لوحة القادة

الفاضله : مغتربه اولآ . اود شكرك على اثارة هذا الموضوع او التفكير به اساسا،والشعب الان فى نشوة انتصارا مزيف او مشوب على اقل تقدير،والقاعده العريضه منه حتى الان لا تعى الحاصل الفعلى لما يحدث خلف الكواليس البطانيه التى قد خلفها النظام السابق،واسمحوا لى ان اختلف مع الكثير. النظام كان هش بالدرجه التى خلع بها علما بأننى لا اقلل او اسفه الجهد الذى قام به ابناء الثوره العظام لكن هل تعلمون ان الدوله المصريه بها اثنان وعشرون الف مستشار يتقاضى الواحد منهم اكثر من مليون جنيه شهريا،ويكلفون الخزانه العامه للدوله،اكثر من اثناعشره مليار جنيه سنويا وهؤلاء لهم بطانه من المنتفعين،من وكلاء الوزارات،يخلفهم مديرى ادارات،يتلوهم،رؤساء اقسام وهلم جرا وكلهم جيش من المنتفعين من بقاء الوضع على ماهو عليه،او على الاقل اقرب ما يكون عليه،ولا ننسي رجال الاعمال وفلول اعضاء الحزب الوطنى،كما اعضاء مجلس الشعب السابقين،اذا فالامر ليس بهذه السهوله،بل نحن فى حاجه الى ثورة تصحيح،على غرار محاكم التفتيش،واود ان اقول انه فات السهل وبقى الصعب،ومن يرى غير ذلك فهو مغيب عن الواقع او يعيش ثوره ورديه كمن اعطى دميه ليلهو بها؟،علما بأن الواقع اشد صلابه،ويحتاج ان نكون اشد اصرار ومثابره الشعب الان ومجموعة المنتفعين،يلعبون لعبة الشطرنج،والبقاء ليس للاقوى بل للاذكى والمثابر بل المصر الدؤوب اللحوح. انها سلسله متسلسه متسلسله بعضها بعضا،وشبكه عنكبوتيه متناهية الكبر والصغر،اسسها ثم خلفها النظام السابق والذى لم يرحل حتى الان،بدايةً من تفكيك النقابات،ومن يرى غير ذلك،عفوا فأنه لا يريد ان يرى إلا ما يريد ان يراه،ولسنا بصدد الامانى. وعندما ماء الشعب،القوا له بجناح دجاجه،ثم ينتظرون ان يموء بكل قواه حتى تخور،فيلقون له الجناح الاخر،ويفوزون هم بكامل الدجاجه،لانهم،القطط السُمان،فهل سينطلى هذا على الشعب،ام انه سيعى ما يدور من حوله،ويتصرف بالشكل المناسب فى الوقت المناسب،هذا ما سوف تكشف عنه الايام القادمه.

كنت أتمنى أن يكون لمصر موقف أقوى من مجرد إعادة المصريين في ليبيا مصر ليست دولة صغيرة ولا هامشية في المنطقة لتتغاضى عما يحدث على حدودها من جرائم ضد الإنسانية الشعب الليبي شعب عربي مسلم جار لنا يواجه الآن مذابح على يد السفاح القذافي وحكومتنا عامله نفسها مش واخده بالها بس نقول ايه ... فاقد الشيء لا يعطيه ... إذا كانت الحكومة لا تحترم مواطنيها فبالاحرى ألا تكترث بالجرائم التي ترتكب بحق جيراننا هناك اولويات الاولويه الان هو اعداة ابناءنا بدل ما نتدخل لإعادة مليون مصري من ليبيا الله أعلم هنلحق كام واحد منهم نتدخل لمساندة الشعب الليبي على إسقاط الطاغية وبذلك نحقن دماء المصريين والليبيين معا في ساعات قليلة وهيفضوا فاكرينها لنا طول العمر إن المصريين هما اللي ساعدوهم لما كانوا في محنه إنما بمخطط الهروب الكبير ده مش هيفتكروا إلا إن المصريين سابوهم يواجهوا السفاح لوحدهم وهربوا والله العملية محتاجه ضربة جوية واحدة زي ضربة 67 تدمر فيها مدارج المطارات الليبية كافة فيستحيل على السفاح استخدام الطائرات في قصف الشعب أو استقدام المرتزقة والشعب الليبي هيحفظ لنا الجميل ده طول العمر

معك أن الموقف العام يجب أن يكون الترقب وليس التشكيك ولكن يجب أن يظل هناك ضغط على الجيش لكي يفهم أن التفويض الممنوح له من الشعب ليس مطلقا ولا مفتوحا ... أو كما قال أبوالعز الحريري: الإعزاز بالإنجاز ... على قد ما تستجيبوا لمطالب الشعب على قد ما الشعب هيحترمكم ويثق فيكم ويقدركم وبعدين مش ضروري كلنا نتحدث بنفس اللغة وإن كنا نؤمن بنفس الأفكار ونسعى لتحقيق نفس الهدف ... يجب أن يكون بيننا صقور وحمائم أو Good cop and bad cop زي ما بنسمعها في الأفلام الأمريكاني ولازم واحد مننا يفضل يشكنا بدبوس كل شويه عشان ما نرجعش ننام وأنا أخذت على عاتقي أن أكون هذا الدبوس :)

من كواليس الثورة الليبية

شوفوا الفيديو ده يا جماعة فيه لقطات ما شفتهاش قبل كدة و خلاني أحس مشاعر متضاربة فخر و حزن و فرح و غضب http://www.youtube.com/watch?v=J56oGIznUOQ&feature=player_embedded

ذهب فاروق و اتى فواريق جمله دفعت ثمنها تحيه كاريوكا شهورا من عمرها قضتها فى السجن و الان و بعد ستون عاما من قولها اخشى ان ياتى يوما و نرددها نحن ايضا و لكن و كما تقضى الاحداث فنقول ذهب مبارك و اتى مباااااااااريك لا اخفى سرا ان هذا اصبح من اهم ما اخشاه حاليا و اتمنى الا ياتى علينا هذا اليوم ابدا اعلم ان الثوره مزالت وليده و انها تحتاج الى الكثير من الوقت و العمل ايضا حتى نستطيع ان نقول انها وصلت الى بر الامان و اننا استطعنا حقا تحقيق كل الاهداف التى قامت من اجلها و لكن و فى نفس الوقت فان هذا الوقت مليىء بالتحديات التى ق تجنح بها فى اى لحظه عن الوجهه المنشوده منها بحيث تكون المحصله الاخيره هى تغير الوجوه ليس الا اشياء كثيره طفت على سطح الثوره عنوه فى الايام القليله الماضيه منذ لحظه التنحى الى الان تيارات تريد ان تركب الموجه و منافقون جدد ينسجون شباكهم حولها ضبابيه فى المشهد السياسى الحالى قد نكون مقصوده و قد تكون نتيجه لجسامه الحدث لاعبون جدد اغرتهم الغيمه الشهيه بتجريب حظوظهم فى محاوله الخروج باكبر قدر من الغنائم سواء السياسيه او الاقتصاديه مولد من الحراك الضار و الذى اتفهم انه لابد منه كعرض جانبى لاى حدث مهم مثل الذى تحقق و لكنى لست على قناعه كافيه بان الكل على القدر اللازم من الوعى لتفادى التاثر به او الانخداع به لذلك اسئل و بصدق عن الخطوات الازمه فى الوقت الحالى لتجنب سيطره ايا من العوامل الضاره تلك على دفه الثوره بحيث تجنح بها من سبيل الديموقراطيه و الحريه التى ننشدها الى سبيل تحقيق اهدافها الايدلوجيه او الفئويه ماهى الضمانات المطلوبه للتاكد من ان سبيل الديموقراطيه لن تستطيع قوه ما ان قدر لها احكام سيطرتها على مجريات الامور ان تكبله او ان تعلقه لكل من له رؤيه حول الامر رغم انه قد يقول البعض انه من المبكر الخوض فى حديث كهذا الا ما رايته فى الايام القليله الماضيه من اراء و اخبار و تحركات فى العالم الافتراضى و الواقعى ينبئنى باننا قد نكون فى الوقت المناسب تماما لمثل هذا الطرح لا املك الان الا اذان صاغيه لحضراتكم

ولا يفرق معانا شعرة واحدة احمد شفيق .. يسيب الوزارة و يمسكها اي حد تاني البلد مليانة كفاءات و ناس قلوبها حية و تعرف تدور البلد و تطلع بيها بسرعة الصاروخ

كنت أتمنى أن يكون لمصر موقف أقوى من مجرد إعادة المصريين في ليبيا مصر ليست دولة صغيرة ولا هامشية في المنطقة لتتغاضى عما يحدث على حدودها من جرائم ضد الإنسانية الشعب الليبي شعب عربي مسلم جار لنا يواجه الآن مذابح على يد السفاح القذافي وحكومتنا عامله نفسها مش واخده بالها بس نقول ايه ... فاقد الشيء لا يعطيه ... إذا كانت الحكومة لا تحترم مواطنيها فبالاحرى ألا تكترث بالجرائم التي ترتكب بحق جيراننا هناك اولويات الاولويه الان هو اعداة ابناءنا

انقذو ابناءنا فى ليبيا لابد ان تكون كل اجهزة الدوله لارجاع المصريين العاملين فى ليبيا الى اوطانهم هناك عدد ضخم من المصريين هناك كان اخر حديث لابن القذافى يحذر من المصررين والتونسيين فى ليبيا ويقول انهم سوف يشاركون اليبيين فى ثروتهم ارجوكم انقذوا اباءنا الى المجلس الاعلى للقوات المسلحه ارجوكم ارجعوا ابناءنا ولو بالقوه

انا معاكى فى كده بصراحة وكمان بلال فضل امبارح قال بعد الاجتماع انا مطمن والجيش مع الشعب وماتخافوش من النقطة دى جيش مصر يعلو ولا يعلى عليه لكن الكام قائد الفاسد المتورط مع النظام البائد لابد من محاكمتهم وتطهير الجيش المصري منهم مافيش حد فوق القانون و مش حيكونوا ابعد عن ايدينا من مبارك نفسه لا حصانه لفاسد ,, لابد من الحساب ,, يا جماعة أنا أظن والله أعلم إن الجيش مستفيد من ضغطنا عليه في هذه النقطة بالذات لنرفع عنه الحرج وليقول لمبارك إننا نتعرض لضغط من أجل ملياراتك واحنا نعمل إيه بس الجيش كما ظهر خلع مبارك وكانت له حجته ضغط الجماهير ولو لم نضغط لبقي وأنا شايف الجيش لم ينهانا عن أن نضغط عليه وحاسس إنه عايزنا نضغط كمان وكمان علشان يرجع فلوس الشعب وهل من مصلحته إنه يضحي بينا علشان شخص حرامي هو وعياله وأصحابهم فماذا يقول التاريخ عنهم حينئذ إنهم لن يرضوا أبدا أن يتستروا على فساد واضح وضوح الشمس هل يمكن أن يتركهم باقي المفسدين حينما يحاكمونهم ولا يحاكمون شيخ المنصر بتاعهم أظن مش ممكن في النهاية الجيش هيشكر الثورة على ما قدمته لمصر

ارجوكم طالبو بكل الحقوق و نظموا مظاهرات و اعملو كل الى انتو عايزينه بس ارجوكم ارجوكم بلاش تخوين الجيش لان ده الى عايزاها القوى المضاده لو وقع الشعب فى الجيش الكلاب هتركب الموجه الجيش ممكن يسمح باى حاجه و قفات احتجاجات حتى لو رفع عليه قضيه لكن اياكم من التخوين

اين قواتنا المسلحة من ليبيا بسم الله لم يعد يخفي علي احد ما يحدث في ليبيا الان من استعانة بالمرتزقة من العبيد و قصف بالاسلحة الثقيلة و كأن بن منيار اليهودي يحارب جيشا و ليس مجموعة من المواطنين العزل اصحاب البلد و اسيادها فما دور مصرنا العزيزة لن اتكلم عن دور مصر الطبيعي ك قائد للمنطقة العربية و عموم ارض الاسلام لن اتكلم عن دور الشرف و اغاثة اللهفان و وحدة الدم العربي و حرمته علينا و ما الي ذلك ان الذي يحدث الان جريمة نكراء في حق الانسانية و لا يصح ابدا ان نتحدث من منطلق انها شؤون داخلية تخص الليبين فقط انما هي شأن انساني في المقام الاول ثم شأن عربي اسلامي في المقام الثاني و سأتكلم من بند المصالح .. يعلم الله في سماه ان الشعب سينتصر .. سينتصر لا محالة فدولة الظلم و ان امتدت الي 40 عاما الا انها ساعة و دولة الحق الي قيام الساعة و عليه لما لا تتدخل قواتنا المسلحة و تنهي هذه المهزلة في خلال ساعات معدودة و تؤجل فاتورة الحساب لحين تغيير نظام الحكم لما يرتضيه الشعب الليبي و عندها سنكون حصدنا حصاد الابد من الخير الوفير و المدد الكثير من اهالينا في ليبيا و لعل التلميح فقط يكفي و لعل فتح باب التطوع لتحرير ليبيا من هذا الكلب .. سيجمع مئات الالاف من شبابنا و انا اول المتطوعين و لولا يقيني انه لا حرب الا تحت راية قادرة و فاعلة لسافرت علي الفور الي هناك

معروف وشائع لدى الناس أن الأسد هو ملك الغابة والذى تعابه جميع الحيوانات وسمعنا الكثير من قصص التراث عن أخلاق الأسود والتى تترفع عن الأكل مما لم تقنصه بمخالبها وأنيابها. ولكن بعد الثورة التكنولوجية وقيام العديد من الباحثين فى شئون الحيوان وانضمام الهواة الى فرق رصد سلوك الحيوان ، اكتشفنا أن الأسود ليست إلا حيوانات مفترسة شأنها شأن باقى الحيوانات وبالذات آكلات الجيف. فرأينا الأسود تهاجم لتستولى على ماصادته حيوانات أخرى كالضباع والذئاب وتهرب من المواجهة مع جماعات اقل قوة وحجما منها. والأعجب أنها لاتقوى على مواجهة الجاموس الغاضب وتفر أمامه مذعورة ولا تقوى على السيطرة إلا على الشوارد والذين يجبنون من مواجهتهم. لنرى هذا الفيديو المعبر والذى سبق وأن نشرته هنا ( سبـاع ... جاموس ) منذ عدة سنوات لقطيع من الجاموس يهاجم جماعة الأسود ويخلص صغير الجاموس من بين مخالبهم وأنيابهم ويطاردهم ويشتتهم. سيناريو مشابه مع الفارق طبعا بين البشر والحيوانات بما من الله به على البشر من عقل. نرى كيف ان الشعب استطاع أن يقف فى وجه بن على فى تونس ، ومن بعده مبارك يليه القذافى وعلى صالح والبقية تأتى بإذن الله فيبدو ان العقد قد بدء ينفرط. http://www.youtube.com/watch?v=PsQZoXCyDS0

لو ده حصل .. يبقي الجيش المصري ملوش كلمة و ملوش لزمة و معاك 300 سنة تانية عشان تلاقي فرصة زي دي ااااااااااه يا بلد مفيهاش راجل بيفهم و يملي العين و يبقي قد اسمها معليش ياباشمهندس اسمح لي .. بلد مين الي تقصدها حضرتك والي على كلامك مفيهاش راجل ؟؟؟؟ اتمنى لما يكون الموضوع في غايه الخطورة زي الي حاصل في ليبيا دلوقت اننا نفكر خمستلاف مرة قبل مانرمي اي كلام والسلام .. حضرتك دلوقت عاوز مصر تتدخل عسكريا في ليبيا بمعنى آخر عاوز مصر تعلن الحرب على ليبيا .. ملهاش تفسير تاني في الاوساط الدولية .. هل انت قدر دعوة على هذا الحجم من الخطورة ؟؟؟؟ بعدين انت مستعجل على رزقك ليه .. النهرده ليبيا بتلمح وتصرح بان مصر وراء مايحدث على ارضها ويوم مايخلصوا على شعبهم ويرموا عليه قنبلتين هيتديروا على الي اشعل فتيل الازمه من وجهة نظرهم ومش مستبعد ابدا ساعتها ان ليبيا هي الي تعلن على مصر الحرب ده لو ربنا ستر .. اما لو مسترش وكانت القصة كلها ذريعه للتدخل الاجنبي في ليبيا بحيث تبقى الجبهة الغربية لمصر محاصرة زي ماحاصل للشرقية فقول ربنا يرحمنا جميعا برحمته .. الوضع جد خطير ومش متحمل عنتريات او خطوات غير محسوبه ومنها تهييج الرأي العام في قضية لسه ابعادها لم تتضح وممكن جدا تمس امن مصر بالكامل مش بس المصريين الي عايشين في ليبيا .. عن نفسي مش عارفه ايه المفروض بينا كأفراد نعمله .. عماله ادعي لربنا من ساعة ماسمعت ان الحكومة الليبية ناوية تقصف بنغازي .. معرفش هترسى على ايه ولا الخطة دي كلها معموله لايه .. بس الي متأكده منه ان ربنا موجود وان مهما كان مكرهم فالله سبحانه قادر يرده في نحرهم واكيد مكره هيكون اعظم .. الله يكرمك ويرضى عليك ياباشمهندس .. فكر لو دقيقة قبل ماتكتب كلام ان لم ينفع فعلى الاقل قاعد بتحرق بيه دم الي بيقراه على الفاضي ..

الشهيد..إبراهيم صبحى 15 سنة

الشهيد..محمد مبروك استشهد فى ميدان التحرير يوم جمعة الغضب

ياااااااااااااااه........... ايه اللي جاب سيرة الحلم البعيد المنال ده يااااااااااااااااااااااااااااااااااارب قادر على كل شئ وساعتها يا أركتيكت تبقى تستاهل نشيل لك الشنطة فعلا على رأي أوزوز طول مافى ناس بتفكر تشيل الشنطة لناس زيها ، يبقى الحلم مش حيتحقق الحلم ممكن يتحقق لما الناس تعرف انهم سواسية ، ولما كبير البلد يشيل شنطته فى ايده ممكن اشيل الشنطة لوالدى لوالدتى ، عمى ، جدى ، أختى ، زوجتى ، بنتى ، لكن الفرعون لم يولد فرعون ، الناس هى اللى عملته فرعون علشان كده اوعى تشيل الشنطة لأركتيكت والا بكرة حتشيل الحصان بتاعه ونبقى زى :malta:

بلد في الظروف اللي زي اللي إحنا فيها وخارجين من مشاكل وما زلنا في مشاكل أخرى مستحيل نضرب طلقة في حرب لا ناقة لنا فيها ولا جمل واحسبها إنت يا ياسر . مين هايدفع تكاليف غزو دولة جاره لنا ؟ ومين هايتحمل خسائر إسقاط ولو طائرة واحدة مصرية هناك ؟ ولو المجنون مسك مليون مصري من اللي شغالين هناك وعملهم دروع بشرية .. يبقى إزاي الحال دلوقت ؟ اخي الكريم .. قليل من الحكمة ستفيد كثيراً ... فالشعب الليبي سيتكفل بالموضوع بإذن الله .. الاهم من ذلك ... تخيل ليبيا أثناء ثورة الغضب بعتت كام طيارة دمروا لنا مطار ألماظة ومطار القاهرة على اساس إنها مجاملة يعني .. وقتلوا لهم كام الف مصري في الطريق .. كنت هاتقول إنت دول جايين يخلصونا من مبارك .؟ فكر فيها وشوف العواقب كانت هاتبقى إزاي ؟

وتستمر الجرائم الكفرية لكفار العرب هؤلاء أبدا ليسوا بمسلمين أبدا ده كفر ده

كنت أتمنى أن يكون لمصر موقف أقوى من مجرد إعادة المصريين في ليبيا مصر ليست دولة صغيرة ولا هامشية في المنطقة لتتغاضى عما يحدث على حدودها من جرائم ضد الإنسانية الشعب الليبي شعب عربي مسلم جار لنا يواجه الآن مذابح على يد السفاح القذافي وحكومتنا عامله نفسها مش واخده بالها بس نقول ايه ... فاقد الشيء لا يعطيه ... إذا كانت الحكومة لا تحترم مواطنيها فبالاحرى ألا تكترث بالجرائم التي ترتكب بحق جيراننا

السفير محمد عبد الحكم مساعد وزير الخارجية للشئون القنصلية وقال عبد الحكم إن الساعات المقبلة ستشهد زيادة فى رحلات مصر للطيران إلى طرابلس لإحضار كل من يرغب فى العودة الطوعية إلى أرض الوطن، مشيرا إلى أنه سيتم تسفير رحلات لمصر للطيران غدا من طرابلس إلى القاهرة الساعة 12 ظهرا ، والساعة 9 مساء، وكذلك تسيير العديد من الأتوبيسات لنقل المواطنين المصريين من السلوم إلى كافة أنحاء الجمهورية، كما تم التنسيق مع السلطات التونسية للسماح بدخول المواطنين المصريين إلى تونس من خلال منافذ الوصول على الحدود الليبية التونسية. http://www.youm7.com/News.asp?NewsID=355959

النصر قريب بإذن الله و نهاية القذافى ستكون كنهاية صدام فهو لن يهرب كبن على و لن يتنحى كمبارك هذا المعتوه سيقتل أو سيعدم . و على الباغى تدور الدوائر

المرأة لكونها أنثى ليست رجلا والمرأة أنثى والرجل ذكر لأنه ليس أنثى فالأنثى أنثى لأنها امرأة والمرأة أمرأة لأنها أنثى والرجل رجل لأنه ليس أنثى شرح مبسط لجزء من الكتاب الأخصر

انا سعيد جدا بوجودك يا استاذ احمد ونحمد الله على سلامتك تخيل حضرتك ان المرأة الحديدية (منى الشافعي) تسعى اليوم -حسب المنشور في جريدة العالم اليوم عدد اليوم - تسعى رثبات براءتها بعدما قضت مدة عقوبتها بالكامل ثم اليوم تذهب لمحكمة النقض بنفسها لتكشف لنا عن الاسماء الحقيقية التي كانت تدعمها وتقف وراءها وهي اسماء شديدة النفوذ داخل البلاد باحسب كلماتها هي الفساد يفوق الوصف يا استاذ احمد يفوق كوابيس البسطاء من امثالي ان يحيط بحجمه وشكله قائمة سوداء طويلة يتم اخفاءها الان في الظلام ومحاولات مستميته لابعادها عن النور والايام حبلى بكل مفجع وجديد وفي جريدة الاهرام عدد اليوم سنجد في هذا الرابط ايماء الى خناقة بلدي تمت على مرأى ومسمع من ملايين المصريين في التلفزيون المصري http://www.ahram.org.eg/450/2011/02/21/4/63750.aspx حيث قام السيد أنس الفقي بنشر الغسيل للمذيع محمود سعد ثم اتصل بخيري رمضان ثم اكتشف المشاهد المغمور المسكين انه أمام مرتبات بالملايين وهو يمن عليه النظام بدعم رغيف عيش لايؤكل شيء لايصدقه عقل لكن واقع في بلدنا المحروسة وهذا الرابط من نفس الجريدة لمخاوف ا.حسنين هيكل حول ما نحن بصدد نقاشه من مخاوف http://www.ahram.org.eg/450/2011/02/21/12/63782.aspx وقد يسأل سائل : اليوم وقد توفى فعلا زين العابدين بن علي .. هل تونس افضل حالا أقول ليست افضل حالا لانها وقعت فيما نحذر منه الان حياة او ممات الرئيس المخلوع ليست بيت القصيد المطلوب ازالة نظام كامل من حياتنا بكل رموزه ومؤسساته وليس تغيير اسماء بدل من غيرها والجميع كان لاعب في الفريق الراحل ويحمل نفس التوجهات<BR style="mso-special-character: line-break"><BR style="mso-special-character: line-break">

بقالي يومين عمال اقول لكم الجيش سيطهر كل المؤسسات ولايوجد احد خط احمر لكن اصبروا ومفيش حد عايز يصدق

نقترح على الشعب فى الانتخابات القادمة انتخاب رئيس صينى لأنه "بالكثير حيقعد دورتين ويبوظ". :) :)

اطلاق أسماء شهداء ثورة 25 يناير على الشوارع التى يقطنون فيها القاهرة - أخبار مصر أصدر الدكتور احمد شفيق قرارا الاثنين بتكليف المحافظين باطلاق أسماء شهداء ثورة 25 يناير 2011، على الشوارع التى يقطن بها كل منهم تقديرا لتضحياتهم اثناء الثورة. وكان رئيس مجلس الوزراء قد قرر منح معاش استثنائى بقيمة 1500 جنيه شهرياً لأسر كل الشهداء فى الأحداث الأخيرة، فيما قررت اللجنة السماح بالجمع بين هذا المعاش وأى معاش أو دخل آخر تحصل عليه هذه الأسر ودون حدود، وفى حال عدم وجود مستحقين للمعاش قررت اللجنة العليا صرف مكافأة قدرها 50 ألف جنيه للورثة الشرعيين. وتنفيذًا لما أعلنه رئيس الوزراء، فقد قررت اللجنة العليا للمعاشات الاستثنائية خلال اجتماعها مساء أمس الأول برئاسة الدكتور سمير رضوان, وزير المالية, مخاطبة وزارتى "الصحة" و"الداخلية", للحصول على قائمة بأسماء الشهداء لإبلاغ أسرهم بالمستندات المطلوبة لبدء اتخاذ إجراءات صرف المعاش.

ما أعتقدش انه هيعملها..لأنه ما يعرفش معناها أصلا هتلاقيه زي ما فسر الديمقراطية..بيقوللك تنحي..مكونة من مقطعين تنح و معناها بلط في الخط و حرف الياء للتأنيث

بحمد الله تم الانتهاء من مشروع رفع القران الكريم كاملاً على اليوتيوب من قبل الاخ imad07 ومن خلال مقطع واحد بلغت مدته 22 ساعة ليعد من اطول المقاطع الموجود على الموقع العملاق يوتيوب . اسم القاريء: ماهر المعيقلي مدة المقطع : 22 ساعة - 36 دقيقة - 51 ثانية رابط المادة : http://www.youtube.com/watch?v=Ktync4j_nmA لا تنسوني وصاحب العمل من دعواتكم (منقول)

أنا شكلي بأحلم حلم جميل يا ولاد .. فعاوز حد يقرصني أو يخبطني بقُله على دماغي - مش عاوز إستهبال .. خبطه بسيطة يعني مش قاضية - جلست اليوم مع مجموعة من أصدقائي بفرع مصر ومنهم رئيس مجلس الإدارة هما في زيارة سريعة للشركة الأم ... وكل التيم بتاعنا ولله الحمد كانوا من الناس اللي شاركت بفاعلية في الثورة وكانوا مقسمين بعضهم شفتات .. نصهم يروحوا المظاهرات ... والناس التاني يفضل في الشركة ... وبعدين يبدلوا المهم هما اللي فتحوا الموضوع وقالوا لي إنهم قدموا لمجلس الوزرا مشروع أتمتت الإنتخابات ... يعني يخلوها اتوماتيكية ... إحنا و6 شركتا أخرى متخصصة لكننا الحمد لله أفضل عرض من ناحية فكرة المشروع اللي بإذن الله أتمنى إنها تتنفذ بأسرع وقت .. - فشركتنا أساساً بدات الموضوع مع أحمد نظيف وكان المشروع يتعلق بالتوقيع الإلكتروني ... ببساطة يعني عشان ما نلفش وندور ... كل مواطن مصري هايبقى معاه بتاعه كده شكل الفلاش ميموري بالظبط ... وعليها جميع بياناته .. ولها كلمة سر طبعاً ... وبالتالي وإنت قاعد على الكمبيوتر وعاوز تخلص أي معاملة حكومية .. تضع الفلاشه وتدخل الموقع بتاع الجهة الحكومية . وتعيش ... بالمناسبة إحنا برضوا اللي بننتج الفلاشة دي في تايوان ... وبتكلفة أقل من مثيلاتها عارف عارف إن في ناس أُميين و و و و و... لكن واحده واحده بإذن الله الموضوع هايبقى أسهل مما يمكن وهاتبقى البتاعه دي زي الختم كده بتاع زمان للناس اللي ما كانتش بتعرف تكتب وتقرأ وبتعلقه في رقبتها مطرح ما تروح .. فبإذن الله فكرتهم إن الإنتخابات تبقى ببصمة الأصبع .. وتدخل حضرتك لجنة الإنتخاب تبصم فتظهر بياناتك اللي المفروض تسجلها مسبقاً في مراكز مخصصة لذلك ... ودي هاتبقى منتشرة في كل مكان ولمرة واحده فقط والأمور بعدها تبقى سهلة وهايبقى في مواقع ممكن تدخل بعد كده تشوف توقعيك إتلعب فيه ولا لأ .. وكمان هايبقى في مراجعة من قِبل لجنة الإنتخابات لعينات عشوائية عشان يتأكدوا ... ويطابقوا البصمة مع صور كاميرات المراقبة في اللجان الإنتخابية صدقوني والله المستقبل هايبقى افضل والموضوع لا علاقة له بالإمكانيات المادية . فهو يحتاج إلى إدارة وإخلاص في التنفيذ فقط

لسه يا أ. يوسف, هما ماصولوش ليوم 30 يا باشا, ربنا معاك, ويدبر الخير للجميع, أمير,,, صباح الفل يا أستاذ امير انت بتعرف منين هما وصلوا ليوم كام فى فتح الملفات علشان اعرف لما يوصلوا ليوم 28\11 وشكراا 888نص الايميل اللي بيوصل:- تحياتي, أمير,,, الف شكر يا امير باشا ممكن تبعتلى نص الايميل الى ابعتهلهم و الميل الى ابعت علية علشان اعمل الحوار دة الاسبوع الى جاى و شكرااااااااااااا الإيميل هو Biq.Damas@micc.gouv.qc.ca و النص زي مانت شايف, أنا حتي ساعات بكتب بالانجليزي مش بالفرنساوي, ولكن مما لا شك فيه ان الكتابة بالفرنساوي احسن طبعا. ربنا يدبر, أمير,,, The files received on 31/10/2010 are being processed today. . And ob 18th February the files received in 28/10/2010 were processed, so i think they are working with a good rate. Correction: The files processed in 18th February was that received on 27/10/2010.

لا اتصور ان عمرو موسى هو رجل المرحلة القادمة ولن اعطيه صوتي بالمرة عمرو موسى موظف ينتمي الى عهد الرئيس المخلوع عمرو موسى لا اتذكر انه يوما رفع صوته ينادي بنصرة مظلوم او جائع من شعب بلدي عمرو موسى اكتسب شهرة لاننا شعب عاطفي ولانه قال كام عباره وقت الانتفاضة فاعتبرناه بطل ولان شعبان عبد الرحيم عمل له اغنيه غير ذلك وبصراحة شديدة افتش في ذاكرتي عن شيء يشفع له من انجازاته خلال ايام العصر المنتهي صلاحيته فلا اجد شيئا اتمنى ان ننتبه جميعا الى مصر وليس الى اشخاص بعينهم مصر تسرق من بين اصابعنا ياسادة ودي واحترامي

الف الف مبرووووك يا هندزة بجد فرحتلك اوي من قلبي وانت طبعا أدها وتستاهل كل خير انا هعمل لك الحفلة ودي اغنية الافتتاح http://www.youtube.com/watch?v=tAPh01wVSKs على جنب كده الا هو الطوارق ده ايه؟؟ حواوشي؟ هههههههههههههه

واخدلي بالك انت يا للي دايما في بالي هههههه :happy: :unsure: مش واخد بالي

الشهيد..محمد مصطفى 20 سنة الاسكندرية

الشهيد..محمد صلاح

خدوا الخبر المفرح ده الكلب رحل فعلا .. لكن المصدر ميعرفش الاتجاه الخبر التاني شقيق سيف الاسلام اطلق عليه الرصاص .. لكن لم يرديه قتيلا بكل اسف قعدنا نقول .. الدنيا سلف و دين و محدش كان مصدق قعدنا نقول يا كلاب .. ان اللي تعمله ف الناس يتعملك .. وبرده محدش فيهم كان مصدق فضلنا نصرخ و نقول ... بايديكم تفتحوا الدنيا و تبقوا ملوك ع العروش و ع القلوب كمان انما الواطي يفضل واطي و يموت واطي و عمره ما ينضف ولا يساوي الاصايل ابدا المطرود بتاع تونس .. هرب زي الخدم و المطرود بتاع مصر .. اتفضح و بقي الشعب كله من انظف ناس لغاية ااقل ناس تصرخ و تقول ارحل يعني امشي ياللي مبتفهمشي و كمية سب غير طبيعية وصلت لغاية سب الدين عليه و علي ابوه و المقتول عن قريب سليل اليهود حفيد بو منيار بتاع ليبيا .. صرف فلوس تكفي لاعمار الكوكب كله ع الاوهام و الكلام الفارغ و ضيع شعبه و عمل عصابات الملاحقة و قتل انظف و ارقي ناس من الشعب في كل مكان ف العالم و مسابهومش حتي يعيشوا و هما مهاجرين م البلد و الدور جاي علي بتاع اليمن و بتاع الاردن و بتاع سوريا .. اللي هيشوف ايام اسود من سواد الليل و بكره الشعب ف الجزيرة يفوق و يبدأ يحاسب ع الاموال اللي بتتصرف ع النسوان و الخمور و القمار و مظاهر الابهة الفارغة بكره كلنا هنتحرك و ترجع كل حاجة لمكانها زمن الصمت خلص و جه وقت الحساب خلاص

من اقوال عمر المختار : انني اؤمن بحقي في الحرية، وحق بلادي في الحياة، وهذا الايمان اقوى من كل سلاح، وحينما يقاتل المرء لكي يغتصب وينهب، قد يتوقف عن القتال اذا امتلأت جعبته، أو أنهكت قواه، ولكنه حين يحارب من أجل وطنه يمضي في حربه الى النهاية.

سيف الاسلام سيلقى خطابا الليلة يارب يامسهل هما اتعدوا مننا والخطابابات كلها بعد منتصف الليل

عمرو موسى او غيره من المرشحين للرئاسة لازم يكون عنده برنامج انتخابي محترم ......... وجدول زمني لتحقيق تقدم للبلاد لازم تحتوي اجندته علي خطط مدروسة بتوقيت زمني محدد لتنفيذها لازم يقدم اقرار للذمة المالية ويثبت نزاهته للشعب أي مرشح للرئاسة الجمهورية لازم يكون عارف انه مش داخل علي مرحلة من الرفاهية ذات السلطة والنفوذ ........ لأ دة داخل علي مسئوليات جسام ........ ومهمته اكيد صعبة جداً لازم يبقي عارف انه هيبقي رئيس لشعب واعي ناضج ثوري لازم يحترم الشعب ويعمل من أجل مصر وشعبها أولاً ......... والا هيقابل ويشوف اللي مبارك نفسه مالحقش يشوفه

اين يقيم مبارك بالتحديد؟ هل فى أملاك للدولة؟ أم فى فندق؟ قصر العروبة بمصر الجديدة ، هل عاد للدولة أم انه طبقا لما اقره مجلس الشعب من 25 سنة انه سيخصص له ولأسرته من بعده؟ عمر سليمان ، إيه وضعه؟ هل لايزال يدير دولة المخابرات من خلف الستار؟ لماذا خرج علينا شفيق بتصريح صادم يقول فيه " إن أى اجراء يتعلق بما تردد حول ثروة الرئيس السابق حسنى مبارك هو من اختصاص المجلس الأعلى للقوات المسلحة. " لماذا الإبقاء على أمن الدولة ووزارة الإعلام؟ وعدم الإعلان عن حل حزب الإستبداد المسمى بالوطنى وعودة مقراته لملكية الدولة؟ لماذا يخرج علينا شفيق كل يوم بتصريحات توحى بالإستمرار والدوام فى السلطة وليس كما هو معلن انه رئيس لحكومة مؤقتة؟ تبعا لرؤيتى لتصرف المجلس العسكرى والحكومة الإنتقالية هو محاولة لتسييل الثورة حتى يسهل امتصاصها ثم هضمها، ومن ثم إخراجها بلا قيمة او بأقل قيمة ، واستمرار الحال على ماهو عليه وعلى المتضرر خبط دماغه فى الحيط. أرى أن تظل الثورة مترقبة لما يحدث وذلك بتنظيم المليونيات على الأقل كل يوم جمعة لتنبيه النظام القائم بأنهم يراقبون مايحدث وان الثورة ستعود بكل سهولة لو لم يتم تنفيذ إصلاح وتغيير حقيقى.

كلام منطقي جدا .كان نفسي اقوله بقالي يومين لكن كنت باقول لنفسي استني .....يمكن يطلع بيان من الجيش ينفي الافكار اللي في دماغي وكمان لان مش فاضل لنا غير الجيش فكنت باحاول ما اقلقش من ناحيته بس تفتكروا في صفقه عُقدت بين الجيش وبين مبارك؟؟؟؟؟؟؟؟؟؟؟ مش الجيش برضو عارف ان ماحدش هايقدر يقرب لمبارك وهوه في شارم....حتى الجيش نفسه مش هايقدر(حسب كلام الاستاذ/هيكل) هل ممكن عناصر كبيره من الجيش تكون متورطه هيه كمان ؟؟؟؟؟؟؟؟؟؟؟؟وبالتالي بتحافظ على مبارك علشان تحافظ على نفسها؟؟؟؟؟؟؟؟ ممكن جدا بعد ما لقيت معايا ناس بتؤيد فكرة التساؤلات المطروحه حول الجيش وموقفه اقدر اقول انه مش ممكن جدا وبس ....لاْ ...انا ممكن دلوقتي اقول ان ده فعلا اللي حاصل يعني مش احتمال .....ده اكيد لاْن مافيش تفسير لموقف الجيش دلوقتي من موضوع ثروة مبارك غير انه متورط وليه الجيش بيحاول يحافظ على بعض الوزراء من النظام القديم واختلف مع شفيق عليهم؟؟؟؟؟؟؟؟ لو حد عنده راْي تاني يفهمني لاْني بجد مش عاوزه الفكره دي تسيطر عليه :unsure: :egyflag: صراحة لا أحب النقد القوي في الجيش في هذا الوقت الجيش يمثل لناالقيادة المركزية للبلد بجانب مجلس الوزراء يكفينا من وجهة نظري إسقاط الوزارة ، وذلك حتى يتسنى لنا كشعب المشاركة في تسسير المركب مع الجيش ، وأظهار الفساد حتى تستتب الأمور وننتقل للإنتخابات والمرحلة الأخرى التي هي إمتلاك الشعب لزمام البلاد رجاء أن نجعل الجيش خط أحمر الآن لمصلحة البلد، و نركز مجهوداتنا على الوزارة فقط متفق تماما مع الغريب لابد ان يكون الجيش خط احمر لان معنى تعدى الجيش يبقى البلد اصبح بح احنا عاوزين نبنى البلد ولازم علشان نبنيها من وجود جيش يحمى الحدود حتى لو كان الجيش فيه شوية فساد بس لازم نتغاضى عنه ونسامحه ولا نسمح باى فساد تانى مينفعش اعمل عملية بتر كبد لكن ممكن ادى الكبد ادويه علشان يقوى الجيش ياجماعه لازم نسامح على الفساد الى فيه ونبدأ صفحه جديده لا انهيار الجيش معناه البلد لكن نحاسب اى واحد ولازم طبعا نشيل الحكومه دى ونجيب حكومه جديده تحياتى عنبو

ياعم سمبا الناس روحها طلعت من الكلام مش عاوزين الأشكال المرتبطة بالحزب الوطنى مش عاوزين تسويف لو صحيح احمد شفيق عاوز يصلح ما البلد مليئة كفاءات بيسوق الهبل ونفس طريقة الرئيس الراحل حسنى نقول تغيير وزير الخارجية والبترول يروح يجيب وزير للسياحة بيتكلم على مبارك وكانه بيأخد منه اوامر وكانه الناس دى ولا عملت ثورة ومنتظرة نتائجها ولا حاجه طبعا دا غير الوكسة بتاعه المن والشرطة والخيبة الكبيرة كل ما الناس تضغط يكون هناك تنازل جديد يوم الجمعه الماضى يوم المظاهرة المليوينة بعدها تم وضع عز وجرانه و المغربى فى السجن احتياطيا يوم الجمعه تم السماح بفتح معبر رفح جزئيا المطلوب ازالة كافة الرموز المرتبطة بنظام حسنى مبارك ..الحلقة الثانية والثالثة الناس عاوزه حاجه ملموسة مش عاوزه كلام شبعنا من الكلام

يتهيألي الكل الآن تأكد إن ده نظام بيخاف ما بيختشيش ... والوسيلة الوحيدة لانتزاع حقوقنا منه هي بالضغط عليه<br>وربنا يخليكم ماحدش يقولي الجيش ضامن والكلام العاطفي ده ... الجيش انتظر لما الثوار انتصروا على عصابة العادلي قبل ما يتحرك وكان تحركه بهدف تجميد الأوضاع والمحافظة على بقاء النظام وليس بهدف دعم الثوار ... الجيش لن يقدم لكم أكثر مما تنتزعوه بأنفسكم وإذا وقفتم الآن فسيتوقف الجيش عن تلبية المطالب<br>أتمنى أن يكون بجانب التظاهر في ميدان التحرير محاصرة لمبنى التلفزيون كما حدث في آخر أيام الثورة ... الإعلام هو أكثر نقاط النظام حساسية وقد عّوّدنا على تقدّيم تنازلات حقيقية عندما يتم تهديد مبنى التلفزيون ... مرة لما انهار الأمن المركزي وكان الثوار على وشك اقتحام المبنى فاستعان بالجيش ووضع مصيره في قبضته ... والثانية لما المجلس العسكري أصدر بيانه الأول بما يعني عمليا سقوط النظام عندما حاصره الثوار يوم جمعة الخلاص

السلام عليكم وأهلا بيك djam أولا (day rate payment) دة 6 دينار عن كل يوم شغل بس اللى لازم تعرفو منهم كل يوم شغل على البريمة ولا كل يوم انت موجود بالكويت علشان انت ممكن طول الشهر ماتطلعش البريمة غير 5 او 10 أيام حسب الشغل دى أول حاجة ثانياالعرض دة ماديامعقول ... ليه..لأنك لو اشتغلت فى أى شركة أونر فى مصر مش هاتاخد مبلغ زى دة كمبتدء.. دة غير حاجات إيجابية تانى فى العرض لازم تعرفها 1- أول فترة يمكن 6 شهور ماحدش هايعتمد عليك فى أى شغل هاتبقى (Under Training)يعنى هاتتعلم وتاخد فلوس 2- الشغلانة بتاعتك متخصصة فى حاجة اسمها ال well head ودى يمكن فى اقل من سنة تلم بكل حاجة فى الشغلانة وتبقى well head engineer بعدها من غير انت ماتطلب هايزودا راتبك أو انت تقدر تبعت السى فى بتاعتك للشركات اللى بتعمل فى نفس المجال (Cameron , FMC , Vetco , Well Head Inc) 3- الشغلانة دى حتى لو سبتها بعد كدة ورجعت اشتغلت فى أى شركة بترول Drilling Engineer الخبرة فى ال well head هاتنفعك قوى يعنى بعيد عن العرض المادى فى أول سنة انا شايف انك تقبلهاهاتفيدك كتير حتى ولو ماكملتش فيها وأى استفسار عن أى حاجة تانى انا فى الخدمة Your Brother Kuwait Oil Company

يارب احفظ شعب ليبيا واحميهم وحافظ على شبابهم يارب نجيهم من الظالم والمجنون رئيسهم يارب احميهم وارحم شهداؤهم وصبرهم

لاوايه؟؟ الشئ اللى يغيظ فعلا اننا بنلاقى (( عضو محترم )) ...بيكتب مقالات ومصمم يخلينا نحفظها ونفهمها .. ان الرئيس ( المفدى ) وابنه...هم من صنعوا شباب المستقبل . وانهما برعايتهما ....ساعدا على رسم هذه الصورة الرائعة لشبابنا.. هما بقى اللى علموه وفهموه و..(( نوروه بالعلم والتكنولوجيا )).. (((( كانوا بقى على كدة بيحضروا الشباب للثورة ؟؟ ...يعنى كمان انت غلطان سيادتك ياريس اللى علمتهم التكنولوجيا على اصولها )))) لسا فيه ناس مصممة ....ان الرئيس هو الكل ف الكل حتى لو كان....(( بيقتبس ..مدخرات شعبه ...ليكون منه شعب حديث متعدد الامكانيات )) من سرق شعبه ...يستحق ان يرفضه الشعب . ولن اقول اى شئ آخر ..(( لأن اهلى ربونى ...,الحكومة مش هى اللى ربتنى ولا الرئيس ولا ابنه ربى لى ولادى الشباب ))... مجرد تعليق ...وجدت ان مكانه المناسب هنا . لأنى بصراحة لا اجد اجابة ارد بها على من يزال يسبح بحمد من سرقوه ومن ظلموه ومن محوا تماما آدميته.. شئ غريب... الرئيس بيصعب عليهم دلوقت....رغم ان...ولا شخص واحد من الشعب كله صعب يوم على الرئيس...

رجل محترم وأعانه الله على تحمل المسؤولية في هذه الظروف العصيبة.

ولما كانت الليلة الثامنة عشر من الشهر الثامن من التقويم المضمون واطفأ شهريار شمعته السادسة والثلاثون نادت عليه شهرزاد....أتسمعون؟ قال يا شهرزاد مالي اراكي وقد ملأتكِ الشجون؟ اما زلتِ تعانين من ذلك العاشق المجنون؟ إن أمرتِ ناديت مسروري وسيفه المسنون فأدك عنقه دكاً..وأكسر رأسه الملعون فردت شهرزاد بصوت قلبها الحنون مولاي... ان له عدد من البنات وكذا من البنون فبذبحه زدت عدد الايتام والمحرومون فلن يرضى عن فعلها..عقلك الموزون اتركه فأنا لا أابه به ولا انتم تابهون فذلك واهمٌ....وما أكثر الموهومون فإن بحثت عنهم ...ستجد عددهم مليون وهنا ادرك شهرزاد الصباح فسكتت عن الكلام المباح

قصيدة الميدان *** للشاعر عبد الرحمن الأبنودى أيادى مصرية سمرا ليها فى التمييز ممدودة وسط الزئير بتكسر البراويز سطوع لصوت الجموع شوف مصر تحت الشمس آن الأوان ترحلى يادولة العواجيز عواجيز شداد مسعورين أكلوا بلادنا أكل ويشبهوا بعضهم نهم وخسة وشكل طلع الشباب البديع قلبوا الخريطة ربيع وحققوا المعجزة صحوا القتيل من القتل أقتلنى .. قتلى ما حايعيد دولتك تانى بأكتب بدمى حياة تانية لأوطاتى دمى ده ولا الربيع..الأتنين بلون أخضر وبأبتسم من سعادتى ولا أحزانى تحاولوا ما تحاولوا .. ما تشوفوا وطن غيره سلبتوا دم الوطن وبشمتوا من خيره أحلامنا .. بكرانا.. أصغر ضحكة على شفة شفتوش صياد يا خلق بيقتله طيره السوس بينخر وسارح تحت إشرافك فرحان بهم كنت وشايلهم على كتافك وأما أهالينا من زرعوا وبنوا وصنعوا كانوا مداس ليك ولولادك وأحلافك ويا مصر .. يا مصر قام العليل رجعت له أنفاسه وباس جبين الوطن.. مال الوطن باسه من قبل موته بيوم صحوه أولاده.. من كان سبب علته محبته لناسه الثورة فيضان قديم محبوس ما شقوش دول الثورة لوجت ما تبانش فى كلام أو قول تقلب وتعدل فى سرية .. تفور فى القلب وتتغزل فتلة فتلة فى ضمير النول ما تخافش على مصر يابا.. مصر محروسة حتى من الطغمة دية اللى فينا مدسوسة ولو إنت أبوها بصحيح وخايف عليها قوى تركتها ليه بدن بتنخره السوسة وبيسرقوك يا الوطن قدامنا عينى عينك ينده بقوة الوطن ويقول لى قوم فينك؟ ضحكت علينا الكتب بعدت بنا عنك لولا ولادنا اللى قاموا يسددوا دينك لكن خلاص يا وطن صحيت جموع الخلق قبضوا على الشمس بإسدسهم وقالوا لأ من المستحيل يفرطوا عقد الوطن تانى والكدب تانى .. محال يلبس قناع الحق بكل حب الحياة خوّض فى دم أخوك قول : إنت مين للى باعوا حلمنا وبا عوك وأهانوك وذلوك ولعبوا قمار بأحلامك نيران هتافك تحرر صحبك الممسوك يرجع لها صوتها مصر .. تعود ملامحها تاخد مكانها القديم والكون يصالحها عشرات سنين تسكونوا بالكدب فى عروقنا والدنيا متقدمة .. ومصر مطرحها كتبتوا أول سطور فى صفحة الثورة وهما علما وخبرا مداورة و مناورة وقعتوا فرعوت هرب من قلب تمثاله لكن جيوشه ما زالوا يحلموا ببكرة صباح حقيقى ودرس جديد قوى فى الرفض أتارى للشمس صوت .. وأتارى للأرض نبض تانى معاكم .. رجعنا نحب كلمة مصر تانى معاكم.. رجعنا نحب ضحكة بعض مين كان يقول إبننا يطلع بنا من النفق؟ دى صرخة ولا غنا .. ده دم ولا شفق ؟ أتاريها حاجة بسيطة الثورة يا إخوانا .. مين شافها كده .. مين أول اللى بدأ موش دول شبابنا اللى قالوا كرهوا أوطانهم؟ ولبسنا توب الحداد وبعدنا قوى عنهم هم اللى قامواالنهاردة يشعلوا الثورة ويصنفوا الخلق .. مين عانهم ومين خانهم يادى الميدان اللى حضن الفكرة وسهرها يادى الميدان اللى فتن الخلق وسحرها يادى الميدان اللى غاب إسمه كتير عنه وصبرها ما بين عباد عاشقة وعباد كارهة شباب كأن الميدان أهله وعنوانه ولا فى الميدان نس كافيه ولا كابتشينو خدوده عرفوا جمال النوم ع الأسفلت والموت عارفهم قوى وهم عارفينه لا الظلم هين يا ناس ولا الشباب قاصر مهما حاصرتوا الميدان عمره ما يتحاصر فكرتنى يا الميدان بزمان وسحر زمان فكرتنى بأغلى أيام ..فى زمن ناصر شايل حياتك على كفك صغير السن ليه بعد يوم المعاناة وإنت موش بتأن؟ جمل المحامل وإنت غض ..بتعجب إمتى عرفت النضال .. إسمح لى .. حاجة تجن أتاريك جميل يا وطن .. مازلت وحا تبقى زال الضباب وإنفجرت بأعلى صوت ..لأه حرضتنا نبتسم ودفعت إنت الحساب .. وبنبتسم بس بسمة طالعة بمشقة فينك يا صبح الكرامة اللى البشر هانوا وأهل مصر الأصيلة إتهانوا وإتخانوا .. بنشترى العزة تانى والثمن غالى .. فتح الوطن للجميع قلبه وأحضانه الثورة فيض الأمل وغنوة الثوار .. والليل إذا خانوا لونه يتقلب لنهار ضج الضجيج بالندا إصحى يا فجر الناس فينك ياصوت الغلابة وضحكت الأنفار وإحنا وراهم أساتذة خايبة .. تتعلم إزاى نحب الوطن وإمتى نتكلم لما طال الصدا قلبنا ويأسنا من فتحه قلب الوطن قبلكم كان خاوى ومضلم أولنا فى الجولة .. جولة ورا جولة ده سوس بينخر يابويا فى جسد دولة أيوه صحيح الملك صار كتابة إنما أبدا لو غفلت عينا لحظة حايقلبوا العملة لكن خوفى مازال جوه الفؤاد يكبش خوفى اللى ساكن شقوق القلب ومعشش يقولى موش راح يسيبوا ولسه حايقبوا حايلاقولهم سكك وبيبان ماتتردش وحاسبوا اوي من الديابة اللي في وسطيكم.. والا تبقي الخيانة منك وفيكم.. الضحك علي البق بس الرك علي النيات.. فيهم عدوين اشد من اللي حواليكم