لوحة القادة

إجتمع ممثلون عن العديد من الحركات الشبابية علي رأسهم ممثلون عن حركة شباب 6 أبريل مع قيادات المجلس العسكري، لمناقشة أطروحات الشباب ومطالبهم من أجل إتمام التحول الديمقراطي والإطاحة بكل بقايا النظام البائد. وقد ناقش الإجتماع الذي إستمر أكثر من الخمس ساعات في المنطقة المركزية بالعباسية العديد من الملفات، كان علي رأسها أحداث جمعة التطهير وماحدث من إعتداء من قبل قوات الشرطة العسكرية علي المعتصمين في ميدان التحرير، وكذلك ملفي الإطاحة بحكومة شفيق والطوارئ وأمن الدولة والأجور والعمال. وإتفق الجميع علي العديد من النقاط الهامة للتنفيذ وهي كالتالي: 1. محاسبة كل المسؤولين عن أحداث جمعة التطهير وإعتداء قوات الشرطة العسكرية علي المتظاهرين 2. رحيل حكومة شفيق في خلال أيام قليلة، مع طرح المجموعات الشبابية لأسماء وزراء مقترحين من الكفاءات لشغل هذه المناصب الوزراية 3. إعادة هيكلة أجهزه وزارة الداخلية كليا، وحل جهاز مباحث أمن الدولة في خلال 4 - 5 أسابيع 4. التنسيق الكامل في ملف المعتقلين، والإفراج الكامل عن كل المعتقلين الذي تطرح أسمائهم من قبلنا 5. الإطاحة بكل المحافظين الحاليين (بعد شهرين تقريبا) 6. الموافقة علي الحد الأدني للأجور والحد الأقصي للأجور، وتتولي الحكومة الجديدة إقرار هذا الحد وتوفير النفقات له. وقال محمد عادل، المتحدث بالإعلام بإسم حركة شباب 6 أبريل إن الحركة سوف تستمر في إستخدام كل أدوات الضغط علي المجلس العسكري، من أجل الإستمرار في تحقيق المطالب والحفاظ علي المكاسب التي حققتها إنتفاضة الشباب.

تصدقي يا ضحا ان انا دمي اتحرق بقا مش حمدي قنديل هو واللي زيه اللي فوقو الناس على الفساد والسرقة وهم اللي فتحو عينين الناس على حقوقها واللي ادى بعدها الى قيام الثورة على الظلم وللا هي الناس كانت هتعرف منين الكم الهائل ده من الفساد ...من الاعلام الحكومي مثلا احنا مالنا الراجل متجوز مين ..ليه هي مراته طلعت سارقانا راخرا زي الست سوزان الراجل ده هو ومحمود سعد و بالذات وبلال فضل وعلاء الاسواني و جلال امين جميلهم على راسنا وبعدين محمود سعد اكبر حاجة في صفه في كل اللي حصل انه امتنع من اول الثورة عن المشاركة في المهزلة الاعلامية مضحيا بالملايين اللي بتحاسبوه عليها دلوقتي وما رجعش الا لما مصر انتصرت كل ده وبقى هو واللي زيه بياخدو والله ماتجرأش حد انه يقول عليهم سرقو ده عقد يعني الممثلين محدش مقهور منهم ليه مع ان اكثرهم بينشر الانحطاط...مش بيقول كلمة حق

كلنا طبعاً شايفين وحاسين باللعبة القذرة لجهاز الشرطة اللي بيحاول يلوي دراعنا كلنا كشعب وهو لسان حاله بيقول " إشربوا بقى عشان تعرفوا قيمتنا وتعرفوا إننا أسيادكم وورونا الجيش هايعمل لكم إيه " وبالتالي الأغلبية منهم لم تعود إلى عملها واللي عاد بيؤدي عمله بمنتهى الإهمال واللامبالاه .. بل بالعكس ده بيعملوا مظاهرات ضد الوزارة لطلبات خاصة بهم وبمرتباتهم .... وأدينا شايفين كم حوادث غريبة وأنفلات أمني واضح ، وفي حالات كثيرة الشرطة بتبقى واقفه زي خيال المآته ولا تُحرك ساكناً والجيش هو اللي بيتدخل طيب ..في اليومين اللي فاتوا قام المتحدث الإعلامي بإسم المجلس العسكري بإعلان الكثير من الاحكام القضائية العسكرية الرادعة والسريعة ضد الكثير من البلطجية الذين روعوا الأمنين والذين خربوا منشآت البلد العامة والخاصة . .. لدرجة إنها وصلت بهم الحالة الإجرامية إلى سرقة كابلات الكهرباء للمترو ... طيب حلو قوي ... إحنا هنا بنغلط نفس الغلطة اللي الحكومة بتغلطها من عشرات السنين وهي .... كله في المستخبي .... ومش مهم الرسالة توصل لمين .. أو إن القانون يبقى للعقوبة وليس للردع .. بمعنى .. انا استنى لما تحصل الجريمة .. وبعد كده أعاقب المجرم ... وليس العكس كما هو الهدف من القانون إنه بيحمي ويردع ويقوم مقام الدرع الواقي للناس قبل وقوع الجرائم والمخالفات .... عشان ده تلاقي بلادنا متخلفة عن الحضارة .. وهاضرب مثل بسيط ... تلاقي عندنا إحنا بس رادار السرعة على الطرقات مستخبي ودافسينه في حته عشان ماحدش يعرفه ... أو سيارة الشرطة واخده ساتر ولابده في الدُرا ... مع إن في العالم المتحضر كله أماكن الرادارات بتبقى معروفة وعلى جميع برامج الجي بي إس وأماكن تواجد الشرطة بتبقى معروفة .. لإنها مش عملية جباية وسبوبة وعقاب وخلاص ... ولو نرجع فترة طويلة كده للخلف ... أول ما ظهرت نوعية الجرائم الغريبة والمخيفة والمفزعة في مصر مثل إغتصاب فتاة العتبة ... وفتاة المعادي ... المجتمع كله إندهش وكتير تخوفوا من إنتشار تلك النوعية من الجرائم البشعة .. وقد كان ... فبدلاً من البت في تلك الجرائم بسرعة وحزم وقوة لردع كل من تسول له نفسه إنه يفكر في حاجه زي دي ... لا إزاي ... القضايا قعدت سنين وإستئناف ومعارضة ونقض و و و و .. لحد ما تقريباً كل المتهمين طلعوا براء . والناس نسيت ... والمجرمين تذوقوا حلاوة القانون اللي مليان ثغرات ... وهي ديتها إيه يعني في الأخر محامي بتلاتة تعريفة يدور على ثغرة في إجراءات القاء القبض ولا ثغرة إدارية وخلصت على كده .. لحد الجرايم دي ما بقت عادي كل يوم لدرجة إن يوصل بنا الحال في كفر الشيخ عن قيام 10 مجرمين معروفين للجميع وفي وضح النهار يقتحموا بيت أحد المواطنين هم على خلاف معه ويقوموا بإختطاف زوجته وإقتيادها وسط مشاهدة مئات من المتفرجين والجيران وأهل الحي .. ويختطفوها في سياراتهم ويتناوبوا الإعتداء عليها عادي جداً .... إينعم إتحكم عليهم بالإعدام كلهم بعد فترة .. لكن ما الفائدة ؟ ما الفائدة إذا كانت الرسالة اللي المفروض اوصلها لكل مجرم أثم بيفكر يعمل كده أو يمشي في الطريق ده .. لا تصل له .. لإنه لا يشاهد برامج التوك شو .. ولا يتابع المنتديات على الإنترنت . ولا ولا ولا وبالتالي إذا كنت باخاف على المجتمع وامنه وتركيبته ... يبقى لازم يكون هناك قضاء عادل وعاجل وحازم ويضرب بيد من حديد على رؤوس هؤلاء وبشكل علني .... وتكرس كل وسائل الإعلام برامجها للتشهير بهؤلاء وجعلهم عبرة لمن يعتبر ... وساتحدث هنا بشكل خاص عن البلطجية اللي إتحكم عليهم من القضاء العسكري اليومين دول .... فإذن كان إتقبض على حوالي 120 مجرم يوم موقعة الجمل الشهيرة وإتحكم عليهم من4 - 5 سنوات سجن ده عرفناه بالصدفة من يومين تلاته .... فأين التحقيقات التي أُجريت معهم ؟ واين إعترافاتهم " وأين أسماء من دفعوا لهم ودفعوهم إلى إرتكاب مثل تلك الجرائم .؟ شيء أخر ..... فرق كبير بين إن الواحد يبقى مجرم ويسرق وينهب عشان يعيش في أوقات عادية يعيشها المجتمع ... وبين إنه يستغل حالة عدم الأمن في البلد ويُفسد في الأرض ويسرق ويروع ويخرب .... فبالتالي ده جُرم مُركب ومقرون بالإفساد في الأرض وإحنا عارفين إن عقوبة من ضمن عقوبات المحاكم العسكرية بتبقى الإعدام رمياً بالرصاص ... يبقى ليه ما أنفذش ده على الهواء في المجرمين الذين يستحقوا ذلك وأذيع ده على الناس كلها عشان في فترة قصيرة أرجع الامن والأمان للمجتمع يا جماعة أول أمس قام مجهولون بذبح عضو مجلس إدارة نادي الأسماعيلي لكرة القدم في مكتبه في وضح النهار وفروا هاربين ... وأمس قام لصوص بفصل رأس حارس عقار - بواب - عن جسده عادي جداً و و و و و و لإن هيبة الشرطة ضاعت وهما اللي ضيعوها بانفسهم لإن ليس لهم رصيد عند الشعب والجيش مش هايبعت عسكري لكل حارة وكل شارع لإن دي مش وظيفته وللإسف البلطجية أكتر من الهم على القلب .. بل تعدينا تلك الحالة وأنضم لهم الأساتذة الكبار اللي هربوا من السجون أثناء الإنفلات الأمني اللي حدث يبقى لازم لجنة تتكون من الجيش والشرطة ووزارة العدل لوضع حد سريع ورادع لتلك المواضيع .. وما ينفعش أطبق عليهم محاكمة عاجلة في الخباثة والخبر يمر مرو الكرام وسط كم الأخبار الأخرى ... لإن بدون أمان وأمن لن يستطيع الواحد ان يعيش أو يتنفس حتى

كيف تستعد للنوم كيف تتعمق فى النوم

ومع هذا يبدو ان الكثيرات من السيدات الشرقيات يعرفن مكانهن تماما،بل يفضلنه...........(المطبخ) بداية .....كل الاحترام والتحية. لن اقول اعترض على جزء مم جاء فى مداخلة حضرتك ...لأنى فى الحقيقة اعترض على كل ماجاء بها . خصوصا ...لهجة السخرية . وكأن المرأة الشرقية خلقت بلا عقل . حضرتك تقول ((( ومع هذا يبدو ان الكثيرات من السيدات الشرقيات يعرفن مكانهن تماما..بل يفضلنه ......( المطبخ ) ....))). ياسيدى الفاضل . المطبخ فى كثير من الأحيان ...مفضل للرجل قبل المرأة ....!!!!! ومفضل...للرؤساء ....قبل المرؤسين. ولست ادرى ....لماذا قصرت حضرتك ( الاهتمام بالمطبخ على الشرقيات فقط ) .. ولماذا ( اقتنعت بقصور عقلها ...الذى لايعطى اى نتائج الا فى حدود محدودة كالمطبخ مثلا ؟؟ )... للأسف ياسيدى الفاضل...تسرعت حضرتك فى اطلاق الأحكام.. الست معى ..ان من كانت تحكمك وتحكم شعبك كله ...من وراء الستار . كانت امرأة ...(( نصف شرقية ؟؟ )) ...واودت ( بالمحروسة ) ..الى جحيم يعلم الله متى ينتهى ؟؟؟ تخيل؟؟؟ فعلت كل هذا وهى تعلم جيداااااا........ان مكانها المطبخ. فمابالك لو ....اعترفت بأن مكانها ...الصالون والفسحة وكام حجرة ومطبخ وحمامين ؟؟؟ قليل من المصداقية مطلوب .. الرجل والمرأة يكملان بعضهما بعض ... والمرأة ....الشرقية ...لأنها فعلا فعلا ذكية ...ذكية جداااااا تترك الرجل يتباهى (( كالطاووس ))....وهى ؟؟؟ هى من تقوم بكل الأعباء و.. تحصل على ما تريد . وهذا هو ما يرضيها .. هى لاتكتفى بالقول ...والجعجعة ...لكنها تعمل وتكافح وتهمها النتائج فقط.. دمت بود. :give_rose: :give_rose:

إذن الحديث الذي قصدته حضرتك هو النساء ناقصات عقل ودين الحقيقة لا أرى في وضع حضرتك للحديث الشريف أي شيء ينافي الأدب يافندم و هل كان الرسول الكريم صلوات الله و سلامه عليه يتفوه بما ينافي الأدب؟؟؟!!!! و بالمناسبة النقص في الدين ينتهي بانقطاع الطمث و انتهاء القدرة على الحمل و الانجاب فهو نقص وقتي مرتبط بفترة زمنية و ليس على طول الخط و ياما في رجال عندهم نقص في الدين بدون عذر شرعي أما النقص العقلي فهو زيادة في العاطفة أي أنه في حقيقته ليس نقصا فهو نقص في شيء تعادله زيادة في العاطفة المطلوبة لرعاية الاطفال و الصبر عليهم و لا يعتبر نقصا في القدرات أو التفكير و قد صنف العلم الحديث عقل المرأة بالعقل الشبكي لقدرتها الهائلة على ربط الأمور ببعضها بطريقة يعجز عنها الرجال و هذا الربط يعتبر من مهارات التفكير التي تنفرد بها المرأة و تتميز بها و أيضا قوة الذاكرة في تذكرها للأرقام و التواريخ و ربطها مع الأحداث مع قدرتها الرهيبة في تذكر أدق التفاصيل قوة الملاحظة أيضا تتفوق فيها النساء بالإضافة ان حضراتكم ناسيين حاجة مهمة إن الدولة دولة مؤسسات مش أشخاص يعني من سيشغل منصب رئيس الجمهورية لن يكون وحده من يصنع القرار و هناك العشرات سيعاونوه في كل القطاعات يعني لن يعمل منفردا حتى يكون هناك هذا الكم من الخوف و الترقب هذا الخوف و ان كان غير مبرر فهو خوف طبيعي من المجهول معذورون فلازال الظلام دامسا رغم ظهور بصيص من النور

كل عام والمصريين كلهم بخير بمناسبه بدايه الصوم الكبير عشان الجوامع في مصر مش هاتكفي كل المصريين ولا الكنايس كل المصريين لذلك فجزء منهم يذهب للمسجد وجزء للكنيسه انت يابني ياللي هناك ياللي ماسك حتته الموزه الضاني سيها احسن اجيلك ودعما مني في تعذيب اخواني المصريين اللي بيروحوا الكنايس اقدملهم الغنوه دي

قريت الموضوع ده في احد المنتديات بس مش اكيده بنسبة 100% منه بس احتياطي لو حد ناوي يشارك في الانتخابات الجاية ياريت يلحق بسرعه يقيد اسمه في الجداول الانتخابية .. محدش ضامن الظروف .. واليكم الموضوع .. ============================== انا رحت امبارح قسم مدينة نصر علشان اسجل نفسي في الجداول الانتخابية لان بصراحة عمري ما انتخبت ولا شاركت في اي استفتاء ..... والي فرحني ان الطوابير كانت طوييييييييييييييييييييييييييييلة جدا جدا والناس كلها حريصة جدا انها متضيعش حقها في الانتخابات .... وانا بدعوكم كلكم انكوا تشاركوا في الانتخابات و لازم لازم تدرجوا اسماءكو في الجداول لان اخر معاد طبقا للقانون يوم 8/3/2011 يعني فاضل اسبوع بس من فضلكم روحوا القسم الي تبعه عنوان بطاقتك ومعاكي صورة البطاقة و ما تنسيش تاخدي معاكي قلم علشان هتملي استمارة بسيطة عندهم وبس .... الموضوع بسيط الانتخاب بالرقم القومي ..... آه ... بس في حالة لو مسجلة نفسك في الجداول فقط ... يبقي لازم نروح نسجل نفسنا الاول امانه عليكم بلاش نضيع حقنا تاني ... احنا عانينا بسبب سلبيتنا ومش عاوزين نعمل كدة تاني ==========================================

لهفة شوق حنين .... انتظار

[quote name=أحمد سيف'يااااااااااه داحنا كنا ظالمين الراجل ويا عيني كل اللي حوشهم من مصروفه هما مليارين ثلاثه شعب مفتري صحيح خلاص طالما احنا طلعنا مفتريين يبقى لازم ننضم لصفحة (انا اسف يا ريس) ;)

ليه بس مصرين تحرجوا الراجل .. :closedeyes:

الحديث الذي ذكره الرسول - صلى الله عليه وسلم - واضح .. في امر ولاية النساء .. في صحيح البخاري بالنسبة لي .. الامر توقف عند هذه النقطة نقطة اخرى اختلف مع من ذكر ان مقياس تقدم الامم يتضح في حال تولي المرأة للحكم كما اختلف مع من قال .. ان نظرة معارضي هذا الامر .. هي نظرة شرقية فهاهي ذي بنغلادش .. والكثير من جمهوريات الموز .. تقف المرأة فيها في سدة الرئاسة ولم نرى تقدماً ولا هم يحزنون على العكس من ذلك نرى الولايات المتحدة الامريكية لم تتسلم امرأة قيادتها .. نقطة ثالثة اسماء محفوظ .. اقدرها كثيراَ واحترمها .. واعلم انها قامت بما يعجز عنه الكثير من الرجال .. لكن حتى لو كانت رجلاً .. فلن ارشحها - لو كان يحق لي ذلك - .. لان ليس كل بطل قومي صالح للرئاسة .. والامر هنا مرتبط كثيراً بالخبرة السياسية .. على الاقل .. و هذه الخبرة تكتسب قبل الترشح .. وليس اثنائه خاصة في الوقت الحالي .. الذي يتغير فيه كل شيء في مصر للافضل بإذن الله .. في كل المجالات .. والتي تتطلب قدرة هائلة وتأثير عميق لرئيس له كاريزما خاصة .. يتفوق فيها على كل شيء ويكون بقدر هذه اللحظة التاريخية والفترة الانتقالية التي تتطلب ما هو اكثر بكثير من ان يكون محبوبا لدى الناس فقط .. او يكون له دور فاعل في الثورة هاهو القذافي .. ولا اقارن طبعا بين القذافي واسماء محفوظ .. كان بطلا شعبيا وقائدا للثورة .. كان متحمسا .. علي عبدالله صالح .. صدام حسين .. فيدل كاسترو .. كلهم قادوا ثورات بانفسهم .. لكن ماذا حصل بعد استلامهم للرئاسة ؟ تشي جيفارا لم يستلم رئاسة .. ولهذا ظلت صورته ايقونة ترمز للحرية في كل بقاع الارض وانا اتمنى ان تكون اسماء محفوظ .. ايقونة رمزية لا تتغير الم يكن مبارك بطلا قوميا ايضا ؟ في وقته السلطة لها بريق السحر .. لها بريق اخاذ ... كم من رئيس كالقذافي اصيبوا بجنون العظمة ؟ نقطة رابعة كون اننا نسلم ان الكثير من النساء يفقن الرجال في العلم والثقافة والادب والشجاعة و غيره لكن ليس هذا ايضا معيارا كي نسلم انه ينفع توليهم مناصب لا تصلح لتكوينهم النفسي والجسدي ( بيولوجيا ) .. ليس الامر مرتبط بالمنصب الرئاسي فقط .. هناك عدة اعمال لم تخلق لها المرأة .. كالعمل في مناجم الفحم الرئاسة عبارة عن ضغوطات وضغوطات والمزيد من الضغوطات .. ان كان المطلوب منها ان تكون رئيسا فاعلا .. هل ستجد قوة في الحجة والضغوط واتخاذ القرار ام ستكون دمية في يد المستشارين .. سألوا احد ازواج الرئيسات في اوربا عن عدم ظهوره كثيرا في وسائل الاعلام فقال .. ظهور زوجة الرئيس معه يعتبره الناس دعما له .. ظهور زوج الرئيسة معها يجعل الناس ينظرون للزوج باعتباره دمية لها .. وانا لا اريد ان اكون دمية وايضا ليس هذا معناه ان نقول ان مكانها المطبخ .. نقطة خامسة ليس في اقوال الرسول - صلى الله عليه وسلم - او افعاله .. ما نخجل ان نذكره او نقوله في اي زمان ومكان ..

أخ طارق انت فاهم غلط الكلام عن لفتات الرئيس الانسانية من محمود سعد كان يوم موت حفيده وصادف حلقته يا اخى عايزه يقول ايه ( رغم انه ذكر قال رغم اتفاقنا او اختلافنا ) ده لو كافر لازم يعزيه فى موت حفيده دى اسمها اخلاق مش نفاق انا على كرهى لمبارك ولعلاء كان علاء صعبان عليا وحاسس بيه لانى كنت فى نفس موقفه خلال نفس الاسبوع نيجى بقى لشفيق يا راجل ازاى الشركة تقول لمحمود سعد ان مرتبه نزل ده كلو قبل حلقة مهمة زى دى متوقع لها اعلانات بالهبل حاجة من اثنين .. 1- شفيق اتصل بالشركة لما محمود سعد استقال ورتبو موضوع اعلان تقليل الراتب قبل موعد الحلقة وبعدين التلفزيون اخطر شفيق بالموضوع قبل موعد الحلقة 2- خطة ثعالبية للتخلص من محمود سعد وتقليل شعبيته بالضغط عليه بموضوع الراتب ليستقيل قبل الحلقة كما اعلنو فكر فيها

بسم الله الرحمن الرحيم حنبتدي ان شاء الله من خلال هذا الموضوع طرح معلومات عامه ومبسطه عن بورصة العملات الاجنبية ( الفوركس ) والتي من خلالها سنعرض ونجيب عن اي تساؤلات واستفسارات تخص هذا العالم الرائع المربح ان شاااء الله ,, وستكون طريقة تناول الموضوع من خلال اسأله واجوبه حتى تكون ابسط للفهم واسرع في توصيل المعلومه للجميع ,, س – ما معنى فوركس ! ج – هي اختصار لكلمة فورين اكستجينج Foreign Exchange يعني تبادل العملات الاجنبيه الكثير جداً من الناس لديهم فكرة مشوشة عن التعاملات في البورصات المحلية والدولية على حد سواء ويظل عامة الناس بمنأى عن هذا العالم المثير الذي تدار فيه مئات مليارات الدولارات يومياً في مختلف أنحاء العالم . فهناك الكثير من السلع والأوراق المالية التي يتم بيعها وشراءها في البورصات في مختلف أنحاء العالم . وهناك الكثير من أساليب وأشكال هذا التداول بعضها قد يأخذ منحى أقرب للتجريد ! وهناك أساليب تتطلب منك أن تمتلك كامل ثمن السلعة التي ترغب في شراءها من البورصة وهناك أساليب لا تتطلب منك سوى امتلاك جزء بسيط من قيمة السلعة التي ترغب في شراءها !! فليس شرطاً أن تكون مليونيراً ليسمح لك البيع والشراء في البورصات ! فبدفع جزء بسيط من السلعة يمكنك أن تشتريها ثم تبيعها مرة أخرى وتحتفظ بالربح كاملاً لك وكأنك دفعت ثمنها كاملاً مما يعطيك الفرصة للحصول على أرباح تفوق رأسمالك بأضعاف مضاعفة وبفترة قد لا تتجاوز بضع ساعات بل أحياناً بضع دقائق ! . يسمى هذا الأسلوب بالمتاجرة بنظام الهامش .وهو أسلوب يمكنك إستخدامه في كافة الأسواق المالية وعلى مختلف أنواع السلع والأوراق المالية بما فيها العملات . عن طريق هذا الأسلوب يمكن لأي كان أن تتاح له فرصة التداول في البورصات الدولية بما فيها بورصة العملات . يظل العائق هو المعرفة ! فقلة هم من يعرفون كيف يمكن العمل بهذا المجال وقلة من يعرفون بوجود هذا الأسلوب أصلاً !! ليس بعد الآن ان شاااء الله .. فمعا سوف نبحر في هذا العالم ولمن لا يريد ان يستمر في الابحار يكفيه شرف المحاوله و معرفة ثقافة الاستثمار .. ويمكنك الاستعانه بخبراء محترفين بعد ذلك !!! فالتعامل والمتاجرة بالأسواق المالية وبنظام الهامش لا يتطلب معجزات والمتاجرون في البورصات لا يزيدون عنك ذكاءاً باي حال من الأحوال . كل ما هنالك إنهم يعلمون ما لا تعلمه أنت ! فإذا أتيحت لك الفرصة لفهم أساسيات العمل في البورصة وبشكل تدريجي ومبسط وخالي من المصطلحات الإقتصادية المعقدة يمكنك وبكل بساطة من أن تصبح أحد المتاجرين في البورصة . هكذا وبكل بساطة ! ستفهم مالمقصود بالمتاجرة بالعملات ؟ وستفهم كيف يمكنك أن تربح من شراء العملة وبيعها . وستفهم كيف يمكنك أن تجنى الربح سواء ارتفع سعر العملة أم انخفض . وستفهم كيف يمكنك أن تبيع وتشتري ما يعادل مئات الآلاف من الدولارات من العملات الدولية وأنت لا تملك سوى بضع مئات من الدولارات . وسنستعرض العديد من الفتاوى الصادره من جهات لها ثقلها واحترامها والتي احلت فيه التداول في الفوركس وفق ظوابط شرعيه معينه سنتعرض لها بمشيئة الله تعالى ,,, وبسم الله الرحمن الرحيم نبدأ ,, وفي انتظار اسألتكم اولا ,, ثم نكمل الشرح بعد ذلك ,,,

احترم كل ما تكتبه يا أستاذ : أحمد وأنا وضحت وجهة نظري في مداخلات متعددة وكل من اختلفوا معي في حكمي هذه المرة هم أفاضل أقدرهم ولم يسبق لي أن اختلفت معهم فيما سبق وأيضا أنا لم أقصدك وكلامي ليس موجها لك على الخصوص وارجع إليه ولكنه نتاج مواقف متعددة كما وضح لي أن كلامك هو نتاج مواقف متعددة أيضا ولكن الكلمة المظللة بالأحمر وهي ( بالطريقة القذرة دي ) لم أغضب إلا من كلمة دي التي لم تجعل الكلام عاما ولكنه المشار إليه هنا عموما لك كل الاحترام أستاذ : أحمد وأنا وضحت إني نقلت عمن لا ينبغي أن أنقل عنه وعموما آسف جدا لو كنت زعلتك فأنت أخ لي تحياتي

الحياه تيقن بان بضاعه الله هى الرابحه فمتى بذلت الثمن فهنيئا لك منزله الشهاده و صوره هذا الشهيد تقول لكم ما اعظمها من منزله لو كنتم تعلمون ..........

أهداء لأخوتنا اللى الصائمين مش حاحنسكوا زى الناس دوكهما انا حاقدم لكم الوجبة اللى بتزهقوا منها والمقررة عليكم ، لكن جيبت لكم معاها حاجة كده تحرش لكم اللأكل

مدام أغابي أخجلتم تواضعنا وإن كان ده من بعض ما عندكم وخدي دي ... إن شاء الله تعجبك الحياة قطرات من السعادة ننتظرها بلهفة وتروينا وإن كانت مجرد قطرات

طيب إذا افترضنا ان مبارك ذمته زى البرلنت من أين لجيمى ال 30% حصته فى هيرمس؟ و من أين لهم كل هذه العقارات بالخارج يا جدع ده الوديعة اليتيمة بتاعة بنك سويسرا دى كانت باسم مبارك من التمانينات أمال فى التسعينيات و الألفية الجديدة عمل قد ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عجبى على اللى لسه بيدافعوا عن مبارك مرة واحدة هبلة قالتلى لو كان حرامى كان هرب بره قلتلها ده لو كان حرامى هاوى لكن ده حرامى صايع و بيصيع على شعب أصيع منه

http://youtube.com/watch?v=np2-d4NU8oU

إذا فقدت بلوفر سبعة (v neck) فقد يعود إليك....إن لم يعد فهو مِلك أحمد شفيق

يااااااااااه داحنا كنا ظالمين الراجل ويا عيني كل اللي حوشهم من مصروفه هما مليارين ثلاثه شعب مفتري صحيح ثروة مبارك 3 مليار ومبارك قعد علي نفسنا 30 سنة يعني السنة بـ 100 مليون دولار = يعني نصف مليار جنية سنوياً ده صحيح طلع فوق مستوي الشبهات

ياجماعه ماقام بة السيد المستشار النائب العام ماهو الا اجراء احترازى فقط يتم اخذة عندما يقدم ضد الشخص عدد كثير من البلاغات الى ان تنتهى النيابة العامة من تحقيقاتها وتنظر هل هذة البلاغات صحيحة ام غير صحيحة فننتظر الصبر حتى نر ما سوف تقولة النيابة العامة

لــمـّة حـــلوة دفء وحـــــب حتى لو كنا مزنوقين زيهم كدا

الرأي الذي أتفق معه للبرادعي هو وعلى فكرة ده مش اقتراحه لوحده على الا يترشح اي منهم للرئاسة فيما بعد بس ياريت يلتزم وما يغيرش كلامه بناء على "مطلب شعبي"

والله العظيم كنت ناوي أفتح موضوع النهاردة تحت عنوان " المطالبة برد شرف وأعتبار للرئيس وعائلته " فلا مؤخذه اللي بيصحل ده قلة أدب ... وإلا : 1- يعني إيه تجمد أرصدة واحد وعائلته وزوجاتهم بدون إتهام رسمي ؟ طيب .. لو هو مجرم أثم ومتهم .. ما حققتش معاه ليه لحد دلوقت ؟ ولو هو بريء ... يبقى بتجمد أمواله واصوله ليه ؟ الغريب إن ما فيش حد من العيلة رد ... مما يعني إنهم ما عندهمش أصل ههههههههههههههه ( مفرد أصول ) وكله متسلك حيث المجاهل وسكة اللي بيروح ما بيرجعش . زي دبي والبحري والصين والدول اللي عندها غسالات ضخمة بتغسل فيها الأمول واللي يحصلني يكسرني .... فوجئت بالخبر ده الأن .. طب بتمنعه ليه ؟ إيه هو متهم ؟ بس كده من غير تحيق ولا عمبوكه ولا تحفظ عليه ؟ ولا بريء وبتغلس عليه ؟ ولا بتثبتنا وبتنيمنا ويبقى الحال كما هو عليه وأهو بيتنعم بأصولة وملياراته اللي مش متجمده وما عندوش مشكلة يسافر بره طالما مزقطط في شرم وعايش كرئيس حالي بكل معنى الكلمة ؟ عيب ... إحنا ناس كبار .. ولأول مره نصبح اصحاب البلد .. ولأول مره يخرج المارد من القمقم وينتفذ وينتزع حقه ... فإما الشفافية في كل الأمور أو ليذهب هؤلاء جميعاً إلى الجحيم حيث المكان الذي يليق بهم .. ونتولى نحن مقاليد الأمور ... وكما قلتها من قبل هي إما أن تكون ثورة كاملة .. وإلا فلا ..

مش عارفه انا فهمت غلط ولا فعلا العنوان بيوحي بشيء مخالف لما هو في المضمون ؟ يعني الي فهمته من العنوان ان كان في لقاء للشباب مع المجلس العسكري واتفقوا فيه على عده امور اهمها رحيل حكومه شفيق وحل امن الدولة .. ومن صيغه العنوان كده يفهم ضمنا ان المجلس العسكري وافق على الكلام ده واتفق مع الشباب خلاص .. بينما الي يفهم من نص الخبر ان الشباب اتفقوا بينهم وبين بعض انهم هيطلبوا المطالب دي من المجلس العسكري الي لسه بطبيعه الحال لم يبت فيها .. هل انا كده فاهمه صح ؟ اتمنى اكون فهمت غلط لان فعلا العنوان مهم جدا وعسى يكون صحيح .. لو مش كده يبقى ياريت يتغير العنوان بما يتماشى مع الخبر ..

ياسلام لو المهندس هانى عازر يمسك وزير النقل والموصلات عندنا اليى عاوز يعرف مين هو المهندس هانى عازر افعص هنا

نتيجه عمله 9 مليون فى شرع مين ده يعنى 750000 الف جنيه فى الشهر يعنى 25000 جنيه فى اليوم يعنى 1041 فى الساعه وناس تانيه مش لاقيه 300 جنيه فى الشهر ودول بيعملو برضه يا استاذ مصطفى انت ناقص تحاسب الراجل عن الناس اللى غرقوا فى العباره الراجل لو بياخد مليار جنيه مفيش حد له عنده حاجه طالما الفلوس دى اكتسبها من طريق حلال يعنى لا غش واحد ولا سرق طالما بيطلع الضرائب بتاعتها وعلى فكره كنت قريت ان محمود سعد اكتر واحد بيدفع ضرايب فى مصر مع انه مش اعلى دخل يعنى وطالما بيطلع الزكاه بتعتها غير كده ملناش نتكلم معاه انا فاتح شركه عندى مدير بيدخلى ملايين فى السنه فيها ايه لما اديله سبعه مليون فى السنه ؟ مهو كل الشركات المحترمه بتعمل كده على فكره يعنى هم مش بيدوا محمود سعد 7 او 9 مليون علشان خاطر سواد عيونه هما بيدلوا الفلوس دى لانهم بيجب اكتر منها مية مره وده قانون البيزنس اما بقى فيه ناس بتاخد 300 جنيه وناس مش لاقيه تاكل ده متسالش فيها محمود سعد ده اسال فيها الدوله لانها هى اللى المفروض تراعى الناس محمود سعد مواطن طالما يبيطلع الضرايب والزكاه يبقى شكراً اما بالنسبه بقى لطبيعة شغله وانه عايش حياته وانه مبيعملش كده علشان خاطر الناس يعنى وانه بيتاجر بهموم الناس والكلام ده وانه له احندته الخاصه اللى بتخدم مصالحه فالكلام ده يعتبر تدخل فى نوايا العباد التى لا يعلمها الا الله اللى لينا عند محمود سعد مواقفه والضرايب والزكاه غير كده يبقى اسفاف مالوش اى لازمه ونعمل زى بعض الناس اللى بتحقد على الاغنياء لما ميلاقوش فيهم عيب يقعدوا بقى يقولوا بس ده مش بيصلى جماعه وكأنهم هم اللى بيحاسبوا الناس على الصلاه يعنى ؟ تحياتى عنبو

ارجو من الادارة النظر فى تغير عنوان الموضوع والباب الموجود به حتى لا نشوه الاعلاميين الشرفاء .

أستاذة ورئيسة قسم clp:: تعرفي يا ماما سلوى مرة سألت والدي الله يرحمه ليه الصداقات قليلة و نادرة بين النساء و كثيرة بين الرجال و تكون مغلفة بالجدعنة و التماسك رد و قال لي عشان المرأة نظرتها أعمق من الرجال فهي تفهم و تقرأ الشخصية اللي قدامها بسرعة يساعدها في ذلك قوة حدسها ( الحاسة السادسة) بينما أغلب الرجال لا يتقنون ذلك و قد ينخدعون طويلا في أشخاص يتبين خستهم بعد ذلك و يكفي جدا أن المرأة على مر العصور و حتى الآن و إلى قيام الساعة تظل لغزا غير مفهوم بالنسبة للرجل بينما هي تفهمه تماما و تعرف كيف تحتويه تحصل على ما تريد و ظاهريا هو الآمر الناهي و الدليل أن المرأة هي التي بمقدورها الحفاظ على زوجها و حماية بيت الزوجية من الانهيار إذا كانت بالحكمة الكافية و دون أن تتنازل عن خضوعها و تسليمها المحببين جدا إلى زوجها بينما الرجل لا يمكن أن يحافظ على بيته و أسرع شيء على لسانه الطلاق و إنهاء كل شيء في لحظة و من يحاول المحافظة على بيته بالصبر على أذى زوجته يتم اتهامه في رجولته و ان لم يجد من يتهمه يقوم هو باتهام نفسه إلى كل من قالوا الولايات المتحدة يحكمها رجل أقول كوندايزا رايس هي من كانت تحكم في عهد بوش و هيلاري كلينتون هي من تحكم الآن في عهد اوباما و وراء كل رجل عظيم امرأة ....أعظم منه بمراحل بس احنا بس مبنحبش المظاهر :vian:

ياترى إيه الضرورة الملحة اللى تخليك تعيد نسخ ولصق هذه الكلمات من موضوع آخر فى هذه المشاركة وياترى نتوقع لطعها فى مواضيع تانية مستقبلاً ولا ستكتفى بهذا القدر؟!!! عموماً أقولك الفرق من وجهة نظرى عشان أجاوبك. الفرق إن البرادعى رفض إنه يترشح فى مناخ فاسد وانتخابات مزورة, وده لو حضرتك بتفهم سلوك واحد واثق من نفسه ومستعد للمنافسة الشريفة وبيستند لشعبية حقيقية وإرادة شعبية حقيقية. أما مبارك فهو قائد نظام فاسد استولى على السلطة بالتزوير والبلطجة, ولا يثق فى نفسه لذلك يرفض رفضاً تاماً إجراء انتخابات نزيهة عشان عارف مكانه وترتيبه حيكون الأخير, وإن مالوش تأييد شعبى إلا من الفاسدين المزورين أمثاله. طلب أخير, ياريت تجيب لنا دليل على السطر ده: اولا احد الاعضاء نبهني لان موضع المشاركة هو هذا الموضوع وليس في المكان السابق ونصحني بنسخها ليراها الجميع ثانيا ارجو وجود اسلوب ارقى لردك علي من السخرية والتسفيه واستعمال مفردات لطعها ونحوها ثالثا البرادعي اعاد اعلان انه لن يترشح بعد سقوط النظام ثم قال ساترشح كمطلب شعبي رابعا ارجع للموضوع ده http://www.alaahd.com/arabic/?action=detail&id=60568 والموضوع ده http://alsa7wa.wordpress.com/2010/07/09/%D8%AD%D9%82%D9%8A%D9%82%D8%A9-%D8%AF%D9%88%D8%B1-%D8%A7%D9%84%D8%A8%D8%B1%D8%A7%D8%AF%D8%B9%D9%8A-%D9%81%D9%8A-%D8%A7%D9%84%D8%B9%D8%AF%D9%88%D8%A7%D9%86-%D8%B9%D9%84%D9%8A-%D8%A7%D9%84%D8%B9%D8%B1/ الكاتب قال ان تهديد البرادعي بالاستقالة كان في تقرير الوكالة الدولية لمجلس الامن بتاريخ 19/3/2003 لو الجل مفترى عليه ياريت ينشر التقرير المقصود لتبرئة ساحته

محاكمات علنية وتشهير بالناس دى هو الحل البلد فى حالة حرب مع سرطان الحزب الوطنى والمستفيدين منه من بلطجية وشرطة و رجال اعمال وغيرهم

‏الحملة الوطنية للقضاء على جهاز أمن الدولة... بعض ماكتبه المظاليم على جدران أمن الدولة

يعني الطالب لما يقعد في الحصة غصب عنه ، خصوصا و ان هوه عارف انه حيشتغل في مكان بعيد تماما عن الكلام اللي بيدرسه ده ده من مصلحة الطالب اللي قلتلك عليه ده كله استخلصته من التجربة الفعلية والحقيقية وموضوع ان الطالب عارف انه هيشتغل حاجة غير اللي هيتعلمها ده يرجع لخلل تراكمي في المجتمع كله وفي ادارة الدولة بشكل عام وانا شخصيا ليا فكر علاجي يخص الموضوع ده ولكن لو عرضته هيختلف معاه كثيرين انا مقتنع تماما ان انظمة الحكم اللي عايشناها كان يهمها بشكل كبير تغييب الشعب واكبر وسيلة لتغييب الشعب هي الغاء التعليم وتهميشه وايصاله الى الانهيار فكلما كثر الجهلاء زاد الامان للقيادة المستبدة والتي تبحث عن مصلحتها ولا اعني هنا بالجهلاء هو من يجهل القراءة والكتابة بل الكثير من خريجين الجامعات حاليا جهلاء حضرتك ممكن تلاحظي أمر هاااام جدا هاتي شاب عمرة فوق ال35 سنه وشاب حديث التخرج اعملي للاتنين اختبار في الاملاء صدقيني هتشوفي نتيجه مفزعه ولو ان الزام الطالب بالحضور في المدرسة يتنافى مع حقوق الانسان كانت وكالات ومنظمات حقوق الانسان اتكلمت وهاجت على الموضوع ده لا تنسي انها موافقة على الزامية التعليم حضرتك بتتكلمي من وجهة نظر أم عايزة تريح عيالها اسمحي لي - عايزة تريح دماغها من توصيل الابناء للمدرسة والسندوتشات والصحيان بدري

غياب الطالب يخضع للائحة وليس قانون وجميع اللوائح التي تقوم عليها التربية تم وضعها من خلال متخصصين بعد دراسات وافية للميدان ومشاكله وتم التفاق عربيا واكاد اقول عالميا على مجموعة من اللوائح تنظم العمل المدرسي بالكامل ما اقتنع به تماما من خلال عملي في مجال التربية ان جميع اللوائح بما فيها العقوبات هي في مصلحة الطالب أولا وأخيرا وحضور الطالب والتزامه في المدرسة أمر ضروري ومهم للغاية وهذا ما يتهاون به اولياء الأمور وتحول الامر في مصر خاصة الى اتكال كامل على الدروس الخصوصية ومن هنا نكون قد زرعنا في ابنائنا مبدأ عدم الالتزام مما يؤثر سلبيا على مستقبلة المهني وفي حال تغيب الطلاب شبه الكامل عن المدرسة والاكتفاء بالنجاح في الاختبارات - كما تفضلتي حضرتك وكما يعتقد الكثير من اولياء الامور فسوف يترتب على ذلك نسف التربية والتعليم من الاساس فالطالب هو محور العملية التعليمية وهو الاساس الذي اقيمت من اجله كل هذه المنظمات فبغياب الطالب لا داعي لوجود معلمين في المدرسة ولا داعي لوجود ادارات مدرسية وبالتالي لا داعي لوجود ادارات تعليمية تراقب عمل المعلم والمدرسة وفي النهاية سوف يتحول دور وزارة التربية والتعليم الى جهة تطبع الكتب المدرسية لتوزيعها على الطلاب ثم اجراء اختبارات فترية ينجح فيها من ينجح ويرسب من يرسب ويتحول التعليم الى المنازل فقط استاذتي جويرية احد اهم اسباب انهيار التعليم هو تحوله من الفهم والتعلم الى الحفظ والتلقين لوضع هذا المحتوى في الاختبار والنجاح فقط دوووون الحصول على معلومة مفيدة ومهمة ففي المدرسة توجد مختبرات للعلوم والكمبيوتر ومختبرات لغوية وتوجد وسائل تعليمية تفيد جدا في ترسيخ المعلومة لدى الطالب لا يستطيع المدرس الخصوصي حملها الى حيث يقيم الطالب لن اطيل عليكي كثيرا ولكن ما اود تأكيده ان غياب الطلاب وعدم انتظامهم في المدرسة مشكلة - اكاد اقول عنها مصيبة - تهدد مستقبل الوطن بالكامل اعتذر على الاطالة

لو سمعتوا مكالمة انس الفقى وهو بيقوله يا محمود ده انت بتاخد 7 مليون جنيه هتلاقى كلام شفيق مايفرقش كتير عن انس وهما الاتنين من نظام فاسد واحد والاتنين ايضا غرضهم التشويه لشخص محمود سعد سمعت كلمة للجويلى بيقول فيها لمحمود سعد.....إن النظام الفاسد السابق كان كل ما يلاقى حد محبوب شوية يهدموه ويقولوا لا يغطى علينا واعتقد دى حركات النظام البائت....وبكده اقدر اقول ان شفشق يا راجل لازم يمشى

محمود سعد ،،، أكتسب الشرعية الثورية لما وقف جمب الشباب و الثورة من يوم 25 ،، و ده موقف متسجل زيه زي عمار الشريعي (( صاحب أول طلعة جوية و صاحب أخترناه )) و زي غيرهم كتير مش هنقعد ندور ورا كل واحد يمكن قال كلمة حلوة مرة في حق مبارك أما رزقه مادام بالحلال ،، فربنا يباركله فيه لو بالحرام يتحاسب و نص

هو ليه في خلاف يا جماعة؟؟؟ كل واحد بيقول رأيه و كلنا رجالا و نساء لنا بطاقات رقم قومي و كل واحد حيدي صوته للي يعجبه و عرضنا لآراءنا هنا لن يؤخذ به في الانتخابات لما يبقوا السيدات يرشحوا نفسهم اللي موافق يديها صوته و اللي معترض يدي صوته للي يعجبه أستاذي الفاضل طائر الليل الحزين هو يعني المرأة يا تبقى رئيسة جمهورية يا تبقى في المطبخ؟؟؟!!!! مفيش حاجة في الوسط يعني؟؟؟ و بعدين من امتى المطبخ كان عار تعيّر به النساء؟؟؟ يشرفني أن أدخل المطبخ و أطعم أسرتي و يشرفني أن أحمل و ألد و أرضع أطفالي و يشرفني أن اتعلم و أحصل على الشهادات و يشرفني أن أعمل و أساعد أسرتي ماديا بل أن الكثيرات هن العائل الوحيد لأسرهن النساء قوة كبيرة و هن شقائق الرجال و هناك منهن من تساوي ألف رجل ليست مشكلة النساء أن البعض يرى أن الرجولة الحقة هي القدرة على إذلال المرأة وانتقاص قدرها الانصاف فرض و ليس فضلا و هو ليس منة يتم تقديمها ثم يبدأ بعدها المن والأذى متى قال الرسول الكريم صلى الله عليه وسلم هذا الكلام و أين؟؟؟

ومع هذا يبدو ان الكثيرات من السيدات الشرقيات يعرفن مكانهن تماما،بل يفضلنه...........(المطبخ) المرأة لا هي طباخة و لا خدامة عشان حضرتك تتهم المرأة الشرقية بانها عارفه مكانها ساءني جدا تعبير حضرتك مش كون سيدات فضليات اعترضن على ترشيح المرأة ان دا تهميش لدور المرأة او اخرها تقعد تقشر بصل و تخدم على اسرتها كلامنا في النقطة دي كلنا واضح مسؤولية دولة بحجم مصر و المخاطر المحيطة بيها مش هاتقدر عليه امرأة لو غلطت و دا وارد الكل هايعلقلها المشانق و اولهم هايكون حضرتك و غيرك من اللي بيدعوا لرئاسة المرأة و كمان دا رأينا و لازم يحترم مش يتاخد بتريقة و كلام مهين

الاخوه الاعضاء لقد دوما تعودنا ان نتكلم من القلب-او البوء- سويا في السراء والضراء واعمالا لمبدأ الشفافيه والذي ننتهجه دوما ونظرا لما لوحظ مؤخرا من لغط حول قتل العضو الفاضل زوهيري احب ان اوضح بعض الحقائق 1-العضو الفاضل كانت عنده اجندات ايوه اجندات وخارجيه كمان وقد اقنعناه مرارا باستعمال الاجندات الداخليه حيث انها كالملابس الداخليه لا تسبب التسلخات الا انه ابي الا استخدام الاجندات الخارجيه المسببه للتسلخات 2-واحد هايقولي وعرفتو ازاي انها خارجيه اقوله قبل مايموت علي طول دخلت عليه لاقيته بيتكلم في التليفون وبيقول في نهايه المكالمه( باي ) ولما سألت علي معني تلك الكلمه طلعت كلمه انجليزيه بالاضافه الي انه وهو بيموت بعد اول طلقه قال (اوووه) ماقالش اي زي مااي عضو عربي عادي بيقول وهو بيتفتل واخيرا لما خلص ووقع علي الارض وقع علي جنبه الشمال وليس علي ظهره كما يموت اي عضو محترم وانتم عارقين طبعا ان الانجليز بيكتبوا من الشمال لليمين 3-كانت عنده خطه لافساد مباني الدوله قبل موته حيث انه طرطش دم علي الحيطه اللي كانت وراه لا ومش كده وبس ده قعد يستعبط وهو بيموت ويتمسح في الحيطه بعد ما انضرب اكنه بيتوجع يعني والمعروف ان اي قتيل يحترم نفسه بيقع علي الارض علي طول عشان مايوسخش الحيطه وقد تم خصم تكاليف دهات الحيطه من معاش المرحوم والله الموفق

رصد | الجيش و الشعب ولعبه المستهبله بقلم محمد دياب _______________________ لو بتقري المقاله دي، ارجوك تحاول تحرر نفسك من اي افكار مسبقه ... تعالي ننقاش اللي بيحصل بمنتهي الحياديه ... هنتكلم عن اكتر ملف حساس دلوقتي... الجيش كلنا تقريباً متفقين علي وطنيه الجيش و اهميه دوره في الوقوف الي جانب الثوره ... و من كتر ما احنا كشعب دايماً نفسياً محتاجين لكبير، فبسرعه عملنا الجيش كبيرنا و بصراحه الناس كانوا قد المسؤليه، وانا شخصياً و عقلاء كتير طلعنا بندعو بالتهدئه و اهميه الثقه في الجيش دايماً كلامهم مطمأن، و تأكيد ان كل المطالب هتتحقق بس المشكله الوقت ... و كان ناس بتطلع و تقول المشكله مش مشكله وقت ولا حاجه دول بيطبخوا حاجه و ده جزء من الثوره المضاده ...بصراحه مكانش عندي رأي قاطع و بل بالعكس فضلت اني ابدأ العلاقه بالثقه بس الواحد بدأ يلاحظ بعض الاشياء بماتفسر: ان يتم تغيير جميع الوزراء الا وزراء الوزارات السياديه(الوزارات التتي تتحكم حقيقه في مقاليد الامور وزاره العدل "السلطه التشريعيه" علي رأسها ممدوح مرعي -المعروف بأنه اكثر من نكل بالقضاه المعارضين وزاره الداخليه "السلطه التنفيذيه" علي رأسها محمود وجدي – وزير الداخليه يوم موقعه الجمل والذي فاجأ الجميع منذ ايام بتصريحات من العصر القديم عن القله المندسه و القناصه الاجانب و لم يعترف بأي تقصير من جانب الشرطه مما ادي لإعاده الاحتقان بين الشرطه والشعب ... و ظهر مدير امن دمنهور بعدها بنفس الطريقه القديمه يهدد و يتوعد بل و يقر انه يحاول الايقاع بين الشعب والمتظاهريين وزير الخارجيه "الاتصال بالعالم" علي رأسها احمد ابو الغيط، الذي بشهاده الخبراء هو اسوأ من تولي وزاره الخارجيه، و هدد المتظاهريين اثناء الثوره ان الجيش لن يسمح بالفوضي – أي التظاهرات عدم تغيير رؤساء الصحف القوميه (المطبلاتيه) حتي الآن – عندما صرح احد قاده المجلس العسكري في العاشره مساءً طالباً منهم ان يستقيلوا اتصل به رئيس الشئون المعنويه اللواء اسماعيل عتمان(علي الهواء) يعاتبه علي تصريحه، و يطلب من رؤساء الصحف القوميه الا يستقيلوا اللي هيقرا اهرام السبت هيعرف هما مغيروهمش ليه؟؟ الاهرام بتستعبط و تقول ان الناس نزلت امبارح عشان تحاكم مبارك و الفساد!!!!!!! مجابوش السبب الرئيسي و الوحيد للمظاهره و هو اسقاط حكومه شفيق ... يعني نفس العاب زمان لما شفيق يوقف اعاده برنامج واحد من الناس اللي كان فيه ابراهيم عيسي بيطالب بإسقاط شفيق!!!و يتوقف عمرو الليثي من الخروج علي الهوا عشان الباقيين يخافوا لما وزير الاوقاف "الازهري" يتعمد ان يدعوا الشيخ محمد حسان "السلفي" في مسجد النور، و هو عارف ان هيجيي ملايين وانه هيتكلم عن الماده اتنين من الدستور ... عشان يخوفوا بيه المسيحيين ... مع ورود معلومات عن ان فيه جهات امنيه بتسخن المسيحيين عشان يصروا علي تغيير الماده اتنين، فتحصل مواجهه بينهم و بين السلفيين الا يثير كل هذا الشك في النفوس ... ارجوك فسرلي لماذا يختار شفيق ان يظل في مواقع السيطره الحقيقيه اشخاص تابعيين لأقصي درجه للنظام القديم؟!!! مش طبيعي ان الفار يبدأ يلعب في عب ناس كتير؟؟ و هبقي اكثر وضوحاً و اسأل بصراحه: لماذا يريد (الجيـــــــــش) مش (شفيق) ان يظل رجال النظام القديم في السلطه؟ الحقيقه ان الشعب و الجيش بيلعبوا مع بعض لعبه (المستهبله ) الجيش هو اللي بيعمل كل حاجه بس يروح مستهبل و ملبسها لشفيق ... يقوم الشعب عشان عاوز و محتاج يصدق ان الجيش هو بابا و ماما وانور وجدي، يروح مستعبط و مهاجم شفيق و ينزل في مظاهرات ضده ... و يعمل انه مش واخد باله ان المسؤل الحقيقي هو الجيش الثوره المضاده اللي الناس بتتكلم عليها، بتحصل تحت سمع وبصر الجيش و الشعب يروح مستهبل تاني وفرحان قوي بالبيان اللي بيؤكدوا فيهم تصديهم للثوره المضاده ... طب فيييييين!!!!! عاوزين تقضوا علي الثوره المضاده شيلوا اي واحد ليه علاقه بالنظام القديم لما يطلع فيديو لمدير امن دمنهور بيقول فيه صراحه انه بيحاول يقوم الناس علي المتظاهريين ... ده مش محاولات ثوره مضاده!!!! دي لوحدها يتشال فيها وزير الداخليه بعد ده كله ما تفتكروش ان من حق الناس انها تطالب بإقاله حكومه شفيق!!! مش من حق الناس انها تخاف علي ثورتها!!! مش من حق الناس انها تبقي متأكده ان فيه مؤامره ولااااااازم يتصدولها .... مش من حقها انها اضعف الايمان انها تظن ان لو النظام القديم في ايده كل ده، ممكن يدعم مرشح في انتخابات الرئاسه و يبقي كأنك يا ابو زيد ما غزيت! ... مش من حق الناس انها تتظاهر و تطالب بالتصدي لمحاولات إجهاض الثوره دي و تبات كمان في الميدان زي ما هي عايزه؟ طبعاً كل ده كوم و اللي حصل الجمعه 25 فبراير كوم تاني ... الجيش ضرب المتظاهريين و طردهم بالقوه!!!! انا مش مصدق عدم الحكمه بتاعه اللي خد القرار ده!!!! تضربونا عشان شفيق!!!! هو شفيق اهم من مبارك؟؟؟ هو شفيق اهم من مصر؟؟؟؟ ولا فيه حاجه بتدبر؟؟؟؟؟؟؟؟؟؟؟؟ للأسف مفيش تفسير تاني هتقولي الكلام الخايب بتاع اصلهم كانوا بيتظاهروا بعد الحظر ... هقولك ان لولا الناس اللي فضلت تتظاهر 18 يوم بعد الحظر مبارك عمره ما كان هيمشي هتقولي حرام عليك اديهم وقت ... هقولك فووووووووووووووق ... هما كان عندهم وقت يغيروا كل الوزارات و معندهمش وقت يغيروا التلات وزارات المتحكمين في البلد!!!؟ هما ليه اتحججوا قانونياً بأنهم ميقدروش يعزلوا حد من الصحف القوميه و في ثانيه لما حبوا راحوا عزلوا نقيب الموسيقين منير الوسيمي!!!؟ هتقولي حرام عليك الجيش هو اخر حاجه نتسند عليها ... هقولك نفس الكلام اللي كنت بقوله ايام اسقاط مبارك .. وجه اتهاماتك و احباطاطك في المكان السليم .. للي بيحاولوا يسرقوا الحلم .. مش المطالبين بالحق .. للأسف ضرب الجيش للمتظاهريين تسبب في بدايه النهايه للعبه المستهبله ... و الناس هتبدأ تكسر خوفها من ان ميكونلهاش ضهر و هيبدئوا يواجهوا تخوفاتهم الحقيقيه و اوعي تقولي الجيش اعتذر، الاعتذار يكون بتحقيق المطالب اللي الناس عاوزاها ... مشوا حكومه شفيق انهارده قبل بكره ... قبل ما الناس تفقد الثقه تماماً فيكوا و ساعتها هيبقي مطلب اساسي تكوين مجلس رئاسي و هو بصراحه عين العقل في اعتقادي ان فيه انقسام حاد بين قيادات الجيش، بل انا متأكد ان ده حاصل و بدعي ربنا ان الجانب اللي مع الحق ينتصر بسرعه، لأن الحق و الشعب هينتصر هينتصر بإذن الله علي فكره معظم اللي بيقولوا نسيب حكومه شفيق، و بيصفوا القرار ده انه عين التعقل هما اللي مش بيفكروا بعقلهم بل بيحركهم العاطفه .. عاطفه الخوف ... اقولك علي دليل؟ فاكر لما كنت بتتفرج علي الثوره في تونس و مشي بن علي و جه الغنوشي .. بذمتك كنت مع التونسيين في انهم يسقطوا الغنوشي ولا لأ؟ طبعاً كنت مع اسقاط الغنوشي، و الغنوشي بالظبط هو شفيق ... بس عشان كنت شايف من بره، من غير خوف و عارف تحكم بعقلك و الله العظيم انا بقول الكلام ده عشان بتمني ان صوره الجيش متدمرش تماماً في عنين الناس ... و ده مش هيحصل الا بالتخلص من النظام القديم بجد مش كده و كده و نصيحه : ابوس ايدك ما تكونش رأيك من علي الفيس بوك ... كون رأيك من الجرائد المستقله، من مثقفين حقيقيين ... كون رأيك من المحللين الموثوق في استقلالهم ونزاهتهم ... عمرو حمزاوي، مأمون فندي، عمرو الشبكي، حسنين هيكل ، فهمي هويدي، وائل قنديل ... انا ذكرت بعض المستقليين مش معارضيين عشان متقولش دول كانوا معارضين مالأول . ننصيحه اخيره للساده الزملاء الثوار "العصبيين" بالراحه علي الناس شويه ... لو اختلفوا معاكوا و مش فاهمين وجهه نظركوا فهموهم .. محدش يتعامل انه معاه صك الحقيقه المطلق، هتخسر كده الناس ... و طبيعي ان الناس تبقي متلخبطه، و طبيعي ان خوف الناس كلها بما فيهم انا مخلينا بنتمني نلاقي ضهر نتسند عليه ... حتي لو معني كده اننا نغمي عنينا عن حقايق واضحه ... متخلوش الناس تكره الثوره ، انا عارف انكوا بيصعب عليكوا انكوا بتضحوا و بيطلع عينيكوا و فيه ناس بتنتقدكوا بس القفش هيخسرنا الناس ... اللي من غيرهم مفيش ثوره علي المستوي الشخصي، لو اللي بيقري متابع مواقفي، فأنا بحاول ابقي متزن و ناديت مع مجموعه من الناس الي التهدئه والتسامح مع فكره القوائم السوداء و فتح صفحه جديده مع الشرطه بعد ما يعتذروا ويتحاسب المخطيء ... "يعني انا مش من المعاندين" بس انهارده بقولها بمنتهي الوضوح ... الثوره في خطر ومحتاجه كل واحد فينا ... و بلاش الناس تكرر اخطائها تاني و تفتكر ان الوطنيه هي التهدئه ... الوطنيه هي التعقل قبل اصدار احكام، و مسانده القرار اللي يحافظ علي مكاسب الثوره .. بدل كل التضحيات دي ما تبقي راحت هدر ... و انا عن نفسي في الشــــــــــــــــــــــــــــــــــارع و يا ريت مصر كلها تبقي في الشارع يوم الجمعه

فعلا الثورة في خطر فهي تحارب ضد المنتفعين والمشككين والمتأمرين والمزيفين والجهال وما أكثرهم في كل مكان فنحتاج لإعلام غير الإعلام ووجوه غير الوجوه وسياسة غير السياسة أناقش الناس فيما تقولونه هنا فأجد نفسي في واد والجميع في واد وكأن الأماني كانت علاوة أو منحة أو زيادة أو ترقية أما كافة المعاني والمبادئ التي تكفل للناس حياة كريمة آدمية فلا معنى لها عند كثير من العوام وكأن منتهى الأمل في الثورات أنا يأخذ هذا علاوة ويمنح ذاك زيادة الثورة تسرق من أبطالها إلى آخرين يتسمون بأسمهم الثورة لم تكن لتقدم الضحايا حتى يعين بدلا من زيد وعبيد الحاج زيد والحاج عبيد وكأنك يا أبو زيد ما غزيت ولا قمت بثورة

RT @AHegazy: كلما اقترب خلع حاكم تحدثت أمريكا عن بديله وتحدثت سويسرا عن رصيده --" (وتحدث رؤساء العرب بأنهم ليسوا مثله) #jan25 #egypt #arab

صفحة اللشمسية اللى ورا القذافى عالفيس بوك ودى رسالة من ادمن الصفحة للناس اللي مش بتعمل شير للبيج .. ستندمون حين لا ينفع الندم .. من أنتم .. من أنتم .. دقت ساعة الديليت .. دقت ساعة البلوك .. الله أكبر .. لا رجوع إلي الأمام .. شير .. شير.. شير :)

كلامك يا تيمور يرجعنا لموضوع سن الرئيس واللي كان رأيي فيه انه لا يجب ان يكون اقل من 40 سنة وبشرط انه يكون متمرس في السياسة عقلها اكبر بكتير من سنها ,, طاقه صافية بيور من العزيمة والوطنية الحقيقية ,, مابتنامش وفدائية ومقاتلة ان صح التعبير ,, عقلها اكبر من سنها بكام سنة يعنى يا تيمور؟ وهل الحجات اللى انت قولتها هى المتطلبات الوحيدة لرئيس الجمهورية يعنى لا خبرة سياسية سابقة ولا عسكرية ولا حد دارس ادارة طيب هى اسماء تعرف تعمل لنفسها جدول انتخابى القصة مش كدة خالص يا تيمور مش اى حد يطلع يقول شوية كلام حلو او عنده شوية حماس نعينه الرئيس وهو ميعرفش فى ادارة شئون الدولة ومنظماتها حاجة (مع احترامى لاسماء) هى بنت كويسة بس معندهاش كل مقومات انها تمسك منصب سياسى يعنى اسماء محفوظ هيبقى عندها القدرة عالتفاوض مع اثيوبيا بخصوص مشاكل حوض النيل وهتروح اليابان تقعد مع مستثمرين وتقنعهم بالمناخ الاستثمارى فى مصر عشان تشجيع الاستثمار وهتقعد مع قادة الدفاع الجوى تشوف استراتيجية الدفاع عن مصر اظن انك كنت بتهذر يا تيمور

السلام عليكم ورحمة الله وبركاته يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ " صدق الله العظيم كلكم لأدام وأدم من تراب ما هذا يا اخواني ان هذا الموضوع الذي تناقشون يذكرني بالجاهلية والله انه لمن الجاهلية لقد نهانا الاسلام عن التفاخر بالانساب ولقد ساوي الاسلام بين بلال وباقي الصحابة ولم يفرق بين احد منهم ارجو من الادارة حذف الموضوع لمخالفته قواعد الدين الاسلامي الحنيف وحرمة النقاش فيه