لوحة القادة

فاكرين يا جماعة لما كان بيتعرض مسلسل أو إتنين بالكتير في رمضان وكان الناس في وقت فراغها يبقوا متعلقين بهم وفاكرين كل الأحداث زي سنبل رأفت الهجان ليالي الحلمية أو أو أو أو مش هاقول إني شخصياً مش بأتفرج ... لأ ... بأتفرج على مسلسل بالكتير قوي لما تتيسر الأمور ويكون في وقت لكن ليه ... ليه 35 مسلسل في شهر واحد ؟ حتى لو إنتاج خاص .. وحتى لو العرب بينتجوا ؟ يبقى أنا كتليفزيون حكومي مالي بالموضوع ده ... وليه أنجرف في الهوجه دي .. وليه ما أحاسبش السفهاء دول بضرايب تصاعدية عشان أحد من الملايين دي كلها إيه شعوري كمواطن لما اشوف بلدي في أزمة واعرف إن الـ 35 ملسلسل دول يا جماعة إتكلفوا 750 مليون جنيه .. ماليش دعوى دي فلوس خاصة ولا عامة لكنه رقم يُثير الإنتباه في بلد مش لاقيه فلوس عشان التأمين الصحي للناس أو بلد فيها قرى باكملها بتشري مياه الصرف الصحي

صباح الخير امبارح قرأت مشاركة جميلة للطائر الحزين بيحكي فيها عن لافتات كتبها الشباب ضد الرشوة وتحث على النظافة بعدها اتعشيت عشوة تقيلة شوية ودخلت نمت قبل الساعة 2 على غير العادة ******************* تنبيه هام: قبل ما احكي أي حاجة بأؤكد أن جميع الأجزاء كانت مغطاه بشكل جيد ما سبق كانت مقدمة ضرورية واستحملوني على الاطالة حلمت....خير اللهم اجعله خير اني كالعادة مسافر بري بالسيارة وفي حدود السعودية الناس رحبوا بيا بسبب اني مصري وكرامتي رجعت في حدود الاردن رايح على الجوازات وفي ايدي اوراق كتير ومعايا جواز السفر لقيت موظفة رقيقة قامت بسرعة من مكتبها وجت ناحيتي وقالت لي انت مصري؟؟ قلت ايوة (بكل فخر) فخدت اوراقي كلها وخلصتها في مكتبها من غير ما اتشحطط بين المكاتب وجت اعطتني الورق وهي بتبتسم يادوب ركبت السيارة لقيت موبايلي بيرن رديت لقيتها البنت بتقولي مشيت بسرعه ليه؟؟؟ (الحمد لله مراتي مكانتش موجودة في اللحظة دي( :D :lol: قلتلها معلش علشان الحق العبارة في العبارة كنت مجهز كروت مكتوب عليها (انت مصري...متدفعش رشوة) وكنت بوزعها على كل ركاب العبارة فجأة لقيت شاب ملامحه بتقول انا امين شرطه بص عليا وجري لقيت نداء باسمي في الاذاعة الداخلية الراكب تامر مصطفى سرعة التوجه للاستعلامات حالا رحت لقيت ضابط العبارة (وانا حافظ شكله كويس من كتر ما سافرت معاهم)قالي انت بتوزع منشورات؟؟ قلت له لا يا فندم انا بادعي الناس انها متدفعش رشوة وقبل ما اكمل كلامي لقيت اتنين شالوني ورموني في حجز العبارة لغاية ما وصلت نزلوني وخدوني على مكتب أمن الدولة وهناك قابلت اتنين امناء شرطة عارفهم كويس واحد منهم دفعني بقوة وقالي انت عاملي فيها ثورجي يا ...... امك؟؟ قلت له في ايه انا مصري قالي ادخل ياد من غير دوشة ورموني في قفص كده بيحطوا فيه اخواننا الفلسطينيين والمغربيين والتوانسه (وده قفص حقيقي عارفه كويس) وبعد ساعات حققوا معايا فقلت لهم باستغراب انا بحارب الرشوة هو انتو بتشجعو على الرشوة؟؟ جائني الرد ما قلنالك اسكت يابن ال.......ـه فضلت ازعق واقول انا مصري انا مصري انا مصري وصحيت مفزوع من الحلم والحمد لله انه كان حلم وصحيت قبل ما اتضرب واتبهدل ولقيتني بقول لنفسي هي الشتيمة بتلزق يعني؟؟ :blink:

عجبنى جدا جدا جدا الموضوع فاحببت ان انقله لكم بس قبل النقل احب اوضخ ان اللى يعرفنى فانا لا انتمى للاخوان المسلمين وان كنت اتمنى بصراحة المهم انا بطبعى متعاطف ومساند لهم لما تعرضوا له وما رايته منهم من طهارة يد فمعظمهم دكاترة جامعة واطباء وخيرة من المجتمع المهم ارجو قراءة المقال والتمعن به اليكم المقال الإخوان المسلمين دول عاملين زي سيندريلا اللي في القصة العالمية المشهورة نفس دور سيندريلا ونفس النتيجة 1 - سيندريلا كانت تخبز وتنظف وتطبخ وتشيل الطين وهم أكتر ناس اتبهدلوا واتهانوا وعرضوا نفسهم للأعتقال والتعذيب ومصادرة اموالهم 2- سيندريلا كان ليها نصيب في ميراث أبوها وحرموها منها وسابوها تلبس القديم البالي من الثياب القذرة والإخوان زيهم زي أي مواطن مصري لكن كانوا محرومين من التوظيف إلا ما تيسر وبعد طلوع العين والعرض مائة مرة على أمن الدولة للحصول على جواب موافقة الجهات الأمنية على إستلام العمل وممنوعين من التوظيف في الجامعة والجيش والشرطة والنيابة ووو لا لشئ إلا لأنهم إخوان مسلمين وكأنهم من بلد أخرى 3- سيندريلا لا تخطأ في أحد ولا تتهم أحد من إخوتها بالسوء رغم إنهم سيئين لكن تتغاضى عن قلة أدبهم والإخوان لو تكلموا عن الأحزاب التي كانت مرخصة لبينوا إنهم أسوأ من الوطني وخصوصا الوفد والتجمع اللي بينفروا الناس من المقاومة والمعارضة وفي نفس الوقت يعملوا دور المعارض والإخوان دائما عندما يتكلموا في حق أي شخص عام أو خاص يطبقوا نصيحة حسن البنا ( تجنب غيبة الأشخاص والهيئات ولا تتكلم إلا بخير ) 4- سيندريلا تجهز أخواتها للحفلة وتقف بجانبهم وتزينهم وتنظفهم وفي النهاية يرفضوا أن تذهب معهم لا لشئ إلا لأنها أحلى منهم ويخافوا أن تأخذ عنهم الأنظار والإخوان يعارضوا قبل الثورة وأثناء الثورة يقفوا معها من أول يوم ويضحوا من أجلها بالغالي والنفيس وبالروح والدم وبعد الثورة يقفوا بجانبها ويخافوا عليها ويكون جزاتهم هي الهجاء والتشكيك من غالبية الأحزاب فقنوات الوفد ( الحياة ) من أول بزوغ فجر نصر الثورة وهي لا تحذر من الوطني ولا الشرطة ولا تحذر من أي حزب آخر ولكن تحذر فقط من الإخوان وإنهم ممكن يحصلوا على الحكم عن طريق الإنتخابات وكذلك حزب التجمع وحتى حزب الجبهة الديمقراطية ووووو وطبعا لا ننسى النظام السابق من تحول منهم 180 درجة ضد النظام يقف الآن ضد الإخوان 5- وفي النهاية يختار الأمير سيندريلا ويعجب بها وبضدقها وبرائتها وعفتها وكذلك مازال الشعب يختار الإخوان وجميع ما يسمون نفسهم بالقوى السياسية لا يخافون إلا من أن ينجح الإخوان في الحصول على السلطة لا تم عمل إنتخابات نزيهة وهذا أمر عجيب إذا كنا كلنا عانينا من إحتكار السلطة فلماذا نريد أن نمنع الإخوان من حقهم في الترشح وإذا كنا كلنا كنا ندعوا بإنتخابات نزيهة فلماذا نطالب بضمانات بعدم حصول الإخوان على أغلبية المقاعد وإذا كنا صرخنا في وجه مبارك لما وضع قوانين تمنع أي أحد من الترشح للرئاسة فلماذا نطالب بمنع أي مرشح للإخوان من خوض إنتخابات الرئاسة لازم أن نكون جميعا تعاملنا على مبادئ واضحة إما ديمقراطية حقيقية أو ديكتاتورية حقيقية لكن أن نغير من قوانين اللعبة أثناء اللعب فهذا أمر عجيب النظام السابق كان يضع قوانين اللعبة ويختار هو حكم المباراة ويختار الملعب والجمهور والتوقيت والقنوات التي ستبث المباراة والمصيبة بعد ذلك أنه بعد كل هذه الضمانات لو رأى نفسه يتجه لخسارة المباراه فكان يغير من قوانين اللعبة أويطرد أغلب لا عبي الفريق المضاد بغير خطأ ارتكبوه وربما أنهى المباراة قبل وقتها وطالب الحكم بإعلان فوزه الكاسح على غريمه وكذلك الحال حاليا مع بعض الأحزاب فهي تعيد نفس الكرة مع الإخوان وبأسباب جديدة يا عالم الإخوان طيلة ثمانين عاما لم يستطيع النظام المصري أن يثبت تورطهم في الفساد المالي أو الإداري أو قيامهم بأعمال تخريب أو قتل أو غيره وكل التهم التي وجهت لهم عبر ثمانين عاما هي مقتل أحد القضاة الفاسدين ورئيس وزراء موالي لبريطانيا على حساب الشعب وهذه الحادثتين قام بهم فردين من الأخوان دون تعليمات من الجماعة يعني فردين من حوالي خمسة ملايين عضو كانوا يحملون كارنيه الشبان المسلمين وهذه الجرائم كانت في حق أعضاء فاسدين في نظام فاسد موالي للإنجليز المحتل وقد تكررت كثييييييييييرا من أفراد ليسوا من الإخوان وكان الشعب ساعتها يعتبر الذي يقوم بها من الأبطال ومن الثوار ومن الضباط الأحرار ومن أمثلة ذلك ما قام به الرئيس السادات ايام الملك ومازال الشعب يفتكره له أنها من أعظم أعماله ولذلك فقد قام الرئيس عبد الناصر مباشرة بعد الثورة بزيارة قبر الشهيد حسن البنا ومحاكمة قاتلية وذلك يعني الكثير الإخوان لم نسمع انهم طالبوا بإرهاب الناس أو قتل المسيحيين أو التعدي على المال العام أو الخاص أو استحلوا حرمة أحد أو ماله ورغم كل مخاوف المسيحيين التي بثها النظام السابق ضد الإخوان فإنه لا يذكر التاريخ أن أحد من الإخوان قام بالإعتداء على أي مسيحي ولذلك فالشخصية العامة الوحيدة التي خرقت الحظر وأصرت على تشييع جسد الشهيد البنا كان هو السيد المسيحي ( مكرم عبيد ) وهذا يعني الكثير حتى شعار الإسلام هو الحل لما عرض على المحكمة بقيادة أحد المستشارين المسيحيين قال رأيه وبكل وضوح واعلنه في الجرائد أن هذا شعار سياسي يقصد به أن النظام الإسلامي للحكم هو الحل وهذا لا يعتبر شعارا دينيا وكما هو الحال لو رفع أحد شعار أن الإشتراكية أو الرأسمالية أو التكافلية هي الحل وقال في النهاية أعتقد أن الدين شئ هام للجميع وسواء كان أي دين كان فلن تكون شريعته تأمر إلا بالخير وتنهى عن السئ وهناك فرق بين أن تقول أن الدين الإسلامي هو الصح وترفعه شعارا للإنتخابات وبين أت تتكلم عن نظام تشريعي معين وشريعة معينه وهي الشريعة الإسلامية والتي بها تفصيلات للكثير من الفروع الإقتصادية والسياسية والجنائية الإخوان لم يعهد عليهم أحد الكذب او الإفتراء وتعدوا وأعلنوا وقالوها بصراحة نحن نريد دولة مدنية حديثه ذات خلفية إسلامية تتطابق مع ديانة غالبية الشعب كما هو الحال في كل بلاد العالم مع إحترام جميع حقوق الأقليات جميعها ومع إحترام المساواه والمواطنة للجميع وكما هو الحال حتى في بلاد أوروبا وأمريكا فإنهم يرون أن من مصلحة مصر أن يكون حاكمها رجل ينتمي لدين الأغلبية ورغم ذلك تعهدوا بأنه لو إختار الشعب إمرأة أو رجل غير مسلم أيا كانت ديانته فإنهم سيحترمون رأي الأغلبية تعهدوا بأنهم لن يقدموا مرشحا للرئاسة تعهدوا بأنهم لن يتقدموا بأكثر من ثلث أعضاء مجلس الشعب والشورى تعهدوا بأنهم يحترمون جميع مبادئ الحرية والديمقراطية وحقوق الإنسان انا في رأيي مع عدم وجود أحزاب حقيقية وعدم قدرة غالبية الشعب على التضحية وعدم وجود زعامات غنية وفي نفس الوقت لجيها رغبة في خسارة أموال رهيبة مقابل تولي إصلاح البلد ومع إنتشار الكثير من منتفعي النظام السابق الذين جربوا وأتقنوا عملية الحصول على أصوات الناخبين كل هذا يشعرني بالخوف على مصير مجالس الشعب والشورى القادمين في حالة عزوف أو منع الإخوان من الترشح وبنسبة مؤثرة في هذه الحالة سنجد الكثير من الجهلة ومن المعلمين وتجار المحخدرات السابقين ومن المقاولين وووو والذين لديهم المال الكافي للصرف على الإنتخابات والنجاح فيها أنا أتخيل كل دائرة يتنافس فيها الحيتان فقط والقادرين على كسب الأصوات بكل السبل القانونية وغيرها ولكن أعتقد أن غالبية من سيتقدم ستكون أهدافهم الشخصية هي المتقدمه ويمكن ببساطة السيطرة عليهم من أي نظام قادم لنستمع في النهاية إلى المقولة المشهورة : الموافق على المواد التي تقدمت بها الحكومة يتفضل برفع يده : موافقة يا ريت حد يجاوبني وبحياد وعقلانية وفهم وحكمة ما الذي يجب على الإخوان فعله كي يؤد=وا ما عليهم من رسالة بدون إفراط أو تفريط ؟؟؟ والتحية للجميع

موضوع جميل كالعادة يا لماضة أنا حبدأ بدري أوي .. قبل الثورة لما بدأت الدعوات لتنظيم مظاهرات يوم 25 يناير كنت قلقانة جدًا و أنا باشوف الدعوة بتملى كل مكان على النت و كنت خايفة .. كنت خايفة زي ناس كتير من إن البلد تتدمر .. وتنقلب من ثورة سلمية إلى ثورة كما يطلق عليها للرعاع .. و اللي كان مخوفني أوي .. الفرق الكبير بين طبقة الأغنياء و الفقراء و المهمشين جدًا في مصر الفرق اللي ترك عن قصد يزيد .. ليزداد الفقير فقرًا .. و الغني غنىً و كمان لأن الطبقة المتوسطة مشغولة جدًا بلقمة العيش و الطبقة دي كانت خايفة كمان من الانخراط في أي شيء له علاقة بالسياسة و كنت مرعوبة كمان إن العدد اللي يطلع يكون قليل .. كام ألف في القاهرة و خلاص.. و ده يؤدي لاحتمالين : إما ينزل الأمن عليهم و يلم اللي يقدر عليه .. و كنت خايفة عليهم لأنهم صفوة الشباب ..اللي أخيرًا إتحرك أو إن الموضوع يعدي زي أي مظاهرة صغيرة .. و خلاص و تعدي و بكدة نفقد كلنا أي أمل في التغيير السلمي و كنت حاطة إيدي على قلبي لغاية يوم 25 إيه ده ؟ أنا طولت أوي .. :blink: TO BE CONTINUED

إسمحى لى أختلف معاكى أستاذة ريهام هذا ليس كرها ، بل تصحيح للأوضاع لو كانت السيدة سوزان مبارك قد فعلت اى مشروع من حر مالها ، فمن حقها ان تضع اسمها على المشروع ، ولو تواضعت ورفضت وضع اسمها على المشروع لطالبنا نحن بذلك تكريما لما قدمته من مالها الخاص. أما أن يوضع أسمها على مشروع وطنى من مال الشعب فهذا فيه اعتداء على وطنية هذا المشروع. اطلاق اسمها على مشاريع لاتمتلكها كان قمة النفاق من مسئولى الدولة لايقل فى مقداره عن اطلاق اسم مبارك على كل كشك سجاير الى محطة مترو. كان يساورنى شكوك انهم سيغيرون اسم هرم خوفو الى هرم مبارك ، وهرم خفرع الى هرم علاء وهرم منقرع الى هرم جمال وبالتبعية تغيير اسم ابوالهول الى أم الهول. مطلوب اعادة الأمور إلى نصابها ، لم يكن مبارك بظلا ولم تكن سوزان بطلة ، من يستحقون أن تقام لهم التماثيل وتوضع اسماؤهم على الأماكن العامة والشوارع هم من قدموا أعمال جليلة للوطن ، ومبارك وعائلته لم يفعلا شيئا من ذلك

الله عليكي يا لماضة أنت ومواضيعك الجامدة اللي بتخلي الواحد يدخل في أعماق أعماق نفسه حكايتي أيه مع الثورة .........يمكن لغاية دلوقتي مش قادرة أحكي مواقف حقيقية يمكن لأني لغاية دلوقتي غير متزنة ...... ولم أعد لطبيعتي الهادئة السابقة ولأني مابحبش أتكلم وأنا منفعلة ولسه لغاية دلوقتي جواية ثورة وقلق وترقب ومش قادرة أهدي عندي حكايات كتيرة منها المؤلم ومنها المضحك لأني ربنا أراد أني أكون ساكنة بالقرب من ميدان التحرير ووزارة الداخلية فبالتالي عشنا أيام رعب حقيقية لم أكن أتخيلها الحمد لله ربنا رزقني التواجد في الميدان نفسه لبعض الأيام وليس كلها حكايات كثير وذكريات أكثر كلها داخلة في بعض أحيانا وأنا ساكتة مع نفسي أفتكر موقف أضحك وأفتكر منظر تاني أبكي في الثانية اللي بعديها لكن الأكيد أن جوايه حاجات كتير أتغيرت وده اللي ممكن أقوله أن الخوف انطرد من قلبي ولم يصبح له مكان لأن خلاص لم يعد هناك وقت ولا مكان للخوف لأن حتي لم لو تبادر للثورة وكنت قاعد في بيتك في البداية زي حالاتي في الأول فالرعب والخوف اقتحم منزلك وأمانك واكتشفت أن الطوفان مستعد يأخد أي حد معاه في مقابل أنه يفضل علي الكرسي حاجة تانية جملة ماليش في السياسة دي اتشطب عليها للأبد في قلوب كل المصريين أنا مامتي طول عمرها مالهاش دعوة بأي شئ وماكنتش تعرف أن في حاجة اسمها قانون طوارئ ( أه والله أنا كمان مش مصدقها) لكن هي نفسها دلوقتي اللي كانت بتساعد في التحرير واللي دلوقتي مصرة أن شفيق لازم يمشي النقطة المهمة جدا اللي صحيت جوانا من تاني أن البلد دي بلدنا بتاعتنا يعني معادش ينفع الواحد يقول ماليش دعوة ودي حاجة يمكن مهما وصفت مش هأقدر أعبر عنها أزاي الناس اللي طول عمرهم سامحوني في اللفظ متنقعرين وطبقييين لأقصي درجة دلوقتي أنا شايفاهم بعيني ماسكين مقشة وبيكنسوا الشارع و بيأخدوا تعليماتهم من البواب بتاع العمارة أعرف واحد قريب ليا شاب وهو طبقي جدا وطول عمره ينظر باحتقار لمن أقل منه أجتماعيا قالي بالحرف الواحد بعد أول ليلة في اللجان الشعبية قال لي جه عليا الوقت اللي أقول لواحد اسمه كعبورة شكرا .....وكعبورة ده يبقي صبي الجزار اللي فتح محل الجزارة وسلح شباب المنطقة بالساككين لحماية المنطقة من هجوم البلطجية وبالتالي بما أنه هو المسيطر علي السلاح وهو اللي علمهم كيفية استخدامه أصبح قائد المقاومة الشعبية سؤال لوذعي في دماغي مش قادرة لغاية دلوقتي أفهمه أزاي شباب بعصيان المقشات وسكاكين قدروا يقفوا ويخوفوا بلضجية معاهم رشاشات؟! أزاي ماما اللي بتخاف علي ابنها لدرجة مرضية هي هي نفسها تديله أيد المقشة وتنزله تحت البيت وهي سامعه صوت الرصاص حوالين البيت وشايفين الحرائق حوالين البيت وبالرغم من كده تشجع الثورة وتقولي الراجل ده (مبارك) لازم يمشي طولت عليكم بس لماضة هي اللي فتحتني وللقصص بقية إن شاء الله

كنت قد قرات سريعاً عن جروب عالفيس بوك بيدعو إلى إلغاء سبوبة مسلسلات رمضان والهلس اللي نشوفه كل سنة ونوجه كل ده لبناء مصر بلدنا .. حتى لو في منتجين قطاع خاص هما اللي بيصرفوا وهما أحرار في فلوسهم ... يبقى إزاي اعاملهم وأحسب عليهم ضرايب زيهم زي أي بقالة أو شركة صغيرة وهما سفهاء فلما اسمع إن واحدة مازالت بتتحدى الناس كلها زي غادة عبد الرازق وبتقول : أنا مازلت مُصرة إني ضد الثورة مهما حصل ... فلما اسمعها بتقول كده وألاقي شركات الإنتاج بتموت نفسها عليها عشان تتنازل وتمثل دور في مسلسل رمضاني وهاتتقاضى فيه ما يزيد عن 100 مليون جيه ... يبقى لأ ... لابد من عقلاء هذه الأُمة أن يتدخلوا بالله عليكم ... الشهرين تلاتة اللي فتحت فيهم قناة التليفزيون العربي وأذاعت علينا الأعمال القيمة القديمة ... هل حسينا بنقص .. أو أنخفض عندنا فيتامين سي مثلاً وكنا هانموت ؟ وهل حد راضي عن ما حدث في رمضان الماضي من سيل المسلسلات والبرامج التافهة واللي التليفزيون المصري اللي مملوك من الدولة واللي بيُمول من فلوسنا يشتري حصرياً مسلسلات بأكثر من 300 مليون جنية ويحقق فقط 100 مليون إعلانات ... ونلبس إحنا الـ 200 مليون خسارة بالهنا والشفا ؟

من صفحة وظائف خالية مطلوب رئيس جمهورية لبلد على نصيتين بحر ابيض وبحر احمر وبها نهر وخمس بحيرات جميع الكماليات استعمال طيار

بعد سقوط النظام ومن اول يوم بعد مبارك ونظامه لقينا الشباب فى منتهى الجدية والحماس والكل كان واقف ينظف الميدان ويهتم بيه و انشأ الشباب حملات كثيرة عالفيس بوك مثل معا ننظف القاهرة حملة تنظيف امبابة حملة تنظيف الظاهر وغيرها من الحملات مثلا فى كفر الشيخ قاموا شباب وفتيات المدينة بتنظيف الشوارع والميادين واعادة تلوينها سمعت علاء الاسوانى بيحكى لمحمود سعد ويقوله كنت واقف فى ميدان التحرير ايام التظاهرات كان معايا علبة سجاير فى ايدى وفضيت قومت راميها فى الشارع جمبى وبعد دقيقتين لقيت سيدة عجوز عمرها يتعدى السبعين عاما بتقولى...حضرتك استاذ علاء؟؟ رد عليها قالها وهو بيبتسم ايوه انا وبيقول بعد مارحبت بيا وخلصت الكلام قالت لى....ممكن تودى علبة السجاير دى هناك كده وشاورت بايدها...لان احنا عاملين سلة مهملات كبيرة للحاجات دى!!! بيقول اتكسفت من نفسى وقلت لها حاضر واخدت العلبة ورميتها فى السلة رواية تانية من خالد يوسف بيقول فيها ساعة حريق المتحف المصرى قعدت اصرخ على كل المحطات واقول الحقوا المتحف بيولع وفجأة بعد نص ساعة لقيت الشباب والرجال بيكونوا لجان لحماية المتحف من السرقة بأجسادهم وهما عُزل من غير سلاح ضد البلطجية بيكمل ويقول...بعدها اطمنت ولما خلصنا قولت اروح بقى واخدتها مشى من ميدان التحرير لبيتى فى المهندسين وانا ماشى فى طريقى عند الاوبرا كده لقيت واحد جاى بيجرى جااااامد وبينهج ووقف ادامى وقالى انت خالد يوسف؟؟ ابتسمت وقلت ايوه سألته وقلتله مالك بتجرى كده ليه فى بلطجية بيجروا وراك رد الراجل قال لأ ده انا جاى عشان احمى المتحف المصرى قلتله...ياعم ما خلاص البركة فى الشباب رد الراجل... قالوا معلش اصلى جاى باجرى من الهرم بيقول مشيت وسيبته وانا مش مصدق وبقول ياااااااااه يعنى انا مستبعد المسافة للمهندسين اومال ده بقى اللى جاى جرى من الهرم عشان يحمى بلده المهم النهاردة شوفت صورة جميلة جداااا كانت تاهت عننا فى الزحمة وهى الطابور المنظم للناس اللى عاوزين يركبوا الميكوباصات زمان وانا بشتغل كنت بشوف الطابور ده عند موقف ميكروباصات الهرم فى عبد المنعم رياض لكن مع زحمة القاهرة والفساد اللى حل علينا من النظام الساقط الناس كلها نسيت الحاجات دى والكل بقى يخبط فى بعضه عشان يلحق ويقول ياللا نفسى وخلاص الصورة اهى شوفوا المنظر الجميل بجد والله فرحت جدا ان احنا بقينا ايد واحدة وان فعلا معدننا اصيل بس كان عاوز يصقل شويتين من تراب النظام الفاسد أنا عملت التوبيك ده عشان كل ماهنشوف سلوك جميل من سلوكياتنا بعد الثورة نجيبه ونشوفه مع بعض ونفرح كمان مع بعض وهحاول اجيب لكم صور حملات النظافة فى محافظات مصر المختلفة وياريت تساعدونى عشان نوثق ثورتنا وسلوكياتها ومابعدها من سلوكيات جميلة ان شاء الله

ثمة إجماع في وسائل الإعلام والأعمدة الصحفية على أننا رزقنا – من دون الأمم – بألعن جيل من الشباب الرقيع المنحل الشھواني التافھ.. (شباب عاوز الحرق) باختصار شديد.. نحن وكل جيلي سلبنا الشباب أحلامھ، واحتللنا المناصب التي يمكن أن يطمح إليھا، وحرمناه أبسط الحقوق التي يمارسھا أي قط في زقاق: الملجأ والزواج، وأعطيناه سفينة غارقة نخرة امتلأت بالثقوب نُھب كل لوح خشب وكل مسمار فيھا، وقلنا لھ إن عليھ أن يتولى الإبحار بھا بعدنا .. وينظر الشاب إلى البحر الذي يعج بالأساطيل وحاملات الطائرات التي صنعھا الآخرون، فيتساءل: ماذا كنتم تفعلون طيلة ھذا الوقت حينما كانت السفينة لكم ؟.. فنقول لھ: أنت شاب شھواني قليل الأدب ..وربما سافل كذلك .. مشكلتك ھي أنك كسول تريد كل شيء بلا تعب.. نعم .. وسائل الإعلام تنظر بريبة واضحة إلى ھؤلاء الأوغاد بشواربھم نصف النامية والحبوب في وجوھھم وأصواتھم الخشنة .. وھي تتظاھر بحبھم وتقدم لھم الكثير من (نانسي عجرم) و(أليسا)، لأنھم ما زالوا الوسط الاستھلاكي الأفضل، لكنھا تعتقد في قرارة نفسھا إنھم خطر أمني داھم، وأنھم يدارون ذيولھم في سراويلھم.. المشكلة فعلاً أن الشباب لم يعد على ما يرام .. ھذه الطاقة الكاسحة المعطلة التي حرمت الأمل والمشروع القومي المشترك تزداد خطرًا يومًا بعد يوم، والفراغ يھدد كل شيء وكل بيت .. لاحظ انتشار الكافتيريات وملاعب البلياردو ومقاھي السايبر.. باختصار: ثقافة البطالة. لاحظ نمو التطرف الديني الذي تزامن مع غياب المشروع القومي والأمل في الغد. ولغة (الروشنة) التي يستعملھا الشباب تحوي في % 90 من كلماتھا معاني الاستھتار والتحدي .. دعك من الوقاحة التي يشكو منھا كل مدرس .. يحكي الدكتور (جلال أمين) – العالم الوقور عظيم الشأن - عن شاب من ھؤلاء دنا من سيارتھ وھو جالس فيھا ينتظر زوجتھ، فاستند على النافذة بجواره، وراح يثني مرآة سيارتھ ويفتحھ بلا توقف وبلا ھدف واضح وعلى سبيل التحدي فقط، بينما ظل الأستاذ الكبير جالسًا في السيارة صامتًا يرقب ھذا السلوك غير المفھوم.. لكننا نحن المسئولون بالكامل عن خلق ھذا الوحش .. وكما يقول الشاعر العربي: إنا بأيدينا جرحنا قلبنا .. وبنا إلينا جاءت الآلام قرأت لأحد الصحفيين الكبارالفلاسفة – (ولن أذكر أسماء لأن بلاط السجن سيكون باردًا جدًا في ھذه الفترة من السنة) - أنھ كان في رحلة مع مجموعة من الشباب حينما سمعھم يغنون: الأقصر بلدنا بلد سواح .. فيھا الأجانب تتسوح .. وكل عام وقت المرواح بتبقى مشتاقة تروح .. وتسيب بلدنا! يتساءل الأستاذ العبقري: أين ذھب الانتماء لدى جيل الشباب ؟... ذھب يا سيدي الفاضل بسببك وسبب أمثالك، الذين أيدتم كل نظام حكم وكل سياسة، وعملتم جاھدين من أجل الوصول إلى الثراء والنفوذ صاعدين سلمًا من أجساد الشباب المطحون .. في عصر كانت الصحف المصرية ترسم فيھ الزعماء العرب جالسين على (قصرية) أطفال، وفي عصر كان يعلن فيھ في الصحف عن زيادة الأسعار فتكتب مقالاً كاملاً تؤيد فيھ ھذه الخطوة المباركة التي تأخرت كثيرًا، وحينما يضع السادات كل قوى مصر السياسية في السجن تكتب مباركًا (ثورة سبتمبر) ھذه .. يؤمن الشباب بعبد الناصر فيخرج ألف كتاب يلعن عبد الناصر .. يحن الشباب إلى سعد زغلول فتمزقون سعد زغلول ..كل إنجازات يوليو تحولونھا إلى كوارث يوليو .. تھللون للاشتراكية في عھد عبد الناصر ثم تلعنون أباھا في عھد السادات .. وتلعنون أمريكا في عھد عبد الناصر وتكتشفون أنھا الشريك الكامل الأمين في عھد السادات. ولولا بعض الحياء والخشية من النظام الحالي الذي يستمد شرعيتھ من أكتوبر لشككتم في حرب أكتوبر ذاتھا : "المصريون لم يعبروا القناة في أكتوبر .. القناة ھي التي تحركت إلى الغرب بضعة كيلومترات ." في إحدى فترات الخلاف العابرة مع أمريكا قرأت مؤخرًا لصحفي كبير جدًا يقول: "علينا أن نشفى من خرافة أن 99%من أوراق الحل في يد أمريكا!". والحقيقة أنك يا سيدي كتبت ھذه الخرافة مرارًا من قبل خاصة في عھد السادات ..من حسن حظ الشباب أنھ لم يقرأ مقالاتك القديمة تلك وإلا لجن بالتأكيد.. تخرج وسائل الإعلام للقاء الشباب ومعھا المذيعة التي سكبت زجاجة أكسجين كاملة على شعرھا ووضعت طنًا من المساحيق كأنھا إحدى بطلات مسرح الكابوكي الياباني.. تسأل الشاب عن اسم وزير (التوابع المضادة) أو وزير التعاون الإعلامي التخطيطي) فلا يمن الله عليھ بكلمة .. من ثم تخرج الصحف صارخة: الشباب تافھ شھواني رقيع .. ليت الشباب يھتم بعقلھ كما يھتم بالدھان الذي يسكبھ على شعره.. الحقيقة أن الإجابة عن ھذا تكمن في كلمات (أورويل) في روايتھ الرائعة 1984 عندما دبت مشادة بين البطل وحبيبتھ حول (ھل كان الحزب في حرب مع أيستاسيا أولاً أم كان في حرب مع إيوراسيا ؟)... يقول (أورويل) إن الفتاة لم تكترث بھذا على الإطلاق لأنھا لا ترى فارقًا بين ھراء وھراء آخر .. الشاب لم يختر وزير (التعاون الإعلامي التخطيطي (ولم يسمع عنھ من قبل، ويوم يرحل ھذا الوزير فلن يعرف أحد السبب .. إذن ما جدوى معرفة اسمھ ؟.. لا فارق بين (ھراء وھراء آخر).. اسمحوا للشاب أن يختار وزير) التعاون الإعلامي التخطيطي) ثم طالبوه بأن يعرف اسمھ، وانصبوا لھ المشانق لو لم يعرفھ.. نفس الشيء ينطبق على الأسئلة من طراز (متى مات بيلاطس البنطي ؟).. (ما طول نھر المسيسبي ؟).. (من مؤلف كتاب تثقيف الشعوب في تقنية الحاسوب ؟).. السيدة المذيعة لو انتزعوا منھا البطاقة الأنيقة لن تعرف الإجابة، والسيد المعد لا يعرف الإجابة وأنا لا أعرف الإجابة، وليس مما يفيد الإنسان المعاصر أن يعرف طول نھر المسيسبي ما دامت ھذه المعلومات موجودة في أية دائرة معارف .. إنھا ثقافة (الكلمات المتقاطعة) التي يصرون على أنھا ھي الثقافة ولا شيء سواھا، بينما الثقافة ھي أن تستخدم ما تعرف في تكوين مفھوم متكامل للعالم من حولك وكيفية التفاعل معھ.. لكن وسائل الإعلام لا ترضى بھذا .. ھي لا تريد إلا أن ترى الدماء تسيل وتلطخ كل شيء .. لھذا تطالب برأس الشاب التافھ.. بينما اسم آخر أغنية لراغب علامة أو عيد ميلاد روبي ھي بالفعل معلومات تبدو مھمة للشاب .. على الأقل ھو لا يُرغم على معرفتھا، وتمس حياتھ – ورغباتھ – بشكل واضح .. ولا تتعالى عليھ أو تعده بما لا يمكن تحقيقھ .. ولا تھدم ما آمن بھ من قبل بلا مبرر.. والأھم أنھا لا تسد عليھ طريق الترقي والنمو في الحياة .. باختصار: (روبي) تبدو ھي الشيء الوحيد الحقيقي وسط كل ھذه الأوھام وكل ھذا الكذب.. الشباب ليس مجموعة من الملائكة، لكنھم ليسوا شياطين ..سوف يصيرون كذلك لو لم نفق من غيبوبتنا، ونحن لسنا ملائكة ولا شياطين .. نحن ملاحون خائبون غرقت سفينتھم أو كادت .. وعلينا أن نترك قطعة خشب واحدة طافية ليتمسك بھا من يأتون بعدنا.__

جئتكِ هربا من ظلام الامسيات المشبوهه معكِ .. معكِ انتِ افكر بطريقه مختلفه انسى كونى رجل .. وكونك امرأه اعود للطفوله للبراءه للنقاء وددتُ لو تضمدى جراحى وتوقفى نزف المشاعر المنهوبه وددتُ لو ادفن رأسى فى صدركِ تم ابكى خطيئة عمر ولد لتسفحه ملتويات الازقه،فى ظلام حالك فيموت فى الليل .. ويموت فى الصباح كنت ارغب فى سطر حياتى من جديد بطريقه مختلفه،لم اعرفها ولم اعهدها بعد الدوران فى فراغ الاكتئاب الانهائى كنت ابحث عن الفضيله،والعصمه والتحصن والفروسيه فى ساحة قتال بمطالب شرعيه فأنا وان كنت امجن احيانا،فبمبدأ نظيف ابدا لم اعتدى على حق للاخر او ملك يمين اعترف اننى يجب ان اتغير،بل اريد ان اتغير بصدق ولكن كيف،ورياح التغيير تأبى ان تدخل نافذتى الشمس ترفض ان تسدل شعاعها الذهبى على مقبرتى القمر يحدد اقامتى،والنجوم ترفض سُكناى كيف وكل الاشياء والعومل تتضافر ضدى كيف والمتاح يستباح،ويستبيحنى بل يبتذنى كيف وقد استباحتنى الليلات،وعشقنى ظلام الامسيات قولى لى انتِ كيف،ان يستقيم اعوجاجى بدون قوامه (اريد استعادة وجهى القديم،وجهى البرئ،كوجه الصلاه،اريد النجاه)

الثورة كانت كيبوردية كلها باستثناء أيامها الأخيرة التي كانت فيها هتافية ثم تحولت مع البعض القليل إلى صدامية فمثلا وائل غنيم لم يدرك الثورة إلا من خلال الكيبورد وكذلك القرضاوي لكونه تحدث خلف الميكرفون فقط الكيبورد والقلم مثل السيف والرمح كان لهم الدور العظيم ليس في وقت الثورة فقط أو قبلها بقليل ولكن منذ وقت طويل الكثيرون قدموا كثيرا قبل الثورة ولم يكونوا في الصورة وقت الحصاد ولم يظهروا في الكادر ولا يريدون مكافأة إلا من الله الثورة لم تكن منازلة بين جيشين لكي نقول من حمل السلاح ومن لم يحمل السلاح ومش عايزين حد يقول لنا زي القذافي لما قال لشعبه : ( وين كنتم لما كان عبد الفتاح ببندقيته بيعرض نفسه للخطر و بيحارب السادات و امريكا وأسرائيل عبد الفتاح كان بيحرر البلد و يحارب على الحدود من أنتم ياأهل بنغازي لما عبد الفتاح كان بيحررنا من أنتم أين كنتم انتم يا ...... لما دخلت أنا وعبد الفتاح إذاعة ليبيا..أنا وعبد الفتاح حررناكم من الأمريكان و الإنجليز و الإيطاليين ..أين كنتم .. أين كان آبائكم و أجددكم يا ..... )

بمناسبة نربي اولادنا غير ما اتربينا فاكرة موقف في حفلة تخرجي أصريت ألبس شال فلسطين و أنا باتكرم و بقدم كلمة الخريجين ماماأصرت اسيبه قبل ما اطلع المسرح و للأسف ضعفت و سمعت كلامها في المقابل كنت في القطر(قبل الثورة) .. وسمعت الست اللي ورايا بتخوف ابنها بالظابط لقيتني بقوم و اقولها .. مينفعش يطلع بيخاف من الشرطة علميه ان الشرطة في خدمته اللي يعمل حاجة غلط هو اللي يخاف و رغم ان صوتي ماكانش عالي .. لقيت ناس بتبصلي باستغراب و قلق يا ريت نربي اولادنا صح يفهموا دينهم اوي ساعتها هيحبوا بلدهم اوي و هيحبوا بعض اوي

العبيط اهو العبيط اهو

ليه بس كده يا متغربه... الناس كانت بتحلم بثوره يسقطوا بيها النظام...فضلوا يحلموا لغايه ما حلمهم بقى حقيقه اتعودى تحلمى ..احلمى ترجعى بلدك و يبقى لك فيها عيشه اكرم و احسن من العيشه الكريمه ال موافراها لنا الغربه احلمى بكده و حاولى تحققى الحلم ده..واكيد هيتحقق فى يوم من الايام ...بشرط ...تكونى عاوزه كده فعلا من جواكى انتى عارفه ان المصرى هو المغترب الوحيد ال مهما خدته الغربه بيرجع لمصر تانى احنا المغتربين الوحيدين ال بنوفر القرش علشان نحوش و نجيب بيت و عربيه و فلوس فى البنك فى مصر مش فى الغربه غيرنا من ال لبانيين و السوريين و الفلسطينين و غيرهم بيعيشوا فى الغربه احسن عيشه وكأنها بلدهم الحقيقيه مش بيبقى عندهم حلم الرجوع لبلدهم ..لانها مش ام الدنيا...لكن المصرى لاء عكس كده حد يبقى بلده ام الدنيا و يفضل بعيد عنها طول عمره احلمى

http://www.youtube.com/watch?v=i8V8pGNL7dM

لماضه حبيبتى موضوع جميل اوى عارفه يا لماضه...اول ما الثوره حصلت و بدأت احس ان الوضع بقه خطر فعلا و انها مش مجرد ثوره بسيطه او مظاهره و بعدين كل واحد هيرجع يتلخم فى لقمه العيش اول ما حسيت ان الموضوع بجد فعلا و بدأت اقرأ شويه على المنتدى و شويه على الفيس بوك و اشوف التليفزيون و اتكلم مع زوجى ...اكتشفت ان كتير اوى مننا و انا منهم ماكانش عندنا اى وعى سيايى خالص ..مش فاهمين حاجات كتير فى بلدنا ...مش عارفين حكوماتنا ايه عيوبها او حتى مميزاتها ...لقمه العيش شاغلانه كلنا سواء عايشين فى مصر او بره مصر.. اكتشفت اننا مش شايفين الوضع فى بلدنا مضبوط ..فى غيامه و غيوم امامنا ..ال حطها هو النظام القديم...شغلنا اوى و لهانا اوى فى توفير لقمه العيش و خلانا نتشغل اوى عن الفساد ال فى البلد او على الاقل شايفينه بس عاملين مش شايفين و لا فاهمين و مشغولين فى حياتنا و توفير سكن مناسب و توفير حق العلاج و غيره.. لما لقيت كل حاجه فى دماغى متلخبطه ..ما بقتش عارفه ايه الصالح للبلد ..ايه الصح ..الثوره هى ال صح و لا هى ال غلط و ادينا كنا عايشين و خلاص!!!...تايهه جداا ساعتها قولت لزوجى ..احنا لازم نربى ولادنا غير ما اتربينا ..لازم نعلمهم ازاى يكونوا فاهمين الوضع فى بلدهم و يفهموا فين مصلحتهم و مصلحة بلدهم و يعرفوا مين ال معاه مصلحتهم و مصلحة بلادنا ...يقدروا يميزوا و يفهموا و يكون عندهم وعى سيايى ...شايفين طريق صح يمشوا عليه علشان ما يضربوش على قفاهم زى ما احنا حصلنا.. انا كل شويه كنت بتصدم من حقائق فساد كانت بتظهر و ساعتها كنت بحس انى اضربت على قفايا!!! وما اكدبش عليكم انا لغايه دلوقت خايفه جداا و مش مبسوطه ..خايفه نكون دفعنا تمن غالى اوى اوى اوى هو ارواح ولادنا و اخواتنا و خراب كبير حصل فى البلد خايفه يكون التمن ده اكبر من ال هنحصل عليه او بمعنى اصح ما يساويش ارواح ولادنا...القلق جوايا كبيييير اوى ..مش هبقى فعلا مرتاحه او مبسوطه غير لما يعدى كام شهر و اشوف الانجازات الحقيقيه حصلت.. انا بعترف ان سلوكياتى اتغيرت ...نظرتى للامور اتغيرت كتير ...كنت دايما اعيب على الافلام ال فى الاخر الخير بينتصر على الشر و اتريق و اقول "شغل افلام و سينما"ده مش بيحصل فى الواقع ...سشلكن لقيت انه بيحصل فعلا فى النهايه الحراميه اهم شوفتهم فى القفص بعد مجد و عزه ...صدقت ان مفيش حق بيضيع وراءه مطالب

تمام كده يا ذهبيه مانا لما كتبت من كان يوم اني حاسه ان التباطوء من القوات المسلحه عباره عن صفقه واني خايفه ومتشككه من موقف الجيش(طبعا الكل عارف الجيش بياخد اوامره من مين) الكلام ده كان في موضوع تاني غير ده الكل دخل يقول بلاش الجيش ومش عاوزيين نشكك فيه وبلاش التشاؤم ازاي الحل بقى دلوقتي؟؟؟ اعتقد ان اجوبة كل الاسئله اللي بتدور في دماغ كل واحد فينا وضحت يعني من الاخر ما تتعشموش قوي.... وماتعملوش حسابكم على ثروة مبارك اللي في الاخر هاتطلع كام مليون (وان احنا ظلمناه وافترينا عليه)

الحياة...اشتياق....لاماكن خاصة جدا في القلب الحياة...أماكن...تعيدك إلي الحياة

اكيد اتعمدوا يسيبوه الوقت ده كله اعذروهم المفرمة بطيئة

البدء في إطلاق أسماء شهداء ثورة 25 يناير على شوارع الجيزة الجيزة - الإسكندرية-أ ش أ بدأت محافظ الجيزة في الإجراءات التنفيذية لإطلاق أسماء الشهداء في ثورة 25 يناير على الشوارع التي كانوا يقيمون بها تخليدا لذكراهم وذلك وفقا لتنفيذ توجيهات رئاسة مجلس الوزراء. وقرر اللواء مهندس سيد عبدالعزيز محافظ الجيزة إطلاق اسم الشهيد أحمد بسيوني الأستاذ المساعد بكلية التربية الفنية بجامعة حلوان الذي استشهد الجمعة 28 يناير بميدان التحرير على الشارع الذي يقطن فيه والذي كان معروفا باسم شارع عبدالهادي القوصي المتفرع من شارع فيصل. كما تقرر إطلاق اسم الشهيد اللواء محمد البطران مدير الإدارة العامة لمباحث السجون على شارع الأميرة فادية بالهرم. وفي الإسكندرية تصدرت صور شهداء ثورة 25 يناير وإلي جوارها علم مصر وجهات المحلات بمختلف مناطق الإسكندرية التي تعد لعاصمة الثانية لمصر. وحرصت المحال التجارية خاصة بوسط الإسكندرية علي وضع صور شهداء الثورة في وجهتها مثل الشهيدة "سالي زهران" التي أطلق اسمها علي شارع في مدينة رام الله الفلسطينية "وكريم بنوبة وعمرو غريب وحسين طه" وغيرهم من الشهداء في وجهتها. كما ترددت الأغاني الوطنية ، التي تعكس وتؤكد عشق المصريين لبلادهم ، وموسيقاها بداخل المحلات في مختلف المناطق.

هههههههههههههههههه مش قلتلك يا عنبو ادي الستات كلهم بيسيبو الموضوع الاصلي ويمسكوا في اللبنانيات حقد فظيع طب اعمل حسابك بقي يا استاذ علي تنفيض الجيوب ده غير تعبك حيروح علي حسابها وخلي عنبو ينفعك وبعدين كليوباترا مكانتش حلوة وحتى لو كانت حلوة فعلى حد علمي انها مش مصرية وبعدين تلاقي الناس كانت بتدور عليها علشان عندها قرشين انما لو كانت لبنانية ومفلسة كان زمان الناس بتقتل بعضها علشانها بس انا عندي استثناءات من اللينانيات ممكن ناس كتير تختلف معايا بس ده رأيي الحقيقي مش بحب نانسي عجرم ولا هيفاء دا اذا اعتبرنا هيفاء لبنانية ممكن يكون اصلها يمني او ليبي ومدسوسة على اللبنانيات طب اعمل حسابك بقي يا استاذ علي تنفيض الجيوب ده غير تعبك حيروح علي حسابها وخلي عنبو ينفعك

وين كنتم لما كان عبد الفتاح ببندقيته بيعرض نفسه للخطر و بيحارب السادات و امريكا وأسرائيل عبد الفتاح كان بيحرر البلد و يحارب على الحدود من أنتم ياأهل بنغازي لما عبد الفتاح كان بيحررنا من أنتم انا دافع ثمن بقائي هنا .. أبن كنتم انتم يا جرذان ..لما دخلت أنا وعبد الفتاح إذاعة ليبيا..أنا وعبد الفتاح حررناكم من الأمريكان و الإنجليز و الإيطاليين ..أين كنتم .. أين كان آبائكم و أجددكم يا مرتزقة ويعاقب بالاعدام أي حد يفتح بقه كله في الكتاب الاخضر

بعد إذن بنتنا أغابي.. تم نقل الموضوع إلى باب الصور الغريبة والطريفة ... أنا عاوز نغير إسم الموضوع إلى مثلاً جاليري القذافي او أتيلية كوكو أو ترزي المناسبات السعيدة او محلات مانيفاتورة القذافي وولده ابو سريع أو ... الست سنيه شيكوريل الخياطة المتصيتة

بصراحة انا مش عارفة لية القوات المسلحة و باللتحديد رئيسها طنطاوى بيتعامل مع حسنى مبارك واولادة و مساعدية بحنية قوى كدة واحد تنحى ووراة فضايح و بلاوى كانوا فين من ساعة ما مشى مش المفروض دى اوراق الشعب ولا ملكية خاصة و عيب الاطلاع عليها هو لازم ريحة كل حاجة تفوح و بعد ما تخلص و تتحرق وتتفرم يقوموا يتحركوا دة بقى قصد و تعمد ولا استرخاء و اهمال ولا تغميض عين علشان تنظف نفسك يا مبارك قبل ما تمشى و احنا عاملين مش واخدين بالنا والله انا حاسة ان فية اتفاق ضمنى سرى بين مبارك و القوات المسلحة و على اساسها بيحصل المهازل دى

قولهم حرام عليكم داه سوزان دى وحدها لها ملف اسود ومهبب فى تاريخ مصر - هى سبب كل البلاوى هى المحرض الاول والاخير هى واخوها الفاسد سوزان مبارك دى اللى كانت بتقود جمعيات صورية وديكور فقط كواجه ليها انها سيدة مصر وسيدة مجتمع وهى اصلا الفساد بعينه وكانت تخفى الحقائق وتتسلق باسم السلطة وليس لها وظيفة سوى النهب ايه سوزان مبارك دى كمان وايه سلطتها فى مصر وايه هى تكون اساسا هى خيال مأتة لس اكثر او اقل - كانت تقود مصر من الباطن ربنا يسامحها على اللى عملته فينا ولا كمان فاكرين بجد انها كانت بتمول مستشفى السرطان من جيبها

تابع- اولا:عند المشاكل: 3- لو معرفتيش تحلى مشكلتك استشيرى..بس المشكلة هنا حأستشير مين .....؟؟؟ لو واحدة صحبتك تبقى ثقة طبعا و تبقى (و دى اهم حاجة)بتتقى الله و بتنصحك بما يرضى الله مش بكلام الستات و شغل النساء اللى ميرضيش ربنا ..يعنى اللى تقولك (((..سيبيه متعبرهوش ..اوعى تغسلى حاجته اوعى تكلميه و انتى نازلة ..مش لازم تستأذنيه ..مهو سايبك و مطنشك... سيبى البيت و اوعى ترجعى الا لما يجيلك ياخدك .. اوعى تخليه يلمسك...امنعى نفسك عنه !!!!!!!!))) و كلااااااااااام من دة اللى بيخرب البيوت..و ممكن يكون دة بينفع مع جوز اللى بتقولك ...و مع جوزك مينفعش ابدا استشيرى اللى يهديكى و تبقى عندها حكمة ...يعنى تنصحك و تقولك تاخدى حقك ازاى..بس بدون ماتغضبى ربنا

اولا : عند المشاكل 1-لو متخانقة مع جوزك روحى كلميه انكشيه صالحيه لو غلطانة عاتبيه لو غلط فى حقك متناميش من غير ماتتصالحوا ..حتى لو كان بتاع خصام..انتى اتكلمى معاه لو مردش عليكى او اصر انه يفضل ساكت سيبيه لكن قبل ماتناموا طبطبى عليه و اسأليه ان كان عايز حاجة صدقينى حتلاقى النار اللى فى قلبك بردت و اللى فى قلبه بردت الشيطان مش حيلاقيله مكان لو سيبتى مشكلتك معاه يوم يومين حتعتادوا الخصام و حيبقى اياااااااااااام و حيحصل جفا و طبقة تلج سميييييييييكة صعب ازالتها -و عشان تعملى كدة بصدر رحب روحى كلميه و طبطبى عليه و قولى (بينك و بين نفسك) بعمل كدة ليك يا رب 2- لو متخانقين ايااااااااااااااااكى تاخدى بعضك و تنامى فى اوضه تانية او جنب بنتك او على كنبة الانتريه او تلفى نفسك بغطا و هوة بغطا - لو عملتى كدة مرة فاعرفى انك علمتيه عادة بغيضة و المرة الجاية لما يزعل حينام هوة فى حتة تانية و حتعرفى ساعتها اد ايه انك اهنتيه و اد ايه هى حاجة بتبعد الزوجين عن بعض لو تنامى جنبه و انتى حلوة و امورة و عملتى زى ما قلتلك .. ممكن يا ستى تحلى فى عينه و المشكلة تتنهى و ساعتها ابقى قولى اللى مزعلك بعتاب رقيق (مش تقلبيها خناق بأة) يا سلام

اي والله .. امتلت هالضفادع مو بس بالمنتدى .. بكل صفحة يطلع لي كم ضفدع كده كان فيه واحد زمان مسجل اسمه بمنتدى .. وكان اغرب اسم مستعار شفته بحياتي .. كان اسمه احساس ضفدع .. دلوقتي اقدر اقول ان عنده بعد نظر .. شوفوا لنا حل .. بعد ما كنا حاملين اوسمة صرنا حملة ضفادع مع مرتبة الشرف لو كانت سلاحف .. مو مشكلة .. لكن ضفادع ؟؟ http://www.youtube.com/watch?v=bP-DIO0lf_8

على فكره ياجماعه وبدون زعل اثنين ثلاثه ـ ومش هقول اكتر ـ من الي اسمائهم وارده في لوحة الشرف معليش يعني ( يعروا بلد ) .. الي شاذ والي عاهرة وسبحان الله دلوقت بقوا دول المثال الاعلى ودول القاده الي البلد مشيت وراهم ؟؟؟ ياريت تنقوا لنا وجوه محترمه فقط نفتخر بيهم وبالتالي يشرفوا اي حدث ينضموا له لكن تجيبوا حثالة وناس اصلا تشبه مديرية وتقولوا هم دول الناس الي تشرف وهم دول الي عملوا العمايل فمعليش يعني انتم كده بتهينوا المصريين وعلى رأسهم الشرفاء الي فعلا عملوا شيء بل ومنهم من استشهد دفاعا عن قضية مؤمن بيها مش ناس ( لامؤاخذة ) .. طبعا انا مش بتكلم عن كل من ظهرت اسمائهم في لوحات شرف مماثلة لكن بتكلم عن البعض فقط ولا اعني هنا الفنانين لمجرد انهم فنانين ولكن اعني الي فعلا شخص غير محترم والي فعلا بتاكل بصدرها ولا انها تجوع وفي النهاية جايبينهم لنا وحاطين لنا صورهم وكأنهم احفاد صلاح الدين الي حرروا عكا .. بلا عك ..

الجريمة غير مقبولة طبعا وبشعة أيوةبس بقدر الإمكان الناس تهدأ و نستنى نشوف التحقيق فى الحادثة بتاعته مش عايزين ريحة طائفية دلوقتى نهائى الله يكرم الجميع هتبقى أكبر كارثة على الثورة أى شئ طائفى هينسفها من أساسها و هنرجع لأسوأ مما كنا أتفق معك تماما مش عايزين ريحة طائفية لا دلوقتى ولا بعدين اما عن الثلاث مجموعات التى توجهت لميدان التحرير فلا اؤيد ايا منها فلا حكم المحكمة فى قضية نجع حمادى التى صنعها الغول احد رموز النظام الفاسد ولا مقتل الكاهن الذى استبعد ان تكون وراءه اسباب طائفيه .. لا هذا ولا ذاك يجعلنا نشعل بلادنا واعتقد ان هذا رأى معظم المصريين وازيدك من الشعر بيت انا مع هدم سور الدير لو فعلا تم بناءه على ارض ملك الدولة او حتى تم بناءه على ارض ملك الدير فى فى فترة الغياب الامنى تحياتى

من عاش بالسيف مات بالسيف اقول ,, شاهت الوجوه ,, الله لا يرجعها ايام ,,

آآآه من بعد المقبض ,, و ضيعة المفتاح !!!

بنتي فرح عمرها 8 سنوات اتولدت واتربت في الكويت كانت كل صيف لما نروح مصر تفضل تكرر عليا مجموعة اسئلة هي ليه الناس في مصر مش بتحب النظافة؟ وليه مش بيحطوا صناديق الناس ترمي فيها؟ بصراحة مكانش بيبقى عندي رد يقنعها فطول الوقت احكي لها عن مصر وحضارتها وجمالها وعن كل شيء جميل فيها ولكن مجرد نزولنا نتمشى في وسط البلد احس ان كل اللي قلته ليها فقد مصداقيته عندها بعد ثورة 25 يناير وشافت الناس بتنظف الشوارع اول حاجة نطقت بيها انا فرحانه اوي يا بابا انا استغربت قالت لي علشان الناس هتبقى نضيفه ومصر هتبقى حلوة ومش هتكسف من صحباتي اللي دايما يعيبوا على مصر ويقولوا شوارعها مش نضيفة كنت عايز اقولها اني اتمنى ان ارى النظافة في كل سلوكيات الشعب المصري النظافة في الاخلاق والسلوكيات هي اللي توصلنا للرقي هي اللي تخلينا نخرج من عصور التخلف والجهل ونرجع تاني رواد في كل حاجة

انا مش متفقة مع الصفحة دى يا سمبا ابدااا اللى فية الشعب اللى الليبى الان لا هو دعاية و لا يدعو للنكت او الفكاهة بصراحة حاجة تحزن بجدددد انى اراى مثل تلك الصفحات على الفيس بوك لا هو وقتة و لا يصح اننا نتريق و اخواتنا بيموتوا بابشع الطرق الغير ادمية بصراحة بيجى ليهم نفس ازاى يدخلوا يتريقوا و ينكتوا بعد المناظر اللى بنشوفها دى دى بدل ما يتكاتفوا ازاى ننقذ الناس اللى بتموت ولا حتى بارسال اغذية او دكاترة ليهم هو دة الشباب الواعى دة شباب الوطن العربى مع اختلافى على العقيد قالبا و مضمونا ودة مش حوارنا الان مش وقتة الان احنا فى مصيبة بكل المقاييس مش لا نكتة او ضحكة او فكاهة

بحلم بمصر بلد اسلامى قوى بحلم بمصر كلها عدل مفيش فيها ظلم بحلم بمصر قويه تحمى المنطقه العربيه كلها بحلم بمص نظيفه مفيش فيها غير الشجر الاخضر والزهور بحلم بمصر المساواه مفيش فيها غير العدل بحلم بمصر الحضاره نور العلم فى كل مكان بحام بمصرجدعه قوى وبنت بلد ...خدومه قوى...بحلم بمصر ام حقيقيه لكل الدونيا ...بجد انا متفائله بمصر جديد لها روح العصروالمستقبل كمان

الشهيد..محمد كمال يوسف سائق 35 سنة متزوج منذ شهرين قتل برصاص حى أمام قسم شرطة عين ...شمس جمعة الغضب

الشهيد..محمود أحمد محمود من السويس

الشهيد...شريف رضوان السويس فى جمعة الغضب 28 - 1 - 2011 ابن حى المستقبل 30 سنة مهندس كهرباء بشركة المعمل لديه طفلين محمد وشهد

الشهيد ...محمد محروس السويس - احداث 28 يناير

الشهيد..اسلام متولي محمد من محافظة السويس مواليد 89 خريج بكالوريوس تجارة دفعة 2010

الحياة....ضعف......لذيذ

الصورة دي تستحق جائزة محتاج شوية وقت لأتماسك مرة أخرى بعد رؤيتها زلزلت مشاعري حقيقي

السلام عليكم ورحمة الله وبركاته نظراًلان السؤال خاص بنون النسوه ولكن انا هجاوب عليه من خلال تجاربى فى الحياه الى جانب حبى للاطلاع فى شوية علوم غريبه كده بصى انا شايف ان المشكله عندك يا مدام ذهبيه اللى يخلى زوج اى واحده يسيبها ويسأل واحده تانيه سواء اخته زميلته فى الشغل اين كان وضعها يبقى هو مش لاقى اللى هو عاوزه فى مراته ممكن يكون اللى هو عاوزه مش صح يعنى مثلا شخص يكون تفكيره فى الامور سطحى او يكون تفكير مراته اعمق منه واكثر نظره مبعديه للامور وعندما يحدث نقاش بينهم يجد نفسه مش عارف يعبر عن افكاره او كبريائه يمنعه من الاعتراف بان زوجته على حق وامور كثيره متداخله مع بعضها ينتج عنها ان الشخص ده ميسألش زوجته نهائياً ويتصرف لاما من دماغه او يسأل اللى يريحه لكى يثبت نفسه كان ليا واحد صاحبى كل لما يجيى يسألنى على حاجه ويقولى انا ناوى اعمل كذا وكذا اقوله غللللللللللللللللللط واقوله لانك لو عملت كذا هيبقى قدامك كذا وكذا على العموم واقوله على الرأى الصح فى اول مره وتانى مره كان بينفذ كلامى وكان لله الحمد بيطلع صح بس بعد كده لقيته بدأ يشتغل من دماغه ويعمل حاجات غلط كتير بس علشان يثبت لنفسه انه ممكن ينجح بدونى ولما بحثت فى المشكله لقيت ان المشكله من عندى انا من اسلوبى انا فبدأت معه اسلوب تانى مطور جداً وهو انى احسسه ان الفكره انا اخدتها من كلامه هو واتبدى اخليه يشترك معى فى الحوار وفى الاخر اخليه يقول هو النتيجه وبكده يشعر ان هو اللى اتخذ القرار مش انا وحتى لما كان يقعد مع اصحابنا يقول انا عملت كذا وكذا وكنت ببقى مبسوط انه عمل الصح بصرف النظر عن مين اللى خطط يارب اكون وصلت ليكى الفكره تحياتى عنبو

احساسى هتجنن وافضل اكلم نفسى لاء مش اوى كدة............ بس تعالى نفكر بهدوء (انا مش خبير اوى فى القصص دى بس هحاول اقول رؤيتى يمكن يكون فيها شئ من الصواب) انا شايف ان محور المشكلة فى 1- عدم القدرة على اتخاذ القرارات من جانب الزوج (وده حله فى محاولة بعث الثقة فى طريقة تفكير الزوج ومعالجته للامور حتى لو هيجرب ياخد قرار او ينفذ فكرة من دماغه ويفشل فيها ............. مش مشكلة نقوله عليها حلوة والفكرة التانية هتبقى احسن................ هيخسر شوية حجات فى النص بس فى النهاية هيبقى عنده قدرة على اتخاذ القرارات) انتى عارفة زى ايه ............لما واحد بيجى يتعلم انجلش ونقوله اتكلم واغلط والمرة الجاية هتتكلم مظبوط لما محاسب معندوش ثقة فى نفسه ان يقدر يعمل ميزانية لواحده وحاسس انه لازم كل مرة يستشير حد تانى............. لما نحطه فى الفعل ونخليه يطلع الشغل ونقول مبروك انت طلعت الميزانية مظبوطة كدة هياخد الثقة فى نفسه وهيقدر يعملميزانية تانية وتلاتة ورابعة لواحده) 2- الثقة المفرطة فى الاخوات من الواضح من كلامك ان الاخوات مش كويسين اوى او عالاقل مش اهل للثقة دى احنا هنخليه يبعد عن اخواته شوية ويحصل شوية استقلالية فى اتخاذ القرار (انا مش عارف دى ازاى بس لو تعرفوا تبعدوا عنهم بالسفر او بالانتقال لمكان اخر وان كان ده صعب) ممكن يتعرف على اصحاب جداد (ودى فى الوقت الحالى احسن طريقة دى العلاقات الاسرية يعنى زيارة لذيذة لواحدة زميلتك والرجالة يتعرفوا ببعضهم وممكن يستريحوا لبعض ويبدا يبقى فيه ود بينهم والى حد ما ثقافته هتتغير شوية بالاصدقاء الجدد) انتى عارفة زى ايه كدة......... زى ميكون ابنك ماشى مع شلة بيشربوا سجاير وانتى عايزة تبعديهم عنهم ........... فبتداى تعرفيه باصحاب تانيين ولاد ناس ويبقى بينهم انشطة مشتركة وبالتالى واحدة واحدة هيبعد عن الاصحاب التانيين 3-اظن عدم الثقة النسبى فى تفكير او اراء الزوجة انا دى مش متاكد منها اوى بس لو كدة ممكن واحدة واحدة فى تغيير طريقتك فى المناقشة او اسلوبك فى الحوار او طريقة عرض الافكار او تغيرى سيستم الحياة بالكامل بطريقة تعجبه اوى يبدا يثق فى طريقة تفكير الزوجة بحيث يبدا يستشيرها فى اتخاذ القرارات (انا قابلتنى المشكلة دى مع سين من الناس وكان حلها انى بدات ادخله معايا حجات كويسة كتير كنت بعملها وافكر معاه بصوت عالى فبدا يثق فى افكارى ويقتنع بكلامى بالاضافة انه لما بيلاقينى احدد هدف وانجح فى تحقيقه بيثق فيا اكتر انا حاسس انى رغيت كتير ولبخت بس اظن ان اكتر حد ممكن يديكى اجابة هى (مصرية متغربة اللى كانت اخر واحدة على كرسى الاعتراف :blink: واللى كهربت كل الناس..... استدعوها من هناك تيجى تجاوب السؤال ده)