لوحة القادة

اليكم جميعا ...احبائى المحاورين مالكم ؟؟؟ نبرتكم فى الكلام متغيره ؟ هو انا كنت مغيبه فعلا الفتره اللى فاتت...مش عارفه ايه اللى بيحصل بجد :happy: ومش لاقيه اللى يدلنى ؟؟؟ طيب ارجوكم بصوا على اللى فات بشكل تانى مختلف واوزنوا الامور بشكل محايد جدا ..حاولوا تفتكروا اى شىء أأأأأى شىء يكون حلو ايجابى للشخصيه او الموقف او.......اللى انا مش عارفاه ولا فهماه لحد الان يمكن يشفع له وترجعوا تانى احباب وراضيين رجعوا الابتسامه لوشوشكم وقبلها لقلوبكم صدقونى احنا محتاجين نبقى جنب بعض اوووووووووى مش ناقصين غربه حتى عن نفسنا صباحكم بلون الحب اللى من غير مقابل

في يوم 18 مارس 2011 تم اقامة يوم مفتوح للمصريين المقيمين بالكويت واجتمع هناك مجموعة من اعضاء محاورات المصريين فرع الكويت ودي بعض المشاهد المختارة للحفل المصري الاسري http://www.youtube.com/watch?v=DSuMyL9XPvM وسيتم لاحقا ارفاق بعض الصور في نفس الموضوع

طب ليه كده انا واحد من الناس صوتت ب لاو اجرت سيارة نصف نقل و نقلت عليها حوالي 15 فرد و صوتوا كملهم ب لا يعني عملت 3 خمسات ... مش خمسة واحدة و يوم الجمعة السابقة اتشاكلت انا و الشيخ بعد الخطبة عشان استغلاله للمنبر و دعايته لكلمة نعم و هو مش فاهم نعم ليه و كان ده سبب ان ناس كتير قالت لا .. لما لقوا مولانا الشيخ مش عارف يرد هل كل ماسبق يخليني من زمرة العلمانيين و الشيوعيين الاجابة لا انا مش علماني و مش شيوعي و مش شيعي حتي و يمكن عندي علم شرعي اكتر منك و فاهم باب المقاصد و المفاسد زيادة عنك حبتين عموما .. رغم سعادتي الشديدة ان الشعب اتحرك و راح الاستفتاء لكني حزين جدا ان الناس صوتت بدون ما تفهم ايه الحوار اصلا رغم انهم بكره يفهموا و ربنا يستر ع البلد و ع اللي هيجري فيها

سؤالك في الجون.... أحب الأسئلة اللي من النوع ده وتفسيري هو: في مصر على الواقع: 1- الكل شارك في الانتخابات (مسلم مسيحي اخواني عادي مثقف غيرمتعلم....).... وده بنقول عليه عينه غير متجانسة (أي ليست محصورة في عمر معين او ثقافة او بعد مكاني وهكذا) 2- لو سنك كان تقريباً من 19 وحتى 29 فغالباً كان التصويت بلا 3- فئة العمر 29-39 لو صاحب عمل حرفي او خاص ومتزوج غالباً صوت بنعم اما لو كان شغال في الحكومة او غير متزوج فغالباً اختار لا 4- من سن 40 وحتى 60 لو ذكر فغالباً بنعم سواء متزوج او غير، حكومي او خاص....... لو انثى 60% قالوا نعم 5- 60 فيما فوق وبيصرف معاش يادوب يكفي........ نعم.......... اما المرتاح نوعاً ما مادياً ......... فلا ................. ماسبق مجرد تحليل وقد اكون خاطئاً جزئياً او حتى كلياً اما في المحاورات: 1- معظم المتحاورين ينطبق عليهم وصف العينة المتجانسة (مشتركين معظمهم في الغربة..... ذو ثقافة.... بيعرفو إنترنت ودي متغير مهم..... لديهم وقت كبيييييييير للقراءة والفهم....... ) 2- والتجانس ده بيخليه عنده وقت عشان يقرر ويقول.................. لا تطبيق عملي: أنا اتغربت وعارف شعور الغربة..... لو كنت لسه بره مصر كنت هقول ....لا اما الان انا صوت بنعم...... بالرغم من عدم افتناعي التام بها تحياتي سقراط

الحياة هنا عندنا الحق "اركب معنا" هي دي الحياة أن تتنسم ... نسمات الحرية

بالأمس حميت اختيارك ...... فهل أنت على استعداد اليوم لحماية اختيار مصر ؟؟؟

أسمح لى أن أكلمك كعضو هذه المرة أعتقد أنه قد آن الآوان لتكف عن إستخدام هذه اللغة وان تتعلم كيف تكون آداب الحوار ، فليس من صوت بنعم مؤمن وليس من صوت بلا كافر العلمانيون والليبراليون والشيوعيون هم مسلمون أيضا وربما اكثر ايمانا من لحى وجلاليب كثيرة لن يكون مقبولا منك أو من أى عضو آخر وصف المختلف معه فى الرأى والرؤية بالالفاظ التى ذكرتها فى مداخلتك. أتمنى أن تكون الرسالة قد وصلت.

تحيتي يافندم علي طرحك السؤال القيم دة ؟؟؟ اعتقد ان اجابة السؤال دة بمنتهي البساطة ........ ان فكر اعضاء المحاورات من المثقفين اللي صعب السيطرة علي قنعاتهم وايدولوجياتهم لكن الناس حارج المحاورات مش كلهم مثقين ........ مابقولش ان كل المصريين مغيبين ....... بس فيه ماس كتيرة شاركت كانت متأثرة بأراء ناس معينة لسة النهاردة كنت بتكلم مع اصدقاء ليا ........ زاكتشفت ان احد الزملاء صوت بنعم علشان الشيخ محمد حسان قال انه هيصوت بنعم مع احترامي الشديد جدا للشيخ محمد حسان ......... بس انا لو عيانة والدكتور قالي لازم تعملي عملية جراحية مش هروح أسأل عالم دين ؟؟؟؟؟؟ وانا لما صوت بلا ماصوتش علشان حد انا مقتنعة بيه وبأراءه قال لأ بس للاسف فيه ناس كتير عملت كدة ......... ناس قالت لأ علشان عمرو خالد او احمد حلمي او عمرو موسى او البرادعي ......... او او او وناس صوتت بلأ علشان فلان وفلان وفلان .......الخ وناس كان صوتها نابع من خوفها علي او من المادة التانية وناس حالها وقف وعايزة البلد تمشي بأي شكل وخلاص وناس مش فاهمة ايه المقصود من التعديلات وناس بتبص تحت رجليها وناس وناس وناس وكل يبكي علي ليلاه بس خلاص

وهو صادق .. تمورة انهى مرحلة الحرب باستسلام غير مشروط :closedeyes: لما تشوف توبيك مغتربي الكويت اتثبت وقتها يبقى انتصر طبعا دي احلام خيال علمي -------------------------------------- وانت يا عم تامر شاهين نسيت اهم حاجة تشرحه هنا بالعرض بتاعك روح الســــاري اهم حاجة الروح :closedeyes: البصمة يا عمي .. لازم العمل يكون فيه حتة منك .. روحك .. بصماتك .. والا العمل هيبقى جاف الروح هي اللي تخليك تفرق بين عمل سبيلبرغ وعمل اي مصوراتي افراح الروح دي اول حاجة تشرحها يابني قبل الشغل لازم تعتبر الشغل ده عبارة عن عجينة تشكل فيها روحك وروح الســــاري ما تنشرحش يا بني ,, دي حاجة كده رباني smk: وما تسألنيش عن اي حاجة من اللي قلتها فوق دي لاني مش فاهم حاجة ... اهو لماضة بتقول لي الكلام ده على طول :P

أحي حضرتك علي الموضوع المهم بالنسبة لتحليل النتائج ده يبقي بعد ظهور النتيجة رسميا لأني بشكل شخصيا أفضل ألا أنساق وراء الأخبار التي يقال عنها تسريبات لأني لا أعرف مصدرها أما بالنسبة للتوقعات فدي برضه تؤجل لحين إصدار النتيجة رسميا لكن في مطالب مش توقعات في حاجات لازم تتعمل أهم من أي حاجة تانية منها علي سبيل المثال لا الحصر وبدون ترتيب 1-الافراج عن باقي المعتقلين الذي لا يعرف عنهم ذويهم أي شئ بالرغم من مرور شهرين تقريبا علي الثورة والوعود باطلاق سراح جميع معتقلي الرأي وبالرغم من اطلاق سراح الأخوة الزمر 2-فتح باب انتهاكات حقوق الانسان من جانب الشرطة العسكرية والجيش وده ملف أنا عارفة أنه خطير لكن لابد من فتحه وإحنا في حال الثورة عشان مايرجعلناش بعبع أو فرعون تاني متمثل في الجيش كل مؤسسة أو شخص له ايجابياته وأخطائه لا أحد فوق الحساب وطبعا الملف ده يشمل كل المعتقليين من قبل الجيش الذين اعتقلوا هذه الأيام وتمت محاكمتهم عسكريا بدون وجود محامي الدفاع الخاص بهم وكانت تهمتهم خرق حظر التجوال وقيل عنهم بلطجية وبغض النظر عن تهمتهم فهل يعقل أن يحاكم هؤلاء محاكمة عسكرية بدون دفاع ويصدر الحكم في يومين ويتمتع العادلي وأمثاله بمحاكمة مدنية ويتم إخلاء سبيل ابراهيم كامل (من مخططي موقعة الجمل) لعدم كفاية الأدلة ويتمتع إلي الآن الثلاثي عزمي وسرور والشريف بكامل حريتهم وحتي لم يتم التحقيق معهم؟! فلماذا يا جيشنا الحبيب؟! 3- سرعة البدء في تكوين الأحزاب لانقاذ الانتخابات البرلمانية القادمة 4-الاسراع في المحاكمات التي تجري اآن بخصوص قتل المتظاهرين والتآمر علي الشعب المصري والانفلات الأمني الذي حدث خلال الثورة 5-استعادة الأموال والأراضي المنهوبة بالنسبة للسلبيات في مايخص الاستفتاء: 1- حرمان المغتربيين من التصويت 2-الغموض وعدم الوضوح من جانب الجيش إلي آخر لحظة في توضيح للناس ماالذي سيحدث لو أجابوا بلا للتعديلات وهذا في رأيي عزز الفكرة السائدة التي كانت تتردد عن إن نعم = استقرار لأن الجيش أصر إن يجعل لا= غموض ولماذا خرج علينا اللواء ممدوح شاهين قبل يومين من الاستفتاء يقول أيا كانت نتيجة الاستفتاء فالجيش سوف يقوم بعمل اعلان دستوري وفي كلتا الحالتين لن يعود دستور 71 للعمل .......طب معلش منطقيا أومال أنا راحة ليه استفتي علي تعديلات للدستور المعطل الذي لن يعمل؟! وفي السؤال التالي مباشرة (في حواره مع المصري اليوم) إجابة عن ماالذي سيحدث لو النتيجة نعم يقول سوف يتم اجراء انتخابات برلمانية ورئاسية في موعدهم طبقا لأحكام دستور 71........ الله؟!!!!!!!!!! ماهو لسه شغال أهو؟! في صالح من هذا عدم الوضوح والللخبطة في الكلام مع كامل احترامي للجيش لكن أنت بتكلم ناس مش بتفهم في القانون وبتأخد منك العلم والثقة فلماذا عدم الوضوح؟! 3- الفترة التي سبقت الاستفتاء لم يتاح في الاعلام الرسمي ومعظم القنوات المصرية الخاصة ماعدا أون تي في وأحيانا دريم لم يتاح نفس الوقت ونفس المساحة لأصحاب رأي لا ......وتم تسويق رأي نعم = استقرار وده في رأيي الشخصي عار اعلامي لأن المفروض أتيح المساحة للرأيين 4-بالنسبة ليوم الاستفتاء نفسه الشعب نجح بنسبة 100% والحكومة متمثلة في اللجنة المشرفة علي الاستفتاء كانت دون المستوي من ناحية التنظيم يعني لم يكن هناك تأمين فعلي للجان وبصراحة الناس هي نفسها اللي كانت بتنظم نفسها في طوابير وكان الشعب بيتعامل بمنتهي الرقي أما بالنسبة للجنة الاستفتاء في بعض محافظات اتأخرت وفي منتصف النهار قالوا هيمدوا فترة التصويت ل9 مساءا وده من الصفحة الرسمية للجنة من الفيسبوك مش إشاعات ففي ناس اعتمدت علي هذا الكلام لكن تم غلق اللجان في السابعة مساءا مما أدي لحرمان جزء من الشعب من الادلاء بأصواتهم الحبر كان بيتمسح بالكلور عادي ومن غير كلور كان بيستمر 5 ساعات علي الأكثر عدم توافر استمارات والانتظار حتي تأتي استمارات وصناديق وبصراحة شايفة إن ليس عذر أنهم لم يتوقعوا هذه المشاركة من الشعب .....ده عذر أقبح من ذنب؟! هما ماكنوش في البلد وعارفين إن الناس قامت بثورة عشان تقرر مصيرها؟! يبقي أيه؟! ماكنوش عارفين عدد الشعب اللي يحق له الانتخاب؟ إزاي مش عندهم قاعدة بيانات الرقم القومي؟ 5- اصرار الأطراف السياسية لاقحام الدين في موضوع الاستفتاء وبمنتهي الصراحة في ناس أنا اتكلمت معاهم بنفسي محدش قاللي في ناس فعلا كانوا مقتنعين إن لا= الغاء المادة الثانية وهذه النقطة أعتقد أنها أخطر نقطة سواء من الطرفين اللي أقنع إن نعم تدخل الجنة أو لا تحمي دينه فبصراحة الاثنين ربنا مايسامحهم علي اللي عملوه 6-التحدي السافر للحظر اللي فرضه الجيش عن الدعاية يوم الاستفتاء وتوجيه الناخبين خاصة بالقرب من اللجان

عنها عن الفتاه ذات الاثنى عشر ربيعا التى تراست وفدا من زميلاتها فى المدرسه لزياره مصابى الحدث الجليل الذى وقع فى مدينتها الهادئه جمعت زميلاتها و ذهبوا الى المستشفى يواسوا الجرحى و يستمعوا منهم لقصص البطوله و الصمود و كيف رفضوا الاستسلام كما كانت تطالبهم القوات البريطانيه و قاتلوا بشرف حتى نفذت ذخيرتهم اتذكر نبراتها و هى تسرد لى مشاعرها المختلطه من الاسى و الفخر و هى تنظر الى جثامين الشهداء منهم و التى كانت مسجاه فى المستشفى فى انتظار مراسم التشيع و كيف انها فى اليوم التالى القت خطبه حماسيه الهبت المدرسه كلها من الطالبات و حتى الاساتذه عن المجزرة التى حدثت لضباط الشرطه فى 25 يناير عفوا نسيت ان اذكر لكم انها كانت و على الدوام كانت قائده فريق الخطابه فى مدرستها ما زلت اتذكر تحديها اللذيذ لى بان اتلو عليها و لو بيت شعر واحد مما حفظت فى السنه الدراسيه السابقه و عندما افشل بالطبع اجدها تتلو على ابيات الشعر التى كانت تدرسها و هى فى المدرسه اى منذ اكثر من اربعين عام بطلاقه تامه كانها تقراها من كتاب عنها عن تلك الشابه ذات الثامنه عشر عاما التى انهت للتو تعليمها و جاء تعينها فى مدينه اخرى غير مدينتها تبعد عن مدينتها مئات الكيلو مترات فهى فى الاساس من الاسماعيليه و عينت فى الغردقه !!!!!!!!!!!!1 اتتخيلون بعد المسافه اتتخيلون ان هذا الكلام كان سنه 1958 اتتخيلون ان الغردقه ايامها و على لسانهاهى شخصيا كانت اشبه بقريه صيادين خارجه عن حدود الزمان و المكان و التاريخ ايضا و لكنها ذهبت بمفردها و عاشت هناك اكثر من سنتين تعلم الاولاد فى المدرسه صباحا و تتعلم هى من الحياه فى كل وقت و اوان عنها عن تلك المديره ذات الشخصيه القويه و الفذه التى اكتسبت احترام اعدائها قبل اصدقائها التى لم تكن تخشى فى الله لومه لائم و التى كانت ترضى ضميرها و تراعى الله فى عملها رغم كل المشاكل التى من الممكن ان يوقعها فيه اصرارها هذا و كم هى المشاكل و الافتراءات ة الظلم الذى تعرضت له بسبب التزامها هذا فما اثناها هذا و لو للحظه عن سلوك طريق الحق ايا كانت مصاعبه و هى فى خضم كل ذلك موضع الثقه و الاستشاره من كل من يعمل معها الكل يستشيرها و الكل ياخذ برايها و الكل يشيد بحكمتها سواء فى الامور التى تتعلق بالعمل او حتى امورهم الشخصيه اادركتم عن من احكى نعم عنها عن امى عن تلك الشخصيه الاستثنائيه التى جاد على بها القدر ان تكون امى صدقونى انا لا ابالغ ان قلت لكم ان امى رحمها الله كانت تتمتع بشخصيه استثنائيه اقسم بالله انى لا اقول هذا الكلام عنها لانها امى بل هذا الكلام هو ما كنت و ما زلت اسمعه عنها رحمها الله من كل من خالطها و لو مره واحده فهى كانت ذات شخصيه مبهره تتمتع بتضاد جميع الصفات بما يبرزها و لا يجعلها تتادم تجمع بين الحزم و الحنيه بين العقل و العاطفه بين الحكمه و الحلم بين القوه و الضعف لم اشاهد طول عمرى من هو اقدر منها على تنفيذ مقوله لكل مقام مقال حاربت كثيرا طول عمرها و ضحت كثيرا كثيرا و كانت مضرب الامثال بين الناس فى كل شيىء لديها لكل مشكله حل و لكل شده صبر الى تلك السيده العظيمه اسرد اسرد لها ما لم اسرده لها فى حياتها تقصيرا منى فى حقها و كم من تقصيرا لى فى حقها و لكنى تعودت منها على القلب الحنون الذى دائم ما كان يتجاوز كل تقصيراتى الطفوليه فى حقها كانها تقول لى اعذرك لانى افهمك فانتى اكثر بناتى شبها بى سواء فى الشكل او الشخصيه و كم من شرف هذا لى يا امى اليوم فى ذكرى وفاتها اقول لها اقول لها اننى بجد يا امى فخوره جدا بانك امى و ان لم تكونى امى فكنت ايضا لاكون سعيده جدا ان اتعامل مع انسانه بمثل شخصيتك فى حياتى فانت من الشخصيات التى هى مكسب لاى انسان ان يتعامل معه مره واحده فى حياته فما بالك بمن عاش فى كنفك اكثر من عشرون عاما اقول لك ان كل نظره احترام او كلمه استحسان اتلقاها من اى شخص اتعامل معه فالفضل فيها يعود اليك فانت من غرستى فى ما انا عليه الان اليوم يا امى اكملت سبع سنوات بعيده عنى بجسدك فقط انما روحك فانا اشهد لها بانها لم تفارقنى قط فما زرعتيه فى و ربتينى على لهو اقوى من اى تواجد مادى الالاف البشر الاخرين فى حياتى اسفه عن كل لحظه خيبت ظنك فى فيها اسفه لكل لحظه لم قدرك فيها حق قدرك عندك سبع سنوات لم التقيك فيها فى العالم المادى و لكن ارواحنا لم تفترق فيها لحظه واحده امى اقول لك كما اقول لك فى كل سنه احبك

و لية تقول عليهم متشددين علشان عندهم لحى و ذقونهم طويلة يا سيدى و لية متقلش ان للمسجد حرمة لابد ان تراعى معلش فيلم اية اى كان هدفة او غرضة لا يصح ان يتم تصويرة فى مسجد يقام علية الشعائر الدنية المسجد بيت الله يدخل الية الناس ليصلوا مش علشان يصروا فيلم انا لا متشددة و لا اخوانية و لا اى شىء بالعكش ان مع الاخوان على طول الخط ومع الافكا رالمتشددة لكن اى مكان مقدس لو حرمتة ولا يصح ان يستخدم فى غير غرضة وانا لو كنت موجودة و شوفت ما يحدث كان موقفى مش هيختلف كتير اتى امنع اى احد باستغلال مكان عبادة فى غرض اخر غير العبادة

حقك عليا يا ستي ,, اغلب المغتربين محدودي التفكير ,, والارياف حائزين على نوبل ,, ردك الاخير اكثر تطرفا وعنصرية من ردك الاول وعن نفسي اراه اهانة لقاطني الاقاليم ـ وانا منهم ـ واتهام لهم بانهم مجموعة من البسطاء او السذج خاصه مع وصفك لهم ( بالارياف ) وكأن المدنية محصورة في القاهرة فقط .. المغتربين على العين والراس وزي مافي منهم الخبراء النادرين الي اضطرت الدول الاخرى اضطرارا لاستقدامهم ففي منهم برضه البسطاء والعاجزين والي مقدروش يلاقوا لهم شغل او اهمية في مصر فقرروا يشدوا الرحال لخارجها .. اذا مهياش ميزه اني اكون مغترب عشان افترض اني من النخبة وغيري هم من البسطاء وضحلي الثقافة .. ده غير حقيقة اكيده ان حتى المغتربين انفسهم مشفناهمش اجمعوا على كلمة واحده فمن بينهم من قال نعم كما بينهم من قال لا فعلى اي اساس افترضت ان النخبه لم تدلي باصواتها وعليه فهنيئا لكم يامن قال نعم !!!! معرفش ليه الاصرار على تصوير كل من قال لا بانهم ( النخبة ) لمجرد انهم قالوها .. وبرضه مش عارفه ليه تصوير من يدعوا الناس ليقولوا نعم وكأنهم مجرمين اما من يقول لهم انا هقول لاه وكل النخب هتقول كده فدول عادي وعاوزين مصلحه الناس الي مبتفهمش .. عموما واذا خرجت نتيجه التصويت بلا فهتقبلها لانها هتشكل رأي الاغلبية الي غصب عني لازم احترمه ومش هقول ساعتها دول اغلبية ساذجة او منقاده .. اما لو خرجت بنعم هقول الحمد لله ان اتفق رأيي مع الاغلبية الي اكيد مش هيتفقوا على ضلال .. وفي النهاية كل واحد مننا اجتهد وقال مااملاه عليه ضميره وقناعته سواء بقى كان عايش في القاهرة او في .. الارياف .. تحياتي .. وفي كل الاحوال نكون بسطاء نكون سذج متفرقش طالما ده اختيارنا واحنا وحدنا من سيتحمل نتائجه ..

لما يظهر معدن المصري الأصيل ويصبر على الوقفة في الطابور الطويل مش عشان رغيف العيش ولا عيش الأنابيب وإنما واقف عشان يأخد نصيبه من الحرية كل واحد النهاردة مش هايسيب نصيبه من الحرية لحد تاني يأخده ... أو حتى يستلمه بداله كل المصريين خرجوا ... كأنه "فرض عين" ... وليس "فرض كفاية" يارب ... انصرنا وألف بين قلوب المصريين أجمعين مبروك علينا أول خطوات الديموقراطية

يعني تلاقي واحد معتبش التحرير و يحكيلك اللي حصل بالظبط و يحلف عليه يعنى لما تشترى أى جورنال متلقيش ملطوع فى أول صفحة: الرئيس مبارك يلتقى بعاهل المملكة يعني أجي اكلمك عن ناس بتموت...وأنت تقولي خلاص حوزع عليهم بنبوني يعني اسامة سرايا والقط لسه رؤساء تحرير لحد دلوقتي يعني ايه كوك زيرو ؟؟؟ ... يعنى الراجل اللى ورا عمر سليمان وبلوفر شفيق أشهر من نائب الرئيس و رئيس الوزراء السابق ىعنى الناس تعترض على ترشىح البرادى و ىسىبو عمرو مصطفى ىرشح نقسة يعني ايه كوك زيور .. يعني البرادعي عميل ومبارك ابونا الحنون يعني الاخوان يحضروا قداس والشباب يضرب تموره يعني نسيب الثورة و نسأل هو البنات اللي كانت في التحرير ده ملهاش أهل تامر آمين يرقص ويطبل للحكومة قبل التنحي وبعد التنحي يطلع يقولنا عفا الله عما سلف يعني التليفزيون والاهرام يساوي مظاهرات التحرير المليونية بالف واحد في مصطفي محمود يعني لاول مره تلاقي رئيس وزراء بيقول في التلفزيون : مليش فيه يا علاء يعني تغيير شعار الشرطة للشرطة في عرض الشعب

حاجه كدا خفيفه شويه ننشط بيها القسم دا بعد ما كان نام شويه بسبب الاهتمام الشهرين الى فاتوا على المواضيع السياسيه بيقول ايه بقى بيقولك اليابانيون يرون مالا نراه ....... هذه صـورة تحتـوي على كلمـات بلـغة غيـر مفهـومة انظر جيدا هل تستطيع قراءه المكتوب حاول جيدا مازلت غير قادر على القراءه اتعتقد انها كتبت بلغه غير شائعه حسنا الآن .... قم بشـد طرفي عينيك الى الجـانبين بإصبعيك لتكـون مثل عيـون اليابانيـين ستـرى الآن ماهـو مكتـوب في الصـورة وبكـل وضـوح ... بس ابتعدوا شوية عن الشاشة ... هههههههههه ها عجبتكوا :give_rose:

يظهر ان الواحد بقى هندي شديت عيني..... ماشفتش حاجة دخلت صباعي جوه عيني.. عيني وجعتني ومشفتش حاجة خااالص :closedeyes:

أعتقد لأن أغلب اللى صوتوا فى الاستفتاء الحقيقى, لا يدخلون على الإنترنت.

الباشمهندس قام بالتأثير بصورة مباشرة في نزاهة عملية الاستفتاء وقام بنقل 3 خمسات بعربة مستأجرة ليقولوا لا ولا يهمك طالما أنت مش إخوان خلاص لكنه لم يقل لهم ان التصويت بنعم نصر للإسلام و انقاذ لمصر وانه واجب شرعى التصويت بنعم

غلط يا زميلي الفاضل .. لإنك تتكلم بنفس لسانه الان وتصنف الناس كما صنفهم هو ... صحيح كلامك لكن لاتنسي انهم من يسمون الشيوخ خفافيش ظلام ويسمون النقاب خيمة ويشوهون في افلامهم صوره اي مسلم متدين باظهاره بتاع ستات وانه فاسد ويجب ان يخرج كل شيخ في الافلام علي انه مغفل ومتعصب بينما اذا تناولوا الاديان الاخري تراهم وقد ملأت اقلامهم زلاً وتزللاً فهم ليس عندهم موقف واحد من الدين بل هم ضد الاسلام حصراً

لن نجتمع على باطل ان شاء الله .. ونعم ولا إيد واحده

من اركتيكت : من 6 ابريل بخصوص الاستفتاء ,, http://www.youtube.com/watch?v=fZDPBtH5aec&feature=player_embedded

دى برطمة سماعاها جاية من نواحى البشمهندس .... architect باين عليها هلاوس سمعية ولا ايه ؟؟ هل وصل توراد الخواطر الي هذا الحد !! لقد مستني تلك الهمسات او ( الهلاوس ) الى درجة التطابق التام رسالة من العالم الآخر حبوب الهلوسة .. ياشيكو .. حتما :closedeyes:

دي كانت مشاهدة حضرتك الخاصة هي عندي أصدق ألف مرة من الخبر الذي أوردته

أختنا العزيزة : rewsha طبعا إنتي اشترطي علشان تكتبي إن أختك تكون شافت بنفسها وحضرتك مشفتيش وأخت حضرتك ما شفتش ولكن والشغالة هي اللي شافت المفروض إن الشغالة ثقة ( مش هتكذب يعني ) إذن سعد الحسيني غلطان بس الجملة اللي بالأحمر تنسف القضية من الأساس عارفة ليه يا أختي الكريمة لأن محدش بيكتب نعم ولكنه بيعلم صح فقط على نعم وسعد براءة والحمد لله والله أنا معرفوش وأنا مش إخوان شوف حضرتك .انا ماشوفتش .لكن الشغاله قالت لاختي(اللي هيه بتشتغل عندها) انها راحت هيه وامها واخدوا ال20 جنيه ...هيه هاتكذب ليه على اختي .....ده اولا ثانيا :حضرتك قلت ماحدش بيكتب نعم ..لكن كلنا كنا بنساْل بعض هاتقول ايه ... يعني هوه احنا كنا هانروح نقول نعم وله هانروح نعلم على كلمة نعم ؟؟؟؟ يعني سيبنا كل حاجه وهانتناقش في كتبت نعم... وله علمت على نعم ؟ انا قلت كتبت نعم ...بمعنى .علمت على كلمة نعم عموما دي مش مشكلتي انا باقول معلومه وصلتني ومش باشكك في حد وهاكررها تاني اقسم بالله العظيم 3 مرات .ان كلنا عاوزين مصلحة مصر .بس كل واحد شايفها بطريقته هوه تحياتي لحضرتك وكفايه بقى لاحسن اروح ابلغ عن الشغاله في الامن الوطني (وابقى عملت فيها جميل وخليتها من اول زواره)

يأخ اسلام أتمنى أن توفر وقتك وقتنا في التكلم في شيء مفيد في هذا الوقت الجميل الذي نعيشه الان لا اعرف لماذا نقل اخبار لا ارى منها سوى فتح باب للفتن والقيل والقال وبناء نظريات وتوهمات غريبة امس اول ماحدث الاعتداء على البرادعي على طول الاسلاميين هما الاي اعتدوا عليه والنهاردة ناقل لنا خبر ووجهة نظرك المتعصبة هي الاي حضرتك بتحاول تجبرنا قبولها هي المسيطرة عليك وأي شخص معارض يبقى هو من الاعداء كفانا تخوينا لا ناس لم نرى منهم الا الخير اتمنى ان توفر قلمك ووقتك لشيء يفيدنا وافكار تبني البلد وبلاش بقى الاتهامات والكيل بخميسن مكيال لكل ماهو اسلامي مثل هذه المواضيع يبغي الا يكون لا وجود بيننا

هي فكرة كويسة يا أستاذ : ريمون فقط لترضي بها الفاضل سي السيد أو كحل وسط بينكم طيب أمشي معاك على قد فهمي وتفكيري فقط حضرتك مش عايز تناقض في مسألة الطعن على قانون العقوبات الإسلامي إذا كانت الشريعة هي المصدر الأساسي للتشريع طيب التناقض هيحصل لما تكون هوية الدولة هي الإسلام وقوانين لا تستمد من شريعته ما عدا قانون الأحوال الشخصية فقط ولا كلمة دين الدولة هو الإسلام مسألة شكلية وخلاص يعني حاجه رمزية يا سيدي ليس المطلوب المسمى والشكل لكن العرض والجوهر أنا عايز أقول إن الشريعة الإسلامية تطبق على المسلمين فقط ولا يلزم بها غيرهم بنص القرآن الذي يأمر بأن يحكم أهل الإنجيل بما أنزال الله فيه إيه المانع لو المسلمين كانوا عايزين يطبقوا قانون العقوبات على أنفسهم ما المانع ؟ من يخاف من الحدود ؟ نحن المسلمون نعم سنتجنب فعل الفواحش والقتل والسرقة طالما فيه حدود فيها نصوص قطعية ليس فيها أدني خلاف صدقتني كلنا هنأمن على أموالنا وأنفسنا وأعراضنا إذا طبق حد واحد فقط على مرأي ومسمع من الناس صدقني أموال كتير مش هتتسرق أنفس كتير مش هتموت أعراض كثيرة مش هتنتهك ليه حشرتنا في خانة ضيقة وبعدين قلت إيه الحل وسع لنا المساحة ربنا يوسع عليك العقوبات الموجودة الوقتي أشد وأقسى ولم تمنع الجريمة الجريمة هيمنعها ربنا لأنه أعلم بالداء وأعلم بالعلاج إذا نفذ حد واحد تنفيذ العقوبات مش شيء دنيوي بس دنيوي وأخروي بالنسبة للمسلم وفيها رحمة بالمجتمع كله لأن يدا ستقطع تروع الناس وتنتهك حرماتهم أقسم بالله أنني أرضى لك أن تحكم بالأنجيل كما أنزله الله لأن فيه الخير لك طالما هو منزل من عند الله ما المانع أن ترضى بأن أحكم أنا وأنت بما أنزل الله كل وفق كتابه وشريعته المستمدة منه هذا رأيي وللحديث بقية إن شاء الله

دى برطمة سماعاها جاية من نواحى البشمهندس .... architect باين عليها هلاوس سمعية ولا ايه ؟؟

بغض النظر عن صحة تفاصيل الخبر .. فالانطباع اللى انا اخدته من الخبر.. بلورته من نهاية الخبر .. هذا الخبر مجرد دعايه ((تييييت))للفيلم ..مستغلا الاسلاموفوبيا المصاب بها البعض هذا رأيى((الذى قد يكون يشوبه ضيق الافق)) مع وافر الاحترام والتقدير للاراء الاخرى

الفترة القادمة تحتاج لتدقيق الأخبار بشدة مش كل خبر نقبله ومش كل خبر نبني عليه تصور للمرحلة القادمة وبخاصة ماسورة أخبار الإٌسلاميين اللي أتكسرت دي كل يوم ما لا يقل عن 10-15 خبر عن الإسلاميين ما بين أخوان وسلفيين وجهاد و و و وطبعا الناس دول معندهمش متحدث إعلامي ينفي ولا يثبت ولا حاجة ولا عندهم جهاز إعلامي يظهر الصورة الحقيقية

شيكو يا قلبي كل سنة وانت طيبة انا جيت فى الاخر قولت استني واتاخر شوية - لما احوش فلوس فى الحصالة بتاعتى علشان اجبلك هدية جميلة بس الحمدالله انى لحقت الحفلة قبل ما تخلص انتم طفيتو الشمع ولا لسة ؟؟ طب قطعتو التورتة ولا لسة ؟؟ احلى هدية لسة بدور على اغنية حلوة يا شيكو ووووو

افرحى يا زيناااااااات كتاكيتوووووووووو بقيت الوان ...... والبنى ....راحت عليه .....

هو ده يعنى نصرة المسلم لاخوه المسلم مصلحة كل واحد بيدور من اين تؤكل الكتف فيه فلوس يبقى هدخل وادافع عنك مفيش يبقى خلاص اتحرق بجاز طيب ترضى لو حصل لمصر حاجة قطر تقول هدخل ادافع عنكوا بس هاخد الهرم الكبير اظن ان دور مصر الريادى والمحورى يبقى اكبر من كدة بكتير

صباح الخير عليكم كلكم بجد كان نفسى ادخل امبارح احكى فرحتى بمصر بس النت مكنش تمام بجد بجد مصر كانت فى عيد امبارح المنصورة عندى هنا كانت كرنفال بجد كل اسرة واخدها شبابها و بناتها وواقفين بالعربيات امام كل اللجان والله العظيم لو شوفت حجم المشاركة و العدد و الطوابير لازم تبكى و جسمك تسرى فية رعشة غريبة فرحة غامرة وكل كل شوية تردد دى مصر الله عليكى يا مصر الله روحت وقف فى طابور لا يقل طولة عن 600 متر فى حوش مدرسة كبير الطابور بيزيد كل شوية فى فرحة من كل الناس الستات كلها بتدعى دعاء واحد يارب يكون الثورة وشها خير على مصر كل الناس بتدعى ربنا يحمى مصر كل الستات و البنات واقفين يدعوا على النظام السابق و يقولوا منك الله كنت حرمنا من فرحتنا دى الاحلى ان فية ست بتكلم صحبتها و بتقولها خلينى اقف قدامك انا تعبت و الطابور طويل قالت لااااااااااااا الزمن دة انتهى احنا فى حرية و ديمقراطية روحى اقفى و خدى صفك كل واحد ياخد حقة انتى فاكرة اننا زى زمان العدل و المساواة وفعلا رجعت وقفت فى الطابور بجد انا فرحانة جدااا الاحلى فى الفلاحين و الله كل الناس حتى المريض و العجوز و الله فى ناس متشالة على كراسى و مدخلها تصوت برايها الكل بيقول دة حق الشهيد علينا يارب كملها على خير يارب يارب تفضلى يا مصر رافعة راسك و نفضل كلنا نقول ارفع راسك فوق انت مصرىىىى

أخواني أخواتي .....في هذا اليوم التاريخي أحب أشكركم من كل قلبي لكل اللي شاركنا فرحته خايفة أذكر اسم وانسي اسم حد يزعل بس كل الكلام ودش المشاعر كان جميييييييييييييييييييييييل وفوق الوصف حبيبتي مصراوية مش عارفة أشكرك أزاي إنك جمعتي لنا كل المشاركات دي ونقلتيها لنا مخصوص هنا أنا أول ما دخلت المحاورات النهاردة أعتقدت إن موضوع متابعة الاستفتاء خاص بمتابعة الأخبار وبصراحة انكسفت أحط مشاركتي فيه لأنها مش خبر هو يمكن يكون كلام مش منمق ومرتب بس مشاعر في قلبي وحبيت أصرخ بها بعلو صوتي معاكم لأني بجد بحبكم كلكم قوي قوي أنا كتبت مشاركتي هنا قبل ما اكتب أي حاجة علي الفايسبوك أو تويتر حيث يسكن أصدقائي من العالم الواقعي وبالرغم من إني مدمنة للفايسبوك وتويتر إلا أني حسيت إن أول ناس عايز أشاركهم فرحتي وهبلي وأنا فرحانة ومزقططة هم أهل المحاورات لأنهم بجد بيحتلوا جزء كبير من قلبي بالنسبة لسؤال فتفوتة علي موضوع الصورة وإحنا فين في الصورة أنا طبعا اتصورت مع صباعي لأنها لحظة تاريخية يا جماعة بس حاولت جاهدة أني أخلي الصورة بتاعتي تبقي أنجلينا جولي أو ديمي مور الفوتوشوب طلع يجري وهرب من الكمبيوتر خالص وعمل ثورة وطبعا حفاظا علي مشاعركم ياجماعة وعلي صورتي في أذهانكم مقدرش خالص أحط صورتي ممكن أحط صورة الصوباع لوحده تصدقي يافتفوتة أني اتصورت أنا وماما مع بعض بصوابعنا ومع علم مصر وأخي العزيز الرزل رفض يتصور وحسسني أني انسانة تافهه (أنا أكبر منه ب7 سنين) أستاذي الفاضل جدا أبو محمد لو أعرف أن عنوان الموضوع هيمنع مشاركة حضرتك كنت خليته أنا والصندوق وبس وماكنتش كتبت أول لقاء دي أنا استمتعت جدا بالحوار مع حضرتك في موضوع مناقشة التعديلات وفهمتني حاجات مكنتش فاهمها وأنا سعيدة إن حضرتك شايف النهاردة يوم استثنائي بالرغم من أنه مكنش أول لقاء مع الصندوق بصوا يا جماعة مع ختام اليوم وخلاص اللجان اتقفلت والفرز بدء عايزين إحنا كمان نعمل حاجة لطيفة جدا ننسي كل واحد كان مؤيد لإيه ونفكر هنبني مصر بكرة إزاي؟ أيا كانت النتيجة اللي كان مغير صورة البروفايل بتاعته هنا أو في الفيسبوك لنعم أو لا يشيلها بقي ونرجع لصورنا أو لعلم مصر وهنا في المحاورات اللي كان حاطط في توقيعه نعم أو لا للتعديلات خلاص مفيش داعي نتفرق نشيلها خالص ونحط علم مصر ونفكر إننا كلنا نحلم ببكرة اللي أنا متأكدة أنه جميل بالرغم من إن المؤشرات الأولية للاستفتاء بتقول إن النتيجة هتطلع عكس ما أنا صوت لكن هي دي الديمقراطية وسواء اللي قال نعم أو اللي قال لا قالها من باب حب مصر وليس مصلحة شخصية فهيا نبدء في الالتفات إلي الحب الحقيقي لمصر ونوحد صفوفنا تاني بعد ما اتقسمنا مع الثورة وضد الثورة ومع التعديلات وضد التعديلات خلااااااااااااااااااااااااص إحنا مصرين والنهاردة أثبتنا ملكيتنا لهذا البلد فيلا نبني فيها ومش هنعرف نبني إلا وإحنا بنحب بعض بحبكم كلكم وختاما أحب أطلب منكم الفاتحة علي أرواح الشهداء ودعاء لأهلهم بالصبر سألوا الشهيد توصينا بإيه قال ماتنسوش أنا مت ليه http://www.youtube.com/watch?v=btXZMh5tHDA

جميل الحوار ده أحييك :clappingrose: فيه نقطة .. الشريعة و احكامها في الاسلام ليست مقصورة على الاحوال الشخصية هي تحكم المعاملات المادية مثلا و رأي كثير من المسلمين انها تحكم أوجه حياتنا المختلفة اما بنصوص خاصة او قواعد عامة اما بالنسبة للمواطنة و الحقوق .. فاعتقد ان هناك اجتهادات كثيرة بشأنها و أهم ما في ديننا .. أنه لا وصاية و لا وساطة أحييك مرة اخرى على رايك و الحوار

نفس الكلام ,, اغلب البسطاء والاقاليم صوتت بنعم ,, نحترم رأي الغالبية من الشعب ونستعد للمرحلة المقبلة ان شاء الله ,, خليهم يجربوا الاخوان والسلفيين مش مشكله 4 سنين نصبر ونشوف ,, احتمال يطلعوا كويسين ,,

هو في أيه ياجماعة هو كل المشتركين في المحاورات مغتربين مفيش حد وصفلنا مشاعره في لقاءه الأول مع الصندوق وإن شاء الله مش هيكون الأخير هو أنا والأستاذة هند بس اللي موجودين في مصر والا أيه طب وحياة فرحة اليوم اللي أحنا فيه شجعونا بكلمتين وكل واحد يقول هو حس بأيه وهو واقف أمام الصندوق أنا بصراحة من إمبارح وفي جملة كانت منتشرة علي الفيسبوك وتويتر وعجبتني جدا وحسيت بها قوي يادي الكسوف أول مرة أقابل الصندوق أقول فيها لأ....... طبعا ياجماعة أنا مش هأقول لحد أنا صوت بأيه وأنا أثق تماما في ذكاء المواطن المصري هتصدقوني لو قلت لكم أني مش قادرة لغاية دلوقتي أشيل عيني من علي صباعي الفسفوري وبأفكر أشتري حبر فسفوري وأبقي أحط منه كل يوم وأهي تبقي موضة جديدة المهم يا جماعة أحكي لكم عن مشهدين من اللجنة اللي صوت فيها مشهد سيدة عجوزة جدا جدا ومريضة مش قادرة تمشي وجايه بتتعكز علي ابنها ومصرة أنها تعطي صوتها ومشهد تاني رجل كبير علي كرسي متحرك ومصر أنه يطلع للدور الأول مكان اللجنة عشان يقول رأيه معلش مشهد ثالث عشان خاطر أختكم شفت واحدة ست جاره معاها 3 أطفال من سن سنة إلي 5 سنين وواحد رضيع علي أيدها برضه جايه ومصرة تقول رأيه فكركم ده كله ليه؟! لأن كل واحد من دول حس فعلا إن صوته هيفرق وأن البلد دي بتاعته وموضوع "صوتك أمانة" ماعدتش أكلاشيه مستهلك في اعلانات الحزب الوطني لأ الحلم بقي حقيقي وافرح يا قلبي وغني يادريم مع حمزة نمرة احلم معايا http://www.youtube.com/watch?v=zHZbZm69PCE بعد ماغنينا .....مع فاصل كوميدي من بعض التعليقات اللي سمعتها النهاردة ومن علي الفايسبوك وتويتر صوباعي فسفوري ....وهأغير دستوري smk: لو صوباعك مش بامبي .....امشي ماتقعدش جنبي :P السيد حسني مبارك بيصرح: يحز في نفسي ما ألاقيه من بعض بني وطني من الأقبال علي صناديق الاستفتاء :protest: فاصل وفي انتظار مشاعركم ياجماعة فرحونا معاكم ولا أنا هفرح لوحدي

عزيزتى استاذه ريم واضح اننا كنا بنكتب رد فى نفس الوقت. حتى لا اكرر الكلام, ارجو من حضرتك قرائه مداخلتى مره اخرى الملخص هو ان سبب المشكله عدم وضوح حدود هذه الماده. هل لتحديد الهويه الدينيه للبلد عموما ام انها دعوه لبناء دوله اسلاميه كما فى مداخله الاستاذ رضا http://www.egyptiantalks.org/invb/index.php?showtopic=118341&pid=713625&st=0entry713625 اعتقد اننا يمكن ان نعيد صياغه هذه الماده لنوضح مغزاها و اقتراحى ان تصاغ الماده بان تحدد الهويه الاسلاميه للبلاد (على اساس تاريخى) و ان تلزم المشرع باحترام الشريعه فى الاحوال الشخصيه بالطبع هناك الكثير من الافكار و انا متاكد من وجود صياغات افضل من صياغتى لكنها دعوه للحوار انا ارفض الصياغه الحاليه للماده. و ان اقرت بصياغتها الحاليه فى استفتاء مقبل ساتعايش مع النتيجه لكنى سأظل احاول اعاده صياغتها بالطرق القانونيه و اولها الحوار مع اصدقائى مثلما افعل الان :)

انا زيك برضه يادريم بس دى اول مرة ياختى رجلى تخطى الشارع ايام الانتخابات واحنا خارجين من اللجنة من مدرسة بنتى بيبتى ومنظر الناس وهى ماشية بطول الكورنيش عطانى احساس العيد والناس رايحة تتجمع فى ساحة المحكمة على البحر عشان الصلاة نفس المنظر الفرق انه مافيش معاهم اولاد صغيرة كمان تواجد ظاهر للاخوة المسيحين بغض النظر عن قولة نعم او لا المنظر يسعدك بجد من غير هرج ولا قلة ادب كله واقف فى الطابور كل انتخاب وانت طيبة كل انتخاب ومصر قادرة تثبت انها ام الدنيا بجد مش كلام وبس

http://www.youtube.com/watch?v=SNCingUJAoM تقول لأ و اقول لأ اياك تقول الآه دستور حق ترقيع لأ مش هنعيد المأساه

أي نصوص دينية مُعطلة لأي أسباب .. لا يعني بالضرورة إلغاءها .. وبالتالي مش عشان حكومتنا لا تُطبق الشريعة في كثير من القوانين .. يبقى خلاص نلغي المادة الثانية اللي بتنص على إن الإسلام المدصر الرئيسي للتشريع وإن دين الدولة الرسمي هو الإسلام .. وبالتالي من المفروض إن كل القوانين تكون لا تتعارض مع الإسلام .. خصوصاً فيما يخص الأحوال الشخصية وما إلى ذلك .. وخلوا بالكم إن إلغاء هذه المادة سيعود بالوبال علينا جميعاً مسلمين ومسيحيين .. وما مؤتمر السكان اللي عُقد في شرم الشيخ أعتقد ببعيد .. ومناداتهم بإباحة الشذوذ والزواج المثلي .. وإن جسد المراة يبقى ملكها وتعمل اللي هي عوزاها .... و و و و و و و وحتى غير السملين اللي عاوزين يلغوا المادة دي عشان يبقى الدستور حلو وأمور ... نفسي أعرف الأسباب وهي مضيقاهم في إيه ؟

عيبه والله في حقكم اوي وانقصت من قدركم الكثير ,, رخيص اوي الاسلوب ده ,, يا الف خساره ,, الكل حيقول آدي مستوى الاخوان شوفوا المناظر شكرا يا مؤدب

الموضوع ابتدى بلافته ( تحريم الاخوان لقول لا) و بعدين الاخوان انكروها لحد كده كويس قوى و اذ ان على اخر النقاش كل المدافعين عن الاخوان بيتهمو المخالفين بالكفر و الزندقه و الله حاسه الى بيدافعوا عن الاخوان بطريقه ديه ذى الدب الى قتل صاحبه

أنا لى مشاركة حديثة فى موضوع آخر .. ألقى عليهم فيها بتهمة الميكيافيللية واستغلال الديموقراطية التى لا يؤمن بها بعض قيادييهم ، ويعتبرها معظم من خرجوا من تحت عباءتهم رجزا من عمل الشيطان .. وأنا لا زلت عند رأيى الذى تكون على مدى فترة طويلة من القرب من بعض قيادييهم .. وأنا أصدق شعارهم الذى أطلقوه : "مشاركة .. لا مغالبة" كان هذا - أيضا - إستهلالا لابد منه :) ولكنى أرى فى مشاركتهم - فى الوقت الحالى - مخرجا لمأزق حقيقى .. ومحنة طاحنة ستطال الجميع لو تركت إلى أن تصل إلى مستوى الكارثة .. وصدقونى : الكارثة ليست عنا ببعيد دعونا نخرج من النفق المظلم .. وعندما يأتى وقت المغالبة ، سيكون من لا ثقة لهم فى أنفسهم قد اشتد عودهم ووجدوا تلك الثقة الغائبة حفظ الله مصر من كل مكروه

لو بعت شهادات الكورسات هيكون التقدير مازال راجع ليهم في الانترفيو، اما لو دخلت التي او اف...هيكون الاسكور بتاعك هوه الحكم وهتعرف بالضبط هتاخد كام نقطة

خبر عاجل (منقول): أعلنت وزارة الصحة فى بيان لها أنه رغم كل الجهود المبذولة لفصل التوأمين مسلم ومسيحى فقد فشلت العملية الجراحية و قرر طاقم الأطباء إلغاء العملية بعد ان اكتشفوا أن التوأمين لهم قلب واحد لا يمكن تقسيمه. من جهة اخرى قد صرح التوأمين أنهما قررا أن يعيشا ملتصقين إلى الأبد