لوحة القادة

سماع دوي ضحكات شريرة متقطعة في منطقة مستشفى شرم الشيخ

أيها الزملاء الأعزاء ... مثلما كان لنا دورٌ فعال في عصر ما قبل ثورة 25 يناير في محاربة الفساد .. وإنارة الطريق لكل من يدخل هذا المكان عضواً كان أم زائراً ... .. والحمد لله أعتقد إننا كنا على الأقل حرفاً في تلك الملحمة التي تم تسطيرها في كتب التاريخ بحروف من ذهب ... فدورنا الأن أن نكون لبِنة في بناء هذا الوطن الذي تكد الفتن أن تعصف به وتغرق الفينة بنا جميعاً أنا لا أخاف على مصر من أبناء المخلصين المتحمسين لكن أخاف عليها من أبناءها المتعصبين المعصوبين - معصوبي الأعين - الذين لا يرون إلا أنفسهم فقط لذا فعلينا دور مهم جداً في التقريب والبناء ... وليس الفرقة والهدم .. ونحن كإدارة من الأن سنتصدى لأي موضوع أو أي عضو يدعو إلى الفتنة ممكن ندخل في جدل عقيم من نوعية : وما هو تعريفكم للفتنة ؟ وما هي إنبعاجات وإرهاصات الفتنة ؟ وما هو الفكر الذي يدعو إلى الفتنة ؟. نحن لا يهمنا أي من تلك التعريفات المتقعرة .. لإننا مصريون ... بسطاء .. نخاف على هذه البلد .. ونُقدم مصلحة البلد على مصلحة الفرد مهما كان .. كاميليا . عبير .. جرجس ... أحمد ... حسن .. اي حد ... مصر فوق الجميع وأنا مستعد نضحي بكل هؤلاء في سبيل الوطن ككل ... هو ده مفهومنا للفتنة وهو ده مفهومنا للوحدة وهو ده هدف وجود كيان مثل محاورات المصريين الذي لن ولم يكن في يوم من الأيام أداة من أدوات هدم الوطن ... أرجو أن يكون الجميع على مستوى المسئولية وأرجو أن يكون الجميع دعاة سلام ومحبة وعدل ....

أتهم كل من يحرض على جهاز الشرطة وينادى بإقصائه والتخلص منه ويأبى إصلاحه أتهم كل من يحرض على المجلس الأعلى للقوات المسلحة ويصفه بأنه وجه آخر للنظام الساقط أتهم كل من يحرض على القضاء ويتدخل فى استقلاله ويحرض على إرهاب الجالسين على منصاته أتهم كل من يتعدى على دور العبادة سواء بتحويلها إلى حصون بعيدة عن يد الدولة ، وأتهم كل من يقتحمها لفرض السيطرة وتغيير الأئمة والخطباء عنوة واقتدارا أتهم ذلك الفصيل من المتلونين كالحرباء ، المتلاعبين بالألفاظ ، المداهنين إلى أن يمتلكوا الأرض أتهم كل من وضع نفسه فى خدمة دعاة العولمة والفوضى الخلاقة – بقصد أو بدون قصد - وتحالف معهم أتهم كل هؤلاء بمحاولة تحويل هدف إسقاط "النظام" إلى هدف إسقاط "الدولة" وأتهم الدولة نفسها بالتراخى أمام هؤلاء ومصانعتهم .. أتهم المجلس العسكرى والحكومة الرخوة بالضعف أمام تيارات متطرفة معروفة على الجانبين .. أتهمهما بالضعف أمام متطرفين يستعرضون قوتهم واستقوائهم بالأجنبى ويتعمدون الغموض ويتجاهلون الاحتقان الذى يراه الأعمى ويسعون إلى خلق دولة داخل الدولة .. أتهمهما بالضعف أمام متطرفين آخرين يصنعون ذلك الاحتقان صنعا ، بل أتهمهما بمساعدة هؤلاء المتطرفين فى التقدم لأخذ دور الدولة ، أتهمهما باستقدام ثلاثة آلاف من المقاتلين المصريين من أفغانستان (يسمون أنفسهم "مجاهدين") للبرهنة على أن "النظام" الجديد (حلو وحبوب) بخلاف "النظام" القديم قلت قبل ذلك : "انتبهوا .. فالشعب جزء من النظام الذى تريدون اسقاطه .. إحذروا حتى لا تسقطوا الشعب وأنتم تسقطون النظام" .. والآن يكاد الشعب أن يسقط .. وتكاد الدولة أن تسقط .. وتكاد أجندة – نعم أجندة ولو كره الكارهون وسخر الساخرون – إشاعة الفوضى فى مصر أن تتحقق تذكروا .. أفغانستان استبيحت بتحضير الفتنة المذهبية السياسية العراق استبيح واهترأ بفوضى المذهبية والطائفية السودان انقسم بفوضى الطائفية التى تحولت إلى حرب أهلية مصر هى الهدف .. مصر هى الجائزة الكبرى لدعاة العولمة والفوضى الخلاقة الحل فى قوة "الدولة" .. فلا تهدموها بدعوى تحقيق أهداف الثورة .. جسد مصر فيه عضوان بدأت فيهما الغرغينة .. أسرعوا بالعلاج قبل أن يكون البتر هو العلاج الوحيد .. وقبل أن يترحم البعض على "أمن الدولة" وقبل أن يتمنى البعض "الآخر" عودة "النظام" الذى سقط

صبحت ف يوم لقيت مكتوب على قلبى أكون إنسان على صوت انكبت فيا يفور بركان على الصورة الرمادية تزهزه تانى بالألوان ف شِلت ولادى على كتفى ودمى راية ف إديّا ولا خفنا ساعتها الموت وطن مكتوف بنهتف له بأعلى الصوت يانهر وعارف المنبع معانا حلم حرية وضحكة طفل عفوية وأغنية جميع الشعب رددها بنفس اللحن والمطلع وصورة مصر كت طالة شهيد سابق بالعلم ملفوف طريقى بالخطر محفوف سنين الصبر ويا الخوف وانا ضهرى ياناس مكشوف وجلادى أنا عارفه ولا بيرحم ولا بيسمع ولا بيشوف شكله م البشر لكن عنده ف الضلوع أحجار يصوب بين عيون النار يسيل الدم ف الميدان يصحّى الآهة ف الحنجرة ودمعة أم متحجرة ويقهر خوفنا م السجان دى لحظة فارقة من وقتى مابين الدبح وشهادتى لقيت الصبح بيخطى وجاى ليكى رفعت صباعى بشهادتى أناديكى خلاص يامة أنا جايلك أبات فى حضنك الأخضر أبوس فى كفك العنبر وأتمدد على ترابك أنا منك أنا فداكى أنا ليكى أمانة عليكو يا خوانى تزفونى لحد الجنة بالأفراح و ترووا بالحنان زرعى بكلمة باقولها لولادى وانا مرتاح -برغم محاولة التشويش على صوتى- أموت فى حبكم دايما وأرجع أتولد تانى ف كل صباح

من بعد ثورة 25 يناير كل ما تحصل مشكلة ويبدأ ينتابني يأس أو غضب بأحب أفتكر الشهداء.....بأحس إنهم بيقوني ويخلوني أفوق ويرجع لي الأمل في مصر أحلي نفسي في المحاورات كل واحد مننا قبل ما يكتب أي مداخلة يبص فوق علي الشمال علي صور الشهداء ويستشعر حوار معاهم يا تري هيقولوا أيه؟ ياتري لو كانوا لسه بيننا كانوا هيقولوا أيه؟ كانوا هيعملوا أيه؟ فياريت نأخد من وقتنا دقيقة نسمع الحوار "سألوا الشهيد نفسك ف ايه وايه توصينا احنا بيه قال خلى بالكوا من البلد دى واوعوا تنسوا انا مت ليه" http://www.youtube.com/watch?v=J_PRf6kFi3Q http://www.youtube.com/watch?v=btXZMh5tHDA ربنا مد في عمرنا إحنا لسبب وحكمة .....لدور معين المفروض نقوم به فهل بنقوم بيه فعلا؟!

سامحيني حضرتك و باقي الزملاء .. بس عايز أفضفض في حكمة بتقول : همك ما أهمك و فيه مقولة لابن الجوزي فيها :( ألم تر إلى أرباب الصنائع لو دخلوا إلى دار معمورة رأيت البنَّاءينظر إلى الحائط، والنجَّار ينظر إلى الباب والنوافذ، والحائك ينظر إلى النسيج.فكذلك المؤمن اليقظان: إذا رأى ظلمة ذكر ظلمة القبر، وإذا شكا ألما ذكر العقاب،وإن سمع صوتًا فظيعًا ذكر نفخة الصور، وإن رأى نيامًا ذكر الموتى في القبور، وإن رأى لذة ذكر الجنة) بنفس المنطق ... سأتحدث عن أهم نقطة في كلام حضرتك و هي ... روح الميدان روح الميدان حضرتك لم تخرج من الميدان ... روح الميدان تواصل معها من في قلبه هذه الروح من الأساس أيام الثورة عشت ككل المصريين أيامها و لياليها الطويلة بايتين في الشوارع نحرس أنفسنا و أهالينا و تعرضنا لضرب النار أمام بيوتنا و للبلطجة مثل كل المصريين والحمد لله رحت زي ملايين لميدان التحرير ... لحظات من احلى لحظات العمر لحظة التواصل الحقيقي مع روح الميدان ... احساس غير طبيعي ... ممكن تتخيلي احساس ولاد يتامى أقنعوهم طول عمرهم إن أمهم ماتت لكن لما راحوا ميدان التحرير لقيوها مستنياهم و عارفاهم واحد واحد ... تعبت أوي من بعدهم عنها بس خلاص ولادها رجعوا يبوسوا تراب رجليها و يقولولها نفديكي بأرواحنا يا أمي .. تخيلي احساس اللحظة دي و الابن بيقول من قلبه بحبك يا أمي .. أهو هو ده نفس احساس كل اللي عنده روح الميدان لما بيقول ... بحبك يا بلادي ملايين من أرواح طيبة تواصلت مع روح الميدان لكن في نفس الوقت فيه للأسف أرواح خربانة .. كان فيه أرواح خربانة ... راحت ميدان التحرير عشان تفسد فرحة الأم بأولادها كان فيه أرواح خربانة ... راحت ميدان التحرير و جالها قلب تقتل أبن في حضن امه كان فيه أرواح خربانة ... في كل حتة في مصر ... شايفة إن اللي في ميدان التحرير .. دول عيال خونة عايزين يبوظوا البلد و ياريت الشرطة تقتلهم كان فيه ناس و الله كانت بتتفرج في التلفزيون على الشباب بيتسحل في ميدان التحرير و منهم غرقانين في دمهم و بيقولوا عليهم يستاهلوا ... يستاهلوا قطع رقابيهم ..... تصدقي لو قلتلك نسبة الأرواح الخربانة دي كام ... مش هقولك عشان ما تتصدميش .. أنا شوفتهم ... بقولك أرواح خربانة حتى لو راحت لقلب قلب قلب الميدان بعد الثورة و مع فرحة المصريين .. كان و ما زال يوجد بينهم بعض أرواح خربانة حاولت تعيش الصدمة مش تعيش الفرحة ... و عملوا نفسهم فرحانين تخيلي و أحكيلك عن واقع أعايشه .. لغاية النهاردة .. النهاردة الصبح ... فيه مصريين مازالوا حتى هذه اللحظة يلعنوا في الثورة و اللي عملوها .. ممكن تسميهم إيه مصيبة إمبابة ... مش ريموت كنترول و شريحة متركبة في دماغ كل واحد بتوجهه .. دي ناس بيتحركوا زيهم زي المطالب الفئوية بتاع السواقين و عمال الشركات .. كلها للأسف أرواح خربانة مش فاهمين إن أمهم في غرفة العمليات بتعمل عملية قلب مفتوح مش هتعرف تشيلك يا ضنايا إنت و أخوك تتطبطب عليكوا دلوقتي أرجوك أبوس إيدك ... اصبر إنت و أخوك الست كاميليا طلعت اتكلمت ... هافترض كلامها صحيح ... كل كلامها على العين و الراس وهي أولى بالقلق على نفسها منا فهي من سيحاسب وحده يوم القيامة لكن سؤال واحد و إجابة واحدة و سكوت واحد .. هاموت من غيظي بس قلت دي أرواح خربانة سؤال : هل تؤمنين أن محمد رسول من عند الله و أن القرآن كتاب من عند الله ... إجابة : لأ طبعا مستحيل أعتقد بحاجة زي كدة سكوت : زوجها القسيس سكوت : كل من سمع الحوار و لم يستنكره سكوت أرواح خربانة ترضى إزدراء عقيدة شريك في الوطن بهذا التبجح كل ده ولسة فيه ناس بتتخانق مع بعضها ليبراليين و سلفيين و اخوان و مسلمين و مسيحيين و جماهير كورة بلطجية ... و ناس بتقولك اياكشي تولع عشان يعرفوا قيمة النعمة اللي كانوا فيها .. حزب واحد كان مريحهم .. طب دي روح ميدان حضرتك كلنا بنقول عاوزين القانون يسود و يطبق على المفسدين ... طب و إيه اللي حايشنا ... أكيد برده في في مستويات القرار العليا أرواح خربانة مش عايزين ياخدوا قرار مناسب كلنا بنقول الشرطة لازم بقى تقوم بدورها و تحمي المواطن لازم الاتنين يحطوا ايدهم في ايد بعض و يعيشوا حبايب ... طب حبايب إزاي يعني ... دول إتنين مطلقين والدنيا كلها شافت خناقتهم و بينهم قضايا في المحاكم ... طب يعني مفيش ولا واحد كبير فيكي يا مصر يصلح بينهم .. و الآية الكريمة تقول عن الصلح في حالة الطلاق : ( إن يريدا إصلاحا يوفق الله بينهما ) ... فيه ناس مش عايزة الصلح ده ... عايزاها زي ما هي كدة ... بقول لحضرتك ناس أرواحها خربانة رغم إنها ممكن تكون واقفة في الميدان روح الميدان قربت تدخل الفانوس السحري ... لأ طبعا ... روح الميدان هي التي ستنتصر بإذن الله .. بس صبر جميل مش كنت سكت أحسن .. أنا عارف هاجيب لنفسي الكلام .. بس كدة ع الأقل ممكن أعرف أنام .. معلش سامحوني خدوا بقى الفيديو ده ... ظلم المصريين قبل الثورة ... و ماذا قدمت لهم روح الميدان و لله الحمد ... http://www.youtube.com/watch?v=u9jvL65m6qw&feature=player_embedded شوفتوا بقى الأرواح الطيبة اللي بقولكم عليها ... مسيحي على أيده الصليب واقف يحمي مسلم بيصلي .. و لسة بيقولوا فيه فتنة طائفية

السلام عليكم جائت متأخره يا ابو محمد جائت متأخره بعد ان بح صوتنا من خطوره مجامله فصيل على حساب أخر ألأن يا ابو محمد ؟ الان يراه الاعمى و الكثير فى المنتدى هنا لطالما سكتوا على تطرف الكنيسه و الذى بلا شك اوصلنا لما نحن فيه الان كل المشاكل التى تحدث الان بسبب التطرف و الاحتقان نتيجه طبيعيه لممارسات الكنيسه طوال سنين منذ احداث الخانكه عام 72 عندما كانت مصر فى حرب مع اسرائيل ..فاكرها يا ابو محمد فاكر احداث الزاويه و فاكر السادات رحمه الله عمل ايه مع شنوده لقد قرأ السادات الموضوع مبكرا جدا و تعامل معه بحرفيه و حنكه عاليه ووضع مصلحه البلد فوق المجاملات و التوازنات و جاء الغير مبارك فضرب عرض الحائط بقرار المحكمه ضد شنوده الثالث و اعاده .فاكر يا ابو محمد و من يومها و استمر مسلسل الاضطهاد لجانب على حساب اخر و جائت قصص كثيره من قبل وفاء و المسرحيه و العمرانيه و بيشوى و غيرها مما جعل مسلمى البلد فى حاله ضغط و غيظ و كره للأخر الذى لم يتوانى فى استغلال الفرص مستقويا بمبارك حتى بايعوه رئيسا مدى الحياه و على الجانب الاخر المسلمين معتقلين و معذبين و مقتولين فى السجون إرضاء للأخر حتى وصل الامر لإفراج مبارك عن من ثبت إجرامهم و سيد بلال يقتل غدرا اين مسئوليه المسلمين فى كل ذلك دائما رد فعل حتى فى احداث الامس ابتدأ ضرب النار من داخل الكنيسه و المنازل حولها يا ابو محمد و قبل الاقتراب من الكنيسه ما مصير قضيه سفينه الاسلحه الاتيه من اسرائيل بل لماذا الكنائس عصيه على التفتيش ..اليست ارضا مصريه ام انها سفارات دوله اخرى كل من يساوى المعتدى و المعتدى عليه مشارك فى الجريمه لو لم تحل قضيه وفاء ..فاكر وفاء يا ابومحمد فى وقتها لما وصلنا لكاميليا بل لم لتقتل سلوى بهذه البشاعه . كفى مجاملات و طبطبه أن لم تقف الحكومه بحزم مع مسببى الفتنه ستندم يوم يجئ إنذار التدخل الاجنبى و ها قد افصحوا عنه بعد ان قالوه مرارا على لسان مرقس و بيشوى و بطرس و لكن قومى لا يسمعون . ابو عمر غضبان جدا حسبى الله و نعم الوكيل

ما يحدث في بر مصر كلها، وليس حادث إمبابة وحده، يثير الاستغراب من ناحيتين أولاً: انفلات أمني وغياب يكاد يكون كامل للأجهزة الأمنية والشُرطية على نحو يصل لدرجة التواطئ.. ولعل كل واحد فينا يتسائل بصدق: أين المخابرات العامة، والمخابرات العسكرية، والأمن الوطني، والأمن العام، والمباحث، والشرطة السرية.. و2 مليون أمن مركزي.. أين 15 جهاز أمني في مصر..؟ لماذا اختفى كل هؤلاء في غمضة عين ولم نعد نسمع لهم حساً..؟ ثانياً: أعمال بلطجة ترقى إلى درجة الجريمة المنظمة، ويظهر فيها جلياً التدبير المحكم والتوقيت الغريب.. من يقوم بذلك ليسوا بلطجية جهلة مأجورين يقبضون أموالاً لارتكاب حادث شغب ثم انتهى الأمر.. بل أجهزة كبيرة، وأفراد مدربين، وقيادات تخطط وتوجه وتمول نعم السلفيون ظهرواً في الحياة العامة ظهوراً مفاجئاً، بلغة الواثق والزاعق في آن.. لكن قطعاً ليسوا هم من يفعل كل ذلك.. هم آخرهم مظاهرة، وصلاة في مسجد، ودعاء.. لكن ما يحدث الآن على أرض المحروسة سرٌ كبير

السلام عليكم و رحمة الله و بركاته مش بس ادارة المحاورات يا استاذي لان الحكاية مش حذف مداخلة و لا اغلاق توبيك احنا بنتكلم عن افكار و مناهج منظمة دي مش ممكن هتواجه غير بافكار مماثلة الاصطدام اللي حاصل هو انعكاس طبيعي جدا للاحتقان اللي حاصل في ارض الواقع اذا احنا ارتضينا في المحاورات ان نكون منهج وسطي معتدل تنويري يبقي اقتراحي كالتالي: 1- ما يكونشي فيه اي توبيك عنوانه مستفز....و من نوعية...الحق السلفيين عملوا كده...او امسك المسيحين عملوا كده...(من امتي التوبيك عنوانه بيبقي فيه تلميح و اتهام بالدين..من امتي...حتي لو بننقل خبر من صحيفة) احنا محتاجين مش بس ننقل الاخبار محتاجين نصيغها بشكل يتيح للقاريء محاور و لا زائر انه يكون مفهوم واضح عن القضية محل الحوار...مش يخش التوبيك يحس انه بقي تايه اكتر من قبل ما يخشه..او يحس انه داخل يتخانق من غير ما يفهم الصورة كاملة 2- ليه ميكونشي عندنا مراسل من ارض الحدث...يعني مش كلنا موجودين بره مصر...هل ممكن فعلا حد يتطوع و يكون حتي لو مرة واحدة ينقل لينا انطباعات الناس الحقيقية من الشارع....لان برضه كلنا اتفقنا ان التغطية الاعلامية بقت مشوهة بدرجة كبيرة...و احنا هنا كمغتربين عايزين نطمن ايه الاخبار فعلا في مصر 3- لو دخلنا في اي حوار وووصلنا كالعادة لنفق مسدود من الجدل ...ممكن الادارة تتفضل مشكورة بوضع مداخلة لونها اسود مثلا و تكون دي وسيلة اعتراض علي تطور الحوار اللي مش بيحدف لقدام خالص 4- استاذي دياب اقترح المنتديات الاخري....انا بشوف لو قدرنا نبني منهج تفكير معتدل هنا في المنتدي و نحافظ عليه من المحاولات التخريبية يبقي ده فضل و نعمة و دي وجهة نظري تحياتي

انا أكثر من اخشى على مصر منهم هم : المتلونون فأنا : لا اخشى على مصر من اسرائيل ولا اخشى على مصر من الغرب ولا اخشى على مصر من أى قوى خارجية لأن مصر هى مقبرة الغزاه عبر التاريخ ولا اخشى على مصر من السلفين ولا من القرأنين ولا البهائيين وغيرهم : لان موقفهم وتوجهاتهم محددة ومعروفة للجميع ومهما اختلفنا معهم ولكن نحترمهم لوضوحهم وشفافيتهم . ما اخشى على مصر منهم وبقوة هم : المتلونون والذين لا ثوابت لهم ويذهبون أينما كانت المصلحة . هؤلاء من اخاف على مصر منهم لانهم يقولون مالا يبطنون بداخلهم ويقولون مالا يفعلون . هؤلاء هم الخطر الحقيقي الله يحميكى يا مصر من كل شر

بأمانه .. وبدون مبالغه .. انا بقيت بخاف على مصر من كله ((من غير تسميه او تحديد)) .. حتى بقيت بخاف على مصر من نفسى .. ولا بقيت عارف احدد ..مين الصح... ومين الغلط ..تايه فى دوامات من المناقشات ..والجدال.. والفتن المستعره .. الدنيا من حواليا ....هنا فى المحاورات .. وفى الحياة الواقعيه.. أشبه ب ((سويقه)) الكل سادد ودانه ..وفى نفس الوقت عمال يتكلم.. ويصرخ.. ويتشنج ... ويؤكد ان منهجه صح .. وما عداه خطأ ... الكلام مختلف .. وضد بعضه .. ومتداخل .. بس رغم كده... انا شايف الوشوش كلها.. وش واحد .. وش يصيب بالكأبه.. والاحباط .. والرغبة فى الانعزال .. رغم كل ده ...والله متفائل ..وأملى فى ربنا كبير

الأمور ليست بالوضوح الذي يسمح بتنفيذ حكم كالإعدام مباشرة في أحد مسببي الفتنة الطائفية الأمور تكون عادة ملتبسة ، وتنفيذ حكم الإعدام ربما يزيد في تأجيجها أنا أؤيد قرار بإنشاء لجنة عليا بفض أي منازعات طائفية قرارتها تكون ملزمة وبقوة اللجنة دي تتكون من خمسة قساوسة معتمدين من الكنيسة ومعبرين عن الكنيسة بكافة طوائفها وخمسة من أهل العلم الراسخين لدى جموع المسلمين بكافة أطيافهم أزهر وأخوان وسلفيين ومشهورين بالحكمة والقبول بين الناس ومعاهم ثلاثة من القضاة المحترمين الحاسمين على شاكلة المحمدي قنصوة ويفصلو في أي نزاع طائفي أو مشكلة طائفية ، ويخرج القرار على لسان القضاة ويكون ملزم للقوة التنفيذية سواء القرار بالإعدام أو بغيره

والله يا أفندم مش أحمد شفيق هو اللي يحدد امتى الثورة تنتهي لو عليه هو كان عايزها تنتهي قبل ما تبدأ واللي بيحصل ده مالهوش علاقة بالثورة ... والأطراف اللي متورطة فيها كلهم معاديين ليها أساسا ... وحصل زيه كثير قبلها الناس قعدت 18 يوم في التحرير مافيش حادثة طائفية واحدة حصلت مش عايزين نفضل نكرر المقولات المغرضة لأعضاء الحزب الوثني المحظور إن الثوره هي اللي خربت البلد وثورة التطهير مستمرة وإن شاء الله هتكون هناك مليونية للوحدة الوطنية ردا على العبث الذي يحدث وسننهيه كما أنهينا الاستبداد والفساد مش ملاحظين انه من ساعة ما مليونيات الجمعة توقفت والبلد حالها في النازل ... غلطتنا أننا سمحنا لجرذان النظام السابق انها تطلع من جحورها وتشم نفسها ثاني

اعرف ... اعرف ان الخريف سيرحل واعرف ان الربيع سيضحك واعرف ان الشتاء سيغسل وجه الجبال ووجه الربوع ووجه النبات ووجه الطيور... ولحد القبور و يغسل قلبى كما سوف يغسل وجهى المسافر حين سأاتى مدامع امى كما غسلتنى يوم الوداع اعرف ان .... اعرف ان الليالى كئيبة وانا الطريق الوحيدة للنور خلف التلال عبر الليال...!!! اعرف انى ساعبر بحر ا وبحرا ...وبحرا ... وانحر خوفى من الموت نحرا وارشف كأس انتصارى هناك باعلى ارتفاع احبك... فعلا واعرف انى احبك فعلا ... واسما وحرفا ولحنا وشعرا وطيرا يغرد دون انقطاع احبك وسط انتشار الخطايا وخوفى عليكى من الخاطئين احبك رغم الصباح الحزين ونسج العناكب فوق السنين احبك واعلم انى احبك واعلن انى احبك وافخر انى احبك بعصر به الحب عيب وعار يسيل ماء الجبين احبك حينا وحينا وحينا ولستى جوارى فى اى حين حبك قدر ... ومن ذا غبي يعاند قدر طوعا يطاع وكرها يطاع... احبك وطن عصىّ عنود واكره حين اذيق حروفى مرارّ السكوت وحين ينشز صوت غنائى صرير الشروط وحين تؤل بيوت القصيدة نحو السقوط وحين يعشش خوفى عليكى كما العنكبوت وحين يسود الظلام نهارك....اعرف كيف الظلام يسود اعرف صوت بكاء الحزينة واحفظ كل دروب المدينة واحفظ جدا ...عن ظهر قلبى...وعود اللئام وعهر السياسة وكيف التقاتل ....بين الذئاب .... وبين الكلاب واعرف اين تكون الحقيقة واين يخبىء مفتاح قيدى وحين سياتى صديقى الجميل اعرف كيف سياتى ومن اى باب اعرف ..يوتيوب:) اتمنى تعجبكم .... وعذرا لو القائى مش مضبوط لغويا لانى اول مرة اكتب النوع ده والقيه ...:)

الأخ الفاضل / أحمد سيف قبل كل شيء .. الاختلاف في الرأي لا يفسد للود قضية .. ما دام لم يتعد الاختلاف إلى التخوين والاتهام بالحنين إلى أيام مبارك. بخصوص شفيق وشرف... هناك نقطة يتشابهان فيها ... هي أن اسميهما يبدأ بحرف الشين... ويختلفان في نقطة أخرى هي أن شفيق يجيد التحدث بالإنجليزية بينما يجيد شرف التحدث بالعربية ... عدا هذا لم أحد فارقا قويا بينهما .. فالدكتور شرف .. لا يفعل شيئا على الإطلاق .. وربما يكون معذورا وربما لا .. ولكنه بكل تأكيد ليس معذورا في عدم تقديم استقالته إذا كان هناك من يوجهه من أعلى. فما الذي فعلته حكومة الدكتور / شرف الذي فعلته هو أنها ما زالت تحاور المصريين عبر اليوتيوب ومصراوي .. أي أننا انتقلنا من حكومة الكترونية لحكومة أخرى مثلها... وأظنك أخي الفاضل قد أقررت بضعف الدكتور شرف في مداخلة أخرى .. وقلت أن ضعفه مجمع عليه .. وربما لهذا السبب اختاره المجلس العسكري .. في اتهام جديد للمجلس العسكري. بخصوص المحافظين .. لم تكن حالة محافظة قنا هي الوحيدة .. فبالأمس القريب سمعنا عن مظاهرات واشتباكات أمام محافظة كفر الشيخ من أجل إقالة / أحمد زكي عابدين .. وكان هناك دعوات لمظاهرات أخرى في بني سويف والإسكندرية ولكنها لم تتم. بخصوص جهاز الشرطة .. نعم أنا أعيش في مصر .. وأعلم أن كثيرا من رجال الشرطة فاسدين .. بالذات طبقة الأمناء والمندوبين .. كما أعلم أيضا أن كثيرا منهم شرفاء محترمين .. وقد تعاملت مع كثير من رجال الشرطة في مواقف مباشرة وكانوا فيها عند حسن الظن. ولو أن الشرطة جهاز فاسد من ساسه لراسه .. لما عاش المجتمع .. إذ لا يعيش مجتمع بدون شرطة .. وها نحن نرى نتيجة غياب الشرطة عن الساحة الآن. ولم يقل أحد يا أستاذ أحمد أنه لا يمكن استبدالهم .. لكن كيف يتم الاستبدال هذا ؟؟ فوريا أم على مراحل ؟ وكيف يحدث هذا وقد تمت محاكمة جميع رجالات الشرطة وإصدار الأحكام مقدما عليهم بالفعل بأنهم كلهم فاسدون.. هل تعلم يا أخي .. في أحداث يناير .. ليس كل من مات شهيدا .. وأقولها والله علي شهيد .. من مات وهو يهاجم أقسام الشرطة .. فلا يمكن اعتباره شهيدا .. والضابط الذي اضطر لإطلاق الرصاص من أجل الدفاع عن قسم الشرطة لا يمكن إطلاقا اعتباره مجرما .. ولو أن الذي هوجم كان معسكرا للجيش .. لفعل رجال الجيش مثل رجال الشرطة تماما وأطلقوا النيران دفاعا عن المعسكر.. نعم توجد ثورة مضادة .. ولكن أيضا يوجد مجتمع تشيع فيه الجهالة والبطالة والأمية .. مجتمع من السهل جدا إثارة أفراده .. ودفعهم لفعل ما لا يحمد عقباه .. وهذا المجتمع هو السبب الرئيسي في كل ما يحدث الآن .. بسبب أنه وجد فجأة أن نظرية أخذ الحق بالذراع نظرية ناجحة وفعالة وأن التجمهر وإظهار القوى وسيلة ليست بطالة.. فكما كنت أقول مسبقا .. لو أن نظام مبارك كان قويا بالفعل ومرتكزا على ثقة وحب الشعب لما استطاع أحد إسقاطه .. واليوم أقول .. لو أننا استطعنا إدارة مرحلة ما بعد الثورة جيدا .. لما استطاعت القوى المضادة هذه أن تفعل شيئا.. أما بخصوص مبارك وأيام مبارك أنا كنت من مهاجمي مبارك ومن الداعين للثورة على نظامه .. وأظن أن الجميع هنا يشهد بذلك.. واليوم أحد أصدقائي لم أره منذ مدة طويلة منذ ما قبل الثورة كلمني وقال لي بحماس ( إنت كان مكشوف عنك الحجاب .. كنت دايما عمال تقول .. لازم تحصل ثورة ).. أنا كنت من الداعين لإسقاط نظام مبارك .. لأنه كان قد وصل إلى المرحلة التي لا يرجى معه فيها إصلاح... الفارق يا أستاذ أحمد .. أنني انتهيت من الحالة الثورية مبكرا .. بمجرد تنحي مبارك وإقالة شفيق .. الثورة انتهت بالنسبة لي .. وتحول مبارك بالنسبة لي .. إلى حاكم سابق .. له مساوئه وله محاسنه .. ولذا اعترضت على رفع اسمه من محطة المترو – المشروع الذي إن أنصفنا لقلنا أنه أنجز كاملا في عهده - لأنه كان تصرفا شبيها تماما بما فعلته ثورة يوليو مع الملك فاروق ومحاولة محو اسمه من الوجود كما فعلت مع نجيب. وها قد رأينا نتيجة أفعال ثورة يوليو هذه .. وما أدت إليه .. وهو ما جعلني أيضا أنادي بعدم محاكمة مبارك أو الإساءة إليه أو الانتقام منه وطالبت بتركه لله وللتاريخ .. لأنني لم أنس أبدا أن الثورة كانت ثورة بيضاء .. والثورات البيضاء ثورات تتصالح مع الماضي ولا تنتقم منه... ولم أنس أبدا مشهد الدمية التي كانت معلقة في ميدان التحرير وقت الثورة .. هذه الدمية التي كانت تصور مبارك مشنوقا ولم أنس أننا اعترضنا هنا في المنتدى على هذه الدمية وطالبنا بإزالتها لأنها كانت تشوه نقاء وطهارة الثورة. ولم أنس أنه بخاطري أم رغما عني .. أن مبارك كان حاكما لمصر .. ولن يشرفنا أبدا أن يذكر التاريخ أننا ارتضينا كشعب أن يحكمنا من نصفه بأنه لص وحرامي ومرتشي وفاسد وكل هذا طيلة 30 عاما.. ولن يشرف الجيش وقيادة الجيش أن يذكر التاريخ أنهم ارتضوا أن يكون قائدهم الأعلى طيلة 30 عاما لص وحرامي. هذا هو الفارق يا أستاذ أحمد .. أنني دعوت منذ نهاية الثورة إلى ترك الأمور للمجلس العسكري يديرها دون ضغوط ودون مليونيات .. وأذكر أنني قلت هنا .. أن هؤلاء الرجال كان بإمكانهم سحق الثورة والثوار لو أرادوا .. ولكنهم لم يفعلوا .. وهو ما يجعلهم محل ثقتنا .. ويجب أن نعطيهم الفرصة لإدارة أمور البلاد بهدوء ودون إزعاج.. ولكن للأسف لم يحدث. أما بخصوص قولي أن النظام القادم قد يجعلنا نترحم على أيام مبارك .. فلا أقصد منه أنه سيكون نظاما أشد فسادا من نظام مبارك في ثلثه الأخير .. فالتغيير دائما جيد .. ونتيجته تكون جيدة وكارثة مبارك الكبرى أنه وقف ضد قانون التغيير .. وكما قال الشافعي رضي الله عنه. إني رأيت وقوف الماء يفسده * إن ساح طاب وإن لم يجر لم يطب. فالتغيير ثماره الاقتصادية على المجتمع بمشيئة الله ستكون إيجابية بدون شك.. لأن الفساد وبنسبة كبيرة سيختفي. لكن ما أتكلم عنه هو الجانب الديمقراطي للحكم... هذا الجانب هو الذي قد يجعلنا بالفعل نترحم على أيام مبارك. وفي النهاية مرة أخرى الاختلاف في الرأي لا يفسد للود قضية

مشاركتى هنا لعرض وجهة نظرى فى نقطة واحدة هى الحل بتسريح جهاز الأمن السابق. ما سبق كان إستهلالا لابد منه سؤال برئ عندما تقوم بتسريح ضابط شرطة أو أمين شرطة ما هو المتوقع من هذا الشخص هل سيبقى فى البيت يصرف من معاش التقاعد أم سيبحث عن عمل أو مصدر للرزق ؟ الذى حدث فى العراق و فى أوروبا الشرقية هو تحول أفراد الأمن السابقين للعمل الخاص بإنشاء ميليشيات أو تنظيمات إجرامية و خاصة أن عندهم ميزة نوعية هى خبراتهم السابقة عندما كانوا أعضاء فاعلين فى جهاز الأمن السابق. هل نحن على إستعداد للمجازفة بإمكانية تحول رجال الأمن و الشرطة إلى عصابات محترفة ؟ الحل هو الإصلاح و إعادة الهيكلة و ربما إعادة التأهيل المهنى و النفسى لرجال الشرطة الحاليين و قد وصل لعلمى أن البعض من رجال الشرطة يعتبرون أن نجاح ثورة 25 يناير هو فى ذاته نوع من الفشل المهنى لهم بل سمعت فعلا من يقول لو أن الجيش دعم الشرطة لمدة أربع ساعات ما كانت نجت الثورة و هذا يعنى أن مثل هؤلاء فى أمس الحاجة لعلاج نفسى.

http://www.youtube.com/watch?v=NNVYFdhYMNE واحد من إخواننا الذين نحسبهم عند الله من الشهداء هم ثاروا وضحوا واتقتلوا ..... و احنا بعد ده كله لسة . . . . . . بنتكلم خلاص معدتش قادر اتكلم ممكن تكون نفس مكسورة أو دمعة محبوسة أو صرخة مكبوتة بجد معدتش قادر أتكلم

بتمنى إن التظاهر يمنع في المرحلة القادمة مهما كان السبب ربنا يألف قلوب الجميع

فعلا نشيد رائع ، سمعته قبل كدة بصوت الشيخ العجمي برضه ممكن اضيف نشيد للعفاسي عجبني برضه اسمه اري الدنيا شعر ابي العتاهية http://www.youtube.com/watch?v=59Fx0cpoIw0

وأنا معك أتهم - اتهم كل من نادى بتحويل الثورة البيضاء التي كانت تستلهم روح الآية الكريمة ( لئن بسطت إلي يدك لتقتلني ما أنا بباسط يدي إليك لأقتلك ) ... إلى ثورة حمراء تهدف إلى الانتقام وتصفية الحسابات بدعوى تطهير البلاد - أتهم كل من يدعو ليل للنهار إلى التظاهر والمليونيات اعتقادا أنها قد أصبحت الحل السحري لكل مشاكل البلاد .. دون أن يدري أن التجمهر والتجمع في ظل هذه الظروف الأمنية السائبة لا يمكن وصفه إلا بأنه درب من الحماقة .. إذ أنه من السهولة بمكان تسلل أي مخرب أو إرهابي .. وقنبلة واحدة تسقط مئات الضحايا. ناهيك عن أن التظاهر في التحرير أو غيره يعطي المثل الأعلى والقدوة لجميع الفئات في التظاهر والتجمهر والحجة جاهزة ( اشمعنى التحرير ). - اتهم كل من نادى بحل وتصفية جهاز أمن الدولة حلا نهائيا .. دون أن يدري أنه لم يكن جهازا فاسدا في جميع نواحيه .. وإنما كان الواجب إصلاحه .. مثلما حدث مع جهاز المخابرات بعد نكسة 67 ... لم يتم حل الجهاز وتصفية كل من فيه .. وإنما تم إصلاحه وتطهيره من العناصر الفاسدة. - اتهم كل من نادى بهدم كل شيء في الدولة بدعوى إعادة بنائها من جديد .. دون أن يسأل نفسه .. وأين سنذهب ونسكن طوال الفترة التي سيستغرقها بناء الدولة الجديدة .. هل سنذهب إلى السودان أم ليبيا ؟ - اتهم المجلس العسكري بالتراخي منذ البداية .. وكان يجب عليه الحزم منذ نهاية الثورة .. منذ إذاعة بيان التنحي .. وإعلان أن أي محاولة للتظاهر أو التجمهر سيتم مواجهتها بمنتهى الحسم. وحما الله المحروسة

من حق حضرتك تتهم زي ما انت عايز ... واقدر انفعالك ككل المصريين مما حدث ويحدث ... ولكن لن يفيد لمعالجة الوضع خلط الأوراق حضرتك تعرف ألا علاقة بين من قاموا بالثورة ويريدون الإصلاح وبين الفتنة الطائفية التي يصطنعها من وقف في وجه الثورة منذ اللحظة الأولى حضرتك تعرف أيضا أن جهاز الشرطة الذي تدافع عنه كان نفسه منخرطا في إشعال الفتن الطائفية وكذلك النظام الذي كان يحميه والأدلة كثيرة على ذلك حضرتك تعرف أن السبب الرئيسي للمشكلة الأمنية هي تقاعس جهاز الشرطة عن القيام بواجباتهم من أجل لي ذراع الشعب وإجباره على القبول بالاستبداد ولي ذراع الدولة وإجبارها على التوقف عن محاسبة المجرمين من المنتسبين اليه حضرتك تعرف أننا غيرنا وزيرين من أجل إصلاح جهاز الشرطة وبعد ثلاثة أشهر تقريبا من سقوط النظام لم ينجز أي إصلاح ... وإذا كنت تعرف أن إصلاحا قد تم فمن فضلك أشر اليه بوضوح حضرتك تعرف أننا في دعوتنا لتأسيس جهاز شرطة على أسس صحيحة بدلا من منظومة الفساد والعصابة المسماة بالشرطة قد حرصنا كل الحرص على أن يتم ذلك بالتدريج من أجل عدم الإخلال بالأمن مع بقاء الشرطة الحالية والاستعانة بالشرفاء من أفرادها لحين تصبح الشرطة الجديدة قادرة على تولي المسؤولية بشكل كامل حضرتك تعرف وتعرف وتعرف ... وإذا لم تكن تعرف فهذا شأنك ... وإن كنت تعرف وتتجاهل ما تعرفه فهذا أيضا شأنك أيضا لكن رجاء لا تستغل حادث طائفي - يعلم الله أن من قام به لا يمت للثورة من قريب أو بعيد - من أجل تأليب الناس على الثورة وتخويفهم ليرضخوا لإرهاب الجهاز الأمني الفاسد ويتوقفوا عن المطالبة بالإصلاح الجذري والحقيقي وليس الشكلي والمصطنع ورجاء لا تدع عدم تعاطفك مع قوى التغيير يمنعك من رؤية الحقيقة الجلية لكل مراقب محايد ... وهي أن ما نمر به هو الغرس لما زرعه مبارك ونظامه على مدى ثلاثين عاما

سؤال كنت أفكر فيه ثم وجدته في مقال اليوم لد/معتز بالله عبد الفتاح

كمان شوية يطلع لنا نفس الاشخاص بتوع كلنا ايد واحدة يا بهجت وانت المخ واحنا العضلات شبعنا من الكلام اللي لا بيودي ولا بيجيب والمسلم اخو المسيحي ونسيج الوطن الواحد وعنصري الامة الحزم والحسم بالقوة وخلص وقت الكلام وماعدش ينفع كلام ولا حوار مع امثال هؤلاء والجيش لو ماحسمش الموضوع ده بكل قوة يبقي فعلا مصر خلصت وانتهت والجاي افظع ويمكن يكون فيها احتلال ونهاية لمصر ونهاية للثورة ونهاية لكل شيء جميل فيكي يا مصر القصة مش في تصليح الكنيسة ولا اعادة بناءها ولا بتعويض المصابين لكن القصة في كيف يمنع الجيش انهيار مصر مصر اللي مانهارتش بعد زوال مبارك يجوا شوية حوش يوقعوها والله ده بعدهم

اللذين فعلوا ذلك لا يمتون للسلفية بصلة لانهم احقر من ان ينتسبوا الي الدين من اساسه الذي يهدد وطني له مني ومن مواطني مصر الشرفاء اللعنة ومن الله سوء الحساب الذي يفكر في نفسه وفي احلامه حتي وان كان علي حساب الوطن اضعة تحت حذائي واضربه بالنعال فهذا مقامه عندي تحت جزمتي الجميع مدان في ما حدث ولا يجب ان يمر مرور الكرام المسلمون الذين تجمهروا حول الكنيسة مدانون المسيحيون الذين ردوا عليهم مدانون الشرطة مدانة لانها لم تضرب بيد من حديد وتوأد الفتنة في منبعها الجيش الذي يطبطب ويعتقد بذلك انه يقف بجانب الشعب مدان يا جيش لقد انتهت الثورة ونجحت والمتظاهرون الطائفيون الان ليسوا من اعضاء الثورة بل من اشد اعدائها واشد ضررا من اليهود علينا حذروهم وامنعوهم وان لم يستجيبوا ابيدوهم ابادة جماعية فلا حاجة لنا بهم كل من يشترك ويؤجج نار الفتنة الان ابيدوه واقتلوه ولن نبكي عليهم بل سنقيم الافراح علي جثثهم النتنة مصر تنهار يا افاقين يا من تدعون الدين وغيرتكم عليه والمواطن البسيط الذي يفهم دينه ببساطة ويسر اكبر منكم واحسن منكم ويعرف ربه ودينه اكثر منكم انتم مخربين ولا تمثلون الاسلام ولا المسيحية بل تمثلون شيطانكم الذي يحرككم كالعرائس في يده وجعلكم مسلوبي الارادة اغربوا عن وجوهنا يا فئران الخراب والدمار الشامل وارجعوا الي جحوركم التي كانت تاويكم فلا حاجة لنا بكم لا الان ولا امس ولا غدا

شرف يلقي خطاب بالتليفزيون المصرى بعد قليل بخصوص أحداث إمبابة شوية شدة وحزم الله يكرمك وبلاش طبطبة بقى

برأيي هذا هو الوقت المناسب لإعلان الأحكام العرفية قبل أن تخرج الأمور عن السيطرة يا سيادة المشير أعلنها الآن ولا تخشى الاتهامات بعسكرة الحكم ولا الانقلاب وستجد الشعب المصري كله معك بإذن الله وأول ناس تطبق عليهم الأحكام العرفية هم أفراد الشرطة المتقاعسون والمتواطئون

السلام عليكم و رحمة الله و بركاته متفقة معاك يا عنبو في البنود اللي فوق ما عدا نمرة 3 اللي وقف قدام اي سفارة بيطلب منها الغوث المفروض يتم انذار لفض الاعتصام اذا مكنشي يبقي متهيالي يتم القبض و محاكمته و نمرة 2...مافيش حاجة اسمهخا اعدام من غير محاكمة...اومال سيادة القانون تبقي ازاي بقي؟؟؟ سؤال علي اد ما انتو بتقترحوا الاعدام بس هو خلاص مبقاش فيه حل غير ان احنا نموت و نموت غيرنا خلاص وصلنا للطريق ده طب يبقي محتاجين كام واحد يموت عشان مصر تعيش؟؟؟؟ يالماضه الاعدام هنا عقوبه نتجيه حكم قضائى يعنى الناس اليى تسببوا فى اشعال الفتنه لازم يتعدموا اكيد طبعا بعد ما يتم اثبات الادانه عليهم يعنى مش هنجيب واحد ماشى من الشارع ونعدمه يعنى وبالنسبه للعيال بتوع السفاره دى خيانه يا لماضه خيانه للبلد عينى عينك كده رايحين يستنجدوا بامريكا علشان تتدخل لحمايتهم يعنى بيخلوها تولع اكتر لازم يتعاملوا معاملة الخونه اليى مش عارف تبعيات قرار ميخدوش ويلزم بيته مش تطلع تعمل فتنه وتعمل مصيبه وتيجى تقولى اصلى مكنتش اعرف او نيتى كويسه مينفعش تحياتى عنبو

اخطر حاجه سابها النظام البائد انه ساب اشباه متدينين واشباه مثقفين واشباه متعلمين وللاسف دول اذا لم نتعامل معاهم بشده وحسم البلد هتولع وهتضيع اغلب الناس دى جاهله وساذجه ويتم الضحك عليهم وتسخينهم باسم الدين سواء الاسلامى او المسيحى لازم اى واحد يستعمل الدين لتكوين شعبيه وعاوز يبقى شيخ قبيله يتم التخلص منه فوراً ايه الكلام الفاضى ده هى الناس دى مش عارفه ايه اليى فى البلد وايه اليى احنا مقبلين عليه وايه اليى احنا عاوزين نحققه للاسف طول ما ولاء المسليمن للمسج ( متمثل فى شيخ ما )د وولاء المسيحين للكنيسه ( متمثل فى قسيس ما ) امال مين اليى هيبقى ولائه للبلد !!!!!!!!!!!!!!!!!!!!!!!!!! تحياتى عنبو

السلام عليكم و رحمة الله و بركاته معلشي اساتذتي الافاضل مع كل احترامي و تقديري لحضراتكم احنا مين عشان نتحمل وزر ازهاق روح بني آدم احنا مين عشان نقول ان ده بريء و ده متهم احنا مين عشان نشوف ان البتر هو العلاج الرادع احنا مصريين ده صحيح بس انا مصرية و مش ده اللي انا عايزاه عشان ابرر المنهج الدموي دوت لو كل حادثة عنيفة هنقابلها بالعنف يبقي هنعمل مجازر حتي لو لوينا دراع القانون بحجة حفظ الامن يبقي اللي يخطف يتعدم و اللي يغير يتعدم و اللي يبلطج يتعدم خلاص وصلنا لحيطة سد...هنموت الناس كلها كده من غير محاكمة و لا قانون يبقي الليستة راح تطول و تطول و كل مجموعة هتطلع بمطلب...راح تتعدم!!!! المطلوب زي استاذي اسد ما قال سيادة القانون و تطبيق قانون سريع العدالة ...العدالة...العدالة مش هو ده كان مطلب الثورة الشيخ ابن تيمية قال- رحمه الله "وأمور الناس تستقيم فى الدنيا مع العدل الذى فيه الاشتراك فى أنواع الإثم أكثر مما تستقيم مع الظلم فى الحقوق، وإن لم تشترك فى إثم، ولهذا قيل: إن الله يقيم الدولة العادلة وإن كانت كافرة، ولا يقيم الظالمة وإن كانت مسلمة، ويقال: الدنيا تدوم مع العدل والكفر ولا تدوم مع الظلم والإسلام). و تحياتي و احترامي و دعائي ان احنا نطلع من الايام دي علي خير احسن فعلا باخت اوي اوي اوي

بعد اليى حصل فى امبابه وشارع عبدالعزيز و.....................الخ لازم وزير الداخليه يعتذر للشعب المصرى ويقدم استقالته ده اقل واجب يعنى لان واضح جداً ان الناس بتوع الداخليه بيلعبوا مش بيدروا جهاز امنى مسؤل عن امن 80 مليون فرد مهو طول لما بنستنى لما الكوراث تقع ونبتدى نتعامل معها يبقى مافيش فايده ولا عمرنا هنتقدم لازم يكون فيه ناس شغاله صح وعارفه بتعمل ايه لكن بالشكل ده يبقى احنا بنهزر تحياتى عنبو

يعني عارفين ان السفارة اجازة سبت و احد و ادينا قاعدين عشان تحمينا يا تهجرينا يا امريكا يا ريت حاجة زي دي ميتسكتش عليها

الجرأة دى جات للفار بعد الثورة يا عم :knight: هو كان يقدر يعمل كده قبل 25 يناير :hang:

سيادة القانون .... لا شئ يمكن أن يحل محل سيادة القانون .... سيادة القانون ... وفقط ..

شائعة الناس لا تتثبت الطرف الاخر لديه علم و استعداد بلطجية تباطؤ الامن استقواء بالخارج مفتكرش ممكن تتحبك اكثر من كده و يا ريت مننساش ان "السلفيين" و "الكنيسة" مخترقين من امن الدولة المنحل

في بعض القضايا ليس لك الا ان تلتزم الصمت فظهور كاميليا في هذا التسجيل و وضوح تعبيراتها (من الناحيه النفسيه و التحليليه) و كلامها يؤكد انها غير مجبره على ان تقول بعكس ما تؤمن و تصدق (هكذا هي قناعاتي) و هو الدليل العلني الوحيد الأخير الواضح لدى الجميع و بالتالي ليس لنا ان نكذبه الا اذا جاءنا بعده دليل مخالف له بنفس القوه او اكثر تماما كمن قال ان بن لادن لم يمت (و هي طريقة تفكير مضحكه جدا و تثير الشفقه) فكيف لك التأكد القاطع من عدم موته؟ اليس من الأجدر بك الانتظار الى ان يخرج بن لادن مثلا بتسجيل قاطع يكذب فيه بيان اوباما؟؟؟؟ عن نفسي ...لو تأكد لي (بما لا يدع مجالا للشك) ان كاميليا مسلمه محتجزه داخل الكنيسه فسحقا للدوله التي ترضى بهذا و سحقا للكنيسه التي قامت بهذا و نفس الأمر و نفس الشعور لن يتغير لو انعكس الموقف و كانت كاميليا مسيحيه و تم احتجازها في مسجد الحل الآن في دوله لديها قانون صارم على الجميع لا يشوبه اي نعرات طائفيه تحت اي مسمى

الاولويات http://www.youtube.com/watch?v=kRMo2t7tVKU&feature=bf_prev&list=PLCFEB73E3FF9D6017&index=2 بالذات من دقيقة 4.30

حدث فى امبابه من Mahmoud Hafez‏ في 08 مايو، 2011‏، الساعة 12:25 صباحاً‏‏ الحكايه بقا اصلها ايه اصلا البصراوي دى كمنطقه جوا امبابه الشرطه والمباحث بيخافو يدخلو هناك عشان فبها صعايده -احدع ناس طبعا - وتجار مخدرات ومسجلين خطر بالعبيط دا هما عادي كده وقبل كده فى ظابط شرطه وخمس عساكر حبوا يقبضوا على واحد جوا من عيله كبيره الظابط والعساكر خرجوا جثث دا بس عشان تعرفوا طبيعه المكان واحده اصلا قبطيه اسلمت من فتره واتجوزت واحد مسلم ودا نقلا عن الناس هناك بلسانهم قالو انها اتصلت بي واحدمن سلفيين المنطقه بعد صلاه المغرب بربع ساعه وقالتلو ان اهلها خطفوها ورجعوها الكنيسه وقعدت تصوتلو فى التليفون الراجل طبعا خدته الشهامه ولم الناس وطلعو على الكنيسه واول ماوصلو ضرب نار اتفتح عليهم من فوق الكنيسه والعماره الاي قدامها وفى ناس جريت على الكنيسه وقالت الحقو السلفيين جاييين يهدو الكنيسه قاموا قافلين الكنيسه من جوا واتقطع النور عن المنطقه وفى الزحمه الناس قعدت تلطش فى بعض والجيش وصل انا وصلى الخبر من تويتر وقت صلاه العشاء نزلت اصلى وطلعت على هناك وصلت تقريبا على 8:30 كان فى ناس متجمعه قدام الكنيسه من اهل المنطقه و3 مدرعات من الجيش وضرب نار كتير متواصل بين الجيش وناس مسلحين فوق الكنيسه وفوق بيت قدامها والكنيسه اصلا فى شارع صغير جانبى والجيش ماكانش عرف يتدخل من كتر الرصاص اللى كان جاي من فوق العماره دى والكنيسه وكانو معاهم مولوتوف حدفوه على كوم زباله كبيير قوى قدام الكنيسه فالنار ولعت فيه كله شوفت بعينى 2 مصابين وكان هناك 3 عربيات اسعاف خدو مصابين ومشيوا بعد كده فى قناصه من الداخليه جم كانو لابسين مدنى وخدوا اتنين من شباب المنطقه طلعوهم على سطوح اعلى من العماره ولما طلعوا ضرب النار بقى متواصل بغزاره من الجيش واستعملو رشاشات الالى بتاعت المدرعه وبعد كده فى فرقه حاولت تقتحم الكنيسه والمطافى جت وبدأت تطفى النار المولعه اللى قدامها وفضلنا نسمع صريخ من جوا الكنيسه لمده 10 دقايق والضرب بره بردو كان شغال على فترات وهديت الدنيا خالص بعد كده ورجع نور الكنيسه ينور ودخلت 3 مدرعات الشارع الصغير بتاعها واول ما دخلو المسلحين اللى كان على العماره بدأؤ يحدفو مولوتوف على المدرعات فابأو يرجعو تانى اهل المنطقه لما لقو المدرعات بترجع اتجمعوا وبدأو يهتفوا "مسلم ومسيحى ايد واحده " وجرى قدامى واحد سلفى بدقن معاه سكان اقباط من البيت اللى قدام العماره اللى فيها المسلحين وكسروا الباب وخدوا معاهم عساكر شرطه عسكريه وطلعو فوق السطوح وشويه عيال عفاريت من المنطقه عملو مولوتوف فى ثوانى وطلعو وراهم وفضلو يحدفو على المسلحين اللى فوق العماره والناس اللى فى الشارع جابو موتوسيكلات وسلطو النور بتاع الكشافات على العمارهدى فالمسلحين مابقوش عارفين يضربوا نار خالص والمولوتوف فضل نازل عليهم لحد ما الجيش اقتحم العماره دى نفسها والقناصه والجيش انتشرو على كل بيت حوالين العماره دي وبعد كده الدنيا هديت تماما والامن المركزي اللى كان وصل على 9:30كده بدأ يعمل كردون حوالين المكان والناس فضلت تهلل للجيش والكلام دا على الساعه 10:30 بعد كده انا مشيت والناس بدأت تروح بس الاغلبيه لسه واقفه اللى انا مستغربله كميه الرصاص اللى اتدربت من المسلحين دول وباب العماره اللى كانو قافلينو وحطين وراه متاريس كأنهم كانو مستنين حاجه تحصل والناس مش عارفه اصلا هما مين أقباط ومسلمين سلف وغيرهم كانو وقفين حنبى كله بيقول ميين دول واشمعنا البنت دى تتصل بعد المغرب بربع ساعه الوقت اللى معظم السلفيين بيقضوه فى المسجد دروس ووعظ وكده مش عارف انا هاروح تاني الصبح عشان اعرف الدنيا وصلت لحد فين بس المهم ان اهل المنطقه اقباط ومسلمين كانو جنبى كتف فى كتف وهتفوا لا اله الا الله مسلم ومسيحي ايد واحده وطز فيككو يا بتوع الطائفيه مش هتعرفوا تولوعو بيننا منقووووووووووووووول https://www.facebook.com/note.php?saved&&note_id=10150243901378413

بمناسبة موسم الامتحانات جاءني إيميل جميل و مفيد..أحببت أن أشارك به و الشيخ علي الطنطاوي هو سوري /سعودي تعلم في سوريا و في مصر و السعودية و له العديد من المؤلفات معلومات عن الشيخ من الويكيبيديا

بمناسبة قرب الامتحانات

شكلها كده قله من السلفيين .. فى طريقهم لتشويه ..او حتى للاجهاز على التيار بأكمله .. والتاريخ شكله بيعيد نفسه من غير ما حد يتعظ .. اللى بيحصل ده فكرنى باللى اتعمل فى الاخوان المسلمين سنة 1954 .. ووقوعهم فى الفخ اللى اتنصب لهم .. بداية من تورطهم ((او توريطهم)) فى حادث المنشيه الشهير .. اللى تعرض فيه عبد الناصر للاغتيال .. ومن يوميها ماشفش الاخوان خير ..وتم تشويههم وتخويف المصريين منهم .. على مدار اكثر من نصف قرن .. لحد ان اطلق عليهم الجماعه المحظوره .. لحد ما جت الثوره وخلتهم يشموا نفسهم تانى ويشتغلوا فى النور والله انا بقول كده من منطلق خوف عاللى ممكن يجرا للتيار السلفى بسبب هذه الحماقة ((عفوا)) التى يتم بها معالجة ..أو التعامل مع الامور من قله من السلفيين .. ومازلت مصمم على انها قله فعلا . لان اللى يعتدى ويخرب ويحاول يقتل مش ممكن يكون سلفى معتدل وذو عقل وعلم وثقافه وكياسه وسياسه البلد مش حتضيع باذن الله .. بس انتوا اللى ممكن تضيعوا يا سلفيين .. وبأيديكم اضافه : على فكره حلوه اللعبه دى ..واحد من اللى عايزينها تخرب ما تعمر ..يتصل باى حد من السلفيين ويقول له إلححححححق دا فيه واحده مختطفه فى كنيسه ..اجرى يا جدع هات المجاهدين بالسيوف يحرروا الاسيره من الكفار.. وبعد كده يسيبه يتعامل .. واشمتى ياللى منتيش غرمانه

أنا انتهز الفرصة وأشكر الزميلين ريمون ورار وإن كانا غير موجودين لأنهما قالا لي نحن نؤيدك في أنه لابد وأن تظهر كاميليا وتعلن رأيها صراحة وأنتهز الفرصة وأشكر جميع المسيحيين الذين لم يستجيبوا للدعوة أمس للقيام بمظاهرات في مواجهة المطالبة السلفية بإخراج كامليا شحاته وظهر العشرات أو المئات فقط ولكن البعض كالعادة ينتهز الفرصة ويكيل للسلفيين بحجج قديمة على جديدة على طريقة من أنتم وأين كنتم لما كنت أنا وعبد القادر شايلين السلاح كالعادة البعض يظهر من نفسه بطلا متحدثا باسم مصر والحرص عليها ويجتزئ الوطن في نفسه البعض مازال على مصرا على التعليق على شماعة الفزاعات يا جماعة مصر ضد الفتن مصر بلد الأمان مصر دولة لن تقوم إلا على الحق وسيادة القانون يا جماعة مصر ستسير للأفضل ومحدش هيرجعنا للوراء أنا متأكد خلاص أما أعداء الوطن فهم مهما تسموا فإني أراهم يرقصون رقصتهم الأخير وهي كرقصة الطير فالطير يرقص مذبوحا

الكلام ده مش مظبوط ... كثير من المنظمات الحقوقية اهتمت بالقضية من بدايتها وهناك أمثلة كثير غير ذلك لمن أراد الاستزاده المسألة وما فيها أن الكنيسة - العدو التقليدي للسلفيين - هي الخصم في هذه القضية ولذلك الاهتمام بها من قبلهم بينما في قضية السيد بلال - السلفي - ماشفناش مظاهرة واحدة للسلفيين لمحاسبة المتسببين في تعذيبه وقتله

أولا أرجو تعديل العنوان دول مش سلفيين (حتى وإن ادعوا ذلك)، والسلفيين (بالمناسبة حتى د.أحمد الطيب ينتسب للسلفية) مستحيل يشجعوا على كده بما فيهم حد زي د.إسماعيل المقدم. ثانيا كان فيه ظاهرة في مظاهرة الكاتدرائية أن بعض الشباب الهاربين من أمن الدولة بعد اقتحامها كانوا من أكثر المتشددين وقاوموا فكرة فض الاعتصام من امام الكنيسة، ولولا أنهم كانوا قلة مقارنة بالجموع التي انصرفت لحدث ما لا يحمد عقباه خصوصا أن الحماس والعصبية هي الموجه لهم دون أية قيادة أو حكمة أو معرفة (تخيل بقى ناس خارجين من اعتقال وتعذيب ولا تلفزيون ولا معرفة ولا أي حاجة خالص). دي ملاحظة قرأتها منذ نحو أسبوع تقريبا. الآن بعد الأخبار من الوفد والأهرام، الأكيد وبدون أي لبس هو أن استغلال العواطف الدينية هو شيء بشع ومن ذهب من المسلمين هنالك أنا والله أحمله ذنب كل دم أهريق أو أذى أصاب المواطنين هنالك مسلمين كانوا أم مسيحيين، لأنه لا منطق في الدنيا بيقول إن إشاعة كده تقوم الناس كلها تروح تفتش وللا تعمل، وإلا فين القانون والنيابة والقضاء والدولة نفسها. ده طبعا ناهيك عن أن البلطجية والصيع ما أحلى على قلبهم الحوادث اللي زي دي، وياللا يا جدع وأهو اللي يطول حاجة يطول، ربنا يسترها. أرجع وأقول إن الإعلام لازم يبقى عليه كنترول، خصوصا أن فيه ناس ظهرت إعلاميا الفترة الأخيرة دي ماكنش المفروض يظهروا خالص وياخدوا أدوار بطولات على حساب البلد ولا هم فاهمين سياسة ولا دين ولا حتى فقه، ومعظمهم مشايخ مسلمون للأسف.

الأخوة المنادين بظهور كاميليا شحاتة على التليفزيون شكر الله سعيكم لو فرضنا أن كاميليا شحاته ظهرت على الجزيرة والعربية والبي بي سي والسي ان ان والاولى ودريم والحكمة والرحمة وكل القنوات اللي انتوا عايزينها ، لأ وكمان لبست طرطور وهدوم مقطعة ومشيت فى الشوارع تصرخ وتقول: أنا كاميليا شحاته انا اللى جوزى تادرس سمعان أنا بنت المنيا أنا اللى الفت بين القصرين أنا اللى قتلت السادات انا اللى ارشدت عن بن لادن ياترى المشكلة كده أتحلت؟ بكرة حاتطلعوا تطالبوا بظهور سميرة ، وبعد بكرة دميانة وبعدين سميرة وبعده داليا ، وبعدين فتكات وعدلات ونعمات ومش حانخلص. انتوا بتعملوا بالضبط زى اللى عياله حايموتوا من الجوع ومراته خلاص قربت تودع علشان مش قادر يجيب له الدواء وزعلان أن السجاير حاتغلى طيب يا أخواننا ، أنتوا سايبين أصل المشكلة أصل المشكلة هو " القانون " القانون اللى بيخلي اللي عايز يغير دينه لازم يحط رقبته تحت جزمة رجال الدين سواء مسلمين او مسيحيين القانون اللى بيخلي أي واحد يناقش مسألة دينية ليست على هوى المتشددين من الجانبين وهم كثر أنه يبقى تحت رحمتهم القانون اللي بيقول ان اللي عايز ينتقل من المسيحية للإسلام يسلموه للكنيسة لدواعي السلم الإجتماعي بدل المظاهرات والمسيرات الفردية دوروا على مواد قانون يصلح لحرية البشر فى اختيار العقيدة في القرن الواحد والعشرين والاثنين والعشرين ومابعدهما. قانون يترك الفرد فى حاله يعتنق مايشاء ويبدل وقتما يشاء قانون يوحد قوانين الأحوال الشخصية تخضع له الكنيسة كما يخضع له المسلمون قانون يمحي تماما خانة الديانة من هوية الشخص ويكتفى بأنه مصري قانون يعطي الإنسان الحق في أن يحيا كإنسان يختار مايشاء قانون لايفرض على من يريد ان يتحول للإسلام أن يأخذ شهادة بإسلامه او أن يأخذ شهادة بمسيحيته لو تحول للمسيحية قانون يترك مابين العبد وربه للعبد وربه فقط دون تدخل من أحد من البشر قانون لايفرض على من يريد تغيير دينه ان يخضع لجلسات نصح وارشاد وهي في حقيقتها جلسات ضغط ومساومات وإغراءات قانون يمنع نزع الصغار من آبائهم إن هم غيروا دينهم هو ده اللى المفروض تطلعوا تطالبوا به ، مش كل يوم مجموعة عايزة مرات ابوها ومجموعة عايزة اختهم يامسلمين ... يامسيحيين ... فوقوا بقى ، العالم كله فاق وصحي وانتوا لسه عايشين فى غيبوبة العصور الوسطى

اتمنى اشوف لكم حملة لمتابعه حال نشطاء الثورة الملقى القبض عليهم يوم 9 مارس وغيره اعتبروهم زى كاميليا واعطوهم شوية اهتمام من وقتكم يعنى لو ممكن

نقطة اتفاق مهمة الخلاف عادة بيبقى في ما الذي يحدد "حقوق الإنسان و حرياته

عشان المعلومه تكون مستوفية الجوانب .. عايزين نعرف ما هو مفهوم ((ممارسة البغاء او الدعاره)) فى اميركا واوروبا وغيرها من الدول الليبراليه العلمانيه التى تجرمها انا حترك الاستاذ محمد يوضح لنا المعنى فى اميركا .. وانا ححاول انقل مفهوم ممارسة البغاء والدعاره بانجلترا البغاء او الدعاره فى انجلترا ممنوعه ايضا .. يمكن تكون من الدول القليله بالاتحاد الاوربى التى ليس بها تصريح ممارسة البغاء .. والبغاء هو ان تكون هناك علاقة حميميه بين ((طرفين)) بأجر مدفوع .. وليس بالتراضى والقبول .. اى ان يؤجر طرف .. جسد الطرف الاخر . بغرض المتعه الجنسيه .. معنى ذلك إن لو العلاقة الجنسيه تمت برضا الطرفين ...ولم يثبت ان طرف دفع للاخر .. يبقى ((مفيش بروبليم)) و((سورى للازعاج)).. ولا يوجد قانون يعاقب على هذا !!! يعنى مسألة التهرب من الموضوع قانونا ..سهله جدا .. خاصة فى ظل انتشار ظاهرة علاقة البوى والجيرل فريند((اللى زى الجواز العرفى عندنا كده بس على أنيل)) .. والتى لا تلزم اى طرف .. من الناحيه القانونيه .. بعدم الخيانه .. او بعدم الزنا .. وحتى فى حالة الجواز الرسمى . بيبقى فيه فى الامر قولان .. وممكن الالتفاف عليه .. قانونا الخلاصه هما بيجرموا ممارسة البغاء ..من منطق وزعم .. احترامهم للانسان ..ولكرامته.. وادميته .. انه لا يبيع جسده مقابل المال .. لكن لو العمليه مفيهاش فلوس او مقابل .. يبقى من حقك تعمل ما بدالك ... بجواز من غير جواز .. بعلاقة طويله .. او عابره .. مع من تشاء ((عدا المحارم)) .. يعنى التجريم مش نابع من منطلق أخلاقى .. ده رأيى . والله أعلم

أنا لم اتعب نفسي واترجم علشان أقارن قوانين وضعها بشر بما أنزله الله ولو كنت تظن أن الليبرالية دين جديد ويمكن مقارنتها بدين الإسلام ، فأنت مخطأ ، لان الليبرالية هي مجرد فكر سياسي بشري يمكن أن تكون له مرجعيات من كل الثقافات والأديان. ولايصح بأي شكل من الأشكال مقارنتها بأي دين ، يهودية أو مسيحية أو إسلام. ياريت نبطل افساد الموضوعات بتحويلها إلى مناظرات مع الدين مداخلتك تذكرنى بشخص يكتب نثرا فيحاجيه الآخر بأن القرآن أبلغ من نثره. شكرا على مشاركتك

دى اخر الاخبار وخصوصا للناس اللى بره طره للاسف حاسس ان كل مصر تحبست فى طره بس ما علينا دى اخر نشرة اخبار وفانا بها مندوبنا هناك ده شعار طره لاند دلوقتى في طره لاند ومن عالباب... العادلي يقابلك بالترحاب... وجوه تلاقي جرانة معاك... وعز برضه بيستناك وجيمي حبوب وكله ألاطة خلى بلدنا على البلاطة ------------------- طره لاند بيت مبارك الكبير... تعالى وزوره هناك كتير طره لاند: ليه تسرق مره لما ممكن تسرق مليووووووووووون مرة ----------------------------------------------------------------------------- جمال مبارك في حالة هيسترية، يمسك بالكلابشات ويلوح بها ويصيح: شقا عمري .. شقا عمري ضاع .. شقا عمري .. لأ ا ا ا اه زكريا عزمي: مش عيب ابن الرئيس مبارك مايعرفش أصول التخزين فتحي سرور: التخزين كان من اختصاص الشاذلي وأمن الدولة زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة جمال مبارك: والعمل يازكريا؟ زكريا: يعوض عليك ربنا و الملاحة الملاااحة -------------------------------------------------------------- حسنى عمل عيان و مرتضي أغمن عليه عشان ميروحوش السجن بعد اقتراب صدور قرار حبسها ، سوزان مبارك تصرخ : أنا حامل ------------------------------------------------------------------- كــل الـدول عـندهـم رئيـس سـابق ,,, واحنـا عندنـا رئيـس سـوابـق ---------------------------------------------------------------------- ليه بكار جدير بتولي منصب رئاسة الجمهوريه ؟ . . . . . . . 1 - من قلبه و روحه مصري : يعني هيحب مصر ويخاف عليها 2 - النيل جواه بيسري : و كدة هتتحل مشكلة مياه النيل لأن النيل جواه و محدش هيقدر ياخده 3 - كفه رقيق و صغير : و ده هيتعكس على الظباط في الاقسام و ايديهم هتبقى حنينة على قفانا 4- معزته رشيدة : شوفوا بيحب المعزة ازاى و بيخاف عليها هى صحيح بتضيع منه كل حلقة بس مخلص لها , تخيلوا بقى هيخاف على البلد اد ايه 5 - اصحابه كتير كتير اده و ادهم : يعني هيعرف يسيطر عليهم و يفهمهم و لو كان فيه فساد تامر أمين مش هيقدر يقول ان الناس اللي حواليه ضحكوا عليه 6 - محمد منير غنى له : و طبعا محمد منير عنده خبرة في الأغاني الوطنية و السياسية مش زى مثلا حمادة هلال ----------------------------------------------------------------------------------------- جيمي يغني في السجن ويقول . . . ...احلف بسماها وبترابها...ما حد حبسني الا شبابها . . . ثم رد حسحس وقال . . . . . . في كل شارع في بلادي الشعب بيشتم فيا و في ولادي . . النزلاء القدامى في طره لجيمي مامه زمانها جاية جاااية بعد شوية وإيديها فالكلابشات ----------------------------------------------------------- نظيف يطرح علي مبارك > مشروع الزنزانه الذكيه ------------------------------------------------------------------------------------ عاجل . . . . .......... . . . : مظاهرات و اعتصامات داخل سجن طرة للمطالبة برحيل مبارك و المساجين يهتفون: غوروا غوروا انت و هو ، ، ، انتوا ورانا بره و جو --------------------------------------------------------------------- حبيبي يااا فتحي ... يا حر زي الطيــــر تعالى لعمو حسني ... في السجن جنبه سرير ...السجن ده سجننا و الحبس من حقنـــا ايـــه اللي يمنع فتحي انه يعيش وسطنا --------------------------------------------------------------------- احلى اعلان لسجن طره اللى بقى كبيره هو هشام طلعت مصطفى بورتو طره .....زنزانه عالميه على ارض مصريه ------------------------------------------------------------- عاجل | مبارك : الأخوة والأخوات.. أبناء شعب مصر.. أنا اتحبست --------------------------------------------------------------------- عااااااااااجل : أنباء عن إستيلاء زكريا عزمي على خمس زنازين فى بورتو طرة على مساحه 90 متر في العنبر الخامس بتسهيلات من المغربى وفى حماية العادلى ------------------------------------------------------------------------------ سو يا سو مبارك حبسووه مبارك عايز محامى ومنين اجيبله محامى الكل قال قدامى دا حرامى امسكووه سو يا سو مبارك حبسوه وجمال وعلاء وياه وف طره راحو وراه.. وسوزان بتقول الآه اخص عليكو واتفوه سو ياسو مبارك حبسوه مبارك نفسه ف بدله ومنين اجيبله بدله دا ماعدتش حاجه فاضله وحق الشعب هنرجعـــــووه طبعا انا ناقل الموضوع