لوحة القادة

معلومات خطيرة وخفيفةّ | عن الفيـــــــــس بـــــــــــــــوك.. مفيش حاجة اسمها تعرف مين بيشوف بروفايلك علي الفيسبوك ...... مفيش مكالمة هتجيلك على موبايلك و تجبلك سرطان . مفيش جروب هيبعتلك رصيد ببلاش الرسام الدنماركى لسة عايش و متحرقش. مفيش حاجة اسمها تعرف مين مخفي او مين مسحك علي فيسبوك لو اشترك عشرومية مليون واحد في جروب اسرائيل مش حتسيب فلسطين مفيش حاجة اسمها خلى بروفيلك يشغل موسيقى مفيش حاجة اسمها تحداني مسيحي ان اجمع 10 مليون مسلم خلال اسبوع لو دوست على الموس مرتين او دوست لايك مش هتشوف معجزة مفيش حاجة اسمها هنرجع فيسبوك القديم مش هتكسب مليون دولار ولا هتقبض 300000 دولار كل شهر من شوية ضغطات على بانرات واعلانات سخيفة !!! وان مش معنى ان نجمة داوود بتنزل مع الأوفيس يبقى اسرائيل اخترقت جهازك وهتسرق منه المعلومات النووية اللى سيادتك مخبيها كان فيه جروب منتشر اوي عايزين 30 مليون واحد عشان نحط الفانوس علي جوجل ولما نحط الفانوس علي جوجل يعني المدفع هيضرب بدري؟؟ لو انت مبعتش الرساله دي لكل الناس مش هتاخد مليون سيئه يطالبوا بإقامة الحد على خالد النبوي عشان متصور مع ممثلة اسرائيليه مش مصدق مدى الجهل والتخلف يعنى ايه جهل ع الفيس بوك : يعنى تلاقى سيد كاتب نكته و محدش يعبره و لا حتى يعمله لايك .....و بعد شويه ايمى تكتب نفس النكته و تاخد عليها 25 كومنت و 30 لايك و 20 فريند ريكوست و 10 رسائل اعجاب بدمها الخفيف تلاقى واحد بيقولك تحدانى يهودى انى اجمع 100 مليون مسلم كان شاف اليهودى فين ولا اللى يقولك لو بقينا مليون واحد مسلم فيه اتنين حيعلنوا اسلامهم على اساس ان مصر مفهاش اكتر من70 مليون مسلم و هوا مستني المليون دول ؟ استرجل من غير ما تشرب بيرل اصل مش ده يعني الي هيخليك راجل الاعلان دة غبي جداً لان عدد البنات اكتر من عدد الولاد في مصر وبيزيدوا يعني هييجوا في يوم من الايام محدش هيشرب بيرل أروش حاجه إبر الإيدز اللى محطوطه فى كراسى السينمات اصلا فيروس الايدز لو فضل بره الجسم تقريبا ساعه بيموت امال ازاي كان ع الابره بصراحه المفروض تتحط فعلا فى كل السينمات اللى بتعرض أفلام السبكى مفيش حاجة اسمها لو جمعنا مليون واحد هنعمل بطيخ من غير بذر و لو بعت الرسالة ل100 واحد حبيب قلبك مش هيحس بأى حاجة و لو اهملت الرسالة أكيد بردوا ميكى موس مش هيزعل منك و لو بعتها برده بوكيمون مش هيجيلك يلا قولو ورايا من قلبه وروحه مصري والنيل جواه بيسري تاريخ ارضه وبلاده بيجري جوا دمه من قلبه ورورحه مصري قولها 5 مرات وهيطلع لك بكار في الحلم قولها 10 مرات وهيطلع لك بكار ومعاه حسونه في الحلم سترى بكار بالألوان و سيأتيك كابتن ماجد و احتمال النينجا ترتلز.، أرسلت إلى شخص و اهملها فانقعطت عنه قناة سبايس تون، شخص آخر ارسلها فرزق بشريط ميكى ماوس الأصلى ، و آخراهملها فتحول إلى بوكيمون،و آخر مسحها شاف النجوم فى عز الظهر احذر لقد اهملها شخص من قبلك فتحول الى رشيدة م ن ق و ل

واضح ان الموضوع متاصل جدا فى الجنس الانثوى ايا كان يعنى مش بس البشر هما الى بيعانوا من كده لكن واضح ان حتى الطيور كمان بصراحه لسان حاله كانه بيقولها يا ستى اسكتى شويه هلكتينى :) :) :) :P اقفلى بوقك شويه ايه دوددودودودودودودود

دى صوره من مجله قديمه اسمها مجله الجيل فيها لقاء بسيط مع الفتاه ذات الخمسه عشر عاما سوزان ثابت اللقاء بتتكلم فيه عادى يعنى زى اى بنت فى سنها قبل اعراض تضخم الذات ما تسيطر عليها و تنقلها للاسره الكريمه :closedeyes: :closedeyes: و دا الخبر منقول الحاجه الوحيده الى اتفقت فيها مع الصحفى كاتب الخبر ان احنا فعلا تذكرنا الاسم دا كويس قوى قوى بس يا ريتنا ما تذكرناه و لا عرفناه اساسا فى يوم من الايام :) :)

معلش خليهم يتسلوا

السؤال واضح كما فى راس الموضوع تقدم لخطبة ابنتك رجل وسالت عليه وجدته لم يسجد لله قط سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه وهو لما يقتنع هيصلى هل ستزوجه ابنتك السؤال ده ستبعه اسئله بس انتظر اجاباتكم اجابتى انا:ارفض تزويج بنتى لرجل يحمل هذا الفكر

النمل إقتحم منزلى:protest: .. ويعبث بضراوه الان .. وب استهتار... ولا مبالاه .. فى مطبخى :sad: .. الظاهر ان ده الموسم بتاعه .. او يمكن عشان موجة الحر دى .. النمل طلع من بياته الشتوى .. المهم انا دخلت ادور فى النت على طريقه لصد ذلك الهجوم المباغت .. ولاقيت الموضوع الظريف اللطيف الطريف ده .. اتمنى يعجبكم .. وبالمره بقى حد يقولى خبرته مع النمل .. والطريقه الامثل للتخلص منه النمل جيوش مدربة .. ذكية وتتعلم .. لدرجة أنها بتحمى مخلوقات تانية! .. ومنهم النوع البلطجى الذى يطلب الإتاوة والدفع له مقابل خدماته .. يعنى باختصار عالم تانى وعالم محترم جدا .. وهو نعمة لصالح بلاد ونقمة فى بلاد! ففى الصين النمل الأحمر يفيدهم فى تقليب التربة الزراعية وتهويتها .. أما فى أمريكا فهو نقمة لأنه يأكل كل شئ حتى كابلات الكهرباء (بيستاهلوا ) الوقاية خير من العلاج .. لو أن البيت نظيف ولا يحتوى على فتات الطعام ففرصة انتشار النمل أقل .. ولكن للأسف النمل برضه لو البيت كان فل الفل لا يرحم. نظريات كتير خرجت لمكافحة النمل والقضاء عليه .. ولم نستطع سوى قتل القليل من النمل! .. وهنا استعراض سريع لبعض النظريات: نظرية الشريط اللاصق: بتثبيت شريط لاصق على الشقوق فى المنزل وحول الأبواب .. ولكن النمل الذكى كان يأخذ الطين ويضعه على اللاصق مما يعطل عمله! نظرية سيب وأنا أسيب:أساس النظرية أنك تعطى النمل حقه وهو يسيبك فى حالك ..جيب كل يوم شوية أكل وحطه أمام البيت فياكل بره البيت ويسيب البيت فاضى .. نوع من التكافل والتوازن البيئى .. نظرية أديله بالشبشب لحد ما يبان له صحاب: أفشل نظرية .. أيه الغباء ده هو الشبشب هيضرب مين ولا مين .. وبعدين جحر النمل هيفضل يطلع نمل! نظرية طنش تعش: ودى للناس الكسلانين .. سيب النمل يعيش معاك فى البيت ولا تعمل له حاجة بس الخوف إنه فى يوم يطردك من الشقة (: نظرية الرشة الجريئة: عن طريق رش المبيدات (خصوصا الباف باف فيليت الذى يستمر ويستمر ويتوغل وينتشر ويقتل - بس بيقتلك أنت (: ) وكما قلنا أنه الآثار الجانبية للحاجات دى أخطر من النمل بمراحل! نظرية اسمها حط له السم فى الأكل: آه خياااانة .. أنك تشترى المنتجات السامة دى على شكل حبوب .. مشكلتها لو عيل صغير طفس أكلها .. تخسر عيل صغير علشان نملة؟ بلاش أحسن نظرية المكنسة الكهربائية: نظريه فاشلة لأنك لن تقضى على المصدر! نظرية لاقينى ولا تغدينى: ودى دليل على اليأس .. الفكرة أنك تخطف نملتين من وسط كل 10 نملات .. تقتل نملة وتضرب نملة .. وترجع النملة المعتقلة دى للجيش تانى علشان تروح وتحكى لملكة النمل عن وحشية البنى آدم اللى رايحين ياكلوا أكله .. بس المشكله أنه النمل ممكن يضحى ولا يهمه. نظرية يكش تولع (وفى رواية اسمها: على وعلى أعدائى): ودى مصيبه لأنها فاشلة جدا .. إنك تجرى ورى النمل بالبلطة أو المنجنيق أى حاجة كبيرة كده علشان تكسر جحورهم .. بس النتيجة البيت يا إما هيتهد أو أنت تكسره كله .. وبرضه النمل هيعيش! طيب والحل .. الحل أيه عقدتنا فى عيشيتنا؟؟ أيه طرق مكافحة النمل؟؟ ما هو العلاج؟ ببساطة شديدة وبعد عدة تجارب .. كالعادة، فالمكافحة البيولوجية هى أساس الحل الجذرى للمواضيع المتعثرة .. وهذه صورة العلاج: اسمه آكل النمل Anteater ويتغذى على أكثر من 200 ألف نملة فى اليوم .. حظ سعيد ويا ريت الجيران يشتركوا معك فى الحل لأنه لو مأكلش النمل ده كله هيزعل أوى وباين من الصورة أن زعله وحش.:blink: جربوا اى طريقه وادعولى

لا ما تقلقش مش هديك سالب ثاني انت خلاص قربت تجيب بترول الموضوع ليس له علاقة بالرؤى الشخصية بل هو خبر إما أنه صحيح أو كاذب ... ونحن أمام ثلاثة احتمالات - إما أن الخبر صحيح بالفعل والفريق صادق فيما يقوله وبالتالي يجب تقديم مبارك للمحاكمة - وإما أن الخبر صحيح والفريق بيفتري على مبارك وبالتالي المفروض تقديم الفريق للمحاكمة - وإما أن الخبر كاذب وبالتالي ينبغي تقديم الصحفي الذي فبركه للمحاكمة لأنه نشر أخبارا كاذبة ونشر إشاعات بهدف إثارة البلبلة معليش هو طنطاوي اللي كان هيسوق الدبابه ويضرب نار على المتظاهرين أي قائد عسكري لو كان أصدر أمرا كهذا لم يكن لينفذ إطلاقا لأن الضباط والجنود في الشارع سيمتنعون عن التنفيذ وارجح أن المجلس الأعلى للقوات المسلحة بأكمله رفض تنفيذ الأوامر مش بس طنطاوي لعلمه أن تنفيذها معناه نهاية الجيش كمؤسسة وطنية ودخولنا في دوامة ليبيا وطبعا لو كان الرئيس أقال المجلس الأعلى كان هيحصل انقلاب عسكري في خمس دقائق والدبابات أساسا موجوده لي الشارع وجنب القصر الجمهوري يعني مش محتاجه تطلع من وحداتها دي أجمد نكته سمعتها ... بقى الناس اللي سرقت عربيات الشرطه هي اللي كانت بتدهس المتظاهرين ... طيب ليه؟؟؟ ما المفروض المتظاهرين دول مؤيدين للثورة وضد الشرطة هما كمان. إش حال لو ماكانتش اللجان الشعبية مسكت ناس لابسين ملكي وراكبين عربيات شرطه وبيضربوا نار على الناس في الشوارع يوم 28 بالليل وطلعوا من قوات الأمن المركزي ... كذلك البلطجية اللي هجموا على الناس بالمولوتوف يوم موقعة الجمل كانوا افراد شرطه الظاهر حضرتك بتتفرج على التلفزيون السوري اليومين دول كثير لما بيقولوا مسلحين جايين من المريخ هما اللي بيضربو الناس بالنار والشرطة الغلبانه بتحمي المظاهرات ... ههههههههه أول مره أعرف إن مصر دولة محتلة ولها حاكم عسكري ... طول عمري أعرف ان لها رئيس مدني منتخب وبعدين مبارك فقد شرعيته مع أول شهيد سقط في الثورة وقراراته لا قيمة لها لدي الشعب ... فحظر التجوال اللي فرضه ده زي عدمه وهو الوحيد اللي كان ملتزم به في مصر وسلامة الكيبورد

المشروعات الربحية تختلف عن المشروعات الخيرية المشروعات الربحية كما هو واضح تهدف إلى الربح والمشروعات الخيرية لايبتغى من وراءها سوى المساعدة والتى لاتهدف لتحقيق أى عائد. من كلامك فانت تتحدث عن مشروعات ربحية ، يعني بيزنس Business is Business وعندما نتحدث عن قرض لعمل مشروع ربحى فيجب ان يستفيد المقرض والمقترض والعلاقة فى هذه الحالة اما ان تكون : علاقة شراكة بالنسب التى يتفقون عليها بدون داعي للقرض أو نسبة ربح معقولة للمقرض بعد عمل دراسة جدوى يتفق عليها الطرفان. وفى القروض لايوجد شيئ اسمه ضمانات شخصية بسيطة أو شيكات أو كمبيالات او ايصالات أمانة ، مثل هذه الأشياء يرددها البسطاء الذين لم يدخلوا عالم المال بعد ، وكم ضاعات أموال على أصحابها بسبب الثقة فى شخص المقترض وكم ضاعت أموال مقابل شيكات وايصالات أمانة. عايز قرض اسأل فى صناديق دعم الشباب او جمعيات رجال الأعمال ، لاتكن أناني وأبحث عن شريك أو ممول بقسمة ربح عادلة ، ولكن لاتجلس وتنتظر ان تجد من يعطيك قرضا لوجه الله.

شوف يا عم الحاج اولا الراجل المتقدم للبنت المعترف بتركه للصلاة ولم يكذب عليك راجل محترم ونقدر صدقه ثانيا نحاور هذا الرجل بالمعروف لان الخلاف بين العلماء في كفر تارك الصلاة كفر اكبر مخرج من الملة ام كفر نعمة والحوار ده مش عشان يجوز البنت لا لا لا لا ده عشان ينجو من نار جهنم

حكمـة سقـراط اشتهر سقراط بحكمته البالغة. في أحد الأيام صادف الفيلسوف العظيم أحد معارفه الذي جرى له و قال له بتلهف: "سقراط، أتعلم ما سمعت عن أحد طلابك؟" "انتظر لحظة"رد عليه سقراط "قبل أن تخبرني أود منك أن تجتاز امتحان صغير يدعى امتحان الفلتر الثلاثي "الفلتر الثلاثي؟" "هذا صحيح" تابع سقراط: "قبل أن تخبرني عن طالبي لنأخذ لحطة لنفلتر ما كنت ستقوله. الفلتر الأول هو الصدق، هل أنت متأكد أن ما ستخبرني به صحيح؟" "لا" رد الرجل، "في الواقع لقد سمعت الخبر و.. "حسنا"قال سقراط، "إذا أنت لست أكيد أن ما ستخبرني صحيح أو خطأ . لنجرب الفلتر الثاني، فلتر الطيبة. هل ما ستخبرني به عن طالبي شيء طيب؟" "لا،على العكس..." "حسنا" تابع سقراط "إذا ستخبرني شيء سيء عن طالبي على الرغم من أنك غير متأكد من أنه صحيح؟" بدأ الرجل بالشعور بالإحراج. تابع سقراط: "ما زال بإمكانك أن تنجح بالامتحان، فهناك فلتر ثالث، فلتر الفائدة. هل ما ستخبرني به عن طالبي سيفيدني؟" "في الواقع لا." "إذا" تابع سقراط "إذا كنت ستخبرني بشيء ليس بصحيح ولا بطيب ولا ذي فائدة أو قيمة، لماذا تخبرني به من الأصل؟" تذكـر هـذه الحكمـة كلمـا حاولـت أن تنشـر أي إشاعـة منقول

للاسف اكتر الناس لما بتجوز بناتها مبتسألش بيصلى ولا لأ لكن بتسأل عنده شقة حيقدر يجيب شبكة ؟ ! حيدفع مهر كام حتى لو عرفوا انه مش بيصلى او يمكن مش بيصوم كمان بيضحكوا على نفسهم ويقولوا مسيره ربنا يهديه ويصلى لانهم بيشوفوا ده ذنب يتحمله هو لوحده لكن لو فقير ده ذنب حتشيله بنتهم قليل اللى بيدور لابنته على واحد يتقى ربنا وده اللى ضيع الدنيا وخلى الاخلاق فى انحدار دلوقت افتكر والدى ربنا يرحمه كان يقول خدوهم فقرا يغنيكم ربنا لو اجوزكم لبياع فجل بيراعى ربنا ويصنكم احسن من غنى ميحافظش عليكم انا مش دايم لكم والحمد لله كان نظرته صح الفلوس تيجى وتروح فى اى وقت لكن التقوى لو راحت عمرها ماترجع ابدا

فيلم وراء الشمس سنة 1978 كان ممنوع من العرض و هو يشبه ما حدث في ثورة مصر... http://www.youtube.com/watch?v=KPFGLIjtAss&feature=player_embedded#at=232

طيب ازاى ؟؟!! اذا كانت من تحمله بين جنبتها امرأه ومن ترضعه امرأه ، ومن تعلمه الحبو امرأه ومن تستقبله فى الحضانه ثم المدرسه امرأه ومن تضع فى رأسه مفاهيم الكون امرأه وزميله الدراسه والعمل امرأه ثم شريكة الحياة يضع رأسه على كتِفها ويبكى وهى نصف المجتمع .................. الحلو طبعا.

أفكار تستحق الدراسة والإحترام

السلام عليكم أنا عارف ان المحاورات كلها بتكره تيمور..طبعا من عمايله السودا...بقي خلاص واحد من أرباب السوابق تاريخ ميلاده 19 أبريل أنا عارف ان كلكوا مش هتنسوا التاريخ ده.. المهم..كنت عاوز أقولله كل عام و أنت الي الله تعالي أقرب و أطال الله في عمرك..و كتب لك السعادة في الدنيا و الآخرة

الرقابة الإدارية تؤكد تضخم ثروة مبارك وعائلته 18-4-2011 | 14:45 كشف تقرير هيئة الرقابة الإدارية الذى تسلمه المستشار عاصم الجوهرى، رئيس جهاز الكسب غير المشروع، عن تضخم ثروة الرئيس السابق حسنى مبارك ونجليه علاء وجمال وزوجته سوزان ثابت بصورة كبيرة لا تتناسب مع دخلهم. http://gate.ahram.org.eg/News/61528.aspx

خلاص يا جماعه احنا هنلغي يوم 19 ابريل من تاريخ البني ادمين و نسميه اركتك داي كل سنة و انت خانقنا كل سنة و انت الشلل كله كل سنة و انت بتكرهنا ف شهر ابريل ذات نفسه مش الحركة و بس يوووووووووووه سامحني يا تيمور انا اللي ف قلبي علي لساني كل سنة و انت طيب يا تيمور و ربنا يخلي الرجالة و يهديها يا ابو عمو عاشت المراغة و رجالة المراغة

و ماله يا اخي نذبح ذبيحة كتر الله من الغنم في مصر شايفك يا لئيم ياللي بتضحك هناك ... متخفش مش قصدي علي الغنم اللي انت فهمتها قصدي علي غنم حقيقية بجد من ام 4 رجول و قرنين و كده يعني

الحمد لله إن الفكر ده فردي .. وليس فكر عام .. وإلا كانت مصر أصبحت ولا الصومال في فترة قياسية لا تتعدى أيام وأنا أربأ بأشخاص مثقفين إن يكون ده تفكيرهم .. وأقصد بالتفكير هنا " ليه فلان ما أتشنقش لحد دلوقت ؟ اه عشان مسيحي وحماية يا عم ؟؟؟؟؟؟ " مثلما ذكر أحد الزملاء من قبل - مش فاكر مين - بس ممكن يكون مشترك معانا في هذا الموضوع .. أصلها تابوهات ولا تتغير لديهم وهم لا يريدون تغيير أنفسهم .. قال بالنص " وزير المالية المسيحي يوسف بطرس غالي " في موضوع لا علاقة له بالدين ... الم يحدث هذا ؟ اخلاقنا وديينا بيقولوا إيه بقى ؟ عامل الناس كما يحبوا أن يعاملوك حب لاخيك ما تحبه لنفسك هل حد فيكم أيها السادة يرضى او يقبل يكون في دولة ما ويتقال له " هاتوا لي الجدع المسلم ده اما نشوف إيه حكابته ؟ حتى زميلنا أبو عمر اللي في السعودية هنا ... يا راجل ده الواحد دمه بيتحرق لما حد ينده له ويقول له : يا مصري يبقى ليه تستنكر التمييز ... وفي نفس الوقت تمارسه مع غيرك ؟ نجيب ساويرس ... كرجل اعمال مصري ... تضخمت ثروته وتوجد حوله شبهات ما ومستندات تُدينة .... يبقى يتحاكم بالقانون ويتشنق لو مُدان مش عشان مسيحي يا أفاضل .. ولكن عشان شخص مُتهم ومُبت عليه التهم بشكل رسمي لكن نبقى حلوين وكبار ومثقفين ونلعب على وتر الدين وننساق وراء أفكار هدامة من عينة : قاطعوا شركة موبينيل للمسيحي نجيب ساويرس .. حصل ده ولا ؟ تبقى كارثة .... -------- عاوزين تعرفوا ثروتة تضخمت ليه ؟ قارنوا شطارتة كرجل اعمل وتاجر بخيابة الحكومة الحرامية اللي مشرفه في طره دلوقت تخيلوا إن كل المصانع المنتجة واللي كانت بتجيب دهب واللي الحكومة باعتها .. ما تجيش نص صفقة بيع ساويرس لنصف أسهمه في شركة أسنت يمتكلها في مصر .. بصوا كده ده كان فس 2007 على فكرة وصفقة واحدة فقط

اللهم أغفر له و ارحمه و اعفو عنه و أكرمه - اللهم وسع مدخله و ادخله الجنة و غسله بالثلج و الماء والبرد - اللهم يمن كتابه و هون حسابه و لين ترابه و ثبت أقدامه و ألهمه حسن الجواب - اللهم طيب ثراه و اكرم مثواه واجعل الجنة مستقره و مأواه - اللهم نور مرقده و عطر مشهده و طيب مضجعه - اللهم آنس وحشته و ارحم غربته و قه عذاب القبر و عذاب النار - اللهم نقه من خطاياه كما ينقى الثوب الأبيض من الدنس - اللهم فسح له في قبره و اجعله روضة من رياض الجنة و لا تجعله حفرة من حفر النار - اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء - اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض - اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين - اللهم إن كان قد أحسن فزد في إحسانه و إن كان قد أساء فتجاوز عن إساءته - يا أكرم من سئل و يا أوسع من جاد بالعطايا … خفف أحماله و حط من أوزاره واجعله في مقام من قام لك بالقرآن أناء الليل و أطراف النهار - اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا - اللهم من أحييته منا فأحييه على الإيمان و من توفيته منا فتوفه على الإسلام - اللهم إنا نسألك توبة قبل الموت و راحة عند الموت و مغفرة بعد الموت - اللهم اجعل لنا عملا يؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران -اللهم اجعله ووالديه من السبعين الفا الذين يدخلون الجنه دون سابقه عذاب ولا حساب - اللهم هب لنا نفوسا مطمئنة تؤمن بلقائك و ترضى بقضائك تقنع بعطائك - اللهم أغفر لحيينا و ميتنا و شاهدنا و غائبنا و صغيرينا و كبيرنا وذكرنا وانثانا و جميع المسلمين و المسلمات الذين شهدوا لك بالوحدانية و لنبيك بالرسالة و ماتوا على ذلك - اللهم اجعل خير أعمالنا خواتيمها و اجعل خير أيامنا يوم لقائك - سبحان ربك رب العزة عما يصفون و سلام على المرسلين و الحمد لله رب العالمين - الفاتحة "و صلي الله على سيدنا محمد و على آله و صحبه و سلم"

أنت نسيت تقول أن نسبة التصويت 41.19% يعني غالبا هما النسبة الغير أمية أكيد لكن لا تغفل أن نسبة الأمية العالية مشكلة كبيرة حتي للشيوخ نفسهم لان التعصب وعدم اعمال العقل هو المشكلة بيان رصد |قنا| بيان من متظاهري قنا يندد بالاعلام المصري الذي لازال يعمل على التعتيم والتفرقة بين المصريين وطمس الحقائق وتزييفها : "نحن متظاهروا قنا نؤكد رفضنا للمحافظ ليس لكونه قبطيًا ولكن بسبب تبعيته لجهاز الشرطة وتورطه في قتل المتظاهرين بالجيزة.. وندين وصف وسائل الإعلام لاحتجاجاتنا بأن السلفيين هم من يقودونها فمن يقود مظاهراتنا هو دمنا الصعيدي الحر الذي يرفض من قتل اخوتنا بالجيزة مسلما كان او مسيحيا" #RNN 9:26 PM

لو مش بيصلى مش هاجوزه بنتى اكيد مستحيل لكن لو بيصلى مش شرط اجوزه بنتى برضو يعنى مش بالصلاه بس هجاوزه بنتى حاجات تانيه مع الصلاه كتير هل بيراعى ضميره فى عمله ولا غشاش ولا مرتشى ولا بيزوغ من الشغل يعنى الفروض مهمه و لازم تكون منعكسه على حياته بصوره عمليه

تفتكر ممكن يا عنبوا ده يحصل ؟ يعني هل من المنطق انهم يحصوا المغتربين ويفرضوا عليهم مرتب شهر ؟؟ وهل المغتربيين كلهم هايوافقوا ؟ وله ده هايبقى غصب عنهم ؟ ولو غصب عنهم ..يبق الاول انهم ياخدوا فلوس الحراميه الكبار غصب عنهم . اعتقد ان ممكن يعملوا حاجه كده بمعنى انهم يقترضوا من المغتربين بدل ما يقترضوا من الدول ويبق في فوايد على القرض ده يعني بدل ما يقترضوا من بره وبفوايد .يبقى يقترضوا من المغتربين وبفوايد برضوا اعتقد كده ممكن . لاْن مش كل الناس زي بعضيها :egyflag:

عايزة حد يكلمنا من ارض الحدث الاقوال متناقضة و كل وسيلة اعلام بتركز على جزء معين اذا معترضين عليه لتاريخه يبقى لهم الف حق.. و حصلت في تونس الاهالي اعترضوا و اعتصموا احتجاجا على الوالي المعين في المنيا مثلا معترضين بشدة على المحافظ "المنقول" الجديد لكن وسائل الاعلام مش مركزة على الموضوع :closedeyes: ناس كثير في محافظات كثير معترضة على حركة المحافظين و شايفين ان وراها نفس الفكر القديم ليه التركيز بس على قنا؟؟؟

ايه دة ؟؟؟؟ :protest: مغتربة .......... اعترفي ؟؟؟؟ من انتي ؟؟ اين كنتي ؟؟؟ قولي اخدتي وجبة كنتاكي وبعتينا ؟؟؟ بقي احنا راغيين حرام عليكي .......... دة مفيش اهدي مننا ولا اطيب مننا بس بنحب الروشنة والشقاوة ....... بجانب الهدوء يعني حرام عليكوا تظلموا البنات لأن البنات مايعرفوش يرغوا ( وش شادية في فيلم الستات مايعرفوش يكدبوا ) ماشي يامغتربة

إذا وافقت الأغلبية على شخص فيجب على الجميع الإلتزام بجميع قراراته .. وإلا تحولت لفوضى يعني .. الأغلبية متوافقة حول رئيس الوزراء .. والأغلبية وافقت على حال الثورة .. وقيام المجلس العسكري بإدارة شئون البلاد فيجب على الجميع .. الكل بدون إستثناء .. الإنصياع لجميع ما تتخذه القيادة من إجراءات أما العصيان المدني في تلك الحالة .. فسيحول الأمور إلى فوضى .. الناس تختار شخص ليدير شئونها .. ليس من المفترض أن يعترضوا عليه وهو في منتصف الطريق تلك هي الفوضى بعينها إنها أيضاً مفترق طرق إذا تم الإنصياع والإستسلام من قبل الحكومة والمجلس العسكري في قنا في تصوري أنه فتح باب جديد .. مش حيتسد

العبث بمقدرات الوطن يبدأ بالعزف على وتر الطائفية بأي شكل من الأشكال .. والتركيز على دين الخصم .. مشكلة كبيرة .. لو ركزنا عليها ستنهار مصر لا محالة .. من هنا .. ندعو أي مصري شريف لديه اية أدلة إدانة ضد أي مصري آخر .. اياً كان دينه .. أن يتقدم ببلاغ فوري للنائب العام .. دون أن نشير إلى دين الآخر .. لا استطيع أن أرى مصر بالصورة التي يتم الترويج لها من قبل البعض الآن لا أستطيع أن أرى إلا مصر .. الديمقراطية .. المنفتحة على العالم .. المستنيرة .. واحة النور في العالم العربي ... لا أستطيع إلا أن أرى مصر واحة الثقافة والفنون .. واحة العلم والمعرفة واحة للأدب .. واحة للحرية .. دون إقصاء للآخر

السلام عليكم الاخ الفاضل أ. عادل ما علاقه الكلام عن فساد ساويرس و الدعوه الى محاكمته مثله مثل باقى المفسدين و تحول مصر الى طالبان بل ما هو الهدف من ذكر طالبان هنا اساسا هل تقصد الخلفيه الدينيه لطالبان كونها تنتسب الى الدين و ترفع رايته و ذلك سبب الهجوم عليها ما علاقه ذلك حتى و الكلام عن إمبراطوريه الفساد التى لن يخرج ساويرس عن منظومتها مع النظام السابق ثم ما علاقه هذا و ذاك و اعتصامات قنا الرافضه لتعيين هذا المحافظ ذو الخلفيه العسكريه فهو لواء شرطه سابق فضلا عن الخلفيه الدينيه المماثله لسلفه و التى أثارت القلاقل لفتره طويله ثم انت لم تعطنا نموذج لإسم واحد ممن عنيتهم انهم حتى نقتنع بكلامك الذى حقيقى لم اعرف هو موجه لمن و ان كنت من سياق الكلام و التوجه ممن و الى من الحديث ..التيار الدينى المصرى و تحديدا الاخوان و أو السلفيين الايام اخى عادل أثبتت من هم المفسدين الحقيقيين و كلهم و للصدفه ..إلا قليلا .. داخل جدران السجون و البقيه على الطريق و منهم ساويرس بالمناسبه و الصدفه الاكبر انهم كلهم من منتسبى الحزب الوطنى الديمقراطى العلمانى و ليس فيهم واحد إخوانى أو سلفى فضلا عمن سبقهم على البورش من منتسبى الغد الليبرالى . . . . اخى عادل تحياتى اليك على مقدمتك و شرحك المثقف الواعى لكتاب المحاورات أثناء الندوه المنعقده فى نقابه الصحفيين فى قاعه طه حسين الدور الرابع على اليمين و التى كان لى شرف رؤيتك انت و الفضلاء الاعزاء و على رأسهم أخى و حبيبى الفاضل ابو محمد الذى وددت ان اشرف بالسلام عليه مباشره و لكن ظروفى حالت دون ذلك حيث اننى حضرت مبكرا مخصوص الى مصر يوم الندوه من المطار الى بيتى ثم بيت والدى ثم الى الندوه و أضطررت للانصراف قبل نهايتهارغما عنى إلا اننى تشرفت بسماع حديثك و الاخ الفاضل احمد محمود و ابومحمد مهندس اللغه العربيه الشاب و الذى ما تخيلت انه (ما شاء الله ) بهذه اللباقه و الثقافه ....و الشياكه :)

الفاضل عادل أبو زيد لا أدري ما علاقة اعتصام قنا بالموضوع وهل الإعتصام مثلا نابع من رؤية دينية سلفية أو غيرها ؟؟ أين الدليل على هذا الكلام إذن فما الداعي هنا لذكر هذا المثال حتى الجماعة الإسلامية أستنكرت هذه الاحتجاجات في قنا فهل أصبحت قنا طالبان بكل ما فيها وهل هؤلاء هم مؤسسي دولة طالبان

فيه حاجه حضرتك مش واخد بالك منها هي فين المستندات اللي تدين علاء وجمال مبارك فأنا كمواطن على قد حالي معرفش أجيب المستندات دي ضدهم أو ضد غيرهم المفروض العكس هو اللي يثبت إن ما معه من أموال جاء من كسب مشروع أو يبين لماذا تضخمت ثرواته بهذا الشكل الهائل أمام الجهات المختصة كما كان مع غيره وأنت شايف الوزراء ورؤساء الوزراء كلهم بيتسألوا أمام أجهزة الدولة بس المقصد ألا يكون هناك حرج بسبب حكاية الديانة وخاصة إن بطرس غالي برضه مش في السجن ولكنه هارب والمسألة إن فساده الاقتصادي مرتبط بالفساد السياسي ..... والإعلامي اللي إحنا ما زلنا فيه الوقتي من قنواته وصحفه والراجل له حزب جديد يستقطب فيه بعض النخب .... ومن ثم لازم يطمئن الناس لذمته المالية

يعني يا أستاذ عادل لما أعمل موضوع عن نجيب ساويرس أبقى أنا عابث بمقدرات الوطن ساويرس زيه زي جمال مبارك وعلاء مبارك وجميع الناس اللي تضخمت ثرواتهم بشكل غير طبيعي وإذا كان هو برئ فجمال وعلاء بريئان لو كان كل واحد في المنتدى لازم يكون معاه مستندات علشان يتكلم أو يشترك في المنتدى فأؤكد لسيادتك إن مفيش حد أتكلم هنا عن فساد هنا أو عمل موضوع عنه ومعاه مستندات طيب هو كان فيه مستندات على جمال وعلاء حتى حضرتك ليس معك مستندات على ما قلته الآن إن : - أنا عابث بمقدرات الوطن - أو إن أنا عندي أتباع - وإننا عايزين أوهدفنا امتلاك مصر - وإننا عايزين نحولها لطالبان ولو حضرتك عندك المستندات دي تقدم بها فورا للنائب العام شكرا جزيلا

لو كان فيه حرج كونه مسيحى ... مكنش تم اتهام يوسف بطرس غالى وزير الاقتصاد الهارب حاليا ..لكونه مسيحى ايضا .. وبعدين الرجل لم يكن له اى صفه او منصب سياسى على الاقل قبل قيام الثوره .. او حتى علاقات وطيده بسياسيين .. كى يستفيد منها فى تضخم ثروته .. والراجل له مشروعات ضخمه هو واسرته .. يستفيد منها قطاع كبير من المصريين .. والاقتصاد المصرى بشكل عام.. قد يكون ل نجيب سويرس مأخذ .. اغلبها مأخذ تتعلق بارائه واتجاهاته السياسيه .. لكن لا توجد اتهامات له بالفساد واضحه بأدله واسانيد .. والا كنا قد قرأنا عن بلاغات مقدمه ضده .. وبعدين ماهو احمد بهجت بتاع دريم لم يتم استدعائه امام الكسب الغير مشروع .. وكذلك حسن راتب بتاع المحور .. والاتنين مسلمين برده .. على فكره انا لا ادافع عن نجيب سويرس .. بل قد ساءنى منه بعض تصريحاته السياسيه والتى قد اصنفها بمتطرفه بعض الشئ .. خاصة بعض تصريحاته فى مقابله على بى بى سى العربيه .. لكنى حتى الان لم أقرأ ما يقنعنى بفساده اقتصاديا

الفاضل طارق كفاك عبثا بمقدرات الوطن إذا كان عندك أو عند أى من أتباعك ما يشين نجيب ساويرس فتقدم فورا للنائب العام. ما سبق كان إستهلالا لابد منه لن تتحول مصر إلى طالبان ..... أدعوك لوقفة صدق مع النفس ... هل يمكنك أن تتقبل مثل العنوان الذى إخترته لموضوعك لو كان الإسم لأحد ممن أفسدوا الحياة فعلا و ما زالوا يفسدونها _ إنظر إلى إعتصامات قنا _ و هدفهم إمتلاك مصر لتحويلها إلى طالبان. يكفى هذا لأننى بالخبرة لا أظن أن هناك جدوى من الحوار.

لا دى طريقه اسهل لقيتهالك استاذ تونسى

كنت اقول كلمتى...وأترقب الأن أقول كلمتى ... وأرحل كنت متحمس ...لزيارة جنوب شرق اسيا والان خفت حماسى تماما كنت افكر قليلا .. واكتب كثيرا الان أفكر كثيرا .. واكتب قليلا كنت ساذج .. والان.. أقل سذاجه !!!

ده اللي طلعتي بيه من السبعين صفحه اللي قلتهم يا جوجو طبيعي زميلاته في المدرسة او في النادي الاسرتين يتزاوروا و الولد والبنت مع زمايلهم يتعاملوا زي ما بيتعاملوا في المدرسة او النادي ,, انا ضد الفصل بين الجنسين في اي مرحلة عمرية ,,

طيب ليه اللخبطة دي طيب أولا : دخلت بتقييم سالب على طول وبعدين بتتريق عليه كمان ماشي يا باشا متشكرين وإذا كان موضوعي دا مش عاجبك فانتظرني في موضوعي الجاي ( تحت التجهيز ) هيعجبك قوي ماشي يا ريس سلام مؤقت طيب ماتخافش و تخليك صريح و جريء من الأول و قول انك بتعيد نشر مقطع قديم للرجل المرشح لمنصب أمين عام جامعة الدول العربية اعتراضا على ترشيحة و ان كنت أظن الإعتراض بالطريقة دي مش حيجيب أي نتيجة و انالا بتريق عليك ولا على موضوعك (دي تهمة كبيرة) بس ماعجبتنيش الطريقة و التقييم ده رأيي الشخصي و انت رديتهالي برضه و قيمتني بالسالب و انا في إنتظار موضوعك اللي جاي و على فكرة أنا لا باشا ولا ريس انا مجرد مواطن مصري

للاسف اخفق المجلس العسكري في اختيار هذا الرجل لكن اصوات المعارضات لهذا الرجل ظهرت وبقوة وان شاء الله يكون لها تأثير ان شاء الله

الفاضل نايل مان .. هل أستمعت للحوار ؟ وهل ترضى أن يكون هذا الشخص بهذه الأفكار يمثل دولتك ويكون مرشحها لنيل هذا المنصب ؟؟ دي مصيبة :(

اوك يا جوجو ,, عالسريع ,, الولد من صغره لازم يتعود على الاستقلالية في التفكير واتخاذ القرار يعني دايما وعلى طول خدي رأيه وحسسيه انه هو اللاعب الرئيسي يدير حياته ماحدش يديرها ليه مثلا لو مشيتي معاه ما تمسيكيش ايديه ويكون هو اللي سابق مش انتي دايما ملابسه هو يختارها ووجباته في المدرسة يكون ليه نشاط فني او مشترك في فريق الكشافة مثلا او امين الفصل بتاعه يعني دايما وجههيه للتعامل مع الانشطة المدرسية المتعددة باهتمام مش فقط تركيزه يكون على المذاكرة ونهمل الانشطه العديده دي بيكون اثرها مهم جدا في تكوين شخصيته لازم يكون ليه نشاط رياضي في لعبة جماعية دي بتصقل مهاراته الشخصية قبل الجسدية طبعا المواقع الاجتماعيه دلوقتي على النت وفيس بووك ليهم دور في تنمية قدراته ومهاراته في التواصل ,, في محيط الاسره يبقى جميل لو اندمج مع اللي اكبر منه سنا ( بشكل معقول ) دي حتخليه سابق سنه في تصرفاته وطريقة تعامله مع اقرانه خليه يكلم صديقات من الجنس الاخر من بيئه مناسبه ويجوا البيت ويروحلهم هو طبعا ده يكون بالشكل المعقول وتحت المتابعه الخفيه ,, ما فضلش غير اني اقول يبقى ليه نشاط سياسي وعضو في حركة او حزب :) الخلاصه انه لما يعرف انه كيان حر له رأي وموقف في كل ماحوله حيكون صعب اوي او مستحيل يقبل بعد كده انه يكون عبد لاي واحده او اي انسان كان

ولا تزعل يابشمهندس تلاقى بس فتفوتة مشغولة حبتين الله يكون فى عونها من الفيس للمطبخ للمحاورات للعيال لشغل البيت زى حالاتى كده ههههههههههه انتم عاوزين تاكلوا على الجاهز وخلاص لكن زى بعضه بقى نكسب فيكم ثواب حبة رز على ماقسم كدا وبالهنا والشفا ده رز بلبن خلى بالكم

أقول رأيى بصراحة ورزقي على الله المحامي اللي زي ده ؛ أحسن حل له يملوا له قفص زي بتاع القرود اللى فى حديقة حيوانات الجيزة ، ويحطوه فى ميدان التحرير ، ويحبسوه فى القفص ده كل يوم جمعة علشان يتأكد أن كان فيه ثورة وأن الثورة أسقطت مبارك ومساعديه وحكومته ونظامه وحزبه واى حاجة تمت لمبارك بصلة. لو اقتنع كان بها ، لو لم يقتنع يحطوه فى القفص يومين فى الاسبوع الجمعة والثلاثاء ، لو فضل راكب دماغه ؛ يحطوه يوم ويوم ، بعدها بقى يروح لهم ليمان طره

منظر الطلبه وهما بيشنقوا ..قمة الهمجيه والوحشيه .. ولا احترام لاى شئ ... ولامراعاة لاى قيم اخلاقيه او دينيه .. قمة الاستهانه بالروح البشريه... شئ محزن بجد .. محزن لابعد حد .. نهايتك ان شاء الله يا قذافى ستكون عبرة للعالمين ..ما بعدها... ولا قبلها عبره باذن الله ..فقط صبرا جميلا .. اللهم سدد خطى الثوار الليبيين .. ومدهم بجند من عندك .. ذو بأس.. على ذاك الدموى الباطش .. الذى فاق فى طغيانه.. كل طاغ أميـــــــــــــــــــــــــــــــــــــــــــــــــــــــــــــــــــــــــــــــــــــــــــن

جيت اقول اى كلام .. لاقيت الموضوع ده صعب برده:closedeyes: .. أصل نافوخ الواحد مليان كلام كتيييييييييييير .. ومش عارف اكتب منه ايه والا ايه واحد حبيبى راجع من السعوديه بقاله ست شهور .. كان شغال فى مستشفى وسط الصحرا اخصائى تخدير .. رجع اتجوز .. قابلته الليله ..كان زهقان من حياته وعايز يطفش تانى من مصر ,,, واستلمنى ..بقوله ((انت ايه اللى مقعدك فى البلد مسافرتش ليه )) ابوخ سؤال بيتسألى ... هربت من الاجابه .. وقلتله ..انت مش مبسوط انك رجعت مصر بين اهلك وناسك وحبايبك .. كان عاجبك اوى قعدتك فى الصحرا السعوديه .. رد عليا وقال ((ايوه كنت عايش زى ما اكون فى سجن وانا فى السعوديه .. لكن مكنتش بفكر ولا شايل للدنيا هم .. لما رجعت مصر حاسس برده انى فى سجن .. لكن راكبنى الفكر .. والهم ))) .. خلص الكلام .. ال أى كلام

و عليكم السلام و رحمة الله و بركاته موضوع حلو و يدعو للتفكير :WelEgTks: اقرب موقف ايام الاستفتاء كنت اميل لاختيار لا... بعدين اقتنعت اكثر بنعم يمكن عشان كده كنت فاهمة موقف كثير من اللي اختاروا لا.. لان كان عندي تقريبا نفس شكوكهم و اسبابهم و حاولت قد ما اقدر اوصلهم الصورة زي ما شفتها و الاجابات اللي لاقيتها و انا طالبة .. كنت بتضايق قوي لما الدكاترة ميرضوش يدخلونا اذا اتاخرنا .. بالذات اننا بنسافر و الطريق و الشبورة مش مضمونين عشان كده بسيب الباب مفتوح و اتفقت معاهم الدخول يكون بهدووووووء و يقعد في اول مكان يقابله (مش لازم السلامات و يقعد جنب اصحابه و هو جاي متاخر كمان و طبعا اكيد نعمة الامومة بتعدينا الضفة التانية لسلطة الاهل و جي بقى عايزة مجلدات لوحدها :closedeyes:

وهو ليه ارك يبقى محور كلامنا يعنى ماتشوف لنا محور تانى

فوائد التوقيت الصيفي مثال بسيط جدا: الشمس تغرب الساعة السابعة ولو فرضنا اننا سنذهب للنوم فى الثانية عشرة ، معنى ذلك اننا سنستخدم الاضاءة الكهربية لمدة 5 ساعات مع التوقيت الصيفى الساعة السابعة سيتم تقديمها لمدة ساعة اى ستكون الثامنة ، وهذا يعنى اننا سنستخدم الاضاءة الكهربية لمدة 4 ساعات. معنى ذلك ان التوقيت الصيفى سيوفر لنا مدة ساعة من استهلاك الكهرباء ( هذا على المستوى الشخصى والمنزلى ) ويمكن ضرب أمثلة كثيرة على باقى مناحى الحياة لو فى كل منزل مجموعة لمبات تستهلك 400 وات / ساعة ، فكل منزل سيوفر 400 وات يوميا * 30 يوم = 12 كيلو وات فى الشهر ، وطبعا هذا رقم ضئيل حيث هناك منازل تستهلك اضعاف هذا الرقم ، بالاضافة للمحلات والمنشئات التجارية الصغيرة والكبيرة على السواء. التوقيت الصيفي اقتصادى للدولة وللافراد . =========================================== قبل معرفة الساعة والاعتماد على ضوء الشمس فقط كان الانسان ( المسلم على سبيل المثال ) يصلى الفجر ثم يفطر ويبدء يوم العمل وقبل الغروب يستعد للرجوع لمنزله ، يتساوى فى ذلك راعي الغنم والفلاح والنجار والحداد وجامع الحطب والصياد والصانع طول النهار فى الصيف بالطبع يختلف عن طوله فى الشتاء ، فكان الإنسان بفطرته يستفيد بنور الشمس وطاقة الشمس بدون حكومة تنظم العمل بالتوقيت الصيفى او الشتوي وبدون إستفتاء لإلغاء العمل بالتوقيت الصيفى تكون فيه نتيجة التصويت مماثلة للتصويت على استفتاء تعديل مواد الدستور ولكن هذه المرة لااعرف التصويت بنعم سيكون لنصرة من ، الاستفادة من ضوء الشمس أم زيادة استهلاك الكهرباء. =========================================== عن نفسي قمت بالتصويت بلا حيث اننى من انصار الاقتصاد فى الاستهلاك ، والتوقيت الصيفى يقلل الاستهلاك الكهربى ويزيد فى الاستفادة بالضوء الربانى ( ضوء الشمس ) ===================================== مدة التوقيت الصيفى فى أمريكا تبلغ 8 أشهر فى السنة

الرحمة يااااااااارب

قال حكيم : من تمام المروءة أن تنسى الحق لك وتذكر الحق عليك ، وتستكبر الإساءة منك وتستصغرها من غيرك

ممكن -بعد اذن مصراوية- اللي عنده تجربة على الموضوع ده "شخصية او قصة يعرفها "يشاركنا بها؟ جزاكم الله خيرا