لوحة القادة

فى طريقى الى بور سعيد،اسلك الطريق الدائرى،ثم انحرف يمينا الى طريق السويس،وعند بلوغى العاشر انحرف يسارا الى طريق الاسماعيليه،وصولا الى طريق بور سعيد،تجنبا للازدحام،وحدث عند الكيلو 40 مصر السويس،ان كنت مسرعا،والطريق خالى تقريبا إلا من سيارتى،وساعة التابلوه تشير الى 11،5 صباحا،وفجأةً،وعلى غير العاده ل 40 يوم مضت،وجدت لجنه مروريه،استوقفنى العسكر ثم جاءنى الضابط وقال لى فى زوق شديد،(اسفين هنعطل حضرتك لدقيقه واحده)،واكمل الاستماع عبر جهاز اللاسلكى بيده الى الاشاره،ثم قال لى فى ادب جم،(حضرتك كنت تقود بسرعة كذا... والسرعه المقرره على هذا الطريق هى 100 كلم نرجو من حضرتك مساعدتنا فى الاتزام بالسرعات المقرره تجنبا لوقوع الحوادث وحفاظا على سلامة حضرتك والاخرين نرجو الالتزام فى المرات القادمه،تفضل ونأسف على الازعاج والعطله) حقيقه لم اصدق اننى مصرى فى مصر،وان هذه بلدى وان هذا ضابط شرطه مصرى،فورا ترجلت عن سيارتى،وقلت له،نحن سعداء برجوع حضراتكم الى الشارع والعمل على راحة وامن وسلامة المواطن،هل تحب سيادتك ان تضيف لى اى ارشادات اخرى،اجابنى(لا شكرا صاحبتك السلامه) شكرا سيدى سعدت جدا بالحديث اليك،انتابتنى حاله من النشوى،واحسست اننى فى بلدى للمره الاولى منذ عقود بعدها بما يقرب من 10 كلم ومقابل مدينة الشروق 2 وجدت سيده متعطله سيارتها على الطريق،ويبدو ان احد العجلات قد فرغت من الهواء المضغوط بداخلها،وبجوارها دراجه ناريه شرطيه،لم اتبين الوحات كتب عليها شرطه ام مرور واحد الافراد فى زى شرطه رسمى يقوم بأستبدالها بنفسه،لم اتبين ان كان ضابط ام امين شرطه،بالامس حدث هذا بالفعل هل انا صحيح فى مصر،وان هذا الحدث هو اولى ثمار الثوره،التى باتت تؤتى اكلها،تقديرى واحترامى لكل من شارك بها.

يعطيك الف عافية استاذي التونسي على الموضوع الجميل .. و بالمرة خلينا نشوف كل واحد يمر على موضوعك حيقول ايه :) ======================================= فتفوتة : موضوع هااايل استاذ تونسي .. بعد اذنك ممكن انشر التوبيك ده واعمل له شير بالفيس بوك وارسله لعدد 17 موقع اخبار .. وعدد 35 موقع فيس بوك .. انشروووووووووووووووووا سي السيد : موضوع جميل استاذ تونسي .. بس معليش يعني المصري مش بيقلد .. ده كان قبل الثورة .. ما بلاش النغمة دي بتاعت جلد الذات .. ولازم نكون مثال جديد للتغيير مهو كل حاجة بتتغير دلوقت .. دي نظرة فئوية .. طب انا واحد زميلي بالشغل لسه كنت باتناقش معاه ع الموضوع ده .. تفتكر قال ايه ؟ .. قال لي يا ابو الاسيان يا خويا .. الغرب ده اتعمل عشان نقلده .. مش حاقولك انا اعصابي فلتت ازاي .. وكان نفسي ارميه بطفاية السجاير اللي جمبي .. لسه هنعيد ونزيد اللي قولناه ..الواحد من دول يضرب بامية بالضاني ويقعد يعطي نظريات يدوشنا فيها .. قال بنقلد قال الادفايزر : تعدد الاراء سنة كونية .. ما سبق كان استهلالا لابد منه .. اي نعم كل حاجة في الدنيا فيها استهلال .. بس المرة دي انا مش عارف اقول بعد الاستهلال ده ايه .. شكرا يا استاذ تونسي اركتكت : عصفور في اليد ولا عشرة على الشجرة :happy: تونسي .. لقد استقام المنسم .. وانك لمبدع :happy: الحتة بتاعت السوادني هلكتني من الضحك .. :happy: ثورة .. ثورة .. حتى النصر بيني وبينك انا ماقريتش الموضوع .. بس اكيد هايل لماضة مصرية جدا : شوف بأة يا استاذي تونسي ( وش ابلة فضيلة وهي بتعطي محاضرة لابنائنا الطلاب يا ابني يا ضنايا .. يا ضنايا يا ابني انا لو عصفور هوب ناحية البلكونة اللي حدانا .. مش هاقولك اخويا هيعمل فيه ايه .. ده شراني وهيطبق عليه ردة فعل الانجليزي ( وش واحد من بتوع الامن المركزي وهو بيضرب رصاص في الهوا وبعدين يطبق عليه ردة فعل الصيني ( وش اي واحد صيني بياكل عصفور التونسي وانا من موقعي هنا من نافورة برج خليفة اناشد الاخوة المواطنين بالتعاون معنا للتحقيق في مصير العصفور .. وما نعطيش فرصة للشائعات ولازم نفسي البالونات الاعلامية المضادة .. الى الامام .. الى الامام ( وش القذافي وهو بيرقص على انغام زنجة زنجة صباحك .. عصافير تصوصو على كل ضحكاية من قلب كل واحد المشرف ابو محمد : الى متى سنظل للاسف مرهونين بنظرة واحدة لا تتغير لانماط الشعوب .. فالهندي الذي ضربت مثلا له يا استاذي العزيز بانه يقدس العصافير .. هل تعلم كم بالهند من تقنيين في المعلومات والهندسة .. للاسف اصبحت نظرتنا لا تتعدى تفكير هل سندخل الحمام بالرجل اليسرى او اليمنى ولو دخلنا بالرجل اليسرى هل علينا كفارة ام لا ؟ .. يا امة ضحكت من جهلها الامم .. بالصدفة وانا باقرا موضوعك قرأت موضوع عن اكتشافات علمية مذهلة قام بها طالب هندي عمره 18 سنة .. واحنا نسخر منهم للاسف المهندسة : معليش تأخرت بالرد استاذي تونسي .. بس البنات بتوعي جابوا لي الهسهس .. تلا ايام مش قادرة اكل ولا اشرب ولا انام ولا اتنفس .. انا خلاص فاض بيا .. ما تاخدهم يا استاذ تونسي و معاهم مروحة ياباني ؟ ضحى : لما حضرتك بتقول ان المصري بيقلد الفيلم الامريكي .. فاكر كنت اقول لكم زمان اننا بنقلد وكلكم قلتوا لا .. احنا ما بنقلدش حد .. بالنهاية طلع كلامي مضبوط اهو .. عايزة واحد بس من بتوع نظرية ( احنا ما بنقلدش .. الباقيين بيقلدونا ) يتفضل يقول لنا رايه ايه اوزاوز : عصفور ايه اللي يتاكل ده ؟ .. ده يادوب يتقرمش ونخلل فيه الاسنان بعد الاكل عنبو : لو كنت انا اللي كتبت الموضوع ده كان تلاقي واحد من الادارة الكريمة دمجه مع اي موضوع فيه سيرة عصافير .. او اغلقه لانتهاء الغرض منه والفكرة وصلت .. بس نقول ايه .. مصرية متغربة : كلامك يا استاذ عنبو مردود عليه .. هات لي دليل كده ان الادارة تقف ضد حرية العصافير ؟ والا هو كلام كده .. طب احنا بنتعب اوي .. بنتعب اوي اوي .. ولو سمحت حضرتك .. بلاش التلمحيات دي .. ويكون بعلمك .. اوعى تفتكر اننا بناخد مرتبات من الاشراف ده اللي مش عاجب سعادتك .. ولا حتى بدل غربة .. النظام هنا عامل زي نظام الكفالة الجائر .. بس ده مش مسوغ لحضرتك انك تحدفنا بكلام كده والسلام .. لازم تغير نفسيتك يا استاذ عنبو .. والتغيير الحقيقي يبدأ من الداخل .. اوه.. نسيت اشكر الاستاذ التونسي على موضوعه الجميل بس برضو مش حانسهالك يا عنبو .. وانا وانت والزمن طويل من فريق الاشراف دريم وذ مي : الله يسعدك يا استاذ تونسي .. زي ما انت دايم كدة بتسعدنا بمواضيعك التحفة زوهيري : ميرسي تونسي .. كومت وا .. :closedeyes: المشرف محمد : ممكن يا استاذ تونسي فضلا لا امرا تقول لنا مصدرك ايه ؟ والا حنضطر اسفين لاغلاق الموضوع تقبل تحياتي جويرية : مين قال ان العصفور يتاكل ؟ اللي يتاكل هو الدجاج والبط والحمام والسمان بس العصفور ما اظنش انه بيتاكل مسافر زاده الخيال : اعجبني للغاية يا استاذ تونسي هذا الموضوع الدسم ......زز ، واكثر ما اضحكني هو ردة فعل المواطن الانقليزي / الانكليزي ...........زز ، ولو اني اعترض لانك لم تذكر ردة فعل المواطن السعودي الذي سيستمع الى زقزقة العصفور في انسقام .. (انسجام ) اغابي : حرام اللي بتقوله ده يا استاد تونسي .. قلبي وقع بمعاميعي لما قريت ردة الفعل بتاعت الانجليزي واليهودي والصيني .. حرام عليك .. هو انت ما عندكش اخوات ثوبيان ولا ايه تامر مصطفى : الحمدلله .. احنا بالكويت هنا ما بناكلش عصافير ولا نشويها ولا اي حاجة .. اصل العصافير هنا مش زي العصافير بتاعتكم لا .. دي هنا بتصوصو والوانها جميلة جدا .. وبتعطيك دفعة من الامل والفرح .. كمان ما توسخش البلكونات .. آه والله العظيم عندنا بلكونات في الكويت سمبا : مش بس بلكونات يا ريس .. عندنا قهوة تقدم شاي .. وبالنعناع كمان .. ولو اني مش عايز اشتت موضوع الفاضل تونسي كنت حطيت صور هنا للقهوة قلب ابيض : ربنا ينصركم يا اولادي يا ابو فرح انت وشاعرنا الرقيق خليفة الحطيئة .. ايوة كدة رفعتوا راسنا .. انشر الصور بتاعت القهوة يا سمبا ولا يهمك .. تونسي ده قلبه ابيض زي اسمي كدا .. ومش هيعترض ابدا طائر الليل الحزين : ايها العصفور المستكين كم انت مسكين فهذا يصيدك .. وذاك ياكلك وانت تستكين ما انت الا مثلي طائرا حزين اليك عني ايها اللائم فما انت تدري ولا تستبين شجر الليمون يذبل ايضا وكذلك التفاح وكذلك اليقطين مغتربة : اشكرك استاذ تونسي على الموضوع القيم .. وقد ثبت علميا ان تنوع ردات فعل الشعوب يعود لما عايشته تلك المجتمعات من مؤثرات وقيم وسلوكيات كان لها دور كبير في تشكيل ردات الفعل او الري اكشنز ، فحسب دراسة قام بنشرها معهد بطليموس الاول في غرب فرجينيا ثبت ان الفرد يتأثر بسلوكه بنمط المجتمع بنسبة 66,6% كما نشرت مجلة نيويورك تايمز في عددها الصادر يوم 3 /4 /1999 في مقال للكاتب تيموثي فريدريك ان نسبة التأثر بالمجتمع يقل تدريجيا في سن المراهقة حيث يميل الفرد لتكوين نمطه الخاص به والثورة على قيم المجتمع وسلوكياته .. وشكرا جزيلا استاذي العزيز الموقر هند علي : ربنا يحفظ ولادنا من اليهود والقتلة .. يارب يحفظ مصر واهلها وناسها وكل العالم الطيبة ================================= ملحوظة : ارجو محدش يزعل من كلامي اللي فوق .. ده من عشمي فيكم :P

أنا شايفة إن الكلام ده قلة أدب بصراحة يعني المتزوجة ملخومة ومش فايقة يعني و الا يقصدوا أنهم عشان ماتجوزوش فطلعوا همهم في الأمن سفالة غير مستغربة أحيي هؤلاء البنات اللي الواحدة فيهم بألف رجل من اللي قعدوا في البيوت أو في اتفرجوا على الثورة من البلكونات و رأيي إن البنات دول حتى لو متزوجات و عندهم دستة عيال كانوا برضه حينزلوا و بعيالهم كمان زي كتير سيدات نزلوا بأطفالهن و في حوامل كمان كانوا في المظاهرات و كانوا معتصمات في ميدان التحرير الشجاعة و اليقين و الثبات صفات لا تعرف جنس ولا لون و لا عمر تحية لكل بنت و لكل شاب لكل سيدة ولكل رجل لكل طفل و لكل مسن شاركوا في الثورة ليعيدوا لنا مصر حرة أبية و ليجعلونا ننعم بالكرامة بعد عقود من الذل و الهوان

عنها عن الفتاه ذات الاثنى عشر ربيعا التى تراست وفدا من زميلاتها فى المدرسه لزياره مصابى الحدث الجليل الذى وقع فى مدينتها الهادئه جمعت زميلاتها و ذهبوا الى المستشفى يواسوا الجرحى و يستمعوا منهم لقصص البطوله و الصمود و كيف رفضوا الاستسلام كما كانت تطالبهم القوات البريطانيه و قاتلوا بشرف حتى نفذت ذخيرتهم اتذكر نبراتها و هى تسرد لى مشاعرها المختلطه من الاسى و الفخر و هى تنظر الى جثامين الشهداء منهم و التى كانت مسجاه فى المستشفى فى انتظار مراسم التشيع و كيف انها فى اليوم التالى القت خطبه حماسيه الهبت المدرسه كلها من الطالبات و حتى الاساتذه عن المجزرة التى حدثت لضباط الشرطه فى 25 يناير عفوا نسيت ان اذكر لكم انها كانت و على الدوام كانت قائده فريق الخطابه فى مدرستها ما زلت اتذكر تحديها اللذيذ لى بان اتلو عليها و لو بيت شعر واحد مما حفظت فى السنه الدراسيه السابقه و عندما افشل بالطبع اجدها تتلو على ابيات الشعر التى كانت تدرسها و هى فى المدرسه اى منذ اكثر من اربعين عام بطلاقه تامه كانها تقراها من كتاب عنها عن تلك الشابه ذات الثامنه عشر عاما التى انهت للتو تعليمها و جاء تعينها فى مدينه اخرى غير مدينتها تبعد عن مدينتها مئات الكيلو مترات فهى فى الاساس من الاسماعيليه و عينت فى الغردقه !!!!!!!!!!!!1 اتتخيلون بعد المسافه اتتخيلون ان هذا الكلام كان سنه 1958 اتتخيلون ان الغردقه ايامها و على لسانهاهى شخصيا كانت اشبه بقريه صيادين خارجه عن حدود الزمان و المكان و التاريخ ايضا و لكنها ذهبت بمفردها و عاشت هناك اكثر من سنتين تعلم الاولاد فى المدرسه صباحا و تتعلم هى من الحياه فى كل وقت و اوان عنها عن تلك المديره ذات الشخصيه القويه و الفذه التى اكتسبت احترام اعدائها قبل اصدقائها التى لم تكن تخشى فى الله لومه لائم و التى كانت ترضى ضميرها و تراعى الله فى عملها رغم كل المشاكل التى من الممكن ان يوقعها فيه اصرارها هذا و كم هى المشاكل و الافتراءات ة الظلم الذى تعرضت له بسبب التزامها هذا فما اثناها هذا و لو للحظه عن سلوك طريق الحق ايا كانت مصاعبه و هى فى خضم كل ذلك موضع الثقه و الاستشاره من كل من يعمل معها الكل يستشيرها و الكل ياخذ برايها و الكل يشيد بحكمتها سواء فى الامور التى تتعلق بالعمل او حتى امورهم الشخصيه اادركتم عن من احكى نعم عنها عن امى عن تلك الشخصيه الاستثنائيه التى جاد على بها القدر ان تكون امى صدقونى انا لا ابالغ ان قلت لكم ان امى رحمها الله كانت تتمتع بشخصيه استثنائيه اقسم بالله انى لا اقول هذا الكلام عنها لانها امى بل هذا الكلام هو ما كنت و ما زلت اسمعه عنها رحمها الله من كل من خالطها و لو مره واحده فهى كانت ذات شخصيه مبهره تتمتع بتضاد جميع الصفات بما يبرزها و لا يجعلها تتادم تجمع بين الحزم و الحنيه بين العقل و العاطفه بين الحكمه و الحلم بين القوه و الضعف لم اشاهد طول عمرى من هو اقدر منها على تنفيذ مقوله لكل مقام مقال حاربت كثيرا طول عمرها و ضحت كثيرا كثيرا و كانت مضرب الامثال بين الناس فى كل شيىء لديها لكل مشكله حل و لكل شده صبر الى تلك السيده العظيمه اسرد اسرد لها ما لم اسرده لها فى حياتها تقصيرا منى فى حقها و كم من تقصيرا لى فى حقها و لكنى تعودت منها على القلب الحنون الذى دائم ما كان يتجاوز كل تقصيراتى الطفوليه فى حقها كانها تقول لى اعذرك لانى افهمك فانتى اكثر بناتى شبها بى سواء فى الشكل او الشخصيه و كم من شرف هذا لى يا امى اليوم فى ذكرى وفاتها اقول لها اقول لها اننى بجد يا امى فخوره جدا بانك امى و ان لم تكونى امى فكنت ايضا لاكون سعيده جدا ان اتعامل مع انسانه بمثل شخصيتك فى حياتى فانت من الشخصيات التى هى مكسب لاى انسان ان يتعامل معه مره واحده فى حياته فما بالك بمن عاش فى كنفك اكثر من عشرون عاما اقول لك ان كل نظره احترام او كلمه استحسان اتلقاها من اى شخص اتعامل معه فالفضل فيها يعود اليك فانت من غرستى فى ما انا عليه الان اليوم يا امى اكملت سبع سنوات بعيده عنى بجسدك فقط انما روحك فانا اشهد لها بانها لم تفارقنى قط فما زرعتيه فى و ربتينى على لهو اقوى من اى تواجد مادى الالاف البشر الاخرين فى حياتى اسفه عن كل لحظه خيبت ظنك فى فيها اسفه لكل لحظه لم قدرك فيها حق قدرك عندك سبع سنوات لم التقيك فيها فى العالم المادى و لكن ارواحنا لم تفترق فيها لحظه واحده امى اقول لك كما اقول لك فى كل سنه احبك

الاخت الفاضلة ام نور اول حاجة بالنسبة للوزن ادخلى عالنت دلوقتى اعملى سرش على موقع الفرسان التابع للخطوط السعودية واعملى عليه اكونت (ولو انتى نازلة خطوط مصرية فيه حاجة بردوا عليها نفس السيستم بس مش عارف اسمها ايه) الاكونت ده بيديكى على كل تذكرة 10 كجم زيادة ومش عارف بيدى عالاطفال كام يعنى انتى معاكى دلوقتى عالاقل 20 كجم زيادة ولو معاكى اكتر هيعدوها (ده بند الوزن) ولو نازلة على ناس يبقى خلى بالك كويس من شنطك عشان بتضيع ولو حبذا اخدتى الحجات اللى تهمك اوى على الشنطة اللى معاكى فى الطيارة ------------------------------------------- بالنسبة لبند الهدايا (حاولى قدر المستطاع وبما لا يخل بالبند انك تسحبى منه لبند ميزانية الاجازة) انتى مش مجبرة انك تجيبى هدايا لكل الناس وعالعموم لو فيه حد يهمك اوى (انا بحب الحاجة دى) اعرفى هو محتاج ايه وجيبهاله وبلاش تيجيبى حجات كتيرة عالفاضى وملهاش لازمة ولو سالتى المقربين ليكى فى التليفون مش عيب (انا بسال اخواتى هما عايزين ايه وبجيبلهم الحاجة اللى محتاجينها) وزى ما لماضة قالت مصر فيها كل حاجة (عن نفسى كتير من حجاتى الشخصية بشتريها من مصر) ده حتى يبقى فيها وطنية وتعملى رواج فى البلد مصر بجد محتاجة كل قرش يتصرف فيها بس عالعموم خدى خوطة الهدايا جيبى ورقة وقلم واكتبى اسماء الناس اللى عايزة تجيبلهم هدايا بالتحديد وكل واحد يناسبه ايه بالظبط مثلا حسام (برفيوم دانهل) :) محمد مثلا (ساعة تيسو) وهكذا طبعا اخوتنا اللى فى الرياض عارفين اماكن معينة بيشترى الحجات دى بجودة وسعر كويسين ------------------ نيجى للعملية انا ملييش فى القصص دى بس بفكر تكون فى الاسبوع رقم 6 وهقولك ليه كمان شوية ------------------ الفسحة بقى واللعب والمراجيح والحجات الحلوة دى ------------------ بصى خلينى اكون واقعى معاكى ميزانيتك مش كويسة خالص عشان شهرين اجازة ولعب وفسحة (عشان كدة بقولك حاولى تاخدى من بند الهدايا) مبلغ قريب من ده فيه ناس بتصرفه مواصلات بس بس خلينى معاكى واحدة واحدة 1- اسبوع فى مطروح طب ليه مطروح اهل الاسكندرية اعرف انهم بيحبوا مطروح - هادية - رخيصة وقريبة منك يعنى مش هتتكلفى كتير - اظن اهدا دلوقتى بعد مشاكل لبيا (بس اسالى هناك علاامن والامان دلوقتى عامل ايه) 2- تروحى دريم بارك مرتين او تلاتة عالاقل (هى قريبة منك اول طريق مصر اسكندرية الصحراوى جنب 6 اكتوبر) الولاد هيتبسطوا اوى:D (يارتنى كنت معاهم) 3- اسكندرية فيها اماكن كتيرة للفسح والزيارات (انتى ادرى بيها) وكمان الولاد ياخدوا فكرة كويسة عن بلدهم (عيب يبقوا اسكندرانية وميعرفوش كل خرم فيها) بس ده لو قبل شهر مايو لكن لو بعده هتتخنقوا من الزحمة (الاسكندرية صعبة اوى فى الصيف) 4- ميدان التحرير (لازم تروحى هناك وتقراى الفاتحة على روح الشهداء وبوسى ارضها لو قدرتى (انا اسف هتروحى فى كمية بكاء هستيرى غير عادى) بس مهم اوى ان ولادك يشوفوا ارض الثورة وتحكيلهم عن امجاد المصريين وياسلام بقى لو تروحوا تصلوا الجمعة هناك بجد اوى مهم جدا ان ولادك يروحوا ميدان التحرير وتشرحولهم بالمفيد ايه اللى حصل ومصر رايحة فين واد ايه مصر غالية اوى 5- رشيد قريبة منكوا واظن فيها بلاد فلاحين لو تعرفى تاخدى العيال عند حد قريبك او معارفك وتقضى يوم فى الريف والاراضى الزراعة وتتنفسى الهوا المنعش النقى وتفرشوا عالارض وتاكلوا القشدة والفطير المشلتت (والله هتبقى احلى فسحة) وده كان بند الفسحة ---------------------- نيجى بقى لشوية اعتبارات هامة 1- متتخنقيش من تصرف او لبس حد مهما كان او طريقة كلامه عشان انتى كنتى محبوسة فى الرياض سنتين وعايشة بشكل معين وهتتصدمى بالواقع فخدى حذرك وخلى الدنيا بيس من الفاظ هتسمعيها وطريقة تعامل ونظرات من ناس وحجات كتيرة (انابقولك كدة عشان متنزعجيش وخدى الحياة بيس واضحكوا وهذروا وعيشوا حياتكوا) لو معاكوا دهب او موبيلات غالية خلى بالكوا اوى الدهب مش تبينيه عشان مازال الامن مش كويس وممكن تتسرقى بسهولة (وانصحك متلبسيش دهب الفترة دى خالص) ومتحولوش تمشوا فى اماكن انتوا مش عارفينها او مش متامنة كويس لو كان بند الفسحة يسمح ممكن تزودى الاقامة فى مطروح لحد 10 ايام ----------------------- تنظيم الاجازة الاسبوع الاول (هتلاقى جوزك محتاج يعمل شوية معاملات وتخليص ورق فى الحكومة ويخلصهم فى اول اسبوع مع الزيارات العائلية (بس يتاكد انه يخلصهم فى الاسبوع الاول عشان هيتزنق فى الوقت فى الاخر) الاسبوع التانى (مطروح) الاسبوع التالت والرابع والخامس (مابين تبادل الزيارات العائلة والخروجات ودريم بارك والفسح والحجات دى بقى ولفوا وهيصوا واتفسحوا وعيشوا حياتكوا) ايام الجمعة صلاة مابين مسجد القائد ابراهيم فى اسكندرية والتحرير الاسبوع السادس (العملية زى مقولتلك) الاسبوع السابع راحة لزوجك فى البيت وربنا يشفيه ويعافيه ويقومه بالسلامة (ويحتسب العملية دى عند ربنا) الاسبوع التامن محاولة لم الليلة بقى والفنشينج على احلى اجازة وتجهيز الشنط والتخطيط لسنة جديدة حلوة فى السعودية وناويين تحققوا ايه السنة الجاية اتمنى لكم التوفيق واجازة سعيدة :) حسام

السلام عليكم و رحمة الله و بركاته قريت التوبيك ده النهاردة أول مرة....و فوجئت من الربط الامني البوليسي بموضوع الزواج وجهة نظري الخاصة التي لا الزم بها احد انها الرغبة المحمومة في تشويه كل ما هو جميل عندي قناعة ان ما كان ينقصنا في مصر هو ثقافة الجمال.....مش بس شوارع نضيفة و مباني جميلة.....لا ازاي عقلنا يحلل كل الامور بمنطق بيحث يري فيه شيء جميل للاسف....الفكرة اللي ربطت بين عدم زواج البنات و حالة الفراغ.....هي جزء من منظومة القبح اللي غرقانين فيها جزء من السلسلة الجاهزة اللي بيتحط فيها الولد قبل البنت...و بتبتدي بكلمة ذاكر....خش كلية (هندسة او طب).....اتخرج....اتجوز و اي اختلال في اي حلقة من حلقات السلسة اللي معرفشي مين فرضها قالب جاهز ع البشرية يعني....زلازم اللي يفلت منها لازم تطوله نظرية القبح دي نظرية القبح تعالي اسمعيها.....مقترنة بعبارة..."يا عيني" لو البنت جميلة......يا عيني.....ما هي حلوة اهه لو البنت راقية....يا عيني......ما هي مش لاقية حد كويس لو البنت سعيدة و راضية بحياتها.......يا عيني اصلها بتداري لو البنت اشتغلت في عمل تطوعي عشان هي اتربت علي ده......يا عيني اكيد بتدور علي عريس بس بطريقة جديدو لو البنت انخرطت في اي عمل سياسي.......يا عيني اصلها عندها فراغ و عايزة تملاه....(و بعدين فراغ ايه اللي يتملي عن وجود كائن انساني....بحالة عشق للوطن) لو البنت كتبت شعر....يا عيني......أصلها عايشة حالة......يالا مش هنفرح قريب....(طب مش يمكن هي كده فرحانة)...او يجي اي بني آدم انسانيا هش يتخيل انها صيدة سهلة لو البنت معملتشي و لا حاجة من اللي فوق دولم و رضيت انها تموت اكلينيكيا......و عقليا و روحا......يا عيني....احنا عارفين انتي بختك قليل كده ليه اهي نظرية..."يا عيني" ....جك قلع عينك ياللي بتقول كده...(و آسفة في اللفظ).....هي تجسيد حي لكل مفردات القبح اللي عايشين فيها و بلاش ننسبها للثروة....هي الثورة هتعمل ايه و لا ايه الثورة زي ما بتفجر ملفات الفساد.....كمان بتعري حالة "القبح في الافكار" الثورة مش بس ميدان تحرير...لو متغيرناش من جوانا و اتغيرت مفردات القبح اللي فعلا..."يا عيني" عمت عينينا ان احنانفتكر ان عشق الوطن...حالة استثنائية غير حالة عشق الرجل...فيه رجل ممكن يكون وطن....بس مش ممكن كل الوطن نختصره في "رجل" ايماني بمبدأ اني لازم انزل السفارة دلوقتي......و من ورا اهلي.....و لما روحت ملقتشي غير احمد.....محاط ب 3 بنات زيي ساعتها مبصتشي ان "احمد"....ده منتهي الرجولة.....و لا البنات.....اللي كان متواجدين منتهي الانوثة ساعتها مبصتشي انت في البطاقة مكتوب ايه...متجوز و تعول و لا مستني و لا محبط...و لا متنيل علي عينك ساعتها مفكرتش احنا مين و لا فين....ساعتها كلنا كنا بنقول "ياعيني ".... بس مش علينا...... مش علي ريهام..... و لا علي احمد.. .و لا علي بسنت.. .و لا علي اروي يا عيني علي مصر اللي كنا خايفين تضيع مننا و احنا في قارة تانية...و حسينا ان الغربة خلاص موتتنا ببطء و احساس الغربة خنقنا و نزلنا الشارع.... يمكن معملناش حاجة.....و زي ما روحنا زي ما جينا بس كنا واقفين في كتف بعض و ماخدناش بالنا ان اللي ف كتفي ده ولد.....و انا "يا عيني" بنت الثورة اللي عرت الفساد.....اهي بتعري القبح و زي ما احنا كرهنا الفساد.....و هنحاربه هحارب القبح مؤمنة بثقافة الجمال.....مؤمنة ان الفكر لازم يكون جميل و غير كده يبقي معنديش غير اقول....."يا عيني" مصحوبة بمصمصة شفايف تحياتي

كان هناك عصفور جميل يقف فوق شجرة ..ويغرد بصوت جميل ..ومر على هذا العصفور أشخاص من جنسيات مختلفه , فماذا يا ترى سيفعل كل منهم مع العصفور ؟ الفرنسي : يغني مع العصفور ويقلد صوته الاسباني : يرقص على أنغام صوت العصفور الايطالي :يرسم هذا العصفور على لوحة كبيرة الهندي : يقوم بعبادة هذا العصفور وتقديسه الصيني : يأكل هذا العصفور الانجليزي : يطلق النار عليه الياباني : يصنع عصفور الكتروني يماثل هذا العصفور بالشكل والحجم ويصنع جهاز لترديد نغمة هذا العصفور الأمريكي : يصنع فيلم عن حياة هذا العصفور وعن جميع الأشخاص الذين مروا بهذا العصفور المصري : يقلد الفيلم الأمريكي ويقوم الممثل المصري بتمثيل دور جميع الأشخاص الذين مروا على هذا العصفور السوري : ينتج مسلسلا عن العصفور وقصة أجداده ( العصفور القديم ) حتى الآن ويقوم بوضع إسقاطات تاريخية وسياسية على حياة هذا العصفور العربي وتاريخه ونضاله القومي . . .. السوداني : ينام على أنغام صوت العصفور اليهودي : يبدأ بالبكاء ..ثم يقوم بالمطالبة بملكية هذا العصفور.. باعتباره من نسل هدهد سليمان عليه السلام ..ويطالب جميع الأشخاص الذين مروا على هذا العصفور.. بدفع ثمن مشاهدة هذا العصفور ...و يطالب الصيني و الانكليزي بتعويضات عن قتل العصفور ..و يطالب بنسبة من أرباح الفلم الأمريكي و المصري ..و يطالب بمحاسبة سوريا على تشويه تاريخ العصفور اليهودي و يتهمها بالارهاب ...و يستغل نوم السوداني ليستوطن في دارفور منقول بتصرف بسيطsmk:

خدها بقى بعد ما خدت وش الدوكو و دخلت اليوتيوب http://www.youtube.com/watch?v=F7-IzglrgwQ

http://www.4shared.c...C/__online.html الكلمات مقتبسه من اعلان ريري القديم بتصرف في الكلمات اهداء للفنانه عفاف دعيب

يقول الله سبحانه و تعالى وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّـهَ سبحان الله .. يحثنا على التعاون على البر و التقوى .. و يعيد التأكيد على التقوى اذا اتقينا الله و أصلحنا أنفسنا أمكننا ان نتعاون .. دون إِحن .. دون تعالي .. كي نتعاون لا بد أن نوقن ان لكل دوره .. مش مهم كبير ام صغير .. المهم انه ضروري ننجح سوا .. مش لازم النجاح ينسب لفرد .. ما أجمله حين ينسب لمجموعة المفاضلة تكون في مدى صلاحيتك للدور و ليس ان هذا الفرد انجح من هذا جزاكم الله خيرا على الموضوع

الكل عمال يتكلم و الكل عمال يتخانق سواء مسلمين او مسيحين و اللطيف ان لا حد هنا في المنتدى من اطفيح و لا شاف بعينه اللي حصل كله معتمد على السمع و بعيد عنكم السمع دا جي منين و العياذ بالله من التليفزيون المصري استغفر الله العظيم من كل ذنب عظيم تصدقوا انا بدأت اؤمن بفكرة ان التليفزيون حرام و منين كمان الاخبار من جرنان اخر الاسبوع و الاهرام الكل بيتخانق و صوته عالي صوتكم علي على صوت مصر تصدقوا مش هاقولكم غير كلمة واحدة اتقوا اللـــــــــــــــــــــــــــه فضلا لا امرا باستحلفكم بالله كل واحد دلوقتي يحط لسانه جوه بؤه و يسكت لحد ما مصر تفوق كل يحط لسانه جوه بؤه لحد ما مصر توقف على رجليها ليه نساعد في اضعاف حكومة الراجل اللي بنثق فيه مش حاربنا و فضلنا نصوت لحد ما شالوا شفيق و قولنا الحمدلله جه واحد ايده طاهرة و نضيفة و خايف على البلد قوم لما كان شفيق موجود ما حدش طلع قال كلمة واحدة عن التوتر الديني و مش هاقول فتنة طائفية و اول ما جه الراجل المحترم و وزارته المحترمة نقوم احنا بقى كل واحد واخد فأس و نازل هدم فيها سواء بحسن نية او بسوء نية بس للاسف في الوقت الحالي الاتنين سواااااااااااااااااااء الراجل و وزراءه اكده اكتر من مرة ان القانون هايطبق بس معلش مش هاندوس على زرار الصبح يحل المشكلة مبارك و شلته المقرفة قعدوا يغذوا الاتجاه دا سنين استحاله شغل سنين و شغل عالي اوي هايهده دكتور شرف في يوم يبقى لازم نساعده مش عشانه هو لا عشان مصر لو بتحبوها من قلبكم مسلم او مسيحي هنا اسكتوا قفلوا على مواضيع الخلاف دلوقتي و هايجي الوقت و قريب اللي الكل هايقعد يقول طلباته و القانون هايطبق عجبتني كلمة لدكتور يحيى الجمل قال:"كان في ناس فاكرين نفسهم فوق القانون و هما دلوقتي في السجن لكن الحمدلله المجموعة دي و قصده على مجموعة وزراء حكومة الانقاذ الوطني برئاسة دكتور شرف عارفين و مقتنعين بإن لا احد فوق القانون" كلام خير و متفائلة بيه ان شاء الله سبحان الله على الناس اللي نفسها قصير يا اخوانا فات الكتير ما بقى الا القليل اصبروا دا الصبر مفتاح الفرج بالله عليكم تاني لو فيكم مسلم او مسيحي بيحب مصر كل واحد يطلع يكتب كده عشان انا باحب مصر مش هاتكلم في موضوع الكنيسة دلوقتي عشان انا بحب مصر مش هاطلع اتكلم في حوار كاميليا شحاتة دلوقتي و حاجه اخيرة بقى مني انا انا مصرية بحب مصر و مش هاقدر اشوف ولاد بلدي بيتخانقوا و يقتلوا بعض عشان شوية جدران سواء مسجد او كنيسة و هاقولكم اللي اكتر انا مش مع بناء مسجد جديد او كنيسة جديدة في مصر دلوقتي عاوزة ابني مصنع عشان ما امدش ايدي اشتري من برة و الاقي كلمة صنع في مصر منورة على كل حاجه بدل كلمة صناعة صينية اللي كرهتني في الدنيا عاوزة ابني مدرسة عشان العيال المتكربسة على بعض يعرفوا يتعلموا و يحسوا بآدميتهم في المدرسة عاوزة ابني مستشفى على اعلى مستوى لعلاج الفقراء في مصر بالمجان و اقولكم اللي اكتر من كده كمان انا مصرية مسلمة باطالب الحكومة الجديدة بهدم الزوايا اللي ملت مصر لدرجة ان بين كل زاوية و زاوية 10 زوايا الدين مش بناء مساجد و كنايس الدين تطبيق التعاليم لاعمار الارض الله يسامحكم وجعتولي قلبي

وانا هنا يامغتربة لأقول لك .. ونعم الابنة انت ...احبك الله كما احببتها . وارضاك كما ارضيتيها . ويكفيها انك ابنة صالحة تفخر بها . رحم الله امهاتنا الصابرات الراضيات .. وهل توجد كلمات توفيهن حقهن ؟؟ قبل ان اكمل قراءة مداخلتك ...سالت دموعى ..(( فهمت انك تتحدثين عنها...عن امك ))... فى ذكرى وفاتها ..ومع اقتراب يوم الاحتفال بعيد الأم ... قدمتى فعلا اجمل هدية ...(( تذكرك بالخير والامتنان والعرفان بالجميل وذكر محاسنها )).. وليكن نصيبك ايضا من الاعتزاز بالمثل واكبر .. بالتأكيد اولادك سوف يسيرون على نفس الدرب ....وبالتأكيد يفخرون وسيفخرون دائما بأنك نعم الأم .. شكرا لأنك وردة يانعة تعترف بأنها لم تأت الى هذه الدنيا بالصدفة ولم تتكون من اللاشئ .. تحياتى دائما يااختى الفاضلة الرقيقة الصادقة ..

السلام عليكم و رحمة الله و بركاته تعليق سمعته عن بنات مصر في الثورة و دفعني للتفكير بدأ الموضوع بملاحظة عبقرية انهن غير متزوجات ثم تساؤل لِم لم يقم الأمن بتزويجهن؟ و ساعتها كان هيرتاح من وجع الدماغ اللي عاملينه!!!!!؟ لم الربط بين دور المرأة في المجتمع و بين الفراغ؟ هل الزواج يعني ألا تنشغل بالشأن العام و ان تكون فاعلة و مؤثرة فيه؟؟ على الجانب الآخر.. فاكرين العروسين اللي عقدوا قرانهم في التحرير وسط الثورة؟ طانوا جايبين لقاء معاهم هما الاثنين كان معد عقد القران محدد من قبل و جت الثورة و اشتركوا فيها سوا و أقنعها يشهروا عقد القران هناك عشان يدوا رسالة لأي حد بيراهن اننا هنزهق ونمشي .. انه لأ .. قاعدين .. مش هنمشي .. هما يمشي ناويين يسموا أول مولود لو ولد .. معتصم لو بنت .. تحرير "بس هيا لسة مزمزقة في اسم البنت :closedeyes: ما رأيكم .. دام فضلكم

يا جماعة انا شايف الوضع جاد وزاد .. والتبخير ضروري نقول اللهم صلي وسلم على سيدنا محمد رسول الله حاشاكم اخواني واخواتي الافاضل ان تكونوا فريسة للانفعال ، كل من هنااشخاص نكن لهم جميعا كل تقدير واحترام اخي المحاور .. التمس العذر لاخيك مرتين وثلاث .. نربأ بكم ان تكونوا ممن يفقدهم الانتصار للذات حلمهم الذي عرفناه بهم .. او ان يعتقد احدكم بالاخر او يفترض سوء ظن .. كلنا نغضب .. كلنا نثور .. كلنا ( تصعب ) علينا انفسنا بشكل او بآخر .. كلنا فينا هذه الصفة بشكل او بآخر انتم الان تمرون في ايام صعبة اسأل الله ان ينهي اموركم بما يسركم .. فلا يصح ان تعتبوا على بعضكم .. بل يجب عليكم الان اكثر من اي وقت مضى ان تلتمسوا لبعضكم الف عذر .. خضتم ما يشبه الحرب المصغرة .. و القصص التي رويتموها عن تعرض اقرب اقاربكم لمشاكل و اصابات ايام الثورة تجعلنا جميعا نعذركم وندعو الله ان تلتئم الجراح وتندمل الالام وما كان من المشاركات الاخيرة فهذه بإذن الله نهاية المطاف لهذه الخلافات .. كل منا يتعرض لضغوط عندما يشعر ان الغير لا يفهمه ، او يضطر لأن يفتح جبهات مع الكل كي يدافع عن وجهة نظره وقناعاته الشخصية اساتذتي الافاضل .. لا داعي للخوض اكثر بالتفاصيل .. فالشيطان في التفاصيل كما يقول الانجليز .. انما هو سوء فهم ودفاع شريف لكل منكم في قضية شريفة كما يراها .. .. وارجو ان تسامحوني على تدخل اخوكم الاصغر فيما لا يعنيه ولا تنسوا وخيرهما الذي يبدأ بالسلام

طب كان نفسي قبل ما اخش انام احس اني عملت حاجة يعني....حتي لو كانت الكترونية انترناتية و حيث ان لسه محدش ابتدي بالصلح ابتدي انا انا اسفة احيانا بحس ان لساني طويل....(هو مش احيانا....هو طول الوقت الحقيقة :closedeyes: ) فأنا آسفة لو كنت ضايقت حد....او حداية و اوعدكم.....اني اخده غرزتين رجل الكنبة و احاول اتحلي بالاخلاق الرفنتوعة (هحاول.......هحاول...هحاول....بس مقدرشي اوعد....وش اي عيل عمال يدخل لسانه جوه بوقه) يالا صافي يا لبن تصبحوا.....علي قلب مسامح و كون بيقولكم....و الله ما مستاهلة مسااااااكم.....سماح...(بس مش سماح انور.... :P )

انا تقريبا جديدة في وسطيكم الباك جروند عندي عن مضمون الموضوع ده شبه منعدم قليل جدا بادخل المنتدي ويمكن زاد من اسبوع وباستفاد من المنتدي وبحبه لاني حسيت ان الاعضاء فيه بيحبوا بعض باحترام ------------------- وعلي هامش :happy: الموضوع اي حد شايف نفسه .....حسن يشوف سوكة بتعمل ايه وما يجيبش اجوان http://www.youtube.com/watch?v=iFvFP7wAjEk My link

اللي اعرفه ان ده كان اعلان زبادي بتاع طارق نور.... :P :P هي كانت النية انه يكون ستاويتي و كده بس بقي فيه رجل رجالي....و عشان احنا بلد درقماطي و كده يبقي نحب نسمع برضه وجهة النظر انا قولت قيمة عشرميت مداخلة فوق ممكن تقول.... الست دي هتجنني.......و ترزع بقي.....او تترزع.....مش عارفين ايه اللي هيحصل يالا المكرفون مع حضرتك...و انا هخطف رجلي و اجيب غطا الحلة من النملية في المطبخ... سامعين يا فندم قول الووووووووووووو....بيب.....بيب

قال تعالي: "رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ" الحياة....رحلة...صبر....ثبات....يقين بالنصر..و لو بعد حين

السلام عليكم ورحمة الله.. الإخوة الكرام.. تم حذف المداخلات الخارجة عن سياق الموضوع .. ونرجو من حضراتكم الإلتزام بقواعد الكتابة والمشاركة والإلتزام بمناقشة فكرة الموضوع دون القفز على شخوص المتحاورين.. شاكرين تفهمكم وسعة صدوركم.. عن فريق الإشراف

لا اخفيك سيدي الفاضل فمداخلتك دي على قدر ماتفهمت وجهة نظرك فيها على قدر مااحزنتني وبعمق .. بقدر صراحتك وعدم لجوئك للمجاملات المعتاده عند الحديث عن مثل هذا الموضوع الشائك .. ومش هكون اقل منك صراحه واقولك اني شايفه الناس دي واخده حقها .. حقيقة متفهمه لموقف المسيحيين المتظاهرين وعن نفسي مبشوفش في تقبيل الشيوخ للقساوسه شيء ممكن يحل ازمه موجوده وبقوة على ارض الواقع . . يعني لو حطيت نفسي مكانهم ولقيت ان حياتي ممكن تكون مهدده بسبب عقيدتي او ان دار عبادتي ممكن يكون مهدد فاعتقد مش هيكفيني ابدا مجرد الاعتذار او التعويض .. اعتقد لو الفرصة اتيحت لي لمزيد من المطالب الي تخليني آمن على نفسي و( آخذ وضعي ) في بلدي الي بقالي سنين بينلعب في ودني اني مضطهده فيها فاكيد مش هتردد .. كل ده اظننا متفقين عليه بس ماآلمني فعليا هو وجهة نظرك حول مفهومنا كمسلمين لأهل الذمة .. وجهة نظرك الي همني اقراها ليس لكونك مسيحي فقط وانما لانك مسيحي مثقف يعني اكيد لما هتقول حاجه فانت عارف بتقول ايه والغالب ان رايك بيمثل راي الاغلبية من ابناء عقيدتك . . ياسيدي الفاضل انا مش هدافع عن مفهوم الذمية عندنا بس زي ماتفقنا خلينا نتكلم بواقعية .. نسبة المسيحيين في مصر اقل بكتير جدا من نسبة المسلمين .. ان يبقى لكم حقوق ده اكيد مفروغ منه زيكم زينا متقلوش عننا ملي .. لكن . .ايهما احسن لهذا العدد القليل .. ان ينصهر في دولة كبيرة لها وزنها في منطقتها والعالم ولا ينعزلوا في دويلة صغيره محاطه باثنين او ثلاثه من الدويلات المسلمه المتشدده الي هتتربص بيهم بكل تأكيد ؟ عدد المسيحيين القليل مش هيتيح لهم غير انهم يبقوا في حماية المسلمين .. مش احسان مننا وانما لان وجودكم وسطنا بيعززنا يبقى فرض علينا نعززكم .. احنا كمصريين محتاجين لبعض سواء كنا مسلمين او مسيحيين ومحدش مننا بيعمل كده احسان او فضل على الثاني وانما انا بمد لك ايدي لاني محتاجالك بالظبط زي ماانت مفروض مترفضش الايد الممدوده دي لانك برضه محتاجها . . مش هينفع هنا اني اتحجج بالاخوان واقول اصل لو مسكوا البلد هيخربوها على دماغنا .. زي ماقلت لحضرتك فلو خربت هتخرب على الكل مسلم ومسيحي ومش من مصلحه اي حد فينا انه ( يتحسس ) من كلمات بيعنها او فئة معينة .. المسيحيين المصريين زيهم زي المسلمين المصريين كلنا لو ضاق بينا الوطن فللاسف ملناش اي وطن تاني حتى لو حاولنا يكون لنا .. مفيش انا مش عارفه مطالب الناس الي معتصمه عند ماسبيرو وصلت لفين ولا عارفه مين وراهم ولا حتى ان كانوا مسيحيين بس ولا بينهم عناصر مدسوسه هدفها تبقي الفتنة مشتعلة .. لكن الي اعرفه ان المصريين ابقى لبعض من الحكومة او حتى من اي جهات خارجية ممكن تستفيد من تأزم الوضع .. وان مهما كان للمسييحيين من آمال او تطلعات فمش هيكون وضعهم كويس غير وسط اهلهم المسلمين مش في اي وسط تاني .. اعتقد وبكل اسف ان الاعتصام ده وان كانت اسبابه مبرره ودوافعه مفهومه الا ان نتائجه قد تكون وخيمه ومش دي ابدا الطريقة الي ممكن ينال بيها المسيحي حقه لان حتى لو الحكومه استجابت فهياخذ رضاها باليمين ويكسب الاهم وهو سخط شركاء الوطن بالشمال .. وربنا يستر على مصر والمصريين ..

فعلا واضح جدا ان حضرتك كمسيحي كما كررتها تريد ان تكون مصري فقط

يا استاذ سكوربيون هذا هو الدين الاسلامى ... وهذه هى احاديث محمد صلى الله وعليه وسلم للاسف لو كان يستطيع تاليف احاديث تناسب حضرتك لكان فعل ! اما بخصوص ان الوطن قد ضاق بالمسيحين .. فالوطن سيدى الفاضل كان قد ضاق بكل المصريين وليس المسحيين فقط .

من حقنا نناقش مانريد في الوقت الذي نريد وده مش شغل حضرتك لأن في اشراف يتابع ويضبط الموقع بقوانين المنتدي وبلاش تشتغلي شغل محاكم التفتيش زي ماكانت بتعمل الكنائس لأننا احرار كما وضحت لك في المناقشة والرأي

بسم الله الرحمن الرحيم الإجابة Sharekat Al-Oloum AL-Tatwerea

اقترح تطويره وتغيير اسمه من الحزب الوطني الديموقرطي الي الحزب الوطني الديموقرطك عملا بنظريه علي بنجر وسيد بنجر

كلام جميل لكن السادات نفسة قبل الثورة مشترك في عمليات اغتيال امين وزير المالية واتسجن بسببها وكان يذكرها بكل فخر انه شارك في اغتيالة ماشفناش حد قال عليه قاتل لايجب ان يخرج من السجن ؟!!

اعتقد الشعب حاليا اكثر وعيا من مجرد ان يسمع كلام لحيه وجلباب الشعب هيسمع كلام الرجاله الجداعان الى عايزين يبنوا مصر يبقى لازم يكون الرهان الحقيقى على الشعب و القانون دة اولا ثانيا مش عارف هل من حق الاعلام ان يقول انهم سجناء سياسيين ام لا فى نظرى طبعا لا والف لا فى نظرى هو قاتل مع سبق الاصرار والترصد لنفس حتى لو كانت النفس سياسيه وحتى لو كان بالتخطيط فهو قتل ولا ادرى هل القانون يسمح لقاتل فى جريمة ان يكون له دور او عمل سياسى ام لا

تكمل فرحتنا الحقيقية وبجد فعلا ونقول قبل 25 يناير غير بعد 25 يناير اننا نسمع ونشاهد ضباط البحث الجنائى وهما بيطلعوا قوائم البلطجية من أدراجهم ويقوموا بعمليات مداهمة لاوكارهم والقبض على عدد كبير منهم ويخلصوا الشعب من شرورهم وتعود الطمانينة و الامان لبلدنا اللهم آمين ..

اي واحد لازم يكون سعيد بالافراج عن معتقل سياسي قضى مدته خلص مدته ساجنينه ليه ومن الاصل اذا كان مدان في قتل السادات لماذا لم يحكم عليه بالاعدام دي كانت محاكمات عسكرية لا يجوز امامها المعارضة او الاستئناف على فكرة هذا المقال ليس بدليل لانها ليست حيثيات حكم وممكن وجود مقال آخر ينفي كل حاجة

استحالة تفصل اى انثى سواء متزوجة او غير متزوجة عن الوطن باكل ابعادة و تغيراتة و ثوراتة انا لا ارى اى دخل لزواج المراءة بانتمائها لوطنها و احساسها بكل نبض فى الامة هى يعنى البنت اللى ليها احساس و الزوجة لا انا ارى عكس هذا تماما بالعكس الزوجة اللى حتى لم تخرج بنفسها مش هى دى الىل قاعدة شايلة مسئولية الراجل و الست فى البيت فى غياب جوزها و هو فى التحرير او اى مكان تانى مش هى دى الست اللى اترملت بدرى و هى شابة و جوزها ساب لها حمل تقيل قوىىىىى لوحدها تربى عيالها و تقول لهم ابوكم مات شهيد مش هى دى الست اللى مات ابنها ربت و كبرت و تعبت لما جة وقت الحصاد راح منها ابنها فى غمضة عين قدمها مش هى دى الست اللى كانت بتحلم يكون ابنها اللى يوصلها و يكون عكاز لها هى اللى بتوصلة و تبكى و تبتسم فى نفس الوقت ان ابنها مات شهيد لااااا واالف الف لا الست و البنت و الام و الزوجة كلهن مضحيات بالعزيز و الغالى من اجل الوطن لا يفرق فيها بين رجل و امراءة كلهن سواء و الكل بيدفع ضريبة الحرية والكل فرح والكل حزن و الكل شارك الكل دة اسمة شعب مصر الكل دة اسمة وطن

بس اكيد كل حد فينا يتمني نجاح المرشح اللي هوه انتخبه

أنا لسه واخد بالى بعد ماعملت سيرش على عفاف شعيب وقريت تصريحاتها الحاجة الوحيدة اللى افهمها من التصريح انها واحدة غلباااانة وليست صاحبة رأى ولا زالت فى المرحلة الاولى والثانية من هرم ماسلو .. وزيها بنى ادمين كتير سواء كانوا فقراء او اغنياء او انها مزقوقة بفلوس او بوسوسة زى فنانين كثير دخلوا البلاك لست خلاص دخلت البلاك لست وكفاية الناس تعرف انها مينفعش تستفتى فى السياسة تانى ورايها ليس مرجعا لاحد انما اصحاب الأراء اللى زى حضراتكم ... مينفعش يكونوا ألد الخصام والابتكار والابداع يجب الا يتعارض مع احترام الاخرين سواء اصدقاء للثورة او اعداء لها

خدي الأمور ببساطة يا أم نور وما تشغليش بالك بتخطيط وكل خطوة لازم تتحسب . أصلها أجازة مش حرب وبعدين لو زوجك هايعمل العملية اول ما ينزل .. وده يُستحسن ... يبقى اضربوا عصفورين بحجر ... خليكم في البيت في أول الإجازة والناس تيجي تزوركم تطمئن عليه .. وفي نفس الوقت تروحي رازعه كل واحد الهدية بتاعته ... وبكده هايشوف الظروف اللي إنتو فيها ومرض زوجك .. ومش هايقدر يتكلم لو الهدية ما عجبتوش وده توقعيه وإنتي مغمضة لإن الأذواق مختلقة ... وكمان التوقعات بتبقى مختلفة .... يعني اللي متوقع تهاديه بعربية شبح موديل 2011 . ويلاقيكي جايبه له حتت قماش جبردين .. هايتصدم طبعاً وسقف التوقعات هايقع فوق دماغة .. لكن هايخلي عنده دم ويقول لنفسه يا واد عيب .. بقى الراجل تعبان وعامل عمليه وإنت جاي تدور على المرسيدس ؟

تجاذبت الحديث مع سائق التاكسى الملتحى أثناء رحلة ذهابى للعمل فى الصباح وكنا نعيش أحلى أيام حياتنا بعد زوال مبارك ، ومن أول دقيقة كنا متفقين على أنها ثورة شعبية ومباركة ، وعن مايحدث فى ميدان التحرير حول اخلاقيات الشعب المصرى العظيمة والمتحضرة بالفعل ، وقلت له بالرغم من الزحام الشديد ووجود نساء كثيرات الأ أنه لم تسجل حالات تحرش جنسى فى الميدان ، ووافقنى نافيا أن يحدث ذلك وان الجميع كانوا قلبا واحدا ولكنه أردف بأنه ومع اعجابه بنشاط السيدات الا انه يفضل وجودهن فى بيوتهن ، فقلت له لماذا ؟ النساء فى الأسلام كن يخرجن مع الرجال فى الحروب والغزوات يجمعن الحطب لطهى الطعام ويسقين الرجال ويداوين الجرحى ويدقوا على الدفوف ويصرخن لاثارة الحماسة و أستنهاض همم المحاربين أثناء الحرب فكان رده بالايجاب ولكن بشرط ان يكون معها محرم ، فرددت متعجبا ولو اتاها جريح غير محرمها الا تقوم بتضميد جراحه !! أن الظلم الذى وقع علينا فى فترة حكم مبارك لم تختص الرجال وحدهم بل لحقت بهم وبالنساء والاطفال وحتى الحجر نفسه قد أن من ظلمه وظلامه ، وحكاية أن يتحول المجتمع كله الى مجتمع رجالى يناقضها المنطق والعقل و أيضا ممارسات و أفعال من ينتمون الى المذاهب السلفية وغالبيتهم ينحدرون من الأصول الريفية ، أفيجسر أحدهم بان ينادى فى قريته بتحريم نزول المراة للعمل فى حقول الأرز وزرع الشتلات والذى يستلزم رفع الملابس حتى الخاصرة لأن منسوب مياه الرى فى حقل الأرز يكون مرتفعا !!! أيجرئ أحدهم ان يمنع والدته او أمه من النزول للمدينة لبيع الخضر والفواكه وذلك لتوفير الطعام له ولغيره !! ، أيقدر أيامنهم من أبناء الاحياء الفقيرة والمهمشة أن يمنع والدته أو أخته أو حتى زوجته من الذهاب للعمل وركوب المواصلات المزدحمة والتعرض للمضايقات أثنائها !! أن النظام الحاكم فى مصر أطبق على الجميع بانيابه الحادة ولم يجعل للمرء من خلاص سوى البحث بأى الطرق عن فرصة عمل شريفة يتقوت منها هو و أبناؤه ، طال الهم والفقر معظم افراد الأسر المصرية فى تلك الفترة ومازال وخرجت المراة المصرية الفقيرة تكافح فتجدها تارة تقف فى بوفيه المصالح الحكومية وتارة اخرى تقف على ناصية شارع تبيع الطعمية والبطاطس المقلية للزبائن معرضة نفسها لخطر زبانية شرطة المرافق هل سعى احدا من هؤلاء الذين يمتهنون عمل المراة لمساعدتها ومد الايدى لرفع الظلم والمهانة عن كاهلها لم يحدث ولن يحدث ... مجرد كلام ظاهره الشرع وباطنه الانانية .

دور المرأة رائد ومحاولة طمسه إستخاف بالعقول حد ينسي دور أسماء بنت يزيد رضي الله عنها قتلت تسعة من الروم بعمود خيمتها حضرت أسماء غزوة خيبر مع النبي صلى الله عليه وسلم، وكانت كعادتها تخطب في الجميع، وتنادي بأعلى صوتها، وبكلمات تشق طريقها إلى العقول والقلوب: ان قاتلوا في سبيل الله، وانصروا رسول الله وارفعوا راية الإسلام. حكاية أن الست لما تتجوز تنسي ان لها دور في قيادة الأمة نحو الخير ده حق أصيل كفله الله لها بس المشكلة أن جراءة اسماء ونوارة امها صافيناز كاظم بيعتبرها البعض بجاحة وقلة أدب يمكن لانه معروف عن المرأة الحياء بس ده في الحياة العادية مش ضد الظلم

تتلاحق الاطياف لتأتى بى الى هذا اليوم مره اخرى لا تترك لى فرصه للافتقاد فلا معنى للدعوه الى احياء الذكرى فانا اعلم انك مثلى لا تحبذى تلك الاجراءات المعتاده و كلمات التابين المتداوله و مشاعر الحنين التقليديه عفوا ايها الوجود السرمدى و لكن هى وحدها التى تتفهم عما اتحدث و هى وحدها التى تعى اننى لست فى حاجه الى استجداء الرؤى و لا الى رشوه الازمان الدافئه ليعودا بى اليها الا يستطيعوا ان يوقنوا انك هاهنا لم تغادرى قط ليس بالجسد نوهب الديمومه ولان روحينا انسالا على بعضيهما قطره قطره كندى الفجر النقى فى امتزاج ابدى فانا لا اخشى تعاقب الازمان و لا انقضاء الوقت و لا اهتم لتراكم السنون فوق اكتاف اللحظه اللحظه التى هاجر فيها البريق الاعين الى ابعاد ارحب و فضاءات اعلى فقط اصابحك اليوم كما افعل كل يوم فاهديك بعضا منك و انثر حولك نفحات من عبيرك و اهمهم لك بمكنونات لا يسمعها غيرك و لن انسى بالطبع ان انظر فى المرآه لاراك مطبوعه على قسمات وجهى و ملامحه اتبسم عندما يخبرنى احدهم باندهاش كالعاده كم انا اشبهك و اشعر بالسعاده عندما يداعبنى زوجى قائلا انه يحب ان ينظر الى صورك ليدرك كيف سابدوا انا عندما يتقدم بى العمر و اتسائل بحق هل سابدوا حقا بمثل تلك الروعه و البهاء انها لا تتعلق بملاحه القسمات و لكن بوهج الروح التى تنسكب عليها و ما ادعو ربى ان يحابينى به هو ان يورثنى و لو لمحا من روحك الفريده كما اورثنى سلفا جل شبهك امى لن اقول لك ابدا اشتقت اليك لانك لم تفارقينى برهه و لكن ساظل اردد دوما لك شكرا لانك امى فما كنت لاطمع فى ما هو اكثر تميزا منك لاننى ادرك انك انت من التميز منتهاه فى مثل هذا اليوم غاب الجسد و لكن شمس روحك ابدا لن تغيب عن حياتى سلاما حتى الملتقى فى جنان ربى باذنه تعالى

امممممممممممم هي دي بقى انجى حمدي :closedeyes: و انا اقول برضو الباشمهندس متحيز للثورة بقلب جامد كده ليه ههههههههههههههههههههههههه الصراحة موزة موزة دا هزار على فكرة

عاوزة اسأل شوية اسئلة للاخوة الاقباط و منتظرة رد 1)مطلب المتظاهرين امام ماسبيرو ايه؟ يعني اللي بيقال اعادة بناء الكنيسة طب الجيش و هي مؤسسة موثوق فيها اكدت اعادة البناء شيوخ و دعاة و اخوان و مسلمين عاديين اكدوا ان المطلب دا عادل و الكل مؤيد له عرفنا في الفترة الاخيرة من هم وراء اشعال التوتر الديني و الحمدلله بدأ التخلص منهم السؤال بقى ليه افتراض سوء النية في كل دول و القول مش هانمشي الا لما الكنيسة تتبني؟ هو احنا مش في عهد جديد ليه نبدأه بالشك ما ندي فرصه لحسن النية ايه الضرر في كده و الاهم ان الناس في القرية نفسها و شوفت الحوار في التليفزيون انهم بيأكدوا ان لم يتم الاعتداء على افراد و لم يتم التهجم على البيوت و اللي قال كده مسيحين مش مسلمين اكدوا و قالوا ما حدش قالنا اهربوا و سيبوا بيوتكم الحكاية ان لما الناس شافت الكنيسة بتولع خافوا على النساء و الاطفال و خرجوهم برة لكن الرجالة فضلوا موجودين و طلع لواء جيش قال الامر اتحل و الكل رجع ما عدا اسرة واحدة فقط يبقى معلش الناس في ماسبيرو ملكيين ليه اكتر من الملك؟ اما بقى لو المطلب بتاع الغاء المادة التانية من الدستور فا دا عين الجنان يبقى كده هما بيحطوا البنزين جنب النار لو قولتوا جريدة الشروق بتقول اي كلام ليه لم يتم رفع قضية ضدها لنشرها اخبار مزيفة بتثير الفرقة المفروض البلاغ دا يقدمه اقباط مش مسلمين اظن البلاغ دا هايكون له مردود طيب في طمأنة المسلمين و بالتالي تفضل الثقة موجودة لازم يكون في خطوات عملية مش مجرد كلام و السلام سؤال تاني بخصوص مايكل منير كلنا عارفين دوره القذر في المطالبة بتقسيم مصر هو و مجموعة من اقباط المهجر اللي اعلنوا وقت تقسيم السودان قيام الدولة القبطية و قعدوا يوزعوا على بعض المناصب ايه موقف الاخوة الاقباط من احلامه ؟ايه الخطوات اللي تم اتخاذها ضد مخططه منكم مش قصدي الكنيسة بس انا قصدي الافراد يعني ليه ما شوفناش بيان قوي من عامة الاقباط رد عليه و قاله كلامك مرفوض و يتذاع البيان دا في وسائل الاعلام عشان يبقى صد له من تكرار محاولاته اشاعة حوار التقسيم دا و اغواء البسطاء بيه؟

أيوه تمام هو دا الفهرس أول 4 أختبارات أكاديميك فعلا يعنى حضرتك تبدأ مذاكرة من صفحة 104 زى مؤلتلك فى الاجابة اللى فاتت بالظبط

بالمناسبة .. اللواء ممدوح شاهين قال ان اللجان هيعلن عنها على موقع اللجنة القضائية العليا للانتخابات اذا كنت في محافظة أخرى .. تعتبر من الوافدين و يحق لك الادلاء بصوتك في اي لجنة اللجنة القضائية العليا للإشراف علي استفتاء تعديل الدستور المصري

يا استاذة ريم دى اخبار كلها ف الكازوزة طب بالعقل كدة البابا اللى رفض نزول الاقباط يوم 25 يناير وما تلاه يبقى بقدرة قادر ملك دولة مصر القبطية طب مش كان من باب اولى انه يقول للاقباط انزلوا علشان يعجل برحيل النظام وبتنصيبه ملك لمصر القبطية ؟؟؟ بالنسبة كمان للمادة التانية من الدستور اعتقد حسب معلوماتى ان اول من اثار لغط حولها وطالب بحذفها او تغييرها هو نجيب جبرائيل ( الراجل ده انا مش بحبه ) ولو متابعة هتلاقى البابا نفسه قال انا مش مع حذف المادة التانية من الدستور ولا مع تعديلها ولو تضاف لها فقرة تحكم على غير المسمين بشرائعهم يبقى كويس عشان على الاقل ميحصلش اللى حصل فى موضوع حكم المحكمة اياه والزواج التانى اللى كلنا تابعناه واعتقد اى حد من اخواتنا المسلمين مش هيعارض ده ، واسمحيلى لو عارض يبقى غير عادل ويخالف حتى اسلامه الذى قال واحكم بينهم بما يدينون ومع ذلك الدنيا قامت وبدات مؤتمرات الدفاع عن الاسلام ( السلفيين فى المنصورة اعتقد ) وبدات نعرة المساس بالمادة التانية هو مساس بالاسلام نفسه وكأن المادة التانية دى مادة منزلة من السماء وطلع الشيخ محمد حسان ( له كامل احترامى ) وقال المساس بالمادة التانية على جثتى وجثة المسلمين وافديها بدمى ودم المسلمين مع اننا احنا المسيحيين العاديين لا طالبنا بحذفها ولا بتعديلها وقلنا اولوياتنا حاليا ان مصر تقف على رجليها... وازيدك من الشعر بيت ... انانفسى مش موافق على حذفهااصلا عارفة يا استاذة من بعد ما اثيرت حكاية المادة التانية دى انا فتحت موضوع هنا وكان اسمه اعتقد ( سؤال لكل من شاركوا فى توبيك ثورة 25 يناير .. ما رايكم فى موضوع تغيير المادة التانية من الدستور ) صدقينى الناس هنا كانت هتاكلنى لدرجة انى اتشتمت ع المتغطى فى احدى المداخلات ومفيش داعى لذكر اسم صاحبها وكان فيه مداخلات تانية مش فارقة مع اصحابها المادة دى ... مع انى بكل امانة ويعلم الله قصدت استطلاع الاراء وبس . واخيرا صدقينى كلها اخبار للبيع وللتصعيد وعايز اقلك انى ضد اعتصام الاقباط فى ماسبيرو وكنت اتمنى ان اللى ينفذوا الاعتصام ده احتجاجا على هدم الكنيسة هما اخواتنا المسلمين ويكون معاهم اقباط مش اقباط ويكون معاهم مسلمين علشان متبقاش مظاهرة فئوية ويوصلوا صوتهم ويأكدوا وحدتهم الوطنية وبعدها ينفضوا ويروحوا الله قادر ان يحفظ مصر ويحفظنا نحن المصريين ويردنا لها سالمين ويردها لنا سالمة مرفوعة الرأس فوق كل الامم تحياتى

اولا يا جماعةياريت نتحقق من مصدر الخبر اللى عاوز ان الفتن الطائفية تزيد اكتر يقرا جريدة الشروق هذه الصحيفة ما هى الا تاجيج للفتن الطائفية ولا اعلم كيف اذا اردنا ان نعيش بوطن يملؤه سلام ووحدة وطنية نسمح بمثل هذه الصحف ياما قريت اكاذيب وتلافيق واتهامات موجهة صراحة لاقباط مصر على صفحات هذه الجريدة ولا اعلم اهدافها الحقيقية ومن وراءها وكنت اعلل ذلك بكون ان مصر بها فساد وما جتش على صحيفة زى كدا خليها تسترزق هى كمان لكن حاليا الوضع مختلف بعد الثورة ياريت يتقدم فيها بلاغ للنائب العام لان الصحيفة دى بتضيع مجهود المظاهرات اللى كانت نهاردة فى الميدان وبتقول مسلم ومسيحي ايد واحدة احترس يا استاذ سمبا - لان جريدة الشروق مشهورة باكاذيب على المسيحين بلاش تقرا لمن يخط بيده سموم تفريق ابناء الوطن شكرا

اهي مشاركة الزملاء في التوبيك أكبر دليل ان المخدة تشيل كتيييييييييييييير حلوين شفتوا حضراتكم كل واحد أو واحدة شاركوا أثروا التوبيك بشكل مختلف عن التاني يعني ارك و فتفوتة و ساري و دريم باشا و بعدين الفاضل كمنج سون و بعدين لماضة و انفيستور باشا كل واحد شاف التوبيك في زاوية مختلفة و حتى حوار الحضارات مش تشفير و لا حاجة غامضة انا ذكرته في اول التوبيك لأن الحضارات و المجتمعات و الدول من صنع البشر هي تكتلات بشرية و كل ما الروح البشرية تعلى فيها كل ما يعلى المجتمع و يتحضر و كل ما يكون ثري كان قصدي ان العالم يسع دول متقدمة كتير جنب بعضها متشابهين و مختلفين كل دولة فيها اللي يميزها و العالم يسع الجميع و كمان على مستوى الأفراد العمل يسع كتير متميزين مش لازم واحد يكون الألفا و الباقي اتباع مش لازم يكون في واحد بس اللي بيفهم و الباقي أقل منه المخدة تشيل كتيييييييييير حلوين زي المحاورات كده ما هي شايلة كتيييييييييير حلوين مثلا اتبرمجنا ان في واحد بس هو الفائز واحد بس هو الأفضل تعرفوا بنت عندي في الفصل سألتني بعد اما خلصنا مناقشة و كل واحدة قالت رأيها مين فينا الأحسن؟ قلت لها كلكم استغربت جدا و قالت لازم يكون في واحدة هي الأفضل و اصريت على اجابتي ان كلهم الأفضل سرحت في سؤال دايما كنت بأسأله لولادي لما يسألوني بتحبي مين فينا أكتر عارفين كنت بأسألهم ايه؟ كنت اقول له أو اقولها بتحب عينيك اكتر و الا ودانك ؟؟ زي ما كل حاجة في جسمنا ليها أهمية و ليس لها أفضلية على الأخرى( لا يمكن الاستغناء عنها) كذلك الأفراد في مكان عمل واحد أو في المجتمع و كذلك الدول في العالم مستنية مشاركات حضراتكم لنرى زوايا جديدة من الصورة

بما اني من اللي شايفين ان لو قامت ثورة في السعودية فا دا يعتبر بطر على النعمة هارد عليكي بصي يا ستي موضوع لما قامت الثورة في مصر كنا بنشجع عشان مش عايشين فيها فا دا خانك التعبير فيه لان امي و ابويا و اخواتي و خلاني و خالاتي و كل قرايبي في مصر فا مش معقول دول ما هامونيش و انا باشجع الثورة و اللطيف اللي ما تعرفيهوش ان جوزي كان في مصر و في القاهرة تحديدا وقت الاحداث و ما رجعش من هناك الا بعد جمعة الغضب بكام يوم يعني كنت هاموت من القلق على اهلي بس انا عارفه ان اللي حصل في مصر دا عشانا كلنا عشان مصر تكون احسن بكتير من اللي كانت فيه و اتمنى من ربنا ان دا يتحقق اما بقى حتة ان لما في اتجاه لعدم الامن و الامان في السعودية عشان انا عايشة فيها فا انتي لو راجعتي كلامي هاتلاقيني قايلة اني ضد اي ثورة في دول الخليج كلهم بلا استثناء عشان دول حائط الصد للمد الشيعي و انتي يا ضحى كنتي عايشة طول عمرك في السعودية في حاجه في الكلام اللي انا قولته دا مش حقيقية؟ انتي لسا نازلة مصر من اقل من سنة و كنتي بتتعاملي مع سعوديات كتير كنتي شايفة حالاتهم او حالة البلد تستدعي قيام ثورة؟ و احيلك يا ضحى للتوبيك دي عشان تعرفي ان الناس دي بيتبطروا على النعمة بجد http://www.egyptiant...howtopic=117907 سبب التعديل اضافة اللينك الاخير بداية اسمحي لي اؤكد للمرة الالف اني مش بشكك نهائيا في حد انا بس بحاول احلل ( الظاهرة ) الي حيرتني بجد لاني مش لاقية لها غير تفسير وحيد .. لو تكلمت عن اعضاء المحاورات فمش بقصدهم بذواتهم او شخوصهم وانما لكونهم ( نموذج ) لرد فعل الناس الي ( برا ) مقارنة بالي ( جوا ) .. طيب دلوقت بتقولي ان الناس الي كانت برا مصر وقت ماحدث كانت قلقانة على اهلها الي لسه هناك .. بس ارد على كلامك بان قلق عن قلق يفرق اكيد .. يعني لو انا لي اب او ام عايشين في مصر فاكيد مش هخاف عليهم نهائيا زي مالو لي ابن او اخ مراهق مثلا وكان بينزل المظاهرات كل يوم . . صح ولا لاه ؟ اصل الناس الي في مصر مشكلتهم كانت في ايه ؟ اما نزول المظاهرة وتعرضهم لرصاص الامن .. او سكنهم في عشوائية غير محمية وبالتالي وقوعهم تحت ضرس البلطجية .. فان كان والدي او والدتي لا هذا ولا ذاك اضافة الى انهم مش عمال يومية مثلا هتنقطع ارزاقهم لو حصل حاجه ففي حالة زي دي هيبقى خوفي عليهم مجرد ( قلق ) بس من ان الاوضاع مش طبيعية هيبدده اكيد رغبتي الداخلية في انصلاح الحال وانهم يبقوا عايشين في بلد تستاهل ينعاش فيها مش الوضع الي كلنا كنا عارفين ان المصريين موجودين فيه .. خوفك او خوف غيرك على اهله في مصر لا يقارن نهائيا بخوف اي حد فينا ممكن يكون في بلد غربة ويكتشف ان البلد دي لاقدر الله اتفككت واضطر يحمل اهله وبيته وعياله ويطلع يتكوم بيهم على الحدود في انتظار من يحمله الى بلده .. يعني الى المجهول .. انا هنا بؤكد اني مش قصدي ان المسألة خوف على اكل العيش او غيرها من المعاني المستفزه الي ممكن تفهم خطأ في سياق كلامي .. وانما موقف كل مصري عايش في السعودية النهرده وخايف على البلد الي عايش فيها .. خايف من حدوث اي مما يمكن ان يهز استقرارها هو خوف طبيعي جدا ايا كانت اسبابه والي هي اكيد نفس اسبابنا نحن من كنا نعيش في مصر وقت حدوث الازمه وكنا خايفين عشانها .. وعشان ميكونش كلامي عن آخرين .. فعن نفسي لو مكنتش عايشه في مصر في الفترة الحالية ومش ناوية ارجع لها في القريب .. لو مكنتش حاطه في ذهني ان في مؤامرة ما وان مايجري مش بالضرورة رغبة شعبية فقط وانما آخرون لهم المصلحه .. لو مش كل ده ممكن جدا ووارد بل ربما اكيد كنت هبقى مع حدوث ثورة وكان هيبقى منطقي هو ذاته ماقاله احد زملاء الفاضلة ( طبيبة في الخارج ) من ان خلي الحال ينعدل في مصر خلينا نرجع بقى .. مهو ياطابت ورجعنا ياخابت وفضلنا واحنا كده كده كنا فاضلين .. مش عارفه بقى هل بعد ده كله عندك تفسير تاني لان كل الي كانوا مع ثورة مصرية هم ذاتهم ضد السعودية والعكس صحيح ؟ بل حتى لو لاحظتي في توبيكات مفتوحه عن ثورات ليبية وتونسية ومهلبية .. شوفي المشاركين هنا وهناك .. شوفي مين مع ومين ضد ومين متحفظ .. قارني ده بمحل اقامة كل منا لتتاكدي ان الظاهرة بالفعل محيرة طالما لم يكن لها الا هذا التفسير .. ملاحظة اخيرة بخصوص سؤالك لي عن رايي بصفتي كنت عايشه في السعودية وحتى وقت قريب .. يمكن لو لاحظتي فانا لم اقل راي في الاوضاع الداخلية السعودية تقريبا في اي توبيك لا هذا ولا غيره .. ببساطه لان لدي مبدأ اني ولو دخلت بيت ناس وصادف اني اطلعت على خصوصيات هذا البيت لا لشيء الا لانهم قربوني منهم او اعتبروني ( مش غريبة ) فمش من المروءة ابدا اني اتكلم عن حاجه سلبية شفتها او حتى ايجابية ممكن تؤذي اهل البيت ده .. وعلى هذا فان لم يكن لدي كلمه جيده في حق بلد استضافتني فعلى الاقل واحتراما لذاتي وللي ادخلوني بيتهم مستحيل اقول في حقهم كلمه وحشه .. الي اقدر اقوله ومن معرفتي الاكيده بطبيعة الشعب السعودي ولكثير من الظروف الداخلية الي بيعيشها السعوديين بمختلف فئاتهم .. ان لو حصل ثورة في السعودية فده مش هيكون في صالح السعوديين انفسهم حتى لو صور لهم البعض عكس ذلك .. يمكن يكون في اصلاحات مطلوب القيام بها او اوضاع مطلوب تغييرها بس الاكيد ان الطريقة والتوقيت غير مناسبين على الاطلاق وان تغير الوضع في السعودية عن طريق التصادم مع الاسرة الحاكمة فالاكيد انه هيتغير للاسوأ .. وعشان كده مقدرش اقول غير ربنا يسترها معانا جميعا . . والله اعلم الايام محملة بأيه .. هي الجزئية دي من كلامك استاذتي الفاضلة .. "منتمناش الشر والخراب والثورة هنا مش هتبقى سلمية زي ماكانت عندنا " من فين جاء التاكيد ان الثورة في مصر هتكون سلمية ؟ هل مقصود ان المتظاهرين مش هيكسروا حاجه في طريقهم او ان الجيش مش هيضرب عليهم نار ؟ هي دي بس المشاكل الي كنا متخوفين منها وطالما تأمنت يبقى مفيش من الثورة خوف ؟ على فكرة السلامة الشخصية للمتظاهرين عمرها ماكانت المشكلة ولا كانت هي سبب تخوفنا نحن من عاش الازمه ولا اظنها هي سبب تخوفكم معشر المقبلين عليها .. ملاحظة جانبية .. كل مااقرأ او اسمع عن اخبار سيئة في ليبيا بقلق جدا على اخوك واسرته معرفش ليه وكأني اعرفهم من زمان .. مش عارفه ليه حاسه ان طالما هم الحمد لله بخير يبقى المصريين الي في ليبيا كلهم هيبقوا كذلك .. اتمنى تنقلي لنا الاخبار حية كل ماتتسنى لك الفرصة وتطمنينا على وضعه هناك لاني بجد لا اطمئن غير كل مااقرأ لك انك كلمتيهم والحمد لله اوضاعهم مستقرة وبخير .. ربنا يسترها مع الجميع يارب ..

. . . . الـــقـــذافـــى لـــمـــا بـــيـــصـــحـــى مـــن النوم بيقول . دقـــت ســـاعـــة الـــمـــنـــبـــه دقـــت ســـاعـــة الـــمـــنـــبـــه أنـــا اتـــأخـــرت فـــي الـــنـــومـــ فـــيـــن الـنـــســـكافـــيـــه فـــيـــن النسـكافــيــه? ! الـــى الـــحـــمـــامـــ الـــى الـــحـــمـــامــــــ فـــوطـــة فـــوطـــة فـــوطـــة. . . . . الصعايدة فرحانين اوى عارفين ليه ؟ . لان كل النكت اليومين دول على القذافي . . . . . . . . . . . حمار هربان من ليبيا وصل تونس وقفوة سألوه بتجرى ليه؟. قالهم : القذافي أمر بذبح كل البقر ! قالوله : بس انت حمار مش بقرة ؟ قالهم : طب حد يروح يفهمه . . . . القذافي طلعلوا عفريت قالوا اطلب امنيه القذافي قالوا معيش رقمها . . . . ما الذى تحتاجه عند الإستماع للقذافى: ------------------------------------------- 1-قاموس عربى-قذافى....قذافى-عربى 2-أطلس للكره الأرضية لمعرفة علاقة ليبيا بأمريكا الاتينية 3-إستحضار روح هيرودت أبو التاريخ لتحاشى التهيس التاريخى 4-جلوكوز عند شعورك بالغثيان و الدوار 5-دواء ضغط 6-يجب أن يتم تقييد المستمع لتحاشى الإنتحار أو تدمير التلفاز 7-سبحة ومصحف لتحاشى السب -------------------------------------------

لا يجب أن يمر هذا الموضوع بالتحديد مرور الكرام ولا يجب تسويته ودياً ولا عرفياً يجب التحقيق فيه بدقة وحزم ويجب تطبيق أقصى العقوبات على من تثبت إدانته يجب أن يحاسب من تجرأ على هدم بيت للعبادة .... أي كان ... يجب ألا تكون هناك أية موائمات أو مجاملات أو تهدئات أبداً .. هذا باب يجب أن يغلق للأبد .. ومع بداية عهد جديد لثورة مصر .. يجب أن يتم التعامل مع هذا الموضوع بحزم وشدة .. وتطبيق القانون

الحياة صورة معبرة لكرسى صاحبه كان متبت فيه...وولاده واحد مش بيبص للكرسى والتانى حاطط رجله عليه وفاكره هيبقاله