لوحة القادة

انا عايز اثبت الموضوع ده دعاية للمرشح الجديد فى المنتدى وواجبنا نسانده شوفوا المرشح ولا تقولى برادعى ولا عمرو موسى http://www.youtube.com/watch?v=-D09dabfG3U&feature=player_embedded#at=24

يا أستاذ : التونسي أنت زعلان مني أنا ليه الباشمهندس قالك الخبر موجود من إمبارح وهما هيرفعوا قضية على الجريدة الأمريكية مش على طارق حسن لأنه ناقل فقط وفعلا كتير من الأخبار ممكن تكون مش صحيحة زي الأخبار المفبركة على السلفيين مثلا وأنا خلافي مع الحركة دي وليد المواقف الأخيرة لها فقط وظهور بعض الأفراد بآراء غريبة وعدائية للجيش وبعض الاتجاهات اللي على الساحة وليس في الثورة ولا داعي للتفصيل حتى لا نخرج عن الموضوع وشكرا انا مش زعلان منك يا استاذ طارق .. ولا احب الشخصنه .. انا بس بأكد شئ مقتنع بيه حول تورة 25 يناير .. وبعدين لو الخبر ده صحيح .. دلالته ممكن تكون ان حركة 6 ابريل مدعمة بامريكا ((راعية الديموقراطيه والحريه المزعومه)) هى الاب الروحى للثوره .. وده مش حقيقى طبعا مع احترامى للحركه .. وللسلفيين وللاخوان والليبراليين .. هذه الثورة ليست لها اب روحى .. ليست لها جمال عبد الناصر .. ليس لها خومينى .. ليست لها جيفارا .. هذه الثوره معجزة سماويه .. تجلت فيها قدرة المولى عز وجل .. فقال للثورة ((كونى)) .. فكانت

http://www.youtube.com/watch?v=cWOf7mnbkM0

صباح الخيرات.. هذه خاطرة كتبتها فى موضوع آخر ولكنها توضح نفس فكرة موضوعك الرائع يامصرية متغربة . كنت...والآن. جمعة مباركة ان شاء الله. :give_rose:

انا من شباب 6 ابريل بس ارش كرهنى فى الحركة فتحولت الى حزب وطنى .

الفيلم روعه بجد ,, من تصميم مكتب امريكي متعامل مع دار الهندسة الاستشاري الخاص بمشروع خادم الحرمين الملك عبد الله بن عبد العزيز لتوسعة المسجد الحرام والعناصر المرتبطة بها http://www.youtube.com/watch?v=4-AfunY7rME

ازاي الراجل ده قاعد لغاية دلوقتي بعد الملفات اللي ظهرت بعد اقتحام مقرات امن الدولة بتثبت عليه ان احكامه كانت بتوجيهات من امن الدولة وبيتم احالة القضايا اللي عاوزها النظام باحكام معينه اليه ,, تخيلوا انه هو اللي بينظر قضية حبيب العادلي !!!

السلام عليكم ورحمة الله وبركاته هناك عبادات قلبية كثيرة أحيانا ننسها وتشغلنا الدنيا عن ممارستها ولكن هذه الأيام تمر بنا أحداث جسام لابد أن توقف عندها ونتأمل شئنا أم أبينا فإن سقوط النظام المصري السابق بجميع أفراده وايداعهم السجن للتحقيق لابد أن يكون شغل تفكيرنا .....نشعر بالفرح نعم نفرح بنعمة الله عز وجل أن نصر الحق علي الباطل ونشغل قلبنا بعبادة قلبية مهمة جدا قد نغفل عنها تحت وطأة الأحداث وتسارعها ألا وهي عبادة الإعتبار ..... بدلا من أن تجعل قلبك يمتلئ بالشماتة والكره (وهي مشاعر تؤذي صاحبها ولا تؤذي الطرف الأخر) أشغل قلبك بالتفكر في صفات الله ....المعز المذل .....المنتقم ......الجبار(يقصم الظالمين)...... المتكبر (عن أبي هريرة قال : قال رسول الله - صلى الله عليه وسلم - : ( قال الله عز وجل : الكبرياء ردائي ، والعظمة إزاري ، فمن نازعني واحداً منهما قذفته في النار ) ، وروي بألفاظ مختلفة منها ( عذبته ) و ( وقصمته ) ، و ( ألقيته في جهنم ) ، و ( أدخلته جهنم ) ، و ( ألقيته في النار ) . وتذكر بدلة مبارك التي كان مكتوب عليها اسمه) تفكر في اسم الله الرحمن الرحيم بأهل مصر طبعا هذه أمثلة للأفكار التي ممكن أن نتفكر فيها وأكيد ستجدوا أكثر منها داخلكم فلماذا لا نشغل قلبنا بهذا أحسن من الشماتة؟! قرأت مقالة بنفس المعني وأعجبتني جدا لد/معتز بالله عبد الفتاح بعنوان لحظات اعتبار

السلام عليكم اعلان لشركة فايزر .. طول ما انا بشوفه عمالة افكر في مصر و نفسي آخر جملة في الفيلم تبقى IN EGYPT, WE THINK 212 عمالة افكر .. درجة واحدة فقط اوصلت الماء للغليان و انتجت قوة البخار الماء راقبه الناس يغلي منذ آلاف السنين .. و حاولوا يستخدموه في توليد الطاقة من ييجي الفين سنة.. فقط منذ300 سنة بدأ المحرك البخاري يصبح حقيقة ملموسة و ليس اوراقا و مخططات تطلب ذلك تراكم خبرات بالتاكيد و ايضا عقلية و طريقة تفكير مختلفة الماء و تحولّه الى بخار ثورة مصر التي كان يمكن ان تفشل لو تراجعنا قبل خط النهاية لو لم نرتفع "درجة" .. و أن الاوان ان تتحول الى قوة دافعة و ليس مجرد "بخار" .. مهما كانت قوته تظل عاجزة عن توليد حركة بناءة دون تنظيم و حسن استغلال RISE ABOVE YOUR POTENTIAL THINK 212 https://www.facebook.com/video/video.php?v=10150548727260072 الفيلم به التعليق بالانجليزية -مكتوب و ليس مقروء - و له خلفية موسيقى و مؤثرات صوتية ممكن تشوفوه من غيرها بحبك يا بلادي :egyflag:

مقتنع تماما ان الفلوس والعز تاثيرها بيظهر على شكل الاشخاص ولو فرضنا ان مبارك كان مواطن عادي فلاح فقير فبالتأكيد شكله وهيئته وصحته لن تكون بهذا الشكل وهو في هذا العمر متيجو نشووف . . . . . . . . . . . . . . . . . . . . . . . . . . اكيد كان هيبقى ده شكله حب ياد على ايد ابوك الحاج مبارك

صباح الخير عليكم وجمعه مباركة ,, كنت عاوز افتح توبيك في قسم مواضيع خفيفة يكون مخصص فقط للتشات وده لعدة اسباب 1 - سهولة متابعة ماسبق من محاورات بين الموجودين 2 - ان يكون المكان الذي ينقل اليه المشرفون اي محادثات جانبية خارجه عن السياق زي ما حصل في اخر مداخلات في توبيك تحية للمجلس العسكري 3 - فعلا في وسط الهزار والتهريج بتثار قضايا تستحق التركيز عليها والمتابعه زي ماحدث ليلة امس لما المنتدى كله دخل على الغرفة لحد ماعلقت معانا :happy: فحبيت اعرف ايه راي حضراتكم قبل ما نبدأ للجميع التحية

الثوره تمت ..بتأييد ..ودعم ..وصناعه إلهيه..مع احترامى للمنظمات الامريكيه .. ولحركة 6 ابريل ..والاستاذ طارق .. والكل كليله

طيب ممكن حضرتك ياباشمهندس توضح لنا ملابسات هذا الفيديو بس بأمانة وتقول برضه رأيك بحيادية بصرف النظر عن انتمائك لحركة 6 ابريل

انا اما سمعتها وشوفت الفيدوي فعلا بكيت...إسمعوا المعانى كويس ربنا يرحم الشهداء لما بشوف مناظر الثورة بفتكرهم علطول... المجد للشهداء وتحيا مــــــــــــــصر http://www.youtube.com/watch?v=Fk_HJmPReLQ

اخى عبد المطلب موضوع اكثر من رائع وبصراحة فى وقته لان اثناء الثورة شركات كتيرة سرحت الناس اللى شغالة معاها واللى مازال فى العمل خفضت مرتباته هستاذنك ادخل معاك فى الكلام لو لاقيت حاجة عندى ممكن اضيفها (عندى خبرة قليلة بموضوعات السيرة الذاتية والانترفيوهات) وباذن الله تعالى هحاول اضيف بعض الوظايف فى الخليج (مع عدم مسئوليتى عن الشركة او الاتفاقات - هبقى مجردناقل للاعلانات وده بعد موافقة زميلى عبد المطلب) تقبلوا تحياتى

انا كنت حاسس انهم بيشتغلونا عشان الناس تهدأ لكن موضوع الشاذلي اللي محدش من الثوره جاب سيرته ويحققوا معاه لوحدهم اقدر اقول انا بحب المشير وعصام شرف والنائب العام

http://www.youtube.com/watch?v=3SnXNr_BUYA

فعلا كده نقدر نقول ان الشعب اسقط النظام

http://www.youtube.com/watch?v=VIAXn1tixDg رد عبد الرحمن يوسف القرضاوى على مرتشى مسعور .... جرىء ....جدا .... فاضلها ديل واحد فريد الديب .... علشان مرتضى يعمل توائمة وشراكة جوه طره .... انا الحقيقة ومن غير لف ولا دوران موش قادرة امنع نفسى من التشفى فى مرتشى مسعوووور

ياريت بجد أي حد معاه مستندات تثبت فعلا تورط شفيق في الفساد يقدمها فعلا للنائب العام دي أولوية وضرورة قصوي ترجمة الاتهامات إلي بلاغ حقيقي وقضية يتم التحقيق فيها لأن ياجماعة شفيق بيحضر لحملة الترشح للرئاسة وللأسف الشديد وإحنا كلنا مشغولين الفترة اللي فاتت هو جمع 230 ألف توقيع للترشح....وفي ناس كتير في الشارع مش مصدقة إن الرجل متورط في الفساد فالراجل فعلا له شعبية علي الأرض فياخوفي بعد الثورة والكلام الجميل ده كله نلبس في الحيطة وندبس في شفيق أو عمرو موسي في انتخابات الرئاسة القادمة لأننا كنا منشغليين بالثورة وماكنش في وقت كافي للدعاية عن انتخابات الرئاسة

كل يوم عن يوم بتأكد ان ثورة 25 يناير دى .. معجزه إلهيه .. وبتتجلى فيها كتير من أيات القرأن الكريم .. ثوره عدد اللى شارك فيها وصل لملايين البشر .. ورغم ده كانت بدون اى قاده .. وبدون اى اتجاه سياسى او ايدلوجى محدد .. ثورة تحدت فتن كثيره توقع اى بلد خللى اللى يخطط يخطط .. وخللى اللى يتأمر يتأمر .. وخللى اللى يحلم يحلم .. وخللى اللى يسرق يسرق ..وخللى اللى يبيع يبيع .. وخللى اللى يخون يخون.. وخللى اللى يمكر يمكر .. لكن برضه ارادة ربنا فوق كل شئ .. واللى مياخدوش من الثورة دى العظه والعبره يبقى يستحق اللى يجراله دنيا وأخره

يا خبر انا كل ده أحسب نفسي على خير و لا أزكيها على الله أما من جهة باحب السلام دي فطبعا طبعا طبعا ما باحبش المشاكل نهائيا مقلتش حضرتك خاطرتك ماذا كنت و كيف أصبحت؟ كنت سعيدا ولا اعرف اني في سعادة حتى سافرت واصبحت وحيدا تعيسا

توبيك لذيذ يا مغتربة كعادة مواضيعك الجميلة و اللي أكيد لازم تحرك حاجة جوانا هي فعلا كانت أيام جميلة جدا ثانوي و كلية بس أيامي الآن أحلى بكتييييييييييييير الحمد لله لا أريد التوقف نهائيا في وادي الذكريات حتى و ان كانت جميلة فالحاضر دوما أجمل عشان كده مش حأشارك بأغاني الفترة دي خالص حأشارك بالأماني الحلوة لحضراتكم جميعا بالسعادة و راحة البال لتعيشوا الحاضر بسعادة تستحقونها

برنامج ما يطلبة المسجونون معاك يا مستشار مرتضى .. تحب تسمع إيه ؟ مرتضى : أغنية " سي دي وصالك "

فى مثل هذا اليوم ا5 ابريل لسنة 1911 ميلاد الامام محمد متولي الشعرواي الذي .يعد من أشهر من فسر معاني (القرآن الكريم) في العصر الحديث وإمام هذا العصر حيث كان لديه القدرة على تفسير الكثير من المسائل الدينية بأسلوب بسيط يتناسب مع جميع المستويات والثقافات ولقب "بإمام الدعاة"..

في منتدي المطاريد موضوع مثبت اسمه يالانرغي حاجه زي الهايد بارك بتاعه شفيقه خش وقول اللي انت عايزه وميزته ان الحوارات محفوظه ومابضيعش مع انتهاء الشات ياريت لو نعمل موضوع زيه

آخر عبارات مرتضى منصور على أبواب طرة: (السى دى معايا) المستشار سامى زين الدين، قاضى التحقيقات، واجه منصور (سى دى) مقدم من أمير سالم المحامى يقول فيه مرتضى: «ياللا يا جماعة نروح ميدان التحرير»، ما اعتبرته النيابة «يحمل معنى التحريض على قتل المتظاهرين»، وذلك بالإضافة لمواجهته بالعديد من الأسئلة حول عدد الذين كانوا بصحبته أثناء الواقعة. منصور من جانبه نفى الاتهامات الموجهة إليه فى التحقيقات ووصفها بـ«الفيلم الهندى»، وقال إن أمير سالم ــ مقدم البلاغ ــ من أعدائه «خاصة أنه كان فى حزب الغد مع أيمن نور المحرض الأساسى فى البلاغ»، بحسب أدائه. وأضاف: «ما تم تقديمه فى السى دى 127 ثانية فقط، وحديثى استمر لأكثر من 9 دقائق ونصف الدقيقة»، وقدم «سى دى» لقاضى التحقيق وقال عنه إنه «السى دى الكامل»، مضيفا: «تم عمل مونتاج لما جرى ليتم اتهامى بهذه التهمة غير الصحيحة». وطالب مرتضى بالتحقيق فى الـ«سى دى» وتقديمه لخبراء من الإذاعة والتليفزيون لتقييمه، وقال فى التحقيقات إن «تقرير لجنه تقصى الحقائق التى تم تشكيلها من مجلس والوزراء الذى يضم أكثر من 1200 صفحة لم يذكر فيها اسمى نهائيا ولم يتهمنى أحد من بعيد أو قريب»، مشددا على أن له «مواقف عديدة ضد الحزب الوطنى، واتهمتهم بالتزوير، وعارضت النظام عبر الفضائيات، حتى قبل سقوطه، ولا يمكن أن أكون أحد المدافعين عنه أثناء الثورة، فأنا من وقفت ضد عز وجبروت الحزب الوطنى وتحملت الكثير وتم سجنى لمعارضتى الشديدة». وفى نهاية التحقيقات سقط منصور على الأرض وتم نقله فى سيارة إسعاف إلى مستشفى المعادى للقوات المسلحة، وقرر الطبيب المعالج احتجازه لمدة 48 ساعة لمتابعة ارتفاع ضغط الدم إلا أنه فى ساعة متأخرة من الليل تم نقله إلى سجن مزرعة طرة

شيخ الازهر يتبرع بكامل مرتبه منذ تعينه لدعم الاقتصاد المصرىبعد أن رفض تقاضي الحوافر والبدلات من قبل ويعمل الآن متطوعا د. أحمد الطيب طلب فضيلة الإمام الأكبر د.أحمد الطيب شيخ الأزهر من وزير المالية عدم صرف مرتبه الشهري مستقبلا لرغبته في العمل متطوعا لخدمة الأزهر والدعوة الإسلامية بدون الحصول علي أجر لذلك.. كما قام برد مرتب سنة كاملة منذ توليه مسئولية مشيخة الأزهر الشريف في مارس 0102.. وقام المستشار القانوني للأزهر المستشار سيد سلطان بتسليم وزير المالية سمير رضوان شيكا بمبلغ 73 ألفا و746 جنيها اجمالي راتب د.أحمد الطيب عن عام.. وأشار المستشار القانوني الي ان فضيلة شيخ الأزهر وكذلك المستشارون لا يحصلون علي أي مكافآت أو بدلات. http://www.masress.com/elakhbar/34601

( ويمكرون ويمكر الله والله خير الماكرين) ربما لايعلم الكثيرون بمطامع اسرائيل ومخططاها فى سبيل تحقيق ذلك ورغم انتشار هذا المخطط الصهيونى على شبكة النت الا ان الدول العربية مازالت غافلة بحكامها المتشبثين بالكراسى حتى ولو على انقاض وجثث شعوبهم كما الحال فى ليبيا وسوريا واليمن وغيره ولولا توفيق ربنا لثورتنا لكنا بلدا داميا اخر ينضم الى اشقائه. مايحدث فى العراق وافغانستان وتقسيم السودان واشتعال الفتن والانقسامات فى البلد الواحد ماهو الا بتخطيط الصهاينة وبيد ابناء البلد وشاء قدرنا ان تحكمنا ضمائر عفنة القت نفسها فى حضن اسرائيل ولم تكتفى ببيع نفسها لكن اردات بيع شعب باكمله ولكن ارادة الله فوق كل شئ ان يكشفهم قبل فوات الاوان طبعا الخسة والوضاعة ظهرت من بداية طبخ القوانين فى مجلس الشعب بدءا من تملك الاجانب الاراضى والشقق مرورا بقوانين الخصخصة التى اباحت بيع شركات استراتيجية كالاسمنت لتصبح ملكا لليهود باس الحكومة نهاية بحوافز الاستثمار التى جعلت يهود يشاركون فى شركات متعددة الجنسيات تدار باموال مغسولة كان فيها لاصحاب النفوذ والسلطة من نصيب مقابل غض الطرف وتجاوزات اضاعت البلد وافقرته ولقد تم بيع الالاف الافدنة فى مناطق خطرة منها سينا لمصريين مزدوجى الجنسية و بالتحايل سلمت ليهود بجنسيات اخرى غير الاسرائيلية كما حدث مع شركات الخصخصة فقد بيعت لفرنسيين وبرتغال و.... ولكن حقيقة امرهم يهود الحل الغاء قانون التملك للاجانب وسحب الاراضى التى بيعت بالتحايل عن طريق مصريين لجنسيات اخرى المبادرة بتعمير سيناء والجزء الشرقى باكمله لان هو السبيل لحماية بوابة مصر الشرقية عدم التساهل مع الجواسيس سواء مصريين او غير مصريين كحالة عزام والاعدام هو العقوبة الاحق رفض كافة اشكال التطبيع مع اسرائيل على المستوى الشعبى والحكومى مناقشة اتفاقية الغاز مع الوضع فى الاعتبار الغاءها الاهم من ذلك كلها الاستغناء عن المعونات الامريكية الجزرة التى تلوح بها امريكا لاخضاعنا لاسرائيل مراجعة اتفاقية الكويز ومحاولة الاستعاضة عنها بدول اخرى واسواق بديلة فتلك هى اذرع الاخطبوط التى لابد من قطعها وطردها من البلد

أكثر ناس إخلاصاً في مصر .. وسكوتاً على حقهم ... وتأدباً ورغبة في عدم إثارة أي مشاكل على مر سنوات طويلة .. بل بالعكس .. حالة إيثار على النفس ووضع مصلحة الوطن أولاً في منتهى الغرابة كل تلك الصفات تتجلى في " النوبيون الشرفاء " اللي تم تهجيرهم من قراهم اللي ساكنين فيها منذ الاف السنين ... وسكنوهم في كتل خرسانية قبيحة .. بعيدة عن شريان حياتهم وهو النيل بحجة بناء السد العالي وكأن هم وحدهم من كان يجب أن يدفع ثمن ذلك نيابة عن مصر وتعاقب على ظلمهم 3 حكام وحان الان وقت تعويضهم وبسخاء وبدون مناقشة أو من أو أذى أيها النوبيون الشرفاء .. أنتم حقاً جذورنا .. وأهلنا ... وأنتم حقاً " أصل مصر "

طيب و أيه الحل؟<br>إزاي ممكن نحمي الاراضي دي من تعدي الشركات دي عليها بالشراء القانوني لها في حين الملكية ستؤول ليهود !<br>يعني بفضل الله عندنا ناس واعيين للي بيحصل و مدركين للي بيتخطط له ..المهم رد الفعل حيكون إيه ..<br>لازم فعلاً يتم إلغاء هذا التشريع الغريب اللي بيتيح فرصة شراء أراضي مصرية من قبل مستثمرين يهود بحجة إنهم مشاركين في شركة مصرية ..<br>داه تشريع اتعمل قبل الثورة .. و أثناء التخطيط لبيع البلد .. يعني زي صفقة الغاز كدا .. و لابد من إلغاؤه<br>يعني مش بحجة التجارة العالمية و التطبيع يتم سرقة البلد و بيعها لليهود ..<br>

بيقولوا الشعب والجيش ايد واحدة سلمية سلمية نفس اللي كان شباب الثورة بيقولوه ... ايه ده مفيش ابداع خالص http://www.youtube.com/watch?v=8tRs7IZyuPM&feature=player_embedded

ايه ده حتعوروا تيمور انا بقولكم اه متقدرش ياعم ياسر انا واقف لكم اهو

صباح الخير يحكى انه في يوم من الايام .. قرر الادفايزر الهمام .. راعي الذمام .. ان يجمع المحاوراتيين والمحاوراتيات .. ومن منهم قد مضى ومن هو آت .. ووقف فيهم خطيبا .. وقال اننا قد جمعنا امرنا .. واستشرنا اهل الحل والعقد من المشرفين والمشرفات .. واصحاب اليد الطولى في المشاركات .. والحاصلين على اعلى التقييمات .. واتفقنا على اصدار ام المفاجآت .. كتاب يضم خلاصة المشاركات .. سابقة ما سبقنا بها منتدى في العالمين .. يحمل اسم محاورات المصريين لكن قبل ان نطرح الكتاب في الاسواق .. وقبل ان نوقع على طبع الاوراق .. طرأ لنا أمر لم نحسب له حساب .. أخر كما ترون نشر الكتاب لمن يعود ريع النشر ؟ .. ومن يتحمل هذا الامر ؟ .. ان اصطفيتها لنفسي قلتم .. قد آثر نفسه علينا ونحن من سود الصفحات .. وان قصرته على المشرفين قلتم باي حق هذه الامتيازات ؟؟ .. ولماذا استفردهم بالعطية .. ونحن نعيش اجواء الديموقراطية ؟؟ وان وزعتها عليكم جميعا .. قال احدكم اتتساوى حصتي انا .. الذي بلغت مشاركاتي قرابة الالفين .. بمثل من هو في المنتدى ابن يومين ؟ والحق اقول لكم .. اننا بمركز الاشراف لم نستقر على حال .. ولا عرفنا اجابة هذا السؤال .. فقال لنا ابو الاسيان .. وهو الحكيم المفوه اليقظان .. من قال ان المحاوراتيين يرفضون ان يقتسم الاشراف الغنائم ؟؟ .. فوالله ما عرفناهم الا كراما عن فتات الولائم .. فاطرح يا سيدي الادفايز بهذا المنتدى الاستفتاء .. ليقل نعم من رضى لنا بالغنيمة .. وليقل لا من يرى انها ظليمة .. وهكذا يستقر بنا الحال .. وتنهي هذا الجدال ايها المحاوراتيين الاشاوس .. دونكم وصندوق الاستفتاء .. اهجموا عليه هجمة من لا يرى صندوق بعده .. وليقل كل رأيه صفق الحضور طويلا .. واخذوا يهنؤون بعضهم البعض بأن قيض الله لهم مثل هذا الادفايزر .. الذي يستشيرهم بكل صغيرة وكبيرة .. وكل قضية خطيرة هنا قال الباشمهندس تيمور .. هي دي الديموقراطية .. هي دي الحرية :happy: اللي شفته بعيني النهاردة مش هايصدقوه اصدقائي في منتدى احباب الفوركس .. ولا اصدقائي في منتدى حركة 6 ابريل ولا اصدقائي في منتدى المعماريون ولا اصدقائي في منتدى صناع الحياة وهاقول لاصدقائنا وائل غنيم وانجي و اسماء محفوظ :happy: وقالت فتفوتة : صورت كل اللي اتقال وسجلته .. وهانشره في كل مكان .. في الفيس بوك .. تويتر .. شبكة رصد .. شبكة جن ازرق .. المهم انشره وقال تامر مصطفى : وانا هانتج افلام عن الخطبة دي .. اخيرا يا مصر .. اخيرا هتشوفي اولادك يعملوا ايه وقالت دامو : i am happy وقال سكوب وهو يغالب دمعة تأثر : يا سلام .. وانا اللي كنت اقول محاورات تايهة يا ولاد الحلال .. لقينا المحاورات خلاص اما ضحى فقد قالت بواقعيتها المعروفة .. وبتجردها الصريح : طيب دلوقتي خلونا من اجواء الزغاريط والزفة البلدي .. وخلونا نفكر .. هنقول ايه .. نعم ولا لا ؟ قالت اغابي : يا سلام يا استاذة ضحى .. بقى دي عايزة سؤال طبعا هنقول لا .. مش من حقهم طبعا يحتكروا الارباح ليهم .. ياما تعبت وسهرت وانا اكتب مشاركات .. قسم الصحة والنفساويات يشهد على كده .. واخرتها يوزعوها بينهم ؟ ياما حرمت نفسي من الغطا عشان يستغطوا .. ياما حرمت نفسي من العشا عشان يستعشوا قالت لماضة : والله مش عارفة انا اقول لا ولا آه .. يعني لو قلنا نعم مثلا .. يجرى ايه ؟ هما ياما تعبوا وما تنسوش انهم يشتغلوا من دون اجر .. زي ما بيقولوا دايما ( وش اي واحد من فريق الادارة صباحك .. حيرة .. ما تعرفيش تقولي معاها .. آه ولا لأ قال حسام .. حسام عبدالفتاح سابقا : حيرة ايه يا لمضة انتي .. هي دي فيها حيرة .. طبعا هنقول نعم .. مش عايز احصل صاحبي عنبي ومن خاف سلم .. انتي عارفة معناها ايه قولة لأ ؟ يعني هنخليهم يتفرسوا مننا .. ويقولوا بصوا .. اعطيناهم ديموقراطية واول ما جربوها جات على راسنا احنا .. انا من ناحيتي متنازل ياختي وهاقول نعم صرخ اركتكت : نعم مين يا روح والدك ؟ ؟؟ نعامة ترفس بمصارينك .. لا تنازل :happy: لا استسلام :happy: انا مجاهد .. مناضل .. ثائر .. من الخيمة قال التونسي : يا عمي ريحنا شوية من الشعارات الحنجورية بتاعتك .. انا هاقول نعم باة .. مش ناقصين وجع دماغ قالت مغتربة : لنعرض الامر على لغة الارقام .. المتخوفين من نعم يمكن يشكلوا نسبة تزيد او تنقص قليلا عن 50 بالمئة .. في هذه الحالة سيقف الاشراف عاجزا عن الحاق الاذى باللي صوتوا بلأ .. لان نسبتهم كبيرة .. يختلف الامر في حال الاغلبية الكاسحة .. وبلغة الاحصائيات .. فان المصوتين بلأ سيشكلون نسبة كبيرة لو كان الفوز لصالحهم .. يختلف الامر جذريا في حالة فوز المصوتين بنعم .. .. لان استقصاد المشرفين سينتفي بانتفاء العلة .. هذا اذا ما اخذنا بعين الاعتبار العامل المحفز لتصويت من قالوا بنعم وهو في حالتنا الراهنة الخوف من ملاحقة المشرفين وترصدهم لمن صوت ضد قرار انتفاعهم بريع الكتاب .. في كل الاحوال فإن المنطق البراجماتي النفعي للمصوتين بنعم قد لا يسعفهم بالضرورة .. لأن اوزاوز مقاطعا : يا ست بالراحة شوية الله يخليكي .. معاكي بصمجية بالمنتدى .. يعني الخلاصة ها تقولي آه ولا لأ ؟ مغتربة : سأقول لأ طبعا .. لكني ضد مبدأ استغلال الخوف من المشرفين للتصويت الديموقراطي .. التصويت الحر ينبع من قناعة بلا مؤثرات او ضغوط قالت هند علي : يارب نجتاز هذه الغمة .. وترجع لنا مصر زي ما كانت واحسن قال سمبا : ترجع مصر ازاي زي ما كانت يا مدام هند ؟ .. واحنا كنا عاملين ثورة ليه ؟ قالت هند علي : والله مش عارفة يا بني .. التصويت ده شكله مش هيجيبها لبر قالت لماضة : حبة تفائل كدا يا مدام هند .. هو التفائل ايه غير شوية مشاعر صايعة .. بتبص لقدام .. وتخلي لكل ضحكاية من قلب كل واحد مننا .. انشودة فرح تزغرط على بلكونة الامل .. لما يشعشع .. صباحك .. تفائل قد السما .. مغموس بالزيت الحار قال ايمن : عن نفسي هاقول نعم .. بس ليه تتخانقوا على حاجة لسه ما بينتش .. كل واحد يروح للصندوق ويقول رايهه اللي هو حر فيه قالت مصرية متغربة : مش فاهمة ليه فزاعة الاشراف والمشرفين .. عاملين زي الاولاد اللي هيشتروا كفن لابوهم وهو لسه عايش .. الاشراف مسؤولية .. حضارة .. الاشراف .. قوة .. الاشراف .. هو اني ادافع عن افكارك وانظمهالك .. مش اني اصادرها لأ .. وبعدين هاينوبنا كم ملطوش يعني .. ؟ هو احنا بنبيع كتاب لا تحزن ؟ يا ريت ما كنا عرضنا الكتاب من اصلو .. حزني والمي .. كبير .. مش عشان ان فيه ناس قالت بوشنا لأ .. بس لاني للاسف اكتشفت ان فيه ناس بعد كل تعبنا منهم .. يبصوا لنا بصات .. غريبة انا مذهولة .. مصدومة اغابي : ما تعيطيش يا اختي .. بس هيا دي الديموقراطية .. لازم تتحمليها وما يصحش تقولي اننا بنبنص بصات غريبة :angry2: رؤوف : هاقول نعم نعم نعم .. واللي مش عاجبه بقى يهوينا مصرية متغربة : اصيل والله يارؤوف.. :blush: دريم وذ مي : ممكن اقول حاجة يا ابلة مصرية متغربة بس بليز ماتخاصمينيش .. ينفع اقول لأ .. ؟ مصرية متغربة : دي حريتك الشخصية يا بنتي ..القرار لازم ينبع من ذاتك .. بس مستعدة تتحملي القرار ده ؟ دريم وذ مي : في الحقيقة .. أ .. أ .. مصرية متغربة : ماشي يا ستي .. قولي لأ .. بس خليكي فاكراها :glare: سمبا : ايه هو الارهاب الفكري ده .. يعني لو مش عايزينا نصوت بتاخدوا راينا ليه بالاول ؟؟؟ ابو محمد : اهدأ يا حاج .. مافيش حاجة للصوت العالي .. وبعدين صوتك بينرفزني .. سمبا : فيها حاجة يا سيد الناس لو قلت لأ ؟؟ انا هاقول لأ .. هاقول لأ ابو محمد : من حقك تقول لا بس مش من حقك ترفع صوتك كده .. عندنا بنات بالمنتدى سمبا : وايه دخل البنات برفع الصوت .. ؟ ايه الاستفزاز ده بأة ابو محمد : اهو انت كده بتشوشر على المصوتين .. وبتعطيهم ايحاءات ان اللي هيقول نعم ياعيني يبقى مسكين وضعيف وغلبان .. وان اللي صوته عالي هو البطل والثائر والافلام بتاعتكو دي سمبا : !! اناقلت كل ده .. ؟؟ امتى .. ؟ وبعدين ايه دخل ده بوجود بنات معانا بالمنتدى .. ابو محمد : اهو انت كده بتشتت الموضوع .. معليش .. الحوار كده ما ينفعش .. جويرية : انا هاقول نعم .. كبر راسك يا استاذ ابو محمد .. صوتي هيوصلك واقول نعم اما دول اللي بيقولوا لأ .. لهم يوم ان شاء الله شرف الدين : يا جماعة ما تستهدوا بالله بأة .. اللي عايز يقول نعم هو حر واللي عايز يقول لأ هو حر واللي مش عايز يصوت برضو هو حر ها تقلبوها غم ليه .. كومنق سوون : انى ارى رؤوسا قد اينعت .. وحان قطافها .. واني بأذن الله لمقتطفهامن جذورها سي السيد : ما تهدي اللعب يا كابتن .. جذور ايه .. وتقتطف ايه .. ؟؟ هو بردقان ؟ ده تصويت كومنق سوون : بردقان .. يوسف افندي .. مشمش .. زر بطاطا .. هذا لن يغير من الحقيقة شيئا سي السيد : حقيقة ايه ؟؟ كومنق سوون : ستعلم قريبا يا كبيرهم .. عن اذنك .. سأذهب للتصويت ---------------------------------- قال طائر الليل الحزين : اليها .. تلك التي ترنو بعينها في هدأة الليل لن انساكي .. ولاجلك .. واحتراما لمواثيق سجلتها خطانا حين كنا في سن الصبا سأظل وفيا للحظ عينك الشفاف في لغتي .. وسأسطر لكي .. يا أمة الله .. ابياتا اسكبها في اذنيكي ذات القرط المتدلي واقول لك .. وحدك .. سأصوت بلا .. فأنتي قراري .. ---------------------------------------------- غني الابيات السالفة زوهيري .. تحت عنوان ( من وحي الصندوق ) .. على عوده الرنان .. وعملت فتفوتة لها شير بالفيس بوك يتبع ..

كنت قد فتحت موضوعا منذ شهرين تقريبا وبالتحديد بعد تنحي الرئيس السابق بثلاثة أيام عنوانه (الثورة لم تنته بعد ... احذروا الثورة المضادة) واليوم أعود فأقول: الثورة لم تنته بعد ... لأننا أنهينا مرحلة الهدم وشارفنا على الانتهاء من مرحلة التطهير وبقيت المرحلة الأهم وهي مرحلة إعادة البناء والبناء الذي أعنيه هنا يشمل بناء النظام السياسي على أسس سليمة من الديموقراطية والنزاهة والمشاركة الايجابية. وبناء الاقتصاد المصري بعيدا عن منظومات الفساد والمحسوبية والاحتكار ليكون اقتصادا قويا متنوعا واعدا. والأهم بناء منظومة القيم الأخلاقية والسلوكية التي تعرضت للتجريف على مدى عقود ... ولا أعني هنا فقط الأخلاق والسلوكيات بمعناها الدارج الذي يقصد به عادة ما يرتبط بالعلاقة بين الجنسين بل الأخلاق بمعناها الواسع التي تشمل الصدق والأمانة والنزاهة واحترام قيمة الوقت والإخلاص في العمل والتسامج وغيرها من القيم النبيلة. مصر الأن أصبحت ملكا للمصريين بعد أن كانوا مجرد سكنة لها غير مرغوب بهم في معظم الأحيان ... فلنحافظ على ما نملك ونسعى جاهدين لتطويره لنترك لأبناء وطنا يتشرفون بالانتماء اليه.

الاختلاف فى الرأى لا يفسد للود قضية .

طب يا عم السقا الواحد مبقاش عارفلك سقا ولا مهندس و لا الثورجي الوحيد ف الامة و لا ايه ظروفك بالظبط حاول ترجع تقرا المقالة بخط احمد و تحاول تربك بينها و بين مداخلتك شيء غريب و الله

في قاموس حياتي لا يوجد إلا أحب و لا أحب أبتعد قدر استطاعتي عن شعور الكراهية تجاه أي شيء ما لا أحبه ابتعد عنه أو أبعده عن حياتي و بالطبع أبعده عن تفكيري و بالتالي لن أستطيع التحدث عنه حتى لا أستحضره في تفكيري يبقى فقط في تفكيري ما أحب و هو ما أملأ به حياتي أحب الله تعالى أو أحسبني كذلك أحب الحب في الله و لله أحب السعادة أحب الحياة أحب زوجي و أولادي أحب أهلي و أصدقائي أحب البشر على اختلاف ألوانهم و ثقافاتهم استطعت مؤخرا أن أتصالح مع نفسي و أحبها كما هي....نعمة من الخالق عز وجل....أحبها لأحافظ عليها و أرعاها و لا أستجيب لأهوائها حتى لا تدمرها وتدمرني معها أحب الجمال أحب الألوان... و أيضا الأبيض و الأسود أحب طبيعتي التي خلقني الله تعالى عليها كثيرا و لكني أيضا أحب مستحضرات التجميل و العناية و العطور و المشغولات الفضية و الأناقة و أحب الحقائب و الحافظات و الفولار ... بالمعقول ... فلست أسيرة مرآتي أحب البحار والأنهار و السماء و الأشجار و الزهور و الطيور و صغار الحيوانات أحب الأماكن التي أتوحد معها و أشعر فيها بالألفة أحب البيوت الأنيقة و البسيطة في نفس الوقت ... مرتبة ونظيفة ... يعجبني جدا الطراز الياباني أحب الطعام اللذيذ و المصنوع بعناية ... أحب أن أطهوه بنفسي و احضره بطريقتي و إضافاتي و بهاراتي و أعشابي المفضلة أحب الأكواب بأنواعها و أشكالها و الوانها ... أحب أواني الطبخ و أدواته أحب الأدوات المكتبية و أوراق تغليف الهدايا و أكياس و علب الهدايا و الكراسات و الأقلام ... أحب ورق الطباعة الأبيض و أحب الكتابة بالأزرق مع الأحمر للتحديد و الأخضر للفصل بين اللونين أحب الكتب و اقتنائها و تقليب صفحاتها ...مهما كان إغراء الكتب الالكترونية لا تزال متعتي في كتاب حقيقي أحب هاتفي المحمول و لاب توبي و الام بي ثري الخاص بي

دعوة لجمعة " المحافظين بالإنتخاب " وجمعة اخرى " العمد ورؤساء المدن بالإنتخاب " مستعدين؟

فهمتنى ..يا بشمهندس .... مع انى ببرطم ... وكل لبيب بالاشارة يفهم ...

في رأيي ... التشكيلة المثالية لحكم مصر في الفترة القادمة هي رئيس ليبرالي معتدل وبرلمان إسلامي معتدل ونظام مختلط فيه توازن بين صلاحيات الرئيس والبرلمان وكنت قد دعوت منذ فترة طويلة لتحالف البرادعي والبسطاويسي باعتبارهما أقوى المرشحين من تيار الإصلاح وأضم اليهم الدكتور عبد المنعم أبو الفتوح كنائب ثان للرئيس لمزيد من التمثيل والمشاركة للقوى الإسلامية في مواجهة مرشحي النظام القديم عمرو موسى وأحمد شفيق ومرشحي المؤسسة العسكرية وأنا أدعو الإخوان للتراجع عن قرارهم المنافسة على نسبة محدودة من المقاعد والنزول بمرشحين في كل دوائر الجمهورية لقطع الطريق على مرشحي الحزب الوطني والمال السياسي لأن الفترة المتبقية لن تكفي الأحزاب للاستعداد وبناء قواعد شعبية مؤثرة وأدعو جميع القوى السياسية لدعم مرشحي الإخوان في الانتخابات البرلمانية ... على أن يتعهد الإخوان أمام الجميع بأن يسعوا لإشراك جميع التيارات السياسية في القرارات التي تمس مستقبل الوطن مثل صياغة الدستور ووضع قوانين ممارسة العمل السياسي.

الشهيد...على ماهر 17 سنة استشهد يوم 9 ابريل الفجر اثر رصاصة حية اثناء فض الاعتصام فى ميدان التحرير بالقوة

مبارك: إنتو فاكرين الثورة أثرت عليا؟ أبسلوتلي.. أنا اللي أثرت ع الثورة.. الثورة عملتلي دماغ ودماغ جامدة كمان. مصر دلوقتي عاملة زي أوضة واحد عازب، كل حاجة مش في مكانها، القميص في التحرير والشبشب في مصطفى محمود.. والجزمة في شرم.

من ضمن الألغاز ليه فى جامع ابراهيم كانت الهتافات فى "جمعة التطهير" فلسطينية .. وراجع راجع ؟ ياترى سمعت هتاف "ثورة .. ثورة حتى النصر" ده فين قبل كده ؟ ليه أعلام فلسطين كانت مرفوعة بشكل ملفت فى ميدان التحرير ؟ ليه تحولت المظاهرة فى أواخرها من مطالب التطهير إلى حصار السفارة الاسرائيلية ؟ هو المطلوب إيه بالضبط من الجيش ؟ .. تطهير مصر من الفساد أم دخول الحرب مع اسرائيل ؟ .. ولا تطهير غزة من الفساد .. ودخول الحرب مع مصر ؟ مجرد أسئلة بتيجى فى عقلى وانا باحاول افهم اللى بيحصل

اللى حصل امبارح مش مفهوم لغايت دلوقتى لاى حد فينا -المظاهرات كانت ماشية الصبح كويس غير شوية احتكاكات عالمنصة ونزلوا علاء بسيونى وفيه ناس بتقول انهم حاولوا الاعتداء على صفوت حجازى...مع انى شوفته كمل الخطبة من غير ماحد يقرب له وبصراحة كلامه كله كان مع مطالب الثورة - بعد العصر وفجأة كده بعض المتظاهرين قعدوا يحمسوا بعض انهم هيروحوا عند السغرة الاسرائيلية وينكسوا العلم الاسرائيلى وفعلا كان مكتوب ان فيه حد طلع عالمنصة وحمسهم على كده والصور موجودة للمتظاهرين ادام السفارة الاسرائلية رفعوا علم فلسطين على مسجد فعلا ادام السفارة والجيش كان سادد السفارة واقفين عليها بيأمنوها -شوية وضباط جيش طلعوا المنصة وطلعوا كارنيهاتهم ادام الكاميرات عشان يثبتوا هوياتهم -بعدها حاول احد عناصر الجيش والشرطة العسكرية انه ينزل الضباط اللى عالمنصة لكن الناس دافعت عنهم واخدوهم قعدوهم فى الخيام المنصوبة -المظاهرة كملت لغاااااايت الساعة 3 بالليل وابتدت الاحتكاكات تقريبا بين الشرطة العسكرية والجيش وفيه ناس بتقول انهم اخدوا بعض الضباط اللى انوا معتصمين عالمتحف المصرى - وقت حظر التجول الساعة 5 ومش غارفة يمكن من قبلها سمعنا طلقات الرصاص اللى كانت فى التحرير....طلقات رشاشات فى الهوا بطريقة مرعبة ومتظاهرين بيقولوا ((سلمية.....سلمية)) -والامن المركزى كان مشترك مع الجيش فى فض الاعتصام الجزيرة من الساعة 3 وهى بتنقل لايف كل اللى حصل طلقات نارية وناس بتجرى وخيام بتنفض بالقوة - وفجأة ربعد ماخلص وقت حظر التجول ببص عالشاشة لقيت حريق فى مدخل المترو وعربيات جيش بتولع والجيش بيتراجع وبيسيب الميدان هو والامن المركزى - وابتدت تطلع الصور بتاعة الرصاص الحى اللى مالية المواقع دلوقتى ومنظر الدم اللى عالارض مرعب - التليفزيون المصرى بيذيع فيلم عن مزارع العنب وفجاة فاقوا وقالوا ان قيادة جيش بينفى وقوع شهداء او وفيات يعنى - الصحة بعدها بساعة تطلع تقول ان واحد مات و17 مصابين -رويتر تقول اتنين ماتوا و71 مصاب - اون تى فى اتنين ماتوا و71 مصاب معظمهم كدمات واختناقات وهكذا ايه التخبط ده وايه اللى حصل ولصالح مين ياعااااااااااااااالم خلصونا وحاكموااااااااا مباررررررررك واعوانه وقتلة الشهداء وحلوا الحزب الوطنى اللى دلقوتى اعترفتوا انه هو المُخرب الاساسى فى مصر يارب النصر لمصر يارب انصر المصريين على اعدائهم يارب رد كيدهم يارب انت اللى عالم بينا وبشهدائنا اللى ضحوا انصرنا يااااااااااااارب

السلام عليكم اعلم ان الرد متأخر والموضوع قديم لكنيفي منتهي السعادة لرؤية هذا الكتاب لاني مازلت اذكر صفحاته ودروسه درس درس امل وعمر ونرجس وحازم وبم بم بسبس جرت ودروسه الحقول تجري وتجري ونشيد افتح الباب سعيد انه عمي فريد وكانت اصعب كلمة في الكتاب كله بالنسبة لي كلمة بسبس وتذكرت مدرسة الشمس وابلة زينب وزملاء صفي ياه شكرا يازهرة الجبل علي هذا السبق الصحفي والتميز ونتمني باقي الدروس لاني حفظتها في ملف واشاهدها مع اولادي

السلام عليكم و رحمة الله و بركاته عارفة يا دريمي كنت دايما لما اقرا عنوان اي كتاب و فيه عدد محدد يعني مثلا"100 طريقة لتصبح سعيدا"....(20 خطوة لتصبح ناجحا في عملك)..."كيف تسعدين زوجك في 33 خطوة" دايما اسال نفسي....طب هو ليه عدد....يعني مين قال ان حاجة زي السعادة او النجاح او الرضا نقدر نحطهم في عدد؟؟؟ لكن لما لاقيتك بتضفي عليهم من تاملاتك الخاصة....بجد اختلف معايا عارفة ليه لاني مصدقة جدا اني مافيش خريطة جاهزة لكل المعاني الروحانية اوي اللي صعب تتمسك مافيش وصفة متجربة.....لكن فيه عين بتقدرتلقط تفاصيل قد يكون مر عليها اخرون و لم يتوقفوا....و فيه عقل بيتلقف تلك التفاصيل مهما كانت متناهية في الصغر...و يضعها في مكان ايجابي....و فيه عزيمة بتصحي جوه الواحد حلم مهما تراكمت عليه الضغوط....و فيه ايمان....بيخلي الواحد طاير علي جناحين من الرجاء و الخوف توبيك قيم جدا جدا....مش عشان بس الكتاب....عشان التاملات الشخصية اللي بتطرق علي عدد لا متناهي من ابوابا السعادة و اللي هي موجودة جدا حوالينا لكن مصرين ندور عليها في ابعد مكان توقفت عند مداخلة "مغتربة"....و الكتاب الرائع...."افتح النافذة ثمة ضوء" الكتاب ....من عنوانه....يوحي ان بداخله طاقة ايجابية ستجعلك قادرة علي اعادة قراءة المفردات ليصنع كل منا كأسا ذا مذاق خاص جدا للسعادة مفهوم السعادة لي في الاية القرآنية "و الذين أمنوا و عملوا الصالحات و آمنوا بما أنزل علي محمد و هو الحق من ربهم كفر عنهم سيئاتهم و أصلح بالهم"- سورة محمد: آية 2 اهو انا كلما اقرا الآية ديت...لازم اتوقف عند "أصلح بالهم"....و ادعي من كل قلبي يعني دايما الواحد بيتخيل ان جزاء المؤمنين هي الجنة.... بس ان تكون الجنة هي راحة البال...ياااااه ده كده ممكن الواحد يلاقي جنته في قلبه في الدنيا....اللي تساعده انه يستعين بيها في طريقة لجنة الاخرة باذن الله و برضه قعدت اسال نفسي....لا دي مش بس راحة البال.... دي صلاح البال....يعني عارفة لما تبقي حاجة كده متكسرة....هشة....قابلة للتحطم.... من جزاء ربنا.....صلاحها...تجبيرها...ترميمها....الا تحمل بداخلها سوء نوايا....و لا ضغائن مخبئة....و لا افعال تنافي الاقوال و اللي بدورها مغايرة لما في القلب عارفة بقي انا هعمل ايه....انا همسك كل خطوة انتي قولتي عليها....و اشوف يا تري....هلي هي بتساعدني اني اكون من المؤمنين...اللي جزاؤهم...."و أصلح بالهم" و يا رب يرزقنا جميعا طاعة....تقربنا منه....و من عطاؤه اللي بيمنحه بما يليق به سبحانه و تعالي دريمي عجبني التوبيك.....و جزاكي الله كل خير مسااااكي....نافذة تأمل....فثمة سعادة...داخلنا....و ليست خارج النافذة

الله عليكي يا مغتربة ...مشاركاتك باسم الله ما شاء الله تحفة ومثرية الموضوع بشكل جميل جدا شكرا علي مشاركتك فعلا بهذه الكلمات المضيئة عجبتني جدا فعلا الانسان تلاقيه عمال تاعب نفسه عشان عايز حاجات معينة ومتخيل أنها هي اللي هتخليه مبسوط بالرغم أنه بينسي يستمتع بالحاجات اللي موجودة عنده بالفعل... ربنا يهدينا ويصلح بصيرتنا فكرتي اليوم عن السعادة من الأمور المعينة علي السعادة برمجة عقلك الباطن علي الأفكار الايجابية التي تجلب السعادة في كل لحظة. ومن أقوي الطرق لبرمجة عقلك الباطن علي الأفكار الايجابية هي استخدام التوكيدات وهي عبارة عن جمل ايجابية تكررها علي نفسك بصوت مسموع وأحيانا يكون هذا التمرين أمام المرآة وأنت تنظر في عينيك لتقوية المشاعر. من التوكيدات التي جربتها وشعرت معها فعلا بفارق كبير في نفسيتي وسعادتي في كل لحظة مجموعة من التوكيدات كتبتها في ورقة وأكررها كل يوم بمجرد استيقاظي من النوم صباحا. فعلا ستشعر بفارق في طريقة التفكير خلال عشرة أيام. أقل مدة لاستخدام التوكيدات 14 يوم لكني لازلت أرددها وأعدل فيها كل فترة وأصبحت عادة ايجابية لي أن أذكر نفسي كل يوم صباحا باستراتيجيتي للتعامل مع الضغوط اليومية. أتمني أن تجربوها وتقولوا لي علي النتيجة. التوكيدات هي: بسم الله ، اصبحنا واصبح الملك لله والحمد لله لااله الاهو وحده لا شريك له واليه النشور اللهم اني اسألك خير مافي هذا اليوم وخير مابعده واعوذ بك من شر مافي هذا اليوم وشر مابعده أنا سعيدة هذا اليوم أنا أعيش دقائق يومي أواجه المخاوف واتشجع أتقبل الواقع ولا يعيقني شيء عن ذلك أقوم بعمل التمارين الرياضيه وأعتني بجسدي وآخذ قسطا من الراحه لا اسمح لأحد أو لشيء أن يجعلني غير مرتاحة اقوم بعمل خير ولا اخبر احد عنه الإبتسامه تظل على وجهي حتى إذا اعترضني مالا احبذه لا اكترث بالأمور الصغيرة أضع برنامج مبسط ليومي وأنفذ ما استطيع منه اتوكل على الله واتقيه وارجوه وادعوه احافظ على جميع الصلوات في وقتها والدعاء بعد كل صلاة ليس هناك مايخيف، القدر خير مطمئن ، القدر صديقي إن الله لا يضيع عمل عامل ولا يخيب أمل آمل.

السعادة و الهناء : - حتى نعرف جوهر السعادة لا بد أن نعلم أن هنا فصلين للرواية الحياة الدنيا و هي الأقل شأناً و الأقصر و الآخرة و هي الأهم . - من استقام أسعده الله في دنياه ( فلنحيينه حياة طيبة ) النحل / 97 . - كل امرئ يحتاج ليحيى حياة طيبة إلى وصفة خاصّة ، لكن مع هذا فإن بين الناس امور مشتركة ، و من هنا نستطيع أن ننتفع بالخبرات و التجارب التي تعلمنا كيف نواجه إدراكنا . - و من موجبات الأخوّة أن يساعد بعضنا البعض على إدراك ما يجلب الهناء و راحة البال . - علينا أن نكون واقعيين حتى لا نقع في التهويل و لا في التبسيط ، حيث إن مفهوم السعادة مفهوم غامض و يكاد يكون سرّاً أودعه الله في الإنسان . - لنضمن السعادة نحتاج إلى علم مطلق بكل شيء ، فإن لم نستطع ذلك تبعنا طريق من عنده علم كلِّ شيء و هو الله تعالى . - العلم الكثير لا ينفع بدون وجود الحكمة فقليل من الحكمة تكفي و لو مع قليل من العلم . - بين السعادة و اللذة فارق أشبه بالفارق بين الإنفاق الفوري للمال دون إبقاء شيء و بين تكوين رأس مال و احتياط للأيام القادمة . - خير وسيلة لبلوغ السعادة هي أن لا تتخذ السعادة غرضاً مباشراً و هدفاً ، لأنك إذا فعلت ذلك كان الهناء بالنسبة إليك مثل فريسة يخظئها الصياد كلما سدد إليها . - السعادة ليست شيئاً واحداً تحصل عليه فتحصل السعادة و إنما هي منظومة متكاملة من عدة أشياء . - المال و مثله وسيلة تساهم في سعادة الناس ، و الرجل بلا مال هو رجل فقير ، لكن الأفقر منه رجل ليس لديه إلا المال . - لكل شيء وجهين مشرق و مظلم ، فكن ممن لا يرى إلا المشرق و أعرض عن رؤية المظلم . - الشهرة وهم لا يأتي بالسعادة . - النجاح ليس هو سفينة النجاة من الشقاء و ليس طريق المسرّات ، لي الفلاح هو طريق ذلك و الذي يعني الطيبة و الصلاح و يرتبط بالفوز الأخروي ، مع عدم التقليل من شأن النجاح . - النجاح مثل النفوذ يساعد على الحصول على السعادة و الانشراح إذا استخدم استخداماً صحيحاً . منغصات السعادة : - من منغصات السعادة اتجاه المرء إلى اتخاذ الملذات أساساً و رأس مل جوهريّاً للحصول على السعادة حتى صارت السعادة لدى الكثيرين في التسلية و المرح و النزهات و هذا كله لا نتجاهله إن كان بطريقة مشروعة لكن لا يكون أساساً للسعادة . - معرفتنا بالأسباب التي تجر للشقاء اهم من معرفة الأشياء التي يجعل حياتنا طيبة سعيدة ، لأننا إن تخلصنا من الشقاء شعرنا بالسعادة . - أكبر مصدر لتنغيص الحياة هو ضياع الهدف الأسمى و النهائي الذي وجدنا من أجله على الأرض و هو الفوز برضوان الله تعالى و الخلود في الجنان . - السأم و الملل و الضجر من الأعداء المهمين للحياة السعيدة و الذي يخيف أكثر ليس السأم من الروتين اليومي بل السأم الذي يخيم على النفس و يستولي على الشخص في معظم أوقاته . - الرجال العظام كانوا دائماً يقومون بأعمال كثيرة تبدوا مملة للآخرين و عقيمة ، و الإنجازات العظيمة تحتاج إلى الحياة الهادئة المنظمة و ليس إلى الحياة المتقلّبة و المثيرة . - للسأم ميزة جميلة و هي أننا لولاه لأصبنا بالإرهاق من فرط النشاط و الاستجابة للمثيرات المختلفة فهو يشكل فترة استجمام ، و لطالما كان مقدمة لنشاط عظيم و انطلاقة هائلة . - الرجل العاقل في الحقيقة لا يقل فرحه بما لديه لأن شخصاً آخر أوتي شيئاً يزيد عليه فيتخلّص من الحسد الذي هو أحد منغصات السعادة . - العجب و الغرور و الكبر أدواء مترابطة متعالقة ويظن المصابون بها أنهم في حالة حسنة مع أن العبودية لله تعالى تتطلب الانكسار و التذلل بين يدي خالقه . - العجب يسهم في إفساد الحياة الاجتماعيّة و يضعف حركة التبادل في المشاعر و الأفكار . - الشعور بالاضطهاد و التآمر و قهر الآخرين واحد من الأمور المهمة في فساد متعة الحياة و هؤلاء الناس نفضوا أيديهم من أي عمل إيجابي بنائي لأنه في نظرهم ليس مجدياً فلا يقومون بتقييم أحوالهم و نقدها و إصلاحها ، و مثل هؤلاء الأناس: الأناس الذين يشكون نكرانهم للجميل . - العمل يشكل للإنسان وسيلة و هدفاً في آن واحد ، و الاحتياط المهني معناه تعدد اهتمامات المرء و تعدد المهن التي يمكن أن يعملها إذا حالت الظروف دون أحدها . - منحنا الأهميّة الزائدة لأي موضوع يسبب لنا الإزعاج و الخوف لذ ضع الأمور في نصابها دون إفراط و لا تفريط . - الطمع حين يتحكم بإنسان يحوّل نبله و مروءته و ذكاءه إلى شيء يشبه البلاهة تارة و الدناءة تارة أخرى . - المتشائم يعيش في نكد دائم لأنه بين أمرين : نكد يصيبه و نكد يتوقعه ، و المتفائل يرى الاحتمالات المشرقة . - الكسل الذهني و عطالة العقل عن التفكير بالأشياء النافعة و المهمة توقع في الملل ؛ العدو الأول للسعادة . - إن لم تحاسب نفسك فقد تركت هامشاًُ للأخطاء فتؤاخذ من قبل الآخرين . - درّب نفسك على مواجهة القلق و الإرهاق و الخوف حتى تتخلص من الأوهام التي تقتل طاقاتنا . - آن الأوان لإعادة فحص كل الأفكار و كل المفاهيم التي تجعل حياتنا مضطربة و قلقة و بائسة . - لا تهتم كثيراً بأن تبدوا لائقاً اجتماعياً بل أعط لذلك قليلا من الاهتمام فقط . - لا تفكر في مشكلات و أمور تزعجك إلا إن علمت أن هناك جدوى من التفكير بها . - الكبر أعظم شراً من الغرور و العجب لأنه يشتمل عليهما و يزيد بخصلة قبيحة و هي رد الحق أنَفَةً من اتباعه . - القرآن الكريم يعلمنا أن المشكلة ليست في تسلط الأعداء لكنها في ضعف دفاعنا و التزامنا بأمره تعالى . - علينا أن نعلم أن القلق لا يجرّد الغد عن مآسيه لكن يجرّد اليوم من أفراحه . - تنويع الاهتمامات شيء جوهري في طرد الملل . - مهما تكون أحزاننا عميقة فهي تحفّزنا للعمل و الارتقاء . الحياة الهانئة : - الإيمان هو المحور التي يدور حوله عدد من الأمور المؤثرة في السعادة ، و ليس المقصود به مجرد التصديق بوجود الله تعالى بل هو الشعور و ميل القلب و الأنس به سبحانه و الاطمئنان بذكره عزَّ و جلّ . - روحك كانت طليقة قبل مواجهتها للجسد فحرّرها الآن و أطلق روحك من المادّيات . - طاقاتنا محدودة و أوقاتنا و قدراتنا محدودة ، لذا كن صاحب توازن بين هذا و بين ما تريد الوصول إليه . - القناعة و الرضا بما قسم الله للعبد باب كبير من أبواب السعادة لأن إصرار المرء على أن يحوز كل شيء ضرب من الجنون . - أكثر ما يؤذي أحاسيس الرضا و الطمأنينة أن نضعها موضع الشك و التساؤل و ذلك حين نسأل أنفسنا : هل نحن سعداء ؟ فالسعادة تحب الغفلة و تكره الأضواء . - أجمع خبراء الحياة و أساتذة الحكمة على أن العمل و الكدح مصدر أساسي من مصادر الحياة الطيبة ، و العمل مهما كان صغيراً يساعدنا على اكتشاف أنفسنا و امتحان قوانا و قدراتنا . - العمل الهادف الجاد لا يحقق السعادة إلا إذا أدي بإتقان و تنظيم . - أكثر الأشياء بعثاً على الرضا في هذا العالم ما تحمله و نذيعه من الأفكار السارة و اللطيفة و الإيجابية . - استبشر و بشّر غيرك و امرح و اجعل غيرك يمرح دون إسراف و لا استخفاف بعزائم الأمور . - إذا أدركت شيئاً ما و حكمت عليه فتمهّل قليلاً ....أدرك إدراكك . - كثير من الحقائق يظلّ قابلاً لأن نفسه تفسيرات متباينة و متضادّة ، فلنكن و نحن نقوم بذلك أوفياء لعقيدتنا و مبادئنا و قيمنا النبيلة التي نؤمن بها . - في تعاملنا مع الظروف المحيطة بنا نحن بحاجة إلى بذل الجهد و العمل المثابر كما أننا بحاجة إلى الإذعان و التكيّف . - إذا استقبلنا منغصات الحياة على أنها ضرورية للشعور بالهناء بعد انقضائها فإن تلك المنغصات تبدو أقل إيذائا للنفس و تكديراً للخاطر . - المرء لا يشقى و لا يحس بالتعاسة و القلق إذا وجد قلباً يخفق مع قلبه فكيف إذا وجد عشرات القلوب . - لنمنح الحب و العطف و الاهتمام و لكن دون أن ننتظر من الآخرين التجاوب الفوري الحار . - علينا ان ننمي في انفسنا حب العمل التقيّ الخفيّ الصامت حتى نكسر من شوكة الأنانية المتجذرة في نفوسنا - من الممكن أن ننظر إلى تحمل الآخرين و غض الطرف عما بيدر منهم من هفوت على أنه اختبار للحب . - قال يحيى بن معاذ : ليكن حظّ المؤمن منك ثلاثة : إن لم تنفعه لم تضره ، و إن لم تفرحه لم تغمه ، و إن لم تمدحه لم تذمه . - للتبسم تأثير هائل على الحالة النفسيّة للإنسان على نحو لا يدركه كثير من الناس . - من طبيعة السرور أنه ينتقل بالعدوى بل لا يتم إلا إذا جرى فيه التبادل . - للسعادة رافدان : البساطة و عدم التكلف ، و الطيبة و حسن الظن . - قال صلى الله عليه و سلم (( من أحسن إليكم فكافئوه فإن لم تستطيعوا فادعوا له )) - مما يعكر صفو الصداقة و الأخوّة الأحكام التي نصدرها على بعضنا دون الالتزام بالأدب الإسلامي فيها . - الأصدقاء يوفرون لنا أشكالاً من الهناء و الأمن و التواصل و الدعم المعنوي و هذا شيء مهم في جعل الحياة طيبة . - اقتبس من المقدمين و أصحاب الخير معاني الإقدام و الاستمرار في العمل و نشر الخير و الصبر على المكاره و مقاومة الإحباط و الثبات على المبدأ اسم الكتاب : عش هانئاً . المؤلف : عبد الكريم بكّار .

معلش يا نانسي ومعلش يا بنت النيل انا عيزة اقول حاجه هنا عن تجربه مماثله للسن ده انا شفتو بعنيا محدش قالى وانا بقف في حيرة من الامر ده فانا على معرفه باسرة الام بتتبع اسلوب انها تدي مساحه من الثقه و مصحباهم وبتسمعهم وكل تمام زالام حسه ان كل شيء تمام وميت فل وعشرة وان صداقتها اثمرت كويس جدا لكن لاه انا الي شيفه الجانب الاخر البنت برضو بتخبي وبتداري وبتخرج وبتكلم وبتعمل كل حاجه وتقول لمامتها ان عندها درس او او او او انها بتكلم فولانه وده مش صحيح وانا الي ببقا شيفه بعيني وبسمع والبنت مش بتخاف مني وقفشتها كذا مرة ونصحت بس عمرى مستجريت اروح اقول للام لاني بعتبرها فتنه بس البنت عادي تقولك حاضر وتوعد وابص الاقي لسه مشيه مش مظبوط فالي عيزه اقولو ان الام متديش كل الثقه ولا تسيب الحبل على الخر وتقول دول خلاص صاحبوني الجيل ده صعب اوي بجد وغير كده لاه لازم نعرفهم اننا بنفتش وراهم وان لو معرفتش منك هعرف بطريقتي بلاش تقولو بفتش وراكي دي بس دايما فهموهم ان ليكم طريقتكم بس انا معنديش بنات انا كلهم صبيان ونفسي يكونلي بنات بس ساعتها ربنا يكون في عونهم مني لاني مش هرحمهم!!!!