لوحة القادة

طب تفتكروا الواحد لو سرع الموتور اكتر وعمل فايبريشن .. ممكن يترمي عليه سلطات ورز صيادية ؟

السلام عليكم.... يا جماعة حضراتكم دلوقتى بتناقشوا المقالة و ما ورد فيها و لا جايبين المقالة كمثال لأسلوب نوارة نجم فى كتابة المقال و نقعد نحلل اسلوبها و هل هو ينتمى الى الكتابة التلقائية الحديثة؟ أم المدرسة اللاوعيية التنويرية؟ خلينا فى موضوع المقال الله يكرم الجميع

انا بقى مش ناوية أسأل كل الأسئلة دى .. هو بس سؤال واحد.. ليه فريق طبى اردنى ؟؟؟ ليه؟؟ هو مفيش....فريق طبى مصرى ؟؟؟ هى خلاص مصر بكل امكانياتها وفلوسها اللى اتسرقت واتنهبت ...مبقاش فيها مستشفى وااااااااااحد....ينفع يتعالج فيه السيد الرئيس السابق؟؟؟ للدرجة دى ؟؟؟ الكل بينصح بالعلاج ف الخارج...يادى الخارج...طيب والداخل ماله؟؟ مش هو الداخل ده كان من ضمن مسئوليات السيد الرئيس؟؟؟ لمدة تلاتين سنة ؟؟؟ والا ايه؟؟ دى مصر بعد كل اللى حصل فيها ....بقت متخصصة ف علاج السرطان بكل انواعه. مفروض سيادته يجرب ويشجع الانتاج المحلى ويتعامل مع جيل الأطباء اللى افرزته حقبته التاريخية .. لسا برضه المصريين كأطباء متفوقين على مستوى العالم ياريس...متخافش. بس جرب ومش حاتندم ابداااا ربنا يشفى كل مريض... :give_rose:

هو ده السؤال اللي هتجنن علشان أعرف إجابته ليه تنفيذ المطالب ما بيكونش غير يوم الخميس قبل التظاهرات المليونية ليه ماحدش مقتنع إن الشعب ده هو صاحب البلد وإن اللي يقوله لازم يمشي بدون فصال ليه ماحدش من المجلس العسكري مقتنع إن شرعية وجوده مستمدة من الشعب مش من الدبابات ... وعمالين كل شويه يفكرونا انهم بينفذولنا المطالب زي ما يكون ده تفضّل منهم ومش واجب عليهم لماذا الإصرار على استمرار القيادات القديمة ... ولماذا الإصرار عند تغييرها أن لا يتم الاستعانة بالشخصيات المعروفة بعدائها للنظام السابق والموالاة للثورة وأهدافها ... بل يتم الإتيان بقيادات إما غير معروفة أو أو ماسكة العصاية من المنتصف أو ضعيفة يمكن السيطرة عليها الناس حاسّه إن المجلس العسكري بيشتغلها والمجلس بيؤكد الإحساس ده كل شويه بتصرفاته وتصريحاته في ناس بتستغرب إن لستة المطالب بتزيد كل شويه وبيسألوا هوا مافيش سقف للمطالب دول ناس مش فاهمين المشكلة وفاكرين انها مشكلة مطالب ... المشكلة إن الشعب عايز يحسّ مره انه صاحب السلطة والسيطرة وان اللي هيقول عليه هيتم دون مماطلة ولا خداع ولا معانده والله العظيم لو كان مبارك إدى الشعب الإحساس ده من أول يوم في الثورة واستجاب لمطالبهم البسيطة ساعتها كان زمانه لسه قاعد على الكرسي والناس بتهتف بحياته ... لكنه فضل يعاند ويسوّف ومع عناده وتسويفه مطالب الناس بتزيد لإنهم حاسين إن اللي في ايده السلطة عمال يلاعبهم ويتحداهم ومش معترف بإنه موظف عندهم

سألونى عن أسباب و دواعى الثورة رغم الحالة الميسورة لمعظم المشاركين فيها و كان ردى هو الشعور بالقهر to be disperate و هو أصح تفسير لما كنا فيه. ما سبق كان إستهلالا لابد منه لم تكن تعنينى كثيرا السرقات أو التربح فى النظام السابق أقصد أنها لم تعنينى بشكل مباشر و أستطيع أن أؤكد أن فرحتى بالثورة لم تكن من أجل القصاص من قادة النظام القديم و لكن فرحتى كانت نتيجة أملى فى أن أبنائى و أحفادى و أنا و جيرانى سنرفع رؤوسنا و نتكلم و نكتب و نفرد صدورنا لهواء الحرية. و لذلك فإن أولوياتى هى الحرية و توقف القهر و الإستبداد إلى الأبد ....أكرر إلى الأبد

السلام عليكم السادة المشرفين : تحية طيبة مباركة و بعد كان من عادة أسلافنا قدامي العرب .. أنه اذ جائهم شافع في امر لم يردوه فيكون اكراما لوفده و اكراما لاصولهم عن رد سائلهم و عليه فإنني أسال الله ان تقبلوا شفاعتنا للصفح عن أخينا تيمور المراغي و إيقاف عقوبة الايقاف عنه حتي يتمكن من التواصل في بيت العائلة مرة أخري كما و أهيب بالاخوة الاعضاء المشاركة في هذا الاستشفاع و تفضلوا بقبول وافر الاحترام كتبه ياسر بن علام المتوفي سنة 1485 للهجرة الشريفة

عشان لو المنتدى قفل تانى لاى سبب نقدر نعرف ونقدر نتجمع ونطمن على بعض وعلى المحاورات .. وبرده فيه دعايه واستقطاب لاعضاء جدد

بفكر بصوت عالي في المخرج من الموقف الضبابي ده تحقيق واضح حاسم سريع (من الجيش و السلطة القضائية المدنية) في ملابسات ما حدث فجر السبت و ما قبلها من احداث ادت اليها المجلس العسكري لا بد ان يفتح قنوات حوار مع الناس .. يوضح اكثر و يسمع اكثر .. و الاهم يتقبل الانتقاد لانه الان سلطة سياسية منوط بها ادارة البلاد الاعلام لازم يوضح للناس عواقب التسرع في محاكمة الفاسدين و في نفس الوقت فكرة انهم متنعمين في السجون لازم تتلغي تماما اجراءات اكثر حسما و صرامة تقطع الطريق على المزايدات الاعلام يركز بقى على بناء بلدنا .. الايجابيات اللي بتحصل .. القرارات الجديدة و الخطط التنموية ممكن نفكر شوية في الاتجاه ده ارجوكم عشان مصر

" أكشـن " ـــــــــــــــــــــــ (3) في السينما .. دايم بنت الأغنيا تحب الولد الفقير ! لكن .. الواقع غير : إذا همس في وجهها : " ياحلوه" تصرخ بوجهه : " حقير" ! (2) في السينما .. دايم الأحرار ينتصرون في الواقع .. مليانه السجـون ! (1) يا ليت الدنيا سينما يا ليت الدنيا سينما وكل المشَاهِد تنتهي بأعراس بس .. ما تكون إنتاج أمريكي ولا نكون " كومبارس" !! (0) " أكشـــــن " ! محمد الرطيان

لو كان الخبر حقيقى ، فمن حقنا نسأل السؤال الآتى: هل تسفير مريض للعلاج بالخارج بيتم بتوصية من لجنة طبية مصرية أم كل من هب ودب له الحق يوصى بذلك؟ وبعدين ايه هى حالته المرضية؟ ولماذا لم يعرض على الاطباء المصريين؟ وياترى لو سافر للعلاج بالخارج هل سيحتاج لمرافقين؟ ابناء ، زوجة؟ اصهار؟ اصدقاء؟ علشان يبقوا يساعدوه و " يونسوه "

السلام عليكم و رحمة الله و بركاته مش عارفة اقولكم ايه بس عندي ولاد اخويا...لما بيزعلوا مني اوي....بيعيطوا اوي...و بعدين يترموا في حضني...و بعدين يبصوا في عيني و يقولولي...متعمليش كده تاني متعملوش كده تاني بجد معرفشي ازاي بس انا حاسة اني بترمي دلوقتي في قلب المحاورات وووشي مليان دموع...(ايه الدراما ديت) المطاريد...رائعين....بس هو احساسي اني مش في بيتي....و احساسي اني مش لاقية اصحابي....و بعدين اصلا كل ح فينا اللي مسجل باسم انجليزي و اللي متنكر...و اللي قعد يضبش لغاية ما وصل....(اقصد الساري).....معرفشي كنت حاسة اني مخنوقة اوي الله يكرمكم....كفاية خنقة الغربة مش عايزة احس اني غريبة كمان بعيد عن المحاورات قولوا عليا...تايهة...قولوا عليا...مش عارفة ايه بس خلاص بقي ده قدر...و استحملوني حمدلله علي سلامتي بقي اقوم اضرب ساندوتش شاورمة احسن من انبارح علي لحم بطني....(يدوبك خلصت حلة بامية...و طبق ميكس سي فود....نفسي مصدودة اخر حاااااااااجة) مساكم......فرحة انك ترمي نفسك...بكل اللي فيك في حضن حد بتثق فيه اوي مش تعملوها تاني....لو سمحت ماشي....قولي ماشي

اللي ما يشوفش من الغربال يبقى أعمى الواضح الآن المجلس العسكري مش عايز ينفذ مطالب الثورة ... أو عايز ينفّذ الحد الأدنى منها ... بحيث يبقى قدر ما يستطيع من هياكل النظام السابق تمهيدا لتاسيس نظام جديد يكمل من خلاله سيطرته العسكر على البلاد كما كان الحال طوال السنوات الستين الماضية هدفه الآن هو انتهاء الحالة الثورية وعودة الناس الى حياتها الطبيعية ويستخدم في ذلك بعضا من مخططات (إجهاد) الثورة التي أشار لها بلال فضل ... والتي تقوم على إطالة أمد الأزمة بقدر الإمكان والتصرف بسلبية تجاه حالة الانفلات الأمني والتعتيم الإعلامي على رموز الثورة وأخبارها والتستر على رموز الفساد لإشاعة حالة من الإحباط لدى الناس وتخويف الناس من الانهيار الاقتصادي القادم والظروف الإقليمية. نحن بحاجة اليوم أكثر من أي وقت مضى لاستكمال مسيرة الثورة حتى تحقيق أهدافها الكاملة

اشكر الفاضلة صاحبة اوسخ قلب واوسخ اصحاب واوسخ كل حاجة في الدنيا طبعا ده كلامها مش كلامي اتمنى انها تلاقي حد يقولها الف شكر ليكي يا ست الكل على كل مجهوداتك وياريت تريحي بقى في البيت او تشوفي شغلك وتسيبي الناس دي في حالها انتي عملتي اللي عليكي وكتر الف خيرك وبالنسبة للناس اللي عينوكي حارس على الثورة فياريت تاخدي باقي حسابك منهم وشكرا ليكي ده اسلوب انسانه محترمه ومتعلمة؟؟؟ ده اسلوب وحدة تتكلم بالنيابة عن ثوار 25 يناير؟ شكلها عايشة دور عبلة كامل ايام ما كانت الناس بتقول عليها تلقائية

ايه شغل فرش الملاية ده مقالة دي وردح علي نصبة خضار حتي لو كانت بتتكلم صح لكن اسلوب كلامها غير مقبول ويجب ان تختار الفاظها بعناية وبلاش حجة التلقائية لانها المفروض كاتبة يعني تقدر أن تصغ ما تريد وتفكر فيه بمنتهي السهولة ولابد ان تمتلك ناصية اللغة صحفيين علي ماتفرج

يا جماعة فيه مكنة مخصصة لينا في منتدى المطاريد الشقيق الكل يتجمع هناك للمتابعة في حالة توقف المحاورات

هو فيه ايه ياجماعة ؟؟ دى طريقة حوار ؟؟ ناس تدافع عن آراء ملهاش لاأصل ولا فصل وناس تقول عميل وخائن وجاسوس ومش عارف ايه؟؟ وايه حكاية ...انا من النصارى ....ياأغابى ؟؟؟ وايه حكاية انك تقولى كلام بيجرح على العلن ..رغم انك قولتيه ف رسائل شخصية ؟؟ وايه حكاية م.حكيم؟؟ وايه حكاية التقييمات السالبة اللى عمالين تدوها لبعض وكأننا هنا (( بنعاند بعض )) ومش عايزة اقول كلمة تانية .. عايزين الصراحة .... محدش فيكم بيحب مصر.. سامعانى ياأغابى ؟؟؟ سامعين كلكم ...سامعين .. كلكم بتتكلموا بس.بتتكلموا وبتكيلوا لبعض الاتهامات على الفاضى ... اتضح ان الأنفجار حدث من مخلفات الحرب ...يعنى حاجة قديمة .. وده ف حد ذاته..ملهوش أى دخل بالخبر اللى ف الموضوع . واتضح ان السلفية ملهومش دعوة بالأنفجار ده.. الله؟؟ بتضطرونى ارد على العلن...ليه؟؟ رغم الشكوى ...ورغم ان الموضوع بين اثنين من الأعضاء ...ووصلنا رسائل ...والصراحة يعنى حاجة تكسف فعلا ...وتراشق غير طبيعى بالألفاظ.. لكن؟؟ تحولوا ساحة الخلاف على العلن....؟؟ اذن...الجزاء من نفس العمل ..نرد بقى احنا كمان هنا.. كل واحد من حقه يقول رايه بالذوق والأدب وبدون أى تجريح.. كلنا مصريين.. مفيش هنا طائفية .. مفيش اضطهاد..مفيش اى كلام فارغ من ده.. واحنا فعلا فعلا مصريين ...ولا نحابى لاافغانستان ولا فسادستان ولا غلبستان ولا فقرستان ولا بلاوىستان .. فوقوا بقى ...حراااااام. مسمعتوش عن ديون مصر؟؟؟مشفتوش اللى حصل انهاردة ؟؟ محدش فيكم بص حواليه؟؟ انا بقى مش حقول تحت رجليه ولا للنجوم (( زى أغابى )) لأن تفكيرى بيختلف ...يمكن بحكم السن والخبرة والى شفناه وعصرناه. محدش حايهد أى تماثيل ولا أى معابد ..... ديننا دين بناء...مش هدم؟؟؟ لو كانت التماثيل لازم تتهد كان هدها عمرو بن العاص .. لو كانت الكنائس لازم تتلغى مكانش صلى على سلالمها عمر بن الخطاب .. اصحوا كدة وصحصحوا ......وروحوا اتناقشوا ازاى ترجعوا اللى اتسرق ...روحوا شوفوا حاتعملوا ايه.. ف اللى سرق مصر وخللاها نضيفة ....من اللى فوقها ...,واللى تحتها .. سرقوا اللى على الأرض...,اللى تحت الأرض .. حتى مقابر الفراعنة ..و...جثثهم...لم تسلم من اياديهم.. و.... لن يتم اغلاق الموضوع.. خللوه...شاهد على اختلاف المصريين . وأزاى بيسيبوا المهم..ويتخانقوا على اللاشئ . سلام.

استاذى الفاضل وحشنى والله ياريتنى كنت اخذت رقم الموبايل بتاع سعادتكم يوم الندوة بس جالى تليفون انى لازم اوصل للعمل لاشكالية تم حلها عزيزى لم تقم الثورة من اجل انتقام او تشفى لانها ثورة على الفساد والقهر بل اتت لأعلاء الحياة الشريفة الكريمة للشعب العظيم سيدى لو نظرنا جميعآ لما نهب من اموال سنجدة كثيرآ بل خيالى ولو نظرنا ايضآ الى ما يجب عملة والأنتفاع بة والحصول علية من مكاسب ايضآ لو تم تفعيل العمل الجاد وايقاف الفساد سنجدة اموال تفوق فى العدد والكم ما تم سرقتة بمعنى اننا نترك ما ضاع لمتخصصين فى ارجاعة وننتبة الى القادم من اعمال وجهد صناعى وزراعى وتعدين وخلافة وسوف بأذن الله نتحصل على اضعاف ماتم نهبة فيجب الان التجاة الى العمل وبكل جدية وترك الالهلس وراء اموال منهوبة وتركها الى متخصصين لجلبها قانونيآ لعدم انشغالنا عن الاصل وهو البناء

كنت عاوزة ثورة عشان مصر تستاهل احسن بكثييييييييييير من اللي كانت فيه عشان ابني ميجيش يوم يضطر يهاجر لان "مفيش أمل" بجد و لاننا سلمناهم تركة تقييييييييييلة يحاسبوهم علة مهلهم براحتهم خااااااالص .. معنديش مشكلة .. بس نحس بالجدية و نحس اننا بدأنا نبني بلد حرة قوية بجد مش هيحصل في يوم و ليلة .. عارفة بس نبدأ عارفين اللي حصل في جمعة التطهير و ما تلاها .. لعله خير عشان نركز بقى على المهم.. بدل هيافات كنا ابتدينا نتخانق عليها و نغرق فيها متفائلة ان الناس تفوووووووق و تلحق البلد بعد اللي حصل يا رب

معلش يا احبائى وأعزائى كنت بعافية شوية وكان ممنوع عنى اى شيء يسبب مجهود ولو الكتابة انا هحكى من الذاكرة الساعة السادسة والنصف تقابل مجموعة من الناس لا يعرف بعضهم بعضآ الا قليلآ كان فى استقبالنا الاستاذ المحترم عادل ابو ذيد ودة بقى راجل حكاية ادب وذوق وايضآ الاخ العزيز محمد رفعت ودة بقى زى الكريزة بتاعة التورتة حاجة بصراحة تفرح والاخ أحمد محمود هذا الانسان المحترم تراة كأنك تعرفة من زمان لية ضحكة حلوة ووجة بشوش ندخل بقى على الدسم والتقايل حاجة كدة زى الدهب البندقى قاعد امام القاعة بجوار الاخ احمد محمود والبريق فى عينة وشعرة بقى مش هقول خليها بينى وبينة بلاش بصراحة ناس جميعهم محترمين مش محاوراتية بقى ههههههههههههههه وكانت القاعة تكتظ بالكثير من النساء من الصحفيات من وكالات الاخبار والجمهورية والاهرام وبعض السادة الصحفيين المستقليين وتم الاول التعريف بالسادة منظمين الندوة والضيف وهو ناقد مسرحى الزهايمر اظاهر مسح اسمة من ذاكرتى وبدأت الندوة بالتعريف بالكتاب والمحاورات ومفهومها كصالون ثقافى يجمع كل اطياف الثقافة والتيارات الفكرية وتم الاشارة الى بعض مكونات او بالاصح أبواب الكتاب مع طبعآ النقد واثناء الشرح او النقد كان السادة الاستاذ أحمد محمود والاعزيز ابو محمد يشرحون للسيد ضيف الندوة الناقد المسرحى بعضآ مما يتم انتقادة من اراء لة على اى نقطة تتعلق بالموضوع الذى تم النقاش حولة وقامت قناة النيل لايف بالتليفزيون المصرى بعمل تصوير للقاعة وانفراد بالسادة عادل ابو ذيد ومن بعدة بالضيف الناقد ومن ثم بالأخ العزيز محمد رفعت ومن حسن الظروف ان المعدة للبرنامج او القناة كانت تتعرف منى على اسماء الاخوة وكانت تجلس بجوارى ونحن على اتصال ووعدتها بانى سأرسل لها مواضيع تخص المحاورات ان حبت ان تظهرها فى اى برنامج ثقافى قادم وهى بنت شابة شديدة الزكاء والحضور واسمها ياسمين شفيق بنت تشبة شباب الثورة كدة حاجة تفرح اممممم من دور بنتى ربنا يحرصهم علشان محدش دماغة تميل أة وبعد نقاش وتعليق من السادة المشرف ابو محمد والاخ احمد محمود تم التطرق الى اسئلة الاعضاء وتم نقاش حامى الوطيس بين احد الزملاء وهو مهندس واللة اسمة راح عن ذاكرتى لانة كان حاد مع الاستاذ عادل ابو زيد وكان الموضوع بخصوص تقريبآ اراضى الشباب وتم تدخل من المهندس ياسر الراجل الصعيدى العسل وضيعو علينا الوقت وكان عندى كلام وحديد كنت عايز اقولة بس خلص الوقت وتواعد كل من كان بالقاعة ان يكون هناك ندوة شهرية منها للتعارف ومنها لنقاش تنمية واشهار صالوننا الثقافى محاورات المصريين الحضور كان هناك عدد ليس بقليل من خارج المحاورات اما الزملاء فكانو كما قال ابو محمد فى مداخلتة وتم التعارف بيننا اثناء الندوة وبعدها وتعرفنا على الجميع وكل تمنياتى ان يتم اذاعة اخبار الندوة بالتليفزيون وهحاول اكلم المعدة امتى هيتم الاذاعة التليفزيونية دة كل ما فى ذاكرتى بس النهاردة معلش علشان انا لسة يادوب قادر اكتب تحياتى لكل من ساهم وحضر وشاهد وتجاوب وقرآ وسأل وكان من المحاورين فى مصر وخارجها وتمنياتى للجميع بالسعادة والتوفيق خارج مصر وداخلها اخوكم محمود مصطفى بعد 4ايام من ندوة محاورات المصريين الى القاء فى ندوة قادمة :cheer:

بس فى حاجة بسيطة ... أنا ضد الفصل فى الخطاب أو المطالبات بين الجيش و المجلس العسكري .. هذا -فى رأيي- خطأ فادح .. لأنه ببساطة يفرغ الجيش من كونه مؤسسة لها هيكلية و نظام الى مجموعة من الأفراد المسلحين .. المجلس العسكري - اتفقنا عليه أو اختلفنا - هو القيادة العليا الآن للقوات المسلحة .. و هو القيادة القانونية أيضا .. و بالتالى فان الحديث عن أننا نؤيد الجيش لكننا ضد المجلس الأعلى - كما ينادي البعض - حديث لا يستقيم و لن يتأتى منه الا تفريغ الجيش من اطاره النظامي . الكارثة أننا تحولنا الى عصر الأفراد .. و قد كان الأجدر بالجيش -فى رأيي - أن يصرف كل تركيزه و جهوده و مسؤليته الى اعادة الأمن و اعادة الأمن فقط .. و يكون على الحكومة الممثلة فى رئيس الوزراء التعامل فى ملفات الفساد و قضايا المحاكمات و ما الى ذلك .. فيصبح الجيش خارج اطار الاختلاف مع الشعب الذى - للأسف - رأينا بوادره. الفاضل س س يتحدث عن البطء الشديد و الملموس فى المحاكمات .. و أنا اختلف معه فى تلك النقطة تحديدا .. لا يصح توجيه أي خطاب للمجلس العسكري بخصوص سير المحاكمات و الا أصبح اعترافا أنه ليس هناك ثمة فصل للسلطات و أن القضاء بكافة مؤسساته أصبح الآن يميل بميل المجلس الأعلى .. أنا أتفق فى مسألة ضرورة المطالبة بالمحاكمات ذاتها .. كما أتفق فى مسألة التباطوء الغير مبرر فى (تقديم) بعض الأفراد الى المحاكمات .. لكنني أختلف فى توجيه الاتهامات الى المجلس العسكري فى مسألة بطء سير المحاكمة .. أولا لأن بمجرد أن تبدأ المحاكمة فالأمر يصبح فى يد القاضي و ليس للمجلس العسكري أن يتدخل بايجاب أو بسلب .. لا تنسوا أن المحاكمات الشكلية الانتقامية سلاح يرتد على الشعوب بعد فترة .. النقطة الأخرى أننا لسنا من السذاجة أن نعتقد أن هؤلاء القابعين خلف القضبان و الملوثة أيديهم بدماء الشهداء ليسوا أفرادا بسطاء .. بل ان لهم جيوشا من المحامين الذى يعرفون كيف يستغلون ثغرات القانون فى تطويح المحاكمات بالسنين أملا في تغير الظروف أو هدوء الرأي العام الضاغط .. كما أن الجرائم التى هم بصددها من النوع الذى يصعب اثباته و يسهل الطعن فى أدلته خاصة مع حالة الفوضى التى صاحبت الثورة .. التحدى الحقيقي أن يتحول اعلامنا من اعلام جاهل و مضلل الى اعلام احترافي قادر على متابعة سير القضايا متابعة جادة بعيدة عن فكرة فوران الرأى العام أو هدوئه .. دماء شهداء الثورة أكبر و أجل من أن تكون مسألة فوران رأي عام وقتي تهدأ بمرور الزمن و تنسى. لكن على الطرف الاخر خطر المحاكمات الانتقامية و التى يطالب فيها الناس بالحكم ذاته مسألة خطيرة .. لأن التكريس لها يجعلها أداة فى يد من يريد أن يتسلق و يطالب و يتزعم كي يذيق الناس الأمرين فيم بعد. أنا مع المطالبة الدائمة للمجلس العسكري بسرعة تقديم الأسماء المريبة الى المحاكمات .. و لست مع مطالبتهم بالتعجيل أو التسريع أو التدخل فى سير هذه المحاكمات .. نحن (عالقون) -ان صح التعبير فى قانون مليء بالثقوب و الخروق و الثغرات .. و لا نستطيع أن نشتق قوانين جديدة لمحاسبة هؤلاء بأثر رجعي. لا زال هناك خلط كبير - من وجهة نظري - فيما يتعلق بالأولويات .. نحن نعاني من مشكلة أمنية رهيبة و حالة ترهل شرطية .. هذه يجب أن تحل . مهيب

ونحن اجرنا من أجرت يا أبا علقمه تيمور إترفع عنه الإيقاف اليوم بالفعل ... وسيصدُر بذلك بيان عسكري بإذن الله ...

كم الارتباك رهيب و مفزع لدرجة اني مش عارف استنتج .. أنا أعتقد ان الجيش بيواجه ضغوط رهيبة من دول مجاورة لعدم تقديم مبارك للمحاكمة .. زي ما يكون ماسك عليهم ذلة و قالهم لو اتمسكت مش هسكت و هفضح الدنيا .. طنطاوي صرح بموضوع الضغوط العربية ده فى لقاء مع صحيفة بريطانية .. و يمكن يكون ده أول تصريح رسمي فى هذا الصدد .. و بعدين كل الأقطاب التى دعت لمظاهرة التطهير أنكروا تماما موضوع اتهام الجيش أصلا .. البرادعي و الاخوان و عمرو حمزاوي و غيرهم ... و بعدين ييجي السؤال الصعب .. طب ايه هي مصلحة المجلس العسكري فى التباطوء الحاصل ان كان متعمد .. مش معقول الصحوبية و العشرة مع مبارك ... الكلام مش مقنع .. مش هتكون زي عشرة جنرالات النازي مع هتلر لما جم فى الآخر و باعوه. أنا أعترف انى مش فاهم .. و لازلت شايف ان المجلس العسكري غلطته انه لم يعمل على فتح قنوات حوار مع الجماهير الى هذا اليوم بما يكرس و يرسخ لفكرة أن القناة الوحيدة المتاحة هي مليونيات التحرير التى وضح جدا أنه لا مليونية الا بالاخوان. لكنى اعترف أيضا اني مرعوب من كلام اللواء سامح سيف اليزل عندما تحدث عن احتماليات أن يترك الجيش المشهد متعجلا و يعود لثكناته خوفا من تفاقم الفجوة مع الشعب فتقع الكارثة .. و حديثه و نظراته بأنه يعلم عم يتحدث الى الآن لا يوجد ممثلين للثورة الا حشود التحرير .. و هي حشود يصعب تحديد هوياتها و انتماءاتها الحقيقية .. حتى المطالب بها تضارب كبير .. كما أن مسألة ترك الثلاثي صفوت و زكريا و سرور كل هذه المدة تشكل علامة استفهام ضخمة و كبيرة .. هل هناك تسويات لا نعلمها .. هل هناك مهلات و مدد تكفي للتصرف ؟ المسألة مربكة - بالنسبة لي على الأقل - لأقصى حد خاصة حينما أرى مثقفين يشتبكون و يتلاسنون بشكل يوحي بانفلات الاعصاب كما حدث مع عمار علي حسن .. لكني أميل أنه يجب أن يكون الجيش و المجلس الأعلى خارج دائرة التخوين و الاتهامات المشينة على الأقل فى تلك الفترة .. مهم جدا أن يظل الأمر فى نطاق المطالبات و الا تصل الى مرحلة (الشعب يريد اسقاط المجلس العسكري) .. على الأقل الآن . هناك أحاديث على أن شرف قد قدم استقالته ثلاث مرات الى الآن الى المجلس العسكري و رفضها .. أنا أعي و أفهم أن الناس لن تجتمع على أحد أيا كان .. و أننا متفاوتون فى تقديرنا للموقف .. فمنا من انفلتت اعصابه تماما ..و منا من ينظر للمشهد بدهشة .. و منا من يرتب أفكاره و يطرحها بصورة هادئة و منا من يغلب الصراخ و أصبحنا فى أمس الحاجة لآلية ابداء رأي. الضبابية تحيط بالمشهد بشكل رهيب .. و فى الضباب الكثيف لا يمكن تبين العدو من الصديق .. و لا يمكنك أن تتخذ قراراتك بسرعة .. المشهد الآن خاو لأبعد الحدود و يحتاج لزمام مبادرة حقيقي من أى اتجاه وطني .. الاخوان .. البرادعي .. البسطويسي .. أى اتجاه وطني .

السلام عليكم من متابعتى لما كتبه الأفاضل الأعضاء يمكننى أن أرد بالآتى: 1- بالنسبة للتظاهر وماتبع من إعتصام ، أعتقد أن وجود ضباط متمردين من القوات المسلحة بين المتظاهرين كان أمرا غير مقبول ومن فعل ذلك من ضباط القوات المسلحة ليس له عذر ويجب أن يتم تقديمه للمحاكمة. ايضا قيام المتظاهرين بحماية أولئك الضباط كان خطئا، فأفراد القوات المسلحة والعسكريين يجب أن يكون عندهم إنضباط والا لأصبحت الأمور " فوضى ". 2- بالنسبة لتأجيلات المحاكمة والتباطأ من وجهة نظرنا فى القبض على من " نعتقد" نحن أنه يجب إعدامهم ، أمر يجب أن نراقبه فقط وأن نترك الإجراءات لجهات التحقيق والتحرى الدقيق وإلا فمالفرق بين ماتريدونه وبين ماكان أمن الدولة يفعله من القبض على الأبرياء؟ لايجب أن نجعلهم متهمون حتى تثبت برائتهم ، بل يجب أن تقدم أدلة الإتهام حتى تصبح المحاكمة كاملة وسليمة ولايشعر البعض بعدها أن هناك ظلما وقع على أى منهم. 3- بالنسبة لمبارك وعائلته ، والخوف أو الحرج من التعامل مع قضيته ، فأعتقد والله أعلم أن هناك ضغوطا تمارس على المجلس العسكري وربما تهديدات بأنهم يرجعوا " مصرية متغربة " من السعودية ، و " لماضة " من الامارات و " أغابي " من الكويت ، وطبعا أنتوا عارفين لو حاجة زى دى حصلت الشعب المصرى مش حيسكت وحايقف ورائهم " ايد واحدة "

اللي كنت خايف منه بيحصل أشكال غريبة شفتها وسمعتها هتافات ضد المشير من غير داع أبدا والهجوم على القوات المسلحة اللي هي المفروض خط أحمر والكذب عليها إنها أطلقت نار على حد أمن مصر والإساءة لجيشها من خلال دور معين لضباط مش عارفين حكايتهم إيه حاجات كتير سلبية الاختبار الحقيقي واللي عايز يحاكم مبارك يروح شرم الشيخ فالعدو الحقيقي هناك وحصل إيه كمان للجزيرة اللي سابت إسرائيل اللي بترقص الوقتي على حدودنا ومسكت في الجيش المصري مش حسني مبارك كان خايف من الفوضى اعملوها علشان يبقى كلامه صح الأيام الجاية هنشوف أفلام هندي كتير من اللي شغالة الوقتي من عيال كده في مؤتمر صحفي في نقابة الصحفيين الآن شعرها طويل وشكلها غريب ومريب وبتسخن ضد الجيش

اعتقالات 9 مارس وخيبة 9 ابريل صدفة ؟؟ للأسف الرصيد نفذ تقريبا المؤتمر الصحفى والبيان رقم 34 بصراحة ولا مؤتمرات القذافى

انا عاوز اطرح تفسير ، واطرح سؤال التفسير يتعلق بالسؤال اللي بيدور في اذهانكم جميعا، ليه لم يقوم المجلس العسكري بالقبض علي مبارك ومحاكمته؟؟!! - تفسيري لهذا هو حاجتين ببساطة ،،، 1- ان هذا هو ثمن تنحيه عن الحكم بعد ان تأزم الامر يوم 10 فبرابر وكان الرئيس ومؤيديه من كبار قيادات الجيش لا يرييدون تنحي الرئيس وعلي الطرف. الاخر رأى البعض الاخر ان عدم تنحي الرئيس قد يؤدي بنا الي كارثة ، فكانت المقايضة التي كانت من شروطها ان التنحي مقابل عدم المساس بمبارك واسرته بعد تنحيه وايضا الخروج المشرف له من الحكم وبقائه داخل مصر معززا مكرما ، وبالتاكيد قد يكون هناك بعض الوساطات الخارجية التي دعمت هذا الامر، - قد يكون من شروط هذه المقايضة ايضا عدم المساس بشخصيات معينة ايضا مثل فتحي سرور ، زكريا عزمي ، وحبيب العادلي ، لانه بالتاكيد لو تم سقوطهم وتمت ادانتهم فسوف يقولون ويفشون اسرار قد تجعل من الصعب بعدها عدم المساس بمبارك - لذلك ما يحدث الان من تجاهل لمطالب الناس حول محاكمة مبارك هو امر متوقيع لانه لو تمت محاكمة مبارك فهذا معناه ان تفتح الملفات وستتكشف حقائق او معلومات قد تمس بعض قيادات المجلس العسكري نفسه وقد يكون المشير طنطاوي نفسه معرض لهذا - لذلك كيف للمجلس العسكري ان يقوم بمحاكمة مبارك وهو لا يأمن تبعات هذا الامر ، فمبارك لن يسقط بفرده بل سيجر معه اخرين ، لذلك المسألة بالفعل صعبة - لذلك المجلس العسكري لن يقوم بالقبض علي مبارك ولن يحاكمه ولكنه. يحاول ان يكون بعيدا عن هذا الامر حتي يتم انتخاب رئيس جديد لمصر يتسلم زمام الامور من المجلس العسكري ، وبعد ذلك يكون هذا الرئيس هو المسئول عن اتخاذ القرار في مسألة محاكمة مبارك لذلك فالمجلس العسكري مزنوق ويحاول امتصاص الغضب وكسب الوقت حتي يأتي الرئيس الجديد - لذلك كل ما يحاول فعله المجلس العسكري الان هو محاولة ارضاء الشعب بمحاكمة بعض الوزراء او حتي فرض اقامة جبرية لبعضهم ولكن هناك خطوط حمراء وهم مبارك ، العادلي، وزكريا عزمي ، وكون العادلي محبوسا فان ذلك لا يعني انه سيتم الحكم عليه فعلا ، فقد يكون حبسه حماية له وايضا ذرا للرماد - أما سؤالي فهو ( هل من اولوياتنا الان في هذه اللحظة ان يتم محاسبة مبارك مهما تسبب هذا الامر في اي مواجهات دامية ام هل نؤجل هذا الامر حتي تسليم البلد لرئيس جديد منتخب يكون بعيد عن الاحراج والورطة التي فيها المجلس العسكري)؟؟

اتفضلى مشاركتك يا سيدتى الفاضلة الشيخ الكريم قال رأيا مخالفا لرأيك وهو رأي خالفه فيه مشايخ آخرين على أساس أن النهي كان أيام كانت التماثيل تعبد!!!؟؟؟ ولكن هذا رأيه فلماذا لم تحترم رأيه خاصة وأنه رأي غير ملزم ولم ولن يتبعه فعل أين احترام الآخر؟؟؟ بل أين الإلتزم بالماده الأولى من دستور الموقع الدكتور ام احمد اعتقد ان دفاعك فى هذه المشاركة سواء من قريب او من بعيد ومتناسية تماما مصلحة هذا الوطن يعد فى حد ذاته كارثة وطنية من الدرحة الاولى ايضا ما بلانى وما اصابنى عدد التقيمات ممن هم سرقهم التيار وقيموكى فى هذه المشاركة بتقيمات ايجابية تشجيعا منهم لك تشجيعا لك على ماذا - هذه بلدك - هل لى ان اذكرك بانها بلدك وان مصر هى وطنك يا دكتورة يا فاضلة الكلام لازم فى الفترة دى يكون بميزان دهب - بميزان حساس ادى مشاركتك اهى افهم منها ايه بقى ؟؟؟ افهم انك بتدافعى عن وجهة نظر الشيخ ولا عن رايه وحريه التعبير - تعبير ايه وانشا ايه - داه موضوع منتهى بدل ما تقولو للاستاذ س س - الف شكر انك خلتنا ناخد بالنا من اللى ممكن يحصل فى مصر هاجمتوه بكل ما تملكون من اسلحة - هى دى الشكرا - المنتدى كله بقى ليه قبلى كدا وعائلات - كاننا فى البادية عيلتك وعيلتى - مجموعتك ومجموعتى ونسينا مصر والفترة الصعبة اللى بنمر بيها كلنا سؤال صريح ما رايك فى هدم الاثار المصرية يا ام احمد سواء التى تعتبر تماثيل او التى لا تعتبر تماثيل كما كان سؤالك لس س - تتسالين هل كل الاثار تماثيل سؤال غريب طب افرض مش كل الاثار تماثيل - ايه رايك يا فندم - نهدم شوية ونخلى الباقى وايضا مشاركتك تصدقى يا دكتورة كويس انى لسة اعصابي حديد بعد مشاركتك التى اصابتنى فعلا لانى كنت انتظر منك مشاركة اخرى وانا لا اشكك ابدا فى وطنيتك ولكن هل يجوز هذا الرد ...... هل هذا ما انتظره منك فى الدفاع عن اثار بلدك وحضارتها شكرا ألف سلامة على أعصابك يا أغابي كثيرا ما أجدك منفعلة بدون داعي أو بسبب سوء الفهم سأفترض معك جدلا أن الشيخ مخطيء ألا يمكن أن نقول له أنت مخطيء باستخدام كلمات طيبة أم أن الكلمات الطيبة ستعصانا وأفترض أيضا أن الشيخ هو فرد أقل من العادي بالنسبة لشعب مصر أليس من الواجب أن نتكلم عليه بأسلوب مهذب بدلا من أن نصف كلماته بأنها فضلات تخرج من فمه وندعو عليه أن يحرقه الله وغير ذلك وأتعجب أنك تستهيني بإهانة رجال الدين وأنت ممن يقدسون رجال الدين وتنتفضي غضبا لمجرد ذكر أحدهم بدون درجته الكنسية المشكلة تكمن في التهويل وتصوير الأمر على أنه نذير خطر وخلاص التتار جايين وغير ذلك من الألفاظ الرنانة ولا تنسي أننا نتناقش على أمر لم نسمعه حتى هذا اللحظة( وصدقا لا أكذب س س فهو ثقة )ولكن وطبقا لسياسة المنتدى -لا بد من توثيق المعلومات- كان الواجب المطالبة بالتسجيل الصوتي والمرئي لها أو حذف الموضوع ولو أنا صاحبة الموضوع وعجزت عن الأتيان بالمصدر من بدايتة كنت أكيد هاخد إنذار وطبعا سيحذف الموضوع عموما لا يلومني أحد بعد ذلك إن قلت رأيت بعيناي كذا............... سمعت بوداني قيل لي من ثقات وغير ذلك وألفت نظرك لأن حكم التماثيل هو خلاف فقهي لا يلام من يأخذ بأي من هذيين الرأيين(فهما لعلماء ) والله أعلم وأطمنئك لن تجدي من الشعب المصري أحد أحرص على مصر ولا أكثر حبا لها ولا عملا من أجلها أكثر من أهل الدعوة السلفية ولا أنفي عن غيرهم ذلك الفاضلة ام احمد ايضا احد مشاركاتك فى مصري يحب مصر يقول الجملة دى او انا والا تولع البلد شكرا يا ام احمد أقرئي ما كتبته بتجرد لتفهمي من قصدت أعتذر أنني تأخرت عليك في الرد لوجود مشكلة في الموقع وأيضا وقتي ضيق

يتم تجهيز مكتب خاص بمقر مجلس الوزراء لمجموعة من شباب ثورة 25 يناير للاستفادة منهم في إتخاذ القرارات المتعلقة بمختلف الأنشطة السياسية والإقتصادية والإجتماعية و أن هذه الخطوة تهدف إلى الإستماع إلى آراء الشباب فيما يتعلق بالخطوات المستقبلية التى ستشهدها الحياة فى مصر خلال الفترة المقبلة

يا افندم يمنعوا مين دوول ملايين ،، السيطرة علي الميدان بملايينه بمحلاته بحوالي تسع مداخل مستحيل بتكلم علي منع تسع او عشر أفراد ،، و مش معروفين علي فكرة الجيش طلب منهم بهدوء يسلموهم الضباط و يفضوا الإعتصام ،، رفضوا و شتموا الجيش ده من شهادات الشهود و بعد كده ضرب النار الفظيع ،،، كان في الهوا اللي أنا فعلا مش فاهمه ،، طب أنتا خلاص عملت العملة و سيطرت علي الميدان ،، و فعلا أعداد المعتصمين كلام فاضي ،، تنسحب ليه بقه !!! و تسيب الميدان لمتظاهرين ،، و شوية شوية ناس تتعاطف معاهم أو روح تتفرج حتي !!! و نخش في دوامة مالهاش لازمة

واضح ان فعلا مافيش حل غير المحاكم الاستثنائية..كل حاجة في البلد اليومين دول استثنائية..اشمعني يعني المحاكم هتبقي محاكم عادية و زي ما قلت في موضوع محاكم الغدر للأستاذ عادل..ما ينفعش نأجل حكم في قضية ضد رجل أعمال أو مسئول فاسد و نعطل القضية عشان القاضي عنده قضية خلع والولية مش طايقة الراجل و عاوزه تخلعه في أقرب وقت..و القضاة كلهم مشغولين..و نسيب قضايا ممكن لو اتأجلت زيادة عن كده الناس تدخل الأقفاص و يقتولهم و نخلص منهم ..و بلا محاكمات بلا وجع دماغ وقاضي تاني استعشر الحرج من أحمد عز,,هو أحمد عز كان لا مؤاخذه قالع الطرحة ولا ايه؟؟..مش فاهم أنا ايه استشعر الحرج دي؟؟ حاجة تقرف

بمناسبة التليفزيون يا فتفوته ومزارع العنب البناتي الشيخ محمد حسان قالوا له إن عنده لقاء على الهواء في برنامج " نادي العاصمة " مساء أمس وخلاص الراجل كان جاهز وتمام التمام وإذ ربما فجأتن الست نهال كمال رئيسة التلفزيون طقت في دماغها إلغاء البرنامج وإلغاء ظهور الشيخ محمد حسان وقالت ممنوع يطلع على الهواء ... وإن كان ولابد يبقى البرنامج لازم يكون متسجل .. وأذاعوا مكانه أغاني والعيد فرحه وأجمل فرحه .. يجيبوها يمين شمال .. طب ليه يا حاجه ؟ ما فيش رد طب ده أنتي جوزك الحج عبد الرحمن الأبنودي راجل محترم ووطني ... طب لو كنتي بتحبيه قولي لنا ليه لغيتي البرنامج ؟ ... ولا الهوا هو كده وخلاص بالمناسبة .. الشيخ محمد حسان من الناس ذوي الأراء الصائبة المتعقلة ... وخسارة فيهم والله العظيم .. سمعته أمبارح مع مصطفى بكري على الهواء في قناة الحياة .. وبصراحة أراءة في منتهى الإتزان ووجه مُشرق للدعوة السلفية والكلام بيطلع منه موزون بميزان الذهب .

اللى حصل امبارح مش مفهوم لغايت دلوقتى لاى حد فينا -المظاهرات كانت ماشية الصبح كويس غير شوية احتكاكات عالمنصة ونزلوا علاء بسيونى وفيه ناس بتقول انهم حاولوا الاعتداء على صفوت حجازى...مع انى شوفته كمل الخطبة من غير ماحد يقرب له وبصراحة كلامه كله كان مع مطالب الثورة - بعد العصر وفجأة كده بعض المتظاهرين قعدوا يحمسوا بعض انهم هيروحوا عند السغرة الاسرائيلية وينكسوا العلم الاسرائيلى وفعلا كان مكتوب ان فيه حد طلع عالمنصة وحمسهم على كده والصور موجودة للمتظاهرين ادام السفارة الاسرائلية رفعوا علم فلسطين على مسجد فعلا ادام السفارة والجيش كان سادد السفارة واقفين عليها بيأمنوها -شوية وضباط جيش طلعوا المنصة وطلعوا كارنيهاتهم ادام الكاميرات عشان يثبتوا هوياتهم -بعدها حاول احد عناصر الجيش والشرطة العسكرية انه ينزل الضباط اللى عالمنصة لكن الناس دافعت عنهم واخدوهم قعدوهم فى الخيام المنصوبة -المظاهرة كملت لغاااااايت الساعة 3 بالليل وابتدت الاحتكاكات تقريبا بين الشرطة العسكرية والجيش وفيه ناس بتقول انهم اخدوا بعض الضباط اللى انوا معتصمين عالمتحف المصرى - وقت حظر التجول الساعة 5 ومش غارفة يمكن من قبلها سمعنا طلقات الرصاص اللى كانت فى التحرير....طلقات رشاشات فى الهوا بطريقة مرعبة ومتظاهرين بيقولوا ((سلمية.....سلمية)) -والامن المركزى كان مشترك مع الجيش فى فض الاعتصام الجزيرة من الساعة 3 وهى بتنقل لايف كل اللى حصل طلقات نارية وناس بتجرى وخيام بتنفض بالقوة - وفجأة ربعد ماخلص وقت حظر التجول ببص عالشاشة لقيت حريق فى مدخل المترو وعربيات جيش بتولع والجيش بيتراجع وبيسيب الميدان هو والامن المركزى - وابتدت تطلع الصور بتاعة الرصاص الحى اللى مالية المواقع دلوقتى ومنظر الدم اللى عالارض مرعب - التليفزيون المصرى بيذيع فيلم عن مزارع العنب وفجاة فاقوا وقالوا ان قيادة جيش بينفى وقوع شهداء او وفيات يعنى - الصحة بعدها بساعة تطلع تقول ان واحد مات و17 مصابين -رويتر تقول اتنين ماتوا و71 مصاب - اون تى فى اتنين ماتوا و71 مصاب معظمهم كدمات واختناقات وهكذا ايه التخبط ده وايه اللى حصل ولصالح مين ياعااااااااااااااالم خلصونا وحاكموااااااااا مباررررررررك واعوانه وقتلة الشهداء وحلوا الحزب الوطنى اللى دلقوتى اعترفتوا انه هو المُخرب الاساسى فى مصر يارب النصر لمصر يارب انصر المصريين على اعدائهم يارب رد كيدهم يارب انت اللى عالم بينا وبشهدائنا اللى ضحوا انصرنا يااااااااااااارب

عزيزتي دريم ... وهو مبارك جاي من المريخ ؟ مبارك من المؤسسة العسكرية .. اللي أتربت على تنفيذ الاوامر والسمع والطاعة للرتب اللي اعلى منك .. حتى لو الأوامر غلط .. ممنوع تناقش ... ممنوع تتكلم ... نفذ وبس يا عسكري وإلا هاتنضرب بالنار ... بدون الخروج عن الموضوع .. إستمعت لحديث الفريق مجدي حتاته من كان يوم في العاشرة مساءً وبيتكلم عن ترشحه للرئاسة وقولت : تانييييييييييييييييييييييي ؟ يا ناس حرام ... نخلص من عسكري يجيلنا واحد تاني يا عزيزتي ما حدث بالأمس جريمة .. اشترك فيها اطراف كثيرة بالتفاوت ... 1- المتظاهرون ... مش عارف ليه قعدوا لبعد المظاهرات ما خلصت .. وإيه حكاية الأسلاك الشائكة ويقفلوا الميدان والكلام ده ... اليوم أمبارح من أوله كان ناجح جداً ... يبقى خلاص بقى بعد ما الرسالة وصلت لازم نمشي ونروح نشوق مصالحنا وما كانش لها أي لازمة القاعدة . 2- ظباط الجيش اللي طلعوا المنصة ... غلط أكبر غلط ... في جهتين محظور عليهم يتظاهروا بالطريقة دي .. الجيش والشُرطة وإلا البلد هاتدخل في فوضى لا يعلم مداها إلا الله .. وأنا أساسً رافض من الأول إضرابات الشرطة والكلام الفارغ ده .. وشبهتها وقولت : تخيلوا لو ضباط حرس الحدود عملوا إضراب عشان مرتباتهم مش عجباهم وسابوا أماكنهم وثغورهم .. وجم ميدان التحرير يتظاهروا واضربوا عن العمل ؟ مصيبة طبعاً ... وبالتأكيد في طرق أخرى تناسبهم للإعتراض 3- المجلس العسكري ... اللي إستدعى أيام مبارك السودا ونزل بكل غشومية يضرب في الناس .. أقسم بالله سمعت فيديوهات لضرب النار اللي حصل وكأنها حرب بتفكرنا بيوم 28 يناير الأسود اللي سقط فيه أكبر عدد من الشهداء .. وليه الجيش يحط نفسه في نفس المواجهة مع الشعب ؟ ليه يخسر رصيدة ؟ ليه وهو عارف إنها معادلة خاسرة ... يعني أي حد قصاد الشعب هايخسر .. وادينا شوفنا مبارك الديكتاتور بسلطانه بهيلمانة بامن دولت بمليون ونصف عسكري أمن مركزي .. خسر من الجولة الأولى .. ولكن ارجع وٌاول كما قال الله تعالى " وعسى أن تكرهوا شيئاً وهو خير لكم " نعم خير لنا ... خير لنا أن يكون هناك مجلس عسكري مدني يحكمنا في الفترة الإنتقالية ... خير لنا أن يرجه الجيش لثكناته وكتر خيرهم ومية بوسه على جبينهم على اللي عملوه وعلى المساندة والسؤال الأهم اللي كررته قبل ذلك : هو ما ينفعش الجيش يبقى له وجود ولا يحمي الثورة إلا من خلال الكراسي المتنجدة بتاعت الرئاسة ؟

أنا حاليا في حالة عدم اتزان وعدم تصديق أي شئ وبأت أشعر بالخوف بالرغم من أني لم أشعر بهذا الخوف في عز أيام الثورة قبل التنحي لم أستطع أن أفهم الأخبار المتضاربة والمتناقضة وأعتقد أني لن أستطيع هناك أشياء غير مفهومة تحدث .....طب دي مسئولية مين؟ لا يوجد أحد من الحكومة أو المجلس العسكري ليفهمنا .....طب دي مسئولية مين؟ أنا من ضمن المؤيدين بقوة لفكرة المجلس الرئاسي بدلا من المجلس العسكري لأن كل ماحد يتكلم وينتقد المجلس العسكري تتعالي الأصوات لا يجوز أن ننتقد الجيش والجيش أبدي ولائه من أول يوم للشعب علي حساب مبارك أنا عندما أنتقد المجلس العسكري لا أنتقد الجيش ككل وعندما أنتقد البطء وعدم الوضوح ليس بالضرورة إني أشكك في ولاء المجلس العسكري فطالما المجلس العسكري مش متقبل النقد وبرضه مش عايز يزود سرعته حبتين عشان الثوار يرتاحوا ويطمئنوا إلي جانب إن المجلس العسكري لا يرغب في إنشاء محكمة ثورة ويشعر بالحرج من محاكمة وملاحقة مبارك القائد الأعلي السابق فليسلم السلطة لمجلس رئاسي يكون قادر علي ذلك اتكعبلت في مقالة لد/معتز بالله عبد الفتاح أتفق معها إني مش عايزة ندخل في نفق مظلم بس عندي تساؤل طب ليه المجلس العسكري سايب الفوضي دي تحصل؟ ليه؟ يعني المجلس العسكري كان عنده علم منذ الأسبوع الماضي عن فيديوهات لبعض ضباط الجيش بيتكلموا عن نزولهم المظاهرات بزيهم العسكري طب ليه ما اتصرفش؟! الضباط اللي ظهروا في التحرير ظهروا الساعة 3 ظهرا أكيد لم يظهروا من عدم....طب ليه سمحتم لهم يدخلوا ميدان التحرير ....مش المفروض الشرطة العسكرية بتأمن الميدان لماذا سمحتم لهم بالدخول؟ وعندما تم ابلاغ المجلس العسكري عن ظهورهم من قبل بعض النشطاء سياسيا المجلس العسكري قال نعم نحن نعرف ونراهم وسيتم التأكد من هويتهم؟!!!!!!!!!!!!!! أنا عارفة كويس إن تماسك الجيش خط أحمر ولايجوز بأي حال من الأحوال أن نقترب منه لكن يا جماعة ليه أنا حاسة إن المجلس العسكري بيتعامل معنا زي ما كان مبارك بيتعامل بمنتهي التجاهل والتعتيم علي الأخبار....يعني مثال للأخبار المتضاربة..لايوجد أي قتلي لأحداث أمس وبعد دقائق يوجد قتيل مثال آخر طريقة تعامل التليفزين المصري مع الأحداث هي هي زي أيام مبارك يعني عشان أعرف أخبار بلدي ألاقي الفضائية المصرية والقناة الأولي بتعرض أفلام كوميدي وأضطر أروح علي الجزيرة عشان حد يفهمني أيه اللي بيحصل بالضبط ومن ورائه اللي يفهم حاجة يفهمني لأن دماغي هتنفجر

أمين يارب اللهم اسكنها فسيح جناتك وابدلها خير يارب امين

هل تعرف ماذا يمثل لي المطر؟؟ عودة طفولة ودعوة بأن يجمعني الله بك ... وقطرات ماء تختلط بدموعي وابتسامة أمل بأن الأحلام قد تتحقق واحساس بأن حضن السماء قد يتسع لأمانينا أكثر مما نتخيل "اسلام أمين"

انا كمان كنت هاتجنن لدرجه زوجي كان عمال يضحك عليه .ويقول لي ...هوه امن الدوله اخترق المحاورات وله ايه؟ وكل دقيقتين احاول اجرب الدخول تاني وتالت لحد ما تعبت وجربت ادخل المطاريد بس برضو كنت لايصه هناك حمد الله على سلامه المحاورات بجد ولازم يبقى في خُطه بديله لو حصل للمحاورات حاجه نعرف نتواصل مع بعض عن طريقها عن نفسي حاولت ادور عليكي يا فتفوته على الياهو .بس لقيتك اوف لاين

الصبر والصمود وعدم تخوين أحدنا الآخر عدونا واحد = فلول النظام السابق من رجال الأعمال وغيرهم

هو كان في أيه؟ أنا أعصابي باظت خلاص يعني فجأة مالقيش المحاورات وبعدين تحصل حاجات في التحرير مش فاهمة هي أيه بالضبط أنا كنت هأتجنن من غير المحاورات حمدا لله علي السلامة

بعض المتظاهرين من امام سفارة اسرائيل وعناصر الجيش بيأمنوا السفارة...لا كده غلط مش من مصلحة حد اقتحام السفارة احنا فى ايه ولا فى ايه دلوقتى

...الحياة الاحساس بالرضا ....... لا تستشعر طعم الحرمان اطمئن إلى الله ..... انه قادر على تمام شئون اخرى لك .... قد تكون صاحب احتياجات خاصة ...... ولكنك ايضا .....صاحب مذاق خاص للاشياء ........ ما منعك إلا ليعطيك, ولا ابتلاك إلا ليعافيك, ولا امتحنك إلا ليصافيك, ولا أماتك إلا ليحييك, ولا أخرجك إلى هذه الدار إلا لتتأهب منها للقدوم عليه ولتسلك الطريق الموصلة إليه....

الأخ اللي فتح الموضوع له إسم يا أخ ... ومش إنت اللي تقرر الموضوع يتفتح أو ..يتقفل . لأني كتبت الموضوع حرفياً كما كنت أسمعه في التليفزيون مباشرةً .. ومش ذنبي إن سيادتك ما سمعتوش أو ما يكونش للمكالمة فيديو حتى الان على اليوتيوب وبدل ده كله كنت تسمعنا رأيك في الموضوع .. أو تروح تمسك لك فاس وتهدم الأصنام عشان المجتمع يرتاح من الأوثان ومش ذنبي إن سيادتك لم تقرا مداخلتي في الصفحة السابقة وداخل متبرمج للهجوم وخلاص ما تسعمنا صوتك حول الحضارة الفرعونية العفنة كمان ؟ يأخي العزيز ليه طريقة الكلام دي في هذا الموضوع انت داخل شمال جامد وهو ماضايق الكثير محدش هيوافق اطلاقا على هدم الاثار ده اسمه هبل وعبط لكن مااختلف معك فيه هو طريقة الكلام في هذا الموضوع وايضا عمر ماكانت الصحف المقروءة دليل قاطع وخصوصا في هذه الايام وبلاش الديكاتورية دي الله يخليك ياعم احمد

تــعلّـمِـــ .: أن تضحك مع من معك ...و إن تشاركه ألمه و معاناته عـش معه وتعآيش به عيشآ كبيراً :. تـــعــــلّـمِـــ .: إن تحتوي كل من يمر بك … لآ تصرخِ عندمآ يتأخر صديقك ولآ تجزع حين تفقد شيئا يخصك تذكرِ إن كل شئ قد كآن في لوحة آلقـدرِ قبل أن تكون شخصآ من بين ملايين آلبشرِ

طردوا اخو تامر امين من المنصه قالوله روح صلح اخوك الاول اخو تامر اللي هو علاء اللي بيطلع مع محمد هدايه علي دريم انا ضد هذا التصرف

ناس تعمل إشاعات وناس تدفع أرواحها ثمن لها وفي ناحية الأخرى تهويل من الخوف والهلع لربما ينطلق الرعاع والغوغاء يهدموا الأثار بسبب كلام لا يحمل دعوة لهذا الفعل ربنا يسترها عليك يا بلدنا

في الحياة...اتعلمنا...الوضوء اتعلمنا ان المية...لازم تغطي الوش و نسينا ان روحنا كمان محتاجة تتوضي المية اللي بتغسل الوش.... لازم تجري جوه قلوبنا.... تصفيها... تطهرها... تعلمها ان الوضوء....حياة.. مش بس شوية مية...بيجروا علي الجسم

ذكرني...اقتباسك...دريمي بالتالي...و اتمني ان يروقك النافذة الطيبة : هي تلك التي يوجد على حافتها وعاء فيه ماء ليشرب منه طائر عابر يكاد أن يقتله الظمأ . النافذة الأنيقة : تلك التي تتباهى بحوض الأزهار فيها . النافذة المرحة : تلك التي لم تحبس كركرات الأطفال ووزعتها في فضاء الحيّ . النافذة الكئيبة : تلك التي لها قضبان .. ووراءها سجين . النافذة الفاتنة : تلك التي تآمرت مع الهواء المشاغب لكي يعبث بفستان الصبيّة ! - أي نافذة...أنت....محمد الرطيان-

الشيخ الكريم قال رأيا مخالفا لرأيك وهو رأي خالفه فيه مشايخ آخرين على أساس أن النهي كان أيام كانت التماثيل تعبد!!!؟؟؟ ولكن هذا رأيه فلماذا لم تحترم رأيه خاصة وأنه رأي غير ملزم ولم ولن يتبعه فعل أين احترام الآخر؟؟؟ بل أين الإلتزم بالماده الأولى من دستور الموقع ثم ألا تخشى على نفسك أن يقول لك الملك (ولك مثله؟) ويجب ألا نغفل بالرغم من أنه قد خالفه في ذلك مشايخ آخرين أن رأيه قد يكون هو الصحيح فالله أعلم ،فكل يجتهد وقد يصيب أو يخطيء وحسابه على الله بصرف النظر هذا الأمر أنا شخصيا أرى أن التنمية والعمل الإنتاجي أفضل مليون مرة من الإعتماد على السياحة خاصة وأنها تهتز لأي عارض. إتقي الله أنتي الأخرى ... يا دكتورة واخده بالك دكتورة يا فندم يا دكتورة .. في أراء .. وفي ... فضلات تخرج من فم الشخص ... والكلمة يا فندم ممكن تشعل حرباً تكوني أنتي أول ضحاياها ... الكلمة يا فندم اللي بيقولها في مسجد وهو معتلي المنبر ممكن تسخن جهلاء ونلاقيهم خارجين زي الجراد وهاتك يا تكسير في الأوثان اللي عندنا ... واخده بالك أوثان الأقصر وميدان رمسيس وميدان الرماية وأوثان المتحف المصري .. أتُذكريني بقواعد المنتدى وبإحترام الشخصيات الدينية ؟ وهل هذا شخص معروف أو هذا رأي ديني من الأساس ؟ تحطيم الأوثان الفرعونية لإنها تُشبة الأوثان التي حطمها الرسول الكريم حول الكعبة اللهم صلي عالنبي تفتكري ليه يا .... دكتورة سيدنا عُمر بن الخطاب وسيدنا عمرو بن العاص .. بل سيدنا عُمر بن عبد العزيز وقد كان هو وابوه من العلماء وعاشوا وحكموا مصر .. تفتكري ليه ما حطموش الأوثان دي وقتها ؟ عيب يا دكتورة عيب لما تدافعي عن الباطل ... لو العملية سايبة وأي واحد قرأ ورقة في كتاب يبتدي يُطلق فتاوى هنا وهناك ... يبقى هاتبقى سويقة في السعودية هنا تداركوا الموقف والفتوى أصبحت مقصورة على لجنة الفتوى الرسمية وهيئة كبار العلماء فقط تعرفي يا دكتورة إني من الثمانينات وأنا نفسي أسمع رأي من جماعات الجهاد أو السلفية أو أو أو وأي جماعة غير الأخون ... رأي عن التنمية والعمل المحترم ... رأي حتى عن تنظيف الشوارع يا دكتورة .. مش واحد قاعد عمال يفتي بالباطل ويُضلل الناس ويفسر الدين على كيفة .. أتقوا الله في بلدكم وتاريخكم ومستقبل أولادكم ...