لوحة القادة

على معظم القنوات الان اجتماع عاجل للمشير طنطاوى مع سامى عنان وبعض رجال الدولة من ابرزهم مع حفظ الالقاب محمد البرادعى احمد كمال ابو المجد نجيب ساويرس عمرو موسى المستشار مرعى كمال الجنرزوى لبحث الوضع الحالى والانتخابات المقبلة

بعد ان تم عرض فيلم حرب المحاورات الجزء الثالث جاءت الرياح بما لا تشتهي السفن وانقلب السحر على الساحر متيجو نشوف http://www.youtube.com/watch?v=I2UWi9FFgIQ

الحل برأيي ان يقوم الجيش باستدعاء مليون شخص من جنود وضباط الاحتياط ثم يتم تقسيمهم علي اغلب قطاعات الجمهورية ليقوموا بدوريات مشاه في الشوارع لفرض هيبة الدولة باي ثمن بالتعاون مع بعض الشرفاء في الشرطة لكن الشرطة التي تمتنع عن العمل يتم تسريحها فوراً وبمجرد فصل 10-20 ضابط من الشرطة سيعودون للعمل سواء شاؤا او ابوا لأن كثير من ضباط الشرطة يتصرفون بعقلية اجرامية فهم اما يهينوا المواطن ويتعدوا علي حريتة او يمتنعون عن العمل وده منطق مرفوض

ههههههههه بجد تعليقات كلها دمها خفيف بصراحة فعلاً الست بتتعب جدا ( والا ماكانتش الجنة تحت أقدام الامهات ) والراجل كمان ياجماعة بيتعب ....... بس لو الست بتشتغل كمان بيبقي ضغط كبير اوي عليها ....... وكل اللي والدته امرأة عاملة بيقدر دة كويس اوي الست مش محتاجة اكتر من التقدير ...... معاملة الستات دي اصلها فن ....... والفنان هو بس اللي يقدر يخلي مراته تتحمل كل دة بابتسامة رضا لو عرف يعاملها ازاي كنت بشوف جدي - رحمة الله عليه - فناااااااااااااااااااااااااااااااااان ........ وعلي الرغم ان ظروف عمله كانت بتخليه يلقي المسئولية علي جدتي ( لأنه كان بغيب عن البيت كتير ويسهر ف المواقع وبيسافر كتير ) الا انه كان دايماً بيعرف يعاملها كويس اوي ...... ويعرف يقولها شكراً ازاي كل راجل يقدر يوصل لدة لو هو عايز .......... كل راجل عارف كويس اوي مراته بتتعب اد ايه ......... وعارف انها ساعات كمان بتتعب اكتر منه ........ وعلي فكرة التكنولوجيا مش بتشتغل لوحدها .... محتاجة ايد ووقت وجهد يشغلوها والتكنولوجيا مش كفيلة انها تحافظ ع الاولاد وتراعيهم الست بتوهب حياتها كلها لجوزها وبيتها ............ والراجل بقي بيشيل حتة كدة علي جنب لصحابة والكافيه وخروجات ومشاوير علشان يعمل ريفرش لحياته يبقي كلمة شكراً وربنا يخليكي ليا وبوكيه ورد جميل .... مش كتيييييييير ولا كيلو كباب افيد من الورد يايسرية ؟؟؟ ( وش خالد صالح في احلي الاوقات )

أتفق مع الزملاء فى آراؤهم وبالأخص أ/ أحمد سيف فى ضرورة أنهاء هذا الوضع الشاذ سياسيا و أمنيا وتنحية حكومة شفيق وتعيين حكومة تكنوقراط تراعى المبادئ الوطنية والمهنية فى تأدية مهامها فى تلك الفترة الانتقالية ، كما أننى اقترح أقتراحا وأرجو ان يتم أطلاقه بشكل مجتمعى عام وهو ضرورة ألغاء كلية الشرطة .... لايوجد فى العالم كله كليات يتم فيها تخريج ضباط شرطة الا فى مصر واعتقد السويد أيضا ... النظام المعمول به فى العالم كله شبيه بالنظام الانجليزى وهو الجندى المحترف ( الكونستابل ) والذى يتم قبوله فى معاهد او مراكز او اكاديميات شرطة يحصل فيها على دورة مكثفة لمدة 6 شهور وبعد تخطيها يتم تعيينه فى سلك الشرطة ويرتقى حسب الاجادة والتفانى فى العمل ، ويمكن للراغبين فيهم الترقى لمرتبة الضباط عن طريق دراسات ودورات خاصة ، يحصل فيها على رتب أقصاها عقيد أو حتى نقيب يكون قائدا لنقطة شرطة أو حتى مديرا للامن والذى جعلنى اطرح هذا الاقتراح هو ذلك الفشل الدائم والمزمن لمنظومة الشرطة فى مصر بمضاعفة أعداد الضباط على حساب فرد الشرطة العادى من متطوعين ورجال درك وحتى مخبرين . فالملاحظ فى مصر هو كثرة عدد الضباط حتى انك تصطدم بسيادة العميد والعقيد وهو ينظم أشارات المرور فى شوارع القاهرة والاسكندرية !! .. كما أنك تجد فى الاقسام السيد / الباشا رئيس المباحث على سن ورمح وتحت رئاسته 4 او 5 مخبرين فقط لاغير ، كما ان معظم ضباط الشرطة تحولوا الى كتبة و اعمال ادارية أين أفراد الدرك وحراسة الشوارع ولاتقولوا الأحداث الاخيرة هى التى أخفتهم ولكن هذا تم منذ عشرون عاما مضت واستعوضوا عنهم بعدد من الأفراد المجندين -درجة رابعة - يقودهم أمين شرطة ومخبر يجمعا الاتاوات من اللصوص والبلطجية .. كل ماتغير هو خروج البلطجية من الحوارى والشقوق الى الشوارع العمومية بتشجيع من قيادات الامن المتخلفة والجاهلة حتى نستجير ونصرخ ولايوم من أيامكم ياشرطة الهنا ..ده كلام وهل هذا يعقل فى دولة مدنية فى القرن الواحد والعشرون وبماذا يختلفون عن ضباط الاربعينيات فى القرن الماضى - أيام الملكية - عندما كانوا يجدون جثثا فى النيل فى زمامهم فيقوموا بأزاحتها لتعوم مع التيار وترسى على شاطئ مركز شرطة تالى ويخلصوا من وجع القلب .... بصراحة كله من جيل زمن الرشاوى للالتحاق بكلية الشرطة ...

السـلا م عليكم ورحمـة الله وبـركـاته صباح الخيـــر عليكم جميعاً .. =================================== عندما يتحد الساري مع لماضة مصرية جداً فماذا تتوقعون ؟؟ بهذا الصباح تكتمل ثلاثية ( حرب المحاورات ) ..افلام الثورة المجيدة الخاصة بمنتدى محاورات المصريين .. كرنفال التشويق .. فانتازيا الاثارة ابطالها .. انتم .. قصتها .. اسقاط من الواقع على الخيال .. واسقاط للخيال على الواقع ... وبينهم امور خلطة غريبة .. حرب .. قصف .. اسرار .. الغاز .. معركة خفية تدور رحاها هنا بمنتدى محاورات المصريين منذ قرون ولا زال لهيبها مشتعلا هل انت مستعد كي تخوض الحرب ؟؟ .. انها معركة جبارة .. ثورة .. لا اسرى .. قتال الى النهاية .. لمن لم يشاهد هذه السلسلة من قبل انصحه بمتابعة اجزائها السابقة كي يفهم اصول المعركة .. والثارات المبيتة .. فيلم ( حرب المحاورات ) .. الجزء الاول فيلم ( حرب المحاورات ) .. الجزء الثاني ============================= اما من شاهد الاجزاء السابقة .. فانصحه بتكبير حجم الشاشة .. ورفع الصوت .. وغلق الابواب .. فالحرب قادمة انها يا سادة حرب المحاورات .. مش هز اكتاف .. والا اقول لكم .. ما تيجوا نشوف ؟؟؟؟؟؟؟؟؟ http://www.youtube.com/watch?v=748FWZtqX4M

رسالة زوجة مستريحة و متهنية إلى جوزها اللى مهنيها على ما أعتقد أن دي أول رسالة حب من زوجة مصرية تكتبها بكامل قواها العقلية دون أي مقاصد شخصية و لا مغانم مادية. دي رسالة بريئة خاااالص أتشرف و أنفرد بنشرها بإسم كل الزوجات اللي بيموتوا في أزواجهم زوجي الحبيب: أقر و أعترف أنا الموقعة أدناه بكامل إرادتي الحرة و قواي العقلية إني مدلعة، و مرفهة و مش مقدره مجهودك و تعبك معايا أنا و العيال. يا سبعي يا جملي. يا مستتني و مريحني و موريني الهنا كله. ماهو إحنا كده يا ستات ما بيتمرش فينا و ما بنقدرش النعمة اللي إحنا فيها إلا لما تزول.الشر برة و بعيد يا حبيبي.عشان كدة أنا فكرت كتير يا حبيبي إزاي أريحك و أعوضك عن الشقى اللي أنت شايفه معانا مالقيتش غير إني أبدل معاك الأدوار و أشيل بدالك المسؤليات. ماهو من حقك تشوفلك يومين دلع حلوين إنت كمان.أنا هروح الشغل كل يوم أشقى و أتعب علشانكم. و هصرف على البيت و أنت بقى كل اللي عليك أنك تستريح و تتبغدد. بس ما تنساش يا حبيب شوية حاجات صغيرة أنا كنت بعملها. معلش أنت قلت بنفسك قبل كده دي حاجات متتعبش حد :تصحى من النوم قبل زقزقة العصافيرتكوي هدوم المدارس للعيال و تصحيهم و تشطفهم و تفطرهم و تلبسهم و تحضرلهم السنداوتشات و تنزلهم يركبوا الأتوبيس.بعد كده تيجي تصحيني و تحضر لي الحمام و الفطارو طبعا عقبال ما أخلص تكون حضرت لي هدومي عشان أروح الشغل حاكم أنا هشقى و أتعب علشانكم.ما تنساش قبل ما تنزل تجري على شغلك،(و تتشعلق في أي مواصلة علشان تلحق توصل في معادك من غير ما تسمع كلمتين في جنابك من مديرك) تسيب اللحمة برة التلاجة تفك عشان الغدا.و أنت راجع بقى الظهر يا حبيبي في عز الزحمة عدي على السوق جيب الغدا و اتزنق في طابور العيش و طير على البيت عشان تلحق تنضف الخضار و تحضر الرز و السلطة و تسيب الأكل يستوي عقبال ما تحمي العيال.أصلي ماحبش أي أكل بايت.أنت عارف يا حبيبي إني بشتغل عشانكم فمن حقي أكل اللي أنا عايزاه.بعد الغدا أنا هدخل أريح شوية و أنت بقى أدخل على المطبخ إغسل الأطباق و إكنس الأرض و حط الغسيل في الغسالة حاكم الحاجات دي ما تستناش .خلاص يا حبيبي هانت.فاضل بس تذاكر للعيال.تعمل معاهم الواجبات و تراجع حفظ النصوص و الدراسات الإجتماعية و تمليهم و تحل معاهم مسائل الرياضة.بس لو حد فيهم جاب نمرة وحشة هزعل منك و أقلب الدنيا على راسك علشان ده يبقى أسمه إهمال و تسيب يا روحي.أنا هقوم بعد كده أنزل أعمل كام مشوار مش مفهومين.المهم أي حجة علشان أسيب البيت و أنزل أشرب لي كابيتشينو في أي كوفي شوب مع صاحباتي أصلي مش هقدر أشرب حجرين على القهوة.و أ رجع البيت بالليل ألاقيك حضرت كيكة و لا أي حاجة حلوة أكلها مع العشابعد ما تكون عشيت العيال و نيمتهم و نشرت الغسيل اللي هتلمه بكرة بعد ما ترجع من الشغل و تقف ثلاث ساعات على رجلك تكويه علشان المكوجية أصبحوا مفتريين بس خالي بالك يا حياتي من كسرة رجل البنطلون أصلها تفرق معايا جدا.أما بقى في الويك إند يا حبيبي فتصحى مع الفجرتنفض البيت و تمسح الأرضو تغسل الحيطان و تحط فنيك و ديتول في الحمامات و تنضف النجف و بعد ما نصحى أنا و العيال تحضر لنا الفطار و تهوي الفرش و ترش الأوض.أصلي بحب البيت بيبرق.أنا هنزل يا حبيبي أزور ماما بعد الغدا.أصلي ما بعديش عليها إلا كل أسبوع مرة و دي ست الحبايب زي ما أنت عارف.أنت بقى فاضي على طول.ممكن تعدي على والدتك أي وقت.ما أنت هتبقى مدلع و متهني و طبعا مش محتاج لا تخرج و لا تتفسح.هنروح فين في الزحمة يوم الجمعة يعني.ده غير المصاريف.المهم في ده كله أن كل يوم ألاقيك واخد دُش و متأنتك و حالق دقنك ) لإنك مش هينفع تحط مكياج( و مستنيني بإبتسامة حلوة سعيدة . إمضاءزوجتك المستريحة المتهنية

واقع مر نواجهه جميعا هو غياب الشرطة أو قل غياب الأمن فى الشارع المصرى .. و يتمثل ذلك فى زيادة عدد الحوادث بطريقة مقلقة. ما سبق كان إستهلالا لابد منه أعرف أكثر من عائلة قررت ألا ترسل أبنائها إلى المدارس فى الظروف الحالية ، سمعت مصطلح جديد هو "تثبيت" المواطن - رجلا أو سيدة أو طفل - فى الطريق العام و يعنى سلب متلكات أو مقتنيات ذلك الشخص تحت تهديد السلاح. بل سمعت عن أفراد يهاجمون عربات السيدات فى ترام الإسكندرية و يقومون بالإستيلاء على مصوغلا و نقود السيدات بالقوة. فى القاهرة فى الزمالك - و الخبر على لسان الفاضلة منى الشاذلى فى برنامج القاهرة و الناس - تهجم بعض الأشخاص على مايكروباص أحد المدارس و طلبوا مبلغ 100 من السائق تحت تهديد السلاح. أعرف عائلات توقفوا عن الذهاب للدروس الخصوصية بعد الظهر. السؤال ما الذى حدث ؟ هل ترك رجال الشرطة عملهم ؟ هل حدث ما يؤدى إلى أن عبء الأمن أكبر من طاقة أجهزة الأمن ؟ هل يمكننا تعزيز جهاز الأمن بأفراد و تشكيلات عسكرية؟ هل يمكن المسارعة بتخريج دفعات سريعة من كليات الشرطة تدرس مواد الشرطة فقط و لبس مواد الحقوق ؟ هل يمكننا إلحاق رجال الشرطة الحاليين بالقوات المسلحة بغرض إعادة تأهيلهم ؟

للاسٍف هذه أفة موجوده في مجتمعنا ويتمادى المسئولون فيها بدون أي إحساس بالهبل والهطل ... - ما دفعني إلى كتابة هذا الموضوع أيها السادة هو هذا الزخم من الإعلانات الموجهة اللي المفروض إنها عشان تنشيط السياحة الخارجية ... لإن السياحة مصدر هام من مصادر الدخل القومي واللي إنضربت في مقتل نتيجة ثورة 25 يناير .. وبما إن الثورة كُللت بالنجاح فالمفروض الأمور تعود كما كانت خطوة خطوة ... - لكن لما أفتح التليفزيون كل شوية الاقي كمية إعلانات عبيطة ومستعينين في بعضها ببعض السياح الأجانب عشان يقولوا " مصر هلوه ... ومبروك لمصر ... وأي أم ستوته فروم هولاند وذيس إذ صاهبتي أم إبراهيم فروم بلجيوم ..... وتعالوا زوروا مصر ... وحلو يا حلو " يبقى ده منتهى التخلف ... لإن اللي بيعمل كده ما عندوش أدنى فكره عن حاجه إسمها Communication skills .. يعني مهارات التواصل .... اللي تعني بمنتهى البساطة إني لما يكون عندي رسالة مُعينة عاوز أوصلها .. باكون أنا المُرسل ... وهناك بالتأكيد مُستقبل ... وهناك رسالة .. وهناك طريقة لتوصيل الرسالة وهناك لغة أو طريقة مكتوبة بها الرسالة يعني من غير وجع دماغ ... لو أنا عاوز أوصل رسالة للعالم الخارجي اللي بييجي منه السياح .. أقوم اردم الدنيا إعلانات عبيطة موجهه للشعب المصري في قنواته الفضائية أو المحلية عشان أقول لهم الدنيا أمان وأرجعوا بقى إنتوا وحشتونا قوي ؟ ما هذه العقليات المتحجرة التي لا تعرف العالم وما حولها أو على رأي إخوانا في الخليج " ما يدرون الله وين حاططهم " ؟ - تماماً تماماً كما حدث في مهزلة ملف كأس العالم 2010 .... والذي لم يتم محاكمة أي أحد مسئول عنه .. واللي خدنا فيه " صفر بجدارة " صفر واحد يا باشمهندس ؟ طب خليهم صفرين .. طب تلاته مش عشان إحنا دولة ما عندهاش موارد وما بتصرفش .. لأ لأ ... ولكن لإننا واخدينها عافيه ... ومشي حالك وأنا الواد الفهلوي .. وأنا بأفهم في كل كل كل حاجه في الدنيا .. بُص يا سيدي إحنا نرصد ميزانية بالملايين .. ونردم الدنيا لجان وإعلانات ومجات وتي شيرتات مكتوب عليها " كأس العالم مصر 2010 " ونبدأ بأسوان وبعدين ندخل على اسيوط ونختمها بزفتى .. زفتى مدينة جميلة جداً على فكرة وهاتدعمنا جامد في ملف كأس العالم اللي مسئول عن إختيارة 24 عضو في الفيفا " الإتحاد الدولي لكرة القدم " بيُمثلوا اللجنة التنفيذية للفيفا وفي نفس الوقت بيمثلوا قارات العالم الست .... ومن ضمنهم قارة زفتى طبعاً ... وبالتالي الناس اللي في سويسرا وبيدرسوا الملفات لما يلاقوني بأزور زفتى وميت غمر والسنبلاوين .. قلبهم هايرق ويقولوا " أصيل يابو أحمد .. لأ يا واد تستاهل تنظم كاس العالم " وكمان لما ييجي أعضاء اللجنة يزوروا مصر .. لازم أعملهم عشوة حلوة ديوك رومي وحمام محشي وبابا غنوج .. ورقصة التنورة إوعى تنسى التنورة .. وفرقة فول كلور نوبي عشان أبلفهم وأظبط دماغهم .... ما هذا التهريج الذي كان يتزعمه عقلية متحجرة توقفت عن التفكير يمكن في الستينات أو السبعينات من القرن الماضي .. وأعني هنا مبارك اللي عدى كل اللي حواليه بالتخلف والتحجر وطبعاً لإن في مصر كله منفد على كله .. فكان رئيس الملف هو هشام عزمي إبن عم زكريا عزمي .. واللي حلف برقبته إن معظم أعضاء اللجنة التنفيذية معانا وإنهم حلفوا له بشرف مامتهم جميعاً إنه صوتهم هايروح لمصر ... وكانت النتيجة " صفر " كبييييييييييييييييييييير لإن ببساطة أهم ملاحظتين كتبوهم في الملف أبو صفر .. إن ولا ملعب كرة قدم عندنا به حمام للسيدات عشان يعملوا بيبي .... وإن الطريق من مطارة القاهرة لحد الفندق اللي عالنيل اللي أعضاء اللجنة نزلوا فيه كان عبارة عن مطبات وعملوا عليها طريق و و و و و وكانت النتيجة " صفر " صفر إدارة .. صفر مهارة إتصال أو تواصل .... لإني ما بأعرفش أتكلم ... ولا بأعرف انا باتكلم مع مين .. ولا إيه ثقافته .. ولا إيه الطريقة اللي بيفهمها لكن أنا كل اللي إتعلمته في حياتي .. إني باعرف أتكلم لغة أجنبية كويس جداً .. لكن لكن ما الفائدة إني بأتكلم لغة مع ناس هم أصحاب اللغة لكني مش فاهم ثقافتهم .. وبالتالي انا باكلمهم بطريقتي أنا ... زي عبد الفتاح القصري في فيلم تقريباً إسمه " ليلة الجمعة " لما كان بيتكلم إنجليزي لبلب فبيقول لواحده إنجليزية Did you enter the life ? Or you didn’t write the book ? يعني إنتي ما دخلتيش دنيا أو حتى مكتوب كتابك ؟ أحلى تواصل وأحلى لغة ... فأيها السادة المحترمون .... إحترموا أنفسكم ودعوا الأمور لاهلها .. ومش عيب إني أقول إني أنا وزير أو مسئول لكن مش بأفهم في النقطة دي وعشان كده هاجيب اللي بيفهم فيها ومش عيب إني اتعلم منه .

من أفضل المقالات التي قرأتها حول الوضع الحالي في مصر

كان ممكن اقول حلو وروعه وخلاص .. وكان ممكن اطلع كما دخلت ومكتبش تعليق .. بس بما اني بجد معجبة بجدا بموهبتك في الاخراج وكمان واضح ان عندك مواهب في المونتاج والخدع السينمائية فبصراحه حرام موت تضيع المواهب دي بدون ماكما العاده ادلي بدلوي واقول ملاحظاتي .. هقول ياسيدي واجري على الله ... المميزات ان الفيديو اجمالا ظريف يعني معقول بس مكدبش عليك مقدرتش اكمله للآخر عارف ليه ؟ الموسيقى سيئة جدا .. ظلمت الفيلم جاااامد .. من جهة مش لايقة خالص مع الاحداث ومن جهة ثانية تحس انها موسيقى ( بتنيم ) يعني بتسبب الملل وغالبا ده السبب اني مكملتش الفيلم .. حاول لما تختار الموسيقى تخليها موحية بالحالة الي حابب تحط فيها المشاهد .. يعني اختيار الساري في فيلمه الاخير لموسيقى سلسلة القادمون ـ اتوقع بقوة ان الموسيقى دي من اختيار لماضه ـ كان موفق جدا لان الموسيقى توحي بالمؤامرة بشده وتخلي المشاهد في حالة قلق وتحسسك ان امسك اعصابك هتسمع دلوقت خبر يصدمك .. والاهم بتحمسك تتابع مشاهده .. بعكس الموسيقى الي في فيلمك تحسسك انك بتتفرج على تيتانيك وهيظهر امامك دلوقت نخيل جوز الهند .. لون الخلفية الي بدأت بيه الكليب ومشي معاك في معظم المشاهد غير موفق الى حد ما لانه مرتبط ذهنيا عندي انا شخصيا بعبوة البامبرز .. على فكره الي عمل الحركه دي برضه ومعرفش فاتت عليهم ازاي سلسلة ساندويتشات مؤمن .. اخذوا نفس الشعار تقريبا ونفس اللون واتوقع انهم هيندموا على الحكاية دي مستقبلا .. خذها مني كمغرمه بالتسويق .. متختارش الوان لها ارتباط ذهني بمنتج شائع عشان مياثرش ده على حكم المشاهد .. ولو حصل فخذ مثلا حاجه فيها حماسه زي مثلا الوان مارلبورو او ام بي سي اكشن .. وهكذا .. اللون الي انت اخترته زي ماقلت لك وديع جدا ومرتبط ذهنيا بالطفولة ودي احد نقاط ضعف الفيلم والي ممكن جدا ساهمت في اغلاقي المبكر للكليب .. وبما اننا هنتكلم عن الطفولة فالحركة الي عملتها في الصورة الرمزية لسين سين ملعوبة بحرفنة تستاهل عليها تهنئة .. متقنة جدا .. بس تعرف ايه المشكلة ؟ الوجه شديد البراءة والصوت صوت راجل كبير التركيبة دي اصابتني انا شخصيا بنوع من الاشمئزاز او لنقل ( الجزع ) .. لو استخدمت شخصية حلاوة العنتبلي او عادل ادهم زي مابيعمل الساري وبرضه ركبت عليها اي صوت تاني وحركته بنفس الطريقة كانت بقت ملعوبة موت .. اقول كمان ولا كفايه ؟ كفايه عشان متحدفش بحاجه . . عموما الخلاصة التقييم جيد جدا نظرا لان ده مجهود شخص واحد ولانه تم في فترة بسيطه بس هقولك على ملاحظتين اخيرتين ممكن جدا لو اخذت بيهم تطلع درر .. اولا حط في ذهنك وانت بتعمل الكليب الحالة الي عاوز المشاهد يبقى فيها او الرسالة الي عاوز توصلهاله وبناء عليها اختار الموسيقى والخلفيات والشخصيات والاحداث .. ثانيا مفيهاش حاجه ابدا لو استعنت بسيناريست محترف زي الرفيق لماضه كده وهتبقى في الحاله دي زي التقاء العمالقة لينين الرملي ومحمد صبحي الي كانوا بيعملوا درر غير عاديه لما يجتمعوا اما لما ينفصلوا فسبحان الله اعمال مستواها ممكن احيانا اقل من العادي .. فكر كده وباذن الله تتحفنا بقنبلة المرة الجايه ..

أنا شايفة الحل ده تفكير خارج الصندوق و الصندوق ده اللي عايزنا ندخل فيه .. وزارة الداخلية واضح من تصريحاتهم و تصرفاتهم على أرض الواقع إنهم لم يتغيروا بعد الثورة بل بالعكس يحاولون الثأر لكرامتهم التي جرحت أثناء الثورة لا أعلم إمكانية تطبيق فكرة استدعاء جنود الاحتياط و لكن البلد الآن تمر بأحداث قد تهدد أمنها القومي فإن لم نلجأ لجنود و ضباط الاحتياط الآن فمتى؟ و أنا باقول قد تهدد الامن القومي .. لأني على ما أسمع من الأقارب في مصر إن الوضع الأمني لم يختلف كثيرًا عن قبل الثورة فكنا نسمع عن حوادث التثبيت من قبل أيضًا المهم أن يكون القائمون على الأمر .. صادقوا النية في إعادة الأوضاع إلى طبيعتها بالفعل الحل ده رائع ولكن لابد من التنبه إلى أمر هام.. أن الفاسدين من الداخلية لا يمكن ببساطة لي ذراعهم وكسر غرورهم، أوتركهم (يخبطوا راسهم في الحيط) وعزلهم من عملهم لابد قبل هذا إحكام السيطرة عليهم بقيادات من الشرفاء لأن ممكن ببساطة يتحولوا لعمل عصابات تخريبية على مستوى عالي مننساش أنهم معاهم سلاح، وعندهم خلفية جيدة لحياكة مخططات تخريبية ، وكانوا موجودين بصفة دائمة في مطبخ الفساد المطلوب إحكام الرقابة عليهم وإدارتهم من قبل الشرفاء قبل تهميشهم وتخييرهم بين العمل بشرف أو العزل من العمل

الاخوه الاعضاء لقد دوما تعودنا ان نتكلم من القلب-او البوء- سويا في السراء والضراء واعمالا لمبدأ الشفافيه والذي ننتهجه دوما ونظرا لما لوحظ مؤخرا من لغط حول قتل العضو الفاضل زوهيري احب ان اوضح بعض الحقائق 1-العضو الفاضل كانت عنده اجندات ايوه اجندات وخارجيه كمان وقد اقنعناه مرارا باستعمال الاجندات الداخليه حيث انها كالملابس الداخليه لا تسبب التسلخات الا انه ابي الا استخدام الاجندات الخارجيه المسببه للتسلخات 2-واحد هايقولي وعرفتو ازاي انها خارجيه اقوله قبل مايموت علي طول دخلت عليه لاقيته بيتكلم في التليفون وبيقول في نهايه المكالمه( باي ) ولما سألت علي معني تلك الكلمه طلعت كلمه انجليزيه بالاضافه الي انه وهو بيموت بعد اول طلقه قال (اوووه) ماقالش اي زي مااي عضو عربي عادي بيقول وهو بيتفتل واخيرا لما خلص ووقع علي الارض وقع علي جنبه الشمال وليس علي ظهره كما يموت اي عضو محترم وانتم عارقين طبعا ان الانجليز بيكتبوا من الشمال لليمين 3-كانت عنده خطه لافساد مباني الدوله قبل موته حيث انه طرطش دم علي الحيطه اللي كانت وراه لا ومش كده وبس ده قعد يستعبط وهو بيموت ويتمسح في الحيطه بعد ما انضرب اكنه بيتوجع يعني والمعروف ان اي قتيل يحترم نفسه بيقع علي الارض علي طول عشان مايوسخش الحيطه وقد تم خصم تكاليف دهات الحيطه من معاش المرحوم والله الموفق

فعلاً .. لا تظهر معادن الرجال إلا عند المحن والشدائد ... ومهما حدث من سحب وغبار عارض .. فيظل الذهب والمعدن الأصيل أصيلاً .. لإن المهم هو الجوهر .. فما أسمعه في تلك الأيام ومنذ بدء المحنة الليبية وهروب الأجانب العاملين هناك إلى دول الجوار سواء مصر أو تونس أو الجزائر وهي من الدول التي لها حدود مع ليبيا المترامية الأطراف ... يجعلني أتوجه بالشكر إلى الشعب التونسي والجزائري لما قدموه من مساعدات إنسانية وحُسن إستقبال لإخوانهم المصريين الفارين من جحيم القذافي ... مره أخرى .. الف الف تحية لنشامى العرب ورجالها الحقيقيون الذين يسمون فوق كل تفاهات وكل صغائر ...

احمد رشدي من مواليد 1924 يعني عنده 87 سنة

طب ليه منقلبشي السحر علي الساحر ؟؟؟ الناس مش فاهمة يا جماعة الحرية و العدالة الاجتماعية و حقوق الإنسان و الثورة المضادة و فلول النظام الناس يهمها الأمن و أكل العيش ،، ليه الثوار ميزودوش في مبرراتهم لإقالة شفيق يا راجل و وزير داخليته فشلهم في عودة الأمن قال اولوياتي عودة الأمن !!! طب فين الأمن ؟؟؟

يا ريت والله يا سمبا الدكتور الجنزوري بيجمع بين حاجتين الكفاءة الإدارية والقبول الشعبي أنا لا يمكن أنسى حواره مع منى الشاذلي أنا ساعتها قلت مين أحمد شفيق ده ( مع كامل احترامي ليه ) عشان يبقى رئيس وزارة الجنزوري في ساعة واحدة مع منى الشاذلي فنط أحوال البلد الاقتصادية كلها. مش هنسى لما فضح حكاية دعم البترول اللي حكومة الفاسدين كانت كل شوية تتكرم علينا بيها... وقالها إن ده مش دعم ولا حاجة على الرغم من نظافة يد الدكتور الجنزورى ( كما سمعنا عنه ) وإعتزازه بنفسه ( يقال ان سبب تركه رئاسة الوزارة كان اعتزازه بنفسه ) إلا أننى أود أن أذكر ببعض الأشياء التى يجب ان توضع فى الإعتبار ، النظافة مطلوبة بنسبة 100% والكفائة مطلوبة بنسبة 100% ايضا دكتور كمال الجنزورى كان رئيس وزراء المشروعات العملاقة الغير ناجحة أذكر منها مشروع توشكى ، والذى قررت محكمة القضاء الإدارى بمجلس الدولة ، إحالة دعوى بطلان عقد بيع 100 ألف فدان من أراضى الدولة إلى شركة المملكة التى يرأسها الوليد بن طلال لهيئة مفوضى الدولة ، تلك الأرض التى كان قد وافق على تخصيصها مجلس الوزراء برئاسة كمال الجنزورى فى مايو 1997 مقابل 50 جنيها للفدان بإجمالى قدره 5 مليون جنيه دفع الوليد منها مبلغ مليون جنيها. أذكر أيضا أن كمال الجنزورى كان أول من رفع احمد عز الى عالم الشهرة ، فبعد ان تعرف احمد عز على جمال مبارك قبل منتدى دافوس فى عام 1996 ، قام كمال الجنزورى ( ربما بايعاز من جمال مبارك ) بارسال كل من يوسف بطرس غالى (كان وزيرا للدولة للشئون الاقتصادية) وابراهيم فوزى (كان وزيرا للصناعة) مع أحمد عز إلى إيطاليا كى تضمنه الحكومة المصرية لدى الملياردير الايطالي "دانيللي" صاحب أحد مصانع الحديد في ايطاليا ومنحه قرضا قيمته 600 مليون دولار حتي يستطيع عز انشاء مصنع للصاج على الأرض التى خصصتها له الدولة فى عهد الجنزورى فى منطقة خليج السويس. كمال الجنزورى هو المسئول عن المليارات الضائعة فى أزمة البنوك حيث انه أراد بحسن نية مساعدة رجال الإعمال الذين لانعرف كيف نالوا ثقته ففتح لهم ابواب الإقتراض من الينوك بدون ضمانات كافية ( فى تصورى ) ليترك رئاسة الوزارة تاركا وراءه فضيحة ضياع 80 مليار جنيه على البنوك. هو رجل طيب نعم حيث لم يتهمه أحد بأن ايده مش نظيفة ، كان استاذا ووزيرا للتخطيط نعم لم نقل شيئا ينفى ذلك ، ولكن ربما كان تفكيره وأفكاره لاتزال تعيش عصور الإشتراكية والفكر الإشتراكى وفى نفس الوقت اراد ان ينتقل الى نظام اقتصاد السوق والذى يختلف بشكل كبير عن نظام الاقتصاد الإشتراكى فكانت تلك التعثرات التى حدثت. ربما ايضا انه كان يريد تخليد اسمه بمشروعات عملاقة غير مدروسة جيدا او ربما كانت مجرد دراسات قديمة او حديثة لم تضع فى حساباتها تغير الانظمة الاقتصادية فى العالم وبالذات فى منطقة الكتلة الشرقية والتى كانت تنتهج النهج السوفيتى. الحقيقة اننى ارغب ان يكون رئيس الوزراء من العقول المنفتحة على العالم الآن ، والا يكون قد شارك فى وزارات العهد البائد . وبعدين ياجماعة كمال الجنزورى عمره تجاوز الـ 77 عاما ويعانى من مشاكل صحية ، سيبوه يستريح وكفاية انه يكون فى وضعية المستشار. لكن رئاسة وزارة لأ. الأستاذ الفاضل محمد بكل تأكيد كمال الجنزوري رئيس حكومة المشروعات الكبرى و بكل تأكيد أيضاً أن تلك المشروعات أثبتت فشلها و لكن متى كان ذلك ؟ لقد فشلت تلك المشروعات بعد ترك الدكتور كمال الجنزوري رئاسة الحكومة 1999 و ذلك لأن عاطف عبيد هو من تلاه في رئاسة الحكومة و قد كان عاطف عبيد مثالاً قياسياً على الفساد .. إن مشروعات كمال الجنزوري لا يمكن إدارتها و إستثمارها إلا بكمال الجنزوري نفسه أو بجنزوري آخر .. في خبرته و وطنيته و درايته العميقة بمشكلات مصر الإقتصادية و يكفي أن دكتور كمال الجنزوري فتح باب الإقتصاد المنتج و اللذي بدوره يساعد على رفع الناتج القومي و بالتالي رفع قيمة العملة بينما من أتى بعده عمل على فتح باب الإقتصاد المربح و هبط بقيمة العملة ( تعويم الجنيه كان بعد إستقالة الجنزوري بأيام ) لقد سميت حكومة الجنزوري بحكومة مصالحة المواطنين بالنسبة لمسئلة عمر الجنزوري .. فالحكومة ستكون مؤقتة .. لمدة 6 أشهر أو سنة و لا يوجد أحد يمتلك حب و ثقة الشعب المصري بقدر ما يمتلكهم الجنزوري في هذه الفترة العصيبة من تاريخ مصر

يا ريت والله يا سمبا الدكتور الجنزوري بيجمع بين حاجتين الكفاءة الإدارية والقبول الشعبي أنا لا يمكن أنسى حواره مع منى الشاذلي أنا ساعتها قلت مين أحمد شفيق ده ( مع كامل احترامي ليه ) عشان يبقى رئيس وزارة الجنزوري في ساعة واحدة مع منى الشاذلي فنط أحوال البلد الاقتصادية كلها. مش هنسى لما فضح حكاية دعم البترول اللي حكومة الفاسدين كانت كل شوية تتكرم علينا بيها... وقالها إن ده مش دعم ولا حاجة على الرغم من نظافة يد الدكتور الجنزورى ( كما سمعنا عنه ) وإعتزازه بنفسه ( يقال ان سبب تركه رئاسة الوزارة كان اعتزازه بنفسه ) إلا أننى أود أن أذكر ببعض الأشياء التى يجب ان توضع فى الإعتبار ، النظافة مطلوبة بنسبة 100% والكفائة مطلوبة بنسبة 100% ايضا دكتور كمال الجنزورى كان رئيس وزراء المشروعات العملاقة الغير ناجحة أذكر منها مشروع توشكى ، والذى قررت محكمة القضاء الإدارى بمجلس الدولة ، إحالة دعوى بطلان عقد بيع 100 ألف فدان من أراضى الدولة إلى شركة المملكة التى يرأسها الوليد بن طلال لهيئة مفوضى الدولة ، تلك الأرض التى كان قد وافق على تخصيصها مجلس الوزراء برئاسة كمال الجنزورى فى مايو 1997 مقابل 50 جنيها للفدان بإجمالى قدره 5 مليون جنيه دفع الوليد منها مبلغ مليون جنيها. أذكر أيضا أن كمال الجنزورى كان أول من رفع احمد عز الى عالم الشهرة ، فبعد ان تعرف احمد عز على جمال مبارك قبل منتدى دافوس فى عام 1996 ، قام كمال الجنزورى ( ربما بايعاز من جمال مبارك ) بارسال كل من يوسف بطرس غالى (كان وزيرا للدولة للشئون الاقتصادية) وابراهيم فوزى (كان وزيرا للصناعة) مع أحمد عز إلى إيطاليا كى تضمنه الحكومة المصرية لدى الملياردير الايطالي "دانيللي" صاحب أحد مصانع الحديد في ايطاليا ومنحه قرضا قيمته 600 مليون دولار حتي يستطيع عز انشاء مصنع للصاج على الأرض التى خصصتها له الدولة فى عهد الجنزورى فى منطقة خليج السويس. كمال الجنزورى هو المسئول عن المليارات الضائعة فى أزمة البنوك حيث انه أراد بحسن نية مساعدة رجال الإعمال الذين لانعرف كيف نالوا ثقته ففتح لهم ابواب الإقتراض من الينوك بدون ضمانات كافية ( فى تصورى ) ليترك رئاسة الوزارة تاركا وراءه فضيحة ضياع 80 مليار جنيه على البنوك. هو رجل طيب نعم حيث لم يتهمه أحد بأن ايده مش نظيفة ، كان استاذا ووزيرا للتخطيط نعم لم نقل شيئا ينفى ذلك ، ولكن ربما كان تفكيره وأفكاره لاتزال تعيش عصور الإشتراكية والفكر الإشتراكى وفى نفس الوقت اراد ان ينتقل الى نظام اقتصاد السوق والذى يختلف بشكل كبير عن نظام الاقتصاد الإشتراكى فكانت تلك التعثرات التى حدثت. ربما ايضا انه كان يريد تخليد اسمه بمشروعات عملاقة غير مدروسة جيدا او ربما كانت مجرد دراسات قديمة او حديثة لم تضع فى حساباتها تغير الانظمة الاقتصادية فى العالم وبالذات فى منطقة الكتلة الشرقية والتى كانت تنتهج النهج السوفيتى. الحقيقة اننى ارغب ان يكون رئيس الوزراء من العقول المنفتحة على العالم الآن ، والا يكون قد شارك فى وزارات العهد البائد . وبعدين ياجماعة كمال الجنزورى عمره تجاوز الـ 77 عاما ويعانى من مشاكل صحية ، سيبوه يستريح وكفاية انه يكون فى وضعية المستشار. لكن رئاسة وزارة لأ.

الحياة ايام والايام دول لو دامت لغيرك ماوصلت اليك

الخبر من اليوم السابع و فى اسمين جداد غير الى ذكروا قبل كدا دكتور احمد زويل و المفاجاه السعيده جدا اسم اللواء احمد رشدى هذا الوزير المحترم الذى لا يوجد اى مصرى الا و يقدره و اتمنى عن نفسى ان يعاودوا اسناد وزاره الداخليه له الان فهو افضل من يتولاها حاليا ليزيل الفجوه التى حدثت بين الشعب و الشرطه و اعتقد انه الوحيد القادر على اجبار اغلب رجال الشرطه التى تفشت لديهم تضخم الذات و البارانويا بسبب التعليم و الاوامر التى كانوا يتلقوها ليعودا الى ( حجمهم ) و دورهم الحقيقى

ثمة إجماع في وسائل الإعلام والأعمدة الصحفية على أننا رزقنا – من دون الأمم – بألعن جيل من الشباب الرقيع المنحل الشھواني التافھ.. (شباب عاوز الحرق) باختصار شديد.. نحن وكل جيلي سلبنا الشباب أحلامھ، واحتللنا المناصب التي يمكن أن يطمح إليھا، وحرمناه أبسط الحقوق التي يمارسھا أي قط في زقاق: الملجأ والزواج، وأعطيناه سفينة غارقة نخرة امتلأت بالثقوب نُھب كل لوح خشب وكل مسمار فيھا، وقلنا لھ إن عليھ أن يتولى الإبحار بھا بعدنا .. وينظر الشاب إلى البحر الذي يعج بالأساطيل وحاملات الطائرات التي صنعھا الآخرون، فيتساءل: ماذا كنتم تفعلون طيلة ھذا الوقت حينما كانت السفينة لكم ؟.. فنقول لھ: أنت شاب شھواني قليل الأدب ..وربما سافل كذلك .. مشكلتك ھي أنك كسول تريد كل شيء بلا تعب.. نعم .. وسائل الإعلام تنظر بريبة واضحة إلى ھؤلاء الأوغاد بشواربھم نصف النامية والحبوب في وجوھھم وأصواتھم الخشنة .. وھي تتظاھر بحبھم وتقدم لھم الكثير من (نانسي عجرم) و(أليسا)، لأنھم ما زالوا الوسط الاستھلاكي الأفضل، لكنھا تعتقد في قرارة نفسھا إنھم خطر أمني داھم، وأنھم يدارون ذيولھم في سراويلھم.. المشكلة فعلاً أن الشباب لم يعد على ما يرام .. ھذه الطاقة الكاسحة المعطلة التي حرمت الأمل والمشروع القومي المشترك تزداد خطرًا يومًا بعد يوم، والفراغ يھدد كل شيء وكل بيت .. لاحظ انتشار الكافتيريات وملاعب البلياردو ومقاھي السايبر.. باختصار: ثقافة البطالة. لاحظ نمو التطرف الديني الذي تزامن مع غياب المشروع القومي والأمل في الغد. ولغة (الروشنة) التي يستعملھا الشباب تحوي في % 90 من كلماتھا معاني الاستھتار والتحدي .. دعك من الوقاحة التي يشكو منھا كل مدرس .. يحكي الدكتور (جلال أمين) – العالم الوقور عظيم الشأن - عن شاب من ھؤلاء دنا من سيارتھ وھو جالس فيھا ينتظر زوجتھ، فاستند على النافذة بجواره، وراح يثني مرآة سيارتھ ويفتحھ بلا توقف وبلا ھدف واضح وعلى سبيل التحدي فقط، بينما ظل الأستاذ الكبير جالسًا في السيارة صامتًا يرقب ھذا السلوك غير المفھوم.. لكننا نحن المسئولون بالكامل عن خلق ھذا الوحش .. وكما يقول الشاعر العربي: إنا بأيدينا جرحنا قلبنا .. وبنا إلينا جاءت الآلام قرأت لأحد الصحفيين الكبارالفلاسفة – (ولن أذكر أسماء لأن بلاط السجن سيكون باردًا جدًا في ھذه الفترة من السنة) - أنھ كان في رحلة مع مجموعة من الشباب حينما سمعھم يغنون: الأقصر بلدنا بلد سواح .. فيھا الأجانب تتسوح .. وكل عام وقت المرواح بتبقى مشتاقة تروح .. وتسيب بلدنا! يتساءل الأستاذ العبقري: أين ذھب الانتماء لدى جيل الشباب ؟... ذھب يا سيدي الفاضل بسببك وسبب أمثالك، الذين أيدتم كل نظام حكم وكل سياسة، وعملتم جاھدين من أجل الوصول إلى الثراء والنفوذ صاعدين سلمًا من أجساد الشباب المطحون .. في عصر كانت الصحف المصرية ترسم فيھ الزعماء العرب جالسين على (قصرية) أطفال، وفي عصر كان يعلن فيھ في الصحف عن زيادة الأسعار فتكتب مقالاً كاملاً تؤيد فيھ ھذه الخطوة المباركة التي تأخرت كثيرًا، وحينما يضع السادات كل قوى مصر السياسية في السجن تكتب مباركًا (ثورة سبتمبر) ھذه .. يؤمن الشباب بعبد الناصر فيخرج ألف كتاب يلعن عبد الناصر .. يحن الشباب إلى سعد زغلول فتمزقون سعد زغلول ..كل إنجازات يوليو تحولونھا إلى كوارث يوليو .. تھللون للاشتراكية في عھد عبد الناصر ثم تلعنون أباھا في عھد السادات .. وتلعنون أمريكا في عھد عبد الناصر وتكتشفون أنھا الشريك الكامل الأمين في عھد السادات. ولولا بعض الحياء والخشية من النظام الحالي الذي يستمد شرعيتھ من أكتوبر لشككتم في حرب أكتوبر ذاتھا : "المصريون لم يعبروا القناة في أكتوبر .. القناة ھي التي تحركت إلى الغرب بضعة كيلومترات ." في إحدى فترات الخلاف العابرة مع أمريكا قرأت مؤخرًا لصحفي كبير جدًا يقول: "علينا أن نشفى من خرافة أن 99%من أوراق الحل في يد أمريكا!". والحقيقة أنك يا سيدي كتبت ھذه الخرافة مرارًا من قبل خاصة في عھد السادات ..من حسن حظ الشباب أنھ لم يقرأ مقالاتك القديمة تلك وإلا لجن بالتأكيد.. تخرج وسائل الإعلام للقاء الشباب ومعھا المذيعة التي سكبت زجاجة أكسجين كاملة على شعرھا ووضعت طنًا من المساحيق كأنھا إحدى بطلات مسرح الكابوكي الياباني.. تسأل الشاب عن اسم وزير (التوابع المضادة) أو وزير التعاون الإعلامي التخطيطي) فلا يمن الله عليھ بكلمة .. من ثم تخرج الصحف صارخة: الشباب تافھ شھواني رقيع .. ليت الشباب يھتم بعقلھ كما يھتم بالدھان الذي يسكبھ على شعره.. الحقيقة أن الإجابة عن ھذا تكمن في كلمات (أورويل) في روايتھ الرائعة 1984 عندما دبت مشادة بين البطل وحبيبتھ حول (ھل كان الحزب في حرب مع أيستاسيا أولاً أم كان في حرب مع إيوراسيا ؟)... يقول (أورويل) إن الفتاة لم تكترث بھذا على الإطلاق لأنھا لا ترى فارقًا بين ھراء وھراء آخر .. الشاب لم يختر وزير (التعاون الإعلامي التخطيطي (ولم يسمع عنھ من قبل، ويوم يرحل ھذا الوزير فلن يعرف أحد السبب .. إذن ما جدوى معرفة اسمھ ؟.. لا فارق بين (ھراء وھراء آخر).. اسمحوا للشاب أن يختار وزير) التعاون الإعلامي التخطيطي) ثم طالبوه بأن يعرف اسمھ، وانصبوا لھ المشانق لو لم يعرفھ.. نفس الشيء ينطبق على الأسئلة من طراز (متى مات بيلاطس البنطي ؟).. (ما طول نھر المسيسبي ؟).. (من مؤلف كتاب تثقيف الشعوب في تقنية الحاسوب ؟).. السيدة المذيعة لو انتزعوا منھا البطاقة الأنيقة لن تعرف الإجابة، والسيد المعد لا يعرف الإجابة وأنا لا أعرف الإجابة، وليس مما يفيد الإنسان المعاصر أن يعرف طول نھر المسيسبي ما دامت ھذه المعلومات موجودة في أية دائرة معارف .. إنھا ثقافة (الكلمات المتقاطعة) التي يصرون على أنھا ھي الثقافة ولا شيء سواھا، بينما الثقافة ھي أن تستخدم ما تعرف في تكوين مفھوم متكامل للعالم من حولك وكيفية التفاعل معھ.. لكن وسائل الإعلام لا ترضى بھذا .. ھي لا تريد إلا أن ترى الدماء تسيل وتلطخ كل شيء .. لھذا تطالب برأس الشاب التافھ.. بينما اسم آخر أغنية لراغب علامة أو عيد ميلاد روبي ھي بالفعل معلومات تبدو مھمة للشاب .. على الأقل ھو لا يُرغم على معرفتھا، وتمس حياتھ – ورغباتھ – بشكل واضح .. ولا تتعالى عليھ أو تعده بما لا يمكن تحقيقھ .. ولا تھدم ما آمن بھ من قبل بلا مبرر.. والأھم أنھا لا تسد عليھ طريق الترقي والنمو في الحياة .. باختصار: (روبي) تبدو ھي الشيء الوحيد الحقيقي وسط كل ھذه الأوھام وكل ھذا الكذب.. الشباب ليس مجموعة من الملائكة، لكنھم ليسوا شياطين ..سوف يصيرون كذلك لو لم نفق من غيبوبتنا، ونحن لسنا ملائكة ولا شياطين .. نحن ملاحون خائبون غرقت سفينتھم أو كادت .. وعلينا أن نترك قطعة خشب واحدة طافية ليتمسك بھا من يأتون بعدنا.__

http://www.youtube.com/watch?v=SAwg2nZidMo&feature=player_embedded#at=12 يا ترى فاده بايه مبارك في موقفه البايخ اوي دا زي مكرم محمد احمد

للاسف الشديد خلاص النوك ده قفل وادعى ربنا يكون مفتوح السنه اللى جايه ربنا معاك يارب وان شاء الله ربنا هايكرم وتسمع اخبار حلوة

البطجية دول مشكلة المشاكل .. و خاصة إننا فوجئنا بأعدادهم الكبيرة التي لم نكن نتخيلها .. في التحرير و في ميادين المدن التي حدث بها مظاهرات المشكلة بعد ما يتلموا يا أم زيد حيتعمل فيهم إيه؟.. يتسجنوا ؟ البلطجية دول في الغالب من الفئة العمرية القادرة على العمل فلم لا يتم الاستفادة منهم؟ و في نفس الوقت إعادة تأهيلهم ممكن أن يتم جمعهم في معسكرات في أماكن نائية تحت إشراف القوات المسلحة هذه المعسكرات تكون على شكل تجمعات صناعية أو زراعية أو حرفية .. أو مشروعات إنشائية فيتعلمون مهنة مفيدة لهم فيما بعد و يتم الاستفادة من قوة عاملة مهدرة كما يتم إعادة تأهيلهم إجتماعيًا ..و تهذيب أخلاقهم بعد تعودهم على الحياة العسكرية

لسة كان د.عكاشة بيقول ان لو الحجة هي الحاجز النفسي .. فمزيد من الانتظار سيفاقم المشكلة الأفضل ان ينزلوا الآن .. مع معرفة دورهم شخصيا .. أقترح في البداية دوريات مشتركة من الجيش و الشرطة و عناصر من اللجان الشعبية (وجوه معروفة في المنطقة) .. عندها لن يستطيع احد التجني عليهم او الاحتكاك غير المبرر بهم و يتحقق الامن المطلوب ايضا رجال الشرطة ادرى الناس باماكن البلطجية (عادة عارفين عنهم كل حاجة و بيستخدموهم في حاجات كثير) .. بالاشتراك مع الجيش ليه ميعملوش مداهمات و يعتقلوهم؟ طبعا مع التأكد من المعلومات و التحقيق معهم كله ممكن اذا خلصت النوايا

من يومين تسائلت ان كان الجيش ساند الشعب فازاح راس النظام او ان الشعب من ساند الجيش فاعطاه السبب المناسب للازاحة .. امبارح شاهدت جزء اكثر من رائع لاعادة حلقة برنامج القاهرة اليوم وكان فيه الى حد ما اجابة على السؤال .. الحلقة بتاريخ 27 فبراير 2001 بعنوان " من كان يحكم مصر في الثلاثون سنة الماضية " واحد ضيوفها الخبير الاستراتيجي ضياء رشوان الي اصبحت حريصه من فترة على الاستماع لتحليلاته التي تستحق التوقف عندها في كثير من الاحيان .. ده رابط الحلقة والجزء الذي اعنيه يبدأ في الدقيقة 27 بعد سؤال عمرو اديب ..هل لو لم تحدث ثورة هل كان جمال مبارك سيحكم مصر ؟ واجابة ضياء رشوان بثقة.. لا .. اترككم للاستماع لتحليلة والاسباب التي دفعته لتبني هذا الرأي .. http://www.youtube.com/watch?v=dpYOtD2AjLI

هههههههه وضح ولو ان انا نفسي اعرف ايه وجه التشابه ما بين خوري وعمروخالد يمكن عشان الاتنين بيغنوا :wub:

يا ريم الناس دي تعرف تاريخنا أحسن مننا .. فعلاً .. لكن إحنا بنتكلم هنا عن نواحي أمنية وطمئنينه تخص السائح اللي بيخطط يزور مصر ... أنا مش شايف لازمه لإستمرار حظر التجوال بعد الثانية عشر مساءً ... معليش يعني هاجيب السايح من بدله أنيمه من المغرب زي الفراخ وإذا الشيطان وزه وخرج .. يلاقي نفسه محبوس 6 شهور لخرقة الحظر ؟ في إيه ؟ با فندم يا هناه يا سعده اللي يقدر يرشق في شغلانة في مكاتب تنشيط السياحة وهيئات الإستعلامات في السفارات المختلفة لمصر خصوصاً في الدول المتريشة ... احلى عيشه وأحلى آنتخه .. يا فندم إتفرجي على إعلانات تُركيا اللي غزت تليفزيوناتنا وأخرها أعلان من ايام بسيطة عن الخطوط الجوية التُركية وجايبين فريق مانشستر يونايتد كله بيلعب كوره داخل الطائرة وحاجه تبهر وتخليني أنا شخصياً أتمنى أركب على الجناح حتى في أي طيارة تركية .. وقبلها الولا مُهند الوحش - والله أنا أحلى منه .. سِم كده - اللي عمل لوحده طفره في السياحة لبلده بمسلسله وبكم الإعلانات اللي بيظهر فيها واللي بتتوجه للعالم الخارجي خصوصاً للعالم العربي .. يا فندم بقت أُمنية أي أوروبي دلوقت إن تتخلع له عين من عيونه بس يزور دُبي .. وإحنا اللي عندنا أثار لا تُعد ولا تُحصى .. وجو بديع طوال العام و و و و و و و .. ويوم ما بنعمل إعلان نتواصل به مع الناس عشان ييجيوا يزوروا مصر .... أجيب واحد ومراته خليجيين المفروض جايين يزوروا مصر .. وهما قاعدين في ملهى ليلي وبيتفرجوا على رقاصة !!!!!!!!!!!... أقسم بالله أنا بأتكسف أتفرج على الإعلانات اللي زي دي .. لإنها لا تُعبر عن واحد من مليون من الشعب المصري .. فلا أحنا عُمرنا روحنا ملاهي ليليه ولا بنحضر حفلات لراقصات ولا بنشرب خمور ..... لكن ... لو دورنا هانلاقي إن اللي عمل الإعلان لازم يكون إبن خالة أبو اللي جابو وير السياحة مثلاً ... أو هو بيقول لمدير مكتب وزير السياحة والهيئة العامة للإستعلامات وتنشيط السياحة يا أونكل ... لإنه يعتبر عمه من أب وأم تانيين

ااااه لو كل زوج يجرب يعيشلو يومين دلع وهنا زى دول :vian: chf::

ههههههههههههههههههه تحياتي يا traveler انت و michoshow و ashaa ,,,

طب الفرصة دي لـ " عظيم " ولا اي حد ممكن يتقدم لها ونقرا الفاتحة ؟ طب لازم أكون طيار ولا ممكن لو سواق توك توك يتقدم ؟ طب إسمعي النكتة دي يا اسبانيا - مبارك في لقاءة بشباب الجامعات الواعد .. قام عيل مفعوص وسألوه : تفتكر يا ريس أنا ممكن أكبر وأكون ريس ؟ فمبارك قال له : إنت حمار يالا ؟ الواد قال له : ليه هو لازم ؟

معاكي حق ونص .. انا شخصياً افتكرت جدران بيت ستي الله يرحمها الفستقي الزحلقي :P فكرتني بتعبيرات لماضة .. كم ما اوريها بروفة تسم بدني بتعليق يخليني اعوز احدفها باي حاجة .. .. الله يذكرها بالخير مش عارف اختفت ليه اليومين دي .. تامر عندك سمبا .. شاعر و معلم .. عندك ارك .. عندك عنبو .. عندك اغابي .. عندك س س .. عندك بوسي ومذكراتها اعتقد كل دول تحف بالسيناريوهات .. وطبعا الرفيق اطاطا متوفرة بقوة .. بس الله يعينك عليها .. موضوع حرب مغتربي الكويت والسعودية مش هو بس اللي عملناه .. انا حاصرها في الثلاثية دي بس زي ثلاثية نجيب محفوظ :) واي واحد عنده فكرة حلوة لاي عمل .. ياريت يبعت لنا ..وشكرا

ليه بس بتحسسني من كلامك ان فيه نبرة تبرير او اعتذار ؟؟ ياسيدي الفاضل انت وساري وغيركم مبدعين مش من حق حد "يحاسبكم" وبالتالي مطلوب منكم تقدموا مبررات .. بالعكس .. احنا كمشاهدين لنا بس نقول رأينا وانتم توعدونا تاخذوا بيه فقط لا اكثر ولا اقل .. يعني حضرتك مش محتاج تقولي اصل الوقت مضغوط ومش عارف ايه لان ببساطه كتر خيرك اصلا انك بتعمل شيء كويس والي مش عاجبه يروح هو يعمل .. انا شخصيا مظنش اعرف اعمل افلام زي بتاعتكم وعليه فاقول ملاحظاتي فقط واكيد عذركم معاكم في الاول والآخر مش محتاج تبريرات .. نيجي بقى للاستعانة بالخبير الاستراتيجي من صف الاعداء .. في قمة منافسة افلام اللمبي لافلام عادل امام الي كان بيخرجها ابنه رامي الامام .. قدم رامي الامام نفسه فيلم لمحمد سعد .. تعاون مع منافس والده عادي جدا .. والفيلم نجح .. الابداع مفيش عليه قيود ولو شايف ان الشخص الي قدامك هيطلع منك احسن ماعندك تعاون معاه وعلى قدر موهبته هو الشخصية هيقدر يفصل مابين عمله معاك ومعمله مع المنافسين وممكن يطلع عملين متضادين وعلى نفس القوة .. دي بقى الحرفنة .. واتوقع ان لماضه قادره جدا على الحرب بسيف في كل يد :) بقي ملاحظة اخيره ياريت بقى تغيروا الموضوع بتاع مغتربي الكويت ومغتربي السعودية وتختاروا موضوع تاني اكثر سخونة ..

انا اعطيتك بونت اخضر يا استاذة ضحى على النظرة الناقدة الواعية .. وده بصراحة اللي يفرق معانا .. وانا متأكد ان تامر مصطفى عنده نفس وجهة نظري .. يعني اللي يقول لنا عن عيوب او مزايا اي عمل .. وعن تصوراته .. حينفعنا اكتر بكتير من اللي يقول انه فيلم كويس وابدعتم وبس وانتي واستاذ س س .. اعمل حساب دايم لنقدكم .. جهة السيناريو متفق معاكي فيها بشدة .. ولاحظت لما انفصلت ببعض اعمالي عن الرفيق اطاطا .. تعبت جامد من ناحية .. ومن ناحية تانية ..ماكنتش الاعمال بالمستوى بس برضه زي ما اي عمل محتاج مخرج وسيناريست .. ما نستغناش اوي عن الناقد وبرضه الاستاذ ارك .. ناقد كبير .. ويعطيني دروس اول باول اشكرك جامد بس ضحكني موت تعبير عبوات البامبرز .. :P

ينفع شيف من منازلهم .. عنده حلم قديم .. من 25 سنة؟

أنا شايفة الحل ده تفكير خارج الصندوق و الصندوق ده اللي عايزنا ندخل فيه .. وزارة الداخلية واضح من تصريحاتهم و تصرفاتهم على أرض الواقع إنهم لم يتغيروا بعد الثورة بل بالعكس يحاولون الثأر لكرامتهم التي جرحت أثناء الثورة لا أعلم إمكانية تطبيق فكرة استدعاء جنود الاحتياط و لكن البلد الآن تمر بأحداث قد تهدد أمنها القومي فإن لم نلجأ لجنود و ضباط الاحتياط الآن فمتى؟ و أنا باقول قد تهدد الامن القومي .. لأني على ما أسمع من الأقارب في مصر إن الوضع الأمني لم يختلف كثيرًا عن قبل الثورة فكنا نسمع عن حوادث التثبيت من قبل أيضًا المهم أن يكون القائمون على الأمر .. صادقوا النية في إعادة الأوضاع إلى طبيعتها

إن تمت هذه التغييرات فعلا ... فإنها ستعلن غالبا يوم الخميس والهدف طبعا هو امتصاص غضب الناس واجهاض التظاهرات المليونية التي تخرج عادة يوم الجمعة الأولوية الأولى لهده الحكومة هي انهاء ثورة الشعب بأي طريقة ... تجنبا لمزيد من الضغوط على المجلس العسكري تدفعه لإجراء مزيد من الإصلاحات والعملية تتم بالتنسيق بين مختلف أجهزة الدولة (الحكومة - الأمن - الإعلام) ... كلّ على طريقته وشعار المرحلة هو (كفاية لحد كده) غالبا لو تمت التغييرات ستأتي بعض الوجوه غير المعروفة أو ذات القبول النسبي (وإن كانت ولاؤها مضمونا) لإرباك الناس. وهنسمع كلمة (ادوهم فرصة يشتغلوا) كثير في وسائل الإعلام وعلى الانترنت.

والله حكاية غياب الشرطة دي ... هدفها واضح ومقصود محاولة لي ذراع الشعب يا إما احنا الباشوات اللي هنضربكم ونديكم بالجزمة وبعدين تبوسوا ايدينا عشان بنحميكم من البلطجية يا إما اشربوا بقى ... طب الحل ايه ضابط الشرطة ده اللي مينزلش الشارع عشان يحفظ الأمن ... أو يقولك أنا خايف على نفسي من البلطجية زيه بالظبط زي ضابط الجيش اللي ينسحب من الميدان وقت الحرب ... أو يقولك أنا خايف اعتقد ان ظابط الجيش اللي بيعمل ده بيتحول لمحكمة عسكرية يبقى ظابط الشرطة اللي يعمل ده هو كمان يتحول لمحكمة عسكرية ظابط الشرطة مش بمزاجه انه يشتغل ولا لأ ده هو بياخد مرتبه عشان كده . ولا اشمعنا دي مفيهاش ( دي أوامر ) لازم سعادة وزير الداخلية ينزل ويلف ويعمل اجتماعات مع مدراء الأمن الظابط اللي مش هيرجع شغله فورا ويلتزم بالقانون ... هيتحاكم وبخصوص الخوف من البلطجية لو انا مواطن عادي وماشي في الشارع وشفت واحد بلطجي مثلا اتهجم على ظابط شرطة حب يقبض عليه ... يا ترى لو ادخلت بينهم ... اكيد هدخل في صف ظابط الشرطة. الناس مش بتكره ظابط الشرطة عشان بينفذ القانون على الخارجين عن القانون الناس بتكره ظابط الشرطة عشان بيتجاوز السلطات اللي القانون ادهاله. لكن الظابط اللي ينفذ القانون على المجرمين والمنحرفين ده احنا نشيله على عينا وراسنا

والله انا راْيي الخاص ان لو وزير الداخليه اجتمع بمديرين الامن واعطاهم تعليمات بانهم كل واحد يبلغ الظباط اللي تحت اشرافه(انه لازم ينزلوا الشغل فورا واللي مش هاينفذ يبقى يقعد في بيتهم .كمان اللي هاتيجي منه شكوى اثناء الشغل هايقعد في بيته ) تبقى خلصت خلاص لان الظباط عارفين يعني ايه ميري ويعني ايه اوامر ولازم تتنفذ يعني اللي خلاهم ينفذوا الاوامر بضرب المتظاهرين (علشان دي اوامر) وينفذوا الاوامر بالانسحاب من الشوارع(برضو علشان دي اوامر) يبقى يبفذوا الاوامر وينزلوا الشغل والا يقعدوا في بيتهم انا شايفه التقصير من وزير الداخليه :closedeyes:

رجال الشرطة عايزين يرجعوا بشروطهم (( باشوات )) الشعب عايزهم يرجعوا بالشروط الجديدة (( منفذين القانون )) الحجة ،، الناس متحاملة علينا و بيهاجمونا و الصيع و البلطجية بيتطاولوا علينا و الناس بتقف معاهم و خلاص فإحنا دلوقتي بنتكلم علي حلول عاجلة لسرعة نزولهم (( لو النية صادقة عندهم لذلك )) بالإضافة لإقتراح حضرتك سلاعة تخريج دفعة جديدة من كلية الشرطة و إقتراح مساندة من قوات عسكرية (( المفروض إنه حاصل بالفعل )) أقترح كحل أمني عشان نبطل حجتهم ،، يكون تواجدهم في شكل مجموعات (( حملات و كمائن و لجان )) ميكونشي يعني قي شكل فرد واحد ،،، عشان ميقولوش البلطجية و الصيع بيبلطجوا علينا معتقدشي حد هيقدر يتطاول علي مجموعة في شكل كمين أو لجنة أو حملة بدون داعي طبعا مع الحرص علي معاملة الناس بإحترام و طبقا للقانون فقط

بترول ليبيا مقسم من زمان على اوربا وبالتالى لن تتدخل فى هذا البند

... قد تجمعنا ...الارض...سوياً ولكن يبقى الأمل فى التحرير ....

الاستاذ محمد حامد علام .. رغم اني كنت ومازلت من الي مبيحبوش يتكلموا عن شخص خرج من السلطه بشماته او اهانة .. ورغم اني هكون اسعد انسانه في الدنيا لو ثبت الكلام الي حضرتك بتقوله من ان مبارك نظيف اليد ومخدش حاجه مش بتاعته من اموال البلد .. بس في نقطه صغيره لفتت نظري في موضوعك .. يعني حضرتك اكيد لك الحق تحب مبارك ولك حق تدافع عنه .. يشهد الله اني لا انكر عليك ذلك .. بس هي ( اليافطة ) الي انت حاططها في توقيعك دي في حد ذاتها الي ممكن تنزع عنك الحق ده خاصه لما تيجي تتكلم عن ذمة مبارك المالية .. يعني اعذرني سيدي الفاضل وخلينا نبقى صريحين مع بعض .. لو حضرتك يعني شغال في النيابة العامة زي مامفروض نفهم من توقيعك فانت حاجه من اثنين .. اما انك متعين بواسطه الوالد او احد اقربائك المخلصين الي هو بدوره ماسك له منصب في النيابه.. او انك دافع لك مبلغ وقدره عشان تقدر تلتحق بمكان حساس زي ده .. طيب ازاي وانت بنفسك شاركت ( وبمزاجك ) في الاستفاده من الوضع وحصلت على وظيفتك الي بتاكل منها عيش بطريقة ملتويه .. وده الي ربنا قدرك عليه يعني وقدرت تطوله من الميغه الي البلد عايشه فيها .. ازاي تقدر تدافع وانت نفسك يادافع ياحاصل على حق بالانتزاع ؟ ارجع واقول من حقك تحب مبارك زي ماانت عاوز ومن حقك تدافع عنه زي ماانت عاوز برضه بس الله يكرمك شيل اليافطه الي حاططها دي ولا تشير لوظيفتك نهائيا ان كنت فعلا عاوزنا نقتنع انك مصدق الكلام الي بتحاول تقنعنا بيه ..

يا عم انقلاب مين انت مش شايف الريس بس اللي بيخلعوه ويمنعوه عن السفر ومش بعيد يحاكموه اما اللي بعده فبيقعد براحته ويلبس بلوفرات علي مزاجه ويطلع في التلفزيون كمان زي هو عايز

الذين يزعمون ان النساء ناقصات عقل ودين ينسون ان المرأة مكلفة مثلها مثل الرجل ويوم القيامة سيحاسبها الله عز وجل كما يحاسب الرجل تماما ولن يقول لها انك ناقصة عقل ودين لذلك ساتجاوز عن افعالك لان الله اخبرنا بذلك في كتابه المراة مكلفة مثلها مثل الرجل وستحاسب يوم القيامة مثلاها مثل الرجل دعونا من روايات عمقت فينا العنصرية والدونية للمراة رغم ثبوت تفوقها علي ملايين الرجال حتي المفسرون فسروا النص لصالح المرأة ووصلوا به لاقل ضرر قد يصيب النساء

احنا عارفين بتوع السعودية دافعين لك كام :closedeyes: كل ده علشان مش عارفين المساكين ياخدوا اجازات زي مغتربين الكويت وبتفشل كل الخطط بتاعتهم في تخزين المية لمواجهة الصيف ..حقيقي غلابة انا بقترح انه يعتصموا علشان ياخدوا لهم اسمعوا استجمام كل شهرين كده في الكويت وبعدين الاجندة بتاعتهم احنا عارفينها كويس وسؤال ليك انت ولماضة من أنتم من أنتم http://www.youtube.com/watch?v=0YBik61I3DQ