لوحة القادة

اوعوا حد الله يكرمكم يقول للجماعه الصوفيين اصل يقولوا عاوزين نعمل ميدان التحرير مقام ويقولوا ده فرس رسول الله طيب لو اخدوا مننا الميدان نتظاهر فين بعد كده

عفريت لحصان من اللى ماتوا فى موقعة الجمل :unsure:

وهم كانوا شباب وبصحتهم لما سرقونا وفجأة كده كبروا والمرض مسكهم الاهى ربنا يمرضهم بجد ومايشفوا ابدا طيب كانوا قاعدين فى مناصبهم ليه لحد السن ده وهم مرضى يعنى لو مكنتش الثورة قامت كانوا حيفضلوا شباب وبصحتهم ويستمروا يمصوا فى دمنا

السلام عليكم و رحمة الله و بركاته مش عارفة ايه اللي حصل...بس بسال سؤال ىد النملة....طب المشرفين وحشوك...طب ليه مبعتش لكل واحدة منهم علي الخاص عشان تتطمن عليه؟؟؟ طب هل حسيت مثلا انه فيه حاجة محتاجة "مشرفين" و الله رايي الشخصي..ان الفترة دي....كلنا "مشرفين" عارف ليه يا استاذي لان الطوفان بقي اكبر مننا كلنا كلنا لازم نقف في وش اي توبيك...و اي مداخلة هشة يمكن المشرف هنا عنده ميزة الكترونية انه يمسحها بس احنا باذن الله عندنا ميزة عقلية....احنا هنواجهها...و بالغة الدارجة يعني.."هنعلم عليها" المركب لازم تقاوم و تحدف لقدام و اللي هيشدنا و يغرقنا بافكاره مش بس المشرفين اللي هيقفوله احنا قبلهم كلمتين في نفسي قولتهم و محدش يزعق فيا بس خلاص

من المجلس الأعلي للقوات المسلحة: حرصا علي سلامة الوطن وسلامة أراضيه . . . .... . . . . . . . . . . . حب واتجوز من نفس ديانة أمك، علشان مايطلعش عين أمنا أحنا .. والله الموفق والمستعان

بشرى لمرضى فيروس سى وافقت اليوم ال FDA على علاج جديد يوقف نمو الفيروس و هو أول علاج يتم الموافقة عليه من عشرين سنة. رابط المقال : http://articles.latimes.com/2011/may/13/news/la-heb-fda-boceprevir-hepatitis-c-05132011 المقال نفسه :

مقالة جميلة لفهمي هويدي ، بتبين التدخلات اللي الدول الغربية زي فرنسا عايزة تفرضها علينا في مقابل مساعدتنا في الازمة الاقتصادية اللي احنا فيها طبعا اهمها علمانية مصر و عدم محاكمة مبارك و السلام مع اسرائيل والوقوف ضد حماس والاخوان المسلمين، بس بيزعموا مساندة الديمقراطية والثورة وهما ابعد ما يكونوا عن كدة ،

اليوم السابع: القبض على حسين سالم فى إسرائيل أعلن التلفزيون المصرى منذ قليل أن الإنتربول الدولى ألقى القبض على رجل الأعمال حسين سالم فى إسرائيل . كان حسين سالم قد غادر القاهرة بتاريخ 3 فبراير الماضى، وأُحيل إلى محكمة الجنايات لارتكابه جرائم الإضرار بمصلحة البلاد وإهدار المال العام، وتمكين الغير من تحقيق منافع مالية، بعد قيامه ببيع وتصدير الغاز المصرى لدولة إسرائيل بسعر متدنى لا يتفق والأسعار العالمية وقت التعاقد وبشروط تعاقد مُجحفة مع الجانب المصري، مما أضر بالمال العام بقيمة الفارق بين السعر الذى تم به بيع الغاز الطبيعى المصرى لإسرائيل والأسعار العالمية السائدة فى ذلك الوقت. كما وضع الموقع الإلكترونى للشرطة الدولية "الإنتربول" صورة حسن سالم ضمن صور "المطلوبين للعدالة" ونشر الموقع الدولى معلومات شخصية عنه، حيث أشار إلى أن رجل الأعمال الهارب من مواليد سنة 1933، ويبلغ من العمر 77 عاماً، ومطلوب على وجه السرعة من قبل المستشار هشام بدوى، المحامى العام الأول لنيابات أمن الدولة العليا.

ايه العالم دى ديانتها ايه ؟ ولاءهم فين اقرب المقربين وكاتم اسرار رئيس الجمهورية اسرائيلى ؟ لواء طيار حربى بالجيش المصرى ومعاه جواز اسرائيلى ؟ يا داهية دوقى فين اقوى جهاز مخابرات فى العالم فين الناس الوطنيين اللى كانوا فى المخابرات العامة والمخابرات الحربية ماكنش فيهم راجل يعلن الكلام ده ؟ شكل البلد كانت متحزمة وملفوفة باخطبوط عملاق له دراع فى كل مكان ده انا خايف بجد ومش هزار يطلع انهم باعو الهرم او اجروه نفسى اشوف مبارك هيقول ايه وهو كان مقيم عنده فى ال10 سنين الاهيرة وشريك ابنه ياترى هايقول ما اعرفش برضوا ولا ماجاش فى التليفزيون انه اسرائيلى يارب ارنا فيهم عجائب قدرتك اللهم احشرهم مع من احبوا ومن خدموا

في إسرائيل يقبضوا عليك اتفوووووووه عليك اللذين يأكلون الحرام ويبيعون وطنهم ومقدراته ثم يلجأون الي الاعداء لحمايتهم ثم يصطدمون بان من يرتمون في احضانهم يبيعونهم بابخس الاثمان ويسلمونهم عند اول طلب اللذين يكون ختام حياتهم وعمرهم هو الاهانة والفضيحة لهم ولابنائهم ولاحفادهم بعد اعمال سلب ونهب لم تشبع شهواتهم وحبهم الجم لجمع المال اللذين باعوا مصر وقبضوا ثمنها مقدما وكانوا يظنون انهم امنوا مكر الله فكان ربك لهم بالمرصاد اللذين يقبض عليهم بعد ان لجأو الي اسرائيل يجب ان لا تأخذنا بهم شفقة او رحمة واطالب باعدام هذا الرجل بعد ان يسلم لنا كل ما جمعه من اموال حرام وحتي لو لم يكن الخبر صحيح فلماذا هو هارب حتي الان ومختفي ولماذا لو كان شريف لماذا لا يواجه الجميع وان يثبت انه شريف وهل هو اكرم من سيده وولي نعمته هذا الرجل الهارب عن يد العدالة والذي جمع المال الحرام يجب ان يقبض عليه وان يطارد كلص وحرامي بلادى .. بلادى، لك حبى وفؤادى، لك حياتى ووجودى، لك دمى ونفسى، لك عقلى ولسانى، لك حبى وحياتى، فأنت أنت الحياة، ولا حياة إلا بك، يا مصر..

صديقي عنبوا سيبك انت من موضوع الحصان ده .. هو ينفع انا اجيب الفيديو واعمل بيه موضوع وانت اللي تاخد التقييم الموجب كله ده ظلم بقي وانا احتج :protest:

ملاحظة من ساعة الثورة و ان كل الناس واخدة الاعلام مصدر اساسي للمعلومات و دا في رأيي مصيبة كبيرة قولولي ليه خبر ينشر في المصري اليوم عن موضوع معين ويتنشر الخبر على الفيس كم التعليقات المهولة و اللي في اغلبها بيبقى يا اشعال فتنة او سب في الحومة او المجلس العسكري يطلع نفي للخبر بمعنى اصح الخبر كااااااااااااااااااذب تطلع نفس الجريدة تنشر خبر بنفس السيناريو فرقعة اعلامية و يتم تكذيب الخبر المفروض نعمل ايه بقى؟؟؟؟؟؟؟؟؟؟؟؟ اننا و بكل بساطة ما نصدقش اي خبر من الجريدة دي نهائي لانهم مش هدفهم الاعلام لاا هدفهم الفرقعة و التوزيع و المخفي اكتر الهدف توليع الشعب لأغراض لا يعلمها الا الله المصيبة بقى انك تلاقي الناس كل ما خبر ينشر بتعمل نفس الحاجه تصدق و تشد في شعرها و يطلع كذب فين العقل بقى في اللي احنا بنعمله معلش اللي بيقول لما جرنان يطلع خبر كاذب المفروض المجلس العسكري او الحكومة تتصرف و تحاكمه على اساس ان مافيش حد هايطلع يستهبل علينا و يقولك تخريص الالسنة اللي كان ماشي زمان و تكميم الافواه انتهى و حرية الصحافة فين و تلاقي حقوق الصحفيين تطلع تستهبل هي كمان و تقول بيعتقلوا الصحفيين و اللطيف ان الناس برضو هاتصدق و تلاقي اللي يطلع يقولك صح بيخبوا ايه بيسكتوا الناس اللي بتتكلم ليه و ندور في الحلقة دي اللي اعرفه ان جريدة بتكذب و بتتعمد الكذب يبقى انا اللي اقاطعها نفسي ناخد موقف ايجابي بقى في حياتنا و لو لمرة واحدة بس عن نفسي لما لقيت المصري اليوم و اليوم البارد و الدستور شغالين في نفس الوقت في الحملات المضللة عن السلفيين لغيتهم من عندي من على الفيس لان اللي بيكذب استحالة اقدر اصدقه تاني ياااااااااااا ناااااااس يا هو ارجوكم كفاية تصديق للجرايد و البرامج اللي بتكذب علينا برامج التوك شو قبل الثورة كانت بتسد نفس اللي جابونا و بتسود الدنيا في وشوشنا و تشتم في الحكومة و بالتالي الريس بس بالمتداري و اول ما مات حفيده طلعوا نهنهوا و لبسوا اسود و هاتك يا عياط هما دول نفسهم دلوقتي اللي رجعوا يسودا الدنيا تاني في وشوشنا و قلبنا على الحكومة و المجلس العسكري مش لمصلحة غير انهم ياخدوا فلوس و يعملوا توزيع و يقبضوا ملايين بارجوكم تتحروا الدقة و تاخدوا معلوماتكم من مصادر موثوق منها قبل ما يخلوكم ترجعوا تكرهوا البلد و تولعوا فيها انتم بايدكم المرة دي ارجوكم كونوا ايجابيبن و اقروا برامج الاحزاب و انضموا لحزب هما دول اللي عندهم معلومات اقرب للحقيقة لانهم متابعين للموقف عن قرب

السلام عليكم ورحمة الله وبركاته طبعاً كلها أزمات مفتعلة ودة واضح جدا وكل المصريين عارفين كدة كويس وبعدين قبل ماتكون ازمة مفتعلة فهي اصلا مش جديدة بمعنى عندنا ازمة في انابيب البوتاجاز ......... ودي اصلا موجودة من قبل الثورة بفترة كبييييييييييييييرة جدا عندنا ازمة في السولار ......... ياريت نرجع بالذاكرة لورا شوية صغيرة ...... هنلاقي ان أزمة السولار دي بتظهر كل سنة مع العلاوة الجديدة ....... ولا نسينا سنة 2008 والعلاوة 30% لما حصلت أزمة سولار جامد جداً وارتفع بعدها سعر السولار والبنزين معاه وطبعاً المواصلات سعرها ارتفع ؟؟؟؟؟؟ عندنا ازمة في القمح ......( مع اني مش شايفة كدة اصلا ) بس حتى لو فعلا فمين سببها ؟؟؟ اكيد فاكرين كلنا قرار الحكومة بعدم زراعة القمح والارز حفاظاً علي المياه ؟؟؟؟ ودة تأثيرة ظهر دلوقتي في القمح والارز ازمة في السكر ......... وياتري عدت علينا سنة من غير ازمة سكر ؟؟؟؟؟؟؟؟؟ طيب فيه سنة واحدة ماحصلش فيها ارتفاع في اسعار السكر ؟؟؟؟؟ بلاش السكر ...... حد يفكرني بسنة ماحصلش فيها ازمة في السلع التموينية ككل ؟؟؟؟ الاسعار في ارتفاع ملحوظ ........ ياجماعة احنا في شهر مايو ..... ودة طبيعي لأن العلاوة اتصرفت بدري السنة دي ( واكيد اول مابنسمع بس خبر زيادة المرتبات كلنا بنحط ايدنا علي قلبنا ونقول ربنا يهدي الاسعار والتجار ) دة كله طبيعي جدا جدا جدا اقتصادنا المصري زي ماهو ........ بس لازم بقي نعمل شوية حبشتكنات والاعلام يضخم الموضوع ويخوف الناس اللي مش هتلاقي تاكل بعد كدة لأننا خلاص مابقاش عندنا ولا فلوس نشتري اكل ولا اكل اصلا بيتزرع ازمة الوقود مفتعلة ازمة السلع الاساسية مفتعلة ازمة الامن والامان في البلد دي اكبر كدبة سمعتها في حياتي مابنكرش وجود بلطجية ........ بس دول موجودين من زمااااااااااااااان اوي ماظهروش جديد يعني ولا تم استيرادهم من الخارج ........ ونفس الاماكن هي هي اللي فيها بلطجة واصلا الحمد لله عمرنا ماشوفنا شرطة بتحمي حد ......... ولا نجدة بتنقذ حد .......... ولا اسعاف بيلحق حد والمطمئن بجد بقي ...... اني بنفسي شايفة وعي الناس بكل دة ....... وشايفاهم متفائلين جدا وبيقولوا احنا افضل بلد حصل فيها ثورة كفاية اننا عارفين نعيش ودة علي الرغم ان فيه ناس فعلا حالهم واقف من يوم 25 يناير ........ زي قطاع السياحة ودة بجد فعلاً والمنطقي ان اي ازمة بتأثر علي السياحة فبتكون اول قطاع يتأثر واخر قطاع يتحسن ........ ولا نسينا احداث شرم الشيخ واللي حصل للسياحة ساعتها خلينا متفائلين بس المهم نفضل واعيين ومانخافش من شوية الحركات الخيبانة اللي بيحاولوا يخوفونا منها بس خلاص

السلام عليكم ورحمة الله وبركاته داخلة علي المحاورات نفسي أقول صباح التفاؤل (أينعم إحنا بقينا الظهر لكن عدوها صباح الفل) ألاقي كل المواضيع نكد وقلق والجو مش تمام ...سامعه مواطن محاوراتي بيقولي ما أحنا هنجيب منين ماهو ده حال البلد هأقول لاااااااااااااااا يا سيدي الفاضل لازما ولابد من كل بد إننا نفتح شباك صغير تفاؤل لحسن كده هنموت ونتخنق فلقيت مقالة لعمرو سلامة حبيت إنكم تقروها لأنها بتتكلم عن جانب متفائل للوقت اللي إحنا فيه أعتذر إن المقال باللغة العامية وفيه بعض الأخطاء اللغوية لكن هو كلام تلقائي أعجبني ومتأكدة أنه هيعجبكم إن شاء الله

بصراحه وبدون مقدمات انا حاسس ان العالم دي بتضحك علينا ولا في ثوره ولا في اي حاجه وتعالوا معايه نفكر مع بعض بهدوء اولا بعد الثوره قالو هنعدل الدستور وبعدين عدلوا الدستور وبعد كده استفتاء على التعديل وفي الآخر برضه عملوه اللي هما عايزين يعملوه طيب لو فرضنا ان الشعب قال فعلا نعم طيب ليه نزلوا دستور من عندهم تاني بعد الاستفتاء يبقى كان ايه لزمة الاستفتاء ده اصلا ولو عايزين ياخدوا راي الشعب ليه ماخدوش رايه في كل المواد مره واحده - ده موضوع الموضوع اللي بعديه يحق للمصريين العاملين بالخارج حق التصويت وبعدين بعد فتره يعلنوا لا يحق للمصريين المقيمين بالخارج حق التصويت - ده كمان موضوع موضوع آخر حبس رموز الفساد وايداعهم بالسجن ونقرأ في الجرائد على الأملاك والملايين اللي سرقوها وبعدين يتم ايداعهم سجن طره وبعد كده قرروا يخرجوهم واحد واحد بيعملونا على اننا اطفال - فاكرين لما يكون في طفلين متخنقين مع بعض ويجي ولي الأمر ياخد طفل على جنب ويخبيه عن الطفل الأول الغضبان ويضرب ايده ببعضها كأنه ضرب الطفل المعتدي قلم علشان الطفل الغضبان يسمع صوت الطرقعه ويشفي غليله - ده اللي بيعملوه معانا دلوقتي - عشان متزعلش ياشعب احنا خدنا رموز الفسادة حطناهم في السجن - اهدى بقى ياشعب - وبعدين من غير ما نحس يخرجوا واحد واحد قال ايه كفالة 100 الف و200 الف يعني ايه - ايه المبالغ دي مقابل الملايين اللي عندهم بيضحكوا علينا وبعدين نيجي لموضوع جديد - حسني مبارك في المستشفى عيان ماله قلبه واجعه شويه ماشي هنقول ده كان رئيس سابق وبرضه ليه احترامه وبعد كده نسمع موجة العفو وكلام فارغ - عفو ايه اللي بتتكلموا عليه واحد زل شعبه 30 سنه عيشهم في فقر وجهل وشتت الشعب في بلاد الله من مشرقها الى مغربها وبعدين يقلك عفو - واحد كان سبب في مرض الشعب باكمله من سرطان الى كبد الى كلى وبعدين يقلك عفو - واحد امر بضرب الشعب النار - وبعدين يقلك عفو - طيب ودم الناس اللي ماتت دي راح فين - مش بقلكم ناس بتضحك علينا برضه سوزان مراته قال ايه برضه موضوع القلب هو هو نفس الموضوع عشان متروحش السجن والله العظيم العالم دي بتضحك على الشعب وقال ايه سوزان ثابت اتنزلت عن املاكها - تيجي تشوف ايه هيه الاملاك اللي اتنزلت عنها - تلاقي 24 مليون بتوع الجمعيات الخيرية وفيلا اصلا بتاعة الدوله وبعدين اخلاء سبيلها وافراج وخلصت الليله يامعلم وسلملي على الترماي مش بقلكم الناس دي بتضحك علنيا ولا في ثوره ولا احزنون كله كلام هجايس والغاز بيتصدر لأسرائيل وكله ماشي وشويه شويه هيسربوهم واحد واحد خارج السجن وترجع ريمه لعادتها القديمه شعب طالع عين اهلة ومطحون وشوية حرامية بيسرقوا في البلد هيضلعوا من السجن تاني عشان يكملوا سرقه وسلملي على الثورة وشويه شويه مسيبين على الشعب شوية بلضجيه ليه بقى عشان الشعب يطلب من الشرطه ان تستعمل القوه وتضرب الناس تاني وتبهدل الناس تاني وهما اصلا اللي مسيبين البلضجيه على الناس علشان الناس تطلب من الشرطه ان تستعمل القوه مره اخرى والله العظيم كله ضحك على الذقون وكلهم بيضحكوا علينا وشكله كده عمي عصام شرف عجبه الكرسي وموانس معاهم مش بقلكم عالم بتضحك علينا مش قلتلكم " عالم بتضحك علينا " السلام عليكم

المشكلة لو من أولها اتعودنا نرفض الديمقراطية مش هنخلص و لو حمدين الصباحي كسب انتخابات الرئاسة مثلا انصار البسطاويسي مثلا برده هيقولوا مش عاجبنا و مش لاعبين أصله مثلا ضحك علي الناس بكلام خيالي و أديها ثورة يا عم !!! و عندنا مليون مفتي في الأمن و الإقتصاد و القانون و السياسة و كله عامل نفسه فيها الحق المطلق و ده أكبر عدو للديمقراطية و النجاح اساسا و عمالين يشتغلوا الناس الناس اقتنعت إن كفاية علينا ناخد فلوس رموز الفساد و الشعب يبقي كله اثرياء عايز افهم المجلس المدني المزعوم ده ،، عنده عصا سحرية !! أتحد المزايدين دوول مثلا إنهم يخدوا قرار مثلا بمحاكمة كل الفاسدين من رجال الأعمال و ملجأشي للتفاوض معهم لأنه عارف تبعات ده علي الإقتصاد و أنه هيدفع البلد تعويضات دولية أكبر من اي فوائد غير هروب الاستثمار من البلد أتحدي أي حد فيه يقول عندي حل للمشكلة الأمنية غير مسيسة و إصلاح جهاز الشرطة و مصدعنا سرحوهم و هاتو غيرهم كأنك بتغير تيشرت مثلا و مش كأن جهاز الشرطة ده مليون ونصف فرد مدرب بعائلتهم و علاقاتهم أتحدي اي حد فيهم يقرر محاربة إسرائيل و تحرير فلسطين أتحداهم إنهم ميطلبوش من الناس يبطلوا مظاهرات و إعتصامات و ميتأثروش بالنقد و إنهم هيضربوا بيد من حديد علي أي حد يعارضهم !! بس الفرق ساعتها إنهم هيضربوا و معاهم شرعية الثورة و الفصيل اللي جابهم و مش هتفرق معاه مادام مبيضربشي فيهم و بيضرب في منافسينهم الديمقراطية بآلياتها هيا الحل ،، و علينا أن نتعايش معها كما هي ،،

مليونيه يوم 27 مايو ..أه ... ثوره تانى... لأ ضغط على المجلس العسكرى .. أه ... مواجهه وتخريب.. لأ

الناس اللي سابوها القضاء هو اللي اصدر القرار مش المجلس اذا مش عاجبنا القرار .. نطعن بالقانون اذا القاضي عليه شبهة.. نطلب تنحيته مش نهد البلد

نعم وعلى أي من رموز النظام السايق بشروط أريعة - ألا يكون قد ارتكب جرائم قتل أو أصدر أوامر مباشرة بارتكابها - أن يتنازل عن كل ثروته في الداخل والخارج - أن يعترف بجرائمه كلها ويعتذر عنها ويطلب الصفح من الشعب - أن يتعهد بعدم ممارسة أي عمل عام بعد ذلك راجع بالمبررات

عزيزي معمر القذافي:- مبارك وطار- الشعب العربي ونطق- فتح وحماس تصالحوا- بن لادن وقتلوه- العشق الممنوع وخلص!اما بخصوصك... داخل منافسة مع الصبوحة مثلا؟ :closedeyes:

لطيف العنوان اوي فعلا الاخوة المحاوارتيون في هاذوها اليوم التاريخي تقدمت بينك روز بطلب رسمي للانضمام لحزب الوسط و سوف نواليكم باخر المستجدات حين تصلنا و الله الموفق

انا يوم فرحي فضلت قاعد عند الميكانيكي لغايه الساعه سته عشان الكتاوت كانت بايظه وبعدين روحت غسلت وشي بسرعه ولبست وروحت راكب تاكسي -مارضتش اركب الاتوبيس عشان ماتأخرش -وروحت الفرح:closedeyes: http://www.youtube.com/watch?v=tDOjwyJeD0M

ده مش شهيق وزفير..دي لا مؤاخذه بتشرب سجاير و أهلها لو عرفوا هيقطعوها..أنا هقوللهم أصلا أبو هنا..ربنا يصبرك..أنا كمان قاعد لوحدي..هوم ألون.. ربنا يرجعهوملنا بالسلامة

ســَ أُلوّنُ حَيَاتِيْ بــِ | أَلْوَانِ الطّفُولَة | ..! وَ أصْنَعُ مِنْ كُلّ لَونٍ لَوْحَـة ... أَرْوَع بَسْمَه . أَجْمَلْ فَرَحَه سَأَصْنَعْْ سَعَاآدة ..و بَهجَةً..و رِضَاآآ

مع احترامى يعنى لما بلدنا تقف على رجلها ان شاء الله نبقى نساعد اللى حوالينا لكن لو الدعوة لاهالى فلسطين فده شأنهم الداخلى وهما حرين فيه ربنا يوفقكم

وزير التضامن يؤكد : مخزون الطعام في مصر آمن ولا تصدقوا الشائعات ! أخر تحديث: 18/05/2011 06:58 م أكد الدكتور جودة عبد الخالق وزير التضامن والعدالة الاجتماعية أن المجتمع المصري يعانى في الآونة الأخيرة من ظاهرة انتشار الشائعات التي تنتشر بشكل ملحوظ، ومن هذه الشائعات أن مخزون الطعام في مصر غير آمن ، وأوصى د. جودة الشباب بعدم تصديق الشائعات التي تهدف إلى حرمان مصر مما بدأت إنجازه عقب ثورة 25 يناير . جاء ذلك ضمن فعاليات اللقاء الخامس من سلسلة حوارات شبابية التي ينظمها المجلس القومي للشباب ، وبحضور كل من الأستاذ هاني سيف النصر الأمين العام للصندوق الإجتماعى للتنمية ، والدكتور صفى الدين خربوش رئيس المجلس القومي للشباب. وأوضح وزير التضامن أن سياسة الوزارة فى الفترة الحالية تتمثل في تركيز طاقات وقدرات الشباب لضبط منظومة التضامن، وأهمها ضبط أسعار الخبز والغاز عن طريق الإستعانة باللجان الشعبية لتحقيق مزيد من التواصل والتفاعل مع الشباب . كما أشار وزير التضامن أن مخزون مصر من القمح حوالي 2.1 مليون طن وهو ما يكفى لسد احتياجات المواطنين من الخبز لمدة ثلاثة أشهر قادمة، أما عن وضع الأرز فهناك مشكلة حقيقية في تلبية احتياجات المواطنين من الأرز لعدة أسباب تتمثل في وجود مشكلة في حصة مصر من مياه النيل واحتكار بعض التجار لمحصول الأرز، وهناك حرص لتوفير المخزون الغذائي الآمن للمواطن من الأرز عن طريق الاستيراد من الخارج لمواجهة جشع التجار،مع توجيه الدعوات للمواطنين في ترشيد الاستهلاك، وخاصة مع اقتراب شهر رمضان الذي تتحقق فيه معادلة انخفاض الإنتاج مع زيادة الاستهلاك .

بسم الله الرحمن الرحيم أنقذ مصر يا سيادة المشير ها قد دارت الدوائر على الجميع والنائب العام الذي قام بكل هذه الإجراءات لكسب رضا السادة الثوار لم يلق رضاهم .. ويطالبون الآن بعزله وبعد العزل يأتي الغزل ... ويطلبون المحاكمة ... يا سيادة المشير ... هيكل كتب في مذكراته عن ثورة يوليو 52 أنه خرج خارج مبنى قيادة الجيش ونظر لجنود مصر البسطاء الذين كانوا مع عبد الناصر ورجاله وهم يقومون بالانقلاب وقال لهم " يا ترى انتو عارفين انتو عملتو ايه في مصر النهاردة ". هذا الكلام خرج من هيكل حواري ثورة 52 ومنظرها الأول - وقد أثبتت الأيام صحة مقولته إذ أن ما حدث يومها أعطى الشرعية والسابقة للجيش في عمل الانقلابات العسكرية الناجحة .. ومن يومها ومصر يحكمها ويتحكم في مصيرها الجيش... والجيش بكل مساوئه إلا أنه منظم وغير فوضوي. وقد أثبتت الأيام أن نفس ما حدث عام 52 سيحدث أسوأ منه ألف مرة عام 2011. بعد أن أثبتت الأيام للأسف وبعد مضي ثلاثة أشهر على تنحي مبارك أن ما حدث يوم 11/2/2011 لم يكن شرعية للشعب ( وإن بدا في ظاهره هكذا )... وإنما أصبح شرعية للاعتصام والإضراب ولي الذراع والابتزاز ... شرعية الشارع بكل ما فيه من تيارات واحتقانات واختلافات .. بكل ما فيه من الأدب وقلة الأدب. أصبح كل من يريد شيئا يهدد فورا بأنه سينزل إلى التحرير وسيقوم بمظاهرة .. دون أن يسأل نفسه ... هل بقية الشعب راضون عما يفعله أم لا .. تم اختزال 85 مليون في حوالي 3 أو 4 ملايين شخص على الحد الأقصى ... وتم اختزال مليون كم مربع هي مساحة مصر .. في عدد من الكيلو مترات هي مساحة ميدان التحرير .. مصر بطبيعتها الجغرافية والمكانية والسكانية الهائلة لن تتحمل عاما واحدا من الفوضى يا سيادة المشير وجميع من يطالبون الشعب بالصبر ودفع ثمن الثورة لا يدفعون شيئا على الإطلاق إلا النوم في التحرير والنزول إلى التحرير .. وبعدها يتنازعون فيما بينهم على من سيمكنه أخذ أكبر جزء من الكعكة. باعتبار أنه صاحب الثورة الذي جاء بالحرية لمصر. الذي يدفع الثمن يا سيادة المشير هو المواطن المصري البسيط الذي لم يؤخذ رأيه في أي شيء سواء فيما كان يجري قبل الثورة ... أو بعدها .. مع أنه أول من دفع الثمن سواء قبل الثورة أيضا أو بعدها. الفوضى يا سيادة المشير ضربت لبنان ... ولم تخرج منه قبل 20 عاما ... وضربت العراق ... ولم تخرج منه حتى الآن .. وضربت ليبيا .. ولن تخرج منها في القريب العاجل .. لذا أدعوك يا سيادة المشير ... وكاتب هذه السطور هو الذي وجه لكم رسالة يوم في إحدى أيام الثورة أطالبكم فيها بالانحياز لمصر وتجاوز قواعد الطاعة العسكرية من أجل مصر والقيام بإجبار مبارك على الرحيل عن الحكم. وقلت لكم يومها أنه لا يوجد أي شخص عاقل يوافق أبدا على بقاء كل هذه الأعداد الهائلة في الشوارع طوال هذه المدة. واليوم أيضا يا سيادة المشير أوجه لكم حديثي أيضا ... وأقول لكم أنه لا يوجد عاقل يوافق أبدا على أسلوب الابتزاز الرخيص الذي تمارسه جماعات الثورة التي لا عدد لها .. هذه الجماعات التي أتت بعصام شرف وحملته على الأعناق في التحرير أيضا .. والآن تنقلب على عصام شرف .. وسوف تنادي غدا بعزله وبعد غد بمحاكمته .. دون أن تسأل نفسها .. أليس هذا رجلكم الذي أتيتم به .. فإن كان أهلا لثقتكم ... فلماذا يبقى في السلطة إذن تحت قيادة المجلس العسكري المتواطيء ... لماذا لا يقدم استقالته إذا كان يرى بالفعل تخاذلا وتوطؤا من المجلس الأعلى .. فإن كان المجلس الأعلى متواطيء فإن عصام شرف هو الآخر متواطيء إما بالفعل وإما بالسكوت .. وإما إن كنتم قد أسأتم الاختيار عندما اخترتم الدكتور / شرف .. فهذا يعني أنكم بالفعل صغار ولا تعرفون حسن الاختيار. هذه الجماعات التي تتصرف على أنها قد احتكرت مصر وقرارات مصر لنفسها على اعتبار أنها أتت لمصر بالحرية .. وقد أنكرت اليوم فضلكم الأساسي ودوركم الحاسم في الثورة .. وأنه لولاكم لما كانت هناك ثورة .. ولما هناك الآن جماعات الثورة.. أو تنسيقية الثورة. هذه الجماعات التي تتصور أنكم مسؤولون عن الأزمة الاقتصادية الخانقة على اعتبار أن الشعب كله انتظم في أعماله وأشغاله وضاعف من جهده وكده ويعمل 14 ساعة في اليوم .. وأنتم تسرقون نتاج كده وتعبه من أجل تجويع الشعب على اعتبار أنكم من الثورة المضادة ومن أركان النظام السابق .. وقد تربيتم على يدي مبارك. لا تتعجلوا يا سيادة المشير على اتهامات السرقة والفساد الجاهزة الآن لكل مسؤول يعارض شباب ومنظري ثورة يناير المباركة .. فها قد ظهرت بوادرها ... وأصبحتم مسؤولين عن تهريب أموال مبارك للخارج .. ولم يسأل أحد نفسه ... لماذا لم تقوموا بتهريب مبارك نفسه هو الآخر .؟ هذه الجماعات التي تدعي أنها تريد العدالة والمحاكمات العادلة .. بينهما هم قد حاكموا وأصدروا الأحكام ولا ينتظرون فورا سوى التصديق السريع عليها من جانب القضاء وويل لمن يخالفهم أو يعارضهم. هؤلاء يريدون الآن عودة الجيش إلى الثكنات .. وما أسهله من قرار وما أبشعها من نتائج سوف تترتب على هذا القرار إذا اختفي الجيش هو الآخر من الشوارع بعد أن اختفت الشرطة.. لنترك الشارع في يد من يمكنه تجميع أكبر عدد من المتظاهرين ... أو تجميع أكبر عدد من البلطجية الذين سيصبحون وقتها قوة الإجبار والتنفيذ. يا سيادة المشير .. احسم الأمر الآن .. وقم بعمل استفتاء شعبي عام ونزيه .. حول بقاء المجلس الأعلى في السلطة أم لا .. طوال فترة انتقالية محددة لمدة عام أو عامين .. ( تكون قد ذهبت فيهم هذه الرياح الغبراء عن مصر ) وإعطائه الصلاحية الكاملة لإدارة شؤون البلاد كمجلس رئاسي، هذا هو الأسلوب الأمثل يا سيادة المشير الذي سيخرس ألسنة الجميع للحصول على الشرعية. ولا تستمع للأصوات التي تطالب بتنظيم مظاهرة مؤيدة لكم أمام النصب التذكاري في طريق النصر من أجل بقاء المجلس الأعلى في السلطة .. فهذه الأصوات هي أيضا أصوات غير عاقلة لأن عمل مثل هذه التظاهرة أمام النصب التذكاري ... والتظاهرة المضادة في التحرير ... معناه أن الشرعية أصبحت في يد المظاهرات والمتظاهرين والمتاجرين بالكلمات .. ولن يعود هناك قانون بعدها إلا قانون التظاهر والاعتصام. يا سيادة المشير ... قلتها لكم سابقا على صفحتكم على الفيسبوك ... أخرجوا مصير مصر من ميدان التحرير إلى الميدان الأكبر والأوسع - ميدان مصر كلها .. واجعلوا القرار في يد الشعب المصري كله وليس في يد متظاهري التحرير فقط ... أجعلوا الشرعية من شعب وادي النيل ... وليست من شعب التحرير. وثق أنكم ستحصلون على الشرعية من أغلبية الشعب المصري .. وحينها يمكنكم الوقوف بكل حسم والشرعية والشعب سيكونان معكم في وجه هؤلاء الذي يجرون مصر إلى الخراب بدعوى أنهم يريدون إصلاحها. وحتى يا سيادة المشير .. في أسوأ الأحوال لو لم تحصلوا على الأغلبية .. فإنكم ستكونون قد أنهيتم شرعية التظاهر ... والاعتصام .. وأرجعتم الأمر إلى شعب مصر بأكمله ... وحينها لن يستطيع أحد أن يتكلم عن التظاهر بعدها .. لأن الاستفتاء سيكون هو القانون ... وليس التظاهر والاعتصام والابتزاز ولي الذراع. هذه رسالتي إليك يا سيادة المشير باعتبارك مسؤولا الآن عن مصر وعن مصير مصر .. وبرغم اختلافي معكم في بعض القرارات التي اتخذت فيما مرحلة ما بعد الثورة .. إلا أنني وبرغم هذا الاختلاف ما زلت أدعوكم للعمل من أجل مصر .. مصر كلها .. وليست مصر ميدان التحرير.

تحت الورد شوك أم فوق الشوك ورد ؟! كلام في منتهى الروعةً أراد رجل أن يبيع بيته وينتقل إلى بيت أفضل فذهب إلى أحد أصدقائه وهو رجل أعمال وخبير في أعمال التسويق ، وطلب منه أن يساعده في كتابه إعلان لبيع البيت وكان الخبير يعرف البيت جيداً فكتب وصفاً مفصلاً له أشاد فيه بالموقع الجميل والمساحة الكبيرة ووصف التصميم الهندسي الرائع ، ثم تحدث عن الحديقة وحمام السباحة .. الخ ! وقرأ كلمات الإعلان علي صاحب المنزل الذي أصغى إليه في اهتمام شديد وقال...أرجوك أعد قراءة الإعلان وحين أعاد الكاتب القراءة صاح الرجل يا له من بيت رائع ! لقد ظللت طول عمري أحلم باقتناء مثل هذا البيت ولم أكن أعلم إنني أعيش فيه إلي أن سمعتك تصفه ثم أبتسم قائلاً من فضلك لا تنشر الإعلان نحن نشتكي لان الله جعل تحت الورد شوكا في حين يجب ان نكون سعدا لان الله جعل فوق الشوك وردا ولكن كلا منا يري الصوره من جانب واحد

السلام عليكم ورحمة الله... موضوع جميل يامغتربة..خلانى فعلا أنسى الأحداث والأخبار المؤسفة.... راح المال وسال الدمع مدراراً لا أملك دارا ولا دوارا ولا ورودا ولا دردارا ************** تبرعووووووووااااااا..:lol:

انا ما نقلتش الكلام ده لاني مقتنع به لكن اتيت به لكي ارد علي الاستاذ عادل بان مافيش فايدة وان تلك المفاهيم درسها بعض الفقهاء ووصلوا لقناعة بانها ليست من الاسلام بل كفروا كل من يعمل بها وهذا عهدنا بهم دائما الفكر التكفيري موجود بالفعل ومتاصل في الفكر الاسلامي لكل من يختلف معهم سواء في الاصول او الفروع رغم وجود سقف لمنع هذا التكفير لكل من ينطق بالشهادة حتي وان كان يبطن في قلبه غير ذلك والعبرة بالنطق بها ورغم ذلك الفكر التكفيري المتاصل وجدت متناقضات كثيرة جدا وتباين ملحوظ عندما قمنا بتفعيل هذا الفكر اثبتنا تناقضه من قبل وضربنا العديد من الامثلة لم نجد من يتصدي لشرحها وتبريرها الحق تبارك وتعالي كفر النصاري من وجهة نظر الاسلام كل من يدين بديانة غير ديانة الاسلام هو كافر بالاسلام أي نعم لا انكر ذلك لكن سأضع في المقابل كل من لا يؤمن بالمسيحية فهو كافر بالمسيحية فهل المطلوب ان نقف لبعضنا البعض علي المنابر وفي الكنائس لكي نكفر بعضنا البعض ام المطلوب ان يتذرع المسلم بما هو مكتوب في كتابه الكريم باعادة القول ان هؤلاء كفرة وان هذا ليس كلامي ولكنه كلام الحق تبارك وتعالي وعندما يرد المسيحي اقوال مشابهة نقول له انت تطعن في الاسلام وان كيت وكيت هل كان يهدف الحق تبارك وتعالي ان نواجه اهل الكتاب بهذه الاقوال ام كانت اوامره لنا صريحة بحسن جدال اهل الكتاب والكلمة السواء بيننا وبينهم ليست ببعيدة عنا اما نحن فمن الواجب ان نعلم اننا علي الحق وان اهل الكتاب في ضلال اقول كان يجب ان نعلم ذلك ليس لكي نواجههم بها عاطل علي باطل ولكن لكي نثبت به ايماننا اما بالنسبة للمفاهيم التي طالب الاستاذ عادل خطباء المنابر ان يتعلموا معانيها ثم يعيدون شرحها للعامة والبسطاء فللاسف الشديد خطباء المنابر او قل غالبية عظمي منهم يعتمدون في خطبهم علي الثقافة السمعية وهم مرددون لاقوال من سبقوهم دون تحقق او روية منهم وقد اثبتنا من قبل انهم حسناء النية في نقلهم للعديد من الروايات التي اثرت في الفكر الاسلامي منها ما هو ضعيف ومنها ما هو مشكوك في نقله وهذا ليس مجالنا ولا اود الجنوح اليه الان لكن كان لابد من عرضها خطباء المنابر لا يمكن لهم ان يفكروا مجرد التفكير في مخالفة رأي الفقهاءوالا فالويل والثبور وعظائم الامور خطباء المنابر لا يفكرون يوما او لحظة واحدة ان ما وصل اليه الفقيه من الممكن او من المحتمل ان يصيبه الخطا لذلك لا يفكر احدهم ان يقرا وان يعمل عقله او يعيد التفكير بطريقته هو خطباء المنابر ناقلون وليسوا مفكرون لذلك عندما يقول الفقيه ان الليبرالية اوالاشتراكية اوالديمقراطية هي كفر او شرك او فسق فلا كلام بعدهم وخلص الكلام وكما قلت من قبل الموضوع منتهي واكاد اجزم ان تلك المفاهيم موجودة في الاسلام فعندما ننادي بها او ندرسها فاجد انها نادي بها الاسلام لكن لمجرد انها اتت الينا من الغرب قمنا بنبذها وتكفير من ينادي بها ويسألني احدهم سؤال ويقول طالما هي موجودة في الاسلام فلماذا تعمل بها وهي موجودة في الاسلام الا كان لك من الاولي ان تأخذها من الاسلام اقول له طالما لا تتنافي مع الاسلام فهم ينادون بالاسلام دون ان يدرون ومهمتنا هي ان نعرفهم بذلك وانكم ما جئتم بجديد لكن الاسلام نادي بالاشتراكية من قبلكم عندما جعل حق الفقير في اموال الاغنياء فرض من فروضه عندما اخذ من الغني واعطي الفقير وعندما ساوي بين العباد لا فرق لعربي علي اجنبي الا بالتقوي وكل ما هو منافي لهذه الحقائق ليس من الاسلام لكن من المسلمين الذين انحرفوا بالمنهج لمصالح دنيوية زائفة وعندما يتشدق الغرب بالليبرالية نقول له ان الاسلام اول من نادي بالليبرالية عندما فتح المجال للرأي والرأي الاخر واختلافهم رحمة كانت ناتجة عن تلك الليبرالية اذا هذه مفاهيم ليس بعيدة عن الاسلام ولنا ان نأخذ منها مثل ما اخذنا من المنتجات الغربية الحديثة ما يتناسب مع ثقافاتنا وقناعاتنا مثلها مثل التلفزيون والراديوا والكمبيوتر فهي ايضا بها ما لا يتناسب مع ثقافاتنا لكن لم تلقي قبول في بلادنا واخذنا منها ما يتناسب معنا

في وجهة نظري البي بي سي هيا مدرسة قنوات الأخبار النموذجية اللي بقية الإعلام المفروض يحاول يوصلها

جميل روح التفاؤل رجعت للناس من تاني من 3 او 4 ايام المواضيع في المحاورات كلها صادمة محبطة تجبر الجميع علي التشاؤم لدرجة ان فيه ناس كانت مع الثورة بدات تلومها بشدة وبصراحة بقي لو الحكومة هتعقد تشتغلنا علي نغمة الاقتصاد دي كتير فياريت يرجعوا احمد شفيق تاني هو كده احسن واحد يغنيها حتي لو كاريزما كده تريحك وانت بتسمع الصدمات

خلي بس عصام شرف يطلع يقفل جرنان و انت تشوف اللي هايحصل اول رد فعل هايبقى مليونية تحريرية لاقالة عصام شرف بدعوى حرية التعبير و الله الحل لازم يكون مننا احنا مقاطعة الجرايد الكاذبة و توعية الناس لعدم تصديقهم

السلام عليكم ورحمة الله... شكرأ على اهتمامك ياحسام ... مافيش إضراب ولا حاجة..ربنا مايجيب بينا إضرابات ولا إحتجاجات فئوية ولا حاجة خالص...احنا بنرضى بقليله..:) مدام سلوى اجازة...ومصرية متغربة عندها مشكلة فى النت...وسى السيد مش عارفة بصراحة...وسكوربيون طال غيابه وانا بأقوله لقد بدأ صبرنا ينفذ وحناخد اول طيارة على ايطاليا ونرجع بك معصوب العينين ..مكمم الانف والاذن والحنجرة.....بلدك محتاجة لك ومحتاجة لقلمك يا سكوب الهجان ...كفاية كده...po:: وزى ماقال أخى الفاضل أستاذ أسد..الاحداث ايقاعها سريع جدا لدرجة اننا فعلا مش قادرين نفكر...وكل شوية خبر ينفى الخبر اللى قبله..فشخصيا مش عارفة أكتب ولا أنتظر أخر كلام ....يعنى نسأل الله السلامة... باشكرك وبأشكر جميع الاخوة الاعضاء..وباؤكد على كلام لماضة العزيزة...ان حضراتكم جميعا مشرفين وتحلوا محلنا بمنتهى الكفاءة والاخلاص .... يارب تكونوا جميعا بخير ... تقبلوا جميعا خالص مودة وتقدير واحترام فريق الاشراف

قلناها و هنفضل نقلها تاني الثورة لم تغير النظام كما يروج الناس بتوع أبريل ولكن النظام تغير من داخلة بفعل الضغط الشعبي يعني النظام هو هو بس الاشخاص اللي اتحرقت بس غيروها و مع ذلك انا مع استمرار الجيش في الحكم الا ان يتم انتخاب رئيس مدني و عودة الحياة الطبيعية

هناك كتاب رائع لجورج اوريل اسمه مزرعة الحيوانات يحكى قصة الثورة فىكل مكان وماذا يحدث بعدها من يقفز على المشهد ناسبا لنفسه بطولات ومدعيا خبرات لا نصيب له فيهما (لاالبطولات ولا الخبرات) ليقوم بتغير طاغية الى طاغية من صنف اخر تتغير الطواغيت والاسلوب واحد التحكم فى الراى تجاهل اى موضوع والاصرار على تنفيذ ما يتصوره هام طبقا لاولوياته لا طبقا لراى الشارع انصحك بقراءة او اعادة فراءة الكتاب ومعه كتاب اخر اسمه على ما اتذكر احدى عشر ملك يتحدث عن تجربة يوليو التى ازاحت ملك لتاتى بمجلس قيادة من الملوك الاكثر ظلما وجورا شباب الثورة عفوا لما يكن لديكم رصيدا حتى تخسروه والثورة لم يصنعها الفيس بوك وانما الملايين من امثالنا من الجهلاء بصفحاتكم الذين رفضوا - وسيرفضون- الظلم السابق واللاحق الامن والخبز والحرية والعمل للمواطن قبل التلميع الاعلامى للقافزين على الثورة ومدعى البطولة فيها وتحياتى لمن يتعلم من غيره لا لمن يجعل من نفسه عبرة يتعلم فيه الناس

قال د. المعتز بالله عبد الفتاح –المستشار السياسي لرئيس الوزراء - إن الانتخابات البرلمانية هى الأهم فى الفترة المقبلة، لأنها هى التى ستضع الدستور الذي سيقلص أظافر الرئيس القادم ويحد كثيراً من مهامه ، مشدداً علي أهمية الإشراف الاقضائي علي الانتخابات بما يضمن أن تكون حرة نزيهة، مشيراً إلي تفضيله الشخصي لنظام القائمة الفردية كمرحلة مؤقتة معتبراً أن نظام القائمة النسبية سيترتب عليه مشاكل كثيرة ولن يمثل فارق كبير في ظل التعدد الحزبي الذي سيعمل علي تفتيت الأصوات موكداً أن تأجيل الانتخابات مسألة غير واردة. وأشار عبد الفتاح فى الندوة التى عقدت الثلاثاء بكلية الهندسة اليوم تحت عنوان"التحديات والواجبات بعد ثورة 25 يناير" إلي أن ترشيح د.نبيل العربي لمنصب أمين عام جامعة الدول العربية لم يكن بهدف إقصاء العربي عن وزارة خارجية مصر وانما كان الهدف منه أن يكون لمصر مرشح يتم اختياره بالإجماع حتي يتأتي لمصر أن تدير شئون التنظيم العربي وتفعل الجامعة العربية بما يضيف للقوة الشاملة لمصر مؤكداً أن من سيأتي خلفاً للعربي لن يكون أقل منه وسيشارك العربي في اختياره. وأكد عبد الفتاح أن الفترة المقبلة ستشهد نهاية لحالة الانفلات الأمنى خاصة مع دخول دفعة جديدة من الشرطة مزودة بأسلحة حديثة وإضافة أعداد من الجيش إليهم وإعادة إصلاح أقسام الشرطة التي حرقت أثناء الثورة مشيراً إلي أن الوضع الأمني أصبح أفضل نسبياً عن الأسابيع القليلة المنصرفة. كما أشار عبد الفتاح إلي أن الإعلام يبالغ في التخوف من السلفيين وأن ما يسمع عنهم غير حقيقي واصفاً السلفيين بانهم "حراس العقيدة"، كما أشار إلي انزعاج الحكومة من اعتصام الأقباط أمام ماسبيرو وعدم رغبتها في التعامل بعنف مع المسألة حتي لا يسجل ذلك ضدها في التاريخ ، لافتاً إلي ضرورة عدم النظر للمادة الثانية في الدستور بشكل منفرد عن باقي المواد حيث تكفل المادة الاولي مباديء المساواة والمواطنة. مؤكدا علي قدرة المجتمع المصري علي رفض أي أفكار شاذة وغريبة عنه وأهمية الإلتفاف حو التيار الرئيسي للشعب المصري المعتدل الذي ينادي بالمدنية والديمقراطية والحريات العامة وحماية الأقليات من استبداد الأغلبية. وردا على أسئلة الطلاب حول أسباب عدم تغيير القيادات الجامعة حتي الأن قال عبد الفتاح ان شرف نقل ملف الجامعات إلي وزير التعليم العالي الذي رأي من جانبه آلا تحدث تغييرات في منتصف العام الدراسي حتي ينتهي هذا العام علي خير، وعن المشاركة المصرية في الانتفاضة الفسلطنية الثالثة نصح عبد الفتاح الطلاب بالمشاركة في العمل وبناء الوطن والتركيز علي إصلاح مصر الداخلي قائلاً"بلاش فلسطين دلوقتي ..ركزوا في مصر. نداء للاخوة اللى عاوزين ثورة ثانية ياريت نصبر شويه خليهم يشتغلوا و نشوف وعودهم

هو سواء اخلاء سبيل سرور او زكريا او سوزان او حتي مبارك ،فبالنسبة للكسب غير المشروع يعني سرقة من اموال الدولة بتعتبر جريمة جنائية عقابها لو ثبتت رد الاموال وسجن ، الجزء الجنائي في الجريمة بتحقق فيه النيابة و حسب كلام الجندي التحقيقات دي لسة ما بدئتش ، اما جهاز الكسب غير المشروع اللي كانوا محبوسين علي اساسه ممكن لو ردوا الاموال يخلي سبيلهم ، انما الجريمة الجنائية بتاعة سرقة المال العام لسة حيتحاسبوا عليها لو ثبتت، ده اللي فهمتوا من كلام الجندي ،يعني هما كدة لسة ما خرجوش من تهمة الكسب غير المشروع ، فنصبر ونشوف النيابة حتعمل ايه لما تبدأ تحقيق معاهم ، ولو ان اكيد خروجهم بكفالة تصرف غلط لأن اكيد حيحاولوا يزودوا الفتن ويشعللوا البلد زيادة ده كلام الجندي

مصر صار لها طعم أحلى لما حررها الأسود، وراح الحاكم الردئ وعسسه "أحمس الأول" هو اسم ساطع ... حط أساس لحكم مصر ... حكمها حكم عادل ... ولمّ الهكسوس وطردهم علطول سلام مصر مع عدوها الأول كلام سطحى لا أساس له ملوك مصر وحكامها هم حراسها ... كل ملوك مصر علموها اللوع ما عدا "محمد على" حال مصر صار طلاسم وعك العدل أساس الملك "محمد كمال سالم" طلع الأول على كل المدارس "سامر أحمد صلاح" سهر لحد السحر وصحى على العصر والد "سماح" و "هدى" عاصر عهد الملك لا إله إلا الله، محمد رسول الله شكرًا على الفكرة يا مغتربة هانم

هذه فقط كفيلة بنسف السلم الوطني ، كيف سنختار مجلس رئاسي وطني في هذه المرحلة العصيبة التي تشهدها البلاد والغالب عليها صفة التخويين بين جميع أطياف الوطن أرجو توضيح آلية عادلة تضمن لنا هذا ولو تم توضيح هذه الآلية ، فمن سيأمن لك تنفيذها في ظل ما تشهده البلاد من حالة إنفلات أمني ، وحتى الجيش أنت نحيت مجلس قيادته وصاحب قراره عن موضعه ومكانته وسحبت ثقتك منه ، فمن يضمن لنا أنه لن يتحول كما تحولت الشرطة و "يبلط في الخط" وحتى لو أخترت مجلس مدني وطني بنجاح ، فمن سيضمن لنا التوافق بين قياداته في وجهات النظر ، هذا طبعا لو تم إختيارهم بطريقة تعبر عن تطلعات الشعب صراحة أنا أؤيد رأي الفاضل التونسي

لسه راجع من معركة الأنبوبة من نص ساعة. من 10 مساء لحد 3 الفجر عشان أنبوبة بوتاجاز يا مؤمنين. وبتوع التموين بيتلاعبوا بينا هما والموزعين عشان يقرطسونا ويلفوا يبيعوا الأنابيب فى السوق السوداء. طلبنا الشرطة ردوا بكل وقاحة إنهم خايفين يحتكوا بالناس. هددنا إننا نروح نجيب العربية والسواق وبتوع التموين من قفاهم وندغدها على دماغهم, قعدوا ينيمونا 3 ساعات لحد ماوصلوا والمسافة ماتكملش 30 كم. بس الحمد لله حصلت على الأنبوبة فى النهاية. واستخلصت من ده كله إن الأزمات دى مفتعلة, لتركيع الشعب المصرى والضغط عليه لقبول الصفقة الحقيرة اللى ابتدت ملامحها تظهر. أكتر من 100 واحد كانوا واقفين من الناس البسطاء كان رأي الأغلبية نفس الرأى, 2 أو 3 بس اللى كانوا بيقولوا ادى الثورة وادى اللى اخدناه منها. ده كله عشان أقول... مشارك إن شاء الله لحد ماكل الزبالة اللى فى البلد تنضف.

الى كل البراجماتيين والمرهفى الحس : لن نخون مبادئ ثورة شعبنا والتى نادت بالعدل والحرية ومحاربة الفساد والمفسدين أبدا لن نرضى بأن نشارك فى جرم تخضيب أيادينا بدماء الشهداء ولن نساوم على حقهم فى القصاص العادل لن ننسى عشرات الالوف من الاطفال الابرياء الذين اصيبوا بمرض السرطان اللعين نتيجة أستيراد المبيدات المسرطنة والتى قام بجلبها مبارك وعصابته ولا الملايين التى تلقى منيتها من الفشل الكلوى نتيجة عدم وجود مياه صالحة للشرب ولن نغفل عن تزوير ارادتنا فى كل الانتخابات سواء اكانت تشريعية او نقابية ولن يمحو التاريخ لفترته انه وبكل المقاييس كان اكبر الفاسدين والمفسدين لضمائر البشر أنغفر له انه شارك فى حصار شعب عربى ومسلم فى الجوار وقام بحراسة الحدود لصالح العدو الحقيقى لوطننا أننكر مدى تفشى عدم المساواة والظلم والقهر لكل من حاول الحصول على حقه فى العمل او محاولة المطالبة بتحسين أحوال المواطنين ... ثلاثون عاما من طوابير العيش والبوتاجاز والمدارس والسنترالات و المستشفيات وبطاقات الرقم القومى وخلافه .. دول كانوا بيدهسوا الفقراء بسياراتهم فى الطرق وبأتصال واحد للمأمور او حتى وكيل النيابة ويفرج عنهم معززين مكرمين والقتيل هو اللى غلطان .!!!

بالطبع لا و100000000000 لا تتحرق الفلوس على اللى عايزها الفلوس تتعوض اما الكرامة ودماء الشهداء فلا يجب التفريط بها اللى عمل وجاب الفلوس الاولى يجيب قدها 20 مرة شعب مصر ولاد وربنا لن يضيع صبر هذا الشعب

والله اتمناها ياباشمهندس تيمور تكون مش ثورة ثانية اريدها مظاهرة مليونية فقط للحفاظ على مكاسب الثورة الاي كل يوم في النازل لابد من تكشير الشعب لانيابه مرة اخرى للجميع النهاردة زكريا عزمي خرج ومن ادراك بزكريا عزمي وفتحي سرور وحسني مش هيتحاكم تبقى ثورة ايه دي ان شاء الله الثورة بترجع للخلف ياجماعة المجلس العسكري فاكرين لما دخل الميدان وقتل الظباط الاي كانوا معتصمين ليه ساكت وتشعر به مكتوفي الايدي رغم قدرته على نشر الامن والامان في البلاد شوفت كذا فيديو لمساجين بيهربوا من المساجين وعسكر الجيش واقف بيتفرج الامور محتاجة صرامة وهما قادرين بسي مش عارف ليه التخاذل الواضح ده اختلف مع حضرتك يابشمهندس تيمور في الوقوف ضد المجلس العسكري النتيجة الجميع خسران واهم الخسرانين هي مصر لكن لابد ان نرسل رسائل واضحة وهي اننا واقفين وصاحين ومش هنسمح بالانتكاسة مرة اخرى أسأل الله رب العرش العظيم ان يحفظ مصر من شر المتأمرين

السلام عليكم مش كتير يا طارق اعداد قليله فقط هم المحركون لكل تلك الضجه و المشكله ان الاعلام فى ايديهم و على رأسهم ساويرس و منهم حركه كذبه ابريل و تحركهم حاله الحقد الشديد بعد ظهور حجمهم الحقيقى فى الشارع فضلا عن كره بعضهم الشديد للاسلام الذى سحب البساط من تحتهم و همهم الاكبر منع الانتخابات التشريعيه القادمه التى ستمسحهم من الوجود تماما فضلا عن العبث بالدستور و مادته التى تمثل عقده لا حل لها . عموما سينفقونها ثم تكون حسره عليهم ثم يُغلَبون . حتغلط حغلط ,, لو تكرمت ما تقولش كذبة ابريل مره تانيه و خللي الاحترام بيننا متبادل ,,

دى كانت بالونة اختبار علشان يشوفوا رد فعل الشعب ايه ولما لقيوا الشعب رافض تماماً الموضوع رفضوا انا كنت بكلم واحد فى مصر بيقولى الناس البسيطه التعبانه اليى خانقين اهلها لو سمعت بحاجه زى دى مستعده تموت ولا ده يحصل تحياتى عنبو

بادعلهم من قلبي إن ربنا يشفيهم ويصرف عنهم الغل والحقد الأسود قهم ولا شك مقتلون به فالنار تأكل نفسها إن لم تجد ما تأكله والحمد لله كلما زاد سواد قلوبهم وكذبهم زاد نجم السلفيين لمعانا بالله استحرم اشتري هذه الجرائد أخاف أن أسأل عن المال الذي دفعته فيها عافانا الله عما ابتلاهم به

سبحان الله .. لسة شايفة البرنامج على بعضه يا ريت كانوا جابوه من الاول و هو بيقول انه معترض على المظاهرات دي في الوقت ده خدت بالك و هو بيقول.. يعملوا كردون حواليهم لحد ما يفضوا شحنة الغضب الظاهر ان موصلهوش لستة المطالب :closedeyes: بالمناسبة.. التقييم السالب للاجتزاء مبحبش حد يعرضلي صورة ناقصة

أغنية متيم.. حبات من وجد.. هديل يمام ملضموم.. ساقية تحتضن مياه العشق لأعلى.. حفنات من قلب مدله.. تدلت في عنق حبيب..مسحور..ساحر.. ودع من شاطيء قلبي..وهج من ساحة روحك.. وهج من ساحة روحي..ودع من شاطيء قلبك.. شجو من صدر الطائر.. شدو من وجع الحب.. هزج من غزل الحب.. http://www.youtube.com/watch?v=adaCzZu8miA لؤلؤة يقين أوقن.. أوقن أنك لي أوقن أني لك أوقن أنك روحي أوقن أن دماكي تتدفق في روحي أوقن أن الروح تنبت من جناتك أوقن أن الجنات خلقت لحياتي فيها أوقن أن حياتي لن تحياإلا في ظلك أوقن أن العمر قطار أنطلق وسار ليصل إلى النقطة التي تلتقينا نلتقيها نلتقينا ن ل ت ق ي ن ا

من المجلس الأعلى للقوات المسلحة إلى بنات شعب مصر العظيم: إللي شوفتوه في فرح الأمير فى بريطانيا تنسوه خالص! n2&( أنتم كبيركم دار المدرعات! ده لو شفتوه كمان po:: - والله الموفق