لوحة القادة

بأضم صوتي لصوتك يا طارق... و أطالب بمعرفة مصير كاميليا و وفاء و التأكد من عدم التعرض لهم، كما أطالب الكاتدرائية بتوضيح الأمر و سبب التكتم عليه و عدم تقديمهم للاعلام للدفاع عن أنفسهم سواء كانوا مسيحيات أو مسلمات... و أطالب بمحاكمة المسئولين سواء كانوا اساقفه أو بطاركة علي هذا ، اللهم الا لو كان هذا السكوت بأمر من الجيش و المجلس العسكري... هذا الموضوع اخذ أكبر بكثير من حجمه، و نفقد فيه وقتا و جهدا اقتصادنا بحاجة لهم... من يغير دينه من أي اتجاه أو بأي اتجاه، يفعل ذلك لوجه الله و الله هو حاميه و مجازيه... و يجب علي ال"دوله" المصرية حمايته و ليس هذه الجماعة او تلك... نرجو من البطريركية الخروج للاعلام و نفض يدها من هذا الموضوع تماما، حياة مسيحي ليست أغلي من الوطن، و دم المسيحي هو بركة لا يجب أن نخشاها... معك يا طارق الي أن تظهر حقيقة الموضوع

الإيميل ده جالي و استغربته جدًا لأني قرأته بكل سهولة سبحان الله على العقل البشري حاولوا تقرأوا كدة

نصائح للبنـات عند بابا فى العيد بيديكي عيديه و فوقها بوسه عند زوجك يقولك انت كبرتي ع الحاجات دى ...عند بابا بتنامي و بتصحي على راحتك عند زوجك بتنامي و بتصحي فى مواعيد شغله عند بابا و انتي مريضه بيبقى قلقان عليكي طول الليل عند زوجك بيروح ينام فى اوضة تانيه عند بابا لو موبايلك اتكسر بيجيبلك احدث نوع عند زوجك بيديكي موبايله الصيني وبيجيب واحد جديد لنفسه خليكي عند بابا احسنلك

أون تي في أفضل القنوات الخاصة في مصر حاليا وأكثرها مصداقية ... ويكفيها كم الحملات الدعائية الإيجابية لمصلحة البلد التي تساهم فيها ... ويكفيها هامش الحرية الواسع الذي تسمح به والذي يجعلها تستضيف شخصيات معارضة لنهجها مثل عبد المنعم ابو الفتوح وفهمي هويدي وعصام سلطان (نفسي بقى اشوف قناة ذات طابع اسلامي تستضيف مسيحيين أو ليبراليين) ويكفيها وجود مذيعين متميزين يتمتعون بالمهنية والكفاءة مثل يسري فوده وريم ماجد ... ويكفيها وقوفها مع الثورة المصرية في الوقت الذي كانت فيه القنوات الأخرة تنافق وتكذب مش من الشطاره ولا من اللياقة ابدا إن واحد يستضيفني في قناته علشان أتكلم براحتي فأستغل الفرصة لمهاجمته في غيابه وحين ينبري المذيع لتقديم وجهة نظر الطرف الغائب أصرخ شاكيا من عدم الحيادية ... عصام سلطان يحاول عمل فرقعة اعلامية ترفع أسهم حزبه الذي يعلم جيدا أنه سيخرج صفر اليدين في الانتخابات القادمة بعد أن اسس الإخوان حزبهم وكل يوم يفتعل مشكلة ويحشر فيها كلمة الاستفتاء وكأن الزمن توقف عند يوم الاستفتاء وكل من يعبر عن وجهة نظره في أية قضية حتى لو كانت غير ذات علاقة بالاستفتاء فهو لا يحترم إرادة الشعب وعايز يخرب البلد ... وهو شخصيا أحد أسباب الأزمة التي شقت صفوف المصريين بعد تصريحاته النارية التي هيجت المشاعر وجعلت من استفتاء على مواد دستورية محددة لا علاقة لها بهوية الدولة غزوة لحماية الإسلام. والحته بتاعت الأداء الضعيف للحكومة والاقتصاد دي ضحكتني ... يعني عصام سلطان شايف إن اختيارات المحافظين كانت صح ولا ماسمعش عن أزمة قنا ولا ماسمعش عن العشره مليار دولار اللي وزير المالية رايح يستلفهم ولا عن البلطجة في مستشفى المطرية ولا هو آخر حاجه سمع عنها كانت الاستفتاء ؟؟؟ وعموما آدي ألبرت شفيق ردّ عليه ردّا مفحما والحلقة اتذاعت مرة ثانيه بكل الكلام اللي قاله بما يثبت تهافت كل ادعاءاته. يا ريت يريح نفسه بقى ويطلع قصة الاستفتاء من دماغه خلاص ماحدش في البلد عاد بيتكلم عن الاستفتاء غيره.

هو دا ..المطلوب .. يا ولادى فى أمين الجامعه .. المره دى بيوطى ... وكمان بـ ِ..يـدادى ولا بيــعارض .. ولا بيعادى مِل أخر .. بـواس لـــ أيــادى

بعيد عن قناة اسكوب وحملتها وبعيد عن الاصناف الخارقة للطبيعة اللي قدام ماسبيرو وعلي الرغم ان كاتب المقال كان يقصد بيه قناة سكوب وحملتها وعتابه عليهم لكن انا شايف ان المقال ينفع للتعميم ورسالة كويسة لانصار مبارك __ .. تخيلت نفسي واحدا من شباب «ثورة 25 يناير» في مصر قرر ان يرد على العديد من الكويتيين الذين «يتعاطفون بشدة» مع الرئيس السابق «حسني مبارك» - وبلهجته المصرية المحببة – قائلا: ٭٭٭ .. أعزائي «الكوايته» الحلوين: .. انا عايز اقول لكم انكم.. مش فاهمين حاجة خالص عننا، وعن اللي جرالنا! انتو بتيجوا مصر – كم يوم كده – وتنزلوا في «هيلتون» واللا.. «شيراتون» واللا.. «سميراميس» ومعاكم.. «ميري» و«راني» و«صوفيا» و«كومار» و.. السواق «البدون» بتاعكم، وتتفسحوا وتاكلوا عند «كبابجي» الشيراتون حمام مشوي وكباب وكفتة وواحد زي الاستاز «فؤاد الهاشم» يسكن في «الفورسيزون»، وبعدين يروح يتفرج على «دينا» - وهي بترقص بجسمها الجميل اللي عامل زي الملبن – وتاني يوم يروح «العزبة» في محافظة الشرقية عند واحد صاحبه، ويفطر «عسل اسود وفطير»، ويتغدى «وز وبط»، وتاني – او تالت يوم – يسافر بلده، زيكم كده لما تهيصوا وتتفسحوا وتروحوا «كرداسة» علشان تشتروا.. «دراريع» - او «بلاليع» - .. واللي ما اعرفش بتسموها كده.. ليه؟! تعرفوا ايه عن الناس الغلابا اللي عايشين في.. «الامام الشافعي» مع الاموات؟ عن الناس الغلابا اللي عايشين في.. «الحسين» و«السيدة زينب» و«الورّاق» و«المدبح» و«نزلة السمان» و«روض الفرج» و.. «حارة قواوير» و.. غيرها، وغيرها.. وغيرها؟! تعرفوا ايه – يا كوايته – عن «العشوائيات» والجوع والفقر والمرض ودخل يومي ما يزيدش عن «ستميت فلس» - بالفلوس بتاعتكم – وانتوا بتدوا .. «ميري» واللا.. «ماريا» واللا.. «كومار».. دينار واللا دينارين، لما يعوزوا يروحوا الكنيسة اللي جنب الشيراتون بتاعكم كل «يوم.. حد»؟! .. أعزائي «الكوايته».. الحلوين: .. احنا بنطفح «الكوته» علشان لقمة العيش، ونظام الريس السابق خلانا.. «نخبّط في الحلل»!.. عارفين يعني ايه.. «نخبّط في.. الحلل»؟! يعني ماشيين ومش عارفين احنا فوق الارض واللا.. تحتها؟ عظامنا عليها لحمة وشحمة، واللا.. مدفونة وشبع منها دود.. الارض؟! ما شفتوش اهالينا اللي راحوا يحجوا لبيت الله ويشتكوا لربنا وحبيبه النبي المصطفى على اللي بيحصل لهم في بلدهم مصر، ولما ركبوا العبّارات ووصلوا لنص البحر الأحمر، غرقت بيهم، واكلهم.. سمك القرش! ليه؟ علشان.. صاحب العبّارة «ممدوح اسماعيل» طلع صاحب «زكريا عزمي» - رئيس ديوان رئيس الجمهورية، واللي بيحبه الريس اكثر من شعبه، سمحوا للقاتل اللي قتل الف روح جايه بعدما زارت بيت ربنا وقبر حبيبه النبي عليه الصلاة والسلام، انه يهرب ويروح يعيش – مع ملايينه الغرقانه بدم الشهداء – في لندن بعدما اتحكم عليه بـ.. ثلاث سنين سجن مافيش غيرهم! الف روح ماتت، والقاتل يأخذ ثلاث سنين سجن.. وياريته اتسجن كمان! ده لو كان دابح الف «قطة وقرد» كان حيتحكم عليه باكثر من.. كده!! ا ولادنا بيغرقوا في البحر المتوسط – كمان – وهم رايحين على مراكب تعبانه علشان ياكلوا لقمة عيش في «ايطاليا» واللا «اليونان»! فين ايام زمان، لما كانوا.. «الطلاينة واليونانيين والفرنساوية والانجليز».. بيجوا بلدنا علشان يشتغلوا عندنا وياكلوا لقمة عيش؟ شفتوا الضباط وحكمهم عمل فينا.. ايه؟ وآخرهم «الضابط الجوي حسني.. مبارك» اللي خلانا ناكل «المشّ بدوده» هو وولاده ومراته وصحاب ولاده، وشلة الحرامية اللي نحتوا جسم مصر ووبرها، ووصلوا لعظامها.. وقعدوا يلحسوا ويمصمصوا فيه.. كمان؟! .. أعزائي «الكوايته» الحلوين: .. ولما نطفش من بلدنا – من الخوف والجوع والمستقبل اللي مالوش ملامح – ونبيع الجاموسة ونبوس ايد العمدة علشان نسافر الكويت ناكل لقمة بالحلال، تطلع لنا الست «عزيزة المفرج» وتقولنا.. «طلعوا من.. ديرتنا»!! وبعدين بتقولو لنا.. «حرام عليكم، اللي بتعملوه في حسني مبارك وولاده ومراته»؟! هو صحيح حرر بلدكم من «العرائيين»، لكنه استعبد – واستعمر – بلدنا بالحرامية والهليبة والبلطجية وخاربين الذمة لتلاتين سنة لما.. «اتهرينا»!! عايزين.. مبارك وبتحبوه؟! خدوه عندكم – اشبعوا بيه – بس هو بقى مش عايزكم ومش عايز «السعودية» ولا «الامارات»، هو عايز «شرم الشيخ» ومش حيخرج منها الا على سجن.. «طرة»! سيبوه بقى، هو عايز كده، وقبل كده.. ربنا عايز كده كمان! .. أعزائي «الكوايته».. الحلوين: .. عندنا «مسل» بيقول: «يا داخل بين البصلة وقشرتها…..»! فارجوكم سيبونا في حالنا، وما تقولوش علينا «ما عندناش وفا ولا اخلاص»، لان «ايدكم» اللي غطسانه لتلاتين سنة في «الميه الساقعة» بتاعة فنادق الخمس نجوم، مش زي ايدينا اللي اتحرقت واتشوت من.. «ميه الحزب الوطني اللي.. بتغلي»!! .. فؤاد الهاشم

من المجلس الأعلى للقوات المسلحة إلى بنات شعب مصر العظيم: إللي شوفتوه في فرح الأمير فى بريطانيا تنسوه خالص! n2&( أنتم كبيركم دار المدرعات! ده لو شفتوه كمان po:: - والله الموفق

نفس حنجرة ما قبل 1967 بلد مفيهاش مرتبات 3 شهور علي بعض بتتكلم كما لو كان عندنا ميزانية تصرف علي حرب طويلة الأمد ربنا يستر البلد دي فيها كمية حملات وجبهات وحركات ومنظمات ورابطات تكفي كل دول العالم وتفيض ع المريخ كمان ثم معلش يعني قبل ما أفكر أعمل أي تجمع لازم أعمل scan ع القوي السياسية في البلد وادرسها واعرف افكارها واستراتيجيتها ع المدي الطويل وتمويلها واهدافها وفعاليتها و اختلافها عن غيرها لو لقيت اللي انا عاوزه مختلف عن اللي مطروح في الساحة يبقي اعمل تجمع علني مش 1646644564 الف جروب ليهم نفس الاسلوب

وهو دا ..المطلوب .. يا ولادى فى أمين الجامعه .. المره دى بيوطى ... وكمان بـ ِ..يـدادى ولا بيــعارض .. ولا بيعادى مِل أخر .. بـواس لـــ أيــادى

مقال اليوم لفؤاد الهاشم (أحب أسلوبه ولا أحب توجهاته) مقال جميل ، بخصوص قناة سكوب

رسالة كويتي لقناة سكوب من منتدي كويتي لا أعلم حقيقة سبب تعنت قناة سكوب بالاستمرار بما تقدمه بشأن حسني مبارك..؟؟ ولهذا اوجه إلى هذه القناة..التي تضرنا أكثر من أن تقدم لنا الخير..واقول.. إن ما تقدمونه من مشاهد لنصرة حسني مبارك..هو متابع من قبل المصريين وحتما هذا الأمر سيرتد علينا ككويتين لما نرغب بالسفر لمصر.. وأعلموا يا سكوب.. إنه بدأت الآن حملة اعلامية بمصر عبر بعض الكتاب والمتابعين بالقول لشعب مصر الكريم(( انظروا ماذا يقول عنكم الكوايته..!!!)) فهؤلاء اعتقدوا إن قناة سكوب تمثل الشعب الكويتي باسره..وهم محقين بهذا الاعتقاد وأعلموا يا سكوب إن اي ضرر أو اعتداء على اي كويتي أو أي عائلة كويتية سنسمعه مستقبلا ستكونون أنتم السبب.. وأعلموا إن الشعب المصري الآن..ليس كالسابق الذي يقبل الرشوة أو الاكرامية بل بدأت صدور بعضهم تشحن ضد الكويتيين عن طريق كما قلنا بعض صحفهم وقنواتهم وخاصة تلك الاقلام أو البرامج المباشرة والتي يديرها بعض الذين ((اصلا))يكرهوننا كره العمى وها نحن نقدم لهم اسرنا واهلنا قربانا بسبب قناة سكوب.. وبالنهاية اقول.. الشعب المصري اختار طريقه.. فلماذا نتدخل نحن محاولين تغيير ذلك الطريق..؟؟ فيا سكوب نرجوكم..فلتكن نظرتكم واقعية.. فإذا كان الشعب المصري يريد محاكمة رئيسه السابق..فهذا شأنه وحده ولنحتفظ نحن بمشاعرنا تجاه افعال حسني مبارك..ولا ننطلق خلف الاوهام وتتسببون بإيذاء أهلنا عندما يسافرون لمصر.. فالشعب المصري معروف عنه..رغم بساطته..إلا إنه يصدق اي شيء فهناك محترفين لنشر وقلب وبتر بعض الحقائق.. فما لكم لا تستوعبون يا سكوب..؟؟

أنا قريت الخبر من فترة بس الصراحة مخدتش في بالي خالص ! قناه في الكويت! تأثيرها على مصر إيه بالظبط ؟ مش هتزود المؤيدين واحد ولا هتنقص المعارضين واحد ولا ليها تأثير على مصر بأي شكل. ومفتكرش هتأثر على قرارات حكام الكويت خالص. ملهاش أي محل من الاعراب !!! هنسيب مؤيدين الريس في مصر والمسئولين اللي لسة موجودين و تصليح مصر عشان نرد على مذيع في الكويت. بعدين ردا على سؤال الكويت مؤيدة الثورة ولا لأ الكلام بيبقى مع السلطات الكويتيه ...مش مع قناة سكوب على حد علمي ده بيحصل فعلا

السنه اللي فاتت كانت اول اجازه لي في مصر وطبعا كانت مشكلتي الكبري العربيه ...ماكانش معايا عربيه فقلت مفيش مشكله اقضيها تاكسيات لكن المشكله ان التاكسيات كتنت يتكلفني في اليوم الواحد حوالي 100 جنيه ده غير القرف بتاعهم انه مش عايز يقف ولو وقف مش عايز يروح الحته اللي انت عاوزها ولو راح الحته الي انت عاوزها يقعد يرغي طول الطريق ويصدعك........وللاسف معرفتش استمتع بالاجازه عشان مش عارف اخرج من البيت ولو خرجت وقت كبير بيضيع في البحث عن مواصله مناسبه لذلك قررت اني اتوجه للايجار حيث ان الايجار في حدود 150 جنيه في اليوم وانا اصلا بصرف 100 في اليوم لكن زي مانتم عارفين ان 99% من المكاتب في مصر نصابين وعشان تاجر عربيه شهر ممكن تقضي بقيت عمرك في السجن من وصولات الامانه والشيكات اللي كاتبها علي نفسك فكرت اني اشتري عربيه شركه مع احد اصدقائي في السعوديه وكل واحد يستعملها في اجازته لكن لقيت في مشكله بتاعه رفع العربيه وفي الاخر رسيت علي الايجار لكن من شركه زي النظام هنا في السعوديه يكون فيها تامين شامل وبصوره البطاقه والرخصه بس لقيت ادامي كذا شركه 1-budget 2-Avis 3-sixt 4-Euorope car لكني وجت ان ارخص شركتين هما يوروب كار وسيكست وممكن تحجز براحتك وتدفع لما تستلم العربيه فحجزت لشهر يوليو الجاي من سيكست عربيه شيفروليه سبارك ب127 جنيه في اليوم ومن يوروب كار رينو كليو ب 195 جنيه ونظام التامين انك تدفع 500 دولار وتستردهم لما ترجع العربيه وده اقصي تحمل عليك انشا الله العربيه تتحرق او تتسرق ده موقع يوروب كار http://www.europcar.com.sa/cgi-bin/reserva...;CTRCT=50592654 وده سيكست http://www.sixt.com/ ودي تجربه ممتازه مع احد اعضاء منتدي نايل موتورز مع يوروب كار http://www.nilemotors.net/Nile/28919-europcar.html انا طبعا عايز اخد السبارك لانها ارخص بس للاسف معرفش حد اتعامل معاهم في مصر فهل حد اتعامل معاهم قبل كده وهل عندكم حل اخر لمشكله الايجار والعربيه في مصر؟

عمرك حسيت..عمرك حسيت!!؟ عمرك حسيت .. إن الدنيا .. فــ عنيك .. بتهون وان حياتك .. ماسخه.. وبايخه ... وعديمة اللون عمرك حسيت ..إنك قربت .. تصير... مجــنـون وانك مطحون.. وكمان مسجون.. فى براح الكون عمرك حسيت .. عمرك حسيت!!؟ عمرك حسيت .. إنك عايز .. تصــرخ .. وتثــور زى البركان .. إللى بيغلى .. وخــلاص حيفــور عمرك حسيت .. إنك شمعه .. عـُمرها .. مهــدور بتموت ف مكانها ..لجل ما توهب غيرها .. النور عمرك حسيت .. عمرك حسيت!!؟ عمرك حسيت .. إنك حــاير.. بيـــن إتجاهـــين وانك ضليت السكه ..وتُهــت .. مع التايــهين عمرك حسيت .. إنك نِفســك.. تبقى بجناحين وتطـــير .. وتفارق دُنيِــتنا .. المليانه أنيـــــن عمرك حسيت .. عمرك حسيت!!؟ عمرك حسيت .. إنـك متغــرب .. بــين النـــاس وانك مش لاقى.. معنى جميل ..إسمه الإخلاص عمرك حسيت .. إنك فى الحب .. وقعت خلاص مع إنك .. حاطط على قلبك ..قــفــل .. وحراس عمرك حسيت .. عمرك حسيت!!؟ عمرك حسيت .. إن الكلمه .. فـ حَلقَك..مدبوحه والصرخه الساكنه.. فـ نظراتك..ساكته ومجروحه عمرك حسيت.. إن البركه.. فـ رِزقك.. مطروحه وبتدعى.. ودايما كده.. أبواب السما..مفـتوحه عمرك حسيت..عمرك حسيت!!؟ اتمنى أن تحوز قبولكم و .. التونسى

كل سنة وانت طيب يا بشمهندس وربنا يجعل ايامك كلها خير وبركة وسعادة يالا بقى جيب جاتوهات وهدايا لينا :) bnd5:: bnd5:: bnd5:: bnd5:: bnd5:: يا نجاتى انفخ البلالين

الدولة: جمهورية المالديف * العاصمة: ماليه * اللغة: الديفي، الإنجليزية * العملة: الروبية المالديفية هي مجموعة جزر مدارية مرجانية منخفضة نظيفة في المحيط الهندي، تحاط بنسيج من أشجار النخيل وشواطئ رملية بيضاء صافية وبحيرات زرقاء خلابة، وتمثل قبلة لهواة الغطس وراغبي مشاهدة الشعب المرجانية بألوانها المتعددة الزاهية والاستمتاع بالحياة البحرية الزاخرة بمفردات الطبيعة ومكونات البيئة المائية. تتكون جزر المالديف من 26 جزيرة مرجانية على الجنوب الغربي من جزيرة سريلانكا، وتمتد على خط الاستواء بطول 754 كيلومتراً شمالاً وجنوباً و118 كيلومتر عرضاً، وبها 1192 جزيرة مرجانية صغيرة لا تتجاوز مساحة هذه الجزر 4% من مساحةالبلاد الكليّة، بعض الجزر بها كثبان رملية وغير مسكونة، بينما البعض الآخر يصل عرضها إلى بضعة كيلومترات ومزروعة بالكامل. تتميز البحيرات باللون الأزرق اللامع والشعب المرجانية المدهشة والحياة البحرية الوفيرة. وبالرغم من أن القوانين المحلية الصارمة التي تمنع صيد السمك والاستغلال التجاري أبقت البيئة البحرية على حالتها الطبيعية إلا أنه في 1998 بدأت الشعب المرجانية التأثر بالنين، فما هو النين؟! هو ارتفاع في درجة حرارة البحر، استمر هذا الارتفاع الحراري لمدة أسبوعين، مما أدى إلى تغطية الطحالب للشعب المرجانية وتوقف نموها وضياع لونها الخلاب وهذه الطحالب يمكن أن تكون مدمرة، إلا أن معظم الشعب المرجانية لم تتأثر بشدّة، ولم تتأثر أيّ حياة بحرية أخرى بهذه الطحالب، ويتوقع علماء الأحياء البحرية ومراقبو الشعب المرجانية أن تكون عملية النمو دورية ويراقبون نمو الشعب المرجانية الجديدة بالاهتمام الشديد، وإلى الآن ما زالت الشعب المرجانية عالما عجيبا يجذب الغاطسين والمشاهدين برغم فقدانه لبعض ألوانه بشكل مؤقت. عاصمة البلاد والميناء الرئيسي تشغل مساحة صغيرة ولكنها فريدة وجذابة وتشبه المدن الكبيرة لما تتميز به من نظافة وترتيب ونظام، تكثر بها المساجد، والأسواق، تتخللها شوارع صغيرة متشابكة تبدو كالمتاهة لمن لا يعرفها الأمر الذي له سحره الخاص. جزيرة ماليه يبلغ طولها كيلومتران وعرضها كيلومتر، وحدودها مكتظة بالبنايات، وعدد السكان بها حوالي 000 ،65، لكن مع العمّال الأجانب والسياح، يصل تعدادها إلى 000 ،100 شخص وهي تبدو كذلك فعلا الدين والثقافة أما الدين الرسمي لجزر المالديف فهو الإسلام، وكلّ المالديفيين مسلمون سنّييون ولا توجد أي أديان أخرى، ويتمسك معظم المالديفيين بتعاليم دينهم ويظهر ذلك في احتفالاتهم الدينية الرسمية. وكعادة الآسيويين، السمك والأرزّ هما الغذاء الرئيسي للسكان، أما اللحم والدجاج فيظهرا فقط في المناسبات الخاصة والأعياد، حيث تتضمّن الأطباق الشعبية السمك المقلي والكاري وحساء السمك وآريكانوت (بندق بيضاوي ملفوف بورقة بيتل وفصوص وكلس) وهو يشبه النعناع ويقدم بعد عشاء. جوز الهند هو المحصول الأساسي لجزر المالديف، هناك القليل جدا من الثمار والخضار تزرع في بعض الجزر، لذا أغلب الطعام المتوفر بالبلاد مستورد من الخارج.

دا مش شئ جديد.. من الناحيه الاعلاميه .. علميا تسمى هذا البرامج ب ((البرامج الموجهه)) .. والمفروض يتم استخدامها لصالح الجهه التى تقوم بتوجيهها .. لاهداف تخدم مصالحها .. وده كان موجود من ايام عبد الناصر .. كانت فيه محطات اذاعه بلغات مختلفه .. للدعايه والترويج للثوره عند الدول الاخرى الغير ناطقه بالعربيه طبعا فيه حاليا محطات بحالها موجهه .. زى البى بى سى مثلا .. محطات اذاعيه وتلفيزيونيه تتبع لها تصدر بلغات عديده وفى دول مختلفه .. طبعا هما بيبرروا ده انهم بيقدموا خدمه لدول العالم .. لكن اكيد لهم اهداف اخرى منها محاولة الهيمنه الاعلاميه .. وفيه برده قناة الجزيره باللغة الانجليزيه .. وطبعا دى موجهه للغرب عشان عرض القضايا العربيه من وجهة النظر الاخرى بالنسبه للغرب

شكرا جزيلا على اللينكات المهمة دي, ربنا يخليك يا استاذنا العزيز و يوفقنا جميعا للخير :) انا اسفه و الله اتى مقرتش اسئلة حضرتك قبل كده ...انا نفس ظروفك تقريبا و ممكن اساعدك على الاقل فى التقديم لل MOH و على فكرة التقديم اونلاين كانت شروطه و مواعيده مختلفة عن لما رحت ..يعنى كانوا طالبين سنتين بعد الماجستير و انا لسه مخلصه ..بس قبلوا الورق و عرفت انا ممكن يبقى اخصائى ب ...تانى حاجه مكانش فى جداول و لا كلام من ده هما ادونى ظرفين لدكتورين اروحلهم يمتحنونى بس ربنا يستر علشان اللى فاضلى ده بيسقط كل اللى بيروحولوا ... هو حضرتك ايه تخصصك؟....لو حابة تقدمى فى ال MOH ممكن اقولك الخطوات لتصديق الورق و الورق المطلوب و تبعتيه و اقدمهولك لما اروح..لو نجحت طبعا دعواتك.. بالنسبة لل HAAD او امتحان ابوظبى فانا كنت قريت انه ممكن تمتحنيه فى مصر اعتقد فى اميد ايست بس ده امتحان ال ممارس..بس مدورتش ورا الكلام ده... رخصة دبى بقى سهلة ف تخصصات و صعبة ف تخصصات يعنى مثلا دكاترة السنان بيعيشوا ازهى عصورهم بس قصاد كده بين كل دكتور سنان و دكتور سنان فى دبى دكتورين سنان تانيين... موضوع المقارنه بين البلاد مش منطقى من غير المقارنة بين العقود...التعميم مش هيساعدك تخدى قرار...بس هو سياسيا الكويت على الاقل اكدت انها مش هتوقف فيز المصريين بسبرده ده مش سبب تبنى عليه قرارك... فى مواقع انترنت زى Dubizzle Nakurigulf و كتير قدمى فيهم و حطى CV محترم هتلاقيهم بيكلموكى...الوسيط بقى بيطلب الناس اللى معاها رخصة على طول...بس ده ان العقد بيكون افضل...و دى نقطة تانيه...لو جيتى من غير ترخيص و صاحب العمل هو اللى عملك الترخيص بيكون العقد يمكن نص لو عملتى الترخيص و حطيتى رجل على رجل و اتعاقدتى بعدها

فتح معبر رفح مع إحكام السيطرة عليه مع عدم استفزاز العالم واستعدائه تجاه مصر خطوة صح لكن مليونية ومظاهرات هيعملوا أيه؟ مش وقته خالص وأنا شايفة إن دلوقتي وقت الهدوء والعمل وليس الهتاف والكلام اللي معليهوش جمرك إحنا دورنا نساعد إخواننا في فلسطين بالأفعال .....نفسي مرة نبطل كلام ونشتغل نقطة ع جنب أن خلاص زهقت من كثر المليونيات والمظاهرات يا جماعة ارحموا البلد والناس أنا حاسة إن مصر بقت عاملة زي واحد لسه خارج من أوضة العمليات وكل الناس ماسكة في خناقه عشان يرجع ديونه كل الناس لها مطالب ...نعم ماقولناش حاجة بس بالراحة والصبر ....لكن البلد هتغرق بالشكل ده لازم ترتيب الأولويات وياريت نستخدم طاقتنا في العمل للخروج من الحالة اللي البلد أصبحت فيها

وليه مانعين التصوير؟ هما عارفين ان كده كده الناس هاتصور وإن الصور هاتتسرب؟ يعني خايفين على شعورهم ولا صلعتهم؟ خلوا الناس تصور عشان احنا نتفرج وننبسط ........ها ها ها ها (ضحكات شريرة متقطعة) بجد بجد اللهم لا شماتة

احبائى جميع رواد الديوانيه .... اود ان اخبركم بافتتاح قهوه المغتربين عالفايسبوك ....زرونا تجدوا مايسركم http://www.facebook.com/home.php?sk=group_215358078476378&notif_t=group_activity#!/home.php?sk=group_215358078476378&notif_t=group_activity وهذا لايمنع اننا متواجدين معا هنا دايما ..وبيت العيله له الوفاء والانتماء قبل اى شىء ولكن زى ما قالت ام على هناك اسرع ابوعمار ..الغريب ...سامح ..كب كيك ..اهات ................وكل الناس ...شايكم محفوظ والحساب مدفوع مقدما

ده بيقوله ابوس ايدك ياباشا عاوز اجوز الواد شفلى كدة حته قصر صغير كدة ان شالله يكون على مساحة 10 فدان ويكون مفروش فرش عادى بالتحف الأصلية لحسن الجماعة فى البيت عمالين يزنوا على علشان اجوزه وانت عارف ياباشا المرتب يادوبك مليون فى الشهر ويجعله عامر

مش محتاجه ثمامة يا حبيبي .. أفتح الشباك وشدددددددددددددددددددد لك سطرين ههههههههههه أنا من ورا قزاز البلكونة دلوقت بأبص على الشارع ... ومش لاقي نفسي ... شارعنا راح فين فين فين ؟ بشرتينا بالغبار يا أم علي ؟ الله يبشرك بالخير أم علي فين يا رجالة ؟

ارجوكم بلاش فتح المعبر بلاش فتحه سداح مداح والله اسرائيل عايزه كده يتم فتحه للحالات الانسانبه فقط فتح المعبر سوف يقتل القضيه الفلسطينيه فتح المعبر يعنى تقسيم فلسطين قطاع غزه ولها فتحه فى مصر الضفه الغربيه ولها فتحه فى الاردن لماذا نتحمل المسئوليه عن الاخرين الفلسطينيون لم يقدموا من الدم مايستحقوا عليه التحرير مجرد كلام بلاش فتح المعبر

هو حاطط ايده علي بطنه ليه .........؟

يا ريت يا جماعة كلنا تكون اجازتنا فى مصر حتى لو حد متعود يروح حتة تانية مصر محتاجة لينا جدا دلوقتى وبخصوص الاوضاع دلوقتى بقت احسن كتير جدا و دة من خلال اتصالاتى باصدقائى واقرايبى فى محافظات مختلفة ولسة من كام يوم فى لجان مشتركة من الجيش والشرطة بتزل تلم البلطجية بكميات كبيرة ويارب وفق بلدنا للخير,,

art:) art:) art:)

عمرك حسيت .. إنك واحد .. م الناس .. محبوب ومعاك تأشيره .. بتدخل بيها .. قـلـوب.. وقـلـوب . عمرك حسيت ..إنــك مُـبــدِع ... إنــك مــوهــوب وخفيف الدم .. سواء فى الفـكـره .. أو الإسلـوب . عمرك حسيت ... عمرك حسيت . . . حبيبى يالسارى حقيقى بشكرك جدا على مداخلتك .. وعلى رفعك لروحى المعنويه و الزجليه .. عشان كده بهديك شخصيا ذلك المقطع الزجلى الجديد والمكتوب أعلاه .. واللى حضمه ان شاء الله للعمل الاصلى .. هو والمقاطع الاخرى اللى كتبتها فى معرض ردى على المداخلات ها هنا والله يالسارى.. انا بكتب الشعر والخواطر .. بدافع من الحب والهوايه ..أكثر منه ..بدافع الشهره .. ورغم إن كتير بينصحونى انى أحترف الموضوع ده .. وانى على الاقل اجمع اعمالى فى كتاب او ديوانب إسمى الاصلى .. مثلما دعوتنى هنا يالسارى .. لكنى مش متحمس للموضوع ده بصراحه ..تقول كسل ...تقول شك وعدم اقتناع .. بس تقدر تتأكد انى سعيد ومكتفى حقيقى بنشر اعمالى الشعريه وتلقى ردود الافعال المباشره .. فى المنتديات المختلفه .. رغم ان كتير من أشعارى وخواطرى نازله بأسماء مستعاره مختلفه ..ومش بإسمى الاصلى .. مما يعرضها طبعا للسرقه والنقل والاقتباس .. نورت الموضوع يالسارى ... وعايزين بقى نشوف لك ابداعات جديده .. وتتواجد بينا اكثر واكثر مع خالص تحيتى التونسى

واحد نام بالليل حلم انه دخل النار و شاف هيفاء وهبي و نانسي عجرم و روبي صحي الصبح مبسوط اويييي..و قام قاتل نفسه عشان يروح النار !! دخل النار لقي ابليس و فرعون و ابو لهب !! قفالهم ايييييه ده و مال فين روبي و ننسي و هيفا؟؟ قام ابليس و قاله: . . ....... . . . . . .. ادخل يا روح امك دي كانت اعلانات

إبريلى .. وكمان من مواليد برج الحمل .. دا ايه التميز ده.. انضم بقى لحزب العباقره والفنانين والعظماء كل سنه وحضرتك طيب أخى العزيز رؤوف ... ويارب تكون سنه .. كلها سعاده وهنا مع خالص تحيتى التونسى

كل عام و أنت إلى الله أقرب و على طاعته أدوم المنتدى كله مولود في شهر إبريل أمال فين باقي شهور السنة ؟؟ :blink:

بصراحة هناك الكثير والكثير من الدوافع التى تجعلنى اعتقد ان ماحدث فى مصر هو انقلاب عسكرى بقيادة المشير طنطاوى وعمر سليمان على حكم مبارك وان الامر بدأ بزيادة قوة القورة فاختاروا ان يقوموا بنفلاب حتى تستمر البلد تخت السيطرة ولا ياتى رئيس على غير هوى القيادة العسكرية فى موضوع قادم سافتحه قريبا بعد اكتمال تجميع الحقائق سنتناقش بكل الشواهد التى تثبت هل ما حدث هو ثورة ام انقلاب عسكرى ورغم محاولة ان اقنع نفسى ان ثورتنا نجحت تماما ( وليس فقط بضعة انتصارات ) الا انى بعد قراءة الخبر التالى اصبحت اثق بنسبة كبيرة ان ماحدث هو انقلاب وبالاتفاق كمان مع مبارك شوفوا الخبر دخل سجن النساء بالقناطر في سباق مع الزمن تحسباً لصدور قرار بحبس سوزان مبارك. جهزت إدارة السجن حجرتين لتفاضل بينهما وتختار إحداهما لتكون محبساً للهانم والتي ينتظر أن يصدر قرار بحبسها علي ذمة التحقيقات التي سيجريها معها خلال الأيام القادمة النائب العام وجهاز الكسب غير المشروع. ووفقا لصحيفة "الوفد" .. أولي الحجرتين تقع علي شط النيل مباشرة وجدرانها من زجاج »فاميه« مضاد للرصاص وتوجد بجوار أحد أبراج الحراسة المنتشرة بطول أسوار السجن. أشرف علي تجهيز الحجرة رئيس مباحث السجن الذي اختار ثلاث سجينات وأمرهن بغسيل بلاط وزجاج الحجرة بعناية وصرخ فيهن »عايز البلاط يلمع علشان ستكوا وتاج راسكو هتقعد هنا«. لم تكتف إدارة »السجن بتجهيز« تلك الغرفة إذ جهزت غرفة أخري بالدور الثاني بمستشفي السجن فغيرت بلاط أرضيتها واستبدلته بسيراميك وأعادت طلاء حوائطها باللون البرتقالي ونوافذها باللون البني. كما جهزت ثلاجة وسريراً ودولاباً وتليفزيوناً وجهاز تكييف لتركيبها في الغرفة التي سيتم اختيارها لتكون محبساً لسوزان مبارك. وتتجه النية إلي اختيار الغرفة الموجودة بالمستشفي باعتبارها الأكثر تأميناً من الغرفة الأخري التي تطل علي النيل مباشرة وتحتاج لتأمين من داخل نهر النيل ذاته، كما أن الحجرة الموجودة بالمستشفي تضمن إبعاد السجينات تماماً عن سوزان مبارك. الطريف أن سجن القناطر لا يبعد سوي كيلو متر واحد عن الاستراحة التي كانت مخصصة لإقامة مبارك وأسرته بالقناطر، ورغم قرب المسافة إلا أن الفارق كبير بين الإقامة فيهما، فسوزان مبارك كانت تقيم في الاستراحة وهي تحمل لقب سيدة مصر الأولي، ولكنها عندما ستدخل سجن القناطر ستحمل لقباً آخر تماماً وهو لقب »السجينة«. وربما تترك إدارة السجن اختيار المكان الذي تحبس فيه سوزان مبارك إلي »سوزان« نفسها، ومن المتوقع أن يتم عرض المكانين عليها لاختيار أحدهما وأغلب الظن أنها ستفضل الحجرة المطلة علي شط النيل مباشرة ولاسيما أنها قريبة الشبه بغرف استراحة الرئاسة بالقناطر وفي هذه الحالة ستضطر إدارة السجن إلي طلب قوات تأمين إضافية تتواجد داخل مياه نهر النيل الذي يمتد بطول حوالي كيلو متر بجوار السجن. وبالطبع ستفرض إدارة السجن ستاراً حديدياً يفصل سوزان مبارك ونزيلات السجن البالغ عددهن حوالي 3 آلاف سجينة موزعات علي 10 عنابر. أما إذا فضلت سوزان مبارك الإقامة في الحجرة المجهزة لها داخل المستشفي فسيكون أقرب عنبر إليها هو عنبر الآداب الذي يتكون من مبني عبارة عن دور واحد. كما سيكون بجوارها أيضاً عنبر الأحكام المكون من طابقين، يحتوي الأول علي عنبر 6 وعنبر 7 وهما مخصصان لمن صدر ضدهن أحكام بالسجن في قضايا سرقات وقتل ومشاجرات، أما الطابق الثاني الذي يوجد فيه عنبرا 4 و5 فمخصصان لأحكام المخدرات. وهكذا ستحاط »الهانم« بمساجين الآداب والمخدرات والقتل والسرقات هذا إذا ما فضلت الإقامة في مستشفي السجن. وعلي أي مقياس فإن تجهيز مكان مخصص لسوزان مبارك يعد سابقة هي الأولي من نوعها بسجن القناطر، فالشائع أن أي نزيلة تخطي قدمها بوابة السجن تمر بسلسلة من الإجراءات الروتينية التي لا تتغير، فكل نزيلة جديدة يتم إلحاقها بعنبر الوافدات وتظل به لمدة 11 يوما حتي يتم توزيعها الي عنابر التحقيقات وعنبر الوافدات غالباً ما يحوي 100 سجينةعلي الأقل ولا يوجد به أي "سراير" ولهذا ينام أغلبهن علي الأرض وتسلم إدارة السجن لكل منهن بطانية تفرش جزءا منها علي الأرض وتتغطي بالجزء الآخر عندما تنام. وكل نزيلة تتم 11 يوما داخل عنبر الوافدات تغادره الي عنبر التحقيقات الذي يضم جميع أنواع مرتكبي الجرائم وتتصادم فيه النزيلات في محاولة من كل منهن ان تفرض سطوتها علي المكان وغالباً لا تتوقف المعارك النسائية وغالباً ما تسقط ضحايا من مصابي هذه المعارك فيتم نقلهن لمستشفي السجن. ولكن سوزان مبارك لن تعيش هذه الأحداث وستقضي ايامها بالسجن علي سرير وثير وتكييف يعمل ليل نهار وحجرة خاصة لا يدخلها سواها. وتخصيص حجرة مجهزة لسوزان مبارك سيحميها من كل ما تعانيه نزيلات سجن القناطر وسيحميها ايضا من الزحام الخانق الذي تعاني منه عنابر السجن لدرجة أن بعض السجينات لا يجدن أمامهن سوي النوم داخل الحمامات. كما ان عزل سوزان مبارك عن باقي سجينات سجن القناطر سيحميها من قائمة طويلة من الممارسات الغريبة والخطيرة التي يشهدها السجن، وهي الممارسات التي رصدتها دراسة لمركز النديم للعلاج والتأهيل النفسي لضحايا العنف، وقالت الدراسة إن تلك الممارسات تتضمن تجارة المخدرات داخل السجن وتجارة الملابس وامتدت الي ممارسة السحاق بين السجينات وتبادل الألفاظ النابية! والمؤكد ان سوزان مبارك لن تقرب الوجبات الغذائية التي تقدم لنزيلات سجن القناطر، وتشمل 14 وجبة في الاسبوع الأول، منها 7 وجبات فول وثلاث وجبات عدس ووجبتان من اللحوم ووجبة من الجبن واخري من الخضار.. وبالطبع لن تأكل "الهانم" شيئا من تلك الوجبات وستطلب وجبات خاصة من خارج السجن وهو ما يكفله لها القانون طالما انها محتجزة علي ذمة التحقيق أما لو صدر ضدها حكم بالحبس او السجن فلن يكون امامها سوي تناول وجبات السجن أو الموت جوعاً. ومن سخريات القدر ان سوزان مبارك ستسجن في ذات السجن الذي اعتقل فيه زوجها حسني مبارك عددا من معارضيه آخرهم إسراء عبد الفتاح الناشطة بحركة 6 أبريل الذي اطلق سراحها قبل عامين. كما ستدخل "الهانم" ذات السجن الذي اكد بعض نزلائه ان "الهانم" كانت وراء سجنهن وتقييد حرياتهن وآخر هؤلاء المذيعة أماني أبو خزيم التي تم الافراج عنها منذ ايام قليلة بعد قضاء عقوبتها في قضية خاصة بالاستيلاء علي اراضي الدولة وعقب الافراج عنها قالت "أبو خزيم" إن سوزان مبارك كانت وراء تلفيق هذه القضية اليها لأنها كانت "بتغير منها" علي حد وصف "أبو خزيم". ولن تجد سوزان مبارك في سجن القناطر سوي اثنتين من مشاهير عهد زوجها مبارك، وهما راندا الشامي المحكوم عليها بالسجن في قضية فساد بوزارة الزراعة وسيدة الأعمال هدي عبد المنعم صاحبة لقب المرأة الحديدية. الطريق إلي عنبر 12 مفروش بالهوانم مصادر: زنزانة قديمة مجهورة تم إصلاحها وطلاؤها استعداداً للنزيلات الجدد علي الطاولة وبمنتهي العصبية والغضب ألقت بالصحيفة التي كانت تطالعها ثم نظرت إلي صديقتها التي كانت شاردة تتأمل في أرجاء ووجوه النادي العتيق وقالت: هي الفترة القادمة سيكون لكل منا نصيب من زنزانة أو عنبر فكل المؤشرات والمعلومات تسير بنا في هذا الاتجاه. لم تكن هذه السيدة الغاضبة إلا واحدة من بين بعض سيدات المجتمع الراقي اللاتي كن علي علاقة وطيدة وحميمة تربطهن بحرم الرئيس السابق سوزان مبارك، ينتابهن هذا الإحساس كلما طالعن صحيفة أو مجلة تتحدن عن استدعاء لرجال أو نساء تحوم حولهم الشبهات في التورط مع فساد النظام السابق وبالأصح مع فساد »الهانم« كما كانت تحب أن يلقبها وزراؤها ووزيراتها وأصدقاؤها والمجتمع والناس، بمعني آخر يمكن القول بأن كل هانم صديقة من صديقات الهانم تضع يدها علي قلبها أو تموت في اليوم مائة مرة كلما انتشر ولف ودار الكلام حول استدعاء قريب لسوزان مثل رءوف ثابت أمام جهاز الكسب غير المشروع. بطبيعة الحال قبل أن تفكر واحدة من هؤلاء الهوانم في مصير الهانم وماذا تخبئ لها الأيام تفكر في نفسها ومصيرها وهل ستأتي رجلها كما يقولون في »الخية« ويتم استدعاؤها أم لا؟! هواجس وقلق وأرق بدا وكأنه لا يبارح عدداً لا بأس به من الصديقات المقربات لحرم الرئيس السابق، وإذا كان هاجس الفضيحة وسوء السمعة شبحا يلاحق هؤلاء السيدات فإن هاجس درجة نظافة وأمان وجيران العنبر أو الزنزانة المتوقع إيداعهن فيها هو الأكبر والأكثر جدلاً واهتماماً بين جميع الأوساط والطبقات والطوائف الاجتماعية المختلفة وإن كانت الثورة كشفت عن الفساد المرعب والخيالي الذي كانت عليه »الهانم« تستحق رحلة الذهاب إلي سجن النساء في القناطر، فقد كشفت أيضاً عن أن نسبة لا بأس بها من الهوانم مرشحات لمرافقتها في هذه الرحلة. فمن هن هؤلاء »الهوانم« وما هي جرائمهن؟.. أما السؤال الأهم.. فهو: كيف استعدت إدارة مصلحة السجون، سجن القناطر علي وجه الخصوص لاستقبال كل هذا العدد من الهوانم وفي أي عنبر أو زنازين سيتم إيداعهن إذا ما أثبتت التحقيقات صحة الاتهامات المنسوبة إليهن؟ وقبل أن ندخل في مزيد من التفاصيل أو نجيب عن هذه الأسئلة، هناك حقيقة لابد من الاتفاق عليها وهي أنه مهما طال الحديث أو كثر عن حرم الرئيس السابق وهوانم شلتها المقربون فلاتزال جوانب كثيرة ومختلفة من حياة وعلاقات سوزان ثابت غامضة ومليئة بالأسرار، فإذا كان هناك عدد من الوزيرات ونائبات وسيدات العمل السياسي معروف أنهن مقربات جداً من »الهانم« مثل مشيرة خطاب، استحدثت لها وزارة أهدتها ومنحتها لها أو عائشة عبدالهادي التي كانت تحبها جداً رغم شهادتها الإعدادية وجعلتها أيضاً وزيرة والأخيرة كانت تدين لها بالفضل، كذلك فرخندة حسن رئيس المجلس القومي للمرأة، وأيضاً آمال عثمان وزينب رضوان في البرلمان، فهناك سيدات وهوانم لم يتعرف عليهن الرأي العام كن يتمتعن بنفس الدرجة من العلاقات الخاصة والحميمية معها مثل: شهيرة طراف رئيس جمعية الرعاية المتكاملة، ونجوي شعيب مدير جمعية حركة مصر السلام، وإيناس خورشيد عضو في جمعية الرعاية المتكاملة وشهيرة أبو جنينة زوجة هشام الشريف المقرب من أحمد نظيف وزوجة السفير عبدالرءوف الريدي التي عندما وثقت بها الهانم وأحبتها منحتها رئاسة جمعية الهلال الأحمر. ليس في القانون أن يحاكم الإنسان علي صداقاته أو علاقاته، ولكن بقراءة بسيطة ومتأنية لما أعلنته حركة »إنقاذ الأسرة« من ملاحقة لكل من سوزان مبارك وفرخندة حسن ومشيرة خطاب وزينب رضوان قضائياً لتدمير الأسرة المصرية ومخالفة الشريعة وإصدار قانون محاكم الأسرة رقم 10 لسنة 2004 يوحي بأن كل التوقعات مطروحة ومتساوية، وأن جهاز الكسب غير المشروع وجهات التحقيق الأخري لن تتواني في أن تفرش طريق سجن النساء بالهوانم إذا ما قالت الأدلة كلمتها وتطلبت عدالة القانون ذلك. علي أية حال إذا أثبتت التحقيقات تورط أي من هؤلاء الهوانم مع الهانم في واقعة فساد تستحق عليها الحبس فلكل واحدة منهن مكانها المعد لاستقبالها في عنبر 12 بسجن القناطر، ولمن لا يعرف: فعنبر 12 هو العنبر المخصص للمتورطات في قضايا الفساد المتعلقة بالأموال العامة وتوجد بها حالياً مجموعة السجينات منهن: رندا الشامي في قضية المبيدات المسرطنة الشهيرة تجاورها سيدة الأعمال هدي عبدالمنعم المسماة بالمرأة الحديدية، كما كانت من بين سجيناته أماني أبو خزيم المذيعة السابقة في التليفزيون المصري والتي تم حبسها في قضية خاصة بالاستيلاء علي أراضي الدولة قبل أن يتم الإفراج عنها بعد قضاء العقوبة. ويعد عنبر 12 من أكثر العنابر أناقة ونظافة داخل السجن نظراً لارتفاع المستوي الاجتماعي والمادي لسجيناته مما يجعل بعض سجينات العنابر الأخري يذهبن إليهن ليعرضن عليهن خدماتهن من غسيل ملابس وتنظيم وإعداد طعام مقابل مبالغ مالية، وهل يا تري تستطيع »الهانم« أن تتعايش مع هؤلاء الهوانم بكل هذه البساطة، وهي التي كانت تحكم وتأمر قبل 25 يناير؟ لا داعي أن تشغل نفسك بهذا السؤال كثيراً فلقد ذكرت معلومات شبه مؤكدة أنه بمجرد سماع نبأ قرب استدعاء السيدة سوزان للتحقيق معها أمام جهاز الكسب غير المشروع فيما يتعلق بالاتهامات المالية الموجهة إليها واستيلائها علي أموال مخصصة لمكتبة الإسكندرية والتي تتجاوز 145 مليون دولار كان لابد من الاستعداد لأي قرار مفاجئ قد يصدره النائب العام بحق الهانم وهو أن إدارة السجن قد بدأت في إصلاح وترميم زنزانة قريبة من مكتب مأمور السجن كانت مهجورة، حيث يتم الآن تغيير أبوابها وتأمينها جيداً لإقامة حرم الرئيس المخلوع بها في حالة صدور القرار المتوقع، وأمام بقية الهوانم المرشحات للسير في نفس الطريق فكما قلنا عنبر 12 ينتظر.

السلام عليكم ورحمة الله... كل سنة وانت طيب يااستاذ رؤوف ..كان بودى اجيب تورتة ..بس زى ماحضرتك عارف النهاردة 30 منه ...والشهر ده كان كله اعياد ميلاد ..فالايد قصيرة يعنى لكن جبت لك شوية قراقيش لزوم الشاى بالحليب .. brth)

كل سنه و انت طيب يا رووووفه

الثورات تلغى الدساتير, و شرعية محاكمة مبارك مستمدة من شرعية الثورة التى منحت الشعب سلطة توجيه الإتهام فى قضايا الخيانة, و القتل, و الفساد. لقد أصبح مبارك مواطن عادى فور تنازله عن الحكم, و نجاح الثورة فى إسقاطه أسقط معه قواعد الدستور الذى هو أصلا غير شرعى لأنه جاء نتيجة التزوير.

[هو من حقه أن يقول رأيه بس يطالب به وخاصة انه مش مصري زياده شويه -----------انا عايزه اسأله هل أهين كويتي في بلد آخر ولم تنتفض له الدولة لنصرته؟؟؟هلكممت افاه مواطنيكم وأخرصتم عنوه؟؟هل جمع أميركم الأموال هو ومعاونيه بغير حساب وانتشرت العشوائيات هنا وهناك ؟؟هل استورد رجل أعمال مرض عليهأسمده مسرطنه ولم يحاسب ؟هل قامت الدنيا ولم تقعد لأن تلميذه كتبت موضوع تعبير واعترضت علي سياسة امريكا؟؟ سيدي انت لم تعرف معنى القهر معنى ان تسير في طريق وتخطفالى المجهول تتحدث همسا خوفا من ان يكون هناك من يتسمع عليك ولم تعرف كيف تدخل قسم شرطه شاكيا فلا تخرج لأنك اصبحت متهما!! انت لم تجرب ان تستمع الى رئيسك وهو يعاير شعبه بكثرة عدده ويمن علي برغيف العيش .....أنا معك أن الأخرين يحبونه فهو تركهم يهينوا شعبه دون اعتراض منه ولم يضع كرامتنافي اهتمامه ومد يه للقروض والمعونات ونحن نملك ،أ]ن المصانع التي تغنينا بها وقت جمال رحمه الله تعالى ؟؟ إبكي يا عزيزي كما شئت على صديقكم أما نحن فلن نسامح في أوامر قتل الثوار ولن نسامح في ضياع ثروة البلاد ولن نسامح في إفساد الحياة السياسية وتزوير الإنتخابات.

قد لا نصدق ما يٌقال على شخص ما و نظل نعتقد ان هناك داخل كل انسان جزء نبيل و قد لا نلمح اليد الممتدة لتصفع حتى نسمع وقع الصفعة مدوية و رغم كل ذلك تبقى لذة القيام بالتجربة بأنفسنا لنعرف بأنفسنا أنه............... لذيذة هي اكتشافاتنا للحياة و التي نخوضها بأنفسنا و لا الندم و لا ألم الصدمة يمنعنا من مزيد من الاكتشافات علنا نجد بقايا من نبل في نفوس أخرى معذبة يااااااااه أنام قريرة العين جدا هذه الليلة و غدا يوم جديد و اكتشافات جديدة

متقلقش هما المفروض بيسحبوا الفلوس قبل الست شهور و بيبعتوا الفايل نمبر على طول بس هو بيطول في البريد او بيضيع هما بس عندهم مشاكل عشان اللي بيحصل في سوريا بس بإذن ربنا الدنيا تتظبط و متقلقش لاني بحس انك اكتر واحد قلقان في التوبيك دة

بس كويس ان قرار التعويض طلع من المحافظ بسرعة كده كان زمان ماحدش بيتعوض غير بعد مايشوف الويل

انا كنت هاجر عربيه السنه دي من يوروب كار زي السنه اللي فاتت ورغم انها مؤمنه بالكامل حتي ضد السرقه الا اني مابحبش وجع الدماغ وبعدين خد ياض منك له تركيا ايه اللي هاتروحوها بلدنا اولي بالفلوس اللي هانصرفها بره ومعلش ياسيدي استحمل واركب تاكسي ولا اتشعبط في المترو زي مصر كلها مابتعمل يعني اهلنا اضربوا بالنار في الشوارع واهلنا عاشوا ليله رعب من البلطجيه في جمعه الغضب واحنا ياي خايفين ننزل عشان مفيش عربيه ده كلام برضه

جـــلا جـــلا ... جـــلا جـــلا دى كارثه .. لأ .. دى مهزله ياريت تعـــود .. يا قــمر تــلا حياتنا .. من غيرك ..ضنـــــا ولا شوفنا من بعـــدك هَنــــــا وحالتنا.. صبــحت... بالبـــلا جـــلا جـــلا ... جـــلا جـــلا يا جماعه .. حلــــوا ..المسأله مهـــيش.. قـــضيه ..مُعضِــله ولا حتى... يعـــنى ..مشــكله لــما.. يعــــود... قــــمر تــــلا بـــدر الدُجى ..ريــــــم الفـــلا جـــلا جـــلا ... جـــلا جـــلا

ترى هل يلحق السباعى بأحمد شفيق ؟؟؟ وتحل عليه لعنة يسرى فودة .؟؟؟

بلطجية الحزب الوطنى يؤيدون عمرو موسى ويضربون ائتلاف الثورة بالأقصر http://www.youtube.com/watch?v=KoyoeDpjUuM&feature=share

طيب خير .. لو الجبهه السلفيه والاخوانيه لعبوها سياسه صح .. حيكسبوا كتيرا جدا ... وحيقطعوا الطريق على منافسيهم من الجبهات الاخرى الساعيه ايضا لطرح وترويج فكرها السياسى ..سعيا وراء السلطة والحكم .. وفى ذلك فليتنافس المتنافسون .. والاصلح والاصدق والاقرب للعقل والوجدان سيختاره الشعب المصرى العظيم حتما باذن الله المهم انه الا تستخدم الجبهه السلفيه والاخوانيه .. سياسة او مبدأ ((التقيه)) للوصول الى الحكم .. ثم بعد ذلك ينقلبوا على اعقابهم .. لازم يفهموا جيدا ان السياسه فى الاسلام..((ودى وجهة نظر شخصيه تحتمل الصواب والخطأ ومن ثم المناقشه)) مش تطبيق لنصوص دينيه بحذافيرها فقط .. بل السياسه فى الاسلام .. هى اجتهاد.. وابتكار.. وموائمه.. وملائمه.. وشده ولين .. وترهيب وترغيب..ومراعاة للظروف المتغيره .. والتفكير دائما فى حلول بديله.. او كما قال رسول الله صلى الله عليه وسلم ((انتم ادرى بشئون دنياكم)) .. اى كل بلد ولها ظروفها .. اعجبنى جدا كلام صفوت حجازى .. والله الموفق والمستعان .. وربنا يرزقنا بمن وبما هو فيه خير لبلدنا مصر

مجتمعنآ يتِخلله !! شكل مَﻦ ﭑشكال [ انفصام الشخــصية ] يقول اشياء رآئعة ۈ يفعل اشياء مروعة

من أعجب الفيديوهات اللي شفتها..مواجهةبين أسد جبلي و بين دب بصراحة اللي هيجنني..زي ما قلت في العنوان...هما بيصوروا الحاجات دي ازاي؟؟..وبيقربوا من الحيوانات كده ازاي؟؟..ولا ده زووم ولا ايه؟؟ ما أطولش عليكوا...الفيديو أهه http://www.youtube.com/watch?v=pxbW2mue9SU

والله العظيم اللي بيحصل ده مسخره قوات المجنون القذافي ترتكب مذابح في مدينة مصراته الليبية وتقصفها بالدبابات وراجمات الصواريخ ومدافع الهاون وعشرات القتلى من سكانها ليبيين وأجانب والمجرم ابن المجرم خميس القذافي روي عنه أنه سأل بعض المقربين منه عن عدد سكان المدينة فأجابوه أنهم 500 ألف تقريبا ... فقال مش مشكلة لو قتلنا 200 ألف منهم من أجل استعادة المدينة وإنهاء المقاومة وطبعا هيكون من بينهم آلاف المصريين لأن خمس سكان ليبيا تقريبا من المصريين وعدد كبير منهم لجأ الى ميناء المدينة أملا في إعادتهم عن طريق البحر الى مصر في ظل تقطع سبل المواصلات البرية والجوية كل ده والعالم يتصرف بمنتهى البرود رغم أن هناك قرارا دوليا يخوله اتخاذ ما يلزم من إجراءات لحماية المدنيين ... وحكومتنا وجيشها الله يكون في عونهم مش عارفين يلاقوها منين ولا منين ... من اسرائيل ولا دول حوض النيل ولا اللاجئين من جهة ليبيا ولا هينتبهوا للوضع الداخلي وحفظ الأمن وتنشيط الاقتصاد ومواجهة الطلبات الفئوية وإجراء الإصلاحات المفروض الآن أن تقود مصر تحركا دبلوماسيا في مجلس الأمن لتبني قرار بإنشاء منطقة حماية للمدنين في مدينة مصراته تحميها قوات أممية تشارك فيها الدول العربية والمتوسطية والأفريقية مع استمرار المظلة الجوية لتأمينها ومنع قوات القذافي من الاقتراب منها ... على غرار ما حدث في البوسنة وكوسوفو وسواء اتفقنا أو اختلفنا مع القذافي فالجميع يتفق على أن استعادته السيطرة على ليبيا أمر مستحيل وسقوطه مسالة وقت وإطالة هذا الوقت لن تؤدي الى شئ سوى مزيد من الخسائر في الأرواح والاقتصاد ... وهو نفسه يعلم ذلك ولكنه يريد أن ينتقم من الشعب الذي رفض حكمه ويعيد ليبيا الى العصر الحجري قبل رحيله ... فالسبيل الأمثل لإنهاء الحرب في ليبيا وحقن الدماء هي إسقاط نظامه لمصر مصلحة استراتيجية في الحفاظ على وحدة واستقرار ليبيا لأنها العمق الاستراتيجي لنا والدولة الجارة التي يعيش ويعمل بها ملايين المصريين ونحن أول المتضررين من استمرار الحرب في ليبيا أو تمزقها أو احتلالها بواسطة قوى أجنبية أعلم أنه من غير الممكن الآن التحدث عن مشاركة عسكرية مصرية في الوقت الحالي لفرض الاستسلام على القذافي وإن كنا نستطيع تقديم المساعدة اللوجستية والتسليحية للثوار لإنهاء مهمتهم ... فأتمنى من الحكومة إيلاء اهتمام أكبر بالملف الليبي في غمرة انشغالاتها بالمسؤوليات الداخلية والخارجية

لو كانت المراة تصلح للرئاسة الكبرى لجعلها الله تصلح للرئاسة الصغرى وهى الأسرة فقد قال تعالى "الرجال قوامون على النساء "و"للرجال عليهن درجة" لو كانت تصلح لبعث الله رسلا من النساء ولكنه جعل الرسل كلهم رجالا فقال ""وما أرسلنا من قبلك إلا رجالا نوحى إليهم من أهل القرى "فلو كانت تصلح للرئاسة لأرسل الله رسولات لأن الرئاسة مترتبة على الرسولية عندما يهلك الله الكفار يولى رسوله أمر قومه المؤمنين وقطعا هناك القولة الشهيرة "لعن الله قوما ولوا عليهم امرأة " ارحمونا يرحمكم الله