لوحة القادة

الأخوة المنادين بظهور كاميليا شحاتة على التليفزيون شكر الله سعيكم لو فرضنا أن كاميليا شحاته ظهرت على الجزيرة والعربية والبي بي سي والسي ان ان والاولى ودريم والحكمة والرحمة وكل القنوات اللي انتوا عايزينها ، لأ وكمان لبست طرطور وهدوم مقطعة ومشيت فى الشوارع تصرخ وتقول: أنا كاميليا شحاته انا اللى جوزى تادرس سمعان أنا بنت المنيا أنا اللى الفت بين القصرين أنا اللى قتلت السادات انا اللى ارشدت عن بن لادن ياترى المشكلة كده أتحلت؟ بكرة حاتطلعوا تطالبوا بظهور سميرة ، وبعد بكرة دميانة وبعدين سميرة وبعده داليا ، وبعدين فتكات وعدلات ونعمات ومش حانخلص. انتوا بتعملوا بالضبط زى اللى عياله حايموتوا من الجوع ومراته خلاص قربت تودع علشان مش قادر يجيب له الدواء وزعلان أن السجاير حاتغلى طيب يا أخواننا ، أنتوا سايبين أصل المشكلة أصل المشكلة هو " القانون " القانون اللى بيخلي اللي عايز يغير دينه لازم يحط رقبته تحت جزمة رجال الدين سواء مسلمين او مسيحيين القانون اللى بيخلي أي واحد يناقش مسألة دينية ليست على هوى المتشددين من الجانبين وهم كثر أنه يبقى تحت رحمتهم القانون اللي بيقول ان اللي عايز ينتقل من المسيحية للإسلام يسلموه للكنيسة لدواعي السلم الإجتماعي بدل المظاهرات والمسيرات الفردية دوروا على مواد قانون يصلح لحرية البشر فى اختيار العقيدة في القرن الواحد والعشرين والاثنين والعشرين ومابعدهما. قانون يترك الفرد فى حاله يعتنق مايشاء ويبدل وقتما يشاء قانون يوحد قوانين الأحوال الشخصية تخضع له الكنيسة كما يخضع له المسلمون قانون يمحي تماما خانة الديانة من هوية الشخص ويكتفى بأنه مصري قانون يعطي الإنسان الحق في أن يحيا كإنسان يختار مايشاء قانون لايفرض على من يريد ان يتحول للإسلام أن يأخذ شهادة بإسلامه او أن يأخذ شهادة بمسيحيته لو تحول للمسيحية قانون يترك مابين العبد وربه للعبد وربه فقط دون تدخل من أحد من البشر قانون لايفرض على من يريد تغيير دينه ان يخضع لجلسات نصح وارشاد وهي في حقيقتها جلسات ضغط ومساومات وإغراءات قانون يمنع نزع الصغار من آبائهم إن هم غيروا دينهم هو ده اللى المفروض تطلعوا تطالبوا به ، مش كل يوم مجموعة عايزة مرات ابوها ومجموعة عايزة اختهم يامسلمين ... يامسيحيين ... فوقوا بقى ، العالم كله فاق وصحي وانتوا لسه عايشين فى غيبوبة العصور الوسطى

قدم بيان للنائب العام وتابعه ... أو ارفع قضية في المحكمة لو كان لك اختصاص في دي أختلف معاك ... القبض على الناس وإخفاءهم في مكان مجهول بدون سند قانوني يعتبر اختطاف وكما يهتم الإسلاميون بقضية كاميليا شحاته فعليهم الاهتمام بالمخطوفين من قبل أمن الدولة وكذلك بالجرائم التي ارتكبتها الداخلية خلال الثورة وقبلها ويفلت منها الضباط الآن مثل الشعرة من العجين على الأقل علشان الناس تصدقكم لما تقولوا إن هدفكم هو تأسيس دولة العدل والقانون

هى الجماعات السلفيه حلت مكان الدوله ولا ايه على العموم انا معتقدش ان دول سلفين او ينمتوا الى السلف اساسا لانى اعرف ناس كتير قوى من الجماعات السلفيه قمه فى الادب والاحترام والعلم ولكن اعتقد دول من بتوع اضرب جلبيه قصيره ولحيه وانت تحصل على لقب شيخ وللاسف الكل بيتقال عليهم سلفين ودى مشكلة الجماعات السلفيه اساسا انها غير منظمه يعنى سهل قوى الاختراق على عكس الاخوان على العموم انا شايف ان مشكله زى دى سببها الدوله وطول ما الدوله بتفكر بنفس فكر النظام البائد يبقى المشاكل دى عمرها ما هتتحل وهتفضل زى ما هى المفروض اننا فى حالة ثوره ومافيش امن والمفروض ان لينا اعداء كتير قوى والمفروض ان ممكن يحصل احتكاك بين المسلمين والمسيحيين يبقى لازم اكون عامل حسابى واحاول بقدر لما اقدر انى امنع خدوث اى بلبله فى الوقت ده لكن واضح جدا ان الدوله او نظام الدوله لسه ماشين على نفس المنهج القديم الروتينى اليى مفهوش ابتكار او توقع المشاكل ومن ثم ابتكار حل لها للاسف طول ما احنا بنفكر بنفس الطريقه عمرنا ما هنبقى حاجه هنفضل زى ما احنا دول عالم عاشر ممكن السرقه تقل ولكن مش هنتقدم لان التقدم عاوز عقول حره وطول ما العقول المتحجره دى موجوده يبقى مافيش امل تحياتى عنبو

بفرح جدا لما بلاقى اخبار عن اكتشافات طبيه و بفرح اكتر و اكتر لما بحس ان الاكتشاف دا يقدر يغير فى حياه الناس بشكل مباشر و فورى زى الاكتشاف الى فى الخبر دا دا اولا من المصادر العربيه طبعا هو الموضوع مش جديد بمعنى ان العلماء بقالهم فتره بيعملوا ابحاث لتخليق بديل للدم البشرى يكون امن الاستخدام لاننا كلنا طبعا عارفين مشاكل نقص الدم فى اوقات بيكون فيها الجزء من الثانيه بيفرق فى حياه الشخص و بالتالى موضوع ايجاد بديل تخليق ذو اهميه قصوى هما منقلوش ليها دم بقرى بشكل مباشر لكن تم نقل ماده مخلقه تحتوى على بلازما دم بقرى و دا الخبر من مصادر انجليزيه و بيبن معلومات اكتر عن الموضوع و دى صوره المريضه بعد الشفاء

اتمنى اشوف لكم حملة لمتابعه حال نشطاء الثورة الملقى القبض عليهم يوم 9 مارس وغيره اعتبروهم زى كاميليا واعطوهم شوية اهتمام من وقتكم يعنى لو ممكن

استاذى الفاضل محمد اعتذر لك عن سؤالى مقدما و لكنى اريد ان اعرف الغرض و الهدف من فتح الموضوع؟؟!! ماذا يعنينا ك عرب مسلمون او مسيحيون من ممارسه "ما حرمه الاديان السماويه كافه" فى امريكا او غيرها اعتقد ان يوجد جوانب كثيره للدول اليبراليه تكون افيد لنا نقدر نتحدث فيها .. اعتذر ثانيه و ارجو التوضيح ان لم اكن قد فهمت شيئا

على فكره يا جماعه ....كاميليا ظهر لها تسجيل بتصرح فيه انها مسيحيه على قناة on tv من 3 ايام فى برنامج يسرى فوده اعتقد يا جماعه ان احنا نسيب الموضوع ده بقه ...طالما هى طلعت بنفسها و قالت انها مسيحيه و بتفكر تهاجر كندا ياريت نلتفت للاهم و كفايه بقه اعتقد ان البلد فيها مشاكل لا حصر لها و اهم بكتير ...مشاكل متوقف عليها مصير 85 مليون ال عاوز يدخل الدين الاسلامى يدخل براحته و هدانا الله و هداه الى الطريق الصحيح و ال يطلع يقول انه مسيحى او يهودى .يبقى حق علينا معاملته معامله اهل الذمه ..وواجب علينا حمايته و التعايش معه بما يرضى الله و رسوله...كما ينص ديننا الحنيف

و جزاكي مثله أختي الكريمة بالتأكيد باب الاجتهاد مفتوح..و أنا لا أقصد بكلامي غلق باب الاجتهاد..لأن مصادر التشريع هي قرآن - سنة..إجماع..قياس و القياس هو نتيجة الاجتهاد في فهم نص معين..و لكن كما قال غير واحد من الصحابة "تعلمنا الايمان قبل القرآن" يعني لما آخد النص و أبدأ أجتهد لمعرفة مراد الشارع عز و جل من هذا النص أو من هذا الحكم..يجب أن يكون عندي أولا ايمان و يقين بأن أوامر الله سبحانه و تعالي كلها صحيحة..وفيهاالمصلحة و المنفعة.سواء علمنا أو لم نعلم..بعدها أبدأ الاجتهاد و أنا لم أقصد بكلامي أبدا أن الاجتهاد مرفوض..ولكن أنا أتحدث عن منهج..وعن أتباع المنهج..وعن أن أي خلاف مع اي شخص معتنق للفكر السلفي..توقم بعض الاقلام بمهاجمة السلفيين كلهم..ومهاجمة المنهج السلفي ككل..وأقول ان هذا ظلم بين كما بينت في آخر الموضوع

صباح الفل ده احنا الشعب اللي الوحيد في العالم اللي اتفرض عليه حظر تجول من غير فائدة من كام كنت على الصحراوي بعد منتصف الليل وصباح الفل يا باشا إنك تلاقي عربية شرطة أو جيش أو حتى حد يقوللك انت مين ولا الهواء، والمايكروباصات بين القاهرة والإسكندرية شغالة عادي جدا والحياة فلة شمعة منورة الناس دلوقتي نفسها تشوف ضابط أو حتى عسكري بوليس، والله ح ينزلوا يبوسوا ايديه ورجليه كمان بس هو طبعا الاحتياط واجب، يعني ميجيش حد ياخد طريق مقطوع بالليل يعني وبصراحة سيبك بقى من الإعلام والتلفزيونات وأبلة منى الشاذلي وأنكل عمرو أديب، البلد أمان وده اللي احنا كلنا حاسينه، آه طبعا الناس بتحرّص أكتر بس الدنيا زي الفل يعني كان فيه خناقة في اسكندرية في شارع بمحطة الرمل اللي فيه محمد أحمد، الخناقة كانت بين بائع متجول وصاحب محل وحد ضرب نار في الهواء فالمحلات قفلت أبوابها على من فيها، مفيش ثلث ساعة والمولد اتفض والحياة رجعت تاني حتى حكاية شارع عبدالعزيز لما قرأت التعليقات هنا ممن عاشوا هناك أو تعاملوا، تلاقي إن الخناقات هناك كانت حاجة طبيعية يعني مش مرتبطة بانفلات أمني أو خلافه وبعدين حتى الحرامي، يعني مثلا صديق في بنها قبيل الفجر فوجئوا باتنين (يطفشوا) قفل المحل اللي في الدور الأرضي، حد من الجيران كان قايم للفجر انت يا ولد بتعمل ايه واحدة من الجيران رقعت بالصوت من بلكونة عمارة مقابلة، هوب يا جدع وحد من السكان ضرب نار في الهوا العيلين الحرامية اخدوا بعضهم وهربوا، فيعني حتى المجرم بيكون قلبه ضعيف جدا، والمجرم المصري بقى فيه ميزة، إنه لو انت عاملته راس براس يعني فكرته بربنا وإنك عارف إنه جايز محتاج فلوس وممكن تساعده بالحلال ح يتحول لبني آدم مسالم وممكن يعيط في حضنك كمان؛ لأن معظم البلطجية عيال بتكون فعلا فقيرة ومحتاجة وعايز يرجع بعلاج لأمه أو أكل لبيته اللي فيه 20واحد معلهش طولت في الرغي بس أنا مزاجي النهاردة عال العال كنت بأسمع نشرة الأخبار ع الراديو من البرنامج العام والأخبار واحد عن جهود مصر في المصالحة وواحد عن ليبيا ومفاوضات بين القذافي والثوار، وواحد عن العراق ورابع عن الجزائر، زي نشرة الأخبار أيام مبارك يوم السبت بالذات مبيكونش فيه أنشطة حكومية أوي، فيعني الحمد لله بدأت الحياة تعود لمجاريها على الله بس الإعلام يتهد ويوعي الناس بالاقتصاد والإنتاج، امبارح كنت بشوف ع اليوتيوب وزير المالية مع عمرو الليثي بيقول سواقين التاكسي الجديد ضمن اعتراضهم عايزين يغيروا اللون بتاع النقط أبيض وأسود! والإعلام المصيبة إنه قاعد ينقل وتظاهر آلاف ويا ريته حتى يقول طلباتهم ايه عشان الناس تنزل تديهم على دماغهم.

السلام عليكم ورحمة الله وبركاته زمان ( قبل الثورة ) كان ممكن نسمع صوت فرقعة في الشارع وماحدش يتحرك ولا يهتم .......... لكن النهاردة لو سمعت صوت زي دة ( حتى ولو عيال بيلعبوا بالالعاب النارية ) بيحصل حالة من الخوف والقلق غرييييييييييييييييييبة موش علشان احنا حاسين بعدم الامان ......... ولا علشان قبل الثورة كنا في استقرار وامان بس علشان التضخييييييييييييييييييييييييييييييم والتهوييييييييييييل ياجماعة احنا في امان جداً داخل مصر وبلاش نصدق كل كلمة بتتقال هقولكم مثال بسيط جدا وواقعي جدا من فترة ( قبل الثورة ) واصدقائي وزملائي في العمل في طريق عودتهم لمنازلهم وراكبين اتوبيس الشغل ........ وكانوا فاتحين باب الاتوبيس ....... المهم طلع بلطجي وشكله ( علي حد وصفهم ) انه مدمن او ماشابه ....... وطلب من السائق انه يوصله للمكان الفلاني ...... طبعاً الناس حاولوا يفهوه انه اتوبيس موظفين ومايصحش وعيب ........ ومن غير فايدة ......... ولأن الاتوبيس عدد الرجال اللي فيه قليل وكلهم من كبار السن اللي تجاوزوا الخمسين ......... والباقي يابنات صغيرين ياسيدات ......... فاضطر السائق الي الاستجابة لطلب البلطجي دة ( طبعاً لو كان فيه ساعتها حد يساعدهم كانوا لجئوا ليه ...... شرطي مثلاً واقف ف الشارع ولا حاجة ....... لكن كل اللي ف الشارع ماهم الا عساكر مرور صغيرين وعزل علي الاغلب كمان ) ودة كان قب الثورة عدى الموضوع باستياء من الناس اتضايقوا شوية وخلاص وطلبوا من السائق انه بعد كدة يقفل باب الاتوبيس باستمرار .......... وتاني يوم كانوا بيحكولنا الموقف دة علي انه من الطرائف اللي حصلت لهم وبدأوا يضحكوا واتريقنا طبعاً علي الموقف وخلاص الموضوع خلص من اسبوعين تقريباً ............ واحدة صاحبتي برده كانت راكبة اتوبيس الشغل ( بس طريق مختلف واتوبيس مختلف طبعاً ) وحصل انه شخص يبدوا عليه ملامح البلطجة ( شكله مش مريحهم يعني ) مجرد انا شاور للاتوبيس وحاول يركبه ( طبعاً الباب كان مقفول والسائق هرب منه ) سادت حالة من الزعر والخوف والقلق والفوضى .......... ان واحد شكله كدة حاول يركب الاتوبيس ....... اكيد كان عايز يسرقهم ويقتلهم ....... اكيد دة بلطجي من اللي هربوا من السجون ......... اكيد شايل مطوه ولا سكينة في جيبه .......... الخ وادي الحوار دة ان اغلب اللي كانوا في الاتوبيس دة غابوا تاني يوم من الشغل نتيجة لخوفهم من الواقعة ( اللي هي ايه معرفش ) طيب التواجد الامني في الشارع شكله ايه ؟؟؟ من وجهه نظري الخاصة ......... انه اقوى من الاول ........ يعني هتلاقي تواجد للجيش في اماكن كتير جدا ........ وتواجد للشرطة برده ومسلحين ( ودة اللي انا شايفاه بعيني علي فكرة ) المشكلة في ان الناس واخدة فكرة ان الشرطة اصبحوا سلبيين ومش هيعلموا حاجة ......... وانهم بيخافوا ومش هيتدخلوا ........ وان لو حد فينا حصله حاجة ماحدش هيساعده ............ الخ ياجماعة كفاية بقي ....... الوضع الأمني مستقر وكويس ......... صحيح كل واحد بياخد احتياطه انه مايمشيش في شارع فاضي ....... ولا يتأخر بره البيت كتير .......... وكدة يعني لكن ماكلنا كل يوم بننزل شغلنا وننزل الاسواق نشتري احتياجتنا ونزور كمان اقاربنا وعايشين حياتنا عادي ......... سواء بعربياتنا الخاصة او بالمواصلات العامة ........... الحوادث اللي بتحصل فردية فردية فردية ......... وكانت بتحصل قبل الثورة وكان فيه تعتيم اعلامي عليها لكن النهاردة فيه تضخيم اعلامي مغرض انزلوا وعيشوا واستمتعوا باجازتكوا بس خدوا احتياط شوية ......... بلاش تأخير برة ....... بلاش نمشي في شارع فاضي ...... الخ زي ماكنا ايام الثورة ........ الناس خايفة تنزل الشوارع ....... وقاعدة ادام التليفزيون مرعوووووووووووبة من الدمار اللي في الشارع واول لما نزلوا زال الخوف ومابقاش فيه حاجة بلاش خوف ......... مصر هتفضل طول عمرها بلد الامن والامان وربنا الحافظ بس خلاص

اولا بكره نسمع اشمعنى المسلمين ... اشمعنى البهائيين ....إلخ ثانيا نجح المسلمون [السلفيون] في ادارة هذه المشكلة من البداية وذلك عن طريق اللجوء للنيابة وتفعيل دور القانون والقضاء بالرغم من اتهام البعض لهم بانهم يريدونها دولة دينية ثالثا فشل متشدقوا الحريه وحقوق الانسان والدولة المدنية في المشكلة فأتوا الى الاطراف ليناقشوها ونسوا لب القضية وهو الحرية لامرأة مصرية دون النظر لدينها رابعا لحل المشكلة لابد ان يفعل القانون على كل من الانبا تادروس سمعان زوج كاميليا لادعائه خطفها من البداية وخروج مظاهرات في الكتدراءية بذلك كاميليا شحاته لازعاج السلطات وللفتنة الطائفية الانبا اغابيوس لاعترافه باحتجاز كاميليا وهو مخالف للقنون ابو يحى لادعائه اسلام كاميليا وللفتنة البابا شنودة للوقوف ضد الحرية وحقوق الانسان لقوله عند السؤال عن كاميليا ..انتو مالكو خامسا اتمنى ان تكون مصر دولة قانون ويحاسب كل السابقين دون استثناء خامسا تأخر الكنيسة في اخراج كاميليا للنيابة يبين ان الدولة المدنية هي لافراد دون افراد وان هناك دولةدينية لا يحكمها القانون المدني

ما تقلقش يا هندسه ... مازال يحكمنا دستور مدني يساوي بين المواطنين في الحقوق والواجبات ويضمن حرية الاعتقاد وقوانين ليس بها نص يقضي بإعدام المرتد فالمسألة التي تطرحها حضرتك مازالت في طور الافتراضات هي بس كاميليا تظهر وتعلن ديانتها وتمارسها بحرية كما ينص الدستور والقوانين فننتهي من هذه المشكلة ونغلق باب المزايدات ... وأنا أضمن لك أن لا أحد عاقل سيتعرض لها وإذا أصرّ أحد الموتورين على تهديد حياتها نتيجة اختيارها أو حرض على ذلك سواء كان مسلم أو مسيحي أو إذا وضع أحدهم قانونا لنفسه وطبقه بيده فحبل المشنقة موجود أخشى ما أخشاه أن يؤدي استمرار حالة الاحتقان السائدة الآن بسبب هذا الوضع الى تزايد نفوذ التيار الذي يتبنى قضية حق الردة لنجد أنفسنا فعلا وقد وصلنا للسيناريو الذي تطرحه حضرتك دعنا نركز على حل القضية الأصلية ونترك مناقشة فرضيات ما سيحدث بعد ذلك الى حينها ... والحل واضح ومعروف وطالب به الجميع من سلفيين وليبراليين وجمعيات حقوق إنسان وغيرهم منذ اليوم الأول ... وهو إطلاق سراح كاميليا شحاته واتاحة الفرصة كاملة لها لاختيار ديانتها بحرية تامة دون ضغوط من أحد وحمايتها من أي انتهاك لحقوقها وحرياتها.

لا مش مكبر الموضوع و لا حاجه عن نفسى ضد السماح لافراد الجيش و الشرطه بالاشتراك فى الحياه السياسيه طالما هم مازالوا فى وظائفهم الرسميه الوظائف دى بتتطلب من المنتسبين ليها الحياد السياسى علشان نضمن استقلاليتها الى بيدخل جيش او شرطه بيكون عارف انه بيضحى بجزء من حقوقه السياسيه بسبب حساسيه منصبه مينفعش ظابط الجيش الى المفروض انه متفرغ لحمايه و امن البلاد الخارجى انه يورطط فى انتماءات سياسيه داخليه و نفس الشيىء لظباط الداخليه

لا شك ان نجاح الثوره يعتمد على انشاء حياه حزبيه و نيابيه سليمه فلاتوجد دوله متقدمه فى العالم الا ووجد فيها احزاب على قدر المسؤوليه و حتى تزدهر هذه الاحزاب لابد ان ينخرط المصريين فى الاحزاب السياسيه كمتطوعين و لا اجد مكان اجمل من المحاورات لهذه الدعوه هذه دعوه للتعرف على الاحزاب المصريه و خصوصا الجديده ارجو ان يساعد هذا الموضوع الاعضاء الافاضل على الاقتناع بمبادئ اى حزب و المشاركه الفعاله فى انشاءه او تدعيمه ارجو ان يظل هذا الموضوع ايجابى بحيث يعرض الافراد افكار الاحزاب بدون التعرض للاحزاب الاخرى بحيث يظل الموضوع للتعرف و ليس الهجوم سأبدأ بما اجده و ارجو من الاعضاء الافاضل اثراء الموضوع بمعلومات عن احزاب اخرى

عمرك حسيت..عمرك حسيت!!؟ عمرك حسيت .. إن الدنيا .. فــ عنيك .. بتهون وان حياتك .. ماسخه.. وبايخه ... وعديمة اللون عمرك حسيت ..إنك قربت .. تصير... مجــنـون وانك مطحون.. وكمان مسجون.. فى براح الكون عمرك حسيت .. عمرك حسيت!!؟ عمرك حسيت .. إنك عايز .. تصــرخ .. وتثــور زى البركان .. إللى بيغلى .. وخــلاص حيفــور عمرك حسيت .. إنك شمعه .. عـُمرها .. مهــدور بتموت ف مكانها ..لجل ما توهب غيرها .. النور عمرك حسيت .. عمرك حسيت!!؟ عمرك حسيت .. إنك حــاير.. بيـــن إتجاهـــين وانك ضليت السكه ..وتُهــت .. مع التايــهين عمرك حسيت .. إنك نِفســك.. تبقى بجناحين وتطـــير .. وتفارق دُنيِــتنا .. المليانه أنيـــــن عمرك حسيت .. عمرك حسيت!!؟ عمرك حسيت .. إنـك متغــرب .. بــين النـــاس وانك مش لاقى.. معنى جميل ..إسمه الإخلاص عمرك حسيت .. إنك فى الحب .. وقعت خلاص مع إنك .. حاطط على قلبك ..قــفــل .. وحراس عمرك حسيت .. عمرك حسيت!!؟ عمرك حسيت .. إن الكلمه .. فـ حَلقَك..مدبوحه والصرخه الساكنه.. فـ نظراتك..ساكته ومجروحه عمرك حسيت.. إن البركه.. فـ رِزقك.. مطروحه وبتدعى.. ودايما كده.. أبواب السما..مفـتوحه عمرك حسيت..عمرك حسيت!!؟ اتمنى أن تحوز قبولكم و .. التونسى

في خضم موضة الموضوعات اللي خرجت في الفترة الاخيرة والتي تقول بشكل غير مباشر ان السعودية تجهض اما حركات التحرر العربية .. او تملي شروط سياسية على المجلس العسكري في مصر تتخلله بعض الرشاوي لمنع محاكمة مبارك .. او يقولون ان السعودية تسعى لجر مصر ضد ايران .. او تقوم بمنع الحجاج المصريين والتونسيين بسب الخوف من فوبيا الثورات .. او كل تلك الموضوعات وما اكثرها كنا نقول دائما ان العلاقة بين السعودية ومصر هي علاقات اكبر من كل هذه السفاسف ...هي علاقات ندين وشريكين استراتيجيين يدعم احدهم بالمال والاخر بالايدي العاملة والوفرة الزراعية ويمتلك جيشاً هو الاقوى عربيا .. كان البعض يعتقد اني اتحدث بكلام رومانسي عروبي ويذكرني بتواضع ان كل ما اقوله هو خارج سياق الزمن وان العلاقات الحقيقية بين الدول هي علاقة مصالح و هذا ما يطلبون من مصر الثورة ان تكون عليه .. علاقة مصالح فقط ما نقلته من اقتباس اركتكت يوضح ان العلاقة وقوتها واستمرارها ليس فقط كلام رومانسي .. بل هي فعلا علاقة مصلحة لكل الاطراف .. واعتقد من منطلق - براجماتي - نفعي .. ان استقرار دول الخليج يصب لصالح مصر ..وايضا من زاوية مصالح مصر اعتقد ان الفائدة التي ستجنيها هي اكبر بكثير من تعاون وعلاقات قوية مع ايران كما كان يقول البعض انه من الضروري والواجب الالتفات لايران وعدم الانسياق لما تجره لنا المملكة العربية السعودية لا نعني بهذا ان على مصر ان تقاطع ايران .. فنجن انفسنا لا نقاطعهم ... لكن اتمنى ان يعرف الجميع ان العلاقة بين البلدين ليست مجرد عمالة من هنا وكفلاء من هناك .. وحج وعمرة وانتهى الموضوع

أنر بصائرنا يا رب مينفعش نسمحلهم يستدرجونا بسهولة لحريق البلد الاعلام المصري الرسمي بمجلس الامناء الجديد .. ربنا يهديكم .. ده اول اختبار حقيقي لكم.. تغطية الاحداث بمصداقية و مسئولية الحكومة و الجيش.. وقفة بجد بقى بحسم الغلطان كائنا من كان يحاسب يا رب .. اليك الملجأ و الملاذ إلهي .. لا تكِلنا لأنفسنا

http://www.youtube.com/watch?v=03mWY-08kUgراضي انا بحالي....راضي وبعيش حالي...من غير ما افكر فيه

للاسف الشديد الثورة المضادة بدات تدخل فى وسطنا من غير ما نحس الثورة المضادة جربت كل الاساليب قبل كدة من ترك السجون و البلطجية لكن الشعب وقف الاعتصامات الفئوية لكن الشعب وقف و نجح فى انة يجمع نفسة تانى انهيار البورصة و غيرة و غيرة لكن برضة مصر لسة واقفة على رجلها لحد ما بتجرب الان الفتنة و دى بقى اللى فعلا ممكن تضربنا فى مقتل احنا بجد فى خطر الان لا محتاجين شيوخ و لا قسيس احنا محتاجين حزم و شدة بيتهايلى الجيش من الان لازم يستخدم الشدة مع اى جانب يثبت خطئة لا يبعت بقى شيخ و لا قسيس و لا محتاجين صور و شعارات و لا قعدات و لا لقااءات احنا محتاجين شدة و حزم

بمناسبة موسم الامتحانات جاءني إيميل جميل و مفيد..أحببت أن أشارك به و الشيخ علي الطنطاوي هو سوري /سعودي تعلم في سوريا و في مصر و السعودية و له العديد من المؤلفات معلومات عن الشيخ من الويكيبيديا

حتى يا أحمد لو ضرب النار من داخل الكنيسة أو من المبنى التابع لها الملاصق للكنيسة، فليس من المصلحة أو الحكمة إشهار هذا أو المناداة به الآن على الملأ. تحياتي،

على فكرة أنا مش مقتنع بفكرة نضحي بيها علشان الباقي أنا عن نفسي خايف من انتقام ربنا إذا كل واحد لم يبرأ نفسه أمام الله أنا عمري ما كنت مع فكرة إذا جالك الطوفان حط ابنك تحت رجليك وإن التفكير يبقى بالمنطق ده أنا عن نفسي مقتنع إن أي دولة ممكن تقوم على الكفر بس مش ممكن تقوم على الظلم ويقيني أنه ليس بعد الحق إلا الضلال ولذلك نريد الحق ونريد دولة الحق التي يرضى عنها الله لا دولة الظلم التي يلعنها الله ياسيدي مصلحه الجماعه تغلب علي مصلحه الفرد وبعدين ماقولتش نسكت بس نتك علي الصبر لغايه مالبلد تقوم خمس او ست شهور ونبقي نقعد ساعتها نعمل حفلات الفتنه الطائفيه دي وبعدين صبرنا تلاتين سنه مش قادرين نصبر 5 شهور وبعدين اللي بيحصل ده قمه النداله يعني عشان البلد تعبانه امنيا دلوقتي نستغل الحاله دي ويبقي كله الليله ياعمده وبعدين ليه الناس دي ماطلعتش ايام مبارك ليه ماطلعتش غير دلوقتي طبعا عشان مبارك كان امير المؤمنين لا يجب الخروج عليه والموجودين دلوقتي عصاه خرجوا علي اميرهم اللي هو مبارك عليه السلام

شكلها كده قله من السلفيين .. فى طريقهم لتشويه ..او حتى للاجهاز على التيار بأكمله .. والتاريخ شكله بيعيد نفسه من غير ما حد يتعظ .. اللى بيحصل ده فكرنى باللى اتعمل فى الاخوان المسلمين سنة 1954 .. ووقوعهم فى الفخ اللى اتنصب لهم .. بداية من تورطهم ((او توريطهم)) فى حادث المنشيه الشهير .. اللى تعرض فيه عبد الناصر للاغتيال .. ومن يوميها ماشفش الاخوان خير ..وتم تشويههم وتخويف المصريين منهم .. على مدار اكثر من نصف قرن .. لحد ان اطلق عليهم الجماعه المحظوره .. لحد ما جت الثوره وخلتهم يشموا نفسهم تانى ويشتغلوا فى النور والله انا بقول كده من منطلق خوف عاللى ممكن يجرا للتيار السلفى بسبب هذه الحماقة ((عفوا)) التى يتم بها معالجة ..أو التعامل مع الامور من قله من السلفيين .. ومازلت مصمم على انها قله فعلا . لان اللى يعتدى ويخرب ويحاول يقتل مش ممكن يكون سلفى معتدل وذو عقل وعلم وثقافه وكياسه وسياسه البلد مش حتضيع باذن الله .. بس انتوا اللى ممكن تضيعوا يا سلفيين .. وبأيديكم اضافه : على فكره حلوه اللعبه دى ..واحد من اللى عايزينها تخرب ما تعمر ..يتصل باى حد من السلفيين ويقول له إلححححححق دا فيه واحده مختطفه فى كنيسه ..اجرى يا جدع هات المجاهدين بالسيوف يحرروا الاسيره من الكفار.. وبعد كده يسيبه يتعامل .. واشمتى ياللى منتيش غرمانه

ياريت يا جماعة نفتكر بجد الكلام اللي كان بيتقال من ناس كتير جدا منهم بلال فضل مع يسري فودة علي أون تي في علي إن هناك مخطط لإجهاد الثورة تمهيدا لإجهاضها وكان إحدي المراحل اللي اتكلموا عنها هو ملف الفتنة الطائفية يعني إشمعني دلوقتي بعد إذاعة اللقاء الخاص بكاميليا شحاتة وتأكيدها علي إنها لازالت مسيحية وغير مختطفة تيجي دلوقتي مكالمة من عبير إنها مخطوفة في كنيسة في إمبابة؟! إحنا في حد بيلعب بينا أحلي لعب ولعب علي كبير وياريت بقي المسئول عن البلد حاليا وهو المجلس العسكري يحدد هو مع مين بالضبط .....هيعيد هيبة الدولة اللي راحت خالص ولا هيسيب الخطة تنفذ بكل مراحلها فيكون شريك فيها؟

شكرا ليكى انت الاسم ده اسم بنتى وانا كنت بدور على اسم وانا حامل وقالولى على النت برضه ان معناه اشجارالجنه وبعدين اتضح انه النجم الامع فى السماء وفعلا مافيش حاجه هتحصل اكتر من اللى حصل يعنى لما الشرطه انسحبت فى ايام الثوره حتى من المطارات وطبعا الشوارع ولا الوقت دلوقتى بصى انا مؤمنه انه لن يصيبنا الا ماكتبه الله لنا يعنى لو مكتوبلى شئ هشوفه لو قاعده فى قلعه محصنه ومع ذلك الحرص واجب يعنى انا مثلا من القاهره الجديده التجمع الخامس وديه منطقه تعتبر جديده برضه وعادتى كل صيف اخد الاولاد ورايحين جاى على النادى فى الرحاب وتمرينات فى مدارس جنب الرحاب وكنت بمشى فى شوارع غير مئهوله لان اغلب المنطقه تحت الانشاءوارجع بالليل مع لموزين بتعامل معاه من سنين او تاكسى مش هقولك هقعد فى البيت ومش هاخرج لا بس هاروح النادى الا بالنهار ومش هاودى تمرينات بره الرحاب ومش هاتعامل الا مع اللموزين اللى اعرفه ومش هاللبس دهب ولا هانزل بيه اصلا وربنا يحمى بلدنا ويحمينا جميها ويرزقنا الامان فى اوطاننا

فعلا لن انسي ولن اسامح محمد حسان ولا محمود المصري اللي طلعوا علي التلفزيون المصري وطلبوا من الشباب الانصراف ولا اللي حرموا المظاهرات والخروج علي الحاكم ولا سيدنا المفتي الملاكي اللي حرم صلاه الجمعه كل دول في رقابهم كفل من دم الشهداء اللهم عذبهم في النار بكفل دماء الشهداء يارب

اللي فيه داء ما بيبطلوش والنفاق ده ياجماعة إدمان يعني لو واحد بقاله 30 سنة بينافق صعب يبطل الصنف ده بسرعة كل ما هنالك إن الطرف الآخر هو اللي بيتغيير يعني اللي كان بينافق مبارك دلوقتي هينافق المجلس العسكري وشباب الثورة وبكرة هينافق الرئيس الجديد وهؤلاء الناس هما اللي بيصنعوا الفرعون .......مصر بلد فراعنة صحيح بس الجيل الحالي مش كده .....الجيل الحالي أعتقد إنه فعلا مهتم ببناء البلد ورفض الثقة العمياء وتقديس القائد أيا كان .....ربنا يعيننا جميعا يارب

بسم الله الرحمن الرحيم بصراحة من فترة كبيرة و أنا عاوز أكتب الموضوع ده..بس كل مرة أأجله لعدة أسباب..المرة دي قلت ما ينفعش أأجل أكتر من كده..و هو موضوع بسيط..هاوضح فيه (علي حد علمي القليل جدا) بعض النقاط التي أراها هامة جدا..وأرجو ان كان لأحد ملا حظة ما ..أو تصويب..فليصوبني و جزاه الله خيرا.. بداية..احنا مسلمين..وموحدين بالله تعالي..و مأمورون أن نعبد الله تعالي كما أوحي الي نبيه عليه الصلاة و السلام..و بالطريقة التي علمناها رسول الله صلي الله عليه و سلم..و أي طريقة غير كده..ما تنفعش. زي بالظبط لما تكون شاري جهاز إلكتروني و عاوز تستخدمه الاستخدام الأمثل..غالبا فيه كتالوج مرفق مع الجهاز..بيقوللك ازاي تستخدمه الاستخدام الأمثل..يبقي..ولله المثل الأعلي..لما تيجي تعبد ربنا سبحانه و تعالي لازم نشوف الطريقة اللي ربنا سبحانه و تعالي يريدنا أن نعبده بها..مش أي حاجة من دماغنا و خلاص.. انت بتصلي الصبح ركعتين..و الظهر أربع ركعات..و العصر أربعا..و المغرب ثلاثا...و العشاء أربعا.. جبت الكلام ده منين؟؟..فيه آية في القرآن بتقول ان الظهر أربع ركعات؟؟..أو المغرب ثلاث ركعات؟؟..طبعا مافيش..وكلنا ان شاء الله عارفين الكلام ده..يبقي جبنا الكلام ده منين؟؟..مش من السنة النبوية الشريفة؟؟.. طيب..النبي عليه الصلاة و السلام قال.. (صلوا كما رأيتموني أصلي) "رواه البخاري"..وقال أيضا (خذو عني مناسككم) "رواه أحمد ومسلم والنسائي و البيهقي في السنن الكبري" يعني احنا ما ينفعش نعبد ربنا سبحانه و تعالي من دماغنا..العبادة لازم تكون بدليل شرعي عن الني عليه الصلاة و السلام.. حتي لو حبيت تزود في العبادة شوية..فيه حاجات مش مسموح لنا نزود فيها..فيه ناس فاكرة ان أي عبادة لما أزود فيها عن اللي النبي عليه الصلاة و السلام قاله..يبقي أنا كده واد 100 100..وتمام التمام..لأ..ما ينفعش..مش أي حاجة ينفع اننا نزود فيها من دماغنا..و الحديث أغلبنا ان شاء الله يعرفه..أن النبي عليه الصلاة و السلام بلغه أن ثلاثة..واحد يقول ..انا هقوم الليل كله ومش هنام..و طبعا النبي عليه الصلاة و السلام..كان بيقوم جزء من الليل و ينام الباقي..والثاني بيقول..أنا هفضل صايم علطول ومش هفطر..يعني مش رمضان بس..هو عاوز طول السنة صايم..والثالث يقول..أنا مش هتزوج النساء..عشان يتفرغ لعبادة ربه..و ما يبقاش فيه أي حاجة تشغله..النبي عليه الصلاة و السلام لما سمع عنهم..رد عليهم وقال ايه : 1- صحيح البخاري - اِنِّي لَأَخْشَاكُمْ لِلَّهِ وَأَتْقَاكُمْ لَهُ لَكِنِّي أَصُومُ وَأُفْطِرُ وَأُصَلِّي وَأَرْقُدُ وَأَتَزَوَّجُ النِّسَاءَ فَمَنْ رَغِبَ عَنْ سُنَّتِي فَلَيْسَ مِنِّي 2- صحيح مسلم - فَقَالَ مَا بَالُ أَقْوَامٍ قَالُوا كَذَا وَكَذَا لَكِنِّي أُصَلِّي وَأَنَامُ وَأَصُومُ وَأُفْطِرُ وَأَتَزَوَّجُ النِّسَاءَ فَمَنْ رَغِبَ عَنْ سُنَّتِي فَلَيْسَ مِنِّي 3- سنن النسائي - قَالَ مَا بَالُ أَقْوَامٍ يَقُولُونَ كَذَا وَكَذَا لَكِنِّي أُصَلِّي وَأَنَامُ وَأَصُومُ وَأُفْطِرُ وَأَتَزَوَّجُ النِّسَاءَ فَمَنْ رَغِبَ عَنْ سُنَّتِي فَلَيْسَ مِنِّي 4- سنن الدارمي -قَالَ :« إِنَّ مِنْ سُنَّتِى أَنْ أُصَلِّىَ وَأَنَامَ ، وَأَصُومَ وَأَطْعَمَ ، وَأَنْكِحَ وَأُطَلِّقَ ، فَمَنْ رَغِبَ عَنْ سُنَّتِى فَلَيْسَ مِنِّى 2- و طبعا المعني واضح..وهو اني أكثر واحد فيكم أخاف الله و أتقه..و مع ذلك فإني أقوم جزء من الليل..وأنام جزء..وأصوم أياما..وأفطر أخري..وأتزوج النساء..فمن رغب عن سنتي فليس مني... يعني مش أي عبادة و أكتر منها و خلاص..الموضوع مش بالكمية. طيب..القرآن و السنة..هل أول ما تقرأ القرآن هنفهمه علي طول...أو أول ما نقرأ الحديث نعمل اللي فيه فورا؟ القرآن الكريم..كما قال علي بن أبي طالب رضي الله عنه.. أنه حمال ذو وجوه..يعني ممكن تقرأ النص الواحد..انت و أكثر من شخص آخر..وكل واحد يفهمها بطريقة مختلفة..طبعا ده مش في كل القرآن..لكن في كثير من المواضع..يبقي احنا دلوقتي في مشكلة..هنفهم القرآن ازاي؟؟ يبقي احنا محتاجين فهم واحد نتفق عليه جميعا ليكون هو مرجعنا..و مش كل واحد يفسر القرآن أو السنة علي مزاجه..يبقي نرجع لكلام النبي عليه الصلاة و السلام..و أقوال الصحابة الكرام..و أقوال التابعين..لأن هما دول أكثر ناس فهموا القرآن و السنة .. لأن النبي عليه الصلاة و السلام قال..(خير القرون قرني..ثم الذين يلونهم..ثم الذين يلونهم).. يبقي الصحابة رضوان الله عليهم..و التابعين لهم..هم أفضل من اللي جاءوا بعدهم..و هم أولي أن نفهم القرآن و السنة بفهمهم هم..لأن ممكن واحد يقرأ حديث و يعمل بيه..و بعدين يكتشف انه منسوخ..و جاء حكم بعده أبطل حكمه..يبقي لازم نفهم السنة بفهم السلف و التابعين عليهم رحمة الله جميعا.. و لأن النبي عليه الصلاة و السلام أوصانا أن نأخذ بسنته و سنة الخلفاء الراشدين المهديين من بعده. عن أبي نجيح العرباض بن سارية رضي الله عنه قال : وعظنا رسول الله صلى الله عليه وسلم موعظة وجلت منها القلوب ، وذرفت منها العيون ، فقلنا : يا رسول الله ، كأنها موعظة مودع فأوصنا . قال : ( أوصيكم بتقوى الله ، والسمع والطاعة ، وإن تأمّر عليكم عبد ؛ فإنه من يعش منكم فسيرى اختلافا كثيرا ، فعليكم بسنتي وسنة الخلفاء الراشدين المهديين ، عضّوا عليها بالنواجذ ، وإياكم ومحدثات الأمور ، فإن كل بدعة ضلالة ) رواه أبو داود و الترمذي وقال: حديث حسن صحيح يبقي أنا النهاردة لما آجي أقول .. عقيدتي .. القرآن و السنة..بفهم سلف الأمة..يعني أنا أعمل بالأحكام الموجودة في القرآن و السنة النبوية .. بفهم سلف الأمة..اللي هما الصحابة و التابعين لهم.. يبقي السلفية دي منهج..وليس فرقة بعينها..أو حزب معين اسمه السلفيين..وأي حد مش هيقعد مع الناس دي يبقي مش سلفي. انت النهاردة لو كنت بتتبع أثار النبي عليه الصلاة و السلام في كل معاملاتك..ولما بتيجي تاخد حكم من القرآن و السنة بتاخده بفهم الصحابة و التابعين و العلماء المتبعين..مش بتفهمه علي مزاجك..يبقي انت كده سلفي..و تتبع المنهج السلفي. طيب..الشيخ محمد يعقوب..أو الشيخ أبو اسحاق الحويني..أو أي شيخ من مشايخ السلفية..قال رأي معين أو قام بفعل..أو رد فعل معين ما عجبنيش..يبقي العيب في المنهج السلفي؟؟..ولا أقول أنا مختلف مع فولان؟؟ المفروض انك تقول أنا مختلف مع الشيخ الفولاني لأنه قال رأي معين..وأنا سمعت رأي آخر..و أدلة أقوي من اللي جاء بها عشان كده أنا مختلف معاه..مش نغلط في السلفية..اللي هما أتباع المنهج السلفي كلهم..و اللي انت ممكن تكون منهم و انت مش واخد بالك. أنا مثلا قرأت أمس عن واحد من أصاب الفكر الليبرالي و هو الدكتور الحمزاوي..رأي معين..وهو أنه يريد للمسلمة أن تتزوج النصراني تطبيقا لمبدأ التديموقراطية..طبعا أنا مختلف معاه و بشدة..لأن دي حاجة مش بمزاجنا..دي حاجة محرمة في كتاب الله ..بس الراجل ده كان له بعض الأراء السياسية قبل كده بتعجبني..يبقي أقول أنا مختلف معاه في النقطة الأخير اللي ذكرها..لأنها حرام شرعا..و مش هاجي و أشتم في كل من يعتنق الفكر الليبرالي و أقول عنهم انهم يحلون ما حرم الله..لأن هذا ظلم بين. أعتذر عن الاطالة..و أرجو أن أكون استطعت أن أوصل المفهوم الذي أريده. أنا رأيت أن أكتب الموضوع في باب موضوعات جادة..لأنه موضوع مفتوح للمناقشة..لكن لو رأي أحد المشرفين الأفاضل أن من الأفضل نقله لباب هدي الاسلام..يقوم بنقله..

رأي مفتي مصر السابق د.نصر فريد واصل في صلاة الغائب على بن لادن http://islammemo.cc/vedio-images/vedio/2011/05/07/123532.html

أخي الفاضل..اسلام موضوع أخونا الحبيب أبو محمد..موضوع قيم..ورائع..ولكن أختلف معك في كلمة.."يرد علي موضوعك" لأني لم أقول أبدا بتقديس الأشخاص..ولا أقول أنه يجب علي الشخص أن يلتزم بفكر شخص معين..بل قلت أننا عندما نفهم بعض مواضيع القرآن و السنة نفهمها بفهم علماء الأمة..و هم الصحابة و التابعين..و من تبعهم من العلماء الموجودين الآن..لأن هناك بعض الأمور هم قتلوها بحثا..ونحن لانعلم عنها شيئا سوي اسمها فقط.. يعني مثلا انت لو قرأت حديث معين..وعملت به..ثم سألت عالما من العلماء..فقال لك أن هذا الحديث تم نسخه بحديث آخر و أنه لا يجوز لك أن تعمل بالحديث الأول..اذا هو قام بتوضيح الأمور لك... طيب..هل لو انت اكتشتفتها من تلقاء نفسك..ومن قرائتك لتفسير الحديث..وتعليقات الصحابة الكرام عليه..وبدون أن ترجع الي شيخ من المشايخ..هقوللك..لأ..لازم تسأل الشيخ الفلاني و الا فعملك بهذا الحديث باطل؟؟..لأ طبعا اذا نا أقصد اتباع منهج معين..وليس شخص بعينه..و محاولة تقفي الأثار النبوية في كل معاملاتنا..ولا نتصرف من منطلق عادة..أو تفسير عقلي بحت لنص من النصوص فعلا..فيه نصوص معينة تفهم مباشرة عند قراءتها..وهناك نصوص يلتبس عليك الأمر فيها..فلا تعرف الغرض منها..و أنا أقول لك,,في حالة التبس عليك أمر ما.و اختلفت معك في هذا الأمر..فلابد من وجود من يحكم بيننا..وليس ذلك سوي كلام النبي عليه الصلاة و السلام..و كلام الصحابة الكرام في هذه النصوص..وتفسيرهم لها.. ياريت تكون فهمت غرضي..وجزاك الله خيرا علي المداخلة..و أسال الله أن يهدينا للحق..وأن يزرقنا اتباعه.

http://www.youtube.com/watch?v=fTr2U60-xH0&feature=share

حكاية البقرة الحلوب ***** كان يامكان كان فيه زمان قبيلة من القبائل ورثت بقرة حلوب حليبها يكفى أفراد القبيلة ويفيض كمان, ومن أجل تنظيم عملية الحليب فقد اتفقوا فيما بينهم أن تتبادل أسر القبيلة عملية الحلب وتوزيع الحليب واختاروا إحدى الأسر لتبدأ هذه العملية , ولكن حليب البقرة الوفير أصاب هذه الأسرة بالطمع فأخفوا أربعة أخماسه ولم يعطوا باقى القبيلة إلا الخمس وشاركوهم فى الخمس .. ولأن باقى اسر القبيلةجاهلة بالأنتاج الحقيقى لحليب البقرة ولأنهم ناس طيبين بيرضوا بالقليل فاستمروا على هذه الحال حتى إقترب موعد إنتهاء المدة , ولكن هذه الأسرة بيتت النية على عدم ترك البقرة لأحد غيرها فبدأوا فى خطة شيطانية فاستمالوا إليهم كل إبن عاق أو لص أو بلطجى من أبناء القبيلة وزودوا له الحليب ماهو الخير كتير ووفير. . وكسبوا ولاء هؤلاء الموالين وعند إنتهاء المدة لم يتخلوا عن البقرة وقالوا للقبيلة حانعمل إنتخابات والا إنتم عايزين تزعلوا صاحب الثور الكبير ذو الخوار والزفير اللى قاعد فى الجزيرة الكبيرة وبيراقب كل صغيرة وكبيرة؟ وقامت الانتخابات فسمح فقط للموالين أما المعارضين فمنعوا من الوصول للصناديق وطبعا النتيجة معروفة ظلت تلك الأسرة ممسكة بالضرع وزادت من الحلب وظلت نسبة التوزيع كما هى الأربعة أخماس للأسرة والخمس لكل القبيلة وتشاركهم أيضا فى الخمس تلك الأسرة اللعينة وما ضمته إليها من هليبة ونهيبة بدعوى إتهم مسؤلين عن حماية البقرة والدفاع عن أمنها والقبض أى جرئ من القبيلة تسول له نفسه إزعاجها أو الإقتراب منها لمراقبة حليبها .. وشيئاً فشيئاً إزداد أهل القبيلة فقر, وأستمرت هذه الأسرة فى الحلب وعند موعد التغيير يتكرر نفس اللى حصل حتى فقد أهل القبيلة الأمل بعد أن رأوا كبير الأسرة يعد وريثه لخلافته . واستسلم أهل القبيلة لقدرهم المحتوم , وفى يوم حزين اكتشفت الأسرة أن ضرع البقرة بدأ ينضب من الحليب . . وفكروا سريعا هل يتركوا البقرة ويرحلون ؟ لكن صعب عليهم ترك البقرة وهى على قيد الحياة .. فتفق ذهنهم على الاسعاتة بواحد لئيم لكنه كان عند الأسرة غالى فقال لهم إحنا نبيع البقرة على مراحل ونقول للقبيلة إن دى الوسيلة الوحيدة لإصلاح أحوالهم المتردية .. وإن ده اللى حاينقذهم من الأهوال الآتية وصدقت القبيلة . . فعرض الرأس للبيع ثم القرون والودان , ثم الكلية والطحال , ثم اللحم والكبد , وأخيراً العظم والجلد , ومع كل هذا البيع لم يشعر أهل القبيلة بأى تحسن , لأن نسبة التوزيع الظالمة زى ماهيه, ولكن الخبير المالى قال لهم لأ فيه تحسن بنسبة 7% وعلشان يضحكوا على القبيلة ويبقوا شركاء معهم فى هذه البيعة قعدوا يدوروا إيه ما تبعش ومافيش حد عايز يشتريه ما لقوش غير الحوافر والذيل فقالوا لهم حانملكم الحوافر والذيل .. ونسيوا أن البقرة كلها قبل ما تتباع كانت ملك القبيله .. فهمتم الحكاية يا أهل القبيلة ؟؟؟

توصل بألف سلامة يا أستاذ حسام وتنور مصر بوصولك إن شاء الله بس متنساش هديتي من فضلك بالنوسبة لحظر التجوال حضرتك هو لسه لغاية دلوقتي شغال من 2-5 صباحا قانونا فقط وليس واقعيا إحنا يا مؤمن البلد الوحيد في العالم اللي أول ما اتفرض حظر التجوال المواطنون المخلصون نزلوا في الشارع عشان يتصوروا مع حظر التجوال ده حتي السي إن إن ياعيني أول يوم فرض فيه حظر التجوال كتبت علي الشاشة فرض حظر التجوال في مصر والشعب يتجاهله تاني يوم كتبوا لليوم الثاني علي التوالي المصريون يكسرون حظر التجوال وفضلوا كل يوم يكتبوا كده لغاية خامس يوم فهموا إن المواطن الوحيد الملتزم بحظر التجوال كان مبارك شخصيا وعلي أقوال أخري إن حظر التجوال ده كان للشرطة فقط مش قادرة أنسي مواطن لذيذ جدا علي العربية كان بينادي الناس اللي في البيوت تنزل وبيقول ما تصدقوش إن في حظر تجوال تعالوا وفعلا في الأيام الأولي للثورة كانت الناس بتبدأ تسخن وتنزل في المظاهرات من أول 4 الظهر وهو وقت بداية حظر التجوال :happy: شعب لذيذ بجد مفيش زيه وبعدين يا أستاذ حسام كل مصري دلوقتي مع صورة مع العلم في التحرير وصورة مع الدبابة وصورة مع البلطجية المقبوض عليهم (بالنسبة للشباب اللي كانوا بينزلوا في اللجان الشعبية) وصورة مع صباعه بعد الأستفتاء وصورة في حظر التجوال فالحق لك صورة علي السريع في حظر التجوال بالنسبة لموضوع السلاح ما أقدرش أفيدك فيه بس أنا الحمد لله الوضع مش زي ما هو مهول في وسائل الاعلام يعني أنا لغاية الساعة 11 في الشارع أنا ووالدتي لوحدنا ومعاناش سلاح ولا حاجة والدنيا تمام طبعا أخويا بيشد في شعره ونفسه ومني عينه يحبسنا في البيت بس أهي الدنيا ماشية الحمد لله.

http://www.youtube.com/watch?v=UU5eCTJmZzc&feature=player_embedded

جنيف : قرر الاتحاد الدولى للطرق بجنيف بسويسرا باجماع اصوات الاعضاء والمكون من 241 دولة اختيار الدكتور عصام شرف رئيس مجلس الوزراء ليكون «رجل العام» عن عام 2011. وقال سمير علام النائب الاول لرئيس الاتحاد ان اختيار شرف جاء تقديرا لانجازاته باعتباره استاذ هندسة الطرق بجامعة القاهرة وتقديرا لدور مصر ومساهماتها الدولية فى تحقيق السلام. واوضح علام ان الجائزة تعطى كل 4 سنوات لشخصية دولية لها بصمات واضحة فى مجال سلامة الطرق والمحافظة على البيئة، مؤكدا ان الجائزة سوف تسلم لرئيس الوزراء فى المؤتمر الدولى المقرر انعقاده فى رومانيا نهاية العام الحالى. ترى هلى هناك علاقة بين ترشيحه وبين ومنصبه لرئاسة وزراء مصر فى هذا الوقت الحرج بالنسبة لمصر والثورة المصرية اى لم يقتصر تقديره لمجال عمله بل لدوره البارز فى محاولة اصلاح مافسده النظام السابق خاصة العلاقات الدولية واستعادة مصر لدورها الريادى فى المنطقة العربية والشرق الاوسط واهمها القضية الفلسطينية

هو اللى شفناهم لحد دلوقت وعرفنا انهم ليبين كلهم مقتدرين لان سيارتهم مازالت بلوحة الجماهيرية الليبية وحتى سهل معرفتهم من لغتهم ولبسهم المميز فى منطقة سوق ليبيا والمغاربة بالمنشية لكن سمعنا ان اغلبهم فى ضيافة اقاربهم بدو وعرب فى العامرية وبرج العرب وبطبيعة الحال اسعار السلع كلها ارتفعت بحجة انهم السبب رغم تواجد سلع ليبية بكثرة مهربة تباع ارخص من المصرى ممكن يكون تواجدهم بصورة اكبر فى محافظة مطروح لوجود علاقات قرابة ونسب مع اهالى وبدو مطروح لكن اعتقد تواجدهم فى مناطق بعيدة عن المصايف لان معظهم سكنهم فى اطراف البلد بعيد عن الشواطئ ومعظم البدو اللى فى مطروح بيكون ده موسهم الوحيد للعمل على الشواطئ والمحلات فى الاسواق وسهل جدا بالنسبة لهم توفير اقامة وعمل للاخوة اللبيين لو حد عنده رغبة ينزل مطروح الصيف ده الموسم حيكون مرييح جدا زى السنة اللى فاتت عشان رمضان جى بدرى وكمان امتحانات الثانوية العامة ومعظم الكليات جاية متاخرة وفى احتمال كبير قرى الساحل الشمالى وخاصة مارينا وماراقيا تكون فاضية بعد استضافة معظمهم فى بورتو طرة وهرب غيرهم للخارج

فى القاهره .. كشرى التحرير .. أى عربية فول فى ايتوها منطقه .. مطعم جاد اللى فى شارع 26 .. وهناك اكتر اكله بحبها هى الفطيره السايحه النايحه الفايحه.. الغرقانه فى قشطتها وسكرها وعسلها فى اسكندريه .. مره أكلت سمك من محل عادى جدا فى منطقة ميامى ..وسبحان الله ..يوضع سره...مش فاكر اسم المحل .. بس حاجه فلكلور ولوكال خالص .. كنت مستعجل ..وعايز اكل اى شئ .. .. ويوميها أكلت أطعم وألذ بلطى مقلى اكلته فى حياتى .. وسر طعمه كان فى خلطه كده زى مية دقه .. بيحط فيها السمك اول ما يطلع من المقلايه .. يقوم السمك يشرب الخلطه .. وبالهنا والشفا يا عم الحج فى انجلترا .. اى مطعم صينى .. واساسا قلما باكل بره .واغلب اكلى من صنع ايديا فى اسبانيا .. كنت ف رحله .. وكنت قاعد فى فندق اسمه جراند اوتيل فى مدينه مش فاكر اسمها قريبه من برشلونه .. وكان فيه بوفيه مفتوح .. سى فووود .. تختار انت السمك او السيبيا او الجمبرى وهى لسه طازه او شبه حيه .. والشيف يطبخلك لايف على الهواء والرائحة مباشرة .. وبصراحه مكلتش فى حياتى مأكولات بحريه فى نفس الطعم

يااخوانا حرام عليكم هاضيعوا البلد تاني مش مهم الريس يكون عنده ضمير ولا انه يصلح مصر ولا يكون بيفهم في السياسه المهم يكون عنده كاريزما انا ارشح الاخ المناضل عادل امام لانه عنده كاريزما اكتر حتي من عمر موسي:closedeyes: عمى ozoozo صباح الخير بقولك بالله عليك يا اخويا هى ايه الكارميزا اللى بتقولوا عليها دى ؟ حاجه كده زى علامة الصلاة ولا زى الكرش اللى بيدى هيبة وحاجه تدل على العز والفخفخة كده :closedeyes: ولا يمكن لها علاقة بالشعر حيث ان الدكطور البرادعى اصلع انما عمر موسى شعره ماشاء الله حاجه مفتخرة ياريت اللى يعرف يقولى علشان الواحد يعمل حسابه وبعدين البرادعي بتهته ولابس نضاره ....عمرك شفت ارنب لابس نضاره قصدي رئيس لابس نضاره وبعدين البرادعي راجل بتاع علوم -رغم انه خريج حقوق انما الظاهر كان حقوق قسم علوم- ماله ومال الرئاسه ....بفتحله معمل او عياده او حتي مفاعل نووي برايفت انما رئاسه لا وبعدين معلش يا ايمن يااخويا احنا كان بيحكمنا واحد عبيط لمده 30 سنه وكان متوقع ابنه العبيط برضه ياخد مكانه فالناس مش مصدقه انه ممكن يحكمنا حد بيفهم الشعب يريد الراجل ابو كاريزما واذا مانفعش يبقي الراجال ابو بلوفر واذا ما نفعش يبقي الراجل ابو سي دي منكم لله انتم وثورتكم خربتم البلد:closedeyes:

يااخوانا حرام عليكم هاضيعوا البلد تاني مش مهم الريس يكون عنده ضمير ولا انه يصلح مصر ولا يكون بيفهم في السياسه المهم يكون عنده كاريزما انا ارشح الاخ المناضل عادل امام لانه عنده كاريزما اكتر حتي من عمر موسي:closedeyes: عمى ozoozo صباح الخير بقولك بالله عليك يا اخويا هى ايه الكارميزا اللى بتقولوا عليها دى ؟ حاجه كده زى علامة الصلاة ولا زى الكرش اللى بيدى هيبة وحاجه تدل على العز والفخفخة كده :closedeyes: ولا يمكن لها علاقة بالشعر حيث ان الدكطور البرادعى اصلع انما عمر موسى شعره ماشاء الله حاجه مفتخرة ياريت اللى يعرف يقولى علشان الواحد يعمل حسابه

اعلان ظهر لى فى اعلى المنتدى وهو تريد ان تكون مسيحى طبعا جاء فى ذهنى ربط مسار ادارة المنتدى ضد من يتكلم اى شئ عن المسيحيين بحجة الفتنه لدرجه ان الاستاذ عادل ابوزيد اتهم احد الاعضاء بانه يقوم باشعال الفتنه لمجرد انه تكلم عن القديس ساوريس هل مال ساويريس وصل المنتدى؟ مجرد سؤال وليس اتهام ارجو الاجابه بهدؤ واقناع وبلاش اتحرم من المنتدى

الليبرالية ليس بها أحكام ولا حدود ولا هي دين أو شريعة ... بل هي مذهب فكري يحافظ على حقوق الإنسان الأساسية وحرياته وهي لا تمنعك من وضع أحكام مشددة للجرائم حسبما يقرر المجتمع وفق عقيدته وقيمه أعتقد أن الهدف من هذا الموضوع هو إثبات أن الليبرالية - حتى في أكثر الدول تطرفا في تطبيقها - لا تفتح الباب أمام الممارسات غير الأخلاقية ولا تعني تحررا تاما من قيم وعادات وأخلاقيات المجتمع كما يروج البعض

أنا لم اتعب نفسي واترجم علشان أقارن قوانين وضعها بشر بما أنزله الله ولو كنت تظن أن الليبرالية دين جديد ويمكن مقارنتها بدين الإسلام ، فأنت مخطأ ، لان الليبرالية هي مجرد فكر سياسي بشري يمكن أن تكون له مرجعيات من كل الثقافات والأديان. ولايصح بأي شكل من الأشكال مقارنتها بأي دين ، يهودية أو مسيحية أو إسلام. ياريت نبطل افساد الموضوعات بتحويلها إلى مناظرات مع الدين مداخلتك تذكرنى بشخص يكتب نثرا فيحاجيه الآخر بأن القرآن أبلغ من نثره. شكرا على مشاركتك

تصدقوا ان معدتش مهتمة يهربوا او ميهربوش اكيد عايزاهم يتحاسبوا و حقوقنا ترجع بس مش عايزة يبقى التركيز كله على المعركة دي اللي بعتبرها جانبية بالذات ان الاخبار دي بتحبط الناس بعد الاعلام ما صور ان المليارات المهربة سيكون نصيب الفرد منها كذا و كذا الإغراق في هذه المعركة يصرفنا -لاشعوريا- عن مزيد من البناء و العمل -لنا حقوق منهوبة لما نرجعها كله هيبقى عال من غير شغل و لا تعب- زي اللي مستني قضية الوقف و الفلوس اللي هتجيله منه قلتها قبل كده احنا ثروة مصر الحقيقية احنا اللي بنعمل الفلوس نركز في الشغل بقى و الجهات المختصة وراهم متسيبهمش و لو قصروا .. نحاسبهم

هربت من أسئلتي في المرتين مع إنك اللي عرضت علينا المناقشة وأنا كنت متأكد ولذلك حذرتك من الأول وما زلت مستني إجاباتك أنت أو غيرك ببساطة شديدة الدولة المدنية تكفل حرية المعتقد للمواطنين بينما الدينية حتكون مرجعيتها الشريعه اللي بتقول يستتاب 3 ايام ثم يقام عليه حد الردة ,, مستني ردود هادية خلينا نعرف نتناقش ,, السؤال هو ,, حرية المعتقد لكل المواطنين ,, ام تطبيق شريعة الاغلبية ,, سؤال بسيط وهادي ومحترم علشان المناقشة تفضل هادئة هل ربنا سبحانه في قرآنه وفي شريعته لم يكفل حرية العقيدة وأنت حضرتك ومن هم مثلك سيكفلونها للناس ؟ هل تعتقد أن حد الردة جاء بنص سماوي قاطع صحيح ليس فيه شك ولا تأويل ؟ إن كان الجواب بنعم فهل تعتقد أن الله ظالم غير منصف وأنت ومن هم مثلك عادلون منصفون ؟ ياريت تجيبني على كل أسئلتي مش جزء منها وأنا معاك طبعا وأفكرك بالسؤال الأول أنت بتقول أنا موحد وأنا بقولك ما هو مفهومك عن توحيد الألوهية ؟ لم تعطني إجابة وقلت افتح توبيك جديد مع السؤال عايز سطر أو سطرين بالكتير أنا أتحداك أن تستطيع الرد أو الرجوع للمناقشة أو تحل بالشجاعة وأعلن انسحابك على الملأ

جميل قامت الدنيا وبعدين ايه اللى حصل الناس احترمت ارادة الشعب وسويسرا لما منعت بناء الماذن ايه اللى حصل...حقهم يبقى الاغلبيه هى اللى حقها تحكم وهى اللى حقها وضع الدستور والقوانين دون تهميش الاقليه بل مشاركة الاقليه ولكنى ارى الان ان الاقليه هى التى تحاول وضع الدستور والقوانين وكان الاغلبيه مش موجوده فى مصر او مسافره وهترجع الاسبوع الجاى

في الدولة المدنية اللي عاوزينها وبننادي بيها مش حينفع يكون لمجموعة ما مميزات عن مجموعة او طائفة اخرى اخرى بمعنى لازم الكل يكون سواسية امام القانون اللي بيسري على الجميع خصوصا العقوبات على الافراد ودي اشكالية فتحت التوبيك عشان نناقش اولا قضية الارتداد الشائكة واختلاف تنفيذ العقوبة فيها بين الدين والدولة ,, كمان الكلام بيجيب بعضه كنت عاوز اقول للسلفيين من الجميل انك تفكر وتنظر من وجهة نظر الاخر اليك ولا تنظر نظرة احادية للامور يعني دايما حط نفسك مكان الاخر وشوف ردود الافعال حتكون مرضية ليك ام لا ,, دي هي قمة المساواة في اكمل صورها ان تضع نفسك دوما مكان الاخر وتحكم حينئذ ,, سعيد بالتفاعل جدا لكن يبقى السؤال المحير بلا اجابة ,, دولة مدنية ام دينية ننزل شوية حرية الانسان ام تطبيق الشريعة ننزل اكتر ,, قبول الاخر ,, تحيتي وتقديري ,, السلام عليكم: بالنسبة لبعض النقاط التى أثرتها فى هذا التعليق : (( دولة مدنية ام دينية )) بالتاكيد نرفض الدولة الدينية وفى الحقيقة أن الكثير يقع فى خلط كبير جدا بين الدولة الاسلامية والدولة الدينية والفرق بينهم ضخم جدا , الدولة الدينية هى دولة الدين الواحد بصرف النظر عن هويته ولا تقبل الدين الاخر ويكون الرأى الأول والاخير فيها للمرجعيات كما نرى فى ايران مثلا واى معارضة للمرجعية فأنت تعارض الله !!؟ لانه يتحدث وكيلا عن الله فى الأرض !!؟ اما الدولة الاسلامية : فهى دولة يكون دين الاسلام فيها هو المصدر الاساسى للتشريع ولكنها لا تقصى الدين الاخر وكلنا نعرف حديث الرسول الشهير عندما سئل عن اهل الدين اليهودى والمسيحي فقال (( لهم ما لنا وعليهم ما علينا )) وما لا يعلمه الكثيرون أن فكرة العلمانية هى فكرة اسلامية المنشأ فى الاساس حيث كانت اروبا فى القرون الوسطى دولها دول دينية ولا اقول انها لم تكن تقبل الدين الأخر فقط لا , بل كانت حتى المذاهب المختلفة فى الدين الواحد مثل الدين المسيحى مثلا لا تقبل بعضها البعض ومعروف للكل المذابج الرهيبة التى حدثت فى اوربا بين المذاهب المسيحية المختلفة فى الوقت الذى كان فيه الديانات المختلفة تعيش فى ظل الدولة الاسلامية بحقوق وواجبات كاملة مع المسلمين وهذه هى الدولة الاسلامية والتى طبقت فكرة العلمانية الحقة . (( حرية الانسان أم تطبيق الشريعة )) السؤال بهذه الصيغة غير لائق لانه من قال أنه هناك تعارضا بين شرع الله وحقوق الانسان !!؟ ومن قال أن شرع الله ( الصحيح طبعا ) لا يوفى حقوق الانسان حقها ؟؟ (( هنطبق الشريعة ام القانون )) هنطبق القانون الذى يستمد أسسه من التشريع الاسلامى ولا تعارض بينهم , وكلنا نعلم أن الدستور المصري فيه نص صريح وهو ( ان الشريعة الاسلامية هى المصدر الرئيسى للتشريع )) اذن فما المشكلة ؟؟

7-النهايه (النصر) تلفّت الدكتور عبد الله حوله، غير مصدق لما تراه عيناه، في ذلك الميدان الشهير في قلب العاصمة.. الشعب كله خرج بالفعل، ينادي برحيل النظام.. شباب من مختلف الفئات والأعمار.. شيوخ.. ونساء.. وحتى أطفال.. مثقفون.. وحرفيون.. وموظّفون.. وعمال.. الكل اتّفق على هتاف واحد، ينادي بالرحيل.. حتى هو، لم يصدّق يوماً أنه يمكن أن يخرج في مشهد كهذا، وهو الذي تحاشى السياسة طيلة عمره، وها هو ذا الآن وسط تظاهرة كبرى، ضمّت كل الشعب تقريباً.. حتى زوجته نوال خرجت، والحاج فؤاد وزوجته، وأبناء جيرانه، وزملاء الجامعة، ورجال الأزهر... صحيح أن الرئيس قد أعلن عدم ترشيح نفسه للرئاسة في الانتخابات القادمة، ولكن هذا لم يُثلج قلب الشعب كما تصوّر، وإنما زاده غضباً واشتعالاً ومطالبة بالرحيل.. من بعيد لمح مجموعة خالد، وهي تهتف وسط المتظاهرين، فتهللت أساريره، وحاول أن يشقّ طريقه إليهم، و... وفجأة، حدث أمر يفوق كل خيال.. جمال وخيول وحمير اخترقت الميدان براكبيها، واندفعت وسط المتظاهرين، وكأننا في مشهد من القرن التاسع عشر، أو في مشهد من فيلم رديء من أفلام الدرجة الثالثة وما تحتها.. وبلا رحمة، وفي اندفاع أعمى، راح من يقودون تلك الحيوانات يصطدمون بالمتظاهرين، ويدوسونهم تحت حوافر وخفاف، وساد هرج ومرج بلا حدود.. ومن أسطح البنايات، سقطت زجاجات مشتعلة، وانطلقت رصاصات حية.. وسقط شهداء.. شباب في عمر الزهور سقطوا.. دماء طاهرة أريقت في الميدان.. ثورة عارمة حلّت في المكان.. "لا تتراجعوا" هتف خالد بالعبارة وهو يحمي علياء بجسده، ويشير إلى رفاقه، وصرخ فتحي يؤيده في حماس: - نحن أكثر عدداً.. لا تسمحوا لهم بتفريقكم. كانت صرخاته تضيع وسط صرخات الآخرين، ولكن سامي اندفع نحو أحد الخيول، وانضم إليه علاء، في حين خلع أحمد حزامه، وألقاه ممسكاً بطرفه، ليلتف حول قائم أحد الجمال، وساعده تامر في جذب الطرف الثاني للحزام.. واختل توازن الجمل، وسقط مع راكبه وسط المتظاهرين.. وبدأ قتال من نوع عجيب.. شباب المتظاهرين انقضّ على ركاب الخيول والجمال والحمير، وامتلأ قلبه ببسالة تشفّ عن معدنه، وبدأت الصورة تنقلب رأساً على عقب، واستعاد المتظاهرون السيطرة على الموقف.. وكانت مفاجأة للمعتدين.. لم يتصوّروا أبداً أن يكون شباب مصر بهذه البسالة.. لم يتصوّروا.. ولم يتوقعوا.. ومن أعلى أسطح البنايات، المطلة على ميدان التحرير، بدأ مجموعة من قناصة الأمن عملهم القذر، وانطلقت من بنادقهم رصاصات حية.. رصاصات أصابت الكثير من الأهداف.. الحية أيضا.. وتساقط الشهداء.. تساقطوا، وامتزجت دماء بعضهم ببعض، وتحوّل الميدان إلى ساحة حرب غير عادلة، فيها طرف يقتل بلا رحمة، وآخر يفتح صدره للنيران، ويواصل هتافه المطالب برحيل النظام، مضافاً إليه هتاف آخر، بمحاسبة من يفعل هذا.. وفي ديوان رئاسة الجمهورية، بدا الرئيس عصبياً، وهو يتساءل: - ماذا يحدث في مصر بالضبط؟! ناوله رئيس الديوان المذكرة الرسمية، المرسلة من وزارة الداخلية، والتي تؤكّد -رسمياً- أن الأمر كله يقتصر على ألف وخمسمائة متظاهر في مدينة السويس، وضِعفهم في ميدان التحرير، ونسبتهم جميعاً إلى جماعة الإخوان المسلمين، وأكّدت القدرة على السيطرة عليهم، في غضون ساعات.. قرأ الرئيس التقرير في سرعة، ثم رفع عينيه إلى رئيس الديوان، يسأله: - أهذا صحيح؟! كانت مشكلة الرئيس الأساسية، هي أنه قد عزل نفسه عن شعبه تماماً، منذ أمد بعيد، بعد أن أقام الأمن حوله أسواراً عالية، بحجة حمايته من شعبه، وارتضى هو بتلك الأسوار، مولياً ثقته لأمن لا يوليه ثقته، ولا يفترض أنه هناك في شعبه من يضمر له خيراً.. ولقد أقام هو بدوره مزيداً من الأسوار حول نفسه، عندما عزف عن مطالعة الصحف، أو مشاهدة البرامج التليفزيونية العالمية، مكتفياً بالتقارير المختصرة، التي يقدّمها له رئيس الديوان، والذي حرص على إيصال صورة زائفة له طوال الوقت، كجزء من ضمان لعبة السيطرة عليه.. وحتى عندما كان الرئيس يلتقي بالصحافة والإعلام، كان رئيس الديوان ومعاونوه يطالبون رجال الإعلام بعدم ترديد ما يزعج الرئيس.. لقد كان معزولاً ومغيّباً بالفعل.. وبكامل إرادته.. وداخل قصر الرئاسة، وعلى الرغم من إدراك الجميع لما يحدث، لم يحاول شخص واحد، أو يجرؤ، على إخباره بالحقيقة.. بل على العكس تماماً، كانوا يخبرونه طوال الوقت بأن الأمور محدودة، وأنها مجرّد عاصفة مؤقتة، سرعان ما تمضي في سلام.. ولقد اكتفى الرئيس برد رئيس الديوان، وغمغم في تهالك، يتناسب مع سنوات عمره، التي اقتربت من الثمانين: - ماذا يريدون إذن؟! تبادل الموجودون نظرة صامتة، دون أن يجيب أحدهم بحرف واحد، فواصل وصوته يزداد تهالكاً: - لقد أخبرتهم أنني لن أتقدّم للترشيح في الانتخابات القادمة، وقبلت استقالة ابني من الحزب، وهذا يعني إنهاء فكرة التوريث، التي كانت تغضبهم، فماذا يريدون؟! تجرأ أحدهم، وغمغم: - يريدون إسقاط النظام كله. تساءل الرئيس، وقد انكشف قناع الثبات الزائف عنه، وبدا على حقيقته، كشيخ عجوز: - ولماذا يريدون إسقاط النظام؟! لقد وعدتهم بإصلاح كل الأمور، في الشهور المتبقية.. سأقوم بتعديل الدستور، وحذف المواد التي يرفضونها، وسأطلق الحريات، و..... غمغم ذلك الشخص، دون أن ينتبه إلى ما في هذا من مجافاة للرسميات: - يبدو أن القرار قد جاء متأخراً للغاية يا سيادة الرئيس. التفت إليه الرئيس بنظرة غاضبة، فأمسك رئيس الديوان بيد الرجل، وقال في صرامة: - انصرف فوراً. لم يكتفِ بالقول، وإنما جذبه من يده إلى الخارج، وهو يهمس في صرامة: - ما كان ينبغي أن تقول هذا في مثل هذه الظروف. أجابه الرجل في عصبية: - بل هذا ما كان ينبغي أن تقوله أنت في مثل هذه الظروف.. البلد في حالة ثورة، ولا توجد سوى طريقة واحدة لتهدئتها. سأله رئيس الديوان في غضب: - وما هي؟! توقّف الرجل فجأة، والتفت إليه، مجيباً في حزم: - تنحّي الرئيس. ولم يعترض رئيس الديوان.. بل لم ينبس بحرف واحد.. "لقد هزمناهم".. هتف بها خالد في حماس، بعد إتمام السيطرة على ركاب الخيول والجمال، وهتفت معه علياء، في حماس أكثر: - لن نتراجع حتى يرحل الرئيس. بدأ الفريق كله يردّد الهتافات بسقوط الرئيس، واحتضنت علياء كفّ خالد، وكأنها تجد فيه الدفء والأمان، وهي تهتف بكل الحماس، هتاف شاركها فيه الشعب كله.. ومن سطح بناية عالية لمح أحد القناصة من خلال عدسة منظار بندقيته الغادرة، أيديهما المتشابكة، فصوّب بندقيته إلى رأس خالد، مدفوعاً برغبة وحشية في هدم تلك العاطفة الشريفة.. وبلا تردّد.. ضغط الزناد.. وانطلقت رصاصته.. وفي نفس اللحظة كان الدكتور عبد الله قد اقترب من المجموعة، ولمح ذلك الوميض أعلى البناية، فصرخ وهو يندفع نحوهم: - احترسوا. حمى خالد بجسده، دون أن يدري حتى أنه الهدف المنشود.. ولكن الرصاصة واصلت طريقها.. وأصابت هدفاً.. أصابت جسد الدكتور عبد الله.. مباشرة.. واتسعت عينا الأستاذ الجامعي، وهو يسقط بين أيدي تلامذته، فهتف خالد، وهو يلتقطه بذراعيه مذعوراً: - دكتور عبد الله!! رفع الرجل عينيه إليه، متسائلاً في وهن: - أأنتم بخير؟! هتف سامي: - أنت مصاب يا دكتور. أشار الدكتور عبد الله بيده في ضعف، قائلاً بابتسامة تُحتضر: - المهم أنكم بخير.. أنتم المستقبل. كانت آخر عبارة خرجت من بين شفتيه، قبل أن يلفظ أنفاسه الأخيرة بين أيديهم.. وفي ذهول ملتاع حدّق أفراد المجموعة كلهم في جسده الطاهر، وفي دماء الشهادة، التي سالت منه؛ لتروي أرض ميدان التحرير، ثم تبادلوا نظرة قوية، حلّ الإصرار فيها محلّ الذهول والألم، قبل أن ترتفع رؤوسهم عالية.. كانت الرصاصات الغادرة ما زالت تنطلق، والدماء ما زالت تراق من أجل الحرية، ولكنهم، وبلا كلمة واحدة، اتخذوا قراراً واحداً حاسماً.. لقد فتحوا صدورهم للنيران، وأطلقوا صرخة رجل واحد.. وانقضّوا.. واشتعلت الثورة كاملة.. حتى النصر. تمت بحمد الله

يا تيمور أعتقد ده هيكون رد فعلك لو شفت عادل إمام أو واحد ممثل سخيف تاني هم بيقلدوا الدكتور عمرو خالد بطريقة وقحة لا تتناسب مع قيمة ما يقدمه واحترامنا له ... عمرك أبدا ما هتضحك و لا هتبقى إيزي يا تيمور لو حسيت إن فيه حد بيستهزأ بشخص تحبه .. فما بالك بدينك وبرسولك عليه الصلاة والسلام وذكرت لك الألفاظ بالتحديد سبب تعليقي إني لا أستطيع المرور على هذا التعليقات دون النصيحة لأخي ثم معذرة إلى الله ... تقبل كل التحية و الاحترام

كشري ... اول وجبه خارج المنزل تناولتها كانت وجبة الكشرى .. كالعادة كانت تحزيرات الاهل حائلاً قوياً امام التجربة الى ان استجمعت شجاعتى و طلبت من جاري الاكبر منى سناً - كنت في الصف الاول الاعدادى - و ذهبنا الى "ابوعلى" امام مستشفى الرمد في الجيزة .. كان محلاً جديداً و مازالت كراسيه و طاولاته و اطباقه المعدنية جديدة و لامعة مما شجعنا على المخاطرة ... جلسنا على الطاولة و طلبنا اغلى طبق كشري - بجنيه واحد ! - و جاء الطبق الضخم و عليه طبقاً صغيراً به مادة زيتية حمراء قاتمة لم نجرؤ ان نسأل ما هى و قررنا ان نذوقها ... و اذ بها شيئاً من جهنم !!! شطة حارقة ملتهبة حرقت لسانى فوراً و اضطررت ان اطفئها بثلاث او اربعة ملاعق من الكشرى ... عندها رأيت لافته موضوعة على كل طاولة مكتوب عليها " احترس من الشطة " . و بعد ان انطفئت النار بدأنا تناول الكشري بأضافة مسحة بسيطة من الشطة و قليل من الدقة و طلبت انا بدورى طبق "ورد" (بصل محمر) و طبق "عدس" ...و اكتشفت ان مذاق الكشرى يختلف تماماً عما عهدت في بيتي و اصبح "الكشرى" جزءً من الفسحة كلما خرجت مع صديقى . محلات الكشرى هي الاكثر شيوعاً في الشارع المصري .. و بالرغم من ان كل محل له مذاقه الخاص الى ان اغلبهم يقدم هذه الوجبه ببراعة ... اشهر المحلات في وسط البلد مثل جحا و لوكس و غيرهم .. و هى محلات قديمة جداً كانت تقدم احلى وجبات الكشرى و لكن مع الزمن بدأ مستواها يقل .. حكى لي ابي ذات يوم عن زكريات شبابه مع الكشرى و زياراته لجحا و كيف كان طابور السائحون يتزاخم على المحل لمشاهدة الطباخ و هو يقذف بالمكونات عالياً بالمغرفة من ارز و مكرونه و عدس لتطير في الهواء و تنزل في الطبق ببراعة و بميزان حساس لا يخطئ و كأنه يقول لي "هو انتم شفتوا كشري !! " و مع ذلك لم يثنى هذا من عزمى و كتمت حسرتى و صمت ! كشري التحرير او KT كما يطلق عليه الشباب الروش من ارباب النوادى و الجامعة الامريكية على غرار KFC "كنتاكى " السلسلة الامريكية الشهيرة ساهم في احداث نقلة نوعية في تاريخ الكشرى حيث قدم نفس الوجبة الرائعة و لكن في مكان اكثر حداثة مما شجع فئات اكبر من المصريين على تناول الكشرى ... اما اعجب محلات الكشرى فهو " كشرى السنى" و هو محل صغير يقدم احلى كشرى من الممكن ان تتزوقه و مكانه بالقرب من سوق السمك في الجيزة .. هذا المحل يفتح فقط بعد صلاة الفجر و يغلق مع الشروق و قد باع ما لا يستطيع ان يبيعه اي محل مماثل طول اليوم ... اكلت عنده مرة واحدة فقط لن انساها ... و لا ادري ان كان لازال يعمل ام لا و للحديث بقية ...