لوحة القادة

خبر عاجل : هشام طلعت يوقع عقد زنزانتي مع المغربي وعز

يا جماعه خلينا ديموكراسيين ونقول اللهم احشر محبى مبارك معه خلص الكلام

ردي علي هذا الموضوع هي الصوره دي

اتق الله هذا الكلام لايصح ان يقولة مسلم يعرف دينة بحق والقرأن فية الكثير من الايات التي توضح سياسة الدولة والرسول صلي الله عليه وسلم قاد الدولة وبعده الصحابة رضوان الله عليهم فهل انت تفهم اكثر من كتاب الله والرسول والصحابة

التقطت هذه الصورة اليوم الجمعة 18/2/2011 للمصلين فى ميدان التحرير

هذا تحرك خبيث من سرايا لشقّ صفّ الثوار وتشتيت انتباههم عن الهدف الأهم الآن وهو استكمال الثورة وصولا الى تطهير البلد من بقايا النظام البائد بقاء هذه المادة أو إلغائها أو تعديلها لم يكن يوما أحد مطالب الثورة ولذا اتمنى أن نتجاهل هذا الاستفتاء ونركز على التخلص من سرايا وأمثاله

والله انا ارفض تشبيه بنات بلدى الوطنيين الشرفاء بواحدة تافهة ذى هيفاء دى حتى لو من باب دعوة للابتسام وده رأيى وذى مابيقولوا لا ارغم عليه احدا

هو لم يذكر مبدأ وأين هو ذلك المبدأ أو حتى الرأي فليس الموضوع موضوع مبدأ ولكنه فقط مازال يمجد الشخص المخلوع ويجرد فضائل الآخرين يمدح الفساد ويشتم الثورة أين المبدأ في رمي الأحجار على وائل غنيم ومحمد حسنين هيكل وأمير قطر والجزيرة وغيرهم كل ما يقعد في قعده يهبل يمين وشمال أظن أن دوره انتهى في إلهاء الشعب بقضايا نادي الزمالك وممدوح عباس ورءوف جاسر وشوبير الرجل أصبح من مخلفات وقمامة العهد البائد

الطفشان بخير و سعيد جدا بثورة مصر و ان شاء الله الامور تنصلح

الرأي الذي يقول ان المسيحيين لم يشاركوا غير منصف الرأي الذي يقول انهم شاركوا بقوة ايضاً رأي غير منصف كم من مرة دعت الحركة المنظمة لأن تنطلق المظاهرات من المساجد والكنائس لكن المساجد هي فقط من خرجت والكنائس اغلقت ابوابها في وجه الثورة قالوا قداس مليوني لم نري غير 50 شخص في احدي زوايا الميدان قالوا سيخرج القساوسة ولم نجد قسيس ارثذوكسي واحد بل كلهم كانوا في مظاهرات مصطفي محمود المؤيده للرئيس هذا لاينفي وجود شخصيات مسيحية وطنية رائعة شاركت نوجه لها الشكر وايضاً الكنيسة الكاثوليكية والانجيلية مع انهم كنائس صغيره لكن شاركوا لكن الكنيسة الارثذوكسية برئاسة البابا شنودة فقد اثبتت انها كنيسة طائفية خالصة ولاتتصرف باي حس وطني منتهي الانتهازية تشعر بها وانت تسمع نجيب جبرائيل مستشار البابا شنودة امس وهو يتكلم بمنهج سنقبل ولانقبل وهنعمل وهنسوي كأننا اغبياء نسينا وصف من يتحدث باسمه الذي وصف مبارك بالحاكم العادل بعد قتله مئات من شباب مصر من يريد ان يكون شريك في المكاسب يكون شريك في التضحيات اولاً

استاذ كامنج سون معلش عندى سؤال لحضرتك يا ريت تجاوبنى عليه هل راى حضرتك دا ينسحب عل كل ( الى بنسميهم شهداء ) سواء مسلمين او مسيحين يعنى حضرتك برضه بترفض الاعتراف باى شخص مسلم توفى لانه كان يمر مصادفه من جوار قسم بوليس او لانه كان ينوى مهاجمه القسم كبلطجى ام كلامك هذا مخصص فقط عن الشق المسيحى فقط بالطبع اي شخص لاتنطبق عليه شروط الشهادة لااستطيع ان نقول عليه شهيد

حاولت مرارا و تكرارا أن أمسك نفسي عن الرد على كل ما أقرأه من إتهامات لوائل غنيم, لكن بصراحة, مش قادر أسكت أكتر من كدا, أولا أحب أوضح إن ماليش أي علاقة بوائل ,ولا أعرفه على الصعيد الشخصي أو العملي, لكن أنا فعلا مستفز بشدة من كمية الغباء و الإنسياق الأعمى وراء الثورة المضادة إللي دعمها شوية ناس ما عندهمش منطقية في التفكير بجد و إللي مالين البلد دي و أضروها طول عمرها بجهلهم أكتر من الفساد إللي كلنا عارفينه, يعني زي ما بيقول المثل: عدو عاقل خير من صديق جاهل أولا: ترجمة جوجل إنتوا عارفين شغلانة وائل غنيم إيه بالظبط في جوجل؟ مدير تسويق, يعني من الآخر كدا, بيبيع خدمات جوجل و إللي معظمها تسويق على الإنترنت, يعني الراجل شغلو ملوش علاقة بنظم التطوير داخل جوجل وإللي أعداد الموظفين فيها بالآلاف و لا تخضع لسيطرة مدير مدير مدير وائل أصلا, لإنها في إدارات تانية خالص, يعني إللي بيقولو إن دي مشكلة وائل, زي إللي يروح شركة إتصالات و يوقف عند الراجل بتاع الخازنة إللي بتدفع له فواتيرك, و يمسك في رقبته ويقوله: إنتوا ليه طلعتوا يسرا في إعلانكوا و ماجبتوش عادل إمام, يبقى إيه رأيك في الموقف ده؟ تقول على الزبون محب عادل إمام إيه بالظبط؟ و إن كان منصب وائل و سياسة الشركة تسمحله إنه يبعت و يقول يا جماعة فيه غلط في حاجة في أحد منتجاتنا أو خدماتنا, و ده إللي و ائل عمله باختصار في الفترة إللي فاتت, و للأسف إللي إنتوا ما تعرفوهوش طبعا إن معظم الشركات العالمية إللي سيادتكم بتستخدموا خدماتها بداية من إنتل إللي بتصنع البروسيسور لجهاز الكمبيوتر إللي إنت قاعد عليه حاليا, و إنتهاءا ببرامج الموبايل التافهة , فرق البحث و التطوير بتاعتها لا تخلوا من موظفين يهود أو إسرائيليين, عارفين ليه؟ عشان النظام إللي كان حاكمك 30 سنة كان موجه طاقة شبابك كلها لماتشات الكورة و الفيديو كليبات و إللي عاوز يعمل حاجة بجد يهاجر يعملها برا بالإشتراك مع الشركات دي, يعني من الآخر لو عاوزين تلوموا حد على الترجمة إللي مش عجباكم, متهيألي عرفتوا تلومو مين ثانيا: علامة الأسد على التيشيرت كل البلد عرفت إنها علامة ماركة عالمية "جيوردانو" لكن الناس برده مش قادره تفكر, وناس راحت جابت تاريخ الماركة و إللي إخترعها و نسيو إنهم أول ناس كانت بتفتخر إنها لابسه هدوم "ماركة" و "سينييه" و لو سألت 99 في المية من الشعب عن معنى رموز الماركات دي, مش هيعرف, لكن عشان و ائل غنيم , لاااازم يعرف, و لازم يفتش و را كل ماركة بيشتريها, و مالناش فيه بقى لو خامتها محترمة أو تفصيلتها بتليق عليه, أو حتى بساطتها مريحاه, لكن لما تشوف راجل محترم و هيبة و زي الفل, حاطط علامة ال بلاي بوي "راس الأرنب" على عربيته, مش مشكلة, و ما حصلش حاجة, تلاقي معظمنا ما يعرفش معنى العلامة دي إيه, و هيروح حالا على جوجل "الوحش" يدور على معناها ثالثا: الحظاظة و إشارات اليد كل أو معظم المصريين في مصر, واحد من أحلامهم إنهم يشتغلوا في دبي, أو على الأقل يزوروها عشان عاوزين يشوفوا تجربة هونج كونج الشرق الأوسط دي شكلها إيه, و أنا واحد كنت عايش وشغال هناك, و أحب أقولكم إناللغة الرسمية في شوارع دبي هي الإنجليزية, لإنها خليط من 120 جنسية مختلفة عايشين في مدينة واحدة, وده مثال صريح وواضح على تطبيق العولمة في أعتى صورها, يعني سيادتك هناك بتخاطب كل الثقافات و الجنسيات و الحضارات, و كل واحد فيهم ليه ترجمة خاصة لكل إشارة من إيده, يعني لو رحت لواحد كوري و شاورتله بإيدك بصباعك السبابة, تعتبر إهانة لا تغتفر, و جنسيات أخرى لو شاورت بإصبعك الإبهام زي ماحنا بنعمل هنا علامة ال"كله تمام" تعتبر عنده زي ماحنا بنستعمل الإصبع الأوسط "ومتهيألي فاهمين من غير توضيح المعنى عندنا" فلو حبيت تختزل كل الإشارات و العلامات و التعبيرات و الألوان إللي موجودة في مدينة زي دبي, يبقى هتعيش من غير هدوم و مش هتتحرك من مكانك طول اليوم, و الكلام ده يعرفه كويس جدا المغتربين هناك ولو أنا لابس ساعة نفس ماركة الساعة إللي لابسها نتنياهو شخصيا, مش هستغرب لإن إحنا في نفس العصر إللي خلاك تشوف إللي بيحصل في العالم كله بدوسة زرار, لكن لما تفكيري يكون من 1980, يبقى العيب فيا أنا و في قدرتي على الإستيعاب, و ده السبب الرئيسي لسقوط النظام البائد رابعا: البكاء من غير دموع في برنامج منى الشاذلي حد فيكم ممكن يقوللي لو مكان و ائل في أمن الدولة كان هيبكي قد إيه لمدة ال 12 يوم دول؟ و ممكن دكتور عيون يحكيلنا شوية عن جفاف الغدد الدمعية؟ ولو فاكرين منظر عيون وائل ساعة البرنامج كانت وارمة قد إيه؟ إنتوا عاوزينة يقولكم إيه؟ كنت عمال أعيط طول الفترة دي من الرعب و إللي كان ممكن يحصل فيا؟ خامسا: الكذب تعالوا الأول في النقطة دي نتفق إن وائل صغير في السن, و مهما كان ناضج أو متفتح الفكر لكن خبرته قليلة مقارنة مع الساسة المحنكين إللي طول عمرهم حاكمينا, و بناء عليه, من السهل جدا إن ضباط أمن الدولة يقولوله لو قلت إنك إتضربت يبقى هتعمل حرب أهلية بين الشعب و الشرطة و الوضع متأزم جدا, و غالبا ده إللى أكده حسام بدراوي لما وصله بنفسه, وحتما و ارد جدا إنه إتهدد بإنهم ممكن يعملوا فيه أو في أهله حاجة لو قال إنه إتضرب, و لقاء منى الشاذلي كان بعد خروجه فورا, فكان لسا مش فاهم الثورة وصلت لفين, و لا إيه حجمها, و لا إذا كنا هنقدر نحميه أو لأ من بطش أمن الدولة وكل المعلومات إللي و صلتله إن فيه ناس ماتت, يبقى لو سيادتك مكانه, كنت هتقول إيه؟ لكن بعد ما نزل التحرير و فهم الحجم الحقيقي للثورة, و حس بحب الناس و حمايتهم لبعضهم, قال إللي كان مخبيه, عشان الناس ما ينضحكش عليها من أعوان النظام إللي عاوزينا نفتكر إن أمن الدولة دول خلاص, فهموا الدرس و مش هيعملوا كدا تاني, و بعدين كانوا عاوزين إيه من واحد مستضيفينه فورا بعد خروجه من أمن الدولة بعد 12 يوم, يفتكر هو كسر موبايله إمتى بالتحديد, و التاريخ و الساعة, ده ممكن لو كل واحد فينا إتغدى إيه أول إمبارح, لو عرفت تجاوب على السؤال ده يبقى نتكلم سادسا: فيديو الإختطاف هو مين أصلا إللي روج للفيديو ده و قال إن دي لحظة إختطاف وائل غنيم؟ أكيد و ائل نفسه هو إللي بعته و هو محبوس في أمن الدولة, صح؟ يعني رجعنا لثقافة القطيع, لما و احد بعت الفيديو ده على النت, الناس كلها قالت هو ده وائل, و بعتوه لبعض, و حاليا لما شوفنا و ائل كويس و عرفنا شكله, طلع الناس كلها بتقول إن ده مش وائل, طيب هو مين أصلا إللي قال إن ده و ائل؟ مش الناس برده؟ و ناهينا عن المحاولات إللي كانت في الأول بتقول إنه كداب برده, و قال إنه إتمسك بالليل و في الفيديو الصبح, هو مين إللي قال يا ناس إن إللي في الفيديو ده و ائل؟ سابعا: أدمن الصفحة ودي من أكتر الحجات إللي فعلا مندهش إن الناس مش فاهماها, يا ناس يا خلق, الصفحة ممكن يكون ليها أكتر من أدمن, و أي واحد فيهم هيكتب حاجة على الوول هتطلع بإسم الصفحة, يعني إللي قال إنه ساكن في الإسكندرية هو الدكتور مصطفى إللي كان أدمن مع وائل, و في برنامج مصر النهارده, وهو ده اللنك للبرنامج عشان نفهم http://www.youtube.com/watch?v=o4fsrYFRZQo و بالتحديد من الدقيقة 5:00 و ده يطلع منه تضارب التصريحات على الصفحة, و الستاتس إللي كانت بتتلغي بعد ما تتبعت و يعرفوا إنها غلط أو مش بتعبر عن الكل ثامنا: و أخيرا عشان كدا أكتر من اللازم: إزاي خرج من أمن الدولة أصلا النظام كان و لا زال محتاج لرمز للثورة عشان يشن عليه حملة تشويه, و ضمنيا يبيض وجهه بهذة الحملة, يعني: أكبر مشكلة واجهها النظام و كانت عملاله إرتباك شديد جدا إن ما فيش قيادة للثورة, و لما لقوا موضوع وائل غنيم ده, كانت فرصتهم إنهم يعملوه رمز, و يعرفوا يشوهوا الثورة ضمنيا عن طريق تشويه الرمز ده, يعني ما سابوهوش عشان سواد عنيه, سابوه عشان لقوله لازمة عندهم, و هم إللي روجوله إعلاميا, و نوهوا قبل خروجه بيوم كامل عشان يفرشو الطريق لوسائل الإعلام و يقولولهم دي فرصتكم عشان تاخدو السبق الإعلامي, و قاللو هيفرجوا عنه الساعة كام بالظبط و هم عارفين كويس إللي هيحصل و إنه هيتحول لرمز بسرعة, لكن إللي ما عملوش حسابه, إن بكاء و ائل في برنامج منى الشاذلي, مسح تماما كلام رأس النظام السابق من صدور الملايين إللي تاعطفت معاه كلمة أخيرة, الثورة لسا ما خلصتش, و خلو بالكم من وسائل الإعلام إللي لسا شغالة على نغمة الخسائر إللي لحقت بينا من الثورة و الكام يوم إللي فاتوا, و ما فيش حد فتحه بقه بإيه خسائر مصر طوال ال 30 سنة إللي فاتت, و لا حتى ال 10 سنين إللي فاتت كأحسن تقدير, و الإعلام لسا شغال بمبدأ حاوريني يا ويكا, و كلمة "ثورة الشباب" عشان يحجم الثورة في شريحة و احدة من المجتمع, و مش عاوزين يعترفوا إنها ثورة شعب بأكمله, كان معظمه خائف, لكن لو عاوزين العدد الحقيقي للثوار, دوروا على كام مصري نزل أو إحتفل بعد خطاب "التخلي" يومها و خطاب التخلي ده لوحده قصة عاوزين حد يفهمهالنا من الفقهاء الدستوريين, الرئيس مبارك كان يشغل ثلاث مناصب: رئيس الجمهورية, و رئيس الحزب الوطني, و القائد الأعلى للقوات المسلحة, هل بتخليه عن منصب رئيس الجمهورية يكون قد تخلى ضمنيا عن منصب القائد الأعلى للقوات المسلحة؟ و إذا كان هذا هو الوضع الصحيح, فمن هو القائد الأعلى للقوات المسلحة الآن, و ما دور عمر سليمان الآن و قد أصبح نائب بلا رئيس؟ و زكريا عزمي وقد أصبح رئيس ديوان بلا رئيس؟ ولماذا هذا التأخير الغير مبرر لحبس حبيب العادلي و جرانة و عز؟ و أين بقية العصابة؟ و لماذا لم نسمع عن اللجنة اللتي تحقق منذ 3 أسابيع "كما قال الفريق أحمد شفيق" في الإعتداء على المعتصمين بالجمال و البغال؟ و من هم أعضاءها؟ و ما الذي و صلوا إليه الآن؟ و أين الضباط الذين إشتركوا في قتل الشهداء؟ و من هي اللجنة التي تبحث في هذا الموضوع؟ و ما الذي وصلوا إليه الآن؟ و كم هي محصلة رؤوس الأموال المملوكة لهذة العصابات التي أنهكت إقتصادنا؟ لازال النظام يعمل بفكرة دعونا نعمل في صمت, و إبقوا قابلوني, و بالنسبة للمظاهرات الفئوية, عيب جدااا طبعا, خليك بتاخد 120 جنيه في الشهر, و خلي طقم رؤساء مجلس الإدارات بياخدو بالملايين, ولو الناس عملت إضرابات قلهم لأ عيب, الإقتصاد يا أولاد إتفرجوا على البهوات و إنتوا ساكتين, ما نقدرش نخصم من مرتبات البهوات و نوزع عليكم عشان ما يزعلوش و بعدين خليكم على الإنترنت دوروا على وائل غنيم الماسوني "إللي لابس حظاظة" إللي كان سبب من أسباب ثورتكم و إنهشوا فيه و كفاية ثورتكم المباركة الطاهرة لغاية كدا, و لو زهقتوا ممكن تطلعوا مصطفى محمود تبكوا على أيام النعيم و الأمان إللي كنتوا فيه, و إللي ظباط الشرطة لغاية النهارده بيحسروكوا عليها عشان تتربوا يا شعب ناكر للجميل, أو خلينا نبقى إيد و احدة و عاوزين نعرف مين الراجل إللي كان و اقف ورا عمر سليمان, زي ماجتمعنا كلنا إيد و احدة و حاربنا العدو الجزائري إللي كان هيسلبنا أعز ما نملك: كاس أفريقيا, وسيبونا بقى عاوزين نلم فلوسكوا و نحرق الأوراق و ندوخكوا لغاية ما تنسوا إيه الموضوع و نرجع لكم بوشوش جديدة, غالبا هيكونوا أولادنا و قارايبنا إللي مسكناهم المناصب المهمة في البلد لما كنتوا نايمين من 30 سنة أنا مش بقول نبطل شغل و نقعد نستنى المحاكمات أو القرارات, لأ, نروح الشغل, و نعمل فصول محو أمية لجيرنا البسطاء و ننضف الشوارع, و لما نقعد على الإنترنت و الفيس بوك و نكتب كلام أو ندور على حاجة, يا ريت نركز و نفهم إيه إللي محتاجين نحط فيه طاقتنا, و بلاش السلبية إللي عودونا عليها 30 سنة و عاوزين نرجع للمباريات الكرة و الفيديو كليبات و الكافيهات و و و , مش هو ده المنتخب إللي كنتم هتحاربوا الجزائر عشانهم؟ مش هم دول فنانين الجيل إللي كنتوا نازلين شتيمة في بعض عشانهم؟ ومش هم دول علماءنا إللي ما حدش كان بيعبرهم في البلد؟ وسيبوا وائل أو غيره في حاله, الراجل قال مائة مرة إنه مش عاوز حاجة غير إن مصر تنضف, و لو رشح نفسه لمنصب إبقوا ساعتها علقوله المشانق, و سيبكوا من العالم الهبلة إللي بتقول ده عاوز يمسك وزير الإتصالات, لإن رئيس الجمهورية هو إللي بيعين , حكومته, مش بالإنخاب أو بمزاج الأفراد ووائل كدا عمل إللي عليه, و الباقي علينا إحنا إنسوووووه و يلا بينا نركز و تحياتي حسام عباس

اتق الله هذا الكلام لايصح ان يقولة مسلم يعرف دينة بحق والقرأن فية الكثير من الايات التي توضح سياسة الدولة والرسول صلي الله عليه وسلم قاد الدولة وبعده الصحابة رضوان الله عليهم فهل انت تفهم اكثر من كتاب الله والرسول والصحابة الأهرام تتبنى فكرة نجيب جبرائيل وتطرح شيئا غير مطروح للنقاش في استفتاء هزلي يمكن فيه الفرد الواحد أن يدلي بصوته آلاف المرات هل يستفتى المسلم على دينه وعلى شريعة ربه كمصدر أساسي فضلا على كونه الوحيد عندنا مازال أهل الضلال والفتنة على ضلالهم وفتنتهم وكأنهم غير راضين على حالة الود والوئام بين المسلمين والمسيحيين وما ضر هؤلاء أو أولئك في أن دين الدولة الرسمي هو الإسلام وأن الشريعة الإسلامية هي المصدر الأساسي للتشريع أرجو أن ننتهي من كل الأسطوانات المشروخة التي بليت وسقطت مع الجيف والرمم التي كانت في العهد البائد الله لا يرجعه ولا يرجع مناقشاته ولا استفتاءاته

الاخوان بيتبعوا مبدأ خدوهم بالصوت بص يا مكاوي لو نفخت في واحد من الاخوان فوووووووووو شوية هوا بس هيطلع يقولك اي يا عيني الحقوني بيكهربوني وتبدأ الميديا في فيديوهات اليوتيوب والمظاهرات علي سلم نقابة المحاميين و تحس أنك قتلته بالمناسبة انا قصدي انك عملته فوووووووو بعد الثورة مش ايام مبارك مبارك نكل بيهم نعم ضخم من قدرتهم بصورة مهولة وابتز الكل بيهم لكن تقول انهم نفرين تلاتة وعصافير الجنينة وان غرضهم ان الناس سوا سوا مع بعضيها فسوري يبقي انت باصص علي قمة جبل الجليد ولا تعرف عن الأخوان غير قليل مثال أخير وأكيد مريت بيه فاكر لما كنت بتبقي قاعد بين المحاضرات ويدخل واحد يمسك المصحف ويقرأ بصوت عالي عشان يسكت الكل بالعافية عشان واحد جنبه هيقول كلمتين كنت تقدر تفتح بقك وتكمل كلامك كنت هتعتبر نشاز وتسقط من نظر دفعتك انك لا تحترم كلام ربنا نفس الكلام بقي بس علي أوسع الاخوان هيعملوا كدة في الحياة السياسية لو خالفتهم يبقي انت مش بتحب الدين وعاوز مصر علمانية للأسف مصر فيها تفسير مختلف للأسلام في اسلام علي طريقة السلفيين واسلام بتاع الجماعات الاسلامية وموجودة وعملوا مؤتمر في اسكندرية قريب وكل واحد منهم في ناحية ولا يوجد نقطة إلتقاء بينهم تحب تقرأ كتاب إسكات الكلب العاوي يوسف القرضاوي بتاع مقبل الوادعي اللي يعتبر من أكبر شيوخ السلفية ياعم انت بتتكلم في ايه الموضوع علي كبير وواسع قوي بالمانسبة الموضع ده ليس للنقاش وليس لطرح الشائعات احنا عاوزين نسلم البلد لربان ماهر يقدر يمسك دفة السفينة بين الامواج الهادرة اللي حوالينا وفي كتير لكن بالنسبة لي لا زويل و لا محمد غنيم ولا الجنزوري ولا الناس دي انا عاوزين رجل بيحب البلد دي + سياسي + طاهر اليد + مستقل بدون أيدوولوجيات يا جماعة انا متعاطف مع الكل مسلم مسيحي سلفي اخواني كلنا مصريين بس العملية مش بالسذاجة اللي بيتم بيها الطرح

أولا وائل غنيم ليس إلا شخص لمعه النظام حتى يغطى به على المحركين الحقيقيين للثورة ، واعتقد كفاية عليه الدعاية التى عملها النظام له فهناك الكثيرين لم يتم حتى الإشارة إلى اسمائهم فى الإعلام الحكومى والخاص. ثانيا الشيخ القرضاوى لم يكن له دور فى الثورة ، فلا هو دعا للثورة ، ولا الناس هتفت بإسمه ليعود ، ولا الجماهير فكرت يوما ان تنادى بعودته ، ومجيئه فى رأيى هو عمل كنت سأفعله لو كنت فى بلد قريبة من مصر حتى أشارك الأهل والأصدقاء فرحة تحقيق حلما عشنا نتمناه كثيرا ، وهو لم يفعل أكثر مما تمنيناه ، وصعوده للخطابة ليس فيه أى إشارة لاعتلاء الإخوان أكتاف الثورة لأنهم يعرفون حجمهم الحقيقى فى الشارع المصرى وهم غير مستعدين البتة لأن يقودوا البلاد. ثالثاالموافقة على مرور سفن ايران العسكرية ، فمن اسبوعين كانت هناك سفن حربية أمريكية عبرت قناة السويس وهى تمر باستمرار ، ماالفرق إذن؟ رابعا فتح معبر رفح ، أنت تعلم انه نظرا للأحداث التى حدثت فى مصر وانعدام الأمن فقد كان المعبر مغلقا لدواعى أمنية ، وقرار فتح المعبر ليس بصفة دائمة وإنما لتسهيل دخول وخروج العالقين فى الجانبين . دى كلها أمور عادية ويكفى أن نراقب ولا نثير بلبلة وإذا جدت فى الأمور أمور فنحن موجودون والشعب موجود.

سبحان الله يعني الشيخ كان بيخطب خطبة الجمعة وائل غنيم كان حيطلع يقول ايه؟؟؟ و ايه علاقة الكلام ده بإيران؟؟ هو الشيخ القرضاوي متعاون كمان مع المد الشيعي؟؟؟!!! و التشكيك في طارق البشري كمان المعبر كان لازم يتفتح لأن اغلاقه كان واحدة من جرائم النظام البائد و بعدين سبحان الله الشيخ القرضاوي كان بيؤكد كل شوية على الوحدة الوطنية مخاوف حضرتك انها تقلب ثورة اسلامية مش في محلها و مش حتنفع في مصر تركيبة مصر مسلمين و أقباط لا تمت من قريب و لا بعيد بتركيبة إيران لا إله إلا الله ده همة ثايرين على ثورتهم الاسلامية منذ عام 1979 يا ريت نبطل ندي إيران أكبر من حجمها و بلاش نردد اشاعات الحرب النفسية اللي عايزة تهلكنا عشان منعرفش نقيم راسنا تاني و نفضل محلك سر

يا سيدي على شباب الثورة انتوا لسا بتتفرجوا على الحاجات دي و الله الواحد من يوم ما الثورة بدأت و مش عاوز يشوف وش اي حد من دول اطلاقا سواء مصريين بقى و لا غير مصريين الشعب يريد اخلاق الميدان

أنا لست متعاطفاً معه ويعلم الله كم كنت أكره هذا الرجل .. ولكني .. في حالة غريبة .. فأنا متأثر إنسانياً جداً .. متفاعل مع حالة مبارك بمنتهى التجرد فقد كان رجلاً قوياً .. غاية في القوة وكان يحكم بالحديد والنار واحدة من كبرى البلاد وكان يعد إبنه ليخلفه وكان لا يخشى أي شئ وكان على علاقة قوية وداعمة مع الغرب والشرق والكثير من الدول وحكامها .. وكان ملأ السمع والبصر وكان مسطوراً إسمه بالبنط العريض في التاريخ وفجأة .. ذهب إلى مزبلة التاريخ .. ومن باب خلفي .. ويعاني المرض .. والذي قد يفسره هو .. بالجحود .. إن حالة هذا الرجل .. هي مأساة إنسانية .. يصعب تحملها على شخص طبيعي .. ومع ذلك .. فأنا لست متعاطف معه .. ولكني لست شمتان فيه .. ولا أشعر برغبة الإنتقام .. أو التشفي وإنما .. متأثر إنسانياً وعاطفياص بشكل كبير

طب ايه المطلوب مننا بالظبط يا استاذ ComingSoon ينقلك الكلام الخايب ده ... نتخانق يعني مع بعض .. و لا كلمة من هنا علي كلمة من هنا و تولع علشان ناس تستريح ... يا ريت .. يا ريت بجد نفكر في الأهم و نسيب المواويل دي بقي .. المفروض ان فيه حاجة اتغيرت جوانا ... حاجات تفهمنا ان اللي بيحارب من بره .. حيفضل طول عمره بره ... احنا اللي جوه اللي المفروض نفهم ... نكبر ... ننضج ... بلاش الأخبار اللي مالهاش لازمة دي .. بلاش نقسمها تاني بالعافية بعد ما صدقنا اننا اتقابلنا ...

صدعتونا اه والله صدعتونا من يوم ما بدأت الثورة وانتم فالقين دماغنا خصوصا لما رجع النت من مصر وكأن قنابل غاز عاطفية مؤثرة ضربت الناس كلام كتير كان محبط وكلام كتير الواحد مكانش بيعرف يرد عليه زي بتطلبوا الديمقراطية بمنتهي بالديكايتورية اومال يعني لما تطلب من ديكتاكتور هتكلمه بايه غير اللغة اللي يفهمها نضرب كف علي كف ونحط الايد علي الخد ليه بلدنا ما تبقاش احسن بلد ايه اللي ناقصنا ليه ما تكونش الشرطة هي احسن جهة في البلد كلها مين اللي قتل العلاقة بينها وبين الشعب ايه كمية البلطجية السنين اللي فاتت دي واللي ظهروا في انتخابات مجلس الشعب معقول ناس بتمص دم الشعب وعندها مليارات وبلدنا فيها ناس نايمة في عشش ولا الصومال ما علينا امبارح كانت جمعة رد الجميل وصدعتونا صدعتونا صدعتونا بايه بقي طوال تلات اسابيع ان ال 2 مليون اللي في ميدان التحرير مش مصر كلها ان السويس مش مصر كلها ان الالاف في اسكندرية مش مصر كلها وامبارح برضه كانت جمعة النصر وبشهادة كل وكالات الانباء العدد فوق 4 ملايين رايحين يحتفلوا بكابوس انزاح نشوف بقي بتوع جمعة الوفاء علي اكتر تقدر 3 الاف مع استخدام الرحمة والشفقة وعلي راي الساري ما تيجي نشوف http://www.youtube.com/watch?v=39OFdOMbnYA ودي بقي من عندي قال نرد الجميل وكل اللي كان يقول لأ يبقي عميل صاحب احندة وعنده جهة تمويل الشعب يلطم يقول فساد ...يطلع تلفزيونا اللي بفلوسنا يقول تهويل ...قال وايه كمان الواد كان بيحلم بالتمديد علشان العزبة تتقسم علي جوز الزغاليل طيب برئ منه الشعب وبريء منه النشيد قال نرد الجميل حتي المشفي بقت مصفي تصفي دم العبيد وياويل ويلك لو اتطلب منك تحاليل اقول حاجة اصلا الشعب رد الجميل صبر علي الشلة صبر طويل طبعا هيقولي حد ان كنت من حقك تتكلم يبقي من حق غيرك يتكلم مش هي دي الديمقراطية برضه ومش هاقول ديموكراسي بتاعة القذافي بس انا حطيت الموضوع ده للتوضيح بس ورد علي كلمة ال 2 مليون في ميدان التحرير مش هما الشعب

اعتقد ان فيه اجماع من الجميع ان مش هو ده الوقت المناسب لمناقشه القضيه دى المطلوب من لجنه تعديل الدستور هيه اخراج دستور يضمن انتخابات نزيهه لما انشاء الله الكلام ده يحصل و يبقى عندنا رئيس و برلمان منتخبين بشكل ديموقراطى نبقى نتكلم عن دستور جديد و ننقاش المسأله دى

مبارك استحاله يرجع ... وهو لما قال أنا مكنتش عايز أرشح نفسي لفترة سادسه أنا صدقته تماما ... مش علشان هو بني آدم صادق أو أهل ثقة لا سمح الله فهو عندي كذاب أشر ... ولكن لأن صحته الجسدية والعقلية لم تكن تتحمل أن يحكم فترة أخرى هو كان عايز الستة شهور الإضافية ليرتب انتقال سلس للحكم لمن يأتي بعده سواء كان عمر سليمان (مرشح الجيش) أو جمال مبارك (مرشح الحزب) وعشان كده كام مصمم على أن يظل في السلطة لحد نهاية فترته المهم أن هذه الثورة الشعبية قوّت موقف الجيش وسمحت له بفرض مرشحه واستبعاد جيمي حالما استعان به حسني لإنقاذ الموقف بعد أن خرج عن السيطرة والآن يقوم الجيش بتجميد الأمور لمدة الشهور الستة اياها على أمل أن تهدأ الناس وتعود الحياة الى طبيعتها ويمضي مخطط نقل السلطة لرجل من داخل النظام يحظى بثقة الجيش وأمريكا (وغالبا سيكون عمر سليمان) كما كان مخططا سلفا ودور أحمد شفيق في هذا المخطط محوري فهو من سيحافظ على تماسك النظام وسيطرته خلال هذه المرحلة الحرجة مع التضحية ببعض كباش الفداء والأوراق المحروقة وتقديم بعض التنازلات الجزئية الى ان يتقبل الناس الفكرة نتيجة ضغوط عدم الاستقرار والخوف من المجهول أو دعاية الحزب الوطني التي تعمل بكامل طاقتها الآن لغسل أدمغة الشعب بأسلوب تدريجي هذا هو تحليلي لما حدث ويحدث الآن والوسيلة الوحيدة لمنع استكمال هذا المخطط هي إزاحة أحمد شفيق عن موقعه وتطهير البلد من جميع وجوه النظام السابق +1111111111111111111111111 للاسف اجد تحليل حضرتك سليم تماما معتقدش ان االاسوء او هو اللون لاسود ( مبارك ) هيرجع دا كارت محروق لكن البطء غير المفهوم فى قرارات شديدة السهولة بيقول اننا مش متجهين للافضل ( الابيض ) احنا متجهين للون الرمادى استيعاب او احتواء الثورة و الدفع بمرشح مدعوم من الجيش \ بقايا النظام و الشواهد عديدة مثل البط فى محاسبة المسئولين عن اطلاق النار - اطلاق البلطجية من السجون - موقعة الجمل الشهيرة العادلى محبوس على ذمة قضية اموال مش جنائى تواجد بعض المسئولين السابقين اللى من السهل جدا ازاحتهم بدون تاثير على البلد و الاقتصاد ( روساء الصحف القومية والمجلات) التعامل بسياسة القطرة قطرة مع المطالب عدم وجود جدول واضح لتحقيق المطالب مع وعد بالاصلاح ( زى مبارك و نظامة بالضبط - مطلوب الشعب يديهم شيك على بياض ) و يا رب اكون غلطان

بالرغم من ان الموضوع عنوانه " لسنا دعاة فتنة " و لكنه للأسف أحتوي علي ما يثير الفتنة بالفعل .. أفكارآ كنا أعتقدنا انها أختفت الي الأبد من قاموس المصريين في عهدهم الجديد معآ ... و لكن يبدو اننا مازلنا في حاجة للعمل معآ كثيرآ لأزالتها أولآ قبل ان نبني مجتمعنا الجديد ... تطبيقآ للأعلان الذي تم نشره سابقآ : إضغط هنا سيتم غلق هذا الموضوع تمهيدآ لحذفه .. و سيكون مصير اي موضوع او مداخلة تدور حول نفس المنهج الحذف الفوري أيضآ معرضة صاحبها لتطبيق قواعد الكتابة بحذافيرها عليه ... كلنا ثقة في تعاون الجميع معنا في هذا الأمر

مبارك استحاله يرجع ... وهو لما قال أنا مكنتش عايز أرشح نفسي لفترة سادسه أنا صدقته تماما ... مش علشان هو بني آدم صادق أو أهل ثقة لا سمح الله فهو عندي كذاب أشر ... ولكن لأن صحته الجسدية والعقلية لم تكن تتحمل أن يحكم فترة أخرى هو كان عايز الستة شهور الإضافية ليرتب انتقال سلس للحكم لمن يأتي بعده سواء كان عمر سليمان (مرشح الجيش) أو جمال مبارك (مرشح الحزب) وعشان كده كام مصمم على أن يظل في السلطة لحد نهاية فترته المهم أن هذه الثورة الشعبية قوّت موقف الجيش وسمحت له بفرض مرشحه واستبعاد جيمي حالما استعان به حسني لإنقاذ الموقف بعد أن خرج عن السيطرة والآن يقوم الجيش بتجميد الأمور لمدة الشهور الستة اياها على أمل أن تهدأ الناس وتعود الحياة الى طبيعتها ويمضي مخطط نقل السلطة لرجل من داخل النظام يحظى بثقة الجيش وأمريكا (وغالبا سيكون عمر سليمان) كما كان مخططا سلفا ودور أحمد شفيق في هذا المخطط محوري فهو من سيحافظ على تماسك النظام وسيطرته خلال هذه المرحلة الحرجة مع التضحية ببعض كباش الفداء والأوراق المحروقة وتقديم بعض التنازلات الجزئية الى ان يتقبل الناس الفكرة نتيجة ضغوط عدم الاستقرار والخوف من المجهول أو دعاية الحزب الوطني التي تعمل بكامل طاقتها الآن لغسل أدمغة الشعب بأسلوب تدريجي هذا هو تحليلي لما حدث ويحدث الآن والوسيلة الوحيدة لمنع استكمال هذا المخطط هي إزاحة أحمد شفيق عن موقعه وتطهير البلد من جميع وجوه النظام السابق

الأستاذ الفاضل سمبا من واقع معلوماتي المحدودة أستطيع إجابتك على موضوع خطاب التخلي أولا الرئيس السابق مبارك لم يكن يشغل الثلاثة مناصب اللتي تفضلت بذكرها فقط فهو رئيس الجمهورية و رئيس الحزب الوطني و القائد الأعلى للقوات المسلحة و بالتالي فهو رئيس المجلس الأعلى للقوات المسلحة و هو القائد الأعلى للشرطة لأنه رئيس المجلس الأعلى للشرطة و رئيس الكثير من المجالس العليا ثانياً خطاب التخلي عن منصب رئيس الجمهورية و تسليم إدارة البلاد إلى القوات المسلحة ففيه مشكلة ظلت قائمة ليومين و هي أن هذا الإجراء ( تسليم إدراة البلاد للقوات المسلحة ) إجراء غير دستوري كما أن التخلي في حد ذاته غير دستوري و الصحيح هو الإستقالة و من المفترض أن يقدم رئيس الجمهورية إستقالته إلى رئيس مجلس الشعب و هو الأمر الدستوري و من ثم يقوم رئيس مجلس الشعب بإدارة البلاد لمدة ستين يوماً حتى إجراء إنتخابات رئاسية جديدة ثالثاً لكون هذا الإجراء غير دستوري فلقد لاقى إعتراضات من فقهاء دستوريين و قضاة فما كان من المجلس الأعلى للقوات المسلحة إلا أن قرر تعطيل الدستور و حل مجلسي الشعب و الشورى بقى سؤال .. و هو ما اللذي حدث حتى يتم نقل السلطة بهذه الصورة الغير دستورية ؟ في تصوري - و تصوري هذا هو الإجابة على سؤالك - أن ما حدث هو إجبار حسني مبارك على التخلي عن السلطة من قبل القوات المسلحة و اللتي كانت تواجه إحتمالين إحلاهما مر .. الأول هو أن يكتسح المتظاهرين قصر العروبة و يقفوا في مواجهة الحرس الجمهوري و اللذي لن يتوانى عن إطلاق النار و بالتالي ستكون مذبحة و تنهار الدولة حتماً و الثاني أن ينحاز الجيش للشعب و بالتالي يحدث سيناريو مشابه و هو مواجهة الجيش للحرس الجمهوري و تكون أيضاً مذبحة .. و نتيجة الإحتمالين الأكيدة هي قتل الرئيس و عائلته إنتقاماً للمتظاهرين و ضياع البلد نتيجة الموجة الإنتقامية التالية لهذه المذابح و عليه فقد قرر الجيش إجبار حسني بارك على الرحيل و لكون الإجبار كان من الجيش فقد تسلم إدارة البلاد و يمكنك هنا أن تسمي ما حدث " إنقلاب عسكري "

بصوا بقي والخلاصة لو ما حصلش تطهير للبلد من اشكال كتير تبقي ما حصلتش ثورة في مصر ولا حاجة ونقعد بقي نربي عيالنا ونمشي جنب الحيط :sad:

اختى الفاضلة جويري على مهلك فى الكلام - بهدوء انا مش مشكلتى انك تبع حزب معين بالاسم - ومعروف بتشجيعك له على المنتدى هنا كل يوم موضوع لك الحرية المطلقة فى اختاراك لاى حزب تنتمين - لكن انك تقومي تهاجمى المسيحين بالشكل داه دي مش مشكلتى كمسيحية لكن انا بفكرك وقت ما النت كان قاطع عندكم فى مصر وما كنتيش معانا على المنتدى انا كنت كمسيحية مغتربة - كل لحظة على المنتدى بشارك بنقل الاخبار او الدعاء وارجعى بالمشاركات بتاعتى فى موضوع 25 يناير وكنت بادعى للشعب المصري وبدعى للشباب ربنا يحفظهم وعمرى ما قولت يارب احفظ المسيحين والمسلمين لاء وقت ما النت كان قاطع عندك فى مصر كان اسكوربيون بيفتح موضوعات جديد تمهيدا لما بعد الثورة وكان بيشارك ريمون وبيشارك رار وبيبو كندا اعضاء تاني من المسيحين انت باى حق - تنكرنى علينا وطنيتنا - وباى حق تتكلمى عن المسيحين بالطريقة دى فى وقت انت نفسك ما كنش ليكي اى دور يذكر وكنت مستخبية فى بيتك - وما كنتيش اساسا على النت جبتى منين الاحكام دى كلها على المسيحين - طب بلاش دول باى حق الشهدا المسيحين تنكرى دمهم اللى دفعوه فى الميدان - وحقهم فى مشاركة الثورة انت بكدا يعنى اكتر وطنية من اغابي واسكوربيون وريمون وبيبو كندا ايه الكلام داه - وكل المصريين اللى كانو رافعين فى امريكا وكندا وكل دول العالم شعارات تندد بالنظام كانو مسلمين وبس ولا كان معاهم المسيحين والمسيحين اللى كانو فى الميدان ما تعرفهمش برضوه كمان انت عارفة ان عدد المسيحين على المنتدى اقل من المسلمين راجعي مشاركاتك - اللى ممكن تجيب حزازيات وتقلل من الوحدة الوطنية - لان الكلام داه مش وقته خالص انا شخصيا مش هاسمح بالمهازل دى على صفحات المنتدى ومش هاسكت سواء انت او غيرك وافقتم او لاء - احنا موجودين وسنظل موجودين على ارض مصر ولنا حقوق وشاركنا فى الميدان وموتنا واللى بيتكلم بطريقتك دى بيعمل فتنة بين الشعب المصري - ويبقى مش بيحب مصر وبكرر اللى بيتكلم فى الظروف دى - بالكلام داه بيعمل فتنة ومش بيحب مصر وبيفرق بين صفوف الشعب الواحد - صدقونى فى الوقت اللى احنا محتاجين اننا نبقى ايد واحدة بلاش الحماس والاندفاع - فكرى الاول فى الظرف اللى احنا فيها - والصور ابلغ من الكلام والمشاركات تشهد والميدان باقى والتاريخ يحمل دم الشهداء سواء المسيحين او المسلمين وبنفس الرصاص وفى نفس الحدث وانتهز هذه الفرصة لاقدم خالص الود لكل زملائي فى المنتدى أنا موافقة على كلام أغابي و أرى إن هذا الموضوع ليس هذا وقته على الإطلاق و إحنا مش في وقت كل واحد يقيس عدد الشهداء في كل فئة يعني لو مافيش حد مات من النوبة أو من الصعيد أو من أهل أي مدينة في مصر نقول عليهم كانوا فين ؟؟؟ ******************************************* أما عن موضوع تطبيق الشريعة الإسلامية فعندما نتأكد أولًا أن الثورة تسير في طريقها و أن جيوب النظام السابق قد تم تطهيرها نبقى نتكلم عن الشريعة الإسلامية من الذي سوف يساعدنا على تطبيق الشريعة؟ و كل أصحاب المناصب الرفيعة الذين يحركون الأمور في كل الجهات الحكومية من أذناب مبارك لا يجب أن نضع العربة قبل الحصان و نقول تطبيق الشريعة و حتى الآن لم يتم معرفة ملامح محددة للدولة المصرية المقبلة الكلام ده مش وقته خالص

اعرف امرأه ذكية عفوية قوية ضعيفة مقاتلة شجاعة بريئة عادية بين يديك فوق القمر مستحيلة قريبة رقيقة متسامحة غاضبة منفعلة محطمة هادئة واثقة غيورة قد تكون لغزا محيرا ولكن لابد ان تكتشفها انها امراتك وكل امراه بالعالم - ولكنك لم تكتشفها بعد فقط لاحظها - وستعرف صدق كلماتى

طيب وانا كمان حتكلم جد,, ليه يا محمد تعمل ده بصلهاعادي وعاملها عادي انها انسان مناضل ورائع ومبهر كمان ,, بلاش طريقةانتي بنت وانا راجل بتاعت ايام الثانوي دي خلاص كبرنا الصح هو : انتي انسان وانا انسان من حقي اعجب بافكارك وامدحها ومن حقي كمان اهاجمها وانتقدها لن يمنعني الحياء من ابداء الاعجاب بفكرك ولن يمنعني الزوق الابله من مهاجمت افكارك لو كانت سلبيه وخاطئه انسان vs انسان وليس رجل vs امرأة

بجد وبعيدا عن الهزار لما كنت بشوف علي التلفزيون اي بنت في ميدان التحرير كنت اغض بصري عنها ولا انظر لها حياءا منها وخزيا من نفسي

انا اتصلت بالحركة يا دياب والرد كان كالتالي : 1- موقف الحركة من وائل غنيم ايجابي وليس سلبي وهو حائز على رضاء ودعم الائتلاف الشعبي بالكامل ومنهم شباب الاخوان المسلمين والذين كما هو معروف عنهم على اتصال وثيق وتنسيق مباشر مع قياداتهم وموحدين موقفهم بالطبع تجاه كل طيف سياسي او شخص مؤثر موجود على الساحة ,, 2 - وائل غنيم ليس عضوا في ائتلاف شباب الثوره والذي يضم بالاضافة الى الحركة شباب العدالة والحريةو حملة دعم الدكتور البرادعي و شباب الإخوان المسلمين و شباب حزب الجبهة الديموقراطي ولكنه يحوز على الثقة ,, دي المعلومات اللي اتقالت لي يا دياب بخصوص غنيم ,, تحيتي ,,

في العالم مرض اسمه الاسلاموفوبيا و في مصر المرض ده اسمه الاخوانوفوبيا خلوني أرد بما أعلم و بما أرى: أولاً: الشيخ القرضاوي ليس له حرس .. و أنا راجع من مصر لجدة من شهرين الشيخ كان معايا على نفس الطيارة .. مكنش معاه اي حد اللهم الا موظف مسانده لأن الشيخ كبير جداً و بيتحرك بصعوبة ثانياً: الشيخ القرضاوي رئيس أكبر هيئة لعلماء المسلمين فشرفاً للجميع أن يخطب هو هذه الجمعة المباركة .. فمصر دائماً و أبداً وجهة العلماء. ثالثاً: الصورة لا تعبر عن أي منع ولا تحمل هذا العنوان المجلجل عن منع وائل غنيم رابعاً: وائل غنيم شاب زي كل شباب الثورة يطلع أو ينزل من على المنصة مش هتفرق خامساً: المنصة كانت مليانة ناس كتير جداً من غير الاخوان .. و لا أظن التنظيم إخواني لأن الإخوان مش هيجيبوا مغني يغني .. و هل وائل الابراشي إخوانجي؟ سادساً: لو كل اللي كانوا على المنصة إخوان .. يبا مصر كلها بقت إخوان و يا مراحب يا مراحب سابعاً: الشيخ قال في خطبته و دعا لحرية و مدنية لا تحكمها (جنس ولا عقيدة ولا دين) .... إزيك بجــــــة

البحرين تنتهز فرصة لا أكثر و يمكن بتشجيع من إيران لا أستطيع أن أجزم حكام البحرين السنة همة اللي بيخافوا من إيران و المد الشيعي الحقيقي و اللي أرضيته ممهدة تماما في البحرين ذات الأغلبية الشيعية بينما الصورة مختلفة تماما في مصر

لا ياعمي .. ما تخافش .. اوزو ما ياكلش الحاجات المايصة دي اذا كان بيشوف الكبدة الضاني مايصة .. وما بتقرمش .. حياكل القشطة دي ازاي ؟؟ وعموما هو مشغول دلوقتي بحرق المستودعات .. انت عارف مع العهد الجديد هيكون فيه جرد كتير .. ده لسه خابطني تعليق ما يكتبوش الا واحد نفسو بلحمة راس بنص الليل .. شوفه بموضوع تامر بتاع طالبات سعوديات يتظاهرون ضد مديرتهم علي فكره انا هابعت فيكم تقرير بمشاركه سيئه عشان جرحتوا مشاعري :protest:

اسطول طائرات !!!!!!!!!!!!!!!!!!!!! ده انا طلعت غلبان اوى ,,, كنت فاكر ان اللى معاهم طيارات خاصة فى مصر تلاتة او اربعة بالكتير يطلعوا اسطول وانا اللى مسافر الخليج بقالى عشرين سنة عشان اجيب عربية بحمار ومش عارف :D كل دول معاهم اسطول طيارات والشعب مش عارف ياكل عيش حاف انا خايف من كتر الاسماء اللى اتقالت يكون ابويا عنده طيارة خاصة ومخبى عليا(حقد طبقى صحيح)

لا ياعمي .. ما تخافش .. اوزو ما ياكلش الحاجات المايصة دي اذا كان بيشوف الكبدة الضاني مايصة .. وما بتقرمش .. حياكل القشطة دي ازاي ؟؟ وعموما هو مشغول دلوقتي بحرق المستودعات .. انت عارف مع العهد الجديد هيكون فيه جرد كتير .. ده لسه خابطني تعليق ما يكتبوش الا واحد نفسو بلحمة راس بنص الليل .. شوفه بموضوع تامر بتاع طالبات سعوديات يتظاهرون ضد مديرتهم

وضيفي يا ام زيد معاهم الآنسه انجي حمدي ,,بنوته مصريه لكن ب 100 راجل وفي نفس الوقت المسئولة الاعلامية لحركة شباب 6 ابريل ,, كانت في عز ما ملايين الرجال خافت واختفت وتم اعتقال المناضل نور حمدي مسئول الاتصال في الحركة ليلة 30 يناير من الشرطة العسكرية وابرزت اجهزة الامن كلها الانياب للنشطاء من مخابرات عامه ومباحث امن الدوله وشرطه عسكريه هي و كل بناتك الاحرار يا مصر شرفوكي ونزلوا ورقابيهم على كفوفهم والله ماخافوا ولا اتهزت لهم شعره انحني واحترم كل شاب وبنت نقي لم يتلوث لم يتلون من شبابك يا مصر ’’

انضمام السياح وأصحاب المطالب الفئوية، تغيير شعارات الثوار، عرض بعض السجناء آثار التعذيب للمتظاهرين، المرور بعلم مصر طوله 100 متر، هى أبرز الملامح التى شهدها ميدان التحرير فى جمعة الشهداء اليوم، حيث انضم عدد كبير من السياح الألمان وعدد من العاملين بقطاعات السياحة وطلاب الجامعات الأمريكية والألمانية، رافعين شعار "اللى يحب مصر يأتى ويزور مصر"، وذلك لتشجيع السياحة وعودتها مرة أخرى بعد تضررهم من الأحداث الماضية. ارتدى السياح والعاملون بالسياحة والطلاب زياً موحداً ذا لون أبيض، رافعين لافتات بمختلف اللغات الأجنبية تنادى بمساندة الحرية وزيارة مصر. وقال سفن بونقوس أحد السياح الألمان، إن أجمل ما شاهده اليوم والأيام الماضية عدم استسلام المصريين رغم سقوط عشرات الشهداء، كما أنهم أعطوا درساً للعالم فى فن الحماية الشعبية، خاصة أنه فى ألمانيا والدول الأوروبية المواطن لا يحمى سوى نفسه. كما انضم العاملون بقطاع الكهرباء بشمال القاهرة المطالبين بتحسين أوضاعهم المالية، رافعين لافتة كبيرة تؤيد الثورة وتؤكد انضمامهم لها لتحقيق مطالبهم الفئوية، وهو نفس الأمر الذى فعله عمال وسائقو النقل العام، كما شارك العشرات من معتقلى الثورة والذين خرجوا من السجون ليقوموا بعرض آثار التعذيب على أجسادهم على المتظاهرين بالتحرير. وشهد التحرير أيضاً تغيير الشعارات الثورية التى كان ينادى بها خلال الأيام الماضية وكان أبرزها "ارفع رأسك فوق.. أنت مصرى"، "شيخ الأزهر فين.. القرضاوى أهوه"، "يا شهيد نام وارتاح.. وإحنا نكمل الكفاح"، "لا مصالحة مع الداخلية إلا بعد دفع الدية"، وذلك بعد شعارات "الشعب يريد إسقاط النظام". وبالتزامن مع الاحتفالات بالميدان عن طريق الطبل البلدى والمزمار والأغانى الوطنية احتفالاً وتكريماً للشهداء أقام الثوار مسرحاً كبيراً للشهداء والفنانين تمهيداً للاحتفال بالشهداء وأسرهم.

لأ يا مدام روشه العادلي محبوس من أمبارح فعلاً وانا بنفسي روحت زورته النهاردة بعيش وحلاوه وسجاير فرط

اسرائيل بتعترض على عمرو موسى علشان تخليكوا تختاروا عمرو موسى سهلة مش كده؟

في دعوات خايبة في مصر اليومين دول ان الجمعة 18 فبراير تبقى جمعة رد الجميل الواحد مؤدب و اهله مربينه و مش هاقدر اقول كلام خارج بس بجد حاجه تفرقع المرارة رد جميل لمين يا مهابيل انتوا حد يفهمني قريت تعليق على الفيس عن الموضوع دا ونقلته على الفيس عندي يا ريت اي حد يعرف حد نازل فيما يسمى جمعة رد الجميل لمبارك يقوله اللى بيحب حسنى مبارك , و اللى نازل بكرة فى جمعة "رد الجميل", يدعو بهذا الدعاء : "اللهم احشرنى معه يوم القيامة وأدخلنى مدخله "

بصي يا ستى حسب مكتب الفيزا هاحطلك لينك هنا للشيت تقدرى تبصي فيه وتقارنى كل الفروقات الزمنيه وساعتها هتعرفي كل شيء معلومه فى ناس مقدمين من يوليو سبقوهم ناس مقدمين فى سبتمبر وجالهم الايه او ار التانى والميديكال يعنى حسب الفيزا اوفس مثلا اولاد المحظوظه الفلبينيين سبقونا بمراحل انا مش باحسد ..انا بانق بس https://spreadsheets.google.com/ccc?key=0AiJy8Qu8lcQbdGxiSnNhME5sVi1uRlZtUWNhOEFwemc&hl=ar&authkey=CLDXsFA#gid=0 الايه او ار التانى والميديكال بييجوا ايميل بعدين الميديكال بييجى تانى ميل عادى عشان الاوراق ممكن الفيش والتشبيه ينطلب ممكن اوراق ناقصه وممكن لا

ربنا يسعدك يا عمرو يا رب والله انا متفائله لك خير جدا جدا وتذكرنى صدقنى موضوع مصر كان بيبكينى كل يوم وعيونى كل عين قد كده وليل نهار على التلفزيون ربنا يصفح عن شعبي وبلدى ياااااااااااااا رب بالنسبه للتفتى تفتى احب اقولك ان مصر خلاص مش هيبقيفيها فساااااااااااااد :P الف الف مبروك ياام سيف والله فرحتلك انتى كلك ذوق ودايما بنتمنالك الخير متابعك انا وانتى نفسك تقلبى صفحه 75 دى ومش عاوزة تقلب بس انا كان موضوع مصر ده معكنن عليا شويه :waving: انا عارف ان انتمائك للمحاورات هنا وعماله يعينى تزقى فى التوبيك ده زى ماكنت انا بعمل وبرضو مفيش فايده ربنا يكرمك يارب وعاوزك بقى تمسكى التوبيك ده هنا لحد ماتسافرى وعاوز بقى الاقى استشارات وتجرى رجل الزباين هنا متنسيش تفتى تفتى

انا مش متعاطفة مع الرئيس المخلوع حسنى مبارك - ولكني كمواطنة مصرية ارفض الاهانة بمعنى انه كان فيه متظاهرين فى الميدان وللاسف المشهد متكرر على جميع القنوات رافعين صورة الرئيس المخلوع حسنى مبارك ويمسكون فى ايديهم بالحذاء ويضربون صورته وهذا احد الاسباب المؤدية لحالته الصحية السيئة دى عيب ومش من اخلاق المصريين يعنى الموضوع مش تعاطف ولا حاجه الموضوع اخلاقيا - لان المظاهرات كان ليها اهدف نبيلة ومحترمة جدا فهل من ضمن اهدافها هذا المشهد المؤسف والمخزى شكرا http://img25./i/298163382.jpg/

الف الف مبروك ياام سيف والله فرحتلك انتى كلك ذوق ودايما بنتمنالك الخير متابعك انا وانتى نفسك تقلبى صفحه 75 دى ومش عاوزة تقلب بس انا كان موضوع مصر ده معكنن عليا شويه :waving: انا عارف ان انتمائك للمحاورات هنا وعماله يعينى تزقى فى التوبيك ده زى ماكنت انا بعمل وبرضو مفيش فايده ربنا يكرمك يارب وعاوزك بقى تمسكى التوبيك ده هنا لحد ماتسافرى وعاوز بقى الاقى استشارات وتجرى رجل الزباين هنا متنسيش تفتى تفتى

احب اشكر اخواتى وحبايبي د عمرو واكرم باشا كعب الغزال يا متحنى بدم الغزال والسيد احمد سيف واليكس وام سيف 2 وكل حد شارك فى الموضوع ده وساهم ولو بكلمه الله يسعده ويكرمه ويوفقه ويفتحله الابواب المتقفله ولو نسيت حد يسامحنى راسي بتلف مش نايمه بقال زمن بسبب سيوف

الشهيد..محمد محمود سعيد 29 سنة الجيزة

دى ام احد الشهداء من يوم ما ابنها استشهد وهى كل يوم تنزل وتقف وماتعملش حاجة غير انها ماسكة صور شهداء الثورة ربنا يصبر قلبها وهقتبس الآية الكريمة اللى فى توقيع ماما سلوى الصورة اهى وادعو لها ربنا يصبرها ويعوضها خير فى اعز ما ليها اللى راح منها