لوحة القادة

الثورات بيئة مثالية لخلط الأمور .. وهو ما يحول أى ثورة إلى فوضى يستغلها ذو الرؤية غير الواضحة الذى يتخبط فى سيره فيؤذى نفسه ويؤذى غيره ..ويستغلها ذوى النوايا السيئة .. وربما يتصدرها الأنقياء المتطرفون ذوى "الأنا المتضخمة" ترى كم سنة ستستمر ثورة 25 يناير المصرية ؟ .. لقد استمرت الثورة الفرنسية لمدة عشر سنوات جرت خلالها الدماء أنهارا إلى أن استقر بها الأمر لتصبح ملهمة لغيرها من الشعوب التى تنظر إلى النتائح دون أى التفات إلى الطريق الوعر الذى أدى إلى تلك النتائج لقد تحول – أثناء تلك الثورة – المنادون بالعدالة والديموقراطيةإلى أكبر أعداء العدالة ، وإلى عتاة من عتاة الديكتاتورية .. ولنا فى المحاميين رفيقىِّ الدرب الثورى المثل الواضح على هذا التحول .. رجلا قانون جلسا على كل مقاعد العدالة .. من مقعد الادعاء ، إلى مقعد القاضى ثم إلى مقعد الجلاد دانتون ، وروبسبير .. إعتلى دانتون تلك المقاعد فى محاكم الثورة وأعدم من أعدم إلى أن انتهى على المقصلة التى ساقه إليها رفيقه روبسبير المشهور بقتله ستة آلاف فرنسى فى ستة أسابيع .. هما بطلا مرحلة الإرهاب من مراحل الثورة الفرنسية هل تقف الثورة المصرية الآن على أعتاب مرحلة الإرهاب ؟ .. ليس بالضرورة أن يكون الإرهاب ماديا بالتصفية الجسدية ، فهذه هى ذروة المرحلة وليست أعتابها ، ولكنى ألمح أننا ربما نكون قد وصلنا إلى مرحلة لا بأس بها من الإرهاب المعنوى فلنتأمل : عاوزين يحيى الجمل ... يسقط يحيى الجمل جودت الملط الرجل الشريف ... يسقط جودت الملط عاوزين طارق البشرى ... يسقط طارق البشرى وتعديلاته الدستورية الشعب والجيش إيد واحدة ... الشعب والجيش مليون إيد عاوزين فلوسنا اللى بره .... عاوزين محكمة ثورة أو محكمة استثنائية (دانتون وروبسبير رجال قانون) مش حنمشى .... هو يمشى (هو ده ممكن يكون ناظر المدرسة ، عميد الكلية ، أو رئيس أى منشأة) أخشى اليوم الذى تُلقى فيه كلمات الإطراء التى وصف بها قادة العالم ثورة 25 يناير إلى غياهب النسيان أخشى اليوم الذى تتحول فيه ثورة يناير المصرية إلى ما وصف به محمد نجيب ثورة يوليو .. فبعد أن كان طه حسين قد وصف الانقلاب بأنه ثورة ، وبعد أن رفض العسكر العودة إلى الثكنات ، قال الرجل يرحمه الله قولته الشهيرة .. "هذه ليست ثورة .. إنها عورة" .. قد نختلف على الوصف ولكن اسألوا الآباء والأجداد أخشى اليوم الذى يظهر فيه دانتون مصرى أو روبسبير مصرى أخشى اليوم الذى ينقلب فيه النقاء الثورى إلى نقاء قاتل

الأخ ابو هنا - بخصوص التقييم السالب يبدوا ان كلامى مش عاجبك طيب اقول تانى مش عاجبنى كلمة ماتنساش تاخد الدوا لان المرض تعاير ماحدش يتعاير بيه وربنا يبعد عنا المرض جميعا

يبدو ان هذا الرجل يعرف جيدآ ماذا صنع بنا على مدى ال30 سنة حولنا الى مسخ او الكثير من شعب مصر الذى تحول الى كمية كبيرة من الأميين والمتعلمين الغير متعلمين لقد فعل بنا مالم يفعلة الا شيطان او حاقد على هذا الشعب ان هذا الرئيس هو شر مارزقنا بة الله لقد دمر على يدية سواعد مصرية وخنق كل الكوادر المحترمة وترك لنا السفهاء واللصوص ممن باعو ضمائرهم للشيطان فأصاب مصر بكل مرض عضال وانهك قواها ودمر كل أمل حتى اننا الان نفكر فى كيف يتم صنع الامل فى بنية اكلها السوس والفساد انة جسد خلقة مبارك بحنكة وصنعة بمكر والان يحاول هو واذنابة بخطابة هذا ان يقلب علينا المائدة وينهى لنا صحوتنا وثورتنا فيجب علينا الاهتمام بالامل ورعايتة والبناء البناء ايها الشعب العظيم هو من يعوض لك ما سلبة اللصوص وعلى رأسهم مبارك فهيا الى الجهاد الى العمل والتعليم والزراعة والصناعة الجادة والمحترمة التى تجعلنا نقضى على ذكريات ابو التلامة وابناءة وشركاة

يا جماعة امبارح فيً موضوع ما حدث فيً ميدان التحرير قلت لكم ان محاسبة رئيس عربي سابق لن تحدث الا في حالة واحدة فقط هي اذا ما ارادت امريكا ذلك للاسف هل القذافي اللي بتقول عليه مجنون هيطلع يعني اذكى من مبارك الراجل بقاله شهرين محدش عارف ياخذ منه حق ولا باطل وحلف الناتو بجلالة قدره مش قادر علي شوية كتائب عسكرية يقودها ابناء القذافي فهل يعني مبارك بحنكته يوم ما يقرر يتنحي علي الحكم هيقوم كده اول ما نقوله ارحل يعني امشي يقوم خارج كده ويقول لنا بس ما تنسونيش من الجوابات ما كانش حد غلب ، ، علشان كده قلت ان تنحيته كانت مقابل صفقة او اتفاق مع المجلس العسكري وان هناك اسرار لن تعلن ولا يجب ان نضغط ونستميت لمعرفتها، وهذا الخطاب هو بالتأكيد تم بايعاز من المجلس العسكري حتى يرفع عنهم الحرج كما قلت امس وبهذا الخطاب يبقى اللي عنده دليل يقدمه من غير دوشة ومظاهرات وهوه اعلن ان عنده جيش جرار من المحاميين البريطانيين والجدع يثبت علي حاجة - نعم نستمر في تقديم الادلة لو نملكها ونجري وراء اموال الشعب المصري لكن لا يجب ان ندخل في مواجهة مع المجلس العسكري لكي يتم القبض علي مبارك ومحاكمته علي الاقل طاملما لا توجد ادلة معلنة او علي الاقل نركز علي تخليص البلد من بقايا الفاسدين ونركز علي ان يحل الشرفاء مكان الفاسدين سواء في منصب المحافظ او رئيس المجلس المحلي او في منصب الوزير او عميد الكلية او رئيس التحرير او مدير امن وهكذا - هذه هي الاولوية الان مع المضي قدما في اجراء انتخابات مجلس شعب نزيهة يتبعها انتخابات رئاسية وبعد ذلك قد تكون مسألة محاكمة الرئيس السابق جاءت بعد ان تقف البلد على رجلها ، بدلا من الدخول في مواجهة لا طائل من وراؤها سواء مع المجلس العسكري او فلول النظام السابق

نشرة الأخبار لــــسنة 2054 : . . .... . ............. . . . . . - الصومال تصدر القمح -اليمن تفوز بكأس العالم على حساب سوريا - غارة فلسطينية جديدة على اسرائيل , وسقوط ضحايه اسرائيليه - القبض على 50 شاب ايطالي يحاولون التسلل الى مصر - امريكا تطلب المعونه من السودان لسد احتياجتها . . . . . . . . . . واخيرا: الثوار الليبين ما زالوا يطالبون برحيل القذافى

السياسة المصرية فى الزراعة للاكتفاء الذاتى إن السياسة التى درجت عليها الحكومات المصرية المتعاقبة فى مجال الزراعة منذ عقود كانت سياسة خاطئة كان الهدف منها إما خدمة بعض الدول الأجنبية التى نستورد منها وإما خدمة كبار التجار الذين يستوردون المواد الغذائية وعلى الحكومة الحالية والحكومة القادمة أن تعود لفرض سياسة قومية على الفلاحين وعدم ترك الحبل على الغارب ليزرع كل واحد ما يريد مما عجل بهذه الأزمة التى نعيشها من عدم الاكتفاء الذاتى ومن ارتفاع الأسعار وهذه السياسة تقوم على التالى : - زراعة 4 مليون فدان قمح وذلك لسد حاجة الشعب من الدقيق فمعدل استهلاك الفرد المصرى 180 كيلو وهو ما يطالبنا بوجود 13 مليون طن قمح وعلى فرض انتاج الفدان 4 طن قد تتناقص إلى 3 طن يوجب هذا زراعة 4 مليون فدان - اقامة مزرعة ماشية ومزرعة دواجن فى كل قرية ومدينة فى مصر فمع أن عدد رءوس الماشية فى مصر حوالى 8 مليون رأس وحوالى 8 مليون رأس من الغنم والماعز والإبل إلا أننا نستورد اللحوم وأسعار اللحوم عندنا مرتفعة جدا بفرض أن استهلاك الفرد المصرى 12 كيلو سنويا فإن 12×80000000=960000000 كيلو أى÷1000كيلو=960000 أى حوالى مليون طن ولو افترضنا أن وزن رأس الماشية فى المتوسط 500 كيلو فإن عدد الرءوس المطلوب ذبحها سنويا هو=960000÷500=192000 رأس أى حوالى 7% من مجموع رءوس الماشية المصرية إذا ما السبب فى استيرادنا للحوم وثروتنا تكفينا وتفيض ؟ إنها سياسة التجار والسمسرة فى الأسواق والتى تضاعف من ثمن الرأس وأيضا السياح الذين يستهلكون كميات رهيبة من اللحوم فالسمسار يكسب فى الجاموسة الواحدة وهو قاعد بكلمتين خمسمائة جنيه أو ألف جنيه مما يضاعف سعرها 10أو15% أعتقد أن نسبة التكاثر فى 16 مليون تتعدى 20% من مجموع الإناث مما يعنى أن المذبوح حتى لو وصل مليون رأس سيكون هناك فائض زيادة سنويا فى العدد من مليون إلى ربع مليون على أسوأ الفروض إذا هناك عناصر خارج التربية هى التى تفتعل أزمة اللحوم وغلوها أهمها السماسرة ومستوردى اللحوم ومربى الماشية الكبار وترك الحكومة مهمتها فى مراقبة الأسعار - السمك بفرض أن الفرد المصرى يستهلك 60 كيلو سمك سنويا أى كيلو وربع فى الأسبوع فإن حاجة المستهلكين 60×80000000=4800000000÷1000كيلو=4800000 طن بينما الإنتاج مليون و200ألف طن وهذا يعنى وجود أزمة مفتعلة من تجار الأسماك ومستورديها هى التى تجعل أسعار السمك مرتفعة ونذكر هنا أن متوسط استهلاك الفرد عالميا 17 كيلو يعنى حسبناها 4 أضعاف ومع هذا يوجد فائض إنتاجى - الدواجن لو حسبنا معدل استهلاك المصرى 20كيلو فى العام فإن هذا معناه 1600000000÷1000=160000طن وبحساب الدجاجة2 كيلو يكون عدد الدجاج المستهلك = 1600000÷2=800000 دجاجة بينما الإنتاج مليار دجاجة سنويا إذا هناك فائض فى الإنتاج 200 ألف دجاجة ولو قعدنا نحسب بقية المواد الغذائية وإنتاجية البلاد منها سنجد 90% من المواد لدينا فيها فائض ومع هذا الأسعار مرتفعة ويرجع هذا إلى التالى: - التجار الكبار من مستوردين وموردين فهم من يتحكمون فى السوق - السياحة فالسياح يستهلكون كميات رهيبة من الطعام وينبغى على وزارة السياحة والحكومة أن تحسب كميات الأكل التى يأكلها السياح فى الفنادق والمطاعم وغيرها وساعتها سيتضح لنا أن السياحة التى هى من أكبر مصادر الدخل القومى مصيبة ابتلينا بها حيث يأكل السياح على ما أظن 20% من إنتاج مصر مع أن نسبتهم لا تتعدى شهريا 3% من سكان مصر - ترك الحكومة مراقبة الأسواق وتسعير السلع حسب سياسة السوق الحر وهى سياسة تتعارض مع العدالة الإجتماعية وأعتقد أن الأجهزة الحكومية التى تقوم بالإحصاء لو حسبت مقدار ما يأكله السياح والطبقة الغنية فى مصر لوجدوا أنهم يستهلكون 50% مع أن نسبتهم لا تتعدى20 % من السكان ومن ثم يجب على الحكومة أن تعود لسياسة التحكم فى الأسواق إما عن طريق توليها توريد واستيراد السلع للتجار الصغار على أن تكون الدورة دورة واحدة من الحكومة إلى التاجر الصغير لأن هذا سيوفر نسبة30% رخص فى السلعة الواحدة أو 40% فالدورة الحالية هى المصدر الأساسى ربحه10% والمشترى الكبير من المصدر الأساسى 10% وتاجر الجملة المتوسط 10% وتاجر التجزئة10% إن هذه الدورة التى قد تصغر واحدا أو تزيد واحدا هى سبب رئيسى فى ارتفاع الأسعار

السلام عليكم و رحمة الله و بركاته 365...يوم سعادة ده طبعا مش اسم الفيلم اللي هموووت و اخشه بتاع احمد عز :closedeyes: دي فكرة جت في دماغي بعد ما قريت كتاب اسمه..."كتاب الايام"...و ده برضه غير بتاع استاذنا طه حسين مش هقدر اقول موضوع الكتاب لانه بعيد تماما عن السياق بس اللي عجبني فيه انه عمل كل يوم تدوينة لفكرة بتخدم موضوع الكتاب يعني كل يوم يبقي عندك تدوينة...تكتب فيها...فكرة تكون عملتها...او لازم تعملها النهاردة و لقيت نفسي بقول...طب ينفع نعمل تدوينة نسميها 365 يوم......سعادة التدوينة دي راح تبتدي....بتاريخ.... و تكتب فيها فكرة تخليك سعيد...مهما كانت مجنونة...مهما كانت طفولية اوي...مهما كانت المهم تكون بجد عملتهاأو نويت باذن اله تعملها في اليوم ده....و تيجي تكتب عنها التحدي بتاعي....اني هبتدي النهاردة...و بقول لنفسي...يا تري السنة الجاية باذن الله في نفس التاريخ...راح اكمل 365....يوم....سعادة التحدي التاني...لكل واحد فينا....يا تري قادر تشوف ان كل يوم عدي عليك كان فيه حاجة حلوة... التحدي الاهم....كل يوم عدي عليك....يا تري عملت حاجة حلوة لحد تاني و خليته مبسوط...و قدرت تحس انك انت كمان مبسوط لانبساطه ع فكرة اكيد احنا بنعمل ده....و مش بنقف اوي عند التفاصيل...بس لما بنكتب ده...كأننا النهاردة بنوقع عقد...او كونتراتو....انت الطرف الاولاني فيه...و الطرف التاني....سعادة...و اللي بينهم شروط مش مكتوبة لكنها ملزمة جدا...انك تحققها طالما كتبتها ايدك....و فكر فيها قلبك...(وش اي محامي بيتمرن علي المرافعة) لما بنكتب......بنخلي افكارنا اللي كانت طايرة في اتجاهات كتيرة...تبقي جرعة مركزة اوي...في واقع حقيقي....دي وجهة نظري الحقيقة هي دي الفكرة...و بس نبتدي علي بركة الله توثيق...اصل الفكرة جون جراي (2010). كتاب الأيام 365 فكرة لإثراء علاقاتك. مكتبة جرير: أبو ظبي صباحكم.....كل فيمتو ثانية فيه......س....ع....ا....د....ة

أعتقد ان السبب لده هو سبب ((أمنى)) فى المقام الاول .. من السهل تكثيف الامن وتشديده على مكان واحد .. أفضل من توزيعهم على اماكن متفرقه .. وده فيه ارهاق أمنى ...منعا لهروب الشخصيات دى... او تعرضها للاغتيال بفعل خطورتهم وكل ما يجرى حولهم من اتهامات .. وكمان ممكن تواجدهم مع بعض يفيد فى التجسس على حواراتهم مع بعضهم البعض والخروج بمعلومات تفيد يعنى راى وتحليل شخصى

الموضوع ده بيفكرني بالقصة الحقيقية لريا و سكينة لما جابوا وكيل نيابة يحقق معاهم..و الراجل ياعيني قعد فترة كبيرة مش عارف ياخد منهم لا حق ولا باطل..عشان كانوا بيتفقوا مع بعض جوه هيقولوا ايه..و يوزعوا الأدوار عليهم..لحد ما صدرت أوامر بتغييره وجابوا وكيل نيابة جديد..كان أول حاجة عملها..انه فصل بينهم..و حط كل واحد منهم في زنزانة منفردة..لحد ما عرف يوقعهم في الكلام وبما إن التاريخ بيعيد نفسه...يبقي لازم فعلا نستفيد من الحتة دي و نفصل بينهم..عشان ما يتفقوش علي حاجة

طب تصدقوا بالله أنا عايزة مبارك يتحاكم صحيح بس مش حاموت على إنه يتسجن أو يتعدم.. مع إنه و الله أعلم يستاهل أنا عايزاه يتحاكم محاكمة عادلة و فلوس البلد ترجع .. بعد شهر .. بعد سنة .. بعد عشرة .. بس ترجع و بعد المحاكمة .. و بعد الفلوس ما ترجع أنا ما عنديش مشكلة إنه ما يتسجنش و ما يتعدمش بس يقعد تحت إقامة جبرية بحق و حقيقي هو و مراته و ولاده .. لما تثبت عليهم التهم إن شاء الله إقامة جبرية .. يعني من غير خدم و حشم .. و مش رايحين جايين من شرم للقاهرة .. و من القاهرة لشرم المهم إن محاكمته حتحقق حاجتين أي مسئول حييجي بعد كدة حيعرف إنه (مسئووول ) ... يعني سوف تتم مساءلته و حيمشي بما يرضي الله و أي واحد حيحاول يسرق من البلد .. حيفكر ألف مرة .. بعد ما يشوف مصير مبارك بعد ما كان ملء السمع و البصر و بعد كدة بأة تحت إقامة جبرية حقيقية (مش زي دلوقت فايف ستارز)

رأيي أنه ما دام قد عرض الكشف عن حساباته في جميع دول العالم فمعنى ذلك إما أنه فعلا لا يمتلك حسابات أو أنه من المستحيل الوصول اليها ... وفي الحالتين فمن غير المجدي إضاعة الزخم الثوري وشغل الناس بهذه القضية ولنتركها للقضاء المصري والدولي ليقول كلمته فيها ... ولنلتفت الى مسائل أكثر أهمية مثل إزاحة رموز النظام السابق من مواقعهم وتحجيم نفوذهم وتقديمهم للعدالة لمواجهة خطط الثورة المضادة ... وكذلك الى بناء المشروع السياسي للنظام الجديد واستعادة عافية الاقتصاد حتى لا نخسر تأييد الناس للثورة.

الفاضل ابومحمد. جيلكم حصل على فرصة 60 سنة ليحقق أهداف ثورة يوليو التي قام بها. وحضرتك تستكثر على جيلنا 60 يوما نصحح فيها أخطاء العقود الستة السابقة. الثورة مستمرة حتى إسقاط النظام ... وهو لم يسقط بعد لأنه متغلغل كالسرطان في جسد الوطن. فصبر جميل ولا تتعجل يد الجرّاح التي تحاول إصلاح ما افسده الزمن. واطمئن فثورتنا ليست الثورة الفرنسية ولا انقلاب يوليو ... فالتاريخ لا يعيد نفسه سوى لدى الحمقى. وشعبنا ليس كذلك. تحية واحترام.

سألوا احمد عز من اين لك هذا ؟قال.هذا من فضل ربي رد الشيطان عليه و قال اه يا واطي يا ناكر الجميل أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة كان زمانهم بيشحتوا دلوقتي! أن تعطى أبنك موبايل فأنت لطيف، وان تعطى أبنك سياره أنت كريم، وان تعطى ابنك بلدا وشعبا ليلعب بها هوا وأصحابه ، فأنت مبارك ‎ مرة واحد بيسأل صاحبه: هو مراتك من النوع النكدى؟ قاله: إيه ده هو في نوع تانى مره حلاق بيقول للزبون عندى صبى شغال معايا انما ايه غبى آخر حاجه, قاله: إزاى?? قاله: استنى اثبتلك فنده الصبى وقاله تعالى هنلعب لعبه .. معايا جنيه فى الأيد دى وربع جنيه فى الأيد دى تختار إيه ?? فالصبى اختار الربع جنيه ومشى والحلاق قعد يضحك ويقوله: مش قولتلك غبى. ...بعد ما الزبون خلص بيسأل الصبى انت ليه ما اختارتش الجنيه?? قاله: ما أنا لو اختارت الجنيه مش هيلعبها تانى ده انا لامم يجى 50 جنيه لحد دلوقتى واحد صعيدى راح امريكا فلما رجع سألوه ايه احسن حاجه عجبتك هناك قالهم العيل عنده 3سنين وبيتكلم إنجليزى واحد مسطول بيقول لصاحبه تيجى نركب · اتوبيس؟؟ قال له : يا عم لأ ،· احنا نجرى جنب الاتوبيس ونوفّر النص جنيه .... فرد · وقال له طب منجرى جنب تاكسى ونوفّر خمسة جنيه احسن مرة واحد نذل اتخانق مع امه راح جابلها كرتونة لبن وقالها كده ملكيش حاجة عندي

ليه كل الحراميه الكبار في سجن واحد؟ مش ممكن يعملوا أي حاجه ويهربوا من السجن لأن زي ماشايفيين كل يوم والتاني يحصل أن مساجين بتهرب أو يعملوا تخريب أو أي شئ لأن كلهم متجمعين في مكان واحد ومش عارفين هم بيفكروا إزاي - يعني مسموح لأحمد عز أنه يعمل خمس إتصالات في اليوم يعني ممكن يتصل بشوية بلطجيه يجيوا يخرجوهم من السجن ويهربوا على بره أنا بصراحه قلقان على وجود الحراميه والفاسدين دول في مكان واحد هل ممكن يكون هناك سبب للقلق ده؟ بس إللي عاوز أعرفه ليه ميكونش كل مجموعه منهم في سجن بعيد عن الآخرين علشان ميحلصش أي إتصال بينهم ويعملوا أي تخريب عن طريق بلطجية الحزب الوطني الموجودين بين الشعب دا مجرد سؤال ودعوه للمناقشه

طب إسمعوا دى الله يخليكم....أغنية أنا أسف يا ريس بجد معبرررررررررة جدااا http://www.youtube.com/watch?v=6L6tsqGurEs&feature=share

يارب يا مسهل انا كمواطن يهمنى المحاكمة تتم بشفافية ولا يهمنى قوى تنفيذ الحكم ولكن يهمنى الفلوس لان سجن راجل عنده83 سنة مش هيفيدنا اللى يفيدنا الفلوس اللى عنده وعند ولاده ان وجدت كما يدعون

النائب العام يامر بضبط وأحضار المدعو مزاهيري للتحقيق له فيما نسب إليه من جرح مشاعر سوسو إبن أخت طنط عفاف ... التحقيق يستغرق 7 ساعات بحضور عنتر الكبابجي شاهبندر الكبابجية لكي يُدلي برأية هل كان الخلاف حول ريش ام نيفه لفيف من نقابة المحامين العرب يتطوعون للدفاع عن مزاهيري ... مندوب من شركة بيتزا هت يُطالب بحضور التحقيقات ليُقف في صف مزاهيري وليؤكد أنه حتى أثناء الثورة كانت هناك بعض الفروع تتوافر بها خدمة الديليفري مزاهيري يصحطب معه عوده ويستغل لحظات الأستراحة ليشدو بألحانه الحزينة كــ " الطشت قال لي الطشت قالي .. يا حلوه ياللي قومي خدي الشاور بتاعك " لوحظ إن مزاهيري يربط منخاره برباط شاش كبير يداري على ملامح وجهة بالكامل .. سوسو يحضر مع خالته عفاف ليستدر عطف المحققون في نهاية التحقيق .. يامر النائب العام بحبس المتهم مزاهيري 15 يوماً مع سبق الأصرار والترصص . رفعت الجلسة .. يالا ياض إنت وهو من هنا

وهذا جزء من مقال قرأته لبلال فضل عن ممر آخر للتنمية ، ولكنه شرقى - غربى بدلا من ممر الدكتور فاروق الباز .. العقول كتير .. والأفكار كتير .. بس فين النفس ؟ من كتر العقول والأفكار خلاص قرفنا منها .. هو كل يوم قلقاس قلقاس (وش صلاح ذو الفقار فى مراتى مدير عام)

صح يا تيمور ودي الصيغة اللي كانت غايبة عني

نبأ عاجل : أحمد نظيف يعلن تشكيل الحكومة الجديدة من ليمان طره ويعلن تأجيل حلف اليمين لحين اكتمال الشرعية الدستورية فى السجن بعد وصول رئيسا مجلس الشعب والشورى والراس الكبيرة ( البيج بوس )

أستاذي الفاضل لا أخفيك سرا أن شبح الثورة الفرنسية لا يفارقني و للأسف فالتاريخ لابد أن يعيد نفسه حتى لو قلت نسبة الحمقى ابحث عن الأفكار التي صنعت النتائج و لا تكتفي بالنتائج للأسف طريق جهنم مفروش بالنوايا الحسنة الحرية و العدالة والمساواة معان جميلة و سامية و لكن البعض ينفذها على طريقته و على اعتبار انها منحة منه لمن يوافقه و يمشي على دربه ما أراه الآن هو سيناريو فيلم هندي تجاري من الأفلام الساقطة جماهيريا يريد فيه رئيس العصابة الضحك على الناس بشتى الطرق و يتوهم انه أذكى منهم و حتى المعارك الوهمية التي يفجرها هي أقرب إلى الكوميديا منها إلى الأكشن! بصراحة سئمت من الأخبار و تكذيبها في التو واللحظة الانترنت سلاح ذو حدين فهو يوصل الأفكاربسرعة الرائع منها و المروّع منذ البداية و أثناء الثورة وإلى الآن لا أثق إلا في العلي القدير و أحاول بأقصى ما أستطيع أن أصبغ أفكاري بلون التفاؤل و لا يسعني غير أن أقول يارب أحسنا بك الظن فكن لنا خيرا مما نظن آمين

اعتقد ان الثوره اخذت شكل العصر الذى اندلعت فيه نحن فى عصر نسميه عصر السرعه...لذلك ارى ان اغلب الناس تريد النتائج الفوريه و السريعه ...لا يتحلوا بالصبر لان عصرهم نفسه لا يتحلى بالصبر.. اتفق مع استاذنا ابو محمد فى خشيته على الثوه و على البلد ككل انا من اول يوم اندلعت فيه الثوره و يمتلكنى خوف من كل خطوه جديده اصحو صباحا كل يوم و اقول" يارب عدى اليوم ده على خير" احيانا احس ان بعض الثائرين و المنادين بالسرعه فى كل شىء لم ينضجوا سياسييا و فكريا و لم يقرأوا التاريخ جيدا و ان كانوا قرأوه فهم لم يفهموه جيدا و ان كانوا فهموا فهم لم يعملوا به بالعكس يقعوا فى نفس الاخطاء التى وقع فيها غيرهم من قرون اخشى ان نكون قد دفعنا ثمن غال و سنظل ندفع الكثير و الكثير من الغالى و النفيس على لاشىء و نكون اشترينا الرخيص بالغالى

http://www.masrawy.com/News/Egypt/Politics/2011/april/10/mobark_prisd.aspx

http://www.youtube.com/watch?v=3gzNgDVGuzs&feature=share

الحياة قلوب بتحضن بعض وتخاف علي بعض وتدفي بعض

أنا معجبة جدا بعنوان الخبر في موقع الدستور اللهم لا شماتة بس فعلا دي وزارة دخلت التاريخ لأنها خرجت من الوزارة علي السجن عدل يارب انصرنا عليهم ويارب يتحكم عليهم ويترموا في السجن إلي الأبد

انا مستغرب م هو أحنا لازم نمد إيدنا ونهلل ونعمل جُمع ومليونيات ؟

الله اكبر........الله اكبر....الله اكبر يااااااااااااااااااااااااااااااااااااااااااه.....انا حاسة اني راح اطلع فوق المكتب يا رب عدلك....يا رب قصاصك تسلم ايديكي يا فتفوتة علي الخبر

السلام عليكم و رحمة الله و بركاته تسمحلي استاذي مش هتشارك مع حضرتك الخوف و ان كنت تفهمته لسبب بسيط جدا ان كل ما النار بتسخن المعدن الاصيل بيبان و هو ده اللي محتاجينه في الفترة دي النار تسخن...و هتسخن اكتر....عشان تفصل الشوائب عن المعدن الاصيل متفقة تماما مع استاذي الغريب و استاذي احمد سيف الفتن اللي بنمر بيها...علي الرغم من كل الالم اللي بتسببه لكل حد فينا لكنها في نفس الوقت صفعات علي الوجه عشان نفوق...و عشان نعيد ترتيب البيت عشان البيت لما يتبني يتبني صح حضرتك متخوف ان النقاء الثوري....يصبح طوفان ثوري ياخد في رجليه العاطل و الباطل....هقول لحضرتك بوجهة نظري المتواضعة.....المصريين غير الرهان الحقيقي علي الشعب دوت هيكسب و كلي يقين قدرتنا علي الوقوع....علي التخبط...علي التيه...و بعدين العودة و الوقوف علي القدمين مرة اخري...برضه بيسجلها التاريخ "الثورات...او ما اسميته استاذي "العورات"....كان لازم تنكشف....لان التعايش معها طيلة الفترات السابقة مخلهاش تندثر كان الفساد بيتوحش زي اي خلية سرطانية...عندها القدرة علي الانفسام السريع جدا جدا علي عكس الخلايا العادية عشان كده...كان لازم.."العورات دي تنكشف"....عشان نشوفها بمنتهي القبح.....في اقسي صورة ليه.....عشان نعرف نبني صح المشهد اللي حضرتك عرضته....ناقص استاذي....ناقص انه مع كل..."عورة" تنكشف"....هناك ثورة "تصحيح" في الافكار و في وعي الناس بتتولد لو حطيت دي جنب دي هتلاقي الامور اكثر وضوحا يعني علي سبيل المثال استاذنا الغريب ذكر الفتن المتلاحقة لو حد بيعمل دراسة ميدانية علي رد فعل الناس هتلاقي ان اول فتنة مختلفة تماما عن الحالية ...(و اللي من وجهة نظزي...خطاب الريس السابق و استدراره لتعاطف الناس) الناس اصبحت تقرأ اسرع...و تحلل اسرع...و كل ما بتتوه ترجع تقرا...هي الناس الشهدا دول ماتوا ليه...و ده بيرجع يحطنا تاني علي الطريق الصح و ده معناه....."وعي" الناس بيتشكل...و هي دي الثورة الحقيقية مش اني اشيل مبارك انا عايزة اشيل البواريك الفاسدة اللي كان حاجبة عقلنا عن التفكير.....ازاي نرجع نفكر تاني في كل القيم اللي تتماشي مع فطرتنا السليمة....و ازاي كل ده يصب في البلد الوحيد الذي نحب. دي وجهة نظري تحياتي و احترامي استاذي

يعني لا هو عيان ولا بيفرفر .. ولا مش قادر يمشي .. ولا محتاجإخلاء طبي لألمانيا ولا حاجة موضوع الفلوس ده أمر مفروغ منه ما هو مش معقول حيطلع يقول .. ياشعبي العظيم .. فلوسكم عندي ويروح خابط خبطتين على صدره أكيد حيسوق علينا الشرف المهم .. إنه بصحة جيده وماتصدقوش الإشاعات اللي بتقول إنه ياعيني ياحرام بيموت آهو .. زي البربند آهو

عاحل عن الفضائية المصرية : النائب العام يصدر مذكرة للتحقيق مع مبارك ونجليه

وزير الصحة يعلن انه سوف يعالج الشعب المصرى كله من الانهيار العصبى بعد كلمة المخلوع على قناة العربية مبارك.....لم أكن انتوى التناحة زلزال بقوة كبيرة يضرب مصر مركزه قناة العربية

اه صحيح طب والدول اللى اعترفوا بوجود ارصدة ليه عندهم دول كمان بيدعوا؟؟؟!!! ده كانه بيقولنا............فتشنى فتشششششش واحلى حاجة لما قال فى الآخر :waf:

احسن بطيخ ممكن تاكله فى مصر البطيخ الصحراوى من مطروح تاكله وانت مغمض

بسم الله الرحمن الرحيم وبه نستعين اقدم لكم برنامج للتحكم والدخول على الجهاز من النت خيالى لانه بيساعدك على التحكم فى اجهزة بعيدة عنك من خلال الانترنت بحرية للتحميل الرابط: تحميل برنامج للتحكم والدخول على الجهاز من النت Download UltraVNC

حلتها بعد عدة محاولات يمكن عشرة مثلا ، بس بعد كدة عرفت الخطة ، وبما ان ما حدش لسة قال خطوات الحل يتعمل ازاي اقول الفكرة اللي خرجت بيها علشان اللي يحب يجرب ، الفكرة ان خلال التنقل حاول دايما تتحرك بحيث يبقي المنظر واحد اصفر وواحد احمر ، ما تعملش الخطوة اللي تخلي اتنين لون واحد ورا بعض دايما سيب مسافة فاضية بين اي لونين زي بعض ، ممكن بس في الاخر عند الاطراف لما تكون وصلت حيبقي اتنين نفس اللون جنب بعض لكن في النص واثناء الوصول زي ما قلت حاول تخلي الوضع دايما واحدة اصفر وواحدة احمر

السلام عليكم و رحمة الله و بركاته امبارح كنت بتفرج علي الطبعة الاولي لاستاذ احمد المسلماني اللي اورد الخبر النهاردة دورت علي الخبر في الجرايد و قولت اما نستنفح يومنا بنموذج لعالم مصري يستحق الفخر و التكريم اجما ما استوقفني من عبارات لاساذ المسلماني لما قال "نفسي بدل ما نقول المتطرفون عائدون.....نفسي نقول....علماء مصر عائدون" انا بضم صوتي للعبارة اللي فوق و مبسوطة حد السما بالدماغ المصرية عندي قناعة ان الارض العفية خيرها في ولادها مش في اي حاجة تانية نفسي الولاد الصغيرين بدل ما بيحفظوا اسماء لعيبة الكورة و تيمو و انتيمو من المغنيين....يحفظوا اسماء كل عالم...كل فرد قادر يعمل انجاز او يفكر في فكرة تزقنا لقدام اتفضلوا الخبر صباحكم......ارفع راسك لفوق....انت مصري انا لو مننا....نجور علي دكتور احمد علي الفيس بوك....و نشترك في صفحته....و نكتبله عبارة واحدة....مستنيين عودتك يا دكتور...عشان مصر محتاجانا كلنا....بس لسه بنبني فيها المصرى الذى اكتشف (مفتاح كهرباء) الخلايا الجذعية مصدر الخبر http://www.shorouknews.com/ContentData.aspx?id=427436

السلام عليكم و رحمة الله و بركاته علي الرغم من اني من الصعيد اللي بتتأصل فيه فكرة الثأر بشكل عميق...بس اللي بفكر فيه في الجزئية اللي عرضتها استاذي عادل هي فكرة.."نموذج تطبيق العدالة" النموذج...هو مجموعة من الخطوات انت بترسي دعائمها مش بس في الحالة المعروضة دلوقتي....دي عشان تكون نسق متسق من الخطوات للمستقبل اتفق تماما مع ما طرحه استاذي احمد عن "الثقة" عشان نرجع المبدا الهام ده محتاج ليه الالتزام بنموذج معين...عشان الناس ببساطة تثق ان ماحدث في السابق لن يتكرر في اللاحق بالنسبة لي "محاكمة" و ليس اعدام لاني لسه معرفشي ايه اللي راح تسفر عنه التحقيقات و لا احكام القضاء...انا فقط اسعي لمحاكمة...هو بالنسبة لي "نموذج بيوضح لي كيف يمكن ان نسلك قناة شرعية في محاكمة المسئولين و دي قاعدة مهمة جدا للمستقبل و بناء مصر دي وجهة نظري الشخصية تحياتي

السلام عليكم و رحمة الله و بركاته مش عارفة ليه الخبر دوت بيفكرني لما كنا صغيرة و كان صابح عندي مدرسة مثلا....اروح فجأة اعيا....و من درجة تقمصي للدور و تصديقي فعلا بترتفع درجة حرارتي و طبعا ماما...(0كان قلبها خفيف الحقيقة) كانت بتجري بيا علي الدكتور و يترتب علي ذلك اني اغيب من المدرسة....و طول اليوم اقضيه في دلع رجوعا للخبر موقف الجيش يحترم للغاية و هو ده التصرف الصحيح و استكمالا وزير العدل طلع بيان ان لازم يكون فيه قومسيون طبي يحدد حالته بعيدا عن كل اللغط الطبي دوت اللي المقصود به كالمعتاد التتويه عجبني ان احنا ابتدينا نتعامل مع المضوع: 1- مقبلناش الخبر زي ما هوت 2- القائمين علي الامر محدش منهم طلع و قال العبارة الشهيرة...ارحموا عزيز قوم ذل...و طبعا مقترنة ب "صاحب الطلعة الجوية"....و استندنا في حكمنا لمرجعية القانون اللي بينص علي مثول المتهم للنيابة الا في حالة القومسيون الطبي 3- هموت و اعرف....يا تري مبارك و اسرته حاسين بايه....مش شماتة....و العياذ بالله....لكن مفكرشي طيلة فترة حكمه انه في يوم راح يحاسب امام رب العالمين....مش بس قدام وكيل نيابة...ياتري كان ناوي يقول ايه؟؟؟ و لله الامر من قبل و من بعد تحياتي

الكلب الذي اشتريناه ما زلت إلي اليوم و بعد مرور كل تلك السنين أسأل نفسي لماذا فشل مشروع الكلب أحداث قصتنا دارت تقريبا في نهايات عام 1981 كان أخي الأكبر ( رحمه الله ) يملك ذهنا منظما و موهبة فذة في ابتكار الأفكار المدهشة .. تجلت تلك الموهبة في سن مبكرة للغاية عندما صاحت بعض الدجاجات في منتصف الليل علي سطح البناء الذي كنا نقطن فيه . أسرعنا جميعا بالصعود إلي سطح البيت اكتشفنا جوالا به بطة واحدة و أرنب واحد بجوار سور السطح الملاصق لجيراننا.... الأرنب و البطة هي جزءا من الحيوانات الداجنة المقيمة في عشة فخمة بنيت خصيصا لاحتواء ذلك القطيع الصغير لتدعيم الأمن الغذائي لأسرتنا. كان الاستنتاج المنطقي لذلك الحدث هو محاولة أحد اللصوص السطو علي بعض من ممتلكات أسرتنا من رصيدها الغذائي.... مستغلا سكون الليل و طبيعة البط و الأرانب الصامتة لكن صياح الدجاج فضح محاولة ذلك اللص فقرر الهرب تاركا الغنيمة . بعدما هدأت المناقشات حول ذلك اللص التافه .. أقترح أخي الأكبر ( رحمه الله ) إحضار كلب لحراسة سطح البيت .. كان الاقتراح بمثابة قنبلة فجرت خلافا للرأي لم أشهد مثله من قبل في تلك السن المبكرة .. بنات الأسرة لم يحرك الاقتراح العبقري لديهن أي مشاعر و لم يهتموا علي الإطلاق بتأييد أو رفض الاقتراح .. نحن الذكور من أبناء الأسرة لم يسبق أن اتفقنا علي شيء مثلما اجمعنا بحماس علي تأييد اقتراح أخي الأكبر ( رحمه الله ) ... كان كل منا لديه أسبابه المختلفة التي تدعوه للتحمس لاقتناء كلب. الرفض القاطع شكلا و مضمونا كان من طرف والدتنا ( متعها الله بالصحة و العافية ) و عندها أسباب لا يمكن دفعها أو دحضها .. فنجاسة الكلب ستفسد طهارة البيت .. حصلنا علي التصريح بإحضار الكلب بعد مداولات استمرت عدة أيام أو ربما أكثر من أسبوع بشروط صارمة أبسطها أن جلب و رعاية الكلب بالكامل مسئوليتنا نحن الذكور فقط و عند الإخلال بأي شرط من تلك الاتفاقية سيتم طرد الكلب . عندما فقدنا الأمل في جلب كلب مجاني من أحد الأصدقاء قررنا في أحد اجتماعاتنا شراء كلب ....و حيث أن أسعار الكلاب كانت باهظة بالنسبة لقدرتنا الشرائية فقد قررنا ادخار مصروفنا اليومي لمدة تغطي مصاريف الشراء .. أحضرنا لمشروع الادخار صندوقا صغيرا لنضع فيه كل صباح كل نقود المصروف .. و في نهاية الأسبوع نحصيها فنكتشف أنه يلزمنا أسبوع أخر أو أكثر لنستطيع شراء كلبا بوليسيا من النوع الممتاز .. طالت مدة الحرمان التطوعي من التمتع بالمصروف اليومي و بدأنا نحن الصغار في التململ عندما نتذكر طعم الحلوى .. بذكاء و فطنة و بهدف استمرار وحدة الصف , اقترح أخي الأكبر ( رحمه الله ) شراء الكلب و ليس من الضروري أن يكون بوليسي مدرب ... حيث نستطيع القيام بتدريبه بأنفسنا ..... لم تمنحنا ثروتنا المحدودة أي فرصة للاختيار كما لم يمنحنا احتمال فشل مشروعنا الذي ضحينا من أجله بالكثير من المتع أي فرصة للتراجع .... عدنا الي البيت مع كلب نحيف غير مقنع انه يصلح للحراسة لكنه كلب. أنهيت طعام الغذاء يوم وصول الكلب بسرعة و أسرعت إلي سطح البيت حيث أخفيت في جيب منامتي كل نصيبي من اللحم لإطعام الكلب و فعل أخوتي مثلما فعلت . أصبح التسابق إلي سطح البيت و التنافس لتقديم كل نصيبنا من اللحم للكلب منظرا متكررا يوميا و لم يحدث أبدا أن رفض الكلب أي لحوم نقدمها له هو يزداد سمنة و نحن نزداد نحافة .. كانت مشكلة بحق يوم يكون طعام الأسرة سمكا .. كانت المشكلة تكمن في انه علينا التطوع بمصروفنا مرة أخري لشراء عظام من الجزار و طهيها لإطعام الكلب .. بعد مدة ليست بالطويلة أصبح الكلب سمينا و نباحه عالي مزعج كما أصبحت أنيابه مخيفة و اكتشفنا أنه كلب خسيس الأصل فهو ليس مثل الكلاب الأخرى يهز ذيله لصاحبه ... كان يكشر عن أنيابه و يزمجر عندما نتأخر في تقديم كل نصيبنا من اللحم له ثم أن نهمه ليس له حدود لا شئ يشبعه .. حدث تطور عدواني في سلوكه حيث حدد لنا مناطق محدودة من سطح البيت الفسيح لنستخدمها في اللعب فقد تهجم علي أخواني مرات عديدة حتى أصبحنا لا نجسر علي تجاوز الحدود التي رسمها لنا. فتر حماسنا و كنت السباق في التمرد علي النظام الاقتصادي الذي اتفقنا عليه و امتنعت و أتبعني أخوتي من التبرع بمصرفنا اليومي لإطعام الكلب . بعد أقل من أسبوع اكتشفنا اختفاء البط و الأرانب و الدجاج و بقي الكلب وحده علي السطح ينبح .......... . .

أرجوا أن يتم علاج مبارك على نفقة الدولة فى مستشفى سيد جلال أو مستشفى أحمد ماهر التعليمى أو مستشفى الدمرداش أو القصر العينى الفرنسى أو الوحدة الصحية بكفر شكر ويجب أن يوضع مع المرضى المصريين المحشورين على أرضية تلك المستشفيات ويأكل من نفس الإناء الذى يأكلون منه ويأخذ نفس الدواء الذى يعالجون به كل هذا مقبول على نفقة الدولة أما صبغة الشعر فلا تكون على نفقة الدولة بل ستكون من مخلفات نظامه الذى أوصل هذة المستشفيات لهذا المستوى من التدنى فيجب أن يعاقب بعلاجه فى المستشفيات الحكومية وأن ينتظر دوره فى الحصول على قرار العلاج وكفى ما فعله بشعب مصر من ظلم وسرقة وتبجح

لن ارد على مداخلتك بشيء الا الله يكرمك الرجاء قراءة رد السادة الاخوة من بعدك ومن عندها ستعرفين كيف كانت ولما كان العنوان انتى يبدو انك لا تجارب لكى اتمنى ان تشعرى بما شعرت بة اختى فى التعليق التالى لتعليق حضرتك والله الموفق لو شاهدتى موقف يحتاج الى كلمة حق فلا تفكرى بالهروب فقولى الكلمة واتركى الباقى للخالق الديان

كنت عاوزة ثورة عشان مصر تستاهل احسن بكثييييييييييير من اللي كانت فيه عشان ابني ميجيش يوم يضطر يهاجر لان "مفيش أمل" بجد و لاننا سلمناهم تركة تقييييييييييلة يحاسبوهم علة مهلهم براحتهم خااااااالص .. معنديش مشكلة .. بس نحس بالجدية و نحس اننا بدأنا نبني بلد حرة قوية بجد مش هيحصل في يوم و ليلة .. عارفة بس نبدأ عارفين اللي حصل في جمعة التطهير و ما تلاها .. لعله خير عشان نركز بقى على المهم.. بدل هيافات كنا ابتدينا نتخانق عليها و نغرق فيها متفائلة ان الناس تفوووووووق و تلحق البلد بعد اللي حصل يا رب

معلش يا احبائى وأعزائى كنت بعافية شوية وكان ممنوع عنى اى شيء يسبب مجهود ولو الكتابة انا هحكى من الذاكرة الساعة السادسة والنصف تقابل مجموعة من الناس لا يعرف بعضهم بعضآ الا قليلآ كان فى استقبالنا الاستاذ المحترم عادل ابو ذيد ودة بقى راجل حكاية ادب وذوق وايضآ الاخ العزيز محمد رفعت ودة بقى زى الكريزة بتاعة التورتة حاجة بصراحة تفرح والاخ أحمد محمود هذا الانسان المحترم تراة كأنك تعرفة من زمان لية ضحكة حلوة ووجة بشوش ندخل بقى على الدسم والتقايل حاجة كدة زى الدهب البندقى قاعد امام القاعة بجوار الاخ احمد محمود والبريق فى عينة وشعرة بقى مش هقول خليها بينى وبينة بلاش بصراحة ناس جميعهم محترمين مش محاوراتية بقى ههههههههههههههه وكانت القاعة تكتظ بالكثير من النساء من الصحفيات من وكالات الاخبار والجمهورية والاهرام وبعض السادة الصحفيين المستقليين وتم الاول التعريف بالسادة منظمين الندوة والضيف وهو ناقد مسرحى الزهايمر اظاهر مسح اسمة من ذاكرتى وبدأت الندوة بالتعريف بالكتاب والمحاورات ومفهومها كصالون ثقافى يجمع كل اطياف الثقافة والتيارات الفكرية وتم الاشارة الى بعض مكونات او بالاصح أبواب الكتاب مع طبعآ النقد واثناء الشرح او النقد كان السادة الاستاذ أحمد محمود والاعزيز ابو محمد يشرحون للسيد ضيف الندوة الناقد المسرحى بعضآ مما يتم انتقادة من اراء لة على اى نقطة تتعلق بالموضوع الذى تم النقاش حولة وقامت قناة النيل لايف بالتليفزيون المصرى بعمل تصوير للقاعة وانفراد بالسادة عادل ابو ذيد ومن بعدة بالضيف الناقد ومن ثم بالأخ العزيز محمد رفعت ومن حسن الظروف ان المعدة للبرنامج او القناة كانت تتعرف منى على اسماء الاخوة وكانت تجلس بجوارى ونحن على اتصال ووعدتها بانى سأرسل لها مواضيع تخص المحاورات ان حبت ان تظهرها فى اى برنامج ثقافى قادم وهى بنت شابة شديدة الزكاء والحضور واسمها ياسمين شفيق بنت تشبة شباب الثورة كدة حاجة تفرح اممممم من دور بنتى ربنا يحرصهم علشان محدش دماغة تميل أة وبعد نقاش وتعليق من السادة المشرف ابو محمد والاخ احمد محمود تم التطرق الى اسئلة الاعضاء وتم نقاش حامى الوطيس بين احد الزملاء وهو مهندس واللة اسمة راح عن ذاكرتى لانة كان حاد مع الاستاذ عادل ابو زيد وكان الموضوع بخصوص تقريبآ اراضى الشباب وتم تدخل من المهندس ياسر الراجل الصعيدى العسل وضيعو علينا الوقت وكان عندى كلام وحديد كنت عايز اقولة بس خلص الوقت وتواعد كل من كان بالقاعة ان يكون هناك ندوة شهرية منها للتعارف ومنها لنقاش تنمية واشهار صالوننا الثقافى محاورات المصريين الحضور كان هناك عدد ليس بقليل من خارج المحاورات اما الزملاء فكانو كما قال ابو محمد فى مداخلتة وتم التعارف بيننا اثناء الندوة وبعدها وتعرفنا على الجميع وكل تمنياتى ان يتم اذاعة اخبار الندوة بالتليفزيون وهحاول اكلم المعدة امتى هيتم الاذاعة التليفزيونية دة كل ما فى ذاكرتى بس النهاردة معلش علشان انا لسة يادوب قادر اكتب تحياتى لكل من ساهم وحضر وشاهد وتجاوب وقرآ وسأل وكان من المحاورين فى مصر وخارجها وتمنياتى للجميع بالسعادة والتوفيق خارج مصر وداخلها اخوكم محمود مصطفى بعد 4ايام من ندوة محاورات المصريين الى القاء فى ندوة قادمة :cheer:

هو فيه ايه ياجماعة ؟؟ دى طريقة حوار ؟؟ ناس تدافع عن آراء ملهاش لاأصل ولا فصل وناس تقول عميل وخائن وجاسوس ومش عارف ايه؟؟ وايه حكاية ...انا من النصارى ....ياأغابى ؟؟؟ وايه حكاية انك تقولى كلام بيجرح على العلن ..رغم انك قولتيه ف رسائل شخصية ؟؟ وايه حكاية م.حكيم؟؟ وايه حكاية التقييمات السالبة اللى عمالين تدوها لبعض وكأننا هنا (( بنعاند بعض )) ومش عايزة اقول كلمة تانية .. عايزين الصراحة .... محدش فيكم بيحب مصر.. سامعانى ياأغابى ؟؟؟ سامعين كلكم ...سامعين .. كلكم بتتكلموا بس.بتتكلموا وبتكيلوا لبعض الاتهامات على الفاضى ... اتضح ان الأنفجار حدث من مخلفات الحرب ...يعنى حاجة قديمة .. وده ف حد ذاته..ملهوش أى دخل بالخبر اللى ف الموضوع . واتضح ان السلفية ملهومش دعوة بالأنفجار ده.. الله؟؟ بتضطرونى ارد على العلن...ليه؟؟ رغم الشكوى ...ورغم ان الموضوع بين اثنين من الأعضاء ...ووصلنا رسائل ...والصراحة يعنى حاجة تكسف فعلا ...وتراشق غير طبيعى بالألفاظ.. لكن؟؟ تحولوا ساحة الخلاف على العلن....؟؟ اذن...الجزاء من نفس العمل ..نرد بقى احنا كمان هنا.. كل واحد من حقه يقول رايه بالذوق والأدب وبدون أى تجريح.. كلنا مصريين.. مفيش هنا طائفية .. مفيش اضطهاد..مفيش اى كلام فارغ من ده.. واحنا فعلا فعلا مصريين ...ولا نحابى لاافغانستان ولا فسادستان ولا غلبستان ولا فقرستان ولا بلاوىستان .. فوقوا بقى ...حراااااام. مسمعتوش عن ديون مصر؟؟؟مشفتوش اللى حصل انهاردة ؟؟ محدش فيكم بص حواليه؟؟ انا بقى مش حقول تحت رجليه ولا للنجوم (( زى أغابى )) لأن تفكيرى بيختلف ...يمكن بحكم السن والخبرة والى شفناه وعصرناه. محدش حايهد أى تماثيل ولا أى معابد ..... ديننا دين بناء...مش هدم؟؟؟ لو كانت التماثيل لازم تتهد كان هدها عمرو بن العاص .. لو كانت الكنائس لازم تتلغى مكانش صلى على سلالمها عمر بن الخطاب .. اصحوا كدة وصحصحوا ......وروحوا اتناقشوا ازاى ترجعوا اللى اتسرق ...روحوا شوفوا حاتعملوا ايه.. ف اللى سرق مصر وخللاها نضيفة ....من اللى فوقها ...,واللى تحتها .. سرقوا اللى على الأرض...,اللى تحت الأرض .. حتى مقابر الفراعنة ..و...جثثهم...لم تسلم من اياديهم.. و.... لن يتم اغلاق الموضوع.. خللوه...شاهد على اختلاف المصريين . وأزاى بيسيبوا المهم..ويتخانقوا على اللاشئ . سلام.

لو جى على فيزا زيارة فعلا بيندفع مبلغ تامين بيسترد عند مغادرة البلد بس على ما اعتقد مش بيوصل 3600 دول تقريبا 1000 درهم او اقل كمان لكن لو فيزا عمل لا مفيش الكلام دة

تصدقي لسه جايب بص بطيخة من مركز سلطان من نص ساعة بالضبط؟؟ بس تعرفي بقى وانا معدي وسط الفواكه لقيت المشمش بيبصلي بصه استعطاف ولا هز مشاعري ورحت بالعند فيه اشتريت بطيخ بس في فروق مهمه اوي بين البطيخ والمشمش ان البطيخ لما بيتعصر بيبقى مسكر انما المشمش لما بيتعصر بيبقى مزز البطيخة ممكن تبقى قرعة انما المشمش شعره مغطي على عنيه وفي تشابه كبير بينهم ان الاتنين مش زتون خدي الشوية دول

هذا فيديو جميل لمدينة الشروق بيوضح المعالم وجدته على اليوتيوب منفذ من احد الشركات حبيت اضعه هنا لمن لا يعرف الشروق http://www.youtube.com/watch?v=WcUIicjkeTY