لوحة القادة

السلام عليكم طبعا الناس كلها فاكرة اني هطلب حسنة قليلة و كده..و طبعا كله كان داخل يشمت..بس أنا ولله الحمد مستورة معايا اليومين دول..رغم اننا في آخر الشهر.. بصراحة أنا نفسي أعمل الموضوع ده من فترة و كنت مستني الدنيا تهدي شوية..عاوزين نعمل هدنة بين الأعضاء هنا..و طبعا بما إني أنا المقترح..فأنا اللي هحط الشروط طبعا.. أنا بس كل اللي طالبه مواجهة كل محاولات التفرقة اللي تحصل اليومين دول من جميع المواقع الاخبارية و التي بحسن نية ننقلها هنا للنقاش و نحن لا نعلم أنها ستأجج مشاعر الكراهية بيننا و بشكل أصبح ملحوظ جدا ولا ينبغي السكوت عليه وعاوز أقول علي حاجة مهمة ملاحظها من فترة طويلة..موقع مثلا زي موقع اليوتيوب..اللي أصبح يحتوي دلوقتي علي مش عارف 4 مليون فيديو و شوية كسور كده..والرقم ده كمان قديم..و أكيد أصبح الرقم الحقيقي دلوقتي أضعافا مضاعفة الموقع ده علي سبيل المثال ممكن تلاقي عليه أي حاجة تخطر علي بالك..و لأنه فيه كل حاجة..فهتلاقي علي ناس من كل جنس و لون.و بيقولوا أي كلام ممكن تتخيله.. يعني أنا مثلا لما أحب أنتقد تيار سياسي معين..ممكن أدور لحد ما ألاقي مقطع معين حتي لو كان من 20 سنة..لواحد ينتمي للتيار ده..و بيقول كلام أهبل..أو كلام جارح..و أقوم جايبه هنا و برضه لو عاوز أنتقد التيار الاسلامي..ممكن أدور لحد ما ألاقي واحد ملتحي..مش مهم طبعا هو عقيدته ايه ولا تفكيره ايه..ولا اللحية دي أساسا مربيها ليه..بس المهم انه ملتحي..و بيقول أي كلام..تهديد بأه..شتيمة...تكفير..أي كلام..و أقوم جايبه هنا بالله عليكم قولولي..لو أنا عملت أي حاجة من اللي فوق دي..هيبقي غرضي ايه؟..يعني هكون عاوز ايه مثلا؟؟ نقاش هادئ مثلا؟؟...طبعا مستحيل يبقي أكيد هكون عاوز - ولأني مختلف مع النوعية اللي جبتها في الفيديو - ان الناس كلها تدخل تشتم في صاحب الفيديو..و من علي شاكلته..و طبعا الناس اللي متفقين مع فكر الراجل الموجود في الفيديو ده..مش هيسكتوا..هيقوموا داخلين تقطيع في الناس التانية..و الأخ ناقل الفيديو اللي هو أنا قاعد طبع مبسوط..و شغال يونيفيرسال إشعال ذاتي..و فرحان ان موضوعي وصل ييجي 10 صفحات..,يااااه...دي الناس دي بتحبني أوي.. ينفع يا اخواننا الكلام ده؟ أنا بس ليا رجاء خاص..المواضيع اللي ما نحسش انها ذات طابع جاد للنقاش..و مش هييجي من وراها غير الخلافات و الشتيمة و وجع القلب..يبقي بلاش منها..اليومين دول علي الأقل لحد ما البلد تستقر شوية..و نبقي ساعتها ياعم نجيبلك ولاعة و جركن بنزين وولع في القسم اللي ما يعجبكش

الواحد لا ساحر .. ولا بيحضر عفاريت كنت متوقع هايقول إيه ... وقال ما يريد أن يقوله غداً في حديثة للامة ... بالأمس أستضافتة منى الشاذلي على هامش مؤتمر تكنولوجيا النانو تكنولوجي اللي عُقد أمس في فندق هيلتون دريم ولمح لمحتوى حديثة المؤجل ...... بالمناسبة مش أول مره يتم تأجيل حديث له بعد الإعلان الرسمي وبدون إعتذار ولا مراعة لمشاعرنا معليش جُملة مقاطعة ... إيه العلماء المصريين دول اللي طول أقل واحد فيهم يوصل لحد القمر ؟ وإيه المراكز اللي شاغلينها على مستوى العالم ده والناس هناك بتتقدم بهم وإحنا هنا مركزين على الراقصات والغناء للمخلوع مبارك والرقص والحنجلة أمامه وهاتك يا حفلات تكريم للمنتخب ؟ شوفت أمبارح ناس .. تفخرإنك تنتمي لهذا البلد اللي منهم واحد من دول فعلاً .. فرق كبير جداً بين دول خطفت العلماء الروس بعد تفكك الأتحاد السوفيتي مثل إيران وكوريا الشمالية وللأسف إسرائيل ... وبين دول خطفت الساقطات والراقصات الروس وملت بيهم شرم الشيخ نرجع مرجوعنا لخالتي أم ابراهيم ... اسف الدكتور عصام شرف اللي طلع طيب زي خالتي اللي مش بتبطل شكوى ودايماً بتثبتني بالكلام الحلو وربنا يفتحها في وشك يابني .. وإمشي جنب الحيط تسلم .. ومن قدم شيء بيداه إلتقاه ... لكن افعال مافيش دي مش إساءة على فكرة ولا تطاول ... لكنها حقيقة الراجل على المستوى الإنساني بيتقي ربنا وإنسان نزيه ومحترم لا جدال لكن عفواً .. أنا مش رايح أتجوز بنتك فبادور على بيت طيب أناسبه .... أنا في بلد طويلة عريضة فيها 85 مليون بني أدم عاوزين حياة كريمة وقاموا كلهم بثورة ضد الفساد والظلم وقدموا الغالي والرخيص في تلك الثورة وأنا في بلد رايحه تستلف 12 مليار دولار وأنا وولادي هانتورط في الديون دي وهاييجي مسئول بعد كده هايقول نفس كلام عصام بيه ويقل زيه " أنا مستلمها تحت الصفر " فلما يعدي 5 شهور وبرضوا الاقيني بأسمع نفس الأسطوانة المشروخة اللي عملت لنا شرخ في حياتنا زي : - إحنا أستلمنا البلد وكانت على الصفر والأمور صعبة .. لكن إحنا الحمد لله أحسن دلوقت وهانوزع مصر على المصريين ههههههههههههه طب وحياة والدك يا دكتور .. بما إني مصري وهاتوزع عليه حته من مصر .. فانا محتاج مارينا ... وبورتو سخنه .. وإقطع لي حته من أسوان عشان اروح أشتي هناك حيث الشمس الساطعة والحركات عفواً يادكتور عصام ... ياريت حد جنبك ينبهك إن في ثورة قامت ... وبالتالي بعد الثورة دي لما تكلمني من غير أرقام وتواريخ ومؤشرات ( ملموسة ) وكبر كلمة ملموسة دي وحط تحتها الف خط يبقى وفر مجهودك وتعالى هات راسك على صدري وعيط عشان أواسيك لإن سيادتك ما فرقتش كتير عن الكلام المضروب بتاع المخلوع وعصابته ... فلما أعرف إن وزير مالية سيادتك رايح مقدم على قرض نقدي من البنك الدولي يُعادل ثُلث ديون مصر الخارجية باكملها حتى الان .... يبقى يالا بينا نطلع على شرم الشيخ ونقول للمخلوع : إحنا أسفين يا مخلوع وإرجع عشان وحشتنا وما تزعلش من هزارنا التقيل ولما أشوف أذيال النظام لسه بنهزر معاهم ومافيش واحد فيهم أخد حكم يستحقه جزاء ما فعله بنا وبمصر ... ولما أشوف الدنيا كلها محلك سر والشركات اللي إتباعت برخص التراب - أه صحيح ... شركة أسمنت قنا اللي كانت مملوكة للدولة إوتباعت برخص التراب إتبرعوا أمبارح بخمسة مليون جنية لدعم الإقتصاد المصري هههههههههههه .. ثمن شكارتين أسمنت - أعتقد إنها مملوكة لشركة اسبانية ولما اشوف أراضي مصر اللي إتعمل عليها منتجعات بمليارات وكانت بتروح هدايا للكلاب النهابين بدون مقابل لسه زي ما هي بل بالعكس لسه بينزلوا إعلانات عنها ويا بلاش .. الشالية بخمسة مليون وإلحق يا عم ولما أشوف واحد زي إبراهيم كامل وهو عراب التوريث والراعي الرسمي له يُفرج عنه ويمرح ويفرح وسطنا بالرغم من إنه تخيل يا دكتور عصام يا شريف ... حاصل على قروض نقدية بما يعادل 3.5 مليار جنيه من 15 سنة وأكثر ؟ ثلاثة ونصف مليار جنيه مصري من بنك واحد فقط وهو بنك القاهرة بدون ضمانات ولو حتى رهن غويشة من غوايش مراته .. مش بس كده .. ده توقف عن سداد المبلغ سنة 97 وماحدش لحد دلوقت قال له كخ كده .. ما تاخدش حاجه مش بتاعتك يا ولد عيب .. ... أه وكتاب الله يا دكتور .. يعني من 14 سنة يا دوك وما حدش كلمه عن أصل المبلغ أو فوايدة .... عفواً حتى بعد قيام شيء إسمه ثورة من 5 شهور ... أزغد وزيري المالية والعدل وصحيهم عشان يشتغلوا شويه لو سمحت تخيل يادكتور إن إبراهيم كامل عنده 50 شركة - بس . يا بلاش - وكلهم جمال وعلاء شركاء فيهم .... عادي عادي بيزنس وإقتصاد مفتوح والأولاد بيلعبوا وأهو الان بيطلع لنا لسانه وبيقول : ده أنتوا شعب اهبل قوي وناس طيبين وتستاهلوا اللي يجرا لكم بعد ده كله تخيل يا دكتور مقدم طلب للمحكمة الأسبوع الماضي بيقول فيه إنه عاوز يسدد بقية الفلوس عشان زهق من التُخمة .. تخيل ؟ ولما أشوف لجان رايحه ولجان جايه وبيصيفوا في أوروبا ومحاميين اجانب هايخدوا ملايين اليووهات عشان يتابعوا الفلوس المتهربة بره - ربنا يديك طولة العُمر - بالرغم من إن تحت إيدنا مليارات وأمام أعيننا في شرم الشيخ و6 أكتوبر وفي الساحل الشمالي وفي العاشر من رمضان و و و و و طب أتحدى .. وأمام الجميع .. وانا أهو ما أعرفش ولا كلمة أسباني غير برسلونه وسنيوريتا - والله مش عارف دي إسباني حتى ولا إيطالي ؟ - إن ما أتحكم على حسين سالم خلال أيام قليلة وتم مصادرة ممتلكاته في أسبانيا لصالح بلدهم اللي بيحبوها ..... وبُصوا. مش هما بياخدوا مننا غاز ببلاش .. إسكتو مش أنا ماقولت لكمش ... مش أحنا بنصدر لأسبانيا غاز under cost برضوا ؟ ما هو المصري معروف بشهامته ورجولته ولازم المصري يقف جنب أخوه الصهيوني والأسباني والأردني وعشان ما نبخسش الناس حقوقها ... وزارة البترول نجحت في تعديل عقد تصدير الغاز للأردن من 1.5 ن دولار - يا كفره يا كفره ياللي ما تعرفوش ربنا .... السعر العالمي يقترب من 6 دولار للمليون وحده وإنتوا بترموه برخص التراب .. مش بس كده ... حد يسمعنا زغروطة .. تعرفوا إن نصيب مصر من السعر ده 50 % يعني 75 سنت ... يعني المليون وحدة من الغاز أقل من ثمن أنبوبة البوتاجاز اللي وصل سعرها 30 ج في مصر .... و 50 % الباقية لحسين سالم ... يعني بياخد مننا بـ 75 سنت وحتى الأن لا نعرف بكم بيبيعه للدول دي ... والحمد لله عدلنا السعر والأردن وافقت طبعاً ووصل 4.5 دولار ... مما يعني 200 مليون دولار سنوياً دخل لنا .... بس الزغلول الكبير في غاز إسرائيل وإسبانيا اللي ماحدش جاب سيرتها - وخلينا نحلم في البالوظة ونتابع أخبار اليهودي حسين سالم زينا زي أي واحد قاعد على القهوة وخلي شركاته لسه قائمة وبتصدر الغاز لإسرائيل وخلي ثلاث أرباع شرم الشيخ مملوكة له والدنيا حلوه وماشيه عادي هههههههههه كلنا طبعاً تابعنا الكفالات اللي بتتفرض على ذيول النظام عشان يفرجوا عنهم ويقول لك .. 200 الف جنيه كفالة لفلان اللي تم الإفراج عنه على ذمة التحقيق يااااااااااااه 200 الف جنيه .. دول يطلعوا أكتر من 140 ج مثلاً فلما نعرف إن خلال 24 ساعة تم فرض كفالة على حسين سالم مقابل حبسه في المستشفى الميري الأسباني - زي الدمرداش عندنا - عشان عامل ميت هو راخر وقدرها 27 مليون يورو وهي أكبر كفالة تُفرض على شخص في تاريخ أسبانيا والفلوس في ثواني تدخل خزينة الدولة ده غير الـ 32 مليون يورو اللي صادروهم ولقوهم في جيب جاكتته في القصر بتاعه يبقى أقدر أقول لك يا عصام بيه .... تعيش إنت يا حج وحتى الأن بتبشرونا إنكم حصلتم مبلغ وقدرة مليار جنيه هي حصيلة الغرامات اللي إتوقعت على المجرمين الوزرا المسجونين كلههههههههههههم .. ساعتها بقى أزغرط ... ياااااااااااااه وجايين على نفسكم ... كتر خيركم ولما أشوف الثورة اللي جابتكم في مراكزكم اللي إنتوا فيها دلوقت وبتغنو لها ليل نهار .. لما أشوف المجرمين اللي قتلوا ولادنا ودمهم لسه ما بردش .. لما اشوفهم لسه في مراكزهم دلوقت ولابسين ميري بل بالعكس .... تصدق يا دوك إن حركة ترقية ظباط الشرطة اللي صدرت الأسبوع اللي فات .. تضمنت أسامي ناس متهمين إترقوا لمراكز أعلى بالرغم من إنهم كل كام يوم بيروحوا المحكمة ويدخلوا القفص بتهمة قتل المتظاهرين ؟ إيه ... هو ماحدش قال لك ولا إيه ؟ أما شرفاء ضباط الشرطة فأتنفوا لأماكن بعيدة لمواقفهم الداعمة للثورة .. الخونة الاوغاد عارف .. اللي ما تعرفوش إن حبيب العادلي ورمزي و الشاعر ومنصور ... وهم عصابة الداخلية المسجونين من 4 شهور .. عارف إن حتى الأن لسه بينضرب لهم تعظيم سلام في سجن طره... وإن في المحكمة لما بيروحوا جلسات المحاكمة بيبقى عليهم قوات خاصة عشان يمنعوا حد يصورهم ؟ أه والله يا عصام ... تخيل خايفين على جرح مشاعرهم وهما بيتصوروا بالبدلة الزرقا .... أه بالمناسبة .. إرفع سماعة التليفون وإسأل العيسوي باشا وزير الداخلية وقول له : إنت صرحت إن العادلي لبس البدلة الزرقا وإتحول من سجن المزرعة لسجن طره للمحكوم عليهم فعلياً وإن كله تمام .... الكلام د ييجي من شهر وأكثر .... أقطع دراعي واحكم عليه بدل العادلي يا عصام بيه لو كان ده حصل العادلي أيها السادة ما زال ينعم في نعيم سجن المزرعة وبيوصل له 3 وجبات من الشيراتون يومياً وعشان ما نظلمش الراجل .. ساعات مدام شرشر بتعمل له طاجن البامية باللحمة الضاني اللي بيحبه وبتيجي تأكله بنفسها هم يا جمل والطيارة رايحه فين وكدهوت .. أكل بس مش عاوزين ظن سيء هو في ايه ولا في إيه دلوقت .. وعارف كمان يا دوك إن مجرمي مديرية أمن الإسكندرية تم الأفراج عنهم اول امس وتأجيل القضية لشهر أكتوبر للمرة يمكن العاشرة ... واللي يضحك ... أنا بس عاوز اضحكك معايا عشان نفك القاعدة ... إنهم حضروا المحاكمة بالملابس المدنية .. ايوه يعني بنطلون وتي شيرت عادي ... وكإنها كانت خناقة في الشارع وناس ضربوا بعض أه صحيح يا دكتور .. يا ترى بكره في خطابك هاتقول .. لأ لأ خلاص .. سيتم تطهير المحليات الأسبوع الجاي .. زي كل مره ؟ ونستنى بكره ... ما يجيش بكره عامل زي نُكتة واحد فاتح محل ملابس - تقريباً كانت لانجري - كاتب يافطة .. البيع غداً مجاناً ... ويالا قبل ما يعقل يا جدعان ... وكل ما الناس تروح تشتري أبو بلاش .. يقول لهم أقروا اليافطة .. أنا بأقول بكره مجاناً .. وييجوا بكره يقول لهم بكره هل قرات ذات مرة يا دكتور إن مهاتير محمد أول ما تولى الحكم كانت ماليزيا زي بنجلاديش كده .. دولة من غير موارد ... دول مُعدمة وليس لديها مقومات الدولة حتى ... مش زينا اللي الحمد لله عندنا مؤسسات قائمة لم تتضرر ولم تُدمر في حرب زي العراق مثلاً وموارد متجددة وقوة بشرية تنحت الصخر و و و و و و ومع ذلك ... أول ما تولى الحكم عارف عمل إيه ؟ العبد الفقير اللي قدامك يقول لك : 1- درب 3000 إنسان محترم إختارهم صح .. دربهم في معهد لمدة 3 شهور ليتولوا مناصب في المحليات هناك ويُعيدوا تخطيط ماليزيا بالكامل ...... أسف إني بأقول لك كلمة محليات في وسط الكلام يمكن تجرح مشاعرك ولا حاجه .... والناس دي إتخرجت وأكلت ماليزيا أكل وخلتها بتلمع وكل شارع وكل رصيف بقى صح الصح وزي ما بيقول الكتاب صفحة 312 على اليمين 2- قال إني خلال سنوات قليلة جداً هاكون أكبر مُصدر للزيوت النباتية الصويا والنخيل و و و .... وقد كان 3- ركز على التعليم الصناعي في البداية ... اصلها مش كيميا يا دكتور .. اصله شاف كوريا واليابان والمانيا والدنيا كلها عملت كده .. وبعت طلبة كتير يتعلموا في اليابان ورجعوا العيال دي وبقوا نوابغ وبالعكس وهما اللي قادوا النهضة اللي إنت شايفها دي . وبقى هو اللي يعلم الناس عنده دلوقت ومدارس وجامعات ماليزيا من أرقى ما يُمكن اه بالمناسبة ... خير .. سامع إن دكاترة الجامعة اللي وضعوا أسئلة الثانوية العامة بتاعت الأنجليزي وكانت غلط ومن خارج المنهج تماماً إتحولوا لمحاكمة تاديب وسيصدر ضدهم عقوبات .... خير إن شاء الله .. طب والعيال دول اللي دمرتوهم ذنبهم إيه ؟ هات لي فرق واحد قبل وبعد الثورة في هذا الموضوع بالذات ؟ وإذا كنت سعادتك بتقول إنكم هاتنتظروا مجلس الشعب لما يدرس ويوافق على مشروع أحمد زويل .. طب على الأقل خدها من أخوك أو إبنك الصغير ... ما تعمل مؤتمر لعلماء مصر في الخارج زي اللي شوفناهم امبارح في التليفزيون وتبعت للناس دي تذاكر وتحجز لهم في الفور سيزون فل بورد .. وتسمع لمقترحاتهم اللي يُمكن تطبيقها على الشورت رن ... مش هاكلمك عن تجربة أردوغان اللي خلى بلده ولا أجدع بلد في أوروبا خلال أقل من 7 سنوات والسبب التعليم ثم التعليم ثم التعليم أنا عارف إن مش معاك مصباح علاء الدين وهاتقلب التعليم في 3 شهور لكن عاوزين نشوف خطوة خطوة واحدة .. إيه كتير علينا ؟ وابوس إيدك يا أخي ما تقوليش ما أحنا بدأنا فعلاً لإن ده كان كلام جمال إبن مبارك هو ورفيق السجن نظيف اللي نفخونا كلام عن معدلات تنمية عالمية وكنت اسمع كلامهم واحس إني عايش في سويسرا .. لكن كنت بأفوق لما أبُص الاقي النور قطع .. أو مافيش ميه في الحنفية وكنت بأحس إنهم فعلاً بيعملوا تنمية وحاجات حلوه .. بس تحت الأرض .. ولما يكملوها هايقوموا مخرجين الحاجات دي ويشبرقونا ويروشونا وكدهوت بس يا خسارة إتحبسوا قبل ما يكملوا منجزاتهم . مع تحيات أخوك سين سين ... الرياض الساعة 2 الضهر والشمس مولعه

سؤال تاني التضحية من الجميع يقصد بيها احنا نضحي بمين هنضحي بدكتور الجمل و لا الدكتور الجمل يضحي علشانا و لا نضحي بالشعب اللي اعصابه اتحرقت عشان الدكتور الجمل.. و لا نضحي بالجونين علشان الممرضة تعيش...(انا طبعا بهزر من الانفراس و الانبعاج) فيها ايه لما دكتور الجمل يقول هيمشي و احنا نشد علي ايده و نقوله عملت اللي عليك و كفاية كده ليه لازم نتبت في نفس الوشوش لغاية ما تحرق نفسها لغاية اخر شعرة ليه ليه ليه؟؟؟

شرف كان هايُلقي كلمة اليوم بهذه المناسبة ... و الكلمة بتاعت النهاردة كانت هاتيبن حاجات كتير قوي فالكلمة كانت بمناسبة مرور 100 يوم على تولية رئاسة الوزارة وهايتكلم عن إنجازات الوزارة وخططها للمستقبل لكن في خضم مسلسل التخبط فقد تم تاجيل الكلمة إلى الخميس وأتمنى إنه يكون تأجيل مُبرر ومُقنع ويأتي بالجديد .. مش بعيد يعني بعد بكره لكن لكن .. كنت أتمنى إن يكون سلوكنا ثوري ويطلع بيان إعتذار من رئاسة مجلس الوزراء على تأجيل الكلمة ويبرر ذلك وأتمنى إن الكلمة ما تكونش من عينة قعدة المصاطب وعن التركة التقيلة والمصيبة السودا . فمثلما أحترمنا وأحببنا الدكتور عصام شرف وحتى الأن مازالنا نفعل .. أرجو الا يجعلنا نفقد هذا الحب أمام كلمات معسولة متسهوكة وكإننا إتنين مخطوبين عمالين بيبحبوا بعض تحت سفح المقطم ... أرجو أن يعي الدكتور عصام جيداً إن حكومته هي حكومة تسيير أعمال .. يعني حكومة مؤقتة .. يعني لما يكلمنا عن مشروعات قومية بالمليارات .. أقول له اسف .. مش دورك .. فأقل مشروع قومي ممكن يقعد 5 سنين لتنفيذه . وممكن مجلس الشعب الذي سوف يُنتخب يدرسه ويكشتف إنه توريطة ... على سبيل المثال لا الحصر ... من وجهة نظري طبعاً مشروع مليون وحدة سكنية والكلام ده .. مش وقته خالص .. المصريين مش ساكنين في الشارع ومستنيين شقق 65 متر في مشروع هايتكلف 10 مليار على الأقل .. إحنا محتاجين مشاريع نهضة مش مشاريع تسقيع شقق وأراضي كمان أعتقد إننا محتاجين نحسم موضوع ثرواتنا المنهوبة من الحرامية المسجونين دلوقت بأسرع ما يمكن وبمنتهى العدل ... ولو إني لا أتوقع ذلك .. فكل القضايا بدون إستثناء سيتم تأجيلها لشهري سبتمبر وأكتوبر لحد ما يرجع القضاة من المصايف وأجازات الصيف ودوخيني يا لمونه فلما يرجعوا مش هايفضوا يهرشوا .. لإن هايبقى عليهم عبء الإشراف على إنتخابات مجلس الشعب ومن بعدها الإنتخابات الرئاسية ... يعني أفضل لنا نجيب حكام أجانب من بره .. زي اللي خلصوا قضية زين العابدين في قعدة واحده كده أمبارح فبدلاً من الإستدانة ومد الإيد وتنطيط البنك الدولي علينا ... ما هي فلوسنا المسروقة أهي قدامنا داخل بلدن وكل حاجه واضحه .. ما تصادروها وتضموها لميزانية الدولة ... ونُعيد الإستفادة من تلك الثروات وخلي اللي بره بره وإبقوا إجروا وراه براحتكم يعني لا مؤخذه عمالين نبكي على حسين سالم اللي مقفوش في أسبانيا دلوقت .. وعنده ثروات ملك لنا وبتاعتنا في شرم الشيخ وغيرها .... دي مصيرها إيه إن شاء الله لما أول جلسه محاكمة لسه وعليك خير في أغسطس .... وهاتتأجل لإن عندنا واحد عامل ميت في شرم الشيخ .. والتاني محبوس في أسبانيا .. وربنا يدينا طولة العُمر مجنون من يتصور إن ميراث الفساد من عهد عبد الناصر حتى عهد مبارك الأسود سيتم إصلاحه في 100 يوم أو 1000 يوم لكن هذا كلامنا وقناعتنا .. إننا لا نستعجل ركوب الصاروخ .. لكننا نريد أن نرى افعالاً مدروسة .. ولا نريد أن نرى تخبطاً من نوعية تعيين زاهي حواس .. إقالة زاهي حواس ... لأ لأ . نعين زاهي حواس تاني إلغاء وزارة الإعلام .. إعادة وزارة الإعلام القضاء مستقل وقطع لسان اللي يقول غير كده .. والدليل ... هانبهدل سوزان مبارك الحرامية ... لأ إستنى يا عيني الوليه جالها اللي جالها يا كبد أمها أول ما سمعت الخبر وهانركب لها مسطرة في البري بيء .. ونقلناها شرم الشيخ في العنبر اللي جنب جوزها بين الحياة والموت ... وإدعوا لها يا ناس .... تاني يوم .. خلاص هي إتنازلت عن 24 مليون جنيه كل ثروتها اللي عملتهم من عرق جبينها زيها زي خالتي أم مجدي بتاعت الجرجير اللي عندها برضوا 24 مليون جنيه عاملاهم من تجارة الجرجير .. وبناء على ما سبق قررنا نحن سين سين وكيل نيابة راس محمد الإفراج عن سوزان مبارك .. وفجأة المعجزة تحصل والست تقوم زي الرهوان وما تحتاجش مسطرة أول ما تسمع القرار .... ياااااااه كل ده ده إيه الوزارة الجميلة دي وإيه العدل الحلو ده ؟ ولا ولولة الأنفلات الأمني كل يوم وإن الثقة مفقودة وإن في ظباط جالهم إنحباس نفساوي ولسه خايفين ينزلوا الشارع عشان خايفين من العو .. والكلام الفاضي ده إذا كانت الثورة قد قامت للقضاء على تعتيم الفساد ... فأين هي الشفافية الان؟ ولماذا الإصرار على استفزاز الناس في تعيين رموز من رموز الحزب الفاشي العفن اللي كان سبب من أسباب الثورة هو القضاء عليه وأستئصال وجودة نهائياً ... وأظننا شايفين منهم كتير لسه وزراء وكان مشهور عنهم الفساد زي سيد مشعل .. وزي الفاشل وزير الكهربا اللي رجعنا 100 سنة ورا وكله كوم وتعيينات المحافظين اللي كانت قمة في المسخرة وهذا كله في كفه .. والكفة الأخرى هي إستمرار المجاالس المحلية اللي يومياً نسمح إن خلاص يا ولاد خلال الأسبوع ده سيتم حل وسطها من 4 شهور والكلام ده بيحصل ويطلع فتايين من المجلس العسكري أو من مستشاري عصام شرف يقولوا : لأ لأ لازم عشان نحلها يبقى في حكم قضائي !!!!!!!!!!! وهل راعي الفساد والفاسدين كان إتشال بحكم قضائي ؟ إحترموا عقولنا يا ناس ... لإنها وللمرة المليون كانت ثورة مش شاي بلبن

لكلـك ... لكلـك كلام كلام كلام .... هو فيه إيه ماسورة كلام وإنفجرت في مصر بقينا عاملين زي تلاميذ الابتدائي لما المدرس يخرج من الفصل كله يبدأ يتكلم بصوت واطي شوية بعدين يبدأ الصوت يعلي علشان كل واحد عايز يتسمع في وسط الدوشة والصوت يعلي أكتر لحد ما يوصل لأعلي درجة ساعتها يدخل مدرس الفصل بسرعة ويرزع بالعصاية علي أول تخته ويقول بصوت قوي جدا ( بس ) مش عايز ولا نفس ،،، الحقيقة هو ده بالظبط اللي احنا محتاجينه يحصل في مصر محتاجين المخرس المخلص اللي يقولنا بس سكوت وفي نفس الوقت كلنا نتفق علي طاعته ونصمت وإحنا في قمة الثقة إنه يقدر يقودنا ولكن يا للأسف والآسي مفيش واحد لحد دلوقتي علي الأقل محل لهذه الثقة بالإجماع أو بالبلدي الفصيح مفيش واحد مالي عنينا في الموجودين علي الساحة العامة سواء كان من أحزاب الوسط أو المعارضة أو أحزاب ( خلينا نسميها ) الموالاه لأي قادم لو لاحظتوا هتلاقوه في وجه شبه يجمع بين كل الموجودين علي الساحه وهو أن أصغرهم سننا تخطي الخمسين ( ده أصغرهم ) يعني معظمهم مواليد الحرب العالمية الثانية يعني مستحيل يفهمونا ، ده ناهييك بقي عن من يسموهم الحكماء ورؤساء اللجان دول بقي مرضي بالزهايمر منذ خمسين سنة لأ وكمان في أي مؤتمر تلاقيهم قاعدين علي المنصة ( من 6 الصبح فاضي بقي ) وواخدين أول عشر صفوف أمام المنصة وتيجي تدور علينا يا شباب تلاقينا يا إما واقفين في أخر صف لأن مفيش مكان فاضي لينا أصلا (ودي ليها دلالتها طبعا) يا إما ماشين في الشوارع مانعرفش حاجة أصلا عن المؤتمر اللي المفروض بيناقش مستقبلنا ، لأ والمضحك بقي إننا لما قمنا بالثورة كشباب ( إضحك بقي علشان اللي جاي) تسأل أي جدو من الجدوهات اللي كترو أوي بعد الثورة وتقولوا ......... كنت فين ياجدوا لما جيت أقول لا .......... يقولك (كنت قاعد أمام التليفزيون بتفرج عليكم وإنتوا بتندهسوا تحت العربيات وكنت بتصل بالتليفزيون المصري أؤيد الإستقرار وبقاء الحال علي ما هو عليه لكن بصراحة لما كسبتوا قولت أشجعكم أصلكوا عملتوا ماتش جامد أوي) طبعا مستحيل حد يقول الكلام ده لكن لسان الحال بيقول كده وكل الشباب عارفين الكلام ده وكل شاب فينا ناجح أو بيحاول ينجح في دايما عدد واحد جدو من إياهم واقف في سكته سواء كان في شغله او في التعبير عن رأيه أو حتي في حياته الشخصيه المهم نرجع لموضوعنا ، خلي بالك أنا ما بتكلمش عن كبار السن بصفه عامه أنا بتكلم عن من أستطيع تسمهيتهم بعد الثورة بالمتحشرين الجدد اللي حشروا نفسهم وسط الشباب وطلعوا علي المسرح ياخدوا تحية الجماهير علي نجاح الثورة وشوية شوية بدأو يزيحوا الشباب ويظهروا هما فقط وبالتالي لن يظهر سوي فكرهم وبالتالي فلن نقتنع بفكرهم ( العقيم طبعا ) وبالتالي لن نصمت إحتراما لما يطرحونه يعني مفيش بس وفيه لكلك لكلك إلي أن يسمع صوتنا وفكرنا وتتحول افكارنا إلي واقع ساعتها بس إحنا إللي هانقول ( بس ) . كتبه / سامح عامر

ونرجع لنظام الاستفتاء على رئيس واحد زي زمان انا لا أوافق هذا الرأي ولي تحفظات على بعض ما ورد في المقال

مساء الخير لكل الناس اللى هنا انا الاول ياجماعة متأسف جدا لانى حاسس انى مقصر مع اخواتى اللى هنا بس ربنا يعلم غصب عنى انتوا بس صلولى انا ببارك لكل الناس اللى نجحت فى الميشن دا ويارب يكمل على خير وبقول لكل اللى ربنا ماوفقهومش معلش ربنا عاوز كدا وارادة ربنا فوق ارادتنا واللى شايفة هو يكون افضل لينا ان شاء اللة الميشن دا يخلص على خير ونظبط نفسنا للميشن الجديد وان شاء اللة ليستة الدكتورة جيجى يكون وشها حلو لليستة الجديدة اللى ان شاء اللة هاتتعرف فى ظرف اسابيع بس ليا رجاء اخوى ياريت الكل يتقبلوا بصدر رحب يارييييييييييييييييييت فى الفترة اللى جاية وبداية ميشن جديد الكل يحب بعض ويخلص لبعض لان دا هو اساس النجاح والنجاح فعلا انك تساعد وتشوف نتيجة مساعدتك دى سواء رأى تفيد بية او مساعدة معنوية وتشجيع المهم يكون قلبنا على بعض علشان كلنا فى مركب واحدة وياريت اللى حصل الفترة اللى فاتت مايتكررش تانى لان هدفنا هنا واحد وهو الهجرة وانهاردة علينا بكرة لينا ولازم نتأكد من حاجة مهمة جدا على اد ماهانساعد على اد ماربنا هايساعدنا ومستحيل تعمل خير ربنا يردة حاجة تانية معلش طولت عليكو بكلامى لكن دا رجاء محبة ويارب الكل يسمعة ونحس بروح المحبة هنا اكتر ماهى موجودة ربنا يوفق الكل ويحقق لكل واحد امنيتة وطلبة اعزرونى لان مشاركاتى قليلة وصلولى ان ربنا يعدى الايام دى على خير هانى

المجلس العسكري مشكورا ضحى بنبيل العربي من أجل الوطن العربي وأحتفظ بيحيى الجمل من أجلك أنت ها فاكرينها .. من أجلك أنت

استوقفنى موضوع حضرتك...الى هو بفضل الله رائع حبيت اشاركك الاجر...بس انا ديما شايفه ان الدعوة ديما لقيام الليل...مفيش حد بيفتكر الاستغفار وقت السحر...كلنا نعرف ابجدية الدعاء الصدقه والقيام...ولكن بينهم الاشتغفار.....ودائمااااااا خلي هذي المعادله في بالك .. الدعاء+ قيام الليل+ الاستغفار+ الصدقه + حسن الظن بالله = فرج فرج فرج....... وتحقيق للآمال ورضى ملك الملوووك....وتطتبيق كامل للايه....... .بسم الله الرحمن الرحيم كَانُوا قَلِيلاً مِّنَ اللَّيْلِ مَا يَهْجَعُونَ [17] وَبِالْأَسْحَارِ هُمْ يَسْتَغْفِرُونَ [18].... ياريت نعمل دعوة للمسلمين عامه فى كل مكان بربط الالستغفار فى السحر والقيام بالليل...لنوفى حق الايه......ودمتى ودام معكى الاخلاص للهه......

السلام عليكم ورحمة الله وبركاته في الحقية انا متابع جيد للشيخ حازم صلاح ابواسماعيل من فترة طويلة وكنت معجب برؤيته الرائعة وتحليلاته المنهجية الاكثر من رائعة دي مقدمة كان لابد منها بنظرة حيادية ليست مني فقط بل من أناس كثيرين ابهرهم الشيخ حازم في ظهوره الاخير بعد الاعلان الرسمي للترشح وكثيرا من المنصفين أكدوا على رقي فكر الرجل حتى ظننت ان الليبرالي المنصف سيختار الرجل وانتظرت ردود الفعل هنا مثلا م اجد بل وجدت التجاهل التام لفكر الرجل والاي زاد من حيرتي ماحدث امس من قبل المجلس العسكري وضعوا المرشحين ثم حدث تجاهل للشيخ حازم ثم وضعوا اسمه مرة اخرى ايضا مصراوي عملها ايضا ولم يضع اسم الرجل في استفتائه حتى اليوتيوب حذفوا فيديو الشيخ مع عمرو اديب بعد كثرة الشكاوي انه تحوي مقاطع جنسية ولاحول ولاقوة الا بالله الموضوع غير مقلق تماما لي لكن هو مجرد تسأول هل هذه الجملة هي التي تتناول موقف الشيخ

تكلم هامساً عندما تتكلم عن الحب الحب جحيم يطاق . . والحياة بدون حب نعيم لا يطُاق ق...د تنمو الصداقة لتصبح حباً ، ولكن الحب لا يتراجع ليصبح صداقة الحب تجربة حية لا يعانيها إلا من يعيشها الحب سلطان ولذلك فهو فوق القانون الحب كالحرب من السهل أن تشعلها . . من الصعب أن تخمدها الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً قد يولد الحب بكلمة ولكنه لا يمكن أبداً أن يموت بكلمة الحب لا يقتل العشاق . . هو فقط يجعلهم معلقين بين الحياة و الموت مأساة الحب تتلخص في أن الرجل يريد أن يكون أول من يدخل قلب المرأة . . و المرأة تريد أن تكون آخر من يدخل قلب الرجل في الحب خطابات نبعث بها وأخرى نمزقها وأجمل الخطابات هي التي لا نكتبها الحب وردة والمرأة شوكتها يضاعف الحب من رقة الرجل ، ويضعف من رقة المرأة الحب عند الرجل مرض خطير ، وعند المرأة فضيلة كبرى الحب أنانية اثنين الحب المجنون يجعل الناس وحوشاً ما الحب إلا جنون الحب ربيع المرأة وخريف الرجل الحب يرى الورود بلا أشواك إذا أحبتك المرأة خافت عليك ، وإذا أحببتها خافت منك الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان الحب أعمى والمحبون لا يرون الحماقة التي يقترفون الحب دمعة وابتسامة ما أقوى الحب ، فهو يجعل من الوحش إنساناً ، وحيناً يجعل الإنسان وحشاً الحب لا يعرف أي قانون الحب هو الأكثر عذوبة والأكثر مرارة نتائج الحب غير متوقعة الحب هو تاريخ المرأة وليس إلا حادثاً عابراً في حياة الرجل الحب يدخل الرجل عبر العينين ، ويدخل المرأة عبر الأذنين الرجال يموتون من الحب ، والنساء يحيين به الغيرة هي الطاغية في مملكة الحب المرأة لغز ، مفتاحه كلمة واحدة هي: الحب الحب زهرة ناضرة لا يفوح أريجها إلا إذا تساقطت عليها قطرات الدموع الحب أقوى العواطف لأنه أكثرها تركيباً الحب هو الدموع ، أن تبكي يعني أنك تحب وجد الحب لسعادة القليلين ، ولشقاء الكثيرين الحب سعادة ترتعش إن الحب يهبط على المرأة في لحظة سكون ، مملوءة بالشك والإعجاب تولد الغيرة مع الحب ، ولكنها لا تموت معه شيئان يفسدان الحب .. الصمت والإهمال الحب كالرمل في يدك.. اذا أقفلت أصابعك عليه برفق بقي في بطن يدك, وان ضغطت عليه هرب من أصابعك الذي يخاف الحب أرق من الذي يخافه الحب الحقيقي : هو أن تحب الشخص الوحيد القادر على أن يجعلك تعيسا أجمل ما في الدنيا: الحب والرغيف والحرية الإهمال يقتل الحب ، والنسيان يدفنه الحب سلطان ولذلك فهو فوق القانون أنت لا تعرف قلبك حتى تفشل في الحب الحب كالقمر له وجهان: الغيرة هي الوجه المظلم الحب يقضي على الكثير من الآلام لأنه أعظمها الدموع تروي الحب والبسمات تنعشه الحب يجعل الزمن يمضي والزمن يجعل الحب يمضي الحب أن تفنى في شيء والموت أن يفنى فيك شيء الحب الحقيقي هو الذي تحس به بعد فوات الأوان الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف الإخلاص في الحب ليس إلا كسلا في النظر إلى إنسان آخر لذي يحب يصدق كل شيء أو لا يصدق أي شيء . *** الغيرة مسألة كرامة وليست مسألة حب . *** السعيد جدا من لا ينتظر شيء من أحد . *** الحب يولد من لا شيء .. ويموت بأي شيء . *** الحب ليس لون واحد .. بل كل الألوان . *** الإهمال يقتل الحب .. والنسيان يدفنه . *** تصبح الحياة قاتمة إذا أنطفأ الحب . *** في الحب كل شيء صدق .. وكل شيء كذب أيضا. *** الحب حلم ، والزواج حقيقة .. وحياتنا أن نخلط بين الإثنين. *** الحب من طرف واحد قائم على الذل والخضوع . *** كوارث الدنيا إننا نقول نعم بسرعة ولا نقول لا ببطء. *** حنان المرأة أقوى من قوة الرجل . *** جرح المرأة لمرأة أخرى لا علاج له ] *** شيئان يفسدان الحب .. الصمت والإهمال . *** حياة بلا أصدقاء لا حياة . *** الحب بذرة تتمنى المرأة أن تزرع في قلبها . *** الحب كالحرب من السهل أن تبدأها ومن الصعب أن تنهيها . *** الحب طفل صغير لا يعرف إلا كلمتين ( عاوز كمان ) . *** إن للقلب منطقا لا يعرفه علم المنطق . *** لا تقل أحبها لكذا ..ولكن قل : أحبها رغم كذا وكذا وكذا . *** بالحب لا نعقل وبالعقل لا نحب .

منذ ظهر البرادعى على الساحة و منذ أعلن عن دعوته للتغيير و مطالبه السبعة و أنا على قناعة بأنه رسول العناية الإلهية لشعب مصر. ما سبق كان إستهلالا لابد منه المسألة كانت أقرب إلى نظرية هندسية لا تحتاج لبرهان أو تمرين مشهور لا يحتاج لشرح كلمات الرجل و أحلامه لمصر جمعت الجميع حوله و كنت أود أن أكون أنا صاحب دعوة مبايعة مرشحى الرياسة للدكتور البرادعى و لكنى وجدتها اليوم فى صورة رسالة موجهة لمرشحى الرياسة على صفحات جريدة المصرى اليوم بقلم الكاتب الدكتور جمال البنا و فى المقال يضع المبررات و الأسباب المنطقية لإستبعاد كل المرشحين لصالح الدكتور البرادعى و يدعوهم لتحكيم حسهم الوطنى و ضمائرهم لإختيار أصلح المرشحين للمنصب.

قصدك يعنى يا سى السيد انى مقدرش انتقد لبسه ولا شكله ولا حركاته بالرغم من انها لا علاقة لها بالموضوع نهائيا وانتقد افكاره بس ولو انتقدت شيخ او قس لأنه بيقول كلمة ما مش معنى كده انى بانتقد ديانته دى حاجه غريبة والله بس معقولة دى تبقى حياة امال نقطع فى فروة بعض ازاى :closedeyes: ناقص تقولى زى ما بيقول محمد منير " لا يهمني اسمك.. لا يهمني عنوانك.. لا يهمني لونك ولا ميلادك.. يهمني الإنسان ولو مالوش عنوان " معقول نقدر نوصل للفكرة دى يمكن كمان شوبة سنة سنتين خمس سنوات انما دلوقت معتقدش محتاجه ثورة فى تفكيرنا وعقولنا سى السيد عمى اوزوز تسلم ايديكم

كنت أتحدث مرة مع أحد زملائي..و قلت له .. أني أتمني لو كان أحمد نظيف و أحمد شفيق لم يتم ادانتهم...ولم يتم خروجهم من مناصبهم بهذا الشكل.. لأني كنت أتمني في مصر ما بعد الثورة..أن أري أحمد نظيف وزيرا للإتصالات مرة أخري..لأن الرجل في الفترة التي قضاها وزيرا للإتصالات قام ببعض الانجازات التي نشهد له جميعا بها مثل أحمد شفيق الذي - وبرغم بعض الملاحظات عليه لقربه من مبارك - قام بإنجازات في مجال الطيران المدني لاحظها كل من يهتم بهذا المجال و رد عليا زميلي بسؤال..وهل ليس في مصر أحد غير نظيف يستطع القيام بهذه الانجازات؟..أو مهندس طيران ذو خبرة و متمكن لا يستطيع القيام بما فعله أحمد شفيق؟ بصراحة بعد بعض الجدال اقتنعت تماما بوجهة نظره .. و أننا لا يجب أن نمجد أشخاصا بقدر ما نمدح أفعالهم..و نعتقد أن مصر مليئة بالكفاءات .. والتي ان أتيحت لها الفرصة سوف تصنع بإذن الله المعجزات تماما مثل ما حدث مع نبيل العربي و ما حدث من أننا حزننا جميعا لتركه منصب وزير الخاجية..ثم قلنا أننا نتمني أن تكون سياسات مصر الخارجية لها منهج محدد سيطبقه العربي أو غيره..حينها..لن ننظر الي أشخاص..و لكننا سننظر الي المنهج..وهل يتم تطبيقه ام لا ..سواء من العربي أو غيره هنا أيضا.. أنا أجد أن كاتب المقال كمثلا يتفق مع البرادعي..وهذا حقه تماما..و لكن..هل ليس في مصر غير البرادعي يملك قبولا دوليا..و رؤية واضحة؟ بالتأكيد..هناك العديد..و ممكن أن يكون من هؤلاء العديدين..من لم يرشح نفسه أساسا.. ثم أن اختيار مرشح واحد من قبل بعض المرشحين لن يعبر بالضرورة عن رأي الأغلبية الكاسحة من الشعب..و تأكد سيدي الفاضل أن الشعب لم يعد جاهلا..أو مغيبا كما كان يحاول أن يفعل النظام المخلوع..و انما أصبحنا نشهد وعيا و إدراكا أفضل للأمور..و الذي بإذن الله سيزداد يوما بعد يوم. لذلك أنا أري أن يقدم كل مرشح ما لديه..و بإذن الله رأي الاغلبية سيكون هو الفيصل..و سيكون بأمر الله تعالي هو الأفضل و لي عتاب علي كاتب المقال..كان من الممكن ان توضح وجهة نظرك بدون التجريح في الأخرين..و أنه ليس منهم من يقدر علي مفاوضة زعماء العالم و يظفر منهم بالاحترام..فسبحان من لايعلم أقدار خلقه الا هو

انا باتحسر إني ضيعت 7 دقائق من وقتي عشان أسمع حاجه أشبه .. أسف في اللفظ ... قعدة نسوان على مصطبة وعمالين يقطعوا في سيرة فلان وعلان لأ والأخ لابس الجلباب بيدعي إنه من السلف ... السلف اللي هما أسيادنا وتاج راسنا واللي هما نجوم نهتدي بها .... اتحدى .. ثم اتحدى أن نقرا او نسمع عن أثر لأي من السلف مثلاً عمل قعدة وقال : بيقول لك يا سيدي بقى أبو جهل عمل إيه ؟ إيه يا سيدي ؟ كان بيعمل مؤامرات على الإسلام ... ومش بس كده يا سيدي ... ده بيقول لك إمبارح بقى سوا كيت وكيت وكيت في كده في الإسلام ؟ وفي قناة مسلمة بتدعي إنها بتنور الناس وبتفهمهم أصول دينهم ؟ نفس اللي حصل من حازم شومان .. الليبرالييه يعني امك تخلع الحجاب يعني الرجالة تتجوز بعض هو ده الإسلام يا مُسلمين ؟

الراجل ده سكره والله ينفع يطلع مع احمد زبايدر وتوفيق عكاشة حيعملوا احسن دماغ عمى اوزوز بقولك ايه طرى على قلبك يا مؤمن وكبر الجمجمة ولو معاك الريموت غير القناة او احدفه فى التليفزيون واكسره .. سيبك من الراجل ده وخذ الفيديو يرفع المعنويات شوية http://www.youtube.com/watch?v=SJ3nlTgL5Ro

السلام عليكم و رحمة الله و بركاته علمتني الحياة ان فيه حاجة كده اسمها "قلب الام"....اللي هو يحسك لو علي الخلق داريت...شو يوشفك رغم البين و البعد..(دي اغنية انغام ع فكرة) كنت مبسوطة اوي بعقلي و دراستي و كمية المنطق اللي بحاول امشي بيها حياتي لغاية ما عجزت فعلا قدام "قلب الام" ده كيميا و لا معجزة ربانية طب بيبتدي امتي طب بيتكون ازاي طب بتحس بينا ازاي مش عارفة علمتني الدنيا....ان "رضا" قلب الام......هو مخدتي اللي برتاح عليها لما الدنيا تقسي اوي

اممممممممم طب يا "امل" يا "حياتي" ليه يموت انا معنديش "ولد" بحبه بس بحب ماما و بابا و اخواتي و الحمام اللي بيجي ياكل من البلكونة و يفضل يخبط علي السور لو اتاخرت و بحب ولاد اخويا عشان بنعمل خيمة في الاوضة و نهرب بيها من الدوشة اللي بره و بحب اللاب توب بتاعي...و مهما اتفيرس بقف جنبه (مبعملوش حاجة الصراحة غير اني بخف تحميل فيلات لغاية ما يقوم بالسلامة يعني) و بحب اكتب و بحس اني زي الهبلة عمالة ارغي ارغي ارغي و الناس عمالة تقول يا بنتي اهمدي شوية و الاهم انا بحب ربنا اوي اوي اوي عشان بحس انه معايا اوي حتي لو انا قصرت و مكنتش معاه...برضه مش هيتخلي عني تفتكري انا كده عايشة و لا ميتة؟؟؟ لما تخلصي ضوحك علي البوقين اللي انا كاتباهم ابقي قوليلي...و مش هزعل لو انا ميتة عادي يعني انا اصلا عايزة اعيش في دنيا تانية...و هروحها يا رب قريب مساكي......امل....يا "حياتي" حبيبتي لماظه ..... مرحبا بطلتك البهيه والخفيفه على قلبي من تاني .... افتقدناكي كتير الأيام اللي فاتت ..... الأهم انك بخير .... انا باقول الانسان بلا حب انسان ميت والحب انواع ما قصدتش حب الرجل بس يعني مثلا انا باشوف ابني علي ربنا يحفظه وباحس بشيى غير قابل للوصف ده نوع من انواع الحب يخليكي ضعيفه قدامه وطايره بيه خصوصا لو حطينا ايدنا بايد بعض ومشينا في الشارع ... ده نوع يا لماظه من انواع الحب اللي حوالينا كلنا وحب الأم والأب وحب الأهل هو اسمى انواع الحب ..... لكن حب الرجل والمراه وهو حب الجنون ممكن تعيشي من غيره يا لماظه بس تعالي شوفي الحياة ازاي بتتلون اما يكون موجود وتشوفي بريق في عينيكي بيتنطط من الفرحه حتى وانتوا زعلانيين مع بعض .... كل نوع من انواع الحب بيفرق وبيأثر على حياة الإنسان ادعيلك ربنا يجمعك بانسان يحبك ويستاهلك وتكونوا لبعض سند في الحياة وتدوقي الحب وحلاوته بكل انواعه وتحسي بانك غير .....

السلام عليكم و رحمة الله و بركاته عارف استاذي العطار هو احنا مش محتاجين هدنة لان فعلا تسارع الاحداث حوالينا مخلينا زي الايقونة اللي حضرتك حاططها دي....حد بيمسك الدريكسيون لاول مرة في حياته و مبسوط و مزقطط و لازق رجله علي البنزين و دايس و مش راضي يسال نفسه انا رايح فين هو السؤال اللي بساله لنفسي من ساعة ما رجعت الممنتدي و طبعا بتصفح عناوين التوبيكات في البداية....يا تلاقي العنوان مستفز و تقدر من غير ما تخشه تحدد الخناقة هتبقي في صفحة كام و بين مين و مين يا تلاقي اصلا توبيكات نازلة مطرة في اتجاه معين....لدرجة اني قولت لنفسي يا ربي هو الناس بتبقي مجهزة التوبيك من قبل و لما بتحطه دلوقتي و لا ايه انا رايي المتواضع جدا و مقدرشي افرضه علي حد اللي ليه شوق في حاجة يعملها مافيش داعي نفضل نسلخ في بعض كده اللي مش واخدين بالنا منه ان نيجي ندافع عن الللي احنا مؤمنين بيه لما بنتحمق زيادة عن اللزوم الناس اللي زيي اللي لسه بتكون فكرة....تلاقيها اصلا كرهت المبدا علي اللي قاله عللي اللي يتشدد له لاني بحس اني بلبس في الحيط مش عارفة اطلع من الحوار و حرب اليوتيوبات دي باي خلاصة ببساطة نسال نفسنا ايه التوبيك اللي انا عايز اتحاور فيه احط ليه....3 كلمات رئيسية عشان توضح الدنيا في دماغي و ابني عليها عرضي و تحليلي و اتدرج مع الناس في الحوار و الله هنتغير كتير و ده اللي محتاجينه دلوقتي بس ناخد نفسنا و نسال نفسنا قبل ما نكبس علي الزرار انا بحط ده ليه؟؟؟ و دي وجهة نظري مساك.......هدنة و استرخاء و روقان بال و بيب بيب...(وش الراجل بتاع الايقونة و هو حاطط ايده علي الكلكس)

السلام عليكم سؤال لحضرات الرجال المشاركين في هذا الموضوع كيف تتصرفون أنتم عندما تركبون الطائرات وعليها مضيفات عربيات أو أجنبيات؟ وماذا تفعلون عندما تذهبون للتسوق او لقضاء مصالح ووجدتم سيدات غير محجبات؟ هل ترفضون تلك الأماكن وتشترطون عليهم أن يأتوا بنساء محجبات؟ أن تختلسون النظر لرؤية المزيد من المفاتن؟ هل تخفون زينتكم أيضا حتى لاتتسببوا في فتنة النساء؟ هل تمتنعون عن وضع العطور عندما تخرجون إلى أماكن يتواجد بها نساء خوفا عليهن من الفتنة وخوفا على انفسكم من ان تتسببوا في تدمير حياة زوجة لايعرف زوجها عن العطور شيئا ورائحة عرقه يفر منها الناس كما يفر السليم من الأجرب؟ عموما قرار جيد للجماعة الإسلامية حتى نستريح من ارائهم وافكارهم وطلعاتهم البهية. تحياتي للجميع واتمنى ان تطبقوا على انفسكم ماتشجعون الأخرون عليه وقبل كل ذلك أن تغضوا أبصاركم. ﴿ { قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون } ﴾

بمناسبه الهدنه والبعد عن التوتر والعصبيه قرات دلوقتي نكته علي مصراوي بيؤلك بمناسبه جوالديموقراطيه والحريه اللي احنا عايشينها الايام دي تحبوا رمضان يجي الاول ولا العيد الاول

رئيس وزراء بدون حكومة معتبرة .. لن يفعل شئ في 100 يوم أي رئيس وزراء بدون أن يتكاتف الجميع من حوله لن يستطيع أن يفعل شئ في 100 يوم أي رئيس وزراء في ظل إننفلات أمني منقطع النظير لن يستطيع أن يفعل شئ في 100 يوم أي رئيس وزراء في بلد شعبه لا يعمل .. لن يستطيع أن يفعل شئ في 100 يوم أي رئيس وزراء ورث تلك التركة الثقيلة .. سيكون من الصعب عليه أن يفعل شئ في 100 يوم دي جزء من الأعذار التي يمكن أن نعطيها لعصام شرف .. وغيرها كثير .. يمكننا ملأ صفحة بالأعذار ولكننا في ثورة .. ثورة .. فاهمين ثورة يعني إيه يعني تقلب كل حاجة فوق تحت .. وتغير براحتك .. وتاخد قرارات جريئة (بيسموها ثورية) .. وتكون شجاع وتكون قوي لكن الثورة في مصر قامت بقوة وبعد كده تم تسيير أمور البلد بمنتهى الرعونة والرخاوة .. طيب ده ينفع ... إزاي ... ؟؟؟ وأحلامنا اللي صحيت في قلويبنا من جديد .. والأمل إللي اتولد في قلوبنا بعد ما شعرنا شاب .. وظهرنا اتحنى خلاص .. مفيش .. بح طيب والعيال اللي ماتت .. عيال إيه .. دول أرجل ما فينا.. بقينا محتارين .. ودايماً بين نارين نار الشرطة ولا نار البلطجية نار الإخوان ولا نار الحزب الوطني نار السلفيين ولا نار العلمانيين نار الشيوعيين ولا نار الليبراليين تاخد الأتوبيس ولا المترو .. ماتنساش الاتنين زحمة تروح مشورارك مشي ولا جري .. والدنيا حر مشكلة كبيرة نحن الآن بعد ما كنا مستسلمين للظلم والفساد أصبحنا محتارين ومخيرين دايماً بين خيارات حلوها مر .. فين الثورة ياناس أنا محبط ويائس

الفيس بوك وسيلة اصبحت فعالة فعلا في اظهار افكار النخبة المثقفة من الشعب ولا يعني ذلك ابدا ان تنطبق نتيجة الاستفتاء على الواقع ولكن تظهر اتجهات الرأي العام مستقبلا مثل ما كان يكتب من عشر سنوات في المنتديات العامة كانها حلم يصعب تحقيقة ولكنه اصبح الان حقيقة واقعة بعد 25 يناير في ثورة غضب تدعو للتغيير ولكن ما هو التغيير؟؟؟؟؟؟ نعلم تماما ان البرادعي ليس له الشعبية الكبيرة التي اظهرها الفيس بوك في استطلاعة على الاقل في الوقت الحالي خاصة ان ليس غالبية الشعب يستخدم الفيس بوك ولا حتى يستطيع استيعاب حركة التغيير المتسارعة والتي تكاد تتغير افكارها كل يوم كما ان الغالبية مغيبة تماما عن معنى الفكر الحر الليبرالي واتخذته عدو للاصولية الدينية بعقول عاجزة عن التفسير والتوضيح المثقفين يعلمون تماما ان البرادعي مستقبلا سواء ترشح لمنصب رئيس الجمهورية ام لا فهو اصدق وأنظف شخصية لتولي منصب امين على مصالح مصر واحوالها ولكنه لن يظهر هذا الان بالطبع لان هذا ليس زمانه !!!!!!!!!!!! كما اشك انه سوف يقبل ترشيح نفسه في وسط هذه الافكار وعلينا الانتظار لنرى ما الذي سوف تحققه ثورة 25 يناير لشعب مصر وهل ستكون مثل الثورة الايرانية او ثورة البرتقاليين في اوكرانيا التي فشلت من عام تولت فيه حكم البلاد ؟؟؟؟

السلام عليكم أهلا بكم جميعا الأخوة الأعزاء هو تمام كده مثل ما تفضلتم ووضحتم للأخ سيد بس الواضح ان الجميع يعاني مثلي اذن فالجواب معروف بس سؤال تاني لو سمحتم مربع ستايلات أخرى على اليمين أعلى الصفحة ما وظيفته لأنى تخيلت أنه مفتاح السر لحل أزمتى وواضح كمان ان اللون الفحلقي مش عاجب حد!!!! عموما أن غيرته وامري لله برغم حبي له وأسفة ان كنت تعبت عيونكم

ماريان لا شكر على واجب و ربنا ينورلك طريقك و طريق كل واحد فى المتندى دة بيساعد إخواته و بيرد الجميل. دة أقل واجب للناس الطيبين اللى هنا و أنا تحت أمر أى حد فى أى إستفسار. أدهم

مين قال بس ان الراجل نيته انه يغرقنا كل اللي استلفه لغاية الان 3 مليار دولار بفائدة واحد ونص في المائة و الدفع بعد 3 سنين كمان يعني الفائدة حاجة لا تذكر ده اي بنك جوة مصر لو رحت علشان تستلف منه الفائدة بتاعتة لن تقل باي حال من الاحوال عن عشرة في المية و كمان بياخد الفايدة مقدم قبل ما يسلفك من يومين فايزة ابو النجا قالت ان الوزارة رفضت قروض من صندوق النقد لان الشروط لا تحقق الصالح الوطني لمصر الناس ليه ما خدتش بالها من الخبر ده يعني الاخبار الوحشة ناخد بالنا منها و الاخبار الكويسة مالناش دعوة بيها بجد لا تحملوا الراجل فوق طاقتة كده حرام ومش معني انه قبل يتحمل المسئولية في الظروف دي انه يبقي ملطشة

أستاذ دونجل نحن لا نهاجم دكتور عصام شرف و لكن أن أعلم أنه في طريقه لتوريطنا في ديون جديدة تقصم ظهورنا لعقود قادمة يبقى لازم اتكلم و أوجه له رسالة مينفعش نسيبه يغرقنا أكتر ما احنا غارقنين

السلام عليكم و رحمة الله و بركاته بحاول افهم هو حضراتكم بتناقشوا ايه بالظبط هل بتناقشوا المذيعة المحجبة تطلع في التلفزيون و لا لا....و متهيالي دي اتحسمت بالقضاء ان ليها الحق تطلع و لا بتناقشوا بعض اراء الجماعات الاسلامية...طب من منطلق ايه...هل من منطلق ان احنا نتصيد ليهم خطا و نقول امسك اهم كمان هيخنقوا علينا في التلفزيون (مع احترامي الشديد لاي من زملائي الافاضل هنا)..يقوم الناس التانيين يخشوا علي الاسلاميين و تقوم حريقة و لا برضه بناقش بعض من اراء الجماعة الاسلامية من باب التلميع الدعائي...لكن الفكرة ان ارائهم دي معروفة من زمان و مافيهاش جديد...و اصلا اي شيخ في زاوية صغيرة في كفر محدش يسمع بيه لما اي واحدة بتخش تكلمه تلقائي بتحط علي راسها ايشارب و لا بنقارن بين الجماعة الاسلامية و الليبرالين....و نرجع نقول تاني اللي مقتنع بحاجة مش راح يغيرها....اللي شايف ده ابيض و التاني اسود عمره ما هيغير عينيه و لا هيغير الالوان و لابنعمل ايه بالظبط؟؟؟ بحاول افهم و شكرا جزيلا

طول عمري احترم الشخص اللي بيعمل حاجة وهو مقتنع بيها مش عشان فلان بيعمل كده انا بعمل زيه وماتكلمتش ليه لما فلان عمل كده ولا جات عليا يعني احترمه رغم اختلافي معه لانه بنى رأيه علي اسباب وليس تقليد اعمى والسلام

انا احب الحريه التي لا تتعدى على حقوق الآخرين قوي هي حره ما تتحجبش و هو حر مايقابلهاش و هي مش محجبه الاتنين مستريحين

السلام عليكم و رحمة الله و بركاته مرت 100 يوم جميل و الدكتور رئيس الحكومة هيطلع يلقي بيان بس السؤال هيقيم نفسه في ضوء ايه؟؟؟ حضرتك محق لما قولت خلاص احنا كشعب مش عايزين طبطبة عاشزين نتائج ملموسة....كلام سليم بس السؤال هو انت هتقيس النتيجة انها اتحققت و لا لا و يا تري لو اتحققت يبقي اتحققت بنسبة كام في الميه عشان نحسنها و نعدلها و نبني و نكمل مش هينفع يتجاوب علي السؤال ه ببساطة لان حكومة شرف ببساطة من ساعة ما طلعت ما قلتشي يا ايها المواطنين و المواطنات انا هعمل 1 2 3 مهام محددة....و بناء عليها نقدر نقيم مدي تحقيق المهام دي بعد مرو الوقت \ و دي نفس المشكلة اللي فاتت مافيش سيستم التركة تقيلة و الهم ما يتلم عارفين و 30 سنين سوس بينخر محدش قاله هيعدلها يعني في 100 يوم بس يا ناس...نبتدي نحط قواعد و سيستم محدش قاله يروح يعمل مشاريع تنموية و نهضوية انا كواحدة بسيطة جدا عايزة احس ان بقي فيه سيستم واضح الملامح طب معملشش ده و حضرتك وضحت بشكل تفصيلي ان كل حاجة بهوقت منه علي الاخر طب يبقي نرجع لمطالب الثورة كرامة حرية عدالة اجتماعية و نبتدي نقول لدكتور شرف حضرتك ابتديت تحط السيستم بتاعك في ضوء المطالب دي و لا ايه النظام...مبقاش فيه نظام لغاية دلوقتي و لسه بنحسس علي الشرطة لغاية امبارح و فريد الديب طالع في الاعلام يقول مبارك عنده عافان الله سرطان لا الاعلام اتغير و لا الامان ابتدي يتحطله معايير صح و القضاء حباله طويلة...."مرت سنة رحيل خالد سعيد و احنا لسه قاعدين نفند و نحلل يا تري بلع بتاعت الحشي و لا قرقشها" المطلوب من دكتور عصام....سيستم معملوش في ال 100 يوم يبقي يتفرغ ليه و بس و نبتدي نحط سيستم مش كيميا و الله اعلم

لايوجد في الاسلام شئ اسمه رجال دين وكهنوت فكل مسلم هو رجل دين ودنيا ولااحد سيحاسب بالنيابة عنك يوجد علماء دين تميزوا لامتلاكهم العلم الشرعي هل هذا يعيبهم ؟ هل الجهل بالشرع اصبح ميزة والعلم اصبح نقيصة! (يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ)

بسم الله الرحمن الرحيم الاجابة : اسبانيا طبعاً يا حبيبي .. ومصر مش في إعتبارهم أساساً ويمكن يرفعوا علينا قضية تعويض بمليارات اليوروهات لإن واحد أسباني من أصل مصري أضر بإقتصادهم ... واتوقع إن أسبانيا تخرج من أزمتها الإقتصادية على إيد حسين سالم عن طريق مصادرة كل مليم عنده هناك ... ده حوووووت كبير من حيتان أسبانيا

أقدار الله غالبة يا أستاذ زهيري وسبحان مغير أحوال البلاد من قبل الثورة إلى ما بعد الثورة وكيف أن شلة الفساد أصبحت حبيسة سجن طرة.. ومين كان يصدق !! فاكر لما كنت بتراهن على تولي جمال مبارك رئاسة البلد .. وفاكر موقفك بعد أحداث تفجير كنيسة القديسيين ، وتحذيرك للسلفيين هنا بالمنتدى وفي غيره من المنتديات الصديقة من خطورة الأيام القادمة عليهم :lol: تحياتي...

لا شك أن بعض المانحين للقروض يتوفر عندهم سوء النية , وعندهم اهداف غير معلنة من وراء هذه المنح , ومن هذه الاهداف واهمها هو تركيع مصر الجديدة الوليدة وضمان استمرارية ان تكون تابعة لهم فى اتخاذ القرار وهناك دول عربية معروفة تسعى ايضا لهذا الامر وبكل صراحة اذا لم تنجح الثورة فى جعل مصر دولة مستقلة القرار والارادة ولا يحركها فى قرارها إلا صالحها اولا وصالح امتها ثانيا فهى بكل تأكيد ستكون ثورة فاشلة أين رجال الأعمال المصريين الشرفاء من هذا؟ لماذا نلجأ للاستدانة و هناك مليارديرات مصريين؟؟؟؟!!! أين ذهبوا؟؟؟ و إن لم يقوموا بالمساعدة الآن؟؟؟ فمتى إذن؟؟؟!!!

اولا: حضرتك فين تركيز (الوهابية)كما تقولين مع تحفظى على هذا اللفظ هل كل ما تفتحى التلفاز تلاقيهم بيتكلموا عليه ؟ و لا فى الشارع ده حديث المدينة عموما خلينا عمليين هاتى كم رابط سواء فيديو او صوت لمشايخ السلفية المعروفين علشان نعد كم مرة اتكلموا فى الموضوع ده و نكتشف عدم وطنيتهم ثانيا : من الرابط اللى حضرتك جبيته للشيخ على جمعه و ربما حضرتك مسمعتهوش كويس لانك لو سمعتيه كويس حتسمعيه بيقول شروط الاخذ بالحديث الضعيف و فيها1- ان لا يشتد ضعفه (حضرتك عارفة الحديث ده ضعيف و لا اشتد ضعفه و عارفة الفرق بين المصطلحين؟) 2- ان لا ينسب فى اصله الى رسول الله 3- ( أن يكون فى فضائل الاعمال) و دى النقطة الاهم حضرتك الحديث ده فى فضائل الاعمال يعنى بيتكلم عن ذكر لله او صلاه او صوم او اى عبادة ام هو حديث فى تزكية بعض الناس انهم خير اجناد الارض ؟ قد يكون للموضوع علاقة بضعف السند .. وهناك علم "مقدس" عند أهل الحديث إسمه علم الرجال أو علم الجرح والتعديل .. قدسوه برغم أنه علم نشأ أصلا كضرورة مع عصر التدوين (القرن الثالث الهجرى) .. أقول قد يكون هذا صحيحا ولكن للموضوع بعد آخر .. وهو عدم ترحيب السلفيين بدعوى الوطنية .. وكأن من يفخر بوطنه وبأجناد وطنه يكون - بفخره هذا - قد مسح الأمة الإسلامية بأستيكة .. الفخر بالأوطان موجود فى أشعار كثيرة منها ما غناه المطربون .. ولكنهم لا يهاجمون ذلك لضعف الحجة أمام الشعور الوطنى .. أما الاستشهاد بالحديث الضعيف أو الباطل ، فالفرصة سانحة وموجودة على طبق من فضة للردع .. بدعوى التقول على رسول الله صلى الله عليه وسلم حضرتك دخلت جوه قلوبهم علشان تعرف ان نشرهم لضعف الحديث نتيجة عدم وطنيتهم ؟ ثم سؤال مهم جدا لو انا جبتلكم مثال لصور انتشرت لفترة بيقولوا عليها سبت القران فمسخت ودى حديقة فى المانيا و الالمان اغلقوها علشان محدش يسلم و بعدين اتنشر ان الصور دى مفبركة و الكل عرف كده طيب انا كده اقدر اتهم كل الل قال انها مفبركة انه مش مسلم ويكره الاسلام و لماذا التركيز دائما على نشر ان هذه الصور مفبركة ايها الكفار الملحدين الزنادقة اعداء الاسلام ؟؟!!!

اولا انت اغفلت سعر حساب الاساسات و ستتكلف لل12 دور 140 الف على الاقل ( عادية + مسلحة) و فين تكلفة الحفر و فين تكلفة الرخصة و عداد المياة و مصاريف كنيييييييييييير غيرها مثل العزل للاسايات و الردم بعده و فرشة النظافة الاخيرة شوف يا سيدى الفاضل اسعار البدروم هنا اوكيه 160 الف فده سعر ماشى حاله لكن السعر للدور المتكرر فده مينفعش مع فبلات لانه هنا استخدم طريقة الكمرات و احنا فى الفيلات بنستخدم طريقة البلاطات الخرسانية ذات الاعصاب و البلوكات المفرغة اى 130 كيلو حدبد / متر مكعب خرسانة بسمك سقف 27 سم و عمليا بيبقى 30 سم حتى يكون عدد الاعمدة قليل جدا انا من اسبوعين عملت اساسات و يدروم و ارضى لقطعة ارض فى الحى الرابع المجاورة الاولى لاحد الاطباء هنا فى المنتدى مساحة الارض 896 متر و البناء على النصف اتكلف اعمدة و سقف الارضى حوالى 180 الف بسعر طن الحديد 4600 جنيه تقدر ترجع لمشاركتى رقم 370 فى موضوع (كل ما يهم المستثمر من أمور البناء معك خطوة بخطوة ) انا قارنت بين تكلفة طرق البناء من خيث كمية الحديد لذا التكلفة مختلفة للمبانى من خيث الاسقف كمرات او فلات سلاب تخيل ريسبشن 10 متر * 13 متر بدون اى اعمدة فى الوسط اكيد له تمنه تحياتى

الباشمهندس أشرف .. تحية طيبة .. أتمنى أن تكون بأتم صحة وأسعد حال ، ولا تحرمنا من كتاباتك باستمرار . الأخت عطر الجنة .. تحية طيبة .. من المشاركتين السابقتين .. لي مداخلة بسيطة بعد إذنكم .. أولاً أنا لست مهندس .. لكني شاركت في بناء عمارة سكنية ولي أصدقاء كثيرين مهندسين ويعملون مقاولين أيضاً .. المهم من هذه المقدمة .. أريد أن أذكر شيء أعلمه علم اليقين .. وهو : مستحيل أي مقاول أو تاجر أن الشقة تكلفة المتر تقع عليه مثلاً 1770 جنيه .. ويبيع المتر بـ2100 جنيه ] يعني مكسب 330 جنيه فقط في المتر .. وده طبعاً مستحيل .. لأن المكسب يصل أحياناً إلى 100% على أسوأ تقدير .. وناس كثير هتقول أن العمالة أسعارها زات والحديد غالي والأسمنت غالي .. كل ده صحيح ، بس في الأخر بتكون كل التكلفة دي بتقع على الزبون مش على التاجر أو المقاول صاحب الشغل . حاجة ثانية .. لي صديق ربنا كرمه بأرض 800 متر في العبور ، وقام ببنائها ، الدور الأرضي على 50% والدور الأول والمتكرر على 60% تقريباً .. يعني تقريباً المباني على 480 متر بدروم وأرضي وثلاث أدوار . المهم .. ربنا يبارك لصاحبي ده ويبارك للجميع .. ومحدش يقول إني بنق عليه أو بطلع أسرار المهنة .. بس أنا حبيت أوضح نقاط شفتها بعيني وتقبل التصديق أو التكذيب من الغير . المهم .. المباني طبعاً تحت إشراف استشاري وبمواصفات الجهاز .. وأقسم بالله أنها تمت بمواصفات أعلى من مواصفات الجهاز [ لأنني اطلعت على محتويات الرخصة من الجهاز وطلباتها واشتراطاتها .. واطلعت أيضاً على التنفيذ ] من حيث سمك حديد التسليح سواءً في العمدان أو الأسقف وعدد الأسياخ وعدد شكاير الأسمنت في المتر وحاجات تانية ، والخرسانة بلغة السوق خضرا . تعلمون حضراتكم كم تكلف بناء البدروم والأرضي والأدوار المتكررة .. طبعاً ياريت لو نسمع أسعار من حضراتكم .. بس أنا هقولكم كلفت كام .. والأهم من كدة حتى لو كلف الدور 10 جنيه وهوه طلب فيه مليون جنيه .. فده حقه ورزقة ومحدش ليه دخل فيه [ يعني محدش يقول طب ليه الأسعار عاملة كدة ] هوه حر وده شغل وتجارة ومكسب وخسارة ، وممكن العمارة تقعد في أرابيزة سنتين ثلاثة لغاية لما تتباع .. المهم .. تكلفة البدروم 160 ألف جنيه ، تكلفة الدور الأرضي 120 ألف جنيه .. تكلفة كل دور من الأول إلى الثالث من 80-90 ألف جنيه [ شامل الخرسانات والطوب الأحمر ] . يعني بحسبة بسيطة ، لو افترضنا ثمن متر الأرض 1000 جنيه يكون : 800×1000=800000 جنيه + 160000 [بدروم] + 120000 دور أرضي + [ 90000×3 أدوار متكرر ] = 1350000 جنيه . إجمالي المساحة بالمتر = [ 400 متر أرضي + (480 ×3) ] = 1840 متر متوسط سعر المتر = 733.7 = 735 جنيه . ولو افترضنا أن الواد صاحبي ده فيييزززز أوي وهيصرف نصف مليون على الواجهة والأسانسير والمدخل وشوية كماليات ونضيف معاها كمان الإشراف والإستشاري .. يطلع نصيب المتر 271 جنيه . يكون إجمالي تكلفة متر الشقة شامل سعر الأرض والمباني حتى مرحلة المحارة = 735+271 = 1006 جنيه . وعلى فكرة .. المفروض تكون التكلفة أقل من كدة بكثير لأن صاحبي حاطط أساسات تتحمل 12 دور على أمل تعديل القوانين العقارية في أي وقت فيما يخص الارتفاعات . وطبعاً محطناش في حسبتنا البدروم نهائي ولا غرفة السطح .. يعني دول واقفين عليه ببلاش . الكلام ده على فكرة من بداية 2010 حتى تاريخه .. لسة شغال .. ربنا يديلة الصحة .. يعني بردو وقع مع العمالة الغالية وخلافه .. أرجو تعليق الباشمهندس أشرف . مع تمنياتي بالتوفيق والنجاح للجميع والسلام عليكم ورحمة الله وبركاته

السلام عليكم الاخوه الكرام جزاكم الله خيرا تكمله لما سبق . ماذا قدمت الليبراليه لمصر فى المجال الإجتماعى و الاخلاق لا شك من وجهه نظرى كان اشد المجالات تأثرا و انهيارا بسبب التأثير المباشر لليبراليه و العلمانيه كان المجال الاجتماعى و الاخلاق و الذى وصل لمستوى غير مسبوق فى تاريخ مصر من التفسخ و الانحلال رأيناه و عانينا منه اشد المعاناه خصوصا من رأى لمحه من طيب اخلاق و حسن معامله فى المجتمع المصرى من جيل اساتذتنا و ابائنا مثل أ.ابومحمد و أ. عادل ابو زيد حتى انا فى النصف الثانى من السبعينات كان هناك بقايا عاينتها بنفسى خصوصا فى الارياف و المناطق الشعبيه حيث كان هناك تأثير لكلمات مثل عيب و مراعاه لحقوق الشارع و الجار وو.. . ظهرت إرهاصات الليبراليه و تأثيرها السيئ مع عوده الطهطاوى المفتون بباريس و ما شاهده هناك و نقله الينا فى تخليص الإبريز فى تلخيص باريز و مما ذكره بخصوص الرقص على الطريقه الفرنسيه و الذى كان له وقع فى المجتمع المصرى المتدين المحافظ الذى كانت نسائه محتجبات تماما اى لا يظهرن و كان النقاب او البرقع فضلا عن الثياب الفضفاضه هى الزى الرسمى الشائع و لم يكن يُعرف اصلا السفور الى تولى كبره بعد ذلك مرقص فهمى ثم الاشهر قاسم امين تحت دعوى تحرير المرأه و التى تحررت بالفعل و لكن من الاخلاق التى تربت عليها قرون طويله لم يكن تركيز الليبراليه على المرأه و المسلمه تحديدا اعتباطا و انما لعلمهم ان المرأه حقيقه على عماد الاسره و قلبها النابض و هى المدرسه التى لو احسنا اعدادها اعددنا شعب طيب الاعراق كما قال حافظ ابراهيم و لم يمر العقد الثانى من القرن العشرين إلا و كانت دعوه السفور اتت اكلها بمظاهره حرق الحجاب الشهيره التى قادتها (1919)هدى شعراوى و صفيه زغلول و مجموعه من المغررات بهن فى ميدان الاسماعيليه سابقا التحرير حاليا و الذى سمى التحرير كما قرأت بسبب تحرير النساء من الحجاب رغم عدم وجود علاقه ما بين مقاومه الاحتلال ووجود النقاب و الحجاب . خلعت المرأه المصريه الحجاب و انطلقت لاهثه فى جوانب الحياه المختلفه تمهد لها الليبراليه الطريق بكل السبل فإلى اين وصلت و ماذا استفادت من هذا المشوار الطويل فى ظلال الليبراليه هل نتكلم عن التأثير الاجتماعى السيئ لخروج المرأه عليها ابتداء ثم على اطفالها فالمجتمع كله طبعا لا نغفل ان خروج المرأه اتى على الجانب الدينى و الذى هو العاصم الحقيقى ليس للمرأه فقط و انما المجتمع ككل و لننظر الى نسب العنوسه و الطلاق و الزواج العرفى و العلاقات الاثمه و باقى الامراض الاجتماعيه الخطيره التى عمادها و اساسها النهج الليبرالى الذى نحى الدين جانبا تحت دعوى الحريه و تقديس الحريه . اكمل لاحقا بإذن الله ..

-

بحث علمى من مجموعة من المتخصصين يبين الاثر العلمى فى التكبير على الذبائح , طبعا نحن لا نحتاج لدليل على صحة ديننا فهو عندنا أثبت من الجبال الرواسى و لكن من باب (سنريهم اياتنا فى الافاق...) http://www.youtube.com/watch?v=97FNGw4kSbw وهذا رابط يوضح اعضاء فريق البحث و مناصبهم العلمية http://rchss.com/ar/article.php?id=74

هل معنى اننا خايفين عليه او من النتائج اننا مننتخبوش؟؟ يعني مننزلش الملعب عشان خايفين لو فزنا .. الفريق التاني هيضربنا؟؟ انا سمعت من كثير انهم هينتخبوه "و لو اننا عارفين انهم مش هيسيبوه ينجح .. و لو نجح مش هيسيبوه ينفذ ما قاله" .. بقولهم .. انتخبوه الاول .. وبعد كده هنبني كلنا البلد مع بعض.. ايد واحدة .. مش حازم صلاح لوحده على جنب.. نفسي اعرف .. مين اللي مش هيسيبوه؟؟ و احنا هنبقى فين؟؟ جوا الحيط؟؟ لا اعتقد

أنا فعلا لما قرأت الأسماء ولم أجد فيها الشيخ حازم استغربت وقلت لعل المجلس العسكري يريد أن يظهر بهذا الشكل حتى ينأى بنفسه عن هؤلاء المتربصين به في هذه الناحية بالذات ولكن أني للشيخ ألا يظهر فالرجل أصبح حديث الناس الدعاية لا تنتظر أي مركزية الدعاية تنتشر في كل مكان وأكاد أقول بلد بلد قرية قرية دارا دار ............... ذهبت إلى آخر بلد في مصر فوجدتهم يعرفون الرجل تمام المعرفة ويؤيدونه ولكن بعضهم عبر عن مخاوفة أن ينجح بسبب خوفه عليه مما قد يحيط به من الداخل والخارج الموضوع كما قال محمد علي ليس سهلا ويجب علينا أن نساند الأصلح ونعمل اللي علينا وربنا يعينا ويقدر لنا الخير إن شاء احساسي الشخصي إن الشيخ حازم سيصبح رئيسا للجمهورية ويكون نتاج جهود أباه المجاهد الشيخ صلاح أبو إسناعيل رحمه الله في الانتصار للشريعة الإسلامية

فعلا تجاهل شبه تام لولا التعليقات اللي كانت زي المطر عن عدم وجود الشيخ حازم ماكونش حطوا اسمه في صفحة الجيش ع الفيسبوك وبعدين وضعوا اسمه بعد ما التانيين خدوا يجي 12 ساعة واخدوا اغلب الأصوات فطبيعي النتيجة كدة نفس الكلام عند مصراوي بس متقلقش النتيجة ع الأرض تختلف تماما هقولك مثال الشيخ محمد حسان من التيار السلفي اللي بيعتبروا مؤيدين لحازم صلاح عمل خطبة في اسوان يوم الجمعة اللي فاتت لو شفت كمية البشر اللي هناك حاجة مهولة يا مؤمن تفتكر أصوات الناس دي فين ;) الانتخبات مش هي انك تدي صوتك لحد من علي البلاك بيري في كافيه في الكوربة لااااااااااااا النتيجة بتيجي من عزبة ابو فلان ونجع علان

الموضوع ليس سهل يامصطفي مرشح اسلامي ويريد تغير جذري معناه ببساطة هدم كل مابناه اليهود وامريكا والعلمانيين واشباه العلمانيين في عشرات السنيين توقع حرب لاهواده فيها فهذه مصالح بمليارات سوف تتضررر (مستوردي خمور - مستثمرين في السياحة - حرامية ولصوص ومطبعين مع اسرائيل - اقباط - علمانيين وووووووووو ) كل هؤلاء سيكونوا متضررين ولكل واحد منهم سبب مختلف لذلك انا اري حازم صلاح ابو اسماعيل هو الافضل دينا ودنيا لكن العوا ايضاً مرشح جيد لأنه سيخفف مخاوف كثير من هذه الفئات التي تسيطر علي الاعلام وتقود العوام ربنا يكتب الخير لمصر

تطبيق MagicPlan يرسم خارطة بيتك، مجانا انه التطبيق الوحيد الذي يقدم لك خارطة المنزل الهندسية اعتمادا على أرضية المنزل، وكيفية توزيع الغرف والجدران فيما بينها وهو التطبيق الذي يحتل صدارة التطبيقات في أكثر من 60 دولة في العالم حاليا من شدة الإقبال عليه. كل ما هو مطلوب منك أن تمسك بجهازك والتنقل بين ارجاء المنزل والتقاط الصور بحيث تكون نهاية الصورة الأولى هي بداية للصورة التي تليها لتحصل في النهاية على صورة متكاملة تتحول على الفور إلى خارطة هندسية لأرضية المنزل وبالتالي تستطيع وضعها على الطاولة بعد طباعتها لتكون قد عرفت كيفية توزيع الجدران في المنزل. وفي هذه الحالة يبقى عليك أن تضع القياسات على الورقة التي حصلت عليها بعد طباعتها، ا وان تضيف هذه القياسات على الخريطة قبل حفظها بهيئتها النهائية في الجهاز. قد يتساءل البعض وما فائدة مثل هذا التطبيق؟ أسارع بالقول إن التطبيق الذي نقدمه لكم له فائدة كبيرة، خاصة إذا أردت أن تشتري أثاثا لمنزلك ولست تدري هل مقاسات قطع الأثاث تناسب حجرة معينة أو هل طاولة المكتب تناسب غرفة الأطفال من حيث المقاسات وما إلى ذلك. إذن أنت بحاجة لحفظ خريطة كهذه في جهازك تتضمن مقاسات غرف المنزل لأنك لا تدري متى ستحتاج إلى معلومة كهذه وأنت خارج المنزل. من مزايا التطبيق: - يدعم التطبيق عدا عن الانجليزية لغتين أخريين هما الاسبانية والايطالية - النسخة الخاصة بجهاز الايباد 2 تأتي بجودة فائقة HD - يمكن حفظ الخريطة على شكل ملف PDF - إمكانية إضافة الملاحظات على الخريطة وهي داخل الجهاز - إمكانية تعديل الخريطة الظاهرة على الجهاز - يمكن وضع خريطة تراكمية أي من عدة طوابق فوق بعضها - يمكن إضافة صور فوتوغرافية لكل ركن موجود على الخريطة.

طبعا عنوان المقال يصف الإخوان باليهودية أما محمد الغنام أخد سالب ليه والأصل أن الناقل للكفر ليس بكافر يمكن علشان الخلفية القديمة بنحبك ياريس أو علشان غير من نوعية مواضيعه فجأة أو علشان جاب مقال ومعرفناش إنه موافق على مضمونه ولا مش موافق ولكنه أكتفى بالأحمر ووضع خطوط أو علشان لم يحسن الاختيار وجاب كلام كويتب حسالة زبالة كاتب شوية قاذورات في صحيفة اليوم الساقع

ربنا يبارك فيكم كلكم يارب ويباركلكم فى عيالك ويجعل حياتك سعاده وهنا والله انى احبكم فى الله الحمد الله الاخ كان واخد تعسيله سبب تاخيرى عنكم لانى مقيم فى الطائف واول ماتضيق بى الدنيا واكون متضايق باذهب الى الكريم فى بيته انا اتصلت بالمدام الساعه 3 سمعت زيطه جنبها ...ايه الزيطه دى ...انا فى عيادة طبيب نسا لان العيل لم يتحرك من امبارح والدكتور عنده حالة قيصيريه وممكن ندخله بعد ساعتين خلصت دوام الساعه اربعه واخدت العربيه وذهبت الى الكريم فى بيته الحرام ساعه كنت فى مكه على باب الحرم اتصلت بى المدام وطنتنى صليت المغرب والعشا ورجعت بسلامة الله ولانى عارف انكم احبابى وهتدعولى ...والله دعيتلكم جميعا فى الحرم دعيت وقلت ربنا يجمعنا معشر المحاورات فى الجنه اللهم تقبل يارب ربنا يبارك فيكم تانى ويارب ابعد عنا جميعا وعن جميع المسلمين الهم والغم وارضى عنا يارب ملحوظه: واحد بيقولكم ادعولى...ايه بقى اللى دخل البلح والحلويات فى الموضوع تحياتى للجميع

عارفة يالولا ؟؟ انا كتبت لك تلات مداخلات وكل مرة اكتب الكلام والغيه... مرة .. كتبت لك اغنية جميلة جداا تعبر عن ابنتى وصديقتى الصغيرة اللى دايما محتارة وقلبها الصافى تاعبها.. ومرة .. كتبت لك نفس كلامك ف التوقيع .. وقلت لك ياترى ياطيارة حاتفضلى لحد امتى محتارة ؟؟ ومرة .. كتبت اقولك ان كلامك هنا مش بس بتكتبيه من قلبك وقليل اللى بيحسوا فعلا بمعانى الكلمات الحقيقية اللى انتى تقصديها ...لالالالا ده انتى بتكتبيه وكأنك متقمصة شخصية تانية بتتصارع بصفة مستمرة ومنتظمة مع الشخصية العاقلة اللى وجهها بيقول امام الجميع ان كله تمام وآخر تمام .. ونسيوا ان آخر تمام...يعنى آخر نقطة ف آخر حاجة ممكن تكون تمام .. و.. بعض السمك فعلا ... لابد ان يعيش دائمااا ..تحت الماء ... والبعض الآخر ..يتنفس الهواء تحت الماء وفوق الماء وخارج الماء .. لكنى ....لغيت كل الكلام ولقيت نفسى بدون تفكير اقرر ان احتفل بعودة هذه الصفحة للتألق .. فقط... لاغير... هنا نتنفس كل النقاء ونتصافى مع انفسنا ونتصارح .. وتمرح الأرواح بكل شفافية فى اجواء تطير فيها ...لولا . ونحلق معها بين السماء والأرض .. ننتظر حتى تهدأ ريح تعبث بكل ما خططناه.. وينتصر الاحساس دائما.. ينتصر الاحساس الخالى من اى قيود.. :roseop: