لوحة القادة

السلام عليكم ورحمة الله... إنها ليست مجرد فتنة طائفية...وليست أيضاً قضية " وفاء" أو " كاميليا" أو " عبير"..أو..أو... إنما هى قضية الشر المُستطير الذى يُراد بمصر وبثورة ميدان التحرير وميادين مصر على إتساع أرضها وبالشعب المصرى ، لقد سبق فى موضوعات ومقالات عديدة أن سُقنا الأدلة والبراهين العديدة على أن مصر مستهدفة بمؤامرات خارجية جندوا لها العديد من عملاء الداخل ، سواء كانوا ينتسبون إلى الإسلام أو ينتسبون إلى المسيحية ، ووجدنا العديد ممن يتمتعون بقدر هائل من عدم الفهم ، يتشدقون بالكلمة المعهودة والتى تتلخص فى مصطلح " نظرية المؤامرة " ، والتى يتبرأ منها كل من يتحدث فى أى قضية تتعلق بهذا الوطن ، وكأن نظرية المؤامرة " رجس من عمل الشيطان " ، فبمجرد تبرُأ أول من تبرأ منها ، إذا بنا نجد جحافل من يدعون أنهم مفكرون يسارعون أيضاً للتبرُأ منها ، وكأنهم قد طمست أبصارهم وبصائرهم وأسماعهم فهم لا يفقهون . إن مصر معرضة منذ فجر التاريخ للعديد من المؤامرات ، منذ أيام الهكسوس ، ثم الرومان ، ثم الإستعمار الفرنسى فالإنجليزى....ومازالت حتى الأن مصر مستهدفة بسلسلة من المؤامرات التى لا تنتهى وذلك لحساسية موقعها الجغرافى ، ولثقلها وحجم تأثيرها فى المنطقة بأسرها .. ، يضاف إلى هذا الإمتداد التاريخى والموقع الجغرافى ذلك المتغير الجديد والخطير وهو تفجير ثورة التحرير والتى شهد لها العالم بأسره وقادته بأنها الثورة المُعلمة والثورة الرائدة التى ألهمت العالم بأسره وأصبحت تمثل مدرسة فى تعليم الثوارات الشعبية السلمية البيضاء ، والتى أطاحت بأعتى الأنظمة الديكتاتورية فى العالم بأسره ، وبدأت تجنى ثمار مازرعته وروته بدماء شهدائها ..وبدأنا نتعلم كيف نرفع قامتنا عالية لإستنشقاء الهواء النقى بعد أن ضاقت صدورنا بالهواء العفن... وبدأنا نحبو على طريق الحرية والكرامة والإصلاح الإقتصادى ... ولكن كما يقولون .." يافرحة ماتمت..." . وكشأن أى شىء ناجح فى هذا العالم نجد المعجبين والمقدرين ، وعلى الجانب الأخر نجد الحاقدين والموتورين أو المتضررين من قيام هذه الثورة ومن نتائجها ، وكنا جميعاً على يقين منذ اللحظات الأولى لقيام هذه الثورة من خطر المؤامرات الخارجية على إحباطها ، وحذرنا من خطورة تحالف أعداء الخارج مع أعداء الداخل لمحاولة الإلتفاف على هذه الثورة ووأدها فى مهدها والحيلولة دون نجاحها كى لا تكون نموذجاً يُحتذى ، ومن هنا إكتملت عناصر المؤامرة ، وأصبحت نظرية المؤامرة واقعاً لا يحتاج إلى دليل أو برهان ولا يوجد مبرر لمحاولة التنصل منها . فقد تعددت مظاهر هذه المؤامرات منذ اللحظات الأولى لإشتعال ثورة 25 يناير ( تعرض الشباب للتقتيل من قوات الأمن المركزى ومباحث أمن الدولة - موقعة الجمل - موقعة البلطجية - شروع فى إبادة الثوار فى ميدان التحرير من جانب قوات الحرس الجمهورى - ثم إعطاء الأوامر لقوات الجيش للهجوم على المتظاهرين ولولا رفض جيش مصر الوطنى لأوامر اللص السفاح حسنى مبارك لأصبحت مجزرة بشرية يذهب ضحيتها ملايين الثوار ) ..وأخيراً وليس أخراً ، فإننا نصطدم من جديد بقضية مفتعلة طالما إستهدفها النظام البائد للتفرقة بين الشعب المصرى طبقاً لسياسة " فرق تسُد " بين مسلم ومسيحى ، ومن هنا عادت الفتنة الطائفية المُفتعلة تطل برأسها من جديد تحت شعارات زائفة ، وكأن الكون بأكمله قد تم إختزاله فى مسألة "كاميليا " و " وفاء" و أخيراً " عبير"....والبقية تأتى طالما أن هذا هو المفتاح الذى يحرك جموع الشعب دون تفكير أو تمييز أو محاولة الوقوف على حقيقة الأمر. ما يهمنا فى هذه القضية ، ليس دفاعاً عن أو هجوماً ضد من أسلمت ومن لن تسلم ، فهى مجرد دُمى تم إستخدامها لإشعال الفتنة ، ووقع فيها -وأنا أسفة - الأغبياء من الطرفين المسلمين والمسيحين دون أن يكون فيهم رجل رشيد ، والمسئولية هنا تقع على الطرفين دون تمييز ، حيث تم تسليم من أسلمت أو أدعت منهن إسلامها إلى الكنيسة ،سواء بناء على طلب القائميين على الأمر بالكنيسة أو تطوعاً من الجهات الأمنية كده لله وفى الله ، وفى الحالتين لم يكن من حق الكنيسة أن تطلب هذا الطلب ولا من حق الجهات الأمنية أن تقوم بهذا الفعل ، ولكن التدليل الطائفى الذى كان يمارسه النظام البائد للمسيحين تمهيداً لإستقطابهم فى توريث " جمال مبارك" جعلهم يقدمون "وفاء" و " كاميليا" كثمن لضمان تأييد الكنيسة فى قضية التوريث ، وبالفعل أعلنت الكنيسة صراحة إنحيازها التام لحسنى مبارك ولولى عهده المزعوم . وبعد نجاح الثورة التى أطاحت بالنظام الفاسد وبدلاً من أن تتعاون الكنيسة مع الشعب فعلياً ، إذا بها تزيد الموقف غموضاً وتعتيماً ونجد إصراراً على عدم الإفصاح عن مكان " كاميليا " ..ومن قبلها " وفاء"...ثم أخيراً نفاجأ بإختفاء إمرأة ثالثة هى "عبير " التى فجرت مذبحة إمبابة والتى يذكرنى ماحدث بها بما حدث فى ميدان التحرير من وجود قناصة فوق الأسطح لقتل المتظاهرين فما أشبه اليوم بالبارحة...هل هناك صلة؟ لا أعلم.... ( لا أتناول شخصيات وأسماء ولكنها محاولة لرصد ما يحدث بعيدا عن كون كاميليا قالت..أو عبير دى أصلها...الى أخره...) ما كان أبسط الحل لو خلصت النوايا وقُدمت الفتيات الثلاث للنائب العام أو لأى جهة رسمية لكى تعلن كل واحدة منهن إن كانت مسلمة أم مسيحية بحضور وسائل الإعلام وممثلين عن الأزهر والكنيسة . ولكنها مرة أخرى تلك المؤامرة المُدبرة لإشعال الفتنة وتحريض البعض من الطرفين للتحطيم والتخريب وسفك الدماء ، ثم يأتى عقب ذلك محامى كاميليا شحاتة ليهدد الوطن بأسره بطلب الحماية الأجنبية للمسيحين ...........هذا هو بالضبط سيناريو المؤامرة سابقة التجهيز ، والمنقولة عن سيناريو فصل الجنوب عن الشمال فى السودان . نحن لا نتهم أحداً ، ولكننا نقرر واقعاً مدعماً بالأدلة والبراهين التى لا تحتمل أى شك فى طبيعة المخطط الذى تم تصميمه وتنفيذه من جانب المخابرات الأمريكية وجهاز الموساد الإسرائيلى ، وتحالف فلول النظام السابق معهم لضرب ثورة 25 يناير فى مهدها ولضرب الوحدة الوطنية وهى الورقة الرابحة دائماً . نخلص من كل ذلك إلى أبعاد المؤامرة الكبرى لتقسيم مصر وتفتيت قوتها كما حدث فى السودان شمالاً وجنوباً ، وكما يحدث الأن فى ليبيا شرقاً وغرباً ، وكما يحدث فى اليمن شمالاً وجنوباً ، ولبنان سنة وشيعة ، والبحرين سنة وشيعة ......وهكذا..وهكذا... لا نحتاج إلى دليل وبرهان لإثبات وجود مؤامرة كبرى وإنما نحتاج إلى حد أدنى من القدرة على الفهم والإستبصار بمجريات الأمور والتعامل مع الأحداث بدرجة من الوعى من شأنها أن تحبط جميع المحاولات للنيل من هذا الوطن ومن وحدة شعبه القبطى .... وللحديث بقية ...

السلام عليكم أنا مش عارف أكتب وصف واضح للبرنامج في العنوان..فهحاول أشرحه بسرعه لو انت عندك ملف فيديو مضغوط بالوين رار.. ..ومقسم مثلا الي ثلاثة أجزاء طبعا لو انت بتنزل الملف ده من علي الانترنت..يبقي لازم تنزل الثلاث ملفات عشان تقدر تفك الضغط..لكن ملف واحد أو ملفين فقط..برضه مش هيرضي يفك الضغط الا لما الملفات تكتمل و تنزل الملف الثالث البرنامج ده بيخليك حتي لو نزلت ملف واحد من مجموعة ملفات .. ممكن تفتحه بالبرنامج و تتفرج علي الجزء اللي نزل.. مش عارف أنا كده عرفت أوصللكوا فكرة البرنامج ولا لأ عموما..اللي ما فهمش حاجة مني يبعتلي ..و أنا هعيد نفس الكلمتين اللي فوق دول..و برضه ما أعتقدش انه هيفهم مني حاجة البرنامج افعص هنا.. علي رأي عنبو

يعني لو واحد مربي دقنه ولابس جلباب قصير عمل حاجه كويسه تقولوا شوفوا هو ده السلفي ولو نفس الشخص عمل حاجه مش كويسه تقولوا لا لا لا لا ده مش سلفي خالص اذا تعريف السلفي كما في الكتاب هوه الراجل اللي لابس جلباب قصير ولحيه كبيره وبيعمل حاجات كويسه و اه نسيييييت وكمان يكون متجوز اكتر من اتنيييين لان دي في راي حاجه كويسه جدا جدا وهيه من الاسباب اللي هتخليني انضم للسلفييين

السلام عليكم ورحمة الله وبركاته تحيه طيبه وبعد فيه شيطه ماشيه اليومين دول فى البلد ان اى حاجه تحصل يبقى السلفيين اليى عملوها لدرجة ان واحد جارنا فى الفلاحين يعنى الجاموسه بتعته ماتت قوم ايه الراجل اتهم السلفين بانهم وراء موت الجاموسه ليه بقى يا ابا الحج قالك انا كنت كل سنه بودى الجاموسه تلف لفتين حوالين مقامى سيدى البرنس الاخضر الروش قام ايه جالى واحد سلفى وقالى التبرك بالقبور شرك فانا سمعت كلامهم ومافيش الا والجاموسه ماتت يبقى مين السبب طيب بلاش دى بنت خالتى ام عبير جارتنا اليى فى البلد بنتها الكبير اطلقت لا م عبير دى بنته الكبيره اسمها سعاد بس احنا بنقولها يا ام عبير علشان عبير مزه لكن سعاد مش مزه خالص المهم بتقول ان السلفين وراء تطلق سعاد بنتها بصرف النظر عن امكانيات سعاد يعنى ليه يا ام عبير قالت ان زوج سعاد الاسبق جه فى يوم وقالها انا عاوز اعدد واتزوج بثانيه لكى اعف نفسى عن الانحراف وطبعا سعاد شغلت ابو ورده عليه مما ادى الى ان زوجها طلقها وطبعا على حسب شهادة سعاد ان زوجها معلمش كده او مفكرش فى كده الا لما اطلق لحيته وبدأ يلبس جلابيه بيضا وبدأ يظهر له ملامح كرش خفيف يعنى وبتقول انه انضم للجماعات السلفيه يعنى وايضا بتتهم السلفين بانهم وراء خراب بيتها طيب الود ابن عم محمود صاحب فرن العيش بيقولى ايضا ان السلفين وراء ان الواد احمد جاب ملحق حساب ليه ياعم محمود قالك الواد ياخويا بيحفظ قرأن معاهم ولم حفظ قرأن الواد محفظش جدول الضرب فجاب ملحق حساب وانا بتهم السلفين بانهم وراء سقوط احمد بصرف النظر ان احمد اساسا كل اليى حفظه فى القرأن هى الفاتحه والاخلاص والتشهد علشان يصلى بيهم مش اكتر طيب ايه بقى مزعل الدكتور سعيد من السلفين قالى ياعم عنبو السلفين وراء انى كل يوم الصبح الاقى العجل بتاع العربيه على الجنط (( مبنشر يعنى )) قولت له طيب وايه دخل السلفين فى الموضوع ده قالى ياعم عنبو السلفين بيقولوا للناس يقوموا يصلوا الفجر فى المسجد والناس بقى وهى راجعه من المسجد بتعدى على العربيه وعلشان عربيتى جديده يقوم الحقد بياكلهم ويبنشروا الفرد بتعت العربيه بصرف النظر طبعا عن ان الدكتور سعيد بيركن كل يوم قدام بيت عم عبده واليى هو كمان عنده عربيه وبيضطر يروح يركنها فى حته بعيده علشان الدكتور سعيد بيركن عريته قدام بيته مش كل واحد ربى دقنه او ليس جلباب بقى سلفى ولا بقى شيخ ولا بقى ثقه السلفين قطاع فى المجمتع فيهم المثقف وفيه ابن الناس وفيهم ابن الذينه وفيهم الدرويش وفيه بتاع مصلحته وفيهم الفلاتى فيهم كتير قوى علشان كده مش كل لما نشوف واحد مربى لحيته ولابس جلابيه بيضا ويعمل غلط نقول شوف السلفين بيعملوا ايه ياجماعه هو كل من لبس كده بقى سلفى خلاص سيبكم من الشكل تماما انا مش بحب التعميم انا تعاملت مع قطاع كبير قوى من السلفين والاخوان ورغم انى اختلف معاهم فى بعض الامور ولكن زيهم زى المجمتع فيهم الكويس والوحش فيه منهم المنافق وفيه منهم الصادق فصعب قوى تعمم حكم عليهم الاعلام بيحاول يصور لنا ان اى واحد سلفى هو متخلف رجعى متزمت مش بيفكر مسلم دماغه للمشايخ ووو ..الخ فى حين لو انت سبت الاعلام ونزلت اتكلمت مع ناس فيهم بالحسنى هتلاقى ان الموضوع غير كده خالص وهتلاقى ناس متجاوبه معاك ومافيش عندها مانع انها تتحرك يعنى وطبعا فيه ناس قفله وفيه ناس بالنسبه ليها الموضوع سبوبه بمعنى الكلمه يعنى الموجه اليى ماشيه فى البلد اليومين دول مش عاحبى خالص كل حاجه اصل السلفين عملوا اصل الاخوان هيمسكوا البلد اصل معرفش ايه ونظرية المؤامره وكأن مافيش حكومه ولا جيش ولا دوله بتحكم وهى المسؤل الاول والاخير عن كل اليى بيحصل فى البلد اين كان من وراه انا بتسغرب قوى على ناس بتحارب الطائفيه بالطائفيه يقولك السلفين عملوا ياعم وايه بس دخل السلفين فى الموضوع متقول بلطجيه لان اليى بيعمل كده بلطجى مش سلفى ولا ينتمى الى الاسلام اساسا مش عارف الفكره اليى انا عاوز اقولها وصلت ولا لاء بس اليى انا متأكد منه انى قولت اليى انا عاوز اقوله تحياتى عنبو

اعتقد الكثيرون أن الثورة - وحدها - قادرة على اعادة الأمور الى نصابها .. و اعتقد الأغلب أن مشاكل مصر ستحل بسقوط النظام .. و بعد سقوط النظام ساد الجميع حالات من الوجوم و الذهول من هول المفاجآت التى تتوالى .. مصر تشتعل .. و تزداد اشتعالا .. و الناس انقسمت الى فرق .. فريق يلقى بالحطب لتزيد الجذوة .. و فرق تصرخ فيمن يلقون الحطب .. و فرق صامتة ترقب المشهد ببلاهة و عدم فهم .. و فرق أخرى لا زال يشغلها الصراع الأزلي .. لقمة العيش .. و الحقيقة أن الثورة لن تنهض بمصر .. بل هي أوقفت الانهيار فقط ... أوقفت السقوط المدوي و فناء الدولة من وجهة نظرى .. لكن مشاكل مصر أكبر كثيرا و اعظم أن تحلها ثورة أو حتى عدة ثورات .. الفساد الذى وصل الى حدود مرعبة من السمك و الانتشار لن يحده اسقاط النظام .. الفساد عشش داخلنا كلنا .. فى تعليمنا .. فى سلوكنا .. فى ثقافتنا .. فى المؤسسات التحتية و البديلة التى لم يعد لديها أسباب تجعلها تعمل فى الخفاء .. الفساد أصبح هو الحاكم الذى ينبغى اسقاطه . الكل ينادي بتفعيل دور القانون .. نريد دولة قانون .. و على ضوء الماساة التى حدثت فى امبابة .. الكل ينادي بأن يكون هناك ردع للخارج عن القانون .. و السؤال الأهم هنا ... كيف نعيد سيادة القانون فى دولة سقطت هيبة مؤسساتها .. و هل تعتقدون أن الضرب بيد من حديد على مثيري الفتن علاج؟ .. هؤلاء أناس يعتقدون أنهم يخدمون أديانهم .. و أنهم يتقربون الى الله بما سيلاقوه من (أحكام ردعية) .. هيبة الحكومة سقطت فلم تعد تخيف أحدا .. و الداخلية - التى تمثل واجهة هذه الهيبة - لا دور لها الآن .. فى كل دول العالم لا تحترم القوانين فقط لأن الداخلية تجبر المواطنين .. هناك ما يسمى بهيبة الدولة .. فالحرامي من الطبيعي أن يخاف من رجل الشرطة .. ليس لأن رجل الشرطة أقوى أو مسلح أكثر .. و لكن لأنه يمثل هيبة الدولة .. و سيادة القانون .. أما اذا انهار هذا .. فان الحرامي سوف يخشى الضابط فقط ان كان الضابط يمثل له تهديدا .. أما لو كان الحرامي أقوى .. فسحقا للضابط ساعتها .. هذا الحال مع من يسرق .. فمابالك بمن يحرق دار عبادة معتقدا أن الله يباركه و يحرسه فى فعله .. لاحظوا معي أن الفتن كلها تحوي نساءا .. الحديث عن النساء الضعيفات المكسورات الأجنحة اللائي ينتظرن الأمير الشجاه كي يحررهن من البرج الذي يحرسه التنين .. الفتنة كما يجب لها أن تكون . الحل فى رأيى و باختصار شديد ليس فى تفعيل دور القانون لأن من ينادي بهذا لا يملك آلية لهذا التفعيل .. كم المشاكل فى مصر أكبر و أعظم و أعقد من كل جهات البحث و التحري و التحقيق و المحاكمة فى مصر مجتمعة ... و كم القضايا التى تحتاج الى عمل أكبر من تعداد سكان البلد .. الحل فى أن يوجد مشروع قومي مشترك .. مشروع حقيقي واحد يوحد المصريين حوله .. و يحركهم فى اتجاه واحد .. مشروع كهرم خوفو أو السد العالى أو حرب اكتوبر .. مشروع تصغر فيه كل المشاكل و تتقزم أمام مشكلة واحدة كبيرة تهم الجميع بلا استثناء . هل تعتقدون لو حدثت حرب مثلا و احتل جزء من مصر .. أننا سنجد مشاكل طائفية أو فتن أو حتى مظاهرات فئوية ؟؟ مستحيل .. اذن لماذا ننتظر الفاجعة كي تخلصنا مما نحن فيه .. لم لا تبدأ الحكومة مشروعا قوميا حقيقيا .. تتوافر فيه كل هذه الصفات .. مشروع يتحدى العالم .. يكسبنا بعض العداءات الخارجية التى نحتاجها الآن كي نتذكر أننا أخوة .. مشروع مهدد .. يبدو مستحيل .. مهم .. يفهمه الجميع على اختلاف مستوياتهم الثقافية .. و يلتف حوله الجميع على اختلاف توجهاتهم أو تحزبهم .. مشروع مصري حقيقي .. يزيل ما نحن فيه و يكون ثاني لبنة فى حائط المستقبل بعد الثورة. مهيب

أصلا يا أخت هند سواء بوجود المرض أو عدم وجوده , يجب على الشعب المصرى ألا يعول كثير على عودة أموال أخذت بدون وجه حق من بعض اعضاء النظام السابق , ويجب أن نكون واقعين ولا يجب أن ندغدغ مشاعر البسطاء بأن هذه الاموال ستعود حتى أن المشاهد الأن يرى كثير من الشعب يقضون أوقاتا فى حساب نصيب كلا منهم من هذه الاموال !!؟ وجود أموال منهوبة أم لا شىء ستحدده الجهات القضائية وفى حالة ثبوت وجود اموال منهوبة فالخبراء يقولون أن تتبع هذه الأموال شىء ليس باليسير ( المؤكد أنها حدثت لها أكثر من تنقل وعملية غسيل ) ولو حدث ونجحت عملية تتبعها فأن استعادتها كاملة عملية ستأخذ سنوات وليست شهور كما يعتقد البعض . ليست هذه دعوة لاحباط الناس ولكنها دعوة لكى نضع أرجلنا على الأرض ولا نعيش فى غير الواقع , والمهم أن تبدأ عملية استعادة هذه الاموال وتاخذ الاجراءت مجراها لتعود هذه الاموال للشعب ولو طال الزمن .

أى فرض للأحكام العرفية أو بقاء للجيش فى السلطة لوقت اطول عن شهر أكتوبر القادم كما اعلن المجلس العسكرى منذ البداية نرفضه , ولو حدث فسيكون شىء مخطط له منذ البداية . البلد لن تستقر او تهدأ إلا بانتخاب وتسليم السلطة لحكومة مدنية ديموقراطية وهى سيكون لديها الادوات والسبل لفرض الأمن والاستقرار فى البلاد عكس الحكومة الانتقالية وهذا الطبيعى تكون يديها قاصرتين فى اتخاذ القرارات لانها مهتمها هى تسير الدولة وليس حكمها وهناك فرق .

لا اعتقد ان في بني ادم عاقل وبيحب مصر هايجاوب بنعم انا باشبه المظاهرات الفئويه في وقتنا ده ....زي اللي دخل في وسط ميتم وراح قايل لهم نكته . يعني باختصار .........ماينفعش خالص ماينفعش اي حد (مش الاطباء بس) يعمل مظاهره في الوقت ده

والله العظيم كنت لسه داخل أكتب الكلمتين اللي قراتهم بعد الفكرة الجهنمية والسسؤال الخبيث اللي جه في بالي ؟ ويا ترى نفس الدكاتورة دول . هايضربوا .. ويقفلوا عيادتهم الخاصة بالليل اللي الكشف فيها بالشيء الفُلاني ؟ سؤال خبيث مش كده ؟؟؟ حتى أنتم يا ملائكة الرحمة ؟ تخيلوا العمالة البسيطة لما تسمع كده . وتشوف إن لوي الدراع جاب نتيجة تفتكروا هايعملوا إيه ؟ بغض النظر إنها مطالب مشروعة أو غيرة ... فالبسطاء لهم بالنتائج والمحصلة النهائية ... أمبارح صدر بيان من حركة " أمناء الشرطة الأحرار " ولا ابصر مسميين نفسهم إيه .. وكانوا هايعملوا إضراب شامل من أمبارح اول أول عشان لهم مطالب ... وقالوا نظراً لظروف البلد هايعلقوا الإضراب أنا شايف إن ضباط القوات المسلحة وحرس الحدود والدافع الجوي .. يعملوا هما كمان إضراب وييجوا يشرفوا في ميدان التحرير جنب اخواتهم الدكاترة وأمناء الشرطة

الفاضل أحمد سيف من السهل للغاية وضع التعريف النمطي للسلفية كفكر، ولكن من يطبق ليستحق هذا التعريف ؟؟ تلك هي الإشكالية أنا ممكن أقولك عاوز تعريف لليبرالية ، وحضرتك تعرفلي التعريف النمطي لليبرالية ، ولكن التطبيق هي المشكلة حسني مبارك يتبنى تعريف الليبرالية ، والحزب الوطني يتبنى تعريف الليبرالية وحبيب العادلي والشلة الحرامية كلها بتقول على نفسها ليبراليين ، ولكن هل هذه هي الليبرالية التي تقصدها أنت وغيرك من الشرفاء النزهاء. اللحية يمكن إطلاقها وإعفائها في ظرف 15-20 يوم وشراء جلباب أبيض قصير لا يتكلف إلا مشوار لميدان العتبة ودفع 20-30 جنيه وكمان سواك وطقية لزوم الحبكة بقيمة 5 جنيه وتبقى سلفي عال العال والله أنا سمعت عن واحد من أكبر تجار المخدرات أسمه النواوي ، وكان صاحب لحية وجلباب قصير !! طيب الحل أيه ؟؟ الحل أنك تعرف السلفيين ومواقفهم من خلال تصريحات رموزهم ومشايخهم هتقولي طيب ما هم مختلفين في وجهات النظر إلى حد ما .. هقولك ولكن عندهم حدود لهذا الإختلاف ، فمثلا لم يصرح سلفي واحد برضاه عن أحداث أمبابة مثلا ، ولا عن أحداث كنيسة أطفيح.. عاوز أقولك أن كل الليبراليين يتبنوا مثلا مسألة "الحرية"، ولكن الحرية عند س غير الحرية عند ص ، وفي الآخر الكل بيقول على نفسه ليبرالي. عاوز أقولك أن كل اليساريين بيتبنوا مثلا مسألة "العدالة" ، ولكن العدالة عند س غير العدالة عند ص ، وفي الآخر الكل بيقول على نفسه يساري. وهكذا ... تحياتي..

يا ريت نستنى تحقيقات النيابة تخلص كل شوية جزء جديد بيتكشف و يا ريت نلتفت للمهم الموضوع في يد النيابة ثم القضاء مهمتنا الاكبر ان نقلص المساحة التي يتحرك فيه التعصب و يتوقف فيها العقل على كافة الاصعدة بعد سماعي لمكالمتها مع محمود سعد النهاردة تيقنت أن الجنازة حامية والميت .... ازاي واحدة متزوجة ولم تطلق بعد ، حتى لو أشهرت اسلامها تتزوج بعقد عرفي ، وطبعا هي بعد ماقالت عن جوزها الجديد ،رجعت وقالت انها لسه فى اجراءات الطلاق من الزوج القديم. ================================== لكن الواضح من مكالمتها أن رجال وراهبات الكنيسة قد احتجزوها ، وهذا يدعونا ان نطالب الحكومة والمجلس العسكري ومنظمات حقوق الإنسان أن يفكروا فى قانون يجرم ماتفعله الكنيسة والتي تقوم باحتجاز افراد بدون اي صفة ، الكنيسة ليست دولة داخل الدولة وليست لها أي سلطات تنفيذية او قانونية تخولها فى احتجاز رعايها. فلنطالب بقانون موحد يحمي المصريين من أى ضغوط تمارس على الأفراد فيما يخص توجههم العقائدي او السياسي. هى لم تقل إنها تزوجت من المسلم .. الصحف قالت هذا .. هى قالت إنها متفقة مع المسلم على الزواج بعد انتهاء اجراءات المحكمة التى تنظر قضية التفريق بينها وبين زوجها المسيحى وقالت إن من أخذها إلى الدير هم أهلها وقالت أنهم فى الدير كانوا يناقشونها للرجوع إلى المسيحية دون أى أذى ولكن الواضح أنها كانت فى عمارة من 8 أدوار تبع الكنيسة وكانت تتنقل بين الطوابق ولكن باب العمارة مقفول .. وأفادت إنها لم ترد الخروج .. فقد كانت فى الكنيسة خائفة من الأخوة المسلمين "لا أدرى لماذا" .. وهى الآن فى مكان ما (مع مسلمين) خائفة من الأخوة المسيحيين "أيضا لا أدرى لماذا" .. وإن الراهبة اللى كانت قاعدة معاها هى اللى فتحت لها الباب وقالت لها اخرجى احنا أبرياء من دمك وقالت انها إنسانة بسيطة تريد أن تعيش حياتها .. وانها لو كانت تدرى أن كل هذا سيحدث بسببها لكانت عملت ما فى استطاعتها لمنع حدوثه حتى لو دفعت هى الثمن لا أتفق معك فى أن الجنازة والميت قرد (وحشتنى يا سكوب) .. فهى كما قالت "إنسانة بسيطة" المفروض ألا يتدخل أحد فى حياتها الخاصة .. سواء كانت بسيطة أو مركبة فهى أولا وأخيرا "إنسانة" .. أما من حولها من مسلمين ومسيحيين فهم الجناة الحقيقيون لا أقصد زوجها المسيحى أو خطيبها المسلم :) .. ولكنى أقصد من دسوا أنوفهم فى حياتها شايف يا أستاذ محمد ؟ .. لحد امتى حنفضل نتكلم عن قيمة "الإنسان" .. وقيمة حريته فى اختيار ديانته .. ليه اخوانا الغيارى دول ما حرقوش الدنيا على البنات اللى بتتخطف يوميا .. لحد أولياء الأمور ما بطلوا يودوا بناتهم المدارس ؟ .. ليه .. إشمعنى عبير ست الدار .. وكاميليا ست ابوها ؟ .. يفرقوا إيه دول عن دول إلا ان عبير وكاميليا لهم علاقة باالتحول عن الدين ؟ .. ده حتى واحدة منهم رجعت عن ذلك التحول .. شايف بيحطوا نفسهم فى مواقف بايخة ازاى وبيحرقوا البلد كمان ؟ .. بقى دول سلفيين ؟ يعنى مؤمنين بيتأسوا بالسلف "الصالح" ؟ .. ليه بينسوا حكاية "الصالح" دى ؟ .. هو "الصالح" يحرق وطنه ؟

ف الحقيقة الواحد مش عارف يقول ايه؟؟ انهاردة الصبح سمعت حديث ف البى بى سى ....بين مواطن مصرى عادى وبين المراسل ف القاهرة . يعنى شئ لايصدقه عقل..شئ غير طبيعى ...الراجل ده بيتكلم وكأنه فعلا فعلا فعلا معمول له غسيل مخ . المفروض انه مسلم..بس ده اكييييد (( مسلم اسلام لايت )) لاهو فاهم حاجة ولا عارف حاجة وعمال يفتى ....واكييييد الآف مثله...!!! مصمم ان الناس خطفت واحدة علشان اسلمت ويقول ..بيعذبوها وحابسينها وهى مش حاتتنازل عن اسلامها . كلام فارغ...تهريج ف تهريج .(( واللى محموق عليها دى طلعت وقالت انها مسيحية ومفكرتش نهائيا تبقى مسلمة )).. طيب... سواء كانت دى واحدة ست اتخانقت مع زوجها وتركت له البيت ...ولجأت لأسرة مسلمة ..كما قيل فى أول الأمر .. وهى كانت مطمئنة للمعاملة داخل هذه الأسرة ..(( وفكرت تغير دينها )) طيب مش يمكن فعلا هى اللى كتبت الايات القرآنية ...وارادت تسلم ..حتى تستطيع ان تنفصل عن زوجها..!! ومش يمكن زوجها ...هدد انه حايحرمها من ابنها ؟؟؟ ودى اكييد يعنى نقطة ضعف بالنسبة لأى أم؟؟ طيب... تسلم والا متسلمش .....هل اسلامها يساوى أرواح المئات اللى راحوا ؟؟؟؟ لأنهم مش تلتاشر كما قيل؟؟؟ لالالالالالالالالالا دول عبارة عن ستين هنا وتمانين هناك وميتين ف الشرق وتلتمية ف الغرب (( مصابين اصابات خطر )).. ده غير بقى المحلات اللى اتسرقت والبيوت اللى اتحرقت.. اذن...هى اصبحت حرب طروادة ؟؟؟ بسبب امرأة ؟؟؟ امرأة ؟؟؟ لعبت بالجميع.... مش قادرة افهم بجدددددددددد وكووووول المصايب اللى ف البلد؟؟؟؟ مشفتش مظاهرات قامت لما اتخطفت البنت اللى من الدخيلة والبنت اللى من الورديان ؟؟؟مشفتش مظاهرات قامت لما البلطجية دخلوا عمارة ف جليم واجبروهم يفتحوا الشقق ويقفوا برة ولموا كله ومشيوا ومحدش اتحرك؟؟ مشفتش مظاهرات قامت والناس اتجمعت تحمى بيوتها وناسها؟؟؟ كل واحد قفل على نفسه.. كل واحد أمن نفسه وبسسسسسسس كل عمارة عملت لها باب حديد....وخلاص. طيب... هو بس التجمع ف المصايب ؟؟؟ هو محدش اتعلم من اللى حصل يوم خمسة وعشرين؟؟ هل اسلام ...وارتداد....واحدة كل ساعة ف حال ....يساوى ضياع دم الشهداء ؟؟؟ ليه؟؟ليه؟؟؟ اللى بيحصل دلوقت عبث...عبث...عبث . ومش حانقول زى اللى بيقولوا انها يد خارجية .لالالالالالالالالالا ده بقى مننا فينا .... المسلم طالع يقول ....هى اجبرت على التحدث بهذه الطريقة فى التلفزيون. المسيحى طالع يقول ....آهى قالت لكم بنفسها حتى لو موتوها مش حاتغير دينها .. الله؟؟ وصل بينا السفه ...اننا نخرب البلد بالشكل ده ونضيع ارواح ناس كتير بريئة علشان ناس معتوهة ؟؟؟ روحوا شوفوا ملايين النساء المسلمات ....اسما فقط. ملايين النساء المسيحيات....اسما فقط. اعملوا مظاهرات علشان تحسنوا اوضاع الغلابة . والله العظيم الوضع الآن اذا استمر كذلك فلن يفرق (( سوءا )) عن ماقبل خمسة وعشرين يناير. البلد رايحة حثيثا حثيثا لمجاعة ياعالم.. ومحدش حاسس وبس محموقين على كلام فارغ.. وحوارات بيزنطية لن تصل لأى شئ .. ربنا يسترها معانا جميعا...

السبت المقبل..أولى حلقات "بتوقيت القاهرة" لحافظ الميرازي علي التلفزيون المصري تعرض القناتين الثانية والفضاية المصرية ابتداء من يوم السبتت المقبل أولي حلقات برنامج "بتوقيت القاهرة" الذي يقدمه الإعلامي حافظ الميرازي، البرنامج سيعرض في العاشرة مساء يومي السبت والأربعاء، وهو يستعرض الأحداث السياسية والاقتصادية التي ينشغل بها الرأي العام وذلك من خلال مناقشتها والتعليق عليها من خلال نخبة من الشخصيات التي يستضيقها الميرازي في كل حلقة، يذكر أن الميرازي تم اختياره مؤخرا كعضو في مجلس الأمناء في اتحاد الإذاعة والتلفيفزيون المصري.http://www.dostor.org/art/news-and-variety/11/may/8/41527

توالي الأحداث صعب جدا على أي بني آدم مهما كانت قوة أعصابه أنا مش متخيل هو بيفكر إزاي ده حياته إدمرت العزبة راحت منه فلوسه معدتش فلوسه عياله في السجن و لم ينهار حتى الان ... فيعترف و يتقبل العقاب أو حتى يعترف و يطلب المغفرة من الله و الصفح الجميل من شعبه فرعون على جبروته مقدرش يقف أمام الغرق ( حتى إذا أدركه الغرق قال آمنت أنه لا إله إلا الذي آمنت به بنو إسرائيل وأنا من المسلمين ) و ظهر ضعفه الذي لم ينفعه و كانت توبته التي لم تنفعه أيضا لأنه تكبر حتى و هو يتوب فهلك و لم تقبل توبته أكيد مبارك حتى هذه اللحظة لم يشعر بعد بالغرق هل هناك من يحميه من وصول الماء إليه أم هل هناك من يقوم بتوجيه المياه بقوة في الاتجاه الآخر حتى يغرق البلاد المطلوب من المصريين عمل سدود من الثقة و المحبة و المسامحة و الاحتواء و توحيد الهدف ... الهدف إنقاذ مصر من الغرق ... كلنا مسئولين .. ده مش وقت أي أجندات

أقترح على الجميع ألا نقفز لاستنتاجات أو نصدر أحكام حول ثروة الرئيس السابق سواء بالسلب أو بالإيجاب قبل أن تنتهي التحقيقات وتكشف الحقائق القضية الآن منظورة أمام القضاء فلنتركه يقول كلمته وسنقبلها مهما كانت على فكره بس الفصل كان بسبب تغيبه عن المدرسة لفترة أطول من المسموح بها قانونا أي طالب في مصر يتغيب عن المدرسة عددا معينا من الأيام يصدر قرار بفصله ما لم يقدم عذرا مقبولا ... وهذا مالم يحدث في حالته وبالتالي المسألة لا علاقة لها بالاستئساد ولا بالاستحمار ولا بكونه حفيد الرئيس السابق بلاش نعمل من كل خبر عادي قضية رأي عام

بسم الله الرحمن الرحيم عزيزتي الفاضلة / هند لو أن مبارك بالفعل أخذ كل هذه الأموال المنهوبة التي تتحدث عنها الصحف هنا وهناك .. وتقول أنه تارة أودعها في بنوك أميركا .. وتارة أودعها في بنوك سويسرا .. وأخيرا في بنوك جدة وأبي ظبي .. لماذا لم يرحل مبارك من مصر .. ويخرج إذا كان بالفعل يمتلك كل هذا .. وكان بإمكانه لو أراد أن يخرج في ثوب البطل - وليس كزين العابدين في ثوب الهارب - أثناء الثورة ويعلن أنه سيرحل عن مصر من أجل تجنيب البلاد شر الفوضى واستجابة لمطالب الثوار - ووقتها كان سيخرج من مصر مكرما محمولا على الأعناق ثم يقضي باقي حياته مستمتعا بهذه المليارات التي إن صحت فبإمكانها أن تعيد مصر إلى عصر طلعة المحمل.!! لماذا بقى وهو يعلم جيدا أن بقاءه سيكون تحت الإقامة الجبرية في شرم الشيخ .. أما تراه بلغ من العته حدا صور له أنه سيستمتع بهذه المليارات المملورة ( على وزن الألاف المؤلفة ) في فيلا منعزلة في شرم الشيخ وتحت الإقامة الجبرية وتحت مراقبة العيون الصحفية والإعلامية التي نشرت صورا للفيلا التي يعيش فيها. سؤال آخر .. لو فرضنا أنه قد أصابه العته وبقى .. فلماذا بقى أبناؤه هم أيضا وتعرضوا لما تعرضوا له الآن من السجن والإذلال حتى استأسدت المدرسة التي تضم حفيده وقامت بفصله فصلا نهائيا دون أي مراعاة لكونه طفلا لا ذنب له فيما يتعرض له أهله .. مثلما أستأسدت كل فئات المجتمع الآن وكل هيئاته عليهم الآن لتحقق بالفعل مقولة ( أن المصريين إما خانعين وإما فراعين ).. لماذا بقى أبناؤه .. وكان بإمكانهم بمنتهى السهولة الهرب للخارج هم أيضا ؟؟ بل إن جمال مبارك بالفعل كان خارج الوطن في لندن بعد الثورة مباشرة لكنه ومع ذلك عاد من لندن ليدخل طرة.؟ لماذا ... قصيدة ألفها قديما نزار قباني .. وتساؤل أدعو الآن جميع من يتحدث عن الثروات وحساب الثروات وكيفية اقتسامها وتوزيع أرباحها .. أن يسأله لنفسه.

ممكن الجيش يعمل معسكرات لتدريب من تطوعوا في اللجان الشعبية- أعتقد الجيش اخد اسماءهم تدريب على استعمال السلاح و مواجهة البلطجية توعية و توضيح للأمور الملتبسة سياسيا و دينيا اعتقد ده مهم مع قرب الانتخابات و الاجازة جاية و تشمل كل المحافظات ممكن حملات اعرف بلدك.. مش للاماكن التاريخية و السياحية بس انا فاكرة زميل من قنا-ربنا ييسر له الاخير و اسرته اتعرف على زمايل من الشرقية و المنوفية في الجيش ابتدوا يتزاوروا بعد كده و ده غير كثير من افكارهم عن بعض ليه مش من كل محافظة مجموعات تستضيف مجموعات من محافظة أخرى؟ مسلمين و مسيحيين بحراوية و صعايدة و سواحلية ممكن ده يقرب الناس من بعض اكثر و يساعد على اعادة اكتشاف الشخصية المصريةو التوافق على أهداف مشتركة عارفة انها مش مشاريع قومية بالمعنى التقليدي بس اعتقد انها مهمة في المرحلة الحالية كتبت مداخلتي دون ان ارى مشاركة ا. محمد لي عودة بإذن الله .. المهمالاقي وقت

المشكله ان الناس اللي في المسيره غير الناس اللي بيحرقوا ويولعوا والناس اللي كانوا في ميدان التحرير ايام الثوره غير الناس اللي بتعمل مظاهرات واضرابات يعني الناس دوكهما غير الناس دولهما ومنذ السبعينات مع بداية الجماعات الاسلاميه التي اطلقها السادات ثم جاء كرد فعل لها جماعات مسيحيه متتطرفه اطلقها البابا شنوده وذاد الكره بين الطرفين الا من رحم ربي . اول حل للمشكله هو زرع روح التفاهم وقبول الاخر في تلاميذ المدارس من الابتدائي ولكن من سيفعل ذلك اذا كان المدرسين اغلبهم مثل باقي الشعب يكرهون الطرف الاخر انا اتذكر وانا طفل في الابتدائي عمري حوالي عشر سنوات ولا اعرف شيئ عن المسيحين اتذكر مدرس اللغه العربيه الملتحي وهو يسب المسيحيين ويطلب منا الانتعامل معهم لانهم كفار ويحكي لنا خرافات عن ما يحدث داخل الكنيسه واكيد هناك مدرس مسيحي يفعل نفس الشيئ في الجانب الاخر

بداية؛ أعتقد أنك تقصد " مشروعا وطنيا " وليس " مشروعا قوميا " وبناء على اعتقادي سأتحدث في هذا الشأن. حكومتنا مازالت " حكومة تصريف أعمال " إدارة الدولة لاتزال " ادارة مؤقتة " ولست أدري إن كان بإمكان الحكومة والإدارة المؤقتة أن تبدأ مشروعات وطنية. وبين " حكومة تصريف الأعمال " و " الإدارة المؤقتة " يخرج علينا من يبحثون عن مكاسب توافق أجنداتهم. رأينا بدايات هذا الصراع في التخبط الواضح في فكرة الإستفتاء على تعديل مواد في دستور ليس له وجود وصقط بسقوط النظام ، فانقسم الشعب إلى قسمين متنافسين في سباق على شيئ مجهول. رأينا عدة جهات لها اجنداتها الخاصة ولاأعني بالضرورة اجندات خارجية ، تتصارع على اقتسام ثمار الشجرة التي لم تنبت بعد وياله من صراع ضار بالوطن تطور هذا الصراع بمن ظنوا انهم ملكوا الأرض فارتفعت أصوات بعضهم تفرض أمرا ثم سرعان ماترتفع اصوات بعضهم ايضا تنفيه وتتبرأ منه. وفي طل الضبابية التي اعمت العيون رأينا من ترك التفكير في المشروع الوطني ، ليتفرغ للمشروعات الخاصة وعلى رأس تلك المشروعات هو مشروع الدولة الدينية أو على الأقل فرض سيطرة على الشارع وعلى من بيدهم صنع القرار ، ويقابله نفس المنطق من الكنيسة التي لاتريد ان تفهم أن الإستقلالية التي منحها لها النظام السابق كانت بشكل أو بآخر من اسباب تفاقم مشكلة المسيحيين في مصر. في رأيي أن مشروعنا الوطني الآن يجب أن يتركز في فكرة المواطنة والعدل والمساواة بين أبناء الوطن مشروعنا الوطني يجب أن يتوجه الى تحرير العقل المصري من أسر المتطرفين رجال الدين شيوخا سلفيين أو قساوسة ورهبانا هل رأيت كيف أن قصة إمرأة لاقيمة لها قد حشدت الآلاف من المسلمين والمسيحيين خلال ساعات دون أن يتبينوا حقيقة الأمر؟ هؤلاء وأمثالهم يحتاجون مشروعا قوميا لتحرير عقولهم من الأسر ، الأسر الدينى الذي لن تراه في مجتمعات دولة القانون ، تراه فقط فى دول القبائل. حرروا عقول المصريين من الأسر الديني ، بعدها يمكن ان يتوجهوا للمشروعات الوطنية ليبنوا مصر بلدهم.

انا طبيب وكنت من اشد المؤدين للاضراب قبل الثوره وفعلا شاركت في اضراب لكن انا ارفض الاضراب في الوقت الحالي بصراحه ده مش وقته خالص البلد بتقع اذا لم يقدر الاطباء والفئات المثقفه خطوره الوضع الراهن فهل سيقدرها العمال والموظفين ربنا يستر علي البلدفي الايام اللي جايه

خلاص بقي يا عنبو متزعلش اوزن لي بقي 2 كيلو بناتي

سامحوني في اللي هاقوله الصور دي ولا بقت تفرق معايا نهائي معلش مين اللي في الصورة دول؟ حمدي قنديل نجلاء فتحي وائل غنيم ما دول من الاول و احنا عارفين انهم ناس ما عندهاش مشكلة لا في مخها و لا تعليمها و لا حد غاسل دماغهم فا ايه الفرحة في انهم ينزلوا يقولوا ايد واحدة الكلمة اللي بدأت تفقد معناها في كل حاجه تقريبا اتقالت عليها اللي هايفرحني لما اتكلم مع ناس عادية زيي زيهم على النت و اسمع منهم انهم مع المسلمين ايد واحدة هافرح لما انتقد نجيب ساويرس براحتي من غير ما واحدة مسيحية تفتكر اني بانتقده لمجرد انه مسيحي و يعلم الله ان الفكرة دي خارج دماغي خالص لدرجة انها شالتني من الفريندز عندها هافرح لما الاقي المسيحين على الفيس حاطين صورة لمصر مش صورة الصليب هافرح لما الاقي المسلمين و المسيحين عاملين جمعية او اتحاد او ما شابه و رايحين مجلس الوزراء يطلبوا حتة ارض في الصحراء يعمروها سوا لكن ارفع مصحف جنبه صليب معلش الكلام دا كان اخره ثورة 1919 و انتقل للرفيق الاعلى خلاص ما ياكلش معايا خاااااااالص

السلام عليكم و رحمة الله و بركاته مش عارفة يا فتفوتة...هو انا قلبي اللي اتقفل و مش عايز يفرح و لا ايه مبقتشي احس لا فرحانة بالمشهد اللي حاصل في المسيرة و لا زعلانة لاني ببساطة زي ما قال عنبو...منبقاش كده سمن علي عسل و فجاة حد يجي يلعب في دماغ الناس و تلاقي الدنيا ولعت في ثانية....و هوووووووب برضه تنزل علي مافيش و نطلع نقول عاش الهلال مع الصليب الموضوع اكبر من انه نطبطب علي بعض فيه بمسيرة استاذ هيكل قال "الاحداث الطائفية اللي حصلت جرح تم تطبيبه خطأ لمدة 30 سنة" الحل يبقي فيه عدالة تسري علي الكل....و الله ساعتها مش هنحتاج نطلع كل شوية في مسيرات الكل اتظلم في اللي حصل ده و مستنيين رد القضاء

على فكره بس علشان ماحدش يطلق علي تهمة جديدة أني أخوّن المجلس العسكري الجماعه وطنيين تماما وأكثر وطنية بمراحل منا جميعا ... هم فقط يعتقدون أنهم يفعلون ما هو في صالحنا هم يرون كما كان يرى الرئيس السابق أننا شعب غير مؤهل للديموقراطية وأنه من الافضل لنا أن نظل تحت حكم عسكري وهذا التهاون والتراخي في التعامل مع المشاكل الأمنية محاولة منهم لإثبات صحة نظريتهم وأننا بدونهم هنخرب البلد أنا قلت منذ ما يزيد عن ثلاثة أشهر بينما كانت الجماهير معتصمة في ميدان التحرير وباقي ميادين مصر أن نزول الجيش الى الشارع يوم جمعة الغضب لم يكن لحماية الثورة (هيحميها من ايه إذا كان الأمن المركزي هرب ؟؟؟؟؟؟؟؟؟؟؟) ولكن لحماية النظام القائم منذ يوليو 1952 ... نظام الحكم العسكري المغلف من الخارج بقشرة مدنية فسدت مع الزمن فكان الأفضل إزالتها لحين بناء قشرة جديدة مع بقاء الجوهر العسكري الأمني لنظام الحكم. هي دي الحكاية باختصار يا حضرات ... ولو سكتنا ابقوا قابلوني لو رئيس مصر القادم جاء من خارج المؤسسة العسكرية أو النظام السابق.

مش ممكن نقول من الذكاء ان تتظاهر بالغباء في بعض المواقف ;)

لأ فى مقولة بتقول ((هى المشرحة ناقصة قتلى)) هى دى اللى تنطبق على اضراب الاطباء اظن مش وقت خااالص دلوقتى اى مطالب فئوية ولازم نكون اد المسئولية وبالذات الاطباء فى الوضع اللى البلد فيه هو فيه ايه يا جماعة؟؟؟؟؟؟؟؟ وربنا الواحد زهق

سقينا الظلم اوعية........ وسقينا الجهل ادعية مللنا السقى والساقى..... احذركم.. سنبقى رغم فتنتكم فهذا الشعب موصوووووووول :copied:

بسسسسسسسسسسسسسسسسسسسسسسسسسسسسسسسسسسسسس :protest: طيب والملاييين اللى اخدها يعنى افسد واسرق وانهب وابوظ البلد وبعدين اخدلى خمسة بس طيب ده يرضى مين

يا جماعة تحروا الدقة ، طبعا الراجل قال الفاظ مش كويسة وجايز كان متضايق علي الناس اللي ماتوا فانفعل وقال كلام اهوج لكن لأجل الحق في حاجتين واضحين جدا الاولي ان ال 12 اللي ماتوا ماتوا بضرب النار وهو بيقول ما عندناش اللا طوب يبقي حتلبسوه الجريمة ليه ؟ يعني ال 12 دول ماتوا من تحديف طوب الحاجة التانية واضح انه بيحكي القصة بعد ماخلصت ، كان اللي مات مات واللي اتصاب اتصاب خلاص ، لما يقول للناس نحرق الكنايس اللي في امبابة كلها ده طبعا غلط وده اللي اعتذر عنه بس ما فيش كنايس تانية اتحرقت يعني تحريضه ده ما اتسببش في حرق او موت حد ،فبلاش تلبسوه قتل ال 12 دول ونسيب الجناة الحقيقيين

بيرجع فى كلامه فى فيديو تانى اهو وهو فى القسم تقريبا بس اسمعوا كلامه http://www.youtube.com/watch?v=XQXU6-_Qq-4&feature=player_embedded يا أخت فتفوته بارك الله فيكي بعد إيه إيه بيتوب عن قتل 12 شخص أو التحريض ؟ بيتوب عن حرق الكنيستين .. بيتوب عن خراب محلات الناس وبيوتها مسلمين ومسيحيين .. بيتوب عن منظر والله العظيم أنا قولت دي مناظر من مدينة السويس وبورسعيد بعد العدوان الثلاثي ياربي دي ولا إيه ؟ الله ..... دي حاجه سهله خالص ... أقتل 12 شخص أو أحرض على قتلهم .. وأحرق كنايس .. وارجع أقول . اصلي كنت منفعل يا جماعة معليش .. وإعتبروني يا أخواننا زي المنفعل اللي طلق مراته وطلقته لا تحتسب على حسب قول جمهور العلماء ... وبالتالي بعد التوبة النصوح دي .. إرجع كما كنت .. وتعالوا نصحي ونُعيد الحياة لمن قُتل ... وتعالوا نقول للناس إحنا كنا بنصور برنامج الكاميرا الخفية وبنهزر معاكم ... وعفا الله عم سلف يا جماعة ما تحبكوهاش اومال .. وأخرج يا عم يابو جلابية ومارس حياتك عادي .. بس إوعى تعملها تاني يا وحش انا مش شايف انه اتنيل على عينه تاب ولا حاجه دا لسه بيقول نفس الرغى الأسلحة وناس متقطعه والإسعاف انتوا فهمتونى غلط انا مش بقول انه تاب انا اصلا مش معاه لا فى التحريض ولا فى انه يقول كلمة وويرجع فيها والمفروض اللى بينتمى او بيدعى انه ينتمى لجماعة يبقى اد المسئولية وياخد باله من اى كلمة بتطلع منه فى اى تصريح بيقوله

معلش بقى العيب مش فى السلفى ولا الاخوانى ولا المسلم عامة العيب فى الدقن اللى استغلها ناس كتير واستخبوا فى عباية الدين عشان مصالحهم بالغش والتدليس معناها ايه واحد دقنه اد كده ويغشك تشترى منه حاجة تروح بيتك تلاقيها معيوبة وانت وحظك لو فكرت ترجعها رغم انه حلف عليها بالعظيم والمصحف والقرآن كتير مربين دقنهم لكن مش بيركعوها حتى وساعة صلاة الجمعة تلاقيه فى مكان تانى غير الجامع انا مش باشوه الصورة لكن ده اللى بيحصل فعلا وحصلت قدامى اكتر من مرة بتخرج منهم شتايم وسب .... لدرجة عاوزة اقوله حرام عليكم روح احلق دقنك دى لانك محسوب على المسلمين اونطة مرة كنت باشترى من محل حاجة لاقيتها اعلى من تمنها هو صحيح مكنش مربى دقنه لكن لما كلمته قالى بصى انا مشغل قران مش اغانى بس انا فهمت انه بيتاجر بالدين فرديت عليه قلت له انا مش باشترى ولا انت بتبيع بالقرآن وسيبته ومشيت حتى بعد مانزل تمنها ولحد دلوقت لما بامر من عنده بنتى تقولى الراجل بتاع القرآن اهو عارفين عندنا فى اسكندرية مسميين الشيوخ اللى من النوعية دى ايه شيوخ تيوان يعنى شيخ كده وكده الناس دى وامثالهم وفيهم بعض السلفيين برضه هم اللى شوهوا صورة الدقن والجلابية والاسلام عامة ناس كتيرة فى المنطقة عندنا مربية دقنها وبتلبس جلباب وسلفيين كمان لكن الناس بتحترمهم وتقدرهم من معاملتهم الكويسة وبيقدموا خدمات وهم الى حموا المنطقة وكونوا لجان شعبية ونظفوا الشوارع وقت الثورة يعنى من الاخر المعاملة هى الفيصل لاعطاء الصورة وكون البعض استغل الصورة دى مش ذنب سلفيين ولااخوان ذنب الفكر اللى جعل دول يعملوا كده وذنب اللى بيعمموا ويقولوا اه السلفية كلهم كده

اقولكم على حاجه مش تتعبوا نفسكم الدوله مش عاوزه تحل الموضوع احنا زى لما نكون بنتكلم فى معادله كيميائيه صعب حلها او فهمها الموضوع بسيط قوى ولكن هما عاوزين كده وتقبلوا تحياتى عنبو

لماضة .. لهذا السبب ذكرت أمثلة .. هناك مشروعات قومية رائعة .. لكنها لا تجمع أحدا حولها لأن تحتاج الى مستويات عالية من الوعي .. مثلا اعادة بناء مصر .. اليس مشروعا قوميا .. لكن ما عنيته أنا أن يكون له صفة التجميع .. شيء مادي محسوس ,, يستشعره الجميع .. يحمل طابع التحدي .. و ليس فيه تعقيدات و ندوات و ما الى ذلك .. شيء تسخر له امكانيات الدولة و قدراتها .. شيء واضح جلي شاخص .. هدفه تجميع المصريين .. كل ما قيل عن مشروع زويل أو مشروع الباز هى مشروعات أقرب لكونها حكومية عن أن تكون قومية .. فالحكومة ستخطط و الشركات ستبني تماما كمشروع مترو الأنفاق أو توشكى .. لكننى أتحد عن شيء آخر .. ربما لا أعلمه .. لكنه يجمع الناس حوله .. حتى لو كان الدخول فى حرب .. فما أبشع أن تهزم الدول داخليا دون حروب .. و ما أبشع الحروب الأهلية .. المصريون تجمعوا فى ميدان التحرير و ذابت اختلافاتهم لأن الثورة كانت مشروعا قوميا .. اسقاط نظام مبارك كان مشروعا قوميا .. لكننا للأسف صببنا على كل هذا الماء البارد .. و دخلنا فى متاهات الاستفتاء و الثورة المضادة و التواجد الديني و الفتن الطائفية و المظاهرات الفئوية .. فانهار التجمع العظيم .. و صرنا الى شتات الفتنة و الفرقة .. ماذا لو قررت مصر دخول السودان و اعادة وحدته .. أو قررت مصر شق رافد ثالث للنيل يصب فى البحر المتوسط .. أو انشاء جهاز أمن شعبي فى كافة أنحاء البلاد . أما الحديث عن مشروعات للنهضة بالتعليم و الاكتفاء الذاتي فى القمح .. فهذه مشروعات لا تحس و لا تدرك آثارها الا على المدى البعيد .. أرجو أن تكون فكرتي واضحة .. تحياتي مهيب

الله يسامحك يا دياب بقى انا بميع الموضوع اولا انا مش سلفى بالمفهوم السائد لمعنى كلمة سلفى علشان اكون متهم ومش عارف ارد فاتجه الى تميع الموضوع زى ما حضرتك اتهمتنى ثانياً انا كل اليى عاوز اقوله ان السلفيه فكر ولكنها ليست جماعه ودى الخطاء اليى بيقع فى كثيرون يعنى اى واحد مربى لحيته ولابس جلابيه قصيره وبيعمل مصيبه مش بيعلمها علشان هو سلفى ولكن بيعملها علشان هو عاوز يعملها بدون مافى حد يقوله اعمل او متعلمش وزى لما قولت ان السلفين غير الاخوان الاخوان جماعه ليها اهدافها ومنظمه جداً ويصعب الى حد ما اختراقها ولكن السلفيه فكره ممكن واحد يكون شكله سلفى وهو لا سلفى ولا نيله وبالنسبه لموضوع سعاد والجاموسه وليه اخترت باب موضوعات خفيفه ومرحتش ليه على موضوعات جاده لانى حبيت اناقش المشكله بشكل ساخر وكوميدى ومش عاوز اعصابنا تبقى مشدوده ويبقى الموضوع بسيط يعنى وعلشان كده حاولت انى اهزر شويه وانا بكتب الموضوع يعنى علشان يبان ان الموضوع بسيط يعنى فى ظل حالة الاحتقان والشد اليى احنا بنعيشه اليومين دول تحياتى عنبو

ليس من المفترض أن نقوم كلنا بعمل واحد بل يجب أن ننظر إلى الفراغ لنسده وهذا ما فعله من تسخر منهم فهؤلاء البنات لهم أهلهم وأجهزة الدولة والإعلام وقد يكون من تسخر لهم من هؤلاء البنات أرى الاستهانة بحرية العقيده في دولة ما تدعي المدنية أو هكذا يريد أهلها لها أمر مشين وكذلك التضحية بها تحت أي مبرر ومن أدراك أنه لم يكن تحت تأثير التعذيب وأن قلبها مطمئن بالإيمان!!!!!11؟؟؟؟؟؟؟ ألم يكن مخططا أن تذهب عبير للشهر العقاري لتغير دينها الإسلامي ؟ ولما أطلق سراحها وجدناها مسلمة على عجالة لابد من حل جذري وسريع لحرية العقيدة وإلا سيتكرر هذا السيناريو كثيرا لوجود ألاف الحالات المشابهة ونقطة مهمة أحب أن أو ضحها لأني على علم بها وهي نتيجة لغياب دور الدولة وتآمرها على من يغير دينه إلى الإسلام واضطهاد الكنيسة والتي بدأ يظهر الكلام عنه بعد مساحة الحرية المتاحة ولأنه لابد أن يوجد من يساند هؤلاء من باب أن هذا من الدين ومن الإنسانية والمرؤة تقدم لذلك رجال عرفوا في أنحاء كثيرة من مصر يتوجه لهم هؤلاء المصتضعفات يقومون معهم بكافة الإجراءات القانونية وإيجاد المأوى وتوفير من يعلمهم دينهم الجديد من أخواتهم المسلمات والتكفل بما يجحتاحونه من مال (والذي يكون من تبرعات) سواء للإنفاق على الإشهار والذي يكون مكلفا ويستغل من معدومي الضمير نتيجة لما يعرفونه من اضطهاد هؤلاء النسوة وأن هناك من بطلبهم ومستعد لبذل الكثير من المال وكذلك لتصريف أمور حياتهم مثلهم مثل غيرهم وأيضا العمل على تزويجهم مثل هؤلاء الناس في النظام السابق تحملوا الكثير ابتغاء وجه الله وإذا عاد دور الدولة وحمايتها لهؤلاء فلن يكون لهؤلاء الرجال دور فقد كان أمرا شاقا وكلفهم الكثير ياريت نعمل جميعا على إزالة بؤرة التوتر هذه وإلا ستكون كارثة وما أتعجب له أن يمر وجود أسلحة في الكنيسة والإطلاق الكثيف للنار مرور الكرام بل وهناك من يحصرها في شخص واحد أو يدعي أن الطرفين كان معهم سلاح ويسقط من نظره أن ألاف كانوا هناك وشاهدوا ذلك بأنفسهم ويحكون في كل مكن ما شاهدوا وهذه وحدها فتنة كبيرة ولننتظر ما ستكشفه الأيام القادمة وربنا يستر على البلد

يا ريت نستنى تحقيقات النيابة تخلص كل شوية جزء جديد بيتكشف و يا ريت نلتفت للمهم الموضوع في يد النيابة ثم القضاء مهمتنا الاكبر ان نقلص المساحة التي يتحرك فيه التعصب و يتوقف فيها العقل على كافة الاصعدة بعد سماعي لمكالمتها مع محمود سعد النهاردة تيقنت أن الجنازة حامية والميت .... ازاي واحدة متزوجة ولم تطلق بعد ، حتى لو أشهرت اسلامها تتزوج بعقد عرفي ، وطبعا هي بعد ماقالت عن جوزها الجديد ،رجعت وقالت انها لسه فى اجراءات الطلاق من الزوج القديم. ================================== لكن الواضح من مكالمتها أن رجال وراهبات الكنيسة قد احتجزوها ، وهذا يدعونا ان نطالب الحكومة والمجلس العسكري ومنظمات حقوق الإنسان أن يفكروا فى قانون يجرم ماتفعله الكنيسة والتي تقوم باحتجاز افراد بدون اي صفة ، الكنيسة ليست دولة داخل الدولة وليست لها أي سلطات تنفيذية او قانونية تخولها فى احتجاز رعايها. فلنطالب بقانون موحد يحمي المصريين من أى ضغوط تمارس على الأفراد فيما يخص توجههم العقائدي او السياسي.

تماشيا مع نظريات المؤامرة تفتكروا صدفة ان بين 6 ابريل و 6 اكتوبر 6 شهور ! :happy:

السلام عليكم و رحمة الله و بركاته يا عنبو افندي مصائك صعيد...(مش حاططلي التوبيك في موضوعات خفيفة و قاعد تلت و تعجن عن الجاموسة و بعدين هووووووب دخلت ع ام عبير اللي هي متنكرة و اسمها اصلا ام سعاد...اتصدق انا تهت منك قيمة 27 ثانية كدهوت و انا بقرا :P ) اللي اقدر اقولهولك ده اسمه stereyotyping يعني "نمذجة" يعني من مجرد ان تشوف مجموعة من الصفات....قووووووووم ايه تصب البني ادم اللي قدامك دوت في قالب جبس و لا اجدعها مبيض محارة يعني لما تلاقي حد مربي دقن و مقصر الجلابية ع طول من غير ما تتكلم معاها توماتيكي توماتيكي تلاقي دماغك اترص فيها عنه مجموعة من الافكار يعني هتندهش مثلا لو انه بيسمع موسيقي..و هتذبهل مثلا انه بيعرف ينكت و كده يعني...ولا و الاحلي انه طول الوقت نفس القالب مرسوم في دماغك و يا حرام هو بيعافر طول الوقت عشان يثبتلك انه كول و روش و عادي يعني نفس الحكاية زمان لما كنا في الجامعة...(صعيد بقي و ليلة يا عمي)...انا روحت الكلية اول يوم لقيت كل الاخوات لابسين حجاب محتشم اوي يعني...خمار و واخدين جنب بعيد عن الاولاد...اختك بقي كنت رايحة بجينز...و قميص ابيضو لابسه عليه كرافته منقطة ابيض في اسود....(روشنة يعني )...و لما قابلت زمايلي في الدفعة....كانت جريمة شنعاء اني بكلم ولاد يعني و اتحطيت في قالب....لماضة بتاعت بلاد الفرنجة...حييلو...(هز راسك و قول حيلو) خد عندك سافرت بلد تانية خالص لقيت اول سؤال يتسال لاي بني ادم انت من فين لان بناء عليه هيتحدد مسار الحوار...يعني لما اعرف انك فلسطيني...غير انك باكستاني...(مرة واحد زميلنا مصري يا عيني ملامحه باكستاني خالص....عامله ازمة و هو بيعرف نفسه و بينفي بشدة حكاية ملامحه ديت....) غير بقي لما تعرف انه كندي مثلا و ع فكرة لقيت كل ده اكتر في الناس اللي المفروض متعلمة و ربنا اداها نعمة العلم انها تفتح دماغها علي حياة بحالها دي قوالب يا سيدي الفاضل قوالب عمالين نتصب فيها و نصب اناس التانية فيها بنفتكر ان كده احنا فاهمين بقي و اروبين....(يعني اروبة يعني)....و قال خلاص هنعرف نتعامل مع الناس لكن في الحقيقة احنا ضيعنا من عمرنا كتير اوي اوي...و احنا عايشين جوه دماغنا احنا...و ضيعنا علي نفسنا فرصة غير عادية ان احنا نتعرف علي بني ادمين تانين من غير ما نحكم عليهم بقالب....جاهز عيش حياتك.....و متضيقشي الكون الواسع اوي ده بكل مفرداته الثرية جدا....و احنا عمالين نخنقها في قوالب..طب ليه عشان نحس ان احنا متطمنين لدماغنا....بس فين روح المغامرة انك تكتشف البني ادم اللي قدامك...بدماغه هو مش بدماغك انت هتلاقي نظرية القالب في كل حاجة......(و ع فكرة بتاخد وقت منك انك تطلع براها...وده لما انت ذات نفسيك تطلع بره القالب) بس خلاص مساك......بره القالب جدا...عشان نعرف نتنفس...و نعيش

الشيخ محمد حسان : قتل المسيحي جريمة بشعة ولا نقبل اهانة قبطي وكتير من مشايخ السلفيين النهاردة انكروا احداث امبابة ....... واكدوا انهم ضد الفتنة الطائفية منهم مشايخ السلفيين في امبابة

مافيش حاجه اسمها شباب ثورة يوليو يا استاذ شرف ... ومافيش حاجه اسمها ثورة يوليو أساسا ... ده كان انقلاب سيطر بعده العسكر على حكم مصر ستة عقود حتى وصل حكمهم الى نهايته في 25 يناير 2011 لن نسمح لأحد أن يحدد مستقبل مصر ويدير شؤون البلاد سوى الشعب المصري ... لا مجلس عسكري ولا غيره ... ومؤامرة الفوضى الأمنية والفتنة الطائفية التي تتم الآن من أجل إجبارنا على التخلي عن مطلبنا في نظام ديموقراطي لن تنجح ... وستتم الانتخابات البرلمانية ويبكون لدينا رئيس مدني للبلاد كلمته تمشي على العسكريين زي كل بلاد العالم المتقدم، إن شاء الله ... يا استاذ شرف مشكلة حضرتك واضح انها ليست مع نواره ولا مع ابراهيم عيسى ولا مع ميدان التحرير كله ... المشكلة أنك لا تريد للثورة أن تكتمل لتفرز حكما ديموقراطيا وتفضل أن يحكمنا عسكري مثل أحمد شفيق لنعود لنظام حكم مبارك بوجوه جديده.

ازيكم يا اهل المنتدى ايه الاخبار يا جماعة ؟ ربنا معاكى يا رونا وابقى طمنينا عليكى؟ يا ترى الرحالة وموريال اخبار المديكال ايه؟؟

أخى ابو هنا قد يكون لك مطلق الحرية فى المطالبة برأسى لو ترى ذلك ....!! ولكنى لم اراك لم تستنفر قواك وعزميتك سالفاً .... ولم تتبنى قضية حقوقية مماثلة للدفاع عن الشهيد سيد بلال مثلا ؟؟ ام ترى أن قضية سيد بلال المسلم كلها ملل وكلل ولا يستحق ابنائه الايتام مننا اى اهتمام ؟؟ ام ترى ان كاملييا تتمة الدين واسرة سيد بلال بأكملها لا وزن لها ولا محل لها من الاعراب فى قاموس الحريات ..؟؟ اتعجب استغرب اذبهل لاهتمام فى غير محله بالله عليك يا اخى اهتم فقط بهنا علها تكون افضل من عشرات ومئات من كاميليا ... اخيراً تقبل تحياتى ...

30 سنه.. واللى ما يتسمى.. بيحكم مصر ..بنار وحديد 30 سنه تزوير .. وطوارئ.. ومهانه .. وظلم.. وتهديد 30 سنه .. قَضَـــاهُم ســرقه.. ونهب ف ثرواتنا..وتبديد 30 سنه .. تعـــــلــــب مكـــــــار طــــالع .. نـــازل... كالمنشـــــــار وعصابتُه .. بتلهــط .. وبتشفـــط بتحدى ... وجِــــد .. وإصــــــرار والمخلوع .. كالعاده مــغمــض.. عينه .. ومِنفض تنفيض ويقولك ..ونا مالى..ما تخرَب ..ومادام أنا عالكرسى سعيد يبقى أطنش .. بـس وا فــكر ..فى التوريث.. أو فى التمديد لكن ربـــك.. بالمرصـــــــاد..يِمهــل..لكن..بأسُـه شديد قال للثوره..قومى يا ثوره.. فجأه .. لاقينا.. الإيد فى الإيد فى التحرير..ملايين ملايين.. عايزينك.. ترحل.. يا بعيد والهدف اتحقق..واخيـــراً.. يوم ما خلعت..دا كان يوم عيد ياللى ماتتسماش .. يا بعيد ولأن(( الشعر.. بالشعر .. يُذكَر )).. فقد الهمتنى أيضا قصيدتك اللاذعه الرائعه الساخره .. تلك الازجال المنظومة أعلاه.. وقد حاولت السير على نهج قصيدتك .. قدر المستطاع .. فى سعى حثيث ..للتواصل الشعرى الذى يدور حول نفس الفكره ... وهو شئ ممتع .. وثرى اتمنى ان نرى اعمالك الجميله والمعبره تزين صفحات المحاورات ثانية .. فكم نحتاج للاقلام المبدعه مثلك اختى الفاضله والشاعره المميزه ام كريم .. والافكار المتجدده .. لتحريك المياه الراكدة اكثر واكثر بقاعات الادب والشعر .. مع خالص تقديرى واحترامى لموهبتك التونسى

مفيش فايده نقول ثور... يقولوا إحلبوه ....

بسم الله الرحمن الرحيم الأخوة الكرام / أعضاء المنتدى تحية طيبة وبعد ... ( 4 ) التخطيط و الطلب الحقيقي 000 الطريق الصحيح للقضاء على المضاربة أكد هاني العسال – رئيس مجلس إدارة مصر إيطاليا للإستثمار العقاري أن السوق العقاري في حاجة إلى إعادة تخطيط علمي و منظم لضبط حركة البيع و الشراء في الفترة القادمة ، مشيراً إلى أن أسعار الأراضي و العقارات شهدت إرتفاعات جنونية و غير حقيقية على الإطلاق في الفترات الأخيرة ، وذلك بسبب المضاربة و المنافسة الشديدة بين الشركات ، حيث كانت المضاربة هي الطابع المميز للسوق العقاري ، فضلاً عن قلة التخطيط و ندرة الأراضي المرفقة التي تصلح للعمران ، الأمر الذي أدى إلى البيع و الشراء بسعر المضاربة ، و أضاف العسال أن الشركات الكبيرة إحترفت الدخول في المزادات و شراء الأراضي بأعلى الأسعار و إنتاج وحدات سكنية مغال فيها جداً ، وذلك بسبب سياسة طرح الأراضي بالمزادات التي أشعلت السوق ، موضحاً إن كانت القيمة العالية للأرض يدر عائد كبير للدولة فهو يأتي بالسلب على المشتري في النهاية ليكون هو ضحية السياسات الخاطئة . وقال العسال إن وجود حالة طلب حقيقية لمستهلك يشتري لحاجته الفعلية إلى المسكن و الإقامة فيه ستكون إحدى ركائز السوق في الفترة القادمة إنهاء عمليات المضاربة و القضاء عليها تماماً ، مشيراً أن السوق العقاري يمر بمرحلة هدوء و ترقب من جانب الراغبين في الشراء . خالص تحياتي مهندس / أشرف محمد

بسم الله الرحمن الرحيم أخي الفاضل /emsadeck تحية طيبة وبعد ... لا تنسى يا أخي الفاضل أن أسلوب البيع بالمزاد له أيضاً سلبياته حيث سيؤدي ذلك لزيادة سعر متر الأرض و بالتالي زيادة تكلفة الوحدة السكنية و ندخل ثاني في مرحلة إرتفاع الأسعار مما سيؤدي في النهاية إلى عدم مقدرة هذه الشركات في تسويق وحداتها السكنية لاحظ أنه في نفس الوقت ستطرح الدولة أراضي مدعمة و بكميات كبيرة و هنا ستجد الكل سيجري وراء الحصول على قطعة أرض لبناؤها ( خاصة أنه ستكون هناك آليه جديدة للطرح غير نظام القرعة السابق تطبيقه لعدم دستوريته ) مما سيسبب مأزق آخر لهذه الشركات لتفضيل كثير من الناس أخذ قطعة أرض و بناؤها عن شراء وحدة سكنية . خالص تحياتي مهندس / أشرف محمد

-1- إني غضبتُ فقبلِى غضبي وتقبلي ما شئتِ من عتبي إن الذي عشق الجنون بمقلتيكِ تحيطهُ أيقونة التعبِ إني إذا ألقيتُ فيك عواصفي وصرختُ أني راحلٌ سيردني قلبي -2- سلامٌ عليكِ سلامٌ القلق وخوف الغريب وليل الأرق وذعر الغريق إذا يعتريه قدوم الغرق فكيف تلومين قلبا حزينا إذ يحترق (*****)

وتلك الأيام ،، تلقي بنا دوما .. نحو سواحل جديدة ،، وفي الليل الأزلي تأخذنا بدون رجعة !! ولكن ،، عبثا أسألك ،، بعض الوقت : هل من مزيد ؟! ويفلت الوقت مني ،، ويفر أقول لهذا الليل : “تمهل” ! والفجر لا محالة سيبدد الظلام فلنعشق // إذا فلنعشق ..! ومن الساعة الهاربة ،، فلنعجل ،، ولننعم ! ليس للإنسان مرفأ ،، ولا للزمان ساحل : فالزمان يجري ،، ونحن نمر !! ( لامارتين - شاعر فرنسي)