لوحة القادة

أعتقد أننا الآن نسعى نحو إلغاء المنطقة الوسطى ما بين إحترام الجيش وتقدير دوره ، وبين إمتعاض الجيش وفضحه وإذلاله حينما تلغى هذه المنطقة الوسطى ، نصبح مفرقين إلى فريقين لا محالة : 1- فريق يضطر رغما عنه للدفاع عن الجيش ، بعد أن كان يحترمه ويقدر دوره فقط. 2- فريق آخر يضطر إلى فضح الجيش وإرغامه وإذلاله ، بعد أن كان ينتقده بأدب فقط. يلاحظ أن كلا الفريقين أصبح مخطأ من فرط تشدده في موقفه .. للأسف أحنا كدة بنلغي مبدأ (مسك العصا من المنتصف) ومبدأ (شعرة معاوية) وبالتالي النتيجة المتوقعة بحسب المعركة المتوقعة بين الفريقين : 1-في حالة فوز الفريق الأول : سوف نكسب كل عيوب الجيش ، وهي الدفع نحو سلطة عسكرية جديدة للبلد. 2-في حالة فوز الفريق الثاني : سوف نخسر كل مميزات الجيش ، وهي وجود رأس للبلاد لعبور الفترة الإنتقالية بسلام وبأقل خسائر. العامل المحفز في كلا الفريقين : هو مجموعة من الشباب دخلت معترك السياسة حديثا دون أدنى خبرة عن أحوال السياسة وأمورها الخفية ، وكل خلفياتهم السياسية مجموعة مقالات وندوات وبرامج توك شو.. فعلا .. ربنا يستر

السلام عليكم الاخوه الكرام جزاكم الله خيرا منذ زمن و انا اتحين الوقت لكتابه هذا الموضوع شخصيا لم اكن اتوقع هذه الهجمه الشرسه من تيار مات اكلينيكيا فى نظرى منذ زمن طويل بعد أن بائت الفكره بالفشل الذريع و توجت برصاصه الرحمه التى اطلقتها الازمه الاقتصاديه العالميه لتثبت فشل ليس فقط الليبراليه بل و امها العلمانيه كمذهب او كفكره او كمنهج يتبنى تنحيه الدين عن الحياه ( كما ظهرت فى اوروبا إقصاء للعصور المظلمه و دينها المحرف ) .كما سجل التاريخ و كما رأينا بعد ذلك من محاولات حثيثه مضنيه لتطبيق هذه اللادينيه فى عالمنا الاسلامى تحت شعارات براقه بدايه من التنوير مرورا بالحداثه و العقلانيه ...الى اخر ذلك القاموس المشبوه الذى خرج به علينا اشخاص تم تسويقهم لنا تحت القاب مرعبه تجعلك عندما تسمع احدها يتوقف عقلك عن مجرد التفكير فضلا عن نقد ما يقول مثل المفكر الكبيييير رائد الجيل زعيم الادب :P المثقف الجامد اوى .. و بفضل الله و امره قامت ثوره 25 يناير لتكون الكاشفه و القاضيه لهذا التيار الذى مثل علينا لسنين طويله دور المتحررين رواد الديمقراطيه التى انقلبوا عليها ايما انقلاب مع اول اختبار و رأينا مدى الشطط و العداوه تجاه كل من خالفهم اسلاميين كانوا او غيرهم من اصحاب الفكر المخالف و ما الحملات المتكرره على الاخوان ثم السلفيين و اخيرا و ليس اخرا الجيش و قادته منا ببعيد . فى ما يلى الاخوه الكرام كشف حساب و بيان مفصل عن ما فعلته الليبراليه و ادعيائها بنا فى مصر و اخص بالذكر فتره مبارك التى ترعرت فيها شجره الليبراليه الخبيثه الى ان شاء الله و اجتثتها من جذورها ثوره يناير و كشفتها على حقيقتها باذلا الجهد فى إدراج الدليل و توثيقه . و أول ما ابدأ به . ماذا قدمت الليبراليه لمصر فى المجال السياسى ..يتبع بإذن الله تعالى للتوضيح فقط لا احد على المستوى الشخصى معنى بما ساكتبه فى منتدانا الكريم فالقضيه اكبر و اقدم و لمن يريد الاعتراض و المناقشه فعلى الرحب و السعه فقط ارجو الموضوعيه و التوثيق للفائده للجميع .

ما شاء الله مصر كلها بقت اخوات اللي عاوزين اختهم كاميليا و اللي عاوزين اختهم ريم اهي البت ريم دي انا نفسي تتسحل مش بس تتحبس من يوم ما طلعت ولولت و نهنهت على اللقطات غير المحترمة في الافلام و تستهبل و تقولنا احنا اتربينا على الافلام دي و رايحين ايران و افغانستان و انا كان نفسي حد يولع فها (بوظت جمال الاسم الله يخيبها) شوية جد بقى كلنا الايام اللي فاتت متضايقين و زعلانين من الاخبار اللي بتفرقع في وشنا و في الاخر تطلع كذب الكل قعد يطالب بان الجيش لازم ياخد اجراءات لوقف المهزلة دي قوم لما الجيش بدأ يعمل اللي انتوا عاوزينه برضه مش عاجب هو ايه الحكاية يا جماعة لا بقى عاجبنا العجب و لا الصيام في رجب عاجبكم الولعة اللي كل شوية تقوم في البلد و سببها الاعلام اللي اغلبه بقى عامل زي مصاطب الحريم و دي تجيب سيرة دي و دي توقع بين دي و دي هي دي الحرية اللي انتوا عاوزينها و لا احنا عاوزين الحرية الي اهم بنودها المسؤولية ايوة انا مع قرار ان اي حد يطلع يتكلم و يشغلل الناس بدون دليل يتحاكم و محاكمة عسكرية كمان لانه كده بيخل بامن البلد

بالارقام والاحصائيات نحن نعترف ان ..... الإخوان سيطروا على البلد وده الدليل : - فى التشكيل الوزارى المكون من 34 وزير..لا أحد .. - فى تشكيل المحافظين المكون من 26 محافظ..لاأحد .. - فى رؤساء الصحف والمجلات ورؤساء التحرير (18منصب)..لايوجد .. - فى المجلس القومى لحقوق الانسان المكون من25 عضوا..لايوجد .. - فى مجلس أمناء الإذاعة والتلفزيون المكون من 15عضوا ..ولا واحد .. - فى السفراء والحركة الدبلوماسية 163 سفير..إنسى يا عمرو.. - فى القيادات الجامعية 872 منصب : و لا عميد كلية واحدة ولا وكيل و أوعى تتكلم عن رئيس جامعة أو نائب.. - طبعا رؤساء البنوك واعضاء مجالس إدارتها مستحيل.. - رؤساء الأحياء والمدن 222 منصب ..ولا الهوا.. - رؤساء شركات قطاع أعمال 219 ..أسفين. - وكلاء وزارات ورؤساء هيئات ومصالح وعددهم 924 ولا تشموا ريحتها.. ممتاز جدا يعنى نصيب الاخوان من2518 منصب يساوى صفر .. قغلاً الاخوان سيطروا على البلد وخطفوا الثورة وعقدوا صفقات مع المجلس العسكرى وما سابوش لحد حاجة !!!!! الموضوع عجبنى فنقلتوا فقط لتوضيح ما يردده البعض عن صفقات وغيره

مش عاوزة اقول اسامي عشان ما انساش حد بس مبدئيا الدعوة مفتوحة للكل للاشتراك في ورشة عمل جامدة مطلوب بوسترات كليبات كلمات معبرة لبدء حملة عن النظافة هاقولكم حلمي و نفسي تتخيلوه و تشتركوا معايا فيه مدينة الاسكندرية مدينة خالية من القمامة و معدل التلوث فيها انخفض لاقل معدلاته عاوزة الناس تعيش الحلم دا انتوا عارفين لما واحد بيحلم و يؤمن بالحلم بيعمل كل و اي حاجه لتحقيقه و احنا المصريين لما بنحط حاجه في دماغنا بجد بنعملها الحملة بتاعتي عاوزاها تخرج من حيز الفيس و تويتر و الكلام عاوزاها تنزل للواقع للشارع و تترجم لافعال عاوزة كل بيت في اسكندرية يشوف البوستر يشوف الكليب عاوزة اقولكم اني هاعمل تي شيرتات على حسابي الخاص فيها شعار الحملة و هاخلي اهلي هناك يوزعه مجاني عاوزة بوسترات تملا الشوارع عارفين نظام اللبان في الاتوبيسات اهو انا عاوزة استخدمه عاوزة الناس تصدق في نفسها و تؤمن انها ممكن تخلي اسكندرية بلد جميلة زي ما كانت طبعا ممكن حد يسألني اشمعنى اسكندرية بس اقولكم ان اسكندرية هاتكون خطوة اولى لو ان شاء الله الموضوع اتحقق زي ما انا باسعى له اكيد هاتتعمم التجربة في كل المحافظات بس طبعا محتاجة مساعدتكم معايا هل ممكن نعمل ورشة العمل دي؟ مستنية ردودكم و مداخلاتكم و اقتراحاتكم و نقدكم كمان

التمسك باستفتاء على تعديلات لدستور ساقط تشبه التمسك برأي الناس كوسيلة لحل مسألة رياضية فالقاعدة أن الدستور يكتبه الشعب وليس أي سلطة من السلطات لا السلطة التنفيذية ولا السلطة التشريعية ولا السلطة القضائية لأن الدستور فوق كل هذه السلطات وإذا كتبته أي سلطة ستكتبه لصالحها في الوقت الذي يجب فيه أن يتوفر توازن بين السلطات الثلاث وفي البرلمان توجد أغلبية وأقلية فتكون النتيجة أن الأغلبية تكتب الدستور مكان الشعب وأي أغلبية متحيزة بطبيعتها وإذا حدث ذلك فسوف يكون الدستور كعامود كردان معووج

أنا عاوز أفهم يعني هو اللي جوه دماغ كثير من الإعلاميين ده إيه ؟ مخ ولا جزم قديمة ؟؟؟؟ بٌصوا على الخبر ده على موقع جريدة الوفد منذ قليل أقسم بالله لو أنا من المجلس العسكري لأهبد الصحفي ده ورئيس تحريرة 5 سنين سجن عنوان قذر ومحتوى ولا له اي لازمه إتنين بيتخانقوا على حته أرض وواحد سرقها من التاني أو بينهم خلاف والله العظيم على ما وصلت لأخر الخبر نسيت مين الأول مين التاني إيه اللي دخل الدين والعقيدة والنفخ في النار في الموضوع ده ؟ وهل خلاص بقى نتوقع عناوين الأيام الجايه من عينة : - مسلم ينشل مشحفظة مسيحي في أتوبيس أمبابة- رمسيس - غسيل مسيحي ينقط على غسيل مسلم فتنشب معركة حامية الوطيس - مسلم يصدم مسيحي أثناء عبورة الطريق - مدرس كيميا مسيحي يضرب تلميذ مسلم عشان ما عملش الواجب هو في إيه والناس دي عاوزه إيه ؟ ولما الجهلاء يقرأوا أخبار زي دي ..تتوقعوا يكون حالتهم عامله إزاي ؟

حسني مبارك كان علمانياً ليبرالياً مثله مثل المخلوع الليرالي زين العابدين والمجرم البعثي بشار الاسد بن المجرم حافظ الاسد الذي كان جاراً للمجرم البعثي صدام حسين مثلهم مثل النظام الشيوعي المقبور في اليمن الجنوبي فالانظمة الاكثر دموية وتخلفاً في العالم العربي هي الاكثر علمانية سواء كانت بعثية او ليبرالية او شيوعية وكلها كانت ترفع شعارات التقدمية وحقوق المرأة الي اخر هذا الكلام http://www.masrawy.com/news/egypt/politics/2010/december/11/wikileaks_mubarak.aspx

سمعت الخبر بالأمس في نشرة الأخبار على التلفزيون المصري وقولت لعل هذا الخبر خير ، حتى لو تم تطبيقه على أسوء ظروفه بالفعل نفسي المغتربين يفكروا في مصر بشكل جديد يفكروا بشكل جدي شوية ، وبلاش النوم والدفئ اللي أحنا عايشيين فيهم في الغربة ياريت نبدأ نفكر أننا هناك قريبا مش هنا نفكر بشكل إيجابي من دلوقت ، على أساس أنك نازل قريب لا محالة ، وبالتالي تفكر بشكل إيجابي لنفسك ولبلدك يجماعة في مشروعات جميلة طرحها أمس الدكتور عصام شرف للإستثمار الزراعي مع السودان وأثيوبيا ، ليه منفكرش فيها ؟؟ ليه منفكرش تكوين مجموعات تستثمر بشكل مباشر في مثل هذه المشروعات ؟؟ الخلاصة .. إن شاء الله أنا متفائل بالقادم : إما غربة آدمية ، أو إستقرار في وطن محترم تحياتي ...

تقدم حوالي نصف مليون مواطن سعودي للحصول على إعانة بطالة أكثر من نصفهم يحملون مؤهل أقل من الثانوية وعدد كبير منهم .. يعمل في وظائف غير راضي عنها .. أو يعمل في أعمال يرى انها لا تليق به .. كبائع خضار مثلاً .. أو كاشير ... الخ الواضح أن الحكومة تضغط بشدة لتوظيف أكبر عدد صالح من هؤلاء في الشركات والمؤسسات ولا أعتقد أنه علشان يوظفوا نصف مليون .. سيخرجون عدة ملايين من البلد على كل الأحوال .. إن شاء الله مصر يكون الأوضاع فيها أفضل وأعتقد أن أفضل طريقة هي التعاون بين المصريين للعمل لبناء بلدهم بشكل أفضل .. وتقنين طموحاتنا وأحلامنا إلى حد مقبول يمكننا التأقلم به والعمل من أجله الرازق هو الله .. محدش يشيل هم حاجة .. من يعمل ويجتهد في أي مكان سيلقى جزاء طيباً إن شاء الله تفاءلوا بالخير تجدوه وفي أغلب الأحوال .. المتضرر الأكبر هي الشركات والمؤسسات السعودية في حال تطبيق مثل هذا القرار لأن من استمر في العمل أكثر من 6 سنوات فمعنى ذلك أنه يعمل في مؤسسة أو شركة مستقرة لها أعمال مستمرة وناجحة والضرر بدون شكل سيكون قوي على تلك الشركات والمؤسساتأكبر من الضرر على الأفراد الله المستعان

أخى العزيز "محمد" أنت تعرف أنى محسوب من البعض على الليبراليين ومن البعض الآخر على العلمانيين الذين يريدون فصل الدين عن الحياة .. كما تعلم أننى محسوب من البعض على الاخوان .. وارجع إلى موضوعى أنا مين .. أنا فين .. أنا كام .. (متأسف للأخوة الزملاء فلن يستطيعوا قراءة الموضوع لأنه داخل غرفة الإشراف) بما أنك اسكندرانى أمريكانى فأكيد حتعرف التعبيرين دول : There are many ways to skin the cat All roads lead to Rome نرجع لمصر بقى .. كده فيه دستور جديد .. وكده فيه دستور جديد كده الدستور حينزل للشعب للاستفتاء عليه .. وكده الدستور حينزل للشعب للاستفتاء عليه نرجع تانى نقول There are many ways to skin the cat فى مارس 1954 كان هناك تيارا فى مجلس قيادة الثورة يريد الديموقراطية ويريد أن يعود الجيش إلى ثكناته .. وفى يوم 25 منه طلع البيان ده : هذه كانت one way to skin the cat تخيل لو كان تم ما أراده محمد نجيب ورفاقه من أعضاء المجلس .. هل كنا وصلنا إلى ما وصلنا إليه اليوم من محاولة الرجوع ستة عقود إلى الوراء ؟ لحكمة لا يعلمها إلا الله انقلب الدكتاتوريون من أعضاء المجلس على الديموقراطيين من نفس المجلس .. ودبروا المظاهرات العجيبة - التى لم يخرج مثلها فى بلاد العالم - تهتف بسقوط الديموقراطية أعتقد أن ما يحدث الآن من دعاة "الدستور أولا" ما هو إلا محاولة تشبه انقلاب 1954 على محمد نجيب .. لوضع "خميرة" انشقاق داخل المجلس (يا سلام عالصدف .. ده إسمه مجلس ، ودوكها إسمه مجلس برضه) .. وهذا – فى تقديرى – بند من بنود أجندة كوندليزا رايس التى خرجت علينا تبشر ب "الفوضى الخلاقة" معلش استحملنى شوية .. أنا عارف انك من مؤيدى البرادعى .. بس أنا حقول حاجة لمحت إليها من قبل ولكنى كنت باتحاشى انى أقولها علشان ما اعملش شبورة فى الموقع (فينك يا سكوربيون) إقرأ هذه الصفحة من موقع ال ICG وهى الصفحة اللى فيها أسماء أعضاء مجلس أمناء ال Group ستجد اسم البرادعى فى نفس اللستة اللى فيها شيمون بيريز ومحافظ البنك المركزى الاسرائيلى وبريجينسكى وجورج سوروس وغيرهم .. وحتلاحظ تحت اسم البرادعى إنه علق عضويته فى مجلس الأمناء فى يناير 2011 بالتزامن مع عودته لمصر !!! حتسألنى عاوز أقول إيه ؟ .. حقولك عاوز أقول اللى قلته فوق .. فقط لا غير .. وهو موجه بالدرجة الأولى لكل من أبدع فى إطلاق النكات على عمر سليمان لأنه جاب سيرة الأجندات بالمرة بقى قولوا علىَّ (إلى جانب اخوانجى ليبرالى علمانى سلفى) إنى من الفلول ماشى .. الفلول .. زى بعضه .. بس "الفلول الجميلة" اللى مش بتترجى من الدنيا إلا اليوم اللى تشوف فيه مصر الديموقراطية إيه رأيك فى الوثيقة دى ؟ .. أنا ناوى أفتح عليها استفتاء فى الموقع

عادي ايه المشكلة البينة علي من ادعي ولا انت شايف ان اي حد يتهم اي حد بالباطل حتي لو كان الحاكم عندك مشكلة باب النائب العام مفتوح ولا هو الاعلام الفضائحي بتاعنا عاوز جنازة ويشبع فيها لطم والدليل الحرية حرية التهم الجزافية لا طبعا وحكاية ان لا حبس الصحفيين تنافي اي دستور لانها تعطي افضلية لفصيل معين من الشعب يعني أي حاكم يتحبس والصحفي والاعلامي لا ايه النكتة دي مش دفاع عن الجيش ولكن هجوم علي الاعلام الزبالة بتاعنا اعلام المكسحيين والمهيجين والصحفيين ابو 3 شلن تحس ان الصحفيين عندنا عامليين زي الشهود الزور علي أي محكمة

قولت نخرج من مود الخنقة بتاعت السياسة شوية و اجيبلكم طريقة كيك في منتهى السهولة ممكن الشباب كمان يعملوه و في 5 دقائق بس http://www.youtube.com/watch?v=1qYrREqX2Dc الطريقة سهلة جدا 4 معالق دقيق كبيرة بس مش ماليانين و منخولين 4 معالق سكر عادي معلقتين كاكاو بيضة 3 معالق لبن 3 معالق زيت نص كوباية تقريبا تشوكليت تشسبس فانيليا الطريقة طبعا زي ما هو في الفيديو كده انا جربتها و كانت جميلة جدا لو جربتوها تعالوا قولولي رأيكم فيها ايه

من المقبلات الخفيفه واللذيذه وسريعة التحضير والتي بمكن ان تقدم مع كافة الاطباق الرئيسية رقائق البطاطس المغلفة المقادير 3 حبات بطاطس 1 كوب دقيق حمص 2 ملعقة طعام نشا الذرة نصف ملعقة شاي بهارات مخلوطة نصف ملعقة شاي فلفل اسود ناعم نصف كوب ماء زيت للتحمير الطريقة - تغسل البطاطس جيدا وتقشر - تقطع إلى حلقات رقيقه نصف سم تقريبا ثم تنقع في ماء وملح لمدة نصف ساعة . - تنشل البطاطس من الماء والملح وتترك على ورق نشاف ليمتص الماء . - يخلط دقيق الحمص ونشا الذرة والبهارات والفلفل الأسود ويقلب الجميع بالملعقة ثم يضاف إليهم الماء وتخلط جميع المقادير لنحصل على خليط كثيف . - يسخن الزيت في مقلاة غزيرة ثم تغمر قطعة بطاطس في خليط الدقيق السابق . - توضع البطاطس بعد إخراجها باحتراس في الزيت وتكرر العملية مع الباقي . - يقلب الجميع بملعقة مثقوبة وتنشل القطع وتوضع على ورق نشاف ليمتص الزيت . - تقدم قطع البطاطس مع الدجاج أو غيره .

يا مرحب بحضرتك معانا بصراحة مليش تجربة مع موقع الإخوان .. نادر لما بدخل عليه .. بس كونهم يحذفوا تعليقك اللي مفيهوش إساءة بدل ما يناقشوه .. أكيد مش حاجة ترضيني حضرتك نزلت عشان أهداف معينة .. أغلبنا متفق عليها لكن الإعلام صور نزول الناس لاهداف أخرى .. لم يكن عليها اجماع و ده اللي كثييير كانوا خايفين منه عموما .. خلونا في دلوقت و بكرة قانون الانتخابات و فردي و القائمة و الاهم .. نوقف بلدنا تاني على رجليها

ربنا يوفق مينا عدلى بكرة فى مقابلتة

اسفة انى طولت عليكى دى بعض النكت والتعليقات على مشكلة الزبالة

هذا كلام مغلوط لان الجماعة اتخذت العنف منهجا وهذا ثابت من قيام الجماعة بتصفية النقراشي باشا بعد قراره بحل جماعة الاخوان المسلمين الاغتيال كان قصاص من القتلة الذين اغتالوا الشرعية وإن كانت تلك الطريقة ليست بالطريقة الجيدة في التعامل مع المخالفين لكن دائما كان البادي اظلم هذا ماقلتة بالضبط ان الليبرالين ماكانوا يطيقون وجود جماعة اخرى تنافسهم فتحينوا الفرصة للانقضاض على الجماعة وقاموا بحلها لأنهم ماكانوا يسمحون بظهور اي تيار اخر غيرهم يحرمهم من لعبة الكراسي الموسيقية التي كانوا غارقين فيها فالحكومات في هذا العهد الليبرالي الغير سعيد كانت لاتجلس اكثر من شهور في الحكم حتي يفاجئها حزب ليبرالي اخر بدسيسة او مؤامرة تطيح بهم وهكذا لكن الشعب ظل اغلبة حافي القدمين امي جاهل فقير والنخبة الليبرالية تستمتع على اسمه بالحكم والجاه ولم تستفد مصر شئ من حكمهم وهذا المهم اضافة اخرى: النقراشي ايضاً عليه علامات استفهام كثير فالرجل هو المسئول عن جريمة كبري عباس التي امر فيها بفتح الكوبري ليموت الطلاب الوطنيين غرقاً وكل ذنبهم انهم نادوا بالجلاء وهي الحادثة المشهورة التي وردت في احد الافلام (اعتقد الثلاثية) والرجل له مواقف وقرارات اخرى تقترب من درجة الخيانة العظمى لذلك اقترح على الاخ ابو عمر ان نضيفة للائحة الليبرالين الذين نريد نقاش تاريخهم ووضعه تحت المجهر

سبحان مغير الاحوال زمان كان زمان لما كان على الكرسى بيتفن الاعلام و التلفزيون المصرى فى اثبات ان الرئيس فى صحة جيدة و يمارس عملة بكل نشاط و يقرا الجرائد اليومية و و يسافر الى كل دول العالم الان تقرير مفصل متفنن فى اظهار ان الرئيس فى قمة الحالة الحرجة يا سبحان الله وطبعا دة معروف مسبقا لانهم مش هيدخلوة السجن و مش هيتحاكم و هيظل فى وضعة دة لحد ما ربنا بقى يحلها من عندة

استاذي الفاضل "ابو محمد" بالنسبة للمصطلحات يمكن ان تكون فعلاً محتاجة لضبط او تدقيق قد يكون ناتج من صغر سني فربما يكون محدثك من عمر اولادك :) بالنسبة للسؤال اعتقد لايحسب لها او عليها الاخوان كانت في بدايتها مثل اي جماعة (جمعية الشبان المسلمين - الجمعية الشرعية - جمعية الشبان المسيحيين) تجمع الشباب لأهداف دينية خالصة ولم يكن من المتصور انها ستنافس الاحزاب الليبرالية سياسياً كانت في الظل بمعنى اخر بمجرد ان قررت ان تدخل اللعبة السياسية واصبح البنا قوياً اكثر من المطلوب حلت الجماعة واغتيل مؤسسها بيد الليبرالين (السعديين) وبمباركه ضمنية على الاقل من الملك الليبرالين لم يكونوا ابداً متسامحين مع اي تيار اخر ولاحتي فيما بين احزابهم الوفد برئاسة (سعد زغلول تقريباً ؟) سجن الشيوعين بل وقام باعدام بعضهم

بدون مقدمات فتحت هذا الموضوع بغرض وضع معلوماتنا عن الطريق الذي من المفضل إتباعه عند النيه الجاده للدراسه بالخارج. وهو يشتمل على خبرات الاعضاء الدارسين بالخارج. برجاء مساهمة الاعضاء لإفادة اخواننا وابنائنا في مصر. هذه المداخله تحتوي على تجميع مبدئي لمدخلات سابقه (كفهرسه)، كتبها بعض الاعضاء من واقع خبراتهم. وبعد هذه المداخله يمكن تسيير الموضوع في سياقه الطبيعي. العضو New وضح التاتي: اضاف العضو سقراط التالي: العضو New اضاف التالي: العضو New اضاف التالي حول توضيح اين يمكن عمل امتحانات الTOEFLو GRE : اضاف العضو سقراط التالي: واضاف العضو new التالي: والان تحياتي سقراط

أخوتي الكرام بالحديث حول الدراسة في الخارج, لقد زرت مؤخرا موقع الدراسة في الخارج حقيقاً و بدون مبالغة فيه كمافة المعلومات حول الدراسة في المرحلة الجامعية و مرحلة الدراسات العليا. أتمنى لكم التوفيق و انشاء الله تكة هالمعلومة فيها الإفادة

مستشفى الشاطبى يفتتح مدرسة لتعليم الاطفال المرضى مستشفى الشاطبى الجامعى افتتح أول مدرسة لتعليم الأطفال مرضى الكلى والفشل الكلوى داخل المستشفى، حيث تقوم مجموعة من المدرسين المتطوعين بتعليمهم مواد الحساب والعربى والدين واللغة الإنجليزية، طوال الفترات التى يقضونها فى المستشفى أثناء عملية الغسيل الكلوى

جماعة الاخوان نشأت كتمرد علي هذا العصر الاسود فالاستعمار كان قد اتم القضاء على الخلافة الاسلامية عسكرياً وترك لاتباعة الليبرالين مهمة القضاء علي الخلافة سياسياً وثقافياً فانطلق علي عبد الرازق وطه حسين وباقي من تعلموا في الغرب وشربوا من كتابات المستشرقين للنيل من الخلافة الاسلامية ومن ثوابت الاسلام نفسها وقامت الاحزاب الليبرالية بالمهمة الباقية فسعد زغلول (مدمن القمار باعترافة) اصبح زعيماً للامة! فيما قامت زوجتة صفية زغلول بخلع الحجاب ثم داسوه بالاقدام فكما نعرف كلنا الليبرالية ليست ضد الدين :closedeyes:

شاهد الاثبات مجهول وشاهد النفى معلوم وصاحب العقل يميز

بعض الأخوة الذين وصفوا القرار بالعنصرية .. لماذا تفسرون كل شيء على هذا النحو البغيض ؟ أليس من حق كل دولة أن تفكر في مصلحتها وما تحتاجه وما يحتاجه أبناءها بالدرجة الأولى ؟ لماذا لا ترون لغيركم ما ترونه لأنفسكم ؟؟ الحكومة السعودية تواجه فيضان من العمالة السائبة + متخلفي الحج والعمرة + نسبة بطالة كبيرة واعداد هائلة من الخريجين سنوياً اضافة للقادمين من سنوات الابتعاث في اوروبا وأمريكا كل هؤلاء من حقهم على الدولة أن توفر لهم فرص العمل وأن ترغم القطاع الخاص وتقف لتحايله بالمرصاد

الليبرالية المصرية فى ظل دستور 1923 قدمت جماعة الأخوان المسلمين التى أسسها حسن البنا عام 1928 مش كفاية كده ؟

أسوأ جملة بسمعها دلوقت .. "صرحت مصادر مطلعة"... و بعدين نرجع نتكلم عن حرية الإعلام اذا حاجة غلط حصلت.. فمفيش حد كبير على الحساب

الانيل من كده الاخبار من نوعية جه يكحلها عماها يتنشر خبر اهبل في رأيي 4 مسلمين ينقذون فتاة مسيحية من تحرش شباب مسيحين بها نعم يا سيدي انت كده هاتخلينا نحب بعض؟ الخبر المفروض صيغته تكون اربع شباب انقذوا فتاة من التحرش و خلصنا على كده لا الشباب دول قصدوا ينقذوها عشان مسيحية و تظهر علامة التعايش و لا التانين عاكسوها عشان هي مسيحية زيهم و نظام زيتنا في دقيقنا الا هو ما ينفعش يطلع قرار من اي حد بقى سواء الجيش اوالحكومة المهم كل الجرايد و التليفزيون يتقفلوا لمدة سنة على الاقل و الله حياتنا هاتبقى احلي من غيرهم كتير على الاقل مش هانكون فاضيين هانبقى بنشتغل

أيوة ما هو من ضمن المواد التي تم الموافقة عليها في الإستفتاء المادة 189 التي تقول بأن الدستور الجديد سيخرج من لجنة منتخبة من قبل أعضاء مجلس الشعب .. دا أختيار الشعب ، وإرادته هل يفهم من هذا شئ أخر لا سمح الله

السلام عليكم... إضافة مُلحة: دى نشفت جدا دلوقت ....بعد مابردت شوية تحولت إلى زلطة.. بس حيأكلوها...يعنى حيأكلوها...غصب وإقتدار.. متهيألى لو سوينها فى الفرن العادى ممكن ربنا يفرجها ولا ايه؟؟

لذلك ارسلت رسالة الى السادة المشرفين بمسح اى مشاركة فى الموضوع لا تتطابق مع هذا القانون ولكم جزيل الشكر طيب مادمت بتشتكينا للادارة واحنا اللي بنحاول نديك كل الفرص رغم خطاياك ,, عاوزك تجاوبني وش كده و بكل امانة لو تقدر ,, لو اي زميل فاضل هنا اتقال عليه انه عضو لجنةا لكترونية للاخوان المسلمين او كفاية او جمعية التغيير للبرادعي او شباب 6 ابريل تفتكر كان حيشعر بالفخر ,, ام يشعر انها مسبة وشتيمة زيك كده ويجري يشتكي !! ده اقرار منك يا محمد ان تهمة الانتساب للكيان الفاسد ده في حد ذاته يعتبر هجوم شخصي يستدعي الشكوى للادارة يا محمد انت انسان ذكي و عندك موهبة حرام تضيعها مع اهل الباطل او تنقل كل ماتقع عليه عيناك وتنسبه الى نفسك ,, راجع نفسك يابني انت في بداية حياتك وانا يعلم الله والجميع هنا عاوزين لك الخير وشايفين اللي انت مش شايفه اما لو اصريت ,, فسابذل كل ما بوسعي لاجعلك تعبر عن رأيك ايمانا بحرية التعبير - ماعدا السرقات الادبية اللهم قد بلغت والكلام ليك ولغيرك وليا انا كمان معاكم ,,

الحياة ... زحمة ....كتب .... + زحمة سطور .... + تزاحم كلمات .... = تدافع افكار

بالرغم من اعتراضي الشديد على تعامل الإخوان مع مظاهرات جمعة 27 مايو لكن أريد أن أنبه إلى شيء .. و إن كنت أظنه واضح للجميع ما يحدث من اتهامات متبادلة و تخوين كل طرف للآخر .. هو تفتيت للوحدة الوطنية و للثورة دي كانت مداخلة لي في موضوع 6أبريل تلقت دعمًا من منظمات أمريكية ممكن نكتب في رقم (6) مع جماعة الإخوان

لعله خير هو طبعاً اكتر ناس هتضرر من الموضوع ده هو الشركات والمؤسسات يعنى العامل بعد ست سنوات بيكون وصل الى اعلى مستوى فى المهنه بتعته وبيكون تكيف على ظروف البلد ودى لوحدها عامل مهم جدا لان فيه ناس بتيجى ومبتعرفش تتكيف وبترجع لبلادها تانى الى جانب ان فيه مديرين على اعلى مستوى ولا يمكن للشركه الاستغناء عنهم باى شكل ممكن علشان كده الشركه بتدى ليهم مرتبات خياليه وامتيازات اخرى كتير علشان يظلوا فى الغربه والى جانب كمان فى عامل مهم ان العامل اليى شغال فى شركه مش هيبقى همه على الشركه لانه فى الاول والاخر هيسيبها ويروح فطبعا هتلاقى روتييييييييييييييييييييييييييييييييييييييين قاتل فى الشغل والناس قاعده بتعد الايام علشان تؤدى الفتره بتاعتها وترجع بلادها تشوف مصلحتها يعنى احنا دلوقتى بنعمل jion finishin مع شركه عالميه بقالنا يمكن سنه او اكتر بنخلص فى الموضوع ده وطبعا حاجه زى دى لو احنا مش حاسين اننا شغالين فى شركه محترمه وفيها stability عالى مكناش فكرنا فيها مهو انا كده كده ماشى يبقى اشتغل موظف فقط لا غير وماليش دعوه بقى بتطوير العمل وهيبقى كل تفكيرى منصب انى اقضى الفتره دى فى البلد دى باى طريقه وادور لي على شغل فى بلدى او افكر اعمل مشروع والى جانب كمان الناس مش هترضى تسافر من البلاد الاخرى الا على مرتبات عاليه جدا اليى يخليه يسافر ست سنوات ويرجع يبدأ تانى فى بلده من جديد لا استحمل فى بلد ست سنوات اتعب فيهم وبعدين ارتاح بعد كده بعد لما اروح ازرع فى ارض انا مش هعيش فيها ولكن فى الاول والاخر دى بلادهم وهما احرار فيها واليى نجح فى مكان ممكن ينجح فى اى مكان طالما يمتلك مقومات النجاح انتوا عارفين حاجه زى دى هتفيد قوى البلاد التانيه يعنى تخيلوا مثلا المغتربين المصريين نزلوا مصر بقى بفلوسهم المتلتله فى البنوك او المركونه فى الاراضى ....الخ وطبعا خبراتهم اليى اكتسبوها سواء من ادارة الشركات او العمل فى شركات عملاقه وبداوا يشتغلوا فى مصر بقى اكيد هيحصل اذهار فى الاقتصاد تحياتى عنبو

نقطتان هامتان : 1- دي بلدهم وهما حُرين فيها ... بغض النظر عن تأثير القرار سلباً أم إيجاباً وهل له بُعد إقتصادي وأجتماعي .. أم إجتماعي فقط .... قلتها قبل ذلك .. أنا لو في مصر وقاعد عاطل وشايف أجانب بيشتغلوا وعايشين كويس ... بالتأكيد هاحقد عليهم وهاعمل مشاكل كمان ... حتى لو كنت كفتجي ولا أتقن أي مهنة أو حرفة أو أحمل أي مؤهل .... خصوصاً لو كانت بلدي غنية وبتعوم على بحور بترول .. 2- مش كل اللي هاينزلوا مصر بيفكروا في مشاريع أو لديهم القدرة على عمل مشروع أو مؤهلاتهم او مهنهم تسمح لهم بذلك .... عشان كده الحكومة لازم تضع في حسبانها كل تلك الأشياء .. وتبتدي تضع حلول عن طريق التفكير خارج الصندوق أي بشكل غير تقليدي .. أنا مش باطلب وظايف في الحكومة أو الميري .. لكن بأطلب بعد ما تحررنا إننا نُهيء المناخ الصالح للعمل

اة اية المطلوب يعنى ؟؟؟ توبك غريب و عجيب زى كل موضوعاتك واضح انك بتحب تمشى على مبدا خالف تظهر يعنى المطلوب مننا نعلق نقول اية بالضبط ؟؟؟ ياريت تشغل بالك باى حاجة فى الدنيا غير سيرة اللى مش هاقول علية رئيس و لا سابق هاقول علية المخلوع ياريت تدور على اى حاجة تتكلم فيها لحسن بجد بقت حاجة تزهق

http://www.youtube.com/watch?v=XW4QYBgj4XA&feature=player_detailpage

الف مبروك لكل الي نجحه و اعقبال كل الناس مبروك للجميع 1-مسيو هاني 2-هاني فري 3-سانت لورينت 4- ميكي مانو 5-جميلة (إله السماء يعطينا النجاح و نحن عبيده نقوم و نبني) ف النجاح هبة للجميع و لكن بحسب تعب كل واحد هذه طلبة صغيرة من اجل كل اخواتنا اللي داخلين الإنترفيو

و عليكم السلام و رحمة الله و بركاته أول ما شفت الفيديوهات .. قلت سبحان الله.. علم الانسان ما لم يعلم الحمد لله ان رزقنا عيونا ترى الجمال في كل شيء و عقولا تبتكر حتى ترى أكثر و أوسع و أدق و علطول افتكرت الصورة العكسية.. يبدو الكون ساكنا حولنا .. لا نحس بالتغيير التدريجي المستمر فيه تسريع الصورة ايضا يساعدنا ان نرى اوضح :closedeyes: http://www.youtube.com/watch?v=rv6oWhG76pQ&feature=related ممكن تقفلوا الصوت خالص و تكتفوا بالفرجة دون موسيقى

عاش المجلس العسكري عاشت النيابة العسكرية عاش طنطاوي عاش اللواء حمدي بدين :happy:

أهلا بيك يا أستاذ محمد في المنتدى بما إنك مشترك جديد وأنا أول واحد يقومك إيجابي في المنتدى وبشكر معاك الجيش لأن للصبر حدود شكراً استاذي العزيز هناك ايضاً اضافة مهمة وهي ان نبيل شرف الدين هذا المتحول هو في الاساس ضابط امن دولة وكان من منافقي النظام وكان ومع النظام حتي اخر يوم يدافع عنه ويتهم الثوار الان تأتي به ontv ليتحدث كأنه من قام بالثورة لتنفيذ اجندة الثورة المضادة الخبيثة لضرب الشعب بالجيش http://www.youtube.com/watch?v=Z6aDHwfAuuk

انا عنى نفسى بقيت محتار لان دعاة الديمقراطيه فى مصر يطالبون بمحاكمة النظام القديم باقصى سرعه وباقصى سرعه تعنى محاكم عسكريه ويرفضون محاكمة الى بلطجى امام محاكم عسكريه ازدواجيه غريبه الحل طبعا لازم خطوات جرئيه لانقاذ الثوره وهى كلاتى حل جهاز الشرطه وتسريحه تماما حل الجيش وتسريحه تماما حل القضاء وتسريحه تماما نفى السلفيين الى السعوديه نفى الاخوان الى غزه حرق كل من كان ينتمى الى الحزب الوطنى الفلاحين ايه لزومهم ده معظمهم امى...يروحوا السودان يزرعوا هناك العمال يروحوا الصحراء يعملوا ورشهم هناك علشان الدوشه يحيا ائتلاف الثوره وتحيا 6 ابريل

انا لست من هؤلاء الجامدين الذين يتكلم عنهم البعض وعلي الرغم من ذلك قلت لا للمظاهرات فلماذا تكيلون الاتهامات ولماذا هذا القمع ولماذا هذه الديكتاتورية في فرض الرأي يعني لم تختلفوا عنهم بصراحة ومنهجكم واحد وطريقتكم واحدة وهو انا لما اقول ان المظاهرات كانت فاشلة اصبح عميل وكاره للثورة وكانكم اصحابها دون غيركم كبرت كلمة تخرج من افواهكم وهو انا لما اقول ان المظاهرات اذا خرجت ولم تحقق الهدف من خروجها تصبح مظاهرة فاشلة اكون بذلك عميل وطائع لشيوخي ومنفذ لاوامرهم بدون عقل مني يذكر وهو انا لما اقول اني عايز مظاهرات لاسباب حقيقية وليست مظاهرات والسلام اكون معادي للثورة طب انا شايف ان المظاهرات دي ماكنش ليها أي لازمة واري ان هناك امور لها من الاهمية ما توجب الخروج من اجلها وليست كما زعم الداعين الي المظاهرات واري ان هذا نوع من الالتفاف علي الشرعية التي ارتضتها الاغلبية من خلال الصناديق والتي ادليت فيها بعدم الموافقة علي تلك التعديلات وكنت من الفريق الخاسر لهذا الاستفتاء ولكني احترمت رغبة الاغلبية وكم حذرنا من مساويء قبول تلك التعديلات لكنني احترم هذه الرغبة واحترم راي الاغلبية واتمني من كل الداعين لتلك المظاهرات ان يحترموا راي الاغلبية حتي لا نخرج من قمع الي قمع ومن ديكتاتورية الي ديكتاتورية المجلس العسكري هو الحاكم الشرعي لهذه البلاد الي ان يتسلمها منه الحاكم الشرعي الذي سينتخبه الشعب واري ايضا ان المجلس العسكري لم يغير ما وعد به ولم ينحرف عن وعوده والجدول الزمني الذي وضعه لتنفيذ بنود انتقال السلطة وتحقيق الديمقراطية يسير دون أي انحراف اذا حدث أي انحراف عن وعوده ساعتها ساكون اول واحد في المظاهرات اما بخلاف ذلك فاسمحوا لي انتم علي خطا

في الأول والأخر ندعو الله أن يكون هذا الخبر صحيح ، وميطلعش في الأخر عبارة عن خبر لجس نبض الشارع زي خبر [ خطاب الاعتذار والعفو ] أو ممكن تطلع كذبة 24 مايو بدل كذبة إبريل .. بس الاحتمال الأكيد من وجهة نظري أن يتم نقل سجن المزرعة إلى شرم الشيخ أو يفتحو فرع جديد ليه في شرم ويكون التنسيق تابع لوزارة المالية .. والقبول فيه عن طريق أكبر أو أكثر مليارات .. مش أكبر مجموع . لما الباشا قاعد يتدلع وعامل فيها ميت .. ومراته كمان عملت ميته لما سمعت خبر الحبس .. وبقت زي القرد لما خدت البراءة ... ده معناه إيه ؟؟؟؟؟؟؟؟ لإما النيابة بتستهبل الشعب ياإما الشعب فعلاً عبيط [ لا مؤاخذة ] وإللي يلاقي الدلع وميدلعش ، يبقى أهبل .. المفروض إن القانون يطبق على الجميع خاصة وإن فيه إدانه لشخصه .. يبقى المفروض ينسى بقه حكاية ريس أو عربجي .. ويتعامل زي بقية خلق الله .. ولو حرامي غسيل مات في مستشفى السجن لسوء أو عدم تجهيزها ، فده عند أهلو أغلى مليون مرة من ألف واحد زي مبارك .. يبقى المفروض مبارك يترمي بردو في مستشفى السجن زيه زي غيره .. ويتحاكم محاكمة إضافية أخرى على تدني مستوى المستشفى لأنها كانت في عهدة وهو الرئيس المباشر والوحيد لكل حاجة في البلد ورئيس المجلس الأعلى للشرطة.

نسر يخطف طفل في صور اذهلت العالم في ذلك الوقت

وده واحد تاني جديد أدخل الموقع وحرك الستارة من اليمين إلى اليسار ببطأ ولاحظ ما يحدث http://blogoscoped.c...es/stripes.html

اتفق تماماً مع الاخ هادي في جميع فقرات المداخله واضيف ان سعرك في الغربه يعتمد على الوقت الذي امضيته في تعلم شيء جديد. ماتفعله اليوم سواء تعلمت شيء جديد او ضيعت الوقت هباءً، تجنيه غدا في الغربه. كمان المنافسه في الغربه شديده جدا جدا الاختيار للوظائف او العمل بيكون اختيار بين اكثر من شخص مؤهل تماما للوظيفه ، وليس بين اشخاص ليسوا بالكفاءات التامه. ولازم تكون كفاءتك بشكل رأسي وافقي ، بمعنى تكون متخصص في شيء او اشياء كويس جداً (رأسي)، وفي نفس الوقت ملم بما حولها من موضوعات ذات صله بتخصصك (افقي). تحياتي سقراط