لوحة القادة

مصر الجديده : طلب أحد المتظاهرين من هذا النقيب إستعارة زجاجة مياة من الزجاجات التى كان يوزعها الجيش على المتظاهرين.وبكل ترحاب وإبتسامة تبادل الرجلين العلم والزجاجة. وأكتملت الصورة النقية هذا يتوضأ وهذا ينسق العلم الذى حمله للمتظاهر حتى يفرغ من صلاته ثم أسرع النقيب ليساعد هذا المتظاهر فى الوضوء فيسكب له الماء منحنيا مبتسما فرغت الزجاجة من المياة وبكل تواضع أخذها النقيب ليلقى بها فى القمامة وأعطى للمتظاهر العلم ليضعه أمامه للصلاة طار العلم فأسرع أحد جنود الجيش بكل اخلاق ليرجعه

طالما أحمد شفيق أنتيم حسني ماسك الوزاره يبقى نتوقع مثل هذه الترشيحات للمنافقين من رموز العهد البائد فالطيور على أشكالها تقع ... كلهم دماغ واحده ومصممين على العناد مع الشعب والاستهزاء بمطالبه ... لازم الوزاره دي تمشي في أقرب فرصه وتيجي مكانها وزارة محترمة مكونة من اختصاصيين وخبراء مشهود لهم بالكفاءة ونظافة اليد وعدم الارتباط بالنظام السابق ... مش عايزين ناس من نوعية أبوالغيط ومفيد شهاب وعائشة عبدالهادي في الحكومة المصرية. أحمد شفيق على فكره هو نسخة من حسني مبارك بعناده وتكبره ... حتى بعد أن سقط رئيسه لازال يطلق التصريحات المستفزة تحدّيا للشعب ... واليوم قال أن ان المجلس الأعلى للقوات المسلحة، الذي يتولى ادارة البلاد، هو من سيحدد وظيفة عمر سليمان نائب الرئيس السابق، مضيفا انه "يمكن أن يشغل منصبا مهما في الفترة المقبلة" ... بصراحة مش لاقي تعليق مناسب ردّا على هذه العنجهية من هذا الشخص وأتمنى أن يكون أول مطلب لنا الآن هو أن يلحق بصديقه ورئيسه السابق في شرم الشيخ علشان يسليه.

من كثرة الاحباطات التى تحدث لنا من نشر السلوكيات السلبية حبيت ادور على طاقة نور ايجابية تعطينا امل فى غدا افضل لو سمحتم التوبيك للايجابيات فقط وكلمة شكر ولو لمواطن بسيط لكنه ايجابى ولكى لانهضم بعض المسئولين حقوقهم لابد من نشر اعمالهم الايجابية حتى لو كانت لهم بعض الافعال السلبية وصلنى على الفيس رسالة ( مبادرة المدرسة الألمانية لتنضيف شوارع القاهرة ) الرباط الخاص بي

احلى واجمل تحية للجيش المصرى العظيم فعلا انا عن نفسى ظلمته كتير الايام اللى فاتت واتهمته بالسلبية بقولهم شرفتونا ذى مانتوا مشرفين مصر دايما واعظم تحية للجيش المصرى العظيم

قريت السيناريو ده .... وحاسس انه قريب من الواقع مش عارف ممكن يكون بنفس الدقة دي ولا لأ؟ الرباط الخاص بي

http://www.youtube.com/watch?v=7hH6l1xmqtc حوار اشرف السعد على الحياة

أولا أنا مبسوط جدا أنى لقيت الموقع ده مبسوط أن مصر بقت حلوة ولسة هاتبقى أحلى يارب فعلا مصر تبقى جنة وا أحلى من لدول الأجنبية اللى كلنا عايزين نهاجر ليها مبسوط علشان كل مشاركة كتبها الناس هن و تعبوا فيها مبسوط أن كلنا بقينا أيد واحدة مسلمين و نصارى فى قمة الوطنية شكراا ليكم كلكم و شكرا مصر

فعلا يا افندم تاريخنا مالوش اي لازمه لازم نبيعه و الناس الي بتيجي من كل الدنيا علشان تشوف تاريخنا و تعرف ان في يوم من الايام كان المصريين أسياد الدنيا ناس مش كويسين بيضيعو وقتهم و فلوسهم لا تعليق بجد

صوت البيانو...بينزل يصحي كل احساس حلو و فيه جملة بحس ان قلبي بيتخطف فيها يا بلادي يا بلادي انا بحبك قالولي يالا ع الجنة قولتلهم الجنة بلادي http://www.youtube.com/watch?v=Q8NUbClPut0

http://www.youtube.com/watch?v=8C4APRUKYSo هروب المناوى بواسطة قوات الجيش

جابر عصفور فى الحياة اليوم بيتكلم عن اسباب استقالته بيقول ان احد اسباب استقالته انه لما بلغ انس الفقى عن الشهداء اللى فى ميدان التحرير قاله احنا وزارة حزب وطنى ومالناش دعوة بالحاجات دى...انه كان بيفرض كيان الحزب المتسلط على وزارة الاعلام وده من اهم اسباب فشل الوزارة فى عهده وان كمان احد الوزراء قال على المتظاهرين انهم حبة بلطجية بيقول طلبت من عائشة عبدال الهادى ان يكون فيه جامعة عمالية قالتله موجودة بس متوقفة بقالها سنوات قالها طيب لازم نتعاون ونحييها تانى ولا حياة لمن تنادى كلفت اتنين من ابنائى فى الوزارة من الشباب انهم يكتبولى الاستقالة وامرتهم بالكتمان الشديد واخذتها وارسلتها لاحمد شفيق مسببة بها جميع اسماء الوزراء الفاسدين اللى لا ارى فيهم امل قلت لاحمد شفيق انى لا زلت ارى فيك املا فى التغيير وهو رجل لكن بالمجموعة اللى حواليه لن يفعل شيئا مذهل بيقول على ان الحزب الوطنى فيه ناس شرفاء دايما كانوا بيعارضوا وماكانش حد بيرد عليهم وهما حسام بدراوى وسمير رضوان بيقول كمان ان احمد شفيق هو اللى اقال انس الفقى ومش هو اللى قدم استقالته وسبب اقالته ان فيه بلاغات كتير اتقدمت ضده فى الايام اللى فاتت دى للنائب العام

برشلونه يقف دقيقه حداد علي شهداء الثوره انا مصري ياولاد التيييت في حد مصري زيي

بيقولوا مش هيرجع الحياة تانى وهيرجع البرنامج بتاعه فى اوربيت من تانى قريب هو انتى ماشوفتيش الفيديو اللى بيعيط فيه بعد ما مشى مبارك باشمهندسة اهو هنا http://www.youtube.com/watch?v=2YfhgGKXSKM&feature=player_embedded

أسف .... لقد حذفت الفيديو لإحتواءه على الفاظ تخدش الحياء الإدارة سي السيد والله الواحد ينأى بنفسه ان يسمع مثل هذا الكلام فضلا عن أن يتلفظ به فينه البيه ده دلوقتي الحمد لله ربنا يريحنا من رؤيته وأمثاله على شاشة التليفزيون

السلام عليكم ورحمة الله وبركاته علي الرغم من فرحتي الغامرة بيوم 11/2 الا انها لاتقارن بفرحتي النهاردة ........ لسببين اولاهما : اني شاركتها مع اصدقائي وزملائي ( اول مرة اشوفهم بعد نجاح الثورة ) واد ايه فرحنا سوا ك تيم وورك اشتغلنا وتعبنا مع بعض فكرنا بعضنا ..... فاكرين الاسبوع اللي فات كنا بنعمل ايه ونخطط لايه ...... يااااااااااه ربنا كريم اوي ونصرنا كلنا والتاني ان الحماسة اخدتنا بقي شويتين ........ لأننا اتفقنا ان الثورة مازلت قائمة علي كل اوضاع الفساد الموجودة في البلد قلنا نبدأ بنفسنا ........ اكيد شايفين ان فيه فساد موجود في مجال عملنا ومش عارفين نحاربه ( طبعاً لأنه كان فساد متعمق اوي وواصل له ضهر والضهر دة اتكسر النهاردة ) فكرنا ممكن نعمل ايه ............. عارفين مواطن الفساد ........ بس للاسف مافيش دليل ........ لأن ماكانش فيه حد بيشتكي اساسا...... طيب دة دورنا بقي كتبنا ورقة ......... مكتوب فيها اخي العزيز .. اختي العزيزة الف مبروك ... النهاردة وبعد نجاح ثورتنا اللي كتير منكوا شاركوا فيها لازم نشارك في بناء مصرنا الغالية لازم نواجه اي فساد بصوت عالي ....... لازم نقتل اي بذرة فساد علشان كدة دي دعوة مننا من فضلك لو كنت زميلنا بتشتغل معانا ..... لو كنت احد العملاء المستفيدين من المكان دة وقابلتك اي قضية فساد ........ اوعي تسكت سكوتك هيرجعنا 30 سنة لورا تاني من فضلك علي صوتك وتأكد ان صوت الحق بيرعب الفاسدين وكلنا معاك كلنا وراك ونسخناها ......... ووزعناها في كل مكان ......... علقناها في كل اللوحات الموجودة في المكان عل كل مكتب لحد مكتب اكبر مسئول عملناها رسالة ضد الفساد ووجهناها لكل اللي بيتعامل معانا وكلنا اخدنا عهد علي نفسنا ......مش هنسكت تاني ابداً اكيد واجهتنا حوارات مع بعض المتخوفين ........ وبلاش اللي بتعملوه دة ودخلنا ك العادة في مناقشات لاتنتهي ...... وبرده عملنا اللي احنا عايزينه ومش هنسكت ........ لما بدأنا نتعاون كنا اتنين بس ( دة في البداية خالص ) دلوقتي احنا 8 وانصارنا كتييييييييير اوي بس لسة خايفين شوية ......... بس اكيد بكرة هيتشجعوا ويظهروا معانا في الصورة خليك قوي وماتخافش ..... مابقاش للخوف مكان وسطنا بكرة ان شاء الله .... هنطلب من المسئولين تكوين لجنة ....... تستقبل اي شكوى من عميل او حتى موظف في المكان اللي بنشتغل فيه وربنا يوفقنا

http://www.youtube.com/watch?v=Lc1h9jd9a5U

خبىء قصائدك القديمة كلها مزق دفاترك القديمة كلها وأكتب لمصر اليوم شعرا مثلها لا صمت بعد اليوم يفرض خوفه فاكتب سلاما نيل مصر و أهلها عيناك أجمل طفلتين تقرران بأن هذا الخوف ماض و أنتهى, كانت تداعبنا الشوارع بلبرودة و السقيع ولم نفسر وقتها كنا ندفء بعضنا فى بعضنا ونراك تبتسمين ننسى بردها و اذا غضبت كشفت عن وجهها و حيائنا يأبى يدنس وجهها لا تتركيهم يخبروك انى متمرد خان الأمانة او سها لا تتركيهم يخبروك باننى اصبحت شئ تافها و موجها فأنا ابن بطنك و أبن بطنك من أراد و من أقال و من أقر و من نهى صمتت فلول الخائفين بجبنهم وجموع من عشقوك قالت قولها http://www.youtube.com/watch?v=tBgfTQXX01Q

http://www.youtube.com/watch?v=aut-4wmZ_wM دا فيديو للمتلون عمر اديب :protest: لا لوزارة الإعلام (شفيق = حسنى رقم 3 ) مازال مستمر فى غباوته واختيار بعض الرموز اللى الناس قرفانه منها امتى حيفهم بقى ؟؟

لا حول ولا قوة الا بالله عمال يفكر في وزارة الاعلام اللي مالهاش أي لازمة دي و سايب وزارة التعليم من غير وزير..أنا كنت سمعت انهم مرشحين محافظ القاهرة ليها..بس متهيألي ان الي الآن لسه مافيش وزير تعليم ولا هو اعلامهم الموجه..أهم من التعليم؟؟ فعلا زي ما الأستاذ أحمد قال..مافيش غير انه يروح يونس سونسون في شرم الشيخ..و بالمرة يطمئن علي سوزي و ياخدلها كيسين نبوت الغفير اللي بتموت فيه

السلام عليكم المقال بتاريخ 26-6-2010

أنا سامع أن الشرطة عاملين مظاهرات حد يقولهم لو مبطلوش فوضى الشعب هينزل يطوقهم وينزل فيهم ضرب بالهروات والعصي المكهربة أحنا ناقصين فوضة ، البلد مستقرة وأدينا شايفين العالم مولع أهو

الأخت المذيعة هى اللى قالت البيان.. اظن ان الجيش بهذه الطريقة يطمئن الشعب ....بمعنى ؟؟؟ تمهيد ...أنا آهو بعترف ان حاتكون لكم حكومة مدنية .. وآهى المذيعة بتقول البيان ..ومش حد عسكرى يعنى .. بس. بس يعنى مش اكتر ولا اقل.. اظن انهم بيتصرفوا بكل العقل ....يجب ان نثق فى حسن تصرف الجيش ف الوقت الحالى ... قرأت ..ان محللين اجانب قالوا . من المتوقع ان يستقيل ( سامى عنان ) من الجيش...ويرشح نفسه للانتخابات الرئاسية المدنية القادمة . ووقتها..!!! ممكن تفتحوا موضوع جديد...واكييييد حايكون موضوع دسم و...جميل جدااا..وحانتثقف بقى من كم المعلومات اللى حاتتوارد .. ان شاء الله ربنا معانا وشعبنا الطيب حايكون عنده حرية الاختيار وحايختار صح. محدش حايجبرنا على حاجة .. تحيا مصر وشعب مصر.

كل يوم انتصار جديد والحمد لله راح مجلش الشعب بنوابه راح مجلش الشورى بنوابه ربما لغير رجعه مع إني أخشى من رجوعهم تاني بسلطان المال والبلطجية بعد أن ذهب عنهم سلطان الإعلام الفاسد ولازم من النهارده كلنا يد واحد نوعي الناس إن يكون اختيارهم على أساس الأفضل وليس على أساس المصلحة ولكن الاختيار للأصلح نعم الأصلح وتفضيل المصلحة العامة للوطن التي بالضرورة تعود على الفرد في النهاية

اتكلمت قبل سقوط مبارك ان تنحى مبارك ليس غايه ولكنه اخد اهداف الثوره ولكن الهدف الاهم للثوره هو اسقاط النظام كاملاً متكامل على الجيش ان يعى ذلك جيداً ليه الجيش لم يسلم البلد الى رئيس المحكمه الدستوريه العليا وفقا للدستور السابق ورئيس المحكمه الدستوريه العليا هو من يتولى البلد لحين تعديل الدستور والانتقال السلمى للسطه ؟ ويبقى الجيش للحفاظ على النظام والامن اللى هى اساسا مهمته ومن بعد الاستقرار يعود الجيش الى ثكناته لازم قرارت الجيش تبقى سريعه لانه بيتعامل مع مدنين وليس عسكريين ومن اجل مصلحة البلد لان اى صدام بعد ذلك هتبقى كارثه ومعنها احراق المركب على اللى فيه وقد وصل حالة اليأس لدى الناس بسبب سياسة الرئيس المخلوع السابق انهم لا يوجد لديهم ما يبكون عليه ارجو من القوات المسلحه ان تسرع فى اتخاذ الاجراءات اللازمه لاثبات حسن النيه تحياتى عنبو

السلام عليكم ورحمة الله.... الرسالة الأولى : إلى الجيش المصرى العظيم يا أحفاد أحمد عرابى ويا أبناء سعد زغلول ، لا يليق بكم هذا الموقف السلبى الذى يبررونه بأنه موقف الحياد بين شعبكم وبين المتجبر الذى سرق مليارات مصر هو وعائلته وعصابته ، وبعد أن إتضحت الصورة كاملة من أن أبناء إخوانكم من شهداء القوات المسلحة يتضورون جوعاً وهو ينزح ثروات بلدكم ومُقدارتها إلى خارج مصر ، ويسوم الشعب سوء العذاب ، ويعامله بمنتهى الغطرسة والإستهانة والإحتقار والسيكوباتية . وبعد كل هذا يتشدق رجال حاشيته المتورطين معه فى الفساد عن موقف حيادى أو سلبى ؟!! إن موقف الحياد الأن ليس مجرد موقف سلبى فقط ، وإنما هو موقف الخيانة والهزيمة والغدر بشعبكم من إخوانكم وأبناءكم وأباءكم وأحفادكم الذين لا يجدون رغيف الخبز بعد أن نهب التشكيل العصابى الوطنى الحاكم كل شىء فى مصر ولم يتركوا لشعبها إلا المهانة والجوع ، فمتى تنضمون إلى هذا الشعب الذى تم قهره لمدة ثلاثين عاماً لكى تنصروه على الظالم الذى سرق مئات المليارات ، وباع البلد لإسرائيل والأمريكان ، إلى الحد الذى يظهر فيه الصهاينة وهم يتباكون ويضغطون على أمريكا لكى تقف إلى جواره . من أجل ذلك أدعوكم للتحرك قبل فوات الآوان لتنصروا شعبكم وتساندوه لكى يقتص من مظالمه عبر ثلاثين عاماً ، شعبكم الذى سيناصركم ويضعكم فى مكانتكم التى تليق بكم كأبطال ، ولن يسمح لأحد من القيادات العليا أن يمسكم بسوء ، إن ولائكم الحقيقى ليس لقيادتكم ،بل ينبغى أن يكون للشعب مصدر السلطات . إن الشعب المصرى يتطلع إليكم اليوم ياجنود مصر البواسل وياخير أجناد الأرض أن تنقذوه من الظلم والإهانة وإزهاق أرواح الشباب مستقبل مصر بلا أى ذنب اقترفوه ، تنقذوه من النظام الذى جعله وجعلكم عبيداً تورَثون لأبناءه ، وتباعون وتشترون فى الأسواق لأمريكا وإسرائيل ، وخسف بكرامة مصر وحط من قدرها ،والأن يطالبنا بحفظ كرامته ؟!!! عن أى كرامة يتحدثون ؟!! وأين كرامة شباب مصر الذى تم تدميره ولم يجد أمامه إلا هذه الثورة المباركة كطريقة وحيدة للهروب من جبروت النظام وإستبداده ،بعد أن حاول تدميره مرات ومرات..تارة بالمخدرات ، وتارة بإلقائه فى البحر للهجرة غير الشرعية ، وتارة بالبطالة ، وتارة بالجوع ، وتارة بإلهائه بالاغانى والافلام التى تخاطب الغرائز ، وتارة بالانترنت وعندما انقلب السحر على الساحر واصبح الانترنت سلاح موجه لقلب النظام قاموا بمنعه فى مصر ، وتارة بجعلهم وقوداً لفتنة طائفية لكى يلهى الشعب عن الفساد المستشرى فى البلد ، وتارة أخيراً بدهسه فى الشوارع وازهاق روحه الطاهرة وكل ذنبه انه خرج يعبر عن مطالبه المشروعة....وحسبنا الله ونعم الوكيل. حانت لحظة الحساب وجاء دوركم لكى تقوموا بتنفيذ القصاص فى زعيم العصابة التى سرقت شعب مصر ، فلا تستسلموا لقيادتكم ، وتذكروا دائما أنه " لاطاعة لمخلوق فى معصية الخالق " انصروا شعبكم ، وإنصروا أمتكم الجريحة الذليلة .. إِنْ يَنْصُرْكُمُ اللَّهُ فَلا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ يتبع..

السلام عليكم ورحمة الله... إلى شعب مصــــر ألف ألف مبروك...بل سبعين مليار مبارك ؟! ، كل التهنئة وكل التبريكات لشعبنا العظيم. ولنتذكر جيداً أنه لولا صمود شبابنا المناضل ، ولولا أمانة الإعلام الشريف فى النقل مثل قناتى الجزيرة والرأى والحرة والمستقلة والبىبى سى عربية والسى ان ان والعربية ، وكل القنوات الحرة ،فى نقل الأحداث بأمانة وشرف ( بعد فضل الله سبحانه وتعالى ) ، لتمت إبادة جميع المحتجين فى ميدان التحرير إبادة كاملة من جانب السفاح مبارك وعصابته الخونة والمتوحشين ... وعلى ذكر مبارك وملياراته ، أدعو الجميع لإستخلاص الدروس المستفادة - التى لم ولن تنتهى - مما حدث وسوف يحدث من يوميات الثورة ...ولأبدأ بالدرس الأول الذى إستخلصته مما يحدث الأن ... أكذوبة التسامح ....مع من؟!! خرج علينا بعد نجاح الثورة بعض المختبئين فى جحورهم والذين ظلوا مختبئين حتى لحظة تنحى " المخلوع غير المأسوف عليه " ، فإذا بهم يخرجون علينا رافعين لافتة التسامح وعدم الشماتة وغير ذلك من الشعارات الزائفة التى يحاولون بها أن يفلتوا من لحظة الحساب ، وكلمة التسامح يحاولون أن يجعلونها مطاطة ، مستغلين طيبة الشعب المصرى وميله الحقيقى للتسامح إلى الحد الذى أغرى بهم حكامهم على مر العصور لإستغلاله وضربه وقهره وسرقته طبقاً لمقولة " إن بؤس البؤساء ، يجتذب شرانية الأشرار ". - فهل نتسامح مع اللص السفاح حسنى مبارك الذى قتل أبناءنا وسرق قوتنا ، وإغتصب إرادتنا لمدة ثلاثين عاماً بالنهب والسلب ، وبالقمع والتزوير وسرقة المليارات التى لم يظهر منها حتى الأن سوى 70 مليار دولار ، وأكرر هنا هتافات الشباب " يامبارك ياطيار ..جبت منين 70 مليار "..، وهو الذى صدعنا بشد الأحزمة على البطون ،وصدعنا بمقولة " أجيب لكم منين؟!!"..،وكان يعيش كملك متوج فى شرم الشيخ ، ويترك شعبه ينام على الأرصفة ، ويسكن المقابر ، ويبحث عن طعامه فى صفائح القمامة ، وهو يرى ويسمع ويعلم أن شباب الأمة يلقون بأنفسهم فى البحر هرباً من البطالة وضيق ذات اليد ، أو ينتحرون حرقاً وشنقاً فى الميادين العامة أو يقعون فريسة للإدمان نتيجة ليأسهم وإحباطتهم . فهل بعد ذلك يحدثوننا عن التسامح مع هذا الطاغية أو نيرون الذى حرق بلاده وكان لديه إستعداد أن يستمر فى السلطة حتى لو أبيد الشعب المصرى بأكمله . هل هذا هو الرئيس أو الأب الذى يطلبون منا إحترامه وتوقيره والدعاء له؟ أم هو الغباء الذى يسيطر على من يطلبون منا ذلك ، أم أنهم يتلذذون بإيقاع الألم والتعذيب والتنكيل بهم ، أم هم أولئك الذين تورطوا فى الفساد وإعتادوه وأدمنوه ؟!!! أيكفينا فيه حكم الإعدام أم ينبغى أن يعدم 80 مليون مرة إعداماً بطيئاً ؟. - أم نتسامح مع كلب السلطة السفاح المجرم حبيب العادلى وزير الإجرام وترويع المواطنين وقتل أبناءنا وممارسة أبشع أنواع القهر وإشعال الفتنة الطائفية التى كان أخرها تفجير كنيسة القديسين . أنسامحه باعتبارنا شعب متسامح على سرقة 8 مليار دولار وتهريبها للخارج ، أم نسامحه على تزوير صناديق الانتخابات مع زبانيته فى وزارة الداخلية على مدار حكم سيده زعيم العصابة ، أم نسامحه على إهدار كرامة المواطن المصرى ، أم نسامحه على اطلاق الرصاص الحى على صدور شبابنا ، أم ..أم...... - أم نتسامح مع من هم محسوبين علينا على أنهم رموز دينية ممن هاجموا الثوار الأحرار من شبابنا وإعتبروا الثورة على أنها فتنة ، واعلنوا عن انه اذا كان هناك بضعة ملايين معارضة فى التحرير فإن هناك 80 مليون يؤيدون الطاغية مبارك..!!! من الذى أعطاهم تفويضاً بإسم 80 مليون لكى يتحدثوا بإسمهم ؟!! ، وعلى الجانب الأخر ألم تروا يامن يقوم دينكم على الأمر بالمعروف والنهى عن المنكر ، ويامن يأمركم دينكم بقولة حق فى وجه حاكم ظالم ، ويامن يأمركم دينكم بأن الساكت عن الحق شيطان أخرس وبأن تقفوا ضد الظلم والظالمين ، ألم تروا بأعينكم بؤس البؤساء الذين لا يجدون قوت يومهم ويبحثون فى القمامة عما يقتاتون به جوعاً؟... أنا قد رأيت ،وتخيلت نفسى وقد انقلب الحال لأصبح مثلهم..وتخيلت احفادى فى ظل استمرارنظام الرئيس الفاسد المخلوع وهم بلا حول ولا قوة ..وقد أنهكهم البحث عن وظيفة وأعياهم الجوع ليبحثوا بدورهم فى صناديق القمامة مع من سبقوهم. ألم تسمعوا عن المفاسد والمظالم التى سادت المجتمع طوال ثلاثين عاماً ؟.، ألم تسمعوا من قال : " ياعلماء الأمة ... يا مِلح البلد ، من يُصلح الأمة إذا المِلح فسد " أين مصداقيتكم أمام مصداقية الشيخ القرضاوى الذى كان العالم بأجمعه يستمع إليه وهو يقول بكل صدق ، وبكل حماسة وإيمان صادق : " إستقل يافرعون مصر ، إتقى الله فى شعبك" والأن، ماهو موقفكم بعد سقوط الحاكم الفاسد واعلاء كلمة الشباب الثائر وإنتصار الثورة ؟ ماذا تقولون لأنفسكم ولأمتكم ...بل ماذا تقولون لربكم يوم الحساب . أقول هذا للتذكرة ، ولتستفيدوا من أخطائكم لإصلاح ماهو آت.. ولشباب مصر المناضل اقول: الثورة ينبغى أن تظل مشتعلة حتى نضمن تحقق المطالب ، وحتى تعود الأموال المنهوبة إلى أصحابها من أبناء البلد ، وحتى نتخلص من رموز الفساد والوشوش الكالحة التى طالما عانينا من طلعتها الغير بهية... ولجيش مصر العظيم أقول: أسرع الخُطى لإنقاذ البلد قبل أن تدب فيها الفتن من جديد..وبالخطوة السريعة ايضاً خلص الأمة من رموز الفساد الذين مازلوا فى مناصبهم...والله يوفق خطاكم وللدروس المستفادة بقية...

يعني ايه المشكلة ان الجيش يوكد عي قبوله مبدئيا علي مطالب بيان الثورة المحتوية علي 11 بند و يؤكد علي اعداده جدول زمني. النهارده كان في خبر في اليوم السابع بخصوص دخول مبارك في غيبوبة كامله و للغرابة تعليقات كثيرة تبكيه و تدعي ان الشعب ظلمه عدد التعليقات الكبير فكرني بخلايا الالكترونية بتاعه الحزب الوطني اللي اكلم عليهم وائل غنيم. من شويه علي شبكة رصد كان في خبر عاي انطلاق مظاهرة تطاب من المعتصمين بفض اعتصمهم. علي موقع الشروق في موضوع اخباري عن سيناريوهات انتقال الحكم : الاول منها تاسيس دستور جديد و الثاني استمرار الدستور الحالي مع فقط التخلي عن سرور و الشريف لادارة مجلسي الشعب و الشوري. يعني معني كده تعديل المواد السته زي ما قال مبارك و دراسه الطعون و يفضل المجلسين تحت ادارة شبكة الفساد تصوري ان شبكة الفساد في النظام تعيد ترتيب اوراقها و اهوه مبارك اتنحي و اللي كنت عايزينه حصل و كل واحد يروح بيته و سبونا نرتب امورنا بالشكل اللي احنا شيفيناه و اللي مش عاجبه يبقي ضد الاستقرار و مع الفوضي. اللي انا شايفه قرائن ضعيفه و محدوده و ممكن مش واضحه اوي للعيان بس انا باحساسي ان في شي مش كويس بيترتب له لمنه تحول مصر لنموذج تركي اخر يا جماعة دعونا نكون متيقظين لو ثبت سوء هذه التوقعات ما فيش مشكلة بس لو ثبتت صحتها لازم كلنا ناخد رد فعل قوي.

حقاً وان عدتم عدنا وبمنتهى القوه الجيش يعلم تماما مدى قوة الشعب ويعلم تماما ان من يتحكم فى الامور هو الشعب وليس هو تحياتى عنبو

من استطاع ان يقطع رأس الافعى بسيفه لا يخشى اذنابها ,, وان بقيت قطعت ,,

من سيكون اردوغان او مهاتير محمد المصري القادم ,, مين ؟ احمد زويل ؟ عمرو خالد ؟ وائل غنيم ؟ مين اللي ليه الكاريزما الكاسحه والعزيمة الصلبة من فولاذ لا يلين ؟؟ مين يا مصريين ؟؟

متفق تماما مع الكلام ده الشخص السلبى هو نفسه مشارك فى الجرم بسبب سكوته عن الحق وعدم محاربته

الشيخ العلامه له منا كل الاحترام اولتقدير ,, لكن من رأي ان الترشيح لمشيخة الازهر يكون من خلال علماء الازهر الكرام وليس من الدوله او من رئيس الدوله او حتى من ا لشعب ,, اهل مكة ادرى بشعابها وده كان حال الازهر الشريف عبر مئات السنين لك كل الحب والاحترام والتقدير والله محمد بك ,,

كتبت قبل كده ان كل يوم جمعه المصريين يتقابلوا بالملايين في ميدان التحرير يصلوا الجمعه سوا وبعد الصلاه يكون فيه كرنفال احتفالي فني موسيقي حيكون فوايده كتيره جدا منها توصيل رساله لاي حاكم انك مجرد موظف عندنا احنا الاصل واحنا القوه الساحقه ,, وتاني فايده التماهي الجميل اللي حيحصل بين كل المصريين ده حتى لو حصل مثلا لاقدر الله سيول او موقف خارجي او اي طارئ يهم المصريين حيكون فرصه لصعود الصفوه من المثقفيين على الستيدج يقولوا رأيهم ده مظهر حضاري والله وسياحي ليس له مثيلبقترح ان ميدان الشهداء يكون حديقه مصممه على اروع مايمكن حتى سياحيا واقتصاديا وثقافيا حيكون له مردوود مادي خرافي على اي راعي رسمي او مجموعة رعاه يتولوا الانفاق على المشروع والاعتناء بيه ,, ايه رايكم ؟؟

http://www.economist.com/node/18141947

القوات المسلحة تزيل الاشغالات دي و تلزم المخالفين بإعادتها ارض زراعية مرة أخرى لازم الدولة توري انها قوية مش هنسيب مصر تضيع تاني

نكته عن مرحلة ما قبل الثورة من مصر القديمة يعني امين شرطة عندة ولدين توأم وكان عندهم إمتحان وجابو درجات زي الزفت وراحوا يوروا باباهم الشهادة أول واحد إداله الشهادة راح مسكة عجنة من الضرب والتاني راح قاله إنت درجاتك وحشة شد حيلك الشهر الجاي راح الولا الأولاني قال لأخوة إنت... عملت إية لأبوك عشان ميضربكش ؟قاله مفيش وانا بورية الشهادة طبقتله فيها خمسه جنية

تحياتى .. بحلم بالاتى : مشفش مصرى "بيتف" بيبثق على الأرض. مشفش مصرى بيرمى زباله على الأرض. مشفش مصرى بيرمى زبالة من البلكونات. مشفش مصرى بيسرق دور أخوه فى طابور العيش أو أى طابور. مشفش موظف مصرى بيزوغ من الشغل أو بيروح الشغل متأخر. مشفش موظف مصرى متكاسل فى عمله. مشفش مصرى بيدخن فى المواصلات العامة. مشفش مصرى مش رابط حزام الامان فى السيارة. مشفش مصرى ماشى بعربيته وهى مطلعه دخان مالى الدنيا تلوث. مشفش مصرى ماشى بعربيته وهى غير صالحة للسير (لا اشارات ولا انوار ولا نمر ولا ..... ) . مشفش مصرى بيكسر اشارة المرور. مشفش مصرى بيمشى عكس اتجاه. مشفش مصرى سايق عربية وبيضرب كلاكسات عمال على بطال. مشفش مدرس مصرى بيدى دروس خصوصية. مشفش طالب مصرى بيزوغ من المدرسة وينط من على السور. مشفش طالب مصرى بيغش فى الامتحانات. مشفش طالب مصري بينقل الواجب بتاعه وياخد مجهود زميلة. مشفش شاب مصرى بيدعى المرض عشان يهرب من التجنيد. مشفش شاب مصرى بيجيب واسطة عشان يهرب من التجنيد. مشفش شاب مصرى صاحب مؤهل عالى بيجيب واسطة عشان يتجند عسكرى مش ضابط أحتياط. مشفش شاب مصرى بيتهرب من اداء الخدمة العامة "لمن ليس لهم تجنيد". مشفش مصرى بيزور. مشفش مصرى عامل دى جى فى الشارع عشان طهور ولا سبوع ولا عيد ميلاد ولا حتى فرح. مشفش مصرى عامل سرادق عزاء فى الشارع وقافلة. مشفش مصرى بيسحب كهرباء من قبل العداد. مشفش بتاع انابيب الغاز ماشى فى الشارع الفجر وقاعد يخبط ويرزع على الأنابيب. مشفش بياع خضار ماشى فى الشارع ومعاه مكبر صوت. مشفش باعه متجولين قافلين الشارع ومعطلين حركة المرور. مشفش بياع بيغش فى الميزان. مشفش شباب مصرى واقف على النواصى يعاكس فى اللى رايحه واللى جاية. مشفش اعلانات مكتوبة بالبوية على المبانى العامة والمنشآت الحكومية. مشفش جندى مصرى نايم اثناء الخدمة. مشفش محل بقاله بيرش ميه ادام المحل لما يفتح. مشفش جار معلى صوت الكاسيت ولا التليفزيون على الاخر دون مراعاه للاخرين. مشفش مطعم بيعمل سندوتشات بالعيش المدعم اوبيستخدم انابيب الغاز المدعمة "الانبوبة المقاس الصغير". مشفش مصرى بياخد حاجه مش حقة. ..... ...... .....

عندنا الأرض و عندنا ثروات طبيعية و مصادر للدخل و عندنا بشر و عندنا رأس المال ايه ناقصنا عشان نبقى من الدول الكبرى؟؟؟!!! التنمية البشرية هي مشروعي و مش حقول حلمي توعية الناس بأهدافهم و طموحاتهم هو هدفي الكبير و المستمر طول ما أنا على قيد الحياة نفسهم في ايه؟ محتاجين ايه؟ يقدروا يعملوا ايه؟ و ايه اللي ممكن يحصلوا فعلا عليه؟ نفسي كل واحد و واحدة فيكي يا مصر يبقى عارف هو فين و عايز ايه كل الناس على اختلاف ثقافاتهم و مستوياتهم التعليمية لازم تعلى اوي قيمة الانسان في مجتمعنا بعد سنوات طويلة من التجاهل لأدنى الحقوق الآدمية الاستثمار في البشر هو انجح أنواع الاستثمار و أقواها سواء على المدى القريب أو البعيد لازم ننمي صناعة القرار عند الناس مش كفاية نقدم لهم كل الخدمات الممكنة لازم يكونوا قادرين على اختيار ما يناسبهم و يناسب أهدافهم الانسان الواعي بقيمته و قدراته هو من سيصنع قراراته و هو من سيثقف نفسه و ينمي مهاراته هو من سيستفيد من الخدمات المتاحة ليفيد بدوره مجتمعه و وطنه أخيرا وجدنا الحلقة المفقودة في عملية التنمية البشرية... الكرامة الإنسانية

يا سلام و هو اللي بينفذ الامر دا مش خايف من عقاب ربنا اكتر من عقاب اللي ادولوه الاوامر بقتل النفس التي حرم الله الا بالحق؟ معلش انا باعتبر ان دا محاولة لالقاء التهم بقى و كل واحد عاوز يهرب من المسؤولية يعني رئيسك يقولك اقتل و انت تقتل و تقول ما هما اللي قالولي دا استهبال بصراحة كل واحد قتل الناس دي لازم ياخد جزاءه سواء اللي ادي الامر او اللي نفذه لكن نظام انا كنت عبد المأمور معلش عند امه يا ادهم

زمان لما بابا كان بيصر يشتريلنا شهادات من البنك "الاهلي المصري"...كنت اقف عند الاسم و اقول...يعني ده بتاع اهلي انا و لا اهل مين بالظبط مؤيدة راي حضرتك جدا دلوقتي...محتاجين بنك....اسمه بنك "المصريين" محتاجين خطة تنمية.... و عندنا من العقول اللي تقدر تصيغ احسن خطة تنمية لل 3 سنين القادمة باذن الله و احنا هنا كل الافكار...(احنا عاملين بنك افكرا جامد علي فكرة)...لازم صوتنا يوصل...لازم نرسم ملامح الخطة دي في مصر.....و يا ريت نفتح قنوات اتصال اكتر مع الحركة النهضوية دلوقتي في مصر المغتربين قوة ضاغطة مش لازم تستثني لا من الحوار و لا من الافكار و لا من الانتخاب تخيلوا لو تم إنشاء بنك زي بنك مصر لو تم عمل اكتتاب لإنشائه ألن يساهم فيه كل المصريين؟ في داخل مصر و خارجها ؟ افكار جميله عماله تتبلور من مجرد فكره واحده و الله يا جماعه اجمل حاجه هى حبنا الحقيقى لمصر لان هو دا المحرك الرئيسى لكل فكره حلوه حد بيكتبها سواء هنا او فى اى مكان تانى على فكره باتمنى على كل واحد حط فكره جميله هنا منبثقه من فكره وائل انه يحطها كمان فى الموضوع الى هو عامله على صفحته علشان الفكره توصل عنده و يحطها فى اعتباره و هو بيبلور فكرته اكيد كل اضافه و لو صغيره بتفرق فيها جدا بست.....بست.....مغتربة ما بدل ما احنا عمالين نروح هناك و نكتب علي اللوول و كده....ليه منفكرشي ان وائل غنيم يجي عندنا هنا في المحاورات و ربنا لو غرس هنا خلاص....مش هيطلع تاني المحاورات مكان ثري جدا بالافكار بس ينقصنا ان احنا نوسع دايرة الاتصال بتاعتنا شوية عشان صوتنا يوصل برانا يا تري صفحة المحاورات ع الفيس بوك اخباراها ايه....ما تيجوا نفعلها و نعمل شير لكتير من التوبيكات هنا عليها....و نحدف بقي...و ننتنشر و نتوغل و كده يعني

مش اركتيكت فقط ,, ولكن كل الشباب والاحرار الثوار في مصر والوطن العربي الكبير ,, البدايه تونس ثم مصر ثم الجزائر ان شاء الله ,, ثم كل الوطن العربي الكبير حتى نصل الى الكيان الجبار الذي نحلم كلنا بقيامه الدولة العربية المتحدة ان شاء الله

طيب... يااستاذ محمد ....ارد على الجدع ده ازاى ؟؟؟ لو سمحت قوللى ارد عليه ازاى بجد؟؟؟ طيب انا من حوالى سنتين ومش حقول غير كدة ...شفت له كذا حلقة ورا بعض ...وعلى بختى اللى يعلم بيه ربنا .. شفت كمان حلقتين من حلقات ( اخوه) ...مع السيد الرئيس السابق حسنى مبارك ...( ايه النفاق بتاعهم ده؟؟ ) ده الى انا قلته لنفسى ايامها... اما عن برامج عمرو اديب...ربما كنت من القلائل اللى كونت رأى على هذه الشخصية المتلونة بسرعة يعنى .. بيستخدم صريخه وحركات وجهه حتى يظهر وكأنه منفعل ومتأثر بالقضايا ...كأنه حاوى فعلا ... ده واحد عرف نقطة ضعف الناس ...ان كان هو والا زوجته لميس الحديدى (( هى عملت شوية مع ماما سوزان؟؟ وقالت عليها شوية ؟؟ ورد ورياحين وياسمين وياتخين....( لامؤاخذة يعنى )... ولما اتكلمت ( مع ناس واصلة يعنى ) قالولى ...فيه اوامر لكل العاملين ف التلفزيون .. قول اللى انت عايزه....انقد....افضح الفساد ....عريهم كلهم ....لكن؟؟؟ فيه خطوط حمراء اسمها ...ابعد عن الرئيس وحاشيته.... آه والله العظيم... وكلامك وتشنجاتك ياعمرو اديب ..انت واخوك المتسلق... لاتخيل علينا ياذكى افندى...قصدى يامستذكى افندى ..ياناصح. ولا تجعل من نفسك ضحية .. و لعل الوحيد الصادق .فيكم..( ان كان فيكم حد صادق ) .. محمود سعد .................لسبب واحد بسيط .(( محمود سعد انسان فعلا )) كان يساعد الناس من جيبه الخاص .. طيب لما كلكم مظلومين؟؟ امال مين بقى اللى كان ظالم؟؟؟ ولما انتوا اتظلمتوا .....ازاى استمريتوا ؟؟؟ و... لاتأكلوا على كل الموائد... مائدة الشرفاء للشرفاء ولن تتلوث باياديكم الملطخة بدماء الشهداء ...لم يقف منكم رجل واحد ويعترض .. لم تفضحوا ما قاموا به من موبقات...بل باركتم كل شئ .. انت ياعمرو يااديب ..ايضا.............شاركت بالفساد . انت... وكنتم على علم بكل شئ ..كل شئ... ماذا فعلتم فى الحقوق الضائعة ؟؟؟ فقط...صرخت بكام قصة فساد عابرة ؟؟؟علشان تضحك على الناس وتقول عندنا شفافية وبنفضح المخطئ ؟؟؟ ياسيدى الفاضل ....مسكت النملة وتركت الفيل ... لم نعد نصدقكم...ولم نكن نصدقكم...ولم يتغير شئ ...لازالت علاقتنا وثقتنا بكم معدومة .. حتى لو ظهرت فى الف شريط تبكى بدموع التماسيح... كفانا قهرا ..لم نعد نتحمل حتى رؤية وجوهكم بكل الوانها المتنوعة ..

اهداء الى روح الشهداء الطاهرة http://www.youtube.com/watch?v=YK6vjJE98-k

حسبي الله و نعم الوكيل Egypt is changing At least when we leave to Canada, we will be proud of saying we are egyptians it will not be a shame any more We are now stronger more powerful and free Because of the Blood of our egyptian martyrs God Bless and have mercy on them all

السلام عليكم ممكن أسأل حضرتك: هتهاجر فين؟ هل مصر هتتصلح لوحدها؟ هل مفيش حل تاني غير الهجرة؟ ممكن تتفق مع ناس قريبة منك في التفكير و تنفذوا فكرة "المؤدب" اللي اتكلم عليها الشيخ أبو اسماعيل في قناة الناس (تتفقوا مع حد من الشباب المشهود لهم بحسن الخلق و الدين ياخد الاولاد مرتين في الأسبوع أو أكتر يلعبوا في جنينة أو يروحوا المكتبة أو يقعد معاهم حتى في بيت تتفقوا عليه مقابل مرتب) .. و أكيد لو فكرت ممكن تلاقي حلول تانية

- هل هو غباء سياسي أم «جر شكل» أم ألاعيب صبيانية؟ - كيف تضبط ساعتك علي موعد إطلاق صواريخ حماس الدخانية؟ - حماس أخطأت في تفسير «التسامح المصري».. فماذا يدور في عقول قادتها؟ - المناضلون العرب الذين دفعوا عبدالناصر للهاوية مازالوا يلعبون الآن - سر العداء التاريخي للسادات أنه أنقذ مصر وشعبها - إيران لها يد وحزب الله له يد والتسوية ليست في صالحهما إذا كان قادة حماس هم أول من يعلم أن مصر لا تدخل حروبا بالتوريط، فلماذا أطلقوا صواريخهم الدخانية علي إسرائيل من سيناء؟.. هل هو الغباء السياسي، أم جر الشكل، أم التصرفات الطائشة التي تجهل تقدير الموقف ولا تحسب بدقة «الفعل» و«رد الفعل»، أم محاولة يائسة لاستبدال صخب قوافل الإغاثة الفاسدة بطنين الصواريخ الاحتفالية، التي لا تصيب هدفا ولا تلحق خسائر بالعدو؟ لماذا يغامر قادة حماس بمثل هذه الألاعيب الصبيانية وهم أول من يعلم أن إسرائيل لا تجرؤ ولا تفكر في إغضاب مصر أو الدخول معها في مواجهة علي غرار «حرب الشجرة اللبنانية»، فماذا يدور في عقولهم بالضبط وهم يعلمون أنهم يتآمرون ضد الدولة العربية الكبيرة التي تقف إلي جوارهم، وتبذل قصاري جهدها لتحقيق المصالحة بين فصائلهم المتناحرة؟ (1)الصواريخ تخدم حماس وإسرائيل معا أصبحت اللعبة مفهومة ومحفوظة عن ظهر قلب: كلما لاحت في الأفق بوادر التسوية السلمية أو المصالحة بين الفصائل الفلسطينية، انشقت الأرض عن الصواريخ الحمساوية، التي تنسف التهدئة وتضع العراقيل في طريق المباحثات، وتعطي الذرائع والمبررات لإسرائيل للتنصل من التزاماتها والقيام بحروب ومجازر ضد الشعب الفلسطيني. في هذا التوقيت تتواصل الجهود من أجل عقد اجتماع ثلاثي فلسطيني - أمريكي - إسرائيلي، وبعثت جامعة الدول العربية برسالة إلي الرئيس أوباما بشأن الموقف الأمريكي من مبادرة السلام العربية للبدء في المفاوضات المباشرة.. وتمارس مصر ضغوطاً كبيرة علي إسرائيل للموافقة علي بدء المفاوضات، وفق مرجعيات واضحة وإطار زمني محدد، ووقف الاستيطان واتخاذ خطوات جادة لبناء الثقة مع الجانب الفلسطيني في كل من الضفة الغربية وغزة. في مثل هذه الأجواء تنشط صواريخ حماس، وتحقق نتائج كبيرة في نسف كل الجهود وإشعال الموقف والعودة إلي نقطة الصفر.. وتتلاقي مصالح حماس وإسرائيل معا في محطة واحدة هي إفشال المباحثات سواء قبل أو بعد أن تبدأ، ولو راجعنا كل الأحداث الماضية سنجد هذه القاعدة تنطبق بنسبة مائة في المائة. (2) لماذا من الأراضي المصرية؟ لم يكن غريبا أن تنطلق صواريخ حماس صوب إسرائيل في هذا التوقيت، وأصبح كثير من المراقبين يضبطون الساعة علي موعدها، كلما لاحت في الأفق بوادر التسوية.. ولكن لماذا هذه المرة من الأراضي المصرية وليس من غزة؟ أولاً: لأن حماس أخطأت في فهم سلاح التسامح المصري الذي يستهدف رفع المعاناة عن غزة بفتح معبر رفح دون تحديد وقت، وربما تصور قادتها أن ممارسة الضغوط والابتزاز بالصواريخ يمكن أن يؤدي إلي الاعتراف لها بمكتسبات غير شرعية، مثل الإقرار بتواجدها علي المعبر كبديل للسلطة الفلسطينية، بجانب إسرائيل والاتحاد الأوروبي. ثانياً: لأن الإجراءات المصرية تساعد علي التهدئة وتهيئة الأجواء للعملية السلمية، التي هي في غير صالح حماس، فأرادت أن تنسف الجهود أولاً بأول بإطلاق الصواريخ من الأراضي المصرية. ثالثاً: لأن حماس لو تجرأت وأطلقت الصواريخ من غزة فسوف تعطي الذريعة لإسرائيل لاستكمال عملية مطاردتها واغتيال كوادرها، ولن يتحمل الشعب الفلسطيني حرباً أخري علي غرار ما حدث منذ عامين. رابعاً: لأن حماس ترسم حساباتها علي أن يكون رد الفعل المصري غاضباً وعنيفاً، فتضرب عصفورين بحجر: الأول هو إبعاد الوسيط الرئيسي الذي يمسك بيديه معظم الأوراق، والثاني الحصول علي الثمن من الدول الإقليمية التي ليس من مصلحتها تحقيق التسوية وفي صدارتها إيران. (3) حسابات خاطئة ونتائج عكسية حسابات قادة حماس دائما خاطئة، ولو استمروا في نفس المنهج فلن تتحقق المصالحة الفلسطينية قبل نصف قرن، ولن يتم إعلان قيام الدولة الفلسطينية قبل ستين عاما أخري.. إلا إذا كانت حماس تستهدف ذلك وتسعي إليه. فإذا كانت تضغط علي مصر بالصواريخ، فهذا خطأ في تقدير الموقف، لأن الجميع أصبح مقتنعا الآن بسلامة الموقف المصري، وحقها في تأمين حدودها، حتي لا تكون بابا لتصدير الفتن والمؤامرات والأسلحة والصواريخ وغيرها من أساليب العصابات التي لا تراعي علاقات حسن الجوار، ولا تعترف بفضل الدولة الجار التي تبذل قصاري جهدها لمساعدة الشعب الفلسطيني. هذا معناه أن مصر يجب أن تمضي في إجراءات تأمين حدودها وأن يتم ذلك بأقصي سرعة، لأن الأمن القومي المصري ليس لعبة في أيدي المتآمرين، وكفي عبثاً وشعارات تضحي بمصالح الوطن من أجل مصالح شخصية وأهداف مشبوهة. وإذا كانت حماس تتوهم أنها تستفز إسرائيل تجاه مصر، فهي مخطئة - أيضاً - لأن إسرائيل تعلم جيداً أن مصر تحافظ علي تعهداتها والتزامها بالسلام، ولن تقع أبداً في شرك مثل تلك المؤامرات الصغيرة، كما أن إسرائيل من جانبها تعلم جيداً أن مصر دولة كبيرة وجيشها قوي وله ذراع طويلة، ولا تفكر أبداً بمثل هذه الأساليب. (4) «كان غيرهم أشطر»! «كان غيرهم أشطر».. فقد تعرضت مصر في فترة حكم الرئيس مبارك لعشرات من محاولات التوريط والاستفزاز والابتزاز لجرها إلي حروب وصراعات ونزاعات إقليمية، ولكنها تستوعب دروس الماضي جيداً، ولا تدخل حروباً إلا دفاعاً عن ترابها الوطني، والحمد لله فكل الأراضي المصرية تحت السيادة المصرية. «كان بوش أشطر».. وقد استخدم كل الوسائل المشروعة وغير المشروعة للضغط علي مصر، لتحارب بجانبه أو نيابة عنه في العراق، ولكن مصر وقفت له بالمرصاد، وأفسدت مناورته الذكية بأن يستبدل قواته بقوات سلام عربية لحفظ الأمن داخل المدن العراقية بدلاً من جنوده الذين ينسحبون إلي خارج المدن.. وظل يضغط علي مصر بملفات حقوق الإنسان والمعونات وغيرها، حتي يأس ورحل غير مأسوف عليه، وبقيت مصر. «كان المناضلون بالشعارات أشطر»، وهم لوبي ينتشر في الداخل والخارج ويكيل الاتهامات للمواقف المصرية، حتي يجرجر البلاد إلي سيناريو أشبه بما حدث أيام الزعيم عبدالناصر، فدخلت البلاد في حرب 67 التي لم تكن مستعدة لها، بفضل «نائحي العروبة» الذين سلموا الراية لطوابير أخري من السائرين علي نفس الدرب. (5)معايير الستينيات لا تصلح الآن معايير الستينيات لا تصلح للحكم الآن، ورغم ذلك فلم تسع مصر إلي حرب 67 لكنها زجت في نيرانها بسبب مثل تلك الألاعيب الصغيرة التي تمارسها حماس الآن.. ولم يكن الرئيس عبدالناصر يفكر في الحرب ضد إسرائيل، وكان هدفه بالدرجة الأولي هو بناء الدولة القوية التي تستطيع أن تحقق الرفاهية لشعبها، لكنهم تآمروا ضده من كل اتجاه: - تآمر ضده المناضلون العرب، وحرك حزب البعث الثوري المظاهرات في شوارع دمشق تتهم عبدالناصر بالانهزامية وأنه لا يصلح زعيماً للأمة العربية في أعقاب العدوان الإسرائيلي علي دمشق في ذلك الوقت، وخطوة خطوة تم الزج بمصر في مواجهة عسكرية ظالمة مع إسرائيل، وبعدها وقف الأشقاء العرب يسخرون من الهزيمة ويعايرون المصريين بفقرهم الذي نتج عن الحروب. - تآمرت ضده إسرائيل، التي كانت تري قوة مصر السياسية والاقتصادية والعسكرية مسماراً في نعش الدولة العبرية، ورسمت استراتيجيتها علي أساس أنه لا بقاء لإسرائيل ما بقي عبدالناصر. - تآمرت ضده الدول الكبري وفي صدارتها الولايات المتحدة والدول الاستعمارية، بعد أن تحولت المستعمرات إلي سجادة من نار تحت أقدام المستعمرين بسبب الدعم المصري لحركات التحرر في العالم. في نهاية المطاف خسرت مصر ولم يخسر هؤلاء شيئاً، بل إنهم حققوا مكاسب وانتصارات.. والمؤمن لا يُلدغ من جحر مرتين. (6)السادات سبق عصره لأنه فهم الخريطة السياسية جيداً، وقرأ التوازنات المحلية والإقليمية والدولية، وقرر أن ينجو ببلده وشعبه وأن يحرر أرضه ويستعيد الكرامة الوطنية، ونجح في تحقيق ما أراد، ولو سار وراء المناضلين العرب، لكان مصير سيناء الآن مثل الجولان والضفة والقطاع. هذا هو سر العداء التاريخي للسادات، لأنه أنقذ مصر من مؤامرات التوريط، وفكر في مصلحة بلده وشعبه وأنقذ أبناء هذا الوطن من حروب لا ناقة لهم فيها ولا جمل، وفعل نفس ما تفعله الدول العربية التي وضعت يدها في ماء بارد، لأن أراضيها ليست محتلة، ولا تعاني مرارة الهزيمة والانكسار. حاولوا أن يسيروا علي درب السادات، لكن بعد فوات الأوان، واخترع ياسر عرفات حكاية «سلام الشجعان» بعد أن انكشف ظهر الشجعان، ولم يعد في استطاعتهم اللحاق بقطار السلام الذي قاده السادات، ولم ينجحوا في تحقيق واحد علي عشرة مما كان معروضاً عليهم أيام السادات. المناضلون العرب لن يغفروا للسادات أبدا خطيئة أن تركهم في دروبهم النضالية وحدهم، يعانون الفراغ الكبير الذي نتج عن خروج مصر من كهف النضال الوهمي الذي أدي إلي هزيمتها واحتلال أراضيها.. لن يغفروا له أبداً أنه تركهم في منتصف الطريق يلعقون جراحهم، لأنه لم يقبل أن يرهن مستقبل وطنه وشعبه علي شعارات النضال الكاذب. (7) حماس تحرق الأرض تحت أقدامها هل العدو بالنسبة لحماس هو إسرائيل أم مصر؟.. وهل ذنب مصر أنها وضعت القضية في صدارة اهتماماتها، وتبذل جهوداً كبيرة لتحريك المسارات المعطلة، وإنقاذ الشعب الفلسطيني من الوصول إلي حالة اليأس التي يمكن أن تؤدي إلي انفجار الأعمال الإرهابية بالمنطقة؟ ما هو البديل الذي تقدمه حماس لشعبها غير الأعمال الانتحارية التي لا تحرر وطناً ولا ترفع المعاناة عن شعب، وسبق لها استخدام الصواريخ الدخانية آلاف المرات، فلم تجلب لها أي انتصار، ولكنها كبدت شعبها مئات القتلي والجرحي، وأعطت الذريعة لإسرائيل لدك غزة وهدمها عدة مرات، وكأن النصر المبين لحماس هو الخراب والدمار والشهداء؟ هل تتصور حماس أن إطلاق الصواريخ من مصر سوف ينقذها من انتقام إسرائيل التي لا تتورع في أن ترتكب أبشع الجرائم ضد الشعب الفلسطيني، وهي تعلم جيداً أن العرب عاجزون عن الرد عليها، وأن الرأي العام العالمي إما متعاطف معها أو صامت ويتفرج، بسبب حماقات حماس وأعمالها التآمرية؟ (8) أصابع إيران وحزب الله إيران لها يد وحزب الله الذي سبق له إدخال عناصر إرهابية للقيام بعمليات في مصر له يد.. وهذه الاتهامات ليست تجنياً.. ولكن سوابق حماس وسيناريوهات الأحداث في المنطقة تؤكد ذلك.. ولولا إيران وحزب الله لكان من الممكن أن تدخل حماس حظيرة التسوية بعد إتمام المصالحة الفلسطينية، والوقوف صفاً واحداً في مواجهة العدو الحقيقي وهو إسرائيل. التسوية ليست في صالح إيران التي تستغل القضية الفلسطينية لتحقيق مكاسب في الملف النووي، وليست في صالح حزب الله الذي يضيق حول رقبته الخناق سواء في قضية اغتيال الحريري ووجود دلائل قوية بضلوعه فيها، أو علي صعيد تنفيذ قرارات مجلس الأمن بتسليم أسلحة حزب الله. لابد أن تظل المنطقة مشغولة في الملفات المشتعلة والحروب المستمرة، ولابد أن تموت القضية الفلسطينية ويشقي الشعب الفلسطيني، لتستمر إيران في أطماعها وليظل حزب الله دولة داخل الدولة، وهذا أمر لا يعنينا ولا شأن لمصر به.. ولكن المهم أمنها واستقرارها وسلامة حدودها وصيانة ترابها الوطني. -- حماس ليست بهذه الدرجة من السذاجة لتتصور أن صواريخها الدخانية يمكن أن تفجر حرباً أو مواجهة بين مصر وإسرائيل، وهي تعلم جيداً أن الجيوش الكبيرة لا تحارب بالألاعيب الصغيرة، فقد مضي عصر حرب البسوس التي استمرت أربعين عاما بسبب ناقة. وحماس تعلم أن مصر قادرة علي أن تقطع رجلها وذراعها وأن ترد لها الصاع صاعين.. ولكنها تتسلح بالصبر والتسامح لإيمانها بأن المؤامرات إلي زوال والبقاء للشعب الفلسطيني الحر.

ايوه يا ام زيد جبتها شكرا شوفتوا طلعت بيقول على مبارك ان جمال ابنه ووالدته ضيعوا تاريخه كلنا زعلنا على الطريقه الى خرج بيها لانه مكنش يستاهل الاهانه دى بغض النظر عن غلطاته