لوحة القادة

صباح الخير يحكى انه في يوم من الايام .. قرر الادفايزر الهمام .. راعي الذمام .. ان يجمع المحاوراتيين والمحاوراتيات .. ومن منهم قد مضى ومن هو آت .. ووقف فيهم خطيبا .. وقال اننا قد جمعنا امرنا .. واستشرنا اهل الحل والعقد من المشرفين والمشرفات .. واصحاب اليد الطولى في المشاركات .. والحاصلين على اعلى التقييمات .. واتفقنا على اصدار ام المفاجآت .. كتاب يضم خلاصة المشاركات .. سابقة ما سبقنا بها منتدى في العالمين .. يحمل اسم محاورات المصريين لكن قبل ان نطرح الكتاب في الاسواق .. وقبل ان نوقع على طبع الاوراق .. طرأ لنا أمر لم نحسب له حساب .. أخر كما ترون نشر الكتاب لمن يعود ريع النشر ؟ .. ومن يتحمل هذا الامر ؟ .. ان اصطفيتها لنفسي قلتم .. قد آثر نفسه علينا ونحن من سود الصفحات .. وان قصرته على المشرفين قلتم باي حق هذه الامتيازات ؟؟ .. ولماذا استفردهم بالعطية .. ونحن نعيش اجواء الديموقراطية ؟؟ وان وزعتها عليكم جميعا .. قال احدكم اتتساوى حصتي انا .. الذي بلغت مشاركاتي قرابة الالفين .. بمثل من هو في المنتدى ابن يومين ؟ والحق اقول لكم .. اننا بمركز الاشراف لم نستقر على حال .. ولا عرفنا اجابة هذا السؤال .. فقال لنا ابو الاسيان .. وهو الحكيم المفوه اليقظان .. من قال ان المحاوراتيين يرفضون ان يقتسم الاشراف الغنائم ؟؟ .. فوالله ما عرفناهم الا كراما عن فتات الولائم .. فاطرح يا سيدي الادفايز بهذا المنتدى الاستفتاء .. ليقل نعم من رضى لنا بالغنيمة .. وليقل لا من يرى انها ظليمة .. وهكذا يستقر بنا الحال .. وتنهي هذا الجدال ايها المحاوراتيين الاشاوس .. دونكم وصندوق الاستفتاء .. اهجموا عليه هجمة من لا يرى صندوق بعده .. وليقل كل رأيه صفق الحضور طويلا .. واخذوا يهنؤون بعضهم البعض بأن قيض الله لهم مثل هذا الادفايزر .. الذي يستشيرهم بكل صغيرة وكبيرة .. وكل قضية خطيرة هنا قال الباشمهندس تيمور .. هي دي الديموقراطية .. هي دي الحرية :happy: اللي شفته بعيني النهاردة مش هايصدقوه اصدقائي في منتدى احباب الفوركس .. ولا اصدقائي في منتدى حركة 6 ابريل ولا اصدقائي في منتدى المعماريون ولا اصدقائي في منتدى صناع الحياة وهاقول لاصدقائنا وائل غنيم وانجي و اسماء محفوظ :happy: وقالت فتفوتة : صورت كل اللي اتقال وسجلته .. وهانشره في كل مكان .. في الفيس بوك .. تويتر .. شبكة رصد .. شبكة جن ازرق .. المهم انشره وقال تامر مصطفى : وانا هانتج افلام عن الخطبة دي .. اخيرا يا مصر .. اخيرا هتشوفي اولادك يعملوا ايه وقالت دامو : i am happy وقال سكوب وهو يغالب دمعة تأثر : يا سلام .. وانا اللي كنت اقول محاورات تايهة يا ولاد الحلال .. لقينا المحاورات خلاص اما ضحى فقد قالت بواقعيتها المعروفة .. وبتجردها الصريح : طيب دلوقتي خلونا من اجواء الزغاريط والزفة البلدي .. وخلونا نفكر .. هنقول ايه .. نعم ولا لا ؟ قالت اغابي : يا سلام يا استاذة ضحى .. بقى دي عايزة سؤال طبعا هنقول لا .. مش من حقهم طبعا يحتكروا الارباح ليهم .. ياما تعبت وسهرت وانا اكتب مشاركات .. قسم الصحة والنفساويات يشهد على كده .. واخرتها يوزعوها بينهم ؟ ياما حرمت نفسي من الغطا عشان يستغطوا .. ياما حرمت نفسي من العشا عشان يستعشوا قالت لماضة : والله مش عارفة انا اقول لا ولا آه .. يعني لو قلنا نعم مثلا .. يجرى ايه ؟ هما ياما تعبوا وما تنسوش انهم يشتغلوا من دون اجر .. زي ما بيقولوا دايما ( وش اي واحد من فريق الادارة صباحك .. حيرة .. ما تعرفيش تقولي معاها .. آه ولا لأ قال حسام .. حسام عبدالفتاح سابقا : حيرة ايه يا لمضة انتي .. هي دي فيها حيرة .. طبعا هنقول نعم .. مش عايز احصل صاحبي عنبي ومن خاف سلم .. انتي عارفة معناها ايه قولة لأ ؟ يعني هنخليهم يتفرسوا مننا .. ويقولوا بصوا .. اعطيناهم ديموقراطية واول ما جربوها جات على راسنا احنا .. انا من ناحيتي متنازل ياختي وهاقول نعم صرخ اركتكت : نعم مين يا روح والدك ؟ ؟؟ نعامة ترفس بمصارينك .. لا تنازل :happy: لا استسلام :happy: انا مجاهد .. مناضل .. ثائر .. من الخيمة قال التونسي : يا عمي ريحنا شوية من الشعارات الحنجورية بتاعتك .. انا هاقول نعم باة .. مش ناقصين وجع دماغ قالت مغتربة : لنعرض الامر على لغة الارقام .. المتخوفين من نعم يمكن يشكلوا نسبة تزيد او تنقص قليلا عن 50 بالمئة .. في هذه الحالة سيقف الاشراف عاجزا عن الحاق الاذى باللي صوتوا بلأ .. لان نسبتهم كبيرة .. يختلف الامر في حال الاغلبية الكاسحة .. وبلغة الاحصائيات .. فان المصوتين بلأ سيشكلون نسبة كبيرة لو كان الفوز لصالحهم .. يختلف الامر جذريا في حالة فوز المصوتين بنعم .. .. لان استقصاد المشرفين سينتفي بانتفاء العلة .. هذا اذا ما اخذنا بعين الاعتبار العامل المحفز لتصويت من قالوا بنعم وهو في حالتنا الراهنة الخوف من ملاحقة المشرفين وترصدهم لمن صوت ضد قرار انتفاعهم بريع الكتاب .. في كل الاحوال فإن المنطق البراجماتي النفعي للمصوتين بنعم قد لا يسعفهم بالضرورة .. لأن اوزاوز مقاطعا : يا ست بالراحة شوية الله يخليكي .. معاكي بصمجية بالمنتدى .. يعني الخلاصة ها تقولي آه ولا لأ ؟ مغتربة : سأقول لأ طبعا .. لكني ضد مبدأ استغلال الخوف من المشرفين للتصويت الديموقراطي .. التصويت الحر ينبع من قناعة بلا مؤثرات او ضغوط قالت هند علي : يارب نجتاز هذه الغمة .. وترجع لنا مصر زي ما كانت واحسن قال سمبا : ترجع مصر ازاي زي ما كانت يا مدام هند ؟ .. واحنا كنا عاملين ثورة ليه ؟ قالت هند علي : والله مش عارفة يا بني .. التصويت ده شكله مش هيجيبها لبر قالت لماضة : حبة تفائل كدا يا مدام هند .. هو التفائل ايه غير شوية مشاعر صايعة .. بتبص لقدام .. وتخلي لكل ضحكاية من قلب كل واحد مننا .. انشودة فرح تزغرط على بلكونة الامل .. لما يشعشع .. صباحك .. تفائل قد السما .. مغموس بالزيت الحار قال ايمن : عن نفسي هاقول نعم .. بس ليه تتخانقوا على حاجة لسه ما بينتش .. كل واحد يروح للصندوق ويقول رايهه اللي هو حر فيه قالت مصرية متغربة : مش فاهمة ليه فزاعة الاشراف والمشرفين .. عاملين زي الاولاد اللي هيشتروا كفن لابوهم وهو لسه عايش .. الاشراف مسؤولية .. حضارة .. الاشراف .. قوة .. الاشراف .. هو اني ادافع عن افكارك وانظمهالك .. مش اني اصادرها لأ .. وبعدين هاينوبنا كم ملطوش يعني .. ؟ هو احنا بنبيع كتاب لا تحزن ؟ يا ريت ما كنا عرضنا الكتاب من اصلو .. حزني والمي .. كبير .. مش عشان ان فيه ناس قالت بوشنا لأ .. بس لاني للاسف اكتشفت ان فيه ناس بعد كل تعبنا منهم .. يبصوا لنا بصات .. غريبة انا مذهولة .. مصدومة اغابي : ما تعيطيش يا اختي .. بس هيا دي الديموقراطية .. لازم تتحمليها وما يصحش تقولي اننا بنبنص بصات غريبة :angry2: رؤوف : هاقول نعم نعم نعم .. واللي مش عاجبه بقى يهوينا مصرية متغربة : اصيل والله يارؤوف.. :blush: دريم وذ مي : ممكن اقول حاجة يا ابلة مصرية متغربة بس بليز ماتخاصمينيش .. ينفع اقول لأ .. ؟ مصرية متغربة : دي حريتك الشخصية يا بنتي ..القرار لازم ينبع من ذاتك .. بس مستعدة تتحملي القرار ده ؟ دريم وذ مي : في الحقيقة .. أ .. أ .. مصرية متغربة : ماشي يا ستي .. قولي لأ .. بس خليكي فاكراها :glare: سمبا : ايه هو الارهاب الفكري ده .. يعني لو مش عايزينا نصوت بتاخدوا راينا ليه بالاول ؟؟؟ ابو محمد : اهدأ يا حاج .. مافيش حاجة للصوت العالي .. وبعدين صوتك بينرفزني .. سمبا : فيها حاجة يا سيد الناس لو قلت لأ ؟؟ انا هاقول لأ .. هاقول لأ ابو محمد : من حقك تقول لا بس مش من حقك ترفع صوتك كده .. عندنا بنات بالمنتدى سمبا : وايه دخل البنات برفع الصوت .. ؟ ايه الاستفزاز ده بأة ابو محمد : اهو انت كده بتشوشر على المصوتين .. وبتعطيهم ايحاءات ان اللي هيقول نعم ياعيني يبقى مسكين وضعيف وغلبان .. وان اللي صوته عالي هو البطل والثائر والافلام بتاعتكو دي سمبا : !! اناقلت كل ده .. ؟؟ امتى .. ؟ وبعدين ايه دخل ده بوجود بنات معانا بالمنتدى .. ابو محمد : اهو انت كده بتشتت الموضوع .. معليش .. الحوار كده ما ينفعش .. جويرية : انا هاقول نعم .. كبر راسك يا استاذ ابو محمد .. صوتي هيوصلك واقول نعم اما دول اللي بيقولوا لأ .. لهم يوم ان شاء الله شرف الدين : يا جماعة ما تستهدوا بالله بأة .. اللي عايز يقول نعم هو حر واللي عايز يقول لأ هو حر واللي مش عايز يصوت برضو هو حر ها تقلبوها غم ليه .. كومنق سوون : انى ارى رؤوسا قد اينعت .. وحان قطافها .. واني بأذن الله لمقتطفهامن جذورها سي السيد : ما تهدي اللعب يا كابتن .. جذور ايه .. وتقتطف ايه .. ؟؟ هو بردقان ؟ ده تصويت كومنق سوون : بردقان .. يوسف افندي .. مشمش .. زر بطاطا .. هذا لن يغير من الحقيقة شيئا سي السيد : حقيقة ايه ؟؟ كومنق سوون : ستعلم قريبا يا كبيرهم .. عن اذنك .. سأذهب للتصويت ---------------------------------- قال طائر الليل الحزين : اليها .. تلك التي ترنو بعينها في هدأة الليل لن انساكي .. ولاجلك .. واحتراما لمواثيق سجلتها خطانا حين كنا في سن الصبا سأظل وفيا للحظ عينك الشفاف في لغتي .. وسأسطر لكي .. يا أمة الله .. ابياتا اسكبها في اذنيكي ذات القرط المتدلي واقول لك .. وحدك .. سأصوت بلا .. فأنتي قراري .. ---------------------------------------------- غني الابيات السالفة زوهيري .. تحت عنوان ( من وحي الصندوق ) .. على عوده الرنان .. وعملت فتفوتة لها شير بالفيس بوك يتبع ..

عفوا سيدي الفاضل .. انا مشفتش الفيديو الي حضرتك حطيته ـ ومش هشوفه ـ بس اسمح لي اعبر لك عن استيائي من فكرة الموضوع ذاتها فبغض النظر عن من من " الشيوخ " مذكور اسمه في قائمتك وبغض النظر اني متأكده ان ليس من بينهم من آخذ عنه بشكل شخصي فتاوى لان على حد علمي محدش من الناس الي بثق فيها الي اعلن تأييده لمبارك او حتى سمعت له رأي فيما يحدث الا ان كلمه الحق الواجبة تجبرني اقولك من فضلك التعريض بالناس دي بالشكل ده .. ميصحش .. انا مش هقولك لحوم العلماء مسمومه ولكن هقولك بان الناس دي اجتهدت فان اصابت فلها اجران وان اخطأت فلها اجر ومحدش نهائيا يقدر يصفهم بالعار لان محدش يقدر يدعي انه اطلع على مافي نفوسهم وعرف هم وقفوا الموقف ده ليه .. وارد جدا ان ايا ممن ايدوا مبارك كانوا مجبرين على ذلك (( وده ذكرته سابقا لما تحدثت عن الممثلين والي بعضهم صرح بانه اجبر فعليا على اعلان تاييده للنظام الحاكم )) او يكون بجد مقتنع بموقفه وعليه قال ماقال .. الموقف وقتها كان اشبه بطاولة القمار كان وارد جدا يتم ازاحه الرئيس ـ وهو ماحدث ـ وكان وارد برضه وبنفس الدرجه نكون في موقف الليبيين او على اقل تقدير شيعه البحرين .. اي شخص عارف ان رايه مسموع في تلك الفترة اجتهد عشان يخلي الناس تتبعه فيما ظنه وقتها المصلحه .. الي قال لا لمبارك كان مقتنع ان رمية الزهر هتطلع مبارك برا .. وبرضه الي قال نعم لمبارك كان خايف جدا رصاصة الروليت الجاية تكون متعمرة وعليه قال ماقال .. بقي الاحتمال الاخير وهو مااظنك تلمح اليه بتصنيفهم في قائمه للعار من انهم مفتي سلطه او بيداهنوا الحاكم .. لو صدق هذا الظن فعندها حسابهم عند ربهم خليهم يشبعوا بالي جمعوه ولكن يبقى الامر في النهاية بيد المطلع على مافي الصدور وليس من حقنا نهائيا كبشر اننا نحاكمهم او نقول لهم قلتوا كده لغرض ف انفسكم ولازم تدفعوا ثمنه .. اخشى ان واحد على الاقل من الناس دي يكون مظلوم ويكون قال ماقال لقناعته فعلا وتحمل انت بكلماتك وزره بل ووزر كل من سيأخذ عنك فكرة تصيد اخطاء المشايخ . اتمنى منك مراجعة نفسك حول هذا الموضوع تحديدا ولتكتفي بدعوة صادقة من القلب ان ياخذ كل منهم نيته لا اكثر .. ولا اقل .. تحياتي

قال الراوي وبعد ان تم نصب الصندوق في وسط ميدان المحاورات .. وبعد ان استعد الجميع لقول ما يراه في غنيمة الدولارات .. اجتمع الادفايزر بمجموعة المشرفين ... وقال لهم اني لكم ناصح امين .. دعوا التصويت يأخذ مسراه دون تدخلات .. وارفعوا الينا دائما بكل التجاوزات .. يمنع التحريض واستخدام المنابر للتأثير .. فليس هذا ما تعلمناه من ميدان التحرير .. فأما الغلة فأني بريء منها براءة الذئب من دم ابن يعقوب .. بل هي لكم يا سين سين ويا ابا محمد ويا فلانة ويا سكوب .. ويا محمد ويا سلوى ويا مصرية ويا اسد .. فكونوا في كلمتكم متوحدين كالجسد .. ولا تنسوا رفع نصيب محمد يوسف لحين عودته بالسلامة .. ولا تنسوا ان تجنبوني واياكم الملامة .. اقول قولي هذا واودعكم الى حين عودة من جزر البهامس .. وما ان خلت القاعة من الادفايزر حتى انتظم الشهيق والزفير .. وتنفس الصعداء منهم من كان يشعر انه كالاسير .. وبعد الضحك والمجاملات .. علت الجدية الوجوه والنبرات .. وبرزت التساؤلات .. ان ماذا نحن فاعلون ؟ وعلى ماذا نحن مقدمون ؟ قالت فلانة وهي ترشف الكابتشينو الاثير .. ان لا تجزعوا ولا تخافوا من الاستفتاء المثير .. فالنتيجة تقريبا محسومة .. و الغلة واضحة ومرسومة .. وما تكفلت بنفقات الكتاب مع الفاضل اسد .. الا لقرب جني الدنانير فاللهم لا حسد .. افرحوا وارقصوا وغنوا قال ابو محمد بهدوءه المعتاد .. وهل ضمنتي يا فاضلتي اننا سنجني الايراد ؟ .. وما ادراك عن نتيجة الاستفتاء .. وهل ضمنتي من المصوتين الولاء ؟ .. قال اسد بحذر شديد .. ارقب نغمة لا تنقص ولا تزيد .. عن اننا سنحابي من يقول نعم ونصطفيه .. ونحاسب في صمت من قال لا ونزدريه .. قال سين سين .. ما جلوسنا هنا في الصالات المغلقة .. تاركين لمنابرهم الحرية المطلقة ؟ .. انصرفوا وارقبوا رد فعل كل الاعضاء .. واتركوا الكلام عن ضمان الاستفتاء .. فإن غالبيتهم قالوا نعم فبها ورحبت .. وان غالبيتهم قالوا لا فالخطورة قد وجبت .. ---- بعدها ساد الصمت في القاعة .. ------------------------------------------------ امام الصندوق .. طابور طويل له اول وليس له آخر .. في منتصف الطابور .. ام زيد تتجاذب اطراف الحديث مع رضوي قالت ام زيد : كانت ايام وعشناها في بلاد الضباب .. ودلوقتي بقينا في طابور العذاب قالت رضوي : خلاص يا ام زيد ,,.. دي حرية واتفرضت علينا وبعدين هيا بلاد الضباب دي ..........مافيهاش طوابير ..؟؟ ولا عندهم نتحمل الطوابير وهنا نتنرفز !! ام زيد : باقول لك ايه يا رضوي .. كلامك اتغير معايا من يوم قلت اني هاصوت بلا .. طب بصي بأة .. هاصوت بلأ .. بلأ .. مش بس انا .. حتى زيد وابوه .. دي مسؤولية وامانة .. دي مش بس رسالة زيد .. دي رسالة زيد واي طفل اخر .. رضوي : يا ستي مالك بتتكلمي كده وانتي محسساني انك بنظير بوتو ........ ؟؟ ما تقولي لأ براحتك ........... انا اللي عليا خلصت ضميري من ناحيتك .. ام زيد : .. طب خلاص يا ستي انتي ولون الخط بتاعك ده اللي حول عينيا ... ما كنتي تكتبي بالابيض مرة واحدة هتفضلي بغيبوبة كدا لحد امتى بس .. !! مش كفاية الجو الحار ده ؟ اركتيكت : من ناحية الجو ما تخافوش ريمو هتيجي كمان شوية .. والدنيا هتمطر ان شاء الله ذهبية : يا سنة سوخا .. ومريومة معاها ؟ اركتكت : يظهر كده يافندم .. قال ايه .. عايزة توزع كيك ريمو البريمو بمبالغ رمزية للي يقول لأ .. ومجانا للي قالوا نعم .. عشان تشجع مريومة على الطبيخ .. ذهبية : طب انا قلت لأ .. العطار : يبقى تدفعي يا ستي .. بس لو مالكيش في الحلو .. انا عامل مشاوي ملهلبة للي بيقولوا لأ .. وبأسعار رمزية للي يقول نعم .. بس الله يعيننا على الحر ده .. سي السيد اكل 600 ريال من لحمنا الحي عشان موضوع التبريد ده .. مش عايزه يتهنى فيها .. الغريب : الا على فكرة يا ابو عمار .. هتقول نعم انتا طبعا .. مش كدة ؟ ابو عمار : لا يا عم .. ماما قلب ابيض وصتنا اننا كلنا- بتوع الكويت - نقول لأ .. مش هنخرج عن رأيها الغريب : يا عم مش ناقصين بلاوي تتحدف علينا .. قول نعم .. ابو عمار : باقول لك قلب ابيض قالت لنا نصوت بلأ .. فاهمني انتا .. ؟ مش هاخرج عن طوعها الغريب : يا عم واحنا عملنا الثورة عشان نمشي ورا كل اللي تقوله ماما قلب ابيض ..؟ فين رأيك تامر مصطفى : فيه ايه يا غريب .. ؟ مش عاجباك ماما قلب ابيض .. ؟ ياما اكلت طواجن من صنايع ايديهاوما خلتش لقمة لحد .. ناسي اول ما جيت الكويت لما كنت تلقح جتتك علينا باوقات الوجبات ؟ .. وجاي دلوقتي تستكبر ع النعمة .. ؟ الغريب : طول ما احنا متفقين مش مهم مين يقول نعم ومين يقول لا .. مش كده برضو ؟ تامر مصطفى : رأيك ده لما تكون فرداني يا اخويا .. بس انتا هنا عود في حزمة .. بعدين .. احنا متفقين كل واحد فينا يقول لأ .. الغريب : بس ده الغاء للذات .. هاقول نعم .. بوسي : سيبه يا تمووورة .. يظهر الطابور الطويل أثر عليه حبتين .. ايه الغاء الذات دي .. غريب .. انت تشتكي من حاجة .. ؟ اغابي : الحالة اللي معاه انا عارفاها كويس .. دي حالة استبحس نفساوي .. غريب يا ابني .. ردد ورايا .. انا مش قصير قزعة .. انا طويل واهبل غريب : يا حاجة ام محمود الله يستر عليكي مش ناقصك انتي كمان .. امتى هايخلص الطابور ده ؟ اركتكت : مالهم بتوع الاتوبيس مش متفقين ولا ايه ؟؟ كومنق سون : هي والله بوادر الأزمة .. وبواعث الانشقاق ثبت الله قلب الغريب .. ونصره على اعدائه بالذات على هذا الدعي تامر مصطفى الفاسق اركتكت : اعداء مين يا حاج .. انت خليت فيها اعداء ؟؟ كومنق سوون : نعم .. وما احسبك الا واحدا منهم اركتكت : انا ... ؟ انا يتقال عليا كده ؟ انا الثائر المناضل ؟؟ كومنق سون : ما انت الا ثعبان .. في مسوح الرهبان .. طارق حسن : يا عم الله يكرمك .. عارفين انك ثائر مناضل .. بس لازم نقول نعم.. الجماعة بمكتب الاشراف قالوا لنا كده اركتكت : مشرفين عليك يا اخويا .. اما انا لا .. انا صخرة صماء .. دامو : ايه الصماء دي يا architect ?? اوزاوز : دي بيتدزا سوبريم يا ولية .. اسئليني انا المهندسة : يالهوي .. ولية مين يا راجل انتا .. حد يقول ولية بيوم جميل ز ي ده دريم وذ مي : يا جماعة روقوا ما يصحش كده .. لازم كلنا نكون فرحانين بالاستفتاء .. انا فرحانة وهاطير من الفرح .. من كتر مانا فرحانة حاسة اني عايزة ابوس السما .. حاسة ان الارض مش شايلاني .. حاسة انه هيغمى عليا زوهيري : فرحانة ليه يا بت انتي ؟؟ :closedeyes: دريم وذ مي : اهلا وسهلا عمو زوهيري .. فرحانة اني باصوت زوهيري : وتصوتي ليه .. وانتي مين ؟ انتي معانا بالمحاورات .. ؟ :closedeyes: دريم وذ مي : آه والله معاكم يا عمو زوهيري .. الكارنيه بتاعي اهو .. العضوة رقم 43545454545 بالمنتدى .. زوهيري : ما شفتكيش قبل كده .. :closedeyes: .. اصلي مهم اوي .. جنتل اوي .. كتلة من الفن الرفيع هبطت عليكم :closedeyes: الباشمهندس ياسر : هاتصوت بايه يا عم زوهيري .. زوهيري : وانتا يا استاذ انتا شايفني واقف عشان حتة الصندوق ده .. ؟ الباشمهندس ياسر : ليه لا .. مهو كلنا جايين للصندوق .. زوهيري : لا يا سيدي .. انا الصندوق هو اللي يجيني .. :closedeyes: الباشمهندس ياسر : امال واقف معانا ليه .. ومزود الزحمة ليه .. ؟؟ زوهيري : مجرد احتكاك بالبوليتاريا .. تجربة نيرفانا روحية لكسر الاعتداد الشديد بالذات :closedeyes: اوز اوز : ايه الاحتكاك البولتاري ده .. تسلخات يعني .. ؟ باشمهندس ياسر : حد يوقف بالطابور ده بمزاجه .. ايه العالم الرايقة دي .. المشرف محمد : انت يا باشمهندس .. هتصوت بايه .. ؟ الباشمهندس ياسر : انا لا نعم .. ولا لأ .. انا وسط انا من الناس اللي تشوفها باي مكان بالشارع انا من الناس اللي تشجع الكورة .. انا من الناس اللي تشرب المية .. وتاكل كبدة من محلات الكبدة انا لو كنت لاعب .. كنت لاعب خط وسط ولو كنت ملابس .. كنت هابقى حزام ولو كنت بيضة .. كنت هابقى اللي بنص الطبق ولو كنت خط عرض .. كنت هابقى خط الاستواء انا الوسط .. المشرف محمد : طيب هتصوت بايه يا عم الوسطاني انتا .. هتصوت وسط ؟. الباشمهندس ياسر : لسه ما قررتش .. مرة اقول آه .. ومرة اقول لأ مرة آه .. ومرة لأ اركتكت : وسط .. سلام يا وسط .. انا ماعرفش هز الوسط ده .. الاستفتاء ده يا ابيض .. يا اسود المشرف محمد : ايه قصتك يا مراغي انتا ؟؟ .. بكل حتة تطلع بالطابور زي عفريت العلبة .. ؟؟ مرة بوسط الطابور ومرة بنصه .. ومرة بآخره .. ما تهمد بقى .. الباشمهندس ياسر : مش بعيد يطلع لك من شباك اوضتك .. او من قزازة البيبسي .. او تلاقيه جوة براد الشاي اركتكت : دي روح الثورة .. اصلي بادور عن اللي لسه ما باركوش ليا بتوبيك الطوارق لماضة : يادي ام الطوارق اللي ذليت اهلنا فيه يا شيخ .. ايه دا يا اخواتي ؟؟ ( وش واحدة مفروسة آخر حاجة وهتخبط تيمور بالكسرولة على دماغه تجيب اجل الطوارق اللي بيلعبوا فيه اركتكيت : ويادي الوشوش اللي تطلع لك وذليتي الشعب فيها حتى بقى كل واحد يطلع وش .. مسافر زاده الخيال : أي نعم .. تبا لتلك الوشوش .. حتى انا بكل وقاري بقيت اتكلم بالوشوش دي .. حاقة تقرف .. ( وش أي قندي تشريفة ماسك مكانو وقرف الدنيا بوشو لماضة : مش لايقة عليك حكاية الوشوش دي خالص يا مسافر .. فتفوتة : انتم قاعدين ترغوا وما تنشروش ؟؟ النتائج المبدئية لاستطلاعات التصويت .. 70 % نعم .. 30 % لأ انشروووووووووووووووووووووا شيكو : مش هانشر حاجة .. وسيبوني اتفرس النواحيدي لوحدي اللهى يشيل منى ويحط عليك يا دكتور :كونجينسنتى يجعلك فى كل امتحان لومباجو .... لماضة : نعم .. فيه ايه يا اوختشي .. بتبرطمي تقولي ايه . . ؟؟ شيكو : اهي برطمة وخلاص .. -------------------------------- وقال طائر الليل الحزين : عندما تترددين .. و تتحيري قولي ما تشائي .. لكن تذكري من حقك ان تنتشي ان تغضبي لكن .. بعد قرارك فاتنتي اياكي ان تتحسري او حتى .. تتذكري ------------------------------------------ قالها الطائر .. وغناها زوهيري .. نشرت صورتها لماضة في ( الحياة صورة بتعرفنا يعني ايه حياة ) .. ودونتها بوسي في مذكراتها يتبع ،،

وأين كنا نحن .. وأين نحن الأن ..؟ عفوا ومعذرة .. أصلى نسيت .. كنا ومازلنا نجاهد بالكيبورد!! لا أجلد الذات .. فقط هى دعوة الى تجاوز الماضى بمثالبه .. ونبدأجميعا صفحة جديده .. فكلنا فى الهم والخطأ واحد ((إلا قليلا))

يجب على كل قادة الفكر في مصر .. وكل من يكن له الناس محبة .. ويستمعون إليه بغض النظر عن توجهه أو تياره أو دينه قس في كنيسة .. إمام مسجد .. رئيس حزب .. عمرو خالد .. يسري فوده .. عمرو موسى .. البرادعي .. البابا ..الميرازي .. شيخ الأزهر .. يحيى الجمل .. حمدين صباحي .. منى الشاذلي .. عصام شرف .. المرشد العام للإخوان .. الشيه يعقوب .. الشيخ حسان .. حتى رفعت السعيد .. أي حد ... وكل حد .. فيه ناس بتسمع له يجب أن يتفقوا على هذا الأمر .. لا وقت الآن إلا للعمل الجاد .. لا وقت إلا لبناء مصر .. يجب أن يخرجو للناس من كل مكان .. ومن أي قناة .. وفي الشارع والمسجد او الكنيسه يجب أن يقوموا بدور فاعل يجب أن يحدثوا الناس كثيراً .. الناس تحتاج لأن تفهم وتعي تحتاج أن يتكلم الكبار إليهم ويشرحون لهم الموقف يتحدثون معهم بصراحة... ووضوح يجب أن نعمل ... الحياة في مصر متوقفة لا يعمل اليوم بجد ونشاط إلا اللصوص ولامجرمين وقطاع الطرق والبلطجية فهم لا يريدون أن يضيعوا على أنفسهم تلك الفرصة الذهبية التي لا تتكرر في التاريخ يجب أن نوقف كل هذا .. يجب أن يخرج علينا السياسيون والمثقفون وقادة الرأي والفكرمن كل مكان .. وفي كل وقت .. ,التركيز على إرشاد الناس وشحذ هممهم .. الموضوع سيحتاج بعض الوقت لكن في رأيي .. لا سبيل إلا هذا لسنا في حاجة الآن لعرض برامج إنتخابية .. ولا غيره نحتاج اليوم للعمل والبناء

المشروع هايصدر اليوم ... ويقوم بتجريم كل من يدعو أو يشترك في مظاهرات فئوية تُعطل العمل وتدعو إلى العنف والتخريب ... وبالتالي يُعرض صاحبها للسجن لمدة عام على الأكثر وغرامة تصل إلى نصف مليون جنية ... وهو مؤقت حتى تستقر الأمور أخيراً هانام وارتاح البال أخيراً الناس لازم تفهم إن اللي بيحصل ده أكبر إساءة للثورة ... للأسف .. ناس كتيرة بصت للثورة على إنها سبوبة ... وطالما الديكتاتور غار في داهية .. يبقى كل حاجه لازم تتغير ومرتباتنا لازم تتغير بس تتغير إمتى ؟ دلوقت وحالاً just now or never يا ناس حرام عليكم أفهموا ... تعطيل الأنتاج والتصدير والعمل والدراسة و و و يُعرض البلد للإفلاس خلال أيام قليلة ... يعني حتى الفتات اللي بنحصل عليه كمرتب مش هانلاقية وهانشحت كلنا بشكل جدي وحقيقي من يقول هذا ؟ من يقول إن عمال مصانع كتيرة من 25 يناير لم يعودوا إلى عملهم .. وإن الدراسة لم تنتظم حتى الأن لإن البهوات الطلبة عاوزين يشيلوا العميد وكل أعضاء هيشة التدريس دلوقت قبل بكره أنا عارف إن في أصوات هاتطلع وتقول : طب كنت توافق إن القانون ده يتطبق على الثورة وشبابها ؟ يا ناس يا هو .. الفرق بينهما زي الفرق بين الثرى والثريا ... دي ثورة كانت عشان البلد كلها تتغير للأفضل .. مش عشان تعيين أو مرتب او مطلب خاص إنما اللي بيحصل قدام مجلس الوزراء كل يوم وأمام ماسبيرو كل ساعة إسمه إستغلال ولوي دراع وعدم تقدير جيد للموقف الحرج اللي البلد فيه دلوقت .. بمنتهى البساطة ... يا أخي أشتغل وارجع مصنعك وشركتك وبعدين إبقى تعالى ولع في الدنيا يا جماعة إحنا عاملين زي واحد عمل عملية قلب مفتوح ... وفجأة طب عليه طالبي الديون والحقوق وكبسوا عليه في غرفة العناية المركزة وعاوزين يشيلوا عنه خراطيم التنفس والدم والجلوكوز عشان يقوم يقف على حيله وييجي معاهم يجيب لهم حقوقهم دلوقت حالاً .. فالطبيعي إنه لا هايقدر يقوم ولا يرد عليهم .. ومن الطبعي أكتر إنه يموت خلال دقائق وأبقى قابلوني لو طلتوا مليم حتى من حقوقكم التي ترون أنها حقوق يا جماعة أنا عارف إن في موظفين وقطاع كبير من الناس أكلوا تراب خلال الفترة الظالمة البائدة ... لكن حرام أجي بعد الصبر ده كله وأضع طين من الأرض على منجزات الثورة مش الدستور بيقول إن لكل واحد الحق في التظاهر والمطالبة بحقة ؟ لكن إمتى وإزاي ؟ بالله عليكم ... تخيلوا معايا ضباط وجنود حرس الحدود والدفاع الجوي والطيران و و و و .. وهما سايبين مواقعهم الحساسة وزحفوا جميعاً نحو مقر وزارة الدفاع بكوبري القبة عشان يتظاهروا بالشهور ويطالبوا الوزير بتحسين أوضاعهم ؟ يا جماعة يعني إيه أروح مستشفى وبأموت ما الاقيش حد هناك والاقي إن الجميع بيتظاهر عشان يشيلوا مدير المستشفى أو عشان مرتبهم يزيد ؟ يعني إيه أبقى أفنيت حياتي في خدمة بلدي وسني بقى فوق السبعين وما عنديش غير معاشي الشهري وأروح أتبهدل قدام مكتب بريد وأقف يوم كامل في طوابير عشان الموظف في الأخر يقول لي : أسف ما فيش مرتب الشهر ده إحنا عاملين إضراب يا سيد ؟ مين قال كده ؟ مين قال إن دي هي الطريقة المُثلى للحصول على الحقوق والمميزات ؟ شيء بشع والإستغلال يتجلى في أبهى صورة وللاسف .. كما قلت هو تشويه للثورة واهدافها

هديتي ليكم المرة دي برنامج مفيد جدا ومهم برنامج لتكبير الصور مع الاحتفاظ بجودة الصورة البرنامج نسخة محمولة يعني مش محتاج تحميل ولا سيت اب على جهازك ولا محتاج سيريال ولا كراك انا كبرت بيه صورة مقاسها 6*4 سم الى 50*70 سم وكانت بجودة رائعة الميزة كمان انك ممكن تكبر مجموعة صور دفعه واحدة وبالعكس لو عندك صور مساحتها كبيرة وعايز تصغرها علشان ترفعها على الانترنت او تبعتها في ايميل تقدر تستخدم نفس البرنامج تحياتي لكم وانتظروا البرنامج القادم PhotoZoomPro2Portable.zip

اللي بيخاف من العفريت بيطلع له طبعا الإخوان مش عفريت ولا حاجه بس هو فيه ناس بتخوف ناس لمصالح معينة معلومة ويمكن الأقباط يكونوا ضحايا لهذا التخويف المتعمد لسه جاي من مؤتمر للإخوان الآن وتحدث الدكتور حمدي حسن أمين الإعلام بالكتلة البرلمانية للإخوان في مجلس الشعب وحكى حاجه ظريفة جدا قال وهم في مجلس الشعب لاحظوا قيام أحمد عز بالدعاء ونواب الوطني يؤمنون على دعائه ويستغرقون في الضحك فتعجب لما علم أن أحمد عز كان يقول على الإخوان : اللهم أورثنا مقاعدهم فلم يمض إلا شهرين بالتمام والكمال حتى ورثوا مقاعد الإخوان في السجن أيضا حينما خرج منه الشاطر وإخوانه وحل عز والمغربي العادلي وجرانة

نداء لكل اللذين هاجموا المسلمين واتهموهم بانهم السبب في تفجيرات كنيسة القديسين لكل اللذين قلبهم حمل من المسلمين سواء باتهام مباشر او غير مباشر بانهم قتلوا ابرياء كنيسة القديسين نداء لكل من اتهم السلفيون بانهم من خططوا لتفجيرات كنيسة القديسين الان جاء وقت الاعتذار قدموا اعتذاركم الان عن ظلمكم وتجنيكم علي هؤلاء الظلم وقته ساعة والحق الي قيام الساعة

اعتقد ان من كان يتمتم ويهمهم في وقت الصلاة و بيجرح عينيه مشهد المصلين هو الاحق بصفحات هذا التوبيك الخمس بدل ان نناقش اللي صلى هو صلى رياء .. ولا ما صلاش رياء .. عنده مكان .. ولا ما عندوش .. كان فيه وقت ولا مافيش وقت

اكتسبت جماعة الاخوان المسلمين الشرعية حين دعاها عمر سليمان للحوار قبل سقوط نظام حكم مبارك .. وهى الجماعة التى كانت قبل ذلك محظورة (على ورق الجرائد فقط) رغم أنها فازت فى البرلمان قبل الأخير بثمانية وثمانين مقعدا (حوالى 20% من المقاعد) .. وفى تلك الأثناء وبالتحديد فى خريف 2007 تناولت الصحف ووسائل الإعلام والمنتديات بالتعليق برنامجا لحزب تطلعت الجماعة إلى إنشائه .. قبل ذلك كانت الجماعة ترفع الشعارات العامة التى تدغدغ مشاعر الغالبية المسلمة من شعب مصر المتدين بطبعه .. ولكنها شعارات ظلت حبيسة اللافتات والهتافات .. وكانت الجماعة تسكت فى عجز عندما يواجهها السؤال وكيف ستنفذون هذا الشعار أو ذاك .. مثلا .. فى كل مناسبة ترفع لافت مكتوب عليها "الإسلام هو الحل" .. حسن .. ما هو الحل الاسلامى للبطالة .. ما هو الحل الاسلامى لمشكة المياه والصرف الصحى .. ما هو الحل الاسلامى للسحابة السوداء .. ما هو برنامجكم لحل مشاكلنا ؟ ثم ظهر برنامج الحزب الذى ارادت الجماعة إنشاءه وفى هذه الأيام .. وبعد نتيجة الاستفتاء على التعديلات الدستورية والتى ترجمها البعض على أنها انتصار فى غزوة مظفرة شنها التيار السياسى المتأسلم بقيادة جماعة الأخوان (ولى تحفظات على هذه الترجمة) أصبح معظم الشعب المصرى يتساءل .. وماذا لو فازت الجماعة بأغلبية مقاعد البرلمان أو حتى بمنصب رئيس الدولة .. لماذا الخوف منهم .. كيف ينظرون إلى الدولة المصرية إذا تحقق ذلك الفوز ؟ فى الباب الثانى من البرنامج الذى عنوانه (الدولة والنظام السياسى) .. وفى الفصل الأول منه (الدولة) وفى الفقرة (هـ) من هذا الفصل نقرأ : حسن هى دولة مدنية كما نص الفصل الأول من الباب الثانى .. ولكن فى الفصل الثالث (السياسات والاستراتيجيات) من الباب الأول (مبادئ وتوجهات الحزب) نقرأ هذه الفقرة إذن دولة مدنية على قمة السلطة فيها هيئة من كبار علماء الدين .. هيا بنا نناقش هذه المعادلة

كما قلت في مداخلة سابقة في موضوع التعدي علي البرادعي ... ربما تفتق اذهاننا عن دعاية جيدة لتوضيح الامر لاخواننا ممن اشكلت عليهم الامور من الله تبارك و تعالي علي ان وجدت هذا الموضوع و الذي يدحض كل مسبة الصقت بالرجل ذورا و بهتانا مع الموضوع لا بد وأن نعترف أن صوره الدكتور البرادعى قد تم تشويهها فى الشارع المصرى وخاصه أمام رجل الشارع البسيط الذى لا يحاول البحث عن الحقائق والأدله ويصدق كل مايسمعه وخاصه اذا كانت الاتهامات يتم تكرارها بشكل مستفز وبأوجه مختلفه واحنا عارفين (الذن ع الودان أمر من السحر) والراجل البسيط ال ف الشارع ماعندوش نت يقدر يتحقق من المعلومات المغلوطه والأكاذيب التى يتم تداولها عن البرادعى ومن ناحيه تانيه هناك حصار اعلامى مفروض على الدكتور البرادعى مازال مستمرا رغم زوال نظام الطاغيه مبارك دون معرفه أى أسباب لذلك الحصار المفروض سواء من التلفزيون الرسمى أو الفضائيات الخاصه التى تدعى استقلاليتها وأنها كانت مؤيده للثوره وهى أول من حارب الثوره ووقف ضدها وحاول التعتيم عليها فليس أمام رجل الشارع سوى تصديق هذه الأكاذيب لأنه لا يجد من يرد عليها. ورجل الشارع لابد وأن يرد عليه من خلال الشارع نفسه عن طريق حمله للرد على كل هذه الأكاذيب التى تم ترويجها عن طريق وسائل اعلام النظام البائد وبقايا أمن الدوله ومرشديه خاصه فى المحافظات والمناطق الشعبيه والعشوائيه وهذه الحمله لابد وأن تبدأ فورا فى مختلف المحافظات والمدن والقرى لنحارب الجهل والتخلف والشائعات والأكاذيب وبقايا أمن الدوله البائد والطابور الخامس بالحزب الوطنى وسنبدأ بأنفسنا فى محافظه المنيا التى وللأسف الشديد انتشر فيها الفقر والجهل والتخلف وبطريقه متعمده من نظام مبارك البائد ونتمنى أن تتبعنا باقى المحافظات . أما المصيبه الأكبر والأعظم هى أن تجد شخص متعلم ومثقف وتراه يصدق _بل_ يردد هذه الأكاذيب ويروج لها ويؤمن بها وهؤلاء نوعان : الأول : يعلم الحقيقه ولكنه ظل يكذب يكذب حتى صدق نفسه وصدق مايقول ولكن معظم هذا النوع هو من اللجنه الالكترونيه للحزب الوطنى الذى يحاول الالتفاف على الثوره ويجهز للانتخابات القادمه تحت مسميات أخرى بعيدا عن الحزب الوطنى أما النوع الثانى : وهو ليس بالقليل فهو من كثره ترديد هذه الأكاذيب أمامه صدقها واقتنع بها وهذا النوع هو المستهدف فاذا كان يريد المعرفه ويريد فعلا البحث عن الحقيقه فهانحن نضع الحقيقه كامله أمام عينيه ونرد على كل الأكاذيب والشائعات التى يتم ترويجها عن الدكتور البرادعى بالأدله والوثائق والمستندات

شايفة ان الكلام عن التعديلات و الاستفتاء خلاص حاجات من الماضي و كتر الكلام فيها هايخلي مصر محلك سر فتحت التوبيك دا عشان الكل يقول رأيه في اللي جي اقتراحاتكم ايه حاليا عشان مصر تكون احسن هابدأ بكذا حاجة شايفاهم من وجهة نظري اولويات اولا:استقلال الازهر الشريف لكي يستعيد دوره في نشر المنهج الوسطي للاسلام ثانيا:استقلال القضاء ليسود مبدأ العدل اساس الملك ثالثا:استقلال الاعلام ليكون اعلام وطني يعبر عن الشعب و ليس السلطة منتظرة اقتراحات حضراتكم

ارجع ..كنت حامينا من وجع الدماغ و قولة اة و لأ ارجع .. انا اكتشفت ان ليه صوت ارجع ..جوزي هتجري في ايدة الفلوس و ممكن يتجوز عليا ... ارجع يا ريس.. قبل العيد عشان نعرف نقول عيد مبارك ارجع يا ريس.. مش لاقيين اسم لمحطة رمسيس في المترو ارجع يا ريس... تقريبا نسيت نور الصالون في القصر مفتوح ارجع ..لحسن شكلك هيبقي وحش قدام السادات و ناصر لما يسألوك مشيت ازاي؟ ارجع يا ريس.. وحشنا ابنك جمال ارجع ..عشان ننزل التحرير تاني ونأكل كنتا كي ارجع.. بقوا يطبخوا ع الفحم في اسرائيل طب ارجع يا ريس.. واللي اتفرم يتصلح ارجع يا ريس... شارع صلاح سالم بقالو كتير مابيوقفش ارجع يا ريس دكاترة الضغط والسكر والقلب مش لاقيين شغل طب ارجع عشان تامر حسني.. أو تامر أمين.. ارجع يا ريس انا بقيت بتكلم في السياسة براحتي ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟ ارجع يا ريس ..شكلنا هنبقي من الدول المتقدمة ارجع بقي.. ده حتي هالة سرحان رجعت، يرضيك كده يعني؟؟ يا ريس ارجع.. انا خايف رغيف العيش يكبر وأنا ناوي اعمل دايت ارجع بجد دلوقتي لما مبيعجبناش وزير بيتغير، المسئولون اتبهدلوا من بعدك! ارجع يا ريس، الإخوان بقوا بيطلعوا في التليفزيون الحكومي طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟ اهداء الى شباب المحاورات

حلقة السبت من القاهرة اليوم هاتكون عن توضيح كل المصطلحات دي لان فعلا ناس كتير مصطلحات كتير من دي ما حدش فاهمها شكرا يا ايمن على الموضوع

ايه يا عم الحاج هو كان مطلق مصر و بيردها غيابي و لا ايه ايه 60 يوم و يرجع في كلامه اللي بيرجع في كلامه بيبقى عيل على فكرة و هو راجل كبير و عاقل و عارف ان كده عيب و هايبقى شكله وحش اوي قدام اصحابه

حقيقي ومن كل قلبي اتمني انه يرجع علشان الثوار يكملوا ثورتهم صح :P :)

حرام عليك يا سي السيد اقول ايه بس ...(.ِمنًك ِللٍي اْكلت دراع جوزها) انا قلبي اتقطع لما شوفت المساجين وهمه نايمين على الارض علشان ياْكلوا رغيف العيش بدون استخدام ايديهم وكنت هاعيط والله مش لاعبه يا عم اروح اشوف لي حاجه تانيه اتفرج عليها :sad:

تحياتي الي الجميع, بصراحة الموضوع محير شوية...اللغة في كفة و المعادلة في كفة...هل اذاكر لغة بمعني اني ادوس في الفرنساوي و لا اركز في معادلة الطب البشري عشان فرصة نيابة او تخصص او عمل اللي هي اساسا فرصة صعبة في كندا عامة و في كيبك خاصة..و لقيت انة الاولي لي هو المعادلة و هيبقي استقراري في كندا علي اساس المكان اللي الاقي فية فرصة نيابة و فرصة عمل.علي الرغم من معرفتي مسبقا بأنة كيبك هي الافضل في اول سنة لاي مهاجرجديد. تحياتي مرة تانية و شكرا لاتاحة فرصة للناس ترجع تتكلم في المكان المحترم دة.

صورة دخول العاصفة للبلاد ,, نسأل الله السلامة http://www.youtube.com/watch?v=7YSyTZbNxUo&feature=player_embedded#at=23

مين الحج محمد ده :blink: هو انت اسمك الحقيقي محمد يا ساري؟ انا برضه كل اخواتي اسمهم محمد ماعدا أخويا الكبير شريف اسمه حسين :closedeyes:

فعلا العملية أصبحت مسخرة كل فئة لها طلب أصبحت تقوم بالاعتصام ويتوقف الانتاج في المصانع - طيب أنتم تريدون رواتب وزيادة غي الرواتب وعجلةالإنتاج معطلة فمن أين يتم ترتيب الأجور ؟ المستفيد الوحيد من هذا الموضوع هي فلول الحزب الوطني للأسف الشديد - وقد كان الدكتور عصام شرف محقا حينما قال إن هذا القانون وضع من أجل نحجيم الثورة المضادة .

انا مع القانون دا يا جماعة دا بقى استهبال في كلية سياحة عند اختي قال ايه هايعملوا مظاهرة ليه يا بنتي من كام يوم عشان الدكاترة مثلا مش بينزلوا كتب و بيقولوا الامتحان من الابحاث امبارح بقى ليه يا حاجه اصل الحرس الجامعي رجع تاني طب دول يحضروا محاضرات امتى بقى؟ قولتلها اللي بيحصل دا تهريج و ما تشتركيش فيه

كلنا موافقين انه يستخدم ضد الاعتصامات اللي مقفة حال البلد و يا عالم مين اللي بيحركها .. خصوصا و بقى سهل توصيل الشكوى المشكلة انهم اول ما طبقوه .. طبقوه على طلبة الاعلام اللي كانوا معتصمين ربنا يحفظ بلدنا

جزاك الله خيرا يا باشمهندس ياسر علي هذا الموضوع الرائع واسمح لي أن أشارك فيه بتجميع لبعض ماقيل عن البرادعي البرادعي: (تقرير الأمم المتحدة قبل غزو العراق بأسبوعين) لم نجد أي دليل على أن العراق استأنف برنامجه النووي http://www.un.org/arabic/news/fullstorynews.asp?newsID=520 البرادعي: (تقرير من الأمم المتحدة) لم نجد أدلة على استئناف العراق لبرامجه النووية http://www.un.org/arabic/news/fullstorynews.asp?newsID=329 خلاف بين بوش والبرادعي حول البرنامج النووي العراقي http://www.aawsat.com/details.asp?section=4&article=149873&issueno=8829 د مصطفى الفقى (رئيس لجنة العلاقات الخارجية بمجلس الشعب )عن د محمد البرادعى http://www.almasry-alyoum.com/article2.aspx?ArticleID=84628 الواشنطن بوست: «البرادعي» شخصية مزعجة لأمريكا قبل وبعد قرار الترشح للرئاسة http://dostor.org/politics/world/10/march/15/9658 د.يسري ابو شادي يشيد بموقف د.البرادعي من العراق http://www.youtube.com/watch?v=mcE142QoLzs البرادعي يرفض الحوار مع بي.بي.سي لرفضها بث نداء غزة http://www.aljazeera.net/News/archive/archive?ArchiveId=1168009 ElBaradei: Gaza, world's largest jail البرادعى : غزة أكبر سجن فى العالم http://www.presstv.com/detail.aspx?id=123259&sectionid=351020202 د.البرادعي يدين مجزرة قافلة الحريه و موقف حكامنا http://www.youtube.com/watch?v=-eDPZLGwq4Y البرادعي يرفض اتهاما إسرائيليا http://www.aljazeera.net/NR/exeres/84E69946-CCD2-4377-8077-5860D921713A.htm تلاسن بين البرادعي ومندوب إسرائيل في اجتماع محافظي الوكالة الذرية http://www.aawsat.com/details.asp?section=4&issueno=11161&article=524028 مشادة كلامية بين البرادعي والمندوب الاسرائيلي حول سورية http://news.bbc.co.uk/hi/arabic/middle_east_news/newsid_8108000/8108097.stm إسرائيل تدعو لطرد البرادعي من منصبه بسبب موقفه من ايران http://www.news.gov.kw/a/50253 البرادعي:أمريكا استخدمت حجة زائفة لغزو العراق http://www.islammemo.cc/2009/11/03/89678.html البرادعي: سلام مصر المنفرد مع إسرائيل من الأخطاء الكبرى http://www.al-khayma.com/NR/exeres/02C81F82-0517-4523-A679-AD18B4F85920.htm البرادعي يثير أزمة داخل إسرائيل وليبرمان يتهمه بالتواطؤ http://www.lahona.com/show_news.aspx?nid=47537&pg=19 البرادعي يحذر "اسرائيل" من شن اي هجوم على ايران http://www.almanar.com.lb/newsSite/NewsDetails.aspx?id=85821&language=ar البرادعي يطالب إسرائيل بالتخلي عن أسلحة الدمار الشامل في إطار ترتيبات أمنية وسلمية بالشرق الأوسط http://www.aawsat.com/details.asp?section=4&article=225170&issueno=9249 البرادعى : اسرائيل الخطر النووى رقم واحد فى الشرق الأوسط ElBaradei says nuclear Israel number one threat to Mideast: report http://news.xinhuanet.com/english/2009-10/04/content_12181647.htm البرادعي : الخطر النووي الإيراني مبالغ فيه والحل من خلال الحوار والمفاوضات http://arabic.peopledaily.com.cn/31663/6788330.html الرجل الذى تغلب على جورج بوش و فاز بجائزة نوبل The man who took on George Bush and won (the Nobel Peace Prize, that is) http://www.independent.co.uk/news/world/politics/the-man-who-took-on-george-bush-and-won-the-nobel-peace-prize-that-is-510079.html جائزة نوبل تصفع سياسة بوش النووية Nobel Prize Slaps Bush Nuke Policy http://www.globalpolicy.org/component/content/article/157/27006.html محمد البرادعى : الايرانيون ليسوا مجانين Mohamed ElBaradei: ‘They are not Fanatics’ http://www.newsweek.com/id/199149 اسرائيل تتهم البرادعى بالانحياز لسوريا Israel accuses IAEA chief of bias on Syria http://www.ynet.co.il/english/articles/0,7340,L-3733383,00.html صحيفة هارتس الصهيونية :كيف خدع البرادعى العالم فى برنامج ايران النووى How ElBaradei misled the world about Iran's nuclear program http://www.haaretz.com/print-edition/features/how-elbaradei-misled-the-world-about-iran-s-nuclear-program-1.2900 القاهرة تهاجم إسرائيل وتحذرها من التدخل في عمل البرادعي http://www.lahona.com/show_news.aspx?nid=58384&pg=13 حملة إسرائيلية شرسة وغير مسبوقة ضد البرادعي http://www.lahona.com/show_news.aspx?nid=51243&pg=13 ايران تندد بالحملة الاسرائيلية ضد البرادعى http://www.lahona.com/show_news.aspx?nid=52580&pg=13 حملة إسرائيلية مغرضة على البرادعي وموفاز يدعو من واشنطن إلى طرده! http://www.alriyadh.com/2007/11/09/article292784.html إسرائيل تطالب بطرد محمد البرادعي من الوكالة الدولية للطاقة الذرية http://www.almasry-alyoum.com/article2.aspx?ArticleID=82362 فرنسا وامريكا ترفضان تصريحات البرادعي بشأن النووي الايراني http://www.lahona.com/show_news.aspx?nid=47736&pg=13 رايس تهاجم البرادعي وتطالبه بعدم التدخل في السياسة http://www.lahona.com/show_news.aspx?nid=32356&pg=13 قبل شهور من مغادرته منصبه.. حملة إسرائيلية على البرادعي في الصحف الأمريكية بضوء أخضر من أولمرت http://www.almesryoon.com/ShowDetails.asp?NewID=60703&Page=6 البرادعي يرفض المطالب الأمريكية بسرعة التحقيق في ملف سوريا النووي http://www.almasry-alyoum.com/article.aspx?ArticleID=180154 محاولات أمريكية لإبعاد البرادعي عن منصبه http://www.lahona.com/show_news.aspx?nid=28346&pg=13 مكالمات البرادعى يتم التنصت عليها من قبل الولايات المتحدة تمهيدا لطرده IAEA Leader's Phone Tapped U.S. Pores Over Transcripts to Try to Oust Nuclear Chief http://www.washingtonpost.com/wp-dyn/articles/A57928-2004Dec11.html http://articles.sfgate.com/2004-12-12/news/17455638_1_diplomatic-eavesdropping-intercepts البرادعي في عيون رجال السياسة والعلماء http://www.ahram.org.eg/Archive/2005/10/8/FRON10.HTM من هو محمد البرادعي؟ بقلم وزير الخارجية نبيل العربى http://www.shorouknews.com/Columns/Column.aspx?id=182900 أراء و مقالات الأهرام فى دكتور البرادعى قبل مطالبته بالاصلاح فى مصر * عظيم الإحترام للبرادعي http://www.ahram.org.eg/Archive/2005/12/18/OPIN8.HTM * رأي جريدة الأهرام القومية (قديما) مبروك لمصر فوز عالمها الجليل http://www.ahram.org.eg/Archive/2005/10/8/OPIN10.HTM * نوبل البرادعي http://www.ahram.org.eg/Archive/2005/11/21/OPIN4.HTM * البرادعي يستحق كل الشرف http://www.ahram.org.eg/Archive/2005/10/23/OPIN4.HTM * محمد البرادعي وبطولاته http://www.ahram.org.eg/Archive/2005/10/16/OPIN5.HTM * البرادعي الفرحة الرابعة لمصر http://www.ahram.org.eg/Archive/2005/10/12/OPIN3.HTM * البرادعي قيمة مصرية أصيلة قدمت الكثير للوطن http://www.ahram.org.eg/Archive/2005/10/12/OPIN4.HTM * البرادعي الرجل الشجاع الخارج عن النص http://www.ahram.org.eg/Archive/2005/10/9/OPIN4.HTM * يجب على مصر كلها مساندة البرادعي في نضاله http://www.ahram.org.eg/Archive/2005/2/23/OPIN6.HTM * البرادعي يتحدى أمريكا http://www.ahram.org.eg/Archive/2005/1/22/FILE3.HTM * البرادعي يتحدى أمريكا 2 http://www.ahram.org.eg/Archive/2005/1/21/FILE3.HTM

الستات دخلوا على الخط منى هلا الحلقة الأولى http://www.youtube.com/watch?v=-rzFJnNv_Mo

انا شخصيا موافق جدا على القانون ده وأنا من مدة كنت دخلت على صفحة المجلس العسكري وطلبت منهم إصدار قانون زي ده ( تطبيق الأحكام العرفية على كل من يدعو أو يشارك في تجمهر أو اعتصام )

ادخلوا شوفوا الجُبن بتاعهم http://www.facebook.com/video/video.php?v=1870927422204

أعتقد الفرق واضح جدا تطهير الأهرام من سرايا مثلا ليس من المطالب الفئوية و لا يوجد فيه استغلال لأوضاع البلد و لكن أيضا لابد يكون في نظام يعني تُقدم ضده شكوى و يتم جمع توقيعات و إرفاقها بالشكوى و تُقدم للمجلس العسكري و يتم إعطاؤهم فرصة معقولة للتنفيذ و إن لم يتم ذلك تقوم مظاهرات اعتراضية كانت مشكلتنا اننا مش قادرين نشتكي و اذا اشتكينا يا ننتظر البهدلة يا نحصد التجاهل و أكبر مكسب من الثورة في رأيي إننا بقى في مقدورنا أن نشتكي و نجد من يسمع و يبحث في الشكوى لقد كان هذا حلما و صار حقيقة بفضل الله تعالى نشتكي و نصبر قليلا فنحن نشتكي إلى بشر و الله تعالى وحده هو من يقول للشيء كن فيكون فلنحسن الظن بالله و نتخلص من الشك الذي يحاصرنا و الخوف الشديد على الثورة فالشك واليقين لا يجتمعان في قلب واحد و من رزقنا الثورة ورزقنا النصر فيها كفيل بإتمام نعمته علينا اللهم أتم نعمتك علينا يارب آمين

عن الاستفتاء هانحكي: تعالوا اتفرجوا على التعليقات اللاذعة بعد اللون البنكي:- صباعي لونه بينك .. انا مصري مش فشنك .. صباعي بمبي فسفوري انا قلت رأيي في دستوري - ربنا يرحم أيام مبارك .. مكنش بيخلينا نحمل هم التصويت - حسني مبارك : أيامي الناس كانت بتستفتي قلبها وهي قاعده في البيت ، وأنا وحكومتي الذكيه كنا بنعرف لوحدنا الناس عايزه ايه ... وهو ده التطور .. مش تقوللي طوابير وزحمه ... يا راجل كبر مخك - وكالعاااااااادة :- ينتقل الشعب المصرى من مرحلة الى مرحلة جديدة خاااااااالص " من مرحلة التصوير مع الدبابة , إلى مرحلة التصوير مع صباعه - للمرة الاولى في تاريخ مصر يتم حرمان المصريين المتوفين من التصويت في الاستفتاء .. فين بقى الديمقراطية - سألت قهوجى هتعمل ايه فى الاستفتاء؟ قال هاقول "لا" طبعا بقوله ليه طبعا؟ قاللى يعنى أنا لو عملتلك كوباية الشاى دى على التفل هتشربها؟ - أنا مش سلبي.. وصباعي بمبي - اغنيه ما بعد الاستفتاء : خلي الصوباع صاحي صاحي صاحي - عاجل .. تقرر مد فتح لجان الاستفتاء إلى حين التأكد أن كل المواطنين لونوا صباعهم بينك و إتصورو معاه و اللون واضح في الصورة - الشعب يريد...اسقاط الطابور - ويخرب بيت اللي حيقول لأ ، وهو من جواه بيقول لأ ، وواحد واقف جنبه بيقول نعم - يا جماعة من هنا و رايح .......صوباعنا بقى له قيمة.......بلاش نبهدله - وأخيرا انتقل الختم من قفانا إلى أصابعنا - ايه التشابه بين نتيجه الانتخابات ونتيحه المدارس والجامعات؟ الاتنين بيظهروا بعد ما يتم تصحيح الورق - ازاي ترضيلي حبيبتي ....صباعي مايبقاش بمبي ..... أنا قلب كان بيوجعني ومنتيش حسه بوجعي ازاي - يا جماعة بطلوا طفاسة ,,,,,هو صوباع واحد مش تستحمى بالحبر - الصوبع اللى على حق يقول للاستفتاء لأ.. والصوبع اللي حبناه يقول للاستفتاء آه - أنا مصري أحترم نتيجة الاستفتاء أيا كان ..و إلا أبقى عيل فاكس - حملة تجميع مليون صباع مصرى شاركوا في التصويت.. - تمت عمليه التصويــت بنجاح حيث ادلى مصريين كتير اوى بصوتهم ..وكانت الاسئلة متوقعة وجايه من الورق اللى كان بيتوزع قبل الاستفتاء بيومين ولم ترصد اية حالة غش ... وسيعلن المجلس الاعلى للقوات اللى هما عندهم صفحة عدت نص مليون عن العشرة الاوائــل غدا.. والله الموفق والمستعان طرائف نتيجة الاستفتاء: وبعد الاعلان عن نتيجة الاستفتاء بموافقة نحو 78% ممن قاموا بالتصويت على التعديلات الدستورية، في مقابل 22% قالوا لا، كتب الاعلامي والناشط السياسي احمد العسيلي: "على فكرة على فكرة أنا مُتفائل جدًّا، مش متأكد ليه ، يمكن عشان مش عايز اتشاءم ، بس غالبًا لإن الناس دول كلّهم اللي ماسكين في خناق بعض عشان الوطن ، شيء يدعو في النهاية للتفاؤل. فاضل بس نتعلّم كلّنا نتخانق بالأفكار مش بالألسنة". بينما جاءت أطرف التعليقات عبر صفحات الفيس بوك الساخرة كالتالي: - أول بيان من الجيش إلى الشعب بعد ظهور نتيجة الاستفتاء: من المجلس الأعلى للقوات المسلحة الى الشعب المصري العظيم : لأه تلوئك - محمد حسنى مبارك يربى ذقنه .. وينضم لجماعة الاخوان " الــــمــحـــظـــوظــــة" - عارفين اللي قال "لا" بيفكرني بايه.. بالزمالك بيلعب كوره حلوه بس مش بيكسب - مش مهم مين قال لأ أو مين قال نعم .. المهم اننا كلنا حطينا صوبعنا في نفس البرطمان .. وهي دي الديمقراطية - بيقولك احمد مكى هيعمل الجزء التانى من فيلم لا تراجع ولا استسلام بس هيكون عن الاستفتاء الى حصل .. بس الراجل الى هيمثل معاه هيقول: أيـــن أصـــــــواتـــــي؟ - البلطجية يطالبون بإعادة الاستفتاء والا سيعتبروا النتيجة لا - ياثورة ماتمت ......خدها الاستفتاء وطار

السلام عليكم تصدق بالله ياأستاذ رؤف انا من الامس وانا بحاول اخد قرار قبل ماأرد على اي حد انا يمكن اول مرة ادخل في نقاش وقدامكم مداخلاتي ولحظي الحلو جت في موضوع ذكر فيه الاخوان هل المفروض ان الواحد يحلف يمين الاول قبل ما يكتب انه يتبع او لا يتبع اي تيار كنت في قمة حماسي ايام الثورة ومش حاسة بفرق بيني وبين اى حد في المنتدى .. كنا كلنا واحد..وانقطعت شوية واتابع بدون مداخلات لما شفت الجدل والاختلاف وانا بطبعي مسالمة شوية- بس شرشة وقت اللزوم - لغاية وقت الاستفتاء مكنتش قادرة مااكتبش وبالامس مش عايزة ادخل في جدال اكتر من اللازم لانه لم يكن حوار وانا يمكن زى حضرتك مش بحب حد يجي على مظلوم قوي المصريين كلهم عاشوا سنين ظلم والاخوان عانوا منجيش بقى دلوقتى ونزود المعاناة بدون ادلة بل فيما كمان يخص النيات زيهم زى كل الناس لهم ما لهم وعليهم ما عليهم ممكن يجمعنا شيء ويفرفنا شىء اخر مش عايزة ازود في الكلام حول الاخوان لشان الموضوع مايتقلبش لجدال تاني والموضوع بقى تصنيف السلفيين ازعل من بعض ارائهم بس مش معنى كده اننا نقعد نهاجم فيهم عمال على بطال الحسنة اللى انا شايفاها دلوقتي في الاعلام بعد الثورة انهم بيستضيفوا رموز من الاخوان والسلفيين يعرضوا افكارهم زى ما الاعلام كان متاح للتيارات الاخرى.. وكلنا كبار واصحاب عقول نقدر نختار من يتوافق مع مبادئنا وافكارنا ولما يترشح حد من من نسميهم بالاسلاميين للرئاسة ولا لمجلس الشعب يببقى ساعتها انزل وقول رايك صباحكم ......... حرية

الأستاذ أبو محمد جميل جدا هذا الطرح فى هذا الوقت ، وجميل أن تأتينا بفقرات من برنامج الإخوان الانتخابى ( القديم ) ولاأدرى ان كان سيتم تعديله تبعا للظروف التى استجدت على الساحة المصرية. عموما عندى نقظة مهمة عايز أوضحها. الفرق بين الإخوان المسلمين والقوى السياسية المدنية هو: الإخوان المسلمين يريدون أن يحكموا مصر والمصريين ( لبشة واحدة ) أما القوى السياسية الديمقراطية فهم يريدون أن يحكموا مصر فقط وان يعطوا الحرية للمصريين لتصدق مقولة أن الشعب هو الحاكم. عندما قلت أن الإخوان يريدون أن يحكموا مصر والمصريين ، فأنا أعنيها ، ويتضح ذلك من الفقرة التى تقول: وطبعا كل شيئ يمكن ان يقع تحت هذا البند " حماية وحراسة الدين " الفضفاض رأينا حماية وحراسة الدين فى الدولة الإيرانية فى رجال الحرس الثورى الذى هو أشد وظأة من امن الدولة المنحل ، حماية وحراسة الدين قد لايكون لها حدود ، غلق المحلات وقت الصلوات ، تكسير وازالة اطباق الاستقبال ، الغاء المحمول ذو الكاميرات ، عدم خروج المرأة للعمل ( حتى تتفرغ لتربية الإطفال ) ، عدم الخروج على الحاكم ( طاعة أولى الأمر ) ، هذه الأمثلة مجرد غيض من فيض يقع تحت بند واحد ( حماية الدين وحراسته ) ايضا تناقض المواطنة وقيام رئيس الدولة واعضاء المجلس على حراسة وتطبيق الشريعة ، وبالتالى فالتالى يجب ماقبله ، اى يدب مبدأ المواطنة والمساواة بين المواطنون ( الجنس والدين ) المشكلة هى كيف تصل هذه المفاهيم الى البسطاء الذين نزلوا للصناديق يقولون نعم لنصرة الإسلام؟ زكم من الوقت يلزم لتصحيح مفاهيم الناس عن الدولة المدنية والدولة الديني والتى لم يروا من يدعون لها إلا الكرم وشنط التموين واوراق العشرينات. ، والكلام ده أنا مش باقوله سماعى ، لأ ده فعلا بيحصل وبالذات فى العشوائيات مع الفقراء وفى الأرياف أيضا ، ولما تتكلم مع هؤلاء البسطاء فردهم يكون أصل دول ناس بيعملوا خير ولازم نقف جنبهم زى ماوقفوا جنبنا. بالطبع أنا لاأشجع انصار الديمقراطية استخدام سلاح الشنط والعشرينات للتواصل مع الناس لتوعيتهم بالطريقة الصحيحة لممارسة الديمقراطية ، ولكننى أدعو لمراقبة استخدام الرشاوى الانتخابية والمحاسبة الجادة لمن يثبت تورطه فى ذلك. وكنت قد اقترحت وتسائلت فى وقت سابق عن مراقبة مصادر تمويل الاحزاب والجماعات حتى تكون العملية شفافة ، ولكن يبدو ان الموضوع لم يروق الاعضاء

للاسف اي تظاهرات من غير الاخوان لا هيتحقق عدد ولا نتيجة ملموسة والأخوان اكتفوا باللي اتحقق وبينظموا نفسهم لمرحلة البرلمان وما بعد البرلمان

حلوة الحركة دى اضع الفيديو اللى بيهاجم الشيوخ اللى انا بحبهم وانتظر رد فعل الطرف الأخر اللى المفروض بيهاجم الشيوخ دول بدل ما يحصل العكس - عملا بمبدأ خدوهم بالصوت - او يمكن محاولة لإشغال الطرف الأخر وانهاكه كلاميا بينما يعمل باقى الفريق فى الشارع فى محاولة لإكتساب ارض جديدة طيب لماذا لم يضع هذا الفيديو اى من مشجعى الطرف الأخر المضاد والكاره للأسلام والعلمانى كما تحبون تسميته ؟ هل هم غافلين عن هذا الفيديو ؟ ولا زلنا ندور فى حوار المواقف وننسى الأفعال على الأرض... اكملوا حروبكم الدون كيخوتية وانتم منتصرون بإذن الله كل سنة وانتم طيبين

فظيع جو الصراصير ده اتعدلي على وشك بقى قبل ما تروحي شهيدة في رجلين اي حد يعدي

الحمدلله رب العالمين أنا أول مرة أعرف إن فيه كتاب للمحاورات.... يمكن عشان أنا قطعت فترة طويله الكتاب شرف لجميع أعضاء المنتدى المحترم ويشكر علية الأخ المحترم الاستاذ عادل أبو زيد. وأشكر الاستاذة (فلانه-folana)على دعمها المادي للكتاب كما ذكر الاستاذ عادل. وأشكر أخي وحبيبي الأستاذ العضو (أسد) على دعمه المادي للكتاب...... وبصراحه انا اعرف الاستاذ أسد من زمااااااااااااااان وهو شخص محترم بمعنى الكلمه وذو خلق ومتوافق مع نفسه ويحب للآخر ما يحبه لنفسه..... وهذا أقل القليل الذي يمكن أصف به شخصية الحبيب الاستاذ أسد. والأستاذ عادل أبو زيد....له مني كل الشكر والتقدير والاحترام.. على هذا الصرح الثقافي والذي جمعنا جميعاً أما رأيي في نسخة رقمية للكتاب....... حالياً أرفضها لأن كما قال أحد الأفاضل الكتاب موجه للافراد خارج النت. أما عن حقوق الملكية الفكرية..... فهي طبعاً للاعضاء .......ولهم فيها كل الخير. واقترح فتح صندوق بريد أو رقم حساب يرسل فيه مبلغ ... تحدده الادارة.... يشمل سعر الكتاب والارسال بالبريد المحترم سواء داخل مصر او خارجها. واعتقد ان النيات الصافيه كانت تهدف الى نشر المعرفة والاراء ولاتنتظر ربحاً...... فبعد إعادة ماتم صرفه على الكتاب او قيمة الطباعة.......... أفوض عن نفسي ادارة المنتدى واقترح تفعيل هامش ربح يوجه الى اعمال خيرية تراها ادارة المنتدى. الف مبروك..... وكل الخير لمن ساهم من الاحياء والاموات في هذا الكتاب سقراط

تعال أربط عينيك بقطعة قماش وأمسك يدك وأتجه بك نحو باب الخروج من عالمهم تعال اسرقك ليوم واحد...ثم أقبل جبين الحياة شاكرة ممتنة وأغادرها بسلام تعال نتسلل من حدود الزمن على أطراف أصابعنا ..كي لانوقظ أهل الزمان ! تعال نمزق أوراقنا الرسمية وصورنا الشخصية ونفقد ذاكرتنا بما خلفنا..ونمضى بعيدا ! تعال نبصق فى وجه الظروف ونصفع وجه الفراق ونُحلق نحو الحلم عصفورين لاثالث لنا تعال نتحايل على الواقع و نشبك ذراعينا بإصرار.. ونسافر الى جزيرة بعيدة لاأحد معنا! تعال نصعد الى القارب الخشبي ونبحر إلى جزيرة لاتفتح أبوابها إلا لقلبي وقلبك فقط تعال نتجرد من أحذيتنا ونجري فوق شاطىء البحر بأقدام حافية كطفلين ونردد بلوعة ليتنا لم نكبر تعال اسير معك تحت القمر وأضع راسي على كتفك و أغني لك أغنيتك المفضلة بصوت مجروح تعال أجلس خلفك على ظهر الحصان ونستفزه بالسوط حتى يجمح بنا خارج حدود الزمان والمكان .تعال نعيد حكاية البدء.نسكن فى الكوخ ونأكل من البحر..ونكتشف النار.. ونستتر بأوراق الشجر تعال ننغمس فى الأساطير وأحداثها..فأراقصك كأميرات الحكايا وأترك لك فردة حذائي الذهبي عند الفجر تعال نفتح كتاب التاريخ ...ونختبىء فيه....ونختار حقبة زمنية أخرى...ونتسلل إلى عصر آخر . تعال أفتح لك دفاتري وأعرفك على ابنائي وبناتي منك.. وقصائدى الممنوعة بك وكتاباتي التي لم يقرأها قبلك بشر تعال اتجول معك فى طرقات وطني..واعرفه عليك ..وأهمس له.... ياوطني هذا الرجل وطني ! تعال اعترف لك كم تمنيت ان أزور وطنك متخفية برداء الليل وظلمة الطريق..... كي أراك من بعيد..!! تعال اتتبع لك خطوط كفك وأتنبأ لك مازحة ان خط الحياة بينك وبين مجنونتك سيتوقف قريبا . وان الروح التى أحبتك بجنون على رحيل! تعال أقرأ لك فنجان قهوتك وأردد عليك ضاحكة مخادعة ( بحياتك ياولدي إمرأة عيناها سبحان المعبود) .وأفتح عيني أمامك بشقاوة طفلة لاثبت لك....اني أنثي فنجانك !! تعال اقلم لك اظافر يديك وقدميك بجنون عاشقه فاذا ماانتهيت وضعت قصاصات أظفارك بيدي... وفتحت لك كفي وأخبرتك بفرح ان لاشىء يعادلها لدي ! تعال أمشط لك شعرك وأنت مغمض العينين وأعد الشعيرات البيضاء برأسك ..وأبوح لك انك حين تكبر ..سأحبك أكثر تعال نلعب بالطائرات الورقية فاذا ماسرق الهواء طائرتي افتعلت الزعل وجئتك طفلة غاضبة ابحث عن دلالك تعال نتجرد من تهذيب تربيتنا ونشوه حضارة المدينة بقطعة فحم نكتب بها على الجدران إسمى واسمك وتاريخ ميلادي ..وميلادك تعال قف أمامي حاسر الرأس ودعني أحقق أمنية عمري فأضع شماغك على رأسك بفرح الدنيا تعال مد لي يديك مغمض العينين بكسل طفل مدلل ..ودعني أغلق أزرار أكمامك باهتمام ام بطفلها الأول تعال إفرد أمامي ذراعيك ودعنى أغرقك بعطرك المفضل وأحرق قطع العود تحت ردائك وأبوح لك ان لارجل بجاذبيتك انت ! تعال توضى للصلاة أمامي ..ودعني أقف خلفك أراقبك بحب أمسك المنشفة بانتظارك.. لتجفيف ماء وضوئك. تعال أبوح لك بأمر موت بدأ يقترب مني وأنت آخر من يعلم تعال أعيشك قبل ان أعيش الموت فلا أمان للموت !! - تعال....أعيشك....شهرزاد الخليج-

أنا موافق على هذا القانون في مظاهرات بتتطلع لافساد الحياة العامة ومحاولة اثبات فشل الحكومة الجديدة وطالما القانون مؤقت يبقى خير ان شاء الله وكلنا امبارح شوفنا الاخ بتاع الفيك بوس ان شاء الله القانون ده خير في صالح الوطن

مسيحيين مصر مينفعش تقارنهم بمسلمين اوروبا .. ارجع للتاريخ يا استاذ طارق .. المسيحيين فى مصر أصحاب بلد .. والمسلمين فى أوربا معظمهم وافدين ومهاجرين اى نعم الديموقراطيه قد تظلم المسيحيين فى عدم تمثيلهم فى البرلمان بشكل كافى .. وده لظروف معقده ولا داعى للخوض فيها .. لكن تعيينهم وتحديد كوته لهم من قبيل تطبيق ((روح)) الديموقراطيه .. على غرار ((روح )) القانون لو كنت إنت ألاغلبيه والاقوى .. خليك سياسى .. وإكسبهم يا أخى ..وضعهم تحت جناح رعايتك واهتمامك .. واحتويهم .. بدل ما توغر قلوبهم نحوك وتستعديهم

بس يارب يكون مقتصر فقط على المظاهرات الفئوية ,, وما يكونش غطاء قمعي وترهيب مبطن لاي فصيل سياسي يريد التعبير عن رايه الحر ,, ,,

وأنا فاكر دعوة الأستاذ عادل لإصدار الكتاب بس أفتكرت الموضوع أتنسى أقل واجب نسخة pdf لكل عضو :lol:

أمناء الشرطة أتجمعوا علي الفيك بووس !!! http://www.youtube.com/watch?v=4_qNZVa7pVA&feature=player_embedded

اثناء مرورى على احدى الطرق السريعه،حدث ان القى احدهم بعلبة بيبسي فارغه اصتدمت بزجاج سيارتى الامامى،وكادت ان تكسره،ولما جاورته قلت له فى عصبيه هذا سلوك غير حضارى ياحمار،لم يسمعنى فيما يبدو،ولوح لى بيده معتزرا،وهنا حدثت نفسي،كم مره قال لى احدهم هذا سلوك غير حضارى،ثم لم اعتزر له.؟

كل ده شايلاه في قلبك لينا؟؟؟ هو اغلب اللي قلتيه صحيح - وده تقدري تعتبريه اعتراف رسمي من رجل يمثل جميع الرجال بس مش كله ينطبق بالكامل على جميع الرجال يعني كل واحد بيختار مجموعة ويعيش بيها وبعدين متزعليش يا بوسي هي الستات اتخلقت لخدمة الرجالة وراحتهم :P:P:P:P:P:P

http://www.youtube.com/watch?v=UbLV_fDvbkQ

سؤال بسيط هو لاما خلافة اسلامية كاملة تذوب فيها الشعوب فيما بينها لاما البعد الكامل عن منهج الشريعة ما ينفعش حل وسط يعني بتطبيق منهج الله في حياتنا كخطوة أولي المنطق مغلوط لان القوانين الوضعية اللي حضراتكم بتدافعوا عنها هي اللي فرقت الناس شيعاًو فرقاً مختلفة و جعلت حدود بين أبناء الدين الواحد كل فرقة تظن ان القوانين التي وضعتها هي الأنسب للمرحلة و النتيجة أصبح هناك قوانين مختلفة باختلاف المكان و الزمان و كل فرقة تظن انها المدافع الاول عن قيم الانسانية و الحرية و كل المصطلحات التي تم تفريغها من محتواها و اصبحت بضاعة رائجة لمزوري الانتخابات و هتيفة الميكروفونات و بعد أن يتم المراد بالجلوس علي الكرسي يتم نسيانها أما الشريعة فهي مرجعية واحدة صالحة لكل زمان و مكان و مش محتاجة غير اعمال العقل و التدبر

كل شىء وله ثمن ولكن ليس المال هو الثمن فى كل الاحول