط بالنظام البائد و لم يعرفوا غيره يشعرون بعدم التوازن فهم لم يعرفوا حاضرا أبدا و المستقبل بالنسبة لهم كان دوما غامضا و مثيرا للرعب شكرا للمحاورات من أول مؤسسها الأب الغالي أستاذ عادل أبو زيد و حتى أحدث عضو فيها بجد كلكم أهلي ربنا يخليكم ليا يارب

انا احتج وايه دخل العلم والسلام الوطنى حيلكم حيلكم - - من اولها كدا حرام عليكم السلام الوطنى وكمان علم مصر اللى اترفع فى نصر اكتوبر --------------------------------- تعالو نغير حاجات تانية هى اللى مطلوبة حاليا تعالو نغير انفسنا الاول ونحافظ على بلدنا ونخطط لكدا نخطط ازاى نكون مصريين يتكلم عنهم العالم فى كل مكان ازاى نكون شعب منظم وازاى نكون شعب متعاون ومتحضر وحاجات كدا ندردرش فيها على المنتدى ونعلمها لاولادنا ونأسسهم بيها وازاى نحافظ على نضافة بلدنا ونحترم بعض ونحب بعض المصريين معدنهم اصيل اوى

قبل أن أبدأ الموضوع أود أن أؤكد على نقطتين : 1) رفضى بل كرهى لمقولة كانت تتردد فى الستينيات مفادها أن شعب مصر ليس أهلا للديموقراطية لقلة وعيه.. كانت تقال كمبرر للتضحية بالديموقراطية والتنمية الحقيقية إلى جانب مبرر الصراع العربى الإسرائيلى وضرورة حشد الجهود وتعبئة الطاقات من أجل تحرير فلسطين ثم بعد الهزيمة ظهر مبرر أنه لا صوت يعلو على صوت المعركة كمبرر آخر للتضحية بالديموقراطية 2) إننى لا أقصد مطلقا خلط الجد بالهزل أو المأساة بالملهاة .. ففى سبيل عرضى لفكرتى على حضراتكم وجدت أن ضرب المثل بما يحدث لنادى الزمالك وبما يحدث لإخواننا فى فلسطين قد يساعدنى على توصيل ما أريد قوله وإذا ما رأى البعض أننى أشبه مأساة الشعب الفلسطينى بملهاة أزمة الزمالك .. فإننى أقول إن المأساة والملهاة هما فرعان لأصل واحد هو الدراما .. وهناك من يفضل عرض الدراما فى صورة كوميديا (حتى وإن كانت سوداء) وهناك من يفضل عرضها فى صورة تراجيديا فى إحدى مشاركات الفاضل سكوربيون بمنتدى الرياضة ، وكعادته ظهرت شجاعته الأدبية وأشار إلى أصل كثرة المشاكل التى تواجه نادى الزمالك وقال موجها حديثه إلى زملائه من مشجعى النادى : وسألتقط ما قاله سكوربيون لأنطلق إلى عرض الفكرة على حضراتكم لمناقشتها وهى الفكرة التى يلخصها عنوان الموضوع " الديموقراطية مسئولية .. فلنتحملها إذا كنا نطالب بها " ... فإننى أرى أنه من الخطر إختزال الديموقراطية لكى تكون فى صندوق التصويت ، مع تقديرى لأهمية العملية الانتخابية كأحد مفردات أى نظام ديموقراطى ولكن الديموقراطية لا تقتصر ولا ينبغى أن تختزل فى العملية الانتخابية ففى نادى الزمالك كان هناك مجلس إدارة فى نهاية فترته التى حقق فيها العديد من البطولات برغم ما لا قاه رئيس وأعضاء المجلس من تشويش نائب الرئيس ذى الصوت العالى والكلام الحماسى الذى دغدغ مشاعر أعضاء الجمعية العمومية حتى أقنعهم بأنه الفارس الذى سيخلص النادى من مفاسد الرئيس .. ثم جاء موعد الانتخابات .. وشمرت الجمعية العمومية عن ساعديها لممارسة حقها الديموقراطى فى اختيار رئيس ونائب رئيس وأعضاء مجلس الإدارة ... وجرت الانتخابات بنزاهة وشفافية وبلا أى تزوير وأسفرت نتيجة العملية الانتخابية عن مجلس غير متجانس .. فالرئيس والنائب بينهما ما صنع الحداد .. والأعضاء منقسمون بين مؤيد لهذا ومؤيد لذاك ... ومن يومها بدأت المعارك الداخلية فى المجلس والمعارك الخارجية مع الأندية الأخرى واتحاد الكرة ومجلس الرياضة بل والجماهير .. ومن يومها أيضا إختفى فريق النادى عن منصات التتويج برغم ما يضمه من عناصر القوة والخبرة والموهبة .. وتطورت الصراعات إلى حل المجلس وتعيين مجلس مؤقت .. ثم عودة رئيس المجلس بحكم القضاء .. ثم مرة أخرى تم حل المجلس .. ثم نقل النزاع بين رئيس المجلس والجهة الإدارية إلى القضاء مرة أخرى وما زال الصراع دائرا ومازال الفريق غائبا عن منصات التتويج إلى الآن وعلى أرض فلسطين كانت هناك سلطة وحكومة جاءتا عن طريق انتخابات حرة نزيهة .. إعتمدت أسلوبا فى سبيل استرجاع الحقوق المشروعة وهو أسلوب العمل السياسى والتفاوضى .. وهو أسلوب بطبيعته بطئ ويستلزم وقتا طويلا وجهدا مضنيا أمام عدو متغطرس يمتلك تقريبا معظم أوراق اللعبة ، فلم يسفر عن نتائج ترضى طموحات المعارضة التى تتزعمها حركة المقاومة الإسلامية - حماس (قاطعت حماس الانتخابات التى أتت بالسلطة والحكومة المذكورة) وكانت حماس تعتمد أسلوب الكفاح المسلح أو الجهاد الإسلامى ... وفى موعد الانتخابات التشريعية ، راجعت حماس موقفها من الانتخابات وقررت خوض المعركة الانتخابية تحت شعاراتها المعروفة وبمبدئها المعلن بعدم الاعتراف بإسرائيل (كان المجلس الوطنى المنتخب بدون مشاركة حماس قد أعلن الاعتراف بها) ... واقتنع الشعب الفلسطينى بالحملة الانتخابية لحماس وحصلت على الأغلبية التى مكنتها من تشكيل الحكومة .. فأصبح الشعب الفلسطينى تحت قيادة رئيس للسلطة من فتح وحكومة من حماس .. واستمرت حماس فى ممارسة دور المعارضة حتى وهى فى الحكم .. فلم تعترف بأى اتفاقات للحكومة السابقة واستمرت فى عدم الاعتراف بإسرائيل .. وكان من الطبيعى أى تتوقف أى مفاوضات بين الجانبين وبالطبع توقفت عمليات المقاومة التى كانت تقوم بها حماس وهى فى مقعد المعارضة .. وهو وضع يناسب تماما الجانب الإسرائيلى المحتل للأرض الفلسطينية والذى اتخذ من رفض حماس الاعتراف بإسرائيل ذريعة لوقف أى محاولة للحل السياسى ولتأليب الرأى العام العالمى (الذى يعترف بإسرائيل) ضد حكومة حماس بدعوى أن حماس تريد إبادة الإسرائيليين ولا تعترف بحقهم فى الوجود .. ووجدت تلك الذرائع والدعاوى صدى عند الدول المانحة بمساعدة وضغط من الولايات المتحدة التى كانت تدرج حماس على قوائم المنظمات الإرهابية .. فتوقف الدعم وتوقف الحل السياسى وتوقفت عمليات المقاومة .. وكانت النتيجة أن الشعب الفلسطينى الشقيق يمر بأزمة لم يواجهها عبر تاريخه .. وزاد من عمق الجرح إقتتال بين الحين والحين بين الأخوة ليقف العدو متفرجا ولسان حاله يقول (أنا مرتاح كده .. أنا مبسوط كده) .. ومن الغريب أن حماس التى وصلت إلى الحكم عن طريق انتخابات ديموقراطية قال فيها الشعب كلمته .. قد رفضت فى مناسبتين الرجوع إلى نفس الشعب لحسم صراعها مع مؤسسة الرئاسة .. المناسبةالأولى عندما اقترحت السلطة استفتاء حول ما سُمى بوثيقة أو مبادرة الأسرى (كانت تحتوى على اعتراف ضمنى وليس صريحا من حماس بإسرائيل) .. والمناسبةالأخيرة فى الأسبوع الماضى عندما أعلن محمود عباس عن انتخابات "رئاسية" وتشريعية لحسم الصراع بين الجانبين .. وتساءل وقتها : "أليس الشعب مصدر السلطات ؟ " .. وما زال الصراع دائرا والعدو يتفرج مبتسما والآن .. أليس السبب فى دراما المثالين السابقين هو الناخب ؟ لم يضطلع الناخب فى الزمالك بمسئوليته ولم يدرك أنه باستجابته لشعارات المرشح صاحب الصوت العالى والمعارك الوهمية وبانتخابه لمجلس غير متجانس أن اختياره سيكون سببا لانهيار ناديه ولإحباط جماهيره ولم يضطلع الناخب فى فلسطين بمسئوليته وانتخب حكومة سيكون مطلوبا منها مفاوضة الآخر الذى لا تعترف بحقه فى الوجود .. وترفض الرجوع إلى نفس الناخب لحسم صراع مرير بين السلطات .. صراع لانتيجة من ورائه سوى مد أمد الاحتلال بل وتكريسه هل اتضحت الفكرة عن خطورة اختزال الديموقراطية إلى صندوق التصويت فقط ؟؟؟

الموضوع دا علشان نجمع فيه الاغانى الى هتتعمل للثوره و اول اغنيه الحقيقه لقيتها مش خارجه من عندنا لكن لقيتها مبادره مسانده جميله من مغنى اميركى انفعل بثورتنا و عمل ليها اغنيه تحيه http://www.youtube.com/watch?v=efcn8LpwlPo&feature=related بغض النظر عن جوده الاغنيه لكن يهمنى منها الرساله

احلى واجمل تحية للجيش المصرى العظيم فعلا انا عن نفسى ظلمته كتير الايام اللى فاتت واتهمته بالسلبية بقولهم شرفتونا ذى مانتوا مشرفين مصر دايما واعظم تحية للجيش المصرى العظيم

التعامل الانساني مع البشر شيئ آخر يا ملهمي ومثلي الاعلى في الحياه ,, سونسون شيئ والكبده الجملي شيئ آخر تماما :happy: الكبده الجملي -التي تعشقها بجنون طاغي لانها مقرمشة وليست مايصه مثل انواع الكبد الاخرى - اوك ينفع نطلعها نقطعها نتبلها نرجعها للفريزر تاني نوبروبليما ,, انما التعامل مع الانسان اعتقد يختلف !! !! !!

سامعينه؟؟؟ يا لهووووى ده احنا انضحك علينا كتير قوووووى واشترينا شقق بمبالغ طائلة وهى ماتستحقش عشر مبلغها والله حسبى الله ونعم الوكيل معلش يا مدام فتفوتة انا لسه في الشغل و ما سمعتش حاجة ياريت تقوليلنا الملخص بس بيقول مبارك كان يزود السلع 8 اضعاف ونقوله ليه يقولك مانا زودت المرتبات مرة ونص وزير الاسكان السابق اضطر النظام يمشيه بعد ما ريحته قجت بيقول على حسنى انه قليل الادارك لا حيلة له والعنيد يعند على والدته ولا مراته او على اهل بيته انما 80 مليون لا بيقول جاله واحد وهو وزير قاله انا عاوز الف فدان فى 6 اكتوبر رد عليه وقاله....طب بابا عارف يا بنى ولما المذيع سأله هو مين قاله الله يكرمك يابنى انا عندى 81 سنة وبيقول فى 2004 قلتله هات عمر سليمان اعمله نائب قاله ماتخافش انا مش هعمل نائب لان البلد بخير والامن المركزى بخير وبيقول اهو الامن المركزى نفعك دلوقتلا يا ريس وفى 2005 قلتله شيل الزبالة اللى حوايك ونضف البلد زكريا عزمى كلمه بعد يومين وقاله الريس بيقولك البلد بخير واطمن بيقول الدخيلة عملها ناس وطنيين والتاريخ هيذكرهم وكان مشروع قومى كبير واتحط فى عصر مبارك على طبق من فضة واتقدم لهلفوت لما الحديد يبقى تكلفته 1000ج يتباع فى بلدنا بـ 4000ج وبيقول احمد عز كان طبال وانس الفقى كان رقاص فى فرقة رضا ودلوقتى احمد رجدى ولاول مرة على التليفون معاه ولسه ماكملش استنى والنبى هسمع احمد رجدى هيقول ايه مارضيش يتكلم احمد رشدى على فكرة وقاله انا مابتكلمش يابنى معلش الله يسلمك ويسلم الكفراوى

RT @abanidrees: اتمنى ان يوضع الخائن انس الفقي في غرفة لا يوجد فيها سوى عدد من التلفزيونات تنقل له قناة الجزيرة حصرا :) #Jan25 #Egypt

الشعب ,, يريد تنظيف الميدان

اقوى واجمل فيديو ممكن تشوفه بحياتك بجد مش قادر ابطل ضحك متقولش هتلر كا فى الثورة ههههههههههههه هتلر وغلق مبارك للفيس بوك http://www.youtube.com/watch?v=fs4nLEwExXA&feature=player_embedded

الحمد لله وألف مبروك يا شعب مصر الحرية. تحية محبة وفخر وسلام لأرواح الشهداء اللى ضحوا بحياتهم وكانوا وقود للثورة. أحمد ربنا كمان إنه شرفنى وكنت فى مصر خلال الفترة المجيدة دى وإنه ادانى الفرصة أشارك. الواحد لسه بيفوق من حالة النشوى اللى كنا فيها امبارح, واسكندرية كلها عند قصر راس التين, وسبحان الله كنت متضايق من الاحتفالات والكرنفالات اللى كانت شغالة من أول اليوم وكأن مبارك خلاص تنحى, وقعدت أقول لأخويا فين شباب 28 يناير وفين ثوار 28 يناير. بس الناس كان عندهم حق يحتفلوا وكأنهم حاسين إن امبارح هو يوم الخلاص, وأنا اللى كنت مزودها وعامل حسابى على أسبوعين تانى, كتر خيره برضه اللى ما يتسمى إنه حل عن سمانا فى خلال 18 يوم بس. يوم 28 يناير ده اللى هو كان جمعة الغضب, أروع يوم فى حياتى, واللى فعلاً بكيت فيه من الفرحة وحسيت إن الفرج خلاص قريب, والله اليوم ده كنت فرحان فيه أكتر من امبارح اللى هو يوم التنحى. المصريين يا جماعة بجد أروع شعب فى العالم, أنا شفت مصريين فى اليوم ده كان نفسى أشوفهم من زمان, سواء اللى شاركوا فى المظاهرات أو اللى كانوا فى البيوت فى طريق المظاهرة. مصريين بيحبوا بعض وبيخافوا على بعض وبيحموا بعض, هما دول المصريين اللى على حق, هما دول المصريين اللى حيرجعوا مصر الحلوة بتاعة زمان, واحلى كمان بإذن الله. أحكيلكم على إيه ولا إيه... أحكيلكم على الشباب اللى كان مصمم تصميم رهيب إن المظاهرة تكون سلمية وكان بيمنع أى حد عاوز يخرب؟ ده حتى فيلا مدير أمن اسكندرية وقفوا يدافعوا عنها رغم إننا كنا لسه عاملين دماغ غاز مسيل للدموع على إيدين عساكره. ولا على روح التعاون من العربيات اللى كانت مقابلانا فى الطريق وبتعرفنا على الأوضاع قدام لأن كانت كل وسائل الاتصال مقطوعة فى اليوم ده, وناس تقف بعربياتها وتركب الناس الكبيرة فى السن وتمشى معانا. ولا الست الكبيرة اللى كانت واقفة فى البلكونة وبتهتف معانا وتشاور بإيديها ولا كأنها بنت 17 سنة. ولا الناس اللى كانوا بيرمولنا زجاجات المياه والحلويات والبصل, آه بصل عشان يضيع تأثير الغاز. ولا الست الأرستقراطية اللى نزلت حرطوم من بلكونتها للشارع عشان اللى عاوز يتوضأ أو يشرب أو يملا الزجاجة اللى معاه. يااااااااااااااااااااااااااااااه أحداث كتير حصلت فى اليوم ده ورتنى مصريين غير اللى كانوا موجودين قبل كده, كانت أول مرة أشوف العدد المهول ده متجمع كله على كلمة واحدة وعلى حب مصر. أحمدك يارب وأشكر فصلك إنك ورتنى اليوم ده. فرحنا بقى وهيصنا, أعتقد إنه زى ما قال النائب السابق عمر سليمان: دقت ساعة العمل, ترررررررررررن ترررررررررررررررررن عاوزين نعوض ال 30 سنة اللى فاتونا يا جماعة, قدامنا مشوار طوييييييييييييييييييييييل, حوالى 5 سنين كده, نرجع فيهم مصر الحلوة أحلى وأحلى.

http://www.youtube.com/watch?v=IFyXWGBsh1c&feature=channel http://www.youtube.com/watch?v=7_0pl3wcuLA&feature=channel

صح النوم يا أهرام والله و صوتكم علي كان عندنا أبلة في أولى إعدادي اسمها أبلة مديحة مش ناسيها أبداااااً .. كانت أبلة العربي و كانت كل شوية تقولنا بالفوم المليان كدة و بملو الكلمة يا شوية فشششششششششلة

مش هانمشي....أوباما يمشي

بحلم... انى ارجع بلدى اديها كل مجهودى بحلم ان كل واحد يبدا من جواه ويقول انا عملت حاجة ولازم اكملها انا خرجت فى الثورة وانتصرت ولازم اتوج النصر ده بانى لازم اتقى الله فى شغلى ولو كل واحد اتقى الله فى شغله هنلاقى مصر الى زرعنها بادينا بتكبر قدمنا بحلم انه ميبقاش فى مغتربين مصريين.... نرجع كلنا نشتغل فى مصر هى محتاجلنا اكتر من الدول الى احنا فيها دلوقتى بحلم ان مصر تزدهر اكتر واكتر ومتبقاش من دول العالم التالت( الدول النامية) بحلم ان الشباب فى الدول التانية يقولو انا مهاجر لمصر اشتغل فيها وشبابنا ميبقوش محتاجين يهاجرو بحلم ان ولادى يتعلمو تعليم يفتح مداركهم وينمى زكائهم ويكون شخصيتهم بحلم ان الناس الى عايشة فى مركب فى النيل والاطفال الى نايمين تحت الكوبرى يبقى عندها مكان تحس بادميتها فيه بحلم بحاجات كتيييييييييييييير قوووى

صباح نسايم الحرية اللي بتخلي الوش فعلا ينور مبادرة هايلة اوي....مع اني متاكدة ان احنا نقدر نجيب اضعاف الرقم ده باذن الله هنرجع الفلوس المسروقة...مش عشان احنا محتاجينها و بس...لا عشان احنا مش بنسيب تارنا و لا حقنا و هنقدر نوقف تاني مصر علي رجليها برواتبنا....و اللي ربنا يقدرنا عليه و كلي يقين ان مصر مليانة خير و خير اوي....من جوه ومن بره بس محتاجين نحط فيضان النهر دوت من الخير في قنوات شرعية و نظام و منظومة متاكملة من المؤسسات عايزين بقي نرمي الاساسات صح عشان نعرف نطلع بالخرسانة و الدور العليا....(ايه ده انا بتكلم زي اي مهندس واقف في الموقع كده ليه:blink: ) عايزين مصر...كدولة....و كموؤسسات تبقي ناطحة سحاب في دبي....ناطحة السحاب...بتبني بفكر كندي....و سواعد بنغالية...و فلوس اماراتية احنا عندنا عقول مصرية...و ملامح مصرية و سواعد مصرية....و الفلوس برضه هتبقي مصرية صباحك......حلم مصري...و صرح مصري...عايزين نصب اساساته صح

لا تنسبوا النصر والنجاح لأنفسكم، بل أرجعوا الأمر كله لله، فليست النتائج الرائعة التي تحققت لنا بحجم الجهد المبذول، بل هي أكثر بكثير.. وهذا هو فعل الله الكريم سبحانه، فاشكروه واحمدوه واسجدوا له، فالكون كونه، والخلق خلقه، وكل شئ بيده.. إياكم والغرور بالعدد والعدة.. إياكم أن تنسوا خالقكم ورازقكم.. كم من المكاسب ضاعت؛ لأن الله لم يرَ الإخلاص في عباده، فأخلصوا لله إخلاصًا كاملاً، واعتمدوا عليه اعتمادًا حقيقيًا، يكلل جهودكم بالنجاح والفلاح، ويُحسن حياتكم ومماتكم وآخرتكم :copied:

إيه الصورة دي ؟ ده مش بيبوسه ... ده بياكله ههههههههههههههههه

الحياة فرحة

- بأحلم بوزارة خارجية قوية تقف جنب أي مغترب وتجيب له حقه أينما كان

مش ملاحظين حاجه ؟ إن الشعب ده .. حاجه غريبة .. طيب .. زي النيل وطمي النيل ... شعب بينسى بسرعة .. مش ضعف .. لكن دي طيبة ومسامحه وحنيه مش ملاحظين إن ولا دعوه للإنتقام أو القتل ظهرت ضد اللي ظلمونا مع إحترامي لتونس .... اللي أول ما سقط بن علي إبتدا الشعب ينتقم من كل رموز النظام وإبتدا يقتل بعضهم عيني عينك .. ويحرق بيوتهم ويسلب ممتلكاتهم وشوفنا قبل ذلك العراق ... والإنتقام بشكل مرعب من كل أعضاء حزب البعث وقتلهم شر قتله اعلم إننا شعب متحضر ومحترم .... الحمد لله ... وبإذن الله أنا متأكد إننا سننسى الماضي بكل قساوته ... لكن لن ننسى الجرائم اللي هانسيب القضاء المحترم يتصرف فيها ... ومن يتطلع إلى النظر إلى المستقبل والامام ... مستحيل ينظر إلى الوراء عشان ما يعطلش نفسه

بعد الثورة ما قامت مبارك جاب الفانوس السحري بتاعه ودعكه فطلعله العفريت وقاله عايز ايه؟ مبارك قاله شعبي عايز يخلعني .... عاوزك تتصرف معاهم وتخفيهم ...قاله يا راجل بقى مطلعني من ميدان التحرير من عز المظاهرة عشان تقولي كدة

السلام عليكم و رحمة الله و بركاته صباح الحلم لا ده علم بحلم بايه لمصر لا مبحلمشي لانه مبقاشي حلم خلاص بقي كل حاجة افكر فيها بقي جوايا يقين انها مش محتاجة اكتر من تشمير الايدين و انزل اغرسها في الارض الطيبة...العفية...و هقعد ابص عليه و هو بيكبر قدام عيني خطوة خطوة....يمكن مكونشي هنا في اول قطفة بس اللي متأكدة منه ان ولادي هيدوقوا شهد الارض الطيبة دي هشمر دراعاتي و انزل....و ابص في الوشوش المصرية اوي اللي كنت بقابلها اول ما رجلي تخطي المطار و احس انها شايلة هموم الدنيا كلها و ع الرغم من كده...كانت دايما تقولي آخرررررر نكتة بحلم ان الشعب تطلع من قلبه ضحكة مش مسروقة.....ضحكة مش شايلة هم بكرة هياكل ايه و هيجيب مصاريف المدرسة منين بحلم ان محدش مصري يشيل هم علاج...و يكون فيه منظومة تأمين صحي....مش هو اسمه تامين....يبقي لازم يبقي فيه امان امان اني في لحظة المرض..عافانا الله جميعا....اتعامل اني بني آدم....احس بكرامتي الي ممكن يهزها المرض و بتكسرها العوزة و الحاجة الف مرة بحلم اني لما اروح الجامعة اقدر احكي في كل حاجة....اعمل الاسرة اللي انا عايزاها و محدش يقف في وشي و يقولي يا بنت انتي روحي هاتي تصريح من الحرس الجامعي عايزة نقعد علي الارض في الجامعة و نرسم دواير كتير فيها احلامنا...فيها جنوننا...فيها حدودالسما اللي خلينها تنزل و تيجي حدنا للارض عايزة لما احضر محاضرة احس ان حد بيكلم عقلي....و بيحترمني كبني آدم...و من حقي اني ارفع ايدي و اقول لاستاذي انا مختلفة معاك...من غير ما انطرد بره المدرج عايزة....اشمر دراعاتي.....و الون الحيطان عندي في الشارع بوشوش مصرية....بعبارات فيها صمود و قوة....عشان الناس لما تفتح عينيها الصبح تعرف ان معركة الصمود لسه مخلصتشي و ان احنا في رباط لغاية يوم الدين.....و البلد دي بتاعتنا مش بتاعت حد تاني عايزة...انزل السوبر ماركت....و افضل ادور علي اي حاجة عليها علم مصر.....حتي لو بره مصر....عايزة احس ان مصر هي نمرة واحد عندي....عشان انا نمرة واحد عندها و متضحكشي عليا بقي....انا عايزة اشتري لاخواتي الاولاد الفانلات القطن بتاعت المحلة الكبري.....اه بحبها....و بحس فيها انها متفصلة مقاس مصري صرف....و بحب اشيلها معايا منين ما بكون...فيها ريحة مصر عايزة لما ابقي قاعدة مع اصحابي و بيحكولي عن الباسبور الكندي....اطلع الباسبور الاخضر...و اقولهم احتاج لايه....بكرة كندا راح تجري ورايا عايزة اسمع موسيقي عمر خيرت في كل حتة.....و اسمع اشعار فؤاد نجم و جمال بخيت في كل حرف....عايزة احس ان كل مصر بقت لوحة جمال....حتي في ملامحنا....يرجع ليها الضي و النور عايزة.....انزل مصر و احس انها بتاعتي.....مش عايزة حد يتذاكي عليا...و لا يستنصح عليا....يمكن انا بعيد....بس عايزة ارجع لروحي هناك....و عايزة لما ارجع محسش اني غريبة في بيتي عايزة الناس...لما تيجي تتكلم محدش يقول...انا.....محدش يقول طب....و المسيحين عايزين ايه....طب المسلمين فين....عايزة لما نتكلم تبقي عينينا متشعلقة علي 3 حروف و بس.....هي مصر رايحة فين عايزة محدش يعدي الشارع الا لما تبقي الاشارة بتقولي اني ينفع دلوقتي اقطع الشارع.....من غير ما يبقي فيه عسكري....و من غير ما تكون فيه كاميرات مراقبة....انا عايزة احس اني مراقبة نفسي جوه نفسي...انا بقيت عين علي نفسي و مش عايزة اقف في الاشارة في التاكسي و اشوف السواق بيمد ايده بره الشباك و يطبق خمسين قرش و يديها لعسكري المرور اللي منقوح في الشمس.....و افضل اسال نفسي يا تري هي المشكلة في الخمسين قرش انها بترجعنا خمسين سنة لورا....و لا الراجل الغلبان اللي واقف يتسول بشكل مستتر....مش عايزة ارجع لحوار المراجيح ده جوايا.....حوار ياخدني من اقصي اليمين لاقصي اليسار و بعدين يوقعني علي ارض احس فيها ان مافيش فايدة خلاص يا ربي فيه فايدة الارض مش راح تخذلني الفلاحين.....كلنا....هننزل هنشمر دراعتنا و ننزل نعزق و نحرث و نرويكي....باحلامنا....و مش راح تكون احلام....هتبقي بذرة....وولادي هيقطفوها...مش زعلانة....لا عندي اغلي منهم.... و لا عندي ارض اغلي منها ازرع فيها هرجع تاني......مش عايزة ابطل احلم.....مع اني مش محتاجة اني اغمض عيني عشان احلم...هفتحها....و هفتح معاها بيبان الروح و القلب علي كل خير و جمال و يقين ان اللي جاي احسن باذن الله صباح حضرتك حلم بيتغزل بعيون مفتوحة....و بروح مشتاقة تبقي هناك...في مصر

صباحك مصر تانيه بطعم السكر وبكل الالوان :happy:

الشيخ الدكتور عائض القرنى يمدح مصر بقصيدة رائعة http://http://www.youtube.com/watch?v=Ut_ORz4HPpc&feature=related

hello Nader using torrent is quite easy just follow the link then click on downloading torrent,a message should appear asking you to save or to open the file, choose open the file by torrent software and that's it. if you choose to save the file on the desktop for example just oppen the torrent and drag the saved file into the software When doing any of the two options a msg should appear showing you which files in the torrent need to download and here you can choose which of the 4 cd you want to download ps. the first one is mandatory as it is for installation

صباح الورد والفل والياسمين صباح الخير يا مصر يوم 12/2/2011 أول صباح يهل على مصرنا البهية بدون مبارك يااااااااااااااااه صباح الخير يا مصر بحبك ان كان عالقلب ملوش غيرك ... وان كان عالحب مفيش غيرك دا جناحى مرفرف ف سماكى ... والقلب اتربى على خيرك بلـــــــــــدي يا بلدي يا بلدي ... بـــــــلدي يا بلدي يا بلدي

اهرام السبت http://www.youtube.com/watch?v=gSUzfEI2Nls ميدان التحرير ساعه تنحى المأسوف على شبابه

نريد الدكتور احمد زويل مشرفاً على منهاجية التعليم في مصر http://www.facebook.com/event.php?eid=152246228164267

الجيـــــــش يـــــــؤدي التحـــــــية لدمـــــــاء الشـــــــهداء الحياة....شموخ الحياة...كرامة حياة المصري.....متنفعشي من غيرهم 11- فبراير 2011

الشاعر المبدع ...هشام الخج مشهد رأسي من ميدان التحرير خبء قصائدك القديمة كلها مزق دفاترك القديمة كلها واكتب لمصر اليوم شعرا مثلها لا صمت بعد اليوم يفرض خوفه فاكتب سلام النيل مصر واهلها عيناك اجمل طفلتين تقرران بان هذا الخوف ماض وانتهى كانت تداعبنا الشوارع بالبرودة والسقيع ولم نفسر وقتها كنا ندفىء بعضنا فى بعضنا ونراك تبتسمين ننسى بردها واذا غضبت كشفت عن وجهها وحياؤنا يابى يدنس وجهها لا تتروكيهم يخبروك باننى متمرد خان الامانة او سهى لا تتروكيهم يخبروك باننى اصبحت شيئا تافها وموجها فانا ابن بطنك وان بطنك من اراد ومن اقال ومن اقر ومن نهى صمتت فلول الخائفين بجبنهم وجموع من عشقوك قالت قولها http://www.youtube.com/watch?v=Jcu0-MMpSI8&feature=player_embedded

اتمنى تغير العلم وتغير السلام الوطنى اتمنى ان تتوالى الجمعات بعد ذلك لتصبح جمعة النظافه (لنظافه جميع شوارع مصر ) جمعة الدم (للتبرع بالدم لجميع مستشفيات مصر ) جمعة الزكاة ( لدفع الزكاة مبكرا لدفع اقتصادى لمصر )

أول رد فعل لمحمد البرادعي : لن أترشح في الإنتخابات الرئاسية القادمة أتمنى الا يفعلها .. وأتمنى أن تسفتيد منه مصر في أي موقع لإنه إنسان محترم ووطني ومتواضع وكان شراراة من ضمن الشرارات الأولى للثورة مش قلت لكم باحلم بالبرادعي بزويل يجودت الملط بالجنزوري بممدوح حمزة بفاروق العقدة بيحي الجمل بكل شرفاء مصر ينقلونا نقلة تاريخية إلى الأمام نحن نستحق أكثر من ذلك نحن نستحق أن نكون دُرة الشرق

مصر فى انتظار مهاتير محمد مصرى وان شاء الله خمس سنوات فقط ونستعيد عرش المجد وخمسه اخرى وسنكون فوق ماليزيا وايطاليا واسبانيا ومفيش غربه تانى لا واحد مصرى جيم اوفر للغربه

بسم الله الرحمن الرحيم احب اضيف هو اينعم اسمه مستفز و بيفكرنا بسيخ احمد عز و اينعم هو منزلشي المظاهرات بس احب اقول من موقعي هذا انه شارك في اللجان الشعبية في حي المعادي كان معكم لماضة شيخ حارة....و بتشجع احمد عز

RT @arwaya: أحب أسأل ضمير كل واحد .. أعتدى على تامر حسنى فى الميدان !! معندكش أخوات بنات #jan25 #Tahrir

حسـنى مبـارك قام بالاتصال برئيس الوزراء السابق نظيف قاله ايه الاخبار عندك قال : كله تمام بعنا المصانع و بعنا الشركات و هربنا الآثار و الفلوس بره و مش ناقص غير الشعب الريس قاله : خلاص ودى المسلمين السعودية و المسيحين امريكا و اقفل و تعالى

مبارك علي فراش الموت نده علي عاطف عبيد فاله مين اللي حيحكم مصر من بعدي يا عاطف قالله جمال طبعا يا ريس قاله طيب والشعب قالله الشعب ياكل زلط وبعدها نده علي صفوت الشريف وقالله مين حيحكم مصر من بعدي با صفوت صفوت قالله جمال طبعا..قالله طيب والشعب قان قالله الشعب ياكل زلط وبعديها نده احمد نظيف وساله مي حيكم من بعدي يا نظ...يف قاله جمال طبعا يا ريس قالله طيب والشعب نظيف رد وقاله الشعب ياكل زلط قام قالله طيب امانه عليك يا نظيف تددي توكيل الزلط لعلاء

إمبارح بالمصادفة كانوا مستضيفين في الحياة اليوم الإعلامي الكبير حسن حامد رئيس قطاع الأخبار السابق للحديث عن المهزلة الإعلامية التي حدثت من التليفزيون المصري في تغطية الاحداث .. وذكر على سبيل المثال ان الكاميرا الثابتة اللي كانت بتنقل الاحداث في ميدان التحرير .. دي كاميرا الامن بتاع مبنى الإذاعة والتليفزيون وعاملين زوم إن ومثبتينها على الكباري اللي ماحدش بيمشي عليها عشان مقفولة عشان يقولوا الدنيا ربيع والجو بديع وكل شيء تمام ومافيش دبانة في الميدان .. شهادة أمام الجميع يا جماعة .. لي صديق يعمل في الإذاعة والتليزيون من ييجي 10 سنين وتدرج دلوقت وبقى منصبة كويس .. فمن ضمن درشتنا كشباب بايظ مع بعض .. بيحلف لي إنهم بالليل بالذات وهما قاعدين بيتسلوا وما ورهمش حاجه ... بيخلوا الكاميرات المثبته دي واللي مترشقة حوالين المبنى .. بيعملوا بها زو إن على اقصى درجة عشان يتفرجوا على الناس بالذات اللي في الفنادق المنتشرة حوالين المبنى .... من باب " أمن ومتانة " عشان يطمنوا عليهم هما ناموا وشربوا اللبن قبل ما يناموا ولا لأ ؟ - كلنا عارفين مين هو أنس الفقي ومن إمتى بدأت حكايته .. بإختصار هو كان رئيس قصور الثقافة في عهد فاروق حُسني ... وفي نفس ذات الوقت عنده مطابع خاصة به .. وكان بترسى عليه معظم مناقصات طباعة الكتب المدرسية .. يعني شغل مهلبية وحاجه شافيه مشفية .. ودي معلومات مؤكده مليون الميه لدي من داخل وزارة التعليم خصوصاً أيام حسين كام بهاء الدين .. وفجأة في تعديل الوزاري بتاع وزارة أحمد نظيف لقى نفسه وزير الإعلام خلفاً لبتاع الكنترول صفوت الشريف ... وصُعق الجميع لما مبارك جدد فيه الثقة مؤخراً بالرغم من إنه بيفرفر .. لكن ما يقدرش يستغنى عن الجزم اللي زي دول ... أومال يمشي حافي ؟ - تخيلوا بقى إن الفقي ده يعين مدير امن مبنى الإذاعة والتليفزيون اللواء احمد أنيس .. يعينه رئيس إتحاد الإذاعة والتليفزيون ( عسكر فوق وعسكر تحت إخص عليك يا بتاع الكحك ) لعدة سنوات طويلة قبل أن يتم ترقيتة ويُعين رئيسا لمجلس إدارة النايل سات عشان هدف مُعين .. وهو القضاء على القنوات الدينية ونجح فيها بامتياز ... وخلفه في نوفمبر الماضي أسامه الشيخ اللي كان بيشتغل رئيس قنوات النايل سات وقبلها هو اللي أسس قنوات إيه أر تي بتاعت الشيخ صالح كامل وهو راجل تكنيكالي فاهم قوي وخبرة .. لكن دخل نفسه في معجنة السبابيب - جمع سبوبة - - نيجي يا جماعة لهووووووووووووووووووووووووجة القنوات المصرية اييييييييييييييييييه ده كله إيه ده كله إيه القنوات دي كلها يخرب بيت كده فضائيات على أرضيات على بلاوي زرقا .. والمُحصلة ( صفر ) طب والنبي عدوا معايا - نتيجة القنوات الأرضية واللي يسمع إسمه ينط من الشباك على طول أولى - تانية ......................... لحد الثامنة - - نتيجة القنوات الفضائية واللي يسمع إسمه ينط من الشباك على طول ويحصل الأرضية أولى .. فضائية ... ثانية ... نايل كوميدي .. دراما . دراما 2 .... لايف .... تي في ... أخبار .... سنيما .... ثقافية ... فاميلي .... سبورت ... تعليم عالي .. منارة بتاعت محو الأمية ... جيش من القنوات التعليمية ... المنارة للبحث العلمي .... دول اللي فاكرهم دلوقت ومش عاوزيننا نخسر 11 مليار ؟ طب بالله عليكم .. عُمر حد عاقل فكر يعمل إستبيان عن نسبة مشاهدي هذه القنوات ويشوف المفيد فيها ويطوروه والهايف فيها ويمحيه من الوجود ؟ لأ طبعاً .. طب حد بيسمع كلام كتبته من سنوات طويلة عن تخصيص النايل تي في لحوالي 6 ساعات يومياً لعمل برامج باللغة العبرية قال موجهه لإسرائيل وبيستضيفوا فيها وشوش مكررة كل يوم بيتكلموا عبري .. بيقول لك عشان نخترق المجتمع الإسرائيلي ... وصوت أمي إتنبح وقلت : يا ناس إسرائيل كلها بتستخدم نظام الكيبل .. يعني ماحدش مشعلق دش فوق السطوح جنب عشة الفراخ وواحد يفضل فوق يظبط والتاني تحت بيوجهه ويقول له يمين شوية وشمال شوية لحد السيجمال ما تيجي ويجيب القناة واضحه هههههههههههه ... وأهي كلها سبوبة وكله بياكل عيش ... - عرضوا أمبارح دراسة لماجستير عامله واحد إعلامي أثبت فيه إن مشاهدة قنوات النيل خصوصاً الأخبارية لفترة طويلة تؤدي إلى قلة الفهم ... تخلف يعني وهطل وتبول لا إرادي .. دي حقيقة أتحدى نعمل إستبيان ما بين الثمانين مليون راس اللي موجودين في مصر ونشوف كام واحد بيتفرج على النايل نيوز ... أقسم بالله فضلت أدور عليها عندي أمبارح مالقتهاش ولا عارف هما بيعملوا إيه أساساً ... كل ده مع المرحلة الجديدة اللي إحنا مقبلين عليها لازم يتشطب وتهد كله ونبني من جديد إعلام محترم يحترم عقلية الناس ويتسم بالمصداقية .. مش إعلام كله لواءات شرطة بياخدوا أوامر من اسيادهم عشان كله يبقى تمام وعُلم وجاري التنفيذ يا فندم

يمكن يكون عندك حق فى النقطة دى لكن الانتظار ياصديقى وما ادراك ما الانتظار 4 سنين كاملين بل يزيدوا ووقف الحال والحياة تماما شىء مميت بل قاتل :rolleyes: يا مهون هون يامهون