لوحة القادة

كعهدي بك يا ضحا لم تتغيري حتى بعد ثورة يناير كنا نتحدث قبل الثورة وكان كلامك أن التغيير يجب أن يبدأ بالشعب وليس بالنظام لأن النظام نتيجة للشعب والآن تقولين أيضا أن طريقة الشرطة في التعامل نتيجة قبل أن تكون سبب فيجب أن نغير الناس أولا قبل أن ندعو لتغيير طريقة الشرطة. شوفي يا ضحا كل حاجة في الدنيا دي ليها قانون. وغياب القانون أو محاولة القفز فوق القانون لا تؤدي مطلقا إلى الصلاح بل إنها لابد أن تؤدي إلى نتائج كارثية. لو فرضنا أن للشرطة كتابا أو مرجعا علميا.. فهل من الممكن أن نجد في هذا المرجع أن من وسائل معرفة الجاني هو ضرب المتهم وتعليقه واحتجاز أهله ونسائه وتهديده بهم بل وربما وصل الأمر إلى التحرش بهن أو الاعتداء عليهن من أجل إجباره على الاعتراف ؟ هل يمكن أن نجد هذا في مراجع الشرطة ؟ لا يمكن أن نجد هذا في المراجع العلمية للشرطة ... وذلك ببساطة لأنها طرق غير قانونية وما كان غير قانوني فهو باطل وما بني على باطل فهو باطل تقولين يا أخت ضحا ولماذا طرقعة الكرباج يا أخت ضحا ؟ هل يوجد نص في القانون أنه إذا قام المواطن بعصيان القانون فإنه يجب إجباره على تنفيذه بطرقعة الكرباج ؟ هل يوجد نص قانوني بهذا ؟ لا بكل تأكيد ... وإنما في كل قانون في كل دولة في العالم يوجد نصوص عقابية لكل التجاوزات والمخالفات .. وهذه النصوص قانونية وليس منها بكل تأكيد انتهاك آدمية المواطن أو إنسانيته أو استباحة كرامته. سوف أحكي لكم عن موقف شاهدته بعيني عام 2001 في مطلع الكوبري الدائري عند تقاطعه مع طريق اسكندرية الزراعي ... وقفت سيارة ميكروباص تحمل ركاب في بداية المطلع .. وهذا غير قانوني بكل تأكيد لأنه يؤدي إلى ضيق مساحة المطلع... وقفت سيارة شرطة ونزل منها تقريبا مقدم مرور... وشاهد السيارة تقف في هذا الوضع الغير قانوني .. وطبعا السائق اصابه الهلع عندما رأى المقدم يتجه نحو السيارة فنزل منها ليتحدث معه.. فما كان من المقدم إلا أن هوى بيده على وجهه ( ضربه بالقلم يعني ) أمام الناس كلها مع أن السائق كان أكبر بكثير من المقدم سنا. فهل ترين هذه طريقة قانونية لمعاقبة رجل أخطأ.. اعتقد أنه في نصوص القانون توجد عقوبات لكل خطأ .. وليس من ضمن هذه العقوبات أبدا هو الاعتداء البدني أو النفسي على المخطيء. عندما نعطي الشرطة الحق في انتهاك آدمية المواطنين تحت ستار حفظ الأمن وأن هناك من الناس من لا يعاملون إلا هكذا.. فلا يجب أن نلوم النظام عندما يكون ديكتاتوريا لأنه أيضا يقول أن الناس لا تفهم الديمقراطية ولا يعلمون عنها شيئا فيجب أن يظل حاكمهم ديكتاتورا. أما بخصوص الموضوع الأصلي وهو حكومة الفريق / أحمد شفيق فهو من الوجوه السابقة للنظام ... ولذا فإنه سيكون غير مقبول لدى الناس .. كما أن أعضاء كثيرين في حكومته من وجوه النظام السابق.. ولذا فهم أيضا غير مقبولين. وفي هذه الفترة الحرجة نحن في أمس الحاجة لاستعادة ثقة الناس بالحكومة.. حتى تبدأ الناس في الانتظام في عجلة العمل مرة أخرى. وهذا لا يتأتى إلا عن طريق تعيين حكومة من وجوه معروفة بنزاهتها للجميع يمكن للشعب أن يثق بها .. ويثق أنها ستضع مطالبه على رأس أولوياتها. نحن في أمس الحاجة إلى وجوه يمكن الوثوق فيها. وليس إلى وجوه سئمنا من وجودها وارتبطت في إذهاننا بالنظام السابق.

السلام عليكم ورحمة الله وبركاته اخواني واخواتي الافاضل ... كل حرية وانتم بخير ... و تكللت ايامكم ولياليكم بالافراح .. للتاريخ شهادات تروى واحداث توثق ... واجمل تلك الاحداث .. التي نعيشها وعشناها وصممنا تفاصيلها بانفسنا صفحات الايام الماصية .. لن تختفي .. ستكون ايام حية .. يشهد عليها التاريخ .. ويسجل انها كانت قصة شعب كريم اراد الحياة فاستجاب القدر وفي خضم كل المفارقات والاحداث والتي تنهال في كل لحظة وفي كل حين ... تبقى بعض الاحداث والافلام والصور مختلفة .. تبقى اهم الفيديوهات .. بما تحويه .. وما تدل عليه وهذه محاولة بسيطة مني لضم بعض تلك الاحداث .. و الثورة اكبر من ان تحصرها افلام او فيديوهات او حتى قنوات .. لكن نحاول .. ان نقدمها .. بنكهة محاورات المصريين لاجل هذا كله .. ما تيجوا نشووووف ؟؟ http://www.youtube.com/watch?v=WIVxtpi5was و في كل نصر .. عاشت مصر

دي مشكلة الذي لا يرى الشمس الساطعة في السماء .. وليس مشكلة الشمس الساطعة نفسها وهي أيضاً مُشكلة من يحن إلى الضرب بالكرباج ... ونفسه ايام الكرباج ترجع له تاني عشان يستمتع بذلك الثورة نجحت مليون في المية في تحقيق اهدافها حتى الأن ... وبإذن الله سيتم البناء على هذه الأهداف ... لإن لا بناء يتم بدون أرضية صلبة والأرضية الصلبة تمثلت في وجود شباب لم يوجد لهم مثيل في العالم كله وأبهروا الكون كله بما فعلوه من وطنية وتحضُر وشجاعة .... الأرضية الصلبة تمثلت في إزاحة نظام ديكتاتوري راسخ لمدة 30 سنة أستطاع ان يزرع الجُبن في نفوس الضعفاء بالذات ... الأرض الصلبة تمثلت في تكوين جيل لن يقبل بعد ذلك بالذُل ولا بالاهانة ولا بالديكتاتورية الأرض الصلبة هي إعادة إكتشاف الشخصية المصرية التي تمرض ولا تموت ...

من جريدة الدستور مقال متزن جدًا

كنت قد نشرت وثيقة تبين احد الحسابات السرية للرئيس السابق مبارك ببنك باركليز الشهير اليوم ساستكمل معكم بعض من المستندات التى حصلت علي صورها من احد اصدقائى ويعمل فى الولايات المتحدة اترككم مع باقى الوثائق اكيد فيه تحركات لاستعادة هذه الاموال ولكن من يستطيع ان يساعد فليتفضل http://www5.0zz0.com...9/561884993.jpg http://www5.0zz0.com...9/773333547.jpg http://www5.0zz0.com...9/890452948.jpg http://www5.0zz0.com...9/124984186.jpg http://www5.0zz0.com...9/680772558.jpg للاسف باحاول ارفعهم على المنتدى بس مش قادر ياريت حد من المشرفين يرفعهم للسهولة عن نفسى ارسلت الصور الى الكثير من مجموعات البريد لمحاولة نشرها واللى عنده ضغط لا يدخل الى الموضوع او يحاول مشاهدة الصور

السلام عليكم ورحمة الله وبركاته تحيه طيبه وبعد وما هى الا ايام من رحيل الطاغيه الا وبدأ يظهر على الساحه شيوخ الفته مطالبين بان مصر تبقى دوله اسلاميه طيب وهم كانوا فين ليه مطالبوش بان مصر تبقى دوله اسلاميه ايام الطاغيه ليه الكلام ده بدا يظهر دلوقتى وفى التوقيت الحرج ده !!!! ________________________________________________________________________________ على الجانب الاخر ظهر بعض الجماعات المسيحيه المتشدده تطالب بالغاء الماده التانيه من الدستور ؟ وايضاً هسأل نفس السؤال وانتوا كنتوا فين ايام الطاغيه وليه ظهرتم فى التوقيت الحرج ده !!!!!!! ________________________________________________________________________________ وفى نفس الوقت ايضاً ظهر من يشكك فى ان وائل غنيم تدرب على يد امريكا لاسقاط مبارك ؟ طيب يعنى امريكا عاوزه تسفط مبارك ليه ؟ ايه الهدف يعنى هل علشان مثلاً بتحب الشعب المصرى وعاوزه يبقى فيه ديمقراطيه يبقى مرحباً بامريكا هل علشان ان مبارك كان واقف ليهم زى اللقمه فى الزور فى المنطقه وكان حامى المنطقه منهم طبعا الكلام ده لا يستحق التعليق عليه هل علشان مصر تبقى فوضى طيب ومصر مكنتش فوضى ولا احنا كنا عايشين فى مارينا امال الاتوات اللى كنا بندفعها دى كنا بندفعها لمين والبلطجيه اللى كنا بنتجنبهم دول كانوا فين , ولا ولا ...............الخ طبعاً ده كلام هبل فى هبل فاللى قام بالثوره الشعب المصرى اللى اساسا فيه منهم ناس فاكره ان الفيس بوك ده اكله قامت بالثوره من اجل الحريه من اجل الكرامه ___________________________________________________________________________________ دلوقتى لازم كل واحد فينا يضع مصلحته الشخصيه سواء مسلمين مسيحين واين كان الانتماء لدينا وندور على مصلحة مصر وبس مصر فقط لا غير عاوز نرفع شعار دلوقتى اسمه مصر فوق الجميع ____________________________________________________________________________________ طبعاً ممكن يكون اللى بيعمل القرف اللى فوق ده النظام القديم فهو لا يزال فى الحكم احنا بس شلنا مبارك واحد بس لسه فيه مليون مبارك لازم نشيلهم ولازم نضيع عليهم اى فرصه كل واحد مننا دلوقتى يرفع شعار مصر فقط لا غير مصر فوق الجميع وميسمعش لاى كلام يدعو الى الفتنه والتشكيك فى الناس دعونا نعمل من اجل مصر دعونا ندع مصالحنا الشخصيه والزعامه المزعومه ونعمل من اجل مصر هنا نقضى على الفساد والفتنه انا شايف ان اهم مرحله دلوقتى هو توعية الناس وده احنا لينا دور وياريت اللى يعرف حد فى وسائل الاعلام يكلمه ويخليه يتكلم فى الموضوع ده عاوزين نستخدم كل الاسلحه اللى لدينا لمحاربة من يحاول ان يقتل الثوره تحياتى عنبو

ممكن لو معندكش مانع تنشررسالتى دى فى البيدج عندك عشان نفسى صوتى يوصل لمصر كلها بصوا بقى ياجماعةعشان انا دمى اتحرق دى رسالة الى كل شاب(عمره مادخل مظاهرة ولا فكر)او(عايش برة وطول عمره بيشتم فى البلد) وعامل فيها سبع رجالة فى بعض وقاعد طول النهار على الفيس بوك عمال بس يقول فلان خائن وفلان باع القضية وفلان جبان كل واحد بينطبق عليه الحاجات دى يسمع منى الرسالة دى انت دلوقتى عمال تقول على اللى بيهدى الناس ده جبان طب ماشى وانت بقى اسم النبى حارسك اللى شجاع أوى ده انت كنت من عشر ايام بس لو كان حد سألك ايه رأيك فى نظام حسنى مبارك كنت بتقوله يا عم خلينا ماشيين جمب الحيط الحيطان ليها ودان وكل الكلام اللى احنا عارفينه وكنت بتبقى مرعوب لو كتبت اى حاجة على الفيس بوك فيها اساءة للنظام ولولا الشباب اللى قاموا بالثورة كان زمانك لسة اخرس لحد دلوقتى كنت فين يا كوكو لما كانت البلد بتغرق ومليانة فسادوانت كل اللى بتعمله انك بتتفرج عليها وتشتم فيها وكل همك انك تهج وتسيبها وتشوف حياتك فى بلد تانية فى الخليج ولا فى اوروبا ولا عمرك فكرت تحاول تصلحها ولا عمرك فكرت تحارب الفساد وكل اللى يهمك مصلحتك الشخصية فجأة كدة سبحان الله لسانك طلع ومش بس طلع بالخير لا ده انت بتشعلل الناس وبتزود الفتنة فى وقت خطير جدا مينفعش فيه غير التهدئة وده مش كلامى ده كلام الرسول عليه الصلاة والسلام عن عبدالله بن عمرو بن العاص:"بينما نحن حول رسول الله صلى الله عليه وسلم، إذ ذكر .الفتنة فقال : إذا رأيتم الناس قد مرجت عهودهم ، وخفت أماناتهم وكانوا هكذا . وشبك بين أصابعه ، قال : فقمت إليه فقلت : كيف أفعل عند ذلك ! جعلني الله فداك ؟ قال : الزم بيتك ، واملك عليك لسانك ، وخذ بما تعرف ودع ما تنكر ، وعليك بأمر خاصة نفسك ، ودع عنك أمر العام يعنى لما يبقى فيه فتنة لازم كل واحد يلزم بيته ولا يهتم بالامر العام وده دليل قوى جدا ان الفتنة أخطر شىء ممكن يصيب بلد واخماد نار الفتنة أهم شىء فى المرحلة اللى احنا فيها أهم كمان من القضية اللى بنحارب عشانها لأن ببساطة شديدة الفتنة دى لو استمرت البلد هتولع بينا كلنا ومش هتبقى أسقطت النظام ده انت هتبقى أسقطت (دولة) ومش أى دولة دى دولة كبيرة وعظيمة ومطمع لجهات كتيييييرة مستنية لحظة وقوعها وكمان بتحاول انها توقعها فى أسرع وقت ممكن (عفوا أنت لست جدير بانتقاد الناس ومحاولة التأثير عليهم والمساهمة فى تحديد مصير شعب) واستطرادا لكلامى اكتر ناس بقى غايظانى وحارقين دمى الناس اللى قاعدين برة مصر من فترة وسايبين البلد وخلاص أقلموا نفسهم على الحياة برة وكانوا دايما بيشتموا البلد ويقولوا عمرنا ما هنرجع فجأة كدة سبحان الله بقوا همهم على مصلحة الشعب وبقوا كلهم مفكرين ومحللين سياسيين وعمالين يهندسوا على الناس الغلبانة اللى شافت المر فى البلد دى ويقولولهم يعملوا ايه وميعملوش ايه..يا صلاة النبى...بامارة ايه بتحتجوا وبتقولوا على اللى بيدعو للتهدئة انه جبان انتو مين انتو عشان تتدخلوا فى شئون البلد انتوا تعرفوا ايه عن مصر عشان تتكلموا عنها حد فيكو عايش على معاش ضئيل ومش عارف يقبضه ولا عارف يتحرك من بيته فى ظل الظروف اللى احنا فيها دى حد فيكو عامل شغال باليومية وبيته اتخرب فى الايام دى ومبقاش قادر يأكل عياله حد فيكوا له ابن مات فى وسط الاشتباكات اللى حصلت بين المؤيدين والمعارضين بلاش كل ده حد فيكوا هتفرق معاه البلد لو انهارت واقتصادها اتدمر وبقت خرابة او بقت تحت ايد دولة زى امريكا اقصى حاجة هتعملوها هنزعلوا شوية وبعدين تكملوا حياتكم فى البلاد اللى قاعدين فيها عادى ..واللى هيضيع ويروح فى الرجلين الشعب الغلبان اللى كان ضحية لانتشار الفتنة والفوضى واعطاء الفرصة لكل من هب ودب سواء جهات داخلية او خارجية انه يخرب ويدمر البلد ويتحكم فى مصيرنا ونبقى تحت رحمته نتيجة لاشعال الفتنة المستمر اللى انتوا وأمثالكوا بيمارسوه بمنتهى الغباء كل واحد بيشعل الفتنة يفكر كويس ويوزن الامور بعقله وميمشيش ورا كلام أى حد مصر فوق الجميع في بداية الاحداث ومع عودة الانترنت ومع الخطاب العاطفي لسيادة الرئيس السابق طلع علينا فلاسفة ومحللين وادباء وبقدرة قادر اتهام صريح لجموع المغتربين باشعال الفتنة وكان فعلا الناس اللي كانت التحرير معاها الجهاز ابو تفاحة انا قريت الكلام ده ساعة الاحداث وما رضيتش اعلق بس كان جوايا كم غضب يكفي اني انفجر في صاحب المقال بمنتهي الديمقراطية هاسيب تعليقي مؤقت لحد ما اشوف رأي حضراتكم بس مع تنويه بسيط ان كوكو اللي بيقصده ده فيها عقليات بتدير شركات ومؤسسات والنماذج اللي بره كتير

هو مش فيه استفتاء على الدستور لما يبقويغيرو الماده التانيه ابقى صوت بالرفض و سيب الى عايز يوافق يوافق والناس ماصدقت تفك من المشاكل المفتعله ديه ليه التربص ده 1- هذه المادة لن تنزل استفتاء بل ستبقي مكانها ولن يستطيع احد المساس بها 2- لايمنع الاستفتاء ان يدلي كل من له رأي برأية وبالتأكيد لن تستطيعي منع احد بدليل ان نجيب جبرائيل وغيرة تكلم ولم تستطيعي منعة 3- كلامنا وفاء لدماء الشهداء فكيف بمن وصف مبارك بالحاكم العادل واقام القداديس ليمنع الاقباط من المشاركة الان يأتي ليقفز علي دماء الشهداء ويريد تنفيذ مطالبه الطائفية السلام عليكم ورحمة الله وبركاته ا/ كمنج سون المفروض اننا النهاردة في بلد الحرية ........ كل واحد يقول رأيه فحرية الرأي مكفولة للجميع ......... ولما ييجوا يعدلوا مادة او يلغوها حضرتك برده قول رأيك صحيح البابا شنودة طلب من المسحيين عدم النزول للميدان ....... لكنهم شاركوا في الثورة ........ ونزلوا الميدان .......... وبس احب افكر حضرتك ان شيخ الازهر ومفتي الجمهورية طلبوا برده عدم النزول ....... وف الاخر حرموا الثورة في اخر أيامها ( يعني ببساطة انا كمسلمة لما سمعت تصريح شيخ الأزهر في اخر يوم بحرمة الثورة انكرته ) اللي يهمنا دلوقتي ان فيه مصغرات من مبارك ......... فيه مبارك صغير في كل قطاع من قطاعات الدولة واللي بيحصل النهاردة للاسف ......... ممكن يهد الثورة كل واحد رايح يعلن اعتصامه واضرابه علشان تحقيق مطالب فئوية موظفي هيئة النقل ضباط الشرطة عمال بعض المصانع موظفي بعض الشركات موظفي بعض قطاعات الدولة كل يبكي علي ليلاه ياجماعة مش وقته خاااااااااااااالص الكلام دة ........... ياسيدي ماانت عايش 30 سنة ومرتبك 300 ج خلاص دلوقتي مش قادر تصبر لحد لما الوضع يستقر ؟؟؟؟ وكنت فين لما كنت بتردد كلام الاعلام المصري وتقول لا للثورة ....... دلوقتي بتعمل مظاهرة واعتصام في وضع البلد الحرج ؟؟؟ ياجماعة الحق لما طلع المسلم جنب المسيحي في الثورة ماطالبش حد فيهم بمطالب فئوية رجاءً نبعد دلوقتي عن الفئوية خلينا نكمل الثورة ونبعد كل أنصار مبارك اللي لسة في وسطنا ........ نبعد مصغرات مبارك اللي لسة متحكمين في قطاعات البلد نجتث جذور الفساد ونطهر بلدنا اي حد بيطالب بمطلب فئوي النهاردة يبقي بيهد الثورة ........ استنوا لما البلد تستقر ونصلح كل حاجة فيها وبلاش تيجوا علي الوهم اللي فضل مبارك معيشنا فيه 30 سنة ......... وهم اسمه الفتنة الطائفية ....... وان المسليمن مابيحبوش المسيحين ........ والمسيحيين بيكرهوا المسلمين كل دة كان كذب وافترا ......... كل دةكان وهم معيشنا فيه بسلامته علشان يقولنا ان هو ياعيني الراجل الحكيم اللي ماسك ذمام الامور اي حد بيحاول يشيع الكذبة اللي اسمها فتنة طائفية يبقي من أنصار مبارك .......... ويبقي عدو لينا استاذي الفاضل افضل لينا كلنا ان نلقي بتلك المحاولات الخبيثة عرض الحائط ......... لو عايز تخدم بلدك ..... وعي الناس ان الكلام دة خبث وتزييف للحقائق ....... وبلاش نقول المسيحيين بيعملوا ...... او عايزين ....... خلينا نقول المصريين عايزين ايه ؟؟؟ خلينا نوعي الناس ........ لأنهم النهاردة في أشد الحاجة للتوعية ........ لأنهم النهاردة اساسيات كتير اوي عندهم اتلخبطت خاصة بعد انهيار الاعلام المصري اللي كتير للاسف كانوا بيثقوا فيه تحياتي

أعلم تماماً إن أموال الدنيا لا تعوض أظفر من أظافر أي شهيد لكن هكذا الحياة الشموع تحترق لتضيء لنا الطريق .. ودم الشهيد يُسيل لكي يستعيد لنا كرامتنا .... ولكي يجعلنا نرفع رؤسنا ونفتخر بغننا نستحق أن نحيا في هذا البلد الكريم

لن يفرض اقل من 6% رأية علينا ستظل مصر اسلامية شاء من شاء وابى من ابى ادى الكلام اللى يزعل بقى الموضوع بسيط قوى دلوقتى الحكم فى ايد الشعب والشعب هو اللى يقرر لو عاوز تغير رأى الشعب يبقى عليك ان تقنع الشعب بما لديك وتوكل على الله مافيش اى مشاكل خالص طالما الشعب هو اللى يختار وهو اللى هيتحمل نتيجة قراره يبقى مافيش ظلم لحد مش عاوزين الكلام اللى بيخلى النفوس تشيل من بعضها على الفاضى عندك فكره اتفضل اطرحها واقنع بيها الناس ومافيش اى مشكله خالص تحياتى عنبو مسلم على فكره

تعرف يا أستاذ سمبا هو ده هدف اللي كتب الكلام تماما أن يجد من يوصل كلامه لمن يريد استفزازه عندما شاركنا جميعا في الجهاد الكيبوردي كان ذلك بسبب حبنا في مصر و اسماءنا مستعارة و لا أحد يعرف شخصياتنا الحقيقية فلم نطلب شهرة أو أن يتم تمجيدنا مع صانعي الثورة و يضعوا صورنا في الوثائقيات في قنوات الفضائيات كان مشاركة بالمشاعر الطيبة فقط و كل واحد كان بيعبر عن اللي جواه بطريقته عن نفسي عارفة ان مكانش حد بيشوف كلامي غير المغتربين اللي زيي و اللي متلوعين على أهاليهم في مصر و اللي نفسهم الثورة تنجح و مصر ترجع على أمل انهاء كابوس الغربة والعودة أو على الأقل العيش في الغربة بكرامة و تتوقف النظرة الدونية التي نعاني منها هنا نقدر نقول كنا بنصبر بعض و نفضفض مع بعض و نحاول نزيل القلق من بعض لا بنقول شاركنا في ثورة و لا حاجة شكرا جزيلا يا كاتب المقال بالتأكيد كانت طلباتي موجهة إلى ربي فقط و هو الناصر الحقيقي نعم المولى و نعم النصير والذي تم تجاهله جل و علا و تم نسبة الفضل للعباد كعادة الانسان في الجحود و النكران {وَإِذَا مَسَّكُمُ الْضُّرُّ فِي الْبَحْرِ ضَلَّ مَن تَدْعُونَ إِلاَّ إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنْسَانُ كَفُوراً }الإسراء67 و بما أن الله تعالى قد حقق خالص دعاءنا فهذا حقا كل ما يهم في الأمر اللهم اتم علينا فرحتنا و انصرنا و سدد خطانا و اكرمنا بحياة طيبة في الحياة الدنيا و احسن ختامنا و ارزقنا بالفردوس الأعلى و آخر دعوانا أن الحمد لله رب العالمين آمين

بعيدا عن الحزازيات وبعيدا عن التعصب وبعيدا عن القياسات الشخصية .. بذمتك مش الراجل بتاع كوكو ده بيقول شيء كثير من الحقيقة ؟ الشجاعه مش اني انحاز لفئة من الناس شايف انها بقت الاغلبية ـ واعني بكده الناس المؤيده للي حصل ـ وافضل انفخ واهتف واقول تمام انا معاكم كملوا .. الشجاعه اني كنت انضم للناس دي من بدري اوي ايام ماكانوا اقلية وملهمش صوت او على الاقل يكون لي صوتي المستقل واهتف بيه لوحدي بلي مؤمن بيه .. الشجاعه مش اني معرفش العب ومع ذلك اصر على النزول للمشاركه في مباراه مبفهمش حتى قوانينها .. الشجاعه اني اعترف لنفسي بامكانياتها والاهم اقدر حجمي فمتوهمش عكس حقيقته بما يضللني في قراراتي الي باخذها والي ممكن جدا تضيع ناس تانيه تمشي ورايا فيها .. الشجاعه مش اني اهتف لفريقي وسط جمهوره وانما اني وحتى لو كنت في مدرج الفريق المنافس وحتى لو مكانش في غيري فمخجلش اني اصرح بحقيقة انتمائي وميهمنيش واقول كلمة ممكن تفرق في النتيجه .. وبالتاكيد الشجاعه اني اكون واقعيه واعترف ( باللعبه الحلوة ) وحتى لو فاز الفريق المنافس احييه بروح رياضية .. بقيت نقطة اخيره وجب التنويه عنها .. على فكره ياجماعه مايطلق عليه ثورة 25 يناير لسه معداش عليها شهر ومن قصر النظر واستباق الامور اننا نحكم دلوقت ونقول الي حصل كان صح ولا غلط .. ندمان يافلان انك كنت معانا ولا يابختك لما كنت علينا .. كل ده سابق لاوانه ويشبه بالظبط الاخذ بنتيجه مباراه بعد اول جون في الربع ساعة الاولى فيها .. مينفعش ..

السلام عليكم لم أدخل المنتدى منذ سنوات طويله، وربما جيل عواجيز المحاورات هو الذي يعرفني مثل المخضرم العجوز Scorpion والحبيب Scorpion من المبدعين المصريين فعلاً كتب Scorpion أنقلاب في نفاقستان بتاريخ Posted 09 September 2003 - 03:37 PM وقد كان لي الخظ في هذا السبق وتوقع الاحداث ووصفها بتاريخ Posted 01 September 2003 - 01:50 AM http://www.egyptiantalks.org/invb/index.php?showtopic=7493 وقد كتبت وتوقعت الاحداث كما يلى: هو فيه خبر واحد بس ممكن يخليني ابتسم بجد وهو: خرجت مظاهرات جماعية في انحاء مختلفة من مصر تطالب بالإصلاح والديمقراطيه الحقيقيه للوطن. تفاصيل الخبر: في أنحاء متفرقة بالجمهورية ، خرجت جموع غفيره من المواطنين اليوم تطالب إقالة الحكومه فورا وتنازل الرئيس عن السلطه . وقد قاد هذه الحملة مواطنون عادييون وليس بينهم جماعات حزبيه او سياسية او إسلاميه ، بل إنطلقت هذه المظاهرات تحت وطىء تردي الاوضاع الإقتصاديه وتفشي الفساد في البلاد . هذا وقد ذكر شهود العيان ان المظاهرات كانت سلميه ولم يحدث فيها اي شكل من انواع التخريب للبلد ، كما لم تسجل حالة سرقه او نهب اثناء المظاهرات. وقد فشلت قوات الشرطة وكذلك قوات الجيش لصد وقمع هذه المظاهرات نظراً لان أعداد الجماهير الغفيره كانت بالملايين وتمثل كل طوائف الشعب . وقد تناقلت وكلات الانباء العالميه خبر المظاهرات ، كما إمتلأت القاهرة والمحافظات بالمراسلين الأجانب لتسجيل هذا الحدث الفريد بمصر والذي لم يكن متوقعاً من المواطنين ، الأمر الذي سبب حرجاً شديداً لأجهزة المخابرات الأجنبية لعدم توقعها لمثل هذا الحدث الفريد. واشارت إذاعة البي بي سي انه لم يحدث اي هجوم على السفارات الأجنبيه بمصر وان المظاهرات قد تم الإعداد لها بمستوى عالي من التنظيم والحنكه ، الأمر الذي جعل المراسلين الاجانب في حيرة من أمرهم على قدرة المصريين على تنظيم أنفسم وعدم الإنقسام عليها. هذا وقد لاذت الحاشية الحاكمة وأعضاء المجالس المحليه والشعبيه بمبنى مجلس الشعب طلباً للحمايه. هذه كانت أخر الانباء قبل مثول الصحيفة للطبع بدقائق، وسنوافيكم بأحدث التطورات الجارية ورددود الأفعال العربيه والأجنبية. .............................. مع خالص حبي وتقديري للحبيب Scorpion سقراط

هناك في هذه الدولة البعيدة جدآ جدآ جدآ عنا... ( يعني علي بلاطة مش بتاعتنا يا سيادنا ياللي معانا)... في قصر السلطة دار هذا الحوار بين السلطان و أبنه : - صباح الخير يا حبيبي... ايييه الأخبار ؟ - صباح الخير يا بابا.. مافيش أي حاجة جديدة.. بس أمبارح ما نمتش كويس.. يعني نمت و الشباك مفتوح... و الظاهر أن بنطلون البيجامة أتسحب مني.. أو سحلية عدت علي قفايا.. فقضيت طول الليل في كوابيس.. - أحكيلي يا جمال الدين يا حبيبي.. حلمت بأيه؟؟؟؟ - قال ايه يا بابا.. خير اللهم أجعله خير...قال الأمريكان هجموا علي السلطنة.. و أحتلوها بحجة أن الديموقراطية ناقصة في السوق عندنا...و هما عندهم فايض عايزين يصدروهولنا بالعافية بدل ما يرموه في البحر زي اللبن كده.. - و بعديييين ؟ - و بعدين أول ما دخلوا... هوببااااااااااا الشعب كله هاج.. بس مش عليهم ... دول هاجوا علينا النماردة دول.... ما لحقناش نِكُت و مسكونا كلنا.. انت و انا و كل مستشارين السلطنة.. و علقونا كلنا عل فلكة و وقفوا طوابير ورانا... و كل واحد ييجي دوره يفش فينا غيظه بطريقته.. و مافيش أي حاجة ممنوعة.. و مش كفاية ده بعد ما يفش غله.. يرجع تاني يقف في الطابور من جديد و يستني دوره... و فضلت يا بابا طول الليل أعيط و أعيط و أقول كفاية كفاية لحد ما صحيت لما حسيت أن المرتبة تحتي بقت مبلولة... - ايه يا حبيبي الكوابيس دي؟؟... لأ لأ لأ... أنت من الليلة تيجي تنام في حضني..و عالعموم يا روح بابا ديه أحلام مش ممكن حتحصل أبدآ. - و أفرض يا بابا ده حصل فعلآ..ما هو السلطان بن حسين كان متأكد برضه أن ده مش ممكن يحصل أبدآ.. و أديك شفت عملوا أيه فيه هو و ولاده.. - يا حبيبي ده حمار.. أحنا مع الأمريكان مش ضدهم زي ما هبب البجم ده... و بعدي شعب أيه اللي هتخاف منه ده... ده شعب معيز تلمهم بحتة عصاية... - يا بابا مش فاكر كان فيلم ايه االي قالت فيه الست.. ده دود يالاه.. و بعدين الدود طالهم... لأ يا سيدي أنا مش مقتنع أنا عايز أكون مقتنع مليار في المية... ده مستقبلي أنا يا بابا.... - يعني هأعمل أيه أكتر من اللي بعمله يا كبد بابا... أنت باين عليك عايز فلوس تانية.. ما تقولها بصراحة لبابا .. - كلك نظر يا سيد الكل.. - خلاص يا حبيبي.. عشان خاطر عيونك نلغي الدعم نهائيآ عن أي حاجة.. ماهو وجوده زي عدمه دلوقتي..بكده نضرب عصفورين بحجر واحد.. صندوق النقد الدولي يرضي عنا و يوافق علي السلفيات و المنح المطلوبة حلال بلال عليك يا عم.. و السوق يبقي في جيبك تاخد توكيل الدقيق.. و الأدوية... و اللبس و الشرب وكله.. السوق كله بتاعك يا حبيبي .. ده انت أغلي حاجة عندي.. - و هتقنع الشعب أزاي ؟ - الشعب.. آأأأأه.. المعيز.. يعني هأقولهم ايه يا حبيبي.. الحتتين بتوع كل مرة.. الأقتصاد العالمي بايظ.. و عنق الزجاجة و شدوا الحزام و الذي منه..يعني هنِغلَب... - ربنا يخليك ليا يا بابا.. يا أحسن بابا في الدنيا. في أحدي شوارع العاصمة القديمة... شوارع حالكة .. مظلمة..تنوء بحملها من بيوت قديمة .. متهالكة.. حزينة.. و في احد هذه البيوت مجموعة كبيرة من الأصدقاء تتناقش في حماس شديد : - أحنا هنفضل ساكتين لحد أمتي.. أنا مش قادر خلاص.. - عندك حق.. ده أحنا وصلنا خلاص للقاع.. - يا ريت القاع و بس..ده أحنا وصلنا للقاع و أبتدينا نحفر.. - أصبروا يا جماعة.. الصبر مفتاح الفرج.. بكره ربنا يفتكره و يغور - و بعد ما يغور يا خويا هتتحل في رأيك.. ديه هتتنيل زيادة - انا مش هاقدر أصبر أكتر من كده.. خلاص.. خلاص... حنشد الحزام أكتر من كده أزاي؟.. ده انا كل شوية أخرم خرم جديد في الحزام لحد ما آخر خرم وصل جنب الأبزيم.. يعني ايه.. حاخرم الأبزيم بعد كده؟؟؟ -يا عالم..يشيلوا الدعم كله...و مرة واحدة كده ؟؟؟..يعني يرضي ربنا اني مش قادر اجيب حق سندوتشات العيال اللي يروحوا بيها المدرسة...و الا حق المدرسة نفسها و الكتب و الهدوم.. ده انا عملت أستبدال معاش عشان أجيب حقهم. - خلاص... وقت الكلام أنتهي و جه وقت الفعل... أحنا لازم نعمل حاجة.. كفاية ولولة زي النسوان.. نطلع بقي من القوقعة و نغير بأيدينا الأحوال.. ما فيش حد هييجي يغيره لينا عشان سواد عيوننا. - ايييه..عايزنا نعمل مظاهرات؟؟؟ - المظاهرات مش هتجيب نتيجة.. أحنا هنعمل ثورة.. أنقلاب.. - يا نهار أسود.. ثورة حتة واحدة.. ده كلام كبير قوي قوي يا عمنا... ده الواحد لو قال لواحد من الحراس صباح الخير بينفخوه.. ده اسمه محاولة قلب نظام الحكم.. و خيانة عظمي... و اعدام..و..و..و..و - ما فيش حاجة ببلاش...اللي عايز يغير ما يفكرش في اللي حيحصله.. و اللي يخاف ما يجيش.. و اللي ييجي ما يخافش.. الجماعة معانا خلاص قررت... البلد جاهزة و محتاجة بس الفتيلة اللي تولعها.. و احنا اللي هنولع الفتيلة دي.. ايه رأيكم.. معانا و الا لأ ؟ - يا عم دي حاجة كبيرة قوي.. اشمعني أحنا اللي نولع الفتيلة ديه.. ده احنا عالم بسطاء.. عاديين.. غلبانين.. بنجري علي لقمة عيشنا. - ما هو ده اللي جايبلنا الكافية..اللي مخليهم راكبيننا و مدلدلين رجليهم من سنين و سنين... بس لأ.. تاريخنا مليان ناس زينا كده.. بسطاء.. غلبانين.. هما اللي قاموا بالثورات.. هما اللي دوروا علي مستقبل جديد..و دلوقتي جه دورنا...عالعموم أنا مش بجبر حد.. اللي عايز يشارك أهلآ و سهلآ.. و اللي مش عايز . برضه أصحاب.. أحنا مش مستنيين أن الجميع هيشاركوا.. بس لازم نكّون النواية في الأول. - يعني حنعمل ايه ؟ - حنعمل ايه.. ده لازم ندرسها كويس قوي.. المهم النية تكون موجودة و من غير خوف... ديه البداية.. يالله مين معانا ؟؟؟ - أنا - أنا - و أنا معاكم..ضربوا الأعور علي عينه - أنا.. أنا لأ..معلهش يا جماعة أنا ورايا عيال - و أنا كمان لأ... عمرنا ما هنقدر نغير حاجة..مستحيل.. ده غول كبير يا سيادنا.. ده أنا متأكد أن كل اللي قولناه دلوقتي متسجل.. و أول ما حنخرج هنتمسك و أعدام دوغري.. - أنا قلت الي خايف يرجع بيته.. - سلامو عليكو - و عليكو السلام و بعد كثير من المناقشات و أنضمام البعض و أنسحاب الآخر بقت مجموعة من الأصدقاء.. - دلوقتي حنعمل ايه ؟ - دلوقتي ترجعوا كلكم بيوتكم.. و نتقابل بعد يومين تلاتة نكون رتبنا أفكارنا.. - سلام - سلام ألان حاولوا معي ايجاد تكملة لهذه القصة (الخيالية)... يعني جرجرة رجل..عشان انا في المعتقل لوحدي حيكون شكلي وحش قوي.. يعني اللمة حلوة برضه و أخواننا اللي بره لما ييجوا يزورونا يبقوا يشتروا الحلاوة و البرتقال بسعر الجملة و نوفر عليهم. فيروز ... وصيتك المانجة بلاش القصب في المعتقل أبوس أيديك

من حقى ادلع واتمختر فى المنتدى حبيب الكل والكل كمان يبعتلى بونبونى بس مش بتاع احمد شفيق :malta: ليه بقى لانى والحمد الله توقعت التالى فى وفاة حفيد مبارك وكتبت bv:- وادى اللنك راباط الموضوع وفعلا احساسسى مخيبنيش محدش بقى ناوى يدينى جايزة طب بلاش سندوتش طب صقفه حلوة طب وردة خلاص ابعتها لنفسى

سبحان الله السادات تحس انه معجون سياسة هو صحيح الواحد لما يسمع خطباتة بيلبسني الطاسة فعلاً لكن بلبس الطاسة وانا مبسوط شغل علي مية بيضا لايهين ذكاء السامع

وائل غنيم مصري امريكي هندي بنغالي .................. مش مهم وائل غنيم مسلم مسيحي ماسوني ..................... مش مهم المهم الثورة قامت بيد وشعب مصر الثورة مصرية 100% اما هبل ويكيليكس وغيرها طظ فيه ألف مرة أثناء توقيع كامب ديفيد قال رئيس الوزراء الاسرائيلي للسادات اجدادي بنوا الهرم........ المقصود هنا اي واحد ممكن يقول اللي هو عاوزه حتى لو قال ان الملوخية اصلها موزمبيقي. لا يهمني وائل غنيم في شيء ولا ادافع عنه او اكون ضدة......... اللي يهمني الوجوه المصرية الشابه في ميادين مصر اللي عملت الثورة اما وهم القدرة الامريكية فهي زي وهم خط بارليف لاتجعلوا شيء يزعزع إيمانكم بما حققناه نحن المصريين سقراط

انا معاك يا استاذ يا ابومحمد لكن فيه ناس في القايمة دي ايدت وده حقها وفيه ناس فيهم اهانت ومالهاش عذرها

حذر ولا تخون إحذروا ياشباب وياشعب مصر ،كونوا يقظيين وكونوا مستعدين دائما ، فلا زال مبارك وفلوله لم يقضى عليها ، مبارك فى شرم الشيخ و عمر سليمان وزكريا عزمى و صفوت الشريف و مفيد شهاب وفتحى سرور ورؤساء تحرير الصحف القومية وجهاز أمن الدوله وال...امن المركزى فى مواقعهم، المحافظون مازالوا فى أماكنهم ، الحكومة حكومة مبارك هو الذى وضعها لم يتم تغيير أى مسئول حتى الان واريد ان اذكركم من سمح لسجناء سجن المرج بالهروب ومن الذى اطلق الرصاص وقمع المتظاهرين فى الوادى الجديد ولماذا لم يطلق سراح المعتقلين السياسيين ولماذا إستمرت حكومة احمد شفيق الذى مازال يقول ان حسنى مبارك مازال فى شرم الشيخ وأين ظباط وافراد الشرطة المليون ونصف ولماذا لم ينزلوا إلى الشارع حتى الان ،ولماذا لم يتم تغيير او محاسبة قيادات امن الدوله او حلها ولماذا زكريا عزمى وعمر سليمان فى القصر الجمهورى ، ولماذا من يحرس مبارك فى شرم الشيخ هو الحرس الجمهورى لماذا الحرس الجمهورى ؟ (اعرف ان الحرس الجمهورى لا يحرس إلا الرئيس)، ولماذا لم يحاسب مسئول حتى الان ،ولماذا يترك المسئولون فى مواقعهم حتى يتخلصوا من المستندات التى تدينهم ، لماذا هذه الطمأنينة التى نزلت على المسئولين الفاسدين كأن هناك يقين بأنهم لن يحاسبوا مازال هناك من يدينون الولاء لحسنى مبارك ، ولماذا هذه المظاهر ات المفبركة لرجال الشرطة ، ولماذا يحاكم ظابط الجيش احمد شومان ولايحاكم ظباط الامن الذين قتلوا آلاف الشهداء ولماذا لم يحاكموا ظباط الجيش الذين سمحوا للخيول والجمال والبلطجية بالعبور من شارع الهرم حتى ميدان التحرير فى موقعة الجمل الشهيره ولماذا لايحاكم البلطجيه وظباط الشرطة الذين امسكهم المتظاهرين وقدموهم إلى الجيش محاكمة عسكرية سريعة ، اين التحقيقات فى موقعة الجمل ،استطيع ان ارى ان لا أحد فى النظام السابق يحاكم حتى الان وان النظام موجود حتى الان كل مافى الامر ان رئيس النظام موجود فى شرم الشيخ كالمعتاد . هذا رآى وأتمنى أن اكون على خطأ لاداعى للقيادات ان تظهر نفسها الان على شاشات التليفزيون ، لان هذا مثل الذى فعلته اسرائيل مع الفلسطينين وقت الانتفاضة جعلتهم يشعروا بأن الوضع آمن حتى تظهر القيادات لكى تستطيع أن تتخلص منهم لأنهم كانوا لايستطيعون وقف الانتفاضة لانها ليس لها قائد منقول

يا شيخ طارق يا عم كمنج سون الكلام ده مش وقته خالص ولازم يا جماعه نكبر دماغنا شويه منقفش عند المسميات خلونا فى المهم مصر دوله اسلاميه سواء الدستور قال كده او مقلش لان الغالبيه العظمى من سكان مصر مسلمون واعرف مسحيون كثيرون مش فى دماغهم الموضوع ده اساسا ثم انا بس عاوز نفهم حاجه احنا لو دوله مدنيه مافيش قانون هيطبق الا لما الناس كلها توافق عليه يعنى مش عاوزين نخاف ونقف عند المسميات تبقى اسمها زى ما اسمها بس المهم ان القانون اللى بيطبق فيها موافق عليه الاغلبيه اللى هم مسلمين ثم اساسا الماده التانيه من الدستور دى اختراع السادات الله يرحمه بقى وكان بيضحك بيها بمعنى الكلمه على الجماعات الاسلاميه ويبعاند فى المسحين ثم تقدر تقولى كانت فين الماده التانيه من الدستور دى لما اى واحد مسلم يربى دقنه يتشد على امن الدوله تقدر تقولى كانت فين الماده التانيه من الدستور دى لما مراتى تلبس نقاب وتتمنع من انها تبقى معيده فى الجامعه تقدر تقولى كانت فين الماده التانيه من الدستور دى فى ظل وجود قانون الطوراىء تقدر تقولى كانت فين الماده التانيه من الدستور لما اتمنع من دخول بعد الاماكن لانى ملتحى مش ده كان بيحصل فى ظل وجود الماده التانيه من الدستور وكانت فين الماده التانيه من الدستور من حد الزنا وحد السرقه علشان تعرفوا انها كانت لعبه من السادات بس لا اكتر والناس فرحت بيها وخلصت على كده ياريت يا جماعه منهتمش بالمسيمات ونشوف المضمون لو هنعمل قانون الناس هتصوت عليه وانتوا بتقولوا ان اغلب الناس مسلمين طيب اخنا ليه خايفين مبقاش فيه حاجه هى كده وخلاص ياريت يا جماعه نهتم بالمضون ومتخوفش مافيش حاجه هتطبق الا لما الناس توافق عليها تحياتى عنبو

بيتكلم عن "تناقض" في كلامه ازاااااااااااي قال انه كسر الشريحة يوم الاربعاء و منى الشاذلي قالت انها كلمتهيوم الخميس (كأن مش ممكن يكون عنده خطينواحد للشغل و واحد خاص) ازاااااي انه قال انه هعتقل يوم الخميس بالليل و الفيديو اللي منشور بيوضح الاعتقال في عز الظهر (ناسيين ان اللي في الفيديو مش هوا أصلا) ازااااااااااي يقول انه بقاله 48 ساعة ما نامش و بعدين يقول انا مش بطل .. أنا بقالي 12 يوم نايم (دي مش قادرة أعلق عليها من عباءها .. سامحوني) و بصراحة ما كملتش الثورة مش وائل لوحده

من متابعتى لما يجرى من أحداث منذ قيام الثورة قبل وبعد ترك مبارك للسلطة أن هناك محاولات لإحتواء الثورة وأختصارها فى مجموعة الشباب وإيهامهم أنهم هم أصحاب الثورة. لاأقلل من قيمة مافعله الشباب ولكن يجب أن ننظر للأمور بشكلها الحقيقى والواقعى. الثورة بدأت بعدد من الشباب ربما لم يكن بالعدد الذى يقلق النظام ، تطور الأمر بعد ذلك بعد أن إنضم الشعب بكل طوائفه للمظاهرات فرأينا جميع الأعمار والفئات تشارك فى المظاهرات فى جميع أنحاء مصر وماأن استخدم الأمن العنف حتى ظهر تلاحم كل طوائف الشعب من اقصى اليمين إلى أقصى اليسار. وبعد نزول الجيش محايدا وبدء عمر سليمان محاولة الإحتواء ظهرت فكرة النظام جلية فى إحتواء الثورة ، تمثل ذلك فى دعوة الشباب وبعض من يسمون انفسهم بالمعارضة للحوار. وحتى بعد ترك مبارك للسلطة مازلنا نرى ان المجلس العسكرى لازال يتعامل بنفس الطريقة ، وبدأ التليفزيون فى عقد لقاءات مع اعضاء وزارة تسيير الأعمال والذين ينافقون الشباب بشكل أعتبره فج لمحاولة تسليط الإضواء على الشباب فقط ربما لمحاولة دفعهم على التمرد على السياسيين المعارضين ذوى الخبرة. أتذكر لقاء عمر سليمان مع المذيعة الأمريكية " أمانابور " عندما سألته عمن اجتمع معهم فرد بأنه إجتمع مع ممثلين من المعارضة وممثلين عن الشباب وممثلين عن الإخوان المسلمين ( المحظورة ) وكان طبيعيا ا، تسأله المذيعة المخضرمة إن كان قد دعى الدكتور محمد البرادعى للحوار ، فرد سليمان " البرادعى ليس من المعارضة ، وهو له مجموعته الخاصة به التى لها علاقات بالإخوان المسلمين " فأردفت ولكنك إجتمعن مع الأخوان المسلمين على الرغم من انها جماعة محظورة. وحدث أيضا أن رئيس الوزراء شفيق فى معرض حديثه عن اعتقال الشباب الذين التقوا البرادعى فقال شفيق " لقد كانوا عند شخص لانحبه ". والسؤال لماذا تصر الحكومة الحالية والمنوط بها ادارة البلاد مؤقتا ، أسأل لماذا تصر على تجنب الحوار مع السياسيين المخضرمين وتصر على الحوار مع الشباب فقط بدعوى أنهم أصحاب الثورة متجاهلين أسماء كثيرة لها وزنها ونشاطها على مدار سنين قام النظام البائد بقمعهم أو بترويضهم أو بتقليم أظافرهم. هل لظنهم أنهم لن يستطيعوا أن " يضحكوا " على ذوى الخبرة السياسية ، وأنه من الأسهل لهم ان يتحاوروا مع الشباب قليلى الخبرة السياسية والذين ربما لم ينخرطوا فى السياسة إلا قريبا ، فقد ذكر وائل غنيم انه لم يهتم بالسياسة إلا مع حضور الدكتور البرادعى للقاهرة. فى إعتقادى أنهم لو إستمروا على قصر الحوار على الشباب ، فإن ذلك لايدعوا للإطمئنان للنوايا الغير معلنة. هل ترون ماأراه؟ أم أننى مزودها حبتين؟ حوار أجراه ابراهيم عيسى مع الدكتور محمد البرادعى حول هذا الموضوع وأشياء أخرى http://www.youtube.com/watch?v=tKoJDFwIYMc

أسف .. هذا رأي خاطيء تماماً ربنا قاله في كتابه الكريم {وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً " وما قالش لقد كرمنا بعض بني أدم او كرمنا الأغنياء او ولاد الناس وبهدلنا ولاد البواب وولاد الميكانيكي الإنسان مخلوق مُكرم من الله ... وبالتالي حتى لو انحرف سلوكه وأصبح مجرم وقتال قتله .. فله حقوق وعليه واجبات .. ويجب أن يتم التعامل معه وفقاً للقانون دون تمييز .. عُمري ما سمعت كلمة كرباج دي في حياتي من أي جنسية ... إشمعنى إحنا ؟ وإشمعنا إحنا اللي التبريرات اللي بتنقلب علينا نحن للأسف أول ناس من عينة " اومال عاوزهم يعاملوا القلة دي إزاي ؟ وعاوزهم ينتزعوا الإعترافات منهم إزاي ؟

كلامك ده صحيح تماما التغيير يبدأ من الداخل طبعا و لكن في الظروف الطبيعية اللي فيها الخير و الشر و النظام و الفوضى والصح و الغلط التوازن و ده اللي بدأ بعد الثورة لأن قبل الثورة كان الوضع غير طبيعي بالمرة كان في خلل في التوازن ده التغيير الداخلي ضرورة بس تقدري تعتبري ان التغيير الداخلي ده زي اتباع نظام غذائي متوازن لمريض بالسكر في حدوده الطبيعية فهو علاج لمريض و لكن هذا النظام الضروري جدا لم يكن ليؤثر في مريض مصاب بغيبوبة سكر أو لمريض سكر في العناية المركزة فهل كان سيؤثر في تلك الحالة نظام غذائي متوازن رغم أهميته الشديدة؟؟؟!!! مصر كانت في العناية المركزة لعقود طويلة و مكانش ينفع معاها أي علاج غير انتظار رحمة ربنا و اهي رحمة ربنا جاءت و لله الحمد و انتقل المريض إلى غرفة عادية في المستشفى لازال مريضا طبعا و لكن زالت الحالة الحرجة و يمكننا الآن فقط أن نبدأ العلاج

تحية للمجلس الاعلى للقوات المسلحة على اختيار المستشار البشري وهو كالعلامه القانوني الجهبذ عبد الرازق السنهوري في غزارة العلم في الفقه والقانون ومرجعيته الدينيه معتدلة لا غبار عليها ,, الحمد لله الامل بيكبر يوم بعد يوم

طارق البشري

موضوع مهم ويعكس روحا جديدة للمصريين اهتمام بما يحدث في العالم العربي تأييد المطالب المشروعة للشعوب العربية الوقوف مع الحق وعودة مصر لعالمها العربي أتمنى أن نساند ثورة الشعب البحريني لتنجح وأتمنى على القنوات المصرية المغيبة عقود عن عالمها العربي أن ترجع وتتابع وكفانا أن يتابعنا الغير ونحن نستكبر لا تتركوا البحرينيين وحدهم أين خبرتكم ياشباب أعطوها للبحرينيين وخاطبوا لهم كل الجهات والمنظمات الدولية لمراقبة ما يحدث من الديكتاتور

أكيد لن يكتمل نجاح الثورة والتغيير إلا بالإفراج عن كل سجناء الرأي ..... وهذه الخطوة ستزيد من ثقة الشعب في الجيش

للاسف خرجنا من موضوع حكومة نظيف .. ودخلنا في رأي غريب لو أي حد في العالم قرأه هاتجي له صدمة ويمكن يقول : ليه يا ربي ما خلقتنيش حمار عشان أنضرب بالكرباج كان نفسي تعملي هايت لايت على الرأي ده عشان يبقى علامة فاروق ومميز من ضمن أراءك لا حول ولا قوة إلا بالله العلي العظيم .... والحمد لله إنك مش في موقع سلطة أو بتحكمي على حد يا ضحى .....

فكرت فيكم فكرت في مصلحتكم فقولت ارشح نفسي للرئاسة وابتديت اعمل حملة انتخابية اللي هينتخبني هظبطه ودي اول دعاية انتخابية http://www.youtube.com/watch?v=Ptk-WXOpukc مطلوب وكلاء في جميع الدول العربية

أعتقد أن الأغلبية في هذا المنتدى - بل وأغلبية الشعب المصري - كان لديهم موقف واضح من نظام الحكم في مصر قبل الثورة ... والجميع يعرف من الذي تبدّل وتلون مع الأحداث ومن ثبت على موقفه ودافع عنه منذ البداية للنهاية أنا الأخ بتاع كوكو فأعتقد أنه كتب مداخلته بعد خطاب مبارك لأن هذه اللهجة هي التي كانت سائدة في مصر حينها من ضعاف النفوس والعزيمة وقصار النظر ... والحمد لله أثبتت الأيام صحة الرأي القائل بضرورة استكمال الثورة الى نهايتها بعد أن ظهرت سوء نية النظام مرات عدة ... واليوم نحن نعيش أولى ثمار هذه الثورة المباركة من محاكمات للفاسدين وتغير في لغة الإعلام وإلغاء للبرلمان المزور وغيرها من الأمور الايجابية ... والبقية تأتي في الطريق بإصرارنا وثباتنا على الحق

تهنئة متأخرة 4 ايام تقريباً لكن معلش الحمد لله الذى بنعمته تتم الصالحات... دلوقتى بس الواحد يقدر يقول انا مصرى بكل فخر لحظة اعلان خبر التنحى كنت لسه يا دوب أنا و زوجى العزيز و ابنى بنستجم بعد ما قضينا نص اليوم فى التحرير وسط الناس و كان سيطر علينا حالة يأس و قلق من اللى هيحصل لكن سبحان الله مفيش ساعة بعد دخولنا البيت واعلن خبر التنحى حالة فرح عارمة فى البيت و فى نص ساعة كنا تانى فى ميدان التحرير بنرقص و نصرخ مع الناس"ارفع راسك فوووووووق انت مصرى الحمد لله مبروك لمصر يا رب قدرنا نحميها و نديها اللى تستاهله باحبكم كلكم يا مصريين بجد الشعب ده جبااااااااااااااااااااااااار لأول مرة احس ده و افهم يعنى ايه انتماء حقيقى مبروك تانى لمصر و مبروك لكل المصريين. . "

لا أوافق على استمرار أحمد شفيق كرئيس وزراء حكومة تصريف الأعمال. يجب أن تُحَّل هذه الحكومة وتُشكل حكومة انتقالية من خارج الحزب الوطني، وهذه بعض الأسباب: أحمد شفيق يتحدث إلى الشعب بلغة وصاية تدل على عقلية سلطوية لم تتغير. مازال يستخدم تشبيه الأب الذي يعطي أولاده المصروف، كأنه لم يلحظ أن الشعب أسقط النظام الذي استأجره وكأنه لا يرى أنه هو الذي يعمل بتعاقد لدى الشعب. لا يمكن أن أقبل من رئيس وزراء مصر التعود على إدخال الألفاظ الإنجليزية في حديثه إلى شعب مصر وكأنه ينتمي إلى طبقة اجتماعية غريبة عن المجتمع وكأنه يوجه حديثه إلى هذه الطبقة فقط. وذلك مع التجاوز عن تعثره في استكمال جملاً متكاملة في كثير من الأحيان. سطحية مخجلة في الحجج التي يقدمها لتبرير أمور يتسائل عنها الشعب مثل استمرار وزراء من الحزب الوطني غير مقبولين من الشعب مثل عائشة عبد الهادي التي كانت تقبل يد زوجة الرئيس ووزير الخارجية أبو الغيط وترزي القوانين مفيد شهاب صاحب المادة 76 من الدستور وأخواتها، ودعوته لأنس الفقي حضور اجتماع مجلس الوزراء قبل أن يُبت في استقالته، وذلك في استخفاف شديد برأي الشعب في هذا الوزير، ثم دعوته لعماد الأديب لشغل منصب وزير الإعلام وهو المعروف بقربه من الرئيس المتنحي والمعروف بقدرته على التلاعب بالكلام لخداع الجمهور. وكذلك دفاعه عن أحمد زكي بدر الذي وصفه بأنه كان وزيراً كفؤاً ليس له شعبية. وغير ذلك مما يدل على إخفاق عجيب في تقييم الأشخاص واحتياجات المرحلة ومطالب الشعب وغياب أي بعد سياسي بوجه عام. أحمد شفيق لا يجد غضاضة في وصف الوزارة بأنها حكومة الحزب الحاكم أو حزب الأغلبية، وقد سمعته بنفسي يستخدم هاذين اللفظين في إجابته على سؤال عن سبب استمرار وزراء الحزب الوطني في الوزارة، وهذه وحدها تكفينا لنعرف العقلية التي لا يزال يتعامل بها مع الشعب، وتكفينا لنفهم امتناعه عن ذكر لفظ الثورة، فهو لا يعترف بأن مصر حدثت فيها ثورة بكل المقاييس التاريخية اعترف بها العالم كله. وإنما هو يعتبر أن مصر مرت ”بأحداث“ وهو لذلك يتصرف كأنه لا يزال موظفاً عند السلطة، الفرق الوحيد أن السلطة في نظره تغيرت، كانت بالأمس رئيس الجمهورية وهي اليوم المجلس الأعلى للقوات المسلحة. هذا الرجل لا يستوعب ثقافة الخدمة لدى الشعب. العقليات التي خدمت النظام السابق لن تتغير ولا يمكنها أن تتغير ولن تستطيع إدارة عملية الانتقال، لذا يجب استبدال هذه الحكومة بحكومة انتقالية من المستقلين الذين يقبلون شرط عدم الترشح في الانتخابات القادمة. أما هذه الحكومة التي تتضمن رموزاً من النظام السابق بما فيهم رئيس الوزراء، فاستمرارها لا يبعث على الثقة.

ده شيء متوقع من أناس غاب عنهم الوعي الوطني في ظل حكومات متعاقبة كان شعارها ( انهب واجري ) انا أصلي من قرية تابعة لمحافظة القليوبية أقدر أقولكم وبكل ثقة إن مساحة رقعة المباني في القرية تضاعفت تماما في خلال مدة لا تزيد عن 20 سنة وكله على حساب الأرض الزراعية والمشكلة دي ليها جذور لابد أن تعرف الناس أعدادها بتزيد والكردون السكني ضيق فالبديل اللي أدام الناس هو استقطاع جزء من الأرض الزراعية والبناء عليها. مشكلة البناء على الأرض الزراعية هي جزء من مشكلة أكبر وهي انكفاء الناس على دلتا النيل للحياة فيها. برغم إن مساحة الدلتا ثابتة وعدد السكان بيتضاعف في عام 81 عندما تسلم المبارك الحكم كان عدد السكان 40 مليون واليوم نحن 80 مليون أو يزيد فالحل ايه. جت الحكومة بمشاريع المدن الجديدة المشكلة في مشاريع المدن الجديدة دي اسمها ( مدن جديدة ) يعني مدن وليست قرى طب الفلاح اللي دخله كله معتمد على الزراعة هيعيش ازاي في المدينة ؟ هيزرع الأسفلت مثلا ؟ وبعدين أسعار الأراضي في المدن الجديدة أسعار خيالية وأغلب طبقات الشعب متقدرش عليها. الحل كان في استصلاح الأراضي الجديدة وتوزيعها على الفلاحين والمية مش مشكلة في المملكة العربية السعودية بيزرعوا مساحات هايلة من الأرض بماء منخفض الملوحة لكن حكومة رجال الأعمال جت وزعت الأراضي الجديدة القابلة للاستصلاح على كبار رجال الأعمال... ودول طبعا ميهمش غير المكسب طب الفلاح البسيط ... أخد ايه مخدش حاجة ... في مقابل إعطاء رجل واحد مثل الوليد بن طلال أكثر من مائة ألف فدان من أجود الأراضي في توشكي ومن هنا لا يجد الفلاح بدا من البناء في محيطه الضيق على الأرض الزراعية. فالمشكلة متجذرة... وهي نتاج سياسات عقيمة على مدى سنوات طويلة. ملخصها إذا أسند الأمر لغير أهله فانتظر الساعة

الحياة......شعب حتى اطفاله ابطال

فخورة بيه لابعد حد هو زمايله طبعا خصوصا اللي اسمه جواد لو تفتكروه كان في العاشرة مساء مع منى مصاب في عينه و لف على مستشفيات كتير لحد ما حد قبل ياخده و مع ذلك في الطريق من الانتقال من مستشفى لمستشفى كان بيعمل قوائم باسماء المصابين انت في ايه و لا ايه يا ابني بس اد ايه هما فعلا منظمين و مخلصين للقضية اللي بيؤمنوا بيها شباب بجد حقيقي يفرح من حقنا نفتخر بيهم كلهم هما اللي رفعوا راسنا لفووووووووووق اوي ربنا يحميهم

الله يكرمك وشكرا عالتوضيح عاوزة اقول كده وبمنتهى الكسوف انا اساسا ماكنتش اعرف يعنى جمهورية برلمانية غير من مداخلة سى السيد وكلام محمود سعد وبلال فضل امبارح فى برنامج مصر النهاردة اول مرة اعرف يعنى ايه حكم برلمانى متشكرة ليكم بجد الواحد بيستفاد من ثقافتكم أنا كنت حطيت رابط لكتاب من تأليف صلاح عيسى عن دستور 54 فى موضوع بيانات المجلس الأعلى للقوات المسلحة .. الكتاب أهو .. بعنوان : دستور فى صندوق القمامة وده كان دستور لجمهورية برلمانية .. فى آخر الكتاب موجود نص مشروع الدستور الذى لم ير النور إقريه يا فتفوتة إنتى وجميع الزملاء قبل ما تدوا صوتكم فى الاستفتاء (برلمانية أم رئاسية) .. دى أصول الاستفتاء .. نعرف احنا بندى رأينا على إيه بالضبط .. الصوت أمانة

انا مقتنع بيه بس متردد فى تطبيقه فى الوقت الحالى فى مصر ومقتنع اكثر بان احنا محتاجين رئيس قصير المدة 5 سنوات على الاكثر يتم تظبيط الدنيا وبعدين ننقل للحكم البرلمانى والاسباب فى تاجيل الحكم البرلمانى هى اسباب قوته 1- برلمان قوى (معندناش ) 2- احزاب قويه (معندناش ) 3- حياة سياسيه صحيه (معندناش ) 4- قوانين دستوريه قويه (معندناش ) 5- حريه اعلام (لسه عندنا وزارة ثقافه-واعلام) 6-العمليه الانتخابيه كلها بالكامل تحتاج الى اعاة النظر من الاف الى الياء (محدش يقولى الرقابه الدوليه تدخل فى الشئون الداخليه) 7- الجيش ( هل هيوافق انه يكون تابع لرئيس وزراء ممكن الاطاحة به فى اى وقت ) 8- سلطة قضائيه مطلقه الحريه فى القرارات (معندناش ) وفى فرق كبير قوى بين الى بيكون مكتوب والى تقدر تنفذة على الارض يا ما فى قوانين مكتوبه لكن محدش يقدر ينفذها واهم شى ان مفيش كوادر تم إنشائها على ان تكون كوادر سياسيه وكوادر سياسه تختلف عن الموجود حاليا نحن حاليا لدينا كوادر معارضه فقط يمكن ان تتظاهر او تعترض ولكنها تحتاج الى حياة سياسه مختلفه عن حياة الاعتراض والمظاهرات يعنى ممكن نكمل شويه فى الشكل الفرنسى للحكم (فترة رئاسيه واحدة ) وبعدها نتحول الى الشكل الالمانى لان الاكيد الهدف ليس هو شكل الجمهوريه ولكن جوهر واساسيات العمليه الدمقراطيه وبصراحة احنا لسه بدرى علينا شويه فى موضوع الديمقراطيه الكامله (ان شاء الله مش اكثر من خمس سنوات لو فيه ارادة وادارة) لان الديمقراطيه لا تبدا عند صندوق الانتخاب ولكنها تنتهى عنده

الله يكرمك وشكرا عالتوضيح عاوزة اقول كده وبمنتهى الكسوف انا اساسا ماكنتش اعرف يعنى جمهورية برلمانية غير من مداخلة سى السيد وكلام محمود سعد وبلال فضل امبارح فى برنامج مصر النهاردة اول مرة اعرف يعنى ايه حكم برلمانى متشكرة ليكم بجد الواحد بيستفاد من ثقافتكم

الاول نشرح ببساطة فكرة الحكم البرلماني ... يعني الرئيس يبقى رمز وله صلاحيات محدودة .. لكن من يحكم ويُسير الامور هو رئيس الوزراء وله حرية إختيار الوزراء .. وبيتحاكم ويتحاسب مسئولية كاملة أمام البرلمان ------------------ النظام الرئاسي في دول العالم الثالث .. غالباً ما يرتبط تفكيره بفكرة " الحاكم الإله " هذه حقيقة يعني الحاكم هو أبونا اللي ربنا وعيب نحاسبة والحاكم يلغوص في الدستور ... ويقعد إبنه جنبه يحكم .. عادي خالص وزي الفل الحاكم صورة تتعلق في كل مكان حتى التواليتات .... الحاكم في الدستور هو بابا وماما وأنور وجدي .. عشان كده نفسي نتحول 180 درجة .... ونخوض تجربة الحكم البرلماني ..

الصورة دي بتاكدلي حاجة واحدة انه بيجب العربيات البيجو ياعم عنبو كبر دماغك هو اي حد هيطلع يعمل حاجة في البلد..لازم يطلعوا فيه القطط الفطسانة و يا سلام لو كان قبل كده مثلا أحمد نظيف ولا روقة حسني لبس حاجة عليها..مش هقوللك بأه شعار الماسونية..لأ..نجمة داوود نفسها اللي علي علم اسرائيل..كانوا هيقولوا يا سلاااام..دي نجمة الأبلة ادتهاله و هو صغير عشان كان شاطر و بيحل الواجب كله غلط

أتفق معك أن الأمر لم ينتهي بعد لا يزال المطلب تفتيت الجهاز الأمني وهو الراعي الرئيسي والأمين للنظام البائد ولكني مع تهدئة الوضع بشكل إعتدالي ليستتب الاستقرار في البلد وحتى لا تفقد الثورة حماس أي فرد من أبنائها في طول الطريق، وأيضا تحول العصيان المدني الآن من وجهة نظري إلى أداة سلبية ، فمن لا يفهم المبادئ التي قامت لها الثورة يعتقد أنها مجرد هوجة لابد أن يطالب بعلاوة مرتبه في ظلها .. فلابد للهدوء الحذر يتخلله تجمعات يوم الجمعة للمتابعة وتجمعات على الأنترنت للتقييم أرجوا أن يصير الأمر الآن 40%هدوء مع 60% ترقب ورصد أرحب بدعوات التنمية والبناء ، ولكن ، شريطة أن تكون قرينة للمراقبة والمتابعة وعدم نسيان أن الشعب لا يزال خارج ميكرفون القرار في النهاية .. الضامن من وجهة نظري وجود الفيس بوك ثم ميدان التحرير

{قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ }آل عمران26 إزالة صورة حسني مبارك من قاعة اجتماع رئاسة الوزراء http://www.youtube.com/watch?v=bVluERePlpc&feature=watch_response

اصرخ بقى http://www.youtube.com/watch?v=Tuga4BXcvBg الحمد لله صرخنا.... وصرختنا هزت الكون وزلزلت عرش الظالم الحمد لله

متتعبوش نفسكم في حصر الاسماء .. بعد خروج بن علي من تونس قريت على الانترنت مااطلق عليه ( بيان ) على الصفحه الشخصية "للفنانة " هند صبري ـ التونسية الاصل ـ بتقول فيه انها اجبرت مثل غيرها كتير من المشاهير في تونس على التوقيع على ( عريضه ) تأييد لبن علي قبل سقوطه .. بتقول انها نادمه انها لم ترفض وانها رضخت للتهديد ووافقت على الاشتراك في عملية تأييده وطبعا مقالتش كده غير بعد ماخربت مالطه وبن علي خلاص اصبح كارت محروق المتغطي بيه عريان .. متوقع جدا ان الناس هتصدقها ومتوقع اكتر ان حتى الي مش هيصدقوا هيجي لهم يوم وينسوا .. وبكرا هتشوفوا هند صبري زي ماهي شخصية مشهورة ( ومحبوبه ) في بلدها ومش بعيد كمان ترفع على الاعناق كل ماتروح تزورهم من وقت للتاني .. كل الوارد اسمائهم في القائمة اعلاه ولا هتفرق معاهم .. اما بقي النظام ونالوا جوائزه .. او رحل النظام وعادوا بطبولهم للغناء على النظام الجديد .. على جانب وكلمه حق اقولها الفنان بجد ( محمد صبحي ) مظلوم بوضعه في القائمه دي وشايفه ان ادراج اسمه مع ( اعداء الشعب ) نوع من التعسف .. من البدايه وفي عز المعمعه زي مابيقولوا ووقت ماالتزم الجميع الصمت في انتظار استجلاء الموقف خرج محمد صبحي وقال رأيه في منتهى الشجاعه والموضوعيه .. كان مؤيد مطالب الشباب وانها مشروعه بس في نفس الوقت مكانش بيحبذ فكرة "الثورة " مش انكارا لمشروعيتها وانما خوفا من المترتب عليها .. الراجل طول عمره يعتبر ( مفكر ) وطول عمره بيقول اراءه السياسية ومحدش ينكر انه فنان واعي ومثقف واحيانا كتير بيكون عنده مايستحق الاستماع اليه .. اذا فماقاله صبحي من تصريحات في بدايه الاحداث ماهي في الحقيقة الا رأيه الشخصي فعلا معتقدش ابدا انه تعمد يساند النظام ـ الي طول عمره بينتقده ـ ولا اعتقد انه كان بينافق او يحاول يكسب ( بنط ) على حساب آخرين كما فعل غيره من الممثلين والمشخصاتية الي بعضهم اصلا مدعمش "الثورة " غير بعد مااستقرأ التأييد العام في الداخل والخارج لها .. محمد صبحي ـ وبغض النظر عن مهنته ـ فهو عقلية محترمه ويعتبر من اصحاب الرأي ووضعه جنبا الى جنب مع المطبلاتية فيه نوع من الاجحاف والظلم ليه والي اتمنى ان يرفع عنه ..

أنا كان عندى سؤال مهم : أنا سمعت أن الحكومة فى كيبيك بتساعد علشان تدرس أى كورس أنت عايز تدرسه ( سى جب ) بما يعادل قيمة 30000 دولار كندى دلوقتى سؤالى لو أنا ذهبت ألى مقاطعة تانية ( أونتاريو مثلا ) الحكومة هتساعد برضه بنفس القيمة ؟ يعنى مساعدة الدراسة دى خاصة بكيبك بس و لا دى من حكومة كندا ؟ طبعا أجابة السؤال ده مهمة لأن هيترتب عليها هاروح أونتاريو ( علشان الانجليش بتاعى أحسن بمراحل من الفرانسيه ) او هانزل كيبيك عادى أنا عارف أنا بأسأل كتير بس ربنا يعوض تعب محبتك خير شكرا جزيلا"

في قصر الرئاسة - الحق يا بابا فيه ناس ماشية في الشارع عمالة تهتف -و ايه الجديد يا حبيبي ... ما هم كل يوم يهتفولي و يمسحولي جوخ -لأ يا يا سيدي .. دول بيهتفوا ضدك ... عمالين يقولو قولو للفاجر .. كفاية مش قادر... و ناس تانية بتقول قولوا للسلطان نهايته قاراميدان - يا نهار اسود .. ده عندنا هنا ده - آه و حياة ماما في توتر شديد يرفع السلطان سماعة التليفون ة يخاطب مستشار الداخلية ... -ايه يا سي زفت اللي بيحصل في البلد ده .. انتوا نايمين علي ودانكم - يا مولانا دول شوية عيال شيوعيين عمالين يهبهبوا .. قلنا نسيبهم شوية علشان نوري لأمريكا ان احنا عندنا ديموقراطية - و ديني يا هابلي الكلب لو العملية دي ما اتلمتش فورآ لحبعتك سجن ابو زعتر و اسيبك في ايدين اللي سحلتهم تنزل العسس في الشوارع تطيح بالمتظاهرين الضرب مستخدمين كل ادوات القمع من كرابيج و سنج ... رصاص .. و قنابل مسيلة للدموع ... و لكن ما ان يبدأ القمع حتي زاد غضب المتظاهرين .. و كسبوا تعاطف من كان يشاهد من بعيد ممصمصآ شفاه - شوفي ولاد الكلب نازلين في العيال ضرب ازاي .. كفاية مش قادر - رايح علي فين يا بو عادل ... مالناش دعوة - ماهي مالناش دعوة دي اللي جابتلي الكافية ... اللي مخلياني مش عارف اعيش لا أنا و لا أنتي و لا عادل نفسه .. ياللآ العمر واحد و الرب واحد .. و يذهب الي المظاهرات و معه آخرين و آخرين ... السلطان متابعآ ما يحدث علي شاشات السي ان ان و أبتدأت المكالمات المحمومة مع مستشار الداخلية في سلطانيته - ايه الأخبار يا هابلي - الأمر تحت السيطرة يا مولانا - سيطرة ايه يا معفن ... انت مش شايف اللي بيحصل في ميدان العروبة .. ده فيه ما يقلش عن 5 تلاف واحد اتصرف يا هباب بسرعة - ننزل شوية عيال بدقون وسطيهم يا مولانا .. تقوم امريكا تخاف و تكش و تبعتلنا المساعدة - و احنا لسه حنستني مساعدة امريكا .. اضرب يا هابلي .. اضرب يزيد الضرب .. و تتضاعف الأعداد التي تنزل الي الشوارع منادية بسقوط السلطان يدور السلطان في ارجاء قصره متوترآ ... و يفكر .. انا طول عمري بتاع امريكا .. اتصل بيهم يقولولي اعمل ايه - الو .. جود مورنينج يور هاينسي - هو ايز توكينج - انا سلطان نفاقستان - آه .. هو انت ... خير .. عايز ايه - ايه الوش الأبلاكاش ده .. انت مش شايف اللي بيحصل هنا ... اعمل ايه ؟؟ - تعمل ايه ... اعمل شوية ديموكراسي في البلد - يعني ؟ - ادي للكلب عضمة يتلهي فيها - يعني ؟ - اديهم حاجة ... ادي الناس حاجة .. - منحة يعني ؟؟ - لأ موش بقت تنفع دلوقتي ... لازم تعمل تغييرات سياسية لحظة سكوت ... و يهز السلطان راسه .. ثم يتصل بالأذاعة و التليفزيو ليذيع بيان علي الشعب - يا شعبي الحبيب ... وصلت لي تطلعات شوية عيال من الناس ... و بما اني عمري ما كسرت كلام ليكم .. فلقد قررت اعدام مستشار الداخلية بعد ما اكتشفت انه كان بيعاملكم بقلة ادب لا يرضي الشعب و تزداد المظاهرات بيان آخر .. يا شعبي الحبيب .. بعد تفكير وجدت ان مستشار الداخلية ما هو الا مخلب القط لكل المستشارين الوحشين اللي كانوا حواليا و اللي اكتشفت انهم كانوا بيخبوا عليا دايمآ الحقيقة .... و بناء عليه قررت القبض عليهم كلهم و توزيع املاكهم علي الفقرا .. و اختيار مستشارين جدد يحظوا بحبكم لا يرضي الشعب و تزداد الجموع ... بيان آخر ... يا شعبي الحبيب .. سمعت ان فيه اشاعات مغرضة بتقول ان ابني الصغير سيحكم من بعدي متخطيآ دور اخيه الأكبر .. و الكلام ده و عهد الله كذب .. و النيعمة الطاهرة دي .. كذب .. و لأثبات ده .... انا خلاص بعت ابني الي مدرسة داخلية في سويسرا .. و مش حيرجع منها ابدآ ... لا يرضي الشعب و تزداد الجموع حتي لا يبقي مكان لقدم في شوارع السلطنة .... اعمل ايه يا ربي .. اعمل ايه يا ربي ... يقولها السلطان و الخوف يقتله ... و في تلك اللحظة يدخل محلاوي رئيس الجيش و بهدؤ يقول يا مولانا ... فيه عربية مستنية حضرتك تحت .. من غير مناهدة تلم خلجاتك و تركبها و تسيب السلطنة النهارده - دي آخرتها يا محلاوي ... بعد كل اللي عملته لك و لأصحابك .. تعملوا انقلاب عسكري عليا انا ؟؟ -اتشطر الأول علي امريكا و بعدين ابقي تعال اتنطط عليا ... ياللالا يا مولانا سكة السلامة - هي دي أخرتها ... هي دي اخرتها ... كانت تلك آخر كلمات ينطقها قبل ان يصاب بشلل نصفي في التليفزيون في نفس المساء .. يظهر الطنطاوي معلنآ رحيل الطاغية .. و ان الجيش الآن هو الحاكم الفعلي و سيعمل جهده علي اعادة الحق الي اصحابه ... تهتز البلاد فرحآ ... و تسمع الأغاني و الأناشيد في كل مكان .. و ترجع الناس الي بيوتها مهنئة بعضها البعض بنجاح الثورة آملين في يومآ جديدآ مشرقآ .. و مستقبلآ يحمل الخير .. و الذي ظهرت اول بوادره مع البيان الأول من القوات المسلحة : البيان الأول تطبيقآ لمباديء الثورة الشعبية فلقد تقرر واحد : تأميم جميع الأراضي الزراعية و توزيعها مجانيآ بواقع 3 فدادين لكل فلاح اتنين ... تأميم ... يستمر الحاكم العسكري في سرد القرارات بينما يتعالي صوت عبد الحليم حافظ و هو يغني ... تاني تاني تاني تمت وصيتكم جونيور و أمه ...

السلام عليكم انا حاسس يا جماعة ان احنا مقصرين اوي مع الناس اللي لسة متعرفش حاجة و عايزة تقدم هجرة كيبك انا لسه جايلي رسالة علي الخاص واحد بيحسب ان التقديم لكيبك من فرع السفارة في القاهرة احنا من كتر ما اتلهينا في امورنا و احنا كلنا قدمنا من زمان فكانت اسئلتنا خاصة بينا علي خطوات متأخرة شوية عامة انا ححاول ابدأ تحضير الملف: 1-الدخول علي موقع كيبك في دمشق http://www.immigration-quebec.gouv.qc.ca/e...kers/index.html حتلاقي هنا لينك عشان تعمل تقييم لنفسك و تشوف فرصتك في الهجرة 2-الفلوس المطلوبة http://www.immigration-quebec.gouv.qc.ca/e...ting/index.html و دة المبلغ المطلوب عشان ابليكيشن كيبك http://www.immigration-quebec.gouv.qc.ca/e...es-payment.html 3-تروح البنك الاهلي و تجيب شيك بالمبلغ المطلوبو ده اللي انا عارفه ممكن يكون في حاجة تانية يا ريت لو حد يعرف يقول, عشان انا دفعت من كندا بشيك بنكي فمعرفش ازاي الدفع من مصر 4-قبل ما تدفع الشيك في ورق بياخد وقت كتير, اكتر حاجة بتاخد وقت هي شهادة التقديرات بتاعة الكلية, دي لازم تقدم عليها انت و الزوجة من الكلية اللي انتم اتخرجتم منها, و لو معاكم ماستر او دكتوراة و كان في تمهيدي فتجيبوا الدرجات دي كمان, الشهادة دي بتطلع بالنجليزي و لو طلعت بالعربي يبقي تترجم عند اي مكتب ترجمة معتمد. مش لازم الخارجية بالنسبة لكيبك و مش لازم التوثيق بارده بالنسبة لكيبك. 5-في حاجةتانية ممكن تكون مطلوبة بس مش ضروري و هي شهادة الثانوية العامة و دي يا بتطلع من الادارة التعليمية مترجمة, يا تترجم الشهادة بتاعتك عند اي مكتب ترجمة باردو, انا عن نفسي مقدمتش الشهادة دي 6-الاوراق المطلوبة و دي كلها لازم تترجم باردو عند اي مكتب و مش لازم توثيق: كل شهادات الميلاد كل الشهادات الدراسية قسيمة الزواج شهادات الخبرة من العمل و لو امكن الوصف التفصيلي للعمل و المرتب و لازم تاريخ الالتحاق و تريخ ترك العمل شهادات اللغة و لو متقن اللغة ممكن تكتب ورقة تثبت كدة, يعني لو كنت درست برة او اخذت رصات برة اكتب ورقة و تقول فيها مثلا انا كنت في فرنسا و اخذت القرصات دي باللغة الفرنسية او ادربت هناك و دة يثبت اني بتحدث الفرنسية اي شهادات تقدير او قرصات في العمل بتكون نقطة لصالحك صورة الباسبورات و لو معندكش باسبور انا معرفش تعمل ايه ممكن حد تاني يقولنا حساب بنكي, يعني شهادة من البنك فيها تقريبا 5000 دولار او اقل حسب عدد افراد الاسرة, حتلاقي المبلغ علي السيت اللي فوق لو يا جماعة انا ناسي حاجة ياريت الاخوة يفكروني 7-تنزل الابليكيشن يا باشا و تطبعه و تقعد تتفرج عليه شوية كدة و تقرأ كل خانة في براحة و بهدوء 8-اهم نقط عايز اقولها انك كل خانة مش حتكتب فيها حاجة لازم تملاها ب N/A 9-مستوي اللغة اوعي تحط نفسك اكتر من 2 مستوي اعلي من مستواك الفعلي 10-لازم الابليكيشن يتمضي منك و من الزوجة, لو متجوز حيكون في 2 ابليكيشن 11-لازم تتصور انت و كل افراد الاسة و تبعت 4 صور لكل واحد, انا كان مطلوب لما قدمت 4 صور بس لما اضفت بنتي رجعولي اتنين 12-كيبك غير الفيدرال, هم مش بيبصوا علي الملف الا لما ييجي دوره و اي اضافة في الفترة دي اللي هي تقريبا سنتين من التقديم لحد الانترفيو ممكن تضيف اي حاجة علي الملف و مش بيتعطل, يعني لو الفرنساوي بتاعك مستوي تعبان قدم الملف و ابديته كل ما تخلص مستوي في الفرنساوي, او لو الخبرة سنة واحدة بعد سنتين قدم شهادة خبرة تانية بال 3 سنين, و دي ميزة كبيرة في كيبك و هم بيحسبوا النقط لما يفتحوا الملف فتكون علي اخر وضع ليك 13-اوعي اوعي اوعي تكذب في اي حاجة, و اوعي تحط معلومة مستحيل تثبتها, يعني مثلا كنت اخذت سنة خبرة في شركة و الشركة قفلت و مش قادرتجيب حاجة تثبت انك كنت معاهم بلاش تقدم المعلومة دي عشان ممكن يقولولك جيب شهادة الخبرة و مش حتعرف تجيبها المرة اللي جاية ان شاء الله نجيب الابليكيشن و نملاه واحدة واحدة مع بعض انا علي فكرة بعمل كدة بعد ما استفزني مكتب هجرة علي المنتدي الناس اشتكوا منه و بياخد 40 الف جنية, فقلت اعمل زية و اساعد الناس تقدم و اقبض بارده, بس انا اسعاري اغلي منه, انا بالله عليكم عايز اي واحد استفاد او حس اني ساعدته يصلي ركعتين قضاء حاجة عشان هجرتي تخلص و انجح في الامتحان اللي جاي و مش عايز اكتر من كده, اخوكم مستشار الهجرة جادوللي اللي محتاس في كيبك

ومين قال اصلا انها نجحت عشان نحط سؤال ( افتراضي ) ماذا لو فشلت ؟ سؤالك سيدي الفاضل امر واقع سأله لنفسه كتير من الي عارضوا "الثورة" في بدايتها او لنقل قبل خروج مبارك من المشهد كله .. نقطه الخلاف الي كانت ( بينا ) وبين من تحمس لها بجنون اننا سألناه لذواتنا ولغيرنا بينما ( هم ) محطوش الخيار ده في ذهنهم نهائيا .. كل الي كان في بالهم وقتها ان ايه يعني آخرتها هننحبس ولا نتقتل يعني مش مشكلة قصاد الهدف العظيم الي ممكن يتحقق فيما لو ( نجحنا ) .. محدش منهم وقف سأل نفسه ماذا لو تم فعلا ازاحه رأس النظام وكلنا كدعاة للخروج محصلناش حاجه شخصية ومحدش مسنا بسوء لكن وبعد ماخطط الدهاة ونفذ الشجعان جاء دور الجبناء لحصد الثمار ؟؟ ياسيدي الفاضل لنكن منصفين .. احداث 25 يناير نجحت وبجداره في اصباغ الشرعية على ازاحه حسني مبارك عن رأس السلطه في مصر .. انا شخصية منبهرة بما حدث وسعيده الى اقصى درجه بكثير من النتائج الي ترتبت على ذلك من محاسبة لاناس كانت حتى وقت قريب جدا فوق اي مسائلة .. بترحم على ارواح الشهداء الي راحوا وكلي يقين ان لولاهم مكانتش المكاسب دي تحققت ابدا .. بس في ذات الوقت مبعتبرش ان الموضوع انتهى وكثير جدا من المخاوف او السيناريوهات السيئة مازالت مطروحه على الساحه وبقوة ايضا .. لو توقفنا عند المرحلة دي واعتبرنا ان الموضوع انتهى وان خلاص "الثورة " حققت اهدافها ونجحت يبقى فعلا احنا مش عارفين الي حصل ده كان ايه ولا ابعاده ايه .. يبقى احنا كنا بنشجع ماتش اهلي وزمالك والحمد لله واحد منهم اخذ الدوري ومطلوب بقى من مشجعي الفريق الي فاز يزلوا انفاس تعيسي الحظ الي جاهروا بتشجيع الفريق المنهزم .. احنا بنتكلم عن ( دولة ) قائمه بكافة مؤسساتها وقوانينها وتشريعاتها وبيعيش فيها فوق الثمانين مليون نفس مرتبطه مصائرهم بشكل كلي بمصير هذه الدولة الي بيعاد تشكيلها الآن من جديد ومن الصفر .. من قصر النظر الشديد اننا نقف لنصفق ونقول كله تمام وكده احنا ماشيين صح واحنا لسه في مرحلة الحفر لوضع الاساس .. لاشفنا عواميد ولا شفنا صب كل الي شفناه المقاول وحواليه العمال الي اعلنوا استعدادهم لبدأ البناء .. من التسرع وتعجل الامور اننا نبدأ نختلف دلوقت على لون الدهانات الي هنعملها في المدخل واحنا حتى لسه مرتفعناش قالب طوب واحد على وش الارض ..