لوحة القادة

تصريحات جادة وجريئة لوزير الداخلية اللواء منصور العيسوي هل يبشر هذا بوزير داخلية يعمل على مصلحة وأمن المواطن؟ هل سينقلنا هذا الوزير من عصر الشعب والشرطة فى خدمة الحاكم الى مرحلة الحاكم والشرطة فى خدمة الشعب؟ هل سنشعر أخيرا أن ضابط الشرطة وفرد الآمن والحاكم يفهمون انهم يعملون لدى الشعب وانهم ليسوا فوق الشعب؟ كلامك مبشر ياسيادة الوزير ونتمنى ان يتحقق ماوعدت به وأن يحفظك الله ويعينك على ذلك إن كانت نيتك صادقة

http://www.youtube.com/watch?v=B-2KBKS9tqI

http://www.youtube.com/watch?v=QcbS8aGvC5s&feature=player_embedded#at=14

ماذا لو فشلت الثوره ماتيجو نشوف

كما كنا نفعل في إعلامنا كله تقريبا وفي محاورات المصريين نتبنى وجهة النظر المسيحية المتشنجة والمتعصبة ونسلخ ذواتنا ليل نهار والأيام أثبتت براءة المسلمين من كل فعل يؤدي للفتنة بعد أن علم القاصي والداني الفاعل الحقيقي بيت يتحول لدار مناسبات ثم إلى كنيسة غير مرخصة ثم اعتقال للشباب المسلم ثم انفجار هل هناك أحد قال ذلك هل يوجد من يعرض الموضوع بطريقة منصفة بكل جوانبها هل هناك أحد أتي بوجهة النظر الأخرى حتى يتكامل الموضوع وتتضح الصورة ومن ثم يكون الحل بطريقة محترمة منصفة تنظر للأمور بأبعادها المختلفة إلى متى ستظل على هذا الحال فتحت القنوات كلها لقيت مليئة بالمسيحيين الذين يحملون الصلبان في أيديهم في تحد واضح ويطالبون بالقبض والمحاكمة لمن هدموا دار المناسبات والكل عمال يقولهم أبونا أـبونا أليس العدالة هي المطلوبة للجميع بداية من هذا التحايل هناك جبن كبير بتجنب الحديث عن كامليا شحاته وعن تجاوزات الجانب المسيحي ألسنا في عهد جديد حرية العفيدة حقوق الإنسان هل فيه محظورات وخطوط حمراء بالنسبة للمسيحيين كما كنا في العهد البائد ولا النظام لم يسقط العدالة فقط وليس ظلما لأحد لا من هنا ولا هناك وانقلوا لنا الصورة صح حتى لا تكون معرفتنا لها عن طريق الصدفة أو عدم معرفتها

http://www.youtube.com/watch?v=Of6jUFTKsQk

http://www.youtube.com/watch?v=LpOQpNHmwkE

مايحدث الان بين المسلمين والمسيحيين هو فتنه طائفيه الغريب هو الاجراءات التى تتخذ فى هذا الموقف وهو نفس الخطا الماضى وهو دخول المشايخ والقسسه لمحاولة حل المشاكل كفانا عبث كفانا دفن رؤسنا فى التراب كفانا قول اننا اخوات وحبايب لابد ان نعترف ان هناك بعض الكره بين كثير من المسلمين للمسيحيين ومعظم المسيحيين للمسلمين هذا الكره نتيجه تراكمات 30 سنه من دفن الراس فى التراب ومنذ حكم الرئيس المخلوغ للمسلمين وحكم البابا للمسيحيين لماذا لايكون الحل من خلال القانون مادخل المشايخ والقسسه فى الموضوع دخول هؤلاء يزيد الفتنه ولايطفئها دعونا نحاول حلها بالقانون كنيسه حرقت وناس شردت فلنظر ماذا يقول القانون لماذا لايتم القبض على كل مسلم وكل مسيحى اشترك فى هذا العمل ويتم التحقيق معهم مهما وصل عددهم حتى لو وصل مائة الف المخطا ياخذ جزاء رادع بلاش كلاب الحب والاخوه اللى بيتقال من 30 سنه ولاقدم ولا اخر خلى الناس تخاف لانه فيه قانون

الحياة...... تحدى ...... وقدرة على التحمل

بدء خطوات تمكين المصريين داخليا وخارجيا من التصويت الإلكتروني كلف الدكتور ماجد عثمان، وزير الاتصالات وتكنولوجيا المعلومات، هيئة تنمية صناعة تكنولوجيا المعلومات "ايتيدا"، ببدء حوار مع منظمات الأعمال والمجتمع المدني العاملة في مجال تكنولوجيا المعلومات، وكافة المهتمين لدراسة مدى إمكانية الاستفادة من قانون التوقيع الإلكتروني وتطبيقاته وأدواته في تمكين الناخبين المصريين من التصويت في الانتخابات الرئاسية القادمة، كخطوة تهدف إلى التفاعل مع كافة المصريين باستخدام التكنولوجيا الحديثة التي أسهمت في تغير إيجابي حقيقي للمجتمع المصري، وتوسيع قاعدة المشاركة في الانتخابات. وصرح المهندس ياسر القاضى الرئيس التنفيذى للهيئة، بأنه فى إطار هذا التكليف تم دعوة ممثلي شركات التوقيع الإلكتروني وتكنولوجيا المعلومات، وممثلي منظمات المجتمع المدني، وخبراء قانونيين ومتخصصين للحوار. على أساس أهمية دور قطاع تكنولوجيا المعلومات في صياغة مستقبل مصر، مشيرا إلى أن الهدف الأساسي هو زيادة قاعدة المشاركة الديمقراطية من كافة شرائح المجتمع بشكل يتسم بالنزاهة والشفافية. وقال إن الهيئة تسعى من الحوار إلى الوصول إلى أكثر الوسائل والتطبيقات التقنية دقة وأمنا لإتاحة خيار التصويت الإلكتروني داخل مقار الانتخاب، ودراسة كيفية توفيره للناخب المقيم بمصر وخارجها. وأشار إلى أن إتاحة هذه الوسائل التقنية لن تقتصر على الناخب، وإنما ستمتد إلى القضاة المشرفين على اللجان الانتخابية، بما يتيح لهم ممارسة عملهم الإشرافي في العملية الانتخابية. وأوضح أن ثورة 25 يناير فرضت واقعا جديدا يحتم زيادة الاعتماد على تكنولوجيا المعلومات الحديثة في الوصول إلى المواطن وتحقيق تطلعاته، وتعزيز دور القطاع وشركاته وتفعيل إسهاماتهم المجتمعية. وأكد أن الأسبوعين المقبلين سيشهدان دعوة الهيئة لمختلف الأطياف الفنية، والقانونية، والمجتمعية، والإعلامية لاستمرار الحوار المفتوح حول خيار التصويت الإلكتروني بما يسمح بتطبيقه خلال الانتخابات الرئاسية المقبلة، على أن يتم بعد ذلك رفع تقرير نهائي للدكتور ماجد عثمان وزير الاتصالات وتكنولوجيا المعلومات لإطلاع الجهات المعنية على نتائجه وما تم التوصل إليه. المصدر بوابة الاهرام

رصد عن بى بى سى متظاهرين أمريكين : "حاربوا كمصريين" صرحت هيئة الاذاعة البريطانية البي بي سي ان تظاهرة خرجت لليوم الخامس علي التوالي في الولايات المتحده الامريكية في ولاية ويسكونسين في الغرب الاوسط الامريكي تحتد علي مشورع قانون طرحه حاكم الولاية الجمهوري للحد من قوة النقابات العمالية وحقها في الاضراب وقد خرج مؤيدو الحاكم في تظاهرة مماثلة امام المعارضين الذين كانوا يفوقونهم بكثير هاتفين المصريون علمونا

يعني تلاقي واحد معتبش التحرير و يحكيلك اللي حصل بالظبط و يحلف عليه يعنى لما تشترى أى جورنال متلقيش ملطوع فى أول صفحة: الرئيس مبارك يلتقى بعاهل المملكة يعني أجي اكلمك عن ناس بتموت...وأنت تقولي خلاص حوزع عليهم بنبوني يعني اسامة سرايا والقط لسه رؤساء تحرير لحد دلوقتي يعني ايه كوك زيرو ؟؟؟ ... يعنى الراجل اللى ورا عمر سليمان وبلوفر شفيق أشهر من نائب الرئيس و رئيس الوزراء السابق ىعنى الناس تعترض على ترشىح البرادى و ىسىبو عمرو مصطفى ىرشح نقسة يعني ايه كوك زيور .. يعني البرادعي عميل ومبارك ابونا الحنون يعني الاخوان يحضروا قداس والشباب يضرب تموره يعني نسيب الثورة و نسأل هو البنات اللي كانت في التحرير ده ملهاش أهل تامر آمين يرقص ويطبل للحكومة قبل التنحي وبعد التنحي يطلع يقولنا عفا الله عما سلف يعني التليفزيون والاهرام يساوي مظاهرات التحرير المليونية بالف واحد في مصطفي محمود يعني لاول مره تلاقي رئيس وزراء بيقول في التلفزيون : مليش فيه يا علاء يعني تغيير شعار الشرطة للشرطة في عرض الشعب

اغنية خالد الذكر هاني شاكر عام 1983 في احتفالات اكتوبر قمت بإحياءها لكم مرة أخرى ارجوكم بدون تصفيق و دعونا نعمل و نسمع في صمت يا معلي راية الحريه يا مقوي الوحده الوطنيه غالي علينا و جوه عنينا يحميك ربي لمصر و لينا عشت يا غالي جبينك عالي باراده حره مصريه باراده حره وطنيه http://www.youtube.com/watch?v=DULoQr_GUik

اعتقد انها كلها دعوات شيعيه فعلا هنا الوضع مختلف لو كانت هناك دعوات فهي دعوات طائفيه تماما مثل البحرين فهي دعوات شيعيه اكتر منها دعوات للاصلاح حفظ الله بلاد الحرمين من ايران واعوانها

http://www.youtube.com/watch?v=aRCRb-o7ViM&tracker=False&NR=1

تم حذف المداخلة بناء على طلب العضو الفاضل أستاذ إسلام المصري عن فريق التنسيق والإشراف

شكرا يا استاذ س س كدا انا اطمنت - لان كمان لازم ظابط الشرطة يحس بالامان - انا لما الفترة اللى فاتت باتصل بقرايبى وصدقونى مفهمش واحد ما نزلش الشغل ومفهمش واحد عمل اضراب ولا الكلام العبيط داه لكن بصراحة كانو مرعوبين من اللى بيحصل الناس مش هاقولك كانت بتعمل معاهم ايه ماهو الناس برضوه زودتها اوى وكنت بابقى مرعوبة عليهم هنا وبفكر ان ممكن يجرالهم حاجة وكانو بينزلو حراسة فى اماكن خطر جدا وفيها ناس مسلحين ويسمعو الشتيمة عليهم ويسمعوا التخبيط على عربيات الشرطة فى قمة الاستفزاز ليهم لكن طبعا لو فى قانون او تصريح واضح من وزير الداخلية انه ينبه على المواطنين بعدم استفزاز الظباط اثناء تادية مهامهم زى ما نبهت على الظباط تنبه على المواطنين كدا يبقى افضل شكرا استاذ محمد ولما الواحد يعرف الغلط لازم يعتذر عنه داه عادى وما بالك الغلط لو كان فى حق مصر عاوزة اقولك كان معانا حاجة كدا ليها حصانة خاصة جدا وسحرية ماشيين بيها طول اجازتنا فى مصر - وتفتحلك كل الابواب المغلقة - اسمها - كرنية الشرطة كنا نروح شواطىء الشرطة ومستشفى الشرطة ونوادى الشرطة ونسافر بالقطر كمان ودخول اى مكان بكرنية الشرطة والعساكر كانو يستنونا فى المطار ويشيلولنا الشنط لكن عاوزة اقولك حاجة -اكيد الظباط نفسهم برضوه بالنسبالهم الحاجات دى عادى - ومش فساد وما يعرفوش ان تجنيد العساكر لخدمة عائلاتهم غلط - ماهو كل عائلات ظباط الشرطة ليهم المميزات دى كمان لان مرتباتهم ضعيفة فبيعوضوها بحاجات تانية كميزات اضافية يعنى مش عارفة اكيد هما ما كنوش يعرفو انها غلط برضوة والا كانو اعتذرو - ما هو حبيب العدلى كان مفهمهم ان دى حقوقهم العادية وكل البلد هما بشواتها - يعني الظابط على راى عنبو كان باشــــــــا فعلا يبقى خلاص فعلا نبدأ صفحة جديدة وكلنا نحترم القانون ويمشي على الكل - لكن المشكلة ان الفترة اللى جايا صعبة جدا جدا على ظباط الشرطة عبال ما الكل ياخد على الوضع الجديد فى البلد ربنا يستر

اولا احييك يا اغابي على شجاعة الاعتذار عارفين المشكلة في مصر ان معندناش توصيف وظيفي job describtion و اذا وجد .. قليل من يلتزم به

تصدقي برضه لاحظت الملاحظة دي يا ضحى فعلا أستاذ إسلام كان من المعارضين للثورة في مصر:blink: و ممكن يكون الموضوع ده مثلا عشان نقول حقنا برقبتنا ...كان عندكوا حق تخافوا من الثورة يا اللي عايشين في مصر :P و أنا طبعا من صاحباتك و حبايبك و اللي كنت مؤيدة لثورة مصر طبعا عن نفسي مش خايفة على فكرة انا باتمنى الخير للناس اللي هنا اللي همة أهل البلد يعني و اللي احنا عايشين معاهم عن نفسي فكرت والله لو لا قدر الله حصل تخريب ( لأنها عمرها ما حتكون سلمية زي ثورتنا لأسباب التعدد العرقي كما سبق و ذكرت لحضراتكم) لو ده حصل - الله لا يقدر - حأعمل ايه؟؟؟ لقتني مش في تفكيري نهائي أجري على السفارة المصرية عشان ارجع مصر أصل ان لي تجربة في ليبيا أخويا ما جريش على السفارة و لا حتى كان عايز و فضل هناك و بعد اما الاحداث هديت في بنغازي لم عيلته و رجع بنغازي في بيته هناك و عادي يعني قصدي ان اللي يجرى ع الكل يجرى علينا ما احناش خايفين و الأمان على فكرة من ربنا وحده يعني اخويا بفضل الله وحده محصلوش أي حاجة و رجع بيته سالما اللي مكتوب له حاجة حيشوفها في أي مكان و زمان لكن طبعا لازم نتفاءل بالخير و مانتمناش الشر والخراب ( الثورة هنا حتبقى شر و خراب و مش سلمية زي ما كانت عندنا) و لازم دايما ندعي ربنا أنه سبحانه يكفي المؤمنين القتال و ربنا يدبر الأمور بما فيه الصالح آمين

شكل محامى مبارك هيبيعو فى المحكمه plead guilty ضحكه شريره متقطعه

العمالة دى بتيجى على اساس تشغيل الماكينات والمعدات اللى بيستوردها صاحب المصنع من دول شرق اسيا واحيانا بتكون شرط لحصوله على خصومات لهذه المعدات او الصيانة وبتكون بغرض تدريب عمال مصريين والمفروض نسبة تواجدهم معروفة لكن الدولة بتتساهل فبيتجاوز العدد المسموح وبتكون اقامتهم فى نفس مكان المصنع او بالقرب منه ونادرا مايأخذ اجازة عكس المصرى وكذلك اصحاب المصانع بتسجل مرتبات اقل للمصريين حتى تقلل من قيمة التامينات التى تدفعها عنه والتى لايشترك فيها الاجنبى ولانه لاتوجد متابعة من الحكومة على انتهاء فترة عمل هذه العمالة الاجنبية فبعد انتهاء فترتهم فى جهة ما يلتحقون بمكان آخر بمعرفتهم دون اخطار القوى العاملة ( كتير منهم عملهم غير قانونى) العامل المصرى لما بيلاقى تدريب جيد بيكون منتج جيد لكن فى تقصير كبير من جهات التدريب وخاصة ان المدارس الصناعية( نظرى ماعدا مبارك كول ) من الاخر استخدامهم للتملص من حقوق العمل للمصرى من علاج وتامينات

قولنا انت يا ا/ احمد سيف حاجة واحد توحد ربنا تخلينا نفكر مجرد تفكير فى ايمن نور ايمن نور هذا لا يتعدى كونه محامى ناجح او فاشل ايمن نور هذا هو الذى استقوى بامريكا وكوندوليزا رايس ولا نسيت وكل من استقوى بامريكا انا اعتبره من الخونة لانى مستعد اتحمل حسنى مبارك كمان 30 سنة ولا الاقى امريكا متدخلة جهارا نهارا عالنا وكما قال مصطفى الفقى ..المتغطى بامريكا عريان هتقولى طب ما مبارك كان علاقته حلوة ومطبع مع امريكا هاقولك ماشى ولكن دهاء منه لا استكانة....( يعنى نظام فيد واستفيد) ثم كما قالت مدام سلوى / دى مصر يا اخواننا مش قضية مخدرات ( دى من عندى انا ...ههههه) اما عن الضحك فمعلش كون ان افكر بس ان ايمن نور يبقى رئيس فده يضحك بجد كأنك بتقولى عادل امام يحكم البلد

http://www.youtube.com/watch?v=eXAANOZ5t9w

القانونين اللي هايحطوه بعدين يحطوه دلوقتي هنا لب المشكلة اذا اتي الجيش بشخص اسلامي سيقول العلمانيين هذا الشخص منحاز ولايمثل الشعب واذا اتي الجيش بشخص علماني والغي الماده الثانية مثلاً ستقوم الفتنة في البلد وسيخرج السلفيين وغيرهم للتظاهر ويمكن كمان يكون هناك دم وفي كل الاحوال سيقال بعد ذلك هذا دستور اتي بارادة الجيش واي رئيس يريد الغاؤة سيلغية بكل سهولة لابد ان تكون اللجنة التي ستضع الدستور لجنة منتخبة من مجلسي الشعب والشوري وليست لجنة معينة من احد حتي يكون لها شرعية ولانكرر اخطاء الماضي

ليه كاتب المقال ما قالش مصادره في ان 40% في السعوديين فقراء؟ و بعدين ليه ما وضحش ان 70% اللي مش قادرين يشتروا منازل قصدهم ايه بالمنزل شقة ولا فيلا او قصر؟ كلمة منزل بصراحة واسعة المفروض يوضحها و بعدين اللي مش لاقيين يشتروا منازل دول ما وضحش الكاتب هما عايشين فين شقق ايجار ولا عشش صفيح و لا في المقابر و لا عايشين فين؟ مش عارفه حاسة ان كلمة دول العالم الثالث دي وسعت اوي من كاتب المقال و بعدين يعني ايه ضعف التعليم يعني هل المدارس الحكومية هنا مش مكفية العدد و لا بتاخد فلوس غالية و بالتالي مش عارفين يدخلوا ولادهم مدارس اصل بصراحة الاتنين مردود عليهم اخو جوزي بيشتغل في شركة مقاولات تخصصها بس بناء المدارس و بيقولي عدد المدارس اللي بيتم بناءها مهول يعني اخر مناقصة دخلوها كانت ب 40 مدرسة مرة واحدة اما ان التعليم هنا بفلوس في اللي اعرفه ان التعليم الحكومي هنا مجاني حتي في كتير مصريين مدخلين ولادهم حكومي عشان المجانية دي اما موضوع ان 90% من العمالة وافدة فا دا لان في سعوديين بيترفعوا انهم يشتغلوا بمرتب قليل ثم ان موضوع السعودة دا مطبق بشكل كبير و انا اسفة في اللي هاقوله بس دي الحقيقة في شركات بتعيين مدير سعودي كده بالاسم و هو ما بيروحش و بيفضل انه يقعد في بيتهم و الكلام دا من واقع شغل جوزي لازم المدير (ها واخدين بالكم مدير مش عامل) يكون سعودي و هو براحته يجي ما يجيش المهم انه يقبض اول الشهر و اعلى من كل اللي بيشتغلوا بس للحق في ناس سعوديين بيشتغلوا في مهنة حارس بس الحارس دا ممكن يوصل عمره ل 70 سنة و عنده اورطة عيال ما شاء الله و لسا متجوز جديد كمان فا بصراحة اللي يبقى فقير هنا يبقى دا ذنبه يعني معلش واحدة صاحبتي سعودية و الله دا حصل اتجوزت ابوها اخد مهرها و راح اتجوز بيه بنت اصغر منها فا العقل زينة يعني واحد تاني و دا جوزي كان هايجيله بجد انهيار لما شاف الورق بتاعه عنده 24 ابن و بنت اظن دا لما يبقى فقير يبقي من وجهة نظري بصراحة يستاهل دا احنا في مصر لما حد يخلف اكتر من 4 بنقول عليه كلام كتير و ماشيين ليل نهار بتوع تنظيم الاسرة و كفاية اتنين كفاية اتين لكن لما كل واحد يجيبله دستين عيال و يقول انا فقير يبقى يتحمل بقى بجد اما بالنسبة للمقارنة بنظرائهم الشباب الخليجين فا هاتكلم عن الامارات لاني عيشت فيها نسبة كبيرة من الشباب الاماراتي مش كسول زي الاخوة السعوديين كنت كتير باروح لبابا في الشغل باشوف شباب زي الورد اماراتيين قاعدين بيشتغلوا زي النحل و الاهم بيسمع للي اكتر منه خبرة يعني بابا مثلا كان بيدرب شباب اماراتي و ما عمروش قال انه واحد فيهم اتكلم معاه بعجرفة او قلل منه بالعكس بيتعلم عشان يفهم و يستفيد لكن الاخوة في السعودية الكتير منهم (و مش باجمع لان كل مجتمع فيه و فيه) عكس كده خالص بيتكلم دايما من منطلق الكفيل حتى لو هو مش كفيل فعلي بيفكرني الكلام دا بالمشهد بتاع رئيس الوزراء البريطاني اللي الست بهدلته و هو مش عارف يرد طب ما هو الناس بتسمع للناس و بتتبهدل ايه المشكلة الكلام دا بجد نكتة يعني الشباب السعودي بيسرع على الطرقات من خنقته لا و النبي و كمان زعلانين من نظام ساهر لا صح المفروض يسرعوا زي ما هما عاوزين و يدهسوا خلق الله براحتهم و الله و الله احنا بطلنا نروح شارع التحلية و العليا اجمالا للمهازل اللي بتحصل هناك يا ريت عربيات بس لا دا بيتش بجي و يتشقلبوا بيه و يمشوا على العجل اللي ورا بس و ساعات بقى التفنن و احد يمشي بيه على الجنب مهازل و الله العظيم لما بنروح هناك مضطرين اقسم بالله باتشاهد طول الطريق و جوزي بتبقى عينه في وسط راسه دا انا لو من الشرطة اللي يتمسك و هو بيعمل كده يتقدم للمحاكمة بتهمة تعريض حياة الاخرين للخطر و هارجع و هاكرر تاني عشان يبقى واضح للكل كلامي مش للدفاع عشان انا هنا في السعودية بس الواحد بيقول كلمة حق و لو الكلام على الامارات هاقول نفس الكلام لاني عيشت هناك فترة قبل كده و شوفت بعيني

http://www.youtube.com/watch?v=tkVDaNk82cI&feature=player_embedded

مممممممممممم .. اعتبروني شتمت كلامه بيفكرني بكلمة عاش الفقيد :) انا شامم ريحه وحشه فاكرين في انتخابات الرئاسه لما كانت الاهرام مصوره واحد بكيس نايلون فيه الورق بتاعه ولابس شبشب رايح يرشح نفسه ولا نعمان جمعه اللي طلع مجنون ولا ايمن نور اللي طلع مزوراتي علي اساس ان كل الشعب سفهاء ومافيش ادامنا غير المخلوع نفس الريحه بتاعه السفهاء المرشحيين

مين الحيوان ده بيشتغل ايه ؟ و بعدين عيب عليه ده لهجته فلاحى يعنى المفروض يفهم فى الاصول

ماهو علشان كده المفروض يكون هناك توافق فكري وبرنامج عمل مشترك بين الرئيس والنائب يعني ما ينفعش المرشح للرئاسة يكون شيوعي والنائب بتاعه إخواني وطبعا لا يوجد ما يجبر الرئيس انه يختار نائب قبل الانتخابات إذا لم يجد من يقتنع به أو لم يستطع تكوين تحالف ... وإن كان ذلك سيمنحه ميزة نسبية لأنه بالاختيار المناسب يمكن أن يرفع أسهمه في مواجهة منافسية والأمور هتكون أكثر وضوحا للناخب لأنه يعرف من سيكون نائب الرئيس إذا اختار هذا المرشح ولا يفاجأ باختيارات لا يرضاها بعد الاختيار أنا اقترحت هذا أساسا لمنع تشتت الأصوات بين المرشحين من نفس التيار وبالتالي وصول رئيس غير ممثل لإرادة الناس و شخصيا أتمنى أن يكون الرئيس القادم هو البرادعي بما له من خيرة سياسية ورؤية شاملة ويكون نائبه هو المستشار البسطويسي الذي تعرف عنه النزاهة ليتولى ملف تطهير البلاد من الفساد شكرا للتوضيح ووصلت الفكرة وعشان اؤكد مش الزامى على حد انه يبقى معاه نايب وهو بيترشح ولو كان معاه نائب سوف يمنحه ميزة نسبية فى النجاح

عمر ما كانت التأتأه أثناء الحديث مشكلة تمنع شخصا من أن يتصدى للعمل العام على الأقل هو يتكلم بصراحة مش زي بعض أصحاب اللسان الطلق الذين يلفون ويدورون ويكذبون ويخادعون والذين ينطبق عليهم قول الله تعالى في كتابه العزيز { وَمِنَ ٱلنَّاسِ مَن يُعْجِبُكَ قَوْلُهُ فِي ٱلْحَيَٰوةِ ٱلدُّنْيَا وَيُشْهِدُ ٱللَّهَ عَلَىٰ مَا فِي قَلْبِهِ وَهُوَ أَلَدُّ ٱلْخِصَامِ } * { وَإِذَا تَوَلَّىٰ سَعَىٰ فِي ٱلأَرْضِ لِيُفْسِدَ فِيِهَا وَيُهْلِكَ ٱلْحَرْثَ وَٱلنَّسْلَ وَٱللَّهُ لاَ يُحِبُّ ٱلفَسَادَ } .

http://www.youtube.com/watch?v=eQuL2GxTHt0

http://www.youtube.com/watch?v=uyWkZb5Ldu0

منقول

أنا أعترض بشدة على على النبرة التحريضية التى يتعامل بها بعض المصريين فى هذا المنتدى مع دعوات التظاهر فى السعودية. الدعوة بالفعل أغلبية من يتبناها الشيعة وهم أكثر الناس دعوة إليها ولقد أوقعنى قدرى للحديث مع بعضهم لسفرياتى الكثيرة للدمام بالقطار وكثيرا ما جلست بجوار سعودى شيعى وتبادلنا الأحاديث وكل مرة كان يزيد غضبى عليهم، فهم يعيشون فى المملكة وأقسم بالله العظيم ولاؤهم لإيران وإللى مش مصدق يجرب يدخل معاهم فى حوار وينتقد أى موقف إيرانى. لا ينبغى أن نصبح نحن المصريين مصدرين للثورة بدون وعى وخاصة عندما نعلم أنه لو حدثت حرب أهلية فى المملكة السعودية فلن يستفيد منها إلا إيران التى كنا نخاف من تصديرها لثورة الملالى إلينا فى مصر، والتى بالفعل إحتلت معظم العراق وما أسهل أن تسلح شيعة شرق المملكة لفصلها وخاصة ان معظم بترول المملكة يتركز هناك. ثورة مصر كانت مختلفة لأنها نشأت من داخل المجتمع ومن أناس ليس لديهم أى إرتباطات خارجية ومن كل طوائف المجتمع. لكن أنظروا الآن عندما بدأت بعض الطوائف لا ترى إلا مصالحها فالثورة مهددة بأن تتحول إلى حرب أهلية. فما بالك بثورة أو إحتجاجات بدايتها طائئفية؟ نحن أيدنا ثورة ليبيا لإننا أحطنا بكل أبعادها وعلمنا انها ثورة على ديكتاتور 99% من الشعب ضده وهو يقوم بقتل شعبه. لكن فى المملكة الوضع مختلف فهم راضون كأغلبية عن الحكم الملكى -ولم يثبت العكس-. من الآخر الموضوع ده ليس لنا دخل فيه كمصريين لأننا عندما قمنا بثورتنا كان كلما تكلم أحد الناس لتوجيه الثورة كنا نهاجمه ونقول له "مالكش دعوة إحنا عارفين مصلحتنا فين" وبعدين معظم الأصوات إللى بتهيص للثورة فى السعودية وبتدعوا المصريين كمان يشتركوا فيها هى نفس الأصوات اللى بتهاجم المصريين لما بيقولوا نقف جنب إخواننا فى غزة وندعمهم إقتصادياً ضد الصهاينة ولحماية الأمن القومى المصرى. شكراً ومش ها أكتب فى الموضوع ده تانى لإننى مشغول بثورة مصر. وياريت لو ها نعمل موضوع لمتابعة الأحداث فى لاسعودية فيكون فقط لنقل الأخبار زى شبكة رصد كده وليس لإبداء الآراء والتنبؤات لأننا نجهل الكثير عن المجتمع السعودى وغالباً ما ستصبح آراءنا مبنية على إجتهادات شخصية وكل واحد هايفسرها تبعاً لأيدولوجيته ونقعد بس نشوف أهل الشأن بيحللوا مواقفهم إزاى.

السلام عليكم و رحمة الله و بركاته شيكو....طنط هند...فتافيتو ليكوا مني باشمهندس اركتيكت....استاذي التونسي صباحكم....بنقاء قلوبكم اسعدتني جدا نوافذ القلب المفتوحة هنا صباحكم أنتم.....و ده يكفيني

انا ارفض اى مطالب فئويه للاقباط فى هذا الوقت الحرج فانا اؤمن ان فى ظل دوله ديموقراطيه عادله مبنيه على دستور يساوى بين المصريين كل صاحب حق سيأخذ حقه و لن يحتاج الاقباط للبابا او الكنيسه ان تتحدث باسمهم او تتفاوض بالنيابه عنهم انا لا ابرر اى اعمال عنف يقوم بها مسيحيين مهما تم ضدهم حتى و لو قتل الف منهم. فالعنف ضد مبادئ المسيحيه و لا يجب استخدامه اطلاقا لكن تكرر سؤال من اكثر من زميل و زميله "ما الجيش هيبنى الكنيسه. هما المسيحيين عايزين ايه؟" و للاجابه ينبغى ان ننظر الى بعض الاخبار التى يركز عليها الاقباط و لا يلتفت اليها اغلب اخوتنا المسلمين فى خضم الثوره" 1- مقتل 11 قبطى فى قريه شارونا بمغاغه يوم 1 فبراير فى حادث ثأرى طائفى حيث قتل قبل عام شاب قبطى و فتاه مسلمه اشيع انهم على علاقه عاطفيه و جاء هذا الحادث كثأر من الاهالى ضد عائله الشاب القبطى 2- هدم كنيسه برفح و حرقها 3- هدم الجيش لسور بنى لحمايه دير الانبا ببيشوى و قد استخدم الجيش الذخيره الحيه و اصاب بعض عمال الدير و الرهبان 4- مصرع كاهن قبطى فى اسيوط فى ظروف غامضه 5- احداث قريه اطفيح حيث تسببت الشائعات عن علاقه بين شاب مسيحى و فتاه مسلمه فى خناقه بين والدها و ابناء عمومته انتهت بمقتل اثنين مسلمين فى تبادل لأطلاق النار و بعد الجنازه القى بعض المسلمين باللائمه على المسيحيين و قاموا بحرق الكنيسه ثم تهجير المسيحيين من القريه ثم هدم الكنيسه بالكامل و الشروع فى بناء مسجد قد نختلف على ملابسات الاحداث التى ساهمت فى هذه الاحداث و من السهل القاء اللوم على هذا او ذاك لكن الحقيقه ان كثير من الاقباط خائفين بشده و هذه الاخبار و غيرها الكثير من الشائعات التى تسرى كالنار فى الهشيم تأجج توترهم الثوره اثبتت ان مصر لسه بخير و المصريين مسيحيين و مسلمين اشقاء فى الوطن لكن تبقى تراكمات و مظالم و سوء تفاهم كبير ينبغى العمل على حلها اكرر انا ضد المطالب الفئويه فى هذه الايام و لكن اتمنى ان هذا التحليل يجيب على سؤال البعض " هم المسيحيين عاوزين ايه؟".

وإذا كان ده على هواه وظل صامتاً ؟ إيه هاننتظر لما النار تاكل كل حاجه ؟ لأ أسف ... لازم الجيش يتدخل وبكل حزم ... ولو ضد البابا شنوده نفسه لو خرج على النظام ... ولو ضد شيخ الأزهر أو أي شخص يحاول تأجيج الفتنة

الواحد مكتئب وقرفان من الصبح عشان الاخبار اللي تغم دي الاتنين اغبي من بعض سواء بتوع كنيسه اطفيح ولا بتوع كاميليا جاتكم نيله انتم الاتنيين

ببساطة .. سيادة القانون و عدم خضوع القضاء للضغط يا ناااااااااس .. الفترة النتقالية دي خطيرة جدا بنأسس فيها مصر الجديدة مش عايزين بقايا فاسدة من النظام السابق ناس كثير لسة محتاجة اعادة تاهيل عموما .. خطوة اولى صحيحة عايزين دولة قوية

هو انشالله عمرو موسى ده كان شيرهان حتى انا مش هنتخبه ده قعد على جنب طول ما مبارك بيحكم و يظلم فينا 30 سنه و بعدين اما احنا مات :protest: مننا بالمئات جه على الجاهز عايز ياخد الكعكة معلش انا اسفة متقوليش كاريزما و اخيرا جبتكلم بعض من اقول السيد عمرو موسى عشان مننساش يا جماعة و نقع فى نفس فخ مبارك تاني و بدال ما نورثها لأبن مبارك نورثها لأبن عمرو موسى :malta: اذا ترشح مبارك فسأختاره مهما كان منافسه صمته و علمه بالفساد دون محاولة تغيره " الترشح للرئاسة طريق مسدود" طب اما مات مننا 500 و فتحنا الطريق جاى فى تتمخطر رفض حتى التفاف الشباب حوله لمحاولة التغيير و رفض التوقيع على بيان التغيير ده احنا لو هنخاف من شفيق قيراط نخاف من ده 100

اما انى خايفه على اكل عيشى احب اقولك ان مفيش هنا امن الدوله زى مصر ...يعنى مثلا خايفه اشتم احسن الملك يعتقلنى مثلا و اهلى ما يعرفوليش طريق جره ...و لا مثلا بشكر علشان الملك يبعت يقول و الله المهندسه دى بنت حلال و تبعنا يالا نديها وزاره من الوزارات مش خساره فيها هنا يا اخت جويريه مفيش كده و لا فى امن دوله و لا فى استثناءات لو هنا النظام فاسد ماكنش اكل العيش هيقدر يمنع الناس من التظاهر و الا كان الملايين ال فى مصر خافوا برضه على اكل عيشهم و ما طلعوش لكن ماخافوش لان النظام كان فاسد و لابد من بتره وان السعوديه فيها مبانى عاليه فواضح ان حضرتك عمرك ما جيتى السعوديه ابدا و لا شوفتيها او ممكن تكونى فاكرانا مثلا بنتكلم عن دبى ...هنا التوسع افقى لتعمير المساحه الشاسعه للسعوديه و ليس توسع رأسى و كلمه خايفه على اكل عيشى دى الغير مقبوله و وراها معانى للاسف !!!!؟؟؟؟ اترفع فعلا عن الرد اكثر من ذلك لانى مشفقه عليكى حقا لانك ماتعرفيش حاجه عن السعوديه و لا المصريين المغتربين نفسهم و لا ليكى الحق تتكلمى و تحفذى فينا لانك لا عمرك جيتى السعوديه و لا عيشتى فيها ...لما تكونى عيشتى فيها زينا و شوفتى بعينك زينا ابقى اتكلمى لكن دلوقت كلامك ؟؟!!! واشكر لك حسن التعاون

د. مصطفي ما شاء الله كفى و وفى ممكن أضيف بالنسبة لوزارة الزراعة سرعة ازالة التعديات على الاراضي الزراعية و إجبار من قام بها على اعادتها صالحة للزراعة دعم الفلاح و مواجهة مافيا الاسمدة و دراسة العودة لنظام الدورة الزراعية التصدي الحاسم للمبيدات و المخصبات المخالفة السياسة المائية تحتاج مراجعة حتى نتجنب لجوء الفلاحين للري بمياه الصرف الاستفادة من الابحاث الممتازة في كليات الزراعة

والله يا مصطفي أنا بقيت أشك أن مرض استكهولم هو تفسير كاف لما يحدث ... فلست مقتنعا أن مرضا نفسيا مهما بلغت ضراوته بقادر على أن يعمي الناس عن رؤية الحقيقة بعد أن انكشفت غمامة الإعلام المضلل من على عيونهم أتصور أن حملات مثل آسف يا ريس وغيرها من وصلات الرقص الإباحي تقف وراءها مجموعة من مخبري أمن الدولة واللجنة الالكترونية بالحزب الوثني الساقط وبعض المنتفعين من النظام اللامبارك بتخطيط من رموز العهد البائد مثل صفوت الكنترول وفتحي شرور بهدف تجميد الأوضاع الحالية ومنع الثورة من استكمال مقاصدها في اجتثاث الفساد والاستبداد.

واحد غلبان ماشى فى طريقه لقى مصباح فركه ........... طلع العفريت وقال له : معاك ساعة ؟ الغلبان : نعم . العفريت : هاتها ، معاك محفظه ؟ الغلبان : نعم . العفريت : هاتها ، معاك محمول ؟ الغلبان : نعم . العفريت : هات المحمول . ودخل العفريت بعدها المصباح ولم يخرج . احس الغلبان انه ( اتنصب عليه ) . ففرك المصباح مره تانيه . خرج العفريت وقال : فى ايه؟ عاوز ايه ؟ قلقت منامى الله يقلق منامك ! الغلبان : المفروض تحققلي 3 امنيات موش تاخد مني حاجتي وتقلبني . ضحك العفريت ضحكة عالية وقهقه قائلا : ده ياروح ماما كان زمان ايام مصباح علاء الدين ، لكن ده يبقى مصباح علاء مبارك

بداية جزاكم الله خيرا على المشاركة بالعكس .. ما اختلفناش ! انا قلت يمكن اختلافنا على معنى "بيعرفوا يسوقوا" .. في مصر بنعتبر السواق المتمكن اللي يعدي من أقل فرصة لو عملت كده في امتحان السواقة برة .. تسقط رغم انك عديت العربية التانية و ما لمستهاش لكن سلوكك في القيادة خطر يبقى ما فيش رخصة

وصلتني على الايميل قلت فرصة نغير جو الكآبة الي عايشين فيها بقالنا كام يوم .. An Egyptian Interview مقابله صحفيه مع مواطن مصري Reporter : Hi Egyptian : Hello Reporter : Do u speak English Egyptian : B erfect Reporter : Do u mind if I interview u Egyptian : No, I don't have a mind Reporter : What's your name? Egyptian : Taha Reporter : Sex? Taha : I love it Reporter : oh no, I meant male or female? Taha (yelling): what do u sink? Reporter : it's just for the sake of the report. Never mind...male. ... Taha : No.. I like female Reporte r : How do u find life here in Egypt ? Taha : Egybt..Very nice cantry..nice wezar..nice food..byramidz Reporter : Oh well..beside the weather and the pyramids..what else do u like in ur country? Taha : Byramids, nice wezar, nice food Reporter : DO YOU WORK? Taha : Yas, when I am not buzy.. Reporter : What do u think about the traffic problem in Egypt ? Taha : Very big broblem..very much cars..u see?..but za guvurment is trying to make it bettar..zey did za circle street and za mehwar street..and zey make all streets one way so if u go..u cant come back!!! Reporter : What about the economic problems in Egypt ? Taha : I do not undurztand what u say Reporter : I mean..how do u deal with money problems in egypt ? Taha : Egypt very rich cantry...we have alot of cotton..alot of water..and we have byramidz Reporter : So do u make a lot of money? Taha : No no.. it is not legal to make money..one frend I know make money at home..and he go to brizon..if u make money at home.. you will go to brizon Reporter : let me rephrase..since Egypt is a rich country.. do u have a lot of money? Taha : me? ...Not a lot…..but I eat and drink Alhamdulelah? Reporter : Then where does all the money go? Taha : Guvurment Reporter : And what does the government do with the money? Taha : Zey Build circle street, mehwar street and make all streets one way Reporter : well , Ok...Do u vote? Taha : What duz zat mean? Reporter : Do u choose your president Taha : Who, Mubarak? Reporter : yes Taha (nervously) : I didn't give my voice..But if I was. I will give him my voice Reporter : Why him? Taha : Because he was an airoplane in za war..he waz za leadar airoplane Reporter : But there r no wars right now Taha : But if we have war..u see?...we know we will have a very good airoplane in it Reporter : what about the last 26 years? Taha : I got marry..and have Ahmed an d Amira..and………. Reporter : No, I meant Mubarak. Taha : He also marry… and have… Reporter (interrupting) : No, I meant what did Mubarak do for Egypt in the last 26 years Taha : He build circle street, mehwar street and make all streets one way Reporter : Thank you very much for ur time Mr. Taha Taha : No broblem, only 10 bounds Reporter : I never said i will pay u for this Taha : ok ok…. Zanks a lot. <br clear="all">

وعى زائد قليلا في عتمة الحجرة التي دخلتها للتو لا أستطيع إبصار أي شيء .. أي شيء . بذاكرة مهترئة تتحسس خطواتي المكان محاولاً تفادي الاصطدام بالأشياء، تلك التي لا أبصرها وأعرف بوجودها متربصة دوماً تحاول اصطيادي في العتمة وحيدا أعزل، لا أملك سوى التألم وكتم أناتي الخفيضة ، وما من مانع أن تسيل من عيني دمعة أو دمعتان لا يراهما أحد حتى أنا . فقط، أشعر بهما ساخنتين مثل شظيتين نزعتهما منذ زمن ولم أستطع اقتلاعهما من ذاكرتي مطلقاً . في كل مرة ... أقرر الضغط على مفتاح الكهرباء ليفضح الضوء هذه الأشياء اللعينة، كي أواجهها وجها لوجه كاشفا لعبتها الحقيرة في إرهابي وتخويفي أنا الذي حاربت الجميع مسلما ظهري للخلاء، وهاجمت الكل بصدر مفتوح وقدم راكضة وكف قابضة على الزناد ولم يقتلني أحد . سوف أفتح لها صدري وأشرع قبضتي في وجهها و أنشب فيها أنيابي وأظافري وأدميها، لن أجعلها تنال مني فأنا مازلت مثل الأمس لم يتغير فيَّ شيء .. وهذه الأشياء التافهة سأقهرها جميعا إذا أضأت الحجرة وعريتها من عتمتها . لكنني في كل مرة أخشى إيقاظ زوجتي النائمة في ركن ما يأتيني منه صوت أنفاسها هادئا مطمئنا ... كما أن مفتاح الكهرباء يهرب من ذاكرتي دائما ... مخمور !! من قال أنني مخمور!! أعرف أنني أشرب كثيرا ولكنني أظل واعيا تماماً ومدركاً لكل شيء، ولأنني مدرك أن زوجتي نائمة، وأنه لا ينبغي إيقاظها بإضاءة الحجرة أو اصطناع جلبة عند الاصطدام بالأشياء المختبئة في جيوب العتمة، فإنني أجلس في مكاني قليلا ثم أنبطح أرضا وأنادي بأسماء زملائي بصوت خفيض ... أذكرهم بما اتفقنا على فعله إذا عدنا إلى ديارنا، أذكرهم بالأمهات اللواتي ينتظرننا خلف الأبواب الصامتة وبالفتيات الطيبات وعينوهن الرائقة كصباح خريفي مغسول بالندى ... أذكرهم بنوبات الحراسة ومواعيد الدوريات، بالعناوين التي نرسل إليها خطاباتنا ... في الميدان ننسى كل شيء، كل شيء حتى أسمائنا ... أنادي عليهم كي أذكرهم بأسمائهم . مخمور!! من قال أني مخمور؟! فقط أناديهم بصوت هامس حتى لا أزعج زوجتي النائمة . هكذا تسير الأمور في كل مرة، حتى إذا اندلعت الحرائق وتساقطت القذائف لم أستطع النهوض والعدو، فالأشياء حولي مترقبة للحظة كهذه – حتى تنجح في اصطيادي – ولا أستطيع الصراخ فزوجتي نائمة .. أظل هكذا أتلوى و أتكور في مكاني متفاديا الشظايا التي تصفر بجوار أذني وأكتم أنفاسي تماما ... يفور الدم في عروقي كلها وأشعر بجسمي يتطوح كطائرة فقدت جناحها، تخترقني السخونة وتلتهب عيناى وأشعر بنار مستعرة في مثانتي، أتقيأ أمعائي كلها وينتفض بدني بقوة .. وأبول . تنسحب الطائرات من سقف الحجرة ومعها روحي ولا أشعر بنفسي إلا في الصباح وقد غادرت زوجتي فراشها غاضبة – بالتأكيد – مما فعلته بنفسي حتى أنها لا تعد لي فطورا ولا تزيح الستار عن نافذتنا الوحيدة . أنا الواقف في عتمة الحجرة التي دخلتها للتو، سئمت من تكرار هذه الأمور في كل ليلة . لذلك سأضيء الحجرة وأصيح بأعلى صوتى على جميع الجنود، سأجمعهم صفا واحداً وأقودهم لمواجهة هذه الأشياء التي تمرح في العتمة وتتخذني أضحوكة، سأطلق رصاصاتي عليها حتى إذا نفذت الطلقات هاجمتها بذراعي العاريتين، لن أدعها تفلت، سوف أركلها في الهواء وأفقأ عيونها، سأصرخ كالمجنون لاعنا كل اللحظات التي مرت على وأنا عاجز عن استعادة الرفاق من الخنادق سأصرخ مناديا ذراعي المبتورة أن تستعيد ملامح جسدي وتتوحد بي، لأحلق في سماء الحجرة بجناحين قويين، سأصرخ كما لو كانوا ينتزعون من ساقي – الآن – شظيتين ساخنتين مثل دمع زوجتي في ليالي وجدها وغيابي . هي الآن نائمة أتسمع أنفاسها الهادئة ... إذا استيقظت ستتهمني بأنني مخمور وستبكي على حالها وحالي . أنا أكرة نفسي كثيرا عندما أكون سببا في بكاء زوجتي المسكينة . لأنني واع تماما ولست مخموراً، ولأنني عاقل أدرك جيدا ما سيحدث، سأجلس في مكاني صامتا لا أضيء مفتاح الكهرباء . الهارب من ذاكرتي – وأتجنب الاصطدام بالأشياء ... فقط سأنادى أنا والرفاق بعضنا حتى لا ننسى الأسماء، ولكن بصوت هامس خفيض حتى لا تستيقظ زوجتي، فربما تعد لي فطورا في الصباح وتجلس معي، بدلا من صعودها إلى إطارها الخشبي العتيق على الجدار، ومراقبتها لي وأنا أبكي فراقها . تمت بحمد الله