لوحة القادة

طبعا انا عارفه انى هاخد مية نقطه حمرا على رأيى ده..لكن!!! احنا ما شاء الله عملنا جمعه الرحيل و جمعه الزئير و جمعه الغضب و و و جمعه ثوره جديده...لكن لو حد اقترح نعمل جمعه ننزل فيها الشغل يوم الجمعه علشان نعوض الاقتصاد الواقع... تفتكروا كام واحد هيستجيب؟؟؟؟

في الأول والأخر ندعو الله أن يكون هذا الخبر صحيح ، وميطلعش في الأخر عبارة عن خبر لجس نبض الشارع زي خبر [ خطاب الاعتذار والعفو ] أو ممكن تطلع كذبة 24 مايو بدل كذبة إبريل .. بس الاحتمال الأكيد من وجهة نظري أن يتم نقل سجن المزرعة إلى شرم الشيخ أو يفتحو فرع جديد ليه في شرم ويكون التنسيق تابع لوزارة المالية .. والقبول فيه عن طريق أكبر أو أكثر مليارات .. مش أكبر مجموع . لما الباشا قاعد يتدلع وعامل فيها ميت .. ومراته كمان عملت ميته لما سمعت خبر الحبس .. وبقت زي القرد لما خدت البراءة ... ده معناه إيه ؟؟؟؟؟؟؟؟ لإما النيابة بتستهبل الشعب ياإما الشعب فعلاً عبيط [ لا مؤاخذة ] وإللي يلاقي الدلع وميدلعش ، يبقى أهبل .. المفروض إن القانون يطبق على الجميع خاصة وإن فيه إدانه لشخصه .. يبقى المفروض ينسى بقه حكاية ريس أو عربجي .. ويتعامل زي بقية خلق الله .. ولو حرامي غسيل مات في مستشفى السجن لسوء أو عدم تجهيزها ، فده عند أهلو أغلى مليون مرة من ألف واحد زي مبارك .. يبقى المفروض مبارك يترمي بردو في مستشفى السجن زيه زي غيره .. ويتحاكم محاكمة إضافية أخرى على تدني مستوى المستشفى لأنها كانت في عهدة وهو الرئيس المباشر والوحيد لكل حاجة في البلد ورئيس المجلس الأعلى للشرطة.

من قال أن النقاب حرام .. أو أنه ليس من الإسلام ما قد يقوله البعض أن النقاب ليس كل شئ .. وأنه ليس ملزماً بدليل أن هناك كثير من العلماء قد أفادوا بأن الوجه والكفين ليسوا بعورة وأن مخافة الفتنة أمر نسبي .. وأن النظر بشهوة إلى وجه المرأة أمر نسبي .. يصعب قياسة وتحديده في المجتمعات المفتوحة .. والمنفتحة بينما في بعض المجتمعات والتي بطبيعتها يكون تغطية الوجه هو أحد مظاهر الحياة فيها أو أحد التقاليد كما في جزيرة العرب .. فقد يصح القول بأن وجه المرأة فاتن .. ويلزم تغطيته .. ولكن حتى مع ذلك .. فهناك الكثير من المتغيرات قد طرأت جعلت من وجه المرأة ليس فاتناً بالدرجة التي كان عليها من قبل .. حيث أن المجتمع أصبح أكثر إنفتاحاً (قد يصطادني البعض في هذا التعبير ويقول أكثر إنحلالاً من ذي قبل) ولكن ما علينا .. هذه هي حقيقة الأمور .. والأمر أصبح كذلك .. وإنكار هذا الواقع لن يفيد في شئ .. أما إلزام الجميع بتغطية الوجه .. ووصف من لا تغطي وجهها ولا ترتدي النقاب بأنها متبرجة سافرة .. فهذا هو ما قد نختلف عليه ... وقد يرفضه البعض رفضاً قاطعاً .. وتمسك البعض بضرورة النقاب .. وجعله من أولى الأولويات .. قد يضر أكثر مما ينفع .. ويجعلنا نتحدث ونسرف وقتنا في أمور أقل أهمية من أمور أخرى كثيرة ... رأيت بعيني سيدات يرتدين النقاب (في مصر) لأنهن يعملن فراشات أو عاملات نظافة أو يشحذن .. ولا يريدن أن يتعرف عليهن أحد ورأيت نساء تقيات محترمات يرتدين النقاب عن رغبة وإقتناع وإيمان (حباً وكرامة) .. لا يمكننا رفض ذلك أما إذا كان الحديث عن الناحية الأمنية .. فلنفعل في بلادنا كما يفعلون في الغرب .. يجعلون موظفة أو شرطية إمرأة تقوم بتفتيش المرأة المنقبة .. فهم في أمريكا وأوروبا يفعلون ذلك مراعاة لتقاليد المسلمين .. ولا شئ في ذلك أما عن الغش بالبلوتوث من قبل النساء المنتقبات أو المحجبات .. فأي فتاة أو سيدة يمكنها وضع سماعة بلوتوث في أذنها وتغطيها بفورمة شعر بديعة .. تجعل من المراقبين لا يرونها .. المرأة المسلمة ترتدي الحجاب أو النقاب أو لا ترتديه .. كل يفعل حسب قناعته .. وحسابه عند الله أما فرض الرأي على الآخرين .. فهذا أمر عجيب وغير مقبول .. ويمكن لأي شخص أن يفعل ما يريد طالما لا يؤذي من حوله .. ولا يهينهم ولا يقيد حريتهم .. ولكل مكان يمكنه وضع التنظيمات القانونية التي يراها تساعده على أداء مهامه ويجب علينا أن نتعلم ونتفهم أكثر كيف نقبل من يخالفنا الرأي .. أو الدين .. يجب علينا أن نتفهم كيف نتعامل مع بعضنا البعض .. بدلاً من أن نتصارع

ممكن اعرف انت جبت الأسامى دى منين وبعدين الشباب على تويتر وفى كل حته بتقول هناك طلبات توافقية وليس منها تشكيل مجلس رئاسى على الأطلاق هناك اطياف كثيرة تدعو للتظاهر ومنها فصيل ينادى بمجلس رئاسى ومش كل الناس ياريت ما نخلطش الأمور

السلام عليكم اخى العزيز ارش تياراااااات سياسيه كده حته واحده يا ارش الاخوان اعلنوا اليوم انهم مش هاينزلوا فنصف المتظاهرين مش نازلين و السلفيين اللى بقى عندهم نضج سياسى اخيرا و الحمد لله مش نازلين ايضا فادى نصف المتظاهرين الباقين كده لا يتبقى سوى حوالى ال 187 واحد بتوع الليبرالى و التجمع و الناصرى و الاشتراكى و الوحدوى و التقدمى و جماعه (...) ;) ابريل علشان ما تزعلش و دول يا عم انا ممكن اعمل معاهم واجب كنتاكى على حسابى او بلاش فيه مطعم مؤمن فى ميدان التحرير و علشان خاطرك هايكون فيه مشروب و سلطات ايضا مع الساندوشت . :P و بالمناسبه يا ارش حسب متابعتى الشديده لهذا الموضوع لم يذكر سلفى كلمه ...الخروج على شرعيه الحاكم .. هو اصلا فيه حاكم دلوقتى و لا هو اكلاشيه من مخلفات العهد البائد يتم نقله لتبرير الكلام و خلاص . خليك واقعى و حقانى يا ارشرش . :P . .ثم يا ارش سيناريو الاحداث يتماشى مع ما كنا نريده و ادى ابوعلاء فى الجنايات و طبعا مش معقوله الراس الكبيره تشرف على بورش طره و الصبيان ينفدوا ..واخد بالك .. و باقى الطلبات اهون بكتير من موضوع محاكمه مبارك و اعتقد انها كلها على الطريق . اخيرا يا ارش لا داعى لهذا الانتفاخ و التعالى و الكلام على طريقه من انتم ...من انتم تواضعوا قليلا تكسبوا من حولكم

وعلي ماذا تستند في تعريف المداخله الشاتيه وغير الشاتيه الشات لما الاقي احمد كاتب مشاركه اقوله ازيك ياحمد لكن لما اخ يكتب ان تلك بشاير ثوره 27 مايو رايي الشخصي انها ليست شات وليس من الضروري ان يكتبها بتلك الطريقه في حاجه اسمها الايجاز والايجاز غير المخل من البلاغه

http://www.youtube.com/watch?v=PFpXFvoxLf0&feature=player_embedded

للاسف ملقتش الخبر ده غير على البى بى سى و حتى الخبر العربى مش كتوب كويس زى الانجليزى و من غير صور او فيديو الخبر بالانجليزى بالصور و الفيديو الخبر بالعربى من غير صور العثور على اهرامات مصرية مفقودة عبر صور الاقمار الاصطناعية بالاشعة تحت الحمراء كشف مسح جديد بالاقمار الاصطناعية عن عدة مبان قديمة في مصر من بينها 17 هرما. وتم الكشف عن 1000 مقبرة و3000 مستعمرة قديمة بواسطة صور بالاشعة تحت الحمراء تظهر المباني المطمورة تحت الارض. واكدت اعمال التنقيب الاولية بعض الاكتشافات بما فيها اثنين من الاهرامات غير المعروفة سلفا. وتقول د. ساره باركاك: "ان الكشف عن هرم هو حلم كل من يعمل في مجال الاثار". وقادت باركاك فريق البحث الاثري بتكنولوجيا الفضاء في مختبر ترعاه وكالة ابحاث الفضاء الامريكية (ناسا) في برمنغهام بولاية الاباما وتقول انها مذهولة مما اكتشفته هي وفريقها. وتضيف: "قمنا بهذا العمل بكثافة على مدى اكثر من عام وكنت ارى المعلومات وهي تتجمع لدينا لكن لحظة الدهشة كانت عندما نظرت الى كل ما اكتشفناه ولم اصدق انه بامكاننا تحديد مثل هذا العدد من المواقع في مصر". وقام الفريق بتحليل صور اقمار اصطناعية تحلق على ارتفاع 700 كم فوق الارض ومزودة بكاميرات من القوة بحيث يمكنها تحديد اي شئ على سطح الارض يقل نصف قطره عن متر. واستخدم التصوير بالاشعة تحت الحمراء لتحديد المواد المختلفة تحت سطح الارض. وبنى المصريون القدماء بيوتهم ومبانيهم الاخرى بالطوب اللبن غير المفخور المصنوع من الطمي وهو اكثر كثافة من التربة المحيطة به وهكذا يمكن رؤية اشكال البيوت والمعابد والمقابر. تقول د. باركاك: "ان ذلك يوضح لنا مدى سهولة ان نقلل من قيمة حجم ومدى المستوطنات البشرية في الماضي". وتعتقد الباحثة الامريكية ان هناك المزيد من الاثار التي يمكن اكتشافها. وتضيف: "هذه فقط المواقع القريبة من السطح. وهناك الاف عديدة من المواقع التي طمرها النيل بالطمي. هذه مجرد بداية لمثل هذا النوع من الجهد". وتتبعت كاميرا بي بي سي د. باركاك في رحلتها "المثيرة" حين سافرت الى مصر لترى ان كانت اعمال الحفر ستؤيد ما كشفته التكنولوجيا التي تستخدمها. وفي الفيلم الوثائقي لبي بي سي بعنوان (مدن مصر المفقودة) يزور الفريق منطقة سقارة حيث لم تكن السلطات مهتمة في البداية باكتشافات الباحثة. لكن بعدما ابلغتهم د. باركاك انها شاهدت هرمين قاموا باعمال حفر استكشافية ويعتقدون الان انه واحد من اهم المواقع الاثرية في مصر. الا ان د. باركاك تقول ان "اكثر اللحظات اثارة كانت زيارة مواقع الحفر في تانيس". وتضيف: "لقد عثروا على منزل يعود عمره الى 3000 سنة كانت صور الاقمار الاصطناعية كشفته ويتطابق شكل البيت الحقيقي مع الصور بشكل كامل. كان ذلك اختبار فعالية للتكنولوجيا". ومن بين الامور الاخرى، تخطط السلطات المصرية لاستخدام تلك التكنولوجيا لحماية اثار البلاد في المستقبل. فخلال الثورة الاخيرة تمكن المخربون من دخول بعض المواقع الاثرية المعروفة. وتقول الباحثة: "يمكننا باستخدام الصور معرفة ان قبرا نهب في فترة زمنية محددة ويمكننا ابلاغ الانتربول ليراقب الاثار المسروقة منذ ذلك الوقت والتي قد تعرض للبيع". وتامل في ان تكون التكنولوجيا الجديدة وسيلة لمساعدة الشباب على الاهتمام بالعلم وان تشكل عونا كبيرا للاثريين في انحاء العالم.

مصر بعد الثورة زي اللي كان أعمى و فتح ... بس من الفرحة اتشل

هما كده ,, لو شافوها نجحت حينزلوا زي ما عملوا معانا في 25 يناير شوف اللينك ده ,, الدستور \\ الإخوان لن تشارك في مظاهرات 25 يناير \\ اضغط هنا أخي العزيز تيمور فاكر يوم 24 يناير أنا كنت سهران معاك في توبيك 25 يناير و أنا كنت من المعارضين للثورة يعني أنا اتحط في خانة ( هما كدة ) اللي فوق دي بس إنت ليه مش عايز تكمل الحكاية بعد كدة إنت فضلت في السعودية و أنا في مصر بيضرب عليا نار على أدام بيتنا و ربنا وحده سلم إنت كنت سهران طول الليل تعبان متابع الأخبار على النت .. و المصريين كلهم سهرانين كل ليلة في رعب ماشوفتهوش وهو محاوط على أمك وأختك و زوجتك و أولادك وأنت لا تجرأ أن تغمض لك عين و تبيت في الشارع في عز البرد مع كل المصريين .. كل المصريين وليس تيار سياسي معين إنت منزلتش ميدان التحرير يوم 25 يناير ... و ملايين نزلو ميدان التحرير لم يكونوا من اللي موافقين عليها من البداية زيي كدة .. نزلت أيام الثورة و ليس بعدها و رأيت هناك رجلا بسيطا في الأربعينات جاء لميدان التحرير على كرسي متحرك و لا أظن أبدا أنه ينتمي لأي تيار سياسي .. لأنه مصري زيي و زيك .. مصري و بس الخلاصة احنا دايرة مع بعض .. بنكمل بعض .. مش ضد بعض .. إنت دعيت للثورة بس اللي شال الثورة على كتافه و ضحى بحياته عشانها هو الشعب تبقى الثورة مش بتاعة حد بعينه .. الثورة دي ثورة شعب ووحده الله من كتب لها التوفيق في 18 يوم فقط ... فارجوك شيل من قاموس كلماتك احنا و هما و تقبل كل التحية و الاحترام

نفس الاسطوانة النقاب يتخفى ورائة المجرومون - طالبة غشاشة - عشيق ...الخ اذا الحل هو منع النقاب طيب سؤال كم مرة ذكرت الجرائد عن مجرمين تخفوا فى زى الشرطة و نصبوا على الناس ؟ كم مرة امراة اختبات فى زى ممرضة و اختطفت احد الاطفال ؟ كم مرة تنكر المجرمون بشعر مستعار بشوارب مستعارة و اختباوا خلف نظارات و أغطية راس ؟ لماذا لا نمنع زى الاطباء و رجال الشرطة و الشعر المستعار او نقيم الدنيا و برامج تليفزيونية و نقاشات ؟ الم يكن النقاب معروفا قبل ثورة 23 بين النساء و معروفا بين و مازال بين البدويات و الاعراب فى سيناء و المناطق الغربية لمصر مع ليبيا و بعض الفلاحات الكبيرات فى العادة تمسكن الطرحة وتضعها على فمها و انفها اثناء السير فى المدن او عند بيع البضائع الريفية لماذا النقاب اصبح مزعجا عندما اصبح تديناوليس من قبيل العادات ؟ و هل الغش فى الامتحانات مقصور على النقاب فقط الم يكن موجودا بطرق كثيرة قبل انتشار النقاب و بالنسبة لسماعة البلوتوث يمكن للطالبة وضع السماعة و هى تغطى راسها بالطرحة بدون نقاب( كما هومعروف ما يقرب من 90% من نساء مصر يغطين شعورهن) وزميل او زميلة يخرج قبل الميعاد و يمليها الاجوبة ثم تقول ان السلف كانت فتواهم مبنية على الاشتهاء و الزنى و الفتنة الجنسية !!! اتق الله يبدو انك تقرأ كثيرا لفرويد و يبدو ايضا ان اقامتك بامريكا اثرت عليك راجع نفسك

احم احم محدش يزعل الفرق بين طريقه كلام البنات والولاد فى الموبايل: البنات: ازيك يا دودو ............الحمد لله يا قمر وحشانى تسملى يا جميله لازم نشوف بعض اكيد يا قلبى كنتى قمراية اخر مرة و لبسك شيك كلام حلو لكن جوا قلوبهم نفسنه 24 ساعه + غيرة الشبــاب ازيك يا زفت عامل ايه يا حيوان تمام واحشنى يا ندل مش بتسأل هشوفك النهارده متـاخرش كعادتك يا معفن تعالى علشان اظبط اهلك بلاى ستيشن مع السب والشتم لكن كله محبه واخلاص

المشكلة ان الناس نازلة لاهداف شتى و وارد جدا حدوث اختلافات و احتكاك داخل الميدان و ساعتها بجد هنبقى مطمع لاي مجموعة منظمة ناوية تسرق البلد من تاني يا ريت اللي نازل يكون هدفه الاول قبل اي حاجة ان الوقفة دي متفرقناش اكثر من كده ربنا يستر و يحفظ بلدنا

أناغيرت العنوان يا ابو محمد ليتفق مع خطورة هذا الموضوع الكليب إنتشر من أمبارح بطريقة كبيرة جداً . وفي حملات واسعة على النت وخصوصاً موقع كلنا خالد سعيد ... بمعاقبة الحيوان ده اشد عقاب .. أقسم بالله نفسي يتحول للقضاء العسكري وينضرب كل يوم في السجن زي ما كان بيعمل في الأطفال الأبرياء دول - أنا مش فرفور أو متخرج من مدارس السيكر كرير ... لكن كنت في مدارس حكومية .. وأنضربنا لما شبعنا ضرب من غير سبب مع إني كنت شاطر ... لكن في إعدادي وثانوي بالذات كان في مدرسين ساديين وبيلطشوا فينا من غير سبب يعني حاجات لا علاقة لها بمستوى طالب أو بتدريس ... لكن أهو الواحد كان كبير وزي الشحط ويستحمل لكن بيبيهات في سن اللعب والمرح والتحبيب والترغيب في التعليم يرعبهم كده الحيوان ده ؟ وشوفت بنتين يا عيني سنهم لا يتعدى 5 سنوات بيعيطوا زي البيبي الصغير اللي لسه بيرضع وده متحجر القلب والأحساس والحيوان اللي بيصور عمال يضحك وكأنه بيصور فيلم كوميدي لأسماعيل ياسين .... والأخت أم نقاب واللي المفروض بتحافظ على دينها وقاعده جنب الحيوان وشكلها مبسوطة ومنشكحه من اللي بيحصل ؟ الغريبة إنه كان عمال يلوش في الكل ومش عاتق .. غير واد في الأخر كده قال له شاطر وغصب عنه ما ضربوش !!! المره الوحيده في حياتي اللي تجرأت وضربت واحده ست ... كانت المُدرسة بتاعت أختي الصغيرة كانت في إعدادي ورجعت من المدرسة معيطه .. عشان الأبلة المتخلفة سألتها سؤال وما عرفتش تجاوب .. راحت سوري خالعه جزمتها وحدفاها بها على طول إيدها ... حلفت لأروح المدرسة تاني يوم وأجيبها من شعرها واضربها في وسط المدرسة على رؤس الأشهاد بنفس الحذاء .. وعملت كده فعلاً وفرجت عليها أُمة لا إله إلا الله ... وقابلت الناظرة وقولت لها حاجه واحدة : إني مع معاقبة أي طالب يُخطيء أو يُهمل ... لكن بالمنطر ده .. دي وحشية ومنتهى الإهانة وحاجات تسبب عقدة للواحد حتى لو كبر وبقى عنده 100 سنة .. وفي الكليب البشع ده ...هل هذه طريقة تعليم لبيبهات صغيرين ؟ هل إحنا قُمنا بثورة صحيح ضد كل أنواع الظلم ؟ هل هاتفضل عقلية التعليم كده طول العمر حتى بعد الثورة .. وهي بالمناسبة نفس عقلية الشرطة ؟ .. يعني يا ابيض يا أسود يعني يا اسود عيشتك وأكره العيال في الدنيا كلها وأخليهم يكرهوا التعليم واللي علموه وأضرب فيهم كأني بأضرب بهيمه .. سوري ده حتى البهائم الناس بتدخل الجنة بسببهم سواء قطط أو كلاب أو عصافير أو ما إلى ذلك يا إما يقول لك : الطلبة تجرأوا على المدرسين لإن الوزارة منعت الضرب .. فخليها تخرب وشوفنا حيوان أخر من حوالي سنتين يضرب ولد في إبتدائي مريض وما عملش الواجب يضربه في قلبة بالشلوط يكومه ميت وأنتشر هنا من فترة ليست بعيده بالسعودية كليب متصور لمدرس في مدرسة سعودية ماسك سلك كهربا غليظ ونازل رزع في طفل في الفصل وكأنه بينتقم منه .. والحكومة إهتمت وشكلهم قبضوا عليه كمان إيه في إيه ؟ إذا اردنا أن نُصلح التعليم .. فهل هناك إختبارات نفسية من فترة لأخرى تستبعد مثل هؤلاء المرضى الخطيرين على المجتمع هم وأمثالهم في الشرطة والجيش ؟ أقسم بالله العظيم ويمين يحاسبني عليه ربنا ... كان عندنا في إعدادي وثانوي مدرسين ومدرسات مرضى نفسيين 100 % ... ومش شرط يكون متوحش كده .. لأ ده في العكس إنه يكون ضعيف لدرجة العبط والهبل وإن ممكن عيل مفعوص يرزعه على قفاه وهو ولا هنا أنا شوفت ده بعيني .. بس ما كنتش منهم يعني ومنهم للأسف .. أسف إني أقول كده .. مدرسات ستات .... ومش هاكمل تفاصيل عشان عيب فهل هذا مقبول في التعليم ؟ ماليش دعوة بالكثافة العددية في الفصول .. أصل المدرسين مرتباتهم قليلة ... أصل الميزانية لا تسمح يبقى لو كده . الأفضل إنكم تقفلوها وترجعوا العيال الكتاتيب وتسرحوا المدرسين ونخليهم يشتغلوا أي حاجه بعيد عن التربية والتعليم . لإن المُدرس بقى عامل زي سواق التاكسي اللي كل ما تركب مع واحد ياكل دماغك من الشكوى من العيش والعيشة واللي عايشينها ... وعُمره ما يكلمك عن دخله من الدروس الخصوصية اللي كثيررررر منهم بيعملوا الوفات شهرياً وأصبحوا ولا رجال الأعمال ومع ذلك يبحث عن 50 ج في إختبارات الكادر .. ودائم الشكوى والتذمر ويقول لك : على قد فلوسهم طبعاً شيء مخالف للضمير والإنسانية وحاجه تقرف

ياباشمهندس تيمور كانت الامور هتبقى حلوة جدا وفي صالح الجميع لو كان حدثت مشاورات واتفاقات لكن الانفراد بوضع المطالب بوجهة نظر فصيل معين يبقى لازم يحدث الانقسام لكن 6 ابريل ومن ورائهم وضعوا المطالب كما يرونها من وجهة نظرهم فقط وعدم الرجوع الى باقي الفصائل وتريدون الان الجميع يخرج ورائكم والله اعلم ما المقصود للاسف كنا نتمناها مظاهرات مليونية تعبر عن الشعب المصري ككل لكن كده هتبقى تصنيفها كمظاهرة فئوية لا غير لماذا ياباشمهندس الانفراد بالمطالب كنت متوقع ان الاخوان هيرفضوا ولازم يرفضوا لانها فعلا مظاهرة فوق مظاهرة اتمنى اعادة ترتيب الاوراق مرة اخرى بعد يوم الجمعة الاي مش هيخرج فيه غير مجموعة صغيرة وان شاء الله الجيش لن يفعل اي شيء امام الاستفزازات التي سوف تحدث واتمنى ذلك تحركت حركة 6 ابريل لفسلطين من قبل دون الاتفاق او اخذ المشورة ماذا كانت النتيجة ====>>>> لاشيء سوى وضع الحركة في حالة من الاحراج الشديد وافتقاد للمصداقية أين شمولية الرؤية ياباشمهندس للحركة ظني ان الحماس تغلب عن المنطق

الخلافة لم يأمر بها الاسلام ولم ينه عنها الخلافة نظام اخترعه المسلمون كأمر دنيوي صرف وجدوا انه يتناسب مع ظروفهم ويمكن تغيره ايضا بما يتناسب مع المستجدات نظام الحكم امر دنيوي وليس له علاقة بالدين

فرفور الاستاذ بيسألة :- قولى 3 حيوانات برمائية . . . .... . . . . . . . . . . . . . قالة :- الضفدع ومامتة واختi

http://www.youtube.com/watch?v=dH672DUX5Mk

كان فيه بلد جميلة اوي اسمها مصر البلد دي كانت فيه اشجار جميله ,, وعصافير خضرا صوتها جميل ,, وبحر ازرق بيسبح فيه الاطفال ,, وحصان ابيض سريع و بيجري بس فجاة ! جم اشرار و حراميه ووحشين دخلوا البلد ! الناس كلها خافت منهم ,,! ودخلوا بسرعه استخبوا جوه البيوت ,, العصافير بطلت تغني والشجر اوراقه وقعت على الارض والبحر بقى لونه اسود ومابقاش حد بينزله والاشرار دول سرقوا الحصان الابيض الجميل وحبسوه جوه بيت قديم ومكسر بقت الناس اللي في البيوت زعلانه وبتعيط كل ماتسمع صوت الحصان كل ليله وهو بينادي عليهم عشان ينقذوه ,, الناس قعدت تفكر تفكر ,, في فكره ,, ازاي تنقذ الحصان الصغير و تطرد كل الاشرار الوحشين اللي دخلوا البلد وسرقوا حصانهم الجميل ,, يتبع ,,

انا اسف يا مدام عطر الجنة والله كنت حقيم موجب وغلطت بالسالب الله يخرب بيته اللب هو السبب تتعوض لاحقا :wub: :wub: :wub: :wub: :wub:

الصفحة الرسمية لرئاسة مجلس الوزراء المصرى عاجل: رئيس الوزراء د.عصام شرف سيلقي بيان هام للشعب المصري بعد قليل علي الهواء 22 minutes ago · Like ·

ربنا يبارك فيك يا استاذ طارق فعلا محتاجين نوحد الناس و نجمعهم على هدف مفيد جمع مباركة ربنا يوقف فيها جنبنا جمع عاوزة الخير و مالهاش اغراض مخفية جمع مش طالبين فيها مطالب غير النهوض بالبلد جمع هدفها مصر و بس و يا ريت حضرتك تساعدنا باقتراحات لنشر الدعوة دي بما ان حضرتك في مصر فكرت اننا نطبع الاهداف بتاعت الجمع دي و نوزعها على الناس في الشوارع و الجوامع و الكنايس نتيجة للألة الإعلامية الضخمة من قنوات فضائية وصحف ذات توجهات معينة ولها تأثير كبير وتتبنى الدعوة للتأليب على الجلس العسكري وتدعو للجمع إياها التي تدعو للخراب والتدمير ونحن لا نملك هذه الآلة وأظن أن المجلس لا يملكها للأسف وأنا عن نفسي حاولت في عدة اتجاهات وياريت يكون لنا إيجابية بدل ما نقعد كل مرة في موقف دفاع وغير فاعلين - ممكن أرسال الفكرة لموقع الإخوان ومواقع السلفيين وغيرهم - يمكن مراسلة القنوات الإسلامية السلفية مثل الناس والرحمة والحكمة وصفا وغيرهم وحثهم على أداء دورهم في هذا الوقت في مواجهة القنوات الأخرى - يمكن مراسة الصحف التي تتبنى الفكرة - يمكن الاشتراك في مواقع ومنتديات الأندية الرياضية المشهورة مثل الأهلي والزمالك حيث ينتشر أنصار الدعوات للجمع الأخرى حيث ينتشر الكثيرون منهم هناك - ولا ننسى دعوة أعضاء المحاورات والمنتديات المماثلة لها ولازم يكون فيه روح تعاون وتوزيع أدوار لأن الإنسان بنفسه مش هيقدر يعمل حاجة وربنا يوفق انا عاوزة اوصل الفكرة للمصريين و مش حابة التصنييف اخوان سلفيين لا احنا عاوزين نوصلها للمصريين لو تقدر حضرتك توصل الفكرة للمصريين اللي قولت عليهم يبقى تمام عن نفسي هاوصل الفكرة لجمعية رسالة و بدورهم ممكن يوصلوها لدكتور عمرو خالد لان في شراكة بينهم في كذا مشروع غير كده مش عاوزة احصر الموضوع في الفيس انا عاوزة الفكرة توصل للناس اللي مالهمش علاقة بالنت الناس اللي بتشتغل بالفعل و ليهم وظايف دول اللي عاوزينهم يروحوا الشغل يوم الجمع بدون مقابل لزيادة الانتاج اما الشباب اللي على النت او الشباب اللي ما بيشتغلش اغلبهم حاليا في امتحانات منتظرة بس يخلصوا و عاوزين نبدأ حملات زي اسبوع النظافة اسبوع التوعية اسبوع العشوائيات و كهذا أنا لسه كنت داخل أقولك على إن جمعة العمل تكون فعلا جمعة عمل وكنت عايز أقول مثلا جمعة النظافة لقيت حضرتك سبقتيني وجمعة التوعية في كل مكان لإعلاء مصلحة مصر وجمعة كشف المفسدين وجمعة لمخاطبة الإعلام التحريضى العميل وجمعة لا للدعم الأجنبي ومقاومة التدريبات الأجنبية للشباب المصريين على قلب نظام الحكم وما يستجد من أمور وهكذا وعموما أنا بدأت بالسلفيين والإخوان لأن لهم دور الآن في مواجهة تخريب مصر لأن الموقف خطير والمؤامرة كبيرة على مصر في الداخل والخارج وما نقرأه كثير جدا

الشيخ متولى الشعراوى وهو احد كبار علماء الدين له نفس رأى المفتى ..اى ان النقاب ليس من الاسلام وعادة سيئة ، بل انه اضاف ساخرا او ضاحكا ان لازم اللى بتلبس نقاب شكلها وحش.. قرأت له هذا الرأى فى جريده اسمها اللواء الاسلامى فى بداية صدورها ، اى ربما منذ اكثر من عشرين عاما ولا اعرف اذا كانت الجريده مازلت تصدر ام لا . والنقاب له مضار كثيره فى عصر خروج المرأه للدراسه والعمل ووجود الاختلاط بين الجنسين ..وكلنا سمعنا عن حوادث ارتداء الرجال للنقاب للدخول الى اماكن مخصصه للسيدات ، او لاخفاء شخصيتهم وارتكاب جرائم يعاقب عليها القانون . وفى احدى جمع ميدان التحرير منذ حوالى 3 اسابيع امسك البعض برجل يرتدى نقابا وقاموا بتسليمه للجيش ، ولم ينشر شيئا عن شخصيته او ما غرضه من ذلك لانه فى اليوم التالى نشرت جريدة المصرى الخبر دون تفاصيل . هو كلام مكرر وليس له اهميه لاننا نعرفه منذ اكثر من ربع قرن ، لكن المهم هو .. لماذاالآن ؟! ..لماذا ونحن فى هذه الظروف الصعبه المكدسه بالمشاكل التى تمر بها مصر ، نجدد موضوعا مستهلكا والكلام فيه يستطيع الانتظار عشر سنوات دون ان ينقص منا شيئ ... هل اثارته الان مقصوده مثل المشاكل الأخرى المفتعله التى ظهرت بعد الثوره لتكون بدورها ثوره مضاده تحاول ان تعيد كل شئ الى ما كان عليه قبل 25 يناير ؟ تحياتى

ما اعتقدش ان امهات المؤمنين كانوا بيلبسوا النقاب للاسباب اللي حضرتك ذكرتها دي يا استاذ محمد و بعدين الاخت اللي مش غشاشة و مش مجرمة و كل اللي عاوزاه انها تبلس النقاب تشبها بامهات المؤمنين نعمل فيها ايه نحرمها من حقها في اختياراتها ليه الاولى اننا ندور على حلول للمجرمين و الغشاشين غير اننا نحرم الناس من حقوقها في الحرية الشخصية اللي ليل نهار بندعو ليها و لا هي العريانة ليها حرية شخصية و اللي عاوزة تتغطى نوقفلها و نقول ممنوع لاسباب امنية؟ أمهات المؤمنين لسن كباقي نساء الأرض ، ولهم وضع خاص ونزلت لهم أوامر الهية تحدد لهم كيف يخاطبون الآخرين ( من وراء حجاب ) ثانيا من ارادت ان تقتدي بأمهات المؤمنين فليكن أولا بأن يقرن في بيوتهن ، ثم بالعبادات والتقرب إلى الله ، واخواننا انصار النقاب يعلمون ان شيوخهم يفضلون للمرأة أن تجلس فى منزلها وان تتزوج البنت متى بلغت ولو كانت لاتزال طفلة وقد صرح أحدهم بأنه زوج ابنته زواجا عرفيا وهى فى الرابعة عشرة من عمرها لانه يرى ان الزواج وانجاب الأطفال هى الوظيفة الاساسية التي من اجلها خلق الله الأنثى . فبدلا من وجع القلب والتحجج بالحريات الشخصية فليقرن في بيوتهن حفاظا لهن من ذئاب البشر ولايخرجن إلا بمحرم وحتى لاينظرن إلى الرجال فيفتتنون بهم ايضا فلهن أعين مثل ماللرجال. وعموما قرار لجنة الفتوى كما قلت لم يأتي بجديد ، هم فقط اعادوا علينا ماقرأناه وحفظناه وممكن الاستاذ طارق بحكم انه أزهري يقول ان كان طالب الإعدادية الازهرية يعلم ماقالته لجنة الفتوى أم لا ، إلا إذا كانت مناهج الأزهر قد تغيرت عما كان يدرس فى الماضي. و هو من وجهة نظر حضرتك ما فيش حلول وسط دا حتى دينا دين وسط ما ينفعش نظام يا ابيض يا اسود دا في الوان في النص مش عشان واحدة عاوزة تلتزم بفكر معين او اسلوب حياة معين و عاوزة تعمل اللي تقدر عليه للتقرب من الله من وجهة نظرها يبقى اقولها اترمي في بيتك و اول ما تبلغي نجوزك و نخلص منك لا تتعلمي و لا تخرجي و لا نشوف خلقتك اصلا فيها ايه لو واحدة عاوزة تتعلم بس في نفس الوقت ليها فكر مختلف و بتطبقه على نفسها بس مش بلتزم حد تاني بيه في رأيي طالما هانلغي الحرية الشخصية من المنتقبات انا كمان عاوزاه الغيها للعرايا ملحوظة صغيرة انا لا مع النقاب و لا ضده انا مع حرية كل انسان و ما بحبش الكيل بميكاليين دي كانت اخر مداخلة ليا في الموضوع دا عشان انا ما باحبش الجدال اللي ما بيجبش تمنه و مش بصدد فتوى تحليل النقاب او تحريمه

عيل رخم اوي كل شوية يروح للبقال اللي جنبهم يقوله عندك جبنة يقولو اه يقولو طب هات بجنيه لانشون يروحلو تاني يقولو عندك زيتون يقولو اه يقول له طب هات بجنيه حلاوة الراجل اتخنق من الواد راح جاب ابوه واشتكاله - ابوه قاله ماينفعش لازم تادبه لو عمل كده تاني ... عندك عصايا في المحل قاله ايوه . . ....... . . . . . قاله :الطشه قلمين

السلام عليكم و رحمة الله و بركاته ممكن اسال سؤال مالوش دعوة بالنقاب يعني من قيمة 10 سنين من ساعة ما دخلت عالم القراءة علي الانترنت كان موضوع النقاب و طبعا بينقسم فيه الي فريقين بس السؤال ليه دلوقتي ليه دلوقتي هنرجع تاني لقضية" جدلية" اتقتلت تفحيصا و تمحيصا و السؤال اللي بعده طب لجنة الازهر دلوقتي بتطلع الفتوي ديت في ضوء ايه عشان نفهم بس الفتوي في انهي سياق و بالتالي نكون فاهمين الصورة كلها مش جزء منها و الله خايفة ان احنا طاقتنا تروح شوية في موضوع شواهد القبور....و شوية في السلفيين و المسيحين...و شوية هنرجع تاني للنقاب و جزاكم الله كل خير

نحمد الله على قيام ثورة 25 يناير و سقوط النظام بكل مفرداته ما سبق كان إستهلالا لابد منه كنا قبل الثورة كلنا متكاتفين من أجل تغيير النظام و كنا نظن أن النهاية و البداية أيضا هى إسقاط النظام ، و الآن بعد الثورة أصبح عليتا عبئا أكبر .... علينا أن نختار و نميز بين العديد من البدائل المطروحة تماما كما لو كنا قضينا العمر فى ملجأ أو سجن و ليس لنا إلا أن نأكل طعام السجن أو الملجأ و بالثورة خرجنا إلى الحياة و أمامنا أن نختار من آلاف الأطعمة التى تقدمها لنا الحرية و الديموقراطية. علينا الآن أن نمارس المواطنة بكل تبعاتها و تحمل كل أعبائها.

الموقف يبين عدم رضا المشير عما كان يحدث ولم يشارك فيه عمليا وأنكره على رئيس الدولة شخصيا بلسانه وأتبع ذلك بتنحيته وتأمين الحدود لعدم خروجه وتقديمه للمحاكمة هو والعصابة وأشياء أخرى كثيرة ولكن ما ذنب الرجل إذا كان البعض لا يرى من الغربال أنا للاسف مش شايفه من الغربال خالص فرضا إن الخبر ده صحيح يبقى المشير واضح انو يعرف مين وفين وليه بخصوص موقعة الجمل ومع ذلك بقالنا قد إيه مثبتش التهمة على حد.

يا ريت الاخوة المحاوراتيين المقتنعين بالفكرة يشرفونا في البيج و ينشروها بين اهلهم و اصدقاءهم دا لينك البيج الجديد جمعة العمل 3/6/2011

بلاش جمعة عمل ..لأن فيه بعض من الثوار ...عندهم حساسيه من البناء والانتاج ..طيب حتى نخليها جمعة نضافه ..تخيلى ٢ او ٣ مليون يقرروا ينزلوا ..وعلى قلب رجل واحد ..وفى نفس التوقيت ...يتوزعوا على الشوارع او الاحياء ..المختلفه ...وينضفوها ... اوتكون هناك مليونيه لتنضيف اسطح المنازل مثلا ... ايه الكلام الفارغ اللى بقوله ده ..لا لا ...نضافة ايه ...وعمل ايه .. ثوره ثوره ..زنجه زنجه ..

اللى ملوش كبير ....يشترى له كبير ... والجيش.. من الافضل تقويمه.. لا اقصائه.. على الاقل حتى تستقر الامور ...

السلام عليكم هيبة الدولة كيف؟ هيبة الدولة كانت موجودة قبل الثورة عند "اللي ملهوش ضهر" بالتعبير الدارج و في الفترة الأخيرة تزايد عدد من لهم ضهر بشدة -حتى لو أمين شرطة او معاه كارنيه الحزب الوطني اما الآن .. فقد ضاعت تماما.. للأسف المهم ان نبحث في كيفية استعادتها و موازنتها مع الحريات الفردية تحياتي

انا لا اوافق علي مطلب عمل دستور قبل البرلمان ، ده التفاف علي ارادة الشعب احنا بيضحكوا علينا في الثورة دي عشان يعملوا دستور مش اسلامي ، الناس حتخرج عشان الجيش مش بيحاسب الحرامية و عشان الانفلات الامني و الفساد و حال البلد اللي زي ما هوه متغيرش اما ايه جاب شرط الدستور في الموضوع

ما هيا مكانتش دولة ، دي كانت عصابة زي عصابة القناع الاسود اللي كنا بنقراها في مجلة ميكي زمان

تعليقا بس على موضوع ليه لما انتوا قادرين على استخدام القوة زي يوم السفارة مش بتستخدموها مع البلطجية خلاص احنا نطلب من البلطجية انهم يتجمعوا في مكان واحد و تروح الشرطة و الامن المركزي و يتعاملوا معاهم بنفس الطريقة يا جماعة لحد امتى هانفضل نتكلم عن الوحش و بس لحد امتى مش هانفضل شايفين غير سواد و بس لحد امتى مش هانتكلم عن الحاجات الكويسة اللي حصلت كل ما اسأل حد من اهلي هااااا اخبار الامن ايه يكون رده ايجابي انهم حاسيين بفرق كبير عن زمان و في رتب في الشارع مش بس ظباط صغيرين شوفنا مأمور قسم الموسكي شوفنا الظابط ابراهيم البليسي شوفنا في برنامج بكرة احلى مبادرة مجتمعية لتفعيل دور الافراد بجانب الشرطة في ارجاع الامن كل يوم في حملات مداهمة لاوكار المجرمين زي الاخ بتاع الاسد دا ليه بقى عاوزين تفضلوا مسوديين الدنيا في وشوشنا ليل نهار كده ليه شغاليين بس هجوم و لا حد بيدور على خبر ايجابي يفرحنا بيه النهاردة مثلا التقي الدكتور شرف بالدكتور زويل عشان دراسة مدينة العلوم و التكنولوجيا ما شاء الله ولا خبر هنا في المنتدى و الجرايد عنه اللهم خبر صغير كده على جنب حطيت انا من يومين موضوع عن مشروع السيارة المصرية و لا حد هنا علق على الخبر كأنه لم يكن خلاص احنا احترفنا النكد و مش عاوزين نخرج منه اسفة لخروجي عن الموضوع بس كم الطاقة السلبية اللي بقينا نلاقيها في كل مكان دفعتني للرد دا

هو دا مودي اليومين دول لحد ما ربنا يعدى يوم الجمعة على خير

هو واضح ان الدعاة لليوم ده مش متوحدين علي رأي ، في قوي سياسية شالت مطلب المجلس الرئاسي زي 6 ابريل وائتلاف شباب الثورة وغيرهم ، وفي ناس تانية لسة متمسكة برأيها ، اللي اتنازلوا عن المطلب ده يشكروا علي كدة وما فيش داعي نخونهم بقي ،وفي ناس وطنيين كتير حينزلوا الجمعة السلفيين حددوا موقفهم ، والاخوان لسة بيقرروا ، ولو مش حيشاركوا علشان اللخبطة دي وعدم الاتفاق حتي علي اسم اليوم يبقي ليهم عذرهم ومافيش داعي نخونهم وفي النهاية طالما هي مظاهرة مليونية وليست ثورة جديدة ، يبقي اللي عايز يشارك يشارك واللي مش عايز يشارك المرة دي تخوفا من محاولة الوقيعة بين الشعب والجيش ما يشاركش ، ومش حتكون اخر مليونية ويبقوا يشاركوا في المليونيات القادمة لحد ما تتحقق المطالب المهم ما حدش يخون حد

محدش عايز يرد عليا ، عموما اللي حيقولي مش حيفشي اسرار عسكرية ولا حاجة عشان انا عايزة اعرف يعني يمكن بعد الشر يحكمنا البرادعي الليبرالي ، وطبعا بيؤمن بمبدأ المساواة و البنت زي الولد مهياش كمالة عدد ، وممكن يعتبر المرأة مش مستحقة للنفقة و كل واحدة تشتغل و تصرف علي نفسها

المادة التي استخدموها مفترض انها آمنة و مصرح بها البطيخ .... ينفجر!!!!؟ كما ان بعض الثمار التي لم تعالج بها انفجرت ايضا اما موضوع استخدام المبيدات و المحفزات فالجدل بشأنها لن ينتهي ابدا خصوصا في ظل أزمة غذاء طاحنة يظن البعض انها مصطنعة الطمع لن ينتهي من العالم.. ثورة او لا الاهم الرقابة و زيادة التوعية

ميرسي يالونا ياحبيبتي علي مشاركتك في التوبيك عشان خاطري ....نردهالك في الأفراح إن شاء الله سؤالك ده يالونا تعبني جدا وقعدت أفكر فيه من إمبارح بالليل بصراحة لأني لأول وهلة كنت هأرد عليكي إن مينفعش أحكي حاجة تتعلق بعلاقتي بربنا وبعدين قلت ياكسوفي الست تاعبة نفسها وجاية التوبيك مخصوص وسألت سؤال يتيم أقوم أنا أرد رد قليل الذوق مش عارفة يالونا بصراحة صح أحكي ولا ما أحكيش بس دي مشكلة تانية لأن لاقيتني كل ما أفكر في موقف ألاقي النية مكانتش صافية فيه ودخله شبهة رياء أو مصلحة أو حب الذات مش عارفة بصراحة ....طبعا أنا سمعت القصة كتير قبل كده بس أول مرة أخد بالي أن الثلاثة دول كانوا أبطال إنهم لقيوا عندهم موقف خالص لوجه الله وعرفوا يصارحوا ربنا بيه هأحكي أكثر موقف حاسة أنه إلي حد ما كان خالص لله والله أعلم بحقيقة قلبي وقتها كان أيه معلومة صغيرة قبل القصة أنا ما بحبش القطط وبأخاف جدا أقترب منهم مرة كنت في مشوار بعيد عن بيتنا كان معايا واحدة زميلتي في الشغل وكنت بأستلم حاجات من مكتب في عمارة وبعد ما استلمت الحاجة وأحنا نازلين علي السلم قابلنا قطة كانت بتنونو جامد قوي وحسيت إنها جعانة جدا .....بعد ما خرجنا من العمارة وزميلتي كانت قاعدة تتكلم تتكلم بس أنا مكنتش مركزة معها كل اللي كنت بأفكر فيه القطة وصوت بيتردد في دماغي يادريم ربنا بعتك لها عشان أنتي رزقها هتسيبيها جعانة المهم في آخر الشارع لقيت سوبر ماركت دخلت اشتريت زبادي وزميلاتي كانت مستغرباني جدا وشكت أني مجنونة وقعدت تقولي ماكل القطط بتنونو عرفتي منين إنها جعانة؟ وهرتني تريقة بصراحة :closedeyes: بس أنا ولا همني رجعت تاني العمارة وطلعت السلم وكنت خايفة مالقيش القطة بس الحمد لله لقيتها وفعلا لما فتحت علبة الزبادي وحطتها عند بؤها قعدت تأكل جامد وبطلت نونوه وبصتلي بصة زي شكرا يعني (شكلك أنتي كمان هتفتكريني مجنونة) بس وخلص الموقف بس فعلا كل ما أكون في مشكلة وأدعي ربنا أقول له يارب لو أنا أطعمت القطة دي عشانك أنت بس نجيني من اللي أنا فيه وسبحان الله يارب نتقابل تاني أنا والقطة في الجنة يارب ....هي أكيد راحة هناك بس ياتري دريم راحة ولا لأ؟ يارب برحمتك وديني هناك.

أعتقد إنها حتكون مليونية يا أخي الفاضل و كونها مليونية من عدمه لا يتوقف فقط على 6 أبريل النخبة السياسية - كما يسمونها - تكاد تكون متفقة على النزول .. صحيح أن الفصيل السياسي الوحيد الذي يستطيع التأثير بمفرده على عدد المتظاهرين هو الإخوان و لكن بالنسبة للجمعة القادم هناك شبه اتفاق بين معظم القوى السياسية على النزول مما قد يلغي التأثير القوي للأخوان على العدد الكلي للمظاهرة و عمومًا من شاهد يسري فودة بالأمس و مداخلة اللواء حسام سويلم المستفذة في الغالب من شاهده سينزل يوم الجمعة

التاريخ يعيد نفسه تماماً مثلما حدث قبل 25 يناير عموماً الكلمة للشعب فى النهاية, والشعب يتحمل مسئولية اختياراته.

حبيبي يابو أشرف جبت من الاخر يا ازوز أنا عن نفسي لو مراتي طبقت الحته ام خمسمية دي وأدتهاني .. هاطير من الفرحه وأجيب بقى كل اللي نفسي فيه موز وسفن أب وشندوتشات كفته وكده والله امركم عجيب من دقنه وافتله اعتقد المدام مش بتشتغل واظن ريمو كمان يعنى ناخد منكم الفلوس باليمين وندهالكم بالشمال والاسم ايه الجبروت ده ههههههههه لا ياخويا عن نفسى لو معايش فلوس تخصنى وعاوزة اجيب له هدية اخد منه واشترى له حاجة والاسم فى هدية كل مايشوفها اقوله مش هى دى اللى انا اشترتها لك

ماصدقت ربنا فتح على ونفخ فى صورتى والعيال خلصوا امتحانات قلت اونيكس لازم تشتغل واقوم بحملة التنظيف العميقة بتاعة تخلص من كراكيبك القديمة والجديدة كمان اول هجوم كان على المطبخ وانا فى عز همتى لازم اغسل كل حاجة واغير كل حاجة من ضمنها ورق الجرايد اللى فوق دولايب المطبخ عشان الادام والبخار ميلزقش عليهم اووم ايه زعقت على الولا وانا فى العلالى مشعبطة هات لى ياولا ورق جرانين واول حاجةوقعت عليها عينى صورة عمكم مبارك اد كدهو فى الصفحة تصدقوا بالله مش عارفة حصلى ايه بس اللى فاكره انه جالى ثبوط فى العزيمة مرة واحدة وحصلى همدان ونفسى اسدت والله ماببالغ لانى كنت ناسياه ولا على بالى واول ماشفت صورته افتكرت كله اللى عمله وكل الدوشة اللى هنا من قرفه الشريط رجعه فى ثوانى اجى امسح الازاز بجرنان الاقيه فيه حتى الورق اللى لفه فيه العيش ابو لحمة لاقيته فيه اجى الف لحد حاجة فى ورقة جرنان الاقيه فى وشى بقيت خايفة افتح الحنفية لاينزل منها منه لله خلانى سبت المطبخ يضرب يقلب وقاعدة ادعى عليه هنا حد يصارحنى يقولى امتى حنرتاح من السحنة دى وننساها وملااقيهاش تانى لافى جرنان ولاتليفزيون ولا محاورات يغور بالفلوس مش عاوزينها بس يريحونا من تعب الاعصاب ده سمعاكم بتقولوا الموضوع مش فى الابتسام ليه لانه موضوع جد مش هزار ابتديت اتعب فعلا لما باشوفه او اسمع سيرته خصوصا لما عرفت انه متنعم فى شرم الشيخ بعد اللى عمله والمصابين اللى اتصابوا بسببه مهددين للطرد من المستشفيات اللى بيتعالجوا فيها عشان معهومش حق العلاج الله ينتقم منك بحق جاه النبى والله بيته

آه...قلبي حد يناولني حباية الضغط من ع الكومدينو....(وش حسين رياض و هو طالع طول الفيلم عايز يموت بس مش عارف) ممكن بس اكما المداخلة بتاعت حضرتك...عن "الكرش الابيض ينفع في اليوم الاسود و كدهوت" بس خلاص كان معكم من امام مظارهة فئوية جديدة تتقدم نحو جاد وسط البلد و شعارها البنات...و الكرش...مش منكن يكونوا ايد واحدة مراسل قطاع الاسرة و السكان لماضة ابو العافية :old:

فقط وحصريا لاصحاب الكروش فــوائــد الــكــرش الــســتــة: . . .......... . .... . . . ١-الــكــرش بــيــخــلــلــي الــبــنــطــلــون يــلــاقــي حــاجــة يــمــســك فــيــهــا ومــيــقــعــشـي ٢-الــكــرش بــيــســنــدك وانــت نــايــم عــلــى جــنــبــك ويــخــلــيــك مــتــتــقــلــبــش عــلــى بــطــنــكــ. ٣-يــمــنــح حــامــلــه الــكــثــيــر مــن الــهــيــبــة والــوقــار [ مــحــدش بــيــفــتــح بــقــه مــعــاه]. ٤-راجــل مــن غــيــر كــرش زي جــوجــل مــن غــيــر ســيــرش. ٥-بــيــطــلــع اصــوات مــســلــيــة لــمــا تــخــبــط عــلــيــه. ٦-مــمــكــن تــحــط عــلــيــه كــوبــايــة او طــبــق وانــت قــاعـــد. اســتــغــلــوا كــروشــكــم يــا رجــالــة

الله يبارك فيك يا عم طائر..وربنا يكرمك و مبروك علي العربية الجديدة..ولو الراجل بس بتاع المعرض رخم عليك تاني..ابقي اديني رنة بس..و أنا هصلي العصر و أجيب الرجالة و أجيله و علي فكره..الحوادث دي أنا معرفش عنها حاجة..و الغلط مش مني..ده من التريللا اللي ورايا

ما هو اللي مجنني اني نفسي اشوفك مرة في الميدان مش من ورا الكيبورد في التكييف وسايب الناس الغلابة تولع في مصر احمد ربك ان اركيتكت مش في الميدان ,,! صبح صبح ياعم الحج بوحه الصباح بيصبح على كل اليى فى الميدان التحرير اه مصطفى محمود لاء واليى راح راح ياعم الحج ________________________________________________________الجد بقى مش عاجبنى حالة التشكيك اليى شغاله اليومين دول 6 ابريل تشكك فى الاخوان والاخوان يشككوا فى سته ابريل وعم عبده البواب بيشك فيا انى شغال مخابرات علشان بلبس نضاره سوده والسلفيين بيشكوا فى المسيحين وكل واحد بيشك فى التانى وكل ده هيؤدى فى النهايه اليى خراب مصر زمان ايام النظام البائد عليه من الله ما يستحق كان فيه خلاف بين الاخوان والسلفيين بشكل غريب ودول يشتموا فى دول ودول يردوا على دول وكانت حاجه مقززه بجد على العموم على مستوى المكان اليى انا عايش فيه حاولت اصالح الناس ببعض علشان خاطر صوره المتدنين ولا الهوا وسبحان من جمعهم فى الاخر انا معرفش ايه اليى كان مفرقهم يعنى على العموم فيها ايه لما نجتمع دلوقتى فيها ايه لما نسيبنا من حالة التشكيك اليى هتؤدى الى خراب البلد نختلف مع بعض بس بدون تشكيك ولا تجريح يعنى انت عاوز تطلع فى ثوره اطلع ياعم انا شايف ان الموضوع مش محتاج ثوره عادى يعنى بلاش اتهمك انا ان انت عميل وبلاش تتهمنى انا ان انا بيدور على مصالحى طالما الهدف لكل مننا هو مصلحة مصر انت شايف طريق فيه مصلحة مصر امشى فيه وانا شايف طريق اخر من حقى امشى فيه ولكن بالشكل ده صدقونى لا انتوا هتعملوا حاجه ولا هما هيعملوا حاجه وفى الاخر هنلاقى ان الثوره يقوم بها الشجعان الابطال ويجنى ثمارها الجبناء تحياتى عنبو

عارفين مين ده :unsure: ده أمل دنقل صاحب رائعة لا تصالح الله يرحمه لو شفته تفتكره م الفواعليه ماتقولش ابدا انه شاعر قصدي من الكلام ده ان كل واحد فينا ممكن بحكم ع التاني من شكله من لبسه زي الناس اللي اتريقت علي الشيخ حافظ سلامة عشان الطربوش ومشافوش تحت الملابس دي كهل بحيوية وعقل شاب معلش انا لا اتكلم عن الحمقي والمغفلين دول مكانهم كتب النوادر وعلي فكرة ده مش اقصاء ولا حجر ع الرأي ده حجمهم الطبيعي طالوت وجالوت نسبة 77 % نسبة 23 % كله واحد بيحاول يلبس رداء طالوت و بيظن ان الأخر هو جالوت ال 23 % هما هم 6 أبريل وشباب الأخوان مطالبهم مشروعة وأعلنوها طيب المشكلة فين المشكلة في اللي ماسك في رجليهم من المنتفعين زي ساويرس ورفعت السعيد و وووو عاوزين ايه عاوزين دستور جديد طيب وايه يعني لا دول بالمرة بيطالبوا بالغاء المادة التانية المادة التانية طيب 6 أبريل عاوزة كدة أظن لا طيب نعمل ايه في ولاد .............. اللي لازقين في رجلينا وبيسوؤا سمعتنا سؤال بلا اجابة ؟؟؟؟؟؟؟؟؟؟؟؟؟؟ ال 77 % أخوان والسلفيين واغلب الشعب المصري اللي عاوز صحيح دستور جديد اللي يضمن انه ميلغيش المادة التانية يبقي مفيش حل غير دعم الاخوان لانه هو الوحيد اللي يضمن كدة طيب المطلب عادل برضه المشكلة فين المشكلة في فلول الحزب الوطني اللي بتتمسح في الاغلبية لانه ديدينها نسبة ال 23 % عاوزة تجنب الدين bsh:) مين قال ان احنا عاوزين نجنب الدين :blink: ماهو ساويرس معاكم اهوا من الناحية التانية نسبة ال 77 % مش عاوزة تبطل طريقتها اللي فاتت في استخدام اي طريقة للوصوب للحكم مين قال و الاخوان والحزب الوطني في مركب واحدة اهو وتفضل المشكلة والتخوين والحجة في الأتب اللي في ضهر كل نسبة نسبة ال 77 % " اتبها الحزب الوطني نسبة ال 23 % ساويرس والعلمانيين ويضيع الشعب المصري في النص والجيش مبسوط ومستربع ومأنتخ ونخلي السعودية تصرف علينا نفسي في حاجة نبطل النموذج الغربي في التخوين اللي كل همه هو احتلال بلاد العرب والمسلمين بحجج مختلفة نفسنا حد يقول ان احنا بنستخدم اجندات يابانية حتي بصوا اليابانيون يحولون ملاعب كرة السلة إلي صفوف دراسية لأستدراك ما فاتهم أثناء الزلزال وتسونامي نفسي نبقي زي الناس دي + الإسلام = bv:-