لوحة القادة

السلام عليكم ورحمة الله وبركاته تحيه طيبه وبعد طبعاً الموضوع واضح من عنوانه انا والله العظيم يا جماعه وصلت لمرحله انى كرهت حرب اكتوبر كل شويه واحد يدخل يقولنا انا حربت فى حرب اكتوبر انا ليا تاريخ انا انا انا انا امس فى برنامج مصر انهارده الدكتور شفيق بيقول للدكتور علاء الاسوانى انا ليا تاريخ انا كنت بحارب وانت نايم فى بيتك انا ليا تاريخ وطبعاً مبارك قعد يزل فى اهلنا حوالى 30 سنه علشان حارب فى اكتوبر طيب يعنى انتوا كنتوا بتحاربوا لوحدكم ؟ امال ابهاتنا كانوا بيعملوا ايه فى الحرب يعنى ؟ كانوا بيلعبوا صلح يعنى طيب دول فيه منهم اللى مات وفيه منهم اللى فضلت الحرب مؤثره عليه لحد لما مات طبيعى بجد انا كرهت حرب اكتوبر كل لما نكلم واحد وننتقده يقولك انا حاربت فى 73 انا مش عارف هنلاقيها منين ولا منين ايه العقيده دى رجال الشرطه يقولوا احنا اسيادكم علشان بنحميكم واللى حارب فى 73 عاوز يزل فى اهلنا علشان حارب وتسمع بقى واحد يقول انا قدمت للبلد وضحيت علشان البلد مهو بنفس المنطق ده انا كل واحد هخليه يشرب مياه صحيه ونظيفه هزل اهله وكل شويه هقوله لولا انى صممت ليك المحطه كنت مت بالفشل الكلوى ولا الطبيب اللى يعمل عمليه لواحد وينقذ حياته يزله بقى ويستعبده بقى مهو كلنا بنحارب كلاً فى مجاله فى الوقت اللى سيادته كان فى الجبهه كان الطبيب فى عيادته بيداوى الناس والمدرس بيعلم الطلبه والتاجر بيبع والسباك بيصلح وكل واحد بيؤدى عمله عن جد منطق غريب اللى هما بيتكلموا به ينعل ام اللقمه اللى هتزل صاحبها الناس دى لازم تعرف انها مش هى بس اللى بتحاب اذا كان هما حاربوا فى 73 بس احنا كل يوم فى حرب الشعب المصرى كل يوم فى حرب سواء فى طابور العيش ولا فى زحمة المواصلات ولا بيخلص خدمه من مصلحه حكوميه ولا بيشتغل فى عمله كل واحد لازم يعرف انه مش بيقدم جميل لحد لما يعمل واجبه ..........................................يتبع عنبو

متشكرين لكل اللى كرهوا حرب اكتوبر علشان كرهوا شفيق لكن حرب اكتوبر لم تكن شفيق ولا مبارك ولا الشاذلى ياريت تراعوا ان فى ناس معاكوا هنا كانوا فى حرب اكتوبر فى المواجهة مع العدو ناس لملمت اشلاء زمايلها ولفلفتها فى بطاطين كل خمسة ستة مع بعض علشان مكنوش عارفين حتت اللحم اللى لملموها بتاعة مين فيهم راعوا ان فى ناس ادفنت فى مقابر الشهداء بصورة جماعية لانهم مكنش ينفع يتسلموا لاهاليهم مفتفتين أكرهوا شفيق زى مانتوا عايزين واكرهوا مبارك زى مانتوا عايزين وحبوا الشاذلى واكاذيبه زى مانتوا عايزين بس ياريت تسيبوا اكتوبر واللى حاربوا فى اكتوبر واللى راحوا فى اكتوبر واللى اصيبوا بعجز فى اكتوبر فى حالهم لان مفيش حد منهم خد حاجة ، حتى كلمة الشكر ماأخدناهاش. وكفاية عليكوا حرب النجوم على الكمبيوتر حققوا فيها انتصاراتكم بس سيبوا اكتوبر فى حالها.

أ.ضحى .. الحمد لله انك بخير أكيد مش مطلوب اننا نعمل أصنام جديدة كل من خدم هذا الوطن له كل تقدير و احترام ... دون خلط للأوراق دون أن يجعله ذلك فوق النقد .. الحساب .. او المساءلة يمكن قبول البعض ل د.شرف على خلفية نزاهته و توجهه الذي "توج" أخيرا بوجوده فاعلا ضد النظام في التحرير هذه التواجد و الاسهام لا يجعله (لا يمس) .. بل يعطينا اشارة ان المجلس العسكري وافق على اختيار الثورة ربما لهذا كان الترحيب

الموقف الحالي لحركة شباب 6 ابريل الثورة مستمرة ,, لم تنتهي الثورة بعد ... و مطالبنا لم تتحقق كلها بعد حتى الآن ,, ولن نهدأ بالا حتي نطمئن تماما إلى هزيمة و إسقاط النظام بالكامل بكل رموزه وعناصرة ,, الذي دفع شباب مصر حياتهم ثمنا ً للمطالبة بإسقاط هذا النظام الفاسدو ستستمر ثورتنا وسوف نخرج غداا للتعبير عن إصرارنا على استكمال مطالب الثورة ولن نتوقف حتى تتحقق جميع مطالبنا التالية ,, ... أولا : الافراج عن كافة المعتقلين سياسيا في عهد مبارك ثانيا ً: مد الفترة الإنتقالية قبل الانتخابات الرئاسية والبرلمانية لتكون عاما كامل مما يتيح الفرصة لبناء أحزاب قوية والقوى السياسية على اختلافها للعمل قبل الانتخابات في مناخ يكفل لها تقديم برامجها وأفكارها بحيث لا تقتصر الصورة عند إجراء الانتخابات على الوجوه التقليدية وأعضاء الحزب الوطني. على أن يكون الحكم خلال الفترة الإنتقالية لمجلس رئاسي مكون من مدنيين , أو جعلها كما هي مع جعل الانتخابات الرئاسيه أولا والبرلمانية بعد سنه علي الأقل, كما نؤكد اننا لا نريد دوله عسكريه ثالثا ً: حل الحزب الوطني ومصادره ممتلكاته الي الدوله رابعا ً: محاسبة جميع المسئولين الفاسدين والمحافظين خامسا:حل جهاز أمن الدولة لقد سقطت رأس النظام الفاسد و لكن مطالبنا لم تنفذ كلها ,ا لثوره مستمره لحين تنفيذ جميع المطالب و سنستمر حتي يتم تغيير حقيقي وملوس ومقبول ,, اللجنة الاعلامية / حركة شباب 6 ابريل ,,

هل بعد ماحدث فى تونس وتلته ثورة 25 يناير وتوالى الثورات فى البلدان العربية الواحدة تلو الاخرى ان تولد فرصة حقيقية لرسوخ قواعد الديمقراطية بعد القضاء على جذور الفساد لحكومات دكتاتورية كان جل هدفها الحفاظ على كرسيها وانظمتها طيلة بقاءهم فى الحياة بغض النظر عن مصالح شعوبهم هل ان الاوان لتحقيق حلم قديم راود الملايين من العرب فى تكوين سوق عربية مشتركة يتبعه تكامل عربى فى مختلف النواحى الاقتصادية والسياسية وايضا الاجتماعية ...........الخ شبيها للاتحاد الاوروبى ولما لا وعقول شباب هذا الجيل قادرة على صنع المستحيل فى زمن ولت فيه المعجزات ويساعده على ذلك تمكنه من استخدام التكنولوجيا التى هزمت هرم عقول الحكام لو كان لدينا جيش عربى موحد لتم تدخل عاجل فى ليبيا بدلا تدخل دول غربية طامعة تخلف عراقا وافغانستانا اخرى لو هناك تعاون عربى للقضاء على البطالة باحلال مواطنون عرب بدلا من ملايين الاجانب فى دولنا العربية لو هناك تعاون اقتصادى وزراعى لحدث لدينا اكتفاء ذاتى فالسودان مثلا وبلاد اخرى من الممكن تصبح سلة غذاء لباقى دول عربية قاحطة وتوفر الاف الوظائف وملايين الدولارات لاستيراد من دول اجنبية بل ربما تزيد الحصيلة للتصدير من السهل تحقيق التكامل خاصة وهناك دول تنقصها عمالة واخرى لديها فائض ودول بها اموال واخرى لديها بحث علمى ولديها نقص فى التمويل هل سياتى اليوم الذى ننتج دواءنا بانفسنا بدلا من تحكم الشركات الغربية الكبرى فينا ربما يقول البعض ان الوقت مازال مبكرا جدا لهذا الحديث لان الصورة لم تتضح بعد حتى مع اول ثورتين مصر وتونس لكن ليس هذا هو السؤال السؤال هل هذه الخواطر ببعيد عن الفكر الغربى والاتحاد الاوروبى والاهم الكيان الصهيونى هل بهذه السهولة سيتركون لنا المضى خطوا نحو الديمقراطية وتحقيق الاستقرار فى بلداننا العربية والاكتفاء بالفرجة من بعيد اعتقد لا على الاقل امريكا واسرائيل والا لما هذه القلاقل التى تتم فى الدول العربية تباعا فى وقت واحد حتى فى دول ليس بها مشاكل اقتصادية ملحة او بطالة بل على العكس ولم يكن بها حتى بوادر انشطة سياسية كما بمصر وتونس واقرب امثلة لتك الدول البحرين وسلطنة عمان واحتمال حدوثها فى السعودية هل سيتحقق هذا الحلم يوما ما ؟!

شكلي كده والله اعلم دخلت في حتة غلط ... انا فاكر زمااان كنت بتحاور مع ناس في صالون ثقافي .. نتكلم عن مشاكلنا ... احلامنا .. ندور علي حلول ... لكن قلب الحكاية كلها كان افكارنا احنا الشخصية .. هوبا حصلت اخيرآ الأمنية اللي استنيناها سنين كتيرة ... قوي ... هزة جامدة مرت في البلد كلها ... هزتنا معاها .. فرحت.. فرحت أوي.. لكن كل مرة اخش هنا علشان اعرف أفكارنا و مشاعرنا .. كل مرة ابقي حابب اتناقش في حاجة .. اخش علشان اكتبها الاقي ماسورة مواضيع و بيانات و شعارات كلها منقولة .. مجاميع علي مواقع علي فيسبوك .. كل اللي يلاقي حاجة في طريقه ييجي يدلقها هنا قبل ما حد تاني يسبقه .. و فين و فين لما الواحد يلاقي موضوع جدير بالصالون الثقافي ده .. و لما يتفتح مافيش دقايق بدون مبالغة الا ويتدفس تحت مواضيع الزعامة المنفوخة و انت من الاحرار يا عتريس و انجي حتتجوز بنت الجنايني ... و ده خاين و ده حنعلقه عالعمبوكة و احنا اللي دهناالهوا دوكو اما التانيين فدهنوه جير و بس .. اقول عادي .. ده رد فعل اكثر من طبيعي في زخم الاحداث اللي بتحصل كل يوم بل كل ساعة .. لكن بصراحة العملية بقت اوفر بجد ... ممكن نحاول نرجع للمحاورات دورها الطبيعي و ما نخليهاش مجرد مكان ندلق فيها اخبار و نعيش في ادوار و نخون ده و نمجد في ده .. ممكن يرجع الصالون الثقافي صالون بحق و حقيقي ... ممكن كبارات المحاورات يرجعوا يكتبوا تاني و يضيفوا ثقل تجاربهم و خبرتهم لأعادة الحوار مرة تانية للمكان ده ... ممكن ؟؟ ملحوظة الركن ده انا فاتحه للاعضاء العاديين اللي زي حالاتي .. اعضاء المحاورات اللي اعرفها و مش لاقيها بقالي فترة طولت بجد ..

ايه اللي ممكن مصر تستفيده من التعاون مع تركيا في الوقت الحالي قريت الخبر دا و قولت احطه هنا للمناقشة فيه يا ترى الخطوة دي ممكن تفيد مصر و المصريين في ايه؟

السلام عليكم و رحمة الله و بركاته استاذنا الفاضل هو حضرتك داخل شاهر حرفك ليه؟؟؟ اختزال مصر في الحزب الوطني.....كان قمة الفساد و الافساد اختزال ثورة 25 يناير في شخص وائل غنيم....هو قمة الاجحاف بحق الشهداء اللي ماتوا و اللي لسه صامدين كلاهما يعكس...تعصبا.....رؤية لزاوية واحدة من الصورة استاذي....ما تيجي نظبط زوايا اللقطة علي مصر و الله الصورة هتبقي احلي......و الطريق هيبقي اوضح و لا حزبونطي....و لا غونيمي هتبقي مصر اللي بنحلم بيها كلنا.....حلم العودة استاذي اوعي تنساه ع جنب بقي عاشر ايه ده اللي يتعين في الكلية...(وش واحدة كانت طالعة الاولي و متعينتشي....و ده بجد بقي) غطيني يا امي و صوتي عليا مسا حضرتك...يقين...انه لا يصح الا الصحيح....و لو بعد حين

أ.ضحى .. الحمد لله انك بخير أكيد مش مطلوب اننا نعمل أصنام جديدة كل من خدم هذا الوطن له كل تقدير و احترام ... دون خلط للأوراق دون أن يجعله ذلك فوق النقد .. الحساب .. او المساءلة يمكن قبول البعض ل د.شرف على خلفية نزاهته و توجهه الذي "توج" أخيرا بوجوده فاعلا ضد النظام في التحرير هذه التواجد و الاسهام لا يجعله (لا يمس) .. بل يعطينا اشارة ان المجلس العسكري وافق على اختيار الثورة ربما لهذا كان الترحيب أضيف أنه وحتى لو ثبت في المستقبل فساد رئيس الوزراء الجديد فلن ينفعه مشاركته في الثورة كما لن ينفع مبارك وشفيق مشاركتهم في أكتوبر المشاركة في الثورة ليست مصوغ تعيين ولكن فأل حسن لصاحبها أو كما قالت الأخت مصراوية تتويج للثورة. أنما المشاركة فيها لن تكون أبدا طوق نجاة لصاحبها إن تورط في فساد بعد ذلك ، كما هو الحال بالنسبة لمبارك وشفيق قياس حالة الثورة مع حرب أكتوبر قياس مع الفارق

جسر كلا منا يعبره بسرعة تختلف عن الآخرين وبمهارة وبإتقان يميز كل انسان عن من سواه لكننا نتفق جميعا على أن غايتنا الكبرى ليس الجسر .... ولا طريقة عبورنا له وإنما ما نجده في العالم الآخر ... بعدما نعبر إليه

على الجانب الامني 1- الاسراع في تقديم مجرمي النظام السابق للعدالة ( من قطع الاتصالات - من امر بضرب المتظاهرين - من سرق ونهب اموال الشعب واولهم مبارك) 2- العمل على وضع حل فعال لامن الدولة بتحويله لقطاع منزوع السلطات و تقليص مهامه للبحث عن ما يضر امن مصر القومي و ليس متابعة المصريين 3- اعادة هيكلة وزارة الداخلية بتحسين المرتبات و اوضاع صغار الظباط و اعادة تأهيلهم نفسياً للتعامل مع الشعب 4- تقليل ميزانية وزارة الداخلية و ذلك بتقليل اعداد الجنود و صف الظباط (عددهم يصل الى 1.5 مليون) على الجانب السياسي 1- العمل على وضع اليات انتخابات مجلس الشعب و الرئاسة بشكل يمنع التزوير 2- الاسراع بطرح مسودة دستور جديد للبلاد حتى يتم البت والتصويت عليه من قبل الشعب 3- اعادة هيكلة كل الوزارت و ماديا بشكل يؤدي الى سرعة اتخاذ القرارات و تقليل البيروقراطية و اعادة توزيع المرتبات توزيعا عادلا خلال كل الوزارات 4- الوصول لتسوية سريعة في موضوع حوض النيل ترضي الجميع على الجانب التنموي 1- البدء السريع في مشروع تنموي ضخم مما تم دراسته من قبل (كممر التنمية او استصلاح الاراضي الصحراوية باستخدام موارد مائية بديلة) بدون تأخير و فتح باب التقديم للشباب على الجانب العلمي 1- اعادة هيكلة الجامعات ووزارة التعليم و رفع مرتبات اساتذة الجامعات و المدرسين 2- زيادة ميزانية البحث العلمي الى مستوى لايقل عن 5-6% من الدخل القومي لمصر (الرقم الحالي 0.2 % مقارنة باسرائيل 4.7%) 3- تكوين مراكز بحثية مستقلة تعمل كنقاط مضيئة مثل تركيا و الهند تجذب صغار الباحثين و المتميزين 4- تجديد و تفعيل اكاديمية البحث العلمي من خلال منظومة تساعد على اجتذاب براءات الاختراعات و ايجاد مصادر تمويل فعالة 5- تغيير المناهج المدرسية بشكل يوائم طبيعة العصر الحديث على الجانب الاجتماعي 1- العمل على استقلالية المؤسسات الدينية خصوصا الازهربارجاع الاوقاف بها 2- العمل على استقلالية النقابات و الهيئات المهنية 3- تسهيل انشاء مؤسسات خيرية و اجتماعية مع مراقبة ادائها

علمت "البشاير" ان الوزارة التى سوف يشكلها الدكتور عصام شرف ستضم الدكتور ممدوح حمزة وزيرا للاسكان ، والسفير نبيل فهمى وزيرا للخارجية ، والدكتور سمير رضوان وزيرا للمالية ، مع استمرار الدكتور يحي الجمل كنائب رئيس الوزراء ، واللواء شيرين حسن وزيرا للنقل ، والمستشار عبد المجيد محمود وزيرا للعدل . كما سيخرج كل من احمد ابو الغيط ، ومحمود وجدى ، وممدوح مرعي ، ومحمود لطيف وزير البترول

لك كل الحق محمد بك ان تحكي وتتحاكي بالساعات الطوال عن اكتوبر و ابطال اكتوبر وشهداء اكتوبر العظام ,, ولكن فلتسمح لي بتوجيه العتاب الرقيق اليكم ,, اولا انا والدي هو رائد طيار مقاتل / عبد المنعم المراغي كان احد ابطال حرب اكتوبر مثلكم ,, اشتبك واشترك من اول يوم في الحرب - ومن قبلها في حروب الاستنزاف - اشترك من اول يوم حتى ثغرة الدفرسوار الشهيرة عندما كانت مهمته نقل السلاح والذخيرة بطائرته الهليكوبتر الى الجيش الثاني المحاصر عبر اختراق الجيش الاسرائيلي ثم العودة بالجرحي واجساد الشهداء عبر الطيران المنخفض جدا وهكذا 11 عشر مرة متتالية سقط فيها زملائه امام عينيه الواحد تلو الاخر ,, والدي يحمل نيشان قلده اياه الرئيس انور السادات بحضور اللواء طيار حسني مبارك والرئيس جعفر نميري هو وثلاثة من زملائه- اعرف منهم المخرج سعيد سنبل ولدي صورهم اثناء التكريم في مصر - تبقوا هم فقط بعد استشهاد زملائهم الخمسين ,, عذرا على الاستطراد ,, لكن رجاءا حارا والتماسا من سيادتكم ان لا تتعرض بالهمز لشباب الثورة الذين جاؤوا بالنصر والحرية والكرامة لمصر سلما وكانوا لو تاخر الامر قادرين على ان ياتوا بها تضحية وفداءا وحربا لا تقل شجاعتهم ولا ضرواتهم في القتال عن آبائهم واجدادهم لان الدم الحر الحار ليس حكرا على جيل دون جيل بل ازيد انهم فعلوا ما عجز عن فعله جيل والدي وجيلكم من قبل ,, نتحد سيدي نتحد ,, لا نشتبك ,,

حكاية عبد الحفيظ كما جاءت على لسان مولانا القذافي " عشان تعرفوا إني ما باحكمش وإني زي كبير العيلة أو مرجعية أدبية فقط . .. هاحكي لكم حكاية صغيرة ... من فترة جالي عبد الحفيظ .. قلت له في إيه يا عبد الحفيظ ؟ - إمنعوا الضحك وماحدش يسأل مين عبد الحفيظ ده .. عشان مراتي عملت نفس الغلطة .. وقلت لها إستني وإنتي تفهمي زي ما فهمنا قبل كده حكاية عبد الحميد - المهم .. قال لي يا أخ يا عقيد عندنا مشكلة مع نقابة المحاميين ... والمحامين عاوزين يغيروا النقيب بتاعهم .. فقلت له : فين المشكلة ؟؟ ما يغيروه .... وبالفعل عملوا إنتخابات وغيرو النقيب وعملوا نقابة جديدة ... بعدها بأسبوع جالي عبد الحفيظ وقال لي : يا أخ يا عقيد .. المحامين زعلانين وبيقولوا إن النقابة لا تُعبر عنهم لإن اللي عملوا النقابة الجديدة هما 400 محامي من أصل 1500 هم عدد كل المحامين على مستوى ليبيا كلها ... فقلت له : فين المشكلة ؟ خلي الـ 1100 الباقيين يعملوا نقابة هما كمان وخلي النقابتين يتفاهموا مع بعض ... لووووووووووووووووووووووووووووووووووووووووووووولي " اه يالنافوخ بتاع الانا -------------------- ماحدش بقى خد باله من معظم اللي قاعدين ؟ كانوا اجانب وتقريباً أقتادوهم من سفاراتهم عشان يحضروا الخطاب .. وما كانش فيه مترجمين ولا أجهزة ترجمة .. وقعدوا زي البلاليص طول الخطاب .. اللي موتني على نفسي من الضحك ... إنه طبعاً جايب فرق فلكلورية حريم على رجاله وعمالين يرقصوا ويزغرطوا طول اللقاء ... وهو يقول : أهي الهتافات دي جديدة وأول مره اسمعها .. وأدي العالم كله شايف هتاف الملايين ليه - ملحوظة .. كبيرهم قوي كانوا 30 واحد من فرقة رضا الليبية - أقسم بالله هو محمد صبحي في مسرحية تخاريف - كما قال مولانا : الدول الأجنبية أو العالم ما يعرفش حاجه عن ليبيا لإن ما عندناش ولا مراسل أجنبي .. أصل الشعب الليبي ما بيحبش المراسلين الأجانب خالص .. دول حتى ما يعرفوش حالة الطقس في ليبيا .. لإن ما عندناش نشرات جويه تليفزيونية لإني ما باحبش محطات الأرصاد والطقس والكلام ده وكتاب الله قال كده ماما ماما .. تعالي لي يا ماما .. هيلب مي مام . أنا بأعيط يا ماما

كل واحد شايف ان لولا دوره ووجوده كنا متنا الادوار تكاملية ولا غنى لأحد عن الاخر الكناس له فضل على الرئيس وبعدين اللى حارب وبيذل اهلنا دلوقتى خد تمن ده من قوتنا خد مناصب ومكاسب ولنا الفتات ان وجد وان كنت لا اشكك في وطنية احد بس هو عمل واجبه مش فضل ولا منة ولما حصل على مكاسب بعد كده يبقى يحمد ربنا اننا سمحنا له ان نفسي الناس دى تقارن نفسها بالخلفاء الراشدين بعد الخلافة محاسبة لانفسهم شديدة وخوف من التقصير وقيام بالواجب وزيادة يطلع سيدنا عمر يتعسس بالليل مقالش ده مش دورى ده دور الشرطة كان بيقول لو رأيتم اعجوجاجا قوموني يقوم يقول الرجل لو راينا فيك اعوجاجا لقومناك بسيوفنا ويحمد سيدنا عمر ربنا على وجود امثال ذلك الرجل احنا مش عايزين سوى انهم يقوموا بدورهم على الوجه الصحيح النزية وياخدوا ثمن ذلك مش قادرين غيرهم يقدر

زملائي الكرام ,, بعد ما لمست تزايد حدة النقد لاغلب ما اكتبه من مداخلات ومواضيع على كل المستويات ,, من اجدد عضو لاقدم اداري,, وبقيت بالفعل اتفكر !! ,, خصوصا بعد روح الثورة المتفجرة في كل مكان ,, و حاسس ان الوسام العزيز الحبيب الذي احمله الآن اصبح محل شك كبير ومصداقية مني انا شخصيا ,, ولكل ماسبق ,, فاني اتقدم الى الادارة الكريمة بخالص الشكر والتقدير والعرفان والله ,, واتقدم لكل من وثق في وانتخبني واعطاني صوته الكريم اقول له انت فوق راسي وفي قلبي ,, و اقول ان هذا الوسام هو بالفعل كان ومازال اعز ما امتكله حاليا رغم وافر النعم من الله سبحانه علي ,, ويعلم الله كم تعبت وقتها وما زلت واخلصت في كل حرف اكتبه لكم ما اردت به الا تحقيق اكبر نفع لمن قرأ سواء كان كلاما جادا او نكتة لاذعه او حتى جر شكل على خفيف زي ما حصل في التوبيك المحظور ,, طيب ,, اعلن انا م. تيمور المراغي امامكم وامام الادارة الكريمة ما يلي : نويت بعد تفكير طويل ,, وانا بكامل تركيزي واستقراري النفسي والحمد لله على ما يلي : .. .. .. ان اتمسك بالوسام الغالي حتى اخر قطرة في دمي هههههه :happy: وارويه بالسهر والاخلاص والتعب لكم ان شاء الله ,, وان اخفف تماما من اي تهجم على اي انسان من الزملاء الكرام مهما صدر منه تجاهي ,, rs: وابشركم قريبا باخبار ساره لكم جميعا ان شاء الله ,, http://www.youtube.com/watch?v=Z1QC1BYy9Uo

د. مصطفي ما شاء الله كفى و وفى ممكن أضيف بالنسبة لوزارة الزراعة سرعة ازالة التعديات على الاراضي الزراعية و إجبار من قام بها على اعادتها صالحة للزراعة دعم الفلاح و مواجهة مافيا الاسمدة و دراسة العودة لنظام الدورة الزراعية التصدي الحاسم للمبيدات و المخصبات المخالفة السياسة المائية تحتاج مراجعة حتى نتجنب لجوء الفلاحين للري بمياه الصرف الاستفادة من الابحاث الممتازة في كليات الزراعة

فعلاً .. لا تظهر معادن الرجال إلا عند المحن والشدائد ... ومهما حدث من سحب وغبار عارض .. فيظل الذهب والمعدن الأصيل أصيلاً .. لإن المهم هو الجوهر .. فما أسمعه في تلك الأيام ومنذ بدء المحنة الليبية وهروب الأجانب العاملين هناك إلى دول الجوار سواء مصر أو تونس أو الجزائر وهي من الدول التي لها حدود مع ليبيا المترامية الأطراف ... يجعلني أتوجه بالشكر إلى الشعب التونسي والجزائري لما قدموه من مساعدات إنسانية وحُسن إستقبال لإخوانهم المصريين الفارين من جحيم القذافي ... مره أخرى .. الف الف تحية لنشامى العرب ورجالها الحقيقيون الذين يسمون فوق كل تفاهات وكل صغائر ...

يمكن لسة آثار الثورة لم تمتد إلي الكثيرون لكن أكيد انها في طريقها .......... ودورنا احنا بقي اننا مانسكتش علي الغلط معلش يعني أنا كمواطنة لو دفعت رشوة علشان اخد حقي او خدمة من حقي يبقي انا بشارك في دعم جذور الفساد في البلد يبقي من واجبي اني لو اتطلب مني رشوة ارفض واهدد وارفع صوتي واشتكي وادمر الفساد تماماً ........... ماهو لو كل واحد فينا اتكلم وماسكتش اكيد مش هيبقي فيه فساد وبلاش نستنى ان الثورة تعمل كل حاجة وبكدة استحالة اي بذرة فساد تكبر

الكل مسك في العنوان وسبنا المضمون وهو واضح ولا يحتمل هذه التأويلات ليس الهدف من الموضوع الإساءة الى من خاضوا حرب أكتوبر فهم فوق رؤوسنا جميعا ومهما فعلنا فلن نبلغ معشار المجد والفضل الذي نالوه ولكن انتقاد من لا زالوا يستخدمون مشاركتهم فيها - كغيرهم أو ربما أقل من غيرهم - كمبرر للتسلط على الشعب وانتهاك حقوقه مثل الذي جثم على صدورنا ثلاثين عاما كاملة بمبرر أنه قائد الضربة الجوية ومثله كذلك السيد أحمد شفيق الذي عايرنا أمس بمشاركته في الحرب قبل أن نولد (طيب المفروض كنا نعمل ايه) مثل حرب أكتوبر كمثل القضية الفلسطينية ... دفع ثمنها شعب كامل واستغلها مجموعة من المهووسين بالسلطة للسيطرة على شعوبهم أرجو أن يعود الموضوع الى سياقة الصحيح ولا ننحرف به للنقاش حول حرب نحن جميعا نعترف بفضل من قاتلوا فيها ومن دعموهم ليستطيعوا القتال كما يجب أن نعترف بفضل من دفعوا دمائهم وجهدهم ثمنا لننال حريتنا في هذه الثورة المباركة وإن كان العنوان مستفزا للبعض فلنغيره الى أنا كرهت من يتسلطون علينا بإسم حرب كتوبر

آسف جاسمين اني تاخرت عليكي في الرد ,, سالت انجي قالت لي ان د. عصام شرف لم يكن من المنضمين لائتلاف شباب الثورة ,, هو كان احد الاسامي التي رشحها الائتلاف للمجلس العسكري اثناء الاجتماع مساء الاحد من خلال احمد ماهر ومحمود سامي ,, ,,تحيتي ,,

الأخ الفاضل MEMS كلام سليم لكن احنا مش بنقصد بحل جهاز أمن الدولة ... إننا نمحيه من الوجود... فاكر المخابرات قبل نكسة 67 ( كان فيها بطولات وكان فيها بلاوي ) كان عاملة زي أمن الدولة كده بعد نكسة 67 حصل حاجة اسمها التطهير خرجت كل الأسماء العفنة من الجهاز ده ... ده اللي احنا عايزينه تطهير للجهاز ده وبعدين يكون في إشراف قضائي رقابي كامل على الجهاز ده لأن أمن الدولة ده كان بحق دولة داخل الدولة كانت سلطاته بلا حدود اللي احنا عايزينه إنه يحصل تطهير للجهاز ده والضمانة إنه يكون في رقابة كاملة من النيابة العامة على أداء وشغل الجهاز ده

موقع وزارة الداخلية المصرية

هذا كل ما استطعت التوصل له بخصوص نبيل العربي السفير الدكتور نبيل العربي من مواليد القاهرة عام 1935 درس في كلية الحقوق جامعة القاهرة وتخرج فيها عام 1955، درس الماجستير في مجال القانون الدولي وحصل عليه من جامعة نيويورك عام 1969، وفي عام 1971 حصل علي الدكتوراة في العلوم القضائية من نفس الجامعة.. هو أيضاً حاصل علي دبلوم التعمق في القانون والسياسة الدولية من جامعة روما، وكان ذلك في فترة الستينيات، التحق بالسلك الدبلوماسي عام 1956 وعمل في سفارات مصر بإيطاليا وفرنسا وإسبانيا وسفيرا لمصر في الهند عام 1981، شارك في مفاوضات السلام بين مصر وإسرائيل مدي 16 عاماً متواصلة ليكون بذلك أكثر المفاوضين المصريين تفاوضاً مع إسرائيل، وقد بدأ التفاوض معهم كمستشار قانوني للوفد المصري منذ عام 1973، ورأس وفد مصر في مفاوضات قضية طابا منذ عام 1985 وحتي 1989.. عمل مندوبا دائما لمصر في الأمم المتحدة رئيس مركز التحكيم الدولي والقاضي السابق بمحكمة العدل الدولية. تم تكليفه في ديسمبر 2009 بإعداد الملف المصري القانوني لاستعادة تمثال الملكة نفرتيتي من برلين. متزوج من عزمت تيمور شقيقة محمد وهدايت تيمور (زوجة هيكل).

الاستاذ محمد .... رد رائع ... كفيت ووفيت هي بس الجملة الأخيرة ليا عليها تحفظ ... جميع قواد الشباب اللي كانوا في التحرير قبل ما بينزلوا التحرير ... كانوا بيحاربوا الأول على الكيبورد ... واحنا كلنا لو كانت جت لينا الفرصة إننا نشارك وياهم في الميدان ... أكيد مكناش هنتأخر ثانية واحدة ... عنبو::: مع إني فاهم فكرتك كويس ... لكن اختيار العنوان غير موفق على الإطلاق.. اركيتيكت وعنبو ... تحية كبرى للوالد البطل ... ولكل الأبطال اللي شاركوا في حرب أكتوبر المجيدة سواء من موقع القيادة والتخطيط ( السادات - أحمد إسماعيل - الشاذلي - مبارك - الجمسي - محمد على فهمي - سعيد الماحي ... إلى آخر القواد العظام ) .. أو من موقع التنفيذ على أرض الميدان ( زي الفريق أحمد شفيق كده - وزي أحمد عبد العاطي صائد الدبابات )... وناس كتير غيرهم كان لهم دور في الحرب حتى لو محاربوش. في تمثيلية ( جمعة الشوان ) ... في جملة رائعة قالها صلاح قابيل لعادل إمام ( ما انت ليك دور يا جمعة ما يقلش عن دور أي واحد من اللي عبروا ) مهما كان ومهما حصل ومهما اختلفنا مع مبارك أو الشاذلي أو شفيق ... لا يمكن إننا ننسى ليهم تاريخهم الوطني ... ممكن يكون لهم أخطاء بعد كده مينفعش تاريخهم الوطني يغفرها ليهم ... لكن الأخطاء دي في نفس الوقت مينفعش تمحي تاريخهم الوطني سيادة الفريق أحمد شفيق سيادة الفريق حسني مبارك... سيادة الفريق الشاذلي أنا عن نفسي كشاب مصري يمكن ما عشتش حرب أكتوبر ... ومع اختلافي الشديد معاكم في حاجات كتير جدا ... ومع إدراكي أنكم متنفعوش في بعض المناصب والمواقع القيادية ... لكن كل ده ... ميخلينيش أنسى أبدا إنكم كان ليكم دور مشرف في حرب أكتوبر

الناس في مصر متعطشة لأي شخص ناجح و مش مهم مجاله .. يعني مش مهم الأكاديمية في الإختيار .. و دا بسبب كمية الفساد المعلن و الغير معلن و اللي قبل الثورة و اللي بعدها الناس محتاجة شخص ناجح و طاهر اليد بغض النظر عن مجال نجاحه زي ما قالوا أحمد زويل يبقى رئيس جمهورية أو البرادعي أو عمرو موسى و مش مهم بقى عندهم برامج رئاسية ناجحة و لا لا .. المهم إنهم ناجحين و فعلا أحمد شفيق ناجح جداً في إدارة شركة أو مصنع لكنه فاشل كسياسي و كرئيس وزراء

خبر متوقع .. النهرده الخميس وعادي يعني معروف ان كل جمعة في مليونية بتطالب بامور طول الاسبوع بننشحن ليها وكل خميس لازم بيتنفذ ثلثين المطالب الاسبوعية ويترك ثلث المطالب الباقي ( خميرة يعني ) تكمل عليها مطالب الاسبوع الجاي .. فين الجديد ؟؟

يا زوزو انت سكر :happy: رصيدي من النقط خلص للاسف

بسم الله الرحمن الرحيم الفريق أحمد شفيق لا يمكن إنكار إنه حصل على بعض التعاطف أمس بعد هجوم الدكتور / علاء الأسواني عليه مع إني شفت الحوار كله .. الدكتور علاء لم يهاجمه بصفة شخصية أبدا ولا أساس لتاريخه الوطني ولا أي حاجة. لكن واضح إن الراجل كان من كتر الضغط اللي عليه .. مش قادر يتحمل أي حاجة.. وعشان كده فقد أعصابه. لا يمكن إنكار أيضا إن حلقة امبارح وضحت إن الفريق أحمد شفيق لا يمكن إنه يكون مقنع أبدا في مقعد رئيس الوزارة الراجل مكنش عارف يقول جملتين على بعض ولا عارف يوصل لينا فكرة معينة وكل شوية الانجليزي ينقح عليه. من أول الحوار وهو واضح إن كلامه غير مرتب وأفكاره غير منظمة على عكس الدكتور علاء ... وده فعلا يوضح فارق الثقافة وتأثيرها على الناس. ده حتى ساويرس نفسه كان بيتكلم أحسن منه بمراحل اعتقد إن أهم أسباب إقالته 1- إنه لم يقدم نفسه بصورة مقنعة ... واعتقد إن استضافته امبارح كان بهدف إعطائه فرصة أخيرة أدام الشعب يقدر يقنع الشعب بيه ... وعشان كده شفنا إن ساويرس فضل موجود معاه في اللقاءين ... وواضح في اللقاءين إنه كان بيلعب دور المحامي. لكن للأسف الفريق أحمد شفيق لم يكن مقنعا على الإطلاق. 2- الراجل أساء لمكانته العسكرية كتير بانفعالاته وعصبيته والمفروض إن الراجل العسكري القائد يقدر يتحكم في انفعالاته ويقدر يواجه الشخص اللي ادامه بهدوء ... وده اللي افتقده الفريق شفيق 3- ودي من أهم الأسباب ... إن الراجل بصراحة فقد أعصابه وخبط في الحلل ... يعني خبط في مبارك تخبيط جامد وقالك ( مبارك كان على الأرض بيجني نجاح أحمد شفيق )... وقال كلام كمان إن وزير العدل فضل في منصبه بسبب حاجة معينة ... واتكلم كمان عن بقاء أحمد أبو الغيط ... وإن المشير لما يحب يعرف حاجة عن أزمة بوروندي هيوطي على أبو الغيط يسأله.. ( كلام يودي ورا الشمس ). يتبقى الوجوه الثلاثة الكريهة في الوزارة ... ( الخارجية - الداخلية - العدل )...

20 صفحة كل واحد عامل له صفحتين 3 .. يعنى كلهم مش هيزيدو عن 8 افراد باكتر من اكونت عموما اللى عاوز يمدح شفيق هو حر انما انه يشتم شباب التحرير فكده اعتقد الناس عرفت هو مين .

بانتظار تغيير مرعي أبو الغيط وجدي بأسماء نزيهة و مشهود لها بالكفاءة .. من الأسماء التي طرحها ائتلاف الثورة .. حتى لا يحدث اختلاف آخر

وزير مصري سابق يتقدم مسيرة تطالب بإنهاء حكم مبارك آخر تحديث: الثلاثاء 8 فبراير 2011 3:09 م بتوقيت القاهرة تعليقات: 11 <A href="http://www.shorouknews.com/ContentData.aspx?id=386838#Commenter">شارك بتعليقك - القاهرة- رويترز وزير النقل المصري السابق عصام شرف Share862 var addthis_pub = "mohamedtanna"; اطبع الصفحة var addthis_localize = { share_caption: "شارك", email_caption: "أرسل إلى صديق", email: "أرسل إلى صديق", favorites: "المفضلة", more: "المزيد..." }; var addthis_options = 'email, favorites, digg, delicious, google, facebook, myspace, live'; ذكر شهود عيان أن وزير النقل المصري السابق عصام شرف قاد اليوم الثلاثاء مسيرة تطالب بإنهاء حكم الرئيس حسني مبارك. وأضافوا أن المسيرة طافت بالمنطقة التي يوجد فيها مجلسا الشعب والشورى ومجلس الوزراء وعدة وزارات من بينها وزارة الداخلية في وسط القاهرة. وتابع أن المسيرة ضمت أعضاء في هيئات التدريس بالجامعات المصرية وطلاب دراسات عليا وآخرين. وقال أحد شهود العيان إن المشاركين في المسيرة رددوا هتافات من بينها "الشعب يريد إسقاط النظام". وأضاف حين مروا أمام مجلس الشعب هتفوا: "باطل.. باطل.." وشغل شرف منصب وزير النقل من يوليو عام 2004 إلى ديسمبر من العام التالي

المقال ده من الدستور منشور سنة 2010 عن المهندس عصام شرف ، أظن حاجة مبشرة والله المستعان

وما ينفعش برضوا يا فتفتوته كل خمس دقايق حد يقول على شباب الثورة انهم بيلعبوا حرب النجوم ولا مناضلين الكيبورد ولا الهمز واللمز المتواصل من اناس نجلهم ونكبرهم ونحترمهم لكن نختلف معهم في وجوب تقديم كل الاحترام والتقدير للثورة وشباب الثورة وشهداء الثورة الذين وقف المتحدث الرسمي للمجلس الاعلى للقوات المسلحة وادى التحية العسكرية لهم ,, كان واجب عليكي يا غالية زي ما تحفظتي على جملة( كرهت اكتوبر )ان تتحفظي ايضا على جملة( حرب النجوم ) ,, تحيتي يا استاذة ,,

للي عايز يعرف السفارة فتحت ملفات لحد يوم كام, مرفق جدول صغير للموضوع, تحياتي, :hi: أمير,,,

اقترح على شعب مصر العظيم الكريم النبيل ابو عيون سوده ان يتم تغير اسم ابو الهول الى ابو جمال علشان اولادنا مينسوش ايه سبب تغير الاسم

ممكن نستأذنك في اهم النقاط؟ النقاط اللي قالها د / طارق البشري بإختصار علي قد الذاكرة : _ 1- لو لم أكن مقتنعا بإجراء تعديلات دستورية لفترة إنتقالية فقط لما شاركت 2- ثورة 1919 قامت و نشأ بعدها دستور 1923 النهائي (( بعد أربع سنوات كاملة )) و لكن بمجلس شرعي منتخب و تحت رقابة ديمقراطية 3- ثورة 1952 فشلت ،،، عشان لم تعود للديمقراطية بحجة (( لو عملنا ديمقراطية هيرجع باشوات عصر الملكية للحكم )) و هتف الشعب تسقط الديمقراطية 4- التسريع بالانتخابات أفضل للثوار ،، للإستفادة من زخم الثورة و من وحدة الثوار و الشعب حاليا (( من الطبيعي إنهم سيختلفون لاحقا )) لكن بعد سنة أو سنتين ،،، الناس هتنسي و هتهدي و ممكن الفلول تنظم نفسها أكتر و أكتر و الشعب هيختلف أكتر و أكتر 5- إعتراض تام علي مبدأ إنتخابات الرئاسية قبل البرلمانية بيقول إزاي نكون بالسذاجة نسيب أحلامنا و طموحاتنا في ايد واحد بس من غير رقابة من مجلس شعب أو أي جهة (( مني الشاذلي بتقوله مجلس الشعب الجاي ده بطيخة )) قالها افضل أوزع الشك في 500 و مش عارف كام بطيخة ،،، عن أني أحط كل الشك في بطيخة واحدة 6- أهم بند تم إضافته في الدستور المعدل هوا (( إلزام الرئيس بتأسيس دستور جديد خلال ستة اشهر )) يعني خلال سنة و عدة ايام ،، يكون هناك حكومة جديدة و دستور جديد 7 - دي وجهة نظري و لا أدعي إنها الثواب المطلق (( شئ جميل فعلا رغم إنه واضح إنه بيتكلم عن دراسة لتاريخ الثوارات و السياسة مش مجرد مخاوف )) 8- لا استطيع أن أتنبأ عن المستقبل و اقول أنا متفائل أو متشائم و لكن أجزم إن مصر الآن افضل بمراحل مما كانت عليه و سعيد إني علي قيد الحياة حتي هذا اليوم (( مني الشاذلي بتقوله رغم الإنفلات الأمني ههههههههه )) 9- غير كده مجرد توضيح لتفاصيل صفات رئيس الجمهورية و دفاع عن نقط إن لايكون حاصل علي جنسية آخري أو متزوج من أجنبية ، بيقول إذا كانت دي شروط للعمل بالقوات المسلحة و وزارة الخارجية من الأولي إنها تكون شروط لرئيس الجمهورية الصراحة أقتنعت تماما بوجهة نظره ،،، الديمقراطية الآن ،، هيا الضمانة الوحيدة شكرا البرادعي ،، شكرا علاء الأسواني ،، شكرا أي حد آخر مؤمن بنفس الفكر ، آحبكم و أحترمكم و لكن لا أثق في اي حد يكون بيده سلطة مطلقة حتي لو أنتم ،، يا جماعة ربنا أدانا عقل لو مجلس رئاسي من ثلاثة يثق فيهم الشعب و حكومة نكنوقراط من ناس يثق فيهم الشعب ** طب خلاص ما بالمرة نلغي الانتخابات و الديمقراطية و نجيب ناس يثق فيهم الشعب ** الديمقراطية بعبثها و إختلافاتها و تضارب مصالحها و صراعاتها هيا الضمانة الوحيدة ده يكشف ده و ده يراقب ده و ده يعترض علي ده و نشوف الناس اللي بتتكلم دي هيمارسوا الديمقراطية إزاي ؟؟ هوا إحنا هنثق فيهم علي كلامهم بس شايف إن الثوار الآن المفروض يشغلوا نفسهم فقط بالإستعداد للإنتخابات ،،، و بلاش تضييع وقت في نقاشات جدلية غير مفيدة سواء عن طريق تكوين ائتلاف يجتمع علي الحد الأدني للمطالب الموحدة لقوي الثورة (( ممكن يكون منهم الأخوان بتنظيمهم )) أو عن طريق الإنتشار و إقناع الشعب بعدم التصويت لأي فاسد و ينتمي باي صفة للحزب الوطني

في السنة اللي رفسنا فيها الطيار ، جبنالكم ... بتاع المطار ! ثورات مصر.. أم الأجنبى

ما حدث فى مصر أقرب إلى زلزال غير مسبوق ... ثورة شعبية بدأها الشباب نجحت فى إزاحة رأس النظام الإستبدادى فى أيام .... شئ لم يحدث فى التاريخ. ما سبق كان إستهلالا لابد منه الفاضل سكوربيون جيلى أنا أشعر بإمتعاض من وجود شباب يرتدون الجينز فى حفلات رسمية فى الفنادق الكبرى لا لشئ إلا لأنى فى سنى تعودت على التوكسيدو و البابيون فى الحفلات الرسمية. رغم كل ذلك أنتهز فرصة هذا الموضوع و أطلب من شباب المحاورين ..... لا .. ليس إرتداء التوكسيدو و البابيون فقط لا ترتدى "شبشب زنوبة" و حاول أن تقلل من النقل الذى لا يسمح بالحوار.

استاذ كامل حضرتك بتطلب إن المحاورات ترجع لشكلها ودورها الطبيعي لكن ... هل هناك شيء طبيعي في حياتنا اليومين دول البلد فيها أي شيء ماشي بشكل طبيعي هل اللغة السائدة في الإعلام الآن طبيعية هل ما يحدث في الشارع طبيعي هل الأحداث السياسية المتسارعة في مصر بها أي قدر من الطبيعية وقس على ذلك كل ما حولنا إذا لم يكن هناك أي شيء على طبيعته فلماذا نتوقع من الناس أن تكون طبيعية في نقاشاتها أتصور أن إدارة المحاورات ينبغي أن تكون متفهمة للأوضاع الاستثنائية التي نعيشها وتسمح بهامش يتجاوز ما اعتادت عليه من حرية في الطرح سواء من حيث الشكل أو الاسلوب وحالما تعود الأمور الى طبيعتها في الواقع ستعود اليها هنا كذلك وهنرجع نتناقش برؤوس بارده حول المواضيع الأزلية ونمضي الساعات في المناظرات الفكرية لكننا الآن في خضمّ معركة لكسب العقول والعواطف بجانب الثورة أو ضدها

.................................

لاشك اننا نعلم ان الآلاف من المصريين الفارين من القطاع الغربى فى ليبيا لم يجدوا أمامهم منفذ يخرجون منه من جحيم مايحدث فى ليبيا إلا عن طريق تونس. ونعلم أيضا أن تونس بلد صغير ، ذو موارد قليلة لاتستوعب هذا النزوح المفاجئ من ليبيا من جهة الشرق بالإضافة لحالة الثورة التى لاتزال قائمة على أرض تونس والتى تسببت لهم فى خسائر اقتصادية تؤثر على موارد الدخل بالطبع. ولكننا من متابعتنا للإخبار نعلم أن السلطات والشعب التونسى يبذلون مابوسعهم لأيواء النازحين من ليبيا والغالبية من المصريين لكبر حجم العاملين المصريين بليبيا وكان ذلك سواء بفتح المدارس او الأماكن العامة وتقديم كل مايستطيعون من خدمات. وتقديرا منا شعب مصر يجب أن نتقدم بالشكر والتحية لتونس وشعب تونس الشقيق على كل مايقدمونه من مساعدة لأبنائنا النازحون الى ارضهم انتظارا لعودتهم الى ارض الوطن. شكرا شعب تونس

عودة قوية يا مصراوية و سؤال في الجون كثيرا ما كنت اسمع عبارة " كله بالقانون" يلعبون على القوانين و على الثغرات القانونية او بمعنى أصح يتحايلون على القانون و الحل يكون في تعديل القوانين و ازالة الثغرات لأننا بالطبع لن نترك الأمر لضمائر الناس لابد من إحكام الرقابة من قبل القيادات الشريفة الحرب ضد الفساد لن تنتهي حتى يرث الله الأرض و من عليها الحرب على الفساد قد بدأت بعد طول انتظار مصراوية مش حنسيبك الا لما تحكيلنا ازاي الفترة اللي فاتت عدت عليكي لازم تعملي موضوع بكل التفاصيل الحمد لله على السلامة وحشتيييييييييييييييييييييينييييييييييييييي

أولا .. الحمد لله انك رجعتِ بالسلامة وحشتيني :wub: سؤال مشروع جدا و ده محور تخوف ناس كثير ان الفلوس مش هترجع .. أو على الأقل جزء كبير منها مش هيرجع فيه موقف بيحضرني سيدنا عمر رضي الله عنه .. كان يشاطر الولاة و العمال أموالهم دون أن يتهمهم بالفساد (اللي بيتهمه بالفساد و تثبت عليه قصة ثانية) يراجع الفرق بين ثروتهم قبل و بعد الولاية و يرد نصفه لبيت المال لأنه لا يعقل أن تجارتهم او اعمالهم لم تتأثر ايجابا و لو بشكل غير مباشر من وجودهم في السلطة حل برده

اترددت كتير انى اكتب دلوقتى وهنابالذات لكن عشان هنا فعلا الجزء الخاص بى فى بيتنا الكبير حسيت انى كانى داخله غرفتى وبقابل اصحابى المقربين اوووى وعاوزه افضفض معاكم بصراحه استحملونى بقى عشان انامليانه اوى ومحتاجه ارتاح معاكم من قبل سفرى فى يناير لمصر حصلت مداخلات مش لطيفه فى الباب بتاعنا ده ..لا اخفى عنكم انا بلغتها عنها الاداره ومشكوره اتخذت اللازم وبسرعه ...لكنى بصراحه لم انسى حتى الان اللهجه ولا الاسلوب اللى اتخاطبنا به من اشخاص غير معلومين بالنسبه لنا ...الموضوع ده بالبلدى كده ..قفلنى من المنتدى لفتره النقطه التانيه الاحداث العامه فى مصر والخاصه جدا بى اثناء العطله كانت كلها كئيبه ومصيريه وغير محدده المعالم حال البلد ماكنش بيخلينى انام .. لاول مره من سنين وما اخبيش عليكم انا فى فتره حسيت انى مكن استغنى عن تواجدى بمصر تماما اللى بيربطنى بيها ابويا وامى وبعض الاقارب فقط ....لكن ثبت لى العكس .انا لاول مره من سنين ابكى بحرقه وانا سايبه بلدى مع العلم ان اسرتى معايا..مش بس اللى رابطنى بيها ولادى ولا اهلى لاء حسيت ان رباطى بمصر قوووووى جدا وفى دمى مش كلامى بس حسيت كأنى سايبه ابنى الرضيع او ابويا المسن الاتنين محتاجنى محتاجين امهم او بنتهم تمسح دمهتعم او تطبطب عليهم محتاجين لمسه الحنان ونظره العطف زى ما انا محتاجه منهم احساس الامان والعيله لاقتنى فى يوم بعد ما كنت بضلم الاوضه لولادى عشان يستمتعوا بالنوم فى الاجازه ..بظبط لهم المنبه عشان ما ينسوش ورديتهم فى الحراسه مع الناس اللى ماليه الشوارع عشان تأمننا..لاقتنى بمسك ابنى سلاح وبقوله خليك حريص وانتبه لحد يهاجمك ..مامنعتوش انه يخرج عشان مايتعرضش لاذى ..وده اغلى من نفسى على ..ده ابنى شفت شباب كطنا بنقول عليهم عيال مدلعه بتوع نوادى واقفين وقفه يحلم بيها اهاليهم لما كانوا فى سنهم شفت شباب مسيحى عامل كردور حوالين اخواتهم اللى بيصلوا الجمعه فى التحرير عشان يحموهم ..شفت شاب ملتحى افتكرته من الاخوان بيرفع صوته يردد التكبيره عشان يسمعها اللى بيصلى اللى فى اخر الصفوف واتعجبت ليه ما بيصليش هو كمان ؟؟ ولما رفع ايده يحوط على بقه عشان الصوت يعلى لاقيت عليها صليب شفت ناس بتبكى وبتضحك على حزن وفرح بعض لا تعرف المسيحى من المسلم شفت بنات واقفين فى التحرير مع اهاليهم لا ولد اتحرش ولا بنت ادعت النعومه كلهم واحد بيحبوا مصر شفت الناس فى المعادى من كل الطبقات ماسكين مقشات واكياس قمامه وبينضفوا ومش بس عندنا فى المعادى لاء فى كل شوارع وحوارى مصر شفت شباب بينظموا المرور لحد الفجر من اول المظاهرات لحد قبل مجىء الكويت بيومين شفت منشورات بتحفز الناس على الامانه وعدم الرشوه على الاحترام على الصوت الواطى على التعاون على النظافه من الاخر لو دى بس ايجابيات الثوره اتمنى انها تدوم وتستمر مش هاناقش احلام ولا هناقش سلبيات او ايجابيات فقط بفضفض معاكم لانى حتى الان فاقده القدره على التوازن ...لازلت فى حلم الله اعلم ده حلم ولا علم

احنا عارفين بتوع السعودية دافعين لك كام :closedeyes: كل ده علشان مش عارفين المساكين ياخدوا اجازات زي مغتربين الكويت وبتفشل كل الخطط بتاعتهم في تخزين المية لمواجهة الصيف ..حقيقي غلابة انا بقترح انه يعتصموا علشان ياخدوا لهم اسمعوا استجمام كل شهرين كده في الكويت وبعدين الاجندة بتاعتهم احنا عارفينها كويس وسؤال ليك انت ولماضة من أنتم من أنتم http://www.youtube.com/watch?v=0YBik61I3DQ

لم تعجبني كلمة عبد الرحمن شلقم مندوب ليبيا في الأمم المتحدة أمس سياسيا وإن كانت عاطفيا مقبولة كنت أتابع الرجل ولم أره يطلب عدم التدخل الأجنبي في بلاده بل إنه كان يلمح له ولم أكن مستريحا لتصريحاته وأراه غامضا حتى وجدته أمس يطالب المجتمع الدولي في مجلس الأمن بالتدخل دون تحديد لطبيعة هذا التدخل ودون حساب لعواقبه ونتيجة لذلك أمريكا تسعي الآن لاستصدار قرار باستخدام القوة لا أدري ماذا يحدث في الكواليس يا شلقم فليحذر إخواننا الليبين في الداخل من هذا الشلقم الذي لا يتحاشي التحذير من التدخل الأجنبي بل لا يمانع فيه هذا ظني والله أعلم

يعلم الله اني منذ بدأت تلك الثورة الرائعة لم يخطر علي ذهني اي فكر طائفي .. لم أفكر أبدآ كمصري مسيحي ... كنت أفكر كمصري فقط ... حتي هذا الموضوع لم يخطر في بالي لحظة اي مخاوف طائفية ... حتي و ان ذكرت الأخوان المسلمين .. فلم اذكرهم كحركة دينية .. لقد ذكرتهم كحركة لدي كثير الشكوك حول أهدافها الحقيقية و تلك الشكوك يشاركني فيها مسلمين ايضآ ... لا أريد ان أرجع الي المربع رقم واحد مرة ثانية .. لا أريد ان يتم حصري في خانة الديانة مرة أخري ... لا أريد ان اتكلم عن ديانتي ... او اي تفكير في المواطنة يحتوي علي جانب منها .... لقد قطعنا شوطآ لا بأس به ... و مع ما حدث منذ يوم 25 يناير قطعنا معآ مسافة أطول و أعمق .. اذن من العبث الآن ان نرجع في خطواتنا ... مخاوفي ... قلقي ... سعادتي و تفاؤلي أعبر عنه كمواطن مصري .... فقط ...