لوحة القادة

هل الاطفال في انجلترا او الدنمارك او السويد بيحلموا يكونوا ملوك و امراء؟و هل الاحلام دي بتتحقق؟

سأقول لا بالفم المليان فى الإستفتاء على التعديلات الدستورية غدا ، ببساطة أرفض أن يتولى مجلس به 50% عمال و فلاحين بالإضافة ل كوتة المرأة ... أرفض أن أعهد لهذا المجلس بمهمة تاريخية تحكم سير الحياة السياسية فى مصر لأجيال و أجيال. أرفض أن أعود للحياة تحت ظل دستور مهلهل و أرفض أن أعهد بمهمة وضع دستور جديد لمجموعة أشخاص أبعد ما يكون عن أن يكونوا خلاصة الفكر القانونى فى مصر. و أتعجب من الإلتباس الذى سمح به المجلس الأعلى للقوات المسلحة و أظنه إلتباسا حدث بحسن نية حيث أن العسكريين أبعد ما يكونون عن "دخانيق السياسة الرديئة" . كان الأولى أن يصاحب الإعلان عن دعوة المواطنين للإستفتاء على تعديلات الدستور توضيحا كاملا بما سيحدث فى حالة الموافقة على التعديلات و كذا فى حالة عدم الموافقة على التعديلات. الواضح حتى الآن أن الموافقة على التعديلات يعنى إجراء إنتخابات مجلس شعب بنفس القواعد القديمة - 50% عمال و فلاحين + 50 مقعد كوتة المرأة مع إشتراط معرفة القراءة و الكتابة - و هؤلاء ال 505 عضو و عضوة مجلس شعب ينتخبون منهم (أو من غيرهم) لجنة تأسيسية لوضع مشروع الدستور الذى سيحكم مسار الحياة السياسية فى مصر ..... مصر التى عرفت الدساتير منذ أكثر من مائة عام و التى صنعت معظم دساتير الدول العربية ..... الدستور الذى ينبغى أن يكتبه أساطين القانون و الفكر الدستورى .. الذى ينبغى أن يشارك فى كتابته أناس فى قامة الدكتور السنهورى ........ يعهد بكتابته و صياغته لأناس - ربما أفاضل - و لكن مبلغ العلم فى ثقافتهم أنهم يجيدون القراءة و الكتابة. ناهيك عن أن قول نعم تعنى بعثا لدستور 71 الذى قيل فيه ما قيل و الذى كرس الإستبداد فى مصر.

الحمدلله اولا واخيرا لم تفاجأني قرارات خادم الحرمين الشريفين فقد اعتدنا عليها منذ مجيئه وقبل ان تبدا الثورات في البلاد العربية المختلفة وما انا واثق منه ان هذا القرارات لن تكون الاخيرة لا نريد ان نكون ملوكا او امراء .. او استيراد دساتير من هنا او هناك .. طالما نعيش في ظل حكم ارتضاه غالبية الشعب ودلت الاحداث الاخيرة في استفتاء واضح ان الشعب قلبا وقالبا مع حكامه اشكرك اختي فتفوتة واشكرك اخي اركتيكت واشكر اخي سمبا واخي الفاضل سي السيد اشكرك اخي كابتشينو .. اشكرك اختي رضوي .. اشكرك اخي رؤوف .. اشكرك اختي ريمو على ردك الاكثر من رائع .. اشكرك اختي المهندسة .. واخي سقراط المصري لكن بالنسبة لاخي مسافر زاده الخيال .. اسمح لي ان اصحح معلومتك الشعب لا يريد استمرار النظام فحسب بل الشعب يريد حماية النظام

كلا النتيجتين (القبول والرفض) ستؤدى إلى دستور جديد ولكن .. نحن أمام خيارين : 1) أن نطرح مشروعا للدستور فى ظل دولة مدنية ومؤسسات تشريعية 2) أن نطرح مشروعا للدستور فى ظل حكم عسكرى بلا مؤسسات تشريعية أنا لا أخاف من ممارسة الديموقراطية كما يخاف البعض كل تأخير لممارسة الديموقراطية يقوى فرصة الاستبداد والاستبداد بدوره يخنق الديموقراطية أنا لا أخاف الديموقراطية أنا أخاف على الديموقراطية لذلك سأقول نعم

يا شباب لا نخلط الامور معلش خالد الاسلامبولى قتل السادات نعم قتله ساعده عبود الزمر وبعض نت جماعتهمم ؟ نعم ساعدوه القصة هى ازاى خططوا ووصلوا للمعلومات كاملة لتنفيذ العملية ؟ وميت اللى خط اسمهم فى العرض رغم منعهم لعدة سنوات سابقة ؟ مين اللى حط كرسى اسفل المنصة فى مكان محدد سلفا بدون اى داعى ؟ مين اللى حط فى سلاحهم ذخيرة حية وعداهم من تفتيش الشرطة العسكرية ؟ اجابة كل الاسئلة دى هو شخص واصل جدا لدرجة ان عنده تصريح لعمل كل هذا هذا الشخص هو محمد حسنى مبارك ده بيفكرنى بحادثة كتيسة القديسين امن الدولة زق مخبر فى نفس الجماعة علشان يزق الناس اللى فجرت الكنيسة يعنى امن الدولة فكر ورتب وجهز ولكن بطريقة غير مباشرة والتنفيذ يتم ببعض الشباب اللى بيلعبوا بيهم ويستخدموهم فقط كادوات

طالما بنتكلم ان أمامة الازهر هتكون بالانتخاب فانا مش بس بوافق على ان يتولى الازهر غير مصري ده انا بتمنى .. اولا طالما الي هينتخبه هم ( النخبة ) من علماء الازهر فاكيد اختيارهم هيكون في محله وهم ادرى بالاصلح بينهم لتولي هذه المهمه ومن عدم الانصاف حرمان شخص يستحق لمجرد اختلاف جنسيته ده غير العنصرية البغيضه في اشتراط مصرية من يتولى كيان ديني بالدرجه الاولى وليس هيئة سياسية او قومية . . ثانيا وهو الاهم .. فامكانية تولي غير المصريين لمشيخه الازهر تعني الخروج بالازهر من نطاق المحلية المصرية الى العالمية الاسلامية ويعني ان تكون كلمته وفتاواه ملزمة ـ ادبيا ـ لجموع المسلمين وليس المصريين فقط .. اعتقد ان مثل هذا الامر سيعمل على توحيد كلمه المسلمين ووجود مرجعية شبه موحده لعمومهم .. ثالثا . .حتى لو تم السماح لغير المصريين فاظن انها ( هترسى ) في الآخر على واحد مصري فقوة مصر الناعمه مازالت تعمل برغم المحاولات المستميته لابطالها ومازالت الجنسية المصرية تتمتع اكثر من غيرها بالثقة ان كنا سنتكلم في امور الزعامة .. واخيرا ولو حدث ووصل غير مصري لهذا المنصب فاتوقع انه سيكون جديرا بالفعل به والا لما وصل هناك ..

من العار أن نكتب دستورا من أجل فرد .. ومن العار أن نرفض دستورا من أجل فرد فرد من بين 85 مليون !!!!!!!! إزدواج الجنسية يعنى ازدواج الولاء أرجو من أخى الفاضل "محمد" وضع القسم الذى يقسمه من يتجنس بالجنسية الأمريكية .. وأن يضع زملاؤنا فى الدول الأخرى القسم الذى يقسمه من يتجنس بجنسية تلك الدول طالب الثانوية لكى يتقدم إلى كلية عسكرية لابد أن يكون من أبوين ، وجدين مصريين .. ورئيس الجمهورية هو القائد الأعلى للقوات المسلحة .. فكيف يستقيم أن يكون القائد الأعلى مزدوج الولاء ؟؟؟ ليس طعنا فى وطنية أى مصرى بالخارج ومتجنس بجنسية بلد المهجر .. ولكنه منصب رئيس الجمهورية وليس رئيس مجلس إدارة شركة

البرنامج الممنوع من العرض - حكومة شو: مشروع ابني بيتك فقرة احمد عز والمغربى....الله يخليكم تشوفوا المقطع ده http://www.youtube.com/watch?v=6zag7WOZlHw

طبعا يا فندم هو حر في رأيه بالتأكيد و اعتراضي ليس علي القول بنعم او بلا و لكن علي اخر 3 دقائق من الفيديو الشيخ الفاضل قدم مثالا صارخا لاقحام الدين في الامور السياسيه حيث ربط بين وجوب التصويت بنعم و بين انه رأي الجمهور من العلماء و المشايخ اي رأي جمهور ؟ هل هذه مسأله فقهيه ؟ يبقي نلغي الاستفتاء احسن و نسأل المفتي حضرتك تقصد مين بنسمعكم هل هي تفخيم لي بالمخاطبه بصيغه الجمع ام ضمي لفئه معينه تكيل بمكيالين الكنيسه لو فعلت ذلك و حثت الناس علي الرفض بناء علي ارتباط ديني فيسري عليها ما قلته علي الشيخ

في النهاية كل شخص حر في ان يقول رأيه ان لم يعجبك رأيه فتجاوزه لكن هو يقول مايمليه عليه ضميره ودينة كذلك من اكبر الرافضين هي الكنيسة الارثذوكسية لم نسمعكم شجبتوا تدخلها في السياسة

يوم 27 يناير قلت لزملائى فى العمل .. بكره الجمعة .. يا اما فى مصريين .. يا اما مفيش رجعتلهم السبت قولتلهم خلاص الثورة هاتكمل وتنجح ومبارك هايعند .. لكن عنادنا اقوى مهما كانت النتيجة نعم او لا .. لقد بعث المصريين من جديد .. ولن يموتوا .. او تموت ثورتهم .. مهما اختلف الطريق .. رايحين لنهضة ورايحين لمصر قوية بالمصريين وكل العقبات الكبرى انهارت امام تصميم المصريين الهائل .. ومفيش اى خوف على الثورة او المصريين ان شاء الله ومع ذلك اختصاراً للوقت والمجهود فلاااااااازماً ولااااااااااااااااابد .. أقول لأ

و اللي بيعملوا اعلانات في التليفزيون و الجرايد تحث الناس يقولوا لا و ماليينها حاجات تم تفنيدها 100 مرة و احلام وردية عن نتيجة لا ؟؟؟؟؟

الرجل خانه التعبير و لكن فكرته أنه لا أحد يجتمع عليه الآراء بنسبة 100% حتى الخالق جل وعلا فهناك ملايين الملحدين الذين لا يؤمنون بوجود خالق أصلا و هذه حقيقة لا تنتقص من الذات الإلهية فلو شاء الله تعالى لآمن من في الأرض جميعا و لكنها حكمته جل و علا ألا يجتمع الناس على شيء حتى عليه سبحانه أما قوله عن الفكر الوهابي فهذا ليس بكلام جديد و قتلناه بحثا على المحاورات من قبل و هذا رأيه الذي لا يقبله البعض و يرون في ذلك خطرا أن يؤثر رأي د. الجمل على قراره كنائب لرئيس الوزراء فأقيمت عليه دعوة قضائية حسنا فلنترك الأمر للقضاء و لا نصدر نحن الأحكام و نسارع لنعته بالعجوز المخرف!!! و بالنسبة للفيديو الذي يرد فيه الفاضل محمد حسان فكنت أتمنى أنه قام بنصيحة د. الجمل بدلا من الحديث عنه و التحذير منه فقد بات ممكنا الآن التحدث إلى المسئولين و ليس عنهم

الرئيس السوداني البشير طلع وقال للشعب: داير عليكم أنتوا عاوزيني رئيس ولا خلوني أمشي أنا بزاتي ما ناقص مشاكل ....!! قالوا: لا أحنا عاوزينك ياريس زاتنا ما فينا حيل للمظاهرات

بعد سقوط النظام ومن اول يوم بعد مبارك ونظامه لقينا الشباب فى منتهى الجدية والحماس والكل كان واقف ينظف الميدان ويهتم بيه و انشأ الشباب حملات كثيرة عالفيس بوك مثل معا ننظف القاهرة حملة تنظيف امبابة حملة تنظيف الظاهر وغيرها من الحملات مثلا فى كفر الشيخ قاموا شباب وفتيات المدينة بتنظيف الشوارع والميادين واعادة تلوينها سمعت علاء الاسوانى بيحكى لمحمود سعد ويقوله كنت واقف فى ميدان التحرير ايام التظاهرات كان معايا علبة سجاير فى ايدى وفضيت قومت راميها فى الشارع جمبى وبعد دقيقتين لقيت سيدة عجوز عمرها يتعدى السبعين عاما بتقولى...حضرتك استاذ علاء؟؟ رد عليها قالها وهو بيبتسم ايوه انا وبيقول بعد مارحبت بيا وخلصت الكلام قالت لى....ممكن تودى علبة السجاير دى هناك كده وشاورت بايدها...لان احنا عاملين سلة مهملات كبيرة للحاجات دى!!! بيقول اتكسفت من نفسى وقلت لها حاضر واخدت العلبة ورميتها فى السلة رواية تانية من خالد يوسف بيقول فيها ساعة حريق المتحف المصرى قعدت اصرخ على كل المحطات واقول الحقوا المتحف بيولع وفجأة بعد نص ساعة لقيت الشباب والرجال بيكونوا لجان لحماية المتحف من السرقة بأجسادهم وهما عُزل من غير سلاح ضد البلطجية بيكمل ويقول...بعدها اطمنت ولما خلصنا قولت اروح بقى واخدتها مشى من ميدان التحرير لبيتى فى المهندسين وانا ماشى فى طريقى عند الاوبرا كده لقيت واحد جاى بيجرى جااااامد وبينهج ووقف ادامى وقالى انت خالد يوسف؟؟ ابتسمت وقلت ايوه سألته وقلتله مالك بتجرى كده ليه فى بلطجية بيجروا وراك رد الراجل قال لأ ده انا جاى عشان احمى المتحف المصرى قلتله...ياعم ما خلاص البركة فى الشباب رد الراجل... قالوا معلش اصلى جاى باجرى من الهرم بيقول مشيت وسيبته وانا مش مصدق وبقول ياااااااااه يعنى انا مستبعد المسافة للمهندسين اومال ده بقى اللى جاى جرى من الهرم عشان يحمى بلده المهم النهاردة شوفت صورة جميلة جداااا كانت تاهت عننا فى الزحمة وهى الطابور المنظم للناس اللى عاوزين يركبوا الميكوباصات زمان وانا بشتغل كنت بشوف الطابور ده عند موقف ميكروباصات الهرم فى عبد المنعم رياض لكن مع زحمة القاهرة والفساد اللى حل علينا من النظام الساقط الناس كلها نسيت الحاجات دى والكل بقى يخبط فى بعضه عشان يلحق ويقول ياللا نفسى وخلاص الصورة اهى شوفوا المنظر الجميل بجد والله فرحت جدا ان احنا بقينا ايد واحدة وان فعلا معدننا اصيل بس كان عاوز يصقل شويتين من تراب النظام الفاسد أنا عملت التوبيك ده عشان كل ماهنشوف سلوك جميل من سلوكياتنا بعد الثورة نجيبه ونشوفه مع بعض ونفرح كمان مع بعض وهحاول اجيب لكم صور حملات النظافة فى محافظات مصر المختلفة وياريت تساعدونى عشان نوثق ثورتنا وسلوكياتها ومابعدها من سلوكيات جميلة ان شاء الله

مبروووك الخبر لسه على العربية ,, و 2000 ريال للباحثين عن ا لعمل ,, 3000 ريال الحد الادنى للاجور ,, اعتماد بناء 500 الف وحدة سكنية وتخصيص مبلغ 250 مليار ريال دعم راس مال صندوق التنمية ب 40 مليار ريال ,, الحد الاعلى للقرض 500 الف ريال ,, انشاء هيئة وطنية لمكافحة الفساد ,,

ارفع صوتك فوق .. انت مصرى الله يسامحكم يا تيمور وانتى يا فتفوتة مش عيب تبقوا اعضاء فى الحملة المصرية للمغتربين للمطالبة بحقوقهم السياسية وفيها استفتاء للمغتربين ومتجيبوش سيرة للناس !! حملة المصريين المغتربين للمطالبة بحقوقهم السياسية ttp://www.facebook.com/group.php?gid=392715355914&ref=ts وده لنك الاستفتاء http://www.facebook.com/event.php?eid=184076174971159&ref=ts اخر موعد للتصويت 19-3- 2011 الساعة 5 م بتوقيت القاهرة هاننشر النتيجة الساعة 8 م بتوقيت القاهرة البيانات المطلوبة الاسم والدولة والراى موافق غيرموافق ولماذا ونتمنى تكون دى اخر مرة نعمل فيها استفتاء غير رسمى وان احنا ناخد الحق ده زينا زى مصرييى الداخل

يا أستاذ : ريمون - فيه موضوع بيتكلم عن المادة الثانية وعنوانه المادة الثانية فوق الدستور ربما تكون حضرتك قرأته ياريت بس لما تحب تتكلم في مواضيع تخص الإسلام بلاش حكاية الألفاظ اللي أنت ذكرتها من غير داع دي لأن فيها إساءة ولا نتحمل الآن ما كان يقوله النظام البائد علشان مندخلش في منحني مش ظريف ولولا معرفتي بما تكتبه ولم أعتد فيما قرأته على هذا الأسلوب لرددت عليك فرجاء خلينا نتناقش من غير ضرب تحت الحزام أو دس سم في العسل انا اسف يا استاذ طارق لو نرفذت حضرتك. اتمنى ان الود و التفاهم يبقى سمه الحوار بيننا و انا وصفت الجماعه الاسلاميه و الجهاد بانهم مجرمين فعلا و ده مش تجنى, بدليل احداث كتيره و احكام قضاء و تاريخ معروف. و هم بنفسهم عملوا مراجعات و اقروا انهم كانوا غلطانين. اتمنى ان حضرتك متكونش بتساوى بين الناس دى و الاسلام. انا عن نفسى مبساويش بينهم و محبش ان حد يتهمنى بكده اوعدك اننى هدور على الموضوع اللى حضرتك اشرت اليه. هو فى انهى باب؟

نقول كمان يعني المجلس العسكري وجد مخرج دستوري لاستلامه السلطة http://www.egyptiantalks.org/invb/index.php?showtopic=118158&view=findpost&p=711687 ثم في توقيع حضرتك اعتراض واضح على ان يقوم مجلس منتخب به 50% عمال و فلاحين بانتخاب اللجنة التأسيسية فماذا تقترح حضرتك؟ ان يتم تعيينها؟ ام الاستفتاء عليها من الشعب اللي نصفه أمي؟؟؟

دي طريقتهم يا جاسمين وعارفينهم والله من اول القيادات الى بعض المشايخ الى المتعاطفين ,, هدى اللعب يا حاجة ارش & الفاضلة جاسمين حضراتكم كده خدو المتعاطفيين كلهم فى وشكم باتهامتكم دى . انا اسفه خانى التعبير

لما يكون جل اهل بلد سعداء من الحاكم ... ليه بقى واحد مش عايش فيها وزعلان ؟ تفتكرو دى عدم ادراك للامور ولا ايه بالظبط ؟

http://www.youtube.com/watch?v=6IOPYpcAsPg&feature=player_embedded

سبق ان تولي مشيخة الازهر الشيخ محمد الخضر حسين - رحمه الله - وهو تونسي من اصول جزائرية هذا كان ايام مجد الازهر وقوه مصر لكن الان وقد وصلت مصر والازهر للحضيض فاعتقد انه يصعب تقبل هذا الامر http://www.islamstory.com/%D9%85%D8%AD%D9%85%D8%AF-%D8%A7%D9%84%D8%AE%D8%B6%D8%B1-%D8%AD%D8%B3%D9%8A%D9%86-%D8%B4%D9%8A%D8%AE-%D8%A7%D9%84%D8%A7%D8%B2%D9%87%D8%B1

ممكن اسال سؤال محيرني لو فرضنا ان الاخوان موافقين علي التعديلات علشان مصلحة شخصية طب ليه السلفيين موافقين بشدة كمان رغم انهم مالهمش في الاحزاب ولا البرلمان ده غير ان حسب معلوماتي البسبطة انهم علي خلاف مع الاخوان يعني ما اعتقدش بيقولوا نعم لمصلحة الاخوان والجمعية الشرعية اللي ما اعرفش هما دول تبع ايه لبه برضه بيقولوا نعم هل في سبب ديني هناك توجه دينى لتحويل مصر لدولة دينيه اسلامية و تم الافراج عن كثير من الجماعات الاسلاميه مما زاد خوف الاقباط و لهم كل الحق كلام جميل لكن هنا سؤال مهم كم الف مسلم يجب سجنهم حتي لايخاف الاقباط ؟

بارك الله في قائدنا الملك عبدالله بن عبدالعزيز ال سعود......... و دائما ما تثبت قيادنا بعد نظرها....حتى عن شعبها................. اما الثورة فليس لها داع من قبل ولا الان.............(والشعب نفسه) لا يريد برلمانا ولا احزابا انما الشعب يريد استمرار النظام

و دي يعني قرارات كويسة ؟؟؟ فلوس ، فلوس،، فلوس ،، فلوس ،، فلوس لكن تعديلات سياسية و حكم و كده ،،، شكرا ،،، علي العموم إن لو مكان الأخوة في السعودية أكمل في الثورة و أهوو كله بحسابه

الملك عبد الله يصدر بيانا للمملكة العربية السعودية أمر ملكى... صرف مكافأة شهرين لجميع موطفى الدولة تخصيص 2000 ريال للباحثين عن العمل اعتماد الحد الادنى للرواتب السعوديين ب 3000 ألاف شهريا اعتمادبناء 500 الف وحدة سكنية فى كافة مناطق المملكة وتخصيص 250 مليار لهذا المشروع ورفع تقرير شهرى للملك عبد الله نفسه رفع قيمة الحد الاعلى للقرض السكنى من 300 الف ريال الى 500 الف ريال يتبع....تابعوا العربية

لكل اخواني المصريين الوطنيين قي المنتدي..سلام ليكم جميعا..دة اول موضوع لي قي المنتدي على الرغم من مشاركتي في مواضيع عدة و من فترة و اللى حفزني لكتابة الموضوع دة هو التخبط حوالين التعديلات الدستورية اللى انشالله كلنا رايحين نستفتي عليها غدا..الموضوع مطروح بمنتهى الحيادية..بعيدا عن اي تحامل على فئة او حزب معين..عشان كدة اسمحولى اقول..الجهلاء يمتنعون..و اقصد بالجهل هنا هو اي جهل بمواد الدستور و بمكتسبات الثورة او متطلبات المرحلة القادمة..بدون ديباجة كتير اسمحولى بعرض النقاط. 1- مادة 75..التعديل ان رئيس الجمهورية لازم يكون مصري من ابوين مصريين و ان لا يكون هو او احد من والديه حامل جنسية دولة اخري و الا يكون متزوج من اجنبية و الا يقل السن عن 40 سنة. الاعتراض..واضح وضوح الشمس التعديل دة مقصود بيه مين..طبعا الدكتور البرادعي..شخصيا انا غير مقتنع بيه او بغيرة الفترة القادمة..لكن وجهة النظر انك رجعت تفصل الدستور تاني على اشخاص معينيين زي التعديلات اللي حصلت ايام الرئيس مبارك..طيب ليه كمان محددتش توجه الديني..و ليه محددتش السن ميزيدش عن كذا..و هل ممكن تبقي مراءة ولا لاء..يا جماعة الكلام دة مبيحصلش في الدول المتقدمة و عندنا الرئيس اوباما خير مثال ...طيب ليه نروح بعيد...هو مؤسس مصر الحديثة كانت جنسيته ايه!!!...نعم للرئيس المصري..لكن زوجته ايه...فلتت منهم دي شوية. 2- مادة 76 للترشيح لازم المرشح يحصل على موافقة 30 من اعضاء مجلس الشعب او 30000 توقيع من 15 محافظة بواقع مش اقل من الف من كل محافظة. الاعتراض.طيب شكل مجلس الشعب اللي حيتعمل في ظل الدستور المعدل دة ايه...50% عمال و فلاحين و كوتة مرأة...يا عالم الكلام دة كان زماااااان ايام ما كان التعليم قاصر على طبقة معينة فكان لازم يعبر عن فئات الشعب عمال و فلاحيين...النهاردة في كل قري مصر شباب جامعى متعلم..بكالوريوس زراعة و عندة مزرعة..انتخبه ولا انتخب واحد امي...ليه ميكونوش ممثلى الشعب متعلمين على الاقل بحد ادني...احنا عايزين نطور و لا نفضل محلك سر..و بعدين اقوى فئتين موجودين و منظمين حاليا..الوطني و الاخوان و هما الوحديين تقريبا الموافقيين على التعديلات...يا سبحان الله..اعداء الامس اصدفاء اليوم...شخصيا انا شايفها صفقة جديدة من صفقاتهم..دخلونا مجلس الشعب و احنا ندعم حزبكم...و اللي ياكد الكلام دة ما تم نشره على موقع الاخوان بتخوين و تدليس كل من يعارض التعديلات...يا ناااااااااااااااااااااس..حرام تضيعوا الثورة دي. 3- المادة 77.مدة الرئاسة 4 سنيين بحد اقصى فترتين..المفاجاءة الكبيرة....مادة 190 من نفس الدستور بتقول مدة الرئاسة 6 سنين من تاريخ اعلان النتيجة؟؟؟؟؟؟؟؟ حد يفهمنا يا عالم..ازاي المادة دي محدش قربلها 4. مادة 148 الخاصة بقانون الطوارئ ...الرئيس يعلن حالة الطوارئ اذا ما اقتضى الامر بحسب القانون و بعد العرض على مجلس الشعب( المنتخب في ظل هذا الدستور)بمدة لا تزيد عن 6 اشهر. الاعتراض...هى كلمة واحدة...تاااااااااااني..الرئيس حيتغير لكن النظام هو هو...ما فبش فايدة. 5- مادة 189 لرئيس الجمهورية و مجلس الشعب الحق في تاسيس دستور جديد للبلاد من خلال جمعية تاسيسة خلال ستة اشهر و يتم عمل استفتاء عليه ..العملية تستغرق سنة الاعتراض...ما فيش اي الزام للرئيس تماما بعمل اللجنة دي او انشاء الدستور..و لو قرضنا ان عنده ثقافة التخلة عن الكرسي..طيب ممكن الدستور دة الشعب ما يوافقش عليه ..نقوم نمد سنة كمان..نفس السيناريو اللي حصل ايام الرئيس السادات..و مرحبا بنفس النظام تاني...هو احنا ليه مبنتعلمش من التاريخ. دي بعض من المواد اللي ارة شخصيا ان فيها عيوب صارخة ناهيك عن باقي المواد..او بالاحري الدستور كله. طيب في حالة الموافقة بنعم...بالبلدي كدة...الجيش حيخلع ايدة و تتعمل انتخابات مجلس شعب..و النتيجة واضحة..يا دولة دينية زي ايران...يا مؤسسة فساد جديدة بوجوه جديدة....لم تكن تللك اهداف الثورة ولا الشهداء. في حالة لا...يعلن المجلس الاعلى للقوات المسلحة عن اعلان دستوري مؤقت لحين عمل دستور جديد للبلاد ..اللي حيدفعه لاعلان مجلس رئاسي بما انه يريد تسليم السلطة و العودة للثكنات العسكر ية و دة حقه.. على فكرة عمل دستور جديد لا يستغرق اكتر من 4 او خمس اشهر..و عندنا دساتيير كتيرة ممتازة ..دي مصر اسست دساتيير للدول العربية. دة مجرد راي و طرح للموضوع..عشان كدة انا بكرة رايح اقول لا للتعديلات الدستورية

ماهو كان مغيب بسبب الاعلام المصري للاسف ,, فقوم ايه ,! اركتكت خطف رجله لحد عنده ! ووضح له ما يدور من خلف الكواليس وما يحاك من دسائس ومؤامرات !! فعاد حليم الى صوابه مرة اخرى وقال للجماعة بعد تحالفهم مع الحزب الوطني ضد شباب الثورة ;): http://www.youtube.com/watch?v=1pPLuDWwHPg

لما تغــيبــي... أنا بتلخبط بين السكر والملح.. وأدور ف الدواليب على حبة فرح.. وملاقيش.. لما تغيبى.. أنا والبيت بنتوه من بعض وبابص فى وشه مايعرفنيش وبخاف م القطة لما تنونو ومن صوت الريح اللى بيهرب من بين الشيش.. لما تغيبى.. كل الحاجات الحلوة يا حبيبتــى بترفض تعيش.. بينى وبينك..لما تغيبى أنا بحتاس.. بنسى العناوين وأسامى الناس باكل.. واشرب.. واضحك.. واكتب.. لكن كده.. من غير إحساس وانسى القهوة تفور ع النار ويروح الطعم ويضيع الوش.. لما تغيبى كل المرايات يا حبيبتى بتكدب وتغش.. لما تغيبى.. أنا عن روحى بغيب وبحس أن النفس اللى ف صدرى غريب.. أصل الدنيا يا حبيبتى مش على طول بتروح وتجيب.. قلوب طيبة.. أرجوكى.. خليكى قريبة حتى لما تغيبى.. - لما تغيبي.....علي-

صباح الخير عليكم في رسالة وصلت على الموبايلات وناس كتير فهمتها غلط الرسالة بتقول عزيزي المقيم: لا تغامر بالمكرمة الاميرية..يا تعدل يا تغادر مع تحياة ادارة التوجيه المعنوي بوزارة الداخلية الرسالة دي تخص مخالفين الاقامات والمقيمين بصورة غير شرعية بالكويت وحاليا مسموح لهم بالمغادرة دون دفع مخالفات مع الوعد بالعودة في حال تعديل الوضع ولذلك بيقول يا تعدل وضعك اقامتك يا تغادر بأمان وطبعا لان في ناس بتصمم انها تقعد في الكويت مخالفين

الحياة.....بنحاذي فيها في الصف بس القلب متعلق ب..."قبلة" واحدة الحياة....أن تري الله...في كل شيء

للاسف من حين ﻻخر...وفي عدة موضوعات نجد التجني على المملكة العربية السعودية دون اﻻستناد لمنطق او عقل راجح ....وما هذا الموضوع اﻻ ضمن هذه السلسة...الذي يدعي ان السعودية تهدد المجلس العسكري لعدم محاكمة مبارك ومن يأخذ به الخيال بتهديد ترحيل العمالة المصرية ال..خ و غير ذلك من الترهات واقول 1. ان كانت هذه اﻻنباء صحيحة و خضع مجلسكم العسكري لها (فاللوم كل اللوم) للمجلس العسكري وربما (يتوجب عليكم) اسقاط نظام المجلس العسكري. 2.الوفاء من شيم العرب اﻻصيلة ومن الممكن جدا ان العلاقة بينهم و بين رئيس مصر السابق خاصة ومبنية على الود و شهدت تعاونا ايجابيا (لصالح البلدين)وﻻ يمنع من محاولة ايجاد مخرج مرضي لجميع اﻻطراف و ليس بوصفه (سارقا ﻻموال الدولة التهمة التي ﻻ اظن انها ثبتت عليه بحكم المحكمة) 3.ان سقوط اي شبر للمسلمين و العرب يحزن و يدمي قلب كل مسلم و عربي ان كان له قلب ولكن تصوير اﻻمر بصورة تبخر مصر (وهي عصية على التبخر)بان ذلك سيتبع ان تسومنا اسرائيل سوء العذاب فهو امر مضحك و يبعث على السخرية ...(ﻻنه بمراجعة بسيطة لكتب الحديث النبوي ستعرف كيف ستؤول اﻻمور) و تم عبر التاريخ احتلال مصر(و احتلال غيرها من بلاد العرب) عدة مرات ولم يستلزم ذلك ...سقوطا للبلاد اﻻخرى (جزيرة العرب و السعودية تحديدا) بل بعثا لقواهم لمقاومة الغازي المحتل. 4.بالمناسبة موضوع الحوثيين الذي اشبع بحثا .....ﻻ يدل لمن بحث عن اﻻنصاف اﻻ قوة المارد السعودي في مواجهة كل من تسول نفسه ان يزفر تجاه الوطن و ملابسات اﻻحداث والوقت الطويل نسبيا في القضاء عليهم تشكل ملحمة وفاء و وسام فخر و شجاعة و صبر......... كان باﻻمكان سحقهم في لحظات ولكن....كان هناك ما هو اهم ومنها..... -اختلاط اولئك المرتزقة بين المدنيين من القرويين و بين المتسللين غير الشرعين فكان اﻻهم اوﻻ سحب المواطنين و المتسللين اﻻبرياء الى معسكرات امنه حتى ﻻ تقع وفيات بين اﻻبرياء العزل. -اضافة لسهولة تنكر اولئك المرتزقة بزي اهل البلاد كون المناطق الحدودية غالبا ما تاخذ خواص المنطقتين. -بعد ان نجحت قواتنا في تامين اﻻبرياء شر عت بتاديب الحوثيين بلا هوادة اضافة لقطع امدادات اﻻيرانيين الذين فشلوا (كالعادة) في زعزعة امننا بفضل الله...وهاهم الحوثين ﻻ زالوا يندبون حظهم و يلعنون ساعة ازلهم الشيطان لمحاولة التحرش بقواتنا. 5.احد اﻻعضاء...ذكر ان للسعودية ادوارا تخريبية في عدة قضايا (ﻻ حول وﻻ قوة اﻻ بالله)...و ذكر موضوع الوحدة الفاشلة (بين اﻻقليم الشمالي و الجنوبي) التي لم يرد بها وجه الله ولم تقم على شرعه و هديه ... و تناسى تامر (النظام) الناصري تجاه المملكة بل واﻻعتداء على بعض نقاطه الحدودية و محاولة تصدير فكر الثورة العربية على (العرب اﻻقحاح الخلص)بثوب اﻻشتراكية !!!!! وها نحن نشهد باعيننا فشل كل من اتخذ هذا الفكر في العراق واليمن و ليبيا بل وفي مصر نفسها ......... 6.فيما يخص موضوع العمالة ....اعتقد انه ﻻ يستحق ان يناقش اصلا ﻻن (الله) وحده من يكتب و يوزع الرزق (لكل) مخلوق.......هو من كتب (رزق) المصري و البنقالي واﻻوربي على ارض السعودية واطعمه وهو من (بحكمته) جعل (بعض المواطنيين) عاطلين (اي لم يرزقهم و يطعمهم) في بلادهم....و هو من رزق بعض السعوديين باﻻملاك والمزارع والشركات على ارض (مصر) او المغرب او اروبا ولم يعط ذلك لبعض من مواطني تلكم البلاد فليس (للعامل) وﻻ (لصاحب العمل) اي فضل (اﻻ الله وحده) فعلينا جميعا ان نعي ذلك........ 7.نجاح الديمقراطية (الذي اشك فيه) لو نجح في مصر فلن يغري (عامة الشعب) في السعودية بالمطالبة به (ربما يغري بعض المثقفين)....كون الخلفية الدينية عميقة -بشكل زائد احيانا-فلن تكون ﻻي احزاب لبرالية او اشتراكية او شيوعية اي صدى في المجتمع والبديل حتما هو القبلية بكل سؤاتها وايجابياتها ان وجدت 8.اخيرا ان العلاقة بين الشعوب العربية (خاصة بين السعودية و مصر)اعمق من اي سياسة او اقتصاد و للحق فان الغالبية تتخذ الكلام في تلكم الموضوعات (كطق حنك) والعلاقات اﻻسرية بالتحديد اعمق مم نتصور ولن تلغها باذن الله اي اسباب خارجية او داخليه و السلام

مع ان السؤال كان لجويريه بس عندى ملاحظه . يعنى هو الواحد المفروض يبقى تابع للى بيثق فيه ومايفكرش يشغل دماغه ؟؟؟؟ هوا كل اللى ذكرتهم دول مش بنى آدمين برده عندنا مخ زيهم بنعرف بنفكر وناخد قرار ؟؟؟ انا واحد من مؤيدى عمرو موسى بس برده هاقول نعم . معجب برأى عمرو خالد وعبد القدوس . بس لو هنمشيها ثقه بقى فى شخض وثقه فى ضمير وكده ( اثق فى الشيخ محمد حسان ومحمود المصرى عن كل اللى ذكرتهم ) مع انى لا سلفى ولا اخوان بس انت عايز تمشيها ثقه وتبعيه . على فكره ياأركتكت بلاش موضوع القاده والتابعيين ده . مفيش حد وصى على حدومفيش حد تابع لحد غير اللى مبيفهمش . وياما ناس شايفه نفسها قاده وهم فى الآخر قاده على نفسهم فقط . ملحوظه اخيره ( انا اديتك تقييم ايجابى عن طريق الخطأ مع انى ماكنش قصدى لا تقييم سلبى او ايجابى انا كنت باضغط على اقتباس رد ) تحياتى

حاضر يا جويريه حقول لك الفرق ايه ,, المفروض فيهم وهم بيمثلوا الاسلام المعتدل ,, المفروض فيهم عرض وجهة نظرهم زي ما يحبوا لكن في المقابل عدم اتهام مخالفيهم بتلقي اموال وعدم وصفهم بالعلمانيين وعدم الزج بالشريعة السمحاء ان رايهم هو الحق ومخالفيهم على ضلال وعدم الاعتداء على الشباب الليبرالي في الاسكندرية ومنعهم من عقد مؤتمرهم وعدم تهديد من يريدون قول لأ من داخل الجماعه بالفصل دي كلها ممارسات غير ديمقراطيه وعشان اريحك خالص ,, بتثقي في الدكتور عبد المنعم ابو الفتوح ؟ بتثقي في المناضل محمد عبد القدوس ؟ بتثقي في اركتكت وشباب 6 ابريل وعمرو خالد وائتلاف شباب الثورة ! طيب ما تخليكي معانا زي ماكنتي دايما ؟؟

يبقي عنوان الموضوع مفروض يكون ( ندوة باحدي الصحف القومية تتلقي تمويل امريكي ( اما العنوان اللي حضرتك مختاره ده فيه تعميم و التعميم ده فيه سب للأخوان و تزييف للحقيقة و اظن ان حضرتك مشرف و انت اعلم مننا ان العنوان مفروض يعبر عن محتوي الموضوع و حتي هذا الخبر في كلام حوله لأنهم خذفوه بعد ساعة و نص من نشره ، ده معناه ان احنا بناقش شئ مش موجود و بعدين ايه الغلط في هذا الخبر ، اذا هما علموا من مصادر موثوق منها ، و علي الندوة المتهمة بتلقي التمويل ، ان هيا تنفي هذا الخبر

أن يعتقد المنتصر ان المهزوم قد مات عندما اختفى داخل النفق

** قررت أن اقول لأ في الإستفتاء - وهذه أسبابي الغير منطقية** تعبت و قريت كمية تحليلات و حضرت ندوات ،، منها لأحد الموافقين المحترمين ،، د / محمد سليم العوا و منها لأحد المعترضين المحترمين ،، د / عمرو حمزاوي مبدئيا ،، اللي فهمته فزاعة دستور 1971 ،، وهمية لأن الدستور في كل الأحوال سقط و لجنة التعديلات أعدت بالفعل عدة مشروعات لقوانين انتخابات - و تحديد لصلاحيات الرئيس ،،، (( اجمع عمرو حمزاوي و سليم العوا علي نفس المعلومة و أجمعوا كمان علي إن التعديلات الدستورية واضحة و ليس فيها تضارب أو غير ملزمة كما يدعي البعض )) عشان مطولشي عليكم ،، نقطة الخلاف الرئيسية (( البرلمان )) المعترض المحترم عمرو حمزاوي قال ليس الخوف من الأخوان أو من فلول الحزب الوطني و لكن إعتراضه إن قوي الشعب اللي ثارت عامة غير مسيسة و من حقها أن تمثل في البرلمان الموافق المحترم سليم العوا شايف إن مش منطقي نطالب الجيش بنفسنا يطول مدة مسئوليته ،، لحد ما الشعب يستعد للبرلمان و بعدين ندوس الزرار - و رايه إن البرلمان القادم حتي لو مش ممثل هيكون إئتلافي و مش هيكون فيه أحمد عز يشاور بصباعه و في كل الأحوال لو البرلمان اللي جه مش كويس ،، يستعدوا للبرلمان اللي بعده و الناس لسانها طول كده بخصوص الخطة البديلة في حالة لأ ،، عمرو حمزاوي ،، شايف نريح القوات المسلحة بانتخابات رئاسية ، مبكرة ،، و إنتخاب جمعية دستورية لوضع الدستور ،، في لجان و مناقشات علنية و ليست سرية مثل لجنة التعديلات السابقة ،، ثم تعرض للإستفتاء و بعد تفعيل الدستور الجديد ،، نبدأ الإنتخابات البرلمانية و بذلك نكون التزمنا بالجدول الزمني و أعطينا الفرصة للإستعداد لدخول الإنتخابات سليم العوا ،، رايه إن رئيس بدون برلمان ،، مبارك جديد لا يصلح ،، و إن مجلس رئاسي يعني حكم عسكري بمشاركة مدنية ،، يعني الملخص إن نقطة الخلاف البرلمان ،، أحمد أنور رايه الشخصي بقه ايه ،، ميال طبعا لسيناريو الموافقة لأنه الأكثر منطقية و الأكثر أمانا و الأكثر وضوحا و لأن طول الفترة الإنتقالية ،، تهديد حقيقي للثورة ليس بسبب طمع الجيش في الحكم فقط و لأن بالفعل فيه خطط بديلة للرافضين زي مبادرة الأخوان قال عنها د/ حمزاوي (( قال هنضغط في اتجاه الانتخابات بالقائمة النسبية - هننظم نفسنا عشان الإنتخابات )) و لأني مش مقتنع إن يمكن إنتخاب لجنة تأسيسية لوضع دستور ،، إزاي شعب مصر كله يختار مئة واحد !!!! و اساسا اللجنة التأسيسية دي رجال قانون ،،، فيه حد يعرف قانوني كويس من قانوني وحش !!! و البديل أنقح إنهم يكونوا بالتعيين !!! ،، فالأوقع أختار ممثلين عن الشعب و هما يختاروا اللجنة التأسيسية و يشرفوا عليها و الأهم تكون البلد اتسلمت بالكامل لحكم مدني بمؤسسات شاملة منتخبة تدي ثقة للمستثمرين يرجعوا ،، تدينا فرصة بآليات ديمقراطية تغيرهم ،، الجيش يرجع ثكناته نهائي ،، مش نأجل البلد بالكامل عشان الشعب يستعد للديمقراطية !!!!!! و كمان خوفا من شعبطه الشعب في اي ديكتاتور عسكري ينقذهم من فوضي الفترة الإنتقالية في حالة حدوث إنتكاسات سياسية أو إقتصادية أو أمنية ،، و ده اللي حصل في الثورة الفرنسية و الفرنسيين اتشعبطوا في نابليون ديكتاتور ينقذهم من الفوضي لكن رئيس منتخب و مجلس شعب منتخب ،، فيه أليات لتغييره و فيه جهات رقابية عديدة و فيه تعارض سلطات و في النهاية دولة مدنية من حقك تتظاهر و من حقك تعترض و مش بتحكم باسم الثورة عشان لو فيه انتكاسات متلبسهاش الثورة الغلبانة ،، لكن في النهاية قررت التصويت ب لأ ،،، علي عكس قناعاتي لأن المعترضين هم ،، القوي الجديدة ، الأقباط ، بعض الثوار الغير مسيسين الموافقين ،، الأخوان المسلمين - الجيش - السلفيين - الحزب الوطني (( إن وجد )) - بعض الثوار الغير مسيسين ايضا - حزب الكنبة (( اللي عايز يخلص و خلاص )) يعني واضح إن المعترضين عامة شايفين إنهم مستضعفين و صوتهم هيروح في الرجلين فأنا قررت اصوت ب لأ ،، فقط لمنحهم ثقة في نفسهم ،، و إن الديمقراطية مش هتأكلهم عشان تكون النتيجة (( 53 % )) نعم فقط إن شاء الله ،، فيفهموا إن فيه أمل و يتحركوا بسرعة لخططهم البديلة (( من حقي أنا كمان أحط سيناريهوتي )) و الله الموفق

المستشار أحمد مكى من تيار الاستقلال فى القضاء, وكان أحد القيادات التى اشتركت فى اعتصامات القضاة 2005, مهم جداً نعرف رأيه فى التعديلات: مكي‏: ‏التعديلات الدستورية لا تستجيب للإرادة الشعبية

الاخ س س محدش يعرف نمرة مراته عشان بس نعرفها مقدار وطنيته ----- على جنب انا حاطط الف جنيه فى البوسطة ممكن اتبرع بيهم لمصر واخد بيهم ستات :P