لوحة القادة

دكتور محمد البرادعي أنا آسف ومعى كثيرين من المصريين يشعرون بألم نفسى لما اصابك من هجوم ثلة من البلطجية أستأجرتها ثلة فاسدة وإنضمت اليها ثلة مغيبة لمهاجمتك أنت وصحبك. أشعر انه لم يكن هجوما عليك وحدك ، بل كان هجوما على كل شعب مصر الإصيل الذى يعرف معنى الوفاء ويحفظ الجميل. لم يخطر ببالى وأعتقد انه لم يخطر ببال غالبية المصريين أن نرى ماحدث معك فى المقطم. لولا أننى أعلم طبائع المصريين جيدا ، لظننت أن الشعب المصرى " قليل الأصل" ولكننى أعلم ومتأكد كما أنت متأكدا أيضا أن ماحدث لم يكن تصرف عشوائى من أفراد يختلفون معك سياسيا. لدى إعتقاد يشبه الإيمان أن ماحدث كان مدبرا ، حيث أن توجهك إلى تلك اللجنة كان معلوما مسبقا ومن هنا كان الإستعداد من خصومك وهم متخصصون فى حشد البلطجية ، وليست موقعة الجمل ببعيدة ، ناهيك عن تواجدهم فى كل انتخابات سابقة. لاتحزن يادكتور ، إن من قاموا بذلك ليسوا من الطينة المصرية النقية التى أنجبت وأنبتت العظماء. أنت قامة كبيرة بفكرك وعملك ونحن نقدر لك قولك كلمة الحق فى وجه سلطان جائر ، نقدر لك انك ايقظت فى المصريين روحا كانت قد نامت لعقود وانت من حفزتهم أن يطلبوا حقهم بأنفسهم وليس عن طريق المخلص. http://www.youtube.com/watch?v=k6cA4mC_mhM

علمتني ماما الصبر ... هاولع فيك بس «بعد» ما تمشي الضيوف الترقب .. طيب، استني بس لما بابا يرجع البيت وأنت تشوف. الخيال .. لما تقع ورقبتك تنكسر ماتجيش تعيط الغموض ... لما تكبر وتبقي قدي هتفهم أنا عملت كده ليه ! التدين .. إحنا لقيناك علي باب الجامع؟؟ علم الجينات .. أنت نسخة من ابوك الاعتماد على النفس .. لما تتأخر باليل شوفلك حتة تبات فيها الرؤية الشاملة واتساع الأفق ... ابعد عن التلفزيون يا ولد بس برضه ست الكل :copied:

السيد المحترم د. محمد البرادعى أؤكد أننى - لو رشحت نفسك للرئاسة - لن أنتخبك .. ولكنى علقت بمجرد ورود الخبر بالاعتداء عليك بأن الحادثة هى "أول بقعة سوداء فى ثوب الزفاف الأبيض" .. وهى أول ثقب فى ثوب الديموقراطية الذى نتمنى أن يسترنا أيا كان المعتدى ، فهو - قبل أن أعرف من هو - عدوى الذى يريد أن يغتال حلمى برؤية عرس الديموقراطية ، ويقتل أملى فى ثوبها الذى أتمنى أن أتدثر به قاتل الله من قاتلك وأشهر فى وجهك سلاح الهمجية والجاهلية أعتذر لك بالنيابة عن كل الشرفاء الذين عارضوك وقالوا "نعم" فى الاستفتاء من أجل الاسراع فى ممارسة الديموقراطية .. فكونك قلت "لا" وكنت من دعاتها لا يعطى أى أنسان الحق فى أن يغتال حريتك وحقك آسف يا دكتور

بعض الأصوات الأن وعلى حسب الأخبار التي قراتها ومنها الجمعية الوطنية للتغير وشباب لدعم الثورة ... بتنادي بمظاهرت يوم الجُمعة للإحتجاج على نتيجة الإستفتاء !!!!!!!!!!!! عفواً .. إحنا كده خرجنا من عباءة الديمقراطية وتقبل نتيجتها .. إلى عباءة " لعب العيال " وهنا لازم القانون يكون له دور أومال سيادتكم عاوزين ديمقراطية تفصيل على مقاسكم ؟ ولما نعمل إحتجاجات ومظاهرات وجُمعة الغضب ... هايكون مطالبكم إنكم تلعبوا الدور من اول وجديد ؟؟؟؟

دكتور البرادعى - انا اسفة وهؤلاء لا يمثلون الا انفسهم - ولا يمثلون الشعب المصري المحترم دكتور البرادعى - رصيدك زاد فى قلوبنا جدا - ورصيدك زاد فى عقولنا وقمنا بتحليل امور كتير ما كناش واخدين بالنا منها انت غير مرغوب فيك فقط من قبل هؤلاء - خفافيش الظلام - ومن هم لا يريدون لمصر الديمقراطية والمدنية لذلك ظهر الحق عند اول خفاش - رمى بحجر على شخصك المحترم ظهرت هذه الايدي فى الافق وظهر هذا الفكر الاسود الذى نعرفه جيدا الذى يستطيع ان يضحك على بسطاء الفهم ومحدودى التعليم ولا يستطيع ذلك على المثقفين لن نتركك - ومعك والى الامام - ومزيد من الديمقراطية دكتور البرادعى مهما يقال من اتهامات وتشكيك فى وطنيتك - فما حدث من وجودك فى كل الميادين لحظة بلحظة - ما هو الا دليل اثبات على وطنيتك وحبك لهذا الوطن وتحملك كل هذه المعاناه والاهانات من اجل توصيل رسالتك بكل احترام وادب ودون اللجوء الى الهمجية او البلطجة دكتورى البرادعى خالص احترامى وتقديري

استاذة Emy eldery الفديو المنشور يخص استفتاء عام 2007 ويلاحظ فروق عديدة في ورقات الاستفتاء التي تم تزويرها، وبين الورقة التي يتم التصويت عليها في الاستفتاء الحالي، حيث انها مجمعة كدفتر أو ككتاب، فيما كانت ورقة التعديل الحالي مزدوجة، إضافة إلى أن الورقة القديمة تبدأ من ناحية اليسار في الفيديو على عكس الورقة الحالية. http://www.masrawy.com/news/egypt/politics/2011/march/19/video_vote.aspx ثانياً عدد المسيحيين في مصر لايتجاوز في احسن الاحوال الـ 5 ملايين بل هم اقل من ذلك ويمتلكون حوالي 3 مليون صوت انتخابي وكان من مزايا هذا الاستفتاء ان وضح حجم المسيحيين في مصر لأن هذا الرقم كان يتم تضخيمة دائماً لأغراض سياسية وهذه هي نسبة المسيحيين في كل التعددات التي جرت في تاريخ مصر وبعضها برئاسة اقباط وبعضها تحت اشراف انجليز لايعقل انهم كانوا يجاملون المسلمين

شوف يا أخ تونسي في فارق بين اني اقول ان الشعب المصري لم ينضح ديمقراطيا بعد ... يعني أقرر الحقيقة دي .. عشان أغيرها وبين إني أقول أنه لم ينضج ديمقراطيا بعد .. عشان أبرر لنفسي الديكتاتورية اللي بحكم بيها .. وأنا قلتها من قبل ... تعلم الديمقراطية يشبه تعلم المشي لما الطفل بيبتدي يمشي غالبا بيقع هل معنى ده اني امنعه من المشي عشان ما يقعش ؟ لا طبعا هخليه يمشي بس هاخد بالي منه ... لو النظام السابق كان جاد فعلا في محاولة نشر ثقافة الديمقراطية ... كان بدأ بعمل انتخابات حرة في الدوائر السياسية السفلى زي انتخابات المحليات مثلا ... انتخابات اتحاد الطلاب مثلا دي انتخابات مش هتأثر على مصير البلد في حاجة ... ممكن لو عايزين نعلم الناس الديمقراطية صح ... كنا نبدأ بيها ... مرة والتانية الناس هتبتدي تعرف على أي أساس تختار ومين هو الأصلح ... وشوية شوية نرتقي لحد ما تبقى في نتخابات حرة لمجلس الشورى وبعدها بشوية انتخابات مجلس الشعب ثم الرئاسة وهكذا ... لكن النظام القديم لأنه لا يؤمن أصلا بالديمقراطية كان بيزور كل الانتخابات لأنه نظام ديكتاتوري لا يؤمن إلا باحتكار الحكم والديكتاتوريين هما أعدى أعداء الديمقراطية... مفيش شعب من شعوب العالم تعلم الديمقراطية مرة واحدة يا تونسي. التعلم دايما بييجي بالخطأ. اغلط ومن ثم اتعلم من غلطي وللعلم كتير من الشعب المصري كان مرتاح للحكم الديكتاتوري لأن الحكم الديكتاتوري بيشيل عن كاهل الشعب مسؤولية التفكير في مصير البلاد فالناس تريح نفسها وتقولك احنا مالنا ... دي بلدهم هما ... يعني باختصار الرضا بالحكم الديكتاتوري هو حيلة نفسية للتهرب من مسؤولية المشاركة في مصير البلاد ... لأن فعلا دي مسؤولية .. مسؤولية كبيرة جدا أنا اعرف ناس قبل ما يروحوا الاستفتاء ... صلوا صلاة استخارة جميع شعوب الأرض يمكن أن تعيش في شورى و ديمقراطية فقط إذا الشعب يوما أراد الحياة

الاصلاح العاطفي بعد ما مشي مبارك و ساب الدنيا مكركبة بعده ، و الشعب عليه انه يبتدي في الاصلاحات في كل مجال اتكلمنا عن الاصلاح السياسيي و التشريعي و الاقتصادي في موضوعات كتير انا قلت بقي اكتب موضوع عن الاصلاح العاطفي اللي حنبتديه في العهد الجديد و ازاي نصلح ما تم افساده ، اما اسباب الحالة العاطفية اللي مش بخير ، البطالة اللي رفعت سن الجواز المرتبات الضعيفة اللي خلت الزوج يشتغل شغلتين ، و البيت بقي بالنسبة ليه فندق ياكل فيه و ينام مناهج التعليم اللي حاطينها مش خبراء التربية ، خبراء النكد عشان يقرفوا الناس ، و بقت الزوجة يا دوب قاعدة طول اليوم وسط الكتب و الكراريس عشان تحصل قطر التعليم السريع و تلحق تلاقي لأولادها مكان اما اميرة الاحلام اللي كانت في القصص القديمة بتجمع الزهور و بتغني مع العصافير ، بقت في ثانوية عامة و بتقطع في شعرها من صعوبة الامتحانات و ايديها مليانة حبر من كتر المذاكرة اما فارس الاحلام اللي كان بياخد الاميرة علي الحصان الابيض ، دلوقتي ييجي يقولها انتو حتجيبوا ايه في العفش و احنا حنجيب ايه ، حكومة مبارك كعادتها كانت بتكدب علي الشعب ، و و يقولوا ان الحالة العاطفية عند الشعب بخير و ان البلد مليانة دباديب وورد احمر خصوصا في عيد الحصبة المسمي بعيد الحب اللي كل الناس لابسة احمر فيه ، و برضو الاعلام المصري كعادته بيضلل الناس و تلاقي المذيعيين و المذيعات لابسين احمر اما امتي الحكومة الجديدة حتبدأ خطوات الاصلاح العاطفي ، لازم الاصلاح الاقتصادي الاول ، و طبعا قبل الاصلاح الاقتصادي الاصلاح السياسي ، و قبله الاصلاح التشريعي وكمان خطط الاصلاح الاقتصادي دي خطط طويلة الاجل يعني خطة عشرية و خطط 50 سنة انا برضو عايزة يتم محاكمة مبارك ، بتهمة لم توجه له من قبل ، تهمة التنكيد علي الناس ، فأيه رأيكم دام فضلكم خطوات الاصلاح العاطفي في الحكومة الجديدة حيبقي خطواتها أزاي ؟

وعشان كده مصر يا ولاد حلوة الحلوات جريدة المصري اليوم - بقلم د. أيمن الجندى ١٢/ ٣/ ٢٠١١ لم أملك نفسى من البكاء وأنا أقرأ هذا المقال الودود عن أمنا الحبيبة مصر، الذى كتبه الأديب السعودى «محمد الرطيان» ونشره فى جريدة «المدينة» السعودية، واختار له هذا العنوان الجذاب «وعشان كده مصر يا ولاد حلوة الحلوات». أشكره من أعماق قلبى باسم مصر وكل عشاق مصر. أترككم مع المقال النثرى البديع. ■ ■ ■ إن كانت مصر (أم الدنيا).. فهى من باب أولى أم للعرب جميعا. وأى عربى لا يحب مصر فتأكدوا أن فى قلبه خللا ما.. وأى عربى يكرهها فتأكدوا أنه ابن عاق! ■ ■ ■ عودوا لطفولتكم أيها العرب: أول طبيب عالجكم.. مصرى. أول معلم درّسكم.. مصرى. أول كتاب قرأتموه.. كتبه مصرى وطبعته مطبعة مصرية. أولى حركات التنوير.. كانت تأتى من مصر. أولى الثورات.. مصرية. أول الشهداء.. مصريون. وأنا أحب مصر بكل ما فيها: من غلابة، وأناس طيبين، وفقراء. ورغم أنهم يعيشون فى المقابر يعرفون كيف يضحكون ويؤلفون النكات. أحبها: بعلمائها، ومثقفيها، ودعاتها، وفنانيها... ولا تقولوا لى: لا يجتمع فى قلب مؤمن حب (وجدى غنيم) و(محمد منير) لأننى أعلم بقلبى منكم. ■ ■ ■ إنها مصر التى استطاعت أن تُصدّر لنا (لهجتها) كأنها لغة ثانية لنا.. وهى تخبئ روحها الحلوة فى لهجتها. إنها مصر التى تشعرك من أول لقاء: «كأنها واحدة من العيلة».. مصر التى تدخلها كأنك تدخل بيتك. ■ ■ ■ كتبت سابقاً: إذا غنّت مصر.. رقص العرب. وإذا أنجبت «عمرو دياب» ستجد له نسخة فى كل عاصمة! وإذا غنى «عبدالحليم» – خليّ السلاح صاحى – أخرج العرب كل أسلحتهم من مخازنها! وصار رمى اليهود فى البحر خياراً استراتيجياً لكل العرب. أما إن جنحت للسلم، فاعلم أنه – حتى مقديشيو – سيصبح السلام خيارها (وبطيخها) الاستراتيجى! إنها مصر: إذا «تحجبت» سيصبح «الحجاب» أكثر الأزياء رواجاً وإذا أطلقت لحيتها فسيقل عدد الحلاقين من طنجة إلى ظفار وإذا خرجت للشارع وهى تحمل بيدها قنبلة وساطورا.. فاعلم أنك سترى هذا المشهد بعد سنة، سنتين، عشر.. فى شوارع أخرى. و: إنها مصر.. البهيّة.. الولاّدة: تنام، ولكنها لا تموت. ■ ■ ■ يا رب النيل..احفظ بلاد النيل والمواويل من الجفاف. يا رب الغلابة.. احفظ الغلابة من المعتدين. يا رب مصر.. احفظ لنا أمن مصر. ■ ■ ■ انتهى المقال. قولوا معى: «آمين».

السلام عليكم ورحمة الله وبركاته لا يملك المرء دموعه وهو يشاهد هذا المقطع ولابد أن يلوم نفسه ويشعر بالتقصير الشديد في حق كتاب المولى عز وجل أتركم مع المقطع هلموا إلى القرءان

السيد الغالي محمد البرادعي انا لن اعتذر أصالة عن نفسي و لا نيابة عن غيري انا لن اعتذر اطلاقا اعلم اني سعيد غاية السعادة لا للاعتداء عليك سيدي و لكن لان الذي حدث سيكون بمثابة ناقوس يفتح اذهاننا عن اعداد حملة تليق بك و بتاريخك المشرف حملة نستطيع بها ان نغزو عقولا مغلقة .. لنفتحها .. لنريها معني النور و اثره ف الانسان ايها الرجل الذي ضحي بالكثير من وقته و من أن يستلذ بأواخر العمر مناضلا في سبيل هذا الوطن لاستعادة حريته أبشر فالقادم أجمل

ليه كده؟؟؟؟؟؟؟؟؟؟؟؟؟؟؟ ليه بتفكروني ليه كل ما احاول انسى شكله حد يحطه في وشي كده مغتربة حبيبتي فكرني اول ما الباشمهندس يرجع اروقه بنقطه حمرا عشان الحالة النفسية السيئة اللي بقيت فيها دلوقتي انا ياختي و لا عمري اختارته في حياتي يعني بقالي 23 قصدي 24 لا قصدي 30 يووووووووووووووه 34 سنة و انا مش طايقة شكله عاجبكم كده اديني افتكرت سني اهو الله يسامحكم الله يسامحكم

قصه بسيطه جدا هديه لكل ام فى عيدها

والله انا بفكر ابتدي بنفسي في موضوع الاصلاح العاطفي ده واتجوز تاني :closedeyes: بس المشكله بيزعقوا عندي في البيت علي الحاجات دي :protest:

الاخوة الاداريون الاعضاء يريدون رفع الحظر عن المحاور اركتكت وإلا ميدان التحرير عنا ببعيد هههههههههههههههه ياريت يتم رفع الحظر عنه لاننا المفروض نعيش مرحلة مهمة جدا في حياتنا ونريد ان يكون هذا الوضع شامل في حياتنا والمنتدى ماهو الا صالون سياسي ثقافي لابد وأن يسع لكل الاراء والله رغم اختلافي الدائم مع اخي تيمور الا انني اتمنى من الاخوة الاداريين رفع الحظر عنه لكي يشارك معنا ويثري المنتدى بأرائه ومواضيعه والله من وراء قصد

فعلا الف مبروك لمصر نسبة التصويت تدل ان فيه ناس كتير اتغيرت واصبحت تشارك لكن برضه في ناس مش عاوزه تشارك حتى يومنا هذا لازم نعرف ليه ونحاول نقنعهم يشاركوا نقطه تانية هامه ان اشاهد واسمع هذا الكم من استخدام فزاعة الدين لحشد الناس في اتجاه معين هو ظاهرة تثير القلق بالفعل قالوا الكنيسة تقول لناسها قولوا لأ ثم عادوا ونفوا ذلك وقالوا بل هو رأي شخصي لكل مشارك وقالوا المساجد - سمعت بنفسي خطبة جمعة من هذا النوع - تحث المصلين ان يقولوا نعم ليكونوا مؤمنين ثم كم الاوراق المطبوعة والبوسترات وميزانية مادية ضخمة تحملها التيار الديني من جيبه ولافتات قماش محسوبة على الاخوان - وان كان الاخوان تبرؤوا منها لاحقا- تقول ان نعم واجب شرعي ومثلها اعلان مدفوع في جريدة الاهرام من الجمعية الشرعية مضمونه ان نعم واجب شرعي وتصريحات كثيرة من رموز لها ثقلها تصب في اتجاه ان نعم ترضي الله و ان لا تغضب الله لدرجة ان سيدة مسنة على باب اللجنة تقول لزوجتي لا ستأتي برئيس مسيحي للدولة !! شيء عجيب مش كده وأخرى تقول لزوجة أخي : انا خصيمك يوم القيامه كل هذا يثير القلق لماذا لان اللعبة الديمقراطية أساسها زيادة مساحة الوعي وليس الخطاب الانفعالي العاطفي وبالتالي فحشد الناس امام الصندوق باثارهم عواطفهم او خوفهم هو غير منطقي بالمرة فعل هذا التيار الديني وفعل هذا التيار المقابل كمثال عندما يوزع منشور يقول ساعدوا أمي تقبل عزايا ..قولوا لا ..اخوكم الشهيد وان كانت النسبة في السلوك من الجانبين بالتأكيد غير متساوية وكل من نزل الاستفتاء شاهد ذلك بنفسه كل هذا يتطلب منا الضغط لنسرع بخروج تشريع وقانون يمنع بل يجرم هذه الممارسات لانه لو اتهمني الطرف المقابل بأني منافق وفي قعر جهنم او أني من انصار البرادعي الجاسوس الامريكاني فهذا اتهام خطير قد يستخدمه اخونا عبود الزمر مثلا ويستخرج بسرعه فتوى ويطيح برأسي في أقرب فرصة لأني اخالفه الرأي شيء كارثي بالطبع ويخرج بنا من منطقة الرأي والرأي الآخر ومن منطقة وجهات النظر المتباينة حول قضية ما الى منطقة الحلال والحرام والجنة لي ولمن اتبعني والنار وغضب الجبار لمن عصاني على العموم ما فات ..هو ماضي وانتهي مبروك لمصر مبروك لمن قال نعم مبروك لمن قال لا الفترة القادمة تتطلب تضافر جهودنا جميعا لبناء جسور حقيقية من الثقة مسلم ومسيحي اسلامي وليبرالي كلنا نهدف لمصلحة الوطن واتمنى ان نكون على قدر المسؤولية هذا الاستقطاب الرهيب لمجرد ان لا تريد الدستور اليوم بينما نعم تريد الدستور لاحقا هو استقطاب لامبرر له لكن له فوائد ان نعرف من أين نؤتى ونعرف مكمن الخلل في المنظومة الحالية ونعمل جميعا على تلافيه وعلاجه بسرعه ليس لي غرض أن اشكك في فريق وانصر فريق لكن لي الف مصلحة ان انعم بوطن هاديء اعبر فيه عن رأيي باحترام وبحرية كاملة شكرا

ببساطه .. ال ((غير ناضجين سياسيا)) هم من قاموا بالتصويت ((سواء بــ نعم أو لا)) من منطلق غير سياسى.. وعدم اقتناع كامل وواعى بالراى السياسى الذى قاموا بالتصويت له ..متأثرين بعوامل اخرى محيطه ..اجتماعيه ودينيه واقتصاديه ..وذلك بشكل بعيد كل البعد عن العامل السياسى.. ذو الاولويه فى الاختيار أنفع منظر سياسى smk: استاذ التونسى اختلف معك في هذا التعريف للنضج السياسى . فى رأيى لا يمكن فصل الرأى السياسى عن الظروف المحيطه به من ظروف اجتماعيه أو اقتصاديه أو دينيه بمعنى لايوجد هناك رأى سياسى مجرد بمعزل عن الظروف المحيطه به . لأننا لو اتخذنا هذا الأتجاه فستكون السياسه واحده على مستوى العالم !! وهذا غير منطقى بالمره . فالعومل السابقه هى التى تحدد الراى السياسى والمطالبه بفصلها به نوع من النضج الغير سياسى . السياسه في مفهومها العام على الأقل بالنسبه للدوله تراعى بين قرارات الدوله والصالح العام للدوله سواء صالح اجتماعى او دينى او اقتصادى . لذلك عدم النضج السياسى هو مايجعلنى أتبنى رأى او قرار بغض النظر عن عواقبه الذى قد تضر بالمصالح الأقتصاديه اوالأجتماعيه مثلا . ولذلك الفرق بين السياسى الناضج وغير الناضج - في رأيى – يتمثل في النتائج المترتبه نتيجة اتخاذ القرار وتأثيره على مصالح الدوله . تلخيصا دعنى نرى تأثير نعم على مصر في مختلف النواحى لنحدد هل كان لدينا وعى سياسى ام لا . اما الآن فمن الصعب ومن غير العدل ان نحكم على آراء بعدم نضجها دون انتظار النتائج الناتجه عن هذا الرأى . تحياتى

أما إجابتي على سؤال الموضوع بالتأكيد .. محاورات المصريين لا تعبر عن رأي الشعب المصري وقد أفاض الأخوة في شرح وتفسير هذا الأمر .. وأعود لأؤكد على ماقاله الفاضل سقراط المصري من تحليل وتفسير علمي يقارب الحقيقة تماماً .. أما عن أن المصريين لم يصلوا للنضج الكافي لاستحقاق الديمقراطية فلأعود لأؤكد .. بأن المصريين مثلهم مثل كل شعب العالم .. لا يشتغل الناس عامة بالسياسة بل ينشغلون بها فقط وقت الأجحداث .. ويستمعون لقوى التأثير الفكري .. ويقتنع كل منهم بما يؤثر في فكره حسب أيدلوجيته وثقافته .. وتعليمه ومنهجه مثلاً في الإستفتاء الأخير .. إذا كان مواطن مصري .. عالم في الذرة .. أو عالم في العلوم السياسية .. وحدث أن كان هناك توجهاً أيدلوجياً للتصويت في إتجاه معين .. مثلما حدث في هذا الإستفتاء على تلك التعديلات .. فحتماً سينحاز لأيدلوجيته العبرة هنا بأننا لازلنا نتأثر بالأيدلوجية التي تحمل طابعاً دينياً أكثر من غيرها ... ولكني في النهاية .. أقر .. حتى وأذا كانت تلك الأيدلوجية .. ترضي (ولا أقول تعبر) عن غالبية الناس .. فأنا سأوافق عليها .. وأعمل في خدمة الوطن من موقعي كمعارض .. وسأظل أقول لا حينما أريد .. وأن أعمل للضغط بقدر ما أستطيع لإبلاغ صوتي .. ولتوجيه المجتمع في الإتجاه الذي أؤيده .. بكل الطرق المشروعة وفي النهاية .. محصلة الديمقراطية هي إنصياع الكل لرأي الأغلبية

ايه الدليل الدامغ ان الفيديو ده حقيقى .. ولو حقيقى .. ايه يثبت انه تم فى الاستفتاء الحالى .. مش يمكن بتاع استفتاء 2007 :unsure: نسبة اللى قالوا لا 22 %بس مش 33 % .. والاخوه الاقباط اللى من حقهم يصوتوا اللى فوق 18 سنه ..من العشره مليون ((على حد قولك )).. لو 3 مليون لهم الحق مش معقول كلهم حيروحوا ينتخبوا ..واكيد منهم ناس مغتربين خارج مصر يعنى .. وكمان مش كلهم قالوا لا يعنى ..رغم توجيه الكنائس .. شكرا على تواجدك ومشاركتك bv:- ويا ستى اهلا وسهلا بيكى فى التوبيك وفى اى توبيك :) .. والاختلاف فى الاستفتاء لا يفسد للوطن قضيه

أحب أكتب مشاركة قبل ظهور نتيجة الاستفتاء اللي بقيت حاسة إن بعض الناس واخداها ثانوية عامة بصوا ياجماعة أنا قلت لأ لكن بالرغم من كده مجهزة نفسي أن لو النتيجة طلعت نعم هأكتئب شوية طبعا لأني مش ملاك ولأني وده الأهم اتربيت 32 سنة أتعصب لرأيي ومحدش بيسمع رأيي ولا بيناقشني فيه فكنت هتعلم ديمقراطية فين 25 يناير مش سحر قلب من شعب عنده بعض المشاكل لشعب ملائكي لكن الأكيد أني بعد ما اكتئب ساعة واحدة بس هأقوم وأشمر وأشتغل تاني ماهي نعم أو لا هتوصلنا لمصر حرة الفارق كان الفترة الزمنية اللي هنأخدها والخطوات اللي هتتعمل مستقبلا أهم حاجة عايزة أقولها إن إمبارح الشعب المصري نجح بجدارة في الامتحان مكانش في تواجد أمني ملحوظ بالرغم من كده الناس نفسهم كانوا منظمين جدا بيحترموا بعض جدا وصدق أولا تصدق كانوا بيبتسموا في وجه بعض في اللجنة بتاعتي جه شاب كان عايز يتخطي الطابور شباب تانيين جيران له كانوا في الطابور زعقوا له وقالوا له تعالي هنا يابني .....بضحك.....ماهي الثورة قامت علشان أمثالك .....في طابور وهتحترمه وتقف فيه الناس كانت بتوزع ماء وعصير وحلويات علي بعض حتي المختلفين في الرأي كانوا مبتسمين في وجه بعض فبصراحة أنا شايفة إن هذه هي أهم حاجة ......ياجماعة إحنا كان بيتقلنا وبيتقال عننا بره مصر إننا شعب غير متحضر وهمجي ومعندوش أخلاق .....وإحنا صدقناهم وبدأنا نتصرف علي هذا الأساس لكن في لحظة الحقيقة أهو طلع الناس من نفسها منظمة وعندها أخلاق ودي مشاهدات شخصية من لجان أخري في مناطق شعبية جدا جدا وبالرغم من كده الناس فعلا في منتهي الأخلاق والتحضر ومفيش ولد ضايق بنت والشباب الصغير محترمين الكبار والباشا وقف في الطابور ورا بواب عمارته عادي يعني يبقي تحيا مصر وتحيا المصرييين http://www.youtube.com/watch?v=SFXgsP2rfew

يُمنع منعاً باتاً دخول أصحاب الكليسترول العالي .. واصحاب الباربيكو المحروق زي عطار حسن عطار أوعى ريشك http://www.youtube.com/watch?v=eXAANOZ5t9w&feature=player_embedded الولا باسم يوسف ده دمه زي العسل إديها ما تحرمهاش http://www.youtube.com/watch?v=MGcURLQ4RSA&feature=relmfu

مساء الورد ... ولا تحبوا نخليها العنب اه ليه لأ العنب حلو و الله ... بس انا بحب الورد اكتر مش عارف ابدأ منين و بقالى فترة طويلة بفكر ف الموضوع ده... لدرجة انى بكتب و انا قلقان قلقان من ايه مش عارف ... بس يارب ميتفهمش غلط من فترة كده بدأت الاحظ انتشار كلمات زى ليبرالية و علمانية و اخوان و سلفية و خوارج احد الاخوة الاعضاء بيرجع كل سوء لليبرالية احد الاخوة الاعضاء دائما ما يتهم السلفية ... ده واحد تانى احد الاحوة الاعضاء كل مشاكله ف الدنيا مع الاخوان المسلمين ... ده واحد تالت احد الاخوة الاعضاء غير التلاتة اللى فوق ... مش بيستحمل كلمة من اى اتجاه مخالف و شوية هيطلع الطبنجة و يطخنا عيارين اللى عاوز اقوله طب و اللى مش دول و لا دوكهم و لا دكهع يبقى مكانه فين ... او محطوط ف انهى ركن بالظبط يعنى طبقا لبعض الافتراضات بدات احسن اننا قربنا نحط بعض كالتالى شوية ف الدرك الاسفل ف جهنم و شوية ع السيرفس فوق و شوية لا مكان لهم بين العقلاء و اصحاب التفكير فيبقى مكانهم مستشفى المجانيين او حتى يناموا على سلم الخداميين و شوية ميعرفوش عن الاخلاق و الدين فيبقى نرميهم للاسود تاكلهم مش عاوز اطول عليكم اللى زى حالاتى ... بياخد من كل بستان زهرة ... مكانه وين و معتبر نفسى واحد من المسلمين ... من المسلمين و بس يعنى لا علمانى و لا سلفى ولا اخوانى و لا اشعرى ولا ليبرالى و لا حاجة من ده خالص واحد من عموم الناس احافظ على صلاتى ... احاول ان اتابع القراءة فى الكتاب الكريم ... احترم معاملاتى مع الناس تماما عقلى مفتوح ع الدنيا و ما فيها .... عايش حياتى و بسمع ام كلثوم و اصالة و احيانا باك ستريت بويز و بروح و اجى و عايش ايامى زى ما بنقول ف مصر بس حاطط لنفسى حدود مبعديهاش احنا بقى ... بالنيابة عن كل اللى شبهى الناس التانيين مكانا فيييييييييين؟

في يوم 18 مارس 2011 تم اقامة يوم مفتوح للمصريين المقيمين بالكويت واجتمع هناك مجموعة من اعضاء محاورات المصريين فرع الكويت ودي بعض المشاهد المختارة للحفل المصري الاسري http://www.youtube.com/watch?v=DSuMyL9XPvM وسيتم لاحقا ارفاق بعض الصور في نفس الموضوع

هذه الحقيقة الذي لاينكرها احد فريق (نعم) كان المعسكر الاسلامي وفيه السلف والاخوان والتبليغ والجمعية الشرعية وانصار السنة وحزب والعمل والوسط فريق (لا) كان العلمانيين والكنيسة ونجيب ساويرس واتباعة ومايكل منير ليس معني ذلك ان كل من قال (لا) هو اما علماني او تابع للكنيسة لكن هذا معناه انه اقتنع برأيهم وفي النهاية صوتة سيصب في مصلحتهم سواء شاء و ابي أستاذي كومينجيون أنا فعلا عايزة أسأل حضرتك سؤال هو الاستفتاء اللي إحنا رحنا صوتنا عليه كان علي أيه بالضبط؟ أنا لا أصدق هذا الكلام من الشيخ يعقوب بالرغم من إني سمعته بإذني .....لكن مذهولة حقيقة يعني أيه حتي لو الدستور مش عاجبك معلش برضه قول نعم؟! هل هذا كلام منطقي هل هذا كلام يحترم عقلي؟! إذا كان ربنا عز وجل وهو ربنا لم يخاطبنا في القرآن العظيم بهذا الأسلوب بل استخدم أسلوب المنطق وبعدين سؤال هو محدش قال للشيخ يعقوب إن كده كده سيتم إنشاء دستور جديد؟! وإن الاستفتاء لم يتضمن المادة الثانية اللي عملتوها بعبع للناس وبعدين أليس هناك مقولة تقول يعرف الرجال بالحق ولايعرف الحق بالرجال طب أنا أيه ذنبي إني اقتنعت برأي لأ كي تضمني في فريق الغير مؤمنين ....هل المطلوب إني أتبع الفريق اللي أغلبيته مؤمنين لمجرد أنهم هم وليس لأن الرأي أقنعني خاصة أن هذا أمر ليس له علاقة بالدين ........ولا مادة من المواد المعدلة تطرقت لشأن له علاقة بالعقيدة وفي رأيي إذا كان تم الاستفتاء علي كل مادة علي حدا لم يكن أنصار نعم استخدموا هذه الحجج في اقناع الناس بنعم علي أساس حماية الدين وبعدين من الذي أعطي الحق للشيخ يعقوب أن يقول مش عاجبكم ألف سلامة؟! إزاي؟! أنا مواطنة مصرية ومعنديش تأشيرة لأي مكان آخر ولي حقوقي وما هذه اللهجة عندما يقول :مش زعلانين من اللي قالوا لأ، بس عرفوا قدرهم ومقامهم وعرفوا قدر الدين. الحمد لله رب العالمين أنا صليت استخارة ودعيت ربنا يهديني الاختيار الصح وعادي يعني لو الشيخ يعقوب عايز يزعل مني براحته وأنا عارفة مقامي كويس وعموما جزاه الله كل خير إنه افترض سوء النية فيا وإنه تفضل وتنازل وتعاطف وسامحني بس بجد أنا عاوزة حضرتك تجاوبني بجد هو الاستفتاء كان علي أيه؟

ده نوع من انواع التوعية مش شغل تسليم الدماغ مولانا الشيخ يعقوب بيقول للناس سلموني دماغكم و صدقوني انا مش هضركم مع تمام احترامي للشيخ ... ده كلام ينفع..؟!!!!! يعني ايه اسلمك دماغي طب اعمل ايه انا بقي لما سعادتك تموت .. اطال الله عمره و حفظه لاطفاله ..

ممكن أستسمحكم و لو فيها خروج عن الموضوع شوية نفتكر شهداءنا ضحوا عشان مصر مش لا او نعم يا ريت نركز في اللي جاي من غير ما نخون بعض او نقصي بعض نوعي الناس ده المهم

بصراحة انا كنت حاطلب من الفاضل ايمن حذف فيديو الشيخ محمد يعقوب من غير حتى ما اشوف فيه ايه لان خلاص الموضوع انتهي و مفيش فايدة من عرض الحاجات دي..مع كل احترام طبعا..لكن حاعقب على وضع فيديو الانبا رفائيل حتى لا يتهمني احد بالازدواجية و خصوصا انه يبدو كانه يحمل نفس فكرة الحشد الديني..و تعقيبي حيكون موضوعي جدا بعيدا عن اي محاباة..اولا كما هو واضح في اول الفيديو ان دة كان سؤال في اجتماع يعني دة ماكنش موضوع الاجتماع..ثانيا الانبا رفائيل قال ان مش من المستحب طبعا ان الكنيسة تشجع على راي معين عن ثقة في تفكير ابنائها و دة اعلان واضح انها لن تتهم صاحب اي اتجاه سواء كان رافض او مقتنع باي اتهام ديني او خلافه..ثالثا هو قال كلمة توعية و هو دة المهم..التوعية و في تللك التوعية هو مقالش كلام جديد..التعديلات هزيلة لا تخدم بناء دولة مدنية تحول الحاكمالي ديكتاتور...كلام كلنا اكيد سمعناه من مختلف المحللين و السياسيين اليومين اللي فاتوا..و كونه يعلن عن التخوف من اعلان دولة دينية دة معلش شئ طبيعي في ظل الحوارات اللي اجريت اللي الايام اللي فاتت مع عبود الزمر و غيره..و على فكرة الدكتور عصام العريان لبرنامج بلدنا امس قال ان عرض الاخوان منتهك من السلفيين و الوهابيين و كل التيارات الموجودة على الساحة و ان الاخوان تنأى بنفسها عن تصريحاتهم..و دة بصراحة سيغير مفهومي شوية عن الجماعة خلال المرحلة القادمة و اتمني ان يصدقوا في نيتهم..نقطة المعاق ذهني..هي غريبة شوية و قد يكون يقصد المعاق ..و على كل حال فى راي الامي و الجاهل و التابع ممن صوتوا امس لم يكونوا افضل حالا من المعاق ذهنيا..جلهم لم يستخدم العقل..اخيرا كما يتضح من الفيديو نحن نقبل من الله كل شئ و نشكره على كل شئ...تصبحوا على خير

بمناسبة غزوة صناديق الاستفتاء اللي اتكلم عليها الشيخ يعقوب ع الرابط ده http://www.youtube.com/watch?v=C8-lLQtB_Es&feature=player_embedded لاحظت انه تم تقسيم الناس الي فسطاطين فسطاط اهل الدين .. اللي اجتمعوا لاول مرة ف حياتهم و فسطاط الناس التانية بما اني واحد من الناس التانية سؤال للاخوة هنا احنا لسه ع الملة ولا ناويين ع التسييف معانا.. و لا هتكتفوا انكم ترحلونا ..؟ بس قبل ما ترحلونا م البلد انا معملتش هجرة خالص ولا حتي ابلكيشن و كنت دائما بتعارك مع الجماعة دعاة الهجرة ف المنتدي ...فاكرين ولا نسيتوا..؟

انا خلاص بقيت ملطشة يا اخوانا في المنتدى دا لازم ادارة المحاورات تتصرف حطوا على اسمي شعر طويل يا خوانا و لا طرحة ولا فستان و لا اعملوا اي حاجه كل ما حد يكلمني يقولي يا اخ ريمو او يا استاذ ريمو اجيبلكم اسم دلع ايه اكتر من كده عشان تعرفوا اني انثى و الله العظيم انثى الطم و يقولوا الولية اتجننت :Head: :Head: جد بقى بص يا استاذ جوناثان هما كان دا اختيارهم بعد تفكير و ما اقدرش انا احجر عليهم اللي قصدته من كلامي ان مش الاخوان و السلفية بس اللي قالوا نعم او كان اختيارهم على اساس ديني في ناس كتير تانية اختارت نعم عن قناعة و بعدين صدقني و خليك متأكد ان كل حاجه بتحصل بتكون دايما بترتيب ربنا و ترتيب ربنا دائما و ابدا خير و ان شاء الله يكون الرأي دا فيه الخير لمصر و زي ما قولت في مداخلة قبل كده خلاص الاستفتاء خلص و النتيجة بقت نعم و بالتالي لازم نسيب دا ورا ضهرنا و نشتغل على اللي جي و مدام اغلب الناس اختارت نعم يبقى دلوقتي سواء اللي قال نعم او لأ كلنا دلوقتي المفروض نكون نعم عشان صالح مصر تقبل تحياتي

اخي الفاضل ريمو ..اولا مبروك على النتيجة و تحياتي لاسرتك الكريمةو لو كانت اتيحت فرصة عمل مناظرة في التلفزيون على غرار الانظمة الغربية كنت حاجيب عن مبرراتك كالتالي: 1- في حال التصويت بلا كان سيتوجب على الجيش القيام باعلان دستوري تمهيدا لتنظيم مجلس رئاسي يضم شخصية عسكرية..خد بالك تعديلات امبارح المفروض انها بقت اعلان دستوري بس الفرق ان يعقبها انتخابات برلمانية. 2- انا لا اعرف للامانة ما هي تصريحات المستشار طارق البشري..بس على جنب..مين يشهد للعروسة 3- في حال تنظيم مجلس رئاسي كان سيتم تشكيل لجنة لوضع الدستور مؤلفة من سائر القوي الوطنية لصياغة دستور كامل و بالتالي للوصول لاتفاق في ما بين كل تلك القوي كان سيستغرق الامر وقت ..دستور على نار هادية ..في حين ان بنعم يتوجب على الرئيس القادم وضع دستور جديد في فترة زمنية محددة و بعدها استفتاء و قصة جديدة..دي نقطة الوقت اصلا كانت المبرر عند اللي صوتوا بنعم عن فهم بمبداء عايزين نخلص. 4- الحكومة دي كانت ختاخد فرصة اكبر في ظل مجلس رئاسي اما الان فعمرها 6 شهور تقريبا و الحكومة اللي بعدها حتكون بالمثل ..اول حكومة حتستقر عندك شوية غالبا حتكون اول حكومة بعد اعلان الدستور الجديد...و دة كله بردو اجتهاد شخصى و انا مصري اولا و اخرا و اتمني الخير لبلدي...تحياتي

نظرا لعدم تمكن استاذ ارتيتيكت من الرد بنفسه

يا أخت هند..موضوع جمالات كفتة ده اللي في الفيلم القديم..ده موضوع يعني تهريج ناس بتهزر و كان اسماعيل ياسين تقريبا و حاجة كده يعني لكن الهباب اللي حطهولنا الأخ أيمن ده..لاتنين تقريبا فاكرين نفسهم مغنيين فعلا بجد يا أيــمن...مشاركة خارج نطاق المقارنة..أنا كنت شفتها قبل كده علي الفيس بوك عندي بس ما بفتحش أنا الأرف ده..النهاردةاتحمست شوية لما لقيت كل الأعضاء أولهم سين سين بيتشكروا في الدويتو الفظيع ده الفيديو ده هو الثورة المضادة بعينها

كتير من اهلي نزلوا الاستفتاء و صوتوا بنعم و هما لا اخوان و لا سلفيين و لا جماعات اسلامية و ناس متعلمين و مثقفين لا هما جهلة و لا ضيقي الافق و نزلوا صوتوا بنعم لحاجات تانية خالص غير بقاء المادة التانية كل الحكاية انهم اولا مش عاوزين الجيش يفضل اكتر من كده لان له دوره الاهم في حماية البلد ثانيا اقتنعوا بكلام المستشار طارق البشري ثالثا عاوزين يدوا وقت كافي لصياغة دستور جديد تحت ادارة مدنية مش عسكرية رابعا عاوزين يدوا فرصة للحكومة انها تشوف شغلها و يظهر حجم انجاز الثورة

بقى يعنى الراجل النسمة الخلوق فاكهة المنتدى يتعمل عليه حظر طيب اذكروا له حسناته من قبل 25 يناير الراجل ماخدش ساعتين راحة وشايل الثورة على اكتافه و اتحمل فى بدايتها هجوم و انتقادات كتيرة ده انا كان متهيألى ان الثورة كانت ممكن تفشل لو زميلنا آركتيكت ما عملش المجهود ده ، و أشهد الله انه كان بيرد ردود هادئة وصبورة أزاء كثير من التهجمات الشرسة ، ومعلش الراجل ممكن تحت الضغط المتواصل يكون غلط ، لكننا كأخوة ممكن نسامحه ونغفر له ونحتضنه مفيش حد فينا معصوم من الخطأ...... خلاص سماح المرة دى

ميدان التحرير الذى قدم للعالم اجمع درس حقيقى فى معنى الاراده و الصمود و الرقى فى التظاهر الميدان الذى شد انتباه العالم اجمع و حاز اولاده على احترامه لما قدموه من صوره مضيئه و مشرفه لا عجب ان يصبح من اهم المعالم التى يحرص كبار المسؤلين الاجانب على زيارتها عند زيارتهم لمصر الجميع يريد ان تلامس قدمه ارضه و تتلقف روحه نسماته لعله حينها يستطيع ان يسبر اغوار تلك الشخصيه المصريه الباهره التى طالعوها فيه على مدار 18 يوم لكن طبعا مفيش مانع وسط المهام الدبلوماسيه و البروتوكولات الرسميه من ان الواحد يدلع نفسه برضه بكوز بطاطا مصرى سخن ملهلب لسه طالع من فرن الحريه طازه لانه اكيد اكيد لا يقاوم :D :D و على هذا عدسه الكاميرا الشقيه ظبطت رئيس البرلمان الاوربى جيرزى بوزيك اثناء زيارته لميدان التحرير و هو غير قادر على مقاومه البطاطا المصريه و بيلتهمها بشهيه و تلذذ واضح الف صحه و هنا بس متنساش لما ترجع بلدك تحكيلهم اد ايه بطاطا الحريه دى لذيذه و حلوه بجد امال مش مصريه :P

أنا مع الموضوع في الاعتذار للرجل وعبرت عن ذلك من أول ما حصل بس يا جماعة ( من غير ضرب ولا شتيمة ) لازم تعرفوا إن الراجل دا لو ترشح للرئاسة بالشكل ده مش هينجح وإنه ميقدرش يدخل ولا قرية ولا مدينة إلا هتكون العاقبة وخيمة وظني إن الشعب المصري مش بيحبه من زمان وإن فكره لا يروق للكثيرين في الواقع المصري وبيعتبروه نزل عليهم بالبارشوت :protest: وهل حضرتك عملت استفتاء علشان تعرف ان كان الشعب المصرى بيحبه او لا ؟ مايقدرش يدخل قرية ولا مدينة !!! دا على اى اساس ان شاء الله ؟ انا واحد من الشعب ده وبحب البرادعى وبتعجبنى افكاره

على فكرة هذه الأفكار ما زالت موجودة و بقوة بين الكثيرين كنت أتناقش مع أسرة صديقة .. عن أفضل مرشحي الرئاسة فوجئت بأنهم يقولون أن البرادعي زوجته أجنبية :blink: بعد كل ده !!! يجب على الحملة الانتخابية للبرادعي أن تهتم بإعادة تسويقه للشعب و كمان فيه أشخاص بتحب تريح دماغها و تتفرج على التليفزيون المصري فقط .. آه و الله ( لأن باقي القنوات بتجيب اكتئاب :closedeyes: ) ليه البرادعي لا يظهر على القنوات المصرية ؟ .. هل هو ما زال ممنوع؟؟ .. و من الذي يمنعه؟؟ على البرادعي أن يصل لرجل الشارع البسيط .. عن طريق أحد البرامج ذات الشعبية ( مش العاشرة مساءًا n2&( ) ممكن واحد زي محمود سعد مثلًا اللي عملته الصحافة في عهد مبارك ضد البرادعي ما زال موجود و مؤثر جدًا

السلام عليكم الاخوه الكرام جزاكم الله خيرا . اولا اسجل رفضى الشديد لطريقه التعامل الغير اخلاقيه مع البرادعى عل الاقل من ناحيه السن فهو مواطن فى عمر ابائنا له كل احترام حتى مع الاختلاف معه فى الرأى . بصراحه متعجب جدا من حاله التوتر التى اصابت اخواننا الرافضين للتعديلات التصويت انتهى و النتيجه ظهرت لننظر للامام طبعا انا متفهم جدا حاله بعض الرافضين الذين اذهلتهم النتيجه التى جاءت بعد حاله تصعيد اعلامى موجه لتشويه كل ما يمت الى الاسلام سواء إخوان او سلفيه او الماده الثانيه و هم معذورون بسبب قسوه النتيجه التى جائت ردا حاسما و قويا لكل من داعبه الامل فى ان مصر يمكن ان تكون شيئا اخر غير مصر المسلمه الضاربه فى عمق التاريخ منذ بزوغ الاسلام و كانت بفضل الله اكبر داعم و حامى فى فترات طويله فى التاريخ لهذا الدين مصر يا ساده الان على الطريق الصحيح بإذن الله زال النظام العلمانى بكل مساوئه و اتعجب ممن يذكرون مخازى النظام السابق و جرائمه ناسين و متناسين انه كان يرفع رايه العلمانيه و الليبراليه و كان الكثيرين اليوم ممن يهلل للثوره اكبر داعمين سرا و جهرا و كان الدعم يشتد حينما يكون فى مواجهه الاسلام و المسلمين الذين لم يتردد النظام السابق و من سبقه بالتنكيل بهم بكل الطرق و لا ننسى انه و قبل الثوره باسابيع قام النظام السابق بإغلاق القنوات الدينيه تحت ذرائع واهيه و يمكر الله بهم فازال الله وحده النظام من قواعده و هذا لعمرى اقل انتقام من الله لمن يقف فى سبيل الدعوه اليه و رفع رايه التوحيد التى هى هويه مصر الحقيقيه اكرر مصر بلد مسلم حتى النخاع سواء ايدت ذلك التعديلات ام لا لكن المشكله ان رافضى ذلك ..و لهم الحق .. يقفزون فوق ما يدعو ه من حريه الرأى و الديمقراطيه و غير ذلك من الشعارات التى كانوا اول من اكلوها و بلعوها بغير شربه ماء تروى غيظ قلوبهم وهنا و الله اقصد نفرا معينا من الاعلاميين المتحكمين فى ناصيه الاعلام الذى تابعته بشده خلال الفتره الماضيه و هالنى كم التشويه و الانتقاد و السب احيانا و القفز فوق كل اداب الخلاف ضد الاخوان كواجهه و الاسلام كمنهج من ورائهم بصرف النظر عن اختلافنا معهم او اتفاقنا ثم الانكى من كل هذا حاله التخبط و الهذيان التى ظهرت عليهم امس بعد اعلان النتيجه و المفاجأه المدويه بنسبه التصويت الغير مسبوقه و التى افقدتهم توازنهم و كشفت حقيقه حجمهم و حجم الدعم المالى المشبوه حقيقه و الذى نظموا به كل تلك الحملات . لضيق الوقت لن اتطرق لاسماء و برامج و لكن قضى الامر احبائى فى المنتدى و لا فائده من البكاء على اللبن المسكوب الناس قالوا كلمتهم ووضح الطريق و المنهج استعينوا بالله و سيروا فيه فلن يكون اسواء مما سبق . اخيرا لاخوتى الاحباء فى المنتدى بكل مشاربهم كل التقدير و الاحترام

أولاً ... بالرغم من أنني كنت سأصوت ب "لا" لو كانت أتيحت لي فرصة التصويت إلا أنني متقبل النتيجة تماماً .... وأصبحت موافق عليها وكأن التصويت كان ب "نعم" بالإجماع هكذا تكون الديمقراطية ... ويجب أن نعمل جميعاً لتصحيح المسار .. وأن نعمل لتهذيب الخطوات القادمة قدر المستطاع .. وأن نكون معارضون إيجابيون .. نعمل على تطوير الوضع .. لا نعمل على إثبات فشل وإخفاق وخطأ من قالوا نعم ...

والله حسب خبرتى المتواضعه لازم تجيب الفيزا من بلدك الاصلي لانك مش مقيم وهيسالوك هناك ليه ما خدتهاش من مصر طبعا الانفتيشن هتسهل دخولك كندا بس برضوا خليهم لو امكن يبعتوهاك على مصر وتفيز من مصر بالنسبه لفيزا امريكا لو معك مالتبل فيزا مش محتاج تطلع وتدخل بيدوك 6 اشهر بالمطار... بعدين فى جهه هناك بتبعتلها حوالى 150 دولار وتكتب خطاب انك عايز تمد اقامتك بيمدوهالك مفيش داعى تدخل وتطلع انا كان معايا خمس سنين وعملت كده بالحرف الكلام ده من 8 سنين ممكن تحاول تقدم على فيزا كندا من مصر وتقول انك رايح امريكا وعايز تزور قرايبك بما انك هناك والمسافه قريبه لو اقعتهم هيوافقوا ان شاء الله السلام عليكم دي أول مشاركة ليةوحبيت ارد على سؤالك السفارة الكندية بتدي فيزا الزيارة 6 شهور فقط بحد اقصى ممكن دخول متعدد أو مرة واحدة حسب اقتناع الفيزا اوفيسر لا انصح باللتقدم لفيزا زيارة من مصر لاي شاب لانها صعبة جدا حتى لو كان السبب وجيه جداجدا المنطقي ان تقوم بالتقديم عليها من امريكاوهي المفروض بتاخد وقت قصير يوم أو يومين بالكتير في شيء مهم لازم انبهك ليه لو انت مقدم على هجرة لكندا دخول كندا لاي سبب أخر بيقابل بالرفض التام ياريت تتاكد من النقطة دي قبل طلب فيزا الزيارة عشان ميحصلش مشكلة في الملف بتاعك وبالتوفيق دائما انشاء الله

فقط الشجرة المثمرة تُقذف بالحجارة

أسوأ دعاية لمن قالوا "لا" هى وصفهم لمن قالوا "نعم" بأنهم غير ناضجين سياسيا .. أو جهلة .. أو متخلفين .. http://www.youtube.com/watch?v=fZDPBtH5aec&feature=player_embedded وأسوأ دعاية لمن قالوا "نعم" هى اعتبارهم أن "كل" من قالوا "لا" هم إما فقاقيع من الشباب المغرور .. أو أنهم من فلول العلمانية والليبرالية واليساريين .. أو أنهم قطيع تسوقهم الكنيسة .. أو أنهم من أصحاب الجحيم المخالفين للشريعة الإسلامية أنا أرفض منطق كل من يتهم أغلبية شعب مصر بالعبط والتخلف والانقياد وراء الإخوان أو السلفيين أو فلول الحزب الوطنى يا عالم حرام عليكم .. مستكترين علينا الثقة فى النفس التى كانت مرسومة على الوجوه يوم الاستفتاء العظيم ؟ .. إنها وجوه الذين قالوا "نعم" ، والذين قالوا "لا" مدفوعين بالأمل وبحب الوطن ، المقبلين على التجربة الديموقراطية بحماس المحروم

نسبة الحضور كان 41% يعني اكثر من لهم حق التصويت لم يذهبو وقاطعو الانتخابات بالاضافة الى الحشد الديني الذي ظهر تماما في المناطق الشعبية والقرى والنجوع الداخلية ولاحظ اختلاف النتيجة في الاسكندرية مثلا بالاضافة انا فيه فئة كثيرة حياتها وعملها مرتبط بالاستقرار وعوزين يخلصو مثل العاملين في السياحة تقريبا بيتهم اتخرب من التوقف عن العمل بالاضافة يوم السبت كان قبله الجمعة وما بالك من خطب الجمعة والافتاء فيها بشرعية التصويت بنعم ثم اكثر من نصف شعب لا يعرف الفيس بوك ولا النت ولا حتى محاورات المصريين

فى الدول الديمقراطية التى تعلمت معنى الديمقراطية يحدث الأتى فى كل إنتخابات تدور حوارات حول الانتخاب ، تجرى مناظرات يذهب الناس للجان الانتخاب للإدلاء بأصواتهم يراقبون إعلان النتائج وتعلن النتائج يتم تبادل التهانى فى الصباح يذهب كل إلى عمله وكأن شيئ لم يحدث وينتبه كل إلى عمله. مبروك لمن صوتوا بنعم ومن ايدوا التصويت بنعم لكل من صوتوا بلا وارادوا ان تكون النتيجة الفائزة هى لا ، الأمر عادى لا او نعم كانت مجرد تجربة وبروفة للانتخابات الحقيقية ، انتم اردتم صالح الوطن ، ومن صوتوا بنعم أرادوا صالح الوطن ، وطالما اننا جميعا نبغى صالح الوطن فلا بأس أى الفريقين رجحت كفته لان الهدف واحد، الا وهو صالح الوطن واستقراره. فلنفكر جميعا فيما هو آت وأهم شيئ فيما هو آت أن يمنع تماما استخدام الدين كفزاعة او كمحفز فى أى إنتخابات قادمة وأن يتم محاسبة من يقومون بذلك

تحيتي يافندم علي طرحك السؤال القيم دة ؟؟؟ اعتقد ان اجابة السؤال دة بمنتهي البساطة ........ ان فكر اعضاء المحاورات من المثقفين اللي صعب السيطرة علي قنعاتهم وايدولوجياتهم لكن الناس حارج المحاورات مش كلهم مثقين ........ مابقولش ان كل المصريين مغيبين ....... بس فيه ماس كتيرة شاركت كانت متأثرة بأراء ناس معينة لسة النهاردة كنت بتكلم مع اصدقاء ليا ........ زاكتشفت ان احد الزملاء صوت بنعم علشان الشيخ محمد حسان قال انه هيصوت بنعم مع احترامي الشديد جدا للشيخ محمد حسان ......... بس انا لو عيانة والدكتور قالي لازم تعملي عملية جراحية مش هروح أسأل عالم دين ؟؟؟؟؟؟ وانا لما صوت بلا ماصوتش علشان حد انا مقتنعة بيه وبأراءه قال لأ بس للاسف فيه ناس كتير عملت كدة ......... ناس قالت لأ علشان عمرو خالد او احمد حلمي او عمرو موسى او البرادعي ......... او او او وناس صوتت بلأ علشان فلان وفلان وفلان .......الخ وناس كان صوتها نابع من خوفها علي او من المادة التانية وناس حالها وقف وعايزة البلد تمشي بأي شكل وخلاص وناس مش فاهمة ايه المقصود من التعديلات وناس بتبص تحت رجليها وناس وناس وناس وكل يبكي علي ليلاه بس خلاص

وهو صادق .. تمورة انهى مرحلة الحرب باستسلام غير مشروط :closedeyes: لما تشوف توبيك مغتربي الكويت اتثبت وقتها يبقى انتصر طبعا دي احلام خيال علمي -------------------------------------- وانت يا عم تامر شاهين نسيت اهم حاجة تشرحه هنا بالعرض بتاعك روح الســــاري اهم حاجة الروح :closedeyes: البصمة يا عمي .. لازم العمل يكون فيه حتة منك .. روحك .. بصماتك .. والا العمل هيبقى جاف الروح هي اللي تخليك تفرق بين عمل سبيلبرغ وعمل اي مصوراتي افراح الروح دي اول حاجة تشرحها يابني قبل الشغل لازم تعتبر الشغل ده عبارة عن عجينة تشكل فيها روحك وروح الســــاري ما تنشرحش يا بني ,, دي حاجة كده رباني smk: وما تسألنيش عن اي حاجة من اللي قلتها فوق دي لاني مش فاهم حاجة ... اهو لماضة بتقول لي الكلام ده على طول :P حبيبي يا ابو ساري اولا اتفقنا في اجتماع المصريين بالكويت على هدف جديد ولكن سوف يعلن عنه في حينه ثانيا كلامك رائع جدا ولكن لي رأي ممكن اعلم اي شخص التقنية لكن مستحيل اعلمه الابداع باستخدامها فكلنا نعرف جيدا كيف نستخدم القلم الرصاص ولكن قليلون من يستطيعون رسم لوحه ابداعية باستخدامه تحياتي لابداعك دودو هانم ممكن توضحي سؤالك لو سمحتي اشكر مروركم الرائع والكريم

وهو صادق .. تمورة انهى مرحلة الحرب باستسلام غير مشروط :closedeyes: لما تشوف توبيك مغتربي الكويت اتثبت وقتها يبقى انتصر طبعا دي احلام خيال علمي -------------------------------------- وانت يا عم تامر شاهين نسيت اهم حاجة تشرحه هنا بالعرض بتاعك روح الســــاري اهم حاجة الروح :closedeyes: البصمة يا عمي .. لازم العمل يكون فيه حتة منك .. روحك .. بصماتك .. والا العمل هيبقى جاف الروح هي اللي تخليك تفرق بين عمل سبيلبرغ وعمل اي مصوراتي افراح الروح دي اول حاجة تشرحها يابني قبل الشغل لازم تعتبر الشغل ده عبارة عن عجينة تشكل فيها روحك وروح الســــاري ما تنشرحش يا بني ,, دي حاجة كده رباني smk: وما تسألنيش عن اي حاجة من اللي قلتها فوق دي لاني مش فاهم حاجة ... اهو لماضة بتقول لي الكلام ده على طول :P

اعرف انكم كثير .. ادرك ان امركم قد استفحل .. اعرف ان نظرتكم للعالم مقلوبة .. لكني سأحاربكم .. بكل منبر حتى اطهر بلادي منكم .. بإذن الله

اسمعوا دى مبارك وعيلته ركبوا طياره وطيرين فوق مبارك قال هرمى 100 جنيه افرح العيله اللى تحت دى سوزان قالتله طيب ارمى خمسين وخمسين وفرح عيلتين جمال قاله ارمى خمسه وعشرين وفرح اربع عائلات الطيار قاله ارمى نفسك وفرح 80 مليون

شوف يا باشمهندس ... مسألة التصنيفات دي مسألة نسبية ... وكل واحد عادة بيعتبر نفسة في الوسط والناس على يمينه ويساره هما المتطرفين. يعني أنا هنا في المنتدى ناس كثير مصنفاني كليبرالي وعلماني متطرف ... تصور بقى إني في المكان اللي أنا باشتغل فيه البعض بيقول عليا متزمت ورجعي ... ودخلت في صراعات مع ناس هنا بسبب إني عارضت أفكار لو سمعتها ممكن يغمى عليك ... أقل ما توصف به أنها قلة أدب ومسخره. وأنا بالنسبة للبعض عاقل وعقلاني أكثر من اللازم لدرجة تثير الملل ... وللبعض الآخر متهور ومتسرع وطائش ... في النهاية عرفت إني لن أستطيع إرضاء كل الناس مهما اجتهدت علشان كده قررت إني أكون نفسي ولا شئ آخر وأسيب كل واحد يصنفني على مزاجه. في النهاية هذا التصنيف لا يعنيني ولا ألتفت اليه.