لوحة القادة

لا يُمكن أن نظل خجولين ومسكوفين من الحديث عن نزاهة المجلس العسكري وعن نزاهة النائب العام فما يحدث منذ شهرين يجعل الشبهات تحوم حولهم ... وذلك فيما يخص كل شيء بمبارك وعائلته والعصابة المقربة له مثل زكريا عزمي وصفوت الشريف وفتحي سرور .. على سبيل المثال لماذا تم إلقاء القبض على أنس الفقي الذي أستلم 5 الاف ج ذهب من يوسف بطرس غالي لتسليمها إلى سوزان مبارك وتم ضبط المسروقات عند انس الفقي في البيت ؟ أين دور سوزان مبارك هنا ؟ - حساب مكتبة الإسكندرية .... بالله عليكم هل يستغرق إستخراج كشف حساب من البنك أكثر من 5 ثواني .. لمعرفة الرصيد ومعرفة العمليات التي تم عليه منذ تأسسيه ؟ الحساب مُفوض بإسم مبارك الأن .. وزوجته هي التي فوضتة بناء على تفويض يوسف بطرس غالي .... أين دور مبارك وزوجته هنا ؟ وما هذا التسويف والتأجيل ؟ وكيف لم توجه لمبارك وزوجته والمجرم إبنه جمال أي تهمة حتى الأن ؟ وما هو دور زكرياعزمي وصفوت وسرور في هذا كله ؟ ما هذا العبث والتهريج أيها السادة المطرمخون ؟ وما هو الغرض من بالونات الإختبار التي يطلقها يحي الجمل من حين لأخر عن طرح فكرة التوصل لتسوية مالية مع بعض رجال الأعمال المقوبض عليهم لإطلاق سراحهم وتردد إن أحمد عز هايدفع 500 مليون ويخرج طاهر وبريء وصفحته بيضا يا بلاش .. يعني ثمن إنتاج يوم واحد من مصانع الحديد المسروقة من البلد ؟ أعتقد أننا نحتاج وبشدة لثورة أخرى للتطهير .... وثورة أخرى للمواجهة مع المجلس العسكري لأ أقصد هنا مواجهة عسكرية أو عنيفة .. ولكن اريد مظاهرات مليونية بميادن التحرير لحسم هذا التسويف المقلق والمريب

علشان كدة أنا قولت نعم للتعديلات الدستورية الثورة أزالت أصنام هامة وهي مبارك وأعوانه وتركت لنا الجيش ويحيى الجمل لابد الآن الدفع نحو السلطة المدنية المنتخبة لابد من التعجيل من انتخابات مجلس الشعب والشورى ورئيس جديد ليتمالسيطرة سريعا على الفساد وعلى الجيش ولكن ما أخشاه وضع دستور يجعل الجيش المصري كالجيش التركي

قال الراوي وبعد ان تم نصب الصندوق في وسط ميدان المحاورات .. وبعد ان استعد الجميع لقول ما يراه في غنيمة الدولارات .. اجتمع الادفايزر بمجموعة المشرفين ... وقال لهم اني لكم ناصح امين .. دعوا التصويت يأخذ مسراه دون تدخلات .. وارفعوا الينا دائما بكل التجاوزات .. يمنع التحريض واستخدام المنابر للتأثير .. فليس هذا ما تعلمناه من ميدان التحرير .. فأما الغلة فأني بريء منها براءة الذئب من دم ابن يعقوب .. بل هي لكم يا سين سين ويا ابا محمد ويا فلانة ويا سكوب .. ويا محمد ويا سلوى ويا مصرية ويا اسد .. فكونوا في كلمتكم متوحدين كالجسد .. ولا تنسوا رفع نصيب محمد يوسف لحين عودته بالسلامة .. ولا تنسوا ان تجنبوني واياكم الملامة .. اقول قولي هذا واودعكم الى حين عودة من جزر البهامس .. وما ان خلت القاعة من الادفايزر حتى انتظم الشهيق والزفير .. وتنفس الصعداء منهم من كان يشعر انه كالاسير .. وبعد الضحك والمجاملات .. علت الجدية الوجوه والنبرات .. وبرزت التساؤلات .. ان ماذا نحن فاعلون ؟ وعلى ماذا نحن مقدمون ؟ قالت فلانة وهي ترشف الكابتشينو الاثير .. ان لا تجزعوا ولا تخافوا من الاستفتاء المثير .. فالنتيجة تقريبا محسومة .. و الغلة واضحة ومرسومة .. وما تكفلت بنفقات الكتاب مع الفاضل اسد .. الا لقرب جني الدنانير فاللهم لا حسد .. افرحوا وارقصوا وغنوا قال ابو محمد بهدوءه المعتاد .. وهل ضمنتي يا فاضلتي اننا سنجني الايراد ؟ .. وما ادراك عن نتيجة الاستفتاء .. وهل ضمنتي من المصوتين الولاء ؟ .. قال اسد بحذر شديد .. ارقب نغمة لا تنقص ولا تزيد .. عن اننا سنحابي من يقول نعم ونصطفيه .. ونحاسب في صمت من قال لا ونزدريه .. قال سين سين .. ما جلوسنا هنا في الصالات المغلقة .. تاركين لمنابرهم الحرية المطلقة ؟ .. انصرفوا وارقبوا رد فعل كل الاعضاء .. واتركوا الكلام عن ضمان الاستفتاء .. فإن غالبيتهم قالوا نعم فبها ورحبت .. وان غالبيتهم قالوا لا فالخطورة قد وجبت .. ---- بعدها ساد الصمت في القاعة .. ------------------------------------------------ امام الصندوق .. طابور طويل له اول وليس له آخر .. في منتصف الطابور .. ام زيد تتجاذب اطراف الحديث مع رضوي قالت ام زيد : كانت ايام وعشناها في بلاد الضباب .. ودلوقتي بقينا في طابور العذاب قالت رضوي : خلاص يا ام زيد ,,.. دي حرية واتفرضت علينا وبعدين هيا بلاد الضباب دي ..........مافيهاش طوابير ..؟؟ ولا عندهم نتحمل الطوابير وهنا نتنرفز !! ام زيد : باقول لك ايه يا رضوي .. كلامك اتغير معايا من يوم قلت اني هاصوت بلا .. طب بصي بأة .. هاصوت بلأ .. بلأ .. مش بس انا .. حتى زيد وابوه .. دي مسؤولية وامانة .. دي مش بس رسالة زيد .. دي رسالة زيد واي طفل اخر .. رضوي : يا ستي مالك بتتكلمي كده وانتي محسساني انك بنظير بوتو ........ ؟؟ ما تقولي لأ براحتك ........... انا اللي عليا خلصت ضميري من ناحيتك .. ام زيد : .. طب خلاص يا ستي انتي ولون الخط بتاعك ده اللي حول عينيا ... ما كنتي تكتبي بالابيض مرة واحدة هتفضلي بغيبوبة كدا لحد امتى بس .. !! مش كفاية الجو الحار ده ؟ اركتيكت : من ناحية الجو ما تخافوش ريمو هتيجي كمان شوية .. والدنيا هتمطر ان شاء الله ذهبية : يا سنة سوخا .. ومريومة معاها ؟ اركتكت : يظهر كده يافندم .. قال ايه .. عايزة توزع كيك ريمو البريمو بمبالغ رمزية للي يقول لأ .. ومجانا للي قالوا نعم .. عشان تشجع مريومة على الطبيخ .. ذهبية : طب انا قلت لأ .. العطار : يبقى تدفعي يا ستي .. بس لو مالكيش في الحلو .. انا عامل مشاوي ملهلبة للي بيقولوا لأ .. وبأسعار رمزية للي يقول نعم .. بس الله يعيننا على الحر ده .. سي السيد اكل 600 ريال من لحمنا الحي عشان موضوع التبريد ده .. مش عايزه يتهنى فيها .. الغريب : الا على فكرة يا ابو عمار .. هتقول نعم انتا طبعا .. مش كدة ؟ ابو عمار : لا يا عم .. ماما قلب ابيض وصتنا اننا كلنا- بتوع الكويت - نقول لأ .. مش هنخرج عن رأيها الغريب : يا عم مش ناقصين بلاوي تتحدف علينا .. قول نعم .. ابو عمار : باقول لك قلب ابيض قالت لنا نصوت بلأ .. فاهمني انتا .. ؟ مش هاخرج عن طوعها الغريب : يا عم واحنا عملنا الثورة عشان نمشي ورا كل اللي تقوله ماما قلب ابيض ..؟ فين رأيك تامر مصطفى : فيه ايه يا غريب .. ؟ مش عاجباك ماما قلب ابيض .. ؟ ياما اكلت طواجن من صنايع ايديهاوما خلتش لقمة لحد .. ناسي اول ما جيت الكويت لما كنت تلقح جتتك علينا باوقات الوجبات ؟ .. وجاي دلوقتي تستكبر ع النعمة .. ؟ الغريب : طول ما احنا متفقين مش مهم مين يقول نعم ومين يقول لا .. مش كده برضو ؟ تامر مصطفى : رأيك ده لما تكون فرداني يا اخويا .. بس انتا هنا عود في حزمة .. بعدين .. احنا متفقين كل واحد فينا يقول لأ .. الغريب : بس ده الغاء للذات .. هاقول نعم .. بوسي : سيبه يا تمووورة .. يظهر الطابور الطويل أثر عليه حبتين .. ايه الغاء الذات دي .. غريب .. انت تشتكي من حاجة .. ؟ اغابي : الحالة اللي معاه انا عارفاها كويس .. دي حالة استبحس نفساوي .. غريب يا ابني .. ردد ورايا .. انا مش قصير قزعة .. انا طويل واهبل غريب : يا حاجة ام محمود الله يستر عليكي مش ناقصك انتي كمان .. امتى هايخلص الطابور ده ؟ اركتكت : مالهم بتوع الاتوبيس مش متفقين ولا ايه ؟؟ كومنق سون : هي والله بوادر الأزمة .. وبواعث الانشقاق ثبت الله قلب الغريب .. ونصره على اعدائه بالذات على هذا الدعي تامر مصطفى الفاسق اركتكت : اعداء مين يا حاج .. انت خليت فيها اعداء ؟؟ كومنق سوون : نعم .. وما احسبك الا واحدا منهم اركتكت : انا ... ؟ انا يتقال عليا كده ؟ انا الثائر المناضل ؟؟ كومنق سون : ما انت الا ثعبان .. في مسوح الرهبان .. طارق حسن : يا عم الله يكرمك .. عارفين انك ثائر مناضل .. بس لازم نقول نعم.. الجماعة بمكتب الاشراف قالوا لنا كده اركتكت : مشرفين عليك يا اخويا .. اما انا لا .. انا صخرة صماء .. دامو : ايه الصماء دي يا architect ?? اوزاوز : دي بيتدزا سوبريم يا ولية .. اسئليني انا المهندسة : يالهوي .. ولية مين يا راجل انتا .. حد يقول ولية بيوم جميل ز ي ده دريم وذ مي : يا جماعة روقوا ما يصحش كده .. لازم كلنا نكون فرحانين بالاستفتاء .. انا فرحانة وهاطير من الفرح .. من كتر مانا فرحانة حاسة اني عايزة ابوس السما .. حاسة ان الارض مش شايلاني .. حاسة انه هيغمى عليا زوهيري : فرحانة ليه يا بت انتي ؟؟ :closedeyes: دريم وذ مي : اهلا وسهلا عمو زوهيري .. فرحانة اني باصوت زوهيري : وتصوتي ليه .. وانتي مين ؟ انتي معانا بالمحاورات .. ؟ :closedeyes: دريم وذ مي : آه والله معاكم يا عمو زوهيري .. الكارنيه بتاعي اهو .. العضوة رقم 43545454545 بالمنتدى .. زوهيري : ما شفتكيش قبل كده .. :closedeyes: .. اصلي مهم اوي .. جنتل اوي .. كتلة من الفن الرفيع هبطت عليكم :closedeyes: الباشمهندس ياسر : هاتصوت بايه يا عم زوهيري .. زوهيري : وانتا يا استاذ انتا شايفني واقف عشان حتة الصندوق ده .. ؟ الباشمهندس ياسر : ليه لا .. مهو كلنا جايين للصندوق .. زوهيري : لا يا سيدي .. انا الصندوق هو اللي يجيني .. :closedeyes: الباشمهندس ياسر : امال واقف معانا ليه .. ومزود الزحمة ليه .. ؟؟ زوهيري : مجرد احتكاك بالبوليتاريا .. تجربة نيرفانا روحية لكسر الاعتداد الشديد بالذات :closedeyes: اوز اوز : ايه الاحتكاك البولتاري ده .. تسلخات يعني .. ؟ باشمهندس ياسر : حد يوقف بالطابور ده بمزاجه .. ايه العالم الرايقة دي .. المشرف محمد : انت يا باشمهندس .. هتصوت بايه .. ؟ الباشمهندس ياسر : انا لا نعم .. ولا لأ .. انا وسط انا من الناس اللي تشوفها باي مكان بالشارع انا من الناس اللي تشجع الكورة .. انا من الناس اللي تشرب المية .. وتاكل كبدة من محلات الكبدة انا لو كنت لاعب .. كنت لاعب خط وسط ولو كنت ملابس .. كنت هابقى حزام ولو كنت بيضة .. كنت هابقى اللي بنص الطبق ولو كنت خط عرض .. كنت هابقى خط الاستواء انا الوسط .. المشرف محمد : طيب هتصوت بايه يا عم الوسطاني انتا .. هتصوت وسط ؟. الباشمهندس ياسر : لسه ما قررتش .. مرة اقول آه .. ومرة اقول لأ مرة آه .. ومرة لأ اركتكت : وسط .. سلام يا وسط .. انا ماعرفش هز الوسط ده .. الاستفتاء ده يا ابيض .. يا اسود المشرف محمد : ايه قصتك يا مراغي انتا ؟؟ .. بكل حتة تطلع بالطابور زي عفريت العلبة .. ؟؟ مرة بوسط الطابور ومرة بنصه .. ومرة بآخره .. ما تهمد بقى .. الباشمهندس ياسر : مش بعيد يطلع لك من شباك اوضتك .. او من قزازة البيبسي .. او تلاقيه جوة براد الشاي اركتكت : دي روح الثورة .. اصلي بادور عن اللي لسه ما باركوش ليا بتوبيك الطوارق لماضة : يادي ام الطوارق اللي ذليت اهلنا فيه يا شيخ .. ايه دا يا اخواتي ؟؟ ( وش واحدة مفروسة آخر حاجة وهتخبط تيمور بالكسرولة على دماغه تجيب اجل الطوارق اللي بيلعبوا فيه اركتكيت : ويادي الوشوش اللي تطلع لك وذليتي الشعب فيها حتى بقى كل واحد يطلع وش .. مسافر زاده الخيال : أي نعم .. تبا لتلك الوشوش .. حتى انا بكل وقاري بقيت اتكلم بالوشوش دي .. حاقة تقرف .. ( وش أي قندي تشريفة ماسك مكانو وقرف الدنيا بوشو لماضة : مش لايقة عليك حكاية الوشوش دي خالص يا مسافر .. فتفوتة : انتم قاعدين ترغوا وما تنشروش ؟؟ النتائج المبدئية لاستطلاعات التصويت .. 70 % نعم .. 30 % لأ انشروووووووووووووووووووووا شيكو : مش هانشر حاجة .. وسيبوني اتفرس النواحيدي لوحدي اللهى يشيل منى ويحط عليك يا دكتور :كونجينسنتى يجعلك فى كل امتحان لومباجو .... لماضة : نعم .. فيه ايه يا اوختشي .. بتبرطمي تقولي ايه . . ؟؟ شيكو : اهي برطمة وخلاص .. -------------------------------- وقال طائر الليل الحزين : عندما تترددين .. و تتحيري قولي ما تشائي .. لكن تذكري من حقك ان تنتشي ان تغضبي لكن .. بعد قرارك فاتنتي اياكي ان تتحسري او حتى .. تتذكري ------------------------------------------ قالها الطائر .. وغناها زوهيري .. نشرت صورتها لماضة في ( الحياة صورة بتعرفنا يعني ايه حياة ) .. ودونتها بوسي في مذكراتها يتبع ،،

السلام عليكُم ورحمة الله وبركاته وأخيييراً تفعلت عضويتي .. أنا يا جماعة كنت واحد من الحاضرين في هذا المؤتمر ، ولما لقيت الناس قايمة تصلي قمت صليت ، وأنا مش الإخوان يعني مش الإخوان بس اللي بيصلوا ... وقريت كم تعليق من بعض الأشخاص إن الإخوان عايزين فرقعة إعلامية وعارفين إن في ناس بتصورهم .. بدل ما توجهوا نقدكم دا للمصلين وجهوه للناس اللي ما صلتش ووقفت تصور ، أنا كنت متوقع إن الكل حينضم لنا ، لكن لقيت واحد بيقول أنا مش حصلي أنا ليبرالي الدكتور أبو الفتوح ما كانش بيصلي معانا على فكرة هو تأخر عشان كدا احنا قمنا للصلاة ، يعني ماعطلناش الندوة ولا عطلنا أي عمل قائم فقط استثمرنا وقتنا للصلاة حتى لا تفوت علينا صلاة المغرب حيث أن الندوة امتدت إلى ما بعد صلاة العشاء

السلام عليكم ورحمة الله... شكرا يافتفوتة على نقل الخبر....سمعت به ولفيت على القنوات لم أجد مايشير اليه..قلت أكيد حأجده هنا... بجد بقى حاجة تخنق وزادت عن حدها .. وحتى لو المبنى خالى من الملفات والأوراق ، وحتى لو كان ماس كهربائى على اساس ان المبنى به عمليات صيانة كما يقال ...،،تكرار الحدث نفسه يدعو إلى التساؤل ..لماذا؟ ولمصلحة من ؟ أظن أننا لا يجب أن نركن لا إلى المجلس العسكرى ولا إلى غيره ، بل ينبغى أن نطالب جميعا بتشكيل مجلس قيادة للثورة (مشكل من مدنيين ومندوب واحد فقط عن الجيش يكون من قيادات الصف الثانى وليس من المجلس العسكرى ) ، وأن يذهب المجلس العسكرى الى ثكناته لان من الواضح انهم متورطين ... وتكون أول مهام مجلس قيادة الثورة تشكيل محاكم للثورة للاسراع بمحاكمة عصابة النظام السابق ورئيسها ، وكل من شارك فى دولة الفساد والافساد. -حل الحزب الوطنى ومحاكمة قيادته ورموزه واصدار الحكم السريع لمن تورط فى الفساد وإقصاءه من الحياة السياسية. ويجب هدم النظام القديم هدما كاملا .. أما ان يتركوا هكذا يعيثون فى البلد فسادا ..يبقى عليه العوض فى الثورة..وعليه العوض فى دم الشهداء اللى راح ...وعليه العوض فى حلم بناء دولة جديدة تواكب لحق الأمم المتقدمة. حسبى الله ونعم الوكيل

مليون فى الميه .. قيادات كتيره من الصف الاول فى الجيش المصرى ((ملطوطه)) مع مبارك .. ومعروف للجميع مقدار ولاء وحب الجيش لمبارك ((كان مروقهم بجد خصوصا الرؤوس الكبيره)) انا أؤكد لكم من مصدر موثوق به .. وهو أحد أفراد عائلتى ((من بعيد شويه)) .. وهو رجل ملتزم اخلاقيا وعسكريا ...وكان رتبة كبيره جدا (من الصف الاول)) وهو على المعاش المبكر حاليا بعد خلاف مع طنطاوى شخصيا .. هذا الرجل كان ومازال حزين جدا مما حدث مع مبارك .. ويقول بالنص تعليقا على الثوره ((ايه اللى عملوه شوية العيال دول .. دا مبارك ده ممتاز)) .. الخلاصه الناس ((الملطوطه )) دى اللى على راس قيادة الجيش مشكله كبيره لامن واستقرار ونمو مصر بعد الثوره ميقدرش عليهم الا (((((إنقلاب عسكرى)))))) من قيادات من الصف الثانى او الثالث ((حاجه كده زى انقلاب 52)) .. عشان يتم تطهير الجيش المصرى منهم .. واتفرجوا بعد كده على السحل اللى حيحصل واللى ممكن يطول طنطاوى ذات نفسه قبل مبارك وعصابته يااااااااااااااااارب .. بدعى كل يوم تحصل المعجزه دى .. والاقى فى نشر ات الاخبار البيان الاول لقادة الانقلاب فى الجيش رغم ده كله اقول بكل اسف مجبرٌ اخاك لا بطل .. والجيش حاااااااااااليا مهما كان حجم الفساد فى قياداته .. يظل الورقه الاخيره فى يدنا .. وهو صمام الامان اللى حمى ومازال يحمى مصر من الفوضى والانهياااااااااار

الخبر صحيح وهناك مسيحي قطعت اذنه بالفعل والذي قطع اذنه مسلم يطبق شرع الله علي حد زعمه الدليل هو قيام المفتي بانكار هذه الفعلة وتجريمها ونفيها عن الاسلام اما انكم ستركزون دافعكم علي هذه النقطة فقد تركتم صلب الموضوع وستهدرون طاقاتكم دون دتفسير حقيقي لما حدث هذا حدث خطير وجلل وفي هذا الوقت لا تقول لي اعراف ولا تقاليد ولا تقول لي مجتمع قبلي وعادات وتقاليد هذا اسوء خبر سمعته اليوم ومنذ ايام لا احتاج لمن ينفي هذه الفعلة فقد حدثت وانتهينا وتابعوا الفضاءيات وانتم تعرفون ان الموضوع مشتعل وهناك اخذ ورد في العديد من الفضاءيات الان هل انتم مع هذه الفعلة اكيد سنسمع انكم تشجبونها لكنني اشجب معها كل فعل او تصرف يخالف القانون العام ولن تكون لي استجابة لاي تبرير الفعلة جبانة وحقيرة ووضيعة هذا رأيي

الموضوع دا لواحدة صاحبتي هي عارفه نفسها عاوزة تعرف طريقة اللازانيا المقادير علبة لازانيا بشاميل لحمة مفرومة معصجة مضاف عليها صلصلة الطريقة نجيب الصينية اللي هانعمل فيها اللازانيا و نحط طبقة بشاميل طبقة من رقائق اللازانيا طبقة لحمة مفرومة طبقة رقائق لازانيا طبقة لحمة مفرومة طبقة رقائق لازانيا و اخيرا طبقة من البشاميل و نرش على الوش شوية سمنة صغيرين عشان الوش يحمر و جبنة موتزاريلا و ندخلها فرن عالي نوعا و نحطها على الشبكة في النص يعني و نسيبها لحد ما القعر يحمر شوية و بعدين نفتح الشواية لحد الوش ما ياخد اللون الدهبي و ادي صورة و هي مقطوعة عشان تشوفوا الطبقات اي اسئلة احنا حاضرين

فاكرين المليونية الاولى في التحرير ؟ يومها كنت بقلب في القنوات ومريت بالصدفة على قناه دبي وكانت صلاة الجمعه هناك شغاله .. استمريت في التقليب ورحت على قناه العربية لافاجأ "بمزيع " مصري بكامل زينته ومكياجه وقاعد بيعلق على الاحداث بحماس .. بصراحه استغربت جدا في البدايه ازاي ده وقت صلاه الجمعه عندهم والراجل قاعد في الاستوديو بيذيع على الهوا ومفكرش يروح للصلاه .. كان ممكن جدا يحطوا زميلة بداله في التوقيت ده محبكش الموضوع يعني .. بعدين قلت يمكن مش مسلم الله اعلم .. حتى تلك اللحظة فعليا عقلي مكانش متقبل ازاي راجل يترك صلاه الجمعه عادي كده .. لو ترك صلاه عادية جماعه عادي اقول هيصليها لوحده بعدين بس الجمعه بالذات دي مش قادره اهضمها بصراحه . . مش فاكره في نفس اليوم ولا في جمعة اخرى تفاجأت بلقاء هاتفي مع عماد الدين اديب برضه والصلاه مقامة في التحرير وهو يفترض بيه موجود في مصر وعمال يتكلم بقاله كتير ولم يعتذر عشان يلحق الصلاه ولا كأن الموضوع في باله اساسا .. ساعتها بس تاكدت بان الامر نسبي .. فعليا في ناس عندها موضوع الصلاه ده مفيهوش نقاش ويستغربوا موت لو لقيوا حد متجاهله .. وفي ناس سبحان الله العكس تماما .. بتستغرب حرص البعض على اداء الصلاه في موعدها وبيعتبروا ان في اولويات اخرى اهم . . عن نفسي معرفش حقيقة ماحدث من الاخوان بس لو فعلا قطعوا المؤتمر عشان الصلاه وكان مفيش مجال انهم يصلوها في وقتها بعده يبقى هم عملوا الصح خاصه لو قطعهم ده جاء بطريقة دبلوماسية مفيهاش استعراض او تبجح .. لكن كنت اتمنى لو انهم اصلا خططوا وقت المؤتمر ليكون غير متعارض مع وقت الصلاه ..

يا سيادة المشير.........أنت جزء من النظام.........إرحل http://www.youtube.com/watch?v=-oqjjSJ0wwE

ايه الاستهبال والاستفزاز دة ؟؟؟ نفسي بس حد يفهمني فين الحماية المدنية ؟؟؟؟ بلاش الحماية المدنية مقر رئيسي للبنك المركزي المصري في وسط البلد وبعد الظهر ويوم السبت ويتحرق ؟؟؟؟؟ طبعاً العقل المدبر معروف جداً ومش محتاج مفهومية يعني لكن ازاي احنا بنستهين بخصمنا ؟؟؟ بقينا دلوقتي زي اللي بيلعب شطرنج مع خصم لعوب وماكر وكل الوسائل والادوات والطرق مباحة عنده ......... لازم ناخد بالنا شوية بقي ........ ولاهم اننا نحمي جيوشنا وممتلكاتنا واحنا بنقضي علي جيوش وممتلكات العدو لأن أصغر عسكري ف اللعبة قيمته كبيرة

والله كل واحد له الحق في الطموح مرحب بأيمن نور ومرحب بجميلة اسماعيل طالما في ديمقراطية يبقى من ينطبق عليه مواصفات المرشح يتفضل والقضاة موجودين والصناديق موجودين ويبقى الناخب هو سيدالقرار

السلام عليكم اخى الحبيب إسلام نقلت من موقع معروف مين اصحابه و ما هو مشربهم طيب إيه رأيك فى موقع تانى و قارن http://www.ahram.org.eg/482/2011/03/25/25/69119/219.aspx فى أى مجتمع لديه عادات و تقاليد فضلا ان يكون لديه دين شخص يتم ضبطه فى وضع مخل ماذا يمكن ان يحدث له ....يتم قطع رقبته لا أذنه و لو كان مسلما سخافه ممجموجه بهذه الفريه و تطاول على الدين يشهد دعما كبيرا الان من كل الاطياف التى انهارت فى الاستفتاء الاخير فاتحدت كلها ضد الدين و يكفى نظره بسيطه الى جل الاعلام المقروء و المسموع يا إسلام تجد هذا . يا إسلام اعط نفسك مهله و تثبت من الخبر و فكر فيه و اهضمه قبل كتابته فالكلمه طالما فى فمك تملكها فإن خرجت من فمك ..ملكتك . . و الان ..الان ..تترحمون على امن الدوله ؟؟؟!!!؟؟؟ طبعا الجريمه مرفوضه ..حتى لا يزايد احد :closedeyes:

إنسانية (humanism) 1- حركة فلسفية، كانت تدعوا إلى إعادة الكرامة إلى القيمة الإنسانية، كانت ترجح التفكير العقلاني، وأكدت على تفوق الإنسان بذاته وليس عن طريق القِوى التي لا تخضع لتحكم العقل بغض البشرية Misanthropy المسنثروبيا هي توجه فكري أو حالة نفسية تتمثل في كره ومعاداة، وانعدام الثقة في، الكائن البشري (أو البشرية) إما بسبب قناعة فلسفية أو اختلال نفسي اشهر الكتاب جونثان سويفت ( و كتابه الاشهرجاليفر ترافلز ؟ رحلات جاليفر)

تعريف آخر واقعي للعلمانيين

أنا اعترض أنا كده سمعتي نزلت الأرض يعني المرتين اللي أتكلم فيهم مرة بالإنجليش ومعدومة الرأي والمرة التانية سؤال لغوي ومعدومة الراي برضو...ده أنا طلعت في الباي باي خالص لاازم أحسن صورتي قدام شعب المحاورات أعمل إيه ...أعمل إيه أنا هفتح فصول تعليم اللغة العربية لغير متحدثي اللغة الإنجليزية لمزيد من المعلومات انظر الكتاب سيناريو فظييييع يا ساري يعني الحق يقال: i am very happy صباحكم مكرم مفرم مقبل مدبر

يوم رحيل محمد حسني مبارك من جديد حسيت اننا رجالة بكل ما تعنيه الكلمة حسيت ان ربنا من فوق العرش بيبارك خطانا حسيت ان الاذن نزل من السما خلاص عشان نغير وجه الارض

ادخلوا شوفوا الجُبن بتاعهم http://www.facebook.com/video/video.php?v=1870927422204

عن الاستفتاء هانحكي: تعالوا اتفرجوا على التعليقات اللاذعة بعد اللون البنكي:- صباعي لونه بينك .. انا مصري مش فشنك .. صباعي بمبي فسفوري انا قلت رأيي في دستوري - ربنا يرحم أيام مبارك .. مكنش بيخلينا نحمل هم التصويت - حسني مبارك : أيامي الناس كانت بتستفتي قلبها وهي قاعده في البيت ، وأنا وحكومتي الذكيه كنا بنعرف لوحدنا الناس عايزه ايه ... وهو ده التطور .. مش تقوللي طوابير وزحمه ... يا راجل كبر مخك - وكالعاااااااادة :- ينتقل الشعب المصرى من مرحلة الى مرحلة جديدة خاااااااالص " من مرحلة التصوير مع الدبابة , إلى مرحلة التصوير مع صباعه - للمرة الاولى في تاريخ مصر يتم حرمان المصريين المتوفين من التصويت في الاستفتاء .. فين بقى الديمقراطية - سألت قهوجى هتعمل ايه فى الاستفتاء؟ قال هاقول "لا" طبعا بقوله ليه طبعا؟ قاللى يعنى أنا لو عملتلك كوباية الشاى دى على التفل هتشربها؟ - أنا مش سلبي.. وصباعي بمبي - اغنيه ما بعد الاستفتاء : خلي الصوباع صاحي صاحي صاحي - عاجل .. تقرر مد فتح لجان الاستفتاء إلى حين التأكد أن كل المواطنين لونوا صباعهم بينك و إتصورو معاه و اللون واضح في الصورة - الشعب يريد...اسقاط الطابور - ويخرب بيت اللي حيقول لأ ، وهو من جواه بيقول لأ ، وواحد واقف جنبه بيقول نعم - يا جماعة من هنا و رايح .......صوباعنا بقى له قيمة.......بلاش نبهدله - وأخيرا انتقل الختم من قفانا إلى أصابعنا - ايه التشابه بين نتيجه الانتخابات ونتيحه المدارس والجامعات؟ الاتنين بيظهروا بعد ما يتم تصحيح الورق - ازاي ترضيلي حبيبتي ....صباعي مايبقاش بمبي ..... أنا قلب كان بيوجعني ومنتيش حسه بوجعي ازاي - يا جماعة بطلوا طفاسة ,,,,,هو صوباع واحد مش تستحمى بالحبر - الصوبع اللى على حق يقول للاستفتاء لأ.. والصوبع اللي حبناه يقول للاستفتاء آه - أنا مصري أحترم نتيجة الاستفتاء أيا كان ..و إلا أبقى عيل فاكس - حملة تجميع مليون صباع مصرى شاركوا في التصويت.. - تمت عمليه التصويــت بنجاح حيث ادلى مصريين كتير اوى بصوتهم ..وكانت الاسئلة متوقعة وجايه من الورق اللى كان بيتوزع قبل الاستفتاء بيومين ولم ترصد اية حالة غش ... وسيعلن المجلس الاعلى للقوات اللى هما عندهم صفحة عدت نص مليون عن العشرة الاوائــل غدا.. والله الموفق والمستعان طرائف نتيجة الاستفتاء: وبعد الاعلان عن نتيجة الاستفتاء بموافقة نحو 78% ممن قاموا بالتصويت على التعديلات الدستورية، في مقابل 22% قالوا لا، كتب الاعلامي والناشط السياسي احمد العسيلي: "على فكرة على فكرة أنا مُتفائل جدًّا، مش متأكد ليه ، يمكن عشان مش عايز اتشاءم ، بس غالبًا لإن الناس دول كلّهم اللي ماسكين في خناق بعض عشان الوطن ، شيء يدعو في النهاية للتفاؤل. فاضل بس نتعلّم كلّنا نتخانق بالأفكار مش بالألسنة". بينما جاءت أطرف التعليقات عبر صفحات الفيس بوك الساخرة كالتالي: - أول بيان من الجيش إلى الشعب بعد ظهور نتيجة الاستفتاء: من المجلس الأعلى للقوات المسلحة الى الشعب المصري العظيم : لأه تلوئك - محمد حسنى مبارك يربى ذقنه .. وينضم لجماعة الاخوان " الــــمــحـــظـــوظــــة" - عارفين اللي قال "لا" بيفكرني بايه.. بالزمالك بيلعب كوره حلوه بس مش بيكسب - مش مهم مين قال لأ أو مين قال نعم .. المهم اننا كلنا حطينا صوبعنا في نفس البرطمان .. وهي دي الديمقراطية - بيقولك احمد مكى هيعمل الجزء التانى من فيلم لا تراجع ولا استسلام بس هيكون عن الاستفتاء الى حصل .. بس الراجل الى هيمثل معاه هيقول: أيـــن أصـــــــواتـــــي؟ - البلطجية يطالبون بإعادة الاستفتاء والا سيعتبروا النتيجة لا - ياثورة ماتمت ......خدها الاستفتاء وطار

كوريتيبا (Curitiba) هي أكبر مدينة في جنوب البرازيل ، عاصمة ولاية بارانا. تم إنشاء الحديقة النباتية كوريتيبا على غرار اسلوب الحدائق الفرنسية.الحديقة لها بوابة رئيسية ، فضلا عن الشلالات والبحيرات،وايضا تضمن حواضن معمولة خصيصا لنوع من النبتات مثل الأستوائية و غيرها .

اللي يزهق من الكلام في السياسة ييجي هنا ..يروق ده شوية شوية صور تحفة...قلت تتفرجوا عليها معايا

صباح الخير يحكى انه في يوم من الايام .. قرر الادفايزر الهمام .. راعي الذمام .. ان يجمع المحاوراتيين والمحاوراتيات .. ومن منهم قد مضى ومن هو آت .. ووقف فيهم خطيبا .. وقال اننا قد جمعنا امرنا .. واستشرنا اهل الحل والعقد من المشرفين والمشرفات .. واصحاب اليد الطولى في المشاركات .. والحاصلين على اعلى التقييمات .. واتفقنا على اصدار ام المفاجآت .. كتاب يضم خلاصة المشاركات .. سابقة ما سبقنا بها منتدى في العالمين .. يحمل اسم محاورات المصريين لكن قبل ان نطرح الكتاب في الاسواق .. وقبل ان نوقع على طبع الاوراق .. طرأ لنا أمر لم نحسب له حساب .. أخر كما ترون نشر الكتاب لمن يعود ريع النشر ؟ .. ومن يتحمل هذا الامر ؟ .. ان اصطفيتها لنفسي قلتم .. قد آثر نفسه علينا ونحن من سود الصفحات .. وان قصرته على المشرفين قلتم باي حق هذه الامتيازات ؟؟ .. ولماذا استفردهم بالعطية .. ونحن نعيش اجواء الديموقراطية ؟؟ وان وزعتها عليكم جميعا .. قال احدكم اتتساوى حصتي انا .. الذي بلغت مشاركاتي قرابة الالفين .. بمثل من هو في المنتدى ابن يومين ؟ والحق اقول لكم .. اننا بمركز الاشراف لم نستقر على حال .. ولا عرفنا اجابة هذا السؤال .. فقال لنا ابو الاسيان .. وهو الحكيم المفوه اليقظان .. من قال ان المحاوراتيين يرفضون ان يقتسم الاشراف الغنائم ؟؟ .. فوالله ما عرفناهم الا كراما عن فتات الولائم .. فاطرح يا سيدي الادفايز بهذا المنتدى الاستفتاء .. ليقل نعم من رضى لنا بالغنيمة .. وليقل لا من يرى انها ظليمة .. وهكذا يستقر بنا الحال .. وتنهي هذا الجدال ايها المحاوراتيين الاشاوس .. دونكم وصندوق الاستفتاء .. اهجموا عليه هجمة من لا يرى صندوق بعده .. وليقل كل رأيه صفق الحضور طويلا .. واخذوا يهنؤون بعضهم البعض بأن قيض الله لهم مثل هذا الادفايزر .. الذي يستشيرهم بكل صغيرة وكبيرة .. وكل قضية خطيرة هنا قال الباشمهندس تيمور .. هي دي الديموقراطية .. هي دي الحرية :happy: اللي شفته بعيني النهاردة مش هايصدقوه اصدقائي في منتدى احباب الفوركس .. ولا اصدقائي في منتدى حركة 6 ابريل ولا اصدقائي في منتدى المعماريون ولا اصدقائي في منتدى صناع الحياة وهاقول لاصدقائنا وائل غنيم وانجي و اسماء محفوظ :happy: وقالت فتفوتة : صورت كل اللي اتقال وسجلته .. وهانشره في كل مكان .. في الفيس بوك .. تويتر .. شبكة رصد .. شبكة جن ازرق .. المهم انشره وقال تامر مصطفى : وانا هانتج افلام عن الخطبة دي .. اخيرا يا مصر .. اخيرا هتشوفي اولادك يعملوا ايه وقالت دامو : i am happy وقال سكوب وهو يغالب دمعة تأثر : يا سلام .. وانا اللي كنت اقول محاورات تايهة يا ولاد الحلال .. لقينا المحاورات خلاص اما ضحى فقد قالت بواقعيتها المعروفة .. وبتجردها الصريح : طيب دلوقتي خلونا من اجواء الزغاريط والزفة البلدي .. وخلونا نفكر .. هنقول ايه .. نعم ولا لا ؟ قالت اغابي : يا سلام يا استاذة ضحى .. بقى دي عايزة سؤال طبعا هنقول لا .. مش من حقهم طبعا يحتكروا الارباح ليهم .. ياما تعبت وسهرت وانا اكتب مشاركات .. قسم الصحة والنفساويات يشهد على كده .. واخرتها يوزعوها بينهم ؟ ياما حرمت نفسي من الغطا عشان يستغطوا .. ياما حرمت نفسي من العشا عشان يستعشوا قالت لماضة : والله مش عارفة انا اقول لا ولا آه .. يعني لو قلنا نعم مثلا .. يجرى ايه ؟ هما ياما تعبوا وما تنسوش انهم يشتغلوا من دون اجر .. زي ما بيقولوا دايما ( وش اي واحد من فريق الادارة صباحك .. حيرة .. ما تعرفيش تقولي معاها .. آه ولا لأ قال حسام .. حسام عبدالفتاح سابقا : حيرة ايه يا لمضة انتي .. هي دي فيها حيرة .. طبعا هنقول نعم .. مش عايز احصل صاحبي عنبي ومن خاف سلم .. انتي عارفة معناها ايه قولة لأ ؟ يعني هنخليهم يتفرسوا مننا .. ويقولوا بصوا .. اعطيناهم ديموقراطية واول ما جربوها جات على راسنا احنا .. انا من ناحيتي متنازل ياختي وهاقول نعم صرخ اركتكت : نعم مين يا روح والدك ؟ ؟؟ نعامة ترفس بمصارينك .. لا تنازل :happy: لا استسلام :happy: انا مجاهد .. مناضل .. ثائر .. من الخيمة قال التونسي : يا عمي ريحنا شوية من الشعارات الحنجورية بتاعتك .. انا هاقول نعم باة .. مش ناقصين وجع دماغ قالت مغتربة : لنعرض الامر على لغة الارقام .. المتخوفين من نعم يمكن يشكلوا نسبة تزيد او تنقص قليلا عن 50 بالمئة .. في هذه الحالة سيقف الاشراف عاجزا عن الحاق الاذى باللي صوتوا بلأ .. لان نسبتهم كبيرة .. يختلف الامر في حال الاغلبية الكاسحة .. وبلغة الاحصائيات .. فان المصوتين بلأ سيشكلون نسبة كبيرة لو كان الفوز لصالحهم .. يختلف الامر جذريا في حالة فوز المصوتين بنعم .. .. لان استقصاد المشرفين سينتفي بانتفاء العلة .. هذا اذا ما اخذنا بعين الاعتبار العامل المحفز لتصويت من قالوا بنعم وهو في حالتنا الراهنة الخوف من ملاحقة المشرفين وترصدهم لمن صوت ضد قرار انتفاعهم بريع الكتاب .. في كل الاحوال فإن المنطق البراجماتي النفعي للمصوتين بنعم قد لا يسعفهم بالضرورة .. لأن اوزاوز مقاطعا : يا ست بالراحة شوية الله يخليكي .. معاكي بصمجية بالمنتدى .. يعني الخلاصة ها تقولي آه ولا لأ ؟ مغتربة : سأقول لأ طبعا .. لكني ضد مبدأ استغلال الخوف من المشرفين للتصويت الديموقراطي .. التصويت الحر ينبع من قناعة بلا مؤثرات او ضغوط قالت هند علي : يارب نجتاز هذه الغمة .. وترجع لنا مصر زي ما كانت واحسن قال سمبا : ترجع مصر ازاي زي ما كانت يا مدام هند ؟ .. واحنا كنا عاملين ثورة ليه ؟ قالت هند علي : والله مش عارفة يا بني .. التصويت ده شكله مش هيجيبها لبر قالت لماضة : حبة تفائل كدا يا مدام هند .. هو التفائل ايه غير شوية مشاعر صايعة .. بتبص لقدام .. وتخلي لكل ضحكاية من قلب كل واحد مننا .. انشودة فرح تزغرط على بلكونة الامل .. لما يشعشع .. صباحك .. تفائل قد السما .. مغموس بالزيت الحار قال ايمن : عن نفسي هاقول نعم .. بس ليه تتخانقوا على حاجة لسه ما بينتش .. كل واحد يروح للصندوق ويقول رايهه اللي هو حر فيه قالت مصرية متغربة : مش فاهمة ليه فزاعة الاشراف والمشرفين .. عاملين زي الاولاد اللي هيشتروا كفن لابوهم وهو لسه عايش .. الاشراف مسؤولية .. حضارة .. الاشراف .. قوة .. الاشراف .. هو اني ادافع عن افكارك وانظمهالك .. مش اني اصادرها لأ .. وبعدين هاينوبنا كم ملطوش يعني .. ؟ هو احنا بنبيع كتاب لا تحزن ؟ يا ريت ما كنا عرضنا الكتاب من اصلو .. حزني والمي .. كبير .. مش عشان ان فيه ناس قالت بوشنا لأ .. بس لاني للاسف اكتشفت ان فيه ناس بعد كل تعبنا منهم .. يبصوا لنا بصات .. غريبة انا مذهولة .. مصدومة اغابي : ما تعيطيش يا اختي .. بس هيا دي الديموقراطية .. لازم تتحمليها وما يصحش تقولي اننا بنبنص بصات غريبة :angry2: رؤوف : هاقول نعم نعم نعم .. واللي مش عاجبه بقى يهوينا مصرية متغربة : اصيل والله يارؤوف.. :blush: دريم وذ مي : ممكن اقول حاجة يا ابلة مصرية متغربة بس بليز ماتخاصمينيش .. ينفع اقول لأ .. ؟ مصرية متغربة : دي حريتك الشخصية يا بنتي ..القرار لازم ينبع من ذاتك .. بس مستعدة تتحملي القرار ده ؟ دريم وذ مي : في الحقيقة .. أ .. أ .. مصرية متغربة : ماشي يا ستي .. قولي لأ .. بس خليكي فاكراها :glare: سمبا : ايه هو الارهاب الفكري ده .. يعني لو مش عايزينا نصوت بتاخدوا راينا ليه بالاول ؟؟؟ ابو محمد : اهدأ يا حاج .. مافيش حاجة للصوت العالي .. وبعدين صوتك بينرفزني .. سمبا : فيها حاجة يا سيد الناس لو قلت لأ ؟؟ انا هاقول لأ .. هاقول لأ ابو محمد : من حقك تقول لا بس مش من حقك ترفع صوتك كده .. عندنا بنات بالمنتدى سمبا : وايه دخل البنات برفع الصوت .. ؟ ايه الاستفزاز ده بأة ابو محمد : اهو انت كده بتشوشر على المصوتين .. وبتعطيهم ايحاءات ان اللي هيقول نعم ياعيني يبقى مسكين وضعيف وغلبان .. وان اللي صوته عالي هو البطل والثائر والافلام بتاعتكو دي سمبا : !! اناقلت كل ده .. ؟؟ امتى .. ؟ وبعدين ايه دخل ده بوجود بنات معانا بالمنتدى .. ابو محمد : اهو انت كده بتشتت الموضوع .. معليش .. الحوار كده ما ينفعش .. جويرية : انا هاقول نعم .. كبر راسك يا استاذ ابو محمد .. صوتي هيوصلك واقول نعم اما دول اللي بيقولوا لأ .. لهم يوم ان شاء الله شرف الدين : يا جماعة ما تستهدوا بالله بأة .. اللي عايز يقول نعم هو حر واللي عايز يقول لأ هو حر واللي مش عايز يصوت برضو هو حر ها تقلبوها غم ليه .. كومنق سوون : انى ارى رؤوسا قد اينعت .. وحان قطافها .. واني بأذن الله لمقتطفهامن جذورها سي السيد : ما تهدي اللعب يا كابتن .. جذور ايه .. وتقتطف ايه .. ؟؟ هو بردقان ؟ ده تصويت كومنق سوون : بردقان .. يوسف افندي .. مشمش .. زر بطاطا .. هذا لن يغير من الحقيقة شيئا سي السيد : حقيقة ايه ؟؟ كومنق سوون : ستعلم قريبا يا كبيرهم .. عن اذنك .. سأذهب للتصويت ---------------------------------- قال طائر الليل الحزين : اليها .. تلك التي ترنو بعينها في هدأة الليل لن انساكي .. ولاجلك .. واحتراما لمواثيق سجلتها خطانا حين كنا في سن الصبا سأظل وفيا للحظ عينك الشفاف في لغتي .. وسأسطر لكي .. يا أمة الله .. ابياتا اسكبها في اذنيكي ذات القرط المتدلي واقول لك .. وحدك .. سأصوت بلا .. فأنتي قراري .. ---------------------------------------------- غني الابيات السالفة زوهيري .. تحت عنوان ( من وحي الصندوق ) .. على عوده الرنان .. وعملت فتفوتة لها شير بالفيس بوك يتبع ..

الله يمسيك بالخير يا تيمور بجد لااااااااااااااااازم نتحد...ياريت الاخوان أو السلفيين يمسكوا البلد ..ولو ليوم واحد بس..عشان خاطري يا جماعة ايناس الدغيدي: سأرحل عن مصر إذا وصل الاخوان للحكم ده لو قمعوها فنيا بس...يبقي بجد كتر خيرهم أوي..و كده يبقي كأنهم أصدروا أمر بالعفو عنها

http://www.youtube.com/watch?v=TuZwHMT_OyQ&feature=player_embedded والله الواحد بقى محتار يشوفها ازاى عن نفسى بقيت واقفة فى الاوفسايت زى مابيقولوا فى بوادر الثورة كلنا كنا فرحانين بالتغيير اللى حصل وسقوط النظام وماتلاه من سقوط الفاسدين وامن الدولة والاستفتاء وحاجات غيرهم كتير لكن دلوقت وبعد الحرايق اللى بتحصل يوميا ووجود اذناب للنظام وامن الدولة بتتحرك بكل حرية تحرق هنا وثير شغب هناك ومحاولة زرع الفتن والتشكيك فى كل شئ وكل شخص الاهم من كل ده الجيش بيطبق احكام البلطجة فى غضون ساعات وكثيرا مايتم بعد منتصف الليل دون محامى او قاضى مدنى بل كلها احكام عسكرية واصبحت العملية مشبوهة باخذ المذنب والبرئ وكانه كارت ارهاب سيخرج وقت اللزوم فى نفس الوقت لم يصدر حكم واحد يثلج صدورنا ضد المفسدون اللى خربوا البلد ونهبوها بل اعطيت فرصة لكثير منهم لتسوية نفسه وترتيب اوضاعه بل سهل لاخرون الخروج من البلاد رغم انه موضع شبهة وبعد سفرهم اصبحوا مطلوبين للتحقيق اى نكتة دى ماهو لو كان نزيه وشريف عمره ماكان حيسافر ويثير الشبهة لكن الحكومة عملت بالمثل يبقى ابنى على كتفى وارجع ادور عليه مش عارفة حاسة انه بيضحك علينا عارفة انكم حتقولوا ده تشاؤم طيب فين الاجابة على اسئلتى لم غضوا الطرف عن فرم وحرق الاوراق فى مجلس الشعب ومكاتب عز وكملت بامن الدولة رغم كان فى امكانهم منعها لان حاجات من دى كتير تمت تحت عين وسمع الجيش ولم يحرك ساكنا الا بعد خراب مالطة لمصلحة مين التوهة اللى احنا فيها طالما النائب العام مكبل بكثير من القضايا والاوراق ليه الجيش لايعقد جلسات عسكرية للسادة الفاسدين لعز وجرانة وغيرهم لان هم افظع من البلطجية انفسهم اللى صنعوهم بايدهم ليه لحد دلوقت سايبين صفوت الشريف وسرور وعزمى ليه لحد دلوقت سايبنا بناكل فى نفسينا. واخيرا انت دلوقت شايفها ازاى ؟!

طرد تامر أمين وخيري رمضان من (مصر النهاردة) ولاميس الحديدى من (من قلب مصر) انتصار لا يقل بهجة عن حل أمن الدولة :cheer:

مازالت افكارك الثورية يا ازوزو تخلب الالباب كعهدي بك وعهدك بنا ,, كيف تفتق الذهن الثوري عن تلكما فكرة !! تسريح لاعبي منتخب مصر ,, وبقبض الثمن ,, ننشأ ليس مصنعا او مزرعة او متحفا يعرض ارقى الفنون بل شيئ لا خطر على قلب بشر ,! خدوا بالكوا بالله ,, هو قال : فوانيس رمضان ,, الفانوس رمز للنور = التنوير ! ورمضان رمز مبطن للتيار الاسلامي معنى الشفرة في النهاية دمج فكر التيار الاسلامي مع الفكر المستنير لحكم مصر !!

هى اللى بتقول حتغادر مصر.. مش احنا اللى بنقول :closedeyes: ومع ذلك انا اؤيد نفيها ...ونفى اللى زيها لو حتستمر على افكارها الشاذه دى .. عشان بقى البلد تنضف .. وعلى فكره النفى ده اقل عقوبه لها ((إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم)) شفت يعنى احنا حنطبق عليها ارحم عقاب

هو كله الا الفراغ الدستورى اللى احنا عايشين فيه ده http://www.youtube.com/watch?v=VyhUFvRhtdo&feature=player_embedded

مقال جميل أعجبنى وأحببت أن أشارككم فيه " أنا عاطف الأشمونى مؤلف الجنة البائسة " عبارة شهيرة يعرفها كل من عمل عملا ثم تمت سرقته وتم نسبه للسارق ، أكيد هنا من كتب موضوعا وبالذات فى باب الشعر والخواطر ، ثم بالصدفة وجد كتاباته منشورة فى منتديات أخرى ومنسوبة لمن نقلها. وهذا مايحدث حاليا مع ثورة مصر ، الكل يحاول سرقتها ويدعى أنه صاحبها او انه الذى بدأها أترككم مع المقال فهو يتحدث فى نفس الموضوع

أعتقد أن الموضوع ليس له علاقة بطائفية او يحزنون هى مجرد محاولة من محاولات الوقيعة بين المسلمين والمسيحيين هناك جريمة ارتكبت ، يتم محاسبة المجرمين ببساطة كده ومن غير تهييج مشاعر فاكرين زمان أحمد عدوية ، لم يكن عدوية قبطيا ولم يكن من ارتكبوا مافعلوه معه سلفيون من 15 سنة فى مصر كان يملك أحد الإشخاص شقة فى عمارتنا ( اتحاد ملاك ) ، أكتشفنا أنه يأتى بنساء لشقته اجتمع بعضا من رجال العمارة وصعدنا له متلبسا بحريمة ( ليست جريمة فى القانون ) وجود سيدة لانعرفها معه فى الشقة وطلبنا منه ان يبيع شقته ولا ( يخطى عتبة العمارة مرة أخرى ) لان كل سكان العمارة اسر محترمة ولانحب ان يسكن بيننا شخص اخلاقه مش كويسة. وفعلا باع الشقة. لم يكن ذلك الشخص مسيحيا ، وعلى العكس كان أحد من شاركنا جار مسيحى. نعم للتصدى للأخلاق الغير حميدة ، لا لاستخدام القوة او العنف . وكما نرى فالخبر يقول انه تم القبض على احد المتهمين وجارى البحث عن الآخر ، ايه اللى خلى الموضوع نزاع بين اقباط وسلفيين او يهود حتى؟ كان من الممكن ذكر سلفيين فقط لو كانوا فعلا سلفيين وقاموا بجريمتهم بناء على اعتقاد بان من حقهم تغيير المنكر بالقوة ، وفى هذه الحالة يتم معاقبتهم بألحد الأقصى للعقوبة حتى يكونوا عبرة لغيرهم ، وأعتقد ان القانون به من العقوبات مايردع مثل هؤلاء .

بعين التفاؤل :happy: .. شايفها حكمه من الجيش ,, وصبر .. حتى يتم فهم الوضع بشكل كامل الوضوح .. ومحاصرة الفساد والفاسدين ببطء ودهاء .. حتى تتحين الفرصه للقضاء عليهم بدون مقاومه او خسائر جسيمه .. لانه عند تضيق الخناق على بعض كبار الفاسدين ممن يملكون حتى الان بعض القوه .. قد يولد لديهم مبدأ (انا ومن بعدى الطوفان)).. واللى بيغرق .. ممكن يغرق الكل معاه .. حتى اللى بيحاول ينقذه بعين التشاؤم :closedeyes: .. شايفها تواطؤ من بعض قيادات الجيش .. اللى متورط بعض من قادته .. سواء فى الفساد.. او فى الولاء لمبارك .. وبيدبروا لشئ يقدروا على الاقل يمسكوا فيه العصا من المنتصف ((يعنى يفلتوا من المسائله هما والشله الفاسده المقربه جدا زى صفوت وسرور وعزمى .. وفى نفس الوقت يرضوا الشعب ))

إذا استمر الوضع هكذا فستحل بالوطن فوضى عارمة إلى أين ستأخذ الوطن ..... الله أعلم .. ولكني أعيد بأنني أصبحت غير متفائل بالمرة بما يحدث في مصر من قراءة القصاصات .. ومن قراءة الأحداث .. الصغير منها والكبير .. أرى صورة غير جميلة .. وغير مشرقة

كنت لسه هأكتب موضوع بنفس المعني و لكن مختلف في المضمون ،،، ناس بنشوفهم في المنتديات و علي مواقع التواصل الإجتماعي مصممين إنهم الثورة و إنهم صح و بقية الشعب غلط و إنهم و إنهم و إنهم و إنهم و مصممين يحطوا نفسهم فوق الشعب ،، و اعلي منه ،، ده مقطع من مقال مستفز من النوعية دي حينما اقال مبارك نظيف..وعين شفيق...قولنا خلاص !!!.."احمد ربنا !" حينما قال الرئيس انه لن ينتوي الترشح قولنا خلاص !! هنخلص منه "احمد ربنا ! " حينما عين الرئيس نائب للرئيس ..بااس !! .."احمد ربنا ! " حينما طولب الرئيس بالتنحي..قيل..الفوضي..الفراغ الدستوري..يا جماعه .."احمدوا ربنا" حينما تنحي الرئيس للجيش..قيل..خلاص بقي !! "متحمدوا ربنا ! " حينما طولب بإقاله شفيق من الوزاره..قيل..الله انتوا مش كنتوا عايزين الريس يمشي.."احمدوا ربنا" حينما استقال شفيق فعلا..قيل " احمدوا ربنا بقي !!!" ولك ما تتخيل من مواقف..كان لا يريدها الشعب ..بسبب نظريه "احمدوا ربنا" ------------------------------- احمد ربنا ..هي نظريه..الرضا بالبخث القليل..عن الحق الواقع..."مش فاهم حاجه" هناك نظريه تانيه بردو ..كان هيكتشفها داروين بس اتشل ساعتها نظريه " احسن من مفيش" ترتبط ارتباط كامل بنظريه "احمد ربنا !" حيث لما تولي الجيش..قيل خلاص بقي..لم نفسك..الجيش كبيرك.."احمد ربنا" ...وده "احسن من مفيش" ويبقي الدنيا سايبه كده... طيب يا عم الجامد أنتا و هوا ،،، روحوا لوحدكم كده من غير الشعب و ورونا هتعملوا أيه ،، مأنتم بقالكم عشر سنين ،، بتقفوا علي سلالم النقابات و بتعيطوا في الفضائيات و مفيش حاجة حصلت غير لما الشعب اتحرك ،، الملايين اللي خرجت في الشوارع ،، دي مش أنتم دي الشعب !! أفهم أنتا و هوا ،، إن قوتكم في الشعب ،، عايز تعمل حاجة احترم الشعب و اقعد مؤدب قدامه و اتكلم بهدوء و اقنعه باسبابك و نسق صح و احترم الشعب في تنسيقك ده علي كدا المفروض وائل غنيم يبقي رئيس الجمهورية !!! ،،، ده أول واحد قال 25 يناير و محدهش يقدر ينافسه في ده بس الفرق إنه أحترم الشعب و نسق عشان يجذب الشعب ،، رفع شعارات لا يختلف عليها الشعب و فهم إن قوته في الشعب و اختار الحركة من المناطق الشعبية و اختار الحركة من بعد صلاة الجمعة في مساجد مصر يعني كل تفكيره في نطاق إن سلاحه هوا الشعب (( أنا عاطف الأشموني مؤلف الجنة البائسة )) أو (( أنا الشعب المصري صانع ثورة الحرية )) و أضيف و القادر الوحيد بعد الله سبحانه و تعالي علي تحقيق جميع أهدافها

ماحدش فوق النقد وماحدش معصوم من الخطأ والوقت اللي احنا فيه البلد كل يوم في حال... وممكن أي حد يغيّر رأيه مش لأنه مش ثابت على موقفه ولا لأنه منافق أو بيتكسّب من توجيه الناس في اتجاه معين ولكن فعلا الساحة السياسية غير مستقرة بالنسبة لرأي أي شيخ من شيوخ الدين الأفاضل لما يلدلي بدلوه في المواقف السياسية فلا يحاسب على إنه عالم وأي ذلة تنتقص من قدره عند الناس وإنما يحاسب على إنه رأي مواطن عادي ... لأن السياسة مفيهاش فتاوى فيها رأي ورأي مضاد ولكل رأي مبرراته لا أعتقد أننا في عصرنا هذا يوجد من على مستوى الصحابة والتابعين اللذين يؤمون المسلمين في المسجد ويقودونهم في ساحة المعارك... ويحكمون البلاد بأحنك الآراء السياسية طالما أننا عندنا شيوخ أجلاّء نستنير بفتواهم الدينية وكل شخص حر إذا أراد أن يسترشد برأي أي شخص سياسيا سواء كان شيخه أو والده أو معلمه أو أيا كان لكن في النهاية هناك أشخاص لهم كل الاحترام والاجلال ومنهم شيخنا محل الجدال ... أحبه في الله وأحترمه ومع ذلك هو ليس فوق النقد .. وإنما لكل مقام مقال

لازم الجيش ينتشر فى الاماكن الحيوية والحساسة فى البلد ويحميها ندااااااء للدكتور عصام شرف احموا بلدنا من الحريق والسرقة ده مخطط عام لضرب الاقتصاد وبالتالى النداء للنظام الفاسد الفاشل بالرجوع لما البنك المركزى يتحرق المستثمرين هياخفوا من البلد وهيسحبوا استثمارتهم وندااااااااااااااااء للمسئوليين عن الاماكن الحساسة يتاكدوا من عقودهم مع شركات التامين لتقليل الخساير (لازم كل حاجة يتامن عليها)

السلام عليكم اولا ما دليلك على ان من فعل هذا يزعم تطبيقه شرع الله ..ما دليلك يا إسلام هذا الاتهام اساسا لم يجيئ فى الخبر و لم يرى احد فى الاعلام من فعل هذا و لم يسمع منه هل اعتبر كلامك هكذا إتهام باطل لا دليل عليه و إنكار المفتى للفعله ليس دليلا ايضا لان المفتى يتكلم عن حكم شرعى صحيح و مضبوط المهم هل هذا حدث بالفعل فى تلك القضيه ام لا ام انها قضيه اخذ بالثأر او اعتداء او انتقام للشرف ..سمها كما تشاء ؟؟؟

منورة موضوعك يا استاذة اغابى ممكن من فضلك تضيفينى للستة المنتظرين الفايل نمبر و انا تقديرا منى و شكر لكل من ساهم بمعلومة صغيرة فى هذا الموضوع احب اساهم بحاجة صغيرة برنامج اسمه Before You Know It هذا البرنامج ساعدنى كثيرا فى حفظ الكثير من الكلمات بالفرنسية (كتابة و نطقا و سماعا و معناها بالانجليزية مما ساعدنى فى الحفاظ على لغتى الانجليزية و لم استخدم العربية) و هناك ايضا ميزة اخرى انه يمكنك حفظ كلمات لعدة لغات اخرى مثل الالمانية و الروسية و الايطالية بجوار الفرنسية و لغات اخرى كثيرة و البرنامج مجانى لا تدفع فيه لا ابيض و لا اسود و يوجد ايضا العديد من مكتبات الكلمات يمكنكم بها حفظ افعال و كلمات للمحادثة و بعضها يوجد معه صور. عنوان البرنامج http://www.byki.com/ و عنوان مكتبات الكلمات http://www.byki.com/tag/french و ميزة هذه المكتبات انها تضيف كلمات على الكلمات التى يتم تنزيلها فى النسخة الاولى مما يجعل كم الاستفادة اكبر و هو يعمل بطريقة لستة من الكلمات و يعرضها بشكل عشوائى ليمكنك من الحفظ الجيد للكلمات . و هناك ميزة اخرى فهو يعرض الكلمة بالفرنسية و يسألك عن المعنى بالانجليزية ثم يرجع و يعرض فى نشاط اخر المعنى بالانجليزية و يسألك عن المعنى بالفرنسية مما يساعدك على تقوية اللغتين معا كما أن الكثير من المكتبات مصحوبة بصوت تسمعه و يمكنك بالميكروفون تسجيل صوتك ليقيس البرامج كفاءة النطق للكلمة و لكم جميعا تقديرى و تحياتى

طب وإيه رأيك فى ده يا عمرو http://www.youtube.com/watch?v=8cCXxGGU-VM يعني هو اللي قال همشي لو الديمقراطية جاءت بالإخوان وأيضا شوفوا الفرق بين الكلام إللى الشيخ قاله والكلام إللى عمرو أديب قال إن الشيخ قاله لكن ليس واضحا لي هل يقول على الديمقراطية تولع ولامصر

حلقة علم تحت القصف .. في غزة

أين ذهبت تلك الصغيرة التي رتبت أوراقى يوما والتي وضعت القلم بيميني أكتب أول بيت شعر فأشعارك ستبقي لي دوما أين ذهبت بالبسمة المثيرة أين هي من تجسدت ألهام وصنعت سفينتي من بقايا حطام اين من صاغت الحياة حرب إلي سلام أين ذهبت وتركت القصائد لتبقي ولادتها عسيرة وتخرج مشوهة لا مكان لها اسأل الرحمة لأشعارى فمتي كان المشوهين سادة العشيرة ذهبت هي .. ومعها ذهبت الحروف ذهبت لترى الحياة .. وترى تقارع السيوف تتحدث بالسياسة ... وتنام بالسياسة والساسة يقتلون الحب في كل الظروف وموت القلب محطة السياسة الأخيرة أين أختفت تلك الجميلة أين أختفت الطفلة داخلها اين أختفت تلك المثيرة من قتل الأنوثة في مشاعرها هل تعود للحلم والشعر اما ستبقي في السياسة وللسياسة ثائرة وأسيرة

الحيث الثانى بعد المائة .......................... عن عبد الله بن بحينة - وكان من اصحاب النبى صلى الله عليه وسلم ( ان النبى صلى الله عليه وسلم صلى بهم الظهر فقام فى الركعتين الاوليين ولم يجلس فقام الناس معه حتى اذا قضى الصلاة وانتظر الناس تسليمه : كبر وهو جالس فسجد سجدتين سهو قبل ان يسلم ثم سلم ) مايؤخذ من الحديث .................. (1)وجوب سجود السهو لمن سها فى الصلاة وترك التشهد الاول (2)ان التشهد الاول ليس بركن ولو كان ركنا لما جبر به سجود السهو ويؤخذ وجوبه من ادلة اخرى (3)ان تعدد السهو يكفى له سجدتان فان النبى صلى الله عليه وسلم ترك هنا الجلوس والتشهد (4)اهمية متابعة الامام حيث اقرهم النبى صلى الله عليه وسلم على متابعته وتركهم الجلوس مع العلم بذلك (5)ان سهو الامام لاحق للمأمومين لانهم تركوا التشهد عمدا والمتعمد ليس عليه سهو لترك الواجب وانما تبطل صلاته فى غير هذه الصورة (6)ان السجود فى مثل هذه الحال يكون قبل السلام (7)ان السلام يلى سجدتى السهو فلا يفصل بينهما بتشهد او دعاء

عن ابى ذر رضى الله عنه -عن النبى صلى الله عليه وسلم قال : ( ثلاثة يحبهم الله عز وجل -: رجل اتى قوما فسالهم بالله ولم يسالهم بقرابة بينه وبينهم فمنعوه فتخلف رجل باعقابهم فاعطاه سرا لايعلم بعطيته الا الله عز وجل والذى اعطاه وقوم ساروا ليلتهم حتى اذا كان النوم احب اليهم مما يعدل به نزلوا فوضعوا رءوسهم فقام منهم رجل يتملقنى ويتلو اياتى ورجل كان فى سرية فالقوا العدو فانهزموا فاقبل بصدره حتى يقتل او يفتح له )

اعتقد ان من كان يتمتم ويهمهم في وقت الصلاة و بيجرح عينيه مشهد المصلين هو الاحق بصفحات هذا التوبيك الخمس بدل ان نناقش اللي صلى هو صلى رياء .. ولا ما صلاش رياء .. عنده مكان .. ولا ما عندوش .. كان فيه وقت ولا مافيش وقت

فما الداعى لانتخاب أعضاء مجالس الشعب والشورى (إذا كان حيبقى فيه مجلس شورى) .. لماذا لا ننتخب رجال دين لتلك المجالس ونوفر وقت وأموال ؟ بالتأكيد ينبغى ذلك .. وهذا يمكن عمله دون الحاجة إلى دغدغة المشاعر الدينية للمسلمين بدعاوى الحكم الاسلامى .. الطريقة سهلة وميسورة .. نمسك قانون قانون من اللى الموجود حاليا ونراجعه .. لو فيه شبهة تعارض مع الشريعة نطرح الموضوع للمناقشة الشعبية لتتبلور فى مناقشة برلمانية وإذا كان تغيير مادة أو مواد أو حتى القانون كله فلا بأس أما وضع سلطة من رجال الدين فوق سلطة الشعب ممثلة فى البرلمان فهو ما أشار إليه الأستاذ عادل مما يسمى "ولاية الفقيه" أحد أركان نظام الحكم الإيرانى ******** سعيدة جدا بالحوار مع حضرتك حضرتك بتقول نمسك القانون و نراجعه مين اللي يقدر يراجعه ويحكم على عدم تعارضه مع الشرع؟ اقتراحهم و بعدين ما فهمته ان قرار اللجنة يمكن مناقشته و مراجعته مش هدعي اني فاهمة اوي موضوع ولاية الفقيه .. ما اعرفه انهم يدعون لهم العصمة و كلامهم لا يُرَد أرجو تصحيح معلوماتي اذا فيها خطأ

بتعلم فرنساوي ان انا بذاكر مع نفسي بسمع حاجات كتير و بشوف فيديوهات و بحاول اقول بصوت عالي و اظن انا انا هكمل في السنتر و علي فكره الكتاب الي انت بتذاكره اكتر من ممتاز و مفيد جدا انا ذاكرت منه جزء كبير قبل كده........ السكن اظن ان مفهوش مشكله انا اعتقد اكيد هنزل علي مونتريال او لافال لان اعرف ناس هناك يا ريت يا جماعه لو حد يعرف اي حد بيشتغل في مجال شبكات سيسكو هناك او حتي من اخواتنا هنا الي ناويين يهاجرو يقولي

إذا الشعب يوما أراد شحن الموبايل..فلا بد أن يستجيب العمود انجليزي ده يا مرسي و أختم بأحب شيء لقلبي

;) :P مساء الخير عليكوا جميعا التوبيك نسائي ما تكملش قرايه لانه مش هايفيدك حبيباتي ال ف المنتدي اكيد فينااو اغلبنا بتشتغل وبترجع طول اليوم مهدوده ومش قادره حتي تجهز الاكل ال غالبا ما اتعملش الحقيقه وانا ف مصر ما كنتش بشيل هم امي حبيبتي كانت بتسندني بس لما جيت هنا السعوديه :sad: لاقيت الدنيا فاتحه لي مصرعيها وضرب ضرب ما فيش شتيمه ابتداء من بيبو ابني ال مجنني بشقاوته الغير معقوله وطلباته ال مش بتخلص مرورا با زوجي الحبيب ومسؤلياته ال عليا من مكوة اللبس لعمل كوباية شاي كل مرور ربع ساعه نهاية بقي بالمطبخ وترتيب البيت الترتيب مش بشيل همه لان اغلب الفوضي بتكون لعب بيبو بلمها ف ثواني وبقية الاعمال المنزليه من نظافه بتعدي بتسهيل ربنا لان ايدي ف الشقه علي طول انضف وابخر هههه اصلي بحب العاده دي من وانا ف بيت بابا كانت احلي ايام مساعدتي الوحيده ل ماما كانت اني ابخر مجهود بصراحه smk: المهم يا جماعه اني ما لقتش حاجه معذباني اد ها ناكل ايه بكره يووووه كل يوم حيره وانا بداوم 8 ساعات وبرجع مهدوده فقررت اعمل جدول ومشيت عليه وشغال معايا زي الفل بعمل اكل الاسبوع كله ف يومين غالبا الخميس والجمعه بدل ما اهد ف نفسي كل يوم هاتستغربوا يعني الاكل بيفضل علي طعمه اسبوع اه والله مع شوية لمسات خفيفه بتتعمل كل يوم زي الرز ابو شعريه لازم يكون سخن وطازه خليني اقولكم علي جدولي وانتو احكموا بداية في حاجات لازم تكون عندك ف الفريز متجهزه يدوب ع الطبخ زي ورق العنب والبتنجان تحشيه وتشوحيه ف زيت ع الفريز والكرنب تكوني سلقاه ومقطعاه خضره المحشي والطماطم اضرب اخزن لي قيمة خمسه كيلو كل كيس فيه نص علي اد الطبخه والملوخيه الخضرا بخرطها واضيف لها كوباية شوربه والباميه واي خضار تقدري تخزنيه اليوم الاول هايكون الخميس بطلع الكرنب المسلوق الجميل واتبل فراخ واطلع الطماطم المتسبكه وخضرة المحشي ونص ساعه ويكون احلي محشي كرنب وفراخ محمره بيتبقي مثلا طبق اشيله ينفع ف يوم زنقه اليوم التاني بجهزه الخميس بردوا بعد ما اتغدي واشرب الشاي اقوم اجهز ل صينية بطاطس ف الفرن بالفراخ واول ما تغلي غلوتين اطلعها ادي يوم خلصنا منه يدوب هاجي من شغلي السبت اعمل رز بشعريه وطبق مخلل بيتي جميل عباره عن خيار ولفت واطلع صنية البطاطس م التلاجه اديها كمان غلوتين وع الشوايه عشان الفراخ تاخد لون نرجع للطبخه التاليه ال هي بتاعت الاحد بكون سلقه لحمه كيلو مثلا و اخد من الطماطم المتسبكه عندي واعمل عليها فاصوليا خضرا واضع اللحمه مع الغليان بتكون عسل دي ليوم الاحد ونفسه هواه الجدول يدوب باجي بعمل الرز تالت طبخه بقية كيلو اللحمه بشربته اعمل ملوخيه ودي بعملها طازه كل حاجه جاهزه يدوب ع التنفيذ وبكده ارتحت م الاثنين نيجي بقي للثلاثاء وده ف البرد ده بكون مجهزه له عدس اصفر مسلوق وارمي ف الفريزر يدوب اجي م الشغل احمر له الشعريه واديله طشة التوم ال بتموتني م الجوع من ريحتها وجنبه بقي جرجير ومخلل وشوية حركات اكل الاربع بعمله الجمعه لان الجمعه بيكون يوم الدليفري اي حاجه اوي اي نواشف وغالبا بناكل فيه رنجه معصور عليها اللمون والزيت والشطه والبصل واشرب الشاي واقوم اواصل لعمل اكل الاربع وها يكون سي فوود بكون مجهزه لوازم الشوربه لان جوزي بيحبها جدا بجيب الجمبري والكاليماري والكابوريا كله كيلو اقسمه علي مرتين ف كيسين واعمل شوربة السي فوود بالكريمه وسر المهنه مكعب مرقة الدجاج bv:- ودوق يا معلم ولاتقولي الشيف شربيني وولا الشيف بندق بهزر طبعا المقامات محفوظه يا اخ بندق هي العين تعلي عن الحاجب ;) :wub: ويومها ال هو الاربع واحنا جايين م الشغل بنجيب سمك مشوي واول ما اوصل ارز الصيادية التحفه والسلطه الخضرا وكده تمام الخميس بقي احنا قلناه هاه رأيكم ايه ف جدولي انتوا بقي بتعملوا ايه مع العلم اني كل اسبوع بنوع ما بين ملوخيه وباميه بانيه وشاورمه شوربة عدس وكشري كده يعني عشان الواحد ما يملش شاركوني باقتراحتكوا

الرجل الذى هزم الجبل هناك قانون قتال يؤمن به كل العسكريين فى العالم من يمتلك قمة الجبل خضع له السفح إنها قاعدة وبديهية عسكرية يؤمن بها كل القادة على مدار التاريخ بعد أن أثبتتها كل المعارك فى التاريخ وهى قاعدة صحيحة إلا إذا كان من بالسفح هو العقيد / محمد الفاتح كريم . فقد كان قائد اللواء الثانى المشاة من الفرقة التاسعة عشر المشاة المصرية والذى صدر له الأمر يوم الاثنين 8 أكتوبر وبعد مشاركته فى صد هجوم العدو الرئيسى بنجاح صدرت له الأوامر بالتقدم بقواته لتحرير جبل المر الذى تؤثر نيران القوة الإسرائيلية الموجودة عليه على الفرقة 19 بالكامل وتهددها بالفشل فى تنفيذ مهمتها لتحكم الجبل فى كل المنطقة المحيطة به . وبالطبع كان قائد الفرقة العميد / يوسف عفيفى يعرف هذه القاعدة ويعرف أنها مهمة مستحيلة ولكنه أيضا كان يعرف الفاتح كريم الصعيدى الذى لا يعترف أن هناك شيء اسمه مستحيل ويؤمن أن له ثأر عند اليهود ورجال الصعيد الأخذ بالثأر عندهم أهم من الحياة. وهكذا تقدم الفاتح كريم بقواته لتنفيذ المهمة وتنهمر النيران الإسرائيلية من فوق الجبل ومعها الصواريخ الأمريكية المضادة للمدرعات والتى وصلت من أمريكا بطائرات شركة العال الإسرائيلية صباح الثامن من أكتوبر وتقوم بتدمير بعض العربات فيقرر الرجل ترك العربات المدرعة حيث أن تدمير إحداها يعنى استشهاد كل من فيها ويأمر أن يترجل الجنود جميعا ويحتموا بالأرض من الموت القادم من قمة الجبل . وياتى الليل ومازالت النيران تنهمر كالسيل الجارف من قمة الجبل فالقوات الإسرائيلية تملك من الأجهزة الأمريكية ما يتيح لها القتال ليلا ولا تملك القوات المصرية هذه القدرة . إنها لحظة فاصلة أدركها الرجل فبعد ساعات تشرق الشمس ويأتى الطيران الاسرائيلى أيضا إذا يجب الاستيلاء على الجبل قبل أن تشرق الشمس ولكن كيف إن نيرانهم تؤثر عليه وهو لا يملك القدرة على القتال الليلى ونيرانه غير مؤثرة عليهم واى حركة معناها الموت . لحظة فاصلة وصل إليها الرجل التشبث بالحياة أم الذهاب وتحدى الموت لحظة حسمها الرجل فالتقط بندقيته ونهض واقفا وصرخ الله اكبر وسأله ضباطه المحيطين به على فين يا أفندم فقال طالع الجبل وهم يعرفون قائدهم وإصراره على تنفيذ ما يريد وتقدم وحده صاعدا غير مبال بالموت وكأنه يبحث عن الاستشهاد وانتفض ضباطه وجنوده وكأن روح الاستشهاد التى تملكته قد انتشرت فيهم جميعا وتسابقوا للسير أمامه مشكلين من أجسادهم دروعا بشرية تمنع النيران من الوصول إليه وهو يحاول أن يسبقهم وصرخته تهز الجبل الله اكبر . ويردد الرجال الصرخة من وراءه وينهض الجميع ويتسابقون إلى الاستشهاد ويفاجأ القائد الاسرائيلى أن سيل نيرانه هو والقوات التى معه غير قادر على إيقاف المصريين الذين يبدو أنهم قد عقدوا العزم على الاستشهاد جميعا على مطالع جبل المر الذى يهتز تحت صرختهم المدوية الله اكبر إنهم يبحثون عن الموت ويقرر أن ينسحب بقواته قبل أن يصل إليه هؤلاء المصريين الغاضبين . وتشرق الشمس وقد وقف الفاتح يؤم رجاله لصلاة الفجر على قمة جبل المر ويصدر الأمر بتغيير الاسم الرسمي لجبل المر ليكون جبل الفاتح . تحية للرجل الذى هزم الجبل وتحدى المنطق والمستحيل وكل البديهيات العسكرية وانتصر عليهم وتحية إلى أرواح الشهداء الذين جادوا بحياتهم على مطالع جبل الفاتح تحية إلى العقيد / محمد الفاتح كريم

أجمل لحظه فى حياتى لما نتيجة الثانويه العامه بانت وكنت جايب مجموع كبير يدخلنى كلية هندسه اللى كان نفسى فيها . بس ماكنتش النتيجه هى اللى مفراحانى أوى . فى الثانويه العامه انا كان ليا اهتمامات تانيه كتير غير المذاكره ودا كان مسببلى نقد كتير فى البيت بس الحمد الله انا كنت بعرف اوازن بين المذاكره والأهتمامات التانيه . ولما النتيجه بانت لقيت والدى بيحضنى ويعيط وبيقولى انا آسف على ظنى بيك وأنا طول عمرى هبقى فخور بيك . عشان كده دى أجمل لحظه فى حياتى وعمرى مانسيت اللحظه دى .