لوحة القادة

سأقول لا بالفم المليان فى الإستفتاء على التعديلات الدستورية غدا ، ببساطة أرفض أن يتولى مجلس به 50% عمال و فلاحين بالإضافة ل كوتة المرأة ... أرفض أن أعهد لهذا المجلس بمهمة تاريخية تحكم سير الحياة السياسية فى مصر لأجيال و أجيال. أرفض أن أعود للحياة تحت ظل دستور مهلهل و أرفض أن أعهد بمهمة وضع دستور جديد لمجموعة أشخاص أبعد ما يكون عن أن يكونوا خلاصة الفكر القانونى فى مصر. و أتعجب من الإلتباس الذى سمح به المجلس الأعلى للقوات المسلحة و أظنه إلتباسا حدث بحسن نية حيث أن العسكريين أبعد ما يكونون عن "دخانيق السياسة الرديئة" . كان الأولى أن يصاحب الإعلان عن دعوة المواطنين للإستفتاء على تعديلات الدستور توضيحا كاملا بما سيحدث فى حالة الموافقة على التعديلات و كذا فى حالة عدم الموافقة على التعديلات. الواضح حتى الآن أن الموافقة على التعديلات يعنى إجراء إنتخابات مجلس شعب بنفس القواعد القديمة - 50% عمال و فلاحين + 50 مقعد كوتة المرأة مع إشتراط معرفة القراءة و الكتابة - و هؤلاء ال 505 عضو و عضوة مجلس شعب ينتخبون منهم (أو من غيرهم) لجنة تأسيسية لوضع مشروع الدستور الذى سيحكم مسار الحياة السياسية فى مصر ..... مصر التى عرفت الدساتير منذ أكثر من مائة عام و التى صنعت معظم دساتير الدول العربية ..... الدستور الذى ينبغى أن يكتبه أساطين القانون و الفكر الدستورى .. الذى ينبغى أن يشارك فى كتابته أناس فى قامة الدكتور السنهورى ........ يعهد بكتابته و صياغته لأناس - ربما أفاضل - و لكن مبلغ العلم فى ثقافتهم أنهم يجيدون القراءة و الكتابة. ناهيك عن أن قول نعم تعنى بعثا لدستور 71 الذى قيل فيه ما قيل و الذى كرس الإستبداد فى مصر.

الرجل خانه التعبير و لكن فكرته أنه لا أحد يجتمع عليه الآراء بنسبة 100% حتى الخالق جل وعلا فهناك ملايين الملحدين الذين لا يؤمنون بوجود خالق أصلا و هذه حقيقة لا تنتقص من الذات الإلهية فلو شاء الله تعالى لآمن من في الأرض جميعا و لكنها حكمته جل و علا ألا يجتمع الناس على شيء حتى عليه سبحانه أما قوله عن الفكر الوهابي فهذا ليس بكلام جديد و قتلناه بحثا على المحاورات من قبل و هذا رأيه الذي لا يقبله البعض و يرون في ذلك خطرا أن يؤثر رأي د. الجمل على قراره كنائب لرئيس الوزراء فأقيمت عليه دعوة قضائية حسنا فلنترك الأمر للقضاء و لا نصدر نحن الأحكام و نسارع لنعته بالعجوز المخرف!!! و بالنسبة للفيديو الذي يرد فيه الفاضل محمد حسان فكنت أتمنى أنه قام بنصيحة د. الجمل بدلا من الحديث عنه و التحذير منه فقد بات ممكنا الآن التحدث إلى المسئولين و ليس عنهم

دكتور الاسكندرية اتوقع ان دكتور مثلك ممكن يوصل فكرته بعبارات ارقى من اللي محددها دي مافيش دول بتعريفة ودول ببريزة وفعلا ما عندناش القدرة على معاداة مصر لان مفيش حد بيعادي نفسه تحياتي دكتور

** قررت أن اقول لأ في الإستفتاء - وهذه أسبابي الغير منطقية** تعبت و قريت كمية تحليلات و حضرت ندوات ،، منها لأحد الموافقين المحترمين ،، د / محمد سليم العوا و منها لأحد المعترضين المحترمين ،، د / عمرو حمزاوي مبدئيا ،، اللي فهمته فزاعة دستور 1971 ،، وهمية لأن الدستور في كل الأحوال سقط و لجنة التعديلات أعدت بالفعل عدة مشروعات لقوانين انتخابات - و تحديد لصلاحيات الرئيس ،،، (( اجمع عمرو حمزاوي و سليم العوا علي نفس المعلومة و أجمعوا كمان علي إن التعديلات الدستورية واضحة و ليس فيها تضارب أو غير ملزمة كما يدعي البعض )) عشان مطولشي عليكم ،، نقطة الخلاف الرئيسية (( البرلمان )) المعترض المحترم عمرو حمزاوي قال ليس الخوف من الأخوان أو من فلول الحزب الوطني و لكن إعتراضه إن قوي الشعب اللي ثارت عامة غير مسيسة و من حقها أن تمثل في البرلمان الموافق المحترم سليم العوا شايف إن مش منطقي نطالب الجيش بنفسنا يطول مدة مسئوليته ،، لحد ما الشعب يستعد للبرلمان و بعدين ندوس الزرار - و رايه إن البرلمان القادم حتي لو مش ممثل هيكون إئتلافي و مش هيكون فيه أحمد عز يشاور بصباعه و في كل الأحوال لو البرلمان اللي جه مش كويس ،، يستعدوا للبرلمان اللي بعده و الناس لسانها طول كده بخصوص الخطة البديلة في حالة لأ ،، عمرو حمزاوي ،، شايف نريح القوات المسلحة بانتخابات رئاسية ، مبكرة ،، و إنتخاب جمعية دستورية لوضع الدستور ،، في لجان و مناقشات علنية و ليست سرية مثل لجنة التعديلات السابقة ،، ثم تعرض للإستفتاء و بعد تفعيل الدستور الجديد ،، نبدأ الإنتخابات البرلمانية و بذلك نكون التزمنا بالجدول الزمني و أعطينا الفرصة للإستعداد لدخول الإنتخابات سليم العوا ،، رايه إن رئيس بدون برلمان ،، مبارك جديد لا يصلح ،، و إن مجلس رئاسي يعني حكم عسكري بمشاركة مدنية ،، يعني الملخص إن نقطة الخلاف البرلمان ،، أحمد أنور رايه الشخصي بقه ايه ،، ميال طبعا لسيناريو الموافقة لأنه الأكثر منطقية و الأكثر أمانا و الأكثر وضوحا و لأن طول الفترة الإنتقالية ،، تهديد حقيقي للثورة ليس بسبب طمع الجيش في الحكم فقط و لأن بالفعل فيه خطط بديلة للرافضين زي مبادرة الأخوان قال عنها د/ حمزاوي (( قال هنضغط في اتجاه الانتخابات بالقائمة النسبية - هننظم نفسنا عشان الإنتخابات )) و لأني مش مقتنع إن يمكن إنتخاب لجنة تأسيسية لوضع دستور ،، إزاي شعب مصر كله يختار مئة واحد !!!! و اساسا اللجنة التأسيسية دي رجال قانون ،،، فيه حد يعرف قانوني كويس من قانوني وحش !!! و البديل أنقح إنهم يكونوا بالتعيين !!! ،، فالأوقع أختار ممثلين عن الشعب و هما يختاروا اللجنة التأسيسية و يشرفوا عليها و الأهم تكون البلد اتسلمت بالكامل لحكم مدني بمؤسسات شاملة منتخبة تدي ثقة للمستثمرين يرجعوا ،، تدينا فرصة بآليات ديمقراطية تغيرهم ،، الجيش يرجع ثكناته نهائي ،، مش نأجل البلد بالكامل عشان الشعب يستعد للديمقراطية !!!!!! و كمان خوفا من شعبطه الشعب في اي ديكتاتور عسكري ينقذهم من فوضي الفترة الإنتقالية في حالة حدوث إنتكاسات سياسية أو إقتصادية أو أمنية ،، و ده اللي حصل في الثورة الفرنسية و الفرنسيين اتشعبطوا في نابليون ديكتاتور ينقذهم من الفوضي لكن رئيس منتخب و مجلس شعب منتخب ،، فيه أليات لتغييره و فيه جهات رقابية عديدة و فيه تعارض سلطات و في النهاية دولة مدنية من حقك تتظاهر و من حقك تعترض و مش بتحكم باسم الثورة عشان لو فيه انتكاسات متلبسهاش الثورة الغلبانة ،، لكن في النهاية قررت التصويت ب لأ ،،، علي عكس قناعاتي لأن المعترضين هم ،، القوي الجديدة ، الأقباط ، بعض الثوار الغير مسيسين الموافقين ،، الأخوان المسلمين - الجيش - السلفيين - الحزب الوطني (( إن وجد )) - بعض الثوار الغير مسيسين ايضا - حزب الكنبة (( اللي عايز يخلص و خلاص )) يعني واضح إن المعترضين عامة شايفين إنهم مستضعفين و صوتهم هيروح في الرجلين فأنا قررت اصوت ب لأ ،، فقط لمنحهم ثقة في نفسهم ،، و إن الديمقراطية مش هتأكلهم عشان تكون النتيجة (( 53 % )) نعم فقط إن شاء الله ،، فيفهموا إن فيه أمل و يتحركوا بسرعة لخططهم البديلة (( من حقي أنا كمان أحط سيناريهوتي )) و الله الموفق

كلا النتيجتين (القبول والرفض) ستؤدى إلى دستور جديد ولكن .. نحن أمام خيارين : 1) أن نطرح مشروعا للدستور فى ظل دولة مدنية ومؤسسات تشريعية 2) أن نطرح مشروعا للدستور فى ظل حكم عسكرى بلا مؤسسات تشريعية أنا لا أخاف من ممارسة الديموقراطية كما يخاف البعض كل تأخير لممارسة الديموقراطية يقوى فرصة الاستبداد والاستبداد بدوره يخنق الديموقراطية أنا لا أخاف الديموقراطية أنا أخاف على الديموقراطية لذلك سأقول نعم

كلمات أعجبتني

السلام عليكم و رحمة الله و بركاته قبل أن أبدأ الموضوع..هحكي موقف افتراضي صغير بدأ شيخ ما في درسه أو محاضرته..و التي كانت تتكلم عن أي شيء في الدين..الزكاة مثلا..أو الحج..أو البدعة.. و أثناء الدرس..أو بعد انتهائه أثناء الرد علي الأسئلة..قام رجل بتوجيه ورقة أسئلة للشيخ يسأله فيها عن رأيه في كلام فلان الفلاني..و ممكن أن يكون فلان ده أحد الدعاة..أو مسئول كبير في مصر..أو ليس واحدا مما سبق.. المهم.أن الشيخ رد علي هذا السؤال و قال مثلا أن كلام هذا الرجل خاطئ لكذا و كذا و مثلا أورد هذا الحديث و هو حديث موضوع..و استدل بهذا الحديث و هو حديث لا أصل له كما قال بذلك علماء الحديث... جه واحد متحمس حبتين و قام قاطع الحتة دي من الفيديو..و نشرها علي الفيديو..بعنوان الشيخ س يرد علي الشيخ ص الشيخ س يرد علي جهل فلان الفلاني الشيخ س يفضح ألاعيب الشيخ ص طبعا ييجي واحد زي حالاتي..أو زي حالات أغلب الناس..يفتح موقع ما..و يفاجأ بهذا الموضوع في صدر الصفحة طبعا في كتير من غير ما يفتحوا الفيديو..أو حتي بعد ما فتحوه..يقولوا الآتي : 1- هو الشيخ ده مفكر نفسه مين عشان يقعد يطلع الناس دي كلها جهلة كده. 2- هو الشيخ ده لازم يعني يتمنظر قدام الناس. 3- هو الشيخ ده مش لاقي حاجة يقولها فعمال بأه يجيب في سيرة الناس؟ 4- مش كان من الأفضل برضه بدل ما هو عمال يتمنظر كده..لو عاوز ينصح بجد..كان كلمه بشكل شخصي؟ و الي غير ذلك من الاتهامات الجاهزة..و التي نسمعها كثيرا و بشكل شبه يومي.. أغلب الحالات اللي زي دي اللي كانت بتقابلني..بتبقي بنفس السناريو ده بالظبط.. آجي أتتبع الموضوع..ألاقي الشيخ ده طوال ساعة أو ساعة و نصف من محاضرته ما جابش سيرة موضوع الراجل ده خالص..و بيتكلم في موضوعه و بس..لكن اللي خلاه يتكلم هو السؤال اللي جاله من سائل ما.. و ما ينفعش ان شيخ أو رجل دين يسأل عن مسألة ما فلا يرد..الا اذا كان فعلا جاهلا بها لا يعلمها.. أنا ما أنكرش ان في بعض الأحيان بيكون الشيخ ده ناوي انه يتكلم عن الراجل التاني ده ويرد عليه..لكن في أغلب الأحيان بيكون مش قصده تماما التشهير به..ولا بيكون حاططه في دماغه اساسا..لكن رده هذا جاء ردا علي سؤال شخص معين..و الراجل التاني ده مثلا اتكلم في قضية خطيرة..أو استدل بأدلة موضوعة و غير صحيح..فبيكون من واجب الشيخ ده انه يرد و يبين المسألة. اللي خلاني أكتب الموضوع ده بصراحة..اني نفسي انا نحسن الظن بعلماؤنا و رجال الدين بشكل عام..و مش أول ما نسمع منهم كلمة..علطول..نكيل له الاتهامات..نقول..يمكن ما يقصدش انه يجرح حد بعينه أو نقول..يمكن حد بعتله السؤال ده و هو كان لازم يرد..أو يمكن نصحه بشكل شخصي و التاني ما أخذش بالنصيحة. أو يمكن الموضوع ده أساسا ما كانش في محاضرة ولا علي الملأ..بل كان حوار شخصي بين شيخ ما..و بين السائل..و بعد كده السائل ده أخذ الجواب و نشره بحسن نية أو بدون.. و العلماء الربانيين بحق..هم الذين ينطبق عليهم ما قاله الامام الشافعي..رحمة الله عليه حين قال : "ما ناظرت أحدا علي الغلبة..بل رجوت أن يظهر الله الحق علي لسانه" و المعني..أنني ما ناظرت أحدا أو ناقشته..و تمنيت أن أغلبه لغرض ما في نفسي..أو ليقول الناس انني علي الصواب و غيري خطأ..بل تمنيت أن يظهر الله الحق علي لسانه هو..لأن المهم..هو ظهور الحق..سواء علي لساني..أو علي لسانه ..أو بأي طريقة..المهم..أن يظهر الحق..هذا هو العالم الرباني بحق.. ملحوظة أخيرة..أرجو ألا يفهم أحدا من اخواننا هنا في المنتدي أنني أعنيه بهذا الكلام..أو أنني لما قرأت ردا معين أو موضوع معين..قررت كتابة هذا الموضوع..و عشان تريحوا نفسكوا..أنا كتبت الموضوع ده لما قرأت النهاردة عنوان في الفيس بوك عندي..فاستفزني بعض الشيء

من الاخر .. بدستور .. من غير دستور .. مصر دوله متدينه وسطيه ((مسلمين ومسيحيين)) أكثرية شعبها يدين بالدين الاسلامى .. .. رضى من رضى .. ورفض من رفض .. حتى لو شالوا الماده دى ..احنا ولا بيفرق معانا دستور ..ولا قانون .. ولا حتى حظر تجولsmk:

هذا يسمي التزام حزبي ومبدأ معروف في كل الاحزاب أسأل اي شخص له تاريخ حزبي واكثر خبره منك الالتزام الوطني ,, ومصلحة جميع المصريين ,, مقدمة على مصلحة الاخوان يا سوون ,, في الوقت اللي ائتلاف شباب الثورة وحركة 6 ابريل افردوا صفحاتهم لكل المعارضين حتى من الاعضاء وقال على المخالفين انهم اخواتنا نحبهم ونتوحد معهم وندافع عنهم ان تعرضوا لمكروه ,, نجد الارهاب والتخويف والتهديد بالفصل من المرشد العام لشباب الاخوان اللي زي الورد المتماهين مع الائتلاف ,, شباب الاخوان المسلمين هما اللي نزلوا معانا كتفهم بكتفنا وامتزجت دماؤهم بدمائنا على ارض ميدان التحرير ,, الحق بيدهم هم يا سوون ,, والمرشد العام هو الذي يدين لهم بالفضل والعزة ,, وليسم هم ! انت الان تمارس الارهاب الفكري وتدعي ان من قال نعم هو ضد مصلحة الوطن مع اننا ان شاء الله الاغلبية واي حزب في اي منطقة في العالم سواء علماني او اسلامي او شيوعي يشترط علي افراده الالتزام بقراراته والا لتفكك الحزب هذا مبدأ عام معروف سواء اعجبك ام لا ولااعرف اين التهديد والتخويف والارهاب الذي تتخيله ؟ شخص انتمي لجماعة بكامل ارادتة اذا اراد الاستمرار فيها فليستمر اراد تركها فليفعل اما ان تصور الامر كأن المرشد سيقتلهم او يعذبهم فهذا راجع لشئ في نفسك لاعلاقة له بالحقيقة

هي دي العلمانية يا أستاذ طارق الدكتور بيمارس الديمقراطية الحق بعدم قبول الآخر (الإسلاميين) الدكتور بيقول أنهم ليسوا من الإسلام في شئ (بما أنه معه تصاريح الدين الإسلامي وواقف على البوابة) بالرغم من أنه لم يأتي بدليل على هذا الكلام ثم ينتقد الفكر السلفي لأنهم ناس ديكتاتوريين علشان بيتكلموا بالحق الإلهي (بالرغم من أن أحد منهم لم يدعي لنفسه عصمة) يكفيك يا دكتور أنك كنت منعم في عصر مبارك ، وتم تتويجك برئاسة لجنة الدستور في عهده

طبعا كلنا ملاحظين الوقت القاتل ما بين الحصول على السي اس كيو و ما بين السفر لازم نستغل الوقت دة بطريقة تخدم مشروع الهجرة و في حاجات كتيرة ممكن تتعمل بداية من قرارك .. هل ناوي تكمل كيبيك و لا تنقل فيدرال .. لان دة هيترتب علية قرارت تانية على سبيل المثال و ليس الحصر للحاجات اللى ممكن تعملها تعادل شهادتك كورسات لغة اتعلم مهنة او حرفة تانية هتسكن فين تكوين شبكة معارف و علاقات فى كيبيك مراتك او جوزك هيعمل اية هناك لو لغتة ضعيفة مدارس او حضانة الاولاد تدبير الفلوس اللى هتحتاجها هناك اول كام شهر . . . سلسلة لا تنتهى من الحاجات اللى ممكن تتعمل من مصر .. تسهل عليك الفترة الاولى في كيبيك ممكن كدة واحدة واحدة مع بعض نبدأ نخطط للوقت دة علشان ميبقاش وقت ضايع بالنسبة ليا انا ناوي اكمل كيبيك علشان مراتي مدرسة فرنساوي و ليها فرص عمل هناك لانها معاها شهادة معتمدة دوليا و كمان بنتي ابتدت دراستها بالفرنسي الحيرة الحقيقية ليا انا .. الفرنسي بتاعى ضعيف خبرتي فى مجال المبيعات و التسويق و بالتحديد فى مجال السيارات و طبعا صعب عليا الاقي شغل فى المجال دة هناك مؤخرا اتخصصت في مجال تحليل السوق و دة محتاج دراسات في مجال ابحاث التسويق و التحليل الكمي وهنا تظهر مشكلة تانية ان الدارسات الموجودة فى مصر و المعتمدة دوليا باللغة الانجليزية فقط .. غير ان الله وحدة يعلم مدى صعوبة دراسة تلك المواد باللغة الفرنسية و من هنا فكرت اتعلم حرفة او مهنة .. يعنى مثلا - ومن غير تريقة - انا بحب المطبخ جدا .. ففكرت التحق بدراسات معتمدة دوليا بتخرج شيفات معتمدين دوليا بس .. بصراحة و من منطلق رجعى متخلف مش عايز اولادي يكبروا و يلاقوا .......... الوضع دة او يلوموني على عدم الاصرار فى المحاولة على الاستمرار في مجالى ففكرت امشي الاتنين مع بعض يعني اشتغل كدة و ادرس في نفس الوقت و مين عارف يمكن موضوع الشيف دة يضرب معايا و اكتشف فى نفسي موهبة مدفونة يعني انا قلت افتح كلام و ياريت نبتدي نفكر مع بعض و نساعد بعض بافكار تسهل من صعوبة الفترة الاولى للهجرة انا حصلت على السي اس كيو فى 8/11/2010 و ارسلت الملف فيدرال فى 13/3/2011

http://www.4shared.c...C/__online.html الكلمات مقتبسه من اعلان ريري القديم بتصرف في الكلمات اهداء للفنانه عفاف دعيب

الاصلاح العاطفي بعد ما مشي مبارك و ساب الدنيا مكركبة بعده ، و الشعب عليه انه يبتدي في الاصلاحات في كل مجال اتكلمنا عن الاصلاح السياسيي و التشريعي و الاقتصادي في موضوعات كتير انا قلت بقي اكتب موضوع عن الاصلاح العاطفي اللي حنبتديه في العهد الجديد و ازاي نصلح ما تم افساده ، اما اسباب الحالة العاطفية اللي مش بخير ، البطالة اللي رفعت سن الجواز المرتبات الضعيفة اللي خلت الزوج يشتغل شغلتين ، و البيت بقي بالنسبة ليه فندق ياكل فيه و ينام مناهج التعليم اللي حاطينها مش خبراء التربية ، خبراء النكد عشان يقرفوا الناس ، و بقت الزوجة يا دوب قاعدة طول اليوم وسط الكتب و الكراريس عشان تحصل قطر التعليم السريع و تلحق تلاقي لأولادها مكان اما اميرة الاحلام اللي كانت في القصص القديمة بتجمع الزهور و بتغني مع العصافير ، بقت في ثانوية عامة و بتقطع في شعرها من صعوبة الامتحانات و ايديها مليانة حبر من كتر المذاكرة اما فارس الاحلام اللي كان بياخد الاميرة علي الحصان الابيض ، دلوقتي ييجي يقولها انتو حتجيبوا ايه في العفش و احنا حنجيب ايه ، حكومة مبارك كعادتها كانت بتكدب علي الشعب ، و و يقولوا ان الحالة العاطفية عند الشعب بخير و ان البلد مليانة دباديب وورد احمر خصوصا في عيد الحصبة المسمي بعيد الحب اللي كل الناس لابسة احمر فيه ، و برضو الاعلام المصري كعادته بيضلل الناس و تلاقي المذيعيين و المذيعات لابسين احمر اما امتي الحكومة الجديدة حتبدأ خطوات الاصلاح العاطفي ، لازم الاصلاح الاقتصادي الاول ، و طبعا قبل الاصلاح الاقتصادي الاصلاح السياسي ، و قبله الاصلاح التشريعي وكمان خطط الاصلاح الاقتصادي دي خطط طويلة الاجل يعني خطة عشرية و خطط 50 سنة انا برضو عايزة يتم محاكمة مبارك ، بتهمة لم توجه له من قبل ، تهمة التنكيد علي الناس ، فأيه رأيكم دام فضلكم خطوات الاصلاح العاطفي في الحكومة الجديدة حيبقي خطواتها أزاي ؟

فى طريقى الى بور سعيد،اسلك الطريق الدائرى،ثم انحرف يمينا الى طريق السويس،وعند بلوغى العاشر انحرف يسارا الى طريق الاسماعيليه،وصولا الى طريق بور سعيد،تجنبا للازدحام،وحدث عند الكيلو 40 مصر السويس،ان كنت مسرعا،والطريق خالى تقريبا إلا من سيارتى،وساعة التابلوه تشير الى 11،5 صباحا،وفجأةً،وعلى غير العاده ل 40 يوم مضت،وجدت لجنه مروريه،استوقفنى العسكر ثم جاءنى الضابط وقال لى فى زوق شديد،(اسفين هنعطل حضرتك لدقيقه واحده)،واكمل الاستماع عبر جهاز اللاسلكى بيده الى الاشاره،ثم قال لى فى ادب جم،(حضرتك كنت تقود بسرعة كذا... والسرعه المقرره على هذا الطريق هى 100 كلم نرجو من حضرتك مساعدتنا فى الاتزام بالسرعات المقرره تجنبا لوقوع الحوادث وحفاظا على سلامة حضرتك والاخرين نرجو الالتزام فى المرات القادمه،تفضل ونأسف على الازعاج والعطله) حقيقه لم اصدق اننى مصرى فى مصر،وان هذه بلدى وان هذا ضابط شرطه مصرى،فورا ترجلت عن سيارتى،وقلت له،نحن سعداء برجوع حضراتكم الى الشارع والعمل على راحة وامن وسلامة المواطن،هل تحب سيادتك ان تضيف لى اى ارشادات اخرى،اجابنى(لا شكرا صاحبتك السلامه) شكرا سيدى سعدت جدا بالحديث اليك،انتابتنى حاله من النشوى،واحسست اننى فى بلدى للمره الاولى منذ عقود بعدها بما يقرب من 10 كلم ومقابل مدينة الشروق 2 وجدت سيده متعطله سيارتها على الطريق،ويبدو ان احد العجلات قد فرغت من الهواء المضغوط بداخلها،وبجوارها دراجه ناريه شرطيه،لم اتبين الوحات كتب عليها شرطه ام مرور واحد الافراد فى زى شرطه رسمى يقوم بأستبدالها بنفسه،لم اتبين ان كان ضابط ام امين شرطه،بالامس حدث هذا بالفعل هل انا صحيح فى مصر،وان هذا الحدث هو اولى ثمار الثوره،التى باتت تؤتى اكلها،تقديرى واحترامى لكل من شارك بها.

أ / عادل ،، لو دي اسبابك عشان تقول لأ في الإستفتاء ،، فلا تقلق دستور 1971 ميت في الحالتين و قانون الإنتخابات ميت في الحالتين و لكن لو تخوفك لعدم تكون قوي الشعب الغير مسيسة صانعة الثورة فده التخوف الوحيد الحقيقي (( و إن كانت اللعبة في ايديهم )) و التوضيح فصلته في موضوع آخر

ليه بتسميها ضربة؟ ناس محترمة كثيييييييير هتقول لا و ناس محترمة كثيييييييير هتقول نعم ائتلاف شباب الثورة نفسه فيه اعضاء قالوا هنصوت ب نعم أما لو قصدك ان نظام الاخوان في الزام الكل بما اتفقوا عليه.. فلا اظن ان هذا النظام سيستمر في المستقبل في اي حال

المستشار أحمد مكى من تيار الاستقلال فى القضاء, وكان أحد القيادات التى اشتركت فى اعتصامات القضاة 2005, مهم جداً نعرف رأيه فى التعديلات: مكي‏: ‏التعديلات الدستورية لا تستجيب للإرادة الشعبية

هذه هى الديموقراطيه يا صديقى...ان تنصاع للاغلبيه حتى لو كانت ضد رغبتك .. المهم ان نصطف جميعا ونكون يد واحده بعد ظهور نتيجة الاستفتاء سواء من قالوا نعم او لا .. انا عن نفسى حكون بقلبى وروحى وعقلى مع الاغلبيه حتى لو كانت ضد اختيارى .. المهم مصر .. ولن تجتمع امتنا على باطل باذن الله

استاذ طارق تحياتى لحضرتك بالطبع و اؤكد لك اننى استحاله افتح هذا الموضوع و فى بالى المناداه او التشجيع على الاقصاء لاى صوت دعنى ابلور لك الفكره التى اقتنع بها و من اجلها فتحت التوبيك من حق كل جهه ان تتبنى راى معين و من حقها ايضا حشد الدعم او الدفاع عما تراه صحيح من وجهه نظرها لكن كل الاعتراض عندما تلبث جهه ما اى جهه ما الراه الذى تنادى به و تدعو اليه سلطه الدين بحيث يكون التصويت بما تتبناه واجب شرعى هذا هو بيت القصيد فى الخلاف تبنى ما تريد و ادعو لما تريد و لكن فضلا لا تحاول اقحام الدين فى ذلك و كلامى هذا بالطبع لتلك التيارات و ليس لافراد الا اذا تبنوا نفس الفكر و روجوا له و ساعيد لحضرتك ما قلته سابقا من ان انا شخصيا اوافق على التعديلات و معها و لكن هذا اقتناعى و لا اريد ان يكون هذا اختيار شخص اخر فقط لانه قرا او قيل له ان هذا فقط هو اختيار الدين نريد الناس ان تتعود على تكوين قناعاتهم باستقلاليه و لا نريد تكريس تبعيه من اى نوع ارجو ان تكون وجهه نظرى وضحت لحضرتك لعلك علمت مقصدي بالكلام كان لبعض الأخوة الأفاضل تسمحي لي كان الأفضل إنك تستندي لتصريح رسمي مش يافته متعلقه ثبت عدم صدرورها عن الإخوان ولكن حضرتك الموضوع امتد على الإخوان من غير داع واسمحيلي برضه أنا غير منتمي لأي حزب ولا جماعة ومنطلقي في رأيي هو الدين وآسف لا يمكن هتنازل عن كده أبدا وليه تشترطي عليه أنحي الدين وأنا كل حاجه في حياتي لازم علشان أعملها أسأل رأي الدين فيها الأول وأعرفك إن الناس هتذهب كتير على أساس ديني سواء من المسيحيين اللي حضرتك لم تنقلي ولا غيرك التعبئة الكبيرة لهم من قياداتهم الدينية ولا من الإخوان اللي الموضوع دا مفتوح علشانهم ياريت كنتي طلبتي تنحية الأديان كلها وليس الإخوان فقط حتى لا يشعر البعض بشيء في نفسة [/size] اعتذر لصراحتي وأشكرك لتحملي وتحياتي وتقديري المشكلة الهجوم على الاخوان والدين فقط لانهم مسلمين اسلاموفوبيا هناك من الناس من يقول دعهم يتناحرون ان مكسب الثورة او الحرية ان نرى المسلمين يتناحرون ومن ثم نعتلى نحن المنصة اتحدى اى شخص هنا مهما كانت مكانتة بين الاعضاء ان يتكلم عن دور الكنيسة فى حشد الاصوات اتحدى وترتيب الانتخابات وكيف يتم التوجية الى التصويت بنعم هههههههههههههههههههههههههه اليسو نسبة محترمة يجب ان نتكلم عنهم ودورهم فى ترشيح الرئيس القادم سيكون قاطع وأهميتة كبيرة لانهم متحدين وسيختارون ما يريدونة لاننا بهذة الطريقة نشرزم اصواتنا هذا ليس هجومآ منى على المسيحيين بل لألقاء الضوء على التنظيم فى الرآي والفارق كبير بين من لة رآي ومن لة أجندة او يريد اسقاط من هو منظم المهم يكون مسلم جميع الاحزاب ترفض لانها تابعة لامن الدولة السابق وهى وجة العملة الاخر للحزب الواطى كلهم انكشفو اثناء خطاب مبارك التمثيلى فمن لم ينزلق الان يتم محاربتة خوفآ من السقوط المدوى اقولها صريحة البرلمان القادم مفاجأتة انة سيكوم بة من الاخوة المسيحيين مالم تتوقعة احزاب المعارضة الفاشلة وسنجد ان البرلمان بة اسلاميين ومسيحيين او من ينوب عنهم ويحمل اجندتهم بأكثر من النصف وعندها نتقابل اما السادة بتوع التزوير ومسح الجوخ فكبيرهم 20 %من تعداد المقاعد والأيام بيننا لا اعتقد انه يوجد احد تكلم فى هذا التوبيك من منطلق الاسلاموفوبيا المصاب بها لان كل من تكلم فيه حتى الان هم من المسلمين فبالتاكيد لن يكون لديهم اسلاموفوبيا او شيىء من هذا القبيل لكن هناك ايضا فوبيات اخرى تصيب البشر غير الاسلاموفوبيا منها على سبيل المثال حريهفوبيا او عقلفوبيا

الحياه المرادى مش صوره المره دى فيديو يعنى عرض متصل بيحصل فى كل لحظه كل لحظه فى حياه بتبدا http://www.youtube.com/watch?v=34MKZ_QTZ3w

آسفة لو كنت بغلس عليكم .. لكن فعلا احب اسمع رايكم تمام .. هي صناعة .. وان كنت اعتقد انها تفتقد الاساس السليم لكن اليس لدينا مشاكل اكثر الحاحا؟؟ الم يعقب نكسة 67 ايقاف لكرة القدم؟ في رايكم .. هل يعود الدوري الآن؟

يبدو أنه لايمكن الحديث فى موضوع (فيه سيرة الإخوان) إلا ويتشتت الموضوع للحديث عن الأخوان نفسهم أنا من أكثر من يستطيعون الكلام عن الإخوان وتاريخهم .. ولكنى أحجم عن هذا (فى هذا الموضوع) الموضوع هو عن المبادرة التى أطلقتها جماعة الإخوان واستجابت لها قوى سياسية أخرى (كارتونية أو ماريونيت أو حقيقية ليس هذا هو المهم) .. المهم هو : هل ستخفف هذه المبادرة والإعلان الناتج عنها من مخاوف من يميلون إلى رفض التعديلات حتى لا يخلو الجو "للجماعة" ؟ أم أن من يميلون إلى رفض التعديلات سيتمسكون بموقفهم برغم مناورة .. قصدى برغم مبادرة الإخوان ؟ :)

" شرذمة " تبقى وصف من عندك أم أنك فهمت من مقالة فهمي هويدي انه يعتبرهم " شرذمة " وهل كل من رفضوا التعديلات وطالبوا بدستور محترم يصبحون من هؤلاء الـ " شرذمة " وبمعنى اوضح ، هل كل من هو ليس اخواني او سلفى وليس ممن تخفى وراء عباءة الدين الإسلامى وليس من فلول الحزب الوطنى البائد الفاسد يعتبروا فى عداد تلك الـ " شرذمة "

كيف تستطيع الجزم بالبرلمان القادم؟ عموما حتى هذه النقطة ناقشناها من قبل يا ريت تقرا ده بهدوء

بتحصل يافندم فهو ليس نبيا معصوما فلينجه الله إن علم صدق نيته أو يأخذه أخذ عزيز مقتدر إن علم منه سوء النية فهو وحده سبحانه من يعلم ما تخفي الصدور هو ده الكلام السليم bv:-

و دوول بحبهم أووي ،، اللي بيقول لأ ،، عشان نستاهل دستور جديد و نشتغل علي نظافة و اللي بيقول نعم ،، عشان الجيش يرجع ثكناته و ننتقل للحكم المدني و لا نفرط في الديمقراطية

من أظرف التعليقات عن الموضوع ده ،، اللي اتجوز في عصر مبارك ،، يطلق مراته ،، عشان جوازه باطل ههههههههههه

طبعا هذا هو الفكر الذى يريد تطبيقه الجمل واتباع العلمانيه هو تشويه الاسلام والاسلاميين فقط وله الحق ان يفعل ذلك لان هناك سلبيه من السلفيين ومن معظم التيار الاسلامى فى مصر تخيل هل يجرؤ هذا الجمل ان يقول كلمه على المسيحيين او اليهود القضيه هو ان هؤلاء من يسيطروا على الاعلام الان هو الجمل وخالد يوسف ووائل الابراشى ومصر لو اصبحت كده يبقى عليه العوض

وصلتني الرسالة دي من صديق عزيز عليا .. واعتقد ان فيها توضيح لكتير من الامور اللي ممكن تكون غايبة عن كتير مننا .. لان المشكلة مش في التعديلات اللي تمت .. المشكلة في الدستور نفسه ... لان غالبا اي حد هييجي بناءا علي التعديلات دي .. مش هيحب ان سلطاته تتأثر لو غير الدستور ككل ... فعشان كده كلنا لازم ننادي بالغاء الدستور الحالي (الذي يتعامل مع رئيس الجمهوية كأنه اله والعياذ بالله وليس كونه موظف في الدولة).. ووضع دستور جديد يتم بناءا عليه اجراء انتخابات للمجالس النيابية .. وكمان انتخابات الرئاسة اترككم مع الرسالة: مصر اتغيرت ولازم دستورها يتغير ببساطه كده .. التعديلات دي زي دبوس كرافته شيك و غالي في بدلة واحد معفن .. لو إنت بتؤمن بالديموقراطية زيي - تبقي عارف - أو عارف بس بتستهبل - إن عشان يبقي في ديموقراطية .. لازم يبقي فيه فصل بين السلطات وتبقي عارف برضه إن لو كل السلطات بقت في إيد شخص واحد بس - حتي لو من أولياء الله الصالحين - .. هيبوظ و يتكبر و يتجبر و يستعلي علي الناس .. لأن ببساطه ( السلطة المطلقة .. فساد مطلق ) .. طيب هات كده ورقة و قلم وتعالي نراجع ألف باء ديموقراطية :- 1- سلطة تشريعية : ناس أنا منهم وهمه مني .. عارفين إيه هي مشاكلي و طموحاتي .. بيتلموا سوا تحت قبة .. و يشرعوا القوانين إللي فيها مصلحتي أنا - مش مصلحة النظام - وإسمهم ( مجلس الشعب ) 2- سلطة تنفيذية : تنفذ إللي مجلس الشعب إتفق عليه .. والسلطة التنفيذية دي .. إما تكون في إيد رئيس الجمهورية (نظام رئاسي ) .. أو تكون في إيد رئيس الحكومة (نظام برلمان ) وطبعآ الإتنين لازم يجوا بإنتخاب مباشر من الناس .. وألا متبقاش جمهورية من أصله ! 3- سلطة قضائية :- أشتكيلها أي حد ظالم .. حتي لو رئيس الجمهورية .. وتجبلي حقي منه .. وتحبسه كمان لو طلع أبن كلب وفاسد 4- السلطة الرابعه هي صحافة مستقله .. أقول فيها رأيي من غير ما أخاف ومن غير ما الصحفي يتحبس .. أو جرناله يتقفل وبيت إللي جابوه يتخرب . وحش النظام الديموقراطي دا ؟! ... لو وحش ... بلاش نكمل .. لو متفقين علي إننا عايزين البلد تبقي بالنظام دا .. يبقي نكمل .. بص معايا كده .. ولاحظ إن ولا ماده من دول إتعدلوا في الدستور إللي المفروض أوافق عليه السبت الجاي .. ركز كويس وصحصح كده وانت بتقرا صوتك أمانة ومستقبل البلد ف ايدك دلوقت ولازم تقرا وتتعب عشان تعرف قبل ما تقرر هتقول ايه مادة 141يعين رئيس الجمهورية رئيس مجلس الوزراء ونوابه ، والوزراء و نوابهم ، و يعفيهم من مناصبهم هتقولي عادي .. وفيها إيه وحش دي ؟ طيب مش دول سلطة تنفيذية .. يعني عشان يكون في فصل بين السلطات لازم محدش منهم يكون ليه علاقه بالسلطة التشريعيه أو القضائية .. طيب شوف المادة دي مادة134 يجوز لرئيس مجلس الوزراء و نوابه و الوزراء و نوابهم أن يكونوا أعضاء في مجلس الشعب حط كمان في إعتبارك إن رئيس مصر ليه حق تعين تلت أعضاء مجلس الشوري وعدد من أعضاء مجلس الشعب .. طيب بص علي دول كمان مادة 151 رئيس الجمهورية يبرم المعاهدات ويبلغها مجلس الشعب .. وتكون لها قوة القانون يعني كده مجلس الشعب طرطور رسمي قدام معاهدة ذي كامب ديفيد خليتنا نصدر الغاز لإسرائيل بربع تمنه .. مع إن إحطياطي مصر من الغاز هيخلص كمان تمن سنين .. مادة 147 إذا حدث في غيبة مجلس الشعب ما يوجب الإسراع في إتخاذ تدابير ، جاز لرئيس الجمهورية أن يصدر قرارات لها قوة القانون يعني إذا مجلس الشعب إتحل لأي سبب من الأسباب .. هيكون الرئيس - و بنص الدستور - هو القانون والشعب والحكومة .. طيب تصدق بقه .. إنه مش محتاج يحل المجلس من أساسه عشان يكون هو القانون .. مش مصدق ؟ طيب شوف المادة دي مادة 112 لرئيس الجمهورية حق إصدار القوانين أو الإعتراض عليها طيب أنا موافق علي كل إللي فات دا .. أنما أروح فين من ضميري .. إذا قلت نعم لدستور لسه فيه المادة دي مادة 173 يقوم علي شئون الهيئات القضائية مجلس أعلي ...... يرأسه ..... (رئيس الجمهورية ) المادة العار دي بذات أكبر شلوت دستوري في (....) أي مصري علي مدي التاريخ !! كده لما أفكر أتجرأ و أزعل .. بس أزعل من رئيس الجمهورية الجاي لو حط دستور جديد للبلاد وساب فيه الماده دي .. مش هقدر أعمل أي حاجه غير إني أغنيله : أشكيك لمين .. لمين أشكيك ؟! وأوعي تفكر تهرتل وتقولي : التحرير هيروح فين ؟ .. لأن ساعتها لما أنزل التحرير .. هتقول عليا ثورة مضادة .. و واد فاضي .. وأجنده .. و... تعبت من القرايه ؟ متقولش ... والله أنا تعبت أكتر منك .. بس هسيبك من مجموعة مختارة من أروع مواد الدستور .. والتي لم تعدل .. لأن اللجنة لم تكلف بتعديلها .. وإنت وضميرك بقا : الفصل الثاني حرية الصحافة مادة206 الصحافة سلطة شعبية مستقله مادة 207 تمارس الصحافة رسالتها بحرية و في إستقلال مادة 208 حرية الصحافة مكفولة والرقابه علي الصحف مكفولة مادة211 يقوم علي شئون الصحافة مجلس أعلي يحدد القانون طريقة تشكيله قانون الصحافة : مادة 68 يصدر (رئيس الجمهورية ) قرار بتشكيل المجلس الأعلي للصحافة ... مادة75 لرئيس الجمهورية دعوة المجلس الأعلي للإجتماع ، وتكون رئاسة الإجتماع ل(رئيس الجمهورية ) .. مادة 78 يرفع المجلس الأعلي للصحافة تقارير سنوية ل(رئيس الجمهورية) تتضمن أوضاع الصحافة وما تتناوله من قضايا .. مادة182 مجلس الدفاع الوطني يتولي (رئيس الجمهورية ) رئاسته مادة184 الشرطة هيئة مدنية نظامية رئيسها الأعلي هو (رئيس الجمهورية ) مادة192 تستبدل كلمة "الإنتخاب" بكلمة الإستفتاء أينما وردت في الدستور فيما يتعلق بإختيار(رئيس الجمهورية) مادة 150 (رئيس الجمهورية) هو القائد الأعلي للقوات المسلحة مادة164 المجالس القومية تعاون في رسم السياسة العامة للدولة في جميع المجالات ، و تكون تابعة ل(رئيس الجمهورية) و هو يحدد تشكيلها وإختصاصاتها مادة143 يعين رئيس الجمهورية المواطنين المدنين والعسكريين والممثلين السياسين ويعزلهم مادة144 يصدر (رئيس الجمهورية) اللوائح الازمة لتنفيذ القوانين وله أن يفوض غيره في إصدارها مادة145 يصدر (رئيس الجمهورية ) لوائح الضبط مادة146 يصدر رئيس الجمهورية (القرارات) اللازمة لإنشاء و تنظيم المرافق والمصالح العامة بتهيألي الصورة كده بقت أوضح شوية .. لأن كلنا لازم نعرف ونفهم .. وأيا كانت نتيجة الاستفتاء لازم نحترمها مستقبل مصر .. مستقبلك ومستقبل عيالك بين ايديك

و انا كمان معاك يا اهلى انا و اهل بيتى هنروح الاستفتاء و هعلم و انا كلى يقين ان لاهى الافضل لمصر

تحذير عاجل ..... برجاء حمل الاقلام الخاصه بكم اثناء الأدلاء باصواتكم فى الاستفتاء القادم وعدم استعمال اى اقلام توزع حيث ورد خبر يؤكد بوجود اقلام صينية يختفى الحبر بعد ساعتين من كتابته وبالتالى تفقد صوتك أو تمكن ا...لاخرين من استخدام صوتك مر...ه ا...خرى الله اعلم صح ولا لا بس يا ريت تنبهوا الناس وخدوا بالكم مدام فيها الحزب الواطى يبقى ك...ل شئ ممكن انا عارفه ان الموضوع بتاع الاقلام ده واسع شويه ...بس مش هانخسر حاجه لو اخدنا معانا القلم بتاعنا

كلام واحد هيقول زيي نعم

معلش مش قبل ما نقول رأينا و نتهم الآخرين مش صاحب الموضوع الفاضل يحط لنا الفيديو اللي فيه تطاول د/ يحيى الجمل؟ تحياتي

ده خبر من مصراوى بيقول مثل بسيط اد احنا كنا عايشيين مع عصابة همها نهب خير البلد ولا اكن فى شعب موجود اصلا وليه مطالب اساسية مشروعة إعادة تشغيل مصنع حديد أسوان بعد توقف 12 عاما بسبب الاحتكار 3/17/2011 10:04:03 AM القاهرة - قال محافظ اسوان، انه تقرر اعادة تشغيل مصنع حديد أسوان بعد توقف 12عاما بسبب سياسة الاحتكار التي كانت متبعة مع هذه السلعة الاستراتيجية للتلاعب باسعارها، علي الرغم من توافر المادة الخام باحتياطيات ضخمة، بجانب البنية الاساسية للمشروع بمنطقة وادي العلاقي، الذي واجه العديد من الصعوبات علي الرغم من انه سيساهم في توفير اكثر من 3 آلاف فرصة عمل، ولفت الي انه جاري التسويق للمصنع. واوضح المحافظ مصطفى السيد ان التوسع العمراني الذي تشهده مدن المحافظة بعد الانتهاء من المخططات الاستراتيجية لها سيعمل علي تهيئة المناخ امام جذب العديد من المشروعات الاستثمارية، سواء كانت سياحية او صناعية او خدمية. وفي سياق آخر، اكد المحافظ علي انه بدأ اتخاذ الاجراءات اللازمة لاخلاء مقرات الحزب الوطني، التي اقيمت علي اراضي الدولة وعودتها لحوزة المحافظة، علي ان يتم سداد مقابل انتفاع عن المدة السابقة، التي استخدم فيها الحزب هذه المقار وذلك بالطرق القانونية المتبعة من خلال مخاطبة المحامي العام لنيابات اسوان في هذا الشأن، وفقا لبوابة الاهرام. واشار الي انه سيتم الغاء جميع التخصيصات للاحزاب السياسية الاخري، سواء كانت اراضي او عقارات، مع المحاسبة المالية للوحدات السكنية المؤجرة من مجالس المدن في حاله تبعيتها لها. http://www.masrawy.com/News/Egypt/Economy/AF/2011/March/17/4238515.aspx

عندما كنت اتحدث عن دور المملكة المخرب في عده قضايا كان البعض يستغرب لكن انا كنت اتوقع ان المملكة ستعمل علي تخريب الثورة المصرية لسبب بسيط ان شعوب دول الخليج لو رأت نجاح الديمقراطية في مصر فستطالب بديمقراطية في بلدنها وهذا تهديد للعروش الخليجية القائمة علي ملكية مطلقة وهذا شئ متوقع وسبق ان حدث فمن افشل الوحدة بين مصر وسوريا كانت الرشاوي والاموال السعودية لأنهم خافوا لو نجحت الوحدة فشعبهم قد يطالب بها ومن كان يدعم الشيعة في حرب اليمن نكاية في عبد الناصر هي المملكة الحل الوحيد برأيي هو بقاء الفزاعة الايرانية في وجه دول الخليج وطبعاً هم يعرفون انه لااحد يوازن هذه القوة الشيعية إلا دولة سنية كمصر فسيستمروا في دعمنا ليس حباً في عمرو لكن خوفاً من زيد فمن سخرية القدر ان اهمية مصر ودورها متوقف علي قوة النظام الايراني وبقاؤه وخوف الخليجيين من ايران

اللهم صلي على النبي بس يا سيدي انا كلامي واضح مش عاوزين نتايج توصيات او ترايدنج سيستم المطلوب كشف حساب انت فاهم تماما كلامي كشف حساب باسمك انت او تكون انت المدير و امكانية التاكد من الشركة لكن زولوتريد واستراتيجيات FXCM مع احترامي لكل تلك الاشياء فلا يمكنها توقع الاداء على الحساب فعليا ياما ناس عندهم طرق ناجحة زي حضرتك بتكسب كويس وساعة الحساب الحقيقي عينك ما تشوف الا النور لو طريقتك ناجحة اعرص كشف حساب لو خايف عالخصوصية سهلة اكتب نتايج الشهور وافتح خاصية التحقق من الشركة بكل شفافية واحنا نراسلهم

لو حرية الرأى تبقى بالشكل ده بلاش منها خالص لاننا رأينا من هؤلاء الناس من يستطيع ان ينهض بهذه البلد لكى الله يامصر

الآن في جميع دور السينما .. ريمو ستورم بالاشتراك مع الطفلة المعجزة مريومة

"شرف" يتعهد بوضع إطار عام للأجور والتوظيف خلال شهر أعرب مجلس الوزراء اليوم، برئاسة الدكتور عصام شرف، عن تفهمه للمطالب الفئوية التى انتشرت فى الأسابيع الأخيرة، ووعد بالاستجابة لهذه المطالب من خلال وضع إطار عام للأجور والتوظيف يتسم بالعدالة والإنصاف ولا يخلو من التحفيز والإثابة. من جانبه، أقسم "شرف" خلال الاجتماع أنه سيعمل على تحقيق العدالة الاجتماعية بمعناها الحقيقى، مؤكداً أنه كلف وزيرى المالية والقوى العاملة بفتح حوار وطنى مع كافة شرائح المجتمع للوصول إلى تحديد هذا الإطار فى خلال شهر. وأكد "شرف"، أن الاستجابة العشوائية للمطالبات الفئوية لن تؤدى إلا إلى مزيد من التشوهات فى الأجور، مشدداً على ضرورة مراجعة المزايا المالية التى يحصل عليها بعض القيادات والمستشارين العاملين بالدولة، متعهداً بالانتهاء من وضع قواعد عامة تحكم هذه المزايا.

أنا مش مع موقفكم ده يا جماعة ،،، هأفسره بطريقتي الخاصة ،، الأخوة المسيحين ،،، عاملين زي الطفل اللي خايف من كل حاجة ،، و مرعوب من كل حاجة رعبه ده مسلط عليه ،، نفس الرعب اللي خلي الكنيسة تقول لا خروج في مظاهرات 25 يناير و السبب إن إحتمال يكون فيها سلفيين !!!! و دلوقتي بيقول لأ ،،، للتعديلات الدستورية عشان إحتمال تجيب برلمان أخوانجي ،،، هما بيتحركوا من منظور الخوف و ليس من منظور الرغبة ،، طب أنا ليا زميل عزيز جدا مسيحي من ايام الكلية و كان من اشد معارضي الثورة و حسني مبارك ده ابونا و مش عارف ايه اللي هوا يخنقك آخر حاجة ،،، لدرجة جاب نمرة تليفوني عشان يقنعني و دلوقتي مع لأ !!!!! بكل حماس ،،

أنا لى مشاركة حديثة فى موضوع آخر .. ألقى عليهم فيها بتهمة الميكيافيللية واستغلال الديموقراطية التى لا يؤمن بها بعض قيادييهم ، ويعتبرها معظم من خرجوا من تحت عباءتهم رجزا من عمل الشيطان .. وأنا لا زلت عند رأيى الذى تكون على مدى فترة طويلة من القرب من بعض قيادييهم .. وأنا أصدق شعارهم الذى أطلقوه : "مشاركة .. لا مغالبة" كان هذا - أيضا - إستهلالا لابد منه :) ولكنى أرى فى مشاركتهم - فى الوقت الحالى - مخرجا لمأزق حقيقى .. ومحنة طاحنة ستطال الجميع لو تركت إلى أن تصل إلى مستوى الكارثة .. وصدقونى : الكارثة ليست عنا ببعيد دعونا نخرج من النفق المظلم .. وعندما يأتى وقت المغالبة ، سيكون من لا ثقة لهم فى أنفسهم قد اشتد عودهم ووجدوا تلك الثقة الغائبة حفظ الله مصر من كل مكروه

تعااااااالى واحنا هانفسحووووووووووووووك زنروءءءءءءءءءءءووووك ماتيجى نشوف http://www.youtube.com/watch?v=12xnK5nXr1A :ph34r: هانعزموك فى بيتك يا ساااارى :ph34r:

لا اتوقع حدوث ذلك لعدة اسباب ,, اولا لا توجد دولة في العالم تضحي بعلاقاتها بشعب كامل في مقابل فرد واحد كان من كان ,, ثانيا حكاية التهديد بترحيل 6 مليون مصري دي بالظبط زي واحد بيقول لزوجته لو ما تلمتش حيقتل ابنه :happy: اي كلام يعني مثلا بن لادن 90 % من مهندسينها مصريين لو انطبقت السما على الارض حتفضل بن لادن مصرية مصرية ما تمشيش غير بطريقتنا ودماغتنا ,, ثالثا موضوع سحب الاستثمارات ده اونطه لان تم الاتفاق خلاص على انشاء بنك سعودي في مصر باستثمارات تتجاوز 100 مليار جنيه مصري الخلاصة ان ده زي مابيقولوا كده ( كلام جرايد ) :happy:

خلاص ياجماعة حقو عليا انا مشفتهاش والله حطيتها ومكنتش اعرف ان فى حد حاطتها على العموم ربنا ياخدك يامبارك عامل قلق وانت موجود وانت مش موجود

اعذرونى حيث ان التوبيك ده خاص بى حبيت اهنى زوجى حبيبى بعيد ميلاده اليوم 16 مارس كل سنة وانت دايما حبيبى كل لحظة وانت دايما منور حياتنا وغمرنا بحبك وحنانك http://www.youtube.com/watch?v=xXJSbD4CW4k&feature=related

شكرا للجميع على المتابعة المشهد الثالث (خارج المطار) درجة الحرارة 12 كان في إنتظاري أحد الأصدقاء ( طبعا أنا مقلتش لأهلي إني نازل لتجنب النصايح اللي من نوع "مالهاش لازمة يابني , حتنزل تعمل ايه ,إحنا كويسين الخ ) المهم ركبت العربية بعد السلام و الترحيب بدأ طبعا يحكيلي عن أحداث الثورة و عن بطولاته الشخصية و كفاحة في القبض على البلطجية و المروعيين و إن الجيش كان بيربط الحرامية في عمدان النور و إن علبة المارلبورو وصلت 20 جنيه و توكيل بي إم اتكسر و إتسرق و العربيات كانت بتتنقل على عربيات كارو بس محدش جه جنب توكيل العربيات الصيني اللي جنبه ( و إكتشفت بعد كدة إن المسألة دي شاغلة ناس كتير أوي كل ما حد يقولي شفت بي إم يقولي تصدق التوكيل الصيني محصلوش حاجة ) . لمن لا يعلم من برج العرب لقلب الاسكندرية حوالي ساعة الا ربع طبعا هو حكالي كل أحداث الثورة خلال هذه المدة بدأت أدخل على البلد و أول حاجة شفتها كان قسم باب شرق و كأنه تحول الى كهف مهجور و جنبه نادي الضباط لازالت أثار الحريق عليه و تذكرت لحظتها أيامي في القسم و مغامراتي مع أمناء الشرطة و الظباط "كمحامي أكيد مش متهم " ( على فكرة قسم باب شرق هو احد دوافعي للسفر للخارج) يالا اللهم لا شماته فقت من ذكرياتي على صاحبي و هو بيحكي لما الراجل الملثم طلع عليه بشومة راح هو شايلة بالعربية و لما الحرامية كانو بيدوروا على الجيش عشان يسلموا نفسهم من منطلق إن الجيش أحن عليهم من اللجان الشعبية !!!.

إسماعيل يس يغنى للثورة....حلوةةةةةة جداااااااا http://www.youtube.com/watch?v=ULjTdtviOBY&feature=player_embedded#at=19

معنديش معلومات كافية عنه بالذات بعد هروبه لامريكا

يا ريت يا جماعة الموضوع ده يبقى زي حلقة نقاش نفهم فيها سوا التعديلات و بعد كده كل واحد يختار براحته

ربنا يكرمك يامحمد ويوفقك فى حياتك مع عروستك المفروض الحب يستمر بعد الزواج وخصوصا مع الاولاد ودوشتهم عشان مسئولية الاولاد بتكون كبيرة محتاجة زوجين متوافقين ومتحابين عشان يقدروا يربوا صح ويزيد الترابط بين افراد الاسرة كلها فى رأى الحب عامل زى الرزع اذا لم يجد من يسقيه ويرعاه مصيره الذبول والموت الحب ده كائن حى بيتنفس واحيانا بيتخنق وكثيرا مايموت ولكى تدوم حياته لابد من تجديد هواءه وذلك بالكلمة الطيبة واليد الحانية والبسمة الجميلة والاحترام المتبادل والايثار والرضا وبحث كل شريك عما يرضى شريكه والتغاضى عن الهفوات والتسامح والرحمة وشئ من الغيرة الحميدة انا باعتبر المسئولية مشتركة بين الزوجين الا ان العبأ الاكبر لابد ان تتحمله الزوجة لانها بمثابة الاسفنجة التى تمتص مايعانيه زوجها من متاعب او آلام نظرا لكثرة مايتعرض له الان من ضغوطات الحياة ومايعانيه خارج البيت من متاعب العمل وزحام الطرق والمواصلات وسلوكيات الناس الغريبة فلابد ان يكون بيته الواحة التى يجد فيها راحته كى يستطيع بعد ذلك ان يمنح الحب وساعات باحس انه وراثة لانى وجدت حب بين والدى ووالدتى عشرة 50 سنة ومازالت تحبه بعد 11 سنة من وفاته وده باشوفه دلوقت من اخوياواخواتى البنات مع ازواجهم ربنا يديم ( نعمة )الحب علينا جميعا ويرزقه لمن يتمناه ياريت كل واحد يراجع نفسه هو بيعمل كده مع زوجته ولا لأ عشان يطالبها بحقوقه وواجبتها من غير مايعطيها حقوقها وياريت نعلم اولادنا الحب لانه ده سبيلهم لبر الامان فى زمن طغت فيه المادة وعز فيه العاطفة والحنان