لوحة القادة

عايز أقول..ومحدش يزعــل المنـتـدى بـقى دمُــه تـقــيــل ودا شئ واضح.. جـدا جــدا مش محتاج .. برهان ودليل المواضيــع.. أغلبها سياسه ومُجادله.. ومــــط..وتطويل والإشاعات ..أشكال.. ألوان نــازله تِرِف .. كــأنها سـيـل واللى يقولك .. سلفى وجاهل واللى يقول .. علمانى عــميل واللى بيـمـدح.. فى الإخـوان ويــذِم .. فى حــركة إبــريــل واللى بيتــكلــم ..ولا يســمــع وتحــــاورُه .. يوريــك الويل إيه يا جماعه..الرحمه شويه التـغيير..شئ بــردٌه جــميــل لوغلطان..ف كلامى..لومونى ونا بشكـُـركم .. شُكر جزيـــل أنا بشكُركم....شُكر جزيـــــل ملحوظه : اللى يزعل من كلامى ...يقيمنى بالأحمر ..وميهموش ..والتقييم بالأحمر ...لا يفسد للود قضيه و.....التونسى

مش حانكابر ولا حانقول ....احمد بيه هو المسئول . اصل الناس وقعت ف الحيرة ....حتى الخبطة بقت من الجيرة . صنف البن نقص من السوق .....وعندك شاى حبيب مغشوش . لسا محدش شاف اصلاح...... نفد الصبر وقلنا ده راح. تضحك كيف والبال مش رايق ......داحنا قلوبنا على لسان دالق. حلو كلام طالع من الجوف ...... قاله انسان عدا من الخوف . بكرة تلاقى سكة براح.......ومداخلات كلها افراح. صباحك نور وبدايته عظيمة ......مصر خلاص مفيهاش تقسيمة . كله حايدخل ف الخلاط.......تطلع حاجة بلا احباط . صباح النور والأمل......وهيا بنا الى العمل :clappingrose:

مايحدث وماسيحدث الان فى مصر من حرب اهليه بين المسيحيين والمسلون لابد ان تقف الحياه فى مصر لحل المشكله المشكله اكبر من السلفيين واكبر من فلول النظام السابق المهم الحل معروف والكل مش عايز يحل كل من المسلمون والمسيحيون يقولون الحل هو القانون والحكومه والمجلس العسكرى يقول الحل هو القانون طيب لما كلنا متفقين ان الحل هو القانو ...طيب هو مين اللى معطل اصدار القانون ومين من مصلحته ان يكون فوق القانون تخيل حضرتك ان فار دخل شقتك ونقول ان الفار ده هو الفتنه الطائفيه وحبسته فى غرفه معين وبدات تفتش تحت الحاجات عنه رفعت الكنبه الكبيره اللى هى حسنى مبارك وفتشتها كويس وطلعتها بره الغرفه شلت الكراسى اللى هم امن الدوله وصفوت وفتحى واتاكدت انهم نضاف اتبقت كنبه وشويه ورق متفرقين الكنيه هى الكنيسه والبابا شويه الورق هم السلفيين والبلطجيه وفلول النظام السابق سهل جدا معرفة الفار تحت اى ورقه منهم المهم احنا سايبين الكنبه الكبيره مش عايزين نفتش تحتها وقاعدين نقول يمكن تحت الورقه ديه...لا ممكن تكون تحت الورقه ديه ولانه لايوجد هناك دوله تضع القوانين ولان باقى المجتمع يصر على ان الكنبه ليست تحتها الفار وحتى الدوله الحديثه التى يريد العلمانيون بناءها هذه الدوله تريد ان تفصل الدين الاسلامى عن الدوله وتجعل البابا رمز لايحق الاقتراب منه المشكله بدات بهمجية بعض المسلون و لن تحل الا عندما يقرر الساده المسيحيون حلها وندعوا الله ان يهدى الجميع

طب تصدق بايه يا استاذي يا حبيب الكل انا لسه داخلة و هقول صباح الفل و هقول يا جدعان انا قلبي من الاكتئاب مل الاقيك حطتها كده و لا اجدع لعيب حريف يقول الحقيقة في الوش كده من غير تزييف احنا بجد قلوبنا بقت محتاجة تنضيف عايزين نعيشها بقي...ده البني ادم ماشي فيها خفيف خفيف توهت في زحمة.....التعريف انا بني ادم...متغرب عن روحه...و بنتحت في الملكوت مش لاقيلي تعريف و محاول الاقي روحي......هنا....من غير تزييف هعافر و هتعافر معانا ما هي الحياة كده مش هتيجي غير لما ناخد السعادة تخطيف صباحك استاذي....نسمة سعادة....تخليك تقول....يا لطيف ...يا لطيف :)

السلام عليكم ورحمة الله وبركاته تحيه طيبه وبعد مشكل الفتنه الطائفيه اليى بقالنا تقريبا اربعين سنه بنحاول نحلها ومش عارفين نحلها او مش عاوزين المهم علشان نخلص من حسبة برمه او نخلص من المعادله الكيميائيه الصعبه اليى مش عارفين لا نحلها ولا نفهمها من وجهة نظرى ان الحل يمكن فى شىء واحد فقط لا ثانى له هو سيادة الدوله والقانون والثقافه دى لازم الشعب كله يتبعها بمعنى ايه لما واحد يجى يقولى فيه واحده الكنيسه خطفاها قوله تمام تعالى معايا نطلع على اقرب قسم ونبلغ وهنا دورى بنتهى تماماً انا كده عملت اليى عليا لكن اروح احاصر الكنيسه ولا اروح افتش الكنيسه ليه بصفتى ايه يعنى اروح اعمل كده هو انا جهه تنفيذيه كده مبقتش دوله كده بقت فوضى طيب هتقولى ياعم مهو الدوله متحالفه مع الكنيسه ( كلام يعنى ) والامن الوطنى وامريكا وووو.......الخ هقولك والله ياسيدى لما تلاقى فيه تخاذل من الدوله يبقى اطلع اعمل مظاهره ضد الدوله وليست ضد الكنيسه لان انت مالك ومال الكنيسه انت ملكش حاجه عند الكنيسه وملكش سلطه عليها انت فيه عقد بينك وبين الدوله يبقى لما الدوله تخل بالعقد تتظاهر ضد الدوله وطبعا متجبش سيرة الكنيسه لان مشكلتك مع الدوله ولكن اليى بنشوفه اليومين دول الناس تتظاهر ضد الكنيسه طيب ليه يعنى هو ايه اليى بينك وبين الكنيسه علشان تتظاهر ضدها ايه اليى ليك عند الكنيسه يعنى علشان تطالبها به انا بحد مستغرب من المنطق ده على الجانب الاخر تلاقى واحد مسيحى يجى يقولك دول المسلمين دبحو واحد مسيحى فى عيد الاضحى اليى فات وانا شوفتهم ولا واحد تانى يقولك دول المسلمين بيخطفوا بناتنا علشان يخلوهم يسلموا قوله طيب ياسيدى تعالى نروح على اقرب قسك شرطه نبلغ وهنا ينتهى دورك تماماً انت ملكش حاجه عند المسلمين علشان تطلع وتتظاهر ضدهم انت المفروض تتظاهر ضد الدوله ومتجبش سيرة المسلمين لا بحلو ولا وحش لانك ملكش حاجه عند المسلمين انت مشكلتك مع الدوله روح طالبها بيها طيب لو الناس اليى فى الطرفين عملوا كده هل هتحصل مشاكل طائفيه طبعا لاء لانه فيه دوله قويه بتنفذ القانون طيب هتقولى وليه ده مش بيحصل دلوقتى ؟ وايه اليى مانعه يعنى احناعندنا دوله وعندنا جيش له ترتيب عالمى وعندى جهاز شرطه وعندنا جيش تانى من الامن المركزى وعندنا اجهزة مخابرات والامن الوطن طيب ليه مع ده كله ده المشكله مش بتتحل هقولك روح اسأل الدوله هما ليه مش عاوزين يحلوا الفتنه الطائفيه مش تسألنى انا لان اليى انا شايفه ان الموضوع بسيط قوى ان كل واحد يزعل من التانى او يشك فيه يروح للدوله هى اليى تحكم بينهم رضى الحكم اوكيه مرضيش يبقى مشكلته مع الدوله مش مع الطرف التانى لاالدوله هى اليى خذلته طيب واليى يرفض يروح للدوله علشان تحكم بينهم يتسحل علشان يعرف ان فيه حاجه اسمها دوله وسياده القانون تحياتى عنبو

بعد ما خلصت الشغل اللي ورايا..رجعت في الكرسي لورا شوية..و قلت أسترجع شوية من ذكرياتي..و أنا باخد شفطة من كباية القهوة..و بعدين قلت..أنقلها هنا..يمكن تتحط في كتاب كده ولا حاجة..و نبيع و نقب علي وش الدنيا بأه..بلا غربة بلا وجع قلب هي شوية مواقف كده حصلتلي في الغربة..و بتبدأ من أول سفرية ليا في ليبيا.. أول واحد..حصل في أول يوم شغل ليا في طرابلس..و أنا راجع من الشغل..ركبت مواصلة كده اسمها أفيكو..المهم..الأخ اللي ورايا..عمال يشاور علي الشباك..ويقوللي..سكر الروشن.. قلتله..حاضر..ان شاء الله طبعا أنا لا عارف يعني ايه سكر..ولا يعني ايه روشن شوية..قاللي .. يا أخ..سكر روشن..قلتله طيب يا عم..اهدي بس كده..وبعدين قلت لنفسي..يمكن بيشاورلي علي حاجة بره..فبصيت من الشباك..وقلتله آآآآآه..تصدق.. الراجل بعدها ما مسكش نفسه..و قام قافل الشباك اللي جمبي..قلتله..ياراااااجل..ما تقول من الصبح سكر روشن .. لازم تصعبها عليا يعني؟؟ طبعا سكر يعني اقفل..و دي حتي هنا في الخليج..و الروشن..دي كلمة دارجة بالليبية .. يعني شباك..و فيه رواية انها كلمة ايطالية أصلا مش ليبية..والله أعلم. موقف تاني..حصل لواحد صاحبي ..واحد من الطلبة اللي عنده قالله..يا أستاذ..اديني رقم نقالك (يعني موبايلك) عشان أتصل بيك لو احتجت حاجة قبل الامتحان,,صاحبي قالله أنا مش حافظ رقمي..اديني رقمك أرن عليك و احفظ النمرة عندك بعد كده..الراجل اداله الرقم..صاحبنا بيرن عليه (خلي بالكوا..كل ده و هما واقفين مع بعض..وجها لوجه) الراجل تليفونه رن..من تليفون صاحبي طبعا..الراجل قالله..دجيجة ياستاذ..جالي تليفون طبعا صاحبي وقف مذهول لبضعة دقائق..وبعدين خد بعضه و روح و هو بيكلم نفسه.. تالت حاجة..و دي تقريبا كنت حكيتها قبل كده هنا في المنتدي .. بس بصراحة كانت حكاية في غير محلها .. أقدر أحكيها هنا..و أنا عاوز كل واحد يحط نفسه مطرحي..و يقوللي..ماذا تفعل لو كنت مكان الراوي؟؟ واحد زميل في الغرفة..قلتله..هنشترك مع بعض..و نجيب غلاية..و باكو شاي..و كام كيلو سكر..و برطمان نسكافيه..و حاجات من دي..عشان تبقي عندنا هنا في الأوضة..بدل المطبخ اللي زمايلنا في الشقة قلبوه مزبلة.. الراجل يقول..لا يا عم أنا ماليش في الشاي و القهوة و الكلام ده.. خلاص . أجيب أنا علي حسابي و أمري الي الله..مش مشكلة..و أهي تبقي الحاجة بتاعتي و لا الحوجة لحد جبت الشاي و السكر و النسكافيه و الغلاية..وكل حاجة..و أصحي من النوم يا معلم علي صوت خبط و رقع..ايه ده..فيه ايه؟؟ أتاري الأخ .. حاطط في كباية معلقتين سكر..و معلقة نسكافيه..و معلقة مية..و عمال يضرب النسكافيه في الخلاط اليدوي ده..و فاتح الغلاية و بيغلي مية.. قلتله..انت بتعمل ايه يا سيد؟؟ يقول..يا أخي ما بعرفش أبدأ يومي من غير مج نسكافيه عالصبح..؟؟ ما بتعرفش تبدأ يومك..يا أخي عنك ما بداته يا بعيد..أمال بقالك ييجي 25 سنة بتبدأ يومك ازاي يا منيل؟؟ طبعا ما دفعش مليم في الحاجات دي..و أنا طبعا محرج..و عمري ما هقولله ما تستخدمش الحاجات بتاعتي.. موقف كمان..بس ده حصل في السعودية..وواحد صاحبي اللي حكاهولي.. معاه واحد سعودي..لقاه بيتكلم في التليفون..المكالمة كالتالي : (طبعا احنا ما نعرفش الطرف الثاني بيقول ايه..ده كله كلام الراجل بس) - والله ما أدري - والله ما أدري - والله ما أدري - ما أدري والله - عليكم السلام بس كده..المكالمة خلصت..وقفل السماعة... ايه المكالمة اللي مالهاش أي لازمة دي؟؟ الموقف ده بأه..حصل معايا..أول ما جيت السعودية..كنت في القصيم..و كان أغلب اللي شغالين معايا هنود..و كفيلي كان بيطلب مني أحيانا أشرحلهم حاجات عندنا في البرمجة..المهم,,,شرحت لواحد فيهم..و أقولله فهمت؟؟ يهز دماغه يمين و شمال..طبعا دي عندنا يعني لأ أعيد تاني..و أقولله..فهمت يابا..يهز دماغه..يادي النيلة..آخر مرة و مش هعيدها تاني و أشرح..وفهمت يابا الحاج؟؟..يهز دماغه..فيييين و فيييين..الكفيل قاللي..يابني..دي يعني أيون..مش يعني لأ زينا طبعا بعد ما كنت جبت آخري و قلت مش هشرح حاجة تاني..و عنهم ما فهموا وان شاء الله الموضوع مفتوح لمواقف أخري للأعضاء..يلا..خلوا المنتدي يرجع تاني كده..بدل الكآبة اللي احنا فيها اليومين دول

السلام عليكم و رحمة الله و بركاته لان الجواب بيبان من عنوانه ففكرتو تساءلت و تعمقت و ابحرت و بعدين قوولت بولولوم و انا بسال نفسي بتختاروا عنوان التوبيك ازاي يا تري يعبر عن مضمون التوبيك؟؟؟ يا تري يكون مستفز؟؟؟ عشان الناس تخش و تقراه؟ يا تري بيكون صادم زي...اوقات كده الواحد يصحي الصبح بالليل يلاقي توبيكات عنوانها فعلا صدمة؟؟؟ يا تري بتحاول تفكر في الكي وردس اللي ممكن لو اي حد بيدور علي موضوع يلاقي الموضوع بتاعك في الموضوعات المشابهة الحقيقة دي ورشة عمل صغيرة....ازاي تختزل فكرتك في العنوان اللي هو مدخل مش بس للموضوع....بس كمان مدخل ان احنا نشف ترتيب الكاتب في طرح افكاره؟ و ممكن لو جابوتم الاسئلة اللي فوق تدونا امثلة علي اكثر العناوين تشويقا اكثر العناوين صدمة اكثر العناوين مالوش اي علاقة باللي تحته و كده يعني كان معكم لماضة ترينر علي اد حالها

خلاص ياعم من غير زق واحدة واحدة كده بالراحة دا عتاب بسيط من غير بجاحة اهلى واهلك قالوها صراحة المريض عشان يشفى ويتعافى لازم ولابد نعمل له جراحة وابدا مافى دوا من غير نواحة لكن لو صحيح زهقان م السياسة اجرى روح عل الاستراحة وابقى ادعيلى فى خمسة سياحة

عموما رأيك له احترامه وأنا مع الثوار المحترمين المسالمين من أول يوم ولكن حتى أكون متوازانا أخبرني زميل لي بهذا الفيديو ولما رأيته أقمت شهادة لله تفيد عدم رضائي عنه كما كنت دائما وما زالت غير راض عن تعامل الشرطة السابق مع المواطنين ولكن أريد أن أقول آن الأوان لأن نفتح صفحة جديدة فهم قد أخطأوا وبعضنا أخطأ وعفا الله عما سلف ومن عاد فينتقم الله منه الفيديو لا يحوى اكلة لحوم البشر وده رد فعل فطرى لانسان مقهور و لغةانتقاد الثورة دى هى لغة الفلول الذين لا يجرؤون على معاداة الثورة بشكل واضح---------يللا ----------

وانا كمان بتفكرني لما نيجي نقول لليهود كل واحد فيكم علي دين امه علي اساس ان المولود لام يهوديه ياخد ديانتها

السلام عليكم و رحمة الله و بركاته استاذي انا لسه مشوفتش الفيديو بس لفت نظري التوبيك و لفت نظري الجملة اللي حضرتك بتقول فيها: "الوجه القبيح للثورة" و لو تسمح لي ليه بقينا عايزين نشوه كل حاجة حلوة بتحصل حقيقي الثورة دي كانت ثورة شعب كله مش ثورة مجموعة بعينها يقي اي تشويه ليها هو تشويه للناس الكتير اوي اللي شاركوا فيها ليه بقينا حادين اوي في حكمنا علي الاخرين ليه كلنا بقي ماسك كرباج يضرب بيه اللي حواليه عايزين ننقدهم عايزين ننقد الثورة طبيعي لان اول مبدا هو العدالة....و اول مبدأ ان مش هنتعامل مع حد انه إله هننقد الثورة....هننقد حاجات كتيرة فيها بس مش هنجلدها و لا هنجلد نفسنا.....عشان كل الطاقة دي عايزين تورح في حتة تانية طاقة "القبح" بتخلينا نتآكل من جوانا...و نتفتت و احنا مش هو ده اللي عايزينه الثورة مستمرة.....مش عشان الناس مش هتلاقي حاجة تثور عليها تروح تثور علي نفسها الثورة مستمرة.....بالروح بتاعت الميدان و ىاللي بنحاول انها ترجع في الناس تاني عشان زي ما الشيخ الشعراوي قال....الثائر الحق هو الذي يثور علي الباطل ثم يهدأ ليبني الامجاد هو بناء الأمجاد ده مش برضه محتاجله ثورة....بس ثورة بناء و عطاء و انتاج تشيل كل القبح اللي عشنا فيه قبل كده سمعت كتير التناول عن التدريب من قبل مؤسسات اجنبية او امريكية و لا اخفي حضرتك انا بتلقي تدريبات اجنبية من مختلف الجهات و لما حصل موضوع مركز "خلدون للدراسات " والدي كان خايف عليا اوي و بيقولي الناس دي بتلعب في دماغكم طب خليهم يلعبوا في دماغ اللي عايزين يلعبوا فيها المهم المحصلة الاخيرة ايه انتماءنا لايه للبلد الشباب طاقة.....اذا محدش قدر يوجهها متلوموش عليه و متوصفهوش بالقبح حاولوا تكونوا معاه و تروضوا طاقته دي للبناء لهدف كبير...لمشروع لمصر كلها بدل ما نفضل طول الوقت نشكك فيهم و فينا و في كل معني كويس بنقاوم بيه كل الفتن اللي عمالين نتعرض ليها دي وجهة نظري المتواضعة جدا و تقبل تواجدي

الاخوان موجودين و السلفين موجودين فى الشارع المصرى من زمان وكل ما كان بيتم عاقبهم و كبتهم كل ما كانوا بيكتروا اكتر و اكتر الان ما بقاش الا سيرة عن الاخوان و السلفين الاخوان او السلفين هم اتجاهات دينية ام ان يتم تدخلهم فى السياسة ومالة حقهم لاى مواطن مصرى اخر لكن ...... عندما تختلط السياسة هذا شىء اخر لما تتكلم مع مواطن مصرى لابد ان اختلف معك و تقنعنى لكن لو اختلفت معك و تجيبلى ايات قرانية و احاديث نبوية تدعم رايك و تكون النهاية ان من يخالف رايك يكون كافر لا عاصى هذا ما ارفضة هذا ما اخشاة من تداخل الدين بالسياسة خاصة ان من يفهم دين الاسلام الصحيح المعتدل قلة قليلة و اتوقع ان الانتخابات القادمة هتكون اسخن انتخابات تمر على مصر اتمنى من الله ان تمر بسلام

معلش بأه محمد حسان مش رمز من رموز مصرولا حاجة محمد حسان واعظ ومجتهد ليس اكثر وله سقطاته مثله مثل اي واحد فينا ولا نزكي علي الله احد اما ان السلفيين بيعتبروه رمز من رموز مصر فمعذرة فالسلفيين انفسهم ليسوا الا قله قليلة جدا ليس لها اي ثقل في مصر وكانوا متخفيين اثناء الثورة ولم يشاركوا فيها واعلنوها من قبل الثورة ولما الثورة نجحت حبوا يبينوا نفسهم وان لهم تأثير وحدثت احداث كثيرة اتهموا فيها اتهامات مباشرة بانهم المتسببيون فيها مما افقدهم الكثير من تعاطف الشعب معهم من فضلك ضع الرجل المناسب في المكان المناسب اختلف معاك تماما فى اليى بالاحمر ده يا شيخ اسلام السلفين عددهم كبير حقاً وليهم ثقل فى المجمتع المصرى دى حقيقه لا نستطيع ان ننكرها حتى لو اختلفنا معهم يعنى ممكن تشوف اى شيخ من شيوخ السلفين عدد الاعداد اليى بتحضر له الى جانب فيه نسبه كبيره قوى من الشعب المصرى بتحبهم وبتثق فيهم يعنى تقدر تقول كده محب ليهم الحقيقه يا اخ اسلام ان الاخوان والسلفين مسيطرين تماما على الشارع المصرى ودى حقيقه لابد ان نعترف بيها انا رغم اختلافى مع السلفين فى بعض الامور والاخوان ايضاً الا اننى اعترف بان لهم وجود فى الشارع بكثره ويستطيعون ان يجمعوا حولهم الملايين من الناس تحياتى عنبو

أعزائى الامر واضح جدا اشمعنى المغرب و الاردن و هم بعاد جغرافيا عن الخليج و بالاخص المغرب و بعاد اقتصاديا ايضا و هم مش من الخليج الامر باختصار هو تجمع للملكيات العربية لمواجه رياح التغيير التى تعم المنطقة و المحافظة على الانظمة الحالية.

اقترب الصيف ومعه يتسارع الالوف من المغتربين المصريين للسفر والمغادره الى ارض الكنانة ومع الوضع الحالي لهذه السنة واحداثها بعد رحيل الرئيس حسني مبارك ..... وشعور الناس بالقلق والتردد نحو الوضع الامني والقلق على الاهل ...... وكذلك ارتفاع اسعار السلع والتذاكر وما بين شوق المغتربين للعودة والتجول في مصر بعد احداث يناير وكذلك الامر بالنسبة للمسافرين من الدول الاخرى مثلي والذين لا يزالوا يترددون في الذهاب..... فهل قام كل مغترب بحجز مقعده مع اسرته من الان ومن خلال اي طيران؟؟؟ وهل تعتقد بأن اسعار تذاكر الطيران في ارتفاع ام انخفاض ؟؟؟ وهل تعتقد ان الوضع الامني يسمح بالسفر للسائحين ؟؟؟ اسئله تحتاج الى اجابه لا سيما بعد ان رايت كل من حولي من غير اهل مصر قرروا عدم الذهاب هذه السنه خوفا من الوضع الأمني؟؟؟ فهل اجد اجابات من الطرفين المصري المغترب وغير المصري؟؟؟؟

فيديو من اجمل مارايت ارشح من شارك فيه لجائزة بجد مش هزار شوفوا الفيديو للاخر هم دول ولاد مصر بجد يا ترى هل ممكن نشوفهم تانى http://www.youtube.com/watch?v=ZwSfvweUH04&feature=player_embedded

يا مهندس تيمور انا اختصمك عند الله تعالى على اللى هتعملوه فى مصر ده . حسبى الله ونعم الوكيل عليك وعلى كل واحد بيدعو للخروج هذا اليوم .

قد كان بُوسعي، - مثل جميع نساء الأرضِ مغازلةُ المرآة قد كان بوسعي، أن أحتسي القهوة في دفء فراشي وأُمارس ثرثرتي في الهاتف دون شعورٍ بالأيّام.. وبالساعاتْ قد كان بوسعي أن أتجمّل.. أن أتكحّل أن أتدلّل.. أن أتحمّص تحت الشمس وأرقُص فوق الموج ككلّ الحوريّاتْ قد كان بوسعي أن أتشكّل بالفيروز، وبالياقوت، وأن أتثنّى كالملكات قد كان بوسعي أن لا أفعل شيئاً أن لا أقرأ شيئاً أن لا أكتب شيئاً أن أتفرّغ للأضواء.. وللأزياء.. وللرّحلاتْ.. قد كان بوسعي أن لا أرفض أن لا أغضب أن لا أصرخ في وجه المأساة قد كان بوسعي، أن أبتلع الدّمع وأن أبتلع القمع وأن أتأقلم مثل جميع المسجونات قد كان بوسعي أن أتجنّب أسئلة التّاريخ وأهرب من تعذيب الذّات قد كان بوسعي أن أتجنّب آهة كلّ المحزونين وصرخة كلّ المسحوقين وثورة آلاف الأمواتْ .. لكنّي خنتُ قوانين الأنثى واخترتُ ..مواجهةَ الكلماتْ - قد كان بوسعي......سعاد الصباح-

مع احترامي لكلامك يا مسيو نادر لكن المشاركة دي مش في محلها ....اولا لاننا كنا بنفكر في الهجرة قبل ما كل الاوضاع تتغير ..ثانيا ان مش كل المسلمين في مصر ضد الاقباط و بيضطهدوهم ..ثالثا حتي لو مسافرناش ..عوننا باسم الرب الهنا...مش محتاجين حنية من حد...تحياتي

السلام عليكم اخى الحبيب إسلام تذكرت النكته الاتيه بعد قراءه موضوعك تم عمل مسابقه لإصطياد ثعلب بين امريكى و فرنسى و الثالث مصرى أمن دوله اصطاد الامريكى و الفرنسى ثعلبين و غاب المصرى فبحثوا عنه وجدوه ممسكا بأرنب و يقوم بتعذيبه قائلا له ..قول انا تعلب :P ..قول انا تعلب محمد حسان و كما سمعته بأذنى قال انه لن يرشح نفسه لاى منصب سياسى و انه متفرغ للدعوه و كذلك اكد كل الاخوه الكرام فلماذا هذا الإصرار منك على المخالفه و إفتراض انه إختلف مع السلفيين ليس فقط و تريد منه التبرأ من فتاوى الديمقراطيه و توضيح مفهومه الجديدعن الانتخابات كلها أسئله ليست ذات محل ووجود هنا لأن الرجل لن يرشح نفسه كما قال فلماذا الإصرار على أنه تعلب مع إنه ارنب ;) .

بشري لكل وافد جديد .. طال الإنتظار وجئت لكم بالخبر اليقين اليوم تم التأكد من إدارة الجوازات والهجرة ومن مصادرنا الخـــاصة أنه تم فتح وقبول جميع المعاملات الخاصة بالمصريين واليوم طلع تأشيرات كتير جدا ً ونقل كفالة وغيرة وغيرة لكل المصريين .. والناس اللي في مصر ومقدمة علي تأشيرات أبشرهم قريبا ً ستحصل علي التأشيرة وتنوروا الإمارات بلدكم الثاني ،، بالتوفيــــــــــق والســـــــــــداد ،، اللهم أرزقنا الإخلاص في القول والعمل أســـالكم بالله الدعاء بظهر الغيب لي ولوالديّ ۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞۞ عماد حمــــدي عمدة المصريين بدول مجلس التعاون منقول

الدكتور / احمد حضرتك عايز حلول ... صح ببساطة 1- استدعاء مسؤول الأزهر الذي يدعي الشيخ السلفي ( الذي يدعي أن كاميليا قد أسلمت على يديه ) أمام النيابة لكي يشهد ويقسم بالله العظيم .. هل جاءته كاميليا شحاته بالفعل طالبة إشهار إسلامها وأنه امتنع عن هذا أم لا. 2- استدعاء كاميليا للمثول أمام النيابة بشخصها وبطاقتها الشخصية لسؤالها عن حقيقة وضعها .. وإخضاعها للكشف الطبي بمعرفة فريق من الأطباء النفسيين لمعرفة سلامة قواها العقلية .. وهل خضعت بالفعل لغسيل مخ أم لا. 3- استدعاء المسؤول الكنسي الذي صرح في قناة تليفزيونية بأن كاميليا الآن ( تجري لها عملية غسل مخ ) لمعرفة ما الذي كان يقصده لكلامه هذا. وإذا ثبت بالفعل أن كاميليا بكامل قواها العقلية مسيحية يغلق هذا الملف للأبد.. أما إذا ثبت أنها قد أسلمت وتم احتجازها وأجبرت على العودة للمسيحية أو أنها لا تزال على الإسلام ولكنها كانت محتجزة .. يتم فورا استدعاء المسؤولين عن احتجازها للمثول أمام النيابة والتحقيق معهم بتهمة احتجاز مواطن بدون وجه حق. هذا بخصوص كاميليا. أما بخصوص عبير فلدينا شهادة واضحة منها تثبت أنه قد تم اختطافها من بيتها في ورورة ببنها وتسليمها عبر عدة مراحل .. إلى كنيسة إمبابة .. فالمطلوب إعادة استدعائها مرة أخرى أمام النيابة لإثبات أقوالها في محضر رسمي .. ومن ثم يتم استدعاء محتجزيها في تلك الكنيسة ومن قاموا باختطافها على اعتبار أنها ليست قاصرا الآن .. والتحقيق معهم بتهمتي الحجز والاختطاف. بخصوص وفاء قسطنطين. لدينا بلاغ كان قد أعلن عنه الدكتور زغلول النجار في برنامج تليفزيوني بأنها قد قتلت .. وهذا طبقا لما أعلمه يعد بلاغا للنائب العام .. يتم استدعاء الدكتور / زغلول النجار لسؤاله عن حقيقة ما قاله .. ومن ثم يتم إعادة التحقيق في هذا الأمر . حتى لو تطلب الأمر استدعاء القيادات الكنسية الكبرى للتحقيق معها ... وإذا ثبت أنها بالفعل قد قتلت .. أظن أن الجميع يعرف ما ينبغي فعله بعدها من إجراءات. هذا إذا كنتم تريدون .. حلا جذريا. بدون لف ودوران.

هذا هو النتاج الطبيعي لمهاجة أجهزة الدولة بلا وعي والتعميم وفقد الوعي بأن هذا مالنا وهذه ممتلكاتينا، تبقى المظاهرات أقبح وأقذر وسيلة للتغيير وغير مأمونة العواقب تستغل أبشع إستغلال من المتربصين حتى وإن أدت إلى تغيير نظام الحكم البغيض عندنا في مصر فهي حالة فريدة لم ولن تتكرر كثيرا والشواهد كثيرة على ذلك

أسقطنا دور الأمن ونكتوي الآن بنار ذلك ليتنا نتريث في النقل

الظاهر إنك فعلا شفت الفيديو ودخلت في الموضوع أنت ترى أن هذا وجها مشرقا وأنا أراه وجها مظلماعادي جدا كل واحد ووجهة نظره شكرا على المشاركة أيا كان رأيك

إخزى الشيطان يا كاميليا .. واستهدي أرجوكي آه ماتشعلليهاش يا كاميليا .. كفاية.. وحياة ابوكي شوفتى الميدان يا كاميليا .. وبتوع الكنتاكي اه بصي كويس يا كاميليا .. ماهتعرفي مين أخوكي كاميلياااااا ... موضوع كاميليا إصة و حكاية .. عايزين كاميليا ويا كاميليا وخبرينى .. مالهم بيكى اللايمين الدين ده .. يا صبية .. لرب .. العالمين يا كاميليا ليّا ديني وانتِ كذلك ليكي دين طول عمرنا مِيّه مِيّه مرقص حبيب حسين طب ليه اقباط البلد بيقولوا لينا كاميليا ومسلمين البلد بينادوا هاتولنا كاميليا فتنة وخبَطتنا يا عينى وكل الحكاية..كل الحكاية عايزين كاميليا يا عم إهدى بطل مناهده .. دي نار و قايده ..استهدى اومال مش ناقصة هيَّ .. مصر الضحيه... الفتنة دِيّه .. مالهاش ضحيه.. غيرك يا بلدي .. يام العيال الفتنه أهيّة .. مصر الضحيّه الدين دة عمره .. ماكان قليل .. ولا كتير برجوع كاميليا و دخول وفاء وخروج عبير قالوا عن كاميليا وياما قالوا ياما حرب ومناكفة .. شد وملامة فتنة وقـَسَمتنا يا عينى وكل الحكاية ..كل الحكاية عايزين كاميليا ياما ياما .. و ياما فلول خربوها في امبابة وصول وقعوا بينا ياما ياما خرجوا الفلول .. زي المغول ودخلونا في دوامة رسموا البداية .. كتبوا النهاية خدعوا ولادنا ..حرقوا بلادنا قالوا عن كاميليا وياما قالوا ياما حرب ومناكفة .. شد وملامة ودي عين وصابتنا يا عينى وكل الحكاية ..كل الحكاية على دين كاميليا

كلام سليم استاذ غنبو اؤيدك فيه و ادى كمان حزمه قرارات الحكومه اليوم التى ادعو الله ان تفعل بصدق و الا تظل حبر على ورق

لأ ازاي ... لازم نشوه ثورة 25 يناير علشان نعمل ثورتنا الخاصة التي نرى ملامحها تتشكل الآن بعد أن سقط النظام الذي كان يقف في وجه مشروعنا منذ عقود ثوار يناير كثر خيرهم اسقطوا النظام المفروض دلوقت يرجعوا بيوتهم ويسلموا لنا البلد نشكلها على مزاجنا ووفق رؤيتنا ... بلا ديموقراطية بلا مدنية بلا كلام فاضي أختي الفاضلة الثورة التي قامت لتأسيس دولة مدنية ديموقراطية يتم الآن اخمادها لصالح ثورة أخرى تطرح مشروعا مختلفا لشكل الدولة وطبيعتها ولا يخدعنك كل هذا الحديث عن مطالب جزئية هنا وهناك وذرائع تتخذ للتحرك فهي جزء من مخطط منظم له هدف واضح وهو منع قيام دولة مدنية لكن اطمني جيشنا الوطني صاحي وأعلنها بصراحة أنه مع الدولة المدنية ولن يقف مكتوف الأيدي مع أية محاولات لتغيير مسار الأحداث واستغلال الفوضى الممنهجة التي يتم إثارتها حاليا على فكره لا أتهم الاستاذ طارق شخصيا بشئ فربما يكون انتقاده لسلبيات الثورة بحسن نية - وهذا ما أرجحه - ولكني أشير لتيار عام بدأ يتشكل الآن ألاحظه على مواقع الانترنت والفيس بوك

عادي نجيب المتطرف من هنا والمتطرف من هناك ويتعدموا رميا بالجزم ان كان فيه مسلمين متطرفين ففيه برضه اقباط متطرفين

أوافقك بعض الشيئ على تشدد البابا شنودة ، ولكنه ليس السبب في الفتنة التى تتحدث عنها ، الفتنة لم تكن موجودة يا اباعمر ليس لأن البابا شنودة الثالث لم يكن بابا بعد، الفتنة لم تكن موجودة لأن اللحى الكثة والجلاليب القصيرة والطرح البيضاء لم تكن قد ظهرت على الساحة بعد ، كل ماكان موجودا على استحياء وكان في بداياته هم " جماعة المسلمين " المعروفة باسم " التكفير والهجرة " ولم تكن شوكتها قج قويت بعد. أفكار هؤلاء هي السبب الرئيس في تنامي وتفاقم ازمة الفتنة الطائفية لان أفكارهم لاقت استحسانا وقبولا لدي بعض قليلي الثقافة وقليلي الدين وخاصة بين الشباب في ذلك الوقت

جميله يا عطار : جمال روحك والله انا زى الانسه : Dream / فللست يبقى لك وحده ولا اتنين خد دى عندك وضيفها للكتاب ومش عايز حساب. كنا ثلاثه اصدقاء نجلس فى الكافيه ( القهوه بس يعنى علشان البرستيج وكدهوت ) رن تليفون واحد منا ،، رد الو مين فلان اهلا فيه حاجه ولا ايه مش بعاده تتصل ثم جنب التليفون وقال ( استر يارب ) وفعلا قال له المتحدث اخوك جتله غيبوبة سكر ، الراجل جرى على المستشفى ونسى التليفون ، انا ما اخدتش باللى خالص بعد شويه حبيت اطمئن على اخوه او بالاحرى اجامله بالسؤال عليه والاتصال رنيت عليه ، صحبنا الى قاعد معايا كان خد باله من التليفون وشاله معاه ولما رنيت آم رفعه وبص فيه وقال (اسمى) ثم فتح ورد الوه فلان نسى التليفون !! بصيت عليه ورديت برده فى التليفون ، ما انا عارف ياغبى ، انك غبى ومصحبك على عيبك ، علشان انا زيك غبى ، وإلا ايه السبب اللى يخلينى اصاحب واحد مابيفهمش اساساً ؟؟

حياتنا لاهى سياسية بس و لا حزبية بس و لا ثورية بس كلنا بقينا بنفهم فى السياسة وكلنا عملنا فيها لا مذيع فى النشرة لا ناقد سياسى محنك لا معارض من غير زعل منى فية جوانب اخرى فى حياتنا اتردمت فى ايامنا من غير ما نحس ضاعت مننا و كنا بنطلعها هنا فى بيتنا الكبير االى بنحكى فية من غير ما نجامل و لا نزيف و لا ننكسف كنا بنشارك بعض فى افرحنا و احزانا و نفرح لبعض و نشيل هم بعض كلة انسحب من تحت رجلنا من غير ما نحس ياريت نرجع تانى نرجع الحتة اللى ضاعت واللى كنا فية بتحس اننا بنى ادامين اننا لينا مشاعر و احاسيس بنحس بغيرنا و بمشاكلهم و افارحهم و احزانهم

السلام عليكم أستاذ إسلام أتمنى أن تكون محايد في عرض مواضيعك خصوصا عن السلفيين حضرتك لو تفتكر ومازلت اي موضوع في اي مكان بيتكلم عن السفيين نجده موجود باسمك هنا حتى قبل التأكد من صحة الخبر حقيقي من يقول ان السلفيين غير موجودين في الشارع كمن يقول للشمس غير موجودة في وضح النهار اخي اسلام ارجوا ان تكون محايد في مواضيعك عن السلفيين لان حضرتك جاي عليهم بالاوي وواضح جدا جدا في موضوعاتك شكرا لك

زقتتى ادينى ادتلك بنطين خضر ، يعوض ربنا smk:

السلام عليكم و رحمة الله و بركاته طب بعد ما كل واحد فينا دخل يؤيد و يؤازر و كدهوت ع فكرة عجبتني اوي يا استاذي طائر الليل الحتة بتاعت حضرتك و بتاعت طنط هند كمان ما فيش بقي حتة فرايحي حاجة كده يبقي لونها فاتح و تفاريحي شوية نداء الي كل شعراء المنتدي توبيك توبيك ومداخلة مداخلة و حرف حرف عايزين حتة فرح حاجة لونها بمبي انا مش هفقد الامل....الامل هو اللي راح يفتقدني :P مستنية اهوت ع جنب بقي المداخلة دي مالهاشي اي علاقة بالادب و لا بالشعر و لابالقراءات :closedeyes:

:aslam: أنا عارف أن موسم الأجازات بدأ :swing: :partytime: والكل طبعا بيشم ريحة مصر اليومين دوول ، وبيجهز الشنط سمعت أن في ناس نازلة كمان أيام ، وأول حرف من أسمهم أحمد سيف ، وsameh magdy كمان المهم ياريت كل واحد يدخل بهدوء ويكتب هينزل أمتى بمشيئة الله وشاف أيه في البلد ياريت كمان لو حد يقدر يتواصل معانا مباشر من هناك ، يعني متنتظرش حضرتك لما تخلص الأجازة وتيجي تحكيلنا لأننا هنكون نزلنا أجازة ، وبالذات الناس اللي نازلة بدري ومحدش يتحجج ويقول معنديش أنترنت في مصر ، لأن الموضوع ده بقى أسهل من السهولة وآخر حاجة الصيف الماضي كان النت على الموبايل بجنيه في اليوم :) أنا عن نفسي إن شاء الله وقدر ، نازل في منتصف أغسطس علشان رمضان والعيد والإنتخابات البرلمانية كمان.. يلا مين هيبدأ smk:

حابب اقول من غير تهليل ان جيت للحق دمه تقيل تدخل وانت مبسوط ومهيص تخرج منه شايل حمل تقيل بس انت يابن الايه عنتيل معجون عفاريت من ايُة جيل لكن مصرى ايوه ومصرى اصيل بس شويه يعنى شويه بخيل واوعك تزعل منى ده تبجيل يابو الطيبه ياشخص نبيل انا ادامك حد بجد نحيل اكتب واشجينا من غير تأجيل وحنسعد برده بكل قليل واكشف كل ضئيل وعليل وعويل اكتب تانى علشان الكل وعلشانى واوعك تبقى علينا بخيل وانانى يامصرى أصيل يأبن النيل ياجميل

هناك أدبيات سلفية كثيرة تسمح بتعاطي محدود مع الديمقراطية من باب خير الخيرين وشر الشرين وما موقف السلفيين بالكويت والأردن عنا ببعيد

معلش اشمعنى الأردن و المغرب و اليمن لأ .. اليمن اللي في رأيي أحق و أقرب كعادات و تقاليد و تاريخ لم تتم تلبية طلبه .. أختصر و أقول .. الفرخة ما بتحدفش كتاكيت. بس خلاص

بأطلب من الجميع بإسم مصر بلدنا بإسم ثورتنا كلنا باغلى حاجه عندنا إننا نكتب كلنا للمجلس العسكري .. كلنا بدون إستثناء للمجلس العسكري .. ولمجلس الوزرا .. ولكل الجرايد ... ووسائل الإعلام لازم تفسير لما يحدث من الداخلية .. وأخرها تلك المصيبة يعني يقتلونا ... وندافع عنهم .. وندفع أتعاب المحاميين .. والسيد الوزير يطلع يكلمنا عن ثورة وعن شهداء وعن نزاهة وعن وعود بعودة الامن وهو بيطعننا في ضهرنا ؟ طب بالمناسبة ما شدش محامي ليه للسيد حبيب العادلي هو كمان ؟ على الأقل كان أولى من الناس التانيين .. لإنه وزير وله وضعه ومكانته كمجرم محترف ؟

اكيد بعد الثورة الايجار ممكن يوصل خمسة جنيه :closedeyes:

كلام لا يختلف عليه اثنين ما داموا بدون غرض ولامرض كلام حضرتك (باقي ماتفضلت به)محتاج الرد بكلام كثير والحقيقة أنا اتخنقت من الكلام في هذه الدائرة المغلقة وخاصة إن الكلام سيكون مكرر مني ومنك ولن نصل إلى شيء لكن ياريت نتفق على عدم التعجل في إلقاء التهم في حوادث كهذه والتخويف من شريحة ما من شرائح الشعب لإن في النهاية نحن الخاسرون وربنا يؤلف بين قلوب المصريين جميعا ويحفظ بلدنا من كل سوء تحياتي للجميع

أيكون الخوف عنوانا للمئوية الثانية؟ فهمي هويدي إذا جاز لنا أن نقول إننا عشنا "السكرة" في المائة يوم الأولى من عمر الثورة المصرية، وإننا أفقنا على "الفكرة" مع تباشير المائة الثانية، فهل يجوز لنا أن نقول إن النشوة والأمل كانا من عناوين الأولى، وإن "الخوف" مرشح لأن يصبح عنوانا للثانية؟ (1) إذا قال قائل إن الحكم على الثورة بعد مائة يوم من نجاحها لا يخلو من تعسف وتعجل، فلن اختلف معه. ذلك أنه إذا جاز إعمال العرف الذي يقضي ببدء محاسبة أي حكومة جديدة تشكل في ظل أوضاع مستقرة بعد مائة يوم، فإن ذلك لا يجوز حين يتعلق الأمر بثورة شعب أسقط نظاما عاتيا هيمن طوال ثلاثين سنة على مقدرات بلد كبير مثل مصر، وتعين على السلطة الجديدة أن تزيل آثار العدوان على كرامة الشعب الذي تجاوز تعداد سكانه ثمانين مليون نسمة، وأن تضع الأساس لبناء نظام جديد يلبي أشواق تلك الملايين. " القلق وربما الخوف من المشاعر الطبيعية التي تنتاب الكثيرين عقب كل تحول جذري يهز المجتمع ويقلب أوضاعه، سواء كان ثورة أو حربا أو زلزالا " ذلك أفهمه، وأعرف أيضا أن القلق وربما الخوف من المشاعر الطبيعية التي تنتاب الكثيرين عقب كل تحول جذري يهز المجتمع ويقلب أوضاعه، سواء كان ثورة أو حربا أو زلزالا. أعرف كذلك أن الأوضاع لم تستقر بعد قيام الثورة الفرنسية إلا بعد مضي عشر سنوات (من 1789 إلى 1799)، عانت البلاد خلالها من مختلف مظاهر الفوضى والصدامات الدموية. إلا أن الحاصل أن أصواتا عدة ارتفعت في مصر عبرت عن الخوف مما يجري خلال الأسابيع الأخيرة، التي واكبت نهاية المائة يوم الأولى. فقرأنا كتابات عدة تحدثت عن سرقة الثورة وإجهاضها واحتمالات تصفيتها. وحذرت كتابات أخرى من ألاعيب فلول النظام السابق، ومن تفريغ الثورة من مضمونها بحيث تتبخر روح يناير، لتلحق بروح حرب أكتوبر التي تبخرت. وعبر البعض عن خشيته من تحول الثورة إلى "فولكلور" يحتل مكانه في الذاكرة، دون أن تصبح واقعا يترجم على الأرض، إلى غير ذلك من الرسائل التي تشترك في ثلاثة قواسم مشتركة هي: أنها أصدرت أحكاما يغلب عليها التشاؤم، وأنها ركزت على النصف الفارغ من الكوب وتجاهلت النصف الملآن، كما أنها سلطت الضوء على الحوادث التفصيلية التي تناولتها الصحف ولم تلق بالا للتحولات الإستراتيجية التي حدثت في البلد. (2) لا يستطيع أحد أن ينكر أن الإعلام لعب دورا أساسيا في إشاعة مناخ التوجس والخوف، سواء عن طريق المبالغات التي كثيرا ما يلجأ إليها، أو الشائعات التي تسعى بعض صحف الإثارة لترويجها، خذ مثلا ما حدث بقنا في شهر أبريل/نيسان الماضي، حين اشتبك بعض الأشخاص مع رجل تصادف أن كان قبطيا وقيل إنه يمارس أفعالا منافية للآداب، وأثناء الاشتباك أصيبت أذنه بقطع، فنشرت إحدى الصحف على صدر صفحتها الأولى أن السلفيين طبقوا الحد على الرجل وقطعوا أذنه. وكان النشر بهذه الطريقة نموذجا لسوء التقدير وتعمد الإثارة، لأنه لا يوجد حد في الشريعة بهذا الخصوص، ثم إن الذين اشتبكوا مع الرجل كانوا أكثر من عشرة أشخاص بينهم سلفي واحد، وجاء تحركهم غيرة على الشرف في الصعيد بأكثر منه غيرة على الدين. والمدهش في الأمر أنه بعد اتضاح الحقيقة فإن بعض الكتاب لا يزالون يستشهدون بالحادث بتفاصيله المضللة، ومنهم من أصبح يتحدث عن "تقطيع آذان الأقباط". الأمر الذي لا بد أن يؤدي إلى إثارة مخاوفهم وترويعهم. هذا التلفيق حدث أيضا مع خبر مكذوب تحدث عن رفع السلفيين الأعلام السعودية في أحد مساجد قنا. ورغم أن الخبر لا أصل له، فإن البعض لا يزال يتداوله ويناقشه باعتباره حقيقة وقعت بالفعل. " لم ينافس أخبار تخويف الأقباط غير شائعات إثارة الفزع من الجماعات الإسلامية من خلال بث الأخبار المكذوبة " لم ينافس أخبار تخويف الأقباط غير شائعات إثارة الفزع من الجماعات الإسلامية من خلال بث الأخبار المكذوبة، التي تحدثت مثلا عن خطف الفتيات غير المحجبات من الشوارع. وتآمر المملكة العربية السعودية لمساعدة وتمويل التيارات الإسلامية لاكتساح الانتخابات القادمة، فتحدثت بعض الصحف عن مخطط لتسريب 3 مليارات دولار إلى داخل مصر لهذا الغرض، ولأن الكلام بالمجان فقد رفع آخرون الرقم إلى خمسة مليارات، لا أحد يعرف كيف يمكن أن تدخل إلى البلد، ولا كيف ستصل إلى أهدافها. وإلى جانب هذه الرسائل المريبة ثمة رسائل لا حصر لها تتحدث عن التأهب لإقامة الحكم الإسلامي وتطبيق الحدود الشرعية، وكانت تلك مقدمات أثارت جدلا واسعا حول المخاوف من إقامة الدولة الدينية، وعن ضرورة إقامة الدولة العلمانية، لتتولى التصدي لـ"تسونامي" تلك الدولة التي يتخوفون منها. إلى جانب التحريف والاختلاق كانت هناك المبالغات التي عمد أصحابها إلى اصطياد الأخبار والتصريحات والنفخ فيها لتوسيع دائرة الخوف والقلق. وركزت تلك المبالغات على موضوعين أساسيين هما: موقف الجماعات الإسلامية والعلاقة مع الأقباط. فحين يتورط بعض السلفيين في هدم ضريح في إحدى محافظات الدلتا يصور الأمر بحسبانه اجتياحا سلفيا يهدد ضريح الإمام الحسين والسيدة زينب وجمال عبد الناصر، وحين تعلق لافتة يتيمة في الإسكندرية تعتبر التصويت لصالح التعديلات الدستورية واجبا شرعيا، لا أحد يذكر الخبر كما هو، ولكن تقوم الدنيا ولا تعقد بدعوى أن الإخوان يستخدمون الدين للتصويت لصالح الاستفتاء. "لا أحد يشير إلى أن الكنيسة القبطية طلبت من رعاياها معارضة التعديلات". بنفس الأسلوب تم التعامل مع أخبار الأقباط، فإذا اختلف اثنان لأي سبب وقتل المسلم قبطيا عُد ذلك اضطهادا يبرز على الصفحات الأولى من الصحف، وسببا قويا لتجديد الدعوة إلى علمنة الدولة والمطالبة بإلغاء المادة الثانية من الدستور "التي تتحدث عن مرجعية مبادئ الشريعة الإسلامية"، أما إذا قُتل المسلم لأنه تزوج من قبطية غيرت دينها كما قتل أولاده منها، فإن ذلك يعد خلافا عائليا يرحل إلى صفحات الحوادث الداخلية! (3) هذه التعبئة الإعلامية وسّعت من دائرة الخوف في المجتمع. وكانت الثورة قد استصحبت مخاوف لها أسبابها المفهومة، فثمة خوف حتى من تداعيات الموقف الاقتصادي، خصوصا بعدما تبين أن مصر تخسر شهريا ثلاثة مليارات من الدولارات، وثمة خوف لدى المستثمرين الذين أوقفوا استثماراتهم أو سحبها بعضهم تحسبا للمستقبل. وهذا الخوف كان ولا يزال له صداه في البورصة التي انخفضت أسعار الأسهم فيها، هناك خوف آخر لدى أصحاب المصانع المحلية من الإضرابات العمالية التي طالبت بتعديل الأجور، كما أن البلطجية والهاربين من السجون أشاعوا درجات مختلفة من الخوف خصوصا في المدن النائية وأحياء الأطراف. " أسوأ ما في المخاوف التي تشاع في مصر أنها زعزعت ثقة الناس في مستقبل الثورة، وصرفتهم عن مشروعها الأساسي الذي بدأ طامحا للدفاع عن الحرية والعدالة الاجتماعية " إضافة إلى كل ما سبق أشاع الاصطياد والترويع الإعلامي أسبابا أخرى للخوف. خوف الأقباط من المسلمين عامة والسلفيين بوجه أخص. وخوف العلمانيين من الإسلاميين، وخوف المتصوفة من السلفيين، وخوف الجميع من فلول النظام القديم. أسوأ ما في هذه المخاوف أنها زعزعت ثقة الناس في مستقبل الثورة، وأنها صرفتهم عن مشروعها الأساسي الذي بدأ طامحا للدفاع عن الحرية والعدالة الاجتماعية. هذا الانفراط ضرب الإجماع الوطني حتى كاد يقسم البلد ويوقع بين قواه الحية، ليس ذلك وحسب، وإنما تحولت هذه الحزمة من المخاوف إلى عناصر توحي بعدم استقرار المجتمع، وإلى قوة طرد للاستثمار الأجنبي وللسياحة. (4) في تحليل ملابسات المشهد هناك أسباب منطقية تتصل بطبيعة التفاعلات التي تحدث عقب كل ثورة، أو تحول سياسي واجتماعي جلل من قبيل ما سبقت الإشارة إليه. وهناك أسباب تتحمل مسؤوليتها النخبة صاحبة الصوت العالي في الفضاء السياسي والإعلامي. إذ من الطبيعي أن تتأثر بصورة مؤقتة السياحة والاستثمار الأجنبي والبورصة إلى أن تستقر أحوال البلد ويطمئن أصحاب رؤوس الأموال على ثرواتهم ويطمئن السائح إلى أن شيئا لن يفسد عليه عطلته. لكن من غير الطبيعي أن تشيع الفوضى في البلد وأن يشوه الإدراك العام، بحيث ينفرط عقد المجتمع ويشيع فيه الانقسام، بما يفقده "بوصلته" الهادية. العوامل الأولى لا نملك لها ردا ويفترض أنها محدودة الأجل في كل الأحوال، أما الذي ينبغي أن نتصارح بشجاعة في شأنه فهي تلك العوامل الثانية التي صنعناها بأنفسنا. في هذا الصدد أزعم أن هناك طرفين يتحملان مسؤولية إثارة الفوضى وشق الصف الوطني، أحدهما خفي لا نراه يتمثل في فلول النظام السابق وأي عناصر أخرى داخلية أو خارجية لها مصلحة في ضرب الثورة، أما الطرف الثاني فظاهر في الصورة ويتمثل في عناصر النخبة المصرية المهيمنة على وسائل الإعلام، التي باتت تلعب دورا مهما في تشكيل الإدراك العام، وفي الضغط على القرار السياسي. في تحليل هذا الدور الأخير، أزعم أن أول شرخ في جدار الإجماع الوطني بعد الثورة حدث بعد تشكيل لجنة تعديل الدستور، التي رأسها المستشار طارق البشري وتبين أن من بين أعضائها رجلا قانونيا من جماعة الإخوان المسلمين. وهو ما فاجأ شريحة المثقفين الذين اعتبروا أن إقصاء الإخوان هو الأصل في السياسة المصرية. وقد تعرض هذا القرار لهجوم شديد لا يزال مستمرا حتى الآن، رغم أن اللجنة أنهت عملها ولم تعد قائمة منذ شهرين تقريبا. إذ لم يغفر للمجلس العسكري هذه "الخطيئة"، وتجاهل كثيرون صفة الرجل القانونية وكونه كان عضوا باللجنة التشريعية بمجلس الشعب. وقد شاركت في اجتماع للمثقفين مع ثلاثة من أعضاء المجلس العسكري، تعرضوا فيه لنقد شديد من جانب بعض المثقفين بسبب ارتكاب تلك "الخطيئة"، حتى وجه إليهم اتهام بمحاباة الإخوان، وسئلوا عن عدد أعضاء المجلس الموالين للجماعة. في هذا الصدد أزعم أيضا أن بعض المثقفين حددوا موقفهم من رفض التعديلات الدستورية لمجرد أن للإخوان عضوا في اللجنة وأن رئيسها لا ينتمي إلى الإخوان حقا، لكنه مسلم ملتزم ولا يعاديهم. وكان الجدل حول هذه النقطة مثار اللغط والطنين الذي أثاره المثقفون، حتى حين أيد التعديلات 77% من المصوتين وعارضها 22% فقط. " المجتمع المصري انقسم على نفسه وأصبح هناك ما يمكن أن نسميها حربا باردة ثقافية وسياسية بين العلمانيين ومن لفّ لفهم في جانب والإسلاميين في جانب آخر " ومنذ ذلك الحين حدث أمران، أولهما أن أعضاء المجلس العسكري تجنبوا إشراك الإسلاميين في أي تشكيل يصدرونه، لتفادي نقمة المثقفين وتشهيرهم. وكان ذلك أوضح ما يكون في تشكيل المجلس القومي لحقوق الإنسان، حتى قلت إن الذي يدير الإعلام ويوجه السياسة منذ ظهرت نتائج الاستفتاء، هم عناصر الـ22% وليس أهل الـ77%. الأمر الثاني أن المجتمع انقسم على نفسه وأصبح هناك ما يمكن أن نسميها حربا باردة ثقافية وسياسية بين العلمانيين ومن لف لفهم في جانب والإسلاميين في جانب آخر. بحيث لم تعد القضية كيف تحقق الثورة أهدافها، وإنما كيف يمكن محاصرة التيار الإسلامي وإبعاد شبحه الذي يلوح في الأفق من خلال دعوة الانحياز للدولة المدنية ضد الدولة الدينية، في إعادة إنتاج لنموذج الخطاب الذي كان سائدا قبل 25 يناير. إن التحدي الذي يواجه الثورة والوطن الآن هو كيف يمكن أن يتفق الجميع على المشترك الذي يخرج البلد من أزمته السياسية الراهنة، التي لا تقل خطورة عن الأزمة الاقتصادية. إذ يبدو أن الأخيرة أخف وطأة، لأن صراع العلمانيين والإسلاميين يبدو أنه تحول إلى "عاهة" تستعصي على العلاج. وذلك سبب آخر للخوف، لأن الوطن سيكون الخاسر الأكبر في هذه الحالة. المصدر: الجزيرة

أ / أحمد سيف ،، أنا مش صاحب فكر (( وش كده )) أو بالتعبير الأرقي اللي استخدم بعد الثورة (( غير مسيس )) و بالتالي مش واخد موقف مسبق من اي فكر بالعكس الفكر الوحيد اللي كنت واخد منه موقف سلبي الفكر السلفي نتيجة لإحتكاكي بيهم شخصيا في فترات مراهقتي زي معظم جيلنا التانين بقي ايا كان المسمي عمرهم ما كانوا عادلين معاهم زي ما حضرتك بتقول من بعد الثورة بداية من الإعلام المسيطر عليه من التانيين دوول اللي الصق بهم كل نقيصة و شكل منهم عفريت أو فزاعة و الإستدلال هنا يطوووول وصلت لاستعداء العسكر عليهم و الأنقح اتهموا العسكر بالتحالف معهم و خلوهم قبل الثورة دراويش و عملاء لأمن الدولة و في الثورة متخاذلين و بعد الثورة أغبياء و مخلب للثورة المضادة و كل صفة ليها ردود مش وقتها و كل ده خصم من رصيد التانيين و راح للأولانيين عند كل الناس اللي زيي الغير مسيسين و المتعاطفين بطبيعتهم مع الطرف الأضعف بلاش مصر ،، حتي تونس اللي التيار الليبرالي و العلماني فيها اقوي من مصر بمراحل و ليه جذور في الأرض مش مجرد مثقفين صالونات العلمانيين فيها قالوا صراحة إن علي الجيش أن يتدخل في حالة فوز التيار الإسلامي في الإنتخابات القادمة عندهم للجنة التاسيسية فده موقف غريب جدا !!! من ناس المفروض يكونوا عكسه 180 درجة !!

الجماعة الليبراليين أو اليسارين أو النشطاء ،،،، الخ أيا كان المسمي اللي كرهني فيهم إزدواجيتهم و معاييرهم المنحاذة أنا واحد من الناس مقتنع تماما إن الوقت الحالي مش وقت اي مطالب فئوية سواء اسيرات في الكنائس ، حقوق عمال ، أطباء ، أقباط ، ،،، الخ لأن الأهم حاليا البلد و الوصول للحكم المدني المنتخب بعدين لقيتهم مؤيدين لكل أشكال الإحتجاجات حتي مظاهرات البيبهات ضد الدادات في الحضانة حرية بقه يا عم و اتعلم تقول لأ و طالب بحقوقك و الشرف إنك متكنشي سلبي و تساند أي صاحب مظلمة تمام فلة ،، كلام جميل يجي عند السلفيين و رغم إن قضية الأسيرات قضية عادلة و رغم إن معالجتهم ليها كانت راقية من خلال القانون و الإعلام الشعبي الإنترنتي و مظاهرات سلمية راقية منظمة و غير مخترقة لدرجة إنهم أقتربوا جدا من تحقيق النجاح باستثناء أحداث إمبابة المخزية اللي الحقيقة لسه مش واضحة فيها يلحس كل كلامه !!!!! و يقلب وشه يا متخلفين يا بتوع كاميليا و عبير يا اللي مبتفهموش حاجة ،،،،،، الخ الكلام مش لأعضاء المنتدي الكرام هنا ،، الكلام عن مثقفين و ناس بتابع مقالاتهم و تغريداتهم ( أو بالأحري شتائمهم ) علي توتير و المدونات يخترولهم مبدأ بقه !!! يأما نناصر الحق ايا كان التوقيت و الخصم و صاحب الحق يأما نهدي و نركز و نفكر في المصلحة العليا دلوقتي

واحد جاب جهاز كشف الكدب .... عباره عن الى بيكدب بيضرب بالالم و راح مجربه على ابنه... قالو انت كنت فين يابنى ..قالو كنت بذاكر ...قام الجهاز ضاربه قلم. . . ابوه قالوا كدا عيب ... ............ اناكنت فى سنك مابكذبش ابدا . قام الجهاز ضاربه قلم . . .مراته قالتله خلاص سامحه ... ماهو برضو ابنك . قام الجهاز ضاربها بالقلم

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الخير اللهم احسن ختامنا واسترنا ولا تفضحنا فى الدنيا ولا فى الاخرة

ام علاء؟؟؟؟ لاااااء انا مش قادر اصدق يعني مكتبة الطفل ...... مش اختي؟؟ وعيد الطفولة .... مش ابن عمي؟؟ ومحكمة الاسرة... والخلع ... والحريم اللي مبهدلة الرجالة؟؟ وجمعية المرأة المتوحشة؟؟؟ معقول كل دول لقطاء وهيتشردوا؟؟ والحريم بتوع السجن يبهدلوها؟؟ ويخلوها ترسم موتسيكل على الحيطة وتركبه؟؟؟؟ انا هيجرالي حاجة مين هيسرحلك الباروكة يا ام علاء ياختي

يا لهوي ياما وتقعدي على الطشت يا سوزي وتاخدي الغسيل فُومين ويغنوا لك : يا حلوه يا بلحه يا مقمعه " ؟ أنا من الأول ما كنتش موافق على الجوازة الطين دي .. شوفتي الراجل شبهك ومشاكي في طريق الحرام ومد الإيد إزاي ؟ تفتكروا خديجة وهايدي ممكن يتلطوا هما كمان ؟ يا نهار مش فايت ... يعني الولا عُمر إبن علاء والبت فريده بنت جمال ممكن يترحلوا على مؤسسة الأحداث هما كمان ؟