لوحة القادة

عمرك حسيت..عمرك حسيت!!؟ عمرك حسيت .. إن الدنيا .. فــ عنيك .. بتهون وان حياتك .. ماسخه.. وبايخه ... وعديمة اللون عمرك حسيت ..إنك قربت .. تصير... مجــنـون وانك مطحون.. وكمان مسجون.. فى براح الكون عمرك حسيت .. عمرك حسيت!!؟ عمرك حسيت .. إنك عايز .. تصــرخ .. وتثــور زى البركان .. إللى بيغلى .. وخــلاص حيفــور عمرك حسيت .. إنك شمعه .. عـُمرها .. مهــدور بتموت ف مكانها ..لجل ما توهب غيرها .. النور عمرك حسيت .. عمرك حسيت!!؟ عمرك حسيت .. إنك حــاير.. بيـــن إتجاهـــين وانك ضليت السكه ..وتُهــت .. مع التايــهين عمرك حسيت .. إنك نِفســك.. تبقى بجناحين وتطـــير .. وتفارق دُنيِــتنا .. المليانه أنيـــــن عمرك حسيت .. عمرك حسيت!!؟ عمرك حسيت .. إنـك متغــرب .. بــين النـــاس وانك مش لاقى.. معنى جميل ..إسمه الإخلاص عمرك حسيت .. إنك فى الحب .. وقعت خلاص مع إنك .. حاطط على قلبك ..قــفــل .. وحراس عمرك حسيت .. عمرك حسيت!!؟ عمرك حسيت .. إن الكلمه .. فـ حَلقَك..مدبوحه والصرخه الساكنه.. فـ نظراتك..ساكته ومجروحه عمرك حسيت.. إن البركه.. فـ رِزقك.. مطروحه وبتدعى.. ودايما كده.. أبواب السما..مفـتوحه عمرك حسيت..عمرك حسيت!!؟ اتمنى أن تحوز قبولكم و .. التونسى

حسبى الله ونعم الوكيل فى اللى بيشعل نار الفتنة بيننا الفيديو اسمه.....((هجوم سلفي شرس على احدى الكنائس بمصر أين الاعلام)) ادخلوا وشوفوا الهجوم الحقيقى فى يوم عيد الاخوة المسيحيين http://www.youtube.com/watch?v=JAVN8LLQ7MM&feature=share احلى تعليق مكتوب

هى الدوله التى ترفض تنفيذ احكام القضاء و تحتجز المسلمات الضعفاء زوجات رجال الدين السابقات و تهين دين شركاء الوطن و تعتبرهم غرباء و تريد طردهم منها و دعمت المخلوع السابق لأخر لحظه رغما عن إراده الشعب و تدعم أقباط المهجر الذين يدعمون دوله إنفصاليه هى بالنسبه لهم حلم بعيد عن اشنابهم جميعا . الجزيه و الحدود و غيره جزء من الاسلام دين الدوله الرسمى و الذى لا يضيره وجودك بل يحتويك و يحميك و لولا الاسلام يا أستاذ ربما إختفت الاورثوزوكسيه تماما من العالم امام الاكتساح الكاثوليكى و الانجيلى الذى وقف امام الاسلام عاجزا بسبب قوته و مبادئه التى تبيح و تحمى الحريه الدينيه لمواطنى الدوله الاسلاميه على مدار تاريخها لدرجه انه عندما انتهت دوله الاندلس هرب اليهود مع المسلمين و استوطنوا المغرب العربى لما وجدوا فى الاسلام من رحمه و حمايه لغير المسلمين و ليتك تستمع الى كلام البابا شنوده عن فضل المسلمين و الاسلام على المسيحيه فى مصر تحديدا . و احب ابشرك إن اللى بنفكر فيه صار قريبا جدا اقرب مما تتخيل انت خصوصا مع قرب الملاحقه القضائيه لمثيرى الفتنه الحقيقيين الذين الموضوع بالنسبه لهم مسأله وقت فقط و لا انت فاكر ان بيشوى ها يعدى منها بعد ان تطاول على الاسلام و القرأن خلاص يا استاذ مبارك فى العمبوكه و الان سمعت انه مدعو الى بورتو طره و كما تعلم فاللمه تحلى مع الحبايب . قطعا ليسوا ملائكه و لكنهم اصحاب دين و عقيده تحترم الاخر و تحميه و إذا كنت بتصدق الكلام الذى ثبت كذبه و تردده بدون وعى للغلوشه فأنت غير معذور لانك مفروض انك رجل مثقف و مربى اجيال و تكون مصيبه لو ان هذا اسلوبك مع تلاميذك السلفيين يا أستاذ حموا الكنائس ايام الانهيار الامنى و لو كنت لا تعلم ذلك ...الله يعينك . بالتأكيد مصر لم تعد كما كانت و اشعر تماما بالحاله التى انت فيها بعد سقوط مبارك الذى دعمته الكنيسه رئيسا مدى الحياه و اشعر بمدى المفاجأه و الصدمه بسبب سقوطه و الذى جعلك تشعر بأن مصر صاااارت أسواء و بصراحه الله يعينك على تلك الحاله و خصوصا بعد 78% نعم التى جاءت عقب حاله الدعم و الشحن من الكنيسه مع العلمانيين و التى انفق عليها الملايين و لكن يا حسره عليهم جميعا .

http://youtu.be/Z-jT-1FW6QQ رحمه الله عليه

الشيخ الفلانى اعلن القس العلانى قال فين الدوله مسالة العناق والمصافحه بين المشايخ والقساوسه هى تزيد الفتنه ولاتطفئها اقولها مليون مره هناك كره بين المسلمين والمسيحيين كل المسيحيين يكرهون المسلمون ويتمنوا اليوم الذى يستقيظون فيه من اليوم ليجدوا مصر قد حررت من هؤلاء الغزاه معظم المسلمين يكرهون المسيحيين ويتمنوا ان تكون مصر اسلاميه صرف وقلت هذا الكره جاء تراكمات ل30 سنه من حمكم الرئيس المخلوع للمسلمين وحكم البابا للمسيحيين التخويف من الحديث عن الشئن المسيحى المسلم بانه فتنه هو اشعال للفتنه...كل ماحد يتكلم يقولك لا انت هتعمل فتنه...طيب وبعدين لما الشيخ يزور الكنيسه يبقى نصفق كبار رجال الدوله يحضرون القداس ناس بتصلى ...افهم ان الوزير المسيحى يحضر...لكن الوزير المسلم يحضر ليه المهم الوزراء يحضروا القداس الذى هو قمة الرياء وتانى يوم تفجر كنيسه ويقتل ابرياء كان الاولى بكم ايها الساده ان تحموهم فى دار عبادتهم اولى من الجلوس معهم فى القداس واستمرينا فى النفاق والكذب والرياء ...اننا اخوه ونسيج واحد....كفانا كذيا ورياءا الشيخ الذى اعلن انه سوف يقتحم الدير لانلومه....نلوم الدوله القس الذى اعلن انه سيقاتل من ياتى للدير لا نلومه...نلوم الدوله البابا الذى يحتجز الفتيات ...لا نلومه...نلوم الدوله الحل هو القانون الحل هو الدوله اريد ان يحترم المسلم المسيحى ليس من اجل المحبه ...بل خوفا من القانون اريد ان يحترم المسيحى المسلم...ليس من اجل المحبه...بل خوفا من القانون

موضوع مستفز جدا جدا و بعدين يعنى ايه يدفعو هما الناس لما بتنزل مظاهرات بيدفعو مقابل الامن المركزى حقهم تتعملوهم مفتشات عشان تتاكد من الهويه غير كده ماحدش له عندهم حاجه على فكره انا من الناس الى مش مقتنعين بوجوب النقاب لكن لو واقفه على لجنه و صاحبتى يسرا ( كانت منقبه ) مادخلتش عشان النقاب اقسم بالله ما انا داخله التعليم حق ذى الميه و الهواء و مش من حق حد يتحرم منه

هنيا ياريس :closedeyes: المفروض نتعلم من الماضي بقي مش كل ما د عصام شرف يشرب حاجة ولا يضرب كبسة في مكان يطلع له المانشيت الاول في الاهرام والجمهورية

سفير الإمارات : زيارة شرف تأجلت باتفاق الجانبين وعلاقتنا بالغة السمو استهجن محمد بن نخيرةالظاهري سفير دولة الإمارات في القاهرة ومندوبها الدائم لدى الجامعة العربية الحديث عن وجود توتر بالعلاقات بين البلدين أدي إلي إلغاء زيارة رئيس الوزراء عصام شرف التي كانت مقررة ضمن جولته الخليجية. وقال السفير الظاهري إن علاقة القيادة والحكومة والشعب فى دولة الإمارات بقيادة وحكومة وشعب مصر هي علاقة بالغة السمو والرقي والتميز على كل المجالات والأصعدة. ونفى الظاهري ،فى تصريحات صحفية اليوم ، بشدة ما تردد عن حدوث توتر في العلاقات الإماراتية المصرية أو ما يشاع عن تقييد ورفض دولة الإمارات لاستقدام العمالة المصرية، منوها في الوقت ذاته إلى أن العلاقات الاماراتية المصرية كانت ولازالت نموذجًا مميزًا وخاصًا وناجحًا للعلاقات العربية العربية. المصدر : موقع جريدة الأهرام http://gate.ahram.or...جانبين-وعل.aspx تعليق شخصي : في ظل كل الإشاعات الغير صحيحة إليكم بعض الحقائق أحكيها لكم كشاعد عيان شخصيا سافرت الإمارات خلال شهر فبراير ( بعد الثورة ) و لم تواجهني أي معوقات و الحمد لله سواء في القاهرة أو في الإمارات اليوم تحديدا استلمت بطاقة الإقامة الخاصة بي في الإمارات و بدون أي معوقات تم تغيير فيزا الزيارة لفيزا عمل بفضل الله منذ أسبوعين و في ظل ( إشاعة ) عدم إصدار تأشيرات للمصريين حضر أخي للإمارات بتأشيرة زيارة و بدون أي معوقات تذكر كان هناك قرار منع استقدام الأخ و تم وقفه وحتى في حالة في مثل هذه الحالات يمكن عمل تأشيرة سياحة عن طريق شركة طيران العربية اللي مش مصدق ... هو حر اللي مش مقتنع إن المصري ( اللي بيحترم نفسه ) بيعامل باحترام قبل و بعد الثورة في دولة الإمارات عن تجربة شخصية زرت فيها الإمارات سنويا لمدة ستة سنوات متتالية و أعيش فيها الآن ... برده هو حر اللي مش مصدق إن المصري مسابش كرامته في مطار القاهرة و إنه مش متهان في أي مكان إلا لو هو هان نفسه .. برده هو حر اللي مش مصدق إن المصري هو اللي بيرضى يسافر و هو عارف إنه هياخد ألف درهم و ألف ريال ... هو حر اللي مش مصدق إن المصري ممكن بقليل من التفاوض ممكن ياخد مميزات أفضل ... هو حر اللي ما شافش إن المدرس المصري فرض احترامه على تلميذه .. تلميذه الذي كبر و صار أميرا لدولة لم يتأخر هذا الأمير عن احترام مدرسه حتى بعد موته .. و لكن احنا برده قعدنا نجيبها يمين و شمال و نحسبها سياسيا و فقدنا الثقة في أهم شيء ..... في أنفسنا ... الانسان المحترم مش لازم يكون حاصل على ليسانس أو بكالوريوس احترام ... احترام الآخرين لك هو مرآه لاحترامك أنت لنفسك في رأيي أولى بنا في مثل هذه الظروف أن نتريث قليلا قبل المساهمة في ترويع إخواننا المصريين المغتربين وأسرهم (في الخارج و في مصر) بهذه الإشاعات و الأفضل أن ندعو لهم بقلوبنا أو أضعف الإيمان الاكتفاء بالصمت و في كل خير بإذن الله . اللي عاوز يفتح مشروع يتفضل يفتح ربنا يوسع عليه و اللي عايز يسافر يسافر و ربنا يوفقه و اللي عايز يرجع يرجع بألف سلامة و اللي مش عايز يرجع مش حرام عليه و لا هو متهان و ساكت و بلاش نظام القوالب الجاهزة لأن للي في مصر مستريح و لا اللي بره مصر مستريح إلا من أنعم الله عليه بنعمة الرضا و الشكر ... و كما يقول الله عز و جل ( و قليل من عبادي الشكور ) لكل من عنده حلول عملية لعودة المصريين من الخارج أبشرك و أرجوك إبدأ فورا يجزيك الله كل خير و لا تنتظر حتى عودة المصريين من الإمارات تحديدا فمصر تفيض أرجائها بهؤلاء المصريين العائدين من الخارج أيضا من تونس و من ليبيا و من البحرين و من اليمن و من سوريا يحتاجون لمثل هذه المشروعات ... أرجوكم إبدأوا و ساهموا في تفريج الكرب عن هؤلاء حتى يقضي الله أمرا كان مفعولا فنلحق بهم إذا قدر الله و شاء .

أعتقد أننا لدينا قصور شديد في مجال الصيرفة الإسلامية في مصر ... رغم وجود طلب كبير على منتجات هذا القطاع وحاجة البلد له. شخصيا أنا لا أعتقد بوجود فارق كبير بين ما يحدث في البنوك التقليدية ونظيرتها الإسلامية ...و لكن رايي ليس هو ما يهم ... بل رأي ملايين المصريين - سواء في الداخل أو الخارج - الذين يحجمون عن وضع أموالهم في البنوك التقليدية تجنبا لشبهة الربا ... وهؤلاء بالتأكيد سيقبلون على ضخ أموالهم في القطاع المصرفي - كمستثمرين أو كمودعين - إذا ما وجدوا مصرفا إسلاميا ذو مصداقية يستطيعون حفظ واستثمار أموالهم فيه بأمان. من جانب آخر فإن بنكا يعمل وفق القواعد الإسلامية سيكون تركيزه على الاستثمار وليس الإقراض ... بما يعنيه ذلك من تنشيط للاقتصاد وخلق فرص عمل جديدة نحن في أمسّ الحاجة اليها. وثالثا يمكن ان يتم تتم دعوة المستثمرين الخليجيين - وخصوصا المؤسسات ذات الخبرة في مجال الصيرفة الإسلامية - للمشاركة في هذا البنك والدخول في مشروعات من خلاله وبذلك نستقطب مزيدا من الاستثمارات الأجنبية ونحافظ على علاقتنا المتميزة معهم فالسياسة تتبع الاقتصاد. أتمنى أن تنظر الحكومة بعين الاعتبار لهذا المقترح الذي أرى أننا في أمسّ الحاجة اليه في الظروف الراهنة.

أعتقد أننا فى أمس الحاجة لتشريع بنكي كامل موافق للاسلام و ملزم لكافة البنوك فى مصر .. ليس الهدف وجود بنوك اسلامية و بنوك غير اسلامية .. لكن الهدف أن تكون المنظومة البنكية برمتها و القوانين التى تحكم التداول المالي و الاقتصاد متوافقة مع مبادىء الاسلام الاقتصادية و المالية توافقا تاما.. فتصبح كافة البنوك اسلامية بشكل أو بآخر. أعتقد أن هناك الكثير من الدراسات و رسائل الدكتوراة التى تضع اطرا اسلامية للتعاملات البنكية و المصرفية دون الاخلال بآليات السوق و التداول .. و دون أن نضرب على انفسنا انعزالا اقتصاديا و نقاطع العالم و لا أن نلزم أنفسنا بقواعد اشتقها علماء لا تعنيهم مفاهيم الربا و الدين و بيع المال بمال خاصة أن هذه القوانين يثبت لنا بالأدلة القاطعة عدم تماسكها و اتزانها .. و ربما ما حدث من أزمة اقتصادية رهيبة فى الولايات المتحدة أثرت و لازالت على العالم أجمع سببه أن أطرهم غير صالحة من الأساس .. هناك الكثير من الاطروحات وضعها جهابذة فى الاقتصاد الاسلامي لايجاد حلول لهذه المعضلة و أعتقد أننا نحتاج الى تفعيل هذه الاطروحات و اخراجها من كونها حبيسة الأدراج و الكتب الى كونها قوانينا و تشريعا مطبقا. مهيب

حادثه بشعه بشعه جدا اعتقد انها لا تحتمل اى تبرير الابشع منها هى انتظارهم خمس سنوات كامله حتى تطمئن لهم اختهم و تبيتهم فى بيتها كذلك ما ذنب الاطفال يقتلون بهذا الشكل المخزى اتمنى من كل من يحاول التبرير ان يكف لانه بذلك يزيد بشاعتها فى اعيننا بدلا من ان يخففها رحمهم الله و ابدلهم دار خيرا من دارهم و ان شاء الله القضاء العادل ياتى لهم بحقهم فى الدنيا اما فى الاخره فسيفون باذن الله اجورهم كامله

صراحة كنت سأضيف مداخلة تفصيلية لتوضيح أوجه الإلتباس عند الأخ محمد ، ولكن كفاني الفاضل مسافر بالمقال الماتع الذي نقله هذا المقال الذي وعى بفهم رائع كيفية تشكل السلفية ويمكن الإيجاز وإستخلاص الأمر في كلمات ، "أن السلفية من حيث التفكير فهي تيار ومنهج فكري ، تماما كالليبرالية لا يمكن حصرها في أشخاص ، وإن كانت لها رموز مثل رموز الليبرالية ولكن دلالة المنهج في السلفية أهم من دلالة الرموز" أما بخصوص موضوع الخطاب السلفي أو الإسلامي بشكل عام ، فلا شك أنه يحتاج دوما لمتابعة وتطوير وتجديد بحيث يستوعب التغيرات الحاصلة في الواقع ، دون مواراة ولا مداهنة ولا استخدام للتقية كما أشار الفاضل التونسي ، ولهذا نجد أن السلفيين حينما يظهروا في الإعلام عندهم أمور لا يمكن التفريط فيها، مثل جوابهم على السؤال عن حكم الأقباط هل هم كفار أم لا ؟ فيأتي الجواب متصفا بالحكمة أن وصف الكفار جاء من عند الله ولكن هذا لا يعني أننا نعاملهم بالخصومة والفجور والدليل على ذلك أن الله تعالى الذي سماهم بالكفار هو من أباح أكل ذبائحهم ومعاملتهم بالحسنى بل والزواج منهم. أما بالنسبة لسؤال الفاضل محمد بخصوص الفتوى ، فأنا أسأله وهل يرضيك حال مراكز الفتوى التي أشرت إليها كالأزهر الشريف ودار الإفتاء ، ولماذا أشرت إلى موقف غير صحيح ولا مؤكد بخصوص موقف السلفيين من ثورة 25 يناير ، ولم تشير إلى موقف مؤكد من دار الإفتاء والأزهر تجاه الثورة ، ولكن بالرغم من كل هذا فأنا أؤكد لك أن بعض رموز السلفية طرح ورقة إصلاحية لمؤسسة الأزهر الرسمية في مصر يتم بعد تطبيقها منع الفتوى كما هو حاصل بالمملكة ، ولكن بعد الإصلاح في المؤسسة الرسمية الدينية في مصر ، وهو بلا شك مطلب عام وليس مطلب السلفيين وحدهم.. تحياتي..

مصر بخير يا ولاد وعندنا نسبة التخلف في حدود المسموح بيه عالميا البنت بتتهم وائل غنيم والاحزاب هما اللي قتلوا المتظاهرين ناقص تقول ان المتظاهرين اللي اجبروا عربيات الامن المركزي تدهسهم http://www.youtube.com/watch?feature=player_embedded&v=vtC5dAwYBbI

تابعنا وكلنا إحساس بالفخر والألم إستمرار إنتفاضة أهلنا في سوريا واليمن، فخر بشعب أعلن إنتفاضته علي جلاده من أجل إستعادة أرضة ووطن من حزب ظل منافقوه يفسدون في البلاد من نصف قرن، وألم لشهداء ضحوا بأرواحهم في سبيل حرية أهلهم و أوطانهم . تابعنا سقوط 120 شهيد في الجمعة العظيمة، التي هي حقا عظيمة بأهلها وشهدائها، وعظيمة بتضحياتها، وشبابها الذين خرجوا من كل مدينة في سوريا ينشدون التغيير وإسقاط نظام بشار الأسد الدموي. إن هؤلاء الشهداء سقطوا مع أول تطبيق لإلغاء حالة الطوارئ ي سوريا، وهو مايعني إن بشار الأسد لا يعرف غير لغة الدماء في حواره مع الشعب السوري ومطالبة، ويصر أن يوصف هذه المطالب الشعبية بالتدخلات الخارجية، بالرغم من إنها نابعه من أهلها في سوريا. نحن اليوم نقف صفا واحدا مع أهلنا في ميناء اللاذقية حتى حمص وحماة ودمشق وقرية اذرع الجنوبية ودرعا، نحلم معهم بيوم تشرق فيه شمس الحرية علي بلد شقيق في وطننا العربي. وتؤكد حركة شباب 6 ابريل علي تضامن كافة اعضاء الحركة خاصة وجموع شباب الثورة والشعب المصري عامة مع ثورة اشقائنا الاحرار في سوريا، ونعبر عن كامل دعمنا لإنتفاضتهم السلمية في سبيل تحقيق كافة مطالبهم المشروعة، ونحي فيهم نبذهم للطائفية البغيضة وحرصهم علي وحدة كامل التراب السوري بما في ذلك الجولان المحتل والذي لم يطلق لتحريره النظام السوري رصاصة واحدة منذ عشرات السنين مثلما يطلق الان الرصاص الحي علي صدور شعبه الاعزل. علي النظام السوري أن يفهم جيدا إن نهايته أصبحت أمر محتوم ومنتهي، فالشعوب عندما تريد الحياة لن توقفها زخات رصاص الأنظمة، وعلي بشار الأسد أن يستوعب ذلك جيدا ، ويخرج من السلطة فورا حقنا للدماء، ليترك المجال أمام الشعب السوري ليبني سوريا الجديدة. وفي نفس الوقت نواصل تضامننا ودعمنا الكامل لثورات الشعوب العربية في ليبيا واليمن. ورسالتنا دائما للانظمة المستبدة التي تتحكم في مقدرات بلادنا وتقمع ثورات شعوبها بتلك الافعال الدموية الاجرامية: انتهي امركم فارحلوا عنا. اما رسالتنا لكافة اشقائنا العرب الساعين الي الحرية والعيش في كرامة فهي: (لن ندخل القدس الا احرارا) اللجنة الاعلامية ,,

عارفة انه قبل الثورة كان بشع ومينفعش يتسمى اعلام حتى بس اللي بيحصل حاليا ده كثييييير بقصد او لا .. ثورة مضادة او لا عدم الحرفية في التغطية الاعلامية و التوثق من المعلومات ممكن يولع البلد و الامثلة كثييييير.. سلفية و اخوان و طائفية..و و و و يشغلوا الناس بحواديت هايفة و تفاصيل عبيطة صحيح الحمد لله ربنا ساترها معانا و حافظ بلدنا و يا رب يتمم لنا في خير بس ميمنعش ناخد بالاسباب ايه الحل مع الفوضى دي؟ رأيي الشخصي ان جزء كبير يعتمد على الشفافية و السرعة في التعامل مثال لسة سامعة من شوية في التلفزيون ان المجلس العسكري صدق على احكام اعدام 3 من الجماعات الاسلامية علطول المجلس العسكري كذبها على الفيس بس ده مش كفاية ممكن لو حد عنده اقتراحات و نكتبها لمجلس الوزراء؟

كانت هنالك إرهاصات أو مؤشرات على حدوث شيء ما في مصر، أول ما أستدعيه للذاكرة رسالة الدكتور يحي الجمل للرئيس مبارك على صفحات المصري اليوم وكذا اقتراح محمد حسنين هيكل بمجلس أمناء للترتيب لمرحلة انتقالية (نعم: بالحرف الواحد لمرحلة انتقالية). قد يكون ممكنا تجاهل هذين الموقفين، لكن الربط بينهما وبين عدة أمور على الساحة المصرية والعالمية كان لا بد وأن يصل بالقائمين على الأمر إلى إدراك أن شيئا ما يحدث، او سيحدث، خصوصا وأن الإعلام المحلي -عدا الصحف القومية والتلفاز الرسمي - كان كله موجها ضد الحكومة وضد النظام، وبهذا اجتمعت ثلاثة مصائب في جسد النظام: عدم التواصل مع أهل الرأي، مع غياب التكامل في التخطيط والتتبع، إضافة إلى إهمال تأثير الإعلام. كنت قد استدعيت لأمن الدولة بالفراعنة في 2009م بناء على اقتراح توسط لي فيه صديق لدى وزارة الداخلية، هذا الاقتراح كان في جانب منه يتضمن إنشاء حركة تسمى حركة السادس من أكتوبر كآلية لاستيعاب طاقات الشباب وتفعيلها في شيء منتج ومفيد للبلد، حيث كنت أرى إحباط الشباب ورغبتهم في العطاء للبلد وفي نفس الوقت غلبة أصوات لحركات سياسية لا يتفاعل معها كثير من الشباب الذي أصبح حائرا بين أزماته الاقتصادية (البطالة) والاجتماعية (الزواج) وبين الواقع السياسي وانعكاساته الأمنية (التضييق على الاعتكاف في رمضان مثلا، عدم السماح بمحجبات في التلفاز الرسمي). شعرت من الضابط الذي قابلني لنحو ساعة ونصف بأنه يهون كثيرا من شأن الحركات السياسية الشبابية وصرح بالحرف (في السياسة إن لم تكن معي فأنت ضدي) وشعرت بأنه يؤمن بأن التعامل الأمني مع هذه الحركات (الاعتقالات أو التضييق على المظاهرات) كفيل وحده بتقفيل كل المواضيع دون شوشرة. قد يكون انطباعي هذا خاطئا إذ لربما رأى أنني مجرد شاب متحمس زيادة عن اللزوم لفعل شيء لوطنه فآثر التحفظ وعدم الإطالة في الشرح والتوضيح. أصبت بالإحباط وفكرت جديا في الذهاب للمخابرات العامة ولكني قررت الصمت إذ خشيت أن أجد رد فعل محبط منهم قد يخدش صورتهم الناصعة لدي ولدى كل أقراني قراء رجل المستحيل، فقررت الصمت والاكتفاء ببضعة مقالات انترنتية ومحاوراتية أحاول فيها معالجة حالة عامة من الإحباط القاتل لدى الشباب (منها سلسلة مقالات مصر حلوة بس نفهمها). كل ما سبق كان استهلالا لا بد منه على رأي أ.عادل أبو زيد، ولذلك نخش في الموضوع وسأنقل كل ما أعثر عليه من مقالات أو تحليلات أو آراء كانت تحذر أو تتنبأ أو تتوقع حدوث 25يناير ويا ريت تساعدوني بأي مشاركات أو مواضيع أو فيديوهات أو بأية انطباعات شخصية.

مشهد قتل السادات من المشاهد الى لو شوفتها مليون مره ابكى بشده اتخيل رجل عسكرى واقف لرد التحيه فيطلق عليه النار عارف لما الناس بتحى حد ماتعرفوش بالسلام يعنى بأمنك فتخونى اسلملك فتقتلنى الغدر شئ رهيب اللهم امنا من غدر الغرباء و ارزقنا الشهاده يا رب

يكفي انه استلم مصر مهلهلة من ايدي جمال عبد الناصر وقدر يعمل فيها نهضة يكفي انه حول النكسة الي هزيمة حتي لو حصروا نصره علي اسرائيل في موضوع الثغرة فقط برضه بالنهاية اسمه نصر وحتي الان ولا دولة مجاورة لاسرائيل استردت ارضها غيرنا مع الاحترام لجميعهم

الراجل ده و جمال عبد الناصر ممكن تختلف معهم بشده و ممكن تتهمهم بالديكتاتوريه لكن اكيد ماكنوش حراميه كانو بيعملو الى شايفينه فى مصلحة البلد ممكن اصابو او اخطائو كانو مخلصين

عادى يا ابو هنا انا كمان بحب السادات على فكرة وبحترمه جداا

سؤال و يلح على بالى بشده لماذا لم يزور لن نقول البابا شنوده بل لنقول احد القساوسه زوج السيده المصاب ليبرهنوا له على ان ما حدث لا يمت للمسيحيه بصله او ليقدموا رساله مواساه و رفض لما حدث اسوه بما فعله شيخ الازهر مع القبطى الذى قطعت اذنه ؟؟؟؟؟؟؟؟؟؟؟ اتمنى ان اضع الف علامه استفهام

بلا ثورة بلا سياسة بلا وجع قلب يا جدع عيشني النهاردة...و موتني آخر الشهر من امبارح و أنا بفتح موقع يوتيوب..و بعض المواقع الإخبارية..و كنت أقابل الخبر ده "سارة ضربت كريمة" يوووه..برضه..مؤيدين للمخلوع..و معارضين له..منك لله يا مبارك..مش هنخلص منك و من أرفك !!لحد النهاردة ما شفت صورة..في موقع من المواقع..قلت أشوف ايه اللي بيحصل و أفاجأ يا سادة..ان سارة و كريمة دول اتنين في برنامج دعارة أكاديمي..و المعروف اعلاميا بإسم..ستار أكاديمي و البنتين اختلفوا مع بعضشيهم..قامت سارة ضربت كريمة..قامت كريمة ردت الضربة لسارة..قام عوضين ولا معرفش اسمه حسين..حاول يصلح الوضع..فسارة زقته و كلمته بطريقة زبالة و بعد ما خلصت الخبر..فقت لروحي فجأة..لقيتني تخنت فجأة..تعبت من المفاجأة.. افتكرت بأه اننا عملنا ثورة..و فيه رئيس مشي..و فيه ثورات شغالة في أماكن تانية.و ناس بتموت العجيب..ان البرنامج الهباب ده فيه ممثلين تقريبا علي حد علمي من كل الدول العربية..أو ما أعرفش بيجيبوهم ازاي..المهم..أن تقريبا بيجمع بين أغلب الدول العربية..يعني علي الأقل فيه تلاتة اربعة من المشتركين عندهم ثورات في بلدهم..خلصت..أو ما خلصتش..و ناس ماتت و ناس اتصابت و دول لسه عايشين في وادي تاني..و منفضين للدنيا تومامن أنا لو الأمر في مصر بإيدي..بجد..أمنع أي مصري انه يشترك في المسخرة دي..مش هقول عشان الحلال و الحرام..لأن ده أمر مش محتاج نقاش..لكن علي الأقل عشان الناس تفوق شوية..و تبطل الوهم اللي هما عايشين فيه..و معيشين ناس كتير جدا معاهم في الوهم ده..و مخليينهم ناسيين الدنيا باللي فيها..

زي ما حضرتك وضحتي الموضوع ده أخطر ما يحدث الآن ... الكلام للأسف كتر أوي و مش من الاعلام بس لا ده من كتير من الناس اللي بقوا محطة أخبار متنقلة أصبح بعض الناس ( أتحدث عن نفسي ) ناقدين و محللين سياسيين و علماء دين ليست المشكلة في حرية الرأي و التعبير المشكلة في خطورة النقل بدون تثبت قال - تعالى -: "وهدوا إلى الطيب من القول وهدوا إلى صراط الحميد " عن أبي هريرة قال قال رسول الله - صلى الله عليه وسلم - كفى بالمرء كذبا أن يحدث بكل ما سمع. وعلمونا صغارا إذا كان الكلام من فضة فالسكوت من ذهب

من مصادر موثوق فيها ... ومن غير كُتر كلام عصام شرف يقوم بزيارة الإمارات خلال أسبوعين أي خدمة وعندنا بس هاتلاقوا الأخبار الحصري

ده لا مؤخذه إستهبال قاضي ... الاخ المستشار عادل عبد السلام جمعة بيستعبط قال يأجل القضية شهر لتخصيص قاعة محاكمة أكبر وإنه يدي فرصة للمحاميين للإطلاع ؟ أومال كل الشهور اللي فاتت دي كانوا بيعملوا إيه ؟ لوما عارف غن القاعة محندقة ... ما طلبتش تخصيص قاعة أكبر ليه ؟ عفواً القاضي تحوم حوله الشبهات .... وكان متخصص في القضايا اللي بتتظبط ... خصوصاً إنه كان حبيب ممدوح مرعي وزير الظلم السابق ... وأي حاجه عاوزه تتظبط كان بيجيبه مخصوص ...

للتذكير http://www.youtube.com/watch?v=6WTZs414j4g

أنا لا أستعجب من هذه التصرفات لإن دي الفطرة السليمة لأي إنسان سوي الإنسان السوي يتمسك بتعاليم دينه . ويتعصب له أيضاً .. لكن في نفس الوقت يعامل الأخرون على إنهم بني أدمين زيه .. ومعاملته الحسنة بتكون تعبير عن سماحة دينة ... فلا يوجد عاقل يقول أن معاملتي للغير بهذه الطريقة فيها تفريط في ثوابت ديني ... وخدوا عندكم الاطفال .. في الحضانة أو المدرسة ... لما بنلعب مع بعض أو بناكل مع بعض - وساعات بنسرق ساندوتشات بعض :closedeyes: - هل كنا بنعمل تصنيف وإن الطفل ده مسيحي وده مسلم أو أو أو ؟ ولا كنا بنتعامل بالفطرة السليمة ؟

عمرك حسيت إن الكون مليان بالنور و إن الرزق واسع وسع البحور مستني نمد ايدينا و نطلب و يقولك طول ما ربك موجود مش راح تغلب عمرك حسيت ان الدنيا مليانة سعادة زي البحر... كل ما تاخد منه تلقاه فزيادة عمرك حسيت إن ربك بيحبك بيبعت لك رسايل بتقولك يا ابن آدم ياللي للغم و الهم شايل محدش في الكون ده ليه عليك جمايل كله من فضل ربك و غيره كله زايل

تساءلت ..هل نحيا الحياة كما ينبغى ....ام اننا نعيش ...وخلاص ؟؟ لماذا نحتفظ دائما بالاشياء العالية القيمة ..لمناسبة خاصة ؟؟ولماذا لانعتبر كل يوم نعيشه هو فى حد ذاته مناسبة خاصة ؟؟ ولماذا نقول دائما ...// سوف افعل هذا الشئ فى يوم ما //..مع ان من السهل جدا حذف هذه الجملة من قاموس لغتنا ..ومن الممكن ان يكون هذا ال // يوم من الأيام //...بعيد جدا ..او..لا يأتى ابدا ؟؟ لماذا عند جلوسنا فى الشرفة نرى فقط الأعشاب ...الغير مشذبة ؟؟ لماذا نتكلم كثيرا ....ونعبر قليلا عن مشاعرنا..؟؟ لماذا نحاول مضاعفة ثروتنا ...ونزيد من قيمة مقتنياتنا ......واحيانا نقلل من قيمتنا لأنفسنا ؟ لدينا طرق كثيرة للعلاج...ومع ذلك...وضعنا ...///الصحى///..فى كل شئ..كما هو ؟ الديار كثيرة .......وجو العائلة اندثر....... اسئلة كثيرة ........هل من اجابة ؟؟؟ سلامى.

روشة هانم انتابتني رغبة عارمة في خنق الدكتور و اللي قال النكتة و اللي كتبها هنا و اللي اداكي تقييم ايجابي و اللي حيقراها bngn:: bsh:) و أنا وأنتي و رقصني يا جدع :110:

السلام عليكم و رحمة الله و بركاته انا اصلا محبتشي الاخبار اللي عمالة زي ما قالها عنبو طب مش هو بني ادم عادي يعني زيينا بياكل و يشرب و يروح الحمام و يدفع غرامة بس الطريقة الاعلامية انها تصوره انه كائن فضائي و بيعمل المعجزات استفزتني جدا لو فضلنا بالطريقة دي للاسف ممكن تجيب نتيجة عكسية...بره الرئيس بيعيش حياته عادي جدا....بيجري و يلعب و ينزل في الشارع...ايه الاعجاز في ده يعني لسه لغاية دلوقتي الاعلام عايزله ثورة مبقتشي قادرة استحمل الطريقة الملائكية اوي في التعامل مع كل ذي سلطة بس خلاص

فيديو يكشف عن تصريح خطير للقمص عبدالمسيح يعترف بالجناح العسكري للمسيحيين ويهدد باستعمال السلاح لأن الشيخ الزغبي دعا لإخراج كاميليا شحاته سلميا من الديرhttp://islammemo.cc/.../25/122445.html

يا استاذ محمد انا مش هاعلق كتير علي موضوعك بس في بدايته لقيتك بتقصي الاخوان من الثورة وعن نفسي متأكد لولا وجود الاخوان المسلمين ما كانت نجحت الثورة

دكتور محشش في العمليات: بيعمل عملية لوحده عاملة حادث طلع الدكتور المحشش لقى واحد بره سأله: إنت زوجها؟ قاله: إيه يادكتور طمني عليها الدكتور المحشش : والله مش عارف اقولك ايه احنا عملنا إللي علينا أنقذنا حياتها بس يؤسفني إني أقولك إنها راح تكون طول عمرها مشلوله يعني انت اللي تأكلها وتشربها وتلبسها وتشيلها زوجها قال:لا حول ولا قوة إلا بالله ..... ...... .. ... ... قال المحشش: هههههههه بهزر معك مراتك ماتت

طيب خير .. لو الجبهه السلفيه والاخوانيه لعبوها سياسه صح .. حيكسبوا كتيرا جدا ... وحيقطعوا الطريق على منافسيهم من الجبهات الاخرى الساعيه ايضا لطرح وترويج فكرها السياسى ..سعيا وراء السلطة والحكم .. وفى ذلك فليتنافس المتنافسون .. والاصلح والاصدق والاقرب للعقل والوجدان سيختاره الشعب المصرى العظيم حتما باذن الله المهم انه الا تستخدم الجبهه السلفيه والاخوانيه .. سياسة او مبدأ ((التقيه)) للوصول الى الحكم .. ثم بعد ذلك ينقلبوا على اعقابهم .. لازم يفهموا جيدا ان السياسه فى الاسلام..((ودى وجهة نظر شخصيه تحتمل الصواب والخطأ ومن ثم المناقشه)) مش تطبيق لنصوص دينيه بحذافيرها فقط .. بل السياسه فى الاسلام .. هى اجتهاد.. وابتكار.. وموائمه.. وملائمه.. وشده ولين .. وترهيب وترغيب..ومراعاة للظروف المتغيره .. والتفكير دائما فى حلول بديله.. او كما قال رسول الله صلى الله عليه وسلم ((انتم ادرى بشئون دنياكم)) .. اى كل بلد ولها ظروفها .. اعجبنى جدا كلام صفوت حجازى .. والله الموفق والمستعان .. وربنا يرزقنا بمن وبما هو فيه خير لبلدنا مصر

الله يخليك يا عم عبد المطلب خلاص مش وقت تحليلات الثورة قامت والحمدلله والغالبية العظمي فرحان بيها حتي لو كانت ظروف البلد مش تمام كله علي امل كبير اوي انها مصر تقف علي رجليها مارد طبعا حابب افكرك ان بداية ثورة 25 يناير خرجت علينا بمقالة طويلة عريضة مضمونها لماذا لم يتظاهر الشعب من اجل التدخين خد لف لك سيجارة كمان عمرو اديب ده يا سيدي معاهم معاهم عليهم عليهم وشوف بنفسك لما الشاعرة ايمان البكري قالت قصيدة عن الدستور وشه في الاخر جاب الوان وقال يا جماعة ده شعر محدش يفهمه بمعناه ممكن يكون باكتر من معني :blink: http://www.youtube.com/watch?v=IbIenyF-rKs

عفوا استيضاح من الادارة الموقرة لماذا تم تثبيت موضوع في باب الحياة النيابية والديموقراطية يرفع فيه الكاتب قبعته تحية تقدير للبرادعي .. ؟ هل محاورات المصريين متحدثة باسم البرادعي وتثبت المواضيع التي ترفع القبعة له ؟ هل من الممكن ان يتم تثبيت موضوع يتم فيه رفع القبعة لاحد المشائخ ؟ هل محاورات المصريين .. تتحدث وتثبت مواضيع حركة التغيير .. ؟ لماذا لا نرى مواضيع مثبتة ترفع القبعة لمرشح من الاخوان مثلا .. او مرشح من اي حركة اخرى ..؟ مجرد تساؤلات .. :unsure:

انا لسه مكملتش قرايه بس مضحكتش كده من ساعة ما قريت الخبر المقندل ده و حبيت اسجلك اعجابى....و على فكرة الخبر مقندل مش عشان الارزاق هى زى ما كلكوا قلتوا مش بايد حد و انا كده كده كنت بفكر ارجع بس عشان الاهانه اللى حسيتها فى الخبر و انا بمنتهى الصراحه مكنتش بضحى بكل شئ و اقف عند قصر الرئاسة حتى لو فيها موتى عشان اشم ريحة اهانة تانى....انا مناخير مقفولة و لو فيه تراب هروح حته هوا :P

دعوة لكل من لديه الامكانيات التقنية ك هكر ان يدخل على المواقع الحكومية السورية الاليكترونية لقرصنتها ووضع صورة 15 مارس

طرق الامهات في تدريس الرياضيات للاطفال االلبنااانيـــه حبيب البي في ايدك فايف فنجرز... ولو ماما أخذت منون تو فينجرز كم يبقى ؟؟؟ ...يالله لوعرفت بدي فسحك في مول الفلاجيو الفلسطينيه يابا الله يرضالي عليك معك عشر ريالات وأجاك واحد واطي وسرق منهم خمسه كم ظلوا معك ؟؟؟ والله لو بدرس قرد كان فهم يلعن مخك كندره ! العراقيه.. يا ابني ركز شوية وافتح مخك اكو 10 اشخاص انفجرت بيهم قنبلة مفخخة وماتو اربعة شكد يبقون ؟؟؟ كول شكد يبقى من نامت عليك طابوكة انت وابوك بيوم واحد واخلص من هاي العيشة الزفرة !! الخليجـــيه.. قوم أنقلع ذاكر في غرفتك لاعادت عليك ولاعلى الساعه الي شفت فيها أبوك !!! المصريــه فتح مخك معايا لا افتحهولك بالجزمه حمارين + حمارين يساوي كام ياواد ؟؟...... يا واد ماتغلبنيش كفاية أبوك منقول

واضح يا جماعة ان الموضوع دخل في الجد..و اتجمع أهه أكثر من 20 مواطن...يعني مش 20 بس..لأ..الخبر بيقول ما يزيد عن 20 مواطنا دول مش محتاجين خراطيم مية...بالمناظر دي..و الواد اللي لابس سلسلة عليها صورة مبارك ده..دول عاوزين بخاخة مية اللي هي بتاعة المكوة دي..وهتلاقي كله روح بيتهم علطول أنا أقترح لو عددهم وصل 22 يقسموا فريقين...ويلعبوا علي السندوتشات و المواصلات..

سبحان من يغير ولا يتغير قال الله تعالى { وَتِلْكَ الأَيَّامُ نُدَاوِلُهَا بَيْنَ النَّاس } [آل عمران:140] صدق الله العظيم

اللهم نجنا من الفتن ما ظهر منها و ما بطن و أحسن ختامنا و توفنا و انت راض عنا آمين

لطيف قوى موضوع رمى كوره الحادثه ديه على اليبرالين و العلمانين الحقيقه انه فكر الى قاتلو مايختلفش عن كتير من الرادكلين نفس الحميه و نفس الفكر قد يختلفو فى الديانه لكن هو نفس الحماس الى عندهم استعداد ينفذو الحدود بايدهم من كتر ما التدين واخد حقه لكن مابيراعوش ربنا فى شغلهم و كانو ماشين على سلو البلد ( انا مش قصدى حضرتك يا ابوهنا ) اصحاب الفكر الاسلامى عشان يكونو سفراء للاسلام لازم يسلم الانسان من لسانه ديه انا قصدى فيها حضرتك يا ابوهنا لو حضرتك اكتر منى تدينا لازم تكون اعف منى لسانا لازم تدفع بالتى هيه احسن لازم اذا خاطبك السفيه الى هو انا ( الليبرالى ) تقول سلام صدقنى مافيش فرق بين هدم الاضرحه و قطع الاذن و قتل الاسره وحبس المتحولات كله طالع من نفس العقول المضلمه الى معتبره اقصى انجاز للدين التنصير او اسلام المسيحين يا ريت يا استاذ ابو هنا غزوه الصناديق ماتعميناش عن مسئوليه فى بناء و تثقيف المجتمع علما بان الانتخابات الطلاب فى جامعة القاهره و عين شمس سقط فيه اكتر من تلات اربع الاخوان الى كانو قبل الثوره استغلو امكانيات الاتحاد فى بناء زوايه للصلاه و نسيو القضيه التعلميه القضيه مش هما و احنا و انت القضيه ان المجتمع فيه قصور كتير و كبير انا عايزه من الاسلامين اسلام حقيقى اسلام مش بس صلاه و صوم اسلام فى العمل و المعامله عايزه من اليبرالين ليبراليه مش طالعاه لمواجهته التيار الاسلامى محتاج من كل الطوائف تتجمع عشان نوصل الكهربا لمصر كلها ننور مصر كلها و لما و لما الدنيا تنور كلنا هنشوف الطريق السليم ساعتها بس اقدر اندهش من جرائم الكره و استنكرها لكن حاليا اسفه انى اقولك متوقع و هيتكرر كمان المعتدى عليه مره مسلم مره مسيحى مره بهائى مره ارثودكس مره سلفي مره كاثولوى فى ضلمة الجهل كله بيخبط فى كله ملاحظه كده على جنب لما الاعلامى المصرى ليبرالى و مبارك ليبرالى و حكومته كانت ليبراليه امال اليبرالين شاركو اذاى فى الثوره عليه الحقيقه ان علاقة مبارك و حكومته باليبراليه هيه نفس علاقته بالاسلام ( كلام و بس

الاعلام يترفع عن مثل هذه الاحداث الفرديه العلمانيين والليبراليين يترفعون عن مثل هذه الاحداث الفرديه الاهم لديهم هو الطن ولكنى اقول للساده العلمانيين واليبراليين اذا اردتم ان يكون لكم وجود فى الدوله المصريه الحديثه لابد ان يكون لديكم مصداقيه وانصاف 1- هل قطع اذان مواطن اهم من قتل ام واطفاها 2- هل هدم قبر اهم من قتل اربعه لانهم اعترضوا على مطب صناعى 3- تدعون الى دوله مدنيه وهناك دوله كهنوتيه يحكمها الباباتقتل وتحتجز وتتعجبوا من نتيجه الاستفتاء وتتهموا الاخر بانه يستخدم شعارات دينيه تدغدغ مشاعر المصريين عفوا الناس وجدت الاخر صادق انصحكم بتغيير اسلوبكم لانه كما ان الدورى لاتحلوا فمنافسه بغياب احد القطبين الزمالك او الاهلى كذلك غيابكم لن تحلوا المنافسه بغيركم وان كنتم لستم قطب بل انتم قله انا كصاحب فكر اسلامى وادعوا الى دوله اسلاميه اشفق عليكم لان باسلوبكم هذا لن نحس بطعم الانتصار تحياتى

طيب بما ان حضرتك يا اخ طارق بترد على الاستاذ التونسى بالعكس هو يقلك المسيحية مفهاش نصوص او تعاليم تدعو للقتل وانت ترد عليه من الناحية التانية وتقله والاسلام كمان مفهوش من غير ما نقطة تعالم المسيحية اللى اثارها وكأن الحكاية تحدى وبما انك استفضت فى الاقتباس من سفر التثنية فى مداخلاتك السابقة انت والمحترم ابو عمر فاسمحلى اقتبس انا كمان لعلى افهم منك او من اخوتى المسلمين حضرتك بتقول ان القران لا يوجد فيه نص واحد يقول بقتل المرتد طيب يا ريت تفسرلى اللى جاى ده كيف نوفق ما بين الاية ... لا اكراه فى الدين ( البقرة 256 ) وما بين الحديث الذى يقول ... من بدل دينه فاقتلوه ( رواه الامام البخارى فى صحيحه عن حديث ابن عباس ) وطبعا دا حديث صحيح وكمان الحديث اللى بيقول أمرت أن أقاتل الناس حتى يشهدوا أن لا إله إلا الله وأن محمدًا رسول الله فإذا فعلوا ذلك عصموا مني دماءهم وأموالهم إلا بحقها وحسابهم على الله عز وجل‏ وكمان الاية فَاقْتُلُواْ الْمُشْرِكِينَ حَيْثُ وَجَدتُّمُوهُمْ‏}‏ ‏ ( سورة التوبة‏ 5‏ ) وللعلم فيه بعض العلماء رايهم ان ( البقرة 256) نسختها ( التوبة 5 ) وفيه راى تانى بيقول ان ( البقرة 256 ) خاصة بأهل الكتاب وفسروها على ان اهل الكتاب بالذات لا يكرهون على الدين الاسلامى وانه يطلب منهم الدخول فيه او دفع الجزية وفيه رأى تالت بيقول ان ( البقرة 256 ) لا هى خاصة بأهل الكتاب ولا هى منسوخة وانما معناها ان الدين بين وواضح تقبله العقول وخد بالك ان الراى التالت مجابش سيرة حرية الاعتقاد من الاساس من دا كله بقى افهم انا ايه ؟؟؟ افهم ان اعتناق الاسلام بالاختيار ولا بالاجبار ؟؟ ومن حديث من بدل دينه فاقتلوه اللى هو حديث صحيح وورد فى صحيح البخارى افهم ايه ؟؟ افهم ان الاسلام فيه قتل للمرتد ولا مفهوش ؟؟ تحياتى السلام عليكم الفاضل سيكولوجى الزميل الفاضل التونسى لم تصله معلومه وجود حد الرده فى المسيحيه و بأدبه المعهود لم يشأء جعلها محل خلاف فتجاوزها بلباقه الى رد تفسيرها لاهلها و انت منهم و لم نرى منك هذا التفسيرو هذا لا ينفى وجودها كما ذكر اخى طارق من قبل . . نحن المسلمين لا نخجل من ديننا و ننكر وجود ما فيه كذبا او حياء و خجلا او تملقا او تحت اى مسمى أخر . هناك حد الرده فى الاسلام و هو موثق و ثابت فى ديننا و كون انه لا يوجد نص قرأنى واضح فى هذا الشأن فالسنه الصحيحه الثابته فى ذلك واضحه جليه لا شك فيها على الإطلاق و قد احسنت بذكرك الحديث الصحيح ..من بدل دينه قأقتلوه ... و هناك أحاديث أخرى صحيحه و موثقه فى هذا الشأن تؤكد ان الرسول و من بعده من الصحابه قتلوا المرتد بسبب إرتداده عن دين الله سواء ارتكب جريمه او لا كما تفضل أخى طارق و منطوق الحديث واضح ان تبديل الدين اى الارتداد عن الاسلام سبب كاف لقتله بغض النظر ارتبط بجريمه اخرى ام لا .هذا لا يتعارض إطلاقا مع حريه العقيده التى كفلها الاسلام للاخرين يا أ.سيكولوجى انت غير مجبر على الدخول فى الاسلام و لكن لتعلم انك حين تدخله فكما لك حقوق فعليك واجبات لذلك انت حر تماما فى قرارك بالدخول و انت اول المستفيدين من ذلك لكن خروجك من الدين لن ينعكس عليك وحدك سيؤثر على أخرين لذلك وقف الاسلام هذا الموقف الحازم منعا للعب اللاعبين و سفه السافهين و المجال اضيق من الاسهاب فى الشبه التى اوردتها عن تضارب النصوص . .و لو اردت نماذج موثقه عن ما فعلته المسيحيه مع المخالفين فى العقيده من سفك للدماء طوال التاريخ القريب و البعيد فجاهز و تحت أمرك لو اردت. لكن القضيه يا استاذ ليست قضيه شرف كما تدعى و شرف ايه و دم حامى إيه اللى يٌنتَقم له بعد سنوات هذه إمرأه مسلمه منذ سنوات و بعلم الجميع و القانون يحميها و متزوجه بعقد شرعى و انجبت ابناء لهم حيثيه قانونيه و شهادات ميلاد و غيرها من الوثائق و عار عليك ان تنسب لها ما ليس فيها لتبرر هذه الجريمه النكراء التى منبعها فقط الكراهيه و الحقد بسبب إسلامها . . كلام د.زغلول لم يوجع دماغ المصريين فقط بل قلوبهم أيضا و اتعجب من موقف الكنيسه التى اتهمها الرجل علنا و على الملأ بقتل وفاء و لم تتحرك حتى لرفع قضيه قذف رغم انها تفعل ذلك على ما هو أقل بكثير من الاتهام بالخطف و الحبس و القتل القضيه ليست عند د.زغلول يا أستاذ و هذا الرد الاستخفافى عن الجثه او اداه الجريمه سمعته من قبل من احد الرموز و كان فيه من الاستهبال ما فيه و لكن الايام قادمه و مصر لم تعد كما كانت من قبل و الذى سَلم كاميليا ووفاء الان على البورش و القضاء الان حر وابشرك ان كل من ساهم فى جريمه خطف او اعتقال إمرأه ضعيفه بسبب إسلامها مكانه محجوز على البورش بجوار حبيبه .

Happy Birth Day to YOU اطال الله عمرك في طاعته و مرضاته

ازيك يا امير ابعتلى على الخاص رسالة فيها الايميل بتاعك وانا حابعتلك كل الاوراق المطلوبة والتفاصيل خطوة بخطوة وكمان ذاكر شوية من المنتدى هنا توبيكات الدكتور قناوى والاستاذ نصار وخد معلومات من باب كندا هنا وانشالله ربنا يوفقك يا امير اغابي