لوحة القادة

لا نستعجب ابدا من قول - ان مفجر الثورة الحقيقى هو شخص ميت المفجر الاساسي للثورة كان شاب ميت - هو - خالد سعيد- صاحب الثورة ومن قام بها لانه هو اول من فجر داخلنا احساس الذل والفقر والعبودية والظلم والمهانة جاء بعده مباشرة - الشخص الثانى وهو سيد بلال - الذى تم التعامل معه بابشع الطرق هذا الاب الشاب - كل ذنبه فى الحياه انه له لحية وهذه جريمة نكراء - لا تغتفر ابدا - فى نظر مجرمين امن الدولة - وعلى اساس هذا تم التعذيب و الذى اودى بحياته خالد سعيد وسيد بلال موتى ولكنهم فجروا الثورة فى مصر

بسم الله ,, بسم مصر ,, و شعب مصر ,, و الحرية ,, بسم شباب الثورة ,, و 6 ابريل ,, و صناع الحياة ,, بسم محاورات ا لمصريين ,, و المحاورين الشرفاء وكلهم شرفاء ووطنين ,, السلام عليكم ورحمت الله وبركاته ,, ده كان استهلالا لازما ولابد منو :happy: وحشتوني اوي اوي ,, حقول ايه بس :wub: اقول الحمد لله اللي قدر ان الموقف ده يحصل عشان تلاقي 30 حضن دافي بيضمك ويغطيك ! احساس والله ماحسيت بيه يمكن طول عمري عشان ا لقسم ,, ومش قادر اوصفة لما تكون في مستشفى محتاج نقل دم ,, وتفوق تلاقي 30 اخ واخت تبرعوا اليك !! ,, لما تكون في الشارع في عز المطر والبرد وتلاقيهم بيخلعوا معاطفهم ويغطوك انت بيها حتى لو تعرضوا هم انفسهم لاخطار البرد والريح والمطر,,!! جفت الاقلام وقصرت الكلمات ان توفيكم حقكم يا احب خلق الله ,, طيب ده مقبول و مفهوم من ناس متفقين معاك ايدلوجيا اوكي ,, انما تيجي من خصومك سياسيا ومن حدثت بينكم ما تتقاتل من اجله الشعوب ! ايه الفروسية دي ,, وايه النبل ده ,, وايه الاخلاق دي ,, لما زميل فاضل او زميلة فاضلة يكون وصل الخلاف بينكم الى منتهاه ,, في ثواني كده تلاقيه موافق او موافقه وتفضل قلمي الشريف الحر معاك اكتب بيه ما شئت وعبر بدون اي تدخل او حتى اعتراض وان اختلف هذا مع ما اعتقد ,, اقول للفارس منهم طيب اتفرج الاول او زد او انقص كما شئت ده برضوا قلمك اجده يرفض مجرد التفكير احتراما لما اعتقد او اؤمن اقول ايه ,, ! اقول اني كنت اكثر امانا و راحة وحرية وانا ( بداخلكم ) من ا ي وقت مضى وانا حاسس بالعزوة بالقوة بنفس احاسيس شباب التحرير - مع الفارق اكيد طبعا لان الوضع مختلف تماما ,, اقول الحمد لله ثم الحمد لله ثم الحمد لله ثم الحمد لكم على مودتكم ومشاعركم الراقية النبيلة الصادقة ,, ونتم والله ناس عظيمة وحبيبة اوي اوي اوي ,,

بسم الله الرحمن الرحيم مع أنني لم أكن أرغب في الحديث عن هذا الموضوع نظرا لأني أراه من الماضي .. لكن يبدو أنني سأضطر للعودة إليه ... يثبت السلفيون في كل مرة أنهم يغردون خارج السرب .. وأن لهم اختيارات غريبة ليست في أمور الدين فقط .. بل في أمور الدنيا أيضا. قبل الثورة .. هاجم السلفيون الثورة ومن دعا إليها بحجة أن المظاهرات حرام والخروج على الحاكم حرام ... والفيديوهات موجودة ومثبتة .. فيها توثيق لمواقف الكل. واليوم يأتي السلفيون ويستفيدون من أحد أهم ثمار الثورة .. وهي وجود انتخابات حرة .. وقلنا الحمد لله فيبدو أن السلفيين قد اقتنعوا أخيرا بأن الحاكم ليس إلها لا يجوز الخروج عليه .. وأنه يجوز الخروج عليه إذا لم يراع شرع الله .. وأنه يجوز الاستفادة من ثمرات هذا الخروج. كان هذا ما تمنيناه .. أن يكف السلفيون عن الانغلاق عن المجتمع .. وأن ينطلقوا مع كل طوائف المجتمع المصري لتشكيل مصر جديدة. لكن للأسف .. فوجئنا بموقف معتاد ومتكرر للسلفيين . كن نظن أنهم قد أقلعوا عنه. حيث قاموا بتحويل الاستفتاء إلى معركة دينية .. وها هو ذا أحد أكابر السلفيين يصف هذه المعركة بالغزوة.. وكلمة غزوة في القاموس الإسلامي إذا أطلقت فإنما تطلق على معارك المجاهدين في سبيل الله. ونظرا لأن السلفيين يحبون دائما الأدلة والبراهين فتعالوا نرى معنى الغزو في الموسوعة الفقهية الكويتية [ الغزو : الغزو معناه الطلب ، يقال : ما مغزاك من هذا الأمر أي ما مطلبك ، وسمي الغازي ، غازيا لطلبه الغزو. ويعرف كتاب الجهاد في غير كتب الفقه بكتاب المغازي ، وهو أيضا أعم ؛ لأنه جمع مغزاة مصدر لغزا ، إنزالا على الوحدة ، والقياس غزو ، وغزوة للوحدة ، كضربة وضرب ، وهم قصد العدو للقتال ، خص في عرف الشارع بقتال الكفار.] هذا هو معنى الغزو .. وما دام أنه يصدر من شيخ داعية فهو لابد أنه يقصد هذا المعنى. أن هذه الغزوة كانت قتالا من المؤمنين للكفار. ( الحمد لله أني كنت من طائفة المؤمنين وكنت مع الناس اللذين قالوا نعم ). المهم .. ما هي علاقة هذا الاستفتاء بالدين أصلا .. حتى نجد الدعاة يخصصون له الخطب والمحاضرات ؟ استفتاء على عدة تعديلات دستورية ؟ تشمل مدة الرئيس .. وآليات انتخابه .. وآلية الطعن في عضوية مجلس الشعب .. تعديلات دستورية صاغتها لجنة محترمة برئاسة رجل محترم يشهد له الجميع هو المستشار طارق البشري.. فنعود ونسأل .. ما الذي أدخل الدين والحلال والحرام والشريعة الإسلامية في هذا الأمر ؟ هل الشريعة الإسلامية تحدد أن يكون مدة أولي الأمر أربع سنوات فقط .. ولا يمكن تخميسها مثلا ؟ إذا كان هذا هو الأمر حقا .. فلماذا سكت السلفيون على ثلاثينية المخلوع .. وبل وربما كان لا مانع عندهم إذا استمر ثلاثينية أخرى.؟ السلفيون كانوا هم الصورة المعاكسة للكنيسة ... حيث قامت الكنيسة بحشد أتباعها للتصويت بلا .. وقام السلفيون في موقف مضاد بحشد أتباعهم للتصويت بنعم. والكل فعل هذا من أجل التصارع على مادة لم تكن أصلا محلا للنقاش في التعديلات الدستورية . فما الذي أدخل المادة الثانية من الدستور في هذا الاستفتاء ؟ قام الفريقان ( السلفيون والكنيسة ). بنقل الصراع إلى خارج الملعب.. حيث أن الملعب به ثمان مواد فقط يتم التصويت عليها .. وهل أنت موافق عليها أم لا .. فجعل الطرفان التصويت على مادة أخرى ليست لها علاقة بالملعب .. ولم نسمع أحد منهم يتكلم عن المواد داخل الملعب . وزاد الأمر بأن تم تقسيم الناس إلى فسطاطين .. فسطاط الحق وفسطاط الباطل .. أصبح الحق مع ( نعم ) .. والباطل مع ( لا ). وأغلبية من قال ( نعم ) للعلم لم يقل هذا اقتناعا برأي السلفيين .. بل قالها لأنه يرى فيها الاستقرار الذي أوهم أنه سيحرم منه في حال إذا ما ظل زخم الثورة قائما بنتيجة ( لا ). فعلي السلفيين ألا يتصوروا أن الاستفتاء جاء انتصارا لهم .. أو أن الناس اقتنعت بكلامهم . نأتي الآن للمادة محل الخناقة.. المادة الثانية من الدستور .. فلنسل أنفسنا سؤالا .. دعونا نسبح في بحر الخيال ونتوهم حدوث احتلال أمريكي لمصر .. وقيام أمريكا بإلغاء الدستور كله .. بل وأكثر من هذا جعل الديانة المسيحية هي المصدر الرئيسي للتشريع .. فما الذي سيحدث ؟ هل سيؤثر هذا على نسبة المسلمين في مصر ؟ هل سيؤثر هذا على وضع مصر كقلب العالم الإسلامي ... لا لن تتغير مصر وستبقى مصر دولة مسلمة .. تقطنها أغلبية مسلمة تراعي شرائع الإسلام في تعاملاتها. يا إخواني الفضلاء .. الدستور ما هو إلا قانون مكتوب .. ولا قيمة له إذا لم تكن هناك قدرة على تفعيله. وهذه القدرة على تفعيل مواد الدستور .. تبقى في قدرة الشعب على إجبار من يتولون أموره على احترام الدستور. كنت أتحدث مع إحدى الأخوات المناصرات للمادة الثانية من الدستور .. وقلت لها .. لو أن المادة الثانية رفعت من الدستور ... فما الذي سيحدث في مصر ... هل أغلبية ال 94% من المسلمين الذين يسكنون مصر ويدينون بشريعة الإسلام سينقلبون فجأة إلى ديانة أخرى فور رفع هذه المادة من الدستور .. هل سيتحول المسلمون في مصر إلى أقلية .؟ هل سيختفي الإسلام من مصر فور اختفاء المادة الثانية من الدستور ؟ قلت لي .. لا .. لن يحدث هذا طبعا .. ثم أردفت قائلة .. لكن المادة الثانية هذه هي التي أوقفت كثيرا من العلمانيين عن تمرير قوانين مضادة لشريعة الإسلام ... قلتُ لها.. حسنا .. نحن نتحدث عن المجتمع الديمقراطي الذي ننشده .. أليس كذلك ؟ لنفترض أننا نعيش في في هذا المجتمع الديمقراطي الذي تسكنه أغلبية مسلمة .. لابد أن الغالبية الساحقة من أعضاء البرلمان في هذا المجتمع الديمقراطي سيكونون من المسلمين أيضا.. وحيث أن هؤلاء الأعضاء منتخبون بطريقة نزيهة عن طريق صناديق الاقتراع وأصوات الناخبين .. فإنهم سوف يحسبون آلاف الحسابات لهؤلاء الناخبين .. وسيعلم كل أعضاء البرلمان أن الحديث عن أي أمر يغضب هؤلاء الناخبين يعني بالضرورة النهاية السياسية لهذا البرلماني. وعليه فلن يجرؤ أي عضو في البرلمان على طرح أي مشروع قانون يصادم هوية المجتمع الإسلامية التي هي هوية أغلبية سكانه ( وليست لأنها هوية منصوص عليها في الدستور ) .. وذلك لسبيين ... 1- أن هذا يعني بالضرورة نهايته السياسية كما أسلفنا. 2- أن مشروع القانون هذا لن يقابل بأي ترحاب من بقية أعضاء البرلمان .. لأن البقية سيعملون جاهدين على عدم إغضاب الأصوات التي جاءت بهم إلى البرلمان. وعليه فسوف نجد أن الضمانة الحقيقية لبقاء الهوية الإسلامية لمصر بيضة الدين مزدهرة .. هي أن تكون هناك انتخابات نزيهة. أي تكون هناك ديمقراطية. وليست الضمانة هي وجود المادة الثانية من الدستور. وعليه فالمسألة أبسط مما يتخيل الفريقان. ففي المجتمع الديمقراطي. لا بقاء المادة الثانية من الدستور هو الذي سيحمي هوية مصر الإسلامية. ولا حذف هذه المادة هو الذي سيكون نقطة الانطلاقة للمسيحيين واللادينيين لطمس هوية مصر. وحمى الله مصر بيضة الدين.

http://www.youtube.com/watch?v=0J4lGiXXd1I مش لاقية تعليق غير الله يحميكم و يبارك لمصر فيكم

هو لو ممكن يعمل ثورة مضادة و حركات من دي ويرجع تاني يبقي هقولله : وحشتنا أوي يا ريس..من ساعة ما مشيت و الحياة ما بقاش ليها طعم ولا لون ولا ريييييحة و من ساعة ما مشيت و أنا ماليش نفس حتي أخلص طبق الكبسة بحاله لكن لو كان مشي تمامن..و مافيش أمل يرجع تاني..يبقي هقولله : يووووووه...أنا مش عارف كنا ازاي عايشين قبل كده معاك يا أخي..ده انت كنت قالب الحياة غم و أخيرا...أحب أقول لكل شاب و كل فتاة..لازم يكون ليك موقف..و كلمة واحدة زيي كده بالظبط

السلام عليكم و رحمة الله و بركاته عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس) اللي كان قصدي....ان انت كمان من حقك تكون.....ملك علي البلد اللي بتحبه.....ليه لا انت مينفعشي تكون في مصر...بس ليه مينفعشي تكون في السعودية و هو ده اللي افهمه عن الثورة....لا هي نشيل ده و نحط دكهوت.... الثورة.... انك تحس ان قادر تحلم... و الاهم مصدق حلمك.... و الاهم منهم ان محدش يحرمك منه عشان يقولك....لا اصل انت متنفعشي مين قال طالما بحب البلد....و عندي خطة ليها....ايه يمنع....؟؟؟ مهياش حكر علي قالب واحد....و لا حلم واحد انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه صباحك...ساري....حلم....كل واحد يعمله بنكهته هو مش هاخبطك بحاجة يا لموض .. ده رأيك .. ومن حقك تعبري عنه بموضوع التوبيك اياه .. كان السؤال واضح .. من تتوقع ؟ .. عن نفسي ما اتوقعتش ابدا تقوم ثورة بالسعودية .. بغض النظر اني مع الثورة او ضدها - ببلدي - ، بس حتى لو كنت معارض لسياسة الدولة كنت هاقول برضو .. ما توقعش .. ليه .. ؟ لاني توقعاتي مش حالمة ولا مبنية على عواطف .. لكن مبنية على قراءات .. وقراءة لردود الافعال للشعب بمختلف اطيافه .. ومنها يجي حكمي انا عن نفسي .. مقتنع بحكم المملكة واعتبر نفسي مدافعا عنه .. لكن لو كنت اشعر انه من الممكن ان تحصل ثورة بالبلد لقلت وقتها .. اتوقع السعودية للاسف ده من ناحية التوبيك موضوع الحلم حلو اوي ان الواحد يكون طموحه عالي ويتمنى اجمل المناصب انا عن نفسي طموحي اكبر من منصب الحكم طموحي انه يكون البلد بلد مستقر .. طموحي انه يكون بلد اقتصادي وصناعي و علمي من الدرجة الاولى وقبل ده وده .. محافظ على هويته الدينية دي امنية عندي اكبر من اني اشوف البلد تحت حكمي انا شخصيا .. ولما اشوف البلد بتكوينها المجتمعي القبلي - الصعب جدا - على السيطرة .. متوحدة واشوف حاكمها يسعى حثيثا في موضوع الاصلاح على كافة الاصعدة يبقى خلاص يبقى تحقق كتير من اللي انا عاوزه منه كحاكم .. ودوري الحقيقي اني ابدأ باصلاح نفسي .. وتغيير المجتمع من حولي ما استطعت للافضل واللي يعمل ده يحس انه ملك فعلا .. بدون منصب وعلى فكرة بما اننا جبنا سيرة اسماء محفوظ مش كل شخص حالم ينفع يكون رئيس جمهورية .. مع شديد الاحترام ليهم طبعا حتى حتة الكاريزما .. دي تبقى رومانسية بالافلام بتاعتنا .. بس بالواقع .. اللي يخدم اكتر .. اللي ينفع البلد اكتر .. اللي يطبق اللي يمليه عليه المنصب ويحس بامانته ويؤديه باقتدار مش مهم يكون جاله تسمم من كبدة عربية بالشارع .. بس المهم يعرف ازاي يقضي على هذا التسمم مش مهم يكون يعرف كام سعر الدقيقة بالموبايل بقدر ما يكون عارف يستشير مين بموضوع خفض تكلفة الاتصالات وازاي يطرح حلول او يسمع حلول مهو القذافي كان من الناس دي .. وجا ع الحكم و اتلحس عقله الرئيس عبد الناصر كانت له كاريزما ساحقة .. وفي عهده حصلت النكسة والرئيس السادات ما كنتش له الكاريزما دي .. بس انتصر في حرب اكتوبر الثورات وسائل لا غايات ... مش مهم اني اكون حالم واصدق حلمي .. وخلاص اعمل ثورة المهم اني اكون عارف ومتخذ كل خطوة بتدبيرها .. وابني على قواعد ونهج واسس السياسة وبناء الدول وتغيير الحكم مش موضوع حلم وانتهينا .. لا .. موضوع تخطيط وبناء .. وقبل كده بالشرع اللي هو اولى من السياسة فيه فقه ضرورات و قاعدة درء مفاسد وجلب مصالح وامور كتيرة لازم الواحد يحوطها من كل جوانبها قبل ما يولع ويقول خلاص .. ويتحمل وزر وذنب حاجات مش عارف عواقبها كويس وما اعطاش فرصة لدماغه بانه يدرسها ومشي ورا الصورة الجميلة و خلاص .. مهور اركتكت شاف بصورة اسماء محفوظ الصورة الجميلة للثورة في منظرها الحالم الرومانسي بس انتي بنفسك قلتي مش معنى كدا انك تحط صورة لاسماء في غير موضعها انا اشوف نفس اللي تشوفيه .. اشوف الثورة ما ينفعش تنحط بموضع غير موضعها ولا ماكنش لازم تكون فيه كلمة ( فتنة ) من اصلو .. ونمحيها من القواميس اوعي تعيطي وتلمي حد عليا .. :P

على هامش الاحتفائية ,, الرجاء عمل مقارنة بين رد اوزو الاخراني ورد اغابي ثم عمل مقارنة بين الصور التي ادرجها كل منهما ناس تستقبل بالزغاريط .. وناس تتكلم عن طرطشة دم ناس بتقول حنغطيك حتى تستغطى .. وناس بتخصم من معاش المرحوم يا اوزو حرام عليك .. شوية اتيكيت بأة راجل مبالغ فيه !!

إن طلع العيب من أهل العيب ما يبقاش عيب يحيى الجمل ده كنا واخذين فيه مقلب كبير أوي ... وطلع في الآخر انه ما يفرقش عن القط وكمال وسرايا وغيرهم من موالسين النظام مش ده كان واحد من أعضاء لجنة الحكماء اللي حاولت تجهض الثورة في عزّ عنفوانها وهرول للقاء عمر سليمان ومبارك اختاره في لجنة تعديل الدستور وراح عادي ولا كإن في ناس اتقتلت ونظام فقد شرعيته ولما شفيق استدعاه وقالوا هعينك نائب رئيس وزراء الراجل ما صدق وباع الثورة وقعد يدافع عن شفيق ضد من ينتقدونه ودلوقت عمال يتكلم على المادة الثانية ليشعل الفتنة الطائفية وتنجح الثورة المضادة الرجال مواقف وهذا الشخص سقط من عيني وأعين الشعب المصري.

لا أتوقع حدوث أي تغيير جوهري في المادة الثانية من الدستور إن آجلا أو عاجلا ... ببساطة لأنها بشكلها الحالي ترضي الأغلبية الساحقة من المصريين مع بقية مواد الدستور المتعلقة بهوية الدولة وانتماءها العربي والاسلامي وطبيعتها المدنية ... المادة بصورتها الحالية هي أفضل ما أنتجته القريحة القانونية المصرية في التوفيق بين مدنية الدولة وهوية أغلبية شعبها. ولا أعتقد أن من يريدون إحداث تغيير جوهري في المادة تزيد نستبهم عن 10% من الشعب من المتطرفين على كلا الجانين ... نصفهم يريد إلغاء المادة والنصف الآخر يريد إلغاء الدستور بأكمله ما عدا هذه المادة. ولكن لن يتحقق ما يسعون اليه بإذن الله وبوعي الشعب المصري.

كنت باحترم الدكتور يحي الجمل وكنت انظر له كقامة عالية ومحترمة لكن الظاهر إن السن له حكمه .. وإن تخطية لسن الثمانين أصابه بنوع من الزهايمر والهرتلة .. وأظن كثير مننا سمعه لما قال " إن ربنا نفسه لو دخل إستفتاء وحصل على 70 % يبقى يحمد ربنا " !!!!!!!!! أستغفر الله العظيم http://www.youtube.com/watch?v=lymIjA-UgHc&feature=related ولما يقول إنه راح للبابا شنودة يناقش معاه المادة الثانية .. يبقى ده أستفزاز لا داعي منه إطلاقاً في هذا الوقت لا يوجد مانع عند أي مخلوق إن يُشار في الدستور لحق الديانات السماوية الأخرى لتطبيق تشريعهم عليهم فيما يخص الأحوال الشخصية ... لكن أبوس إيديكم قبل راسكم ... دعونا نركز في البناء وبلاش أستفزاز وأستعداء الناس .. وإن ما كانش الدكتور الجمل بيعرف يتكلم على الهواء او بيتكلم بعفوية وتلقائية وبالتالي بيهرتل ... يبقى احسن له يخليه في شغله ويسكت ويسيب حد متحدث رسمي يتكلم بالنيابة عنه ... لإن ممكن كلمة واحده تُشعل حرباً في ثواني

عاوز أشيد بموقف الشعب اليمني المحترم المتدين المعتدل المثقف بامانة دي شهادة وإشادة بسلوكهم المحترم لإننا جميعاً نعلم إن كل الشعب مُسلح من أول الكلاشنكوف مروراً بمضادات الطائرات إلى مدافع الهاون ... وكل ده بيتباع هناك في الأسواق بجوار الخضار والفاكهة.... ومع ذلك لم نسمع إن في طلقة طلعت من سلاح احد ضد أي احد وحتى الفزاعات التي كان يستخدمها المجرم علي عبد الله صالح سواء الجنوبيين المطحونيين والمهضومة حقوقهم في البلد .. وكذلك الحوثيين الإنشقاقيين .. بالإضافة إلى جحافل تنظيم القاعدة اللي اليمن تعتبر أرض خصبة لها كل هؤلاء لم نجد لهم أثر في الأزمة الحالية مما يدل على إن معظم تلك المشاكل كانت من إختراع النظام الفاشل الفاشي وبالامس وفي محاولة يائسة منه سمعناه يهرتل ويهذي ويقول " إن هؤلاء الثوار هم شباب مُضلل يُنفذ أجندة خارجية " الله يخرب بيت الاجندات على اليوم اللي اخترعوه فيها طب دول الشباب شايلين أجندات مكتوب فيها تعليمات بلغات اجنبية وبينفذوها طب وقادة الجيش والدبلوماسيين حول العالم ومعظم اعضاء حزبك الظالم اللي انفضوا من حولك ؟ إيه ... معاهم أورجانيزور هما كمان وبينفذوها ؟؟؟؟؟

اعلن علي عبدالله صالح انه مستعد للتنحي بحلول نهاية العام في اطار نقل دستوري للسلطة نفس الخطوات ... خطوة خطوة صورة معبرة في احد المواقع اليمنية المتابعة للثورة

طبعا كل راجل ياجماعه له جوانب معينه بيركز عليها ف اعجابه بالمرأه بس يا جماعه اعتقد ان فيه شوية جوانب لااااااااااااازم تكون موجوده ف كل ست يعني مثلا تلاقيه يحبها ضعيفه معاه لكن قويه مع الاخرين bsh:) وطبعا هو لازم يساعدها عشان تحتفظ بضعفها ده(شايفين انا بلمح ل ايه يعني الراجل بردووا مسؤال عن انوثة الست) عارفين اززاي انه يديها القوه من عطفه وحنانه واحترامه ... وانه يحسسها ان ضعفها قصاده ده شيء جميل مش خوف ولا عدم ثقه بنفسهااذن يا جماعه الانوثه دي فن والراجل الذكي هو ال يقدر يتقن الفن ده ....لكن بقي لو ما قدرش بمعني انك تلاقيه استغل حبها وضعفها وابتدي بقي يتفرد ويكشم لها هاتلاقي الست لاحول بها ولاقوه اتقلبت للنقيض العمليه سهله هي بس محتاجه راجل يكون واثق من نفسه عشان يقود الست ويحولها الي كائن وديع بحاجه للمسة حنان منه نداء هام من اعماق اعماق قلبي لكل ست بتقرا كلامي اياكي حبيبتي والصوت العالي صوتك لو علي هايكون خشن وحزاري والتكشير وفرد البوز اياه بيخلي شكلنا وحش اوي :sad: صدقيني ابتسامتك هي السر بتخلي اليوم يحلو ربنا يحللي ايامك جميعا ومش عاوزه انسي اقول واعيد وازيد الانوثه مش ميكب وشعر وريجيم يهد الحيل الانوثه هو مش هايشوفها الا لما انتي تحسيها ونشكركم لحسن استماعكم

مضى الاستفتاء بنعم ولا وكانت الغلبة لنعم وهي النقطة الاولى التي ادارها عمر سليمان بذكاء لتفريق الشعب المصري لقسمين قسم نعم ضم الماعات الاسلامية باطيافها وقسم لا ضم الجماعات السياسة والكنيسة فهل كان الاستفتاء لازما؟ الخطوة الثانية الان هي توسيع الفرقة بين القسمين كلام من شيخ محسوب على التيار السلفي كلام من قسيس كلام من علماني يرىعلى المسلمين ترك الدين ان ارادوا اللعب بالسياسة فيصبح هم كل فريق هو مصلحته والانتصار لحزبه ناسيين المهمة الاولى المفوض التكاتف لها الان وهي الاسراع بمحاسبة الفاسدين المفسدين نجح عمر سليمان في هذه المهمة حتى الان لان التلفزيون الامصري هو هو لم يتغير وسيستمر نجاح عمر سليمان طالمل ظلت هذه الاة بيده يوجهها الفيلم الثاني الذي سنشاهده قريبا وسينجح لان الفيلم الاول اطفيح لم ينجح الفيلم الثاني هو مظاهرات المسيحين يوم 25 امام ماسبيرو للمطالبة ببعض المطالب الطائفيه طبعا غالبا من سيقومون بها هم مسيحيون على علاقة بامن الدولة اوقل هو الجناح المسيحي من امن الدولة من ضمن مطالبهم والكشف عن مصير فريدة نعيم يوسف 24 سنة, مريم صالح عبد المسيح جرجس 19 سنة, نرمين خيري موسي طانيوس 15 سنة، وإرجاع جلسات النصح والإرشاد قبل تغيير الديانة. وحذروا بأنه في حال التراخي وعدم الاستجابة لتلك المطالب سوف يتم رفع سقفها. ناتي للشق الثاني من الفيلم يوم 29 يقوم المسلمون بمظاهرةللمطالبة باعطاء الحريه للمصرية كاميليا شحاتة سيقوم التلفزيون المصري بالدور المنوط به دائما باشعال الفتنة وسيكون هذا هو النجاح التام لعمر سليمان ولا عزاء للمبادئ

http://www.youtube.com/watch?v=zpt5PYZgnEg كلام زي الفل اهو ما ينفعش نعمم على كل الناس يا جماعة طبعا الكل مسك في الفيديو بتاع الشيخ يعقوب فا اهو تعليق الشيخ محمد حسان و الشيخ حازم شومان نقلته هنا عشان الكل يعرف ان التعميم على كل الناس ممكن يعمل مصايب بجد

طزززززززز في كل الأشياء الغير مهمة طزززززززز في كل من يشدنا إلى الأرض و نحن نسعى للتحليق عاليا فحياتي أثمن بكثير من تضييع لحظة منها على كل من يستحقون تلك الكلمة " طزززززززززز" = " لا شيء يهم " الوصفة السحرية للاستمرار و البقاء في حياة تعج بالتحديات و طززززززززززز فيمن يصر على الغباء أو التغابي

شوية انصاف يابشمهندس الراجل مدعوا لمؤتمر لمناقشة التعديلات عشان اللي موافق يعرض رأية واللي معارض يعرض رأية فجأه وجد انهم لايريدون سماع الرأي الاخر بل يريدون نصب الفخ لمصر لأاكثر ولا اقل ومن يعارضهم يردون عليه بالطريقة العلمانية المعروفة الشتائم والسباب! تعبير نصب الفخ لمصر ,, ومن قبله تعبير المنافقين ,, يا سوون الكلام يكون باختيار وتروي تعيب على الناس السباب وانت تسبهم !! امال لو رحت امبابة عرضت راي امام مجاهدي الصناديق ! كانوا عملوا فيا ايه ! ردود الافعال هيا هيا في المعسكرين ,, والجيش فرحان بكده و سايب باقي مطالبنا وبيستغل الفرقة دي والله افضل استغلال عاوزين نبطل بقى فلان فضح المعسكر الفلاني ولو تاخد بالك انا ملف الصناديق مافتحتوش من ساعة ما اتفك الحظر وكان لي دعوة احب اننا نبداها سويا وهي ,, التلاقي عند نقاط اتفاق مشتركة ,, واعلان مباديئ يوقع عليه هنا في المحاورات جميع الاطياف السياسية المختلفة نرسي من خلاله اسس تناول الامور في المرحلة الحساسةا لقادمة ان شاء الله ناجل شوية خلافاتنا ونقننها ونلتزم بميثاق شرف في الخصومه ,, وفي نفس الوقت نلتفت للجيش ونشوف ايه اللي بيدور من وراء الكواليس ,, ايه رايك ؟

حمد الله بالسلامة مع اني مش عارفةايه القصة بالضبط بس احساسي بيقول ان في رقي في التعامل مع الموقف ايا ما كان الموقف اللي حصل ونظرا اني دائما وابدا بنحاز وبشدة للرقي في التعامل حتى ولو كان التعامل ده عبارة عن اختلاف تقبل تحياتي واتفضل دي مني واعذرني لو في اي خلل http://www.youtube.com/watch?v=fFGkEaHtTYE

للمجاهد الثائر الرمز البطل في القلوب اسمى آيات الولاء و الاعجاب والتقدير ,, ولا نزكيه على الله ,,

بوابة الاهرام

احب اهديه تانى هو وعصابته الاغنيه دى http://www.youtube.com/watch?v=ZtuQZ1Mj3xA

السلام عليكم منذ حوالى 15 عاما رسب شيمون بيريز فى إنتخابات الحكومة الاسرائيلية مش مشكلة ، بتحصل كثير فى اسرائيل ، رئيس وزارة يأتى ورئيس وزارة يروح ولا عزاء لحكام العرب المتمسمرين فى الكراسى. طيب ايه المشكلة؟ برضه مفيش مشكلة ، اللى حصل أن العلامة الدكتور يوسف القرضاوى فى إحدى خطبه كاشفا خيبة الحكام العرب قال ان الحكام العرب كانوا معلقين آمال كبيرة على فوز بيريز وخاب ظنهم وقد سقط بيريز وهذا مانحمده فى اسرائيل ونتمنى ان تكون للادنا مثل هذه البلاد ، الشعب هو الذى يحكم ، ليس هناك التسعات الأربع أو التسعات الخمس التى نعرفها فى بلادنا ، تسعو وتسعين وتسعة وتسعين من ميه، ماهذا؟ ، لو أن الله عرض نفسه على الناس ما أخذ هذه النسبة ، ولكنه الكذب والغش والخداع ، نحيى اسرائيل على مافعلت. وهنا قامت الدنيا ولم تقعد ، وخرجت الاتهامات تصفه بانه عاصى و ...... مالى آخر اليستة من نعوت وصفات ، بل طالب احدهم باستتابته وان لم يتوب ويتراجع عما قاله وجب على الحاكم قطع رقبته. وهانحن نفعل نفس الشيئ مع الدكتور يحيى الجمل ، لم نشغل بالنا بالمعنى وراء ماقاله ، بل انشغلنا بالألفاظ

هههههه :happy: تسلمي يا هندسة انا والله اللي كنت مفتقدكم كلكم اكتر ,, النور نوركم وكل يوم بيمر بياكدلي حقيقي اننا اسرة واحدة ,, و تصدق المقولة رب اخ لك لم تلده امك ,, اما لو عاوزه تعرفي مين تيمور الحقيقي فاسمحي لي مش هو اللي بيغني فوق ده هو ده ! :happy: يا ام يوسف تعاااالى بسرررررعه ...ياجماعه حد ينده لام يوسف مدام بشمهندس تيمور ...علشان تقونا مين الاخت ال معاه فى الصوره دى انا جايه اهدى النفوس والله

و الله اللي فهمته ان دستور 71 كده كده ميت سواء كانت النتيجة نعم او لأ و الاستفتاء على التعديلات عشان هاتكون هي اساس المرحلة الانتقالية اللي تساعد على الانتخابات البرلمانية و الرئاسية بالاضافة لمواد تانية هاتضاف اليها و بعض القوانين لتسيير العمل في الفترة الانتقالية دي و بعد كده يجي البرلمان و الرئيس و يشكلوا لجنة لتأسيس دستور جديد يتم العمل بيه على طول دا اللي انا فهمته

من خلال قناة الرحمة ، الشيخ محمد حسان يطالب الناس بالتصويت بنعم فى الإستفتاء على التعديلات الدستورية. يقول انه قرأ الدستور خلال كام يوم ، واقتنع ان الاجابة بنعم هى الافضل ، وبناء عليه فهو يطالب الناس ان يتوجهوا جميعا للتصويت بنعم. مادخل رجال الدين بالسياسة؟ اسأل هذه السؤال لان على الجانب الآخر هناك رجال دين مسيحيين طالبوا المسيحيين بالتصويت بلا هل اصبح الموضوع تنافس دينى ينعكس على حياتنا السياسية لتوجيه الناس لما يظن رجال الدين انه الطريق الأصوب؟ أرى أن تكون هناك ضمانات بالا يتدخل رجال الدين فى الحياة السياسية ، والا تستخدم صفاتهم الدينية فى توجيه الناس سياسيا http://www.youtube.com/watch?v=qjRJwmH4KC0

لا أؤمن بالاتهامات التي ليس لها دليل حتى و إن وجدت دليلا فلابد أن تتحرى أكثر من مرة حتى تتأكد أن دليلك صحيح لا أدرى لماذا نحاول التقليل من شأننا وتصغير أدوارنا إن وائل غنيم وأمثاله الكثر من الشرفاء الذين كانوا سببا بعد توفيق الله فيما نحن فيه الآن لنا الحق أن يفخر كل مصري بل وكل عربي و لا أبالع إن قلت وكل العالم أجزم أن القلة القليلة هم أعداء كل نجاح وأرجو أن تتلاشي هذه الفئة وأن تجلس مع نفسها لحظة صدق وتراجع نفسها وأدعو أن يكثر الله من أمثال الشرفاء شبابا وشيوخا في بلادنا العظيمة عاشت مصر حرة .......وعاش شعبها العظيم

أرجوك إستمع وشاهد هذا الفيديو وانت تعرف الاجابة على سؤالك http://www.youtube.com/watch?v=qz7OH_dEzXg قام العديد من الاخوة بالتعليق على كلام الشيخ الفاضل .. سواء من هم مريديه او منتقديه .. و((كفونى الكلام)) عن نفسى أحترم جدا.. وأُجِل علماء الدين ((ولكنى لا أقدسهم ..ولا أقدس أى نوع من انواع البشر مهما كانت مكانتهم الدنيويه او العلميه)) .. وحديث الشيخ الجليل به تحفظات كثيره (يقرها قليل من مريديه قبل كل منتقديه)) .. وأظنه قد يراجع نفسه ويراجع ما قاله.. بعد أن تذهب عنه تلك النشوة بفعل إنتصار نعـــــــــم على لا عن نفسى لم أنظر الى حديث الشيخ بعين المريد او بعين المنتقد .. بل بعين العقل المحايد .. وبعين الواقع ..وبعين المحب لوطنه .. الذى يفرض علينا ان نقدر جيدا حجم تأثير هذا الداعية الفاضل فى البشر .. ويحزننى حقيقة ان يتحول داعية دينى عن مساره الاصلى .. ويصبح سياسى بدون ان يكون ذو حنكه او خبره سياسيه ((وذلك خطير خطير خطير .. بنفس خطورة الثورة المضاده)) ..هو قد نفى ذلك فى سياق حديثه .. وأكده بشده فى سياق اخر وبتلخيص وايجاز انا مع ان يصل الدين ((كخطوط عريضه)) الى الحكم .. وضد استغلال الدين فى الوصول الى الحكم

جامد الموضوع ده يا شيكو شيكو أومال بيقولوا البنات ما بتكرهش في حياتهم إلا حاجتين : 1- الكورة 2- البورصة والارقام

فتاوى الخروج على الحاكم أو ما سميته فتاوى التعاطي مع مظاهر الديمقراطية تتأثر بالواقع وما يترتب عليه من مفاسد ، ولا ترتبط بالحاكم فقط ولكن بالواقع ككل. الواقع الآن واقع جديد ، وهذا يستلزم قتوى جديدة وليس التراجع عن الفتوى القديمة التي كان لها واقع يناسبها ، وهذا ما يحدث بالفعل، وهو ما يعني أنه يوجد والحمدلله تعاطي مع الواقع والدليل المشاركة في الانتخابات والاستفتاء

السلام عليكم و رحمة الله و بركاته عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس) اللي كان قصدي....ان انت كمان من حقك تكون.....ملك علي البلد اللي بتحبه.....ليه لا انت مينفعشي تكون في مصر...بس ليه مينفعشي تكون في السعودية و هو ده اللي افهمه عن الثورة....لا هي نشيل ده و نحط دكهوت.... الثورة.... انك تحس ان قادر تحلم... و الاهم مصدق حلمك.... و الاهم منهم ان محدش يحرمك منه عشان يقولك....لا اصل انت متنفعشي مين قال طالما بحب البلد....و عندي خطة ليها....ايه يمنع....؟؟؟ مهياش حكر علي قالب واحد....و لا حلم واحد انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه صباحك...ساري....حلم....كل واحد يعمله بنكهته هو

السلام عليكم و رحمة الله و بركاته ممكن اقترح اقتراح...ممكن نخصص باب لموضوع مرشحي الرئاسة...نستعرض فيه كل مرشح و برنامجه الانتخابي عشان يكون سهل بالنسة لينا نتحاور و نقارن فيه كل ما اخش المنتدي احس اني تايهه اسفة علي الخروج عن التوبيك....بس كان فيه برضه توبيك عن البرادعي و عمرو موسي...و عايزة احطهم كده جنب بعضيهم و نشوف ايه الموضوع بالظبط شكرا

قرأت هذة الرسالة التى تعبر عن مايريد كل فرد منا قولة للرئيس السابق ... اتركم معها .. واحيي الكاتب عن التلقائية وعن التعبير بصدق ..وهى للكاتب احمد فؤاد من موقع رياضة دوت كوك ... رسالة الى فخامة الرئيس محمد حسنى مبارك ترددت كثيرا قبل ان اكتب اليك رسالتى هذه ..ربما لانك لن تقرأها ..وربما لان بداخلى شأنى شأن الكثيرين غصة فى الحلوق مما اَل اليه حالنا بعد كل هذه السنوات من حكمكم للبلاد.. وبداية اسمح لى بأن اعود معك الى الوراء كثيرا وتحديدا فى اكتوبر1981 حينما اعتليت حكم مصر فى ظروف قلما تواجهها بلادنا الطيبة وتوليت سدنة الحكم .. هل تذكر كيف توسمنا يومها خيرا بمقدم احد رموز جيل شباب اكتوبر ؟؟. وكيف عانقت احلامنا عنان السماء ثقة فى ان الخير قادم لامحالة على يديك .. وهل تتذكركيف مرت علينا السنوات تلو السنوات حتى وصلت الى الثلاثين عاما من الحكم مرت علينا كانها الدهر كله وكيف كنا نودع كل عام بكوارثه لنبدأ العام التالى على وعود وشعارات لطالما داعبت مشاعرنا و دغدغت عواطفنا بأن الخير فى القادم !! لتتعدد الاعوام وتتكرر الاحلام ورغم ان الواقع كان يصرخ بغير ذلك الا اننا كنا نصدقك ونصبر ..حتى انهارت الاحلام وتحولت الى كابوس على يديكم !!.. فماذا فعلت بمصر فخامتكم ؟؟ وماذا قدمت لاهلها الذين استأمنوك على انفسهم وعلى مقدراتهم؟؟ فمنذ عدة اسابيع وبعد ان ثـار الاحرار المصريين جلست لأتأمل ملامحك التى شاخت وانت تخاطب فينا عاطفتنا كعادتك حين تريد ان تبدأ اكذوبة جديدة فى حكمك للبلاد ..ولكنك ابداً لم تنجح هذه المرة فى نيل تعاطفنا.. فقد بلغ السيل الولم يكن امام الجميع الا الاصرار على رحيلك .. فقد انطلق المارد من القمقم ليدوى ويزأر ..)) ارحل(( ..حتى من قبل ان يتكشف لنا كل هذا الكم من وقائع الفساد التى تزكم انوفنا كل صباح ومساء ويتكشف معها حجم كارثة مافعلت بنا انت و نظامك طيلة سنوات حكمك !! . سيدى الرئيس السابق ...ماذا فعلت بمصر ؟ ـــــــــــــــــــــــــــــــــــــــــــــــــــــــــــــــــــــــــــــــ * اين كنت سيدى الرئيس السابق من المسئولية والامانة عن مصر والمصريين وقد اضعت اجيال كاملة واهدرت احلامهم !!! * اين كنت سيدى الرئيس وقت اهُدرت مقدرات الوطن من اجل مجد شخصى زائف ابدا لم يتحقق؟؟ * واين كنت وقت اقنعوك باهدار المليارات من اموال الشعب المستضعف فى وهم اسمه توشكى من اجل ان يخلد اسمك عبر صفحات التاريخ ؟ * واين كنت حينما تصدرت مصر قائمة البلاد الاكثر اصابة بامراض الكبد والسرطان نتيجة الهرمونات واكياس الدم الملوثة لفساد من نصبتهم اولياء علينا ؟ * واين كنت حينما تصارع ابناء شعبك بل وقتل بعضهم البعض من اجل الحصول على رغيف خبز او انبوبة غاز فى وقت كان نجلكم الكريم يشارك صديق عمرك فى حصد عمولات تصدير الغاز لاسرائيل بسعر بخس لايرقى حتى لتكلفة استخراجه !! * واين كنت حين تحولت مصر الى بلد تتصدر قوائم الشعوب الاكثر قمعاً فى العالم على يد زبانية امن الدولة الذين تحول كل همهم الى حماية كرسى العرش وخدمة امن الاسرة بدلا من حماية امن الدولة !! * واين كنت حين تم نهب ثروات البلد بمعرفة الاقارب والاصدقاء والمحاسيب ؟؟ * واين كنت حينما شهد عصرك وعلى يديك ضياع كرامة المصريين بالداخل قبل ان تهدر بالخارج ؟ * واين كنت حين تحولت جيوش البعثات الدبلوماسية بمرتباتهم الخياليه المنتشرين حول العالم الى مرتع للمحسوبيات بدلا من ان تكون الحامى لكبرياء المصرى فى الخارج ؟؟ ففى عصركم الميمون تم سجن الكثير من المصريين بكل دول العالم وانتشرت ظاهرة التوابيت العائدة بجثامين المصريين المغدور بهم من كل بلد دون ان تحرك هذه الجيوش من البعثات ساكنا وابدا لن يغيب عن بالى مشهد المصرى المعلق كالذبيحة على صارى منذ شهور بعد ان تم ذبحه والطواف بجثته فى شوارع جنوب لبنان وسيادتك تنعم فى ذات الوقت بدفء شمس شرم الشيخ الساحرة !! * اين كنت حين ازداد الفاسدين فسادا وازداد الفقراء فقراً وحين اغتيل ابناء بلدك بالداخل وبدم بارد فى العبارة وفى قطار الصعيد وفى محرقة مكتبة بنى سويف واين كنت والالاف من خيرة الشباب يغرقون وهم يحاولون العودة الى الحياة فى بلدان اخرى بعد ان ذبحهم نظامك وزبانيته فى وطنهم !! * اين كنت حين تم اختزال معنى الاحساس بالوطنية بداخلنا فى مجرد بضع مبارايات لكرة القدم !! واين كنت حينما تم قتل مشاعر الفخر بالوطن والاعتزاز به مع سبق الاصرار والترصد عندما رفعوا شعار الهرم المقلوب !! لنجد المحظوظين فقط وابناء واقارب الصفوة مع الفنانين ولاعبى الكرة يحصدون الملايين بينما يجلس حملة المؤهلات والاطباء والمهندسين على المقاهى ومعهم من اسعدهم الحظ للعمل مقابل بعض المئات التى لاتغنى ولا تسمن من جوع..ليندبوا جميعا الحظ التعس الذى اوجدهم فى بلد انقلبت فيه كافة المعايير على يديكم . * اين كنت حين اصبح كل شىء يباع ويشترى حتى الذمم واستشرت الرشوة وزُورت ارادة الشعب بتزوير كافة الانتخابات والاستفتاءات طوال عهدك ؟؟ * اين كنت من هذه الكوارث سيادة الرئيس ؟ وهنا ألمح من ينبرى ويقول انك كنت مغيبا ولم تكن تدرى بما فعله بنا من نصبتهم علينا من حاشيتك وهنا اقول ..كلا..فلو كنت تعلم بما فعلوه بنا فتلك كارثة ! وان كنت لاتعلم فالكارثة اكبر ...ولعلى اذكرك بما قاله امير المؤمنين عمر بن الخطاب "لو تعثرت ناقة فى العراق لسئل عنها عمر !!! " رحمك الله يا بن الخطاب ..فقد علمتنا ما يجب ان يكون عليه من يتولى امر العباد .. فأين انت منه سيادة الرئيس. والمأساة انك وبمنتهى عدم المسؤولية تدافع عن ظلمك وكرسيك وعرشك حتى النفس الاخير وكأنك لم تفعل شيئاً !! هل هذه الامانة التى ائتمناك عليها منذ اقسمت اليمين بأن ترعى الوطن وبأن تدافع عن مصالح الموطنين ؟؟ سيادة الرئيس( السابق ) .. ــــــــــــــــــــــــــــــــــــــــــــــــــــــ من اين لك بهذه المليارات الثلاثين من الدولارات التى اعلن عن تجميدها مسئول رفيع بالكونجرس الاميركى فى امريكا وحدها ؟ من اين لكل هذه الاسماء {التى جاءت على غير مسمى } ..النظيف – الشريف – السرور- العز – الجمال – الانس – العادلى .......وغيرهم من افراد حاشيتك بهذه المليارات ايضا ... سيادة الرئيس( السابق ) .. ــــــــــــــــــــــــــــــــــــــــــــــــــــــ بكل اسف .. ائتمناك فخنت .. وامناك فغدرت ..ووليناك ففجرت ..وايدناك فبعت .. فمن اجل كل ماسبق سيادة الرئيس .. أسأل الله ان يقتص منك لنا فى الدنيا وفى الاخرة بعدد من اهدرت كرامتهم فى عهدك وبعدد من غدرت بهم وبعدد من اغتالتهم اجهزتك لن نسامحك..وسأختصمك شأنى شأن كل من كانوا رعاياك سأختصمك امام الله يوم لا بيع فيه ولا خلال ..وفى الختام لا املك سوى ان اقول ..اليوم لا تلومن الا نفسك ..فاذهب الى حيث ينتظرك قاع التاريخ لتأخذ مكانك المستحق . التوقيع .. مواطن سينسى انك كنت يوما حاكما لبلده.

بنتك دي يا أرك ؟ مين دي بجد ؟ قصدي تبعنا في الموضوع يعني ولا بتبعت لها ورده بمناسبة عيد الأم ولا إيه ؟ ها إيه ايه

هى الشركات بتخسر ازاى من انخفاض سعر السهم؟ الشركة نفسها لا تتأثر بارتفاع أو انخفاض أسعار اسهمها إلا لو كانت ستزيد رأس مالها عن طريق طرح أسهم جديدة أو الاقتراض ... بينما لا تأثير على الأرباح التشغيلية ... وياما شفنا شركات تحقق أرباح وأسهمها تنزل واخرى تحقق خسائر وأسهمها في الطالع ولكن الخسارة هي على من يستثمر في أسهم الشركة والخسارة هي غير محققة طالما احتفظ بالسهم ولم يبعه وتتحول الى خسارة حقيقة فقط عند بيع السهم على فكره طالما التداول ضعيف فأسعار الأسهم وفق آخر عملية لا تعبر حقيقة عن اتجاه السوق يعني ممكن تلاقي واحد مزنوق في قرشين وعايز يبيع بأي سعر فيقوم نازل بسعر السهم بينما هناك آلاف غيره لا يقبلون البيع بهذا السعر ومحتفظين بأسهمهم انتظارا لارتفاع الأسعار الصورة ستتضح قريبا والشاطر هو من يدخل في الوقت المناسب علشان يقش الأسهم عند أدنى نقطه سعرية

و أنا أيضًا أرى ضرورة المضي إلى ما هو آت و بسرعة و لكن لي بعض التعليقات الصغيرة هذا هو المطلوب إثباته حقًا موضوع الاستفتاء لم يكن له علاقة بالدين من قريب أو بعيد و لكن يا سيدي الفاضل .. الدين عند المصريين - مسلمين و مسيحيين - يأتي رقم واحد و الدليل على ذلك ما حدث في الاستفتاء عندما حاول البعض أن يضللوا الشعب بإضفاء صبغة دينية على قول نعم أو لا وجدنا الكثير قد بنى رأيه فى الاستفتاء على أساس هذه الصبغة الغير حقيقية و لكن المهم الآن أن نتعلم مما مضى .. عندما أجد أنني يجب أن أتخذ قرارًا مهمًا ( مثل الانتخابات أو أي مشاركة سياسية ) أعرض الأمر أولًا على ديني فإن وجدت أن الموضوع لا يمت للدين .. و أن أي إختيار لا يتناقض معه بأي شكل .. فيجب أن أعمل عقلي أولًا.. ثم أستشير أهل الثقة في المجال نفسه ( فما أهمية رأي الطبيب في عمل أساس للعمارة ؟) عفوًا يا سيدي هذه المادة تمثل لي ضمانة حضرتك قلت إننا على وشك الدخول في دولة ديموقراطية .. إذا لم تأتي هذه الديموقراطية الآن .. أو إذا اغتصبت منا بعد حين .. و إذا أراد أحد الحكام في ظل غياب الديموقراطية أن يطبق قرارًا منافيًا لأحكام الإسلام على المسلمين هل سنقبل بإباحة الشذوذ الجنسي أو زواج المثليين ؟ أو أن يقسم الميراث بغير هدي الشريعة الإسلامية ؟ أو يمنع تعدد الزوجات؟ أو تمنع المسلمة من ارتداء الحجاب؟ أو إذا منعت من أن أمارس أي شعيرة من شعائر ديني .. فمن الذي سوف يضمن لي حريتي في ذلك و نعلم أن ذلك حدث في دولة مسلمة في غياب الديموقراطية في تونس .. منعت المحجبات من بعض الوظائف و من دخول الكليات .. و صدر قرار بمنع تعدد الزوجات

فهمتكوا :) ------------------------------------ بس متوصلش للدروشة يعنى والتعصب الكروى اول اقتباس يخالف الشريعة الاسلامية اللى هو البند التانى من الدستور اللى هيشتغل بيه البند التانى عايزين واحد يتفرغ للرياسة ومشاكلها كدة اصحاب كايرو والكس هيزعلوا منك وهتعمل فتنة طائفية (كل المصريين حلويين)

انت كده افسدت خطة الانقلاب كدنا ننفذ الخطة وننقلب على الشرعية برجوعك أمرنا الثوار بالتراجع الى اماكنهم وتوقف الحشد حمدالله على سلامتك ياهندسة

يا عم أحمد ده كلنا عارفينه وعارفين إن مافيش مسيحي معتدل بيحاول ينكش في الموضوع ده وجرح البلد لسه ملتهب .. وما فيش مصري معتدل يُنكر مثلاً حق المسيحيين في تعديل قانون بناء دور العبادة الخاصة بهم طب ليه ده كله وليه الكلام المؤذي والمؤجج لمشاعر الغضب والفتنة ده ؟ مش وقته خالص ومش وقت تعبير عن إيدلوجيات .... وخلي بالك إن في ناس كلامها بل الحرف بيبقى محسوب عليها وده راجل سياسي ونائب رئيس وزراء .. يعني عندما يتكلم فإنه لا يعبر عن رأي شخصي .. ولكنه يُعبر عن توجهات وفكر دولة باكملها ... أقصد الحكومة يعني وأقسم بالله أتوقع إن لو اللجنة التأسيسيية عملت دستور ما يخرش الميه وبقى ولا دستور فرنسا في عز مجدها ... بس إتشال حرفي الألف واللام او الخيابة اللي عاوزين يعملوها دي .. فنتوقع تحصل نفس الغزوات اللي حصلت في الأستفتاء على 9 مواد فقط .. بل واعنف كمان ... والأغلبية هاتسيب سلطات الرئيس وقواعد ممارسات الحياة الحزبية والسياسية و و و و و و و .... ويرفضوا الدستور عشان الألف واللام .. ويالا إن شالله تولع وخلينا نركز على اشياء بسيطة لا تضرنا لو سيبناها .... لكن لو ركزنا عليها ولعبنا فيها فستكون كالديناميت وتنفرج فينا جميعاً عيب يا دكتور يحي .. عيب الكلام ده وما يصحش .. زي إحنا ما بنقبلش في أي وقت إساءة للدين المسيحي أو المساس بحقوقه ومواطنته وأعتباره جزء من نسيج الوطن برضوا لا نقبل المساس بجزء لا يتجزا مننا وهو الدين الإسلامي .. حتى لو كان الموضوع متعلق بحرفين رجاء اخر وأخير ... من فضلك ركز في علاج مشاكل البلد يا راجل ركز في الصحف القومية الخرابة اللي خاربه البلد وكل شوية سيادتك تخرج يمكن من أكتر من شهر وتقول خلاص خلاص التعيينات الجديدة وتطهير الصحف القومية خلال ساعات مش عارف الساعات ليه عندك بقت شهور ومش عارف إنت مش واخد بالك من الاشكال الزبالة زي ممتاز القط وسرايا وعبد الله كمال و و و و .. ولا هما على هواك يا أفندم ؟

مش عارفة ليه تحضرنى مقولة الراجل ده بيقول كلام ذى الفُل لكل من قال نعم أو لا.....إسمعوا http://www.youtube.com/watch?v=0bQu2ZrYILc

يا نهار مش فايت !!!!!! يعني في كمان ناس متعلمة ومثقفة متفقة مع إن اللي حصل ده يُعتبر غزوة ؟ غزوة يا أبو ريم ؟؟؟؟ وبعدين أتحدى اللي قال لأ أو قال نعم يشاور ويأكد إن لو التعديل كان إترفض كانت المادة الثانية إتشالت أكررها تاني ما هو ده الإجرام ... الإجرام إنك تكون فاهم إن التعديل لو إترفض فسيمس المادة الثانية .... فيبقى اللي أوحى للناس إنهم لازم يقولوا نعم عشان الإسلام هو دين الدولة والمادة الثانية و و و يبقى كده ضللهم وإجرام أيضاً إنه ما يكونش الواحد فاهم ويسخن الناس ويضللهم بالطريقة دي برضوا وعلى فكرة .. باحترم رأي الأخوان جداً ومنهم الدكتور عصام العريان والدكتور محمد أبو الفتوح ... ناس مثقفة ومش بتهرتل .. وبالمناسبة دارسين قانون مع كونهم أطباء .... لكن ماحدش فيهم قال إن المادة الثانية حد هايمسها أو أو أو .. لكن كل اللي سمعتوا منهم كان يتعلق بإن نعم هي مع الإستقرار ومع التعجيل بالسلطة المدنية وهذا حقهم إنهم يفهموها كده ... لكن عيب لما أدخل من مدخل الدين والتسخين بالمنظر ده أيها السادة الأفاضل ... التعديل كان على مواد محددة ستكون هي قوام الدستور الجديد ... وبالتالي المادة الثانية دي خط أحمر ودي صُلب الدستور ولن تُمس بإذن الله ... وإن كل ما يُقال كان عباره عن عدم وعي وعدم معرفة وبعض الأصوات المسيحية أو من يُسمون أنفسهم بالليبرالين طالبوا بضرورة إلغاءها ... والجميع يعلم ليبرالي ولا مسيحي ولا مجلس عسكري أو أو أو .. إن اي مساس بتلك المادة كفيل بأن يُدخل مصر في مشاكل وأضطرابات لا حصر لها ولا تظنوا إني مع الفيديوهات اللي سمعتها لقساوسة يحضون الناس على الرفض عشان يعملوا دستور على مزاجهم بدون ذكر كلمة إسلام ... أو مع أمثال رفعت السعيد اللي قال بالنص إن الشجعان واصحاب الرأي هم فقط من قالوا لا لأ أيها السادة . أسف .. مش دي الحرية ولا الديمقراطية اللي إتفقنا عليها واللي عشانها سالت دم الشهداء ..

الفيديو دا شوفته و حطيته هنا في توبيك تاني و قولت لو الكلام اللي فيه دا صحيح لازم يتقدم بيه بلاغ للنائب العام بس برضو مش معنى ان حاجه زي دي حصلت انها ممكن تكون هاتقلب النتيجة نااااااااااااااس كتيررررررررررررررر جدا فعلا صوتت بنعم للتعديلات فا لو حصل تزوير او اهمال فا انا متأكدة ان النسبة بسيطة جدا ما تؤديش لقلب النتائج و رأيي اننا دلوقتي ننسى الاستفتاء لانه خلاص واقع بالفعل و الشعب قال نعم يبقى دلوقتي بقى احنا نبص لقدام مش هانفضل طول عمرنا نبص لورا اذا كان اصلا شباب الثورة نفسهم قالوا كده الناس اللي كانت في التحرير و باقي المحافظات بين الحيا و الموت قالوا متقبلين النتيجة و هانغير مسار تفكيرنا و هانرتب على الواقع على الارض و هو دا الصح من وجهة نظري خلاص احنا بدأنا اولى خطوات الديموقراطية و لازم نلتزم بيها كلنا دلوقتي نعم (سواء اللي قال نعم او لأ) كلنا نعم عشان مصر

أولاً ... بالرغم من أنني كنت سأصوت ب "لا" لو كانت أتيحت لي فرصة التصويت إلا أنني متقبل النتيجة تماماً .... وأصبحت موافق عليها وكأن التصويت كان ب "نعم" بالإجماع هكذا تكون الديمقراطية ... ويجب أن نعمل جميعاً لتصحيح المسار .. وأن نعمل لتهذيب الخطوات القادمة قدر المستطاع .. وأن نكون معارضون إيجابيون .. نعمل على تطوير الوضع .. لا نعمل على إثبات فشل وإخفاق وخطأ من قالوا نعم ...

ومن يسمع هذا الكلام لأ هو علشان نبقى مسلمين حلويين مش متشددين نخليها زي ماخالد يوسف عمل يصور في مسجد الحسين بملابس فاضحة وعادي يبقى هو ده الاسلام الجديد والعصري نتمنى عدم خلط الاوراق وبلاش سياسة الفوبيا دي الاي اثبتت فشلها ومضى وقتها

الله يكرمكم يا حبايبى يا مصريين هنا فى الديوانيه ...ايووووه الناس اللى كاتبه فوقى دول :big_boss: " يعنى قضينا اليوم جميل واتبسطنا جداا بروح الانتصار " مجازا واينكان الصحبه اللى اتوجد اى حد فينا فلا شك انه كان مبسوط فيها والا كان مشى وساب المكان ... ليييييييييييييييه بقى نتكلم عن المطرب اللى صوته وحش ولا الكرسى اللى اتخطف ولا .............زاى حاجه من سلبيات اللقاء؟؟ من الاولى اننا نغير صورتنا احنا بنفسنا ونبطل نعرض مساوئنا بكلمه مافيش فايده هما المصريين كده ..عفوا الاخوه امريكان؟؟؟ولا مصريين بردوا؟؟ اتمنى نكون ايجابين بشكل عملى اهتم بتنظيم مكانى بنضافته بشكل غير مباشر ابعت رساله للجنبى اعمل زيى من غير ما اجرحه ولا اضايق نفسى ..ياريت نشوف النص المليان من الكوبايه .عاوزين نتغير بجد بقى انا شخصيا استمتعت جداااا برؤيه احباب غاليين..وبرؤيه شخصيه عرفتها من غير ما اشوفها من قبل استمتعت برؤيه علم مصر فى كل مكان حواليا ...بكلمات فى حب مصر عملت لى انتعاشه داخليه وطاقه ايجابيه حلوه ... ... ... مش هاقول زعلت من اللى جه المكان وقلت عليه قبل كده من ورا الجرنال من غير مايكلف نفسه يعرفنا بشخصه ولا زعلت من اللى وعد وخلف ولا زعلت من اللى ما كلف نفسه يعتذر عن عدم حضوره برغم انتظارنا له ابداااااااااااااا مش زعلت ومش هاذكر اسماء صحبتنا الجميله والحوارات الجميله اللى دارت وروح الاسره واللمه الحلوه اللى جمعتنا لساعات مرت كالدقايق ,,,هاكتفى انها حاله شخصيه جدا وصداها عند كل منا اكيييييييييييد مش وحش بجد ....بشكر المحاورات اللى كانت سبب فى اسرتى الجميله الجديده بالكويت

http://www.youtube.com/watch?v=N9oxmRT2YWw

حاجتين مهمين الرجل بنفسه قال انه كبر و لم يعد يستطيع التركيز (هذا ليس عذرا .. من المفروض لمن يجد نفسه في هذه الحال ان يعتزل المناصب الكلام عن رب العزة يكون بأدب و ما يقبل من الرجل العادي و يعذر فيه بالجهل لا يقبل ممن هو على علم الفكرة التي يريد ايصالها كان من الممكن ان يعبر عنها بالف طريقة لا اساءة فيها لسنا معصومين عموما هيبان لما "ياخد باله من غلطته" .. هل سيعتذر ام يستكبر

مشي مشي مشي مشي الحمد لله ربا يستر

يااااااااااه دا انا ها عمل عمايل مش هارتب انا هاقول اللي نفسي يتعمل هاعمل مدن للشباب وها وفرها لهم باسعار بسيطه يقدروا عليها هاقسم شوارع كل حي علي كل الشباب ال فيه ينضفوه ويزرعوه اشجار وورد وده مقابل مكافاءت غير مباشره يعني مثلا مسابقة اجمل شارع ها عالج مشكلة العشوائيات وساكني المقابر لان دي مش من الادميه ودوول هاجيب لهم شقق ببلاش هاوفر فرص عمل ف الاخارج للشباب ال عاوز يضاعف دخله وده باءي طريق بعيدا عن الكفيل بحلم مش كده هاحدد النسل ولو حرام ربنا يسامحني يعني اسبهم يجيبوا عيال واكلهم ظلط هما اتنين ولو زاد العقوبه حرمان المولود التالت من كافة منح الدول من تعليم وعلاج وغيره هاحط وزير تربيه وتعليم بيعرف ربنا ويتق الله ف ولادنا واكيد هايطور المناهج ويجيب م الاخر هاظبط المستشفيات يعني المستشفي العام هاظبطها كما لو اني انا ال ها تعالج فيها وانا رئيسة جمهوريه شوفوا انتوا بقي هاوسع البلد بقي وادخل اعمر ف الصحرا واخليها وردي من كله واظبط الطرق عشان ال يسوق يعرف يتنفس هاشنق كل مرتشي لان هما الاساس ف خراب البلد هاعمل حاجات كتير بس انتوا اخلعوه ورشحوني والباقي علي ربنا كل كلامي بداء ب ها ها ها ههههههههههها هاقوم انام احسن نسيت اقول تسلم الايادي يا روزا ع الفكره اللذيذه دي

هذه هي السياسة الخارجية والجميع يرى السياسة الداخلية ليس زعيما إسلاميا ولا عربيا وفشل داخليا هذا ملخص سريع جدا ولي عودة