لوحة القادة

السلام عليكم الاسعار السلع التموينيةمثل السكر والارز غالى فعلا عندنا لاكن بخصوص الخضاراسعار عادية جدا اما بالنسبة للحمة سعر الكيلو البلدى بــ 40 جنية. والسولار متوفر والحمد لله ... ملحوظة : عارفين كيلو اللحمة بـ40 جنيه ليه لان عندنا فى البلد شباب ائتلاف القرية بنجمع اسهم من الاهالى الى عاوز يشترك قيمة السهم 100 جنيه وبيشتروا البهيمة ويتم زبحها وبيعها بهذا السعر وبتحقق مكسب بسيط برضة وهذا لمحاربة جشع الجزارين ويتم الزبح كل سبت .. وتم تعميم الفكرة وتنفيذها على مستوى قرى مركز اسنا .

مؤتمر صلح رائع بين بعض شيوخ السلفيين والقساوسة القس المحترم بيحاول يقبل راسه والشيخ السلفى يبعد راسه منه احتراما ليه ويحتضنه بمنتهى الحب والود هما دول المصريين فعلا بالله عليكم تدخلوا تشوفوا الفيديو وتقولوا رأيكم ربنا يحمى بلدنا وولاد بلدنا مسحيين ومسلمين http://www.facebook.com/video/video.php?v=162021497194233

عدد الفلسطينيين داخل اسرائيل....: حوالي 1.5 مليون نسمة عدد الفلسطينيين في الضفة الغربية: حوالي 2.5 مليون نسمة عدد الفلسطينيين في غــــــــــزة: حوالي 1.5 مليون نسمة عدد الفلسطينيين في الأردن........: حوالي 2.5 مليون نسمة عدد الفلسطينيين في سوريــــــــا: حوالي 0.5 مليون نسمة عدد الفلسطينيين في الضفة لبنــان: حوالي 0.5 مليون نسمة عدد الفلسطينيين في السعوديـــــة: حوالي 300 الف نسمــة عدد الفلسطينيين في أمريكـــــــا: حوالي 270 الف نسمــة عدد الفلسطينيين في الخليـــــــج: حوالي 150الف نسمـــة عدد الفلسطينيين في العراق وليبيا: حوالي 80 الف نسمـــة عدد الفلسطينيين في مصــــــــــر: حوالي 55 الف نسمـــة عدد الفلسطينيين في دول اوروبـــا: حوالي 300 الف نسمــة بينما اكتب هذه المداخلة فانا استمع لقناة الجزيرة والتي تتحدث عن تقرير عن خسائر مصر فى كل القطاعات ، وان العجز قد بلغ اكثر من 100 مليار جنيه منذ شهر يناير الماضي ، بينما المصريين منشغلين بتحرير عبير وكاميليا وفلسطين. سؤال برئ، ياترى هل هناك متابعة لفعاليات الفلسطينيين الموجودين خارج مصر والذين يعيشون خارج الأراضي المحتلة والذين تبلغ نسبتهم اكثر من 65% من السكان الفلسطينيين ومنهم المليارديرات سواء بدول الخليج او اوروبا او امريكا؟ أم أن الشعب المصري هو وحده من سيحرر فلسطين للفلسطينيين؟

هل محاكمة مبارك وزوجته و رجاله..تعني التشفي؟ ظهرت اعتراضات كثيرة الأيام اللي فاتت علي أي خبر فيه اصدار حكم..أو حتي مجرد خبر عن شكوك تراود الكثيرين في إمكانية محاكمة مبارك و رجاله نحن نريد للدولة أن تكون لها هبية..ولأحكام القضاء أن تحترم..و رغم هذا اذا أصدر القضاء حكما علي مبارك او زوجته..حتي لو كان حكم مخفف جدا كالسجن 15 يوما علي ذمة التحقيق..تبدأ بعض التعليقات أن هذا تشفي..و أن هذا ليس من خلق النبي عليه الصلاة و السلام.. النبي عليه الصلاة و السلام كما له مواقف فيها تسامح و رحمة مع أعداء الاسلام..فأيضا له مواقف شدة و عدل مع الكثير من المخالفين من المسلمين..و أيضا أعداء الاسلام..فلماذا نذكر أحاديث التسامح..و نتغافل عن ذكر بقية المواقف؟ هل نريد أن نكون كما قال النبي عليه الصلاة و السلام «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري]. و تحضرني هنا كلمة لأحد المشايخ كتبهاعلي أحد المواقع الاسلامية الكبيرة : لما يبقي الحكم علي مبارك و زوجته و رجاله فيه ظلم ..و فيه الصاق تهم هم لم يرتكبوها..حينها يكون التشفي أما عندما يكون هذا حكم قضائي..بناءا علي أدلة لما اقترفوه في حق مصر و شعبها..فهذا يكون العدل بعينه..و لا مجال هنا للتشفي و أنا شخصيا..لا أري في محاكمتهم أي تعطيل لبناء الدولة القوية بإذن الله تعالي الآن..فهذا شيء و هذا شيء آخر..

عمرو خالد في برنامجه " بكره أحلى " طلب من الجميع إنهم يدخلوا على الموقع الخاص به للمساعدة في التوصل إلى افكار لحل المشكلة الأمنية في مصر فيما يشبة ورشة العمل أو الـ brain storming لكن ركز على كلمة " أفكار " يعني أفكار محددة وإيجابية وليست من عينة على الشرطة أن تعود إلى الشارع وعلينا أن نتعاون مع الشرطة مش عارف إيه وكلام الإنشا ده ... وأنا شخصياً شايف أننا داخلين على موسم الصيف .. يعني أجازات المدارس والجامعات وبالتالي ممكن الشرطة تفتح باب العمل التطوعي لطلبة الثانوي والجامعة مثلاً .. عشان يشتغلوا معاهم في الاعمال البسيطة ... - يعني تنظيم مرور جنباً إلى جنب جنب رجل الشرطة . - الإنتشار في الاماكن السياحية لإرشاد السائح بدل لا مؤخذه البصمجية اللي بيوقفوهم هناك وما يعرفوش حتى يكتبوا أسمهم .. ويا حبذا لو كانوا طلبة بيعرفوا لُغات وبالتالي السائح يجد حد يسألة على عنوان أو معلومة عامة أو أو أو .. وتبقى منظر حضاري أمام الجميع - الشباب الرياضي ممكن يساعدوا في تنظيم المباريات مع الشرطة برضوا ... وأهو يبقوا قريين من عقلية المشجعين ويعرفوا يتفاهموا معاهم - ممكن الإستعانة ببعض هؤلاء الشباب المتعلم في المطارات برضوا في الأعمال الإدارية والتنظيم - وممكن الإستعانة بهم في مناطق المصايف اللي بتكتظ بالناس - ممكن الإستعانة بهم في إدارات المرور اللي بتبقى مزدحمة وحاجه بشعة عشان المساعدة في إنهاء الإجراءات الإدارية والاوراق وما الى ذلك .... - ممكن نشجع الطلبة دول أو المتطوعين بإضافة درجات دراسية معينة مكافأة على الفترة الصيفية اللي قضوها في مساعدة الشرطة . - وممكن دعوة رجال الأعمال المخلصين ليدعموا مثل هذه الأفكار وبالتالي يحصل كل طالب على مبلغ رمزي نظير مجهودة . - بالتأكيد هايبقى في زي مميز لهؤلاء لعدم إختلاط الحابل بالنابل ... دي طبعاً كلها حلول قصيرة الأجل ممكن تساعد كتير في دعم الشرطة والقطاع الأمني

صراحة لا أفهم ما دخل السماحة والأخلاق الحميدة والعفو هنا هل نحن الآن مثلا نحاكم مبارك بتهمة إساءة الأدب والشتيمة حتى نتكلم عن العفو بحقه سرقة أموال عامة وقتل أنفس المتظاهرين وتضخم ثروات لو تكلمنا حتى من الناحية الشرعية فهذه شفاعة في حد وليس عفو وقد قال النبي لأسامة بن زيد "أتشفع في حد من حدود الله، والله لو أن فاطمة بنت محمد سرقت لأقام محمد عليها الحد" نحن نريد أن يوضع مبارك على مسطرة القانون الذي يطبق على الجميع سواء هو أو أهل بيته لا نريد تجاوز القانون وحرق جسده بالنار أو تقديمه للأسود الجائعة حتى في المحاكمة الشعبية بميدان التحرير ، تولى الأمر قضاة متخصصين وليس أشخاص عاديين نحن نريد تطبيق القانون عليه ولن نعامله بقانون إستثنائي (كما كان يفعل هو في محاكمة الإخوان مثلا أمام المحاكم العسكرية) تحياتي...

بعض الكتب نقرؤها..بعض الكتب تقرؤنا.. نقرأ كتبا نستمتع بما فيها من مواد ومعلومات فقط..ونقرأ كتبا نذهل بما فيها من أنفسنا.. وبعض الكتب - أيضا - نقرؤها وتقرؤنا.. بعض الكتب نقرؤها بعيوننا..بعض الكتب نقرؤها بقلوبنا.. نقرأ كتبا نستفيد بما فيها من معلومات تتصل بحياتنا.. وتقرؤنا كتب تساعدنا على النفاذ لأعماق فينا ما كان يمكننا بلوغها دون مساعدة.. وبعض الكتب - أيضا - نقرؤها بعيوننا وقلوبنا معا.. بعض الكتب نقرؤها بعيوننا.. وبعض الكتب نقرؤها بعيون آخرين.. آخرون نحبهم نتمنى لو أنهم قرأوا كتبا نحبها.. هنا..في هذا الموضوع..أكتب عن كتب لم أقرأها بعينيّ وحدي..لكني قرأـها أيضا بعينيها.. أكتبها حتى تصافحها عيناها..وتصافحها عيونكم معها..فتتعرف عيناها بهجتها..وتتعرف عيونكم - أيضا - بهجتها.. هنا..سأضع لها ولكم كتبا قرأتها وتمنيت أن تقرأها.. وهنا..أتمنى أيضالو أقرأ عن كتبكم.. كتبكم التي لم تقرؤها بعيونكم فقط أو بعيونكم وحدها..

الخطب و الأحاديث الدينية و خاصة خطب الجمعة تعمد إلى الحماس الشديد و الصراخ و تحذير المصلين أو الحاضرين من البعد عن الدين و الدعاوى المحدثة - فى رأيهم - مثل اللبرالية و الإشتراكية و الديموقراطية و عادة لا يكون هناك محتوى أو موضوع لهذه الأحاديث و لكن فقط حشد للكراهية و ترسيخ إحساس بأن المجتمع كافر و بعيد عن الله. طوال أربعة أسابيع و أنا أصلى صلاة الجمعة فى مسجد دار الأرقم فى مدينة نصر و هو القريب من منزلى ، و فى هذه الأسابيع الأربعة تناوب أربع خطباء بينهم الخطيب الأساسى للمسجد و هذا خطبته عادية و لا تخرج عن الوعظ العادى ، أما باقى الخطباء الثلاث فكانت خطبهم عبارة عن صراخ و إتهام للنظام - ليس النظام بعد الثورة و لكن كل النظام منذ الإحتلال الإنجليزى لمصر الذى منع شرع الله على حد قولهم - و أنظر حولى و أتصور حجما عاليا من الإحتقان ضد كل شئ. كنت أمنع نفسى بشدة من أن أصرخ فى خطيب يا أخى حرام عليك !! قل كيف نبتعد عن كل شرع الله. تذكرت كليب فيديو أذيع فى التليفزيون يصور شيخا و هو يصرخ " إنتو عارفين يعنى إيه ليبرالية ؟ يعنى أمك تقلع الحجاب ...... " و تذكرت القصة المشهورة أن لطفى السيد لم ينجح فى إحدى الإنتخابات لأن خصمه روج أنه أى لطفى السيد رجل ديموقراطى و لم ينفى هو ذلك ,و الحل فى نظرى : نشر نماذج لخطب الجمعة و الدروس الدينية تستخدم مصطلحات السياسة الحديثة مثل ديموقراطية و لبرالية و إشتراكية ..... إلخ

الأب (مخاطبا ابنه) : أريدك أن تتزوج الفتاة التي اخترتها لك . الإبن : و لكني سأختار ...عروسي بنفسي . ......... الأب : و لكني اخترت لك ابنة بيل جيتس !!! الإبن : حسنا ، في هذه الحالة . . . .. أوافق . الأب (مخاطبا بيل جيتس) : لدي عريس لابنتك . بيل جيتس : لكن ابنتي ما زالت صغيرة السن على الزواج . الأب : و لكن العريس هو نائب رئيس البنك الدولي !!! بيل جيتس : آه !! في هذه الحالة . . . . أوافق . الأب (مخاطبا مدير البنك الدولي) : لدي شاب يصلح لمنصب نائب رئيس البنك . المدير : و لكن لدينا عدد كبير من النواب ، و لا توجد مناصب شاغرة . الأب : و لكن نائب الرئيس المقترح هو زوج ابنة بيل جيتس . المدير : آه !! في هذه الحالة . . . . تم تعيينه . طبعا طبعا طبعا طبعا .. منقووووول

يا استاذ محمد الفلسطينين اللى عايشين خارج فلسطين ولا الموضوع فى دماغهم ولا بيفكروا فى فلسطين ولا اخوانهم من اصله مع انهم ماديا ودخلا اعلى مننا كمصريين بكتير وانا واثق انهم يقدروا (بتكلم عالفلسطينين المغتربين) يعملوا دولة بالفلوس اللى معاهم بس مش فى دماغهم --------------------- يالا بقى يسخنوا فى المصريين والطلبة يقطعوا من لحمهم ويودوا غزة يبقى جارك مش لاقى ياكل وتروح تودى غزة اللى الله اعلم هى بتوصل ولا لاء وهل هما محتاجينها ولا لاء والله بقيت احس ان التبرعات دى بتتلم فى الاخر وبتروح جيب شخص ما وهو عمل ثروات عالاساس ده شكرا يا تيمور و6 ابريل عللى مساعدة الاخرين على قفا المصريين نحرم نفسا من العشا عشان يستعشوا ونحرم نفسنا من الغطا عشان يستغطوا ونحرم نفسنا من الادوية عشان نداويهم ونموت احنا وهما يعيشوا وتحيا الوحدة العربية اللى مرجعانا لورا

تسلم ايدك يا ام سلمى بس هى مش كدة بالظبط هو عامل شكل واحد لكل الارقام دى وهما مش فى متتالية 0 9 12 16 18 27 29 30 36 33 45 54 55 56 63 65 72 78 81 88 دول ناتج طرح اى رقم مع مجموع الرقمين بتوعه (مش عارف تحليلى ده صح ولا غلط) بس هو بانيها عالاساس ده وبيغير الاشكال كل شوية عشان يحسسك بالغرابة فى الموضوع بالظبط كدة وبتعتمد علي نظرية بتقول حاصل طرح رقم مكون من عددين - مجموع العددين = أحد مضاعفات الرقم 9 في الفترة من 1 إلي 81 جربها في أي عددين في دماغك مش لازم الجدول ده هتلاقي الناتج زي المعادلة اللي فوق اعلي عدد مكون من رقمين هو 99 99- ( 9+9 ) = 81 عشان كدة الرقم 90 خارج الحسبة هي أحدي الحيل الهندسية مش شعوذة ولا حاجة bv:-

الشيخ محمد عبدالمقصود (( فقيه مصر )) ده وجه مشرف جداً للسلفيه وعلشان كده انا عملت التوبيك ده علشان اقول ان فيهم ناس كتير قوى ممتازين وان فيه منهم ليهم اراء واضحه جداً وقويه جداً مش زى لما الناس فاكره شوفوا رأى الشيخ وتعليقه فى احداث امبابه وابو انس السلفى http://www.youtube.com/watch?v=nVHRspqWCNk وشوفوا كمان رايه فى غزوة الصناديق http://www.youtube.com/watch?v=8xVmt8JfL5c فيه حاجه عاوز اقولها تانى ان طول ما احنا ماشين بطريقة القوالب المحفوظه عمرنا ما هنتقدم كل واحد فينا جواه خير اين كانت نسبته وعلى الشخص المسؤل ( القيادى ) ان يستخدم الخير ده فى النفع يعنى السلفيون او الاخوان او مجدودن او صناع الحياه او..الخ الناس دى احنا ليه مش نستفيد منهم ولكن بشكل رسمى بدل ما يكون العمل بشكل تطوعى لا يبقى فى اطار رسمى ترعاه الدوله يعنى الناس بيحبوا الشيخ فلان او الداعيه فلان الدوله ليه مش تستغل الحب ده فى الانتاج وفى خدمة المجمتع ليه نضيق عليهم لحد لما يرحوا يكونوا جماعات سريه ويبقى الموضوع مبهم لكتير من الناس اعتقد ان سياسية الدوله فى التعامل مع كثير من الامور لازم تتغير عاوزين ناس بتفكر وناس مجدده مش عاوزين ناس اداريين يعنى زى وزير الماليه اليى هيقترض 12 مليار انا فى نظرى ان ده حل تقليدى جداً ليه ميكنش فيه ابتكار احنا فى ازمه مش عاوزين حلول تقليديه عاوز ناس مبتكره والا البلد هتنهار لو فضلنا ماشين بالحلول التقليديه دى لان دى مش حلول دى مسكنات وتقبلوا تحياتى عنبو

شوفوا واحكمــــــوا بنفسكــــــــــــم مكان السيارة لما توقفت عن الانقلاب الصورة الثانية تبين إزاي بدأ الحادث معه بقفز من السور الى ان توقفت السيارة شوفوا الصورة الثالثة علشان تعرفوا انه ابن محظوظة v v v v v v v v v v v v

صراحة كان لقاء رائع يمتاز بالشفافية وتغيب عنه سياسة الطبطبة وتبويس اللحى على قناة الجزيرة مباشر بالأمس قادها المتميز محمود مراد برجاء المتابعة ، وإبداء الرأي http://www.youtube.com/watch?v=EQKzGOYVtf0

السلام عليكم ورحمة الله وبركاته تحيه طيبه وبعد فيه شيطه ماشيه اليومين دول فى البلد ان اى حاجه تحصل يبقى السلفيين اليى عملوها لدرجة ان واحد جارنا فى الفلاحين يعنى الجاموسه بتعته ماتت قوم ايه الراجل اتهم السلفين بانهم وراء موت الجاموسه ليه بقى يا ابا الحج قالك انا كنت كل سنه بودى الجاموسه تلف لفتين حوالين مقامى سيدى البرنس الاخضر الروش قام ايه جالى واحد سلفى وقالى التبرك بالقبور شرك فانا سمعت كلامهم ومافيش الا والجاموسه ماتت يبقى مين السبب طيب بلاش دى بنت خالتى ام عبير جارتنا اليى فى البلد بنتها الكبير اطلقت لا م عبير دى بنته الكبيره اسمها سعاد بس احنا بنقولها يا ام عبير علشان عبير مزه لكن سعاد مش مزه خالص المهم بتقول ان السلفين وراء تطلق سعاد بنتها بصرف النظر عن امكانيات سعاد يعنى ليه يا ام عبير قالت ان زوج سعاد الاسبق جه فى يوم وقالها انا عاوز اعدد واتزوج بثانيه لكى اعف نفسى عن الانحراف وطبعا سعاد شغلت ابو ورده عليه مما ادى الى ان زوجها طلقها وطبعا على حسب شهادة سعاد ان زوجها معلمش كده او مفكرش فى كده الا لما اطلق لحيته وبدأ يلبس جلابيه بيضا وبدأ يظهر له ملامح كرش خفيف يعنى وبتقول انه انضم للجماعات السلفيه يعنى وايضا بتتهم السلفين بانهم وراء خراب بيتها طيب الود ابن عم محمود صاحب فرن العيش بيقولى ايضا ان السلفين وراء ان الواد احمد جاب ملحق حساب ليه ياعم محمود قالك الواد ياخويا بيحفظ قرأن معاهم ولم حفظ قرأن الواد محفظش جدول الضرب فجاب ملحق حساب وانا بتهم السلفين بانهم وراء سقوط احمد بصرف النظر ان احمد اساسا كل اليى حفظه فى القرأن هى الفاتحه والاخلاص والتشهد علشان يصلى بيهم مش اكتر طيب ايه بقى مزعل الدكتور سعيد من السلفين قالى ياعم عنبو السلفين وراء انى كل يوم الصبح الاقى العجل بتاع العربيه على الجنط (( مبنشر يعنى )) قولت له طيب وايه دخل السلفين فى الموضوع ده قالى ياعم عنبو السلفين بيقولوا للناس يقوموا يصلوا الفجر فى المسجد والناس بقى وهى راجعه من المسجد بتعدى على العربيه وعلشان عربيتى جديده يقوم الحقد بياكلهم ويبنشروا الفرد بتعت العربيه بصرف النظر طبعا عن ان الدكتور سعيد بيركن كل يوم قدام بيت عم عبده واليى هو كمان عنده عربيه وبيضطر يروح يركنها فى حته بعيده علشان الدكتور سعيد بيركن عريته قدام بيته مش كل واحد ربى دقنه او ليس جلباب بقى سلفى ولا بقى شيخ ولا بقى ثقه السلفين قطاع فى المجمتع فيهم المثقف وفيه ابن الناس وفيهم ابن الذينه وفيهم الدرويش وفيه بتاع مصلحته وفيهم الفلاتى فيهم كتير قوى علشان كده مش كل لما نشوف واحد مربى لحيته ولابس جلابيه بيضا ويعمل غلط نقول شوف السلفين بيعملوا ايه ياجماعه هو كل من لبس كده بقى سلفى خلاص سيبكم من الشكل تماما انا مش بحب التعميم انا تعاملت مع قطاع كبير قوى من السلفين والاخوان ورغم انى اختلف معاهم فى بعض الامور ولكن زيهم زى المجمتع فيهم الكويس والوحش فيه منهم المنافق وفيه منهم الصادق فصعب قوى تعمم حكم عليهم الاعلام بيحاول يصور لنا ان اى واحد سلفى هو متخلف رجعى متزمت مش بيفكر مسلم دماغه للمشايخ ووو ..الخ فى حين لو انت سبت الاعلام ونزلت اتكلمت مع ناس فيهم بالحسنى هتلاقى ان الموضوع غير كده خالص وهتلاقى ناس متجاوبه معاك ومافيش عندها مانع انها تتحرك يعنى وطبعا فيه ناس قفله وفيه ناس بالنسبه ليها الموضوع سبوبه بمعنى الكلمه يعنى الموجه اليى ماشيه فى البلد اليومين دول مش عاحبى خالص كل حاجه اصل السلفين عملوا اصل الاخوان هيمسكوا البلد اصل معرفش ايه ونظرية المؤامره وكأن مافيش حكومه ولا جيش ولا دوله بتحكم وهى المسؤل الاول والاخير عن كل اليى بيحصل فى البلد اين كان من وراه انا بتسغرب قوى على ناس بتحارب الطائفيه بالطائفيه يقولك السلفين عملوا ياعم وايه بس دخل السلفين فى الموضوع متقول بلطجيه لان اليى بيعمل كده بلطجى مش سلفى ولا ينتمى الى الاسلام اساسا مش عارف الفكره اليى انا عاوز اقولها وصلت ولا لاء بس اليى انا متأكد منه انى قولت اليى انا عاوز اقوله تحياتى عنبو

عشرة اشياء تجعل المرأه تثق بك 1- لا تحاول الكذب على المرأه فإنها ستعرف أنك تكذب من صوتك 2- لا تهمل المرأة وهي في قمه حاجتها لك 3- لا تسألها عن مدى حبها لك إلا عندما تعبر أنت عن حبك لها أولا ً 4- لا تخون المرأة فإن قلبها كالزجاج إن إنكسر فلا يعود لحالته السابقه أبداً 5- إن ضحكت المرأة فأعلم أنها إرتاحت بصحبتك 6- إن إتصلت بك فأعلم أنها كانت حزينة وأنها أرادت أن تسمع صوتك لترتاح حتى لو لم تعبرعن حزنها 7- إن كانت المرأة سعيدة فشاركها سعادتها وإن كانت حزينة فإسألها لتريحها لا لتعطيها حلولاً 8- قلب المرأة لا يحب الرجل إلا إذا وثق به 9- من الصعب على المرأة أن تعبرعن ضيقها فإن نزلت من عينيها دمعه فأعلم أنها بأشد حالات الضيق 10- وفي النهاية كن لهذه المرأة الصديق المخلص والأب العطوف والأخ الحنون فإن أرتبطت بك فإنها بذلك قد ضحت بأغلى الأشخاص لديها وأختارت مصاحبتك عن مصاحبتهم وإعلم أن إن أحبتك المرأه فإنك ستعيش في سعادة أبديه وإن سلمتها قلبك فستحافظ عليه أشد من حفظك له منقووووووووووووووووووووول

ده بقى جزء خاص بمفهوم الاستثمار بالشركات مختلفة الجنسية وطبعا كالعادة منقول شركة أمريكية أن تكون لديك بقرتان فتبيع واحدة وترغم الأخرى على أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة شركة فرنسية أن تكون لديك بقرتان فتعلن الإضراب لأنك تطالب بثالثة شركة يابانية أن تكون لديك بقرتان. تعيد تصميمهما جينيًا بحيث تصيرا عُشُر حجم البقرة العادية، مع مضاعفة اللبن عشرين مرة. ثم تبتكر شخصية بقرة للرسوم المتحركة اسمها (كاوكيمون)وتسوقها في العالم كله شركةألمانية أن تكون لديك بقرتان. تعيد تصميمهما جينيًا بحيث تعيش الواحدة مائة عام وتحلب نفسها وتأكل مرة كل شهر شركة إيطالية أن تكون لديك بقرتان لكنك لا تعرف أين هما ثم تكف عن البحث لأن ساعة الغداء حانت شركة روسية أن تكون لديك بقرتان تعدهما فتجد أن لديك خمس بقرات. تعد من جديد فتجد أن العدد 42 تعد من جديد فتجد أنهما بقرتان تتوقف لتفتح زجاجة فودكا أخرى (أستغفر الله الكلام مش لينا طبعا) شركة سويسرية أن تكون لديك 5000 بقرة لا تملك واحدة منها . لكنك تتقاضى من الآخرين ثمن الاحتفاظ بها شركة صينية أن تكون لديك بقرتان ولديك 300 واحد لحلبهما. تنشر أخبارًا عن انعدام البطالة وتقدمُ صناعة الألبان وتعتقل الصحفي الذي نشر الأرقام الحقيقية شركة هندية أن تكون لديك بقرتان وأنت تعبدهما (برضه الكلام مش لينا) ا شركة بريطانية أن تكون لديك بقرتان مجنونتان شركة فلبينية أن يكون هناك بقرتان ثم يرسلونهما إلى الخليج للعمل .

تيمور عايز اسالك سؤال جانبى مش فى الموضوع وترد عليا اجابة مباشرة والسؤال مفهوش سوء نية يعنى هو فى الجروب عندك فيه كام واحد فلسطينى (ادينى اعداد تقريبية) قولى بقى فيه كام فلسطين سواء اورجنال او متجنس بجنسية اخرى مهموم بقضية فلسطين زى ست البيت الطيبة اللى فى الكفر ومش لاقية تاكل عيش حاف حتى طيب الفلسطينين دول بيودوا فلوس الزكاة بتاعتهم فين؟ طيب سؤال لضميرك وانت وضميرك بقى انهو اولى انى ادفع 10 الاف جنيه لواحد مصرى عايز يعمل عملية كبد وجارى وابن بلدى ولا ادفع 10 الاف جنيه لواحد فلسطينى يروح يتعلم فى كندا؟ - انا مش بحقد على حد لعلمك بس الموضوع بالنسبة لى ترتيب اولويات (والقدس قضيتنا بس ليها وقتها) عايز اجابات داريكت ومن غير لف ودوران تقبل تحياتى

يارب يتسجنوا كلهم شويه كده لحد ما يعقلوا أقسم بالله العظيم معايا مجموعة ليست بالقليلة من الأخوة الفلسطينيين بالعمل .... صباح الطراوووووه .. ولا في دماغهم فوقوا يا ناس وإتقوا الله في وطنكم .... إتقوا الله وخلونا نقف على رجلينا وبعدين ناكل اليهود اكل اللى يوجع القلب بحق ربنا ان مواطن مصرى قاعد يشحت على الرصيف والفلسطينى المقيم هنا معدى جنبه بعربيته باشا زمانه لحد دلوقت ماشفتش فلسطينى واحد فى مصر فقير يااما صاحب مزرعة او كسارة محاجر او ... او.... ومشيلنا احنا الهم اتبرعوا اعملوا انتفاضة دا القذافى اللى بيقولوا عليه مجنون قالها زمان على كل الفلسطنيين اللاجئين يلموا بعضهم من الدول ويروحوا على بلدهم لكن ازاى وهم بيتاجروا بالقضية وبيكسبوا من وراها واحنا اللى بندفع التمن كفاية عليهم فلوس وتبرعات الخليج لكن دم ولادنا اغلى من فلوس الدنيا

أستاذنا الفاضل كل التحية و الاحترام سؤالي هو ولماذا لا يقوم أنصار تلك الأفكار سواء ليبرالية أو اشتراكية أو غيرها بتوضيح معانيها للناس بأنفسهم من على منابرهم بدلا من فرضها في الخطب فهم أولى بشرح أنفسهم إذا استعصى على عامة الناس فهم ما يتحدثون به أو بالفرض خطأ بعض الناس في تفسير ما يتبنونه من أفكار .. بالتأكيد لا أعني ان يقوموا هم بخطبة الجمعة .. لكن أي فكر معروض حاليا فإن مسئولية عرضه و كيفية توصيله للناس تقع مباشرة على عاتق أصحابه . و من جهة أخرى ففي رأيي أن خطبة الجمعة للأسف في الغالب ليس له تأثيرها طويل المدى على الحضور حتى أنها فشلت في توصيل الاسلام الصحيح بسبب عدم تأهيل غالبية الخطباء للحوار و كيفية اسقاط النقل على الواقع الذي يعيشه الناس و هذا هو دور الأزهر الذي أتمناه في المرحلة القادمة بإذن الله فالأزهر في تطور حاليا و أحسب شيخنا الدكتور أحمد الطيب بإذن الله قادرا على موائمة جميع الأيدولوجيات المطروحة و توصيل رسالة إسلامية وسطية تناسب شخصية مصر بعد 25 يناير داخليا و خارجيا.

والله يا فتفوته لولا الإعلام الخبيث الذي يخفي الوجه المشرق للسلفيين ويضخم الزلل ويحدث الرعب والقلق من السلفيين لكانت الأمور أفضل من ذلك بكثير أتمنى أن يأتي يوم الخلاص منهم سريعا شكرا طارق شكرا فتفوته شكرا أستاذ الغريب

وده جروب جميل عملته اختنا ريموووو قصدى Pink rose بنحاول نطرح فيه حلول لمشاكل الفتنة الطائفية بين المصريين معا ضد الفتنة و نشر الكراهية بين المصريين

ايوه يا افندى استخدام المنتجات الزراعيه فى انتاج طافيه بديله يؤدى الى ارتفاع اسعار المنتجات الزراعيه مش يؤدى اى ارتفاع كل الاسعار ده على حسب كلامك يعنى وبعدين مش كل العالم كان بيعمل الموضوع ده دى حاجه وبعدين اليى يخلى الانسان يغير من طاقه الى اخرى هو فرق السعر بمعنى انا عندى محطه مثلا بشغلها على كهربا ولقيت انى لو شغتلها بالسولا مثلا هتكلف اقل يبقى على طول هروح للسولار لان التكلفه اقل وكذلك تكاليف الصيانه اقل وبالتالى هيترتب عليه ان المنتج اليى بنتجه تكلفته هتقل والبتالى سعره هيقل مش كده ولا ايه ؟ ايه الكلام ده ده على اساسا ان التجار بتستورد يوم بيومه مش كده !!!! وعلى اساس كمان ان احنا كل السلع اليى زادت مستوده مش كده !!! كلامك اليى فوق يؤدى الى ان التاجر ميبعش بضاعته باالاجل ا اقصى حاجه اسبوع لكنه لا يؤدى اطلاقا الى رفع الاسعار لا تعليق يا استاذ عبدالمطلب انت بتقرأ الكلام اليى بتكتبه اصله والله بجد متلخبط قوى طيب انت دلوقتى بتقول البضاعه مش ماشيه يبقى ده يؤدى الى ارتفاع الاسعار ولا الى انخفاضها وبعدين هو ايه اليى مش ماشى اساسا بقولك الناس بتخزن تقوى مش ماشى يا راجل انت بتتكلم جد ومع ان كلامك فيه نوع من الاستهزاء بالثوره المصريه اليى راح ضحيتها شباب احسن منى ومنك مليون مره ولا يصح ابداً ان نسخر من واحد قال كلمة حق عند سلطان جائر ده اولاً بالنسبه بقى لكلامك ان اصحاب السوبر ماركت بيكونوا ناس عديين فبيضظروا يرفعوا الاسعار علشان يقدروا يسددوا فى الميعاد احب اقولك انك مش واخد بالك من حاجات كتير قوى انت من الصبح اقعدت تلف وتدور علشان تقول ان التجار معاهم حق انهم يرفعوا الاسعار وطبعا كله كلام مش مضبوط اليى يخلى التاجر يرفع الاسعار علشان يسدد يا استاذ ميخليه يقلل حجم البضاعه اليى بيجيها على كلامك يعنى ان البضاعه مش ماشيه يعنى فبدل لما يشترى با الف جنيه يشترى فقط ل 500 جنيه ويبيعهم على طول ويسدد للتاجر بدون ما يرفع الاسعار يعنى ولا انت رأيك ايه يعنى مهو محمد نجيب لازم يندم على الثوره اكيد بعد اليى علموا فيه يعنى انت مش عاوزه يندم يااااااااااااارب تبقى متفائل على طول كده فكر يا بشمهندس فى حاجه تانيه غير موضوع ان التجار المفروض يغلوا الاسعار وان الثوره هى السبب وعلشان توصل لحل حط نفسك مكان رئيس الوزراء وشوف هتعمل ايه علشان تتحكم فى الاسعار ووقتها قول ان الثوره هى السبب ولا فين السبب ؟

مداخلتك ممتازة عدا الجملة التي اقتبستها مكاسب الثورة كثييييير و اكيد لها ثمن و خسائر المهم حسن إدارة الفترة الانتقالية و ضبط الأمور.. عشان متبقاش بخسارة يعني الناس لااااااااااازم تشتغل اكثر و دور الحكومة توفر الجو المناسب و اهم بيحاولوا على الجبهة الخارجية و الاهم داخليا.. و ف دي لازم نساعد جدا.. مش كل واحد تطلع في دماغه حاجة يعملها

أقترح الاستعانة بالضباط الاحتياط في الجيش وانتدابهم للعمل في الشرطة، وكذلك ضباط الجيش المسرحين حديثا.

طب وايه الجديد اللى ياخد باله من حال البلد... لما يكونوا عايزين يلهوا البلد دى صح...خدى عندك ازمة عيش ودقيق وقمح ازمة سكر ازمة و ارتفاع اسعار اللحمة ازمة طماطم وخضار ازمة انابيب ازمة سولار وبنزين 80 وهكذاا نعيد المسلسل ده كل شوية ..... ودوخينى يالمونة هذا شيء طبيعي في مثل هذه الأيام حدث كتيرا قبل ذلك للإقبال الشديد نتيجة استعمال السولار والجاز أيضا من الفلاحين أيام حصاد القمح والله أعلم

كل الأشياء في هذه الحياة هي وقتية.. وهي لا تدوم.. فإذا كانت تسير بصورة جيدة فتمتع بها.. وإذا كانت تسير بصورة خاطئة فلا تقلق.. فإنها لن تبقى طويلا.. ================= الأصدقاء القدامي كالذهب.. والأصدقاء الجدد كالألماس.. فإذا حصلت على الألماس فلا تنسى الذهب!! لأنه حتى تحمل قطعة الألماس.. فإنك تحتاج إلى قاعدة من الذهب

جيبلكم الحوار الشهير اللي بين السادات وأبو الفتوح حينما كان طالبا في كلية الطب ورئيس اتحاد طلاب جامعة القاهرة طبعا لما تسمعوا الحوار هتشوفوا مدى شجاعته وجرأته في الحوار مع السادات وهذا التسجيل ليس دعما مني له نهائيا ولكن اعجاب شخصي بشجاعته وقتها http://www.youtube.com/watch?v=Zx9l2O-OZ8I&feature=player_detailpage

بالنسبة لان الحال نايم.. ناس كثير "مستهلكين و مصنعين و تجار" .. لسة قلقانين و بيفضلوا فلوسهم تفضل معاهم "جاهزة" للطوارئ يعني معندهمش استعداد يغامروا و يشتروا حاجة ممكن تتأجل او مش اساسية التجار و المصانع الصغيرة .. قلقان فلوسه تبقى في السوق و ميعرفش يلمها بسهولة لو لا قدر الله حصل حاجة لسة محتاجين الناس تهدا و تطمن و الإعلام بصراحة مش مساعد خالص

عزيزي معمر القذافي:- مبارك وطار- الشعب العربي ونطق- فتح وحماس تصالحوا- بن لادن وقتلوه- العشق الممنوع وخلص!اما بخصوصك... داخل منافسة مع الصبوحة مثلا؟ :closedeyes:

بص انا مش هتكلم عن اسباب الحجات دى ولكن هتكلم عن حلول مؤقتة الحل الان فى التكافل الاجتماعى فيه فى كل مدينة تقريبا عالاقل 4 او 5 جمعيات خيرية تبع الشئون الاجتماعية الجمعيات دى مهمتها تمشيط المدن والقرى ومعرفة الفقراء فيها ومساعدتهم ماديا وعينيا حسب استراتيجية كل جمعية بالاضافة للمساعدات الطبية وتجهيز العرائس وملابس مستعملة وعمل مشروعات صغيرة وغيرهاالكثير اشهرها هذه الجمعيات عالاطلاق واكثرهم انتشارا وطريقتهم فى الشغل بتعجبنى جمعية رسالة للاعمال الخيرية (19450 ده الرقم الموحد وبالمناسبة هو رقم ارضى مش موبيل وبيوديك لاقرب فرع ليك يعنى لو بتتصل من المنصورة هيوديك المنصورة ولو بتتصل من اكتوبر هيوديك فرع اكتوبر ولو بتتصل من موبيل هيحدفك عالطول عالمركز الرئيسى فى المهندسين) طيب انت ممكن تقدم ايه انت ممكن تعمل حجتين حلوين وفى اتجاه واحد اول حاجة تشوف الناس الفقرا فى المنطقة بتاعتك وتوديهم للجمعية دى (تدلهم على عنوانها يعنى وهما هيسعدوهم حسب احتياجاتهم) تانى حاجة بقى الصدقات واموال الزكاة نوديها للجمعيات دى عشان هما بيشتغلوا عالاعداد الكبيرة وبيشتروا حجاتهم باسعار الجملة وممكن بمبالغ قليلة يساعدوا اعداد كبيرة اكيد فيه افكار تانية كتيرة بس دى اكتر فكرة فعالة فى الموضوع ده بالنسبة لى تحياتى عالموضوع يا عنبو

يا نهار اسود ومنيل كل اللى قرأ القران فى باب الذكاة او الصدقات اول حاجه بتيجى اولى القربى حملة اغاثة الى غره....حسبى الله ونعم الوكيل اذا كان عدد سكان غزه خمسه مليون والله هناك فى مصر اكثر من 10 مليون اكثر فقرا من اهل غزه اييييييييه فوقوا بس يمكن الساده الاخوان المسلمون فى مصر معتبرين ان اهل حماس غزه اللى هم اخوان زيهم اكثر قربه من مسلمى مصر حسبى الله ونعم الوكيل

هي فعلا متتالية 0 ، 9 ، 18 ،..............، 81 ، واحد من الارقام دول هو اللي حيطلع بغض النظر اختارت اني رقم وعلشان كدة دايما بيخلي ليهم نفس الشكل وهو ده الشكل اللي حيطلع لك يعني مثلا لو اختارت رقم من 0 الي 9 ، النتيجة حتبقي 0 لو اختارت رقم من 10 الي 19 النتيجة حتيقي 9 لو اختارت رقم من 20 الي 29 النتيجة حتبقي 18 وهكذا فكل مرة بيخلي الارقام دول كلهم ياخدوا نفس الشكل اللي حيطلع لك

رابط التحقيق من خلال قراءة التحقيق, يتبين أنه ليس بكشف جديد تماماً, وإنما هو إعادة اكتشاف لهذا الكنز الذى أتمنى أن يكون قد جاء فى وقته.

مصداقية الطب الشرعي كله .. ووزارة الداخلية اللي الكرة في ملعبيهما الأن .. على المحك أيها السادة هل الست سوزان متهمة ولا لأ ؟ هل هي على ذمة التحقيق ولا لأ ؟ هل مثلها مثل الاف المتهمات في قضايا مختلفة لا لأ ؟ يبقى أليس من العدل إنها تُعامل مثل البقية وتوضع بالسجن الإحتياطي إلى أن يتم الفصل في قضيتها ؟ ولا إذا سرق الغني فينا تركناه وكرمناه وبوسنا على راسه أما الفقير فندوس على رقبته بحذاءنا لإنه فقير ومالوش ضهر ؟

سندفن رؤسنا في الرمال لو قولنا إن دول فلول الحزب الوطني .. او عصابات من خارج إمبابة ... أو سلفيين متعصبين أو أو أو أو للأسف أيها السادة ... هذا السلوك الهمجي يُعرف بـ " سياسة القطيع " وموجود في كل المناطق الشعبية والعشوائيات يعني كلنا عارفين إن دي منطقة شعبية مكتظة بالسكان ... فسهل جداً إنتشار الشائعات بها كإنتشار النار في الهشيم ... فمجرد ما تطلع إشاعة إن في مسلمة مخطوفة داخل الكنسية وإن في ضرب نار جاي من جوه .... بس خلاص .. سيب إيدك وأتفرج على اللي هايحصل القطيع الجاهل بيتحرك بشكل تلقائي من كل فئات الشعب لإن واضح من الفيديو إن مش كلهم سلفيين ... ولا السلفيين دول مثلاً قاعدين طول اليوم على القهوة على أهبة الإستعداد لأي حاجه زي دي .... الغريب أن تجد من بينهم مدمني مخدرات وبلطجية وعواطلية وعيال ما تعرفش ربنا أساساً ... ومع ذلك بيتحركوا مع الهوجة ويهيصوا مع اللي بيهيصوا وحكيت لكم كذا مرة عن مشاهد شاهدتها بعيني الإتنين عند إحراق كنيسة عين شمس من سنتين ... العجيب أن تجد بينهم متعلمين والمفروض إنهم مثقفين .. لما شاهدت الفيديو بتاع عين شمس .. كنت حريص إني أعرف كل التفاصيل من المشاركين فيها - للأسف يعني - .. لإن المسافة بين الكنيسة وبين بيت صديقي في الجامعة ولسه على إتصال بيننا وبين بعض .. حوالي 10 أمتار بالتمام والكمال ... وأتصلت به على طول وفاجئني إنه إشترك في الأحداث .. فصرخت فيه وقلت له : ليه يا بتاع الجامعة يا محاسب يا كبير ؟ وهو لا ينتمى إلى سلفيين أو غيره وإنسان عادي جداً يقوم يرد بكل برود : أيوه .. المنطقة مش محتاجه كنايس .. وعندهم كنيسة كبيرة في شارع أحمد عصمت ( على بُعد إتنين تلاتة كيلو ) ولازم يتركب لها مواصلات رايح جاي .. فقلت له وإنت مين عشان تقول المنطق محتاجة أو مش محتاجة ؟ هذا واقع على الأرض أيها السادة والمشهد واحد لا قل ولا زاد .. نفس المجرمين والبلطجية ومدمني المخدرات هما اللي كانوا شايلين مولوتوف وبيحرقوا الكنيسة واللي بيحصل اليوم وكل يوم كان نتيجة التراخي الأمني بعد كل حادث للأسف .. ونتيجة جهل وإنعدام للثقافة ... وكتير منهم فاكرين إن دي غزوة أو نصرة للإسلام لما أحرق كنيسة أو أكسرها أو أو أو فلو كان العيال بتوع كنيسة عين شمس مثلاً .. ومن بعدهم كنيسة أطفيح كان إتعدم منهم إتنين تلاتة على رؤوس الأشهاد .. كان أي حد عرف إن الله حق وما كانش يجرؤ حتى إنه يمر بجانب بيت من بيوت الله فما لا نرضاه على نفسنا .. لا نرضاه على غيرنا وأنا كمسلم لو شاهدت في مرة مسجد بيُقتحم بمثل هذه الهمجية .. بالتأكيد سأغضب ولا ادرى ماذا سيكون رد فعلي ..

جبتك يا عبد المعين v v v v v v v v v v v

المتصوفة أصحاب الحب الإلهي وأساتذة الحب في كل زمان ومكان على الإطلاق، هم أصحاب نظرية في الحب تفسر نشوء الكون وخلق الخلق وولادة الإنسان، أصحاب نظرية في الحب تجيب عن أسئلة الإنسانية الكبرى : لماذا نحيا، كيف نعيش، لماذا نموت، ما هو الإنسان، ما هو الإله، ما هي الطبيعة والعالم والسماء والأرض...بالحب..فسر المتصوفة الكون كله وأجابوا على كل الأسئلة: كالشمس في كبد السماء محلها وشعاعــها في ســائر الآفاق ولأنهم أصحاب نظرية في الحب..ولأنهم أساتذة الحب ومعلميه على مدار التاريخ البشري - فقد أغرمت بالقراءة لهم، أحببت نصوصهم وأصطحبتها في كل مكان، ورضعت من أرواحهم الكثير من مفاهيم ومصطلحات وألفاظ الحب والعشق والهوى، كما نقلت عنهم الكثير مما تبنيته وتصورته وأعتقدته من معاني لهذه الألفاظ ومضامين لهذه المفاهيم ومحتويات لهذه المصطلحات.. هكذا فهمت الحب وشعرت به..وهكذا أحببت الحب وأعتقدت فيه.. لذلك أعرض هنا بعضا مما جاء من أقوال المتصوفة، أقوال قصيرة، مختصرة، سهلة الحفظ والتداول ربما، لكنها تقدم أوفى وأوسع نظرة للحب وأكثرها عمقا وترحابا أيضا، أقوال صغيرة أقدمها لك كنفحات صادقة من أقوال محبين عظام. هذه الأقوال وردت في كتاب يحكي عن طبقات المتصوفة وأخبارهم وأحوالهم، ويحكي عن أهم مفاهيم التصوف ومراتبه وأحواله..كتاب "نفحات الأنس من حضرات القدس"، وهو من تأليف مولانا أبوالبركات عبدالرحمن الجامي، وهو القائل : السير إلى الله لا ينتهي إلا بعد قطع بادية الوجود بقدم الصدق والقائل: الفقير - يقصد الصوفي - الذي لا يملك - بفتح الياء - ولا يملك - بضم الياء - والقائل: أجلّ الكرامات وأعظمها التلذذ بالطاعات في الخلوات، ومراعاة الأنفاس مع الله، وحفظ الأدب معه في تلقي الواردات في الأوقات، والرضى عن الله في جميع الحالات نفحة أولى كيف يحكى وصل أثنين..هما في الأصل واحد ذو النون المصري من مات عشقا فليمت هكذا لا خير في عشق بلا موت الهروي إذا بكى القلب من الفقدان ضحك الروح من الوجدان أبو سليمان الداراني ويقبح من سواكا الفعل عندي وتفعله فيحسن منك ذاكا إبراهيم ابن أدهم سمعت حاديا يحدو في البادية ويقول: أبكي وما يدريني ما يبكيني أبكي حذار أن تفارقيني وتقطعي حبلي وتهجريني سري السقطي من رأى غير المحبوب فما رأى المحبوب يحيى ابن معاذ حقيقة المحبة ألا تزيد بالبر ولا تنقص بالجفاء يحيى بن معاذ - يليه -

أحص نِعم الله عليك ... إن استطعت و لا تنس شكر الله الحمد لله رب العالمين

سم الله الرحمن الرحيم لن استطيع بمفردي أن أرد على كل هذه المداخلات المعاكسة ... لكنني فقط أقولها للأخ ( سيمبا )... أنا لا أقدس أحدا يا أخي ... الوحيد الذي اقتدي به هو مولاي وحبيبي سيدنا محمد صلى الله عليه وسلم .. الذي سأل أهل مكة الذين قتلوا أصحابه وعذبوهم وأخذوا أموالهم ... ( ما تظنون أني فاعل بكم ) .. قالوا ( خيرا .. أخ كريم وابن أخ كريم ) .. فربطوا الخيرية بالكرم .. أي أنهم - ومع كل ما فعلوه به - إلا أنهم ظنوا فيه الخير لأنهم يعلمون أنه كريم ومن سلسال كريم. فرد عليهم ( لا تثريب عليكم اليوم )... لم يشترط عليهم الدخول في الإسلام حتى يعفو عنهم - حتى نقول إن الإسلام يجب ما قبله - ولم يعقد لهم المحاكمات والإدانات أولا قبل أن يعفو عنهم - ولم يطلب منهم التقدم أولا بالاعتذار وإبداء الندم والاستغفار عما فعلوه به وبأصحابه قبل أن يعفو عنهم. هذا هو قدوتي فقط ... لا قدوة لي غيره .. قدوتي هو الذي قال ( ما زاد عبدا بعفو إلا عزا ) ... وهو الذي قال ( ادرؤوا الحدود عن المسلمين ما استطعتم )... وفي حديث مرفوع له والصواب أنه من كلام الفضيل بن عياض ( ارحموا عزيز قوم ذل ). ---------------------------------------------------------------------------- هذا كل ما عندي في هذا الأمر .. وأراء جميع المخالفين لي على العين والرأس .. احترمها كما احترمهم حتى وإن خالفوني في الرأي ... فكثيرا ما خالف الناس بعضهم بعضا .. مثلما خالفنا نحن التوانسة في مسألة محاكمة مبارك وإهانته وإذلاله ... وخالفونا هم .. وقامت أسرة البوعزيزي بالعفو عن الشرطية التي صفعته ودفعته للانتحار حرقا .. !! --------------------------------------------------

في الحقيقة أنا لا أرى توقيع العقوبة على مبارك إن ثبتت عليه التهمة انتقامًا، بل أراه عين القسط والعدل. من ارتكب جريمة فعليه عقوبتها. هذا أسلم للمجتمع، فما بالنا برئيس الدولة؟! حسب علمي، هذا أمر توقيفي وقاصر فقط على القتال في الحرب. لكن الرسول صلى الله عليه وسلم رجم الزانية والزاني. والرواية الشهيرة عن المرأة التي صلى عليها الرسول صلى الله عليه وسلم بعد رجمها (أي بعد موتها) وتساءل سيدنا عمر بن الخطاب عن ذلك أكبر شاهد. أعتقد أن ذلك كان وهي تبايع الرسول صلى الله عليه وسلم على الإسلام. والإسلام يجُبّ ما قبله. لي تحفظ على وجوب العفو عنه. أنا رأيي أن نعامله بالعدل. فلا هي رحمة مخلة، ولا شماتة مذلة. يعني إن ثبتت عليه التهم، توقع عليه العقوبات التي يقررها السلطان (السلطان ظل الله في الأرض فمن أهانه أهانه الله، ومن أكرمه أكرمه الله). بلا تشف أو شماتة أو إذلال، وبلا رحمة يضيع معها حق المجتمع. وإن لم تثبت عليه التهم، فلا شيء عليه. حسب علمي، لقد أسلمت زوجة عكرمة ثم تشفعت له عند رسول الله صلى الله عليه وسلم، فأعطاه الأمان. وقد حاول عكرمة الهرب لكنه لم يستطع، ثم أقسم على الله لئن أنجاه ليُسلمن وليجدن العفو عند رسول الله صلى الله عليه وسلم. وفعلاً أنجاه الله وعفا عنه رسوله. والإسلام يجُبّ ما قبله. ولقد أخبر النبي صلى الله عليه وسلم أصحابه بإسلام عكرمة قبل أن يأتى راجيًا العفو. كان مبارك رئيسًا للجمهورية ولديه طبقًا للدستور حصانة قضائية تمنع النائب العام من مساءلته. ولا يساءل أبدًا إلا بتهمة واحدة هي الخيانة العظمى. كنت أتمنى أن يتقدم مبارك نفسه بمشروع تعديل للدستور (ضمن ما تقدم به من تعديلات) يشمل مواد الحصانة تلك، لكنه لم يفعل! وأنا أتفق مع حضرتك في أن عدم العفو ليس إثمًا. وعمومًا لا أرى داعٍ للحديث عن العفو والأمر مازال قيد التحقيق. فمبارك أمام القانون بريء حتى الآن. ولا أرى مجالاً للحديث عن عفو في غياب اتهام أو عقوبة! وهذا دأب القضاة حسبما أعلم. فعندهم تبرئة مذنب أولى من إدانة بريء. لكن عندما تأكدت له الجريمة، أمر برجمه. وهو ماعز بن مالك إن لم أكن مخطئًا.تقبل منى عميق التحية

الحلقة الخاصة بالدكتور عصام شرف رئيس الوزراء http://www.youtube.com/watch?v=xNWdZkSCIiM http://www.youtube.com/watch?v=nbMMmKv8Du8

واحد ميسور متجوز أربعة امريكية و سورية و لبنانية و مصرية قام يصلي الفجر سمع خروش...ة في الصالون... راح يشوف في أيه.. لقي الأمريكية على جهاز الرياضة قاللها أيه مصحيكي بدري؟ قالت له ...my dear لازم أحافظ على رشاقتي ولياقتي وأعمل إيروبكس كل يوم !! قام سمع خروشة في ال...مطبخ .. راح يشوف في أيه... لقي السورية شغالة يتعمل فطار.... قاللها أيه مصحيكي بدري؟ قالت له ... إبن عمي... تئبرني اشتهيتلك هالكم حبة كبة وصحن هالتبولة... ما هاين علي تطلع على ريق بطنك قام سمع خروشة بغرفة النوم راح يشوف في أيه... لقي اللبنانية قدام المراية بتزبط حالها قاللها أيه مصحيكي بدري؟ قالت له.. حياتي عم جهز حالي لإلك ..عشان تصطبح بأحلى وش... بس تخلص صلاة ناطرتك يا روحي قام سمع خروشة في الطرقه راح يشوف في أيه... لقي المصرية شعرها منكوش وبتتمطع وبتثاوب ولابسة البيجاما اللي نايمة فيها قاللها أيه مصحيكي بدري؟ قالت له... وانت مال امك... أنا رايحة الحمام وراجعة أنام!!

بلاش نقول حظ خلونا نقول إنها أعمار قدرها الله سبحانه وتعالى http://www.youtube.com/watch?v=Xx_KaLqS4y0&feature=player_detailpage

http://www.youtube.com/watch?v=Z58Aplho6tY&feature=player_detailpage

اوقات خطواتنا بتكون مؤلمة بس لازم نمشيها مش هينفع نحسس طول الطريق يمكن يصيبنا شوك بس هنعديها

قَد لآ نصِل إلى آلسحُب ! لكِننآ نستطيع آلإستمتاع بِ آلنظَر ﺈليهآ ... كذلِك ( آلأشيآءَ آلجميلة ) . . وَ تِلكَ هي آلقنآعه

السلام عليكم انا لسة جديدة فالمنتدى و ماكدبش عليكم للامانة انا مش بافهم فالسياسة اوى يعنى بس الموضوع ده انا لى راى فيه: اذاكان لما واحد بيتقدم لاى وظيفة بيفرضوا عليه انه يقدم السيرة الذاتية بتاعته كاملة من يوم ماتولد و كمان بيتكلم عن انجازاته السابقة و الانجازات القادمة اللى نفسه يحققها من وجهة نظره و كمان يتقدم مش بس واحد و لكن ميات و يمكن الاف للوظيفة دى و اصحاب العمل هما اللى بيختارو بناء عاللى بيشوفوه احسن سيرة ذاتية فما بالكم بوظيفة رئيس جمهورية؟؟؟؟؟؟؟؟؟؟احنا ليه مش بصينلها على انها وظيفة؟ و ليه بنتكلم بصيغة ان اللى هاييجى ده هايكون الامر الناهى ؟؟؟؟؟؟ مش موظف زيه زى غيره من حقنا نحاسبه اذا غلط مش يمكن لو فكرنا بالطريقة دى نوصل فعلا للتغيير اللى نفسنا فيه؟؟؟؟؟؟؟؟و اكبر دليل على كلامى امريكا مش بيترشح اكتر من حد و يقدم ملفه كامل و الشعب الامريكى بيقعد بالسنة و الاتنين يفرزفيه؟؟؟ سامحونى عالاطالة و ارجو ان يتسع صدركم لى انا لسة جديدة فالمنتدى اشكركم و ارجو الاهتمام بمشاركتى و التصحيح لى ان كنت عكيت

فى عهده انقلبت جميع الموازين ، علا شأن الحرامية والمفسدين ، وتحكم فينا شلة من الرأسماليين المنافقين ، ارتفعت اسهم الفنانين الذين ليس لهم صلة بالفن وصارت أجورهم بملايين الملايين ، من رقاصين وطبالين وأشباه ممثلين اختفى من علي الساحة جميع المحترمين ، وانتشرت البلطجة والسرقات والقتل وتلفيق التهم للمساكين صار تطبيق القانون بالمزاج وأصبح القانون لا يطبق إلا علي الغلابة و من غضب عليهم النظام اللعين بيعت البلد وتم تقسيمها بين شرزمة من الحرامية و انقسمت البلد الي فقراء يمتلكون 5% من الثروة و5% يمتلكون 95% ، ولم يعد هناك أثر للطبقة المتوسطة التي يقاس مدي تحضر البلدان بأغلبيتها فقدت مصر الدور الريادى علي مستوي البلاد العربية ، كما فقدت دورها العالمي أيضا ، لم يعد هناك علم ولا علوم ، أجيال ضعفاء جهلاء لا يعرفون الا الموضة وقصة الشعر ورنات الموبايل والأغاني والأفلام الساقطة إلا من رحم ربي ضعف دور الأزهر الشريف الذى كان منارة العلم والمسلمين وأصبح شيخ الإزهر من المسيسين ، ضعف الدين وانتشر االفساد والرشوه كالنار تنهش فى البدن فقدنا دورنا كدولة زراعية محترمة وتآكلت التربة الزراعية بسبب البناء عليها و دفعت الملايين من دم الشعب المسكين لزراعة الصحراء وضاعت المليارات هباء انتشرت الأمراض المميتة بسبب السماد المسرطن الذي دخل البلد بواسطة المفسدين الإقطاعيين الذين يستمتعون و ينعمون بكل حرية فى هذا الوطن المسكين من دون حساب ولا كلمة لوم وللحديث بقية ....