لوحة القادة

أنا روّحت من الكلية في تاكسي امبارح آه ده يُعتبَر خبر. أصل لو عملتها كل يوم اسبوعين ونبات أنا وأهلي في الشارع أمال إيه اللي حصل؟ أصل كان معايا ناس. كنا خمسة سوا في التاكسي برضو مش دي الحكاية الحكاية إن أنا اسمي افرايم. وأبويا قسيس. ومن السبت اللي فات قلبي واجعني على كنيستي اللي اتحرقت واخواتي اللي ماتوا في امبابة الأقباط مضطهدين إيه ده يعني أنا شخصياً مضطهد؟ فيسبوك والنشرة والجرايد والتوك شو بيقولوا كده أمال أنا مش حاسسها قوي ليه؟ السبت بالليل نادين محمد بعتت لي: أنا مش قادرة اوقف دموعي يوم الاتنين اسماعيل قال لي: أنا مش هاواسيك حتى. هما يومين سود علينا كلنا لازم هانستحملهم ويومها يوسف البرغوتي أول ما دخل على الشات كتب لي: البقية في حياتك وامبارح؟ كنا في التاكسي أنا ومنعم ومنتصر واسماعيل وابراهيم منعم مربي دقنه ونفسه نطبق الشريعة. ابراهيم صوفي. اسماعيل ومنتصر مسلمين عاديين. أنا مسيحي وليبرالي اعشق العلمانية وكلنا كنا راكبين سوا كل واحد فينا لوحده ماكانش هايقدر يركب تاكسي بس لما اتفقنا نخمس سوا المشكلة اتحلت. ووصلنا وساعة ما قلنا نخمس محدش جه قال لي: تعالى اركب معانا عشان قصر العيني فيه وحدة وطنية. ولا حد قال لي انت مسيحي وأنا مسلم زيي زيك العداد عليّ وعليك. محدش قال الدين لله والتاكسي للجميع كل اللي جه على بالنا ساعتها إن كلنا تعبانبن وكلنا سكّتنا طويلة وكلنا عايزين نوصل بقى وكل واحد فينا لوحده معندوش الإمكانيات اللي توصله بس مع بعض وصلنا آه كنا مزنوقين في التاكسي - ماعدا منعم فلت وركب قدام. بجد عمري ما ها آمن لواحد بدقن وآه الطريق كان زحمة. بس شوية ونسينا دي ودي وسط الكلام والهزار و عشان مع بعض كل واحد كان مطمن إن عجزه في غيره ها يسده له ببساطة كده سيبك من ليلة مسلم مسيحي إيد واحدة وعاش الهلال مع الصليب (مع الأسف) وكليبات البابا شنودة بيبوس الشيخ الطيب سيبك حتى من كلمة "وحدة وطنية" - محدش بيقول: مصر فيها وحدة مترية الطويل والقصير طول عمرهم عايشين اخوات ومتربيين مع بعض فاهمين قصدي؟ الحوار دلوقتي إن كلنا مصريين و كلنا تعبانبن وكلنا سكّتنا طويلة وكلنا عايزين نوصل بقى وكل واحد فينا لوحده معندوش الإمكانيات اللي توصله بس مع بعض لسه في أمل نوصل ملحوظة: في الآخر ماكانش معايا فكة ونزلت من غير ما ادفع حاجة - باين الأقباط خونة بجد المصري: افرايم القس بنيامين

طيب حد موافق أن الأسباب دي هي أهم أسباب الفتنة الطائفية في مصر ؟؟ 1- محاولة فرض استقلال الكنيسة عن الدولة ومؤسساتها الدستورية والسعى نحو إضفاء الصفة السياسية على منصب البطريرك ومحاولة تحدى القوانين القائمة فى مجال بناء الكنائس وإقامة الكليات الإكليرية وتوسيع الأديرة 2-استثمار الخلافات الفردية والحوادث العادية لتصوير الموقف على أنه صراع طائفى والمطالبة ببعض المطالب الطائفية 3-إعلان الصوم للضغط على المسئولين 4-استغلال قنوات الاتصال بين الكنيسة وتجمعات الأقباط فى الخارج كقوة ضاغطة على الرأى العام العالمى لتحقيق المطالب المذكورة 5-إرسال خطابات للمسئولين فى الدولة لتمثيل الأقباط بنسبة عددية كبيرة 6-تعبئة مشاعر المسيحيين ضد المسلمين 7- الشائعات عن تكاثر أعمال التعدى على المسيحيين فى مصر للتشكيك فى استقرار البلاد وإثارة الرأى العام العالمى لتشويه سمعة مصر فى الخارج 8-تحريض أبناء الطائفة على تخزين الأسلحة والاستعداد لمواجهة عزم المسلمين مهاجمتهم .

اختلف الرسم على الاشياء من زجاج لسراميك لقماش حتى الماء .....الخ والان مع الرسومات على اليدين

تقدم رجل لشركة مايكروسوفت للعمل بوظيفة – فراش – بعد إجراء المقابلة والاختبار ( تنظيف أرضية المكتب )، أخبره مدير التوظيف بأنه قد تمت الموافقة عليه وسيتم إرسال قائمة بالمهام وتاريخ المباشرة في العمل عبر البريد الإلكتروني. أجاب الرجل: ولكنني لا أملك جهاز كمبيوتر ولا أملك بريد إلكتروني! رد عليه المدير ( باستغراب ): من لا يملك بريد إلكتروني فهو غير موجود أصلاً ومن لا وجود له فلا يحق له العمل. خرج الرجل وهو فاقد الأمل في الحصول على وظيفة، فكر كثيراً ماذا عساه أن يعمل وهو لا يملك سوى 10 دولارات. بعد تفكير عميق ذهب الرجل إلى محل الخضار وقام بشراء صندوق من الطماطم ثم أخذ يتنقل في الأحياء السكنية ويمر على المنازل ويبيع حبات الطماطم. نجح في مضاعفة رأس المال وكرر نفس العملية ثلاث مرات إلى أن عاد إلى منزله في نفس اليوم وهو يحمل 60 دولار. أدرك الرجل بأنه يمكنه العيش بهذه الطريقة فأخذ يقوم بنفس العمل يومياً يخرج في الصباح الباكر ويرجع ليلاً ، أرباح الرجل بدأت تتضاعف فقام بشراء عربة ثم شاحنة حتى أصبح لديه أسطول من الشاحنات لتوصيل الطلبات للزبائن. بعد خمس سنوات أصبح الرجل من كبار الموردين للأغذية في الولايات المتحدة. لضمان مستقبل أسرته فكر الرجل في شراء بوليصة تأمين على الحياة فاتصل بأكبر شركات التأمين وبعد مفاوضات استقر رأيه على بوليصة تناسبه فطلب منه موظف شركة التأمين أن يعطيه بريده الإلكتروني!! أجاب الرجل: ولكنني لا أملك بريد إلكتروني! رد عليه الموظف (باستغراب): لا تملك بريداً إلكترونياً ونجحت ببناء هذه الإمبراطورية الضخمة!! تخيل لو أن لديك بريداً إلكترونيا! فأين ستكون اليوم؟ أجاب الرجل بعد تفكير: " فرّاش في شركة مايكروسوفت " الفائدة : لا تحزن على ما لا تملك .. فربما لو كان عندك لكان سبب حزن أكبر منقول

الحلقة الخاصة بالدكتور عصام شرف رئيس الوزراء http://www.youtube.com/watch?v=xNWdZkSCIiM http://www.youtube.com/watch?v=nbMMmKv8Du8

لقد عددت بعض الأسباب ولكنني أرى أنك تغافلت بعضا من أهم الأسباب إن لم تكن أهمها: 1- إنتشار الخطاب الديني العنصري ضد المسيحيين من معظم خطباء التيارات السلفية سواء كان ذلك فى المساجد الكبيرة التي استولى على منابرها السلفيين او من خلال الزوايا المنتشرة تحت العمارات. 2- إستعداء المسيحيين من خلال مواقع السلفيين أو من خلال الفيديو كليب التى تشكك في عقيدتهم وتصفهم بالكفر . 3- انتشار الفتاوى السلفية التي تضع المسيحيين فى درجة أقل من المسلمين بل وتحرم العلاقات الإجتماعية معهم. 4- الحركات الجهادية التي استهدفتهم واستحلت أموالهم عمليا ومن خلال فتاواهم. 5- ثقافة التمييز فى بناء دور العبادة المنتشرة بين المصريين داخل وخارج المدن والتي كثيرا مارأينا المسلمين يخرجون فيها سلفيين او غير سلفيين بمنع بناء او استكمال بناء كنائسهم. 6- التمييز ضد المسيحيين في الوظائف وبالذات فى الوظائف العليا والتي تصل في بعض الأحيان بمنع التعيين على الهوية الدينية، ويتم ذلك من خلال كبار صغار الموظفين تبعا لتوجهاتهم الغير مكتوبة فى قانون بالطبع. 7- التضخيم من جانب السلفيين لعملية تحول مسيحي إلى الإسلام وحبذا لو كانت إمرأة والتي رأيناها بشكل شبه منظم وليس عفويا. 8- خيبة الدولة فى فرض قانون حرية اختيار العقيدة والسماح للكنيسة بحجز المتحولون من المسيحية للإسلام أو اخضاعهم لجلسات نصح وارشاد ( ضغط وإغراء ) لردهم عن التحول للدين الاسلامي. 9- خيبة الدولة في فرض هيبتها والسماح لمتطرفي السلفية التدخل بدون صفة لخلق ازمات طائفية ، وخير دليل هو هذا الموضوع الذي أرق المجتمع المصري من أجل امرأة " ساقطة " عددت بين رجلين ، رجل بعقد رسمي موثق وآخر في الحرام تحت دعوى انها اسلمت ليستنجد عشيقها بالسلفيين فيهبوا عن بكرة ابيهم لإنقاذ تلك الساقطة والتي في سبيلها فلتحترق المنيرة بل إمبابة ومصر معها. انا مختلف معاك تماما ليه انا لا انفى انا بعض ممن يحسبون على الاسلام يقولون كلاما لا يليق ولا يعقل اساسا ولكن معظم رموز السلفية ورجال الدين لا يقولون هذا الكلام ولكن سيدى الفاضل مصر 80 مليون لو كل واحد قال كلمة ووصلت يبقى هل هذا هو حال البلد او حال المسلمين ------- ختاما انا ارى ان ما يحدث حاليا هو من فعل الكنيسة سواء بطريقة مباشرة او غير مباشرة ........كيف؟؟؟؟ عندما نشعل الصغيرة والكبيرة ونفسر الافعال كيفما يحلو لنا لكسب ارضية و شعبية اكثر.....ثم نتحدث عن حق المواطنة طيب حيث كده بقى....يبقى من حق المواطنة ومن الاحداث الطبيعية ان لما مواطن يضرب مواطن ياخد عقابه وخلصنا مش مسلم ضرب مسيحى ونكبر الموضوع ياراجل ده لما عيال ...سامعنى عيااااااااااااااااااااااال فى المدرسة ضربوا بعض ( مسيحى ومسلم ) تتقلب برده مسيحيين ومسلمين ومن هناااااااااااااااااا اقول الكنيسة هى التى زرعت هذا الشعور بالاضطهاد داخل نفوس المسيحيين انفسهم وليس المسلمين والسلفيين والكلام ده بدليل ان معظم المسيحيين يتمتعون بمستوى معيشى جيد ولهم محلات وتجارة رائجة فى شتى المجالات مين اللى بيشترى منهم وبيمشى تجارتهم مش برده المسلمين ولا هما شغالين بس على الكام مليون مسيحى (بالكتير قوى 10 مليون) ليه بقى المسلمين مولعوش فى المحلات واصحابها ارجو ليس من سيادتم فقط بل من الجميع ان يراجعوا انفسهم جيدااااااااا وشكراااااااااا

الموضوع لا يُقلقني على الاطلاق ولكن يُقلقني الشوفانية والجهل الذي يتسم به الكثيرون الأن ويحاولوا أن يجروا البلد إلى الهاوية ما علينا إذن لم تقترض مصر الان أيها السادة .. فما البديل ؟ هل البديل ان نصل بالإحتياطي النقدي إلى الصفر وتُعلن البلد إفلاسها ؟ أم البديل ان نعتمد على جذب إستثمارات خارجية وإعادة عجلة الانتاج و و و .. وكلها امور طويلة الاجل ولن تؤتي ثمارها الان ؟ وبالتالي لا خوف على الإطلاق من الإقتراض على شرط أن نعمل ونعمل ونعمل بجد وننطلق للأمام ولا نسمح لاحد ان يجذبنا إلى الخلف بإذن الله كل التقارير تؤكد غن مع توفر جو حرية وعدالة ومساواة وديمقراطية في مصر .. فمن الممكن أن نكون دولة قوية إقتصادياً وسياسياً خلال 5 سنوات لكن يجب ان نردد ليل نهار هذه المقولة اللهم اكفني شر أصدقائي .. أما اعدائي .. فأنا كفيل بهم

بصوا انا مش هكدب و اقول الموقفين اللي هحكيهم دول حصلوا من صحابي او ناس شوفتهم لانهم بصراحة انا اللي عملتهم بس و الله من كثر المشغوليات لا أكثر الموقف الاولاني كنت شغال في وزارة حكومية في مصر و في يوم طلبوا مني اني اكتب مذكرة فنية و اعرضها علي المدير المهم كتبت المذكرة و رحت اسلمها للسكرتارية بتاعتة المدير دخلت و قفلت الباب (موضوع قفل الباب من جوة ده مهم خلوا بالكم) ورايا لقيت اثنين سكرتيرات قاعدين علي مكاتبهم سلمت المذكرة و انا خارج قعدت اخبط علي الباب من جوة قال ايه مستني حد يقولي ادخل خبطت اول مرة مفيش حد رد ثاني مرة مفيش حد برده رد المهم لقيت البنتين ميتين علي روحهم من الضحك وواحدة بتقولي هو حضرتك بتعمل ايه يا باشمهندس دنجل و انا مش واخد بالي خالص ان احنا جوة الأوضة مش بره قلتلها عايز اروح مكتبي المهم البنت و هي بتضحك برضه قالتلي طيب حضرتك بتخبط علي الباب من جوة ليه اخيرا اتنبهت ان الخبط علي الباب لازم يكون من بره مش من جوة و انا خارج طبعا وشي جاب الوان و كنت في نص هدومي و قلتها اه صحيح ايه اللي انا بعمله ده و مشيت و انا في نص هدومي الموقف التاني قاعد علي مكتبي كنت برضه بكتب تقرير التليفون رن من غير ما ارفع سماعة التليفون قلت الووا مين اللي بيتكلم التليفون برضه لسه بيرن و انا عمال اقول الووا الناس اللي حوالية هاتك يا ضحك المهم واحدة قاعدة في المكتب اللي جنبي نبهتني ان انا ما رفعتش السماعة لسه و دي كانت نهاية دنجل في الوزارة

أهمية علامات الترقيم كتب أستاذ انجليزي العبارة التالية على السبورة ( Woman without her man is nothing ) وطلب من الطلاب و الطالبات وضع علامات الترقيم على الجملة الطلاب كتبوا... : ( Woman, without her man, is nothing ) واثقييييين بقوووه المعنى / المرأة، بدون الرجل ، ولاشيء والبنات كتبن... : ( Woman: Without her, man is nothing ) المعنى / المرأة : بدونها ، الرجل ولا شيء عرفتوا ايه فايدة علامات الترقيم

قرفان من ناس معينه ربنا ياخدهم

حاجة جميلة جداااا بس معتقدشى ان مصر هتعمل كدة حتى لو حصل عندهم مليون زلزال لان واضح جداااا انى اغلب المصريين لم يتغيروا الى الأحسن ابداا ومازالوا فى ضلالهم القديم (( ان الله لا يغير ما بقوم حتى يغيروا مابأنفسهم )) للأسف الشديد مازل الناس وهو يسيرون فى الطريق ومنهم من يلقى الزبالة فى الطريق على الرغم من هناك صندق للقمامة امامة ولكن لااعرف لماذا لم يتغير المصريين - اتمنى التغير للأفضل - فاتذكر ماقالة السادات حول هذا الموضوع لما قامت عصر النهضة فى عهد محمد على وكانت اليابان قد بدات معانا عصر النهضة اليابان وصلت ونحن لم نصل ابدااا ونقف ونرجع الى الوراء وعندما قام عصر النهضة فى عهد الرئيس عبدالناصر وكانت الهند قد بدات معنا فى عصر النهضة فوصلت الهند ونحن وقفنا محلك سر ولم نتقدم - انا دائما على اقتناع تام بان الشعب اذا اراد ان ينضج فكريا ويتقدم علية بالتغير بنفسة اولا - وليترك الشعارات الرنانة كاسياسة التغير الأوبامية والبرادعية التى لا اعرف ماالذى تم تغيرة الى الأن حقيقه لابد ان اصارح نفسى واصارحكم بها باننى لم ارى اى تغير ابدا قد طرا على المصريين فكما قلت فى السابق انهم مازالوا فى ضلالهم القديم والأسعار قد زادت بمعدل غريب الشكل وقد ضاعت هيبة الدولة ادعوا الله ان يوفق مصر ويأخذ بها حتى تصل الى الطريق السليم

رغم اني غير موافق علي هذاالعبث الا اني ممكن استنتج الاسباب لو كان هناك فعلا ضوء اخضر من المجلس 1- اسرائيل قالت لو المصالحه تمت هاتحرق مصر فده استعراض قوه للكثافه السكانيه وهي تجيييش مليون او اتنيين علي الحدود (علي فكره الكثافه السكانيه هي اللي خلصت الثوره بدري في مصر لما بلد يخرج فيها 9 ولا 10 مليون بتظاهروا في حين ان ليبيا كلها خمسه مليون) 2-رساله لاسرائيل بعيدا عن التسلح ممكن نقول للشباب -بستك- عليها 3- المسيره دون السلفيين والاخوان وقد تحقق مكاسب سياسيه برفع سعر الغاز مثلا زي الاردن فيكون الاسلاميين ملهومش فيها والمجد لليبراليين 4- حسني في شرم والناس يمكن تعدي عليه فحفاظا علي حياته هانحطه في طره مع ولاده الا ايه هي الصياعه الالكترونيه دي ياتيمور ياخويا:blink:

لم أتتبع الخبر فى الأيام الأخيرة و لكن قبلها كان الواضح السماح للمصريين فى الخارج بالتصويت الإليكترونى فى الإنتخابات الرئاسية فقط و بالتالى عدم السماح لهم بالتصويت فى الإنتخابات البرلمانية و أتصور أن ذلك يرجع لصعوبة التصويت البرلمانى من الخارج و لكن كل شئ ممكن نظريا. لا أتصور آليات المشاركة الإنتخابية للعاملين فى الخارج طبقا لدوائر محل إقاماتهم فى مصر و خاصة أن عدد كبير منهم طالت مدة إقامتهم فى الخارج مما يضعف صلتهم بدوائر محال إقامتهم فى الوطن.

ما هذا العبث حتى و ان صح القيل هل هذه معلومات تعرض بكل اريحيه بهذا الشكل للعلن و فى المنتديات هل امن بلدنا الوطنى مستباح الى هذا الحد

حابب اقول من غير تهليل ان جيت للحق دمه تقيل تدخل وانت مبسوط ومهيص تخرج منه شايل حمل تقيل بس انت يابن الايه عنتيل معجون عفاريت من ايُة جيل لكن مصرى ايوه ومصرى اصيل بس شويه يعنى شويه بخيل واوعك تزعل منى ده تبجيل يابو الطيبه ياشخص نبيل انا ادامك حد بجد نحيل اكتب واشجينا من غير تأجيل وحنسعد برده بكل قليل واكشف كل ضئيل وعليل وعويل اكتب تانى علشان الكل وعلشانى واوعك تبقى علينا بخيل وانانى يامصرى أصيل يأبن النيل ياجميل

صباح الخير و الجمال على الكل سواء الى موده كدا او الى موده كدا الموضوع باختصار اكيد باين من عنوانه الركن دا ركن يومى كل يوم تحطولنا فيه صوره من مودك عبر عن المود الى حاسه بصوره تعبر عنه خلينا نشاركك فرحان زعلان تعبان حتى لو قرفان لو حبيت علق على الصوره براحتك و لو حبيت تسيبها زى ما هى كل واحد فينا يقراها زى ما يحسها برضه اوكيه مفيش عدد معين لو مودك اتغير كل 5 دقايق حطلنا صوره كل 5 دقايق عبروا عن تقلباتكم النفسيه الى اخر حدودها بحريه ووووووووو وبس

التوبيك مخصص لمساعدة الطلاب الباحثين عن المنح الدراسية والدعم المالي من أجل مواصلة دراستهم .لتوفير قائمة بالمنح الدراسية المميزة و معرفة و معلومات حول الدراسة الجامعية لنيل شهاداة الدراسات العليا-ماجستير والدكتوراه ،وخلافه

عايز أقول..ومحدش يزعــل المنـتـدى بـقى دمُــه تـقــيــل ودا شئ واضح.. جـدا جــدا مش محتاج .. برهان ودليل المواضيــع.. أغلبها سياسه ومُجادله.. ومــــط..وتطويل والإشاعات ..أشكال.. ألوان نــازله تِرِف .. كــأنها سـيـل واللى يقولك .. سلفى وجاهل واللى يقول .. علمانى عــميل واللى بيـمـدح.. فى الإخـوان ويــذِم .. فى حــركة إبــريــل واللى بيتــكلــم ..ولا يســمــع وتحــــاورُه .. يوريــك الويل إيه يا جماعه..الرحمه شويه التـغيير..شئ بــردٌه جــميــل لوغلطان..ف كلامى..لومونى ونا بشكـُـركم .. شُكر جزيـــل أنا بشكُركم....شُكر جزيـــــل ملحوظه : اللى يزعل من كلامى ...يقيمنى بالأحمر ..وميهموش ..والتقييم بالأحمر ...لا يفسد للود قضيه و.....التونسى

حبيبي..حبيبتي..سأغزل لك من شعاع النور خيطا من حرير.. حبيبي..حبيبتي..سأصنع لك من بهاء الشمس بريق نظرة عين.. حبيبي..حبيتي..سأنظم لك من شعاع القمر لؤلؤة محبة.. حبيبتي..حبيبي..سألضم كل لؤلؤة التمعت على عناب شفتيك في خيط النور.. سأجلب كل بهاء الشمس ليكون على أطراف الحرف بريق عين تتطلع لحروفك حبيبتي..حبيبي..لنجعل كل حرف فينا ينطقنا..لنجعل كل شمس تشرق منارة حب..لنجعل كل قمر يلتمع في السماء قسمة بيننا..ليلف كل حرير الأرض بهاءنا ..ليجمعنا النور عشقا واحدا تفرق على عاشقين..جسدا واحدا تفرق على هيكلين..هيكل ذكرك وهيكل أنثاي..هيكل أنثاك وهيكل ذكري..لنكن كما كنا..كما نكون.. كما سنكون .. كلا واحدا يحيا ويحب ويكتب..منذ الآن لن ننطق أبدا منفردين..لن ينطق فينا أو منا أو لنا غير واحدنا ..واحدنا الأوحد .. أنا أنت.. أنت أنا .. يا كلانا. الأعزاء الكرام أعضاء منتدى محاورات المصريين الشامخ تحية طيبة وبعد ..، يسعدنى أن أبدأ أولى خواطرى معكم فى القاعة الأدبية التى أحبها كثيرا بهذا الموضوع الرقيق ..وهو عبارة عن رسائل حب بين الأحباء ..رسائل متخيلة أو حقيقية ..لا يهم هذا كثيرا ..المهم هو امكانية وجودالحب نفسه فى التصور أو فى الواقع ..امكانية خلق الحب ومعاشرته ..لنكتشف قدرتنا على أن نحب وننشر الحب ونعلم الحب فى هذا العقد..عقد اللؤلؤ الذى ستكون كل حبة فيه رسالة محبة على اختلاف مناسبتها وإحساسها فهى إنسانية ..إنسانية فى حزنها ..فى فرحها ..فى غضبها ..فى دمعها ..هى نحن الإنسان فى كل حالاته مع الحب وللحب ولأجل الحب .. أتمنى من كل قلبى لو أن تعجبكم فكرة الموضوع وتحبونها وتشاركون معى برسائل حب ابداعية للحبيب ..من واقعكم أو من خيالكم .. تحياتى لكم جميعاً .. عشتار

شوفوا واحكمــــــوا بنفسكــــــــــــم مكان السيارة لما توقفت عن الانقلاب الصورة الثانية تبين إزاي بدأ الحادث معه بقفز من السور الى ان توقفت السيارة شوفوا الصورة الثالثة علشان تعرفوا انه ابن محظوظة v v v v v v v v v v v v

بعد ما خلصت الشغل اللي ورايا..رجعت في الكرسي لورا شوية..و قلت أسترجع شوية من ذكرياتي..و أنا باخد شفطة من كباية القهوة..و بعدين قلت..أنقلها هنا..يمكن تتحط في كتاب كده ولا حاجة..و نبيع و نقب علي وش الدنيا بأه..بلا غربة بلا وجع قلب هي شوية مواقف كده حصلتلي في الغربة..و بتبدأ من أول سفرية ليا في ليبيا.. أول واحد..حصل في أول يوم شغل ليا في طرابلس..و أنا راجع من الشغل..ركبت مواصلة كده اسمها أفيكو..المهم..الأخ اللي ورايا..عمال يشاور علي الشباك..ويقوللي..سكر الروشن.. قلتله..حاضر..ان شاء الله طبعا أنا لا عارف يعني ايه سكر..ولا يعني ايه روشن شوية..قاللي .. يا أخ..سكر روشن..قلتله طيب يا عم..اهدي بس كده..وبعدين قلت لنفسي..يمكن بيشاورلي علي حاجة بره..فبصيت من الشباك..وقلتله آآآآآه..تصدق.. الراجل بعدها ما مسكش نفسه..و قام قافل الشباك اللي جمبي..قلتله..ياراااااجل..ما تقول من الصبح سكر روشن .. لازم تصعبها عليا يعني؟؟ طبعا سكر يعني اقفل..و دي حتي هنا في الخليج..و الروشن..دي كلمة دارجة بالليبية .. يعني شباك..و فيه رواية انها كلمة ايطالية أصلا مش ليبية..والله أعلم. موقف تاني..حصل لواحد صاحبي ..واحد من الطلبة اللي عنده قالله..يا أستاذ..اديني رقم نقالك (يعني موبايلك) عشان أتصل بيك لو احتجت حاجة قبل الامتحان,,صاحبي قالله أنا مش حافظ رقمي..اديني رقمك أرن عليك و احفظ النمرة عندك بعد كده..الراجل اداله الرقم..صاحبنا بيرن عليه (خلي بالكوا..كل ده و هما واقفين مع بعض..وجها لوجه) الراجل تليفونه رن..من تليفون صاحبي طبعا..الراجل قالله..دجيجة ياستاذ..جالي تليفون طبعا صاحبي وقف مذهول لبضعة دقائق..وبعدين خد بعضه و روح و هو بيكلم نفسه.. تالت حاجة..و دي تقريبا كنت حكيتها قبل كده هنا في المنتدي .. بس بصراحة كانت حكاية في غير محلها .. أقدر أحكيها هنا..و أنا عاوز كل واحد يحط نفسه مطرحي..و يقوللي..ماذا تفعل لو كنت مكان الراوي؟؟ واحد زميل في الغرفة..قلتله..هنشترك مع بعض..و نجيب غلاية..و باكو شاي..و كام كيلو سكر..و برطمان نسكافيه..و حاجات من دي..عشان تبقي عندنا هنا في الأوضة..بدل المطبخ اللي زمايلنا في الشقة قلبوه مزبلة.. الراجل يقول..لا يا عم أنا ماليش في الشاي و القهوة و الكلام ده.. خلاص . أجيب أنا علي حسابي و أمري الي الله..مش مشكلة..و أهي تبقي الحاجة بتاعتي و لا الحوجة لحد جبت الشاي و السكر و النسكافيه و الغلاية..وكل حاجة..و أصحي من النوم يا معلم علي صوت خبط و رقع..ايه ده..فيه ايه؟؟ أتاري الأخ .. حاطط في كباية معلقتين سكر..و معلقة نسكافيه..و معلقة مية..و عمال يضرب النسكافيه في الخلاط اليدوي ده..و فاتح الغلاية و بيغلي مية.. قلتله..انت بتعمل ايه يا سيد؟؟ يقول..يا أخي ما بعرفش أبدأ يومي من غير مج نسكافيه عالصبح..؟؟ ما بتعرفش تبدأ يومك..يا أخي عنك ما بداته يا بعيد..أمال بقالك ييجي 25 سنة بتبدأ يومك ازاي يا منيل؟؟ طبعا ما دفعش مليم في الحاجات دي..و أنا طبعا محرج..و عمري ما هقولله ما تستخدمش الحاجات بتاعتي.. موقف كمان..بس ده حصل في السعودية..وواحد صاحبي اللي حكاهولي.. معاه واحد سعودي..لقاه بيتكلم في التليفون..المكالمة كالتالي : (طبعا احنا ما نعرفش الطرف الثاني بيقول ايه..ده كله كلام الراجل بس) - والله ما أدري - والله ما أدري - والله ما أدري - ما أدري والله - عليكم السلام بس كده..المكالمة خلصت..وقفل السماعة... ايه المكالمة اللي مالهاش أي لازمة دي؟؟ الموقف ده بأه..حصل معايا..أول ما جيت السعودية..كنت في القصيم..و كان أغلب اللي شغالين معايا هنود..و كفيلي كان بيطلب مني أحيانا أشرحلهم حاجات عندنا في البرمجة..المهم,,,شرحت لواحد فيهم..و أقولله فهمت؟؟ يهز دماغه يمين و شمال..طبعا دي عندنا يعني لأ أعيد تاني..و أقولله..فهمت يابا..يهز دماغه..يادي النيلة..آخر مرة و مش هعيدها تاني و أشرح..وفهمت يابا الحاج؟؟..يهز دماغه..فيييين و فيييين..الكفيل قاللي..يابني..دي يعني أيون..مش يعني لأ زينا طبعا بعد ما كنت جبت آخري و قلت مش هشرح حاجة تاني..و عنهم ما فهموا وان شاء الله الموضوع مفتوح لمواقف أخري للأعضاء..يلا..خلوا المنتدي يرجع تاني كده..بدل الكآبة اللي احنا فيها اليومين دول

الكسب غير المشروع يحبس مبارك 15 يوما.. ويحقق مع قرينته الجمعة قررالمستشار عاصم الجوهري مساعد وزير العدل لشئون جهاز الكسب غير المشروع مساء الخميس حبس الرئيس السابق حسني مبارك لمدة 15 يوما على ذمة التحقيقات التي جرت معه بشرم الشيخ بمعرفة محققي الجهاز، والتي استغرقت أكثر من 3 ساعات في قضية اتهامه بتضخم ثروته وأفراد أسرته، وتحقيقه لكسب غير مشروع، مستغلا في ذلك صفته الوظيفية كرئيس للبلاد، كما قرر المستشار الجوهري إرجاء التحقيق مع السيدة سوزان صالح ثابت قرينة مبارك إلى صباح الجمعة. وقام الجهاز خلال التحقيقات بمواجهة مبارك بتقارير الجهات الرقابية المتعلقة بتحقيقه لكسب غير مشروع على نحو لا يتناسب مع دخله الشرعي من خلال عمله الوظيفي. وسوف يصدر المستشار الجوهري بيانا تفصيليا الجمعة يعلن فيه نتائج التحقيقات التي جرت مع مبارك وقرينته سوزان ثابت. وكان فريق من محققي جهاز الكسب غير المشروع قد بدأوا مساء الخميس تحقيقات موسعة مع الرئيس السابق حسني مبارك وزوجته سوزان صالح ثابت في البلاغات المقدمة ضدهما والتي تتهمهما بتضخم في ثرواتهما. http://www.egynews.net/wps/portal/news?params=124358

هو فى ايه ...........!!!؟؟؟ ممكن نعرف من ادارة منتدانا الجميل ده .... سبب حذف المشاركات السابقة للاعضاء !!!؟؟؟؟

حالة الطواريء تعني الأستنفار والحيطة والحذر من أي خطر يهدد البلد قانون الطواريء كلنا عارفينه إنه سيء السمعة وفي إختلاف بين الاتنين كبير جداً ما حدش واخد باله من حاجه ؟ إحنا كمان شهرين داخلين على مدبحة ... وهاتشوفوا كلامي ده بالحرف الواحد المدبحة هي إنتخابات مجلس الشعب اللي الكل طمعان دلوقت وعاوز يثبت نفسه على الارض .. ولو ما كانش في حالة طواريء .. وأمن 100 % .. وقوانين مُنظمة مُلزمة للجميع ... هاتحصل مدابححححححححح بكل معنى الكلمة

ده كان شيء متوقع استاذ عادل وبصراحة وبعد كل اللي شفناه ... احنا شعب ما يتحكمش إلا بالطواريء السلام عليكم و رحمة الله و بركاته هو انت راي حضرتك كده؟؟؟ احنا شعب ميتحكمشي غير بالطريقة ديت!! طب مش هقول لحضرتك ان الشعب هو مين لانه المفروض انه حضرتك و انا اخويا و الناس العادية اللي ماشية في الشارع مش هقول لحضرتك ان اصلا الثورة لما قامت كانت بسبب قانون الطواريء اللي اخد العاطل و الباطل في سكته و كانت هي هي نفس الحجة...عشان الارهاب يا جماعة و عشان الشعب ميتحكمشي غير بالحديد و النار مش هقول لحضرتك....اشمعني بنجري اوي علي قانون الطواريء اللي هيقش شوية ناس و بنحط راسنا في الرمل و مبنحاولشي نجيب اساس المشكلة من الجدر لكن اللي هقدر اقوله لحضرتك انا واحدة من الشعب اللي حضرتك قولت عليه فوق دوت و مرضاش اتحكم بالطواريء تحياتي استاذي وتحياتي أنا أيضا أنا لا أدافع عن الطواريء أو قانون الطواريء لكن قوليلي كده لو سمحتي احنا من ساعة مبارك ما مشي ... واظن اهه مفيش قانون طواريء ... صح ايه اللي حصل .. هل احنا قدرنا نشوف ايه المطلوب مننا عشان نبني بلدنا ... ولا فضلنا رافعين يافطة ثورة ثورة. انا بسألك حضرتك سؤال دلوقت ... ايه اللي احنا عملناه من ساعة مبارك ما مشي لحد دلوقت ... ايجابي وفي صالح اقتصاد البلد ... اللي هو كان السبب الرئيسي في خروج الناس للثورة ... يمكن حضرتك لو كنتي في مصر كنتي خرجتي في الثورة عشان قانون الطواريء ... لكن اعرفي حضرتك كويس ان الملايين اللي خرجت في مصر خرجت كلها عشان الفساد اللي دمر اقتصاد البلد وحول حياة الناس لجحيم ... 3 شهور بدون طواريء ... عدي حضرتك كام مظاهرة واعتصام واضرابات عن العمل ... اتسببوا في خساير 7 مليار جنيه حسب تصريحات وزير المالية كام حادثة فتنة هنا وهناك ... عمرنا ما سمعنا عنهم من زمان قوي ... يعني هو كان كتيرها انه يحصل خناقة ... واحد يتجرح ... أو يحصل حادث فردي في اتجاه واحد زي حادث القديسين .. لكن حوادث في اتجاهين ومعارك بالرصاص بين الطرفين زي ما شفنا في منشية ناصر وامبابة ... حضرتك شايفة انك مترضيش انك تقبلي قانون الطواريء .. وده صحيح لما تكوني عايشة بره مصر في الأمان .. لكن لما تبقي في مستشفى والبلطجية يدخلوا يكسروا المستشفى ويضربوا نار جواها وممكن يجيلك سكتة قلبية من الرعب .. هتقولي يا أهلا بالطواريء ... لو كنتي ماشية في الشارع ساعة ضرب النار بتاع امبابة وجت لك رصاصة من هنا ولا هنا .. هتقولي يا أهلا بالطواريء ... استاذتي الفاضلة ... علينا أن نعترف أن مجتمعنا ليس هو مجتمع الواعين المثقفين الذين كانوا ينظفون ميدان التحرير ... ( بالمناسبة اين ذهبت حملات تنظيف الشوارع ؟ ذهبت مع الريح لصالح مليونيات التحرير ). مجتمعنا فيه فئات كثيرة جدا .. زي الفئة اللي ضربت الدكتور البرادعي بالطوب وكانت هتموته وهو راح الاستفتاء .. من غير ما تراعي إنه راجل محترم وعلى الأقل كبير في السن ... في فئات كتير جدا ... زي الفئة اللي اقتحمت مستشفى المطرية ونزلوا ضرب نار جوه المستشفى عشان ياخدوا بتارهم من واحد بلطجي زيهم .. وقتلوه جوه المستشفى. في فئات كتير جدا زي الفئات اللي ليل نهار نازلة هجوم على الاقسام عشان تخرج المجرمين .. عارفة حضرتك .. مش جميع المتهمين اللي في أحداث إمبابة اتحولوا لمحكمة عسكرية .. طب مهو ده قانون طواريء .. ليه مسمعناش حد اعترض وقال لأ .. دول مينفعش يروحوا لمحاكم عسكرية عشان ده ضد القانون الطبيعي. استاذتي الفاضلة ... " ... عندما تتعرض سلامة البلاد للخطر، ينبغي أن تتخذ كافة الإجراءات التي من شأنها المحافظة على كيان البلاد واستقرارها دون نظر أو اعتبار إذا كانت هذه الإجراءات عادلة أم جائرة..." لما نلاقي ناس واعيين .. عارفين ايه سبل الاعتراض على القرارات وعارفين أنه في إجراءات قانونية نقدر نعملها لو اعترضنا على قرار معين ... زي قرار محافظ قنا مثلا ... بدل ما يروحوا يقطعوا شريط السكة الحديد 13 يوم كاملة .. من غير ما حد يفكر في الخساير الهايلة اللي هيتسبب فيها حاجة زي كده .. يبقى ساعتها وبكل نهتف جميعا .. لا للطواريء.

وحضرتك شايف 'بعض الناس' يبقوا مين؟ هو حضرتك مش شايف ان فى ناس عاوزين يعملو فتنة طائفية فى البلد ؟ أنا شايفه طبعا. كل اللي بيحصل ده لا يمكن يكون بيحصل لوحده عشان دي مش طبيعتنا خالص. اللي أنا قصدي اقوله: حضرتك شايف مين بعض الناس اللي عايزين يعملو فتنه دي ؟ في مصلحة مين؟ أنا شخصيا شايفه اللي مستفيد من الفتنه مستفيد من قانون الطوارئ.

طيب هوه وائل غنيم يعني ...........معصوم من الخطاْ او سوءالتصرف ؟ كل واحد له وجهة نظر ومش معنى ان وائل هايشارك ,ان جاله ضوء اخضر والا ,ممكن نقول انه جاله ضوء اخضر برضو يوم مانزل يشارك في الثوره في التحرير بس

اكثر من رائعة ...ومعبرة للغاية فلسفة العطاء والمنع ....ما منعك الا ليعطيك ...

بس ده تصرف مش شريف منك يا روشة ومن العادل - ي - إنك كنتي ما تفكرنيش بالحاجات دي في لحظة فرحي بس عشان النجاح ده غالي عليه وعشان أنا إنسان عاقل و رشيد انا مش هارد عليكي هههههههههههههههههههههههههههههههههههههههههههههههه كل ده ومش هاترد ؟ امال لو رديت ,كنت هاتقول ايه ؟ انا بس حبيت في ....عز ...فرحتك ,اغلس عليك شويه عموما انت طلعت زي ...عهدي....بيك. بتكتب كلام ...نظيف...وعلى ميه بيضاء

بس ده تصرف مش شريف منك يا روشة ومن العادل - ي - إنك كنتي ما تفكرنيش بالحاجات دي في لحظة فرحي بس عشان النجاح ده غالي عليه وعشان أنا إنسان عاقل و رشيد انا مش هارد عليكي

واحد ميسور متجوز أربعة امريكية و سورية و لبنانية و مصرية قام يصلي الفجر سمع خروش...ة في الصالون... راح يشوف في أيه.. لقي الأمريكية على جهاز الرياضة قاللها أيه مصحيكي بدري؟ قالت له ...my dear لازم أحافظ على رشاقتي ولياقتي وأعمل إيروبكس كل يوم !! قام سمع خروشة في ال...مطبخ .. راح يشوف في أيه... لقي السورية شغالة يتعمل فطار.... قاللها أيه مصحيكي بدري؟ قالت له ... إبن عمي... تئبرني اشتهيتلك هالكم حبة كبة وصحن هالتبولة... ما هاين علي تطلع على ريق بطنك قام سمع خروشة بغرفة النوم راح يشوف في أيه... لقي اللبنانية قدام المراية بتزبط حالها قاللها أيه مصحيكي بدري؟ قالت له.. حياتي عم جهز حالي لإلك ..عشان تصطبح بأحلى وش... بس تخلص صلاة ناطرتك يا روحي قام سمع خروشة في الطرقه راح يشوف في أيه... لقي المصرية شعرها منكوش وبتتمطع وبتثاوب ولابسة البيجاما اللي نايمة فيها قاللها أيه مصحيكي بدري؟ قالت له... وانت مال امك... أنا رايحة الحمام وراجعة أنام!!

بس دي محبوسة يا شيكو ! الحرية ادامها شايفاها و مش طايلاها ! لو كانت الصورة فقط بدون التعليق كنت قفلت بؤي :happy: لكن التعليق خلاني اتطفل واسالك ,, ....بص يا هندسة .... انا كائن مائى 100% .... عايشة دور السمكة ....طول الوقت .... بسبح شوية ضد او مع التيار ماتفرقش المهم اسبح ... المهم اتواجد فى البيئة المائية وخلاص ...... على طول شايفة الدنيا صفحة مياه واحنا جواها ....احساس الحوض الزجاجى لا يفارقنى ... ومع ذلك اعيش وكأنى ارى مدى البحر ..... الحرية احساس .....بالبراح .... موش براح المكان .....

ربنا يوفق الشباب الروش اللى طالع رحلة غزه ومادام مش مقتنعين بكلام حد مانتسوش كل واحد ياخد المزه بتاعته لان الجو هناك جميل والرحله طويله وياريت ماتنسوش تاخدوا معاكم كايرات علشان تتصوروا مع المزه المهم هتولعوها ولودخلنا فى حرب هاستدعى للجيش انا وامثالى وندخل فى حرب يعلم الله متى ستنتهى وهترجعوا حضراتكم تحاربوا مع المزه من خلال الفيس بوك خيبة الله على من يحاول دمار البلد من اجل شو اعلامى او مصلحه خاصه

يا مغتربة أنا كنت بتريق بتريق على الناس اللي شغلت نفسها بالماضي من غير ما تفكر في المستقبل الناس اللي شغلت نفسها بالمحاكمات والأموال اللي هترجع ... وتخلينا نرجع لأيام ألف ليلة وليلة ... احنا من ساعة مبارك ما مشي واحنا معملناش حاجة واحدة صح ... واكتر من كده بوظنا علاقاتنا بدول الخليج ... الدول الوحيدة اللي كانت ممكن تساعدنا. لكن لأ .. كسفناهم ومعملناش ليهم حساب .. وفوق من كده دلوقت بنتهمهم كمان انهم سبب البلاوي اللي بتحصل في مصر .. وانهم صارفين المليارات عشان أحداث الفتنة الطائفية ( أصلهم يا عيني على راسهم بطحة وخايفين إن مبارك يتحاكم عشان فضايحهم هتطلع زي ما النوارة كاتبة في مقالها الأخير ). وعلى العموم ادينا هنشوف ... نتيجة الثورة .. يمكن تكون دي أعراض المخاض .. ويمكن تكون أعراض الموات.

بالنسبة للجزء الأول ، رددت عليه من قبل أكثر من مرة هل انت موافق ان يقابلك جارك المسيحى أو زميلك في العمل ويقول لك صباح الخير ياكافر؟ وترد عليه وتقول له وعليكم مثل ماقلتم ياكافر يامشرك؟ بالنسبة للجزء الثانى ، كي تبني مسجدا فى أمريكا لاتوجد اشتراطات سوى الاشتراطات الهندسية واكواد البناء ، لدينا فى المدينة التي اقطن بها ثلاثة مساجد ، احدهم اقامه المسلمون الاقدم مني على ارض فضاء ، الثانى كان كنيسة تم شراؤها ، والثالث قاعة كبيرة مستأجرة. بالاضافة لمصلى بالجامعة ، الحكومة هنا لاتدعم دور العبادة . يا استاذ محمد .. حضرتك انسان ليبرالي مثقف وحر .. يعني المفروض تكون موضوعي في كلامك .. هل انت مثلا سمعت عن واحد مسلم سواء سلفي ولا اخواني قابل واحد مسيحي وراح قايله في وجهه .. صباح الخير يا كافر ؟ لو كنت سمعت عن مسلم عمل كده .. هات لي اسمه وعنوانه وانا اوعدك إني اروح اديله درس في حسن معاملة أهل الكتاب .. من أجل تأليف قلوبهم على الإسلام والمسلمين. أما مسألة العقائد دي هما مالهم بيها ولا مزعلاهم ليه .. انا عقيدتي تنص على إن المسيحي واليهودي كفار .. وأنهم خالدون مخلدون في النار .. هما مالهم .. انا منيل بنيلة .. هما مالهم .. انت يكون ليك الأحقية إنك تتكلم لما تلاقي حد بيقولك لازم تعامل الكفار دول معاملة سيئة .. ساعتها نقوله لأ . الدين قال إن دول كفار لكنه أمرنا إننا نعاملهم معاملة حسنة .. وإننا نحسن إليهم. طب عايز اقولك حاجة .. انا مزعلني بقى اللي هما بيقولوه على سيدنا عيسى وانه اتصلب .. يا ريت تطلب منهم انهم يغيروا الكلام ده اصله مزعلني. ولعلمك يا استاذ محمد .. انا لما بقول على المسيحي انه كافر مش معنى كده أني بقول أنه زيه زي البوذي مثلا .. لأ .. المسيحي واليهودي من أهل الكتاب .. واحنا معترفين أن في نبي اسمه عيسى ونبي اسمه موسى .. وربنا أمرنا اننا نحسن معاملتهم ولا نجادلهم إلا بالتي هي أحسن. لكن على فكرة عندهم .. مفيش حاجة اسمها نبي اسمه محمد .. ولا كتاب سماوي اسمه قرآن .. ولا في ديانة سماوية اسمها إسلام ... يعني سيادتك يا استاذ محمد عند المسيحي لا فرق بينك وبين البوذي .. وعشان كده انا استغربت جدا من تصريحات الانبا بيشوي لما قالك ان القرآن تم تحريفه في عهد عثمان وأنه أدخلت عليه آيات تكفير النصارى .. لأن المعنى المباشر لكلامه .. إن في كتاب سماوي فعلا اسمه قرآن .. وإن في نبي نزل عليه الكتاب ده اسمه محمد .. وإن في دين سماوي جاء بعد المسيحية اسمه الإسلام.. كل ما هنالك أن بيشوي يخالفنا فقط ويقول .. أن القرآن تعرضت بعض آياته للتحريف في عهد سيدنا عثمان... ولو مكنش في كتاب سماوي اسمه قرآن يبقى انت مزعل نفسك ليه يا سيد بيشوي من إنه ادخلت عليه آيات في عهد عثمان ولا لأ... مهو كده كده مش كتاب سماوي .. وإنما تأليف من محمد .. زي ما بطرس زكريا كان بيقول. المهم نرجع لموضوعنا ... مسألة العقائد دي يا استاذ محمد مسألة ثابتة لا يجوز تغييرها ومن يريد تغيير العقائد أو المطالبة بكتمانها فيا ريت يكشف الغطاء عن وجهه الحقيقي.. ويقول أصلا إنه مش عايز يبقى في حاجة اسمها دين في المجتمع .. ولو فرض وطلبت إنه يكون في دين .. يبقى دين كده شيك واتيكيت وحبوب .. وتفصيل .. يعني نرجع تاني نفصل القرآن على مزاج السادة الغير متطرفين ونحذف منه الآيات التي بتتكلم عن النصارى .. زي ما كان بوش بيطالب كده بحذف الآيات التي تتكلم عن الجهاد. بخصوص التعيين في الوظائف .. شفت أمريكا .. أم الحرية والديمقراطية التي لا ترعى بناء دور العبادة .. مفيش فيها وزير واحد مسلم مع إن فيها 8 ملايين مسلم. لكن احنا بنضطهد الأقباط وبنعاملهم معاملة سيئة عشان كده لا يوجد تشكيل وزاري يخلو من قبطي .. ودايما في على الأقل اتنين وزراء أقباط. بخصوص بناء دور العبادة .. حضرتك بتقول ان مفيش شروط .. هل معنى كلامك ده .. إني ممكن بكرة اخد الطيارة واطلع على امريكا .. واشتري كام حتة أرض ابني عليهم جوامع .. يا ريت توضيح زيادة ..

سورى يا جماعه على التاخير لكن بجد كان غصب عنى النتايج ايه النتيجة نسبة كبيرة من (أ) أنت مدرك للنواحي القائمة في الطبيعة البشرية . تحب الاتصال بالأمور الخفية وترضى بمشاعر الخوف العميقة التي تشكل جزءاً هاماً من حياتك، وتشجعها. أنت شديد الاعتقاد بالخرافات . تحب أن تمتلك قوى تتعلق بالظاهرات النفسية غير المعروفة علمياً ، وتعلّق أهمية كبيرة على الإشارات أو الهواجس إلى درجة أنك تتخذ القرارات يوماً فيوماً ، بمساعدة أوروسكوبك، أو أي طريقة أخرى للتكهن أو التنبؤ . على الصعيد الخيالي يمكن أن تتهم أحياناً بالافتتان المرضي ، وبالبحث عن رعشة الهلع بأي ثمن ، وبالرغبة في استخدام ماهو فوق العادي للتهرب من المجتمع والحياة اليومية . إنك، ولاريب، تحب المقامرة، ولك ميل إلى المخاطرة . إنفعالاتك تولد بسهولة تامة، وترغب في معظم الأوقات في مدّ أحاسيسك واختباراتك إلى أقصى حد. ميلك إلى الأمور الخفية تثيرها جزئياً مواهب حقيقية من الحدس والتفهم ، كما يثيرها جزئياً ، من ناحية أخرى ، سعيك وراء الأحاسيس . أنت تفكر وتتصرب تبعاً لغريزتك . يمكن، بوجه الاحتمال ، أن تجد نفسك غالباً في حالات غير عادية، ولكن لاتأخذ ذلك بعين الاعتبار كثيراً لأنه ربما كان ذلك نتيجة خيالك الحاد. هذه الميول إلى الظاهرات النفسية غير المعروفة علمياً يعززها حدوث بعض الأشياء الغريبة حولك ، أحياناً . حـذار : إذا كنت تسعى بكل قواك وراء غير المألوف ، يمكنك بطريقة واعية معالجة الأحداث والأحاسيس ، وتكون ميالاً أيضاً إلى رؤية معانٍ لاتُـصَدّق في حالات يجدك سواك ممّـن هم أقل خيالاً وقصوراً منك ، طبيعية جداً . إن اهتمامك بالأمور الخفية يضيف بعداً ومعنى إلى حياتك هما ثمينان جداً بالنسبة إليك . نسبة كبيرة من (ب) يجتذبك غير المعلّل ، وتميل إلى رؤيته عبر مخاوفك . لابد أنك كنت، في طفولتك، تخشى اللون الأسود . حتى انك حالياً تميل الى رؤية صور تفكيرك وأنت طفل، وشكل هذا التفكير. وهذه الطريقة في العمل تمنحك حدساً أكبر، وادراكاً اكثر حدّة، الا ان ذلك ليس دائماً مريحاً لك . في احيان كثيرة تحسّ بالرغبة في المعرفة ، والفهم، وفي الوقت نفسه لاتجرؤ على ذلك ، تحس بالخوف، ومع ذلك انت مفتون . لديك رغبة حارة في الغوص في الامور الغامضة . تحب ربما افلام الرعب ، والحديث عن الامور الغامضة مع اصدقائك ، والاختبارات الغريبة ، والاجواء غير العادية، والاحساس بالتعرض الى حالات مقلقة نوعاً ما . أنت تعرف أن الطبيعة البشرية ليست سمحاء ، ولكنك لاتستطيع أن تكون كذلك ، في الواقع أنك تشعر بالحاجة الضرورية للاعتقاء بأن الناس لطفاء وأن العالم طيب . لايمكنك ااحتمال التفكير في القسوة، مهما يكن شكلها ، أنت تتعاطف كثيراً مع الآخرين بحيث تحس بالآلام التي يعانون منها ، فتحمل على كتفيك ، بالتالي ، مايحملون . إنفاعالاتك تشفّ دائماً حتى إذا جهدت في إخفائها . أحكامك، وخاصة تلك التي تتعلق بمن يحيط بك ، هي غريزية ومباشرة . تتأثر بسهولة بما يجري حولك ، وتنتشر حساسيتك في دوائر متراكزة مثل الدوائر على سطح بحيرة ، مع أن كل مشاعرك وتفسيراتك شخصية تماماً . تحس بميل نحو الغامض ، إلاّ أن مخاوفك تمنعك أحياناً من اكتشافه بعمق . ومع ذلك تشعر بالحاجة إلى إلقاء نظرة أبعد من الوجود اليومي لإثارة مخيلتك والسعي وراء التفسيرات . نسبة كبيرة من (ج) أنت متفتّح كثيراً فكرياً ، وتهتم بما يتعلق بالظاهرات النفسية غير المعرةفة علمياً، انت قادر على الجمع بين الحدس والتفكير والتأمل الأكثر مادية.باستطاعتك استخلاص الأفضل في هذين العالمين . وبما أنك تشعر بالاتصال بالناحية العميقة من شخصيتك فإن لك إيماناً بغريزتك الشخصية ، أو تبدي اهتماماً بالحياة التي تتجاوز الواقع واليومي . وتظهر تفهماً نحو الآخرين . وتمتاز بدعم أحكامك الغريزية بحسن الفهم والتحليل المنطقي . ذهنك الحاد دقيق المراقبة ، يتيح لك التقاط رسائل ضمنية وفروقاً دقيقة في تصرّف الآخرين . من نواحٍ كثيرة تتكشف عن عالِم نفساني هاوٍ وأنت تحلل باستمرار الناس والحالات . يمكن أن تفتتن بتفسير الأحلام ، وبدراسة فلسفات الحياة، مادمت تود معرفة أكثر مايمكن في ميادين كثيرة . أنت تتأثر بالأجواء . يمكنك إظهار الناحية العميقة في طبيعتك باستخدام حدسك وبتنمية مخيلتك .. تميل إلى استكشاف كل مايبدو لك غامضاً نوعاً ما بواسطة تفكيرك . تجد لذة في التثقف على المدنيات القديمة ، وتجد فيها غالباً الالهام . ومن هنا لايستبعد أن تشعر بالحاجة إلى وسيلة تعبير فنية أو ضرورة للابداع . مع أنك على العموم موضوعي ، ولك سيطرة على انفعالاتك، فإنه من السهل عليك كذلك أن تنقاد بمخيلتك واستيهامك ( الاستيهام تصور تخيلي خادع من حلم وهلوسة ) . تشعر بالرغبة العميقة في توسيع معارفك ، ولديك افتتان حقيقي بغير المألوف ، وفضول كبير للغامض . تلك هي المكونات الأكثر أهمية في حياتك الداخلية . نسبة كبيرة من(د) تبدو واقياً، بالطبع، وتُظهر تشاؤماً حتى تقع على دليل دامغ يتعذر دحضه . إذن ليس ثمة مكاناً للمذهل والغامض في حياتك . الوقائع، أكثر من التأملات، تحدد أراءك . أنت ترى بوضوح ، على العموم، وتظهر قدرة على الموازنة بين الدليل وعكسه بطريقة موضوعية دون أن تتدخل الانفعالات لجعل القضايا غامضة . تتمتع بحس التأكيد ، وتثق بأنك على صواب فيما يتعلق باختياراتك وآرائك ، ولا تتأثر بسهولة بآراء الآخرين . ومع أنك تنبذ الظاهرات الفوق العادية إلا أنك تستطيع قبول الجوانب المخيفة من الطبيعة البشرية دون أن يقلقك ذلك . أنت ترى العالم كما هو ، وترتاح لمظاهره الأكثر بشاعة . تميل إلى إصدار أحكام واضحة ، ومسلكك في الحياة يظهر صلابتك وشجاعتك . تتمتع بالسيطرة على مشاعرك، ولا تصاب إلا بمخاوف قليلة . أنت شجاع وعملي ، وتبدو أحياناً غير متسامح تجاه الآخرين الذين لايشاطرونك وجهات نظرك ، ذلك بأنك تميل غالباً إلى اعتبار الحساسية ضعفاً . أنت امرؤ مباشر ، لالفّ عندك ولا دوران، تتناول مشكلات الحياة كما هي ، وتحلها بطريقتك الخاصة . ومع ذلك ، وحتى إذا كنت تحسب نفسك شخصاً منطقياً جداً ، فالحقيقة أن عدداً من مشاعرك وأحكامك حدسية . إنك في الواقع تنساق وراء غرائزك دون أن تنتبه إلى ذلك . نسبة كبيرة من (هـ) أنت تحترم معتقدات الآخرين ، وتبدو متسامحاً جداً بالنسبة إلى غير المعلّل دون نبذه كلياً . غير أنك لاتتجه مطلقاً نحو هذا العالم لتجد فيه تعليلاً أو راحة . باختصار تكون قادراً على رؤية الظاهرات الفوق العادية كامتداد للقوة البشرية أكثر منها كشيء يتجاوز السيطرة البشرية . أنت تهتم بالعالم الحقيقي ، وتقرن المنطق بالخيال في أحكامك على الناس والمواقف . تتمتع بطبيعة فضولية بالنسبة إلى العالم المحيط بك وتسعى وراء المعرفة والفكر . تفضل إقامة أفكارك ونظرياتك الخاصة على البراهين بدلاً من الاستناد إلى المعتقدات التقليدية . أنت حاد الذهن ، وقادر على رؤية المشكلة في العمق مباشرة ، وبالتالي اتخاذ القرارات بسرعة وسهولة . تتقبل الجوانب المضطربة في الطبيعة البشرية كشرّ لابد منه، ولكنك لاتتوقف ملياً عند هذا المظهر من الأمور. أنت لاتبدي إلاّ القليل من المخاوف ، ولا تتصرف إلاّ حسب مشيئتك . تحسّ، عموماً، بأنك قادر على حلّ مشاكلك ومواجهة معظم المصاعب . تحررك الفكري ، مع ذلك، يمنحك الاستعداد لتفهّم المخاوف العميقة، وتملأ نفسك الشفقة على الذين لايشاطرونك وجهات نظرك . تتمتع بالكثير من الاهتمامات ، وأنت منفتح على الأفكار الجديدة . ومع أن لشخصيتك مظهرا عمليا كبيرا ، فأنت أيضا شخص خلاّق ، يحب الابتكار

التوبيك دمو خفيف اوي يا عطار ,, احكيلكم عن موقف ,, حصل معايا من حوالي 12 سنه وانا في مصر ,, قاعد مع عميل اردني ,, و القعده مافيش اروع من كده عرضت التصميم على الراجل وهو بيبدي اعجابه والقاشيه معدن فاضل بس يعتمد التصاميم عشان نبدأ التنفيذ على الفور ,, لقيت الراجل بيقول لي بكل فخامه : " احنا كده نبلش " !! انا قلت في بالي " ليه الوش الغدر ده ماكنا كويسين !!,, قمت قفلت اللابتوب و قايم لميت لوحاتي بكل هدوء وقلت له : خلاص مافيش نصيب ,, بلاش بلاش الرجل فهم على طول قام قايل لي : نبلش يا باشمهندس يعني نبدأ مش يعني بلاش عندكوا :happy: لي عودة ,,

معرفتش اجاوب على اغلبهم :closedeyes: واضح ان الحالة خطييييييييييرة

عارفة يا أخت هند تاني يوم تنحي مبارك ... انتشرت في مصر رسايل على الموبايل ( اليوم نصر وغدا نبني مصر )... كنت رومانسي كده زي ما كنت رومانسي أيام الثورة ... وكنت متخيل أن اول طلب هنقدمه لحكومة عصام شرف هو طلب زيادة عدد ساعات العمل ل 8 ساعات مثل اليوم الأوربي ... اليوم المصري عندنا 6 ساعات ... في اوربا 8 ساعات .. كنت متخيل كده ... وأول ما مبارك تنحى .. قلت هنا على المنتدى .. خلاص كفاية كده مظاهرات .. وننضف الميدان ونمشي عشان نرجع نشتغل .. عشان نعوض الخساير الاقتصادية الهايلة اللي حصلت أثناء الثورة لكن .. كنت بحلم .. وفقت من الحلم على حقيقة صعبة جدا .. وهي إننا فينا عيوب كتير قوي قوي.. للأسف كنا بنحملها على النظام وهي موجودة فينا احنا بعد الثورة .. ايه اللي حصل .. هل الناس فاقت عشان تبني مصر ؟ لا ... الناس انقسمت في اللي ابتدا يتخانق عشان ياخد حتة كبيرة من التورتة على اعتبار انه جاب الحرية لمصر في اللي ابتدا يتظاهر تاني عشان يحقق لنفسه مطالب شخصية وانتهازية في اللي ابتدا يفتح في دفاتر الماضي عشان يصفي الحسابات وينتقم .. عشان يطهر البلاد. في اللي مسك الكالكوليتور وابتدا يحسب .. يا ترى أنا نصيبي كام من فلوس مبارك .. في اللي ماسك ميكروفون .. وكل يوم جمعة الصبح .. ينده ( مليونية مليونية ). وفوق من كده بوظنا كمان علاقاتنا بكل الدول اللي كان ممكن تدينا مساعدات وادى النتيجة المؤسفة ... مصانع كتير قفلت وشركات كتير فلست وسياحة بتنهار .. وحاولنا نشحت من الدول ومعرفناش .. انا اللي اعرفه اننا لحد دلوقت بنسحب من الاحتياطي وسحبنا 8 مليار لحد دلوقت ... والبقية تأتي .. الألمان بعد الحرب العالمية الثانية كانوا بيشتغلوا 14 ساعة في اليوم .. وإليك هذا المقال

و خلونى انا ابدا انت بقى اخبار موداتكم ايه :wub: :wub:

فى اوقات كتير بيكون الواحد مننا نفسه يعرف المحيطين بيه بيشفوه ازاى بيكون نفسه يتعلم قراءه الافكار علشان يسمع افكارهم عنه او نفسه يسرق عيونهم علشان يشوف هما شيفينه بيها ازاى لكن الحمد لله انهم توصولوا لوسيله اسهل من كل دا علشان يخلوا كل واحد يعرف الاخرين بيشفوه ازاى و المضزع بقى اسهل ما يمكن عايز تعرف كيف يراك الاخرون بسيطه انظر الصوره / / / / / / / / / / / ها صح و لا غلط قول الحق علشان انا شيفاك :P :P :P :give_rose:

ربما تتفاجأ يا أستاذ Mohammad لو علمت أن هذه الأسباب ليست من صنع يدي ، ولا من تحليلي الشخصي !! وإنما هي حيثيات حكم مجلس الدولة في قضية عزل الرئيس السادات للبابا شنودة في الدعوى رقم 934 لسنة 36 قضائية عام 1982 يعني كلام رسمي معتمد من أعلى الجهات السيادية المصرية موجه إلى البابا شنودة وأنا معك أنه إذا ثبت أي سبب من الأسباب التي أشرت إليه أنت مشكورا في مداخلتك بما يخالف القانون المصري والشريعة الإسلامية التي هي مصدر التشريع أن تتم محاكمة المسؤلين عن هذه الأسباب التي ذكرتها أنت إذن فنحن الآن أمام أسباب رسمية مؤكدة بالدلائل ، يقابلها ، وجهة نظر شخصية للفاضل Mohammad وجهة النظر الشخصية هذه إذا تجسدت في أدلة ملموسة فلابد أن تتحول للجهات السيادية لنخلص بلادنا من الفتنة الطائفية ولكن المشكلة لو أنها لم تتعدى كونها كلاما إنشائيا وتحليلا شخصيا انتشر بواسطة الإعلام الفاسد لغرض ما والمشكلة الأكبر في الدلائل الرسمية المثبتة والتي ينكرها البعض من باب دفن الرؤس في الرمال تحياتي ...

الكنيسه والبابا الان لديهم فرصه ذهبيه لحفظ ماء وجههم عليهم ان يعلنوا انهم وباسم الثوره يعتذروا لان هناك كانت اخطاء من قبل الكنيسه فى الماضى ولن تتكرر ويعلن البابا طلب حرية العقيده وزياده فى حفظ ماء الوجه عليه ان يطلب ان يعامل المسملون بالمثل بمعنى اذا اراد مسلم ان يدخل فى المسيحيه االا يعترضه احد والا يقام عليه حد الرده وعليه ان يلقى خطابا يخطب فيه ود المسلمون عندها سوف تعودللدوله هيبتها ولن نحتاج الى حماية الكنيسه لانه لن يكون لها عدو ساعتها السؤال: لماذا يفعل البابا ذلك الان؟ لانه بعد انتخابات مجلس الشعب والنتخابات رئيس جمهوريه سوف يفعل ذلك يالقانون ولست اقصد ان الاخوان او السلفيون هم من سيحكموا حتى لو حكم رئيس مسيحى ومجلس الشعب كله مسيحى فسوف يجبر البابا والكنيسه على التخلى عن دولتهم القبطيه وسوف يعلى من شان الدوله المصريه وسوف يضع قوانين تحد من نفوذ الكنيسه واى رئيس سوف ياتى سوف يفعل ذلك لانه يعلم تماما ما هى الاصوات التى جاءت به الى سدة الحكم وتلك الاصوات قادره على خلعه الرئيس القادم لن يجامل عشره بالمائه من الشعب على حساب 90 بالمائه اما ان الكنيسه الان تتحالف مع الليبرايين والعلمانيين دون اتفاق مكتوب فهو خساره للاثنين الكنيسه تستجدى الكره للمسلمين الليبراليين والعلمانيين يفقدوا مصداقيتهم عند المجتمع فى النهايه نداء الى البابا ...اعمل العقل الان لان تطبيق القانون قادم لامحاله فافعله مخير لامجبر تحياتى

هاصدق جدلاً إن في حمائم وغربان وطيور جارحة من دي في المجلس العسكري .. ولا مؤخذه بيسلموا دقنهم لناس مش عارفه مصلحتها .... ولو أفترضت واحد على المليون إن ده هايحصل يوم 13 او 14 ساعتها هانزل مصر .. بس مش على القاهرة ... هاروح شرم الشيخ وأزور بابا حُسني في المستشفى وأحب على راسه إنه يرجع يشمكنا تاني ويمشينا على العجين ما نلخبطوش أه صحيح هي الأردن دخلت التوبيك النهاردة وعرفت بالمد الثور اللي هايحصل بعد يومين .. فركعت وقالت خلاص .. زودوا سعر الغاز ؟ اعتقد إننا لابد أم يكون لنا وقفة جادة ضد الثورة المضادة التي يقودها الإبريليون .... لإنهم بيعملوا دلوقت زي الدبة اللي بتقتل صاحبها ---------

كارت اصفر :closedeyes: نظرا لاصرار العضو تيمور للالتفاف علي قرار غلق الموضوع السابق الذي يحمل في طياته نفس المضمون وحيث انه لا فائدة تذكر الا تكرار المشاركات في الموضوع السابق غلقه فقد تم غلق الموضوع الإدارة الموازية :P

يا مهندس تيمور انا اختصمك عند الله تعالى على اللى هتعملوه فى مصر ده . حسبى الله ونعم الوكيل عليك وعلى كل واحد بيدعو للخروج هذا اليوم .

خلاص علشان نقفل الموضوع ده بالشكل اللي يرضى اخوانا السلفيين يبقى كلنا لازم نقول: احنا آسفين يا سلفيين المشكله في الناس كلها انما انتو صح وما بتغلطوش أبدا الـ"نصارى" هما اللي حرقوا كنايسهم علشان يلبسوكوا تهمه والإعلام العلماني القذر هو اللي فبرك فيديوهات التهديد ومقالات التحريض على الكنائس والليبراليين الكفره هما اللي حاصروا الكنائس والكاتدرائية وهيجوا الشارع على المسيحيين وماحدش مات ولا اتعور ولاحاجه لأ دول بس عاملين نفسهم ميتين علشان يخوفوا الناس منكم واحنا اللي عملنا الفتنة الطائفية وانتو اللي منعتوها بحكمتكم وعقلانيتكم مش عارفين من غيركم كنا هنعمل ايه احنا آسفين يا سلفيين احنا آسفين يا سلفيين رحمتك يا ربّ

بصي يا بنتي يا لماضة أنا اتعلمت موضوع تنفيض السجادة ده بالطريقة الصعبة يعني أتنفضت أنا شخصيا الأول :closedeyes: بمعني إني كنت بألاقي نفسي في موقف مش عارفة أخد فيه رأي وكل الأراء الجاهزة والمعروضة قدامي مش مرتاحة ليها أو في بعض مواقف ألاقي نفسي في صدمة مع حد كنت وخداه مثل أعلي وواخداه كله علي بعضه زي ما عمر طاهر بيقول كومبو لكن ألاقي في موقف معين رأيه غريب عني ومش مريحني فكنت بأضطر أنفض السجادة ....هي عملية مش سهلة بس النتيجة مذهلة وبتشعري إنك بقيتي إنسانة أنضج وأحسن طبعا ككل الأمور المتعلقة بالعقل والذهن مش عارفة أشرح لك خطوات محددة لكن هأقولك علي أهم النقط كنت بأخد نفسي علي جنب عشان أتكلم معايا بعيد عن الدوشة بس بدون انقطاع عن الأخبار لأن وارد جدا ربنا يبعت لك كلمة أو خبر تساعدك علي تنفيض السجادة بشكل أفضل كنت بأكثر من صلاة الاستخارة ودعاء "اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه" نقطة مهمة جدا وصعبة جدا مش عارفة هأعرف أعبر عنها بكلام صح ولا لأ إنك تفكي الأراء عن أصحابها يعني ما تأخديش في بالك إن الرأي ده اللي قاله فلان اللي أنتي بتحبيه تبعدي الأراء عن الأشخاص وما تأخديش شخص بأرائه كلها علي بعضها باكدج لأ تفككي الأمور وبعدين يا ستي نقطة تانية صعبة إنك تخرجي من جواكي وتطلعي فوق فوق فوق بعيد عن المكان والزمان وتحاولي تتفرجي علي الأحداث بدون وجهة نظر معينة تتفرجي علي الدنيا من بره وأنتي شايفة لماضة ومالكيش علاقة بيها ....هي خطوة صعبة ومحتاجة حالة تأمل وهدوء عالية جدا بس ممكنة وليست مستحيلة وبعدين نقطة أخري إنك لو في موقف معين مسبب لك حيرة حطي نفسك مكان جميع الأطراف ليس بالعقل ولكن بالعاطفة يعني بعد ما تخرجي من نفسك فوق فوق ترجعي تدخلي مكان الطرف الفلاني وتحسي هو حاسس يأيه ....ركزي علي المشاعر مش علي المنطق والعقل وهكذا مع كل طرف صدقيني عملية ممتعة جدا وبعدها بتشعري براحة أتمني أكون أفدتك وأتمني محدش يقول عليا مجنونة

السلام عليكم ورحمة الله اخت لماضة , عنوان موضوعك نفض السجادة مممممممممممممممممممم فى الحقيقة أعجبتنى جدا فكرة الموضوع واعجبنى اكثر الاستعارة المكنية التى استخدمها الكاتب فى تشبيه الفكرة التى يدعو لها وهى التخلص من الافكار المسبقة عن الاشخاص بعملية نفض السجادة !!؟ فى الحقيقة تصوير روعة لان الواحد عندما ينفض السجادة فهو يتخلص من أسواء ما فيها من غبار ومتعلقات او بقايا طعام مثلا , لتعود لها نظافتها من جديد . فى رأى ان تحقيق ( عملية نفض السجادة ) فى مرحلتنا الحالية ليست صعبة , حيث جاء فى رأسى حديث لرسول الله صلى الله عليه وسلم من الممكن ان يكون هو ألألية التى ننفض بها السجادة , يقول رسول الله صلى الله عليه وسلم : ( لا يكونن أحدكم إمعة , يقول أحسن الناس فأحسنت , أساسء الناس فاسأت , بل أحسن اذا أحسن الناس , واذا أساؤا فإجتنب ) صدق رسول الله صلى الله عليه وسلم اذن الحل أن لا نكون امعة ( نسير مع الرايقة ) تقبلى مرورى