لوحة القادة

خلينى انقلك وجهة نظرى يا تيمور ودى اول مرة اعلنها فى المنتدى بعد قراءة ومتابعة الاخداث احنا بنلف فى حلقة مفرغة ولن تنتهى وكل اعداءنا هايدفعونا للدوران فى نفس الحلقة المفرغة لاضعاف البلد واقتصادها وتشتييت انتباهنا اللى بيحصل ده لان البلد مافيهاش حكومة ولا ليها قائد وماتقوليش الدكتور المخترم عصام شرف وحكومته لان اسمهم حكومة تسيير اعمال يعنى مؤقتة ولا يوجد لها صلاحيات كبيرة والمجلس العسكرى اعلنها انه لن يستمر فى الحكم واكد على هذا طيب ازاى نعرف الحقيقة وليس ما ينشر كل الحقائق هتظهر مع الانتخابات البرلمانية والرئاسية القادمة ساعتها هانعرف فعلا راى الجيش الحقيقى هيعرف كل حزب او جماعة ثقلها السياسى فى الشارع فى الاخر هانعرف مين معانا ومين ضدنا وهل فعلا ما تم القيام به ثورة ام انقلاب على النظام ام انقلاب عسكرى لو الامر بايدى لامرت بان تكون الانتخابات غدا وهاقولك حاجة ؟ الانفلات الامنى والاعتصامات والاضرابات وتوقف المصانع وغيره وغيره من السلبيات ستستمر ختى الانتخابات الرئاسية لحد ما يتعرف مين قائد البلد لذا انا ضد اى حراك الان سواء مظاهرات او اعتصامات او غيره الان فترة الاعداد والترتيب لبناء البيت واقترح على شباب 6 ابريل اللى باحبهم الا يضيعوا وقتهم فى قضايا خاسرة بل يحب عليهم ترتيب اوضعاهم سواء بالانضمام لاحزاب او تثبيت اقدامهم فى الشارع حتى يكون لهم تمثيل برلمانى على الاقل لان ما يقومون به تشتييت لجهودهم

تباً للنفاق والمنافقين .. من قالوا الجيش والشعب إيد واحدة ... ثم رفعوا أصواتهم عليه .. وزايدوا على دوره الجيش أمن البلد داخلياً وخارجياً .. اختار رئيس وزراء بوركت شرعيته فى ميدان التحرير نفس الجيش الذى رفض التدخل لقتل المتظاهرين يرفض التدخل لقتل المسئولين بدون محاكمات عادلة .. وهذا شرف العسكرية لمن سمعوا بالكلمة القبض على المسئولين ثم الافراج عنهم تم بناء على اوراق وتحريات ملفقة او قائمة على الاشاعات او غير دقيقة او تم تشويهها باسلوب احترافى ... وهذا كله لا علاقة له بالجيش اطلاقاً ربما تكشف الايام عن دور ما لجهاز اخر مجهول تماما طوال 30 سنة .. لا نعلم عنه اى شئ وقد تكون اجهزة مخابرات ضالعة فى الأمر .. فاصحاب المصالح فى افساد العلاقات الداخلية فى مصر كثيرون للغاية .. ويعملون بمبدأ واحد ( فرق تسد ) ومن يخرفون بان الجيش يحمى النظام السابق فلينظروا الى ليبيا أو لسوريا ليعلموا ماذا يحدث حينما يواجه الجيش شعبه أو عندما يواجه الشعب جيشه !! ثورة 25 يناير مستمرة بالشعب والجيش إيد واحدة كما بدأت حتى يتسلم السلطة رئيس منتخب .. لا توجد ثورات اخرى .. ولو كره الحاقدون والمنافقون

ولا يـــستاهــــل .. إنهُ يعــيش إللى يقول.. ثوره على الجيش ولا يستاهل .. حتى .. يكـــون إللى .. بجد .. لوطنه ..يخون مش عاقل .. دا أكيد مجــنون إللى يقول.. ثوره على الجيش ولا يستاهل اقول له..يا تيييت إللى عايزها..تبــوظ..وتـزيــط بِ سـكـاتُه..يِنَقَـطـنا..يا ريــت اللى يقول..ثوره..على الجيش ولا يسـتاهــل .. حــد .. يـِوِدُو إللى خنقنا .. وسـايق..عـِنـدُو يلعب غيرها..بجــــد..دا بُعــدُو اللى يقول..ثوره..على الجيش ولا يسـتاهــل .. حــد .. يِطـُـل على مواضيعُه .. الواحِــد مَل شكلُه عايزها.. خراب ع الكـل اللى يقول ..ثوره على الجيش ولا يستاهل .. يجى ..ف بالى أو يشغل .. فـِكرى .. وخيالى ويا ويلُه .. من نار .. أزجالى اللى يقول.. ثوره على الجيش ولا يســـتاهــــل ارد علــــــــيه إللى غرورُه .. مِغمِـــى عـــنيه دا بيظلم شعبُه .. ب إيــــديـــــه إللى يقول .... ثوره على الجيش .. و التونسى

جاء رد حاسم من المجلس العسكري نقلا عن تويتر ،، الأن ،، اللواء شاهين ، * من قلب المجلس العسكري الغاء دور وزارة الداخلية في الانتخاببات بشكل كامل * اللجنة العليا للانتخابات كلها من القضاة وليس بها شخصيات عامة * اللجنة العليا للانتخابات ستقوم باعداد العملبة الانتخابية من الجدول وحتى النهاية * اللجنة العليا للانتخابات ستقوم باعداد العملبة الانتخابية من الجدول وحتى النهاية * الانتخابات القادمة علي مرحلتين أو ثالثة * لا يجوز الطعن علي قرارات المحكمة الادارية العليا بحق الترشح * القانون الجديد قاض لكل صندوق حد أقصي لكل 3 لجان فرعية * ممدوح شاهين الباب مفتوح للمجتمع المدني للاشراف علي الانتخابات معندناس حاجة يخبيها * شاهين الباب مفتوح لمندوبي المرشحين في اللحان العامة والفرعية * شاهين مازال الحوار حول نظام الانتخابات قائم ولم نستقر علي عليه بعد * شاهين العفو يكون علي عقوبة وبعد صدور احكام وليس العكس * شاهبن الحديث عن مجلس رئاسي حديث للوراء * الجيش والشرطة لن يصوتوا في الانتخابات القادمة * الجيش مسئول عن تأمين مقار الانتخابات * اللجنة العليا للانتخابات منوطة بوضع ضوابط تصويت المصريين بالخارج * الانتخابات قبل 30 سبتمبر ولا نية للتأجيل * غالبية المقبوض عليهم في التحرير والسفارة سيفرج عنهم * مفيش تصويت الالكتروني * تحاورنا مع القوي السياسية والاحزاب قبل اقرار المشروع

رغم إقتناعي بالتحليل المكتوب بس الصراحة دي اسوأ الأراء الأراء اللي مصممة تقسم أي حاجة لحلال و حرام و كفار و مسلمين أنا ضد المجلس الرئاسي و ضد تأجيل الإنتخابات و ضد الدستور أولا و ضد الإلتفاف علي الديمقراطية اللي كاتب المقال ده بيشوه صورة الإسلاميين و السلفيين بل المسلمين نفسهم بعد كده لما نيجي نبني كوبري ، هنروح للشيخ بدلا من نروح للمهندس و يبقي راي الشيخ هوا اللي سليم كان يكتفي بإنه يقول رأيه من غير ما يدخل فيه الدين

استوقفنى جدا هذا المقال الرائع لكاتب احترمة ..... وذلك لانة تحدث عن لسان كثيير من الناس فى وقت محتاجين جدا لهذا الحديث ........ اترككم مع المقال .

ده بيان مطبوع يتم توزيعه من ناس فعلا بتحب مصر ناس مش عايزة تبقى اعضاء فى مجلس شعب ناس مش عايزة شهرة ناس فعلا فعلا بتحب مصر ده نص البيان اللى بيرسم دورنا الحقيقى والمطلوب مننا كلنا بصرف النظر عن ديننا بصرف النظر عن توجهاتنا بصرف النظر عن ميولنا السياسية لانى متاكد ان كلنا بنحب مصر اليكم نص المطبوعة وياريت كلنا ننشرها لاهلنا وجيراننا احفظ مصر احفظ مصر هو ندائنا لكل انسان في مصر انه يحافظ علي مصر كل المطلوب منك انك تبعت الرسالة دي لكل اللي تعرفهم او تطبعها و توزعها علي كل معارف ك وجيرانك – اصحابك - اهلك - الناس اللي ماشيين في الشارع خليها معاك في عربيتك قول لكل الناس أرجوكم حافظو علي مصر 1- شراء المنتجات المصرية 2- حافظ على الموارد بكل اشكالها ( مياة- كهرباء – وقود) قدر المستطاع (منزل- عمل ) 3- حاول تساعد الفقراء عشان متحصلش ثورة جياع انت المتضرر منها 4- رجاء التحكم فى أعصابك والسيطرة على نفسك أثناء الغضب وقل لنفسك أننا فى أمس الحاجة لكل جهد لنبنى بلدنا ونساعد بعضنا 5- أن أخطأت اعتذر بلطف وأن اخطأ أحد فى حقك وأعتذر لك رجاء أقبل اعتذاره . تخيل نفسك وأنت تقود سيارتك واضطرتك الظروف لتكسر على المجاور لك ثم أعتذرت له مباشرة. أعتقد أيا كان غضبه سوف يقبل الاعتذار 6- غير في نفسك و خليك ايجابي وانشر الأمل فى نفوس من حولك وحاول أن تقنع السلبيين و المتشائمين أن الغد أفضل باذن الله تعالى لنا وللأجيال القادمة . هذا وقت بناء و عمل 7- متسافرش السنة دي بره مصر بغرض الفسحه (مش مهم من سنه) و اعزم قرايبك في أي بلد يزوروا مصر 8- حاول تستثمر فلوسك في بنوك مصريه 9- ان كان لديك فكرة جديدة رجاء اضافتها وأعادة ارسالها لأكبر عدد من الأهل والأصدقاء الدور دلوقتي علينا كلم كل الناس و ادعهوهم يبدأوا من دلوقتى امضاء مصريين بيحبوا بلدهم

يا سمايلى الامر ليس كما تظن اقرا رددونا وانت تعرف انا اعرف انك مسيحى بس بامانة هل ترى ان ده وقت ثورة ثانية والانقلاب على الجيش ؟ شخصيا ارى ان من يفكر فى هذا يفكر فى مصالح شخصية فقطوليس مصلحة البلد ارجو ان تكون فهمت النظرة للموضوع اما المقال فكما قلت هو منقول لفتح باب المناقشة فقط لكن اعلم ان معظمنا ضد التمييز العنصرى او الدينى الأخ رؤوف انا شايف ان الوقت مناسب وقد يكون الفرصة الاخيرة لان الثورةعلى وشك الضياع والاستيلاء عليها من قبل ناس من النظام السابق او متعاونون معهم كانوا بيقوموا بدور المعارضة وهم فى الحقيقة من لب النظام وناس تانية عايزين تزيح باقى القوى السياسية وخاصة الجديدة جانبا ليحصلوا على مقاعد اكثر اما ماتقولوه عن عدم التميز فهناك علمات كثيرة للاسف تنفى ذلك ومنها اسم التوبك ومن قالو للدين نعم فى موقعة الصندوق د.محمد استاذى الفاضل تحياتى اولا التيار الليبرالى والتيار العلمانى موجود منذ اكثر من مائه عام ولم يستطع اقناع الشعب المصرى بفكره معتنقى التيار الليبرالى متعالين ومتكبرين وينظرون للاخر انه اما جاهل او متشدد التيار الليبرالى مشلكته انه لايعترف بفشله بل كل مره يضع فشله على غيره فى ايام الرئيس المخلوع كان امن الدوله الان السلفيين غدا الجاهلون التيار الليبرالى لابد ان يراجع نفسه ويعترف بفشله حتى يستطيع الدخول فى اللعبه السياسيه التيار الليبرالى كان داخلا فى اللعبه السياسيه ايام الرئيس المخلوع لانهم كانوا عباره عن دمى يتم تحريكها من لجنة السياسات لتم الكذب بان هناك تعدديه الصناديق سوف تفضحهم اخى الفاضل تاجيل الانتخابات هى حجه اخرى يرمون عليها فشلهم لانهم يعلمون انهم سيفشلوا حتى لو اجلنا الانتخابات فانهم فاشلون كيف تريد لفرد ان يتنخبك وانت تعامله باستعلاء انت تعيش فى جاردن سيتى ونوادى الروتارى وتريد لشخص من عزبة النخل ان ينتخبك حتى التيار الاسلامى طور نفسه فى السنين الاخيره والتيار الليبرالى محلك سر نجد الان التيار الاسلامى هو من يمد يده لليبراليين والليبراليين يتمنعون مصر ان شاء الله سوف ينصلح حالها بوجود جميع التيارات السياسيه دون اقصاء لاحد نعم سوف يكون هناك اغلبيه وعلى الاغلبيه احترام حقوق الاقليه لابد لجميع التيارات ان تحصل على نقطة التقاء فيما بينها انا ارى ان التظاهرات الان هو نوع من العبث واللعب بمصير هذا البلد نجا الله مصر ونجانا من شرور العابثين

جدول المظاهرات ليوم الجمعة 20 / 5 /2011 الاقباط فى ماسبيرو اسفين يا ريس مصطفى محمود الثورجية ميدان التحرير ...البلطجية امام الاقسام القوميين سفارة اسرائيل السلفيين بيت كامليا والكاتدرائية الاخوان عند مجلس الشعب اهالى المحبوسين عند السجون الاغلبية الصامتة فى البيوت على النت =========================== كدة كل واحد عارف مكانة علشان محدش يتلخبط والله المستعااااان

تحت عنوان معا لتأسيس طلبة مصر للمشاركة في نهضة مصر انطلقت حملة جمعية رسالة الهدف من الحملة زيادة الاهتمام بالتعليم الاساسي للطلبة من الصف الاول الابتدائي حتى الصف الثالث الاعدادي في المواد الدراسية الاساسية اللغة العربية ...........اللغة الانجليزية .............الرياضيات معا لتأسيس طلبة مصر دا لينك الحملة على الفيس بوك لو تحب تشارك كمتطوع في التدريس اتصل على الرقم 19450

ولا يـــستاهــــل .. إنهُ يعــيش إللى يقول.. ثوره على الجيش ولا يـــستاهــــل .. إنهُ يعــيش إللى يقول.. ثوره على الجيش i mean it... i fight for it

انتخة الويك اند

أنهى الفنان محمد صبحي استعداداته لإطلاق مبادرة جديدة تحمل عنوان "معا لريادة مصر بعد ثورة 25 يناير"، حيث تحمل المبادرة جملة من المبادئ والقيم والمفاهيم التي تؤكد تمسك المواطن المصري بمبادئ الحرية والعدالة والديمقراطية، فضلا عن وجود نظام ديمقراطي حر يقوم على الشفافية وحرية التعبير عن مطالب الشعب الشرعية بصورة منظمة. وتدعو المبادرة -التي انطلقت فعالياتها،امس "الخميس" ، بكلية الحقوق جامعة الإسكندرية، بالتعاون مع جمعية البيئة العربية- إلى حملة المليار جنيه، لمكافحة العشوائيات في مصر، والتي تحقق حلم الشعب المصري في الريادة والتقدم عالميا، وذلك من خلال استخدام أحدث مفاهيم التنمية المستدامة، وما انتهى إليه العالم من تكنولوجيات متقدمة، تهدف إلى حماية البيئة وحقوق الإنسان. ومن المقرر أن يعلن الفنان محمد صبحي بدء فعاليات المبادرة بإعلان حملة المليار جنيه، لإنقاذ مصر من العشوائيات، والتي تهدف إلى تحقيق حلم الملايين من المصريين في مساكن صديقة للبيئة، تتوافر بها جميع المرافق، ومنها: المياه النظيفة والصرف الصحي والآمن والتوافق مع الطبيعة، من أجل سلامة وصحة الإنسان وصيانة كرامته، وإنقاذ مصر من الأساليب العشوائية الخاطئة التي باتت سائدة خلال الفترة الماضية. وفي السياق ذاته، أكد الدكتور أحمد هندى، عميد كلية الحقوق، أن الكلية تضع جميع إمكاناتها لتحقيق آمال الشباب وتطلعاتهم نحو مستقبل أفضل للبلاد. مشيرا إلى أهمية استثمار روح الثورة في دعم الإنجازات والانطلاق بمصر نحو المستقبل، والحفاظ على الحق في الحياة بكرامة، والإبقاء على الروح الجماعية التي كانت من أهم أسباب نجاح الثورة.

السلام عليكم ورحمة الله... إنها ليست مجرد فتنة طائفية...وليست أيضاً قضية " وفاء" أو " كاميليا" أو " عبير"..أو..أو... إنما هى قضية الشر المُستطير الذى يُراد بمصر وبثورة ميدان التحرير وميادين مصر على إتساع أرضها وبالشعب المصرى ، لقد سبق فى موضوعات ومقالات عديدة أن سُقنا الأدلة والبراهين العديدة على أن مصر مستهدفة بمؤامرات خارجية جندوا لها العديد من عملاء الداخل ، سواء كانوا ينتسبون إلى الإسلام أو ينتسبون إلى المسيحية ، ووجدنا العديد ممن يتمتعون بقدر هائل من عدم الفهم ، يتشدقون بالكلمة المعهودة والتى تتلخص فى مصطلح " نظرية المؤامرة " ، والتى يتبرأ منها كل من يتحدث فى أى قضية تتعلق بهذا الوطن ، وكأن نظرية المؤامرة " رجس من عمل الشيطان " ، فبمجرد تبرُأ أول من تبرأ منها ، إذا بنا نجد جحافل من يدعون أنهم مفكرون يسارعون أيضاً للتبرُأ منها ، وكأنهم قد طمست أبصارهم وبصائرهم وأسماعهم فهم لا يفقهون . إن مصر معرضة منذ فجر التاريخ للعديد من المؤامرات ، منذ أيام الهكسوس ، ثم الرومان ، ثم الإستعمار الفرنسى فالإنجليزى....ومازالت حتى الأن مصر مستهدفة بسلسلة من المؤامرات التى لا تنتهى وذلك لحساسية موقعها الجغرافى ، ولثقلها وحجم تأثيرها فى المنطقة بأسرها .. ، يضاف إلى هذا الإمتداد التاريخى والموقع الجغرافى ذلك المتغير الجديد والخطير وهو تفجير ثورة التحرير والتى شهد لها العالم بأسره وقادته بأنها الثورة المُعلمة والثورة الرائدة التى ألهمت العالم بأسره وأصبحت تمثل مدرسة فى تعليم الثوارات الشعبية السلمية البيضاء ، والتى أطاحت بأعتى الأنظمة الديكتاتورية فى العالم بأسره ، وبدأت تجنى ثمار مازرعته وروته بدماء شهدائها ..وبدأنا نتعلم كيف نرفع قامتنا عالية لإستنشقاء الهواء النقى بعد أن ضاقت صدورنا بالهواء العفن... وبدأنا نحبو على طريق الحرية والكرامة والإصلاح الإقتصادى ... ولكن كما يقولون .." يافرحة ماتمت..." . وكشأن أى شىء ناجح فى هذا العالم نجد المعجبين والمقدرين ، وعلى الجانب الأخر نجد الحاقدين والموتورين أو المتضررين من قيام هذه الثورة ومن نتائجها ، وكنا جميعاً على يقين منذ اللحظات الأولى لقيام هذه الثورة من خطر المؤامرات الخارجية على إحباطها ، وحذرنا من خطورة تحالف أعداء الخارج مع أعداء الداخل لمحاولة الإلتفاف على هذه الثورة ووأدها فى مهدها والحيلولة دون نجاحها كى لا تكون نموذجاً يُحتذى ، ومن هنا إكتملت عناصر المؤامرة ، وأصبحت نظرية المؤامرة واقعاً لا يحتاج إلى دليل أو برهان ولا يوجد مبرر لمحاولة التنصل منها . فقد تعددت مظاهر هذه المؤامرات منذ اللحظات الأولى لإشتعال ثورة 25 يناير ( تعرض الشباب للتقتيل من قوات الأمن المركزى ومباحث أمن الدولة - موقعة الجمل - موقعة البلطجية - شروع فى إبادة الثوار فى ميدان التحرير من جانب قوات الحرس الجمهورى - ثم إعطاء الأوامر لقوات الجيش للهجوم على المتظاهرين ولولا رفض جيش مصر الوطنى لأوامر اللص السفاح حسنى مبارك لأصبحت مجزرة بشرية يذهب ضحيتها ملايين الثوار ) ..وأخيراً وليس أخراً ، فإننا نصطدم من جديد بقضية مفتعلة طالما إستهدفها النظام البائد للتفرقة بين الشعب المصرى طبقاً لسياسة " فرق تسُد " بين مسلم ومسيحى ، ومن هنا عادت الفتنة الطائفية المُفتعلة تطل برأسها من جديد تحت شعارات زائفة ، وكأن الكون بأكمله قد تم إختزاله فى مسألة "كاميليا " و " وفاء" و أخيراً " عبير"....والبقية تأتى طالما أن هذا هو المفتاح الذى يحرك جموع الشعب دون تفكير أو تمييز أو محاولة الوقوف على حقيقة الأمر. ما يهمنا فى هذه القضية ، ليس دفاعاً عن أو هجوماً ضد من أسلمت ومن لن تسلم ، فهى مجرد دُمى تم إستخدامها لإشعال الفتنة ، ووقع فيها -وأنا أسفة - الأغبياء من الطرفين المسلمين والمسيحين دون أن يكون فيهم رجل رشيد ، والمسئولية هنا تقع على الطرفين دون تمييز ، حيث تم تسليم من أسلمت أو أدعت منهن إسلامها إلى الكنيسة ،سواء بناء على طلب القائميين على الأمر بالكنيسة أو تطوعاً من الجهات الأمنية كده لله وفى الله ، وفى الحالتين لم يكن من حق الكنيسة أن تطلب هذا الطلب ولا من حق الجهات الأمنية أن تقوم بهذا الفعل ، ولكن التدليل الطائفى الذى كان يمارسه النظام البائد للمسيحين تمهيداً لإستقطابهم فى توريث " جمال مبارك" جعلهم يقدمون "وفاء" و " كاميليا" كثمن لضمان تأييد الكنيسة فى قضية التوريث ، وبالفعل أعلنت الكنيسة صراحة إنحيازها التام لحسنى مبارك ولولى عهده المزعوم . وبعد نجاح الثورة التى أطاحت بالنظام الفاسد وبدلاً من أن تتعاون الكنيسة مع الشعب فعلياً ، إذا بها تزيد الموقف غموضاً وتعتيماً ونجد إصراراً على عدم الإفصاح عن مكان " كاميليا " ..ومن قبلها " وفاء"...ثم أخيراً نفاجأ بإختفاء إمرأة ثالثة هى "عبير " التى فجرت مذبحة إمبابة والتى يذكرنى ماحدث بها بما حدث فى ميدان التحرير من وجود قناصة فوق الأسطح لقتل المتظاهرين فما أشبه اليوم بالبارحة...هل هناك صلة؟ لا أعلم.... ( لا أتناول شخصيات وأسماء ولكنها محاولة لرصد ما يحدث بعيدا عن كون كاميليا قالت..أو عبير دى أصلها...الى أخره...) ما كان أبسط الحل لو خلصت النوايا وقُدمت الفتيات الثلاث للنائب العام أو لأى جهة رسمية لكى تعلن كل واحدة منهن إن كانت مسلمة أم مسيحية بحضور وسائل الإعلام وممثلين عن الأزهر والكنيسة . ولكنها مرة أخرى تلك المؤامرة المُدبرة لإشعال الفتنة وتحريض البعض من الطرفين للتحطيم والتخريب وسفك الدماء ، ثم يأتى عقب ذلك محامى كاميليا شحاتة ليهدد الوطن بأسره بطلب الحماية الأجنبية للمسيحين ...........هذا هو بالضبط سيناريو المؤامرة سابقة التجهيز ، والمنقولة عن سيناريو فصل الجنوب عن الشمال فى السودان . نحن لا نتهم أحداً ، ولكننا نقرر واقعاً مدعماً بالأدلة والبراهين التى لا تحتمل أى شك فى طبيعة المخطط الذى تم تصميمه وتنفيذه من جانب المخابرات الأمريكية وجهاز الموساد الإسرائيلى ، وتحالف فلول النظام السابق معهم لضرب ثورة 25 يناير فى مهدها ولضرب الوحدة الوطنية وهى الورقة الرابحة دائماً . نخلص من كل ذلك إلى أبعاد المؤامرة الكبرى لتقسيم مصر وتفتيت قوتها كما حدث فى السودان شمالاً وجنوباً ، وكما يحدث الأن فى ليبيا شرقاً وغرباً ، وكما يحدث فى اليمن شمالاً وجنوباً ، ولبنان سنة وشيعة ، والبحرين سنة وشيعة ......وهكذا..وهكذا... لا نحتاج إلى دليل وبرهان لإثبات وجود مؤامرة كبرى وإنما نحتاج إلى حد أدنى من القدرة على الفهم والإستبصار بمجريات الأمور والتعامل مع الأحداث بدرجة من الوعى من شأنها أن تحبط جميع المحاولات للنيل من هذا الوطن ومن وحدة شعبه القبطى .... وللحديث بقية ...

مقال جيد يستحق القراءة منذ عدة ايام خرجت علينا دعوات بالخروج إلى مظاهرات اخرى فى يوم 27 مايو الجارى بدعوى التغيير وقام عدد منهم بإنشاء صفحة على الفيسبوك تدعو لهذه التظاهرة وقاموا بتحديد عدة مطالب وهى : 1 - تشكيل مجلس رئاسى مدنى ثورى لتنفيذ طلبات الثورة كاملة. 2 - تطهير الشرطة من قيادات الفساد واعادة الامن والامان لمصر. 3- تطهير القضاء والنيابات العامة ، لتطبيق العدل ويكون الضامن لتحقيق المطالب الثورية . 4- تطهير المحليات والمحافظين ، للتخلص من بقايا فساد النظام السابق. 5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون. 6- الإفراج عن جميع المعتقلين السياسيين من يوم 25 يناير وما قبلها والافراج عن الضباط الاحرار، ضباط 9 ابريل. 7- محاكمة كل المفسدين وعلى رأسهم الرئيس المخلوع محمد حسنى مبارك. 8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها. كل هذه المطالب عادلة فى ظاهرها ولكن ما هى الحقيقة من وراء هذه المطالب وما هو الهدف من وراء المظاهرات الآن ؟ بعد احداث ثورة 25 يناير ظن البعض أن مصر ستعيش مرحلة فارقة من حياتها و سوف ترى النور والحرية بعد أن عاشت ثلاثون عاماً تحت حكم الظلم والإستبداد والإستعباد ، ولكن بعد أيام قليلة من هذا الحلم الجميل بدأنا نسمع عن مظاهرات هنا وهناك تضغط على المجلس العسكرى بقوة من اجل تحديد مطالبها الخاصة او الفئوية فى مصانع وشركات وهيئات وأحزاب وكلها مطالب مشروعها ولكن هل هذا وقتها ؟ الإجابة لا لأن الحكومة المؤقتة بقيادة شرف لن تستطيع تحقيق كل هذه المطالب فى هذا الوقت القصير خصوصا وأنه مطالب بإصلاح ما أفسده نظام مبارك خلال ثلاثون عاماً وبالله عليكم هل يستطيع احد منكم إصلاح البلاد فى هذه الفترة الوجيزة وإنجاز كل مطالب الشعب وتحقيق كل مطالبه ؟ إذا فكرنا قليلاً سنجد أن الإجابة على السؤال وحده تحتاج إلى فترة للإجابة فما بالكم ببلد يتعدى شعبه 80 مليون مواطن . فى ظل كل هذه الامور نطرح السؤال ما هى الحقيقة وراء هذه المظاهرة الآن ؟ لو عدنا قليلاً إلى الوراء وتحديداً بعد عملية الإستفتاء على الدستور رأينا قوة ونفوذ التيارات الإسلامية التى واجهت التيارات العلمانية والنصرانية التى كانت تدعو لحذف المادة الثانية من الدستور والتى تنص على أن الإسلام دين الدولة وأن الإسلام هو المصدر الرئيسي للتشريع ، وبعد نجاح التيارات الإسلامية فى الوقوف أمام التيارات العلمانية بل والتفوق عليها فكان لابد من إشعال الحرب على السلفيين والإخوان عبر وسائل الإعلام والصحافة التى تمولها الأحزاب العلماينة والليبرالية وبعض رجال الأعمال من النصارى وعلى رأسهم ساويرس بتحريض المجلس العسكرى ضد السلفيين ولكن كانت تحقيقات النيابة فى كل حادث تبرئ السلفيين من كل تهمة موجهة إليهم .. ولكن مع كل هذه البروباجندا الإعلامية التى أثيرت حول السلفيين ومحاولات تشويه صورتهم أما العامة والخاصة ظلت التيارات الإسلامية ثابتة بل وزدادت قوة إلى قوتها وزاد عدد مؤيديها .. فماذا يفعل العلمانيون ؟ هنا لابد من إزاحة المجلس العسكرى من الطريق لأنه يقف سد منيع ضد التيارات العلمانية والنصرانية فى محاولة قمع السلفيين الذين تزداد فرص وصولهم للحكم كل يوم بعد أن أثبتوا أنهم براء من كل حملات التشويه المتعمدة من الإعلام العلمانى والليبرالى والنصرانى . لو لاحظنا أول بند من مطالب المظاهرة سنجد أنهم يطالبون بتشكيل مجلس رئاسى مدنى ثورى لتنفيذ طلبات الثورة كاملة وهذا يعني إزاحة المجلس العسكرى من الطريق وهنا نتسائل من هم المرشحون للقيام بمهام المجلس المدنى ومن الذى يستطيع تنفيذ مطالب الثورة فى هذا الوقت العصيب من عمر الامة ؟ كلنا متفقون على انه لا يمكن لاحد تحقيق كل مطالب الثورة او الشعب فى هذا الوقت الضيق فلماذا إذاً يتم انتخاب مجلس مدنى ثورى ؟ وهل سيسمحون بوجود من يمثل التيارات الاسلامية فى هذا المجلس أم سيتم إقصاء الإسلاميين ؟ . الهدف هو إقصاء الإسلاميين بأى شكل وبأى ثمن طالما أن المجلس العسكرى لم يتخذ ضدهم اى إجراء فلابد من تشكيل مجلس مدنى ليحقق تلك الأهداف ولكن بعد إقصاء الجيش . وهنا أوجه كلمة لكل عاقل وشريف كيف يمكن للقوات المسلحة والحكومة المؤقتة ان تقوم بتحقيق كل مطالب الثورة والشعب وهناك من يقوم بمظاهرات واعتصامات فى كل مكان لتحقيق مطالب فئوية أو مطالب خاصة ؟ وكيف يمكنك العمل تحت هذا الضغط الرهيب بإنجاز مطالب للشعب بعد انهيار تام على مدار ثلاثون عاماً ؟ أقول كلمتى الاخيرة لكل مصـرى يحب هذا البلد ويخاف عليه من السقوط احذروا من الذين يحاولون تخريب البلاد تحت دعوى مطالب الثورة والتغيير ولا تخرجوا إلى مظاهرات واعتصامات جديدة واصبروا قليلاً من أجل نهضة البلاد واستقرارها ولنعطى للمسئولين الفرصة للعمل لتحقيق مطالبكم ولا تتعجلوا بطلب الثمار حتى لا تحترق البلاد وبعدها نقول ليتنا لم نفعل . هذا رأيي الشخصى وأرجو من كل من يريد الهجوم أو النقد أن يتحلى بالصبر والتفكير قبل الرد . بقلم : احمد توحيد

يشغلنى هذا الموضوع منذ فترة ...وكنت أنوى التطرق إليه فيما سبق ولكن حالت الظروف دون ذلك....ولعل مشاهداتنا اليومية لما آلت اليه الأمور من خلط للمعانى وتسطيح للأدوار ...بل وتسفيه للقيم الانسانية هى مادفعتنى لاعادة التفكير فى فرد موضوع مستقل عن "ست البيت".... فلنبدأ بتعريف من هى "ست البيت"...؟..... وذلك لإن ما من مصطلح أُسىء إستخدامه فى كافة الأوساط مثلما حدث مع هذا المصطلح ، وإذا أضفنا إليه مصطلح أخر هو "ربة المنزل"..لإكتملت الصورة ..لإنه يستخدم بشكل مترادف مع مصطلح "ست البيت". وشأن كل المصطلحات التى أُسىء فهمها وإستخدامها لدى العوام أو أنصاف المثقفين ، فإن مصطلح "ست البيت" قد تعرض لتشويه كبير كبير من جانبى هؤلاء الذين يتصورون أنفسهم أنهم مثقفون وأن وهم الثقافة لديهم قد دفعهم إلى نظرة إستعلائية على "ستات البيوت" أو " ربات البيوت" ، ناسين أو متناسين أن " ستات البيوت " فى الأصل هم أمهاتنا وجداتنا وخالاتنا وعماتنا وزوجات الرجال ..ثم بعض منا... أى أن الأجيال المعاصرة ، التى إما أن ظروفها قد حالت بينها وبين العمل فإكتفت بدورها كربة منزل ، وإما أنها لا ترى انها بحاجة الى العمل ومن ثمَ لم تكن مضطرة للخروج للعمل لاشباع الحاجات المادية وخاصة أن الرسالات السماوية بأسرها تفضل بقاء المرأة فى بيتها وقد إشترطت خروج المرأة للعمل اذا ماكانت هناك ضرورة إقتصادية ملحة لذلك ، ومن ثمَ نقول لاولئك الذين يتوهمون فى أنفسهم الثقافة أو التفقه فى الدين والذين يبيحون لأنفسهم النظرة الإستعلائية على "ست البيت " والإعلاء من شأن المرأة العاملة ، نقول لهؤلاء هداهم الله : كان ينبغى عليكم قبل أن تخوضوا فى مثل هذه المعلومات أن تتفقهوا فى دينكم أولا قبل أن تخوضوا فيما لا تعلمون . فليس لقب "ست البيت" وصمة عار أو إنتقاص من قدر المرأة ، بل هو من أعظم المصطلحات أو الألقاب لانه يعنى ببساطة : تلك المرأة التى جعلت من بيتها عالمها بأكمله ، ولم تتطلع إلى مجد شخصى أو شهرة جوفاء على حساب نجاحها فى أداء رسالتها كزوجة وكأم وكربة منزل .....ولذلك فإن لقب ربة المنزل أو "ست البيت" ماهو الا وسام على صدر كل امرأة عظيمة أدت رسالتها فى بيتها بما تستحق عليه كل تقدير وإحترام. ولا يعنى تقديرنا وإحترامنا "لربات البيوت" بمختلف نوعيتهم أننا نقلل من شأن المرأة العاملة ، بل إننا نحترم كل إمرأة جادة ومستقيمة تقوم بما عليها من مسئوليات وأدوار .. سواء كانت "ربة بيت" تقوم على رعاية زوجها وأبنائها أو سواء كانت تضيف الى تلك الأعباء عبء خروجها إلى العمل سواء لضرورة إقتصادية تفرضها مقتضيات العصر الذى نعيشه أو تحقيقا لطموحها وهو حق مشروع لها....وهى تستحق منا جميعا كل تقدير وإحترام لانها تتحمل معاناة صراعات الأدوار المتعددة التى تقوم بها فى بيتها وفى خارجه....وننحنى لها تقديرا واعزازا.... وما أعنيه تحديدا بهذا الموضوع هو إلقاء الضوء على أهمية دور "ست البيت"...بفئتيه...سواء العاملة أو ربة المنزل ...لانهن جميعا "ستات بيوت"......ولا يعبر فى تقديرنا لكل الأمهات "ربات البيوت"..أو " العاملات"..إلا ماعبر عنه "أحمد شوقى" فى مقولته الشهيرة: الأم مدرسة إذا أعددتها ..أعددت شعباً طيب الأعراق خلاصة القول أن المرأة سواء كانت "ربة منزل"..أو "معيلة"..أو "عاملة" أو جمعت بين الحسنيين ،فهى تستحق منا كل تقدير وإحترام ولا ينبغى بأى حال من الأحوال أن يتخذ البعض من مصطلح " ست البيت" نقطة إنتقاص من قدر المرأة ...لأن كثير من ربات البيوت صنعن رجالاً أبطالاً عظماء ومبدعين ومبتكرين أمثال أم "أحمد زويل .."ومجدى يعقوب"..و"مصطفى السيد" وغيرهم من كبار العلماء الذين يقرون بفضل أمهاتهم..."ستات البيوت"....فى تحفيزهم ودفعهم إلى العبقرية والنبوغ . ومن هنا كانت قناعة كاتبة هذه السطور فى بداية إنضمامها للمنتدى أن تكتب فى موضوعات تتعلق بالمهارات التى يتعين تنميتها وتطويرها لدى ربات البيوت...أو "ستات البيوت"...ايمانا منى بأن كل نساء الارض هن فى النهاية "ستات بيوت" .....هذه المهارات والتى تعرف فى تراثنا العربى بإسم " المهارات البيتوتية" هى المهارات التى تتضمنها أدوار ربة البيت كزوجة وكأم و"كطاهية شاطرة" وراعية ومربية لابنائها وكإمرأة عاملة إالى غير ذلك من المهارات والأدوار التى تثقل كاهل النساء جميعا بإختلاف أدوارهم فى الحياة ...... ومن ثمَ، ...لم يمنعنى حصولى على أعلى الشهادات الجامعية من أن أبدأ مشاركتى فى هذا المنتدى ببعض الموضوعات التى تتعلق بتحسين أداء "ربات البيوت" الشابات اللائى يكن فى مسيس الحاجة ( فى بداية زواجهن ) الى الارشاد والتوجيه الزواجى والأُسرى والتدبير المنزلى .....وحقيقى أنا أعتبر أن هذه المرحلة من كتاباتى هنا ونجاحى بفضل الله ثم تعاون المجموعة الجميلة التى شاركتنى اجمل ايام المطبخ :closedeyes: ..اقول اعتبرها شرف كبير أعتز به كل الاعتزاز ولا أشعر كما يتوهم البعض بأى حرج فى أن يذكرنى البعض بين الحين والاخر بهذه المرحلة على أنها بداية متواضعة يتصورون أنها تشعرنى بالحرج ....بل وصدقا أتحدث أنا احمل بين طيات نفسى أجمل الذكريات وكل الاعتزاز والتقدير لهذه الفترة وللمجموعة الرائعة التى كنت أتعامل معها....وبالمناسبة اتمنى ان يكونوا جميعا بخير ونسمع منهم قريبا... ومن هذا المنطلق ...منطلق حب تقديم يد المساعدة للغير ، أحببت أن أفيد بناتنا وأخواتنا من رواد المنتدى فى قضايا تثقيفية أخرى تتعلق بتربية الابناء وبتحقيق التوافق الزواجى والتغلب على مشكلات الحياة المختلفة كرسالة أقوم بها لبنات جنسى على اعتبار انها " زكاة العلم "... وسوف أواصل أداء هذه الرسالة بإذن الله طالما يسر الله لى ذلك ...وسأتعرض فى المرات القادمة لالقاء مزيدا من الضوء على أهمية دور "ست البيت" ...وكيفية اتقان مهارات هذا الدور...وطرق التوصل لامتلاك ملكات شخصية ست البيت الناجحة...أو كما يطلقون عليها فى الاوساط الراقية..."سيدة صالون".... ولا أبتغى من وراء ذلك جزاءاً ولا شكوراً...انما أقوم به لوجه الله سبحانه وتعالى ... وللحديث بقية ان كان فى العمر بقية.... تحباتى

الدكتوره ام احمد تحياتى لحضرتك ارجو من حضرتك ومن كل مسلم يحب مصر وانا على يقين ان الكل يحب مصر ارجوا عدم فتح اى موضوع يتكلم عن الاديره او الكنائس او الاخوه المسيحيون انا كنت اكتب فى هذه الموضوعات حبا وحفاظا على مصر وعلى كيانها ووحدتها وقوتها فوق الجميع ولكنى وجدت اننا كمسلمون نساق الى مواضيع معينه واحداث معينه فى توقيتات معينه دعونا لاندخل فى هذه اللعبه التى يديرونها بذكاء شديد فلنقطع عليهم الطريق حفاظا على مصر دعونا نتريث دعونا لاندع فرصه لمن يتحين الفرصه لاشعال الفتنه وخراب مصر فلنصبر كلها كام شهر والقانون سوف يطبق على الجميع اللهم نجنا ونجى مصر شر الفتن

المطالب لا تنتهي والأقوال والتصرفات الاستفزازية لاتنتهي ولانضمن أن يضبط الجميع أعصابهم حيال ذلك ولا يكون هناك ردود أفعال ومادام هناك قانون للبناء دور العباده فما الداعي لمثل هذه القلاقل الآن!؟ أمثلة للمطالب والأقوال الاستفزازية المطالبة بإعدام السلفيين رميا بالرصاص .القبض على تسعة مشايخ من مشايخ السلفية رفع لافتات مكتوب عليها عشوائيات +جهل +فقر=سلفي المسلمين فين النصارى أهم بالطول والعرض احنا أصحاب الأرض أين رجال الدين النصارى من ذلك يقودون للأسف المظاهرات والتحريض وتبادل الأدوار وفي المقابل صامتون ومع ذلك متهمون هذا بعض الاستفزاز بلاحدود

يادى ام الفزاعات اليى بقالنا 60 سنه عايشين فيها وبنعلق عليها اى خطاء لينا يعنى كنيسه تولع يقولك السلفيين هما اليى ولعوها وخد بقى كلام ونقعد نزيد ونعيد ولو واحد مسيحى زعل مع مراته فى البيت عادى يا جماعه المسلمين برده بيزعلوا مع مراتهم فى البيت يقولك لا هما السلفيين وراء الزعل ده ياعم والسلفيين مالهم يقولك هماكده عاوزينها مسلمه طيب هقوله ايه يعنى على الجانب الاخر تحصل مظاهرات نقول دول ملحدين وعلمانين ومش عاوزين الدوله اسلاميه وعاوزين الناس كفره والله اكبر وحى على الجهاد وعاوزين نطبق شرع الله ولو سألت اى واحد فيهم ازاى هنطبق شرع الله ادينى تصور لشرع الله اليى بتتكلم فيه لاما يسكت ويقولك انت بتجادل فى الباطل ولو كان فيهم مش محفظينه كلمتين هيتكلم من دماغه تقوله بس دى من دماغك مش شرع الله ليه عاوز تجمع شرع الله باليى فى دماغك يسكت على العموم مش موضوعنا يعنى يعنى خلاص بقت متقسمه تحصل حرق وضرب للكنيسه او واحد مسيحى يتكعبل فى الارض وهو ماشى يبقى وراها السلفيين وتحصل مظاهرات تطالب بمطالب مشروعه يبقى وراها العلمانين والملحدين واليبراليين ودول يشتموا فى دول ودول يتهموا دول وبقت حاجه مقززه ولا دول عارفين دول ولا دول عارفين دول ولو كلفت نفسك وتعرفت على الاخر بدون وصايه من حد هتلاقى ان الموضوع مش زى لما صور ليك السلفيين ليهم عيوب وليهم مميزات العلمانين ليهم عيوب وليهم مميزات ولو ركزت فى العلمانين والسلفيين هتلاقى انهم بيتنوعوا على حسب فكر الشخص نفسه وده انا تكلمت فيها قبل كده يبقى طالما الكل فيه اخطاء وطالما الكل فيه عيوب طيب متيجوا نطلع من نظام القوالب ونتعرف عن الاخر بدون وسيط بدون وصايه من حدا نرجع للموضوع اليى التوبيك معمول علشانه بيفكرنى بغزوة الصناديق اليى كان قائدها الشيخ يعقوب اليى قال كلام لا يمكن ان يصدر عن عالم ربانى يعلم تماما انه محاسب عن كل كلمه يقولها امام الله فتم تصوير ان نعم تعنى الاسلام ولا تعنى الكفر والضلال ونفس الموضوع يتكرر بان من وراء المظاهرات الان هم الملحدين والعلمانين والكفره عليهم من الله ما يستحقوا وخلاص نستخدم فزاعة السلفيين لرعب المسيحين ونستخدم فزاعة العلمانين والملحدين لرعب المسلمين عامه والسلفيين خاصه وسبحان الله الطرفيين بيقعوا فى نفس الخطاء يعنى العلمانين يزعلوا قوى لما يقروا الكلام ده وفى نفس الوقت يستخدموا نفس الاسلوب مع السلفيين والعكس السلفيين يستخدموا نفس الاسلوب مع العلمانين يااااااااااااااااااااااااااربى نرجع للتوبيك تانى معلش انا اسف دلوقتى فيه ناس بتدعوا اليى المظاهرات اه فيه وفيه ناس كمان قالت عليها ثورة مصر الثانيه طيب قبل ما تتهم اى حد بانه وراء المظاهرات دى شوف الاول ايه الاسباب التى ادت الى قيام بالدعوه الى المظاهرات دى يعنى موضوع زى الامن والاستقرار فى البلد واليى ادى الى تعطيل الاقتصاد والسياحه وقارفين اهلنا كل شويه يقولك احنا بنخسر يوميا اربعين مليون دولار وطبعا معروف اننا بنسمع عن المبالغ اليى بنخسرها بس لكن اليى بنكسبها مافيش حد بيجيب سيرتها خالص اذن سبب المشاكل اليى كلنا فيها دلوقتى هو موضوع الامن والاستقرار فى البلد سواء كانت مشاكل ( اقتصاديه _اجتماعيه ..الخ ) كل المشاكل دى سببها ان مافيش امن فى البلد طيب ومين مسؤل عن الامن فى البلد هل هم العلمانين والملحدين ولا الدوله اكيد الدوله طيب وليه الدوله لحد الان فيه تراخى فظيع فى حل المشكله الامنيه !!!!!!!!!!!!!!!!!!!!!!!!!!!!!!! ليه يا ساده اليى خلى الناس تتحول وتتطالب بالمظاهرات من تانى والبعض اخذته الحماسه انه يطلق عليها ثورة مصر الثانيه هو ان فيه شبه تعمد من عدم حل المشكله الامنيه الموضوع ليس له علاقه لا بالعلمانين ولا الملحدين ولا البطيخ اليى عمالين نردده ونعيد ونزيد فيه ونستخدم نفس الاسلوب اليى بنزعل قوى لما يُستخدم ضدنا ياريت نكون عقلانين شويه ونبطل نستعمل موضوع الفزاعات والشماعات دى رأى الشخصى فى المظاهرات ولا الثوره نمبر تو انا لا اوافق عليها وانا ضد تماما الوقوف ضد الجيش او اقصاء الجيش فى المرحله اليى احنا فيها الان لان اقصاء الجيش معناه فوضه مع انى عارف ان فيه تقصير من ناحية الجيش ولكن فى نفس الوقت بقول مافيش قدمنا حل الا ان الجيش يفضل يحكم لذلك انا مع الضغط على الجيش لتنفيذمطالبنا وضد تماما اقصاء الجيش عن الحكم فى الفتره الحاليه وضد ايضاً ان نستخدم فزاعة العلمانين والملحدين انهم الى بيدعوا للمظاهرات والكلام ده ولو فكرت شويه بس هتلاقى ان من مصلحة العلمانين والملحدين ان الجيش يفضل فى الحكم لمدة سنتين فكر فيها وقولى وصلت لايه تحياتى عنبو مش بيخاف من اى حد

أعتقد أن الواقع يثبت عكس العبارتين السابقتين اللتان اقتبستهما من المقالة فالمجلس العسكرى صرح تصريحا شهيرا وقال فيما معناه (( أنه لن يسمح بأن تتحول مصر لدولة دينية وأنه لن يكون فى مصر خامنئى أخر )) اذن الكلام الوارد فى المقالة من أن الليبرالين والعلمانين هم وراء تظاهرة يوم 27 مايو وذلك لأنهم يرون المجلس العسكرى لا يقمع السلفين وأن الاسلامين اقتربوا للحكم أعتقد انه غير دقيق عزيزى المقصود بالدولة الدينية هى ان يحكم رجال الدين مثل ايران مثلا التى تعتمد على الامامة حتى ان المرشد بتاعهم سلتطته وقوته اقوى من رئيس الدولة بلجيكا والنمسا وعدة دول يحكمها احزاب كاثوليكية وبروتستانتية ومجدش فتح بقه بس الاساقفة لا يتدخلون فى الحكم فقط ممكن يكون الحزب ذو مرجعية او او يدعوا الى تطبيق مذهب مبنى على الدين وده اللى بيحصل الاحزاب الكاثوليكية كمثال تطالب بان يكون الانجيل هو مصدر التشريع وان اى قانون يجب ان يكون مبنى على الانجيل وده مسبب لهم اختلاف مع الليبراليين لامطالبتهم بحرية الاجهاض والزنا كمثال ليس معنى كلامى انى اوافق على حزب اسلامى او قبطى مثلا فلنترك الامر للصندوق يجب ان نتعلم جميعا معنى كلمة ديموقراطية والتى ضحى الشهداء بدماءهم حتى نفوز فقط بالديموقراطية يا شباب ارضوا بجكم الصندوق وارجو ان تتحدوا معى ضد من يحاول ان يولى نفسه وصى على الناس سواء اسلاميون او اقباط او مايطلقون على نفسهم مثقفين الشخص الامى له صوت مثل الحائز على جائزة نوبل فى العلوم كل منا له صوت وياريت ماحدش يقول الناس مش عمستعدة او فاهمة للديموقراطية

عاوز رد منك على سؤالي اللي فوق ده و أرجو طالما عرفتنا موضوع الحمائم في المجلس العسكري .. بالله عليك فهمنا هما مع مين في ثورة 27 مايو .. هل ينتظر في 27 مايو ظهور حركة جديدة في الجيش اسمها الضباط الأحرار هل تتوقع إذا إزدادت الأمور تعقيدا أن يقوم الجيش المتواطئ أو المتباطئ بسحب قوات الجيش من ميدان التحرير و من جميع مواقعه هل يوجد احتمال تجهيز ثورة مضادة حاليا من فلول النظام للاستفادة من حالة انشغال الجيش و انعدام الشرطة يوم 27 مايو إيه الخطة الحالية و إيه هي الخطة البديلة في حالة عدم استجابة المجلس العسكري لطلبات الثوار في هذا اليوم .. معلش يا باشمهندس ربنا يكون في عونك مش ملاحق علينا بس ده قدرك و قدرنا .. ردودك التلغرافية مقبولة لفتح المجال لك للرد على الجميع تقبل تحياتي ياعادل بسيطه يعني هيا بقت كده ,, نفسنه بين اتنين مين اللي يحكم الاول انا والا انت !! المجلس العسكري طلع ولا نزل عددهم كام واحد من مئات الالوف من عناصر الجيش ,, المثل يصلح ان ينطبق بعد الانتخابات الرئاسية كمان يعني لو نية النفسنة موجوده حتفضل بردوا قائمة هيا هيا بعد كام شهر ,, عاوزين نلحق ثورتنا قبل ما يستفوا ورقهم وتتسرق قدام عينينا

السلام عليكم و رحمة الله و بركاته موضوع جميل جزاكم الله خيرا أجمل ما فيه ان نخرج عن التنميط و التعميم اتكعبلت في دي بالذات اليومين دول .. كثير ممكن الست نفسها تشارك أكثر فيما يحدث .. و تبتدي تحس ان بيتها و اولادها مقيدينها

أنا بس عندي سؤال برئ أو غير برئ مش مهم ما الواحد بصراحة هيطق هو فين قوات الأمن المركزي وقوات الجيش في القصة دي؟ ماشفناهمش يعني ليه زي ما شفناهم بقوة عند السفارة الاسرائيلية؟ أنا كنت ولازالت ضد اقتحام مبني السفارة الاسرائيلية بس بصراحة مش قادرة أفهم الوضع الأمني في مصر موجود وقت ماعايز يكون موجود وبيتعامل مع النشطاء والمتظاهرين السلميين "حتي لو كانوا مخطئين" بكل حزم ويحاكمهم أمام القضاء العسكري لكن في حالات الفتنة الطائفية والبلطجة بيطبطب والشرطة غير قادرة ياجماعة ولسه بتسترجع قواها والمجلس العسكري يقولك إحنا بنتعامل مع شعب جريح فمنقدرش نتعامل بعنف ؟!!!!!!!!!! هم البلطجية هم الشعب الجريح والشباب هم البلطجية في هذا الزمن؟ يا سيدي أقبض علي الاثنين ....أقبض عليا أنا ....بس بين كرامة والنبي عشان كده بقي الموضوع شكله وحش

تأكد يا ارتكت ان معظم المصريين الموجودين في 25 يناير حيكونوا موجودين في 27 مايو بلا اي استثناء الا النهاية سستتغير بنهاية جواز عتريس من فؤادة باطل وربما يتم تسريح الجيش كما حدث للجيش العراقي قبل غزو امريكا وسيفشل المصريين بعد ذلك في اختيار مجلس رئاسي يدير مصر الا في حالة شراكة هذا المجلس باطنا مع امريكا واذا رفض وظهرت عليه اعراض الوطنية فالتجويع للشعب المصري او الاحتلال بزعم الحماية الدولية لخونة الاقباط

أكيد مفيش شئ ببلاش المهم تكون دماغنا شغالة ، و منشتريش غير اللي إحنا عايزين نشتريه كنت قبل كده حطيت فيديو لأاحد قيادين 6 ابريل بيعترف فيه بنفسه بتدريبه في صربيا بالصدفة لقيت الموضوع ده كاتبه ناشطة سياسية من المشاركة في رحلة التدريب دي ، http://theliberallawyer.blogspot.com/search/label/%D8%A7%D9%84%D8%AA%D9%82%D8%B1%D9%8A%D8%B1%20%D8%A7%D9%84%D8%AE%D8%A7%D8%B5%20%D8%A8%D8%A7%D9%84%D8%B1%D8%AD%D9%84%D8%A9%20%D8%A7%D9%84%D8%AF%D8%B1%D8%A7%D8%B3%D9%8A%D8%A9%20%D9%84%D8%AC%D9%85%D9%87%D9%88%D8%B1%D9%8A%D8%A9%20%D8%B5%D8%B1%D8%A8%D9%8A%D8%A7 المهم إنها اعترفت إن الرحلة تحت رعاية منظمة فريدم هاوس الأمريكية لو قرينا التقرير هنفهم حاجات كتير ، بس أنا شخصيا مبحبش أنشر المعلومات من النوعية دي عشان مشوهشي صورة الثورة للأسف الإعلام مصمم يصدر لنا ناس علي أنهم شباب الثورة ، رغم إن الثورة شعبية بالمقام الأول المهم نفهم إن مش كل حاجة بتتقال صح و بريئة و مالهاش اغراض و نفتكر إن كل الثورات الملونة خلال العشر سنين اللي فاتوا فشلت أقصد فشلت في نقل أوطانها إلي أوطان متقدمة ، الديمقراطية هيا الحل

واحد سأل واحده !!!! اديكى حتة شوكولاتة و اقعد على الكرسي جنبك ؟ قالت له : طيب.....! راح قالها: اديكى علبة شوكولاتة......... و اقرب اكتر؟ قالت له : طيب....! راح قالها تانى: طيب ايه رأيك....... اجيبلك كنافه........ واحط ايدي على كتفك؟ قالت له: شكلك حاتجيب لي شلل قبل ما تبوسني

بعد خروج سوزان واحتمال سفر مبارك المانيا للعلاج والأستعباط اللي حاصل بقي شعارنا . . . . .... . . . . . ارفع ضغطك فوق .. انت مصري .... :egyflag:

اللي جاي مش اسؤ من اللي فات مش هايكون اسؤ من الست سنين اللي كنا بنحارب فيها اسرائيل والقناه مقفوله خالص وفلوسنا كلها رايحه للمجهود الحربي فاكرين زمان لما كان في ازمه في الصابون والناس كانت بتبشره عشان تغسل بيه ولا ازمه السكر ولا الشاي بتاع التموين ولا الزيت والسمن اللي بالبطاقه ولا ولا..... وكل ده الحمدلله عدي ومصر زي الفل وبكره بأذن الله احسن غدا دوما يوما اخر

هل نجح عمر سليمان في الانقلاب الذي اشار اليه ؟

يا عم هات الفلوس بس والآلية علينا

والله ربنا يستر أظن آلية ظاهرها فيه الرحمة ، وباطنها من قبله العذاب فعلا اللقمة من الفأس قبل الكلمة من الرأس ، كما قال الشيخ الشعراوي رحمه الله ربنا يحررنا من عبودية المعونات التي قيدت قرارنا ، وجعلته رهن إشارة أصحاب المعونة تحياتي ..

هرب حسني مبارك من المحاكمة و . . . . .... .. . . .. .طلع فوق شجرة فجاله علي صالح (رئيس اليمن) وقال له: خلاص يا حسني انزل ولك مني 200 ألف دولار .. فرفض مبارك .. وجاء معمر القذافي ومعه منشار قال له: انزل يا حسني قبل ما اقطع الشجرة فنزل مبارك ، علامات التعجب ظهرت على وجه (رئيس اليمن) فقال غاضبآ: كيف وانا عرضت عليك مبلغ ورفضت؟ . . . . فأجاب مبارك : أنت كدااااااااب بس القذافي مجنون ويعملها

اجعل مقدمة قلبك حديقة غناء تمنح أصدقاءك الحب والورود والسلام والابتسام بوضوح، وخلفها مقبرة لدفن عثراتهم وأخطائهم ونزقهم بصمت

ايه العالم دى ديانتها ايه ؟ ولاءهم فين اقرب المقربين وكاتم اسرار رئيس الجمهورية اسرائيلى ؟ لواء طيار حربى بالجيش المصرى ومعاه جواز اسرائيلى ؟ يا داهية دوقى فين اقوى جهاز مخابرات فى العالم فين الناس الوطنيين اللى كانوا فى المخابرات العامة والمخابرات الحربية ماكنش فيهم راجل يعلن الكلام ده ؟ شكل البلد كانت متحزمة وملفوفة باخطبوط عملاق له دراع فى كل مكان ده انا خايف بجد ومش هزار يطلع انهم باعو الهرم او اجروه نفسى اشوف مبارك هيقول ايه وهو كان مقيم عنده فى ال10 سنين الاهيرة وشريك ابنه ياترى هايقول ما اعرفش برضوا ولا ماجاش فى التليفزيون انه اسرائيلى يارب ارنا فيهم عجائب قدرتك اللهم احشرهم مع من احبوا ومن خدموا

طيب ايه رأيك ياتيمور انا في يوم الخطوبه -ده غير يوم الفرح اللي فوق- كان عندي فتح مالي لمناقصه مهمه في جامعه عين شمس واتأخرت في الجلسه وبعدين وانا برضه رايح اجيبها من الكوافير كانوا اصحابي سبقوني علي هناك وانا كنت متأخر ومش لاقي تاكسي روحت راكب الاتوبيس-المكيف ابو 2 جنيه عريس بقي-بغايه قبل الكوافير ب300 متر روحت نازل وراكب تاكسي ب2 جنيه عشان البرستيج وكده يعني تخيل تدفع 4 جنيه عشان تروح فرحك والله الجوازه دي جايه عليه بخساره كان زمان ثروتي زياده 4 جنيه دلوقتي

في إسرائيل يقبضوا عليك اتفوووووووه عليك اللذين يأكلون الحرام ويبيعون وطنهم ومقدراته ثم يلجأون الي الاعداء لحمايتهم ثم يصطدمون بان من يرتمون في احضانهم يبيعونهم بابخس الاثمان ويسلمونهم عند اول طلب اللذين يكون ختام حياتهم وعمرهم هو الاهانة والفضيحة لهم ولابنائهم ولاحفادهم بعد اعمال سلب ونهب لم تشبع شهواتهم وحبهم الجم لجمع المال اللذين باعوا مصر وقبضوا ثمنها مقدما وكانوا يظنون انهم امنوا مكر الله فكان ربك لهم بالمرصاد اللذين يقبض عليهم بعد ان لجأو الي اسرائيل يجب ان لا تأخذنا بهم شفقة او رحمة واطالب باعدام هذا الرجل بعد ان يسلم لنا كل ما جمعه من اموال حرام وحتي لو لم يكن الخبر صحيح فلماذا هو هارب حتي الان ومختفي ولماذا لو كان شريف لماذا لا يواجه الجميع وان يثبت انه شريف وهل هو اكرم من سيده وولي نعمته هذا الرجل الهارب عن يد العدالة والذي جمع المال الحرام يجب ان يقبض عليه وان يطارد كلص وحرامي بلادى .. بلادى، لك حبى وفؤادى، لك حياتى ووجودى، لك دمى ونفسى، لك عقلى ولسانى، لك حبى وحياتى، فأنت أنت الحياة، ولا حياة إلا بك، يا مصر..

د/أيمن شكرا لمداخلتك ومرورك كلما ازداد الإنسان فهماً لدينه ازداد إقبالاً على الحياة و انتفاعاً بها .. و استمتاعاً بمتعها المشروعة العديدة ، و قويت همته أيضاً على استثمار رحلته القصيرة في الأرض فيما يقربه من ربه و يرشحه للسعادة الأبدية في الدار الآخرة عبد الوهاب مطاوع

شهيق زفير بحاول....اطفو..فوق اي وجع

انتوا دخلتوا في الراجل شمال كده ليه يا اخوانا الفاضل اسامة ناقل الخبر بس و معقب عليه بان مش وقته خالص الموضوع دا انتوا قريتوا التعقيب و لا اكتفيتوا بالخبر بس و بعدين حوار ان ما حدش بيحب مصر و صعب تلاقي و الكلام دا اقولكم كلمة الرسول صلى الله عليه و سلم دعوها فانها مُنتنة

لما كنت في اسكندرية و ابقى في المود اللي مش لطيف ابدا دا كنت بانزل اقعد على البحر كده و اتكلم معاه بس يا خسارة مفتقدة اسكندرية و مفتقدة البحر اوي

قال لها .. أترين القمر ..؟؟؟ . . . . ............................ . قالت له .. نعم فهو هنآآآك .. أتراه ؟ قال لها .. أين هو ..؟ قالت له .. أنظر الى السمآء لتراه ..!!!ا قال لها ... لما أتعـب نفسي بالبحث عنه وهو بجآنبي فقـالت له : انت حمار هو في قمر على الأرض o_O" فقال لـهـا: عندك حق أنا الى ابن 60 كلب اصلا انتى وشك مش وش رومنسيه غورى يا بت

بكره تكون فنان مشهور .......عايزين ناخد جنبك صوره

هذه فقط كفيلة بنسف السلم الوطني ، كيف سنختار مجلس رئاسي وطني في هذه المرحلة العصيبة التي تشهدها البلاد والغالب عليها صفة التخويين بين جميع أطياف الوطن أرجو توضيح آلية عادلة تضمن لنا هذا ولو تم توضيح هذه الآلية ، فمن سيأمن لك تنفيذها في ظل ما تشهده البلاد من حالة إنفلات أمني ، وحتى الجيش أنت نحيت مجلس قيادته وصاحب قراره عن موضعه ومكانته وسحبت ثقتك منه ، فمن يضمن لنا أنه لن يتحول كما تحولت الشرطة و "يبلط في الخط" وحتى لو أخترت مجلس مدني وطني بنجاح ، فمن سيضمن لنا التوافق بين قياداته في وجهات النظر ، هذا طبعا لو تم إختيارهم بطريقة تعبر عن تطلعات الشعب صراحة أنا أؤيد رأي الفاضل التونسي

مليونيه يوم 27 مايو ..أه ... ثوره تانى... لأ ضغط على المجلس العسكرى .. أه ... مواجهه وتخريب.. لأ

انا كمواطن عادى ماذا استفدت من الثوره حتى احميها على العكس انا كمواطن عادى تضررت من الثوره وبلاش الرد على من الاخوه الاعضاء بخطب حماسيه خلينا واقعيين مصر دخلت فى فوضى وستظل فى فوضى لفتره ليست قصيره ليس العيب فى الثوره وخلع الفاسدين ولكن العيب فى الخطوات التى تتم الان ارى ان الكل يعمل لمصلحته الخاصه تمت كام مليونيه لمحاكمه الفاسدين....استفدنا ايه ولا حاجه مليونيه علشان فلسطين....انا استفدت ايه ولا حاجه مافيش بنزين ومافيش انابيب بوتاجاز ولم نسمع على اى مليونيه ارجوا الرد وسرد ماهى المكاسب التى استفدتها انا الان كمواطن عادى يمكن تكون فيه مكاسب انا مش حاسس بيها ب ومنذ متى يا أبو هنا مكاسب اى ثورة فى العالم تظهر بعد شهرين او ثلاثة !!!؟ الثورة الفرنسية التى صنعت فرنسا التى ينظر لها العالم الان باجلال واحترام ظلت لفترة عشر سنوات بالتمام والكمال فى حالة ثورية وانفلات امنى وليس شهرين فقط ( اللى حضرتك زعلان بسببهم ) , وبعدها العشر سنوات بدات فرنسا فى حصد ثمار ثورتها طبعا ليس معنى كلامى انى سعيد لهذه الاضرابات ولكن هو رد على من يردد ( هو احنا شوفنا ايه من الثورة ) يا ابو هنا : الثورة مثل الاسثتمار المالى تنفق عليه فى بدايته الكثير ثم بعد ذلك تبدا فى جنى ارباحه تحياتى لك

جامده دي يا أرك بس معاك حق ... مهما استخدموا من بلطجية في الشوارع وعلى مواقع الانترنت لتخويفنا فعجلة الزمن لن تعود الى الوراء الشعب المصري نال حريته مع احترامي الكل لحضرتك استاذ احمد مين تقصد هنا بالمهزومين اللي بيتكلم عليهم باشمهندس تيمور؟ الكل عارف هنا اني مع الثورة و اللي حصل لان كانت امنية حياتي اصحى من النوم على خبر مبارك ما بالك بقى لما يبقى عايش و نشيله من جذوره هو و شلة المجرمين بتاعته دا كان حلم و الحمدلله اتحقق انا دلوقتي حاليا خرجت نفسي من جروب 6 ابريل و كمان ائتلاف شباب الثورة لاني حسيت فيهم بحاجات بجد قرفت منهم انا اسفة في اللي هاقوله بس دا اللي وصلني منهم مش الكل عشان التعميم خاطئ دائما منهم متعاليين و مندفعين و متهورين و دماغهم فاضية و لا مقدرين اي مسؤولية مثال احنا في اللي احنا فيه دا و المصايب من كل اتجاه و دول عمالين يقوموا الدنيا و يقعدوا عشان مصطفي الفقي مالكم انتوا و مال الجامعة العربية اصلا دا عمرو موسى اللي كنا زمااان مش شايفين غيره و حزنا كلنا لما ساب الخارجية و راح الجامعة العربية و كان لسا في عزه عمل ايه؟؟؟؟؟؟؟؟؟؟؟؟ يعني ايه مصر ترشح واحد و خلاص يعلن الاسم و دول بيدعوا و بيتأمروا و يقولوا مصر تسحب ترشيحه ايـــــــــــــــــه انتوا ميــــــــــــــــن فاكرين نفسكم مسكتوا البلد و لا ايه؟؟؟؟؟؟؟؟ نظام التعالي و العجرفة اللي عايشين فيه دا بجد خلى ناس كتير تقرف منهم كنت اول الثورة مستنينة بس يعلنوا عن حزب يضموهم فجأة يستضفهم عمرو اديب ها هاتعلنوا حزب امتى ما فيش وقت يتفرد كل واحد فيهم شوية لا و الله ما هانقدر نعمل حزب واحد دي كانت اول صدمة بجد مصيبة تانية من المصايب اللي خلتني مش عارفه الناس دي بتفكر ازاي لما الظباط اللي راحوا يوم جمعة المحاكمة و حصل اللي حصل و تدخل الجيش و جاب الظباط اظن فاكرين يطلع الاخ ناصر مع منى الشاذلي يقول ايه احنا لم ندعو للاعتصام ابدا و مع ذلك لو في ناس عاوزة تعتصم انا لازم اقعد معاهم ليه يا ابني عشان دا مسؤوليتي اني ما اتخلاش عن الناس لا يا كتكوت مسؤوليتك انك تحافظ على البلد مسؤولية حضرتك انك لما تشوف شئ ممكن يضر تقوم تقنع الناس اللي انت اصلا ما تعرفهمش و لا دعيتهم لانهم يفضوا المولد في المعاد عشان ما حدش يتضر فا معلش هما اصلا مش عارفين عاوزين ايه و بعضهم نفش ريشه زي الطاووس زي واحد كده كان عمرو اديب مستضيفه عمره 20 سنة كان بيتكلم و يزعق بشكل مستفز جدا و متعالي بشكل مقزز دلوقتي في مصلحة عامة لازم الكل يحترمها و يحافظ عليها لو عاوزين البلد دي حالها يتعدل بجد لا الاعتصامات و لا المليونيات دلوقتي تجيب اي نتيجة الحل الوحيد دلوقتي الالتزام بالقانون اللي بيفرضه الحاكم الفعلي للبلد حاليا و هو المجلس العسكري و العمل و الانتاج بايدنا و سنانا دا اللي يقوم البلد تاني لما كل واحد يبقى عنده حاجه تشغله ما اعتقدش هايكون في مجال لمصايب زي اللي حصلت امبارح لما يكون في عمل ما حدش هايبقى فاضي يروح يتفرج على خناقة و يزود عدد الواقفين من باب التسلية كنت فاكره الشباب اللي كله ديناميكية دا هاينزل للناس بتوع المطالب الفئوية يقوموا بدور الوسيط بينهم و بين الحكومة اللي اختارناها و اخترنا المحترم عصام شرف كنت فاكره ان الشباب اللي كله تنظيم و ديناميكة دا هاينظم لجان شعبية و يقوم بدوره في حفظ الامن لمساعدة رجال الشرطة الشرفاء الموجودين كنت فاكرة حاجات كتير لكن للاسف مش كل اللي الواحد بيفتكره بيكون صحيح بس عشان ما ابقاش جاحدة باتقدم بكل تحية للشباب اللي بيشارك في الوفد الشعبي لدول افريقيا و يا رب يدوم انا اسفة اتكلمت كتير و يمكن يكون يا عمو ابو محمد كلامي خارج الموضوع بس الجملة اعلاه استفزتني جدااااااااا

هو رد متأخر صحيح شوفي يا ستي انا كنت عكسك تماما يعني باشتغل و لما اقابل سيدات ربات منزل كانوا لما يعرفوا إني باشتغل يحرقوا دمي بحاجتين لو قلت اني باشتغل و بس يقعدوا يحسسوني اني مجرمة في حق ولادي و انهم امهات عظيمات و انهم بيهتموا بولادهم و انا لا و لو عرفوا ان الشغل ضروري عندي ماديا و أنه أساسي عشان الحياة تمشي يحرقوا دمي بنظرة فوقية اني ياحرام حياتي صعبة و اني محتاجة يا عيني و متبهدلة و همة متهنيين و متستتين و طبعا يتنهدوا و يتصعبوا على حالي و يمصمصوا شفايفهم بل ان فيهم من كن يعطينني نصائح من اللي تخرب البيوت خراب مستعجل انتي هالكة نفسك ليه؟ هو اللي لازم يهلك و يشتغل شغلانة و اتنين و تلاتة قصر الكلام ان محدش بيسيب حد في حاله و لازم يطلعوكي انتي اللي غلط ايا كان وضعك لأنهم شايفين ان همة بس اللي صح و ما عداهم غلط طبعا دمي كان بيتحرق قبل ما الاقي الورقة في شنطتي اللي قالت عليها لماضة و اللي مكتوب عليها طز أيوة طز في أي حد عايز يعكنن عليا طز في أي حد عايز يفرض عليا إن رأيه بس هو اللي صح طز في أي قالب الناس متكيفة معاه و مصرين يضعونني فيه صدقيني يا ذهبية احنا اللي بنسمح للناس يدخلوا عقولنا و يعبثوا فيها و يبرمجونا ببرمجتهم كل واحد ادرى بظروفه المهم تكوني مرتاحة من جواكي لاختياراتك و ما تحسيش في يوم انك مجبرة عليها من أكبر السلبيات في الحياة المقارنات كل انسان حالة لوحده و لا يشبه أي أحد غيره حتى لو كان توأمه المتشابه اوعي تقارني نفسك بحد و لا تسمح لحد يعمل معاكي كده قارني نفسك بنفسك كنتي ايه و بقيتي ايه؟ هل انت مبسوطة باللي انتي فيه واللي حققتيه؟ هل طريقك اللي ماشية فيه عاجبك؟ هل تطورتي التطور اللي بتتمنيه و الا واقفة محلك سر؟ قارني ذهبية امبارح بذهبية اليوم و شوفي اذا قربتي و الا بعدتي عن ذهبية اللي عايزة تكونيها في المستقبل هو ده بس المعيار الحقيقي للمقارنة من وجهة نظري طبعا :wub:

السلام عليكم ورحمة الله... أختى العزيزة ذهبية... بأعتذر بشدة لانى لم أتابع الموضوع فى حينه وإنشغلت بعدة أمور خاصة...وفاتنى أن أنتبه لمداخلتك الهامة هذه....فأرجو أن تلتمسى لى العذر... أختى الفاضلة...بعد قراءة مداخلتك أكثر من مرة...وفى كل مرة أجدنى أنفعل بشدة..فأتراجع عن الرد عليك ..ثم أعاود القراءة فتنتابنى نفس مشاعر الغضب ..فأتريث حتى أهدأ...لانى أولا لا أميل الى اصدار أحكام على أشخاص لا أعرفهم...ثانيا ..دائما احب ان استمع الى الحكاية كاملة ولا استطيع ان احكم من خلال نصف الحكاية فقط... ولكن...ما قرأته من خلال سطورك ومابينها..وماتحمله من معاناة ... ولانى أعلم علم اليقين أن نموذج هذه "الصويحبة" منتشر كالنار فى الهشيم....فسأتكلم بشكل عام عن هذا النموذج من النساء...بعيدا عن كونها "ست بيت"..أو "امراءة عاملة".... فهى فى النهاية نموذج سىء شاء قدرك أن تقعى ضحية لها لتحقنك بسُمًها الزعاف ...فأصابتك بالكآبة والسخط على حياتك كربة بيت ، وكأنك قد خسرتى دينك ودنياك وآخرتك وكل ماتملكين عندما قنعت بدورك كربة بيت وذلك بمقارنتك بها هى كإمرأة عاملة تشعر بالاستقلال المادى عن زوجها ، وبأن زوجها هو الذى يحتاج إليها بينما أنت تعيشين عالة على زوجك . بل وصل بها الأمر أن يأستك من مستقبل أيامك حيث ستشعرين بالوحدة وبالفراغ عندما يكبر أبناؤك ويصبحون فى غير حاجة إليك ، ومن ثم فقد جعلتك تيأسين من حاضرك ومستقبلك. أقول لأختنا الغالية ذهبية ان المشكلة هنا أن حضرتك إستسلمتى لإحدى العقارب البشرية وتركتيها تحقنك بسُمها ، فاللوم كل اللوم عليك لانك استسلمتى لها وتركتيها تعيث بأفكارك وحياتك فساداً، فنحن لا نستطيع أن نلوم العقرب على أنه يحقن الآخرين بسمه لأن هذه هى طبيعته ، وسيكولوجية العقارب من البشر لا تختلف كثيراً عن سيكولوجية العقارب والأفاعى فى عالم الحشرات والحيوان - وإن إختلفت أدوات التسميم - فأحياناً ما يكون اللسان أكثر سُمَية من زبان العقرب أو أنياب الأفعى . الحقيقة لا أعلم من أين لها أن تصنف أنك محتاجة لزوجك وهى لأ....ومن أين لها أن تقرر أن أولادك سيتخلون عنك أما اولادها هى فلا...ومن أين لها...ومن أين لها وكيف تستطيع أن تخطط للكون كله وكأنها ملكت الدنيا بحذافيرها .. من أين لها كل هذا اليقين ومن أين إمتلكت الحقيقة المطلقة لكى تصنف الناس على هواها .... سبحان الله...أتخطط هنا والأن للمستقبل المجهول ؟ ، هل أوتيت علم الغيب مثلا ، أم يهبط عليها الوحى من السماء ؟ أليست معرضة لان يطلقها زوجها لأى سبب...أو تقوم هى بخلعه مادامت بهذا الجبروت والتسلط؟...هل أيقنت انها ستستمر فى وظيفتها الى مالانهاية؟ ثم أين هى تلك الوظيفة التى تدر دخلا يجعلها تستغنى عن زوجها ، إنها تحتمى بوظيفة زائلة ومهما إعتلت مناصبها سينتهى بها الأمر إلى التقاعد والمعاش ، وعندئذ يتضائل دخلها بحيث لا تملك ثمن الدواء ...وينشغل عنها أبناؤها ولا تجد مايكفيها لتدفعه رسومااً لدار المسنيين عندما ينفض أبناءها هى عنها لأنهم كما قالت متعودين يخدموا نفسهم ومتعودين على عدم وجودها بينهم تضمهم فى صدرها بحنان... فلماذا تتوقع السوء لغيرها ، وتتوقع لنفسها كل خير ...؟ ألديها مفاتيح السماء ؟ أم أعطيت مفاتيح الأقدار ....وهل هى آمنة على يومها أو غدها فى عالم يصدق فيه القول "سبحان من له الدوام"..." كل يوم هو فى شآن" حقيقى لا أعلم من أين أتت بهذا اليقين الذى يشعرها بالأمان المطلق فى عالم ملىء بكل الاحتمالات ، وفى غيب لا يعلمه إلا علام الغيوب ...فلتتقى الله هى ومن هن على شاكلتها ولتقول خيراً أو لتصمت إلى الأبد... فمن لا يرحم لا يُرحم.... ولا تلقى بالا بكلماتها المسمومة فإنها لا تعبر إل عن نواقص تعيشها وتسقطها عليك...واسعدى بحياتك كما أنت...وكما اخترتيها...ولا تيأسى من رحمة الله...فالله موجود يجيب دعوة المضطر اذا دعاه...فادعىه أن يحفظ عليك حياتك ويبارك لك فى أولادك ويجعلهم سندا لك فى الدنيا.... أنت اخترتى أن تكونى ست بيت برضاك...أو غصب عنك ثم تحول هذا الغصب الى رضا من أجل زوجك وأبناءك..فعيشى حياتك كما يحلو لك وبالطريقة التى تسعدك انت وأسرتك...وصمى أذنيك عن سماع مثل هذه الكلمات المسمومة...ولا تدعيها تستمرىء هذا الاسلوب وتمارس عليك نواقصها مرة أخرى... ( أبعتيهالى دى ) :closedeyes: :wub: ربنا يوفقك ويحفظك انت واسرتك خالص مودتى واحترامى... يتبع