لوحة القادة

بعد نزول القذافى فى المظهرات ضد نظام حكمه مع شعبه وشالوه على كتفهم و هو بيهتف ... طلب منهم يختارو حد ينوب عنهم علشان يقول مطالبهم .. فاختاروه طبعاا .. علشان يتفاوض مع نفسه .. و طلب منهم فرصه يقعد مع نفسة شويه ... وغالبا المفاوضات هتنتهى بتنحى القذافى و هيمسك البلد تانى بس بصفته زعيم الثوره

في شأن الثورة المصرية ... قبل 25 يناير .. أو قل قبل عصر 28 يناير 2011 لم يكن أحد يمكنه أن يراهن بشكل واثق على نجاح الثورة المصرية .. ولم يكن أحد بإمكانه توقع ماحدث ... وهذه هي عظمة تلك الثورة .. أنها جاءت بدون حسابات .. وبتلقائية من الشعب .. وقد إختار البعض ممن كانوا على الحافة .. أن يلعبوا دور المقامر .. فقامروا بكل ثقلهم في إتجاه دون الآخر ... ومنهم من خسر ومنهم من كسب وهناك من كان يتحدث عن قناعة ومبدأ وموقف ثابتين .. ومن الفنانين .. من كان يتصور بأن القادم هو الوحش والبعبع .. أقصد الإخوان المسلمين .. هكذا كان النظام السابق يفزع الجميع .. بخطورة قدوم الإخوان وصعودهم .. وبالتالي .. فهم كانوا في حالة دفاع عن النفس .. أو لنقل دفاع وقائي عن أنفسهم .. وهناك من كان مخدوع في النظام السابق .. وكان يعتقد أنه نظام وطني .. ومخلص .. ولم يكن يعرف أو يدري بكل هذا الكم من الفساد أعرف شخصاً .. مصري .. يعمل في السعودية .. فوجئ في الأسبوع الأول من الثورة .. بأن بعض السعوديين .. يتعاملون معه بتقدير زائد .. وحميمية جديدة .. فكان يعيش مستغرباً .. وفي يوم .. قال له أحد الأشخاص .. أنت وكل المصريين على راسي .. بعد اللي بيحصل ده .. كل مصر على راسي من فوق ز فكان مستغرباً مما قابل .. وبدأ يستفسر من أصدقاؤه .. فلم يكن يتابع أي أخبار .. ولا يعرف أي شئ عما يحدث في مصر .. هذا نوع آخر من المصريين .. غير مهتم بأي من شئونها ... ما حدث كان ثورة .. ثورة مفاجأة .. لم يسعف تفكير وعقل الكثيرون من أن يتخذوا موقفاً سليماً .. أو أن يقولوا كلاماً سديداً .. خاصة الفنانين .. فهم مضمحلوا الثقافة والمعرفة في أغلبهم .. لذلك كانت مواقفهم جاهلة .. وفاترة .. وردود فعل بعضهم في منتهى الغباء .. من كان موقفه عدوانياً وتحريضياً .. هؤلاء في ناحية أخرى ولكن .. كنت أتمنى ألا ترخج قوائم لتصنيف الناس الآن .. ولتؤجل حتى يستعيد الجميع توازنه .. ويعيد حساباته .. ويخرج مواقفه من جديد .. فليس من العيب أن يتراجع المرء عن رأي أو موقف إكتشف أنه كان على خطأ عندما قاله أو اتخذه

هل سيأتي اليوم الذي يتم فيه انتخاب المشرفين من قبل الأعضاء بدل من التعيين متي سيتم وضع ميثاق أو دستور يحدد العلاقة بين الأعضاء والمشرفين والتصويت عليه اتمني مناقشة الموضوع لأهميته حين نطالب بالحرية لابد أن نكون أول من يطبقها علي أنفسنا تحياتي للأستاذ عادل والمشرفين :clappingrose:

عزيزي تامر احنا في الهوا سوا.... بأمرّ أنا وزوجتي بحكم انها زيك مدرسة وبتشوف بلاوي ومواقف تحرق الدم وحتى الأيام دي في احتفالاتهم بأعياد التحرير واعتزازهم بعلم بلادهم وازاي يتفننوا في انهم يلبسوه ملابس... كاب ... اكسسوارات حريمي بيعتزوا بعلمهم جدا ... وبجنسيتهم والموضوع ده كان شاغل بالي ومضايقني على طول ... كنت حاسس بالغيرة عشان بلدي لمّا أخدوا المنحة ... حسيت اني زعلان بصراحة مش حقد عليهم... بس حسيت انهم مش أحسن مننا ما كنتش عارف ان ربنا بعت لنا في نفس الشهر منحة أكبر وأعظم بكتير المنحة كانت.... انتفاضة شعب عظيم علّم البشرية ... وهايفضل يعلمها يعني ايه مصر... ومين همّا المصريين المنحة دي اديتنا أمل في بكرة ... نحقق كل اللي كنا بنتمناه ونتحسر لأننا كنا فاقدين الأمل بس سبحان مقلب القلوب اتشال علم مصر على الراس من أحسن شباب صنعوا التاريخ الاعتزاز بالعلم... والنشيد الوطني لما يتقال بالاحساس الجارف ده من الملايين في نفس الوقت كان شئ فوق الوصف... وأكبر من الخيال أهم شئ ندعي ان فرحتنا تكمل.... ونوصل لبر الأمان أنا زيك علي فكرة مصري ... وأفتخر واللي مش عاجبه ينتحر ويكتب على قبره..."منقهر"

قناه الجزيره من ناحيه المهنيه تاخد امتياز لكن من ناحيه النوايا هترسب بجداره

هو في ايه؟ انتوا عاملين مظاهرات ليه؟ هي في مشرفة هنا ضربت جوزها و لا ايه ؟ طب ما حد من الاعضاء و لا المشرفين يصالحهم يعني مستنين ايه من صباحية ربنا و احنا على الحال دا؟ ربنا بيقول حكم من اهله و حكم من اهلها صالحوهم بقى الصلح خير وش جدو الغلبان اوي في الفيديو دا http://www.youtube.com/watch?v=9LKgeMDzWJs&playnext=1&list=PLBA2FADA94BF4AE84

ردا على قناة الجزيرة المغرضة الكارهة للمحاورات ، قررت ادارة المحاورات تغيير الشعب وردا على العربية، الآن وضح أن هناك جهات أجنبية ذات أجندات خاصة ، واثباتا على كذب العربية ، فقد ثبت أنه لايوجد أصلا عضو بإسم البرادعى فى محاورات المصريين لا أعرف معنى " ا.ف.ب " ، هل هى أختصار لـ " المدرسة فاتحة بكره " ؟

السلام عليكم ورحمة الله... الإخوة المواطنون...قصدى الأعضاء.. أتحدث اليكم كمشرفة فى المحاورات وسأظل ..:P ، فى أوقات صعبة تمتحن المحاورات وأعضائها.. يتحدث فيها البعض عن انتخابات ديمقراطية تكاد تنجرف بهم الى المجهول :closedeyes: ان الاحداث القليلة الماضية تفرض علينا جميعا أعضاءا ومشرفين الاختيار مابين الفوضى والاستقرار.. ونطلب من الفئة القليلة المنشقة أن تتخلى عن أجنداتها الخاصة لنتمكن من الوصول بمحاوراتنا الى بر الامان.. ونحن لم نكن يوما نطلب سلطة او جاه ...ويعلم الاعضاء الظروف العصيبة التى يتحملها فريق الاشراف ... ونقول بكل الصدق وبصرف النظر عن الظرف الراهن...فاننا ننوى الترشح لفترة جديدة :P والله الموفق والمستعان

من حق الاخوان المسلمون ان يكون لهم حزب سياسى يمارسون من خلاله العمل السياسى اما بالنسبه لموضوع شعار الاخوان ان الاسلام هو الحل فليس معناه ان الدخول فى الاسلام هو الحل معناه ان الاسلام الاجتماعى هو الحل الاسلام الاقتصادى هو الحل يعنى ممكن واحد مسيحى يدخل فيه مافيش اى مشاكل دون ان يمس ذلك بعقيدته لانه هيكون فى ذلك الوقت مؤمن بالاسلام الاقتصادى او مؤمن بالاسلام الاجتماعى ولكنه مؤمن غير مؤمن بالعقيده المسيحيه يعنى هيختزل الاسلام فى الفكر الاقتصادى والفكر الاجتماعى بس وفلسفة الدين الاسلامى تختلف تماما عن فلسفة الدين المسيحى يعنى انا مثلا لما اقرأ نظريه فى الاقتصاد لواحد مسيحى او يهودى واعجب بها هل ذلك يؤثر على عقيدتى الاسلاميه اطلاقاً وخصوصا لما تبقى النظريه لا تتعارض مع عقيدتى يعنى الاقتصاد الاسلامى لا يتعارض مع العقيده المسيحيه الاسلام الاجتماعى لا يتعارض مع العقيده المسيحيه دى الفكره شعار الاسلام هو الحل ليس معناه ان الايمان بالاسلام هو الحل فيه ناس كتير قوى غير مسلمين معجبين بعلاج الاسلام لبعض القضايا الاجتماعيه والاقتصاديه والسياسه هذه الامور لا دخل لها بالعقيده تحياتى عنبو

السلام عليكم لم أدخل المنتدى منذ سنوات طويله، وربما جيل عواجيز المحاورات هو الذي يعرفني مثل المخضرم العجوز Scorpion والحبيب Scorpion من المبدعين المصريين فعلاً كتب Scorpion أنقلاب في نفاقستان بتاريخ Posted 09 September 2003 - 03:37 PM وقد كان لي الخظ في هذا السبق وتوقع الاحداث ووصفها بتاريخ Posted 01 September 2003 - 01:50 AM http://www.egyptiantalks.org/invb/index.php?showtopic=7493 وقد كتبت وتوقعت الاحداث كما يلى: هو فيه خبر واحد بس ممكن يخليني ابتسم بجد وهو: خرجت مظاهرات جماعية في انحاء مختلفة من مصر تطالب بالإصلاح والديمقراطيه الحقيقيه للوطن. تفاصيل الخبر: في أنحاء متفرقة بالجمهورية ، خرجت جموع غفيره من المواطنين اليوم تطالب إقالة الحكومه فورا وتنازل الرئيس عن السلطه . وقد قاد هذه الحملة مواطنون عادييون وليس بينهم جماعات حزبيه او سياسية او إسلاميه ، بل إنطلقت هذه المظاهرات تحت وطىء تردي الاوضاع الإقتصاديه وتفشي الفساد في البلاد . هذا وقد ذكر شهود العيان ان المظاهرات كانت سلميه ولم يحدث فيها اي شكل من انواع التخريب للبلد ، كما لم تسجل حالة سرقه او نهب اثناء المظاهرات. وقد فشلت قوات الشرطة وكذلك قوات الجيش لصد وقمع هذه المظاهرات نظراً لان أعداد الجماهير الغفيره كانت بالملايين وتمثل كل طوائف الشعب . وقد تناقلت وكلات الانباء العالميه خبر المظاهرات ، كما إمتلأت القاهرة والمحافظات بالمراسلين الأجانب لتسجيل هذا الحدث الفريد بمصر والذي لم يكن متوقعاً من المواطنين ، الأمر الذي سبب حرجاً شديداً لأجهزة المخابرات الأجنبية لعدم توقعها لمثل هذا الحدث الفريد. واشارت إذاعة البي بي سي انه لم يحدث اي هجوم على السفارات الأجنبيه بمصر وان المظاهرات قد تم الإعداد لها بمستوى عالي من التنظيم والحنكه ، الأمر الذي جعل المراسلين الاجانب في حيرة من أمرهم على قدرة المصريين على تنظيم أنفسم وعدم الإنقسام عليها. هذا وقد لاذت الحاشية الحاكمة وأعضاء المجالس المحليه والشعبيه بمبنى مجلس الشعب طلباً للحمايه. هذه كانت أخر الانباء قبل مثول الصحيفة للطبع بدقائق، وسنوافيكم بأحدث التطورات الجارية ورددود الأفعال العربيه والأجنبية. .............................. مع خالص حبي وتقديري للحبيب Scorpion سقراط

في قصر الرئاسة - الحق يا بابا فيه ناس ماشية في الشارع عمالة تهتف -و ايه الجديد يا حبيبي ... ما هم كل يوم يهتفولي و يمسحولي جوخ -لأ يا يا سيدي .. دول بيهتفوا ضدك ... عمالين يقولو قولو للفاجر .. كفاية مش قادر... و ناس تانية بتقول قولوا للسلطان نهايته قاراميدان - يا نهار اسود .. ده عندنا هنا ده - آه و حياة ماما في توتر شديد يرفع السلطان سماعة التليفون ة يخاطب مستشار الداخلية ... -ايه يا سي زفت اللي بيحصل في البلد ده .. انتوا نايمين علي ودانكم - يا مولانا دول شوية عيال شيوعيين عمالين يهبهبوا .. قلنا نسيبهم شوية علشان نوري لأمريكا ان احنا عندنا ديموقراطية - و ديني يا هابلي الكلب لو العملية دي ما اتلمتش فورآ لحبعتك سجن ابو زعتر و اسيبك في ايدين اللي سحلتهم تنزل العسس في الشوارع تطيح بالمتظاهرين الضرب مستخدمين كل ادوات القمع من كرابيج و سنج ... رصاص .. و قنابل مسيلة للدموع ... و لكن ما ان يبدأ القمع حتي زاد غضب المتظاهرين .. و كسبوا تعاطف من كان يشاهد من بعيد ممصمصآ شفاه - شوفي ولاد الكلب نازلين في العيال ضرب ازاي .. كفاية مش قادر - رايح علي فين يا بو عادل ... مالناش دعوة - ماهي مالناش دعوة دي اللي جابتلي الكافية ... اللي مخلياني مش عارف اعيش لا أنا و لا أنتي و لا عادل نفسه .. ياللآ العمر واحد و الرب واحد .. و يذهب الي المظاهرات و معه آخرين و آخرين ... السلطان متابعآ ما يحدث علي شاشات السي ان ان و أبتدأت المكالمات المحمومة مع مستشار الداخلية في سلطانيته - ايه الأخبار يا هابلي - الأمر تحت السيطرة يا مولانا - سيطرة ايه يا معفن ... انت مش شايف اللي بيحصل في ميدان العروبة .. ده فيه ما يقلش عن 5 تلاف واحد اتصرف يا هباب بسرعة - ننزل شوية عيال بدقون وسطيهم يا مولانا .. تقوم امريكا تخاف و تكش و تبعتلنا المساعدة - و احنا لسه حنستني مساعدة امريكا .. اضرب يا هابلي .. اضرب يزيد الضرب .. و تتضاعف الأعداد التي تنزل الي الشوارع منادية بسقوط السلطان يدور السلطان في ارجاء قصره متوترآ ... و يفكر .. انا طول عمري بتاع امريكا .. اتصل بيهم يقولولي اعمل ايه - الو .. جود مورنينج يور هاينسي - هو ايز توكينج - انا سلطان نفاقستان - آه .. هو انت ... خير .. عايز ايه - ايه الوش الأبلاكاش ده .. انت مش شايف اللي بيحصل هنا ... اعمل ايه ؟؟ - تعمل ايه ... اعمل شوية ديموكراسي في البلد - يعني ؟ - ادي للكلب عضمة يتلهي فيها - يعني ؟ - اديهم حاجة ... ادي الناس حاجة .. - منحة يعني ؟؟ - لأ موش بقت تنفع دلوقتي ... لازم تعمل تغييرات سياسية لحظة سكوت ... و يهز السلطان راسه .. ثم يتصل بالأذاعة و التليفزيو ليذيع بيان علي الشعب - يا شعبي الحبيب ... وصلت لي تطلعات شوية عيال من الناس ... و بما اني عمري ما كسرت كلام ليكم .. فلقد قررت اعدام مستشار الداخلية بعد ما اكتشفت انه كان بيعاملكم بقلة ادب لا يرضي الشعب و تزداد المظاهرات بيان آخر .. يا شعبي الحبيب .. بعد تفكير وجدت ان مستشار الداخلية ما هو الا مخلب القط لكل المستشارين الوحشين اللي كانوا حواليا و اللي اكتشفت انهم كانوا بيخبوا عليا دايمآ الحقيقة .... و بناء عليه قررت القبض عليهم كلهم و توزيع املاكهم علي الفقرا .. و اختيار مستشارين جدد يحظوا بحبكم لا يرضي الشعب و تزداد الجموع ... بيان آخر ... يا شعبي الحبيب .. سمعت ان فيه اشاعات مغرضة بتقول ان ابني الصغير سيحكم من بعدي متخطيآ دور اخيه الأكبر .. و الكلام ده و عهد الله كذب .. و النيعمة الطاهرة دي .. كذب .. و لأثبات ده .... انا خلاص بعت ابني الي مدرسة داخلية في سويسرا .. و مش حيرجع منها ابدآ ... لا يرضي الشعب و تزداد الجموع حتي لا يبقي مكان لقدم في شوارع السلطنة .... اعمل ايه يا ربي .. اعمل ايه يا ربي ... يقولها السلطان و الخوف يقتله ... و في تلك اللحظة يدخل محلاوي رئيس الجيش و بهدؤ يقول يا مولانا ... فيه عربية مستنية حضرتك تحت .. من غير مناهدة تلم خلجاتك و تركبها و تسيب السلطنة النهارده - دي آخرتها يا محلاوي ... بعد كل اللي عملته لك و لأصحابك .. تعملوا انقلاب عسكري عليا انا ؟؟ -اتشطر الأول علي امريكا و بعدين ابقي تعال اتنطط عليا ... ياللالا يا مولانا سكة السلامة - هي دي أخرتها ... هي دي اخرتها ... كانت تلك آخر كلمات ينطقها قبل ان يصاب بشلل نصفي في التليفزيون في نفس المساء .. يظهر الطنطاوي معلنآ رحيل الطاغية .. و ان الجيش الآن هو الحاكم الفعلي و سيعمل جهده علي اعادة الحق الي اصحابه ... تهتز البلاد فرحآ ... و تسمع الأغاني و الأناشيد في كل مكان .. و ترجع الناس الي بيوتها مهنئة بعضها البعض بنجاح الثورة آملين في يومآ جديدآ مشرقآ .. و مستقبلآ يحمل الخير .. و الذي ظهرت اول بوادره مع البيان الأول من القوات المسلحة : البيان الأول تطبيقآ لمباديء الثورة الشعبية فلقد تقرر واحد : تأميم جميع الأراضي الزراعية و توزيعها مجانيآ بواقع 3 فدادين لكل فلاح اتنين ... تأميم ... يستمر الحاكم العسكري في سرد القرارات بينما يتعالي صوت عبد الحليم حافظ و هو يغني ... تاني تاني تاني تمت وصيتكم جونيور و أمه ...

هناك في هذه الدولة البعيدة جدآ جدآ جدآ عنا... ( يعني علي بلاطة مش بتاعتنا يا سيادنا ياللي معانا)... في قصر السلطة دار هذا الحوار بين السلطان و أبنه : - صباح الخير يا حبيبي... ايييه الأخبار ؟ - صباح الخير يا بابا.. مافيش أي حاجة جديدة.. بس أمبارح ما نمتش كويس.. يعني نمت و الشباك مفتوح... و الظاهر أن بنطلون البيجامة أتسحب مني.. أو سحلية عدت علي قفايا.. فقضيت طول الليل في كوابيس.. - أحكيلي يا جمال الدين يا حبيبي.. حلمت بأيه؟؟؟؟ - قال ايه يا بابا.. خير اللهم أجعله خير...قال الأمريكان هجموا علي السلطنة.. و أحتلوها بحجة أن الديموقراطية ناقصة في السوق عندنا...و هما عندهم فايض عايزين يصدروهولنا بالعافية بدل ما يرموه في البحر زي اللبن كده.. - و بعديييين ؟ - و بعدين أول ما دخلوا... هوببااااااااااا الشعب كله هاج.. بس مش عليهم ... دول هاجوا علينا النماردة دول.... ما لحقناش نِكُت و مسكونا كلنا.. انت و انا و كل مستشارين السلطنة.. و علقونا كلنا عل فلكة و وقفوا طوابير ورانا... و كل واحد ييجي دوره يفش فينا غيظه بطريقته.. و مافيش أي حاجة ممنوعة.. و مش كفاية ده بعد ما يفش غله.. يرجع تاني يقف في الطابور من جديد و يستني دوره... و فضلت يا بابا طول الليل أعيط و أعيط و أقول كفاية كفاية لحد ما صحيت لما حسيت أن المرتبة تحتي بقت مبلولة... - ايه يا حبيبي الكوابيس دي؟؟... لأ لأ لأ... أنت من الليلة تيجي تنام في حضني..و عالعموم يا روح بابا ديه أحلام مش ممكن حتحصل أبدآ. - و أفرض يا بابا ده حصل فعلآ..ما هو السلطان بن حسين كان متأكد برضه أن ده مش ممكن يحصل أبدآ.. و أديك شفت عملوا أيه فيه هو و ولاده.. - يا حبيبي ده حمار.. أحنا مع الأمريكان مش ضدهم زي ما هبب البجم ده... و بعدي شعب أيه اللي هتخاف منه ده... ده شعب معيز تلمهم بحتة عصاية... - يا بابا مش فاكر كان فيلم ايه االي قالت فيه الست.. ده دود يالاه.. و بعدين الدود طالهم... لأ يا سيدي أنا مش مقتنع أنا عايز أكون مقتنع مليار في المية... ده مستقبلي أنا يا بابا.... - يعني هأعمل أيه أكتر من اللي بعمله يا كبد بابا... أنت باين عليك عايز فلوس تانية.. ما تقولها بصراحة لبابا .. - كلك نظر يا سيد الكل.. - خلاص يا حبيبي.. عشان خاطر عيونك نلغي الدعم نهائيآ عن أي حاجة.. ماهو وجوده زي عدمه دلوقتي..بكده نضرب عصفورين بحجر واحد.. صندوق النقد الدولي يرضي عنا و يوافق علي السلفيات و المنح المطلوبة حلال بلال عليك يا عم.. و السوق يبقي في جيبك تاخد توكيل الدقيق.. و الأدوية... و اللبس و الشرب وكله.. السوق كله بتاعك يا حبيبي .. ده انت أغلي حاجة عندي.. - و هتقنع الشعب أزاي ؟ - الشعب.. آأأأأه.. المعيز.. يعني هأقولهم ايه يا حبيبي.. الحتتين بتوع كل مرة.. الأقتصاد العالمي بايظ.. و عنق الزجاجة و شدوا الحزام و الذي منه..يعني هنِغلَب... - ربنا يخليك ليا يا بابا.. يا أحسن بابا في الدنيا. في أحدي شوارع العاصمة القديمة... شوارع حالكة .. مظلمة..تنوء بحملها من بيوت قديمة .. متهالكة.. حزينة.. و في احد هذه البيوت مجموعة كبيرة من الأصدقاء تتناقش في حماس شديد : - أحنا هنفضل ساكتين لحد أمتي.. أنا مش قادر خلاص.. - عندك حق.. ده أحنا وصلنا خلاص للقاع.. - يا ريت القاع و بس..ده أحنا وصلنا للقاع و أبتدينا نحفر.. - أصبروا يا جماعة.. الصبر مفتاح الفرج.. بكره ربنا يفتكره و يغور - و بعد ما يغور يا خويا هتتحل في رأيك.. ديه هتتنيل زيادة - انا مش هاقدر أصبر أكتر من كده.. خلاص.. خلاص... حنشد الحزام أكتر من كده أزاي؟.. ده انا كل شوية أخرم خرم جديد في الحزام لحد ما آخر خرم وصل جنب الأبزيم.. يعني ايه.. حاخرم الأبزيم بعد كده؟؟؟ -يا عالم..يشيلوا الدعم كله...و مرة واحدة كده ؟؟؟..يعني يرضي ربنا اني مش قادر اجيب حق سندوتشات العيال اللي يروحوا بيها المدرسة...و الا حق المدرسة نفسها و الكتب و الهدوم.. ده انا عملت أستبدال معاش عشان أجيب حقهم. - خلاص... وقت الكلام أنتهي و جه وقت الفعل... أحنا لازم نعمل حاجة.. كفاية ولولة زي النسوان.. نطلع بقي من القوقعة و نغير بأيدينا الأحوال.. ما فيش حد هييجي يغيره لينا عشان سواد عيوننا. - ايييه..عايزنا نعمل مظاهرات؟؟؟ - المظاهرات مش هتجيب نتيجة.. أحنا هنعمل ثورة.. أنقلاب.. - يا نهار أسود.. ثورة حتة واحدة.. ده كلام كبير قوي قوي يا عمنا... ده الواحد لو قال لواحد من الحراس صباح الخير بينفخوه.. ده اسمه محاولة قلب نظام الحكم.. و خيانة عظمي... و اعدام..و..و..و..و - ما فيش حاجة ببلاش...اللي عايز يغير ما يفكرش في اللي حيحصله.. و اللي يخاف ما يجيش.. و اللي ييجي ما يخافش.. الجماعة معانا خلاص قررت... البلد جاهزة و محتاجة بس الفتيلة اللي تولعها.. و احنا اللي هنولع الفتيلة دي.. ايه رأيكم.. معانا و الا لأ ؟ - يا عم دي حاجة كبيرة قوي.. اشمعني أحنا اللي نولع الفتيلة ديه.. ده احنا عالم بسطاء.. عاديين.. غلبانين.. بنجري علي لقمة عيشنا. - ما هو ده اللي جايبلنا الكافية..اللي مخليهم راكبيننا و مدلدلين رجليهم من سنين و سنين... بس لأ.. تاريخنا مليان ناس زينا كده.. بسطاء.. غلبانين.. هما اللي قاموا بالثورات.. هما اللي دوروا علي مستقبل جديد..و دلوقتي جه دورنا...عالعموم أنا مش بجبر حد.. اللي عايز يشارك أهلآ و سهلآ.. و اللي مش عايز . برضه أصحاب.. أحنا مش مستنيين أن الجميع هيشاركوا.. بس لازم نكّون النواية في الأول. - يعني حنعمل ايه ؟ - حنعمل ايه.. ده لازم ندرسها كويس قوي.. المهم النية تكون موجودة و من غير خوف... ديه البداية.. يالله مين معانا ؟؟؟ - أنا - أنا - و أنا معاكم..ضربوا الأعور علي عينه - أنا.. أنا لأ..معلهش يا جماعة أنا ورايا عيال - و أنا كمان لأ... عمرنا ما هنقدر نغير حاجة..مستحيل.. ده غول كبير يا سيادنا.. ده أنا متأكد أن كل اللي قولناه دلوقتي متسجل.. و أول ما حنخرج هنتمسك و أعدام دوغري.. - أنا قلت الي خايف يرجع بيته.. - سلامو عليكو - و عليكو السلام و بعد كثير من المناقشات و أنضمام البعض و أنسحاب الآخر بقت مجموعة من الأصدقاء.. - دلوقتي حنعمل ايه ؟ - دلوقتي ترجعوا كلكم بيوتكم.. و نتقابل بعد يومين تلاتة نكون رتبنا أفكارنا.. - سلام - سلام ألان حاولوا معي ايجاد تكملة لهذه القصة (الخيالية)... يعني جرجرة رجل..عشان انا في المعتقل لوحدي حيكون شكلي وحش قوي.. يعني اللمة حلوة برضه و أخواننا اللي بره لما ييجوا يزورونا يبقوا يشتروا الحلاوة و البرتقال بسعر الجملة و نوفر عليهم. فيروز ... وصيتك المانجة بلاش القصب في المعتقل أبوس أيديك

إحبائي ... صحيح أننا حققنا الكثير من الأهداف التي قامت من أجلها الثورة المباركة للشعب المصري ولكن هذا لا يعني أن نعود الى حالة الاسترخاء ... كثير من المطالب لم يتحقق بعد والكثبر مما تحقق ما زال هشّا أو في مرحلة التعهدات والوعود؟ لازال لدينا مجلس وزراء معظم أعضائه من النظام السابق ويرأسه أحد أكثر رموزه خبثا وعنجهية ... شخص ما زال يرفض في كل تصريحاته الاعتراف بسقوط النظام وبأن ماحدث هو ثورة . لازالت حالة الطوارئ قائمة رغم كل المغالطات عن الغائها مع تعطيل العمل بالدستور ... مش عارف من اين أتت فكرة أن تعطيل الدستور يعني إلغاء قانون الطوارئ ... ماذا عن قوانين الجنايات أو الضرائب ... هل أوقف العمل بها أيضا؟؟؟ لايزال المئات إن لم يكن الآلاف ممن شاركوا في الثورة أو اعتقلوا قبلها مختطفين بواسطة الأجهزة الأمنية للنظام البائد ... ولازال جهاز أمن الدولة يعمل بكامل قوته ويستعد للانقضاض على الثورة حالما تسنح له الفرصة لذلك. لازال معظم رموز النظام السابق يعملون بكامل حريتهم ويحتل بعضهم مواقع قيادية في مؤسسات الدولة الأمر الذي يسمح لهم بالتآمر للقيام بثورة مضادة يستعيدون فيها سيطرتهم على الأمور إذا لحظوا تراخيا من الثوار والمواطنين. لازلنا تحت حكم مجلس عسكري يدين كثير من أعضاءه بالولاء للنظام السابق ولهم امتيازات يخشون زوالها إن نجح التحول الديموقراطي. لازالت التعديلات الدستورية الموعودة في علم الغيب ولا أحد يعلم ما ستأتي به خصوصا أن من سيقرها هم العسكريون. لازال نواب الحزب الوطني يتمتعون بالنفوذ الكافي لتحويل الانتخابات القادمة الى مهزلة مثل غيرها عن طريق أسلحة الرشوة والبلطجة. لازال مصير الرئيس ونائبه مجهولا ... ذلك النائب الذي أعلن تنحّي الرئيس ولكنه لم يتنحّ هو عن منصبه. ولا زال ... ولازال ... ولازال أمامنا عمل كثير حتى نستطيع أن ننام مطمئنين على نجاح هذه الثورة لتحقيقها لأهدافها، فياريت نفضل صاحيين حتى لا تسرق منّا.

السلام عليكم ورحمة الله وبركاته وحشتني المحاورات جدا ياترى لسه فاكريني !! مبروك لشعب مصر .. اسأل الله ان يهيئ لكم من أمركم رشدا على فكرة كنت في مصر يوم جمعة الغضب ورجعت مترحلة :sad:

مقال أكثر من رائع عجبني أنا عن نفسي جدا ... فعلا يستحق القراءة ممكن يختلف الترتيب .... وممكن نشيل واحد ونحط واحد تاني تعددت الأسباب .... علي بريشة المصدر

عن نفسي مش مع الغاء الماده الثانية ولا حتى تعديلها ولهذا اسباب .. الماده دي بتنقسم لشقين .. الشق الأول وهو الذي ينص على ( الهوية الدينية ) للدولة المصرية وهي الاسلام .. يمكن يكون في ده بعض ( الظلم ) لاقليات اخرى غير مسلمه تتمتع بالجنسية المصرية بس مهو لو بصينا لها من جهة ثانية مافي دول تانية بتعلن هويات غير اسلامية زي بريطانيا , سويسرا, السويد .. الخ الي كلها بترفع علمها يتصدره الصليب .. يعني هم لم يجدوا غضاضه في اعلان هوية دولتهم المسيحية ومحدش من الاقلات غير المسيحية هناك اعترض .. طبيعي جدا لما اكون في دولة غالبية سكانها تدين بديانة ما اني اعترف بان الدولة دي مش على ديانتي ومش ده المهم .. المهم اني اخذ حقوقي فيها كاملة حتى لو كنت بنتمي للأقلية .. الشق الثاني ـ الأهم ـ وهو الخاص بكون الشريعه الاسلامية هي مصدر التشريع .. بطبيعه الحال فالهدف من اي دستور في الدنيا هو استنباط القوانين المسيرة للامور داخل هذه الدولة .. وعليه فكان وجود مثل هذه الماده ضروري جدا سواء لنا كمسلمين او غير مسلمين .. حيث ان شريعتنا بتحرم علينا اشياء فوارد جدا انها تحلل بقوانين وفي حالة وجود ماده تنص على ان الشريعه الاسلامية هي مصدر التشريع هيبقى القانون ده باطل ومن المستحيل فرضه على الشعب .. كمثال فلو تم الغاء الماده الثانية من الدستور او تعديلها بحيث تصبح الشريعه مجرد مصدر ضمن مصادر اخرى فوارد جدا في المستقبل ان يطلع قانون يقسم المواريث بالتساوي .. ووارد برضه ان اخ يتزوج اخته او رجل يتزوج رجل آخر مثله على اساس انه لايوجد قانون يمنع ذلك .. ومينفعش ساعتها نقول بأننا شعب متدين بطبيعته ولن نقبل بمثل هذه الامور ففي حالة سن القوانين خاصه اذا جاءت بضغط خارجي من مؤتمرات او حركات عالمية ممكن هيستنكرها الناس في البدايه لكن بعد كده هتبقى امر واقع ثم ستخرج لحيز التنفيذ .. ده بالنسبة لنا كمسلمين طيب وغير المسلمين؟ في الزوبعه الاخيرة الي اثارها موضوع رفض الكنيسه الاعتراف بالزواج الثاني برغم اقرار المحكمه له تمسك الرافضون بهذه الماده تحديدا لسبب بسيط .. فالشريعه الاسلامية زي ماحطت قوانين لمعتنقي الاسلام فهي برضه بتنص على ان الحكم بين اهل اي ديانة اخرى غيره يكون بكتابهم المقدس وماينص عليه .. وعلى هذا فلو الغيت الماده الثانية من الدستور هيكون حكم المحكمه ملزم للكنيسه حتى لو تشريعات المسيحية مخالفة له .. وقيس على ذلك اي ديانة اخرى سيكون القانون في حالة الغاء الماده الثانية مهيمنا على تعاليم دياناتهم ايا كانت وفي حال التعارض سيكون الغلبة له بكل ادنى شك .. واخيرا فاعتقد والله اعلم بان هذه الماده تحديدا لو طرحت للاستفتاء فمن المستحيل ان يتم الموافقة على الغاءها او تعديلها .. المشكلة فيما لو طرحت مقرونة بتعديل ماده اخرى حيويه بحيث يكون الوضع اما قبول الكل او رفض الكل .. مش عارفه الوضع في حاله زي دي هيكون ايه بس اعتقد ان من الانصاف وعند طرح تعديلات الدستور للاستفتاء العام ان الامر يكون بشكل مستقل لكل ماده على حده .. بقيت ملاحظة اخيره فمن الواضح ان مسار الموضوع انحرف وبشده ..ياريت لو يتم فصل المداخلات الخاصه بالنقاش حول الماده الثانية من الدستور في موضوع مستقل وياريت برضه ميتمش ضم الموضوع ده لاي موضوعات قديمه تكون تكلمت فيه لان الوضع حاليا مختلف عن السابق .. بقليل ..

البحرين ملتهبه اليمن مشتعله ليبيا منتفضه لكن للاسف كل التغطيات من جميع القنوات لا ترقى لمستوى الاحداث فى تلك الدول نفس التجاهل الذى ساد اول ايام المظاهرات لدينا

الالإسلام لا يعرف التفرقة بين الدين والسياسة أو بين الدين والحياة، كما يروج العلمانيين - وانت يقينا لست منهم - ، والهدف هو إقصاء "الدين" أو "الإسلام" عن حياة المسلمين.. وهو ما سمَّاه سيد قطب- رحمه الله- "الفصام النكد"، يوم ابتدع أهل أوروبا في بداية عصر النهضة هذا الفصل؛ حيث نحَّوا "الدين" أو "الكنيسة" جانبًا.. وصار الدين عندهم وما زال قابعًا في ضمير الفرد. الإسلام يدعونا ألا نكرر هذا الفصام النكد في حياتنا ولا في قوانيننا ولا في أنظمتنا السياسية,, إذ إنه لا يعرف ذلك ولا يقره، وكل مرجعيات الإسلام من القرآن والسنة وشواهد التاريخ وسوابق الحكم الإسلامي على مختلف العصور والبلاد شاهدةٌ على ذلك. فما معنى لا دين في السياسة.. هل تعني أن السياسة لا دين لها؟! فلا تلتزم بالقيم والقواعد الدينية، وإنما هي "براجماتية" انتهازية تتبع المنفعة حيث كانت المنفعة المادية والمنفعة الحزبية أو القومية والمنفعة الآنية، وترى أن المصلحة المادية العاجلة فوق الدين ومبادئه، وأن "الله" وأمره ونَهْيَه وحسابه لا مكان له في دنيا السياسة.!! وما معنى ان نجد اعضاءا في مجلس الشعب مستقلين بينما هم يقينا متوحدين قلبا وقالبا مع الاخوان المسلمين ولا يمكن اختزال تواجد الاخوان في الشارع المصري وحرمانهم من ابسط حقوقهم السياسيه وهو تكوين حزب سياسي لهم يعرضون فيه برنامجهم يقبلها من يقبل ويرفضها من يرفض ,, قلت في مداخلة سابقة لي لو ضمت الهيئة التاسيسية للحزب او سمحت بانضمام الاقباط والنساء ووصولهم الى اعلى منصب سياسي ( عدا منصب رئيس الجمهورية ) فقد استحقوا مني كل الدعم والتاييد ,, وخلاصة القول: إن الدين الحق إذا دخل في السياسة دخل دخول الموجِّه للخير والهادي إلى الرشد المبين للحق.. العاصم من الضلال والغي.. فهو لا يرضى عن ظلم، ولا يتقاضى عن زيف، ولا يسكت عن غي.. ولا يقر تسلط الأقوياء على الضعفاء، ولا يقبل أن يعاقب السارق الصغير ويكرم السارق الكبير. والدين إذا دخل في السياسة هداها إلى الغايات العليا للحياة وللإنسان: توحيد الله.. وتزكية النفس.. وسموِّ الروح.. واستقامة الخلق. وتحقيق مقاصد الله من خلق الإنسان: عبادة الله وخلافته في الأرض وعمارتها بالحق والعدل، بالإضافة إلى ترابط الأسرة وتكافل المجتمع وتماسك الأمة وعدالة الدولة وتعارف البشرية. والسياسي حين يعتصم بالدين فإنما يعتصم بالعروة الوثقى، ويحجبه الدين عن مساوئ الأخلاق ورذائل النفاق.. فإذا حدَّث لا يكذب، وإذا وعد لم يخلف، وإذا اؤتمن لم يخن، وإذا عاهد لم يغدر، وإذا خاصم لم يفجر.. إنه مقيَّد بالمُثل والأخلاق والقيم.

مهما قيل من كلام .. لن تتم إستعادة الثقة سوى بالأفعال إعادة هيكلة الشرطة على أساس أنها جهاز مدني .. يتعامل مع الناس .. تعظيم الدور الأمني الجنائي لجهاز الشرطة .. وأن يقوموا بدورهم كما ينبغي في هذا الإتجاه .. وعندما يحققوا نجاح ملحوظ في ذلك وتخفيض معدلات الجريمة .. وسرعة القبض على المتهمين .. وسرعة وتطبيق تنفيذ الأحكام القضائية .. إذا قم جهاز الشرطة متمثل في إدارت المرور .. بأداء فعال في الفترة القادمة دون البلطجة على مخاليق ربنا مثلما كان يحدث إذا كان في أقسام الشرطة إخصائي أو أخصائية إجتماعية .. إذا رأيناهم في الشارع يحترمون المواطن ويحترمون أنفسهم .. غذا رأينا إنضباطهم .. ستعود الثقة ... ولكن .. يجب أن تمنح الفرصة لجهاز الشرطة لعدة أشهر ليتم تطبيق ذلك ... لا يمكن أن نطلب كل شئ ليتحقق قوراً .. المسائل محتاجة شوية وقت أما عملية إستعادة الثقة .. التي لم تكن أصلاً موجودة كما يجب أن تكون فستأخذ وقت أطول

فى حاجه و لازم اقولها صحيح فى شهادات كتيره عن الفساد و مهمه لكن لازم لازم ناخد بالنا مين الى بيتكلم و بيتكلم ليه لازم مننخدعش لان المرحله الى احنا فيها دى هى مؤحله التلون لناس كتير جدا سواء بقى دفاعا عن مصالحهم او محاوله لركوب الموجه او حتى كتغطيه على مشاركتهم الفعليه على فى الفساد الى كان حاصل سواء فعلا او سكوتا يعنى مثلا الاخ عمرو اديب الى طلع يعيط و يشتم فى النظام السابق و ان احنا لا يمكن نشوف ذل و لا فساد زى الى كنا فيه قبل كدا هو هو نفسه الى كان قبل كدا بيقول على مبارك رمز و خط احمر و كلام كبير من نفس النوعيه !!!!!!!!!!! نفس الفكره برضه مع استاذ هيكل الى طلعغ تانى يوم مع منى الشاذلى يتحدث ع الفساد و ازاى ان النظام السابق كان سبب البلاء و الفساد و لابد من المحاسبه و التطهير و الحاجات الجامده ديه برضه بعدها باقل من يوم انكشف ان جمال مبارك مشارك ولاده فى شركه هيرمس ب 18 % و الهادره انكشف ان ارباحه من المشاركه دى من عام 2007 190 مليون جنيه و ادى الخبر هو بس خلاصه الى انا عايزه اقوله ان كتير قوى هيحاولوا يظهروا انهم من اوائل الناس الى رفضت الفساد رغم ان دا ممكن فى حالات ميكونش صحيح قوى دلوقتى معدناش هنسلم عقلنا لغيرنا تانى و لا نسيبه يحاول انه يحقق مكاسب على كتافنا ره تانيه

http://www.youtube.com/watch?v=--uhaQb2BZU&feature=related يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى قولوا لأمى متزعليش وحياتى عندك متعيطيش قولوا لأمى متزعليش وحياتى عندك متعيطيش قولولها معلش يا امى اموت اموت وبلادنا تعيش امانه تبوسولى ايديها وتسلمولى على بلادى يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى فى جسمى نار ورصاص وحديد علمك فى ايدى واسمى شهيد فى جسمى نار ورصاص وحديد علمك فى ايدى واسمى شهيد بودع الدنيا وشايفك يا مصر حلوه ولبسه جديد لأخر نفس فيا بناااادى باموت وانا بحب بلادى يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى طايرين ملايكة حواليا طير لحظة فراقك يا حبيبتى غير طايرين ملايكة حواليا طير لحظة فراقك يا حبيبتى غير همشى معاهم وهسيبك واشوف يا مصر وشك بخير قالولى يلا ع الجنه قولتلهم الجنة بلااااادى يابــــــــــــــــلادى يابــــــــــــــــلادى انا بحبك يا بلادى يابــــــــــــــــلادى يابــــــــــــــــلادى انا بحبك يا بلادى

شايفين الكلبش ,, :happy: اللي عاوز يروح مبنى جهاز مباحث امن الادراه ياخد رقم موبيلي عشان حيحتاجه جوه ,, :happy: أنصحك بكسر شريحة موبايلك ومتمشيش فى شوارع ضلمة

http://www.youtube.com/watch?v=CBB7LoBeJJk

الادارة تهيب بحضراتكم العودة إلى منازلكم عشان ده محل أكل عيش معلش عشان حنرش قدام المحل :closedeyes: في كواليس الاشراف شعب المحاورات الطيب انتظروا خطاب بعد قليييييييييييييييييييييييييييييييييييييييييل قد عشرة خماشر ساعة كده :)

الورد المفتح في جناين المحاورات الشهيد اركتيكت architect استشهد امام قسم ( مواضيع جادة ) برصاصة قناصة مصرية

يقيم أي حاكم أو أي نظام حكم حسب هذه المعاييرمدى حرصه على تنمية الإنسان .... الفاعل الأساسي مدي حرصه على تنمية وترقية التنظيمات السياسية والاجتماعية المختلفة رؤية هذا الحاكم أو هذا النظام المتعلقة بتاريخ البلد ووضعه ضمن محيطه والعالم وحلمه بالنسبة للمستقبل لو اقتصرنا على هذه المعايير الأساسية سنجد أن حسني مبارك ونظامه ياخد صفر بل أقل من الصفر لأنه هدم الإنسان .... وما تبدى من أداء بديع وحضاري ومعجز في ثورة 25 يناير هو إنجاز مستقل لهذا الشعب وبالنسبة لتنظيم المجتمع في مؤسسات مختلفة الهدف .... ياخد نفس الدرجة ... لأنه حارب كل التنظيمات وأفسدها هذا خلافا لانعدام أن يكون له أي رؤية للتاريخ ولا للحاضر ولا للمستقبل أما بناء الكباري وتنفيذ ما تبقى من اتفاقية السلام مع إسرائيل التي لمصر فيها الوضع الأدنى أو البناء على الأراضي الزراعية والإنفاق على إصلاح أراضي صحراوية ليس لها أية قيمة في ذاتها ناهيك عن موازنتها بسحق الإنسان والمجتمع المصري

موش عارفة .... بس ليه وجهة نظر يمكن موش هاتعجب حضرتك .... هو موش استعادة سيناء ....نفسه هو استعادة طابا .....؟؟ اما عن استعادة علاقتنا بالدول العربية ...فحدث ولا حرج.... ممكن بسهولة تسأل اى مغترب ....عن وضع علاقات مصر بالخارج وهو قادر تماما عن اعطائنا صورة واضحة عن علاقة مصر بالدول العربية .... للاسف يؤسفنى انى اقول لحضرتك ان علاقتنا بتلك الدول شبه مهلهلة علاقة مبنية على مصالح الحكام وليس الشعوب .. .علاقة كروية بحتة .....تبعد بعد السماء عن العلاقات الاستراتيجية ..... طبعا مع حذف علاقاتنا بـ( قطر ...الجزائر ...السودان ...فلسطين ) ( اشبه بعلاقة العادلى بثورة 25 يناير ) الانجازات اللى فوق بالاحمر دى ... ممكن تكون انجازات رئيس حى ....موش رئيس جمهورية .... عار علينا ان يكون هذه هى انجازات رئيسنا السابق موش عارفة بس دى مجرد وجهة نظر .... وأخيرا تقبل تحياتى ------------------------------------------------

فعلاً .. المكان المناسب لهذا الموضوع هو باب الإبتسام لان عفواً .. الزملاء المحترمين المشاركين في هذا الموضوع نسوا شيئاً هام جداً وقُتل بحثاً هنا في المنتدى وهو ببساطة .. إن في فرق كبير بين الملكية العامة اللي كلنا لنا حق فيها .. وبين المليكة الخاصة يعني البلد .. مصر .. كلنا لنا حق فيها .... وكلنا من حقنا إختيار حكامها ودستورها و و و و و لكن الملكية الخاصة .. زي المكتبات .. او التجمعات الثقافية ..... مختلفة تماماً ... هل سمعتم في يوم إن عُمر خيرت و جمال بخيت ... ومحمد منير .. عملوا مظاهرة عشان يطالبوا بإنتخابات حُرة ونزيهة وعمل دستور لساقية الصاوي ؟ واللي ما يعرفش ساقية الصاوي .. نقول له ... إنها أكبر تجمع أدبي وفني وثقافي في مصر بل يمكن الشرق الأوسط كله .. وهي وزارة الثقافة الحقيقية في مصر .. وهي ملتقى النخبة المثقفة في مصر وملتقى كل فنان حقيقي بيحترم فنه .. وبالتالي الناس بتُقبل عليها بشكل يفوق الوصف إذا العبرة أيها السادة هنا بتكمُن في : 1- إحنا عاوزين إيه ؟ 2- إحنا بنتكلم عن إيه ؟ اما خلط عيشة بام الخير فهذا مضيعة للوقت .... وللجهد أيضاً مره أخرى .... نحن صالون ثقافي .. صاحب رسالة تنويرية وثقافية ... لم ندعي يوماً باننامجتمع ديمقراطي به دستور وإنتخابات .. لكن في نفس الوقت لنا قواعد وقوانين و كل من أنضم لهذا المكان وافق عليها قبل أن يُسجل .... لم ندعي يوماً أن هذا المكان ملك للإدارة فقط ولها مطلق الحرية بان تفعل به ما تشاء .... لم ندعي يوماً بإننا مستقلين بذاتنا ولا نحتاج للسادة الأعضاء المحترمين الذين هم أعمدة المكان .... ولم ندعي يوماً بإن مجتمع على الإنترنت يستخدم فيه اغلب الأعضاء أسماء وهمية مستعارة يُمكن أن تتم به إنتخابات وانت لا تعرف هل من أمامك الأن رجل أم إمرأة أم أم أم أم .. إلخ .. الاخطر من ذلك .. الا يستطيع أي أحد بيننا الأن أن يستخدم بروكسيات مختلفة ويسجل بـ 1000 عضوية مختلفة . وبالتالي عندما ننادي بإنتخابات حره ونزيهة ... يكون هناك 950 صوت من هؤلاء على استعداد لإنتخاب 5 هما كل الإدارة وفجأة لا نجد المكان لإنه ببساطة المُنتخَب والمُنتخٍِب هم نفس الشخص !! نرجو أن تكون الفكرة وصلت للجميع ..... كلمة أخيرة : مرحباً بكل زميل فاضل يُريد أن يتحمل المسئولية بما لها وما عليها مع الإدارة .

اتعودت دايما انى أكتب اللى حاسه بيه .. و إنى أقول كل اللى جوايه .. بس توقفت كتير الفترة اللى فاتت لأسباب لست فى مجال ذكرها الآن لكن خلينى أدخل فى الموضوع و قبل ما تقروا اى كلمة عايزاكم تكونوا حياديين و تفكروا فى كل كلمة بعقل و بعيدا عن العاطفة و التحيز مش عايزة حد يأيد و لا يرفض كل اللى عايزاه ان كل واحد فينا يفكر فى يوم من الأيام إتظلمنا قوى .. و سكتنا و اتحملنا .. تقبلنا الظلم و عيشنا فيه 30 سنه سمعنا وعود كتير .. و متنفذتش .. و قابلنا وشوش كتير كنا فاكرينها ملايكة و بعد ما اتفتحت الملفات انكشف كل واحد على حقيقته المنافق و اللى ماشى مع الموجه .. الحرامى و الشريف .. اللى عايز المصلحة العامة و اللى بيدور على مصلحة شخصيه و اللى بيستخبى ورا ستار المصلحة العامة و هو عايز ينتقم لحادث فردى اتعرضله و فتحت الثورة الباب لكل الناس عشان يتحدوا على هدف واحد و بس و لكن الهدف الواحد ده كان لكل واحد مننا مبرراته صحيح الهدف كان واحد بس الدافع مختلف و اتحقق الهدف و بدأت الوشوش تظهر و الأقنعه تسقط مع سقوط النظام و مع سقوط الأقنعه فقدنا الثقه فى كل شىء و فى كل الناس اللى كان معانا لقيناه ضدنا و اللى كنا فاكرينه موسى طلع فرعون مصدقناش اى حد و مبقاش عندنا إستعداد نصدق اى حد و مشينا فى طريقنا و احنا فاقدين الثقه حتى فى الناس اللى وقفت جنبنا مش هدخل فى سرد لتفاصيل او أذكر اى مواقف لكن هقول على نتايج حصلتلنا فعلا 1- أى رمز بيظهر و أى طوق نجاة دايما نلاقى مجموعه من الناس طلعت تشكك فى نواياه و تحاول تفبرك القصص عشان تقول انه خاين و انه عميل ( على فكرة إختلاف رأى الآخر عنى مش معناه انه خاين و لا انه مأجور لكن كل ما فى القصه له رأى مختلف) 2- ترسخت فى أذهان ناس كتير قوى ان اللى مش معايه يبقى ضدى (مع ان ممكن يكون هدفنا احنا الإتنين واحد بس طريقه تفكيرنا لحل الأمور مختلفة ) 3- كل واحد بيعتقد ان رأيه هو الصح و رأى غيره هو الخطأ ( و نسينا القاعده اللى بتقول رأيى صواب يحتمل الخطأ و رأى غيرى خطأ يحتمل الصواب ) 4- طالبنا بالديمقراطية لكن بمنتهى الديكتاتوريه (بدليل عدم تقبل اى شخص لرأى أى شخص مخالف له و حتى لو كان الكلام بالعقل و المنطق) 5- قفلنا عقلنا و بطلنا نفكر فى اى شىء و اى تحليل لأى موقف ( بقى فلان كويس يبقى كل حاجة يقولها كويسه و فلان وحش يبقى كل حاجة يقولها وحشه و نسينا انه ليس هناك على الأرض ملائكة و لا شياطين ) 6- الإختلاف فى الرأى دايما كان بيفسد للود ألف قضيه ( و أذكر ان هناك مشادات عنيفه و ربما قطيعه بين أصدقاء نتيجة إختلاف الرأى ) 7- المسئول المصرى أصبح دوما مدان و حرامى و له فضائح لم يتم إكتشافها بعد و ده طبعا بلا دليل حتى يثبت العكس( ده حتى الجيش اللى وقف جنبنا بلا أى مصالح شخصيه فيه ناس طلعت خونته و قالت انه فيه مؤامرة حتى الآن لم يتم اكتشافها ) 8- بدأ موسم اللخبطة و التوهان و الإشاعات و كل مسئول هتلاقيله مش أقل من صفحتين على الفيس بوك واحده بتنادى انه يترشح لرئاسة الجمهوريه و واحده بتطالب بقتله لإنه خاين و عميل ( و الشعب الغلبان كلمة توديه و كلمة تجيبه و مبقاش عارف يصدق مين و يكذب مين ) 9- كل واحد حط نفسه فى موقع المسئول و اتكلم بلهجة العالم ببواطن الأمور و الفاهم بأمر الله ( و أقسم بالله معظم المقالات فيها أخطاء فادحه و دليل على ان صاحبها لا يفقه اى شىء فى السياسه بس اهو موسم الفتى و كله بيفتى على كله ) 10 - نادينا بالوحده و إحنا فى واقع الأمر إنقسمنا احزاب كتير كل واحد عايز حاجة معينه و عايز يوصلها بغض النظر عن اى حد ( لحد دلوقتى فيه ناس لسه فى التحرير حتى بعد التنحى لتحقيق مطالب فئويه زى زيادة المرتبات و تثبيت العماله مع وجود تنبيهات مستمرة من الجيش إن ده يضر بمصلحة الوطن لكن مشوا على مبدأ أنا و من بعدى الطوفات و يولع الوطن باللى فيه ) 11- نسينا أمر الرسول عليه الصلاة و السلام بطاعه الحاكم ( و طبعا مقصدش الحاكم الظالم عشان انا عارفه ان فيه ناس هتسيب المقال كله و تمسك فى الكلمة دى أقصد طبعا طاعه الجيش اللى هم اختاروه بنفسهم عشان يقود المرحلة الإنتقاليه و بقينا عمالين نعدل على كل حاجة يعملوها مرة نقول لا حكومة شفيق دى حزب وطنى عايزين حكومة تكنوقراط و مرة هم ليه لحد دلوقتى محققوش المطالب بتاعه الناس على أساس انهم سحره عايزينهم يعملوا كل حاجة فى ثوانى ) 12- انتهى موسم الصبر و بدأنا موسم العجلة ( مع اننا ادينا الحرامية فرصه 30 سنه مش عايزين ندى فرصه للناس الشرفاء حتى 30 يوم و بقينا عايزين كل حاجة دلوقتى حالا ) ناس كتير اتضايقت من تصريح السيد عمر سليمان بإن الشعب المصرى غير ناضح ديمقراطيا بشكل كافى مع ان دى حقيقه و الدليل الحالة اللى وصلنالها دلوقتى من لخبطة كل الكلام ده بقوله ليه ؟؟ بقوله لإننا دلوقتى فى مرحله الخطر كل اللى فات كان جميل و كل اللى وصلناله مكسب رائع بس ممكن كل ده يضيع عن جهل مننا يضيع بسبب الإختلاف يضيع بسبب التفكير فى مصالح شخصيه يضيع بسبب عدم التفكير و الإنسياق ورا اى حد بدون إعمال العقل يضيع لو فكرنا ان فيه شخص واحد دايما صح و كإنه موحى إليه يضيع لو مساعدناش ان البلد دى تتبنى من تانى يضيع لو فضلنا نخون كل شخص حتى المشهود لهم بالنزاهه طيب و ايه المطلوب بعد كل ده 1- من فضلك انسى مصلحتك الشخصية دلوقتى و الإحتجاجات و الوقفات لإن فيه هدف اكبر دلوقتى و ياريت كلنا نركز عليه و هو اننا نبنى البلد دى و صدقنى لما تتحسن كل المشاكل هتتحل لوحدها 2- من فضلك متحاولش تنشر اى حاجة عن اى شخص من غير دليل لإنك كده بتساعد على نشر البلبلة و اتقى الله لإنك كده بتشهر بشخص ممكن يكون برىء 3- الفيس بوك كان سلاح فى وقت من الأوقات بس ده مش وقت الحرب الإلكترونيه ده وقت الحرب على أرض الواقع لو عندك دليل على فساد شخص خليك إيجابى و بدل ما تعمل صفحة فضائح فلان و تنشرها و تخلى الناس تشترك فيها اتقدم ببلاغ للنائب العام و خليه يشوف شغله و بلاش إلقاء التهم جزافا 4- متصدقش اى حاجة إلا لما تشغل عقلك و تقتنع بها و خليك فاهم ان ده موسم الإشاعات 5- الناس اللى احنا اختارناهم عشان يديروا المرحلة الإنتقاليه هم الجيش فرجاءا ثقوا فى قراراتهم و اطيعوا امرهم مينفعش ابدا أروح لدكتور و انا مش واثقه فيه و الله حتى لو كان عبقرى عمرى ما هأخف أبدا الثقه اول مراحل العلاج و مش معنى اننا شوفنا ظلم كتير اننا نظلم ناس شرفاء 6- قبل ما تحاول تصلح الناس اصلح من نفسك و ابدأ اتقى الله فى شغلك اعمل اللى عليك حافظ على النظام احترم آراء الآخرين لو فعلا عملنا كده يبقى احنا اخيرا نقدر نقول ان الثورة نجحت و عدينا بر الأمان إن الله لا يغير ما بقوم حتى يغيروا ما بأنفسهم منقول

العضو يريد إسقاط الإشراف :lol:

لست متعاطفاً معه بالمره وربنا ما يوريها لحد ويكون قريب له أو حتى سمع عن حد من الالاف اللي إتظلموا .. والالاف اللي ماتوا ضحايا الإهمال اللي كان مسئول عنه بشكل مباشر ... ومن الالاف اللي جالهم السرطان والفشل الكلوي او الكبد الوبائي أو من الالاف اللي إتسرقت أو أو أو أو أتعاطف معاه ... طب إزاي ؟ وأقول عيب تهينوه ؟ وهو ما جالوش مره الشعور ده ليه ؟ وبعدين إنتوا ناسيين إن فلسونا وثرواتنا لسه عنده وعند عياله ؟ في إيه يا جماعة ؟ من إمتى المجنى عليه بيتعاطف مع الجاني ؟

( حتى إذا أخذت الأرض زخرفها وازينت وظن أهلها أنهم قادرون عليها أتاها أمرنا ليلا أو نهارا فجعلناها حصيدا كأن لم تغن بالأمس كذلك نفصل الآيات لقوم يتفكرون ) صدق الله العظيم ,,

أنا لست متعاطفاً معه ويعلم الله كم كنت أكره هذا الرجل .. ولكني .. في حالة غريبة .. فأنا متأثر إنسانياً جداً .. متفاعل مع حالة مبارك بمنتهى التجرد فقد كان رجلاً قوياً .. غاية في القوة وكان يحكم بالحديد والنار واحدة من كبرى البلاد وكان يعد إبنه ليخلفه وكان لا يخشى أي شئ وكان على علاقة قوية وداعمة مع الغرب والشرق والكثير من الدول وحكامها .. وكان ملأ السمع والبصر وكان مسطوراً إسمه بالبنط العريض في التاريخ وفجأة .. ذهب إلى مزبلة التاريخ .. ومن باب خلفي .. ويعاني المرض .. والذي قد يفسره هو .. بالجحود .. إن حالة هذا الرجل .. هي مأساة إنسانية .. يصعب تحملها على شخص طبيعي .. ومع ذلك .. فأنا لست متعاطف معه .. ولكني لست شمتان فيه .. ولا أشعر برغبة الإنتقام .. أو التشفي وإنما .. متأثر إنسانياً وعاطفياص بشكل كبير

جمعة الاستمرار والانتصار في ميدان التحرير نواره نجم

اوافق على ان يكون في عضوية الهيئة التاسيسه للحزب اعضاء من الاقباط ومن النساء ,, ليس شرطا ولكن ان يسمح بذلك لمن شاء يعني مايكونش مقتصر فقط على المسلمين ودي بديهه لاي حزب سياسي في اي مكان في العالم انه لا يكون فئوي او ديني ,, والا فليسمح بقيام حزب الاخوان المسيحيين ايضا ,, بني الحمى والوطن من منكم يحبها مثلي أنا( ولانني اكثر واحد في هذه الدنيا يحب مصر (من وجهة نظري واحساسي وشعوري ) اقول ان المسيحي الذي سيشترك في حزب يؤمن بان القرأن دستوره وان الرسول محمد صلي الله عليه وسلم نبيه وان الإسلام هو الحل هو مسيحي منافق لانه لو كان يؤمن بما قلناه فما هو الذي يجعله مازال مسيحي اما دين واما سياسة )

شكرا محمد البرادعى بقلم: وائل قنديل

بالنسبة لي أنا أحترم كل من وقف ضد الثورة منذ بدايتها حتى نهايتها وظل ثابتا على موقفه حتى بعد نجاح الثورة هؤلاء وإن كانوا مختلفين معي إلا أن قواعد اللعبة الديمقراطية التي نطالب بها تقتضي أن نحترم أراءهم مهما كانت مخالفة أو مضادة لنا. المشكلة في هؤلاء المتلونين والمنافقين الذين كانوا يكيلون المديح للنظام ويهاجمون الثوار بشدة ثم انقلبت مواقف هؤلاء 180 درجة مع نجاح الثورة وفجأة اكتشف كل هؤلاء أن النظام كان ديكتاتورا فاسدا مستبدا وأن الثوار هم الأبطال والشهداء هم الورد الذي فتح في جناين مصر قد يقول البعض أن هؤلاء كانوا مضطرين لمنافقة النظام أي خائفين... والرد على هؤلاء أن الخائف عليه أن يلتزم الصمت والسلامة أما إن خرج وتكلم فعليه إن كان شجاعا وصاحب مبدأ فعلا أن يقول الذي يراه حقا ويثبت عليه ولا يبدله تبعا لتغير الوقائع على الأرض أتمنى من أحد الإخوة أن يأتي لنا بعناوين الجرائد الحكومية الخمسة طوال ال 18 يوما. لنرى كيف أن المواقف تتغير برغم أن المحرر لم يتغير ورئيس التحرير لم يتغير بصراحة عجبني جدا أحمد عيد لما هاجم هناء السمري وسيد علي هؤلاء المتلونون كانوا أحد أضلاع الفساد الذي أدى إلى قيام الثورة وأتمنى أن يختفي هؤلاء من حياتنا

وائل غنيم مصري امريكي هندي بنغالي .................. مش مهم وائل غنيم مسلم مسيحي ماسوني ..................... مش مهم المهم الثورة قامت بيد وشعب مصر الثورة مصرية 100% اما هبل ويكيليكس وغيرها طظ فيه ألف مرة أثناء توقيع كامب ديفيد قال رئيس الوزراء الاسرائيلي للسادات اجدادي بنوا الهرم........ المقصود هنا اي واحد ممكن يقول اللي هو عاوزه حتى لو قال ان الملوخية اصلها موزمبيقي. لا يهمني وائل غنيم في شيء ولا ادافع عنه او اكون ضدة......... اللي يهمني الوجوه المصرية الشابه في ميادين مصر اللي عملت الثورة اما وهم القدرة الامريكية فهي زي وهم خط بارليف لاتجعلوا شيء يزعزع إيمانكم بما حققناه نحن المصريين سقراط

الاستاذ maramero اللي ماشي ورايا يقيمني بالسالب انت بتقيم ايه انا بقول كل شئ بحقائق وليس اراء ومش انا اللي قولت ان الكنيسة بتؤيد مبارك دة البابا شنودة نفسة اللي قال :blush2: http://www.youtube.com/watch?v=S23_1VyO-fY ان كن تظن انك تخفي الحقيقة بالتقييم فلن تستطيع وهذه المشاركة بالذات اهداء لك ولكل من يريد حجب الشمس بالغربال ليستمع بالتقييم السالب كما يريد سلام :)

احنا مش عايزينه يمشي عشان فاشل لكن لإنه جزء من نظام سقط ولا يريد الاعتراف بسقوطه ولإنه يعمل بكل جهد لإجهاض الثورة والالتفاف على مطالبها ولأنه لايزال يتعامل مع الشعب باستخفاف وكأنهم مجموعة من القاصرين الذين لا يدركون مصلحتهم ولأنه مازال يختار وزراءه من رموز الفساد في العهد البائد ومن الموالين له ولأنه مازال يستجيب لمطالب الناس ببطء شديد وبالقطارة وبمنتهى البرود والكبرياء كما كان رئيسه المخلوع يفعل ولأنه مازال يتفوه بالأكاذيب والادعاءات دول خجل أو مواربة ولأن وجوده فيه استفزاز للناس التي جرحت أو استشهد أبناءها في موقعة الجمل في بداية وزارته المشؤومة ولأنه لم يتخذ أي اجراءات ذات مغزى في محاسبة من اجرموا وأفسدوا خلال الثورة ولأنه مازال يلحّ بصورة غريبة على انهاء الاعتصامات السلمية في الوقت الذي سكت فيه تماما عن اعتداءات الشرطة على الناس في الوادي الجديد ولأن استجابته الوحيدة لمطالب رفع المرتبات كان لرجال الشرطة كمكافئة لهم على التزامهم بتعليمات المجرم حبيب العادلي وترك الشعب بمفرده مواجهة البلطجية والمجرمين ولأن البلد مليئة بالكفاءات التي لا خلاف عليها ولا شك فيها التي تستطيع إدارة المرحلة الانتقالية بكفاءة هناك عشرات الأسباب الأخرى وممكن أفضل أعدد لكم للصبح المسألة ليست عداوة شخصية أو عند طفولي بل رغبة في الحفاظ على مكتسبات الثورة التي حققها الشعب بدماءه وتضحياته وبعدين لو فعلا السيد أحمد شفيق عبقرية نادرة في مجال الإدارة ويحظى بهذه الشعبية الجارفة يتنحى الآن ولما تتعمل انتخابات يبقى يرشح نفسه كرئيس وزراء أو حتى رئيس جمهورية ويطلب من الشعب اختياره لكن هو مش هيعمل كده عارفين ليه ... لإنه مش معترف أساسا بالديموقراطية ولا بالشعب وهو نسخة أخرى من حسني مبارك لا تفهم إلا لغة القوة والغطرسه

الرسائل العشر التالية تهدف إلى تأمل وتحليل الحدث، كيف حدث؟ ولماذا حدث؟ وأرجو أن تكون إضافة لهذا الموضوع المتميز، باقي الرسائل هنا: إلى السيد الرئيس حسني مبارك(3)الإعلام إلى السيد الرئيس حسني مبارك(4)الأمن إلى السيد الرئيس حسني مبارك(5)الانترنت إلى السيد الرئيس حسني مبارك(6)الصراحة إلى السيد الرئيس حسني مبارك(7)المجتمع إلى السيد الرئيس حسني مبارك(8)المشترك إلى السيد الرئيس حسني مبارك(9)الأسرة إلى السيد الرئيس حسني مبارك(10)الوطن

من جريدة الدستور مقال متزن جدًا

متتعبوش نفسكم في حصر الاسماء .. بعد خروج بن علي من تونس قريت على الانترنت مااطلق عليه ( بيان ) على الصفحه الشخصية "للفنانة " هند صبري ـ التونسية الاصل ـ بتقول فيه انها اجبرت مثل غيرها كتير من المشاهير في تونس على التوقيع على ( عريضه ) تأييد لبن علي قبل سقوطه .. بتقول انها نادمه انها لم ترفض وانها رضخت للتهديد ووافقت على الاشتراك في عملية تأييده وطبعا مقالتش كده غير بعد ماخربت مالطه وبن علي خلاص اصبح كارت محروق المتغطي بيه عريان .. متوقع جدا ان الناس هتصدقها ومتوقع اكتر ان حتى الي مش هيصدقوا هيجي لهم يوم وينسوا .. وبكرا هتشوفوا هند صبري زي ماهي شخصية مشهورة ( ومحبوبه ) في بلدها ومش بعيد كمان ترفع على الاعناق كل ماتروح تزورهم من وقت للتاني .. كل الوارد اسمائهم في القائمة اعلاه ولا هتفرق معاهم .. اما بقي النظام ونالوا جوائزه .. او رحل النظام وعادوا بطبولهم للغناء على النظام الجديد .. على جانب وكلمه حق اقولها الفنان بجد ( محمد صبحي ) مظلوم بوضعه في القائمه دي وشايفه ان ادراج اسمه مع ( اعداء الشعب ) نوع من التعسف .. من البدايه وفي عز المعمعه زي مابيقولوا ووقت ماالتزم الجميع الصمت في انتظار استجلاء الموقف خرج محمد صبحي وقال رأيه في منتهى الشجاعه والموضوعيه .. كان مؤيد مطالب الشباب وانها مشروعه بس في نفس الوقت مكانش بيحبذ فكرة "الثورة " مش انكارا لمشروعيتها وانما خوفا من المترتب عليها .. الراجل طول عمره يعتبر ( مفكر ) وطول عمره بيقول اراءه السياسية ومحدش ينكر انه فنان واعي ومثقف واحيانا كتير بيكون عنده مايستحق الاستماع اليه .. اذا فماقاله صبحي من تصريحات في بدايه الاحداث ماهي في الحقيقة الا رأيه الشخصي فعلا معتقدش ابدا انه تعمد يساند النظام ـ الي طول عمره بينتقده ـ ولا اعتقد انه كان بينافق او يحاول يكسب ( بنط ) على حساب آخرين كما فعل غيره من الممثلين والمشخصاتية الي بعضهم اصلا مدعمش "الثورة " غير بعد مااستقرأ التأييد العام في الداخل والخارج لها .. محمد صبحي ـ وبغض النظر عن مهنته ـ فهو عقلية محترمه ويعتبر من اصحاب الرأي ووضعه جنبا الى جنب مع المطبلاتية فيه نوع من الاجحاف والظلم ليه والي اتمنى ان يرفع عنه ..

الشهيد محمود سعيد هديه السن : 14 عاما استشهد يوم 28 يناير 2011 ضحيه الرصاص الحى اما قسم شبرا

الشهيد..محمد راشد من بور سعيد

الشهيد..محمد جمال سليم من المنصورة

الشهيد..مصطفى ابوزيد سنه مش عارفه لكن لسه صبى صغير

في الشوارع.. البشر تسير كالزومبي.. عيون فارغة...شجار بلا سبب..لا تستطيع أن تميز صوت ضحكة... بل حزن و يأس و غضب في العيون... و في نفس البيت المتهالك الذي تركناه منذ أيام قليلة.. أبتدأت تدب فيه الحياة من جديد.. مع توافد دخول أفراد مجموعة الأصدقاء... - أهلآ يا جماعة... أنا شايف ناس جديدة - دول أصحابنا يا كابتن... أضمنهم برقبتي - أهلآ بالشباب... و اللهي حاجة تشرح القلب - فكرت هنعمل ايه ؟ - علي فكرة انا مش لوحدي اللي بفكر يا جماعة.. مش هنبتدي نخلق شخصية أسطورية جديدة... أحنا كلنا بنفكر مع بعض. ... علي العموم اللي وصلناله أننا نقسم نفسنا 3 مجموعات.. مجموعة تراقب قصر السلطان و تحركات السلطان و أولاده و أحتياطات الأمن.. و ديه لازم تكون مجموعة عزاب... و يا ريت أيتام... عشان هما اللي هيكونوا متعرضين لأكبر مخاطرة لما تيجي ساعة الجد. فاهميني يا شباب؟ - طبعآ يا كابتن ... كمل - المجموعة التانية يكونوا تخصص فني.. و عالم بتعرف تتكلم بلباقة و حلوة كده.. و الآنسات اللي معانا ممكن ينضموا للمجوعة ديه... عايزكم تراقبوا التليفزيون و من فين بيخشوا أستوديوهات التصوير.. و الذي منه... - ممكن انا كمان انضم ليهم يا أثتاذ ؟( صوت نسائي ألسغ ) - لأ معلهش يا مدموازيا.. بلاش حضرتك.. أحنا هنحتاجك في المجموعة التالتة... مجموعة سلاح الأشاعات... و ديه اللي هتكون أول خطوة عملية لينا... حرب الأشاعات من دلوقتي تبتدي... البلد لازم تتملي أشاعات تخلي الناس من غضبها تسيب خوفها و تطلع من القمقم... - و الجيش يا أستاذ ؟ - ديه أهم حاجة لازم نضمنها.. من غير مساعدته مش هنقدر نعمل حاجة.. - و البوليس ؟ - البوليس أول ما هيشوف الناس هايجة.. هيكش.. لأنهم عارفين قد ايه العالم محروقة منهم... دول مش هشيل همُهُم.. أهم حاجة زي ما قلنا الجيش و الأمن المركزي.. فيه حد في الجيش معانا ؟ مجموعة ترفع أياديها - شوفوا يا شباب.. أنتو كل واحد لما يرجع لوحدته يفضل يقول لكل اللي يشوفه أن عنده أخبار أكيدة أن مدة التجنيد هيخلوها 5 سنين.. و أنهم هيضموا الجيش و الأمن المركزي في سلاح واحد.. و مافيش فرق بين عادة أو مؤهلات.. كله هيشتغل في رفاعي في الصحرا لحساب السلطان عشان عايز يعمل مشروعات أستثمارية لأبنه.. الخبر ده لازم يلف الجيش و الأمن المركزي كله.. - يخرب بيتك يا كابتن.. خبر زي ده هيولع الدنيا - ما أحنا عايزينها تولع.. بس مش بس كده. احنا لازم نطلع كام أشاعة من النوع ده في السلطنة... حد عنده فكرة ؟ - أيه رأيك يا كابتن.. ... أحنا ندور علي أي مشروع فيه حفر في المناطق السكانية... و نقول انه هيعملوه مقبرة للنفايات النووية بتاعت أمريكا.. و أن السلطان واخد العملية لحسابه.. و مش مهم أن الناس يجيلها سرطان.. - معلهش أثمحلي يا أثتاذ ( نفس الصوت النسائي الألثغ).. الناث في الثلطنة ما بتفهمش في الكلام ده.. هيفتكرونا بنتكلم عن نوا مشمش أو بلح.. و مش تفرق معاهم.. أحنا نمشي أشاعة أن الثلطان أتفق مع أثرائيل .. بأمر أمريكا طبعآ.. أنهم يدولو مادة كيميائية تتحط في محطات الميه تخللي الرجالة يقطعوا الخلف.. عشان موضوع تنظيم النثل.. في الأول ماحدش هيشرب مية الحنفية.... و هيفضلوا يغلوا و يقبقبوا في جواهم.. و هيضطروا يشتروا ميه معدنية.. نقوم نقلهم أن كل المية المعدنية واخد توكيلها ابن الثلطان وهيرفعوا تمنها لخمثة جنيه الأزازة..أكيد الناث هتهج... - يخرب عقلك .. أسمحيلي أعبر عن أعجابي بحضرتك يا أنسة.. والله عفارم عليكي.حضرتك أسمك ايه انت هيكون ليكي مستقبل معانا.. - ثوثن يا فندم - عاشت الأسامي... فهمتوا يا جماعة .. الأشاعات ديه لازم تلف السلطنة كلها.. من ساسها لراسها.... - احنا نسينا الأعلام و الصحافة يا كابتن - يا عم صلي.. هو أحنا عندنا أعلام.. دول زي الحرباية.. بيتلونوا دايمآ باللون الجديد.. أول يومين هيفضلوا ساكتين ... مستنيين. و بعدين هتلاقيهم بيمسحولنا الجوخ.. المهم زي ما قلتلكم..هو التلفزيون.. اللي بيتقال فيه.. الناس كلها بتسمعه و تنفذه..لما هنحدد ساعة الصفر.. و اللي زي ما أنا نتوقع هتكون في خلال 3- 4 أيام بالكتير.. مجموعة العزاب اليتامي هتهجم علي قصر السلطان و تقبض عليه هو و كل عيلته.. ماحدش لازم يفلت.. و لو حصلت أي مقاومة..لازم تتوقف في ساعتها.. حتي و لو وصلت لدرجة أعدامه الفوري.. بس الأفضل انه يتحاكم زيه زي أي مجرم تاني.. المجموعة التانية زي ماتفقنا تهجم علي مبني التليفزيون و تحتله... كل مجوعة تبتدي تدرس من دلوقتي بالمللي حركتها...و أعتبروا أن الثورة أبتدت من اللحظة ديه... آدي القرآن و الأنجيل.. حطوا أيديكم عليهم و أحلفوا... تقدم الجميع مادين أيديهم.. و بعد أن أقسموا بالوفاء بالعهد و عدم الخيانة.. شرعوا في الخروج في جماعات متفرقة... بداخلهم مشاعر متضاربة.. خليط من الخوف.. و القلق...و الأمل ... و لكن كان في الأمكان أن تري ف عيونهم لمعة الأصرار و بريقه.. و علي وجوههم شبح أبتسامة

أخوتي الأعزاء.. سي السيد ( والله انت ليك في قلبي معزة خاصة يا بو السيد.... المعزة عشان عارف ردك هي شعور و ليست بحيوان) ... زهرة .. سقراط.. و فيروز ( المفضلة عندي بعد شعنونة)... اشكركم من صماصيم قلبي علي مداخالاتكم... كده علي الأقل ضمنت اربع أصحاب معايا في المعتقل ( يا زهرة قولنا بلاش القصب أبوس أيديكي ).. عزيزي صعيدي.. أولا يا عسل انا ما خلعتش.. بس هي ظروف شغلي بتخليني اقضي متوسط 14 ساعة متواصلة يوميآ بره البيت.. و ساعات بالأسبوعين من غير أجازة.. و لما أرجع اسمحلي يعني بأن المدام و ولي العهد يكونوا أولي بقعدتي جنبهم...انا بكتب بس لما أكون في أجازة أو زي دلوقتي ماعنديش نوم.. مع أني عرف أني هصحي الصبح بكره.. يعني بعد 4 ساعات و كأني مضروب 100 بلغة قديمة.... و لكن كل ده ما يساويش السعادة اللي بحس بيها لما بكون في وسطكم.. كل ده كان أولآ ... أما ثانيآ.. بما أنك ستكون التاني مباشرة ( بعد العبد لله) في لستة المتهمين بمحاولة تنظيم قلب نظام الحكم.. فأنا أحييك و أشكرك بشدة.. هما دول الصعايدة الرجالة.. مش بقية العالم هنا اللي قاعدة تتفرج ببلاش..يا عالم يا خايفة... عالعموم تعبيرآ عن أعجابي..أسمح لي أن أقتبس بعض أفكارك لتكملة الأنقلاب... و صدقوني... اللي عايز أقوله مش هزار..