لوحة القادة

لابد أن نتذكر الأفعال والأقوال العنترية التي كانت تحدث من العرب أيام عبد الناصر أيام مقولة رمي إسرائيل في البحر لن تستحي إسرائيل أن تمثل دور المذعور المضطهد الذي يتعرض للمخاطر لتحقق المكاسب الجامة من المجتمع الدولي أما نحن فخسائرنا لاحدود لها يكفي المال المهدر في الأنفاق الأمني للإعتصامات والمظاهرات وهذا الحادث والجهد المهدر من المعتصمين والمتظاهرين والجيش والشرطة والأصابابت وربما القتلى وعداواة مع الجيش تشيه العداوة مع الشرطة تتزايد مع تكرار هذه الإحداث .أما أي عمل تنموي فلا وألف لا ربنا يشفي كل عليل

عشان بس بعض الناس اللي عاملين زي العيل الصغير اللي اتعلم الكلام..و أول ما اتعلم الكلام عمال طول النهار يرغي عمال علي بطال .. و في أي كلام و السلام يمكن الناس دي تعقل شوية و تروح شغلها بدل ما نشحت كلنا طب المظاهرات الفئوية..وقلنا ناس مش واعية و مش عارفة مصلحتها فين لكن انعدام الامان و الاستقرار الأمني ده مسئولية الشعب برضه؟؟..ولا مسئولية وزارة الداخلية ولا الظباط اللي كتير منهم مش راضي يشتغل غير لما نروح واحد واحد نبوس جزمته و نعتذرلهم عن اللي عملناه فيهم يعني لو البلد لا قدر الله حصل فيها مجاعة..ولا حصل لها انهيار تام..الناس دي هتستفيد ايه؟

مفيد شهاب : براءة فاروق حسنى : براءة فتحى سرور : براءة أمين أباظة : براءة الجبلى : براءة مبارك : ملوش نفس يروح السجن (فى حالة نفسية سيئة و كل ما يجيبولوا سيرة طرة الاذين اليمين عنده بيتهز و يرتجف) سوزان : وجع فى الحاجب مع الحاجة للراحة فى شرم الشيخ 4-5 سنين لحين الشفاء قانون تصالح مع رجال الأعمال الشرفاء اللى خدوا ملايين الأمتار ببلاش بحسن نية مش فاضل الا كمال الشاذلى يطلع من القبر وياخد براءة هاقترح على القضاة محاكمة الثوار لانهم تعبوا السادة الشرفاء سرور وحسنى ومبارك واخروهم عن اتمام مهمتهم بتفليس وبيع مصر

إذا كان الجميع الآن يراهن على أن اللذين إعتدوا على هؤلاء المعتصمين ماهم إلا بلطجية النظام السابق اللذين لا هدف لهم إلا خراب البلد فأنا أراهن الآن على أن المعتصمين أنفسهم لا يقلون سوءاً عنهم و محدش يقول لي حقهم و إعتصام سلمي .. لأن المسميات الزائفه لا تغير من الوقائع الحقيقيه من شئ لا دول هم المسلمين المصريين و لا التانيين هم المسيحيين المصريين و لا يصح أصلاً دلوقت نقسمها مسلم و مسيحي حتى و لو على حسب المطالب نحن في مرحله إن تم فيها تقسيم أو تفرقه فلا يصح إلا أن تكون مصري حريص على مصلحة البلد و آخر يحمل الجنسيه و لا يعمل بها و عذراً أيضاً من هؤلاء اللذين يلتمسون الأعذار و يوزعونها بسخاء لا يمتلكونه لمن لا يستحقون يعني إيه يا أخ زهيري بتشكرهم إنهم ماحرقوش مساجد؟ أنا مش فاهمه و الله إيه إللي بيحصل ده؟؟ يعني إييييه ؟ يعني حقهم ده إللي بيعملوه دلوقتي ؟؟ و بياخدوه منين ؟ بياخدو حقهم ده من رقبة مين دلوقت حد يفهمني ؟ هو الجهل و العمى و الغباء سيطر للدرجه دي ؟ يعني أنا لما أتجرح أمشي أدبح في كل اللي يقابلني و بس ؟ أنا لما يغلط فيا حد و يتعدى على حقوقي أقوم أولع روما بحالها .. هيحرقوا البلد كلها علشان أربع كنايس ؟ أنا هنا لا أقلل من شأن التعدي عليهم .. و لا أقلل من أهمية معاقبة الجناه .. و لا أقلل من أهمية وضع النقاط على الحروف و مساواة المصريين جميعاً ببعض في مواطنتهم و حقوقهم و واجباتهم لكن أضع ملايين الخطوط تحت مراعاة الظروف الحاليه و محاولة المساعده على الإستقرار لضمان كل ما أريد بشكل شرعي و مقنن و ليس بالزراع و حتى لا يقول من يقو أنني تركت البلطجيه و مسكت في المعتصمين ... أنا الآن لا يهمني سوى مصلحة مصر فليذهب البلطجيه إلى المحرقه إن أرادوا بمصر سوءاً و كل من هم سواهم ممن يريدون بمصر سوءاً أو يقدمون مصالح شخصيه و فئويه و فرعيه و عنصريه على مصلحة البلد مسلمين كانوا أو مسيحيين بلطجيه أو من الناس المؤدبه .. كل من أراد بمصر شراً .. سواء عن عمد بهدف الإضرار بها أو عن أنانيه بهدف الحصول على أهداف أخرى على حسابها لازم كلنا نفوق و نصحى قبل ما البلد تولع و نقول يا ريت اللي جرى ما كان لازم المصريين اللي بجد إللي قلبهم عالبلد يبقالهم دلوقت دور و هم اللي يبقوا على وجه الأحداث مش المخربين و بقول للمره المليون مش المخربين .. مهما كانت الكلمه المكتوبه في خانة الديانه في بطايقهم الشخصيه المسلم لن يشفع له دينه إن كان مخرب و لا المسيجي سيستثنيه دينه من العقاب ولا واضعي الزيت على النار سيسلمون منها حسبنا الله و نعم الوكيل في كل هؤلاء .. من مسيحيين أو مسلمين .. معتصمين أو بلطجيه حسبنا الله و نعم الوكيل في كل المخربين

دي المفروض تحسب مع وليس ضد يا استاذة ,, انا فعلا بنزل اخبار الحركة على المحاورات الاول عشان تكون حصرية للاعضاء الكرام ,, وإذا أبلغناك رسمياً أمام الجميع بإسم الإدارة بإن المحاورات لا تُريد بيانات حصرية لا من 6 إبريل ولا من 15 مايو ... لإن هدفنا ليس نشر بيانات ومنشورات .. لكننا هنا للتحاور حول قضايا مصر مش قص ولزق وتهييج وتصرفات صبيانية كما يحدث . اظن كده الرسالة وصلت وأي رسالة سيتم نشرها عن أي حركة سنقوم بحذفها وإيقاف عضوية من يقوم بالنشر . يعني ده تحذير نهائي لك يا تيمور مات الكلام

ياعم الوف ايه بس يا تيمور دول كلهم 2300 منهم الفين اساسا مشتركين معانا فى المنتدى وعاوزين يهاجروا كمان مش عاوزين ندى الموضوع اكتر من حجمه وبعدين انا من الصبح بسأل سؤال بقول كام واحد لبى الدعوه بتعت سته ابريل ومافيش حد رد عليا وبعدين سمعت رقم 15 وطبعا مافيش ملايين زحفت زى ما انت كنت بتقول عارف ليه مافيش ملايين زحفت لان الناس المؤثره فى الشارع بجد رفضت الموضوع ( الاخوان والسلفيين ) عارف لو كان الاخوان او السلفيين وافقوا على الموضوع كنت هتلاقى ملايين بس للاسف وقتها سته ابريل كانت هتعتقد انها اليى حركت الناس دى للاسف يا تيمور كانت بدأت شعبيه تتكون ليكم بعد الثوره ولكن انتوا ضعيتوها تماما بسبب تصرفاتكم دى للاسف يا باشمهندس انت المفروض راجل مهندس وعارف ان التخطيط للمشاريع لازم يبقى محسوب ليها كل شىء بدقه ولكن انتم دلوقتى ماشين بالبركه تحياتى عنبو

يا أستاذ محمد أنا مع حضرتك جزئيا لكن فلننظر ظروف الخطاب هو بيخاطب ضباط الشرطة في يوم تخرج دفعة جديدة من الطلبة يعني لازم اللهجة تكون حماسية وترفع من الروح المعنوية عشان الناس ترجع تشوف شغلها وحتي هو نفسه قال أنا عارف إن الماضي أحدث شرخ بس هذا الشرخ لابد أن يلتئم سريعا ونعود للعمل بقوة لم يكن لا الوقت ولا المكان المناسب لكلام إلي الحكومة لأن الخطاب موجه للشرطة بشكل أساسي

طبعا اتفهم شعور الناس تجاه تصرفات 6 ابريل الاخيرة لكن بصراحة المشكلة الاقتصادية الحالية ليست نتاج الزحف الي معبر ربفح ويمكن ايضا ليست بسبب المطالب والمظاهرات الفئوية يمكن يكون لها بعض الاثر ولكنها ليست السبب الرئيسي في المشكلة حيث تظل هذه التظاهرات الفئوية هي الاستثناء المشكلة معروفة اسبابها وطرق العلاج سهله لكن مازلت مصر لم تتطهر تماما من الفساد ورموزه الذي مازال بعضهم في مناصبه وايضا عدم التصرف الحاسم والسريع من المجلس العسكري تجاه ما يحدث في البلد ، فصراحة الحسم والحزم والسرعة كانت امور مطلوبة بشدة مباشرة بعد تنحي مبارك وكان هذا اقل شئ يقدم بعد نجاح الثورة للحفاظ عليها اما هذا الاداء البطئ والمتردد سوف يزيد الامر سوءا - هناك بعض الحلول والافكار الذي ارجو ان نطرحها علي وعسى ان نقدم حلا او نطرح فكرة قد تصل الي الحكومة او المجلس العسكري قد يكون فيها فائدة تعود علي البلد وبهذا نساعد في طرح حلول بدلا من الاكتفاء بطرح الاتهامات فيمن هو وراء هذا التوتر الذي نحن فيه وبالتأكيد اعداء الثورة من الداخل ومن الخارج هم السبب فيما نحن فيه وهذا يعرفه الجميع --//////// //---- بعض الحلول اقدمها لمحاولة انعاش الحالة الاقتصادية في البلد/------/ 1- لابد من تغيير قيادات الداخلية وبعض المحافظين مرة اخرى وتكليف من سيأتي بضبط الحالة الامنية للبلد والا ستتعرض هذه القيادات للمساءلة والتنبيه ان علاج الحالة الامنية يكون بالوسائل القانونية المتعارف عليها دون التجاوزات التي كانت تحدث في الماضي خاصة للمواطنين الشرفاء 2- من المعروف ان بعودة الاستقرار الامني يصبح المناخ الاقتصلدي والاستثناري في امان ولكن يجب ان يتم فورا رفع المرتبات لجميع العاملين في الدولة بما يحقق للمواطن الشعور بالامان وان الثورة عادت عليه بالفائدة وبالنالي ستتوقف المطالب الفئوية ... وهذا في رايي اهم خبر وخطوة ستعيد الاستقرار لجميع العاملين مع عدم نسيان اصحاب الماعاشات ( علي الاقل نعتبر الزيادات في الاجور هي جزء من الملايين التي كانت تنهب سابقا) 3- عمل حملة ترويجيه وتسويقية محترمة في الخارج وتقديم عروض سياحية مغرية وباسعار التكلفة حتي تجذب من يريد زيارة مصر رغم هذه الظروف فهناك اناس كثير تحب وتريد زيارة مصر وعندما يجد ان الرحلة التي كانت ستكلفه 5000 دولار اصبحت ستكلفه 2500 مثلا فهو سيحضر الي نصر رغم احساسه ببعض الخوف ولكن حب مصر في قلوب الكثيريين ولابد من استغلال هذا 3- ترشيد الاستيراد بقدر الامكان مع سن بعض القوانين الموقتة للحد من استيراد السلع الاستهلاكية لمدة سنة علي الاقل مثل ياميش وفوانيس رمضان وبعض السلع الاستهلاكية الاخري التي تكلفنا عملة صعبة 4- تخفيض الجمارك علي السيارات للمصريين بالخارج بنسبة كبيرة فهناك ملايين ابمصريين يريدون انزال سياراتهم الي مصر ولكن لا يفعلون ذلك الا نادرا نظرا للشروط المجحفة والمبالغ الباهظة التي تجعل التفكير في هذا الامر كالشيئ المحرم علي المصريين في الخارج (( ولو تخيلنا مثلا قانون يصدر بطريقة الاعلانات المثيرة - للمصريين بالخارج ادفع 5000 دولار جمرك فقط مقابل الافراج الجمركي علي سيارتك ايا كان موديلها وسعة الموتور لها وهذا القانون ساري لمدة عام فقط)) اتوقع قرار مثل ذلك سيجعل علي الاقل مليون مصري علي الاقل سيدخلوا سياراتهم الي مصر واعتقد ان مبلغ 5000 دولار في مليون مصري سيوفر 5 مليار دولار لمصر في لمح البصر 5- لابد من تكليف وزير السياحة بعمل كوته للفنادق والقري السياحية لتحقيقها خلال سنة مثلا واشعارهم بان تنشيط السياحة الداخلية امر مطلوب بدلا من عدم الاستفادة من الغرف الفندقية المغلقة والتنازل قليلا علي الاسعار المرتفعة الذي يتم التمسك. بها ومن لا يستطيع تحقيق نسبة الاشغال المحددة قد يتعرض الي الحرمان مثلا من بعض التسهيلات الممنوحة من البلد 6- تقديم اعفاءات مغرية وتسهيلات استثنائية في منح التراخيص للمشاريع الصناعية القائمة او المشاريع التي ستنشأ والاعلان عن ذلك في وسائل الاعلام 7- اخيرا التنبيه والتشديد علي كل الفضائيات المحلية والخاصة بالتركيز علي كل العوامل الايجابية وترشيد الاخبار السلبية وترشيد مناقشة المشكلات التي تحدث بسبب الفوضئ الحالية خاصة وانها احداث مدبر لها وافراد مساحات كبيرة لها يزيدها اشتعالا ولا يطفئها نظرا لغياب الوعي لدى شريحة كبيرة من الشعب وسهولة الانقياد وراء اي خبر حتى ولو كان مفبركا ومفتعلا ---- اكتفي بهذا القدر وارجو المشاركة بافكاركم ------

ان شاء الله سيخصص هذا التوبيك لكل مايخص المرأة من معلومات عن المنزل وايضا اهتمامها بنفسها وجمالها 10 صائح غذائية وسلوكية: حوّليها إلى نظام حياتي 1- لا تهملي تناول وجباتك ينصح خبراء التغذية بعدم إهمال تناول أيّة وجبة من وجباتك، والحرص على تناولها في مواعيدها. 2- احرصي على تناول الطعام الذي يحتاج إلى المضغ يجب أن تشمل لائحة طعامك الصنوف التي تستغرق وقتاً لمضغها، كالتفاح والذرة 3- قلّلي من كميّة الدهون في طعامك يساعد التقليل من السعرات الحرارية الدهنية المتناولة في الوجبات الرئيسية اليومية على الحدّ من الشهيّة ومن الرغبة في تناول أطعمة تحتوي نشويات عالية 4- كميّة الطعام اليومية قد تحتاج أنواع ومقادير ونسب الأطعمة المتناولة يوميّاً إلى التعديل حسب مستويات النشاط المتباينة، فالأشخاص الذين يعملون في أماكن مفتوحة أو يقومون بأعمال شاقّة يحتاجون إلى كميات أكبر من الطعام وإلى مزيد من التنويع في وجباتهم، 5- تغلّبي على رغبتك بتناول الشوكولاته 6- تجنّبي أخطاء المطبخ يعدّد خبراء التغذية أخطاء المطبخ، وهي: تجنّب الطهو أثناء الجوع، وعدم التحدث في هاتفك أثناء طهو الطعام 7- القهوة وقلّة ساعات النوم يؤدي الإفراط في تناول القهوة إلى زيادة سرعة تخلّص الجسم من الماغنسيوم والمعادن الهامّة الأخرى 8- تجزئة الوجبات يمكن أن يحصل الجسم على كميّة أكبر من الطاقة عن طريق تناول وجبة خفيفة من الفاكهة في منتصف النهار وأخرى في منتصف الظهيرة 9_تناولي الشاي بينت دراسة تايلندية حديثة إلى أن من يشربون كوباً واحداً من الشاي الأسود أو الأخضر كل أسبوع على الأقل، ولمدّة عشر سنوات، لديهم نسبة الدهون في أجسامهم 20% أو أقل، ونسبة الدهون في منطقة البطن 2% أو أقل، مقارنة بنسب الذين لا يتناولون الشاي، مع التنويه بوجوب عدم تناوله بعد الأكل مباشرة حتى لا يؤدي إلى تكسير عنصر الحديد في الطعام المتناول وخسارته. 10_لا تجعلي حميتك تسبّب لك الجوع لعلّ أكبر خطأ يقع فيه متتبعو الحميات الغذائية هو تجاهل الوجبات، والبقاء بلا طعام لفترات طويلة أو تناول كميات أقل من اللازم لإنجاح عملية إنقاص الوزن. ويعرّض اتباع هذه الاستراتيجيّة الجسم لما يشبه المجاعة، ما يسبّب له الشعور في الجوع والرغبة الملحّة بتناول الطعام بشراهة

يا نهار مش فايت على الناس يا جماعه واحد يقول للناس دى ويعرفهم انهم هما اليى ماسكين البلد مش حد تانى لما مسؤل يطلع يقول مصر ان الاحتياط النقدى هيخلص كمان ست شهور وواحد تانى يطلع يقول مافيش امن ولا امان وفيه فوضى طيب نعمل ايه يعنى نتحزم ونرقص لكم ولا الشعب يخلع هدومه ويمشى فى الشارع يكلم فى نفسه طيب ياعم لما انت عندك المشكله وبتعرضها على الناس يبقى المفروض زى لا عرضت المشكله تعرض ايه هى السبل اليى انت شغال فيها علشان تحلها مش ترمى المشكله وتمشى اه يا نفوووووووووووووووووخى واذا مكنش عندك حل اتفضل حضرتك سيب الكرسى ولا اذا كنت فى الجيش ارجع ال الثكنات العسكريه بتعتك مهو ده التصرف الصحيح مش هنعمل زى مبارك لما كان يطلع يقولما هعملكم ايه طيب لما انت مش عارف تعمل سيب المكان فيه ناس كتير قوى عارفه هتعمل ايه

حاضر .. دى بعض الحيثيات التي وردت في حكم مجلس الدولة في قضية عزل الرئيس السادات للبابا شنودة في الدعوى رقم 934 لسنة 36 قضائية عام 1982 ، ركزي على المظلل بالأحمر 1- محاولة فرض استقلال الكنيسة عن الدولة ومؤسساتها الدستورية والسعى نحو إضفاء الصفة السياسية على منصب البطريرك ومحاولة تحدى القوانين القائمة فى مجال بناء الكنائس وإقامة الكليات الإكليرية وتوسيع الأديرة 2-استثمار الخلافات الفردية والحوادث العادية لتصوير الموقف على أنه صراع طائفى والمطالبة ببعض المطالب الطائفية 3-إعلان الصوم للضغط على المسئولين 4-استغلال قنوات الاتصال بين الكنيسة وتجمعات الأقباط فى الخارج كقوة ضاغطة على الرأى العام العالمى لتحقيق المطالب المذكورة 5-إرسال خطابات للمسئولين فى الدولة لتمثيل الأقباط بنسبة عددية كبيرة 6-تعبئة مشاعر المسيحيين ضد المسلمين 7- الشائعات عن تكاثر أعمال التعدى على المسيحيين فى مصر للتشكيك فى استقرار البلاد وإثارة الرأى العام العالمى لتشويه سمعة مصر فى الخارج 8-تحريض أبناء الطائفة على تخزين الأسلحة والاستعداد لمواجهة عزم المسلمين مهاجمتهم . أما التيار العلماني فلا شك أنه أكبر المستفيدين من مثل النفخ في نار هذه الأحداث وتأجيجها لأنها تمثل قوة دفع نحو مزيد من العلمانية وعزل الدين عن الدولة ويبدو هذا واضحا جليا في إسهامات الإعلام العلماني في تأجيج الأمور ومحاولة إلصاق التهمة بالسلفيين ، ولا يضر حتى لو تم إلصاقها بهم في البداية ثم بعد ذلك يكذب الخبر.

السلام عليكم اخى زهيرى بارك الله فيك لا مش كلمات يا زهيرى دى تحقيقات نيابه و تصريح وزير الداخليه و لا دول مش كفايه بالنسبه لك و ها تقتنع بمواقع المسيحيين المقتنعين تماما ان السلفيين هم اللى حرقوا الكنايس براحتك.. ده حتى البرامج الحواريه فى الفضائيات التابعه لساويرس و غيره و المعروف خلفياتها ظهرت الحقيقه عليها من انه لا علاقه للسلفيين تحديدا ..تحديدا ..يا زهيرى و يمكنك الرجوع مثلا لكلام خالد صلاح رئيس تحرير اليوم السابع و لكلام و مقال بلال فضل عن هذا الموضوع يبقى مين إللى حابس نفسه فى بوتقه المواقع المسيحيه و بيعتبرها مصدر اخباره إللى بيبنى عليها موقفه . نعم.. نعم حكماااااااء ؟؟!! أومال مين اللى بيقطع الطريق و يحرق الكاوتش و قافل الكورنيش فى القاهره و اسكندريه و بيتظاهر و بيستنجد بامريكا و هى الاعتصامات بالشكل ده طيب النهارده نازلين ضرب فى الكل من الجيش حتى مصورى الفضائيات و المصيبه إن البابا كما نشر موقع الدستور سحب طلبه بفض بلطجه ماسبيرو عارف معنى كده إيه يا اللى بتتلقى معلوماتك من مواقع مسيحيه ؟؟ ;) . بالمناسبه اكثر من يعرف احساس شركاء الوطن و يتصرف بناء على ذلك هم المسلمين و سلفييهم خصوصا لأن هذا دين يدينون به الى الله و ليس للارض او الوطن ..لوجه الله يا زهيرى و امامك تاريخ عريض من حسن الجوار و حسن المعامله هو السائد و حتى الان و يكفيك ما فعله الطرفان مع بعضهما فى ميدان التحرير حيث كان فيه المسيحيين الحقيقييين و ليس اتباع متطرفى الكنيسه التى حرمت على اتباعها الثوره و التظاهر و لكن المسيحيين المخلصين المصريين بحق استجابوا لنداء العقل و الواجب ووقفوا فى الميدان مع اشقائهم المسلمين و صلوا بجانبهم فى امان و حموهم اثناء صلاتهم و مات منهم من مات معهم .. هؤلاء هم المسيحيين الذين جاورناهم و عايشناهم سنين طوال اما البلطجيه فى ماسبيرو و من قبلها فى العمرانيه و قبلها فى ساحه الكاتدرائيه و الذين تستقى اخبارهم من المواقع الوحشه ..فمصيرهم الى زوال ..يا زوهيرى .

ولو أنى كنت أخشى أن يتم فهمى على نحو خاطئ .. بأننى من الثورة المضادة ..او الفلول ...او ما شابه.. ولكن احمد لله ان وصلت لكى اختى الفاضله الدكتوره ام احمد .. رسالتى وهدفى من ذلك الموضوع .. فأنا أبدا لست ضد ثورة 25 يناير (( الثورة الربانيه)) .. ولكنى ضد من يأخذون الثورة مهنه ((الثورة الصبيانيه)) .. الناس فى الشارع تغلى .. وتطالب بالتعامل مع اى تظاهرات حتى ولو فئويه بيد من حديد .. الكل يخاف من ان تصل الفوضى الى مصدر رزقه .. او حتى منزله .. اقصد بالكل هنا ((عامة الشعب )).. ومن يعيشون فى مصر .. نذير انقلاب الشعب على الثورة باكملها .. يلوح فى الافق.. فهل من تعقل ورشاد وأخيرا وليس أخرا .. أذكر ....الفرق بين(( الثورة الربانيه )).. و((الثورة الصبيانيه )).. لو تعلمون .. عظيم

انا دلوقتى شايف ان الكل هنا معارض والناس اليى فى الشارع معارضه للفكره ومع ذلك تيمور مستمر فى الكلام ومش بيرد على حد ولا بيناقش حد يبقى احسن حل اننا نقاطع التوبيكات اليى من النوع ده نخلى تيمور يتكلم ويقول اليى هو عاوزه لان ده حقه واحنا برده حقنا منردش عليه انا شخصيا ناويت مدخلش فى اى توبيك لتيمور بيتكلم عن مصر او الثوره على فكره الفكره تم تنفيذها فى المطاريد وجابت نتايج مبهره تحياتى عنبو

على المجلس العسكرى ان ياخذ شرعيته من الشعب ليخرس المزايدين والذين اعتيروا انفسهم اوصياء على البلد والذين اخذوا الثوره سبوبه وعليه عمل استفتاء شعبى على الاتى: 1- فض مايسمى ائتلاف الثوره 2- حركه 6 ابريل هى جماعه محظروه حتى انتخابات مجلس الشعب والرئاسه 3- منع الاعتصامات نهائيا لمدة عام 4- انتخابات مجلس الشعب خلال شهرين من الان باى طريقه كانت 5- اننخبات الرئاسه بعد اربعة اشهر وانا اول المصوتين بنعم هل من مصوت بنعم معى

*تعليقاً.. وتأثراً .. بالأحداث الحاليه ..التى تسر العدو ..ولا تسر حبيب قولوا معايا... لا للثوره بِهِمَه ورايا .. لا للثوره لا للثوره.. لا للثوره لو راح تــهــدم ... ولا تبنــيش لو خلتنى .. ف رُعب .. أعيش لو ملاقيــتش .. رغيـف العيش يبقى بِعَزم ما فيا.. بقولها لا للثوره.. لا للثوره لو ح تــشعلل ... نــار الفـتـنـه وتــفـــرقــنا .... وتــشتــتــنــا وتكرهنا كــمان... فى حــياتــنا يبقى بقولها..وتانى بعيدها لا للثوره.. لا للثوره لو حيقــودهــا .. بكل غــــرور نــاس شغــلتــهم.. بس تثــــور يعــنى شباب أرعن... موتـــور يبقى أكيد وبقوه .. بقولها لا للثوره.. لا للثوره لو ح تــهــدد... أمــن بـــلادى وتــزود .. فــرحــة حُســـادى ويصبح .. كل هـدفها .. تِعادى يبقى بعلو الصوت..وبكرر لا للثوره.. لا للثوره و... التونسى ..((الثائر سابقاً))

الخطب و الأحاديث الدينية و خاصة خطب الجمعة تعمد إلى الحماس الشديد و الصراخ و تحذير المصلين أو الحاضرين من البعد عن الدين و الدعاوى المحدثة - فى رأيهم - مثل اللبرالية و الإشتراكية و الديموقراطية و عادة لا يكون هناك محتوى أو موضوع لهذه الأحاديث و لكن فقط حشد للكراهية و ترسيخ إحساس بأن المجتمع كافر و بعيد عن الله. طوال أربعة أسابيع و أنا أصلى صلاة الجمعة فى مسجد دار الأرقم فى مدينة نصر و هو القريب من منزلى ، و فى هذه الأسابيع الأربعة تناوب أربع خطباء بينهم الخطيب الأساسى للمسجد و هذا خطبته عادية و لا تخرج عن الوعظ العادى ، أما باقى الخطباء الثلاث فكانت خطبهم عبارة عن صراخ و إتهام للنظام - ليس النظام بعد الثورة و لكن كل النظام منذ الإحتلال الإنجليزى لمصر الذى منع شرع الله على حد قولهم - و أنظر حولى و أتصور حجما عاليا من الإحتقان ضد كل شئ. كنت أمنع نفسى بشدة من أن أصرخ فى خطيب يا أخى حرام عليك !! قل كيف نبتعد عن كل شرع الله. تذكرت كليب فيديو أذيع فى التليفزيون يصور شيخا و هو يصرخ " إنتو عارفين يعنى إيه ليبرالية ؟ يعنى أمك تقلع الحجاب ...... " و تذكرت القصة المشهورة أن لطفى السيد لم ينجح فى إحدى الإنتخابات لأن خصمه روج أنه أى لطفى السيد رجل ديموقراطى و لم ينفى هو ذلك ,و الحل فى نظرى : نشر نماذج لخطب الجمعة و الدروس الدينية تستخدم مصطلحات السياسة الحديثة مثل ديموقراطية و لبرالية و إشتراكية ..... إلخ

اخي / عنبو تعرف لو المجلس العسكري ورئيس الوزراء. جعلوا للمواطن البسيط او العامل البسيط امل او فائدة ستعود عليه قريبا وعشموه برفع الحد الادنى لاجره خلال هذا العام بشرط مواظبته علي عمله دون غياب الا لظرف قهري او دون القيام باي مظاهره فئوية ستجد ان البلد حالها انصلح - لابد من وضع جائزة او حافز للمواطن والموظف البسيط وهم يشكلون الغالبية ولابد من الاعلان عن هذا ليلا ونهارا في وسائل الاعلام وهذا الحافز الذي هو وضع الحد الادني للاجر بالف جنيه مثلا واقترانه بشرط المواظبة علي العمل والانتاج لمده عام كامل دون القيام مظاهرة فئوية او دون القبض عليه في اي اعمال شغب او مظاهرة طائفية فلو تم الاعلان عن هذا الان سنجد هذه الشرائح من المجتمع ستهدأ بل هي ستمنع اي خروج علي القانون وستشعر ان الدولة تشعر بهم بدلا من الحديث فقطً عن تضرر كبار المستثمرين وبدلا من التحدث عن الخوف من تضرر المشروعات السياحية والتي لم يرى منها الموظف البسيط او العامل اي استفادة مباشرة اللهم الا الاموال التي تعود الي كبار المستثمرين وبعض الوظائف التي تتوفر للخريجين ولكن العائد منها لا يتناسب مع المليارات التي تنفق في مجال السياحة - حافز قوي للجميع في الوقت الحالي هو الهدف الذي سيسعى اليه الجميع للحصول عليه ويجعلهم يهتموا لتحقيقه بدلا من الانشغال بما يضر البلد واظن قرأت مرة قصة حقيقية تحت عنوان ( كرتونة البيض ) وهي قصة طريفة واقعية منعت اشتباك عنيف كاد ان يحدث وكان سبب منع هذه الحادثة هو كرتونة بيض للمجمهرين بربع ثمنها الاصلي !!!!!!

الفيديو للي ما لحقش يشوف الكلمة http://www.youtube.com/watch?v=AH3YJrJN5Vk&feature=youtu.be

حد وصلته الصورة دي؟

دي بقى .. أصعب محادثة في التاريخ -على الاقل على اليوتيوب- http://www.youtube.com/watch?v=yjIUfrSujjE :closedeyes:

والنبى قبل ماتدعو لاى ثورات تانى شوفوا بس الناس هتاكل منين اما حاجة غريبة والله عاملين ذى ال...اللى مسك فى لعبة وبصراحة مافيش اى مسئولية ولا حتى نظرة لاحوال البلد

Thank you so much Mr.Ahly for the data base..

مش لما يبقى عندنا حكومة الاول نبقى نسأل وصلت للرقي دا و لا لأ الحكومة الموجودة حاليا اسمها حكومة تسيير اعمال او الاصح حكومة مؤقتة مهمتها الحالية انها تحاول تظبط في حال البلد لحد ما يتم انتخاب رئيس و بالتالي تيجي حكومة بقى نقدر نحاسبها صح لكن حكومة شرف في رأيي حكومة ابطال بصراحة لان الوضع الحال هو اسوأ حال لمصر و بالتالي اللي يقبل انه يتحمل المسؤولية في الوقت دا يبقى بطل لازم كلنا نتكاتف معاه و نسانده مش ندمره بكل قوة زي ما هو حاصل اشئ مظاهرات تطالب بتغيير المحافظ الفولاني و الناس تطلع تولول في التليفزيون اسس الاختيار هي هي حرام عليكم مبارك لسا موجود نظام مبارك ما وقعش تقوم الحكومة عشان عاوزة تشوف اللي وراها الاهم تعدي و تقول ماشي عشان تطمن الناس تقوم الناس تزيد اكتر شوفتوا اللي بيحصل دي حكومة ضعيفة مش اد المسؤولية لازم تتغير عارفين جحا و حماره اهو دا اللي حاصل نفسي انزل مصر امشي في الشوارع اصوت و اقول ادعموا حكومة شرف المؤقتة عشان توصلوا لبر الامان و تنتخبوا حكومة دائمة الحكومة الحالية شايلة بلاوي هي و المجلس العسكري مبارك سابها خرابة بجد و انتوا جايين تحاسبوا اللي متحمل المسؤولية و ماشي يحارب هنا و هناك و ما حدش عاتقه ابدا ما اقصدش حد بعينه هنا لكن كلامي عام لاني لما بافتح صفحة رئاسة الوزراء باحزن على كم الاتهامات و اللي بتوصل احيانا لشتايم عيني عينك في دكتور شرف لو اتكلمت بصراحة هاملا صفحات من الانتقاد للناس اللي ما عندهاش غير النقد و بس و دا اخرها تغني و خلاص لكن ينزل يتحرك يعمل حاجه يا عم و انا مالي عاجبني برنامج عمرو خالد الجديد لانه مش عاوز الحكومة و المجلس العسكري يكونوا بابا و ماما عاوز الناس هي اللي تشارك في صنع تاريخ بلدهم بجد سؤال لو سمحتم حد هنا فكر يشترك في حزب و ياخد دور ايجابي؟

انا كمواطن عادى ماذا استفدت من الثوره حتى احميها على العكس انا كمواطن عادى تضررت من الثوره وبلاش الرد على من الاخوه الاعضاء بخطب حماسيه خلينا واقعيين مصر دخلت فى فوضى وستظل فى فوضى لفتره ليست قصيره ليس العيب فى الثوره وخلع الفاسدين ولكن العيب فى الخطوات التى تتم الان ارى ان الكل يعمل لمصلحته الخاصه تمت كام مليونيه لمحاكمه الفاسدين....استفدنا ايه ولا حاجه مليونيه علشان فلسطين....انا استفدت ايه ولا حاجه مافيش بنزين ومافيش انابيب بوتاجاز ولم نسمع على اى مليونيه ارجوا الرد وسرد ماهى المكاسب التى استفدتها انا الان كمواطن عادى يمكن تكون فيه مكاسب انا مش حاسس بيها ب ومنذ متى يا أبو هنا مكاسب اى ثورة فى العالم تظهر بعد شهرين او ثلاثة !!!؟ الثورة الفرنسية التى صنعت فرنسا التى ينظر لها العالم الان باجلال واحترام ظلت لفترة عشر سنوات بالتمام والكمال فى حالة ثورية وانفلات امنى وليس شهرين فقط ( اللى حضرتك زعلان بسببهم ) , وبعدها العشر سنوات بدات فرنسا فى حصد ثمار ثورتها طبعا ليس معنى كلامى انى سعيد لهذه الاضرابات ولكن هو رد على من يردد ( هو احنا شوفنا ايه من الثورة ) يا ابو هنا : الثورة مثل الاسثتمار المالى تنفق عليه فى بدايته الكثير ثم بعد ذلك تبدا فى جنى ارباحه تحياتى لك

خير يا أستاذه هند .. إن شاء الله خير .. انا شفت فى الفيديو حماس شاب.. لسه متخرج من كلية الشرطه .. يارب يكون باكورة عهد جديد .. لشرطه مختلفه .. بروح مختلفه ..باهداف مختلفه ..تصب كلها فى صالح الشعب والوطن باذن الله وعلى فكره أبشرك .. مرتبات افراد الشرطه.. خصوصا الامناء زادت فعلا .. ودى خطوه كويسه فى طريق عدم إفساد الشرطه من جديد.. عن طريق استغلال ضعف مرتباتهم .. رغم عظم وخطورة عملهم ((لو عملوه على الوجه الاكمل)) نفسى يكون لنا عهد جديد مع الشرطه .. وتكون فيه علاقتنا بالشرطه هى نفس علاقتنا بالجيش من حيث الاحترام والتقدير

هو الاكيد يا اخت هند إن رواسب سنوات طويلة لن تختفى بين يوم وليلة , المهم ان نكون على الطريق الصحيح ووقتها سنصل للهدف مهما طال الزمن . اما بالنسبة للفيديو لم أرى فيه شىء يقلق او غير مطمئن والله اعلم

أنا مختلف ماعك يا أ / تونسي مش في المعني ،،، في الشكل ممكن تالف ابيات تانية تبقي بعنوان ،، هأحمي الثورة ،، هأحمي الثورة

. :blink: هوه انا شايفه الكلام صح؟... وله باهيس؟ هوه مبارك كان جايب القصر ده لسوزان وكاتبه في القايمه مع العفش؟ وله كان هديه اول عيد جواز ليهم؟؟؟

فرق تسد إمضاء .. العصابة ملاحظة: السيد سيتنازل عن 140 ميليون والسيدة ستتنازل عن 20 مليون أما الشئ الجميل أن مصطفى الفقى ضد محاكمة مبارك والناس مازالوا يحاربون "عفريت العلبة" تحياتى

أمبارح بقى كان يوم مجيد للثنائي توفيق عكاشة-طلعت السادات كان عندهم عقبال عندكم حفل تأسيس حزب مصر القومي والأتنين كانو موجودين وقالوا بيان التأسيس ، صراحة أتلم الـ.... على .......

لاحول ولا قوةالا بالله "قل اللهم مالك الملك تؤتي الملك من تشاء و تنزع الملك ممن تشاء..و تعز من تشاء و تذل من تشاء" ان كان الخبر صحيح فعلا..مش محاولة لإستمالة القلوب للتعاطف معها يبقي ربنا يشفيها..ويشفي مرضي المسلمين..هي بالتأكيد في موقف عمرها ما تخيلت انها ممكن تتحط فيه في يوم من الأيام.. تخيل دي من كام شهر كانت تلقب بالسيدة الأولي في مصر..وكان الكل تحت أمرها و رهن اشارتها.. نحن لا نشمت بدا في مرض أو موت..و لكن حتي الشامتين لابد أن نعذرهم..رغم أن هذه المفروض ليست من أخلاقنا..بس برضه نعذرهم..أنهم ممكن يكونوا شافوا حاجات احنا ما شفناهاش أحد المشايخ كان يبكي و هو يحكي خروج زين العابدين بن علي من تونس..طبعا..هو مش بيبكي عليه..بس بيبكي من الموقف..و من الموعظة..كان بيقول : سبحان الملك..رئيس دولة..عمال يلف بطيارته في الجو..و مش لاقي بلد ترضي تاخده..سبحان الله الذي يعز من يشاء و يذل من يشاء

أعجبني هذا التعليق لأحد المتواجدين بصفحة الخبر و المعلقين عليه قال: الله يسامحهم إللي إستخسروا فيها حتى بق الميه ده و الله

دي بقى عروسة حظها..........................؟ http://www.kalam.tv/...8280/index.html

وعن نفسي أيضا وبعد أن كنت أرى أن الدكتور البرادعي هو أفضل المرشحين الموجودون على الساحة حتى الآن ... وحيث أن حركة 6 أبريل تعتبر البرادعي هو الأب الروحي لها .. وقد سبق ونشرت صور اجتماعاتهم هنا .. وحيث أن الدكتور البرادعي لم نر منه حتى الآن أي محاولة للتدخل لتعقيل هؤلاء الشباب وإعلامهم بالخطأ والصواب والأصول والعيب وما يجوز وما لا يجوز ... بل إنه يسكت على كل أفعالهم .. مع أنه طبقا ولبياناتهم أبوهم الروحي... وحيث أن الأب الذي لا يتدخل بنصح أبنائه من عاقبة التهور والاندفاع والغرور والعناد مع كل شيء ومن أجل أي شيء .. يعتبر غير جدير بالمسؤولية .. أعلنها من الآن ... أنني أسحب ترشيحي لهذا الرجل ... ومن اليوم سأرفع اسمه من توقيعي ...

من حوالى ثلاثة أسابيع كنت أحضر جنازة فى مسجد سيدى جابر بالاسكندرية يوم الجمعة .. وكان الخطيب نسخة من خطيب مسجد دار الأرقم الذى تتحدث عنه .. وبعد الصلاة تجمع الأصدقاء القدامى الذين كانوا يشيعون صديقهم إلى مثواه الأخير .. ولولا الجنازة لكانت أصوات الاستنكار - فى نقاشنا - قد علت خارج المسجد .. نحن فعلا نمر بمرحلة من اللامعقول .. يحسبها الجاهلون إحدى ثمار ثورة الشعب على القهر والاستبداد .. لا أدرى .. ربما تكون كذلك بظهور من كانوا يعملون تحت الأرض بالنسبة للتكفير فهو لا يتوقف عند الاصرار على "دق المية فى الهون" بالنسبة للأخوة المسيحيين ولكنه يطال المسلمين أيضا .. وإن كان "المكفراتية" يتحفظون ويمتنعون عن اتهام غيرهم من المسلمين بالكفر "البواح" ، ويحجمون عن تكفير الأعيان .. فقد استعاضوا عن ذلك باستعمال ألفاظ مثل الليبرالية والعلمانية بل والديموقراطية لتكون بديلا عن الاتهام الصريح بالكفر البواح أو بتكفير الأعيان .. وأظنكم سمعتم المتحدث الرسمى "عبد المنعم شحاتة" وهو يقول إن الديموقراطية ليست من الإسلام وإنه - لذلك - يرفضها ويرفضها المسلمون .. هل لهذا معنى سوى أن من ينادى بالديموقراطية فإنه يُحشر - على أحسن تقدير - فى زمرة الفاسقين ؟ فى رأيى أن "المكفراتى" هو الذى يستحق أن يُحشر فى زمرة الفاسقين عن سنة الله ورسوله ، فهو يتخير - تنطعا - من نهج السلف ما نهى عنه الله ورسوله .. وذلك إما ابتغاء لعرض الدنيا والفتنة أو عن جهل بحقيقة الاسلام .. إن فكر "المكفراتية" قديم .. فهناك دلائل من القرآن والأحاديث على وجودهم فى عصر النبوة وفى عصر الخلافة الراشدة وفى كل عصر إلى عصرنا هذا .. و "مكفراتية" اليوم يقلدون "مكفراتية" الأمس بكلام الحق الذى لا يراد به إلا الباطل .. من يقرأ ويتمعن فى القرآن وكتب السيرة والتاريخ سيجد الكثير مما يكشف صدق ادعائى هذا عن منابع هذا الفكر التكفيرى .. إما الغرض أو الجهل

يا ربي اولا معترضة على انك حاطط نفسك معاهم.. انت مش هناك ثانيا .. كان ممكن نرفع احنا علم كبيييييييييييييير لفلسطين قدام السفارة و صور لجرايمهم هناك بعد شوية هتزيد موجة التشكيك تاني في الجيش و المجلس العسكري الوحشين .. اللي مش سايبينا نحرر فلسطين و لا حتى نقتحم السفارة حسبي الله و نعم الوكيل

يا نهار اسود و منيل عليكوا الله ينتقم منكم الله ينتقم منكم اقتحام السفارة دا خبر حلو؟؟؟؟؟؟؟؟؟؟؟؟؟؟؟؟؟؟؟؟

وهذه دعوة لضبط النفس كان لها أثرها الطيب http://www.youtube.com/watch?v=fwWtdWEnieQ

أعجبنى إسمك ... عاشق تراب مصر فعلا إسم راقى و معبر جدا ما سبق كان إستهلالا لابد منه سيدى الفاضل ... قامت فى مصر ثورة ثورة جميلة رائعة إستغرقت ثمانية عشر يوما من بدايتها حتى سقوط نظام الحكم ..... ليتك تسمعنا صوتك و الذى اتصوره الآن مجلجلا فى الفضاء فرحا بما حدث من كان يتصور هذا ؟

أولاً : مافيش حد هاجم الثورة أو أنكر دورة حركة 6 إبريل في الثورة .. ثانياً : لكي لا نقفز إلى النتائج ونترك المسببات والأسباب . أرجو من الجميع أن يقرأ جيداً ما فعلة صلاح الدين لتقوية الجبهة الداخلية ... تخيلوا إن أول حاجه عملها هي التوسع في إنشاء كتاتيب تحفيظ القرآن الكريم لخلق جيل قوي الإيمان مؤمن برسالتة بعيد عن الشعوذة والخرافات الشيعية اللي كانت منتشرة في العهد الفاطمي ... ناهيك عن تقويتة للجبهة الداخلية لمصر أولاً ... ومن ثم عندما وقف على ارض صلبة . إستطاع أن ينطلق ويحارب كل دول أوروبا بمفرده ويهزمهم وينتزع منهم المسجد الأقصى وكل تركيزنا هنا على خطأ توقيت الدعوة لهؤلاء الشباب العنيد الذي لا يستمع لمن هم أكبر منه وأعقل منه فلا مانع من عمل مليونيات لدعم القضية الفلسطينية .. لكن زحف وزئير والكونغو ... كل ده كلام فاضي وتشتيت لمجهودات الجميع ولا نستطيع أن نلوم هنا المحلس العسكري او الشرطة .. لإن دول مش شوية بلطجية رايحين يخربوا ... ومش معقول يقبضوا عليهم بمجرد إعلان نيتهم .... لكن يجب أن يتم التعامل معهم بحزم ... بعد نصحهم وإرشادهم وتوضيح إن في ذلك خطر على أمن مصر القومي وإذا لم يستمعوا للنصح .. يبقى القانون يتدخل هنا ويُطبق عليهم بحذافيرة ..

انا ما زلت عند رأيي ان الجماعة بتوع 6 أبريل دول غير مؤهلين نفسيا لنجاح الثورة عاملين زي لعيبة الكورة اللي الواحد منهم بيبقي لابس جذمة مقطعة وشراب ما اتغسلش بقالة عشر سنين و مرة واحدة بيلاقي نفسة بياخد ملايين و الناس بتقول عليه نجم فأكيد بتجيله حالة نفسية تخلية مش عارف يفكر صح و عايز يفضل علطول في قلب الحدث عن طريق افتعال مشاكل و ثورات جديدة كل يوم ربنا يهديهم يا رب قبل مايخربوا البلد و يقعدوا علي تلها

مش دول فلول النظام السابق برضه ... يا ترى هل هما دول كمان اللي فجروا النهاردة بأحزمة ناسفة ضريح الشيخ زويد http://www.masrawy.com/news/Egypt/Politics/2011/May/14/explosion_relegious.aspx يا عم شرف الدين الله يخليك اتهم اللي انت عاوز تتهمه وقول اللي انت عايز تقوله الجو مش مستحمل والواحد اعصابه بتبوظ يوم عن يوم يا سيدي احنا اسفين لكل كلمة قولناها ولا فرحتنا بالثورة اهي بتخرب اهي علشان الكل يركع ونقول اسفين طب والله اسفين وارحمونا

سيــــــفــــــ خشــــــــــبــــــ . . . !! كان جوايا .... حاجات كتير أحلام كتير .. شعر و غنا و سهر وضفاير بنت زى القمر خصلاتها حرير ... كان جوايا حاجات كتير ! كان جوايا ...خير ..! وحب الغير ..! وعشق لطير ... مكتوب على جناحه حريه ! كان جوايا ... غيـــّه .. و أغنيه . وباليل......... لما الببان تتوصد والأصوات تترصد كانت تزورنى ...جِنيّه تاخدنى فــ حضنها وتعلمنى الغرام تنسى حزنها وياخدنا الكلام وكنت أطلب منها .. مهما أطلب طلبى يتنفذ قوام ! كنت فى هواها حر لاكنى بين ايديها .. أسير كان جوايا حاجات كتير ! كان جوايا ..ورق شجر من فصل الخريف ! وقلب طيب .. لاكن مش ضعيف وعيون ... تعشق السهر ! وسفر .. وتوهه ..وتخاريف ! كان جوايا ..طفل برىء رجوله وجدعنه لـــ الصديق محفوره جوايا الحارات والدروب و الطريق كان جوايا عشق ....! و رزق وحبيبه ! وصدق .. واخلاص ..وطيبه وضِلّ ..ترتاح فيه وقت الهجير كان جوايا حاجات كتير ! كان جوايا ... بيوت ... ! وحلم مش بيموت وصوت عالى عارف سكته صادقه نبرته تحطم آى سكوت كان جوايا ...تابوت فيه الخوف ! وفيه دمى ! وفيه همى ! وفيه ساعات من ليل عتم مش بتفوت كان جوايا... حزن وعشق ست الحُسن وغربه و ترحال وأمل ..لــ كلِ محال وسَخط على كل ظلم ورضا ..على آى حال كان جوايا ...خيال لجناحين و عِش وكوخ و قَش وقلب ..من خفته بيطير يفتح مداين ويدوس اللى خاين فارس مغوار وسيف بتّار .. وسندريلا وأمير كان جوايا ...حاجات كتير ! كان جوايا ... ورقه و قلم ونشيد وعلم وشراع لبكره بين عيونى ..اترسم كان جوايا ألم متحسهوش الناس واحساس .. بانى قوى فــ صمتى ...أو فــ بوحى عمر القلم ..ما اتقسم وعمر الألم ..ما وَشَم فوق روحى فضل النسيم جوايا يهزم ألمى ويداوي فــ جروحى فضل هوا.. بتنفسه وطيف... بلمسه ونسمة عبير كان جوايا ... حاجات كتير لاكنى وسط المعركه لاقتنى لوحدى .. ليه مش عارف ! بس الغريب .. حتى وانا لوحدى .. مكنتش خايف ! قعدت أضحك ..أضحك لما من كتر ضحكى .. بكيت ! وعرفت ان عمرى ما كنت فارس وعمرى ما ....غنيت ! وان الطير... جوايا انتحر وان ورق الخريف وقع مــــ الشجر وانه هش وضعيف داسته نعال البشر وان البنت اللى حبيتها مكنتش زى القمر وان قلمى الحر بين ضلوعى ..اتكسر وان الجنيّه ..محكومه زييى بقانون ..القدر وانى عشت عمرى بضحك عليا بس مش حاسس ازاى بس ابقى فارس حتى لو قلبى كان من دهب لاكن فــ إيدى سيــــف خشب ؟؟ سيف خشب !!

عنبو باشا ،، كلامك صح مينفعشي ننسي الناس الغلابة ،، بس الخوف كل الخوف دلوقتي إننا نوصل لمرحلة الإختيار ما بين الأمن و لقمة العيش من ناحية و الحرية من ناحية تانية ،، الحل في وجهة نظري من ناحيتنا و اللي بعمله علي قد ما قدر : _ 1- نطمن أهالينا و الناس الطيبة إن ده وضع مؤقت و بعد ما يخلص الدنيا هترجع تاني أحسن من الأول 2- علي المستوي السياسي نطالب بتسريع الإنتقال للحكم المدني المنتخب

أستاذنا الفاضل كل التحية و الاحترام سؤالي هو ولماذا لا يقوم أنصار تلك الأفكار سواء ليبرالية أو اشتراكية أو غيرها بتوضيح معانيها للناس بأنفسهم من على منابرهم بدلا من فرضها في الخطب فهم أولى بشرح أنفسهم إذا استعصى على عامة الناس فهم ما يتحدثون به أو بالفرض خطأ بعض الناس في تفسير ما يتبنونه من أفكار .. بالتأكيد لا أعني ان يقوموا هم بخطبة الجمعة .. لكن أي فكر معروض حاليا فإن مسئولية عرضه و كيفية توصيله للناس تقع مباشرة على عاتق أصحابه . و من جهة أخرى ففي رأيي أن خطبة الجمعة للأسف في الغالب ليس له تأثيرها طويل المدى على الحضور حتى أنها فشلت في توصيل الاسلام الصحيح بسبب عدم تأهيل غالبية الخطباء للحوار و كيفية اسقاط النقل على الواقع الذي يعيشه الناس و هذا هو دور الأزهر الذي أتمناه في المرحلة القادمة بإذن الله فالأزهر في تطور حاليا و أحسب شيخنا الدكتور أحمد الطيب بإذن الله قادرا على موائمة جميع الأيدولوجيات المطروحة و توصيل رسالة إسلامية وسطية تناسب شخصية مصر بعد 25 يناير داخليا و خارجيا.

الحق أحق أن يتبع ولو ان فاطمة بنت محمد سرقت ....

ليه بنلوم على الناس انها بتصور ملابسنا القذرة رغم احنا من قام بنشر هذه الملابس كل شعب يتعرف على الاخر من منظور مايعرضه من افلام ومسلسلات ومن مدة طويلة وافلام المقاولات والافلام التى صورها فنانون مصريون فى لبنان اعطت انطباع غير سليم عن المراة المصرية ومعذور من يرانا بهذه الصورة فهم لم يروا الا الراقصات والنسوة الفاسقات لم يعرفوا امى واختى ولا امك و اختك لم يعرفوا ارامل شهداء اكتوبر وكفاحهم فى تربية اولادهم او الست البسيطة الغلبانة اللى بتبيع شوية جرجير مساعدة زوجها المريض او تعليم ولادها فى الجامعة وزادت من المصائب انتشار الفضائيات وسهولة مشاهدتهم لمسللاتنا التى كشفت عورات المصريين كان هذا هو الواقع بكل مافيها من شذوذ وزنا محارم وخيانات زوجية ومخدرات وحوارى ضيقة وعشوائيات وحدث ولا حرج اصبحت المراة المصرية محصورة فى ايناس الدغيدى وغادة عبد الرازق بكل مافيهم من بجاحة وقلة ادب اصبحت بيوتنا محصورة فى قصور مشيدة لفلوهية رجال لاعمال وتجار المخدرات واعضاء مجلس الشعب وزوجاتهم وبناتهم المنحلين الماشين على حل شعرهم فى النوادى والملاهى الليلية وكانه لايوجد رجال اعمال واعضاء مجلس شعب محترمين او محصورة فى بذاءة العشوائيات من ردح وبنات ليل وكان الحارة المصرية لم يعد بها سوى هذه النوعية من البشر رغم انه مازال وجود اسر محترمة بالمناطق الشعبية والشواهد كتيرة فى افلام العيد واعلاناتها ومسلسلات رمضان شهر العفة والصوم نحترم نفسنا الاول ونقدم اللى يعبر عن الاحترام ده وبعدين نعاتب على غيرنا لو جرح فينا

شوفوا كده وقولوا رأيكم http://www.dailymotion.com/video/xc8eag_yy...yy-yyyyyyy_tech